منتديات غرام نسائيات غرام تسريحات - مشاكل شعر - قصات شعري غليظ وحريري من تجربتي والله العظيم
لاتغرك الضحكه؟ لي مع المقفين قلباا سكني(الله يرحمك)

شعري غليظ وحريري من تجربتي والله العظيم
اول شي نبتدي بالسلام عليكم ورحمة الله وبركاته ...... كل البنات في المنتدى يبحثون عن شي مجرب واكيد لانه الكل يخاف من المغامرة ..... صح ولا لا p: ..


ندخل في الموضوع ::

من فترة كنت ادور في المنتدى عن شي يعالج شعري لانه ضعيف وباهت وطبعا بغيت حاجه مجربه واكيدة وانها تكون طبيعيه !!


وبعد وقت كبير من البحث لقيت وصفه هايله وتجنن وصعبه شوي وطويله لكن قلت ليش مااطبعها واروي اخواتي وخالاتي الوصفه اذا قالوا لي اوكي بسويها والله يصبرنا وانحصل نتيجه ..واول ماروتها امي شجعتني وقالت من اليوم ابتدي واخواتي نفس الكلام والي شجعني انها كلها طبيعيه 100% والحمد لله ابتديت من شهر وشوي .


وقبل مااقول لكم الوصفه ادعوا لصاحبتها لانها بجد تستاهل الدعاء وادعولي كمان وجزاها الله الف خير وجعله في ميزان حسناتها قووووولووو آآآآآآآآآآآمين ..... واسمحولي على المقدمة الكبيره P:

والوصفة تقول :::::-
__________________________________________________ ___________


- خواتي اشهد ربي العظيم- جل جلاله - ان كل كلمه كتبتها هي من واقع تجربتي.. انا كنت اول اروح الاعراس ويفكرون شعري وصله او باروكه وفي العرس يسحبون شعري علشان يتاكدون انه صدق من طوله وغلظه كان طويل وغليظ (قولوا ماشاء الله) لدرجه انهم كانو يسالوني من وين شاريه الباروكه...وانا بكل غباء اقول لهم لا هذا شعري .. لكن حاليا قصيته مع الاسف لانه كان يجيني صداع من طوله.. ولاني ذبحته بالصبغات والهاي لايت ( والله يازينه ايام الحنه.. والحين شيب وخفيف مع الاسف من الصبغات والهم طبعا ) المهم ...ليش المقدمه هذي .. لانه في قصه ورا طول شعري..وهي اني قصيته من دون علم امي ..وخفت تذبحني .. فقعدت شهرين ونص ذابحته عنايه وكل همي يطول قبل لاتكتشف امي اني قصيته وفعلا طول وكانت النتيجه فتاكه بشهرين تقريبا لما تحطون الزيوت لازم مســــــــــــــــــــــاج ( مهم جدا جدا جدا جدا جدا جدا جدا جدا جدا جدا المساج )
واليكم جدول العنايه.....


- كل يوم احط خلطة على شعري وبين كل يوم و يوم راحه.. ولكم جدول الخلطات:

- خلطـــــــــــــــــــــه الحنــــــــــــــــــــــــــ ــــه:

- مكونه من حنه + صفار بيض + زيت سمسم + زيت مازولا + زيت خروع + شوي ليمون وماي ورد لزفر البيض + روب + عسل + ماي دافي
تعجن المقادير وتوضع دافيه على الشعر ويلف بنايلون ويترك من 2 الى 3 ساعات ويغسل بالشامبو والبلسم وينشف ونحط عليه زيت لوز ونتركه يوم راحه بالزيت ( هذي الخلطه للتطويل والتنعيم والتكثيف ).


- خلطــــــــــــــــــــــة الزيــــــــــــــــــــــوت:

- خلطه مكونه من : زيت زيتون + زيت مازولا او عافيه + زيت لوز+ زيت خروع كثري منه + زيت سمسم + اي نوع زيوت عندك حطيه ..مسج شعرك ( لاااااااازم مساج ) مسجيه لو كم دقيقه وانتي قدام التلفزيون اوخلي حد يمسجه ولفيه بنايلون وخليه ساعتين .. واغسلي بشامبو وبلسم ... وحطي زيت او كريم شعر وخليه يوم راحه..ممكن بدون غسل الكريم والزيت لحد الخلطه الجايه..او اغسليه ان ماقدرتي تخلينه..


- خلطـــــــــــــــــــــــــــ ــــــــــه الروب :

- روب + زيت اي نوع + عسل + صفار بيضه( ممكن الاستغناء عنها) حطيه ولفيه بنايلون ساعه واغسلي يالشامبو وحطي كريم او زيت.. ويوم راحه..بدون اي خلطه ماعدا من الزيت او الكريم بدون غسل اوممكن غسله لموعد الخلطه الجايه..


- خلطـــــــــــــــــــــــــــ ـــــــــــــة السدر:

- كوب ماي دافي + 2 ملعقه سدر من نوع جيد ( انا استخدم اليمني) خليه نصف ساعه بالكوب يخمر وحطيه ساعتين على شعرك ..واغسليه بشامبو بعدين حطي كريم اوزيت.. ويوم راحه..ماعدا من الزيت او الكريم بدون غسل او ممكن نغسله لموعد الخلطه الجايه..

- بنات لاتجهدون شعركم بالخلطات يعني كل يوم خلطه ويوم راحه للشعر.. ولحد يقول لي تعب .. مافي شي يجي يالساهل ( واسالوا نفسكم النبات لو ما راعيناه هل ينبت ويطول ؟؟؟ اكيد لا..كذلك شعوركم..) وصدقوني لما تشوفون النتيجه بتدعون لي .. ومابي غير دعواتكم بالستر والتوفيق....

- ملاحظه هامه:

1- فيه بنات مافهموا تنسيق الايام ..مش ضروري تلتزموا بنفس الخطوات المهم ماتجهدون شعركم..مثلا اختاري الاحد وحطي خلطه الحناء واغسلي وحطي بعد الغسل زيت اوكريم واتركيه ليوم الاثنين ..يوم الاثنين اعتبريه يوم راحه لاتحطين عليه شي وممكن تغسلينه من الزيت او الكريم ويوم الثلاثاء نحط الخلطه الي بعدها..المهم بين كل خلطه والثانيه يوم راحه للشعر ..

2- فيه بنات سالوني على المساج ..نسيت اوضح الافضل يكون براحه اليد او اطراف اصابعك بشرط تحريك الفروة نفسها مش تشدين الشعر باطراف الاصابع.

3- بالنسبه للمقادير غير محدده..ماقدر احدد بس زيدوا زيت الخروع دايما لانه يغلظ ويطول.

__________________________________________________ _______________

وبصراحه يااخواتي البنت صادقه في كل شي قالته وانا مجربه بنفسي وصار لي لحد الان على هذا المووووال شهر واسبوع والنتيجه بينت من ثاني اسبوع بس بصراحه تعبت شوي بس الحين انا مبسوطه ومتحمسه اكثر ..
وللأمانه انا ضفت خلطه زيادة من عندي وهي خلاصة الصبار احطه على شعري ساعتين والفه بنايلون واتسبح عادي واريح شعري يوم ... وكل جمعه ادهن شعري بزيت املا دابر والفه بنايون لمدة ساعتين وانام لين الصبح بس بدون النايلون عشان شعري يتنفس .

واقول لكم اني جربت بنفسي ... والي عندها اي استفسار انا حاضرة .... والي تجرب ياليت تقولنا

ياليت اسمع الردود والتقاييم السنعه
تحياااتي.

شموووووووووخ انثى ©؛°¨غرامي متألق ¨°؛©

مراااااااا رووووعه بإذن الله اجربها واقول لأخواتي وكل من يعز علي الله يعطيك العافيه
بس اتوقع مكان الموضوع مو هنا بس يعطيك العافيه والله يوفقك انتي وصاحبة الخلطه

لاتغرك الضحكه؟ لي مع المقفين قلباا سكني(الله يرحمك)

المشاركة الأساسية كتبها شموووووووووخ انثى اقتباس :
مراااااااا رووووعه بإذن الله اجربها واقول لأخواتي وكل من يعز علي الله يعطيك العافيه
بس اتوقع مكان الموضوع مو هنا بس يعطيك العافيه والله يوفقك انتي وصاحبة الخلطه
شمووووخ حبيبتي تسلمين لي
الله يرزقك بعد

البندري22 ©؛°¨غرامي مشارك¨°؛©

...............روووعة ..................
يسلموووو على الخلطة المفيدة ...................مشكوووورررررة


ريما الهلال ©؛°¨غرامي نشيط¨°؛©

روووووووووعه


راااح اجربهااا ان شااااء الله


يعطيك العاااافيه


,,

آكتفآء ©؛°¨غرامي ماسي ¨°؛©

راح اجربها ان شاءالله

يعطيك العافية


|| غريبًة آلرُوحْ ~ ©؛°¨غرامي ماسي ¨°؛©

يعطييك العافييه
آن شآء آلله تعم الفآآآئده ،
لآهنتي ~


//


w9696rdh ©؛°¨غرامي فعال ¨°؛©

رووووعة
بس ابغى اقولك انة دابر املا الى يستمر علية وبعدين يتركة يسبب لة تساقط لشعرة بكثرة وانا والله مجربتة استمريت علية سنتين وبعدين تركتة وتساقط شعرى بكثرررررررررررررررررة
يسلمووووو

bilsan ©؛°¨غرامي ذهبي¨°؛©

و عليكم السلام و رحمة الله و بركاته | مساء الخير

ان شاء الله تعم الفائده

يعطيك العافيه

ما ننحرم

شاليمارا عًٍذٍَرٌٍآ كَبٌَِرٌٍيَآئيَ بٌَِآنْوٍثٍْتُِِّْيَ

مشكوووووووووووورة

ويسلمووووووووا على الخلطااات وبجربهاااااا ان شاء الله

ويعطيك العافيه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1