غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 10-03-2011, 07:56 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


اقتباس:
المشاركة الأساسية كتبها ms.gentle women. مشاهدة المشاركة
اها فهمت

بدايه موفقه يارب

يعيطك الف عافيه على الجهود الطيب

ودي واحترامي

تحياتي
حبيبتي يسعدني انك فهمتي
والله يعافيك
منوره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 10-03-2011, 07:58 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


اقتباس:
المشاركة الأساسية كتبها **&رنو&** مشاهدة المشاركة
لالالالالالالالالالالالالالالالالالالالالالالالا
ما اقدر انا قلبي منزله رواية وانا اخر من يعلم والله ازعل <<<يقال مب عارفة اليوم منها
والله تحمست
رواء اظن اسمها كذا عجبتي اجل الحب غباء خخخخخخخ والله البنت مطنشة على الاخر
يزن خخخخخخخخخخخخ تفشل مره مسكين
بانه وه فديتك انا والله يا عسل تعجبني
دانة والله ضعيفة مررره وطيبه
مدى ههههههههههه هذي سكرانة<<<اشوا ما جبت لك خطيبي إلي يضحك
اممممممم
يوسف <<وجع يوجعك يا احول يقال سوت مصبية البنت وجع يوجعك انت وجدك عساكم بالشلل النصفيي الكامل يا رب اسمع خبركم واحضرعزاكم بلاش انت الصراحة حبييتك بس جدك
اما سلطعون ما حبيته مرررررررررررره ما اعرف ليش
اما مقعد وش ذا الاسم قسم بالله احس تمزحين بس والله حبيته خخخخخخخخخخ
اقول ما ودك ندفن الجد و نصلي عليه وناكل رز بحمص بالعشاء ولا شنو رايك؟؟؟!
ترى حدي مستعجلة على موت المتسلط وجع يفكرني بمنو بمنو يا رب يله رنو تذكري
افففففففففففف والله نسيت خخخخخخخخخخخخخخ<<ما علي شهره عجوز صاقك الـ16000<<<< يا النصابة من غير اصفار

كثرت هرج <<<عادي كيففي <<<وجع فشله <<<ما عليك قلب رنو ورحها راضية <<<الله ياخذك سكتي <<<<طيب
هذا الحوار دار ما بين هدوئي وكثر الكلام خبببببببببببببببله


سلام
هههههههههههههه فديت اللي يدخلون ويتعليقهم فديتهم والله
والله وانا اقرا تعليقك مت ضحك يا حبي لك
ان شاء الله دوم هالطله يا قمر على صفحتي وتنورينها يا حبي لك
ودي لك يالغلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 10-03-2011, 08:00 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة



راح ارد على باقي الردود ان شاء الله مع ردود هالبارت
&&&&&&&&&&&&&&&&
توأم لكن انا غير ومالي مثيل وراسي عنيده
&&&&&&&&&&&&&
البارت الرابع
&&&&&&&&&&&&&&&
نروح للجو وفوق الغيوم والسماء
في الطياره
جالسه في كرسيها ومعاها كيس و تستفرغ وتحس بان بطنها يعورها
البنت:حسبي الله عليك ياللي تسوق الطياره يا نحيس آه آه آه آه آه آه يا بطني يا جدتي آه يا عمي ياربي صرت أخربط
ضغطت الزر لاستدعاء المضيفه وجات:نعم كيف استطيع مساعدتك (طبعا بالانجليزي)
البنت:اووووف وش تقول ذي ابغى حبوب رأس
المضيفه وهي ما فهمت:نعم
البنت:يا دلخه اقولك حبوب رأس يا ربي وش هالبلشه ما تفهم
المضيفه:لم افهم
البنت صارت تتلفت يمكن تشوف وجه احد خليجي أو من العرب وانتبهت على اللي وراها:الاخو خليجي
الشاب اللي وراها دلوع طبعا ورقيق:نعم أمريني
البنت:قل لها ابغى حبوب رأس
الشاب الخليجي:من عيوني...وبدا يقول للمضيفه
البنت بهمس:جعل عيونك البط ...وصارت تطالع شكله كان الشعر سبايكي والبلوزه ورديه ومبين عليه انه ناعم
البنت:استغفر الله
الشاب:تأمرين شي ثاني يا عيوني
البنت:ما اخبر فوزيه الدريع عندنا هنا
الشاب:نعم وش قلتي
البنت:أقول اللي يعين أمك على اللي جات به
الشاب ما فهم بس بلقافه :عفوا أختي الاسم
البنت عصبت بروحها مصدعه والحاله زفت وحطت حرتها فيه:ليه الأخ بيخطبني وآنا ما ادري
الشاب استغرب من عربجتها:لا بس نتعرف
البنت:تعرفت عليك الجنانوه و السكون ما باقي إلا هذي انا أتعرف على مايع
الشاب:احترمي نفسك
البنت:انا سجيه بنت عليان تقولي احترمي نفسك والله هزلت الفير أند لفلي يعلمني الاحترام
جات المضيفه ومعاها الماء والبندول
وخذتهم سجيه وعطت الشاب نظره وتعدلت في جلستها وهي تتحلطم عليه

&&&&&&&&&&&&&&&&&

بعد ما طلعوا الحريم والبنات من الصاله استأذنوا الشباب وطلعوا الحديقه وأول ما جلسوا
يزن بحماس:شفتوها ههههههههه والله مب هينه
مازن:ايه والله احنا ظنيناها مثل دانه ما لها صوت
يوسف:إلا هذي يبغى لها تكفيخ بس طراقين و تتعدل
مقعد:ليه وش مسويه البنت
يوسف بعصبيه:ما شفت كيف تكلم عمي صالح وأبوي (يقصد الجد) تكلمهم كأنهم اصغر عيالها
لافي:يا أخي يعني وش تبغى منها لا تنسى انها عاشت عيشه غير عيشتنا يعني سلومها غير سلومنا
يوسف:ولو المفروض قدام الكبير تنطم وتنزل عيونها في الأرض
مقعد:يا أخي لا تحر عمرك ما له داعي هالكلام وبعدين احنا مالنا دخل جدي يعرف يتفاهم معاها وأنت سمعته لما قال بنبدا صفحه جديده
معاذ:هو صادق البنت مع جدها يتصافون احنا وش لنا بعوار الرأس
الكل كان يتكلم ويناقش إلا هو كان يطالع الكل وهو ساكت لأنه تعود على انه ما يدخل نفسه في أمورهم من هو أكيد نادر ما كان له أي صوت كان مجرد متفرج

&&&&&&&&&&&&&&

بعد ما جلسوا فتره مع الكل
دانه وقفت:يله عن أذنكم بطلع انا و بانه فوق نرتاح و نسولف شوي لحالنا
مدى:اييييييه من لقى أحبابه نسى أصحابه
أسير:و عطاهم اكبر طاف بعد
دانه بابتسامه:هذا أنتي قلتيها ...ومشت وهي ماسكه يد بانه وقبل ما يصعدون الدرج صادفوا يوسف اللي كان ناوي يصعد فوق يغير ملابس الشغل اللي لحد الحين ما غيرها وطبعا مثل ما قلت لكم من قبل يوسف عايش ببيت الجد بس هو وإخوانه وأمه دور لحالهم طالعته بانه باستخفاف من فوق لتحت بشكل سريع وصعدت مع أختها
أما يوسف كان النيران شابه عنده ويشتم ويسب

&&&&&&&&&&&&&&

نطلع من بيت الجد ونروح لبيت كبير ما يسكنه إلا ثلاثه
قاعد وراء مكتبه ويشتغل وسمع طق الباب
يامن:تفضل
دخلت بنته وهي مبين عليها الزعل
يامن:وش حبيبة أبوها زعلانه
سوسن:وش فيني في غيرها ذيك المعلمه الملعونه مكرهتني في الدراسه
يامن:قصدك معلمة الرياضيات
سوسن بكذب:يبه أصلا انا ما سويت لها شي هي وحده تتسبب على الكل
يامن:لا تقولين ما سويتي لها شي لاني أبوك وأعرفك
سوسن تورطت لان أبوها يعرفها عدل:بس انا رديت عليها لما هي غلطت علي
يامن:وبعدين مع هالمعلمه القلق خلاص انا أشوف وش اقدر أسوي وأتصرف
سوسن:يبه خلها تدخلني الحصه ولا ترى كذا برسب
يامن في نفسه:يعني اللي يسمعك يقول مقطعه الكتب وبابتسامه:خلاص يا عيون أبوك انا أتصرف مع معلمتك هذي
سوسن بابتسامه باست أبوها :تصبح على خير
يامن:وأنتي من أهل الخير
طلعت من المكتب مبسوطه وفي نفسها متوعده للاستاذه هبه انها طلع عيونها
بعد ثلاث ساعات خلص شغل وطلع من المكتب وصعد الدرج وراح على غرفة بنته يتطمن عليها انها نامت قبل ما يروح ينام وبعد ما تطمن عليها راح لغرفة ولده ثامر وبعد ما تطمن عليه راح لغرفته وهو يفكر في معلمة الرياضيات وكيف يتصرف معاها
دخل غرفته وخذا له شور وانسدح على سريره وتذكر زوجته وتذكر يوم راح لها المستشفى
دخل غرفتها ويطالعها بقرف:يقولون تعبانه هذاني اشوفك مثل الحصان ما فيك شي
ليلى:يامن
يامن:لا تنطقين اسمي على لسانك واخلصي ليش طالبه تشوفيني مو طلقتك وخلصنا
ليلى:يامن والله...
يامن:لا تحلفي وتقولين ما تعرفينه صورك يا الفاسقه جايه لمكتبي
وقرب ومسكها من يدها وهو راص على أسنانه:احمدي ربك ما ذبحتك واسمعيني زين لو اشوفك متصله على عيالي أو اسمع بس انك متواصله معاهم والله لأقطع خبرك فاهمه يا حيوانه
ليلى:إلا عيالي...
قاطعها يامن:أنتي وحده مو كفوا تكونين أم ويا ويلك لو اتصلتي مره ثانيه
وطلع وخلاها في نوبة البكاء والندم لأنها فرطت في بيتها وعيالها علشان شوية كلمات حب انقالت لها في وقت بعد فيها عنها زوجها بسبب أشغاله
رجع للحاضر وهو يحس بضيق :الله يأخذك كرهتيني في كل شي
وغمض عيونه ويحاول ينام
(أعرفكم بيامن:رجل معروف وعنده واسطات مطلق زوجته اللي خانته ومن بعدها كره الحريم وصارت نفسيته لا تطاق ويدلع عياله ويحاول ما يخلي احد يضايقهم علشان يعوضهم عن امهم
عياله
سوسن:تدرس في مدرسة هبه وهي بثاني متوسط بنت ما تحترم احد وتشوف الناس من طرف عين وشايفه نفسها
ثاني عياله ثامر ولد عمره سنتين )

&&&&&&&&&&&&&&&&

في مطار ألمانيا نزلت من الطياره وهي تتحلطم
وهي تمشي ضربت فيه رفعت راسها تعدل النظارات
جاسم:sorry
سجيه:سوري في عينك ول عليك جدار مو بني ادم
جاسم:الأخت عربيه
سجيه:لا فلسطينيه
جاسم:خلاص قلنا آسفين
التفت للصوت اللي يقرب منه:وين رحت
وطالع البنت اللي تكلم جاسم
سلطان:أنتي
سجيه:لا خيالها
سلطان:استغفر الله ياربي
سجيه:ليه شايف دراكولا قدامك
جاسم توه يفهم:لا يكون طرزان ههههه ههههههههه
سلطان تركهم ومشى والبنت طالعت جاسم اللي يضحك وتحمدت لربها وتركته يضحك وهو يحاول يلحق سلطان
طلع من البوابه ووقف تاكسي وجاسم جاه:هذي هي
سلطان:ايه هذي هي مو لسانها طويل
جاسم:ما شاء الله مجهزه الاسلحه على طول تطلقها
سلطان :أقول لك لسان منشار اللهم يا كافي
جاسم:ههههههههه
سلطان طالعه وتركه وركب التاكسي وجاسم ركب معاه ومشوا للفندق

&&&&&&&&&&&&&&&

في البيت الكبير
جالسه تتفرج على غرفة أختها
دانه:ها وش رايك
بانه:حلوه غرفتك هاديه مثلك
دانه:ههههههه فديتك والله يا أختي
جات بانه وجلست مقابله أختها
دانه:ليه صبغتي شعرك
بانه:مليت من الأسود
دانه:انا ما أفكر أغير لونه ابد بس تدرين الأشقر والبني حلو عليك
بانه بغرور:أصلا انا كل شي فيني حلو
دانه:هههه ما نقدر على المغرورين
بانه:تذكرين أيام قبل لما كنا مع بعض
دانه بحزن:ايه اذكر
بانه:قبل ما يتوفى أبوي ويفرقنا بابا نويل(تقصد الجد)
دانه:بانه والله ما ارضى عليه محد رباني غيره
بانه:أنتي ما ادري وشلون عقليتك تحبينه وهو اللي فرق بينا ولا نسيتي يوم كان عمرنا 7 سنوات ومات أبونا وجاء وكان بياخذنا احنا الثنتين من أمنا بس بعد ما هدته أمي انها بتعلم عليه انه متزوج على جدتك قرر انه يخلي وحده منا ويأخذ الثانيه وراح يخلي أمي تتزوج بدون ما يتدخل في حياتها ولا نسيتي
دانه سكتت ورجعت بذاكرتها لما كان عمرهم 7 سنوات بعد وفاة أبوهم وبعد ما طلعت امهم أيه من العده جاء الجد البيت
الجد وهو جالس في المجلس ومعاه صالح وصافي وأيه كانت متغطيه
الجد:انا جيت اخذ البنات وأربيهم في المكان اللي المفروض يتربون فيه
أيه وقفت بعصبيه:هذول بناتي انا وما راح اسمح لأي احد يأخذهم
الجد:عطيني البنات بطيب لاستخدم معاك أسلوب ما تحبينه
أيه:انت تهددني
الجد:ما قدامك إلا خيارين يا انك تعطيني البنات أو انك تتزوجين ولدي وبناتك يتربون وسط حضنك
أيه طلعت عيونها كيف يفكرون يزوجونها ولدهم وهي توها طالعه من العده صدق ناس ما ترحم
ايه:ممكن نقعد على انفراد
الجد:في شي قوليه ما له داعي الانفراد
أيه:لا انا متأكده ان له داعي ممكن
الجد التفت لعياله واشر لهم وهم طلعوا
الجد:قولي وش عندك
أيه:ما عندي غير إني راح ارفع سماعة التلفون واتصل على زوجتك وأقول لها عن السر الدفين
الجد تغير لون وجهه:وش قصدك
أيه:قصدي بناتي أنساهم وأنت عارف انا عن ايش أتكلم عن المصريه اللي متوجها على زوجتك
الجد:شلون عرفتي
أيه: وشلون عرفت هذا شي يخصني
الجد سكت يفكر هو يعرف أيه ويعرف نوعيتها من الناس
الجد:بأخذ وحده واخلي عندك وحده
أيه:وش اللي يخليني أعطيك وحده من بناتي ها
الجد:أكيد أنتي ما تحبين انك تظلين كذا طول عمرك من دون زواج و خاصه انك توك صغيره وحلوه يعني أكيد بتعيشين حياتك وآنا ما راح أتدخل في حياتك ولا في أي شي بتسوينه في المستقبل بشرط تعطيني وحده من التوأم
ايه بتفكيرها الأناني:بس..
الجد يقاطعها:لا بس ولا غيره ها اخذ وحده من البنات ولا عاد احد منا يشوف الثاني ولا تفضحيني وتصير مشاكل وآنا اخذ البنتين وأحرمك منهم ثنتينهم
أيه :انا موافقه
وفعلا اخذ الجد دانه وقطع كل وسائل الاتصال فيها بس عمرها ما نست أختها وكانت دائما تقول لجدتها انها تبغى تشوف أختها وكل ما تكبر تزيد إصرار في طلبها لحد ما جاء يوم وكانت دانه بثالث متوسط وجاتها الجده وعطتها التلفون ولما كلمت تفاجات بأنها بانه ومن ذاك اليوم ظلت متواصله معاها وصارت بانه تشوف دانه بأنها تجي لها في الثانويه في اجتماع الأمهات أو تزورها ولأنهم توأم كان التفريق بينهم صعب لحد اللحظه هذي
بانه:دانه وين رحتي
دانه وعيونها دموع:كلهم مشتركين مو بس جدي
بانه:ادري حتى أمنا المفروض تحمينا ضحت بوحده منا علشان تضمن انها تعيش براحه في المستقبل وتتزوج وتتمتع
دانه وهي تمسح دموعها:الماضي راح يا بانه والحين احنا في الحاضر
بانه:معاك حق بس الماضي اليم
دانه:مع بعض بيكون المستقبل أحلى
بانه بابتسامه:يا حبي لك إذا تكلمتي بتفاؤل والله اتفائل معاك
دانه:وهذا المطلوب
سكتوا بعدها
دانه:أقول بانه
بانه:همممممممم
دانه:أنتي بتسافرين بعد بكره
بانه:ايه لان الدراسه بعد ثلاث أيام ولازم أكون حاضره قبل الدراسه بيوم
دانه:اها بس...وسكتت
بانه باستغراب:بس ايش
دانه:انا بقول لك اللي سمعته
بانه باهتمام:ايش سمعتي
دانه:سمعت جدتي وعماتي يقولن ان جدي ناوي يخرب عليك ما يخليك تسافرين وهو يعني خلاني طعم علشان يجيبك هنا
بانه:اها انا قايله بابا نويل من متى عنده كرم ولا طيبه
دانه:انا أسفه والله ما ادري انهم ناوين يسوون فيك شي
بانه:لا تخافين انا أصلا توقعت والسفره بإذن الله ما راح تطوفني
دانه:شلون
بانه:كل شي بوقته حلو
دانه هزت راسها وسكتت والخبر اليوم بفلوس بكره ببلاش

&&&&&&&&&&&&&&&&&&&



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 10-03-2011, 08:02 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


أشرقت شمس الصباح
صباح الخير بسعادة عصفور أقصى امانية
ان يكون نهارا سعيدا مشمسا ليغرد بأحلى الأنغام
صباح الخير بعبير زهور في يوم مشرق حافل
صباح الخير بهدوء الريف الأخذ وبصخب المدينة الممتع
قامت وصلت الفجر وصارت تستعد علشان الشغل

أسير اللي قامت من إزعاج أختها:اووووف هبوه بسك إزعاج
هبه:يله قومي شوفي الساعه كم قومي صلي والبسي ولا ناسيه ان في مدرسه
أسير:اووووف منك
هبه:قومي لا اعلم أمي عليك
أسير:لا خلاص قمنا ...قامت ودخلت الحمام (أكرمكم الله) وهبه نزلت تحت

&&&&&&&&&&&&&&&&&

في دور ثاني وغرفه ثانيه
بانه بااااااانه يله قومي
بانه فتحت عيونها بكسل:همممممممممم وش تبغين
دانه:حبيبتي قومي الساعه 6 وربع يله قومي صلي ما صليتي وانزلي افطري الكل تحت
بانه:حرام عليك في احد يقوم 6 الصباح
دانه:ههههههههه ايه هذا النظام هنا يله
بانه وهي تقوم :طيب طيب بس علشان خاطر عيونك يا حلوه
دانه:ههههههههه لا انتي شكلك مضيعه ههههههه
بانه ابتسمت وراحت تتوضى
ودانه خافت تستناها وتتأخر على جدتها وعلى تصليح القهوه لها ولجدها فقالت بصوت عالي:بنو حبيبتي انا نازله وأنتي ألحقيني اوكي
بانه:وهي تطلع من الحمام(أكرمكم الله)و ليش ما تستنيني
دانه:لا جدتي تحت ولازم أكون معاها بالمطبخ
بانه:طيب بس إذا ضعت أنتي تحملي النتيجه
دانه:هههه لا ما راح تضيعين أنتي بس انزل الدرج و بتشوفين الصاله وعلى الجنب المطبخ
بانه:طيب
دانه قبل لا تطلع:ولا تنسين تتغطين
بانه:ليه
دانه:أنتي نسيتي ان عماتي وعيالها بالبيت
بانه:اها طيب ما شي
طلعت وخلت أختها تصلي
نزلت تحت ولقت جدتها زي العاده تصرخ على الخدم وهي تضحك عليها وعلى كلامها معاهم

&&&&&&&&&&&&&&&

في بيت الطيبه
معوذي معوذي
معاذ:ها حبيبتي
غصون:معوذي اصحي لا تتأخر على الشغل
معاذ طالعه زوجته وابتسم:يا حلو هالصباح والله
غصون:هههه اشوفك رايق
معاذ:كيف ما أروق وآنا مصبح على أحلى وجه
غصون:أقول قوم لا تتأخر بعدين عمي صافي يزعل
معاذ:بقول اعذرني يبه كنت اكلم الهواء اللي أتنفسه
غصون:لا تحط اللوم علي انا ما لي شغل
معاذ:ههههه انا أصلا كل ما تأخرت قلت لأبوي ان أنتي السبب
غصون شهقت وضربته على كتفه:يا ويلك من ربي ليه تكذب
معاذ يسوي روحه صغير:والله ما أعيدها بس أنتي لا تزعلين يا ماما
غصون:ههههههههههه والله انت مجنون
معاذ وهو يقرب:مجنون بحبك
انفتح الباب بقوه:ثباح الخيل
وجات تركض ونطت على أمها
غصون:هلا وغلا بميه بحبيبة أمها
مي:انت بعد هبيبتي
معاذ:بنتك تعرف تختار الأوقات الغلط
غصون:ههههههه تهبل بنتي
معاذ:أول مره أشوف بزران يصحون الصبح
غصون وهي تشيل بنتها وتطلع:خلينا نطلع لا ينضلك أبوك ويله ننتظرك على الفطور
معاذ بابتسامه:شوي وألحقكم
راح يأخذ شور ويتجهز علشان يروح الشغل

&&&&&&&&&&&&&&&&&

خلصت صلاه ولبست عبايتها وتلثمت ولما جات بتنزل واجهته وطالعته بسخريه وهو يطالعه واللي كأنه وده يذبحها
سمع صوت جواله رد وهو ينزل بسرعه وهي تهز راسها علامه للاستهزاء والاحتقار له لأنها ما تحب أمثاله من الرجال المعقدين
طلع من بيت جده مسرع وقفه صوت جده:يوسف
يوسف:هلا طال عمرك
الجد:وين يا أبوك ما تبغى تفطر
يوسف:لا يا يبه عندي شغل ضروري
الجد هز رأسه:الله يوفقك بس انتبه لنفسك
يوسف وهو يبوس رأس جده:على أمرك ....ركب سيارته وانطلق ورفع جواله:ها وش صار معاكم لحد الحين مراقبينهم
الطرف الثاني:ايه يا طويل العمر
يوسف:يعني مثل ما توقعت يبغون يكسرون القاعده وراح يسلمون في النهار
الطرف الثاني:ايه
يوسف:انا جاي لكم
وصكر الخط وحط لنظاره الشمسيه وزار من سرعته

&&&&&&&&&&&&&&

وصلها أخوها مدرستها ونزلت ودخلت وسلمت على المعلمات وبدت الحصص راح على فصل ثاني ولما دخلت شافتها جالسه
هبه بصراخ:انا ما قلت ما تدخلين أي حصه لي
سوسن:بس كذا انا راح ارسب
هبه:أصلا أنتي راسبه راسبه عندي يعني لا تتعبين نفسك وتحضرين حصص يله برا
سوسن قامت وهي مقهوره وطلعت وهبه في نفسها:والله محد بيربيك غيري

&&&&&&&&&&&&&&&&&

على الساعه 8 صباح
دخلت المستشفى زي عادتها علشان تبدأ مناوبتها وبعد ثلاث ساعات
جاتها وحده من الممرضات
ممرضه آلاء
آلاء:نعم
الممرضه:الدكتور طالبنا في الطوارئ يبغى منا نساعده جاو رجال شرطه حصل لهم إطلاق ناري
آلاء:اوكي يله
وراحوا بسرعه لقسم الطوارئ ودخلو الغرفه
قابلو الدكتور واشر لهم يدخلون لرجال الشرطه المجروحين ويلفون الجروح ويعقمونه
فتحت الستاره وتفاجأ من اللي شافته

&&&&&&&&&&&&&&&&&

في المدرسه الثانويه
جالسه في الحصه وتسولف وتضحك
ودخلت طالبه:وين الطالبه مدى
مدى:انا من يسال عني
الطالبه:المديره تبغاك تحت
أسير :مدو وش أنتي مسويه
مدى:ما سويت شي
أسير:أكيد مسويه مصيبه ولا وش له المدير تبغاك
مدو:والله ما سويت شي
أسير شهقت:لا يكون عرفوا أنتي اللي تطلعين الأصوات في حصص المعلمات
مدى بخوف:تظنين
أسير:والله ما ادري أنتي روحي وشوفي
مدى:اوكي
قامت ونزلت تحت ودخلت لغرفة المديره

&&&&&&&&&&&&&&

طلعت من الحصه ونادتها المديره ودخلت:نعم أستاذه أنوار طلبتيني
أنوار :شوفي انا عارفه انك ما تحبين تكلمين احد بس من جد هالمره لازم تكلمينه
هبه:ما فهمت
أنوار:والد الطالبه سوسن على التلفون
هبه:أستاذه اعتقد...
قاطعتها أنوار:انا عارفه بس هو الحين عند الحارس ومصر يتفاهم معاك على بنته وبعدين أنتي كلميه ما راح تخسرين شي يمكن على ايدك ينصلح حال البنت
هبه طالعته وهي مو مقتنعه بس مع كذا خذت السماعه:نعم
يامن هذي هي أخيرا:أستاذه هبه
هبه:معاك
يامن:انا والد الطالبه سوسن
هبه:عندي خبر نعم وش بغيت
يامن ول ما في أسلوب ابد:بغيت اعرف ليش طارده بنتي من حصصك
هبه باستهزاء:نعم وأنت ما تعرف ليش انا طارتها كان سألتها هذا إذا قالت لك ليش انا طارتها
يامن:اعتقد يا أستاذه يا مربية الأجيال المفروض ما تطردين احد من حصتك
هبه:إذا كان اللي بيحضرون الحصه مثل بنتك انا مستغنيه عن هالحصه وبنتك تستاهل الطرد لأنها ما تحترم احد
يامن عصب:بنتي محترمه غصب عنك والظاهر انا الغلطان اللي جاي أتفاهم بالعقل
هبه عصبت من كلامه:إلا انا الغلطانه اللي تنازلت وكلمتك ولا الكتاب مبين من عنوانه إذا انت أبوها كذا وش نتوقع من البنت.... وصكت السماعه في وجهه
يامن ظل يطالع السماعه:صكت السماعه في وجهي انا أعلمك يا مدرسة الجبر انا أعلمك
هبه وهي مفوره:أستاذه أنوار أرجو مره ثانيه انك ما تطلبين مني إني اكلم أي احد عن إذنك عندي حصه
طلعت و أنوار عيونها طالعه من تصرف هبه

&&&&&&&&&&&&&&&&&&
لهنا أوقف واترك لكم حرية التعليق
&&&&&&&&&&&&&&&&
توأم لكن انا غير ومالي مثيل وراسي عنيده
&&&&&&&&&&&&&&&&&&
ودي لك
قلب أمي وروحها

البارت الجاي يوم الاثنين ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 10-03-2011, 08:30 AM
صورة اربي بالكفوف الرمزية
اربي بالكفوف اربي بالكفوف غير متصل
©؛°¨غرامي مشارك¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


حمااااس

أول من يرد بس البارت جنان
وسجية هذه لحاله توحفة كثري من مواقفها تكفين
وبانة اموت واعرف على ايش مخططة اما ألاء اتوقع المصاب هو يوسف و
يغير هذا الشيء شوي من تفكير المعقد يسلمو ا على البارت ياقلبي

سلالالالالالام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 10-03-2011, 09:25 AM
صورة كلـ احساااس ـي الرمزية
كلـ احساااس ـي كلـ احساااس ـي غير متصل
©؛°¨غرامي مشارك¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


وااااو باااااارت خطنطر مثلك غلاتي
تقبلي ودي قبل ردي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 10-03-2011, 09:34 AM
صورة غياب.. الرمزية
غياب.. غياب.. غير متصل
إبِتسآمَة غَمْوضَ .!
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة



حمـــــــــــــــــآس
هههههههههههههههههههه البنت إلي بطيارة ههههههههههههههههههههههههههه عسسسل
يوسف<<<وجعتين ذيي المره عسى العيون بالقلع لا طالعها باستحقار
الجد<<مالت ما جاء كثير
بانه<<<وه بث خلك قوي يا قوي
مدى<<خخخخخخخخخخخ وش راح يسير لك
هبة\<<استعدي للموجهات
الباقي>>>لا تعليق

سلام




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 10-03-2011, 11:20 AM
صورة Manour الرمزية
Manour Manour غير متصل
©؛°¨غرامي مشارك¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


وااااااااااااااااو بااارت قمه في الروعه :*
ممممم والله مادري شنو توقعاتي بس اللي اتوقعه محد بيكسر راس بانه غير يووسف
اماا اللي بالطيااره عجييبه احس بتتقابل وياسلطان حيل وبتصير بينهم اشياااء :p
مممم وبس:d
يلالا نتتظرك بالبااارت الجااي بس حيييل بعيييد بس عاادي ننتظر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 10-03-2011, 12:48 PM
صورة أنوار. الرمزية
أنوار. أنوار. غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


يسلمو مرررره خطير

يعيطك الف عافيه

سجيه مرررررره خطيره عليها حركات خطيره

انا اتوقع ان هبه بيصير لها شي قوي يمكن انها تتزوج يامن

اتوقع بانه انها بتسافر او بتطلع من البيت ماحد يدري عنها اول مايعرف الجد بعصب كثير

ودانه بتسكت مارح تقول انها هي طالعت بانه من البيت

ودي واحترامي

تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 10-03-2011, 08:14 PM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: روايتي الثالثة : توأمي لكن أنا غير و مالي مثيل و راسي عنيدة


اقتباس:
المشاركة الأساسية كتبها اربي بالكفوف مشاهدة المشاركة
حمااااس

أول من يرد بس البارت جنان
وسجية هذه لحاله توحفة كثري من مواقفها تكفين
وبانة اموت واعرف على ايش مخططة اما ألاء اتوقع المصاب هو يوسف و
يغير هذا الشيء شوي من تفكير المعقد يسلمو ا على البارت ياقلبي

سلالالالالالام
هلا وغلا باربى بالكفوف
والله انتي مرورك الروعه وسجيه لا تخافين ان شاء الله راح يكون لها مواقف تضحك
ان شاء الله يكون توقعك صحيح
منوره يالغلا


الرد باقتباس
إضافة رد

روايتي الثالثة : توأمي لكن أنا غير و مالي مثيل و راسي عنيدة / كاملة

الوسوم
ب11و12ص37و43 , ب13و14ص49 و57و60 , ب15و16ص69 و74 , ب17و18ص76و80 , ب19و20ص86و102 , ب1و2ص1 , ب3و4 ص3و7 , ب5و6ص12و16 , ب7و8ص20و23 , ب9و10ص25و32
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : تدرِي وش هو القرِف ؟ خاين و يحلف بالشرِف ! / كاملة سـيـلـيـنـا روايات كامله - يتم نقل الرواية هنا بعد اكتمالها 206 30-11-2019 04:05 PM
روايتي الثالثة : العشق الممنوع / كاملة لفانتا روايات كامله - يتم نقل الرواية هنا بعد اكتمالها 857 13-09-2018 06:00 AM
روايتي الثانية : سما غابة الأوهام ، كاملة أيـات أحـمد روايات كامله - يتم نقل الرواية هنا بعد اكتمالها 1299 08-03-2016 04:32 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 02:00 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1