اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-03-2011, 01:11 AM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رواية عجزت روحي أن تلقاكي / بقلمي


بسم الله الرحمن الرحيم
سلاااام ...
مسكت القلم وكتبت وكتبت وكتبت اسغربت من نفسي ماكنت متوقعه اني اقدر اكتب احداث وقصص وقريت الي كتبته لبنات خالتي مرره اعجبهم وقريته لبنات عمتي بعد اعجبتهم بصراحه اهم لهم الفضل بأني اكتشفت موهبتي
وقررت اني اكتبها بمنتدى واشوف ردات فعل الناس وانشالله تعجبكم انتوا بعد
وطبعا لا تخلو الروايه من لمسات بنات خالتي

عجزت روحي ان تلقاكي ...




بعرف لكم العوايل بأختصار والتفاصيل تعرفونها مع الأحداث ان شالله

عائلة ابو عبد الرحمن(سليمان)
سلميان: عمره 55 سنه مدير شركة ابوه الله يرحمه
خديجه: زوجته توفت من سنتين
عبد الرحمن: 34 سنه متزوج بنت عمه نوف وعندهم ولد اسمع سليمان عمره 5 سنوات
راشد: 26 سنه يشتغل بالشركه مع ابوه (بطلنا)
هند23: سنه ارمله توفى زوجها من سنتين وملكتها الليله
فهد:21 سنه يدرس

..........

عائلة ابو نوف(يوسف)
يوسف: 51 سنه يدير الشركة ابوه مع اخوه سليمان
منيره: زوجته 48 سنه ربة منزل
نوف : 30 سنه متزوجه ولد عمها عبد الرحمن
ريم:22 سنه تدرس محاسبه
سلاف:19اول سنه جامعه تدرس محاسبه
عنود:17 سنه ثاني ثنوي

......

عائلة ابو سلطان(بندر)
بندر:48 تاجر كبير ومعروف في البلد
بدرية:زوجته43 سنه مدرسة رياضيات
سلطان: 26 سنه يدرس بالخارج
فواز:22 سنه اخر سنه جامعه ويصير اخو بنات عمه سلطان من الرضاعه
نغم:19 سنه اول سنه جامعه تدرس ادب انجليزي
ورد:17 سنه مع عنود بالمدرسه


.............

العمه نوره
فيصل:42 سنه مدير بنك
العمه نوره: زوجته 37 سنه عندها كوافير مالله رزقهم ذريه

............

عائلة ابو محمد صديق العيله
ابو محمد:49 سنه عنده شركه بأسمه
ام محمد:44 سنه
محمد:كابتن طياره 28 سنه


بسم الله الرحمن الرحيم

نبداء


في المنطقة الشرقية وفي أحد المجمعات كانت واقفه قدام مجموعة كبيره من الفساتين الأحمر والفضي والكحلي وضااايعه محتاره اي واحد تاخذه !!
موقفها كان مرره صعب ملكة بنت عمها بكره و ما امدها تشتري قبل لان كان عندها اختبارات وباقي نص ساعه وتقفل المتاجر وهي للحين ما قررت وش تاخذ ..؟
ريم:اخلصي ترى جد مليت
سلاف أخذت نفس عمييق وقالت لأختها: ريوم والله محتاره .. انتي وش رايك؟؟
ريم: انا اشوف الأحمر حلو ومناسب لبشرتك
سلاف: ايه حلو بس مو كنه كبير على ملكه.. انا احس الكحلي مناسب
ريم: يمكن ايه
سلاف: انتي مافيه منك فايده تحيرين فوق ما انا محتاره
ريم: لأني اعرف ما بتاخذين إلا الي يعجبك خذي الكحلي وخلاص حرام فواز تعب معنا والله لو انه اخونا من امنا وبونا ما وقف معنا كذا
سلاف: فدييته والله صادقه بعدين لاتخافين عليه اهو مايمل الحين تلاقينه مرقم نص البنات الي بالمول
ريم : ههههه من جدعلى طيبة قلبه وخفة دمه الا ان حركاته ما يتوب منها انا خايف تجي يوم وحده من خوياتي وتقولي انه مرقمها
سلاف: ما استغرب.. اقول ترى زودنها نسولف ونضحك يلا بحاسب
واخذت الفستان الكحلي وراحت تحاسب


كان يسوق سيارته وبتعبير مجازي يطير بسيارته لدرجة انه يسمع صوت الهوى لمى السياره تخترقه
هند: راشد تكفى اسسرع.. والله ما املك على محمد الا وانا لابسه العقد
راشد وهو يطالع قدام: هنادي حبيبتي هدي وما بيصير الا كل خير
هند : اي خير ياراشد والسوق بتقفل بعد 20 دقيقه .. تكفى اسرع (كانت تتكلم والعبره خانقتها)
راشد سمع صوت اخته ويدووس بنزين: ان شالله بس هدى ماله داعي هذا كله
شوي ويدق جوال هند
هند: هاذي ريم والله اعصابي تلفت ما برد
راشد: ما يصير كذا تخلين البنيه عطيني اانا برد
هند ما استغربت من حركة راشد لانه بطبعه ما يحب يطنش احد او يحقره حتى لو كان ماله علاقه فيه
أخذ الجوال من أخته ورد:هلا والله ببنت عمي
ريم كانت بتقفل بوجه بس تراجعت وتكلمت: هلا راشد شلونك
راشد: بخير يسرك الحال معيبه اعذريني رديت عليك لان هنودتي متوتره تعرفين بكره ملكتها .. آمريني تبين اوصل لها شي
ريم: لا ابد سلامتك بس كنت ابي اسئل عن على حوالها
راشد: من يومك صاحبة واجب خلاص ابلغها ان شالله
ريم: اوكيه مع السلامه
راشد: حافظك ربي
هند : وش تقول
راشد: ابد تسئل عن حال عروستنا
هند ستحت وسكتت
راشد: يمه يمه من هالبنت توك تصارخين ما املك على محمد الا وانا لابسه العقد والحين يوم نقول عروستنا توردة خدودك
هند ساكته مستحيه كانت تقول الكلام ولا تحس فيه لان كانت متوتره
هند: بس عاد رويشد
راشد ارتاح يوم سمع هند تقول رويشد لانه عرف كيف يطلعها من جو التوتر واعجبه الوضع انها استحت : ايه الله لنا انا رويشد واهو حمودي
هند مستحيه: وانت كيف عرفت
راشد واهو مو فاهم وش تقول بس حب يكمل للعبه: انا راشد بن سليمان ما يخفى علي شي
هند: الله ياثقه لا جد كيف عرفت اني مسميته بالجوال حمودي
راشد مات ضحك وصار يضرب الدركسون من الضحك : هههههههههههههههه هههههههههههه
هند عرفت انه كان بس يبي يسحب منها كلام واهي ما قصرت قالت كل شي
هند: ههههه خلاص انا بسكت لا يطيح برستيجي اكثر
راشد : يكون احسن خليني اعرف اسوق



في بيت ابو محمد(صديق العيله)
كانت ريحت الدخون تفوح منه وصدى الزغاريد يتردد في انحاء البيت
ام محمد:افضل الصلاة والسلام عليك ياا رسول الله محمد لووووش الف اصلي وسلم عليك يا رسول الله محمد لوووووووش .. وتضم ولدها محمد الي كان لابس البشت يقايسه
محمد: ها يمه كيف حلو
ام محمد والدموع بعينها : لووووش .. وبكت
محمد: لا لا تكفين يا الغاليه الا دموعك خلاص هونك مابي اتزوج
ام محمد: ضربت ولدها على كتفه بخفه: وجع ما بغيت افرح فيك تقول هونت .. هذاي دموع الفرح ياولدي ودمعة الفرح دايم تكون حلوه بس دموع الحزن مالحه
محمد : والله يمه
ام محمد ايه ياوليدي
محمد: طيب دموع الغضب وش! مر اضن هههههههههههههههه
ام محمد تلمه: مهما كبرت ما تجوز عن سوالفك



يوم الخميس ملكة هند ومحمد

في بيت ابو نوف (يوسف)
الساعه 8 ونص الصباح كان ابو نوف جالس بالصاله يقرا الجريدة و ينتظر بناته وزوجته يجهزون عشان يوديم كوافير عمتهم نوره قبل ما يروح الدوام
نزلت ام نوف واهي تتحلطم
ام نوف: ياويلي من هالبنات عز الله ما بنخلص الا الساعه 3 العصر
ابو نوف يضحك على حرمته : بنات خلهم يدلعون انفسهم والكوافير موبطاير
ام نوف: كثر الدلع مو زين بعدين اذا الكوافير ما بيطير انت بتطير
ابو نوف: السواق وش وظيفته خله يوديكم ولا تعجلين البناىت خلهم على راحتهم
ام نوف: السواق والغالي موجود .. وبسك دلع في البنات ما خليت لنا شي
ابو نوف: اهم لهم الدلع بس الغاليه انا كلي لها
ام نوف ستحت
ابو نوف: فديتهم الي يستحون
ام نوف شافت عنود نازله من الدرج بس ابو نوف كان معطي الدرج ظهره
ام نوف:اشش خلاص
ابو نوف : للحين تستحين مني كبي الدلع عنك بس
عنود: يبه وش تقول لامي وش الي خلاها تستحي
ام نوف: بنت عيب كلام كبار
ابو نوف :هههههه
عنود: يبببه وش كنت تقول
ابو نوف يطالع ام نوف : اقووول ويغمز
ام نوف استحت : خلاص بلا حركات المراهقه كبرت عليها يالشايب
عنود:هههههه 1-0 لصالح امي ههههههه
ابو نوف ما اعجبته النتيجه: انا يوسف ال.... انهزم ومن مين من حرمتي روحي نادي خواتك وانا ما انهزم



في كوافيرالعمه نوره (الدانه)
اهي مسميته الدانه لان كانت تتمنى اذا الله رزقها بنت تسميها الدانه بس ما الله كتب ...
كانو كل البنات متواجدين الي تسوي اضافرها والي تسوي سبا يعني شغلات البنات الحلوه
العمه نوره: فديتكم يا بنت اخواني عساني ابلغ فيكم كلكم قولو امين
نوف: والله مو من صالحك لان اذا كل مره وحده تعرس مننا تقفلين الكوفير يا ليتك بس تقفلينه تدفعين كل مصاريفنا الي تخسرك ارباح شهر كامل
العمه نوره ابتسمت: ما يغلا عليكم
ريم : لا لا تكفين نوف احتفظي بأقتراحاتك لنفسك ايه انتي شعليك تزوجتي وخلصتي والحين تخربين علينا فدييتك عمتي ماعليك منها واذا تقدرين تدخلين خويتي رغد بالقائمه ما نقول لا
العمه نوره: انتي بالذات لا تتكلمين ويين البيسي الي واعدتني فيه امس
ريم :ولا يهمك الحين اكلم راجو يشتري لك كرتون ببسي .. وتروح لعمتها وتبوسها: كم عمه عندي انا
العمه نور: ايه حق المصالح اصير عمتك
نغم: ايه عمتي زين تسوين فيه ما حد يقدر عليها الا انتي
سلاف :اقول عمتي وين هند اهي قالت بتجي10 والحين قريب ال11 ما بينت
العمه نوره:اهي كلمتني الساعه 7 الصباح تقول طول الليل ما نامت مسكينه قالت عادي اجي بعد صلاة الظهر قلت لها عادي اصلا لازم ترتاح عشان وجهها مايصير ذبلان ساعتها لو تحطين مكياج الدنيا كله ما رح يفيد
سلاف: يا عمري الله يعينها

في بيت ابو عبد الرحمن
الساعه 7 ونص كانت واقفه قدام المرايه تتأمل عيونها الي ارتسمت بالكحل بشكل خطيير وفستانها الوردي الحرير الي مبين تفاصيل جسمها ومحليه فوق ماهو حلو وشعرها الاسود الي يوصل لين نص ظهرها
ابتسمت ابتسامت رضىعى شكلها البسيط والجذاب وفجاءه
ريم بصوت عاالي : هــــــــنـــــــــــــد
هند تروعت وكانت لابسه كعب عالي وجات بتطيح بس مسكة نفسها
ريم: هههههههههه الله يرجك شفيك
هند: كل هالصرخه وتسئلني شفيك ... أخلصي وش تبين
ريم بهدوووء متعمد: المعرس واهله تحت
هند فتحت عيونها وشهقت: هئئ وبكل برود تتكلمين .. وينهم؟ عمتي جات؟ الخدم عطرو المجلس؟ اييه صدق ما سئلتك شكلي حلو؟
ريم تقرب منها وتمسكها مع كتوفها :هدي هدي .. وتبعد عنها.. شفيك مرتبكه كنها اول مره تتزوجين هههه عاااااااادي رييييلاكس
هند سكتت وتغير وجهها .. تذكرت زوجها الأول الله يرحمه
ريم : يووه آسففه هنادي والله ما اقصد
هند ساكته ودموعها متجمعه فيه عيونها
ريم:لا لا حرام عليك عورتي قلبي والله ما اقصد وانا غبيه ما اعرف امسك لساني .. وتعطي نفسها كف
هند : ههههه
ريم: أأأأي مالت الحين ضحكتي هههههه
هند تنهدت: الله يرحمه
ريم :الله يرحمه يالله امسحي هالدموع وانتبهي لايشوفك محمد كذا ترى والله يهون
هند حذفت المخده على ريم وضحتك
ريم: والله لو انها مو ملكتك اليوم كان حذفتك انتي والمخده مع الدريشه
هند : ههههههههه الحمدلله ان الملكه اليوم تسوينها والله

ننزل لتحت كانو حريم العيله والبنات كلهم بمجلس الحريم
العمه نوره:ياهلا ومرحبا نورتونا ولله
ام محمد: حبيبتي تسلمين منور بأهله
ام سلطان تخاطب ام محمد: بشرينا عنكم عساكم بخير
ام محمد : الحمدلله يسرك الحال
العمه نوره : ..... يمه
...... راحت لعمتها: هلا عمتي
العمه نوره: روحي شوفي هند طولت ارسلت لها ريم ولا جات اووف من هالبنت (طبعا تكلمها بصوت غير مسموع)
.......:ههههههه طيب بس على فكره الرسميه مو لايقه عليك ابد ههههههه
العمه نوره تخز...... وتبتسم الأم محمد: حيا الله من جانا



ومن جده ثانيه بمجلس الرجال كان ابو عبد الرحمن جالس بوسط المجلس ويمينه اخوانه ابو نوف وابو سلطان والعيال مباشرين بالضيافه
راشد واهو يبتسم ابتسامت ترحيب : تفضل يامحمد
محمد وهو ياخذ الفنجان من يد راشد ويرد له الابتسامه:يزيد فضلك
ابو محمد: كفو ياراشد رجال ولد رجال كفو كفو ياولدي(طبعا اهو مو ولده ولد عبد الرحمن)
راشد ابتسم ما عرف وش يقول: ما سوينا الا الواجب وانتو اهل الكرم والضيافه
فواز يكلم فهد: انا بس ابي اعرف اخوك هذا من وين يجيب كل هالمدح والكلام الحلو
خله يعلمني عشان اقوله للحلوات مو لذا الشايب هههه
فهد:هههه الله يقطع سولفك .. واحب ابين لك انه كان مو عارف وش يقول ولا سمعت كلام اكثر
فواز: اعجبتني
فهد: وش غترتي صح
فواز: لا يوم تقول احب ابين لك
فهد: لا يكثر ها
فواز: يالله ما اغثه هالولد لو اني جالس مع الشياب ابرك
فهد: ههههههههه خلاص خلاص لا تزعل اذا اعجبتك خذها اليوم وردها بكره
فواز ما تحمل سخافته قال بصوت مسموع : ساااااااااا
الكل لتفت لهم
فواز يرقع: سااااااالم ايييييييه عرفته كان يلعب معنا كره ايام الثنويه والله زمان (كان بيقول سامج)
فهد فاطس ضحك :ههههههههههههههه ههههههه ههههههههههههه
فواز: الله يفضحك اشش
ابو عبد الرحمن: راشد يبه قول للحريم يجهزون الشيخ بالطريق
راشد : ان شالله يبه




صعدة اخر درجه وتوجهت الى غرفت هند دقت الباب ودخلت!!!!
انصدمت من المنظر الي شافته ريم كانت ماسكه البوم وفاااطسه ضحك وهند مو احسن منها
..... : ريــــــــــم صاادقه عمتي ماحد يعتمد عليك بشي
ريم وهي تضحك: تعالي تعاي شوفي كيف كنا وحنا صغار تحححفه ولا الشعر اخر مديل على فكره ههههههههه
طنشتها ولتفت لهند:وانتي متابعه هالخبله المعرس واهله صار له نص ساعه تحت والحين بيجي الشيخ وانتي ما سلمتي على امة وخواته
هند: هئئئئ جد كله من هالخبله نستني كل شي.. كيف شكلي حلو؟
......: تهبلين بس يلا بسرعه انا سابقتكم
طلعت وسكرت الباب كانت بتلتفت بس سبقها صفيره
راشد يصفر: احلااااا هنادي والله لالالالا دوخت والله محلوه يالدبه ما خبري جسمك كذا بهالحلات وانا اقول البنت كله شبعاانه ومالها نفس والله لو انك مانتي اختي كان خطفتك من محمد
ويقررب منها ويمسك وجهها بيده: يلا هنودتي عن الدلع ما اخبرك تستحين وريني مكياج عمتي نوره ...
وقبل ما يلفها له فتحت الباب ودخلت الغرفه بسررعه واستندت على الباب واهي حاطه يدها على صدرها وقلبها يرركض
هند: بسم الله علك شفيك
....... على نفس الحالها وساكته
ريم:شفيك انتي مو توك تهزين وش الي جابك
....... بخاطرها وش اقول لكم شافني راشد ولزق فيني لدرجة ان ريحة الطيب الي تحت اذنه شميتها
هند تقرب منها وتهز كتوفها: شفيك صاحيه وش الي قلب حالك
......: فيه حشره
هند: هههههههههههه الله ياخذ بليسك انتي للحين عندك فوبيا حشرات
ريم: ما عليك منها بزر
هند اخذت الشبشب وفتحت الباب بتشوف الحشره وشافت راشد واقف مكانه وعلى وجهه علىمة تعجب كبييييييره !
هند: مشالله حشره بس بحجم ديناصور هههههههه

راشد ناظر اخته وتأكد ان الي شافها مو اخته لان لون فستانها يختلف
يخاطب نفسه: يالبا ولبا ولبا فدييييت الجسم والله ولا الشعر آآآآآه ياقلبي اوف بس لو شفت وجهها كان عرفت اهي ميين؟



هذا الجزء الأول انتمى يعجبكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-03-2011, 02:14 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: رواية عجزت روحي ان تلقاكي


بسم الله الرحمن الرحيم


بالتوفيق في طرحك

قوآنين القسم
القوانين ، تحديث جديد ؛


موفقه بإذن الله





~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-03-2011, 02:41 AM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي ان تلقاكي


شكراً لهتماك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-03-2011, 08:31 PM
صورة لون حياتي ~ الرمزية
لون حياتي ~ لون حياتي ~ غير متصل
©؛°¨غرامي جديد¨°؛©
 
الافتراضي رد: رواية عجزت روحي ان تلقاكي


اتمننى تكممملي
وبآيين ان الروآية حلووه
لك ودي ~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-03-2011, 09:13 PM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي ان تلقاكي


مشكووره لون حياتي
ان شالله بكملها بكر ه و كل يومين بنزل جزء
مرره فرحني ردك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-03-2011, 09:15 PM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي ان تلقاكي


مشكووره لون حياتي
ان شالله بكملها بكر ه و كل يومين بنزل جزء
مرره فرحني ردك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-03-2011, 05:21 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية عجزت روحي أن تلقاكي / بقلمي


,’





بسم الله
و عليكم الســــلام و الرحمة




يعطيك العــافية
بـ التوفيق إن شـــاء الله




,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 20-03-2011, 12:39 AM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي أن تلقاكي / بقلمي


الجزء الثاني


في بيت ابو عبد الرحمن
بعد الملكة وبعد مافضى البيت الساعه 12 كانوا فهد و راشد يسولفون مع اختهم عن الي صار اليوم
فهد: ها هند كيف شفتي محمد على الطبيعه .. ويغمز لها
هند : يالله فهد تكفى ارحمني تعبانه ومالي خلق سوالفك
راشد: لا جد هنود كيف شفتيه ودي اعرف رايك
هند وهي مستحيه: مدري عادي
فهد: يمه منك الحين تمثلين علينا الحيا وتصعدين للبنات فوق تقولين لهم كل شي لا وبتفصل الممل بعد
هند: وانت وش الي حارك
راشد: اي بنات؟!!
هند:بنات عمي بينامون عندنا
راشد: اهاا.. حياهم الله
هند: يالله انا بصعد للبنات.. وقامت
فهد: اقول راشد شفت كيف وجه محمد بعد ما دخل عند هند
هند وقفت مكانها وبتلقائيه قالت: كيف!!
فهد:ههههههههههه مالي خلق اسولف
هند: راشد شوفه
راشد: ما عليك منه
هند : الا ابي اعرف وش صار
فهد: علميني انتي وش صار وانا اعلمك
راشد: ياحبك للسواف حشى ولا حرمه ماعليك منه والله بس يبي يطفرك
فهد: ههههههههه هههه
هند سفهته وصعدت



وبزاويه ثانيه بالبيت في جناح عبد الرحمن ونوف
نوف:يا ماما ياحبيبي قلت لك البنات الحين بينامون
سليمان: الا الا كذابه
عبد الرحمن: هههههههه
نوف فتحت عيونها : بدل ما تأدبه تضحك علي
عبد الرحمن اخذ ولده وجلسه بحضنه: عيب بابا ما يصير تقول هذا الكلام لماما بعدين الله يوديك النار
سليمان خاف:وين الناار
عبد الرحمن : عند الله الي يسوي غلط يحطونه فيها كبيييره مررره يعني مثلا اذا كذب تحرق لساانه
سليمان :مابي مابي اروح النار واااااااء واااااااء هئئ وااءا مابي .. يبكي
نوف اخذت ولدها من ابوه: شفيك سويت فلم رعب للولد
عبد الرحمن : انتي تقولين ادبه
نوف واهي تمسح على راس ولدها: ايه قلت بس مو كذا خاف
سليمان: ماما انا آسف انتي مو كذابه
نوف: ياروحي وتضمه
عبد الرحمن: احم شفتي كيف تأدب هههههه
5 دقايق وسلمان راح في ساابع نومه
نوف: ياعمري نام بسرعه كله من فلم الرعب الي سويته له
عبد الرحمن قرب من زوجته واخذ سليمان وحطه على سريره : اجل كل يوم بسوي له فلم عشان ينام ويفكنا من شره
نوف: حرام عليك والله مافيه اطيب منه
عبد الرحمن: ادري طيب طوول النهار بس اذا جا الليل وما نام يصير شرير ابي أخذ راحتي معك .. ويقرب منها ويبوسها
نوف توردة خدودها
عبد الرحمن سحبها له: فديتهم الي يستحون



وعند البنات هند كانت تسولف لهم عن الي صار معها بالملكه والجوو حماااس
نغم:امااااااااانه يااربي أحراج
هند: ما سمعتو شي بعد
ريم: ايوه ايوه كملي
هند: اول ما دخل المجلس
نغم: دقيقه بسئلك فيه احد كان معك؟
هند: لا بس انا .. وتغير لون وجهاا
ريم: شفيك ؟
هند: تذكرت امي الله يرحمها ضاقة فيني الدنيا يوم صرت لوحدي واهو كان داخل مع امه وخواته
سلاف عورها قلبها على حال بنت عمها وضمتها:معليه حبيبتي ان شالله محمد بيسعدك و ما راح يقصر بحقك
ريم تبي تلطف الجو: يلا كملي ولا تقلبينها دراما اعرفك تبين تضيعن السالفه
هند: هههه وانا اتجرء اخاف منك
ريم: ايه قلت بعد دلع بنات يلا كملي
هند: المهم دخل علي اهو وامه واخواته وطبعا ما يحتاج اقول لكم ان ريحته وصلت قبله
سلاف: هههههههههه وناسه كملي
هند: باس راسي وتخيلووو جلس جنبي
البنات كلهم فتحو فمهم
هند تضحك على اشكالهم: ههههههههه والله جرييئ وبعد ما طلعو اهله
نغم نطت عند هند: ايييه
هند: بسم الله شفيك
ريم: اقول نغمم بعدي عن وجهي ما اشوف شي
هند: له اهو فيلم عربي تبي تشوفين ههههه
ريم: هههههههه حلوه لا بس ابي اشوف وجهك حمااس
سلاف: كلملي ما عليك منهم
هند: ايوه اول ما طلعوا قالي كيفك واهو يطالع فيني بس انا منزله راسي وما رديت عليه
البنات متحمسيين
هند: تخيلو وش قال فدييييييييتهم الي يستحون هههههههههه وانا استحيت وقعدت اضحك
البنات ماتوا ضحك
ريم: هههههههههههه وليه تضحكين هههههههه
هند : مدري استحيت هههههههههه
نغم : هههههههه بنات ما تلاحظون ان كل رجال العيله يكررون هالجمله فديييييتهم الي يستحون
سلاف:من جد لاحظت ههههههههه كملي ايوه
هند: المهم انا ضحكت شوي وبعدين سكت واهو سااااكت ويطالع فيني وقال لبه الضحكه وراعيتهاا ومسك يدي وو
البنات شهقوو وتحمسوو
ريم : كملي كملي هههههههههه وناسه
هند تضحك على اشكال البنات وتكمل: مسك يدي وباااااسها
هنا البنات رااحو فيها الي تصفق والي استحت كأنها اهيا الي باس يدها والي تغطت بالشرشف
ريم: هئئئئئئئئ جررريئ وانتي وش سويتي ياحضي
هند: انا ما عرفت اسوي شي خلااااااص احرااااج الى ابعد درجه
سلاف :ياعمري رحمتك
هند: ايييييه ولا تخيلو وش صار لا هنا جد جد احراااج طاح وجهي
ريم ونغم بنفس الوقت: وششش؟
هند: هههههه الحين انا كنت منزله راسي واهو يبيني اطالع فيه يقولي تكفين بس نظره وحده ههههههه وانا ولا كني اسمع
نغم: ايوه
هند: اهو حط يده على كتفي وانا تروعت كتفي كان باااااااارد ويده كانت دافيه رفعت راسي بسرعه وضرب في راسه
سلاف: هئئئئئئئ لهدرجه كان قريب
هند: بس قريب .. حطت كفينها على بعض وقالت : كذاا
ريم:هههههههه ياعمري الله يعينك شكله مرره جريئ
نغم متحمسه:اوه كملي كملي
هند: انا خفت انه تعور رفعت راسي وجات عيني في عينه تخيلو وش سوى
البنات كلهم: وووووش؟
هند: ضمنييي بقوووه
البنات فهووو
سلاف نضرب نفسها صطارات : ياويلي ياويلي
نغم: لا لا جد اماااااانه قولي امزح
وريم تضحك:هههههههههههه ايوه وش سويتي بعدين
هند: بعد ما فكني قال اسف ادري اني زودتها بس ماقدرت امسك نفسي
نغم: لا لا لا لا قوويه ماقدرت امسك نفسي
هند: ههههههههه وازيدك من الشعر بيت قرب من اذني وقال جسمك يذبح
ريم شهقت: هئئئئ لاااااا هذا مو بس جريئ قليل ادب هههههههههه
هند: ههههههههه ايه وبس بعدن جا راشد وراح معه
سلاف: يمه يمه يمه الحين هال10 دقايق الي رحتي فيها صار كل هذا
ريم: اييه وانا اقول حرام ما امدها تشوفه زين اثاريك مو بس شايفته الا ولازقه فيه
هند: هههههههههههههه
وضلو يسولفون لين اذن الفجر وصلو ونامو



يوم جديد
كان بمزرعة عمه واقف واهي تمشي قدامه اهي حست ان فيه احد يمشي ورها وصارت تركض واهو يركض لين ما وصلت لمكان مسدود وقفت واهو وقف
قال:انتي وش سويتي فيني انا مابي منك شي ولا شي بس والله انا احبك احبك تكفين بس ابي اعرف انتي مين تكفين
لتفتت.... وصحى راشد من حلمه
راشد في خاطره: لااااااا مين هي مين ليه حلم ليه اتغذب ..ورجع ينام لعله وعسى يلقها في حلمه


في بيت ابو سلطان(يوسف)
الدنيا مقلوبه والخدم في كل انحاء البيت يجهزون عشان يستقبلون ولدهم سلطان الي بيرجع اليوم لان خلص دراسته
ورد : يمه ترى فواز للحين جالس بالمجلس ما طلع
ام سلطان : ولا شكله نواي بعد
فواز كان جالس بالمجلس ويكلم
ام سلطان:فوااز انت للحين ما طلعت
اشر لها بيده يعني دقيقه وقفل
فواز: يمه باقي 3 ساعااات وتوصل طيارته ليه العجله
ام سلطان: لا لا قوم من الحين المفروض تكون قبل ساعتين في المطار
فواز يضحك على امه: الله يام سلطان تلطعيني ساعتين عشان واحد صار له سنه ونص هاجرك افا والله افا
ام سلطان: انت قلتها ام سلطان مو ام فواز
فواز: مقبوله منك يا الغاليه
ام سلطان: يلا قوم بلا كلام فاضي
فواز واهو جالس وحاط رجل على رجل: طيب
ام سلطان بصوت عالي: قوووم يلاا طيب واهو جااس يلا بسرعه
فواز فز من مكانه: ان شالله يمه .. طيب مو انتي تبيني اخذ نغم من بيت عمي سلمان
ام سلطان: بدري يا الحبيب تبيني استناك ابوك جابها السعه 9
فواز رجع جلس: ايه خير ان شالله اقول يا الغاليه فيه شهاي
ام سلطان فتحت عيونها : قم
فواز وقف: انشالله يمه.. وطلع من البيت واهو يضحك على امه




في بيت ابو عبد الرحمن
كانت نايمه و سمعت صوت الباب يدق قامت واهي متثاقله وفتحته
ابو عبد الرحمن: للحين نايمن انا احسبكم صحيتوا يوم عمك مر على نغم يلا قومو اجهزو
هند تلكم ابوها واهي مغمضه : ليه يبه
ابو عبد الرحمن: نسيتي اليوم بيرجع سلطان ولد عمك وعمك عازمة محمد واهله
هند فتحت عيونها: ها وين
ابو عبد الرحمن يضحك على بنته: هههههههه يلا يلا اجهزو
دخلت الغرفه وسكرت الباب
ريم صحت: وش يقول عمي
هند: يقول اليوم بيرجع سلطان ومسوين عزيمه عشانه
ريم دق قلبها:اهاا ما غثه




في بيت العمه نوره
فيصل وهو داخل الغرفه: ها حياتي جاهزه
نوره كانت واقفه قدام المرايه ومو عارفه تلبس العقد:ايه بس لبسني هذا عيا يتسكر
فيصل دخل : الله الله يا العمه نورره وش هالزين .. ويقرب منها وضمها من ورى وباسها على خدهاا..
نوره: هههههههه ممكن تلبسني
فيصل اخذ العقد من يد زوجته: اكيييييد
نوره: حطت يدها على العقد: حلو
فصيل: يهببل
نوره: فيصل انت مستانس معي
فيصل: وش هالسؤال يانوره اكيد مستانس تشكين بهالشي
نوره: بس انا حارمتك من الضنا.. قالتها واهي شوي وتبكي
فصيل حط يده على فمها: اششش لا عاد اسمع منك هالكلام انتي زوجتي وحبيبتي وبنتي والله كريم



وبالمطار الدمام كان فواز وفهد وراشد يستنون سلطان
فواز يقزز بالبنات مرت وحده متثلمه من جنبهم وتجر شنطتها ورهاا وريحت عطرها منتشهر بالمطار
فواز بصوت مسموع: يااااالبييه ليتني انا الشنطه
راشد وفهد يضحكون لا البنت كملت طريقها حتى بدون ما تلتفت
فهد: يا تتغزل زي الناس او اسكت هههههههه
فواز:لا والله ها هذاي وحده جايه ورينا شطارتك
فهد : طيب
ومرت البنت من جنبهم
فهد: فدييت الحلوو
البنت لتفتت وبتسمت لراشد
فواز:هههههههههههه القط وجهك ههه البنت حتى ما طالعت فيك لان ا توقعد ان واحد لحجي مثلك يغازل
فهد طنشه
فواز: راشد شوف تأشر لك
راشد وهو مو مهتم:طيب وش تبيني اسوي لها
فواز: اتحداك تاخذ رقمها
راشد: لو ابي اجيبها كلها مو بس الرقم خلاص بلا حركات ماصخه وترى وصلت الطياره
فواز التفت وراه:والله
راشد هز راسه بنعم بدون ما يتكلم
شوي وطلع سلطان من الطياره
فهد وفواز رحو يركضون له بعكس راشد الي كان يمشي برزانه مع انه اكثر واحد مشتاق لسلطان صديق عمره
سملمو عليه واخذو الشنط وراحو البيت



في بيت ابو سلطان الكل كان موجود
عند الرجال
ابو سلطان: حيالله المعرس
محمد ابتسم: تسلم عمي
ابو سلطان:محمد مو انت كانت عند الرحله الي بيجي فيها سلطان
محمد: ايه صح بس عطيتها خويي عبدالله لان صادف امس الملكه ولا انا كان ودي
ابو سلطان: ايه الله يوفقك ياولدي
محممد: الجميع ان شالله
شوي ودخلو عليهم العيال ومعهم سلطان
ابو سلطان: هلااا بولدي هلا ..
سلطان واهو يبوس راس ابوك: هلا يبه شلونكم
وسلم عليهم كلهم..
وطلع يسلم على امه واخته وعمته
ام سلطان اول ما اقبل سلطان وقفت وفتحت يدينها وجا سلطان عندها يركض وضمممته
ام سلطان: يمه ولدي .. ورفعت يدها تحمد الله انه رجع سالم
ورد ضمت اخوها مع امها
نغم: بسس يمه ..وبكت و العمه نوره شافتهم يبكون وبكت معهم



بمجلس الحريم البناات كلهم وافقن عند الباب ويطالعون من فتحه صغييره
سلاف: ياعمري خالي ام سلطان مو مصدقه كل شوي تمسك وجهه ويدهه
ريم في خاطرها ياقلبي حتى انا مو مصدقه: مااالت من زينه عاد
نوف: لا حرام عليك ريوم سلطان يومه مزيون البنات علىيه مثل النمل
هند: ايه والله له هيبه بش كبد مو مثل اخوي راشد
ام نوف: خلاص ابعدو بسكم حش بالرجال توه واصل على طول حشش فيه
عنود : يمممه خلينيا نطالع
ام نوف: ايا الي ما تستحين
عنود: يمه اقصد اطالع في ورد وررد يمه
ام نوف : اييه

بعد العزيمه في بيت ابو عبد الرحمن
كان بغرفته وجالس يقرى كاتب بس مو عراف يقرى كل شوي يعيد نفس السطر يفكر بالي أسرت قلبه مو قادر يشيلها من باله المشكله انه مو عارف مني هي قفل الكتاب ووقف يطالع روحه بالمرايه
ويقول بخاطره: انت يا راشد بنت تأسر قلبك من نظره انت الي عمرك ما اهتمت للبنات ااااااااااااه يارسي هالبنيه غيرعن كل البناااات ابييييييها ابيها ابي اعرفها بس ابي اعرف مين تكون!!
وضرب التسريحه وطلع من غرفته واتجه لغرفت هند طالع الباب واهوو متشفق بس لو دارت ااااااخ ياقلبي
دق الباب
راشد: هند .. ماحد رد عليه رجع يدق
ولا حد رد
فتح الباب وانصدم
راشد ابستسم ابتسامه وااسعه كأنه لقى خليط يوصله الفستااان!!
الفستان الي كانت لابسته كان على سرير هند
راح له وشاله وشمممممه وهو متحسرر بخاطره ااااااااه ياقلبي هذاي نفس ريحت العطر ويضمممه
ورجعه على السرير ومسح عليه وطلع من غرفت اخته


لقى هند بوجهه وكانت تكلم
هند: ايه حبيبتي احلفي ههههههههه.. شكرا شكرا ايه.. والله حتى انتي كنتي تهبلين وفستانك رووعه على انتى لاحظتي انك نسيته عندي.. ايه والله خلاص اذا شفك عطيتك ياه.. اسمعي.. ها امك اوكي خلاص بيباي
راشد وقلبه يعتصر: مين هذاي
هند رفعة حاجب: ليه تسأل
راشد: اووووه .. ومشى
وش اقول لها ابيها احبها يمكن البنت مخطوبه اووه انا ليش شاغل بالي خلاص انسى يا راشد انسى


مر اسبوع على ملكة هند وتطورت العلاقه بينها وبين محمد
سلطان صار يشتغل مع اعمامه بالشركه وصار مع راشد بنفس المكتب
راشد على نفس حاله كل يوم يحلم بنفس البنت وفيه مره تجرئ وسئل هند عنها ورفضت تقول له
اما الباقين على نفس حالهم

في بيت ابو نوف
سلاف: هند والله فشله البنت ماشفتها الا مره وحده وش
هند: والله اهي قالت لي تعالي انتي وبنات عمك وقلت اسمك انتي بالذات
سلاف استغربت: ليه يعني من وين المعرفه بعدين اهي خوية خويتك
هند : عادي بس روحي تونسي جمة بنات وفله
سلاف: ادري والله مدري برد عليك
هند : يلا امانه سلاف ريم تقول بتروح
سلاف: ريم عادي تلاقينها تعرف نص البنات الي بيروحون بس اانا ماالي علاقه فيهم ابد
هند: سلاف بتجين غصب عنك
سلاف: امري لله اوكيه
هند:خلاص يلا حبيبتي البسو بمركم السعه 8 ونص
سلاف : اوكيه باي
..............
ريم: طلعتي روح البنت والله لو انا كان قلت فكه احسن ساعه تترجاك
سلاف:اووف الحين بلبس على عجله وبعد نغم ما بتورح اووف
ريم: انتي يا تجين وانتي مفرفشه ومستناسه اولا تجين وتخربين علينا الجو
سلاف: ان شالله عمتي .. يلا اطلع خليني اعرف البس



في بيت ابو عبد الرحمن
هند: راشد تكفى الله يخليك اخوي الكبير الله يرضى عليك
راشد طلع بوكه من جيبه وطلع عشره ريال ومدها لهاوقال. الله يعطيك دعي لي يتحقق اللي في بالي بعد
هند تطالع العشره وتطالعه
راشد ضحك ورجع العشره:قولي وش تبين تعرفيني ما احب حركات الشحاته
هند:ابيك توصلني بيت خويتي
راشد: بس من عيوني كم هند عندي انا
هند : ياحبي لك بلبس عبايتي وبجي مو تطلع وتكشت فيني
راشد: افا مو راشد الي يسوي هذاي الحركات. يلا بسرعه بستناك بالسياره
لبست هند عبايتها وركبت
هند: راشد اول روح بيت عمي يوسف
راشد: ليه
هند : بيجون معي سلاف وريم
راشد : ان شالله .. خليهم يجهزون
شوي وصلو عند بيت يوسف دقت هند على البنات وطلعو
دخلت ريم: السلام
هند وراشد وعليكم السلام
ريم: شلونك راشد؟
رشد : الحمدلله وش اخبارك
ريم : الحمدلله
هند: وين سلاف؟
ريم: جايه الحين
دخلت سلاف وسكرت الباب
راشد شم نفس ريحت العطر ودووخ تذكر هذاك اليوووم
هند: راشد شفيك يلا تحرك
راشد: ايه اوكيه ..ومشى وهو عيونه قدام وقلبه ورى بس باقي يبي دلييل تأكد منه انها سلاف؟


يا ترى كيف راح يتأكد ان شالله راح تعرفون بالجزء الثالث

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-03-2011, 05:41 AM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي أن تلقاكي / بقلمي


الجزء الثالث



بالشركه
راشد كان يقرى الأخبار الرياضيه ويشرب قهوته وسلطان يشرب عصير برتقال ويطقطق بالبلاك بيري
سلطان:هههههههههههه اسمع اسمع راشد يقولك فيه اثنين محششين..واحد منهم يبي يسوي انه حكيم
قال للثاني: قلي من صديقك أقولك من أنت؟
قال الثاني: من صديقك؟
ردعليه: من أنت؟
راشد نزل الجريده وضحك :هههههههههه حلوه
دق الباب
راشد علطول دس الجريده بالدرج وسلطان قط البلاك بيري
راشد: تفضل
ونفتح الباب ويدخل فهد وهو يصفر وبعده دخل فواز
اثنينهم: السلام عليكم
سلطان وهو يضحك: الله ياخذ عدوكم عفستونا حس بالنا حد مهم
راشد: انتو وش الي جابكم ؟
فواز جلس على الكرسي: اشتقنا لكم
فهد يغني : اشتقنا ياحلو والله شتقنا صار لك زمان مفارقنا
فواز يكمل: يما ويما تعبنا وبنار الشوق تلوعنا
سلطان ميت ضحك عليهم: انا سافرت ورجعت وانتو للحين على حالكم
راشد يضحك عليهم : لا جد انتو مهبل هههههههه
فهد: اقول فواز اكنا نسبينا
فواز: على ما اضن ايه
شوي ودخل عليهم ابو عبد الرحمن
ابو عبد الرحمن: مااا شالله ليه ما عزمتونا على الحفله
فواز يرقع: شلونك عمي والله حلوه الشركه
ابو عبد الرحمن:الحمدلله ..ها سلطان كيف الشغل معك
سلطان: دام راشد معي كل شي تمام
راشد ابتسم: تسلم
ابو عبد الرحمن: يا حلو لمتكم يا عيال اقول وش رايكم نطلع البر مع اعمامكم نغير جو
فواز تحمس: ايه عمي انا معك
فهد: وانا بعد
سلطان: والله فكرة حلوه من زمان عن البراري
ابو عبد الرحمن: خلاص اجل كلمو اعمامكم وعمتكم وشوفو لنا يوم مناسب ولا تنسون تقولون لعمكم ابو محمد



في ابو سلطان الساعه 2 الظهر
كانت كاااشخه وحاطه مكياج ثقيل روج احمر ومكثفه الكحل وتصور بنفسها دخل عليها فواز
فواز: بسم الله الرحمن الرحيم وش مسويه بنفسك
نغم: كم مره اقول لك دق الباب قبل ما تدخل
فواز: اووه نسيت والله ههههه لا جد ليه وين بتروحين
نغم : مابروح مكان بس زهقانه .. وجلست على السرير
فواز: اجل ليه كل هالبس والمكياج
نغم: اقول لك زهقانه
فواز: الحمدلله والشكر والله رحمت حالك تبين امشيك
نغم: احلف ايه امانه تكسب فيني اجر
فواز:خلاص اوكيه شيلي هالمكياج واطلعك وترى الخميس الجاي بنطلع البر
نغم: بذمتك.. يااي وناسه وجهك خير علي ما بغينا نحس بالأجازه .. وباست اخوها على خده
فواز: يععع طبعت براطمك فيني ..وراح يشوف نفسه بالماريه
نغم: مالت عليك وعلى الي تبوسك
فواز وهو يطالع خده الي مطبوع عليه بوسه حمره: هههههه والله صاير حلو مع وجهي
نغم:ههههههههههه







يوم الخميس في بيت ابو محمد (صديق العليه)
الصباح كان ابو محمد جالس بالصاله يتابع سوق الاسهم معه زوجته ويشربون شاهي
ابو محمد والأبتسامه على وجهه: ما شالله السوق كلها خضراء اليوم
ام محمد: مشالله الله يزيد وبارك الحمدلله
ونزل محمد: صباح الخير.. وباس راس امه وابوه
ام محمد: الله يقويك وتبوس الكعبه ان شالله ..يمه تبي شاهي
محمد: ايه
ابو محمد: ها يبه بتورح مع اعمامك البر
محمد: ايه بيمشون العصر
ابو محمد: سلم عليهم وتعذر لهم عني
محمد: ان شالله
ابومحمد: انا اعتذرت من ابو عبد الرحمن بس افضل انك تقول لهم... ايه زين ياولدي روح غير جو وحس بالتراب والأرض الانك بتقضي حياتك وانت معلق بالسما
محمد يضحك:هههههههههههه وش رايك يبه اخذ لي كيسه وامليها رمل
ابو محمد يضحك:الله يقطع سوالفك
محمد ابتسم: اقول بيه يصير اليوم اطلب من عمي عبد الرحمن اني امشي مع هند شوي
ابو محمد:والله انا اشوفها عادي وما اضن ان ابو عبد الرحمن بخالف
ام محمد: ايه بس انتبه لحركاتك لا تحرج البنت
محمد يضحك :وش قصدك يمه ههههه
ام محمد:ايه ولدي واعرفك خابزتك ما تجوز من سوالفك
محمد: ابشري



في بيت ابو عبد الرحمن كان البيت زحمه لانه اكبر واحد بأخوانه اذا جو بيطلعون رحله تتجمع كل العيله في بيته
بجناح نوف وعبد الرحمن
عبد الرحمن واهو جاس عل السرير: نووفه وين حاطه جل الحلاقه حقي؟
نوف: حطيته بالشنطه ..ليه تبيه الحين
عبد الرحمن:لا خلاص ..انتي جهزتي كل شي
نوف واهي جالسه على الأرض ترتب بالشنط:ايه تقريبا.. حبيبي انا كتبت ملاحظات تقدر تقرها لي اخاف نسيت شي
عبد الرحمن:من عيوني .. وينها؟
نوف أشرت على الكمدينه
عبد الرحمن اخذ الدفتر وبدا يقرا:يلاا اسمعي..العاب سليمان حق ارمل...صابون وجل الحلاقه حق دحمومي احمم...مكياجي وكريماتي خيير ليه المكياج
نوف: ههههههههه عمتي نوره بتعطيني دورة مكياج
عبد الرحمن:بالبر هههههههه مو صاحين والله
نوف:كمل
عبد الرحمن:حلويات والكيكه الي بتسوينها
نوف:هئ نسييتهاا




تحت بالصاله
العمه نوره:ااجل وين راشد وفهد
هند:راشد فوق بغرفته وفهد طالع مع فواز
شوي ونزل سليمان وهو حامل شنطته على ظهرع
العمه نوره: هلا هلا بسلوم .. وقامت شالته وباسته
سليمان فتح شنطته: شوفي ماما حطلي شوكلاااته لذييذه تبين وحده
العمه نوره: لا ابيها كلها
سليمان: لا لا بعدين تطلع لك سوووسه مو زييين
العمه نوره : هههههههههه
ونزلت نوف ‏وعبد الرحمن
نوف :عمتي عندنا يا مرحبا يامرحبا
العمه نوره :هلا نووف وسلمت عليها
عبد الرحمن:هلا نوره شلونك
العمه نوره:قول عمتي عمت عين العدو
عبد الرحمن طالع فيها :خير اكبر مني ب3 سنين وياما كفختك وانتي صغيره اقول وين زوجك يابنت
العمه نوره وهي تضحك:والله طول لسانك يادحيم
عبد الرحمن:ههههههههههههه اقول جد وين فصيل
العمه نوره:بالمجلس واسمه عمك فيصل
عبد الرحمن:ايه معيله..وراح المجلس


وفي بيت العم(ابو سلطان)
سلطان وهو واقف عند الدرج:نغممم
نغم واهي تلبس عبايتها وتشيل شنطتها:نعممم
سلطان: انزلي انتي واختك بسررعه ولا والله بمشي عنكم
نغم واهي تركض على الدرج تعرف اخوها يسويها:جيت جيت
سلطان:ووين ورد
نغم:الحين جايه
ونزلت ورد:كيفكم ..وراحت المطبخ
سلطان:وين وين على الله
ورد تأشر على المطبخ:المطبخ
نغم:لااااااا احلفي اول
ورد:يمه شفيكم جوعانه
سلطان:اقول انا بالسياره وبعد دقيقتين بمشي
ورد:سلطان بس دقيقه بجيب لي بسكوت ع الأقل
سلطان:اخلصي بسرعه الكل يستنانا في بيت عمي
ورد:وين امي
نغم:ياويليي ما ابردها من زمان راحت مع فواز
ورحو لبيت عمهم وكان الكل يستناهم



وبالطريق بسيارة عبد الرحمن كانو كل البنات فيها
ريم: اقول نوف انتي قايله لسليمان وين بنروح
نوف : استغربت :ليه؟
ريم:حاط بشنطته تيوب ونظارة سباحه ههههههههههه
الكل:هههههههههههههه
نوف ضحكت:اييه امس ذبحني الا يبي يحطها بشنطته
عبد الرحمن يضحك على ولده:خلاص بابا دام نفسك تسبح اشتري لك بركة صغيره تسبح فيها
سليمان فتح عيونه: ايه بابا
نوف :مو انت نايم وش الي صحاك هههههه من جدك عبد الرحمن بتشتري له
عبد الرحمن: ايه ولا تجي بخاطره
هند: الا صدق نغم ليه تأخرتو
نغم:الأانسه ورد صحت متأخر
ورد بصوت واطي:لا تفضحيني
ريم:هههههههه الا وش قولي
نغم: ما تعرفينها كله مفهيه في حياتها
سلاف: ياقلبي لا تقولن عنها كذا
ووقف عبد الرحمن عند محل عشان يشتري لولده البركه الصغيره



وبسيارة راشد
فواز : اقول راشد حط لنا اغنيه توسع الصدر
راشد: وش تبون تسمعون؟
فهد وهو يهز كتوفه: مصري تكفى
محمد مات ضحك على شكله وهو يهز:هههههههههههه مصري مره وحده
راشد : خيييير طير مناك
فواز: شفيكم ع الولد حطو له مصري راشد حط اه ونص هههههههه
سلطان:هههههههههههه شباب تخيلو وجه راشد واغنية اه ونص تشتغل
الكل:ههههههههههههههه
محمد: راشد حده محمد عبده هههههه بس اه ونص حلوه منك سلطان
سلطان: اشكرك ههههههه
فواز: لا جد راشد حط اه ونص ودي اشوف وجهك مع الأغنيه
محمد:مااا يركب ههههههه لا تحاول
فهد:يلا رااشد حطها
راشد مبتسم:انسو الفكره..
فهد: راشد شوف فيصل يسابقك
راشد طالع يمينه وفتح الدريشه: اذا سبقتنا ننام كلنا برا الخيمه هههههه .. اربطو الأحزمه




بسيارة فيصل
نوره: فيصل اسررع
فيصل: ابشري ..ويدوس بنزين
نوره:يمممممه لا لا خلاص خفف خفف
فيصل خفف السرعه :شفيك ؟
نوره:يمه يخوف
فيصل: تحافين وانا معك
نوره:ايه
فيصل: شف البنت تقول ايه
نوره:ههههههههه


الساعه 2ونص وصلو البر وكان الجو جنااان نصبو خيمتين وحده حق الرجال وحده حق الحريم
في خيمة البنات
ام نوف وام سلطان جالسين بزاويه يجهزون السلطه والبنات بالزاويه الثانيه...
هند كانت تراسل محمد
نوره: نوف جبتي مكياجك؟
نوف:ههههه ايه بس ضحك على عبد الرحمن يقول مو صاحين
نوره ابتسمت:ماعليك منه بس يبغالنا وحده تتدربين عليها
نغم: تحت الخمده
سلاف: امانه خلوها بالليل الحين نبغى نطلع نستكشف المكان
ريم:اي وش تبين تشوفين كله رمل
هند شهقت
سلاف: بسم الله عليك شفيك؟
هند ساكته واشرت لسلاف عشان تجي
سلاف راحت لها: شفيك
هند عطتها الجوال : اقري
سلاف اخت الجوال من يد هند وقرت ...كانت رساله من محمد يقول فيها:حبيبتي انا سئلت عمي اذا عادي اشوفك وما عارض انتي وش رايك
سلاف ضحكت:ههههههههههههه روحي روحي هند والله حماس مع الجو شي خطيير
هند مو عارفه وش تسوي: طيب وش ارد عليه وش اكتب
سلاف:اممم تغلي عليه قول له بس انا مريضه والجو بره برد
هند عجبتها الفكره وارسلت له
شوي وجات نغم وريم
ريم: اشم ريحة جريمه وش تسون
هند: يمه منك ..
نغم: وش السالفه انا اسمع صوت مسجاات من الصبح
ووصل هند مسج من محمد
هند: الله ياخذك على هالفكره
سلاف متحمسه وش قال؟
مدت لها هند الجوال بس ريم سحبته وقرت كان كاتب: سلامتك ياروحي طيب ليه ما قلتي خلاص جهزي نفسك بوديك اقرب مستوصف
ريم شهقت
هند : ياويلي وش اسوي
سلاف: قول له شوية زكام ماله داعي اروح
هند :طيب
ريم: وش الساالفة المستوصف بالضبط
سلاف قالت لهم السالفه
نغم:هههههههه وش هالأفكار
ريم:احسن ماحد قال لكم تتصرفون بدون ما تستشيروني
هند جالسه على اعصبها وجها مسج ثاني يقول فيه: الا لازم ابي اطمن عليك يالله اطلعي بستناك بسيارة راشد
البنات يضحكون
هند: دبروني وش اسوي حتى زكام مافيني
ريم: تعالي معي.. وسحبتها مع يدها ورحت للبارد واخذت ثلجه ودخلتها بفم هند
هند والثلجه بفمها: مهبوله اني وش تسوين
ريم تكمل شغلها وتخذ ثلجه ثانيه وتحطها بيدها



عند الشباب كانو يعمرون النار عشان يشون
فهد: على وين يالنسيب
راشد:هند تعبانه بيوديها المستوصف
فهد: والله كبرنا ياهند وصار زوجنا الي ودينا ويجبنا
محمد: ههههههه مالك شغل بحرمتي
راشد راشد وهو يقلب الفحم: زين تسوي فيه على طول مطفشها.. اااخ
فواز: شفيك؟؟
راشد لا حرقه بسيطه
وراح لخيمة البنات راشد: احمم احمم هند
علطول طلعت له هند
راشد: بسم الله وش السرعه..ااخ عندكم ثلج
هند عطته الثلجه الي بيدها
راشد استغرب :هههههههه لا يكون جالسين تتسمعون علينا
هند ترقع: لا بس تسمعتك وانت تصارح.. اقول راشد محمد وينه
رشد واهو حاط الثلجه على اصبعه: ايه يستناك بسيارتي
هند : طيب ...وراحت لسيارة راشد


بسيارة راشد
محمد شاف هند جايه لسياره قام مد يده وفتحه الباب لها من داخل ودخلت وسكرت الباب
هند: السلام
محمد: وعليكم السلام .. سلامتك يا الغاليه
هند: الله يسلمك
وحرك السيارة ومشى
محمد مسك يد هند :هئ باررده... ترك الدركسون ومسك يدها بيدينه وصار يحكها في بعض
محمد: سلامتك ياروحي سلامتك.. ورجع يد على الدركسون والثانيه ماسك فيها يدها
محمد وهو يطالع فيها: هنا فيه مستوصف قريب... وباس يدها وقال: فيني ولا فيك ياروحي
هند: بسم الله عليك
محمد شد على يدها: فديييييتك تخافين علي.؟
هند ابسمت: اكيد
محمد استانس الأنها تتجاوبت معه :ياروحي ها كيف الأجواء عندكم مستانسه؟
هند :ايه حلوه امم وانت مستانس
محمد:دام هنودتي قريبه مني وتتنفس نفس الهوا الي اتنفسه اكيد مستانس
هند استحت وكتمت نفسها
محمد:هههههههه لا تكتمين
هند:هههههههههههههه... كيف عرفت
محمد أخذ يدها وحطها على صدره:هذا قالي



ونرجع للخيام
جنب خيمة الرجال كان عبد الرحمن واقف يعبي البركه حقت سليمان
سلطان:ههههه من جدك انت ههههههههههه
فهد:والله هالبز مشيكم على مزااجه كل شي يبيه يصير
عبد الرحمن سفهم: سليمان روح قول لماما تلبسك ملابس السباحه
سليمان استانس وراح يركض لأمه
ابو عبد الرحمن:وش الي حاركم خلو الولد يستانس

بخيمة الحريم
سليمان جا يرركض وطاح على وجهه بقوه لاكن ما اهتم متحمس
نوف: اسم الله عليك..ومسكت وجهه.. حبيبي تعورت
سليمان يباعد يد امه:مامااا بابا عبد الرحن يقول الحين انتي لازم تلبسيني ملابس السباحه عشان بسبح
نوف: لا الحين شمس حبيبي
سليمان ماعليه من امه راح وجاب شنطته
سلاف:ياروحي متحمس
سليمان:خاله سلاف بتسبحين معي
سلاف:ياليت بس ما يصير فيه رجال
سليمان:اجل تعالي شوفيني وصوريني بكامرتك
نوف :تعال.. جا وشالت بلوزته
سليمان وامه ترفع بلوزته:كلكم كلكم تعالو شوفوني انا اعرف اسبح
سلاف:نوف بتطلعين تشوفينه
نوف:ايه اكيد عادي نوقف على جنب
وطلع سليمان من الخيمه واهو لابس شورت مرسوم عليه برارني ونظارة السباحها رافعها على شعره ... والبنات جو وراه
راشد شم نفس ريحة العطر وعوره قلبه مو قادر يشيلها من باله
سليمان:عمو راشد انت بتسبح معي صح
راشد رفع عيونه فوق يفكر وقال: اوكيه
سليمان:يسسس..
فواز:راشد بتسبح معه هههههه
راشد: ايه عادي
فهد:ياحبك لذا البزر
راشد كان لابس شورت اسود وبلوزه بيضاء فضخ البلوزه ورجع شعره على ورا وشكله كان خطيير الأبعد درجه
ريم بصوت واطي: وش عنده هذا يسوي لنا عرض
سلاف: هههههههه مو عاجبك لا تطالعين
نغم: بسراحه جسمه مثالي بس مدري اسحه مغرور
جاهم فواز:هلا بأخواتي الغاليات عمتن مسائن
سلاف:هلا بأخووي الي صار له اسبوعين ما دق علي
فواز:هههههه والله انشغلت يا اختاه
عبد الرحمن: راشد يلا لا يبرد سليمان
راشد:اوكيه.. واخذ سليمان ونزل بالبركه
فهد:والله اشكااالهم تحفففه هههههههههههههه بركه بوسط البر لا يشوفنا احد يقول عننا مجانين
نوف: ياقلبي مستانس سلاف صوريه
سلاف استحت تصور الان معه راشد
سلاف:فواز صوره
فواز اخذ الكمره منها وجلس يصور
سلطان: اووه راشد نزلت معه ههههههههه
راشد وهو جالس بالبركه الصغيره :ايه هههههههههههه والله رهيب الشعور تعال معنا
سلطان:ودي بس بروح اكمل شوي
راشد:الله يقويك


عند محمد وهند واهم راجعين
محمد: لا تنسين المضاد كل 6 ساعات
هند مبتسمه: ان شالله
محمد:وشو هذا
هند:وش وين؟
محمد: مدري كأنه سراب
هند تركز: هههههههههه لا لا هذا سليمان ولد عبد الرحمن الا يبي بركه
محمد: لا من جد ههههههههه ايه والله صدق ومعه راشد اخوك
هند:ههههههههههههه
ونزلو من السيارة وراحو لهم
ابو عبد الرحمن:ها كيفها بنيتي
محمد:الحمدلله بي شوية بروده ووصفو لها مضاد
ابو عبد الرحمن ا:الحمدلله
هند:هاي بنات ياعمرري يذبح سلووم
ريم:هههههه ايه صح اقول امشي قول لي وش صار
هند ضحكت: طيب..بس انتي اسبقيني
ريم لا تتأخرين..وراحت وهي تمشي التوت رجولها وطاحت
ريم:اااااااااااااخ
جات لها هند:شفيك ؟؟
ريم:رجواليي اااااااااااااخ ما اقدر احركها .. كانت تبكي
سمعهم سلطان الي كان يشوي وجا على طول
سلطان: شفيها؟
هند:مدري ارجولها
سلطان قرب من ريم:خليني اشوفها
ريم:لا وش
سلطان مسك رجولها بقوه:بلا دلع يمكن كسر..جلس تفحصها..بسيارة راشد فيه حقيبة اسعاف جيبيها
وراحت هند بسررعه
سلطان يحرك رجل ريم:هنا فيه المم
ريم:اتركني ما بقول لك
سلطان ضغظ على المكان الي توقع انه يعورها
ريم:اااااخ
سلطان:عشان تعرفين ما تتكلمن
وجابت هند الشنطه
سلطان :ما عليك امرطلعي لي لفه
هند طلعتها وعطتها ياه
لف سلطان رجولها وقام :مافيها شي رض سطحي.. ومشى
ريم:سخيف غبي
هند: شفيك عليه جزاته
ريم:لا والله مسوي نفسه دكتور
هند: لا بس يعرف الأنه كان يدرس طب عضام وغير دراسته
ريم مدة يدها لهند:ساعديني...



الساعه 11 ونص الليل الكل كان نايم بس العيال صاحين مشغلن نار قريب من الخيمه ويغون
فواز:جيت وش جابك حبيبي من بعد طول المغيبي من بعد طول المغبي
فهد وهو يدق على صحن كبير: هلا هلا
فواز: ولا ناوي يا حبيبي تغرق الغرقـان اكـثر
راشد: تقـول اني ما اهمك يا برودة والله دمك
كنت فى عيني اضمك وتغزل بك واسهر
محمد:الله الله يا راشد
سلطان قام يرقص
فواز:هلا هلا تنكس تنكس
راشد مبتسم:هه ..وتغريت ملامح وجهه من ضحك الى ملاح خوف لمح هيئة ذيب اسود واقف
راشد بجمود:فيه ذيب عطوه ظهوكم
العيال كلهم عطوه ظهورهم
بداء الذيب بالعواء
فواز:خلاص رحنا من كيس اهلنا
راشد:شباب لا حد يلتفت لانه مستحيل يهاجم من الظهر امشو لسيارتي
وصارو يمشون وهو ولا حقهم
وصلوو للسياره ودخلوو كان اخر واحد فهد دخل ونط الذيب وراه بس فهد سكره قبل ما يدخل لهم
فهد غمض عيونه:الحمدلله



والحمدلله على الموضوع بسلام ويوم ثاني رجعو بيوتهم
بعد اسبوع من طلعت البر كانو البنات معزومين عل حفلة تخرج
في بيت ابو عبد الرحمن
كانو البنات لابسين عبيهم وطالعين نزلو تحت بالصاله كان جالس راشد يغير بالقنوات
سلاف: شلونك راشد
راشد حس انها سلاف وقال:الحمدلله شلونك..
سلاف ابتسمت :انا سلاف
راشد: شلونك سلاف اسمحي لي ما ميزت صوتك
سلاف :لا عادي
ريم :وش اخبارك راشد؟
راشد:هلا ريم اخبارك انتي
ريم: الله
هند: راشد على فكرة انت الي بتمرنا بعدين
راشد يبيها من الله:ابشري


وصلوالبنات بيت غلا
كان صوت الأغاني يزلزل المكان ونص البنات الشرقيه حاضرين الحفله
غلا ابتسمت ابتسامت خبث وقامت ترحب فيهم
غلا واهي تسلم على هند: هلاا والله بالعروس مبرووك
هند ابتسمت: الله يبارك فيك عقبالك يارب وانتي بعد مبروك على التخرج
غلا: الله يبارك فيك .. ولتفت لسلاف
سلاف ابتسمت: هلا غلا صح
غلا بفخر: ايه غلا اخبارك سلاف صح
سلاف ضحكت تفكر ان غلا تمزح: صح
ريم: هلا غلا مبرووك والله وكبرنا وصرنا خريجات
غلا ابتسبت: شفتي كيف الله يبارك فيك يالله تفضلو البيت بيتكم
البنات شالو عبيهم وجلسو
هند: ريم شفتي غلا وش لابسه الفستان الي كنت بشتريه لملكتي
ريم: ايه بس كان عليك احلا
هند: لا حرام عليك والله انها تهبل مشالله جميله
سلاف طلعت كلينكس من شنطتها وجلست تقطعه
ريم: شفيك محتره لان فيه وحده تتحدا جمالك
سلاف: مين الوحده ان شالله
ريم: غلا
سلاف: غلا مو حلوه عاديه وبعدين انا اقطع الكلينكس عشان احطه بأذني ازعااج
هند: لا حرام عليك والله حلوه
غلا: ها بنات ليه جالسين قموو ارقصو
هند: لا انا وريم اغسلي يدك مننا شوفي سلاف رقصها خطير
غلا طالعت سلاف وبتسمت: يلا
سلاف:اوكية .. وقامت سلاف معها
غلا: وش تحبين ترقصين عليه
سلاف استغربت من سؤلها : عادي اي شي
غلا طيب رحت للدي جي وقالت لهم يحطون جاني حبيبي
وقامو يرقصون !!



بوضح لكم شخصية غلا وعلاقتها بالبنات
علية غلا كانو جيران بيت ابو عبد الرحمن وكانت غلا بالمناسبات الرسميه تروح بيت ابو عبد الرحمن
(الأحادث القادمه قبل 5 سنوات)
مره كانت نوف والده بسلمان وراحت غلا وامها يتحمدن لها بالسلامه
كان كاشخ ومتعطر مستعد انه يطلع نزل من الدرج وسمع الجرس يرن راح وفتح الباب
ودخلت ام خالد ومعها بنتها غلا
راشد: هلا خالتي ام خالد شلونك عساك طيبه
ام خالد : هلا راشد الحمدلله الوالده هنا
راشد: ايه تفضلو بالصاله وانا اناديها... ومشى قدامهم وغلا ما شالت عيونها من عليه
ام عبد الرحمن: هلا والله حيالله ام خالد .. شلونك غلا
غلا بدلع متصنع: الحمدلله خاالتي شلونك راشد
ام خالد دفت بنتها بيدها (يعني تأدبي)
راشد بصوت واطي: قطع.. الحمدلله بخير يمه انا ماشي تبين شي
ام عبدالرحمن :لا سلامتك حافظك ربي
ام خالد: ها وش اخبار نوف وولدها
ام عبد الرحمن:الحمدلله تفضلو المجلس
بالمجلس كانت نوف جالسه ومعها العمه نوره و هند وسلاف وريم
دخلت عليهم ام عبد الرحمن: ام خالد وغلا جاين يتحمدون لك بالسلامه يانوف
نوف كانت منسدحه عدلت جلستها وقالت: الله يسلمهم
وسلمو عليهم وجلسوو
ام خالد:ها نوف كيف اول ولاده معك
نوف ابتست: والله تعب.. وطالعت بسليمان وقالت: بس يوم شفته راح التعب كله
ام خالد: الحمدلله على سلامتك
نوف: الله يسلمك خالتي
ام خالد: ام عبد الرحمن مين هذي الحلوه
ام عبد الرحمن: مين ايه هذي سلاف بنت عمهم يوسف
ام خالد: ما شالله عليها.. تاخذ العقل
ام عبد الرحمن: ايه تهبل الله يحفظها
ام خالد: ايه ما شالله عليها
ام عبد الرحمن تتكلم بصوت واطي: انا نوايه اذا كبرت اخطبها لراشد
ام خالد ابتسمت: ايه ماشالله حلوه
غلا سمعت كلاام ام عبد الرحمن ومن هذاك اليوم وهي حاقده على سلاف و حاولت اكثر من مره تتقرب لراشد يصد عنها ومره اخذت رقمه من جوال هند
وصارت تكلمه وتراسله واهو ما يرد عليها



نرجع للأحداث الطبيعيه
كانت سلاف ترقص ومقابلها غلا وكل البنات بفرجون عليهم
هند: والله اختك مو سهله شوفي كيف تهزز
ريم:هههههههههههههه من جد
هند: اقول لك شي
ريم: وش
هند:تذكرين بيوم ملكتي يوم دخلت علينا سلاف وكانت متوتره وتقول فيه حشره
ريم : ايوه
هند: ههههه الحشره كانت راشد
ريم: ههههههههههههههه احلفي
هند : والله وهو مسكين من يومها مو على بعضه ومره جا سئلني عنها
ريم: هئئ وانتي وش قلتي
هند: ما قلت له مين بس انا اشوفهم لايقين على بعض وامي الله يرحمها كانت دوم تقول سلاف لراشد
غلا مرت من وراهم وسمعت اخر كلمتين"سلاف لراشد" وزاد حقدها حقد
جات سلاف عندهم
ريم:شفيك لونك مخطوف
هند: بسم الله عليك شكلم حسدوك لا بارك الله فيهم
سلاف ابتسمت:لا ما فيني شي بس دخت شوي وانا ارقص
ريم: ايه حسدوك انا شفت هذيك ام عيون حشى مو عيون فناجين
سلاف:ههههههههه وش هالتشبيه ااخر راسي لا تخلني اضحك ههههه
هند قربت منها: قل اعوذ برب االفلق
بعد شوي
سلاف: بنات يلا خلنا نرجع تعبت والله
ريم: كله من ام عيون الحين اذا قامت بروح بجيب كاسها شربي منه
سلاف: هههه مافي امل شفيك شر النفوس وانا مدري
هند: خلاص بكلم راشد وبقوله يجينا الحين
ريم : لا بدري قول له بعد نص ساعه
هند: سلاف تصبرين نص ساعه
سلاف: ايه عادي بس مو اكثر
كلمت هند راشد
راشد: هلا
هند: هلا راشد تقدر تمرنا بعد نص ساعه
راشد: ما امداكم تجلسون
هند : لان سلاف تعبانه
راشد :بسم الله عليها شفيها
هند: اقول لك تعبانه
راشد: خلاص بمركم الحين
هند: لا مو الحين
راشد: ما اقدر الا الحين يلا اطلعو انا بره وقفل
هند: شفيه هذا قفل بوجهي يلا البسو هو برا
سلاف :طيب.. ولبست عبايتها
وجات غلا
غلا: وين وين؟
هند وقفت وقالت: والله غلا سلاف تعبت ولازم نمشي
غلا: لااااا امانه طيب اهي تروح وانتو اجلسو
ريم بغتها من الله: ايه صدق
هند: سلاف عادي
سلاف وودها تقول لا بس ماتبي تصير انانيه قال: عادي
غلا بخاطرها فكه :ما تشوفين شر
سلاف الشر ما يجيك
هند: سلاف راشد برا
غلا انقهررت وتحسفت
سلاف: طيب ..وقامت
غلا :يلا بوصلك
طبعا غلا ماوصلت سلاف من ذوقها الزايد بس تبي تشوف راشد


كان بسيارته متوتر خايف عليها مع انه للحين ما تأكد منها بس قلبه يقول انها اهي نفسها الي ملكة قلبه
رفع راسه وشافها متجها للسياره طالع نفسه بالمرايه ورتب شماغه بسرعه رجع يطالعها مالقها طلع من السياره لقها بس كان مغمى عليها
حملها وسدحها بالسيت الي ورا وشال النقاب عن وجهها وفتح اول ازارير عباتها عشان تقدر تتنفس شم ريحت العطر وشاف نفس الفستان
راشد:الحمدلله لقيتك ومستحيل اضيعك مني مره ثانيه



بس كان فيه احد يراقبهم غلا!!

وش راح تسوي غلا وليه طلعت فجاةء بالروايه بتعرفون بالجزء الرابع ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-03-2011, 06:20 AM
*fdaitney* *fdaitney* غير متصل
©؛°¨غرامي جديد¨°؛©
 
الافتراضي رد: رواية عجزت روحي أن تلقاكي / بقلمي


اتمنى تكون الردود اكثر هالمره واذا فيه انتقادات
او مو حابين اكمل ياليت تبينو هذا الشي
مع خالص الشكر

الإشارات المرجعية

رواية عجزت روحي أن تلقاكي / بقلمي

الوسوم
رواية عجزة روحي ان تلقاكي،
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1733 04-09-2017 03:24 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2030 15-04-2011 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 11:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1