منتديات غرام روايات غرام أرشيف الروايات المغلقة - لعدم إكتمالها رواية أحببتك فهل ذنبي هو حبي لك ! / بقلمي
صوت الملاك ©؛°¨غرامي جديد¨°؛©

السلام عليكم هذه روايتي اضعها بين ايديكم

اتمنى من الله عز وجل ان يوفقني لكي اكمل ما بدأته

هذه الروآية من تأليفي واتمنى ذكر اسمي الا وهو " فيـآفي"

نبدأ بسم الله

البـآرت الـآول 1

انا كيان عمري 18 سنة بنت عادية وحليوه مثل ما يقولون معلماتي بس مشاكسة شوية

عندي من الاخوان 2 يعني انا البنت الوحيدة في البيت واخواني وسام عمره 14 وعبد السلام عمره 11

نبدأ بأول يوم
صحيت من نومي لقيت الساعة صارت 8 صحت بصوت عالي

: يـآ امي تـأخرت على المدرسـة

لبست المريول وسرحت شعري ع السريع واخذت الشنطة من غير ما اتذكرت اني ما رتبتها على الجدول

لمن نزلت للمطبخ شفت امي و بدأت تناديني : كيأن توك تجلسين من النوم ؟
رديت عليها : ماما تأخرت على المدرسة !!
ردت امي : طيب ماتبين فطور

اشرت لها بمعنى لـآ

وصلت للمدرسة بعد جهدِ جهيد اول ما وصلت شفت المعلمة نعيمة ( المراقبة) تنتظرني وباين على ملامحها انها مستغربة

من تأخيري وبنفس الوقت معصبة وهي تقول : كييآن ليه متأخرة؟

احترت وش اقول لها لأنه ما عندي حجة لهذا الشيء

رديت وباين عليي اني متوترة : استاذة نسيت ما ضبطت المنبه

بدأت ملامحها تلين وقالت لي : طيب تفضلي على فصلك

فرحت واستانست ورحت ركض على فصلي بس استقبلتني المعلمة فوزية (معلمة الدين)

: حضرتك ليه تأخرتني ..< اف هذي المعلمة تدور الزلة مني حتى لو من تحت الارض

قلت لها : استاذة انا مريت على استاذة نعيمة وقالت لي تفضلي على فصلك

استاذة فوزية ما عرفت كيف ترد فقالت لي : طيب يالله على محلتك

جلست بمكأني وكانت جنبي صاحبتي واسمها نوره طيوبة وعلى نياتها ومرحة بس وقت الزعل ما تقدري تراضيها الا باليالله

فتحت شنطتي عشان اطلع مادة الدين انصدمت اني ما رتبت الكتب على الجدول شهقت شهقة خفيفة ومحد لاحظها الا نوره

قالت لي : وش فيك كيان؟

قلت لها : نسيت نسيت ما رتبت الكتب على جدول اليوم

قالت لي : والحين الكتب مترتبة على اي يوم؟

قلت لها وأنـآ خايفة وحسيت انو بيغمى علي : جدول يوم الاربعـآء

ردت وهي معصبة وكان ودي انه الارض تنشق وتبلعني : وينك خميس وجمعة ما رتبتي

حكيت راسي وانا منحرجة : مشغولة فبعض الاشياء شغل البيت بعد شنسوي

وانا اصلا وين شغل البيت عني ما اعرف غير اني اتابع الافلام و24 ساعة طقطقة ع النت

مرت الحصة الاولى على خير لاني جبت الدين والحصة الثانية كمان اما الحصة الثالثة بدأت وقفتي

على نسيان المادة واه يا رجيلاتي آلموني من وقفة الحصة بعد ما صفرت الفسحة جلست وماكان ودي اقوم من الكرسي

نوره وهي تهز فيني : كيانووه يالله قومي فسحة!!

رديت عليها : اولاً اسمي كيان مو كيانووه ثانيا ظهري تكسر حرام عليك بس شويتين ارتاح واجي لك بالساحة

ردت علي بعدم تصديق : طيب نشوف

انتهى البارت اتمنى يعجبكم =)

تحياتي

ميسوالدلوعه ©؛°¨غرامي فعال ¨°؛©

بدااايه موووفقه غلاي سجليني من متابعيينك

stael ©؛°¨غرامي جديد¨°؛©

روووايتك عذاب كمليها قلبووووو والحمد اني من ثاني متااابعيك ياغلاا

صوت الملاك ©؛°¨غرامي جديد¨°؛©

الروآية ح تنزل ايام العطل خميس وجمعة واربعاء

والبارت الثاني حنزله الليلة بإذن الله وإن شاء الله يعجبكم

تحياتي

فيـآفي

صوت الملاك ©؛°¨غرامي جديد¨°؛©

البارت الـثآني 2

قمت من مكآني والتعب مـآليني

نزلت لساحة شفت نوره جالسة لوحدهـآ تفطر و تتلفت يمين يسار وكأنها تنتظر احد

آه يا نوره تعبتك وحملتي آلآمي ولا مرة شكيتي لي عن حـآلك يـآ اني حاسة اني اهملتك

نـآظرت بهـآ وقمت اصرخ بصوت عـآلي : نواااارة

انتبهت لي وابتسمت واشرت لي عشان اجي لهـآ جيت لهـآ بهدوء وكـآنني ما بسوي لهـآ شيء

لمن وصلت لهـآ حضنتها وكأني ابيهـآ ما تفارقني الى الأبد

اشرت على الفطيرة الي ماسكتها وكأنها تبي تقول لي خنقتيني

بدأت تكح ومن بعدها قالت لي : حرام عليك بغيت اموت

رديت عليها : سلامات واذا متي بتخليني لوحدي

قالت لي : ياقوى قلبك الحين بدال ما تقولي لي بعد عمر طويل خايفة على عمرك تصيري لوحدك

قلت لها : ههههههههههه هذا قصدي حبيبتي بس تعرفيني ما اعرف ارد

بهذي اللحظات الي كنت اتكلم فيها مع نوره في نظرات تراقبنا بكل حقد وانانية

"سارة العيارة" مثل ما نسميها احنا بالمدرسة

سارة هذي صار لي عمر معاها وكانت صديقتي الروح بالروح لكنها خانتني

وسربت كل اسراري وصارو الطالبات يعرفون كل شيء عني وفي هذيك اللحظة صرت انطوائية

وما اثق في احد وماقدرت انسى سارة الا بعد مرور سنة وبالسنة الثانية تعرفت على نورة

وصرت اثق بها لكن مو الثقة العمياء التي كنت اثق بها سارة

مرو الحصص على خير والحمد الله المواد كنت جايبتهم الا بالحصة الخامسة وقفت

صفر الجرس يعلن نهاية الدوام

خذيت الشنطة والعباية اما مادة الحصة الاخيرة ما حطيتها بشنطة خليتها بيدي
ونزلت في الساحة لاني مالي خلق البسها بالفصل

جلست في كرسي الانتظار بساحة ولبست عباتي وكانت نورة جنبي

قلت لها : نوري

قالت لي : آمري !!

قلت لها : ابيك تجيني اليوم !

بدأ على وجهها علامات الاستغراب وردت وهي تقول: ليش شصاير؟

قلت عشان اطمنها : لا موب صاير شيء بس ابيكم تجون لي البيت نتجمع وكذا !

فجأة بدأت تضحك ولا عرفت السبب ولمن هدت نوبة الضحك قالت لي : الحين قروبات في ليلة الأحد

رديت وانا مو مهتمة : وش فيها ؟

تغيرت ملامح وجهها وبدأت تظهر عليها العصبية : كيييآنووه (وضربتني ضربة خفيفة على راسي)
اصحي يالمجنونة , تفكري كل الناس مثلك

رديت عليها وانا منقهرة من الي سوته : يوووه عـآدي تجمع بنـآت

" اوكِ ما في مشكلة بس متى؟" ردت علي نورة

فكرت شوي وبعدين قلت لها: وش رايك بالعصر

قالت لي : اوكِ (ناظرت الساعة) يالله مشينا لا نتأخر

لبست عبايتي وحملت شنطتي على كتفي والكتب بيدي باقية كمآ هي

في الشارع

بدأت اتكلم مع نوره وصوتي عالي

وااي ماني مصدقة انكُم بتجون عندي وأخيرا وأخيرا

نورة : ههههههههه
حسبت لها الي بيجون : انتي و حور و سمية ما اصدق انهُ يوم المنى

ردت علي بشوية استهزاء : لا يطيح نصك يا يوم المنى

وجهت نظري لها وانا اتكلم بصوت عالي : هذا جزاتي لاني اعزمك يا صاحباتي العزيزات مستانسة وفرحانة والدنيا موسعتنيـ......

فجأءة صدمت بشيء زي الصخر اي صخر اقوى من الصخر ومن الألم وهول الصدمة طاحو كتبي وبغيت اطيح معاهم لولا انه مسكني من كتفي

فتحت عيوني عشان اركز باللي صدمت فيه جسد عملاق .. طويييل .. متعضل

مقدر كيف اوصفه بس انا قدامه زي النملة الصغيره مسكت راسي وكأني بيغمى علي : اخ ياراسي

انت ما تشوف عدل ؟

نزل بمستواي وقال لي ببرود : اسف !

اخذت الكتب الي طاحو من غير ما اناظر فيهم ..

ونوره فاتحة فمها من الي صار ..

بعد ما اخذت الكتب ما اهتميت اصلا اني اعطي الكتب الي طايحين صاحبها الا وهو الي صدمت فيه

تعديته ومشيت واحس راسي بينفجر

ناظرت فيني نوره : عسى ماشر

رديت عليها وانا اصارخ : انتي ما شفتي اللوح الي صدمت فيه اخ ياراسي اخ

وصلت انا مع نوره بيتنا بيوتنـآ قريبة من بعضها ما تأخذ الا امتار قليلة

ودعتها ووصلت البيت وانا دايخة

واول ما دخلت الا بشيء مكور يرتطم برأسي والله هاليوم نحس

شفت اخوي عبد السلام القزم يضحك ويقول بشوية برآءة : ههه اسف

اما وسام متسدح من الضحك على شكلي

قلت بشوية هدوء واستغراب : لالا اليوم صاير شي مو طبيعي

وصلت غرفتي

حطت الكراسات مع الكتب وريحت جسمها ع السرير التفتت للكتب شفت كراسة غريبة

مو مثل اي كراسة استخدمها


نهاية البارت

اسفة البارت قصير لكن راح اخليه كذا الا اذا تفاعلتو معاي

الاسئلة ؟

الكراسة لها ولا لشخص ثاني ؟

بترجعها لشخص ولالا؟

تحياتي

فيافي

صوت الملاك ©؛°¨غرامي جديد¨°؛©

البـآرت الثـآلث 3 ..


هذا البـآرت هدية لـ متابعيني !

صرخت وانا مستغربة : لا يكون اخذت كراسته (صفعت خدي من الفشلة) يالله شلون اوديها له الحين

ما اهتميت بالكراسة الموجوده قلت بنفسي اكيد دراسات واكتشفنا و ..... بس جاني فضول مفاجئ و ابي اعرف وش مكتوب فيها

فتحت الكراسة قرأت اول صفحة :

الى مذكراتي

لا اعلم من اين ابدأ فـ بداخلي سر دفين لم افصحه لأي مخلوق

وهذا السر لايجب لاحد ان يعرفه وهو بأني احب ........

انفجعت انصدمت : لاااااااااااااااااااااا

كان الاسم مخطط عليه ومو واضح

رجعت لوعيي وقلت : ههههه اصلا ما يهمني انا ما اعرفه وهو ما يعرفني

حطيت الكراسة بدرجي الخاص

رحت اتروش وسرحت شعري وجعدته من ورى (بعد مالي خلق استشوره)

رن جرس الباب

فتحته انا شفت حور وسمية وامهاتهم واقفين عند الباب

سلمت على مرت عمي ام رضوان (ام حور)و عمتي وام علي (ام سمية)

سلمت حور علي سلام حااار : هلا والله بالقاطع يالي ما تنشافين

رديت عليها : ههه هلا بك

سمية : ما بغينا نشوفك كيانوووه كل هذا دراسة خبري انك مب دافوره؟

قلت لها بصوت اقرب للهمس من باب المزح : كلي تبن

حور : تقرب لي بنت عمي واصغر مني بسنة يعني عمرها 17 حليوة بس اوقات تسوي حركات اولاد بس ما نقدر نقول عنها عربجية

ولأنها تدرس بمدرسة ثانية غير الي ندرس فيها احنا ما نشوفها الا بالمناسبات واذا بدون مناسبة بطلعة الروح تجي

سمية : تقرب لي بنت عمتي وحور كمان تقرب لها بنت عمتها على قدّي 18 سنة طيوبة وقلبها ابيض بس دفشة خخخ

قربت مني ام رضوان وهو تقول :كيان وين الماما؟

"ماما لالا ذول يفكروني بعدي صغيره" : تفضلو وانا بناديها !

جلسو بغرفة الجلوس وانا صعدت لفوق انادي امي

: يمممممه ..

دخلت الغرفة كـ الصاروخ الي نط من القطب الجنوبي الى امريكا الشمالية .. يعني تعرفون حجم المسافة

:كيان ووجعه اذا بتدخلين دخلي بأستأذان

: عمتي ام علي ومعاها مرت عمي ام رضوان تحت

ردت علي : خير يعني , انتي وين دخلتيهم ؟

: وين يعني بغرفة الجلوس ..

طردتني امي طردة محترمة وهي تقول : يالله هش نزلي تحت

طلعت من غرفتها لـ غرفةالجلوس سحبت حور وسمية عشان اخلي الحريم يسولفون على راحتهم

صعدتهم لـ غرفتي .. سمية جلست على السرير و حور على الارض وانا على الكرسي

قالت حور : اقوول انتي وياها تواضعو وجلسو على الارض يالله اشوف

جلسنا وسوينا حلقة في جلستنا : بقولكم شيء

حور وسمية : شنو ؟

رديت عليهم : نوووويــــر

حور وسمية : ايـــــــه

قلت لهم وانا مستانسة : بتجي الحين !

حور ما عرفت كيف تعبر عن فرحتها بدأت تقول : وسيلتم شمل الشلة من جديد

ردت سمية عليها : ههههههههههه احلى يالفصحى

سمعت طق الباب فتحته الا هو عبد السلام قلت له : شنو تبي؟

رد علي : ابي اشوف وش تسوو

قلت له : احلف ياشيخ

قال لي بأسلوب ينرفز : اذلفي ياشيخة

توي بهفة بالجزمة بس ما حصل لي لأنه هرب

رجعت مكانتي قالت لي حور :منو ذا؟

قلت لها : سلامووه الدفش

قالت لي : انا اوريك فيه اذا جـآ

اذا بدق الباب مرة ثانية فتحت حور الباب وهي تصرخ : يالخبل انت لمتى بتتعلـ,,,

الا بصوت عالي : عمى !

حور و بصراخ خفيف : نواااااااااااره نوووووووووير نوووووووووور اسفة فكرته عبد السلام اخو ذي (واشارت علي)

نورة : مرة ثانية اذا بتفتحي الباب فتحي عيونك ويا الباب زين

حور بدلع مو لايق عليها : آسفــ..ـة

سمية وأنـآ : ويييييييييييع

نوره : هههههه خلاص حور لوعتي كبدي

حور حست بأحباط : يعني مو لايق عليك

نورة : لالا مو على انو مولايق عليك احنا ما نحبك على دلعك بالعكس خلك رجة خلك فري

صرخت سمية كأنها في مظاهرة : نعم لرجة نعم للفري ههههههههه

كلنأ : ههههههههههههههههههههه

سمعنا دق الباب من جديد فتحته انا شفت عبد السلام فاتح عيونه اقصى ما عنده و مستانس

قال لي : كيـــآن انا احبك

مسكت خصري وقلت له : وش هالحب الي نزل من السماء فجأة

عبد السلام قام يصارخ : احبك لأننـآ بنروح البحــر

قـآمو البنـآت من مكـآنهم وسمية تقول له : أرجو الإعادة لاني ما سمعتك

عبد السلام قام يصرخ اكثر من كذآ : بنـروح البحـــــــر

قالت له نورة : ومن قالك ؟

من بعدها حور : ومن خبرك؟

عبد السلام : عمتي ام علي ومرت عمي ام رضوان وامك انتي (يأشر على نورة) قامو يهذرو قامو يهذرو وبتكلمو

قلنـآ جميع : الزبــــدة ؟

عبد السلام : بعدين عمتي ام علي قالت لهم اننا نبي نروح البحر جميع وامك وامك وامك (وهو يأشر علي وعلى نوره وحور) وافقو

البنات بدأو يصرخو وبعدين هدتهم نورة : لحظة لحظة الكل يعني حتى البنات و الاولاد والرجال وحتى زوجة اخوي بتروح معانا؟

عبد السلام : ؟؟؟؟

صفعت نورة على رأسها : وهو وش عرفه بزوجة اخوك


نهاية البــآرت

صوت الملاك ©؛°¨غرامي جديد¨°؛©

البـآرت الرآبـ4ـع ..

تمت التجهيزات لرحلتنا للبحر ..

فبيت (ابو وسام) < ابوي :)

جهزت ملابسي لأني يمكن اسبح وخذيت عباءة الكتف لاني ما ارتاح بعباءة الراس خصوصا في البحر

اما وسام وعبد السلام ما خلو شيء في البيت الا وخذوه وحطوه بالشنطة

نزلت تحت بعد ما خذيت لاب توبي لأني من النوع الملول يمكن اتسلى به في البحر

شفت الهوايل لمن نزلت شنطة وسام وعبد السلام ممتلئة ومافي مجال نحط اي شيء

صرخت مرتعبة : شنو هذا؟

وسام وهو يبتسم : اغراضنا !

من هول الصدمة مسكت راسي امثل اني دايخة واقول : انا هالشنطة كفتني (وانا اأشر على شنطتي )

وسام : وش فيك عـآدي؟

خذيت الشنطة وافرغت ما فيها الي يحتاجوه حطيته والي ما يحتاجوه خليته على جنب

وحطيت الشنطة على كتف عبد السلام وقلت له : يالله روح حط الشنطة في السياره

ركبنا السيارة انا ووسام وعبد السلام وامي وابوي

ابوي قال لنا : هـآ مانسيتو شيء

رديت عليه :لا كل شيء خذيناه معانا

امي قالت : متأكدين

وسام وعبد السلام : متـــــــآكدين

ابوي : على بركة الله مشينا


...............

فبيت ابو مالك ..

نعرفكُم على العائلة

ابو مالك ..

ام مالك ..

مالك 27سنة .. متزوج وزوجته اسمها ميرفت 22 سنة وعندها بنت اسمها فاطمة عمرها سنة ونصف

نوره (سبق تعريفها خخ ) , ضياء 11 سنة (يعني قد اخوي عبد السلام)

مالك وهو نازل من الدرج حامل فاطمة

نورة صرخت : فطوووم يا بعد عمتها ! تعالي

مالك : والله هالفطوم ذي ما خلتنا ننام امس , كل شوي تبكي !

نوره : عااادي بنية وتعبر عن مشاعرها (توجه الكلام لفطوم) صح عميمة ؟

ميرفت نزلت من بعد مالك : صباح الخير نورة !

نوره تبتسم : صباح الانوار ..

مالك دخل المطبخ وهو يقول لأمه : ها يمه خلصتي ..

ام مالك : تعال تعال مالك خذ هذي الشواية وحطها بالسيارة حقتك لان سيارتنا اتوقعها ما بتكفي حق الشواية

مالك : ان شاء الله !

اخذ الشواية وحطها بسيارة اخذ فطوم من يد نوره : خلاص بنمشي الحين !

نورة : يو تعالو معانا

مالك : تعالي انتي ؟

نورة : دقيقة اقول لأمي

راحت لأمها بالمطبخ وقالت لها : يمه بروح مع مالك عادي؟

ام مالك : ما بتأخذي ضياء معاك؟

نوره : لالا خلوه معاكُم لاني يمكن اخلي كيان تجي معانا

ام مالك : على راحتك

نوره : مع السلامة

اتصلت نوره علي !

هلا كيان

هلا بيك ..

بمر عليك بسيارة اخوي مالك طيب

اممم اوكِ

يالله مع السلامة

مع السلامة

ركبت سيارة مالك وقالت لمالك يمر علي

وصل لعند بيتنا ودقت علي عشان اطلع ركبت معاهم

وبعدين فجأة شفت مالك وقف قالت نوره : شسالفة؟

وتفاجئنا اكثر لمن نزلو مالك مع ميرفت من السيارة وصارت ميرفت معانا ورى

اما مالك قام يدق باب بيت قريب من محل وقوفنا

قلت لها : ليش؟

ميرفت : لا بس اخوي بيجي تبيه يركب جنبكُم

نوره ارتاحت : أها فكرت البانزين خلص بنص الطريق

رديت عليها : فال الله ولا فالك اذكري الله

نوره : ماشاء الله ماشاء الله

ولمن ركب السيارة انصدمت انا مع نوره ..

بس يعني ما اظهرناها قدام ميرفت ولا كان انفضحنا

بعد ساعة ونصف وصلنا البحر ..

شفت عائلة حور وسمية موجودين هناك سلمنا على الحاضرين وجلسنا ..

شفت اخت حور ( وداد ) : هلا وداد شخبارك؟

وداد : تمام الحمد الله انتي شخبارك؟

انا : دامك بخير انا بخير


وداد : اخت حور عمرها 15 سنة حليوة وهادئة بس وقت النذالة تنسى نفسها


بعد فترة سكوت تكلمت انا عشان اقطعه : هـآ بنات جبتو عبايات الكتف

سمية و حور ووداد ونوره : ايه جبنـآ

يالله البسوها نبي نطلع طفشنا ترى

وداد : ايه والله ..

لبسنا كاباتنـآ وطلعنـآ وكل وحده تدز الثانية عشـآن تطلع قبـل .. وطلعنـآ صوت قوي من الضحك

جـآ لنـآ مالك وهو يقول : شفيكُم؟

ردت عليه نوره : نبي نطلع بس خجلانين ..

مالك : امـآ عاد , تعالو معي بس كذا امرركُم وبعدين اخليكُم

هزينا رؤوسنا بالإيجاب

طلعنـآ برآ وبعدين تركنـآ جالسين على البحر ..

بدأت بالكلام انا : اقول بنات انا جبت لاب توبي وش رايكُم نشغل اغنية نبيل شعيل (يادار لاهنتي)

سمية : ايه والله روحي جيبيه

جبته وقالت لنا وداد : شرايكم بنات نبعد عن بايكتنا عشان ما يلاحظونا الرجال

قلنا : اوكِ !!

مشيت واللاب توب بيدي واذا بواحد يركض ركض سريع ويأخذ اللاب توب من غير ما احس ..

صرخت بصوت عـآلي : يالحرآمـــــي

وركضت ورآه ومن سرعتي طاحت اللثمة و وطحت معاها طيحة قوية وقمت ابكي لاني حسيت رجلي تكسرت وتفتت العظم من قوى الآلم

طلع شخص من البايكة حقتنـآ وصرخ بـأعلى صوته هي انت وقف وسرع بـأعلى ما عنده

انا ما انتبهت له لأن رجلي راحت فيها والبنات جو لي بعد ما طحت والتمو وغطو علي


نهاية البارت

Jumana. "كن مع الله يبقى كل شيء معك"

حمـــــاس كمليها ^_^

ليمونة حامضة ©؛°¨غرامي مشارك¨°؛©

^^ أهليــــــن ^^

واااااااو روايتك خوقاقية (( أحسن شي كيان وه فديتها )) =$

بانتظارك

صوت الملاك ©؛°¨غرامي جديد¨°؛©

جمـآنة : لبى قلبتس أنـآ وتسلمينّ على تشجيعكَ ليـآ

ليمونه حـآمضة : تسلمين هبيبتي من ذوقتس

لبـآرت الخـآ5ـس ..

أنا لي جزء من الرواية خلوني اعرفكُم على نفسي

علاء عمري 23 أدرس بالجامعة ..

خذتني اختي ميرفت بعد ما اتصلت علي للبحر معاها .. بس حبيت اغير جو فـ رحت

جلست مع الشباب ..

وتعرفت عليهم اول واحد

رضوان يدرس معاي بالجامعة حليو وطيوب وساعات يطيح الميانة

علي عمره 19 سنة في أول جامعة هادئ و حبوب معانا

اما الباقي سبق التعريف بهم

كنت اسولف معاهم ومندمج حيل بسوالف بس لمن نادتني ميرفت عشان اخذ فطوم بنتها

سمعت صرآخ وحده من البنات ومن شكلها عرفت انها وحده من اهل مالك

سرعت لها شفتها تركض وطـآحت فجـأة فـ رحت لشخص الي تركض معاه وأنـآ معصب (لأن فكري رآح لأخت مالك)

مسكت الشخص من ملابسه وقلت له بحده : وش مسوي مع البنت هـآ؟

رد علي : انت وش دخلك ؟

عصبت لآن بدأ يتمادى بكلامه : يا سلاااام , قول وش مسوي مع البنت ؟

قال لي وكأن بيطلع لي هالشيء : تبي تعرف وش سويت مع البنت , خذ !

صفعة آليـــــمة ! نزل الدم من أنفي

وصفعني مره ثانية وانجرحت جنب فمي .. لآلآ الولد تمــآدى

خذيت منه الشنطة وقبل ما يضربني رميت عليه الرمل

رجعت للبنـآت الي متجمعين عندهـآ وقلت وكأنه مو صاير شيء : تبكي على هذآ (ورفعت الشنطة لفوق عشان تشوفها)

ردت وحدة من البنات : لا هي ما تبكي اتوقع انكسرت رجلها او انكسر كاحلها

بعدو البنات عنها شوي شوي حتى قدرت آمر عشان اشوف وش فيهـآ وأول ما شافتني تلثمت بسرعة ومسحت دموعها ..

سألتها : انتي بخير؟

قالت لي بصوتها المبحوح : أيه

: طيب يالله قومي !

حـآولت تقوم لكنهـآ ما قـدرت قربت وحده من البنـآت جنبها عشان تساعدها لكنها ما قدرت حتى انها تزيح من مكانها

قربت جنبها اتفحص رجلينها مسكت رجلها اليمين وضغطت عليها وقلت : تـآلمك !

قالت : لا ومن بعدها مسكت رجلها اليسار من غير ما اضغط عليها صرخت : آه

رفعت حاجبي مستغرب : شكله كسر مضاعف

حاولو البنات انهم يقوموها لكنهم كلمآ تأوهت يبعدون ( بنـآات يخـآفون من كل شيء :) ههه)

قلت للبنـآت مـآفي الـآ حل وآحـد

ردو كلهم : شنو؟

حملتها بيدي مثل الطفل الصغير وهي بيدها ظهري وباليد الثانية مسكتني من رقبتي

وكلما ركضت تحفر رأسها من الألم في صدري وتصـآرخ

والبنـآت الي كـآنو معاهـآ يمشون معاي : انتبه لآ تألمها

نهـآية البـارت

عارفة انو قصير بحـآول إن شاء الله كل يوم انزل لكُم بـآرت بإذن الله

ودي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1