شُرُوقْ ©؛°¨غرامي مشارك¨°؛©

السلام عليكم

أتمني من اي احد عنده معلومه لا يبخل عليا

عندي بكرة في المدرسة حفل عن المملكة وزادوا عليه مناطق الممملكة

وانا من قسم المنطقة الشرقية

ومو عارفة اي شي

عن أكلاتهم الحلوة (حلا) غير الهريسة

واشياء قديمة لهم مثل عاداتهم

وشكرا.

آكتفآء ©؛°¨غرامي ماسي ¨°؛©


منطقـة نــجد ~

طبعاً عادات اهل نجد احسها واضحه ومافيها شي غريب

بس ممكن يكون في أختلاف بسيط من قبيله لقبيله ثآنيه
من العادات اللي تتميز بهـآ أهل نجد في الزواجات ..
هديه يقدمها أصدقاء المعرس و أقربائه و تسمى " العـانيه " الأسم
من جى من معاونة الشخص ..
عشان تسهل عليه امور الزواج و مصاريفه و تكون الهدايا على حسب يعني كان الذبايح رخيصه فـ ترا الجماعه بتجيب و الا فلوس ..
وطبعاً العريس يهدي لأم العروس هديه تسمى "بـ الفتاشه"
معناتها ان ام العروس صارت تكشف على زوج بنتها
طبعاً أغلب الفتاشه تكون إساوره أو ساعه ذهب ..
وفي ليلة الزواج ..
بعضهم يحطون في الزواجات العرضات و يجيبون شعراء وتصير ليلة الزواج لا تٌنسى
و بعضهم مايحطون شي فايكون عشـا عادي جداً و غالبا يصير كنه عزا هدؤؤؤؤؤؤؤؤؤؤؤؤء ..!!
وهذا يذكرني بحلقه من حلقات طاش ماطاش الفرق بين زواج اهل الرياض وجده خخخخخخ ..

نرجع للعرضه أصل العرضه قديمـاً معروفه عند العرب
أول في وقت الحروب و يستخدمون فيها الطبول و السيوف و كانوا يردحون اذا انتصروا في المعركه طبعا
للعرضه زي معين ّ لبسهم موب أي حيا الله لبس لالا .
طبعا لازم يصير الثوب شوي واسع و فوقه قطعه من القطيفه تسمى " القرميلة " مع الشماغ أو الغتره و العقال ..
و الحين صارت الدقلات اللي يلبسونها اكثر بهرجه عن اول ..
ويلبس محزمـاً يسمى " جلة " يلبس على " شكل اكس " ويحطون فيها الرصاص
أشهر الكلمـات اللي يرددونهـا أهالي نجد في العرضه

" نحمد الله جت على ماتمنى .. من وليّ العرش جزل الوهايب "



. اكثر شي اللي تشتهر فيها المناطق تنوع اللهجـات
بعض من مصلطحـآت أهل نجد ..
عصقول = نحيف =ضعيف البنيه = اهله ياكلون أكله
المقرود = الشقي = فرط زياده الحركه = شيطاني
اقشر = مؤذي = شرير = ابعد عن الشر وغنيلوه
قضبة = مسكة = اشدد عليه = شده زين
تسايد = كايد = شديد = ياااااااحول
وقّ = طل = أنظٌر = شف اللي تحت
مهفه = مروحه = مكيف خكاريه
هقوه = اظن أعتقد = أي قس
المطرسة = حوسـة = مختلطه من غير ترتيب = بربسه = حواق
بتّل = أستمر = امضي في طريقك
بثر = يطلق للشخص المزعج والغثيث
رخمـة = خبل = نفعه غير مجدي = وجوده زي قلته
رفلا = فاشله = لا تجيد شيئا البته = وجه يطالع يااويليهـ
انجز = أخلص = انتهي بسرعه = عجل علينا
ييزي = يكفي = خلاص عـآآآد
يطمر = ينط = يقفز = يلعب خطه
يمعط = يسحب = يشد = يسحب شوشتها
طسّ = أبتعد = فارق = اغرب عن وجهي




منطقـة الحجــاز ~

( مكة .. جدة .. الطائف .. المدينة المنورة .. ينبع ....ألخ )
وماأدرآك ما أهل الحجـآز ..
أغلب أهل الحجـاز يسون خطبـة بعدهـا قبل الزواج يسون الملكـة وليلة الحنـاء
وفي يوم الملكـة يتم الأجتماع غالباً في بيت العروس ويسون عشـاء
ويتم توزيع هدآيـا في يوم الملكـة عباره عن أشياء بسيطه مثل تحف أو مصحف ويحطون في نفس العلبه " ملبس " أو شوكلاته عاديه ويتم كتآبة أسم العروسين فيها للذكرى ..
ويتم وضع المهر
بصندوق فخم وفيها عملات ذهب يسمونهـا جنيهات ذهب !
وليلة الحنـا هذي في ليلة الزواج يجتمعون الحريم بس في بيت العروس < كل شي في بيت العروس
وفي ليلة الحناء تلبس العروس سـاري هندي أوفستان عادي ويكون غالباً لونه أخضر وش الحكمه من اللون مدري !!
ويدلعون العروس ويسون لهـآ حنـا وينقشونها بالحنـا ..


في زواجاتهم ليلة ولا ألف ليلة كله ردح وونـآسه
لهم رقصة " المزمـار ,الصهبه ,السمسمية , المجرور , المجس , والخبيتي , والدانة , والينبعاوي ... الخ "



* وشلون رقصة المزمـار

يصفون صفين متقابلين وبيدهم عصا ( الشون ) و يحطون بالوسط نار و يرقصون حولها
و يمدون اليدين مره قدام ومره ورى طبعا على الايقاعات
ويلبسون ثوب و عمامه حجازيه لونها برتقالي و يحطون على كتوفهم مصنف يماني و الحزام بقشه عريضه
ومن كلمـات رقصة المزمار :

" هو ليلاه وهو ليلاه وهوليلاه يامرحبا بالحبيب الغالي "





. أكثر شي يميّز أهل الحجـاز عن غيرها من المناطق طيبتهم وضيافتهم وغير كذا كلامهم اللي مثل العسل .. : )اندر بره = اخرج= اغرب عن وجهي
العن سنسفيلك = اهزأك= ارفع صوتي
اديلو = اعطيه= اغدق عليه
الدهليز = مدخل البيت= بوابه البيت
الكرتة = الفستانالكوندره = الجزمة اكرمكم الله= الحذاء
القنعه =العبايه
الكرويتة = دكة خشبيةالزقاق= الشارع الضيقوأعتقد أنها أصبحت كلمة معروفة بفعل النزح المكاوي على المدن الأخرى، وهوالمعروف عند أهل نجد بالدعتسوس
الداعوس< هوالشارع الضيق !!
دندرمة = ايس كريم و تراها مي سبّة تراها كلمه معروفة جداً، وبعددخول التطور إلى الحواري المكّاوية أصبحت تعرف بالآيس كريم
دحديرة = نزلة او منحدر
الدبش = اغراض العروسة قبل لا تتزوج
القابلة = بكره , اللي تولد الحوامل
المملك = المأذون الشرعي
الدقيس= الفراغ اللي تحت الدرج أو المخزن
الدعاسة = في المدينة تقال
يتتريق = يستهزئ
اللغوصة = نقل الكلام وتسبيب المشاكل
هججوني = ازعجوني
قوامن = بسرعه
أزهميلي = نادي لي
ويّ ( تعجب ) = من يالهوي
أشبك = وش فيك = ماذا بك
أندر = اخرج
محزقر = ضيق
بوز = فم
كونديشن = مكيف
سيبوا = اتركـه





أهـل الجـنوب ~

من عاداتهم في العرس يسوون أربعه أشياء

( >السعية - المشاريط - ثياب الهرجة – العقد ) ..

السعيه : مثل دور الخطابه يقوم بها رجال والا حرمه يروحون لأهل العروس ويبدون يمدحون في المعرس وأنه اجودي وولد ناس و ماعليه و يصلي و من هالكلام ..

المشاريط : يرحون أهل المعرس لأهل العروس عشان يشوفون شروطهم مثل جلست البنت في بيت أهلها وأول يشترط المصاغ وهي الحزام والمسك والأوضاح وهي أشياء تصنع من فضة .

ثياب الهرجة : وهي ملابس بشتريها المعرس يوزعونها على أقارب العروس وأطياب من بخور وعطورات وكذلك يجلب الهيل والقرنفل والمحلب (لباب) ويسمى هذا بالحمْل أي ما يحمله العريس لأهل العروس .

العقد : هو عقد القران مايبيلها ذكآء طبعاً ام العروس تطلع ترحب فيهم و كذا ويبدا العصر الله يسلمكم العرس و العروس مايشوفونها الا بكره و اليوم الثالث عاد الصباحيه مباركه ياعريس

ومجتمع عسير من اول كانوا مختلطين مع بعض
الحريم كانو يلبسون شيله كانها معرسه

و اذا كانت توها صبيه لبست ذاك المنديل الاصفر ,,

عاد المعرس يكون قاز العروس و راح قال يمه ودي اكمل نص ديني عاد لين تقول له بدور لك تبي بنت خالتك يقول لا
طيب بنت عمك يقول لا .... اجل من تبي ....... أأأأأأأأبي بنت شسمه عاد يعلمها ( يالقفكم ) المهم ان أهل المعرس يجتمعون ويقررون موب السالفه خذوه فغلوه لاااااا

طبعا و تتم مراسم الخطبه و كل شي و البنت ياغافلين لكم الله




بعض مصلطحات اهل الجنوب ..
املكد = النجر
ارابي = اقدامي
ندبك = نمشي
امردم = عتبت البيت
امحبيل = قمه الجبل
امجهل = مجموعه اطفال
هوشن = الاغنام
امثان = الضأن
امقطه = قطعه من القماش
رفعه = اعلى
هبطه = اسفل
جرود = مجموعه من الملابس
اشبح = انظر
هون = توقف
انشر = اذهب في العصر
بره = اذهب في الصباح
صرى = ذهب في الليل
امعرصه = الارض
حدره / حزمه من العلف
اهربا = ايها الولد
اهربايه = ايتها البنت



منطقـة الشمـآل ~

في زوجآتهم < معلقه على زواجتهم ياشين اللي عايش نقص
كانت عروسهم تستحي بقوووووووووة لدرجه انها تغطي و جهها عن زوجها و ماتطلع الا عيونها و في بعض الاحيان تجلس بعباتها سنه بعد العرس و ماتطلع شعرها ابدن لرجلها و اذا سوا فيها فطين ودخل فجأه صارت أذهن منه وغطته بسرعه ومشطته بعدين .,.
ومن قصص حياهمـ بعد ( الله يخلف على بناتنا من تالي ) اذا جاء عرسها هربت للجبال و يجلس روميوا يدورها ..
لو اني منه اشترط ان اهلها هم اللي يدورونها .. بعدين صآروا الأهل فطينين وقاموا يزوجون بنـآتهم بدون مايدرون !
وإذا درت في النهـآر أنو عرسهـآ تراها بتهرب في الجبآل ومال أهلها حيله إلا أنهم يروحون واحد يحرسهآ < الله يجزا والدينـا بالجنة .
عاد اذا جاء عقد القران ( الملكه ) يجتمعون أهل المعرس و اهل العروس و يحطون أغاني شعبيه لكن عيـــب وشق جيب يجيبون العروس و لين الحين فيه هالطبع عند بعض الناس ان بناتهم مايجون في الاحتفالات اذا تملكت
و يركبون العرس الهودج و يلبسونها فستان أبيض
و يجلس الزواج ثلاث أيام بلياليهم و ماتروح العروس مع زوجها الا بعد 3 أيام !
بعدها يروح بها شهر عسل في الخلاء ( البر ) يجلسون حول 3 أيام بعدها عاد يرجعون لبيتهم
وبعضهم يروح المعرس و العروس يجلسون شهر كامل و بعدها يرجعون من و شسمه شهر العسل ..
طبعا وهم في البر يسكنون في بيت شعر مصنوع من الصوف و مايرجعون يسكنون عند أهله الا اذا جابوا اول بزر و المكان اللي يسكنونه عند اهل المعرس " الحجير "




. تعرفون الدحـه !!

هي رقصه خاصه في أهل الشمال ويرقصونها عادة في نهايه الحروب قديمـاً وحالياً يرقصونها في الزوجـات
عاد يصفون الرجاجيل و يصفون بشكل نصف دائري او مستقيم على حسب الحماس و يبدون يصفقون بطريقه موجده موب كل واحدان لحاله و يبدون يتمايلون يمين ويسار و يرفع واحد صوته ويقول ( ادحئ ) وهي فاصل للرقصه
الوسط يكون شاعر يقول قصيدته :

" هلا بك ياهلا لا ياحليفي ياولد حتى ينتهي القصيده كامله "
طبعا اللي واقفين وش يقولون : الدح الدح الدح




. بعض مصلطحات اهل الشمـال ..


شنوحك = وش فيك = ايشبك = ماذا بك
أنهج = اذهب = اسرع بالذهبا
تجودا = تمسكوا
زل = ابعد = اغرب عن وجهي
انفهق = ابتعد
وش توجس = وش تحس
دوشق = فراش
كتام = عج = غبار








عادات أهل الشرقيه ~



نكمل مسيره العرس وش حيث ذولي بعد
إذا قرب العرس يقوم المعرس و يحمل من كل شي سكر و رز ووووو .... الخ
و يوديها لأهل العروس يسمونها الدزه وقبل العرس بأسبوع تروح ام المعرس وتعطي أم العروس الذهب الغالي يسمونها الشرايا او الشريه ..
عاد أصدقاء المعرس وأقاربه كل واحد يساعد المعرس بشي و هذي هي العنيه
يوم العرس يسمى الجره أو الدخله وهي دخلت المعرس على العروس..
يتقهون و يشربون شاهي و يقدمها لهم المقهوي موب ببلاش لا يأخذ فلوس عليها و يرقصون عرضه و سامري وإذا تعشوا المعازيم ع الساعه 11 و او حولها يبدون يزفون المعرس اللي هم أصدقائه و اهله وعاد يرددون الشيلات و أغاني شعبيه لين يوصلون لبيت العروس هنا عاد ينتهي دورهم يسلمون عليه و يودعونه .
عاد إذا اصبح المعرس قام عطى زوجته هديه عاد اللي تجود به نفسه أما ساعه والا طقم ..
و تجلس العروس و المعرس أسبوع كامل عند أهل العروس عقبها الله يسمح دربهم يسمونها التسبيع ..
عاد إذا الله كتب و تزاعلوا فترا العشره ماتهون الا ع الظالم عشان كذا يروح الرجال و يجيب لحرمته ذهب و الا فلوس و تسمى رضاوة ..



. مصطلحات اهل الشرقيه ..

مقبض الباب = عروه
الدولاب = كبت
الذي يكتب باليسار = عسوامي
التلفاز = تلفزيون = صنم
صوت = حس
راديو= ريدو
ابريق الشاي = غور
الأسلاك = واير
الجوارب = دلاغ
قارب = كيت = بوت = لنش
أخرس = أبكم = أطرش = أصمخ = أطرم
تعطل = أخترب
بطاطا = بتيرس
علك = علش وجمعها علوش
الحذاء = جوتي
الصمغ = غرا
سرح شعره = مشطه وسحاه
واااال = ياللهول
دراجه هوائيه = سيكل
كثير = وااايد
أعتقد = عفر = بلكت
قطه= سنور = وزوجته سنوره = أو قطو و قطوه
طفل = جاهل او ياهل
القدر = صفريه





منطقـة القصيم ~

منطقة القصيم ماعندهم عـآدات غريبه أو تقـاليد مختلفه عن بآقي المنـاطق بس تتميز منطقة القصيم بلهجتهـا المختلفه عن باقي مختلف مناطق المملكـة ..



. بعض من مصطلحـات اهل القصيم ..

بوميرنيم = موجود لكنه نائم
جرن مير يمصعن = سحبني بشده وعنف
يجدع = يسقط
ينطل = يسرق
ينحت = يصيب بالعين
بوه = فيه !
أولاه = كلمة للتمني
يتتن = يشرب الدخان
العاير = تقاطع شارعين داخل العمران
الله يسمت = الله يستر
يغبي = يخفي
الجابية = البركة
خرابيش الدبش = بقايا الطعام للحيوانات
كودوه = أيأتمنى أن يكون كذلك
الجصة = غرفة التمر
غثيتن = اصبتني بالغثيان
وش كاري = ما دخلي
ضبطنه = يمكن أنه
تلايص = اسكت
معيكيس = لا
ورّن = ارني = خلني اشوف
وراو= لماذا
يعورن =يؤلمني
صهده = امسكه بشده
الطمل = عكس النظيف
الاقشر= المؤذي
المقرود= سيئ الحظ
يويق= يسترق النظر
المهقه = المروحه
غديه= عسى ولعل
حسربه= عذبه
ابخصبه = اعلم به
قوهـ = هيا بنا
ناه = انظر







وحايل بعد حيي لها من المصطلحات نصيب ..
حايل مصطلحاتهم قريبة جداً من القصيم ..
إنهج = إذهب
أهل سوه = اصحاب غيبه ونميمه
أهو = أدخل
أوي = أداة التعجب
إيت = تعال
إيتز = فعل أمر بمعنى إبتعد - تُقال للجالس فقط
إيتونا = تعالوا إلينـا
برخا شوي = انتظر قليلا
بِجِه = افضحه


منقول


دورت لك حبيبتي ولقيت هذا اتمنى هو اللي تريديه


‏‎ متلثمه بشعارالإتحآد ©؛°¨غرامي ذهبي¨°؛©

أيضآ اكلات من بعض مناطق الحجاز
الفته- خبزبرمع الحليب
العصيده-دقيق وماء وسكر تطبخ على نارهادئه
المعدوس -الرزمع العدس
اللحوح
الشعيريه
لسليق
خبزالميفه
اتمنى اني افدتك
تحياتي
نجودالإتحاديه

ملكة بذاتي ©؛°¨غرامي مبدع¨°؛©

ومن بعض اكلات اهل الجنوب
المغش-حنيد-اللحوح-حيسية
زواجات بعض مناطق اهل الجنوب لابد ان تكون من 7ليالي
تبتدي بالخطبة العادية المعروفة ويكون فيه ملكة ذاا شي طبيعي
ويكون فيه يوم يسمى العقد والتنشير لاهل المعرس يلبسون فيه اهل المعرس اشياء ثقيلة ويحطون الفل والكادي
ويكون فيه يوم يسمى الحمل المعرس ياخذ اشياء معينة ويوديها لبيت العروسة اوقات تكون في سيارة وكثيرا ماتكون على جمل ويكون فيه 2للحنآآ لاهل العريس ولاهل العروس وبعدها الدخلة وبعدها ثاني ليلة تذهب العروس لبيت اهلها لتضع الفل والكادي ولبس الساري وتتزين لزوجها ويبدأون بزفتها بطريقه خاصه ومن اكثر الزفات للعروس (خرجت بنتنا تخيل صلو على النبي) وينتهي ع كذاا وفيه بعض القبايل يحبون البهرجة فتزداد الايام
اتمنى اكون افدتك



فاطِمه زهرة بريّـة
مستشــ¸.·* غرام *·.¸ـــاري

و عليكِ السَلام و الرحمَة

،

أعرف المنتوُ و اليغمِش ، بَـس :p

،

لم يقُصِر الجَميِع
موفقَة حبوبـَة


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1