صرخــة شـآعر ©؛°¨غرامي جديد¨°؛©

اشكركم على المرور ويسعدني تواجدكم مانحرم منكم

صرخــة شـآعر ©؛°¨غرامي جديد¨°؛©

البارت الثاني

تقول اللي طرف عينك أنا مدري هدب أو عود
أحس أني من اللي صابها ما شوف قدامي
همست وقلت: لا تخافي على بحر العيون السود
على شط الكحل مريت وهذا موضع أقدامي
.................................................. .............................
بعد يووم طويل من تجهيز البنات لاغراضهم استعدادا للسفر
وصلت العائله للمطار وجهزوا اوراقهم وخلصوا
اجراءاتهم بسرعه وركبوا الطياره ومن هنا على مصر...
صوت المضيفه وهي تقول اربطوا الاحزمه استعدادا للهبوط
البنات كانوا مره مبسوطين....واول مانزلوا وصل السواق الفندق
وركبوا البنات وامهم وابوهم ووصلهم على الهوتيل (المرديان)
سكن الاب والام بسويت والبنات بسويت وخالد بغرفه
هلا: بنات مرة حليو الهوتيل ماتوقعته كذا ....هيفاء: وش رايكم ننزل
نتمشى بالوبي والحديقه....يالله نبي نقول لبابا
يدخلوا.. على ابوهم يوبه يومه
نبي نتمشى شوي بالفندق .... ونجلس باللوبي ؟؟؟؟
الاب: انتبهوااا بناتي خلوكم بالفندق
واذا بغيتم تخرجواا أخذوا أخوكم معكم
الاب: هلا بنتي هلا: نعم يوبه,,, الاب خذي هالمبلغ
خليه معكم وانبسطي أنتى وخواتك وأنتبهواا أنا مشغول بالدوام
ماابي اوصيكم وتوني مكلم سايق بسيارة خاصة بيكون معكم وين
ماتروحون ...... هلا وهيفاء: لاتوصي يوبه بناتك
وهم طالعين ... من عند ابوهم يواجهم خالد
هلا: خلودي عازمتك خالد: وين ,,,, هلا:اللوبي يالله
نزلوااا اللوبي وجلسوا وطلبوا عصيرات وسوالف وتعليق وضحك كانوا مرره مبسوطين...
.................................................. ...................

بالرياض
يالله ياشباب جهزتم أغراضكم مانبي نتااخر .....
بندر: لاتنسون الجوازات تااكدواااا
فهد: شباب من شاف الكاب حقي
ماجد: يالله شباب عادل اتصل ينتظرنا تحت بيوصلنا المطار...
.بعدما نزلواااااا لعادل ركبوااا السيارة وطلعوااا مطار الملك خالد
فهد: الصراحه الرحله لونا مفتكين من هالفندق وقالبينهاااا شقه
والله أفضل ننبسط وناخذ راحتنا ........ برجس : نفس الشي نجرب وش خسرانين دايم رحلاتناااا شقق خلنا نغير ,,,, بندر : نفس الشي نبي نفتح السويتين على بعض ونفلها .... فهد : معنا سخانه وعزبه القهووة والهيل
نقلب ريحة الفندق مقهى الرمال ههههههههههههه
برجس :ذبحتونا بالعزبه كل سفريه طبخ خلنا نفتك هالمرة عادل خويهم الي موصلهم: شباب اذا احتجتواا شي اتصلوا فيني ترى اعرف ناس هناك
برجس :ماتقصر عادل الله يعطيك العافيه................
بعد ماوصلوااااا المطار صعدواا الطيارة ......
فهد: شباب ... بندر : وش تبي؟؟؟؟؟؟ ماتلاحظون طولت الرحله كم مدة الرحله بندر.. ناظر التذكرة ماتقرا انت
الطيار اربطوا الاحزمه
واستعدوا للهبوط فهد رحنا فيهاااا
الشباب هههههههه برجس : أركد هههه
بعد ماوصلوااا المطار وختموااا على جوازاتهم طلعواا وقفوا تاكسي
اهلين شباب منورين القاهره بندر: نبي فندق الماريوت
تفضلوااا..ماجد , بكم ياباشا... تفضلوااا مش حنختلف
برجس : اركبوااا شباب دام سيارته مكيفه فهد هههههه
نزلواااا الفندق دخلواااا مع بوابة الفندق والعامل يشيل الشنط
دخلو الشله وتوجهواااا لرسبشن منورين..
الشباب من السعوديه بندر: أي نعم
معنا حجز خذ ... الموظف اوكي أستريحوااا بالوبي
حتى نجهز لكم الغرف
فهد: نبيها بجنب بعض الموظف : ولايهمك يالله شباب نريح بالوبي
برجس : شباب بطلع مع الشنط وانزل لكم
الموضف : تفضل الكرت الغرفه الدور الرابع برجس: مشكور
وهم جالسين بالوبي ......فهد: صراحه شباب الفندق فله شكله
ماجد: يالبى الشقق بس احس انا منحرجين كان الناس كلهم يناظرووونا....
بندر: وش منحرج منه خذ راحتك اعتبر نفس بحوشكم مو شقه بعد تصرف بطبيعتك انت ولبسك الي تقول بنقالي ههههه ...ماجد: حسبي عليك يافهد انت وذوقك ومزعجني حلوو ,, فهد : وش قالولك مصمم ازياء انا بلشت بروحي دايم ثوب هههه ,, بندر : ولايهمكم برجس معه ملابس كثيرة وانا بعد نبدل فيهم يمكن تتعدلون من بنقاليه للهندوود هههه يطلع يتجه برجس للمصعد
هلا : بنات بطلع الغرفه . بجيب جوااالي وارجع
تتجه هلا للمصعد ولما وصلت المصعد .... كان برجس واقف ينظر المصعد وكان يناااظر تحت يرفع نظره وصدفه
يشوف هلا .... (يتفاجاء) يناظر هلا بكل انبهااار كانه أول مرة يشوف بنت يناظر بحده اعجب بشكلها واناقتها هلا تخجل وتناظر محفظتهاااا
يفتح المصعد ,,,,, برجس تفضلى هلا : لاعادي تفضل أنت
برجس : وش دعواااا تفضلي ,,,,
هلا: مشكور وتدخل المصعد يدخل بعدهاااا
برجس ,,,,تناظر هلا وتقول لوسمحت
وتخرج من المصعد بكل غرور وتبتعد عن المصعد
.... برجس يتوه مايدري وش يقول ....
يتسكر باب المصعد يطلع الدور الرابع
برجس أاااخ وش سويت أناااا المفروض ماطلعت معهااا
يدخل الغرفه وهو متشوووق لشوفتهااااا مرره ثانيه
هلا : يفتح المصعد مرة ثانيه وتطلع فيه تطلب الدور الرابع لان
معظم الدور الرابع مخصص للسويتس المهم تدخل غرفتها تاخذ الجوال
وتنزل ..... ترجع للوبي وتجلس وش رايكم بنات نطلع على النيل اذا جاء السواااق ... سمر: يالله نفسي نطلع
ينزل العفش برجس ويقفل السويت وينزل للوبي يتصل بالجوال الوووو
بندر: هلا وينك انا نازل انتم وين بندر: بالحديقه برجس الحق على
بندر وشفيك ,,,,, برجس شفت ضبي غزااااال وتلخبطت اخ ياويل قلبى
بندر لاتكون الي قبل شوى جالسين بالوبي هم ومعهم اخوهم سعوديين
جاييكم ... برجس ينزل للوبي وبعده ممر يطلع للحديقه
ويمر اللوبي ويناظر ويشوفهم وتجي عينه بعينها ويكمل طريقه للحديقه
هلا : اووف بلشه بصوت واطي لهيفاء ,,, هيفاء :مين هلا :اقولك بعد شوى
الاب ينزل ..... ويقابل السواق بعد اتصال وينادي على بناته هلا هيفاء سمر خالد ولدي ... ماوصيكم لاتروحوا اماكن الا وانتم سوى وانتبهواا على بعضكم هذا السواق محمود السواق: تشرفنا وهم زي اولادي ماتخفش ياباشا..................
شموخ : وش سيارتك محمود .... محمود: كورلا مديل السنه يابنتي ..
شموخ : خير كورلا وش اقول لصاحباتي الاب : هههههه بشوف لكم سيارة ايجار.. محمود: والله ممتازة ومكيفه,,, الاب : ادري لاكن بطلع نروح مكتب اجار وديني ابي اخذ لهم صالون او جيب شموخ : يالبى ابوى بس لوكنت جايب سيارتنا وسواقنا كان افضل هههه ....
ارجعواااا لامكم لين اجيكم,,,, خالد: بروح معك يبه يالله تعال ........
سمر: وانا يوبه تعالي .... يطلعووون ويتجهووون للسيارة
ترجع هلا وشموخ وهيفاء ....
برجس : هلا شباب بندر الحق على تكفى بنرجع اللوبي
بندر : ماخبرتك خفيف تونا واصلين ....فهد: وش السالفه يخبرهم برجس بالي صار..... برجس: يالله شباب نبي نغير من الحديقه بنرجع اللوبي ماجد : انا معك دام فيهااا بنات سعودياات هههه

بندر : شباب اركدواا شوي .... برجس تكفووون قلبى بينفطر
فهد: والله الولد حبيب يالله ...................................
يدخلووون اللوبي والبنات بطريقهم للمصعد ... برجس كملوااا شباب كااانا رايحين للمصعد لاتجلسووون بندر: أي وحده الي تقصدها ذيك ااوف والله شي مزاجك ..
يوصلون المصعد هلا وهيفاء وشموخ ويوقفوون ينتظرونه يفتح هلا : لخواتها بنات لاتناظرونهم طنشوهم شكلهم قليلين حياء ..
يوصلون الشباب ويقومون يعلقوون على بعض ماعدااا برجس ساااكت ويناظر وقلبه يخفق لو ماشافها ماراح يرتاح ويقول بصوت مسموع ..
شباب رجعنا ويتركهم عند المصعد .... يفتح المصعد يطلعوون البنات
ويتجهون للسويتاتهم هيفاء أي واحد فيهم هلا: ذاك الي رجع اهااااا
اشوفه يناظرك شوى وينط بحلقك
هلا : هههههه ماعليك منهم .. شموخ :طنشيه ولاتعطينه وجه .
هلا: احلى اختي الي بتعلمني يالبى قلبك توصيني ههههه....
بعد عدة ايام برجس يحط راسه على المخدة وهو يفكر ,,,,,,
برجس : بندر تدري اني تولعت ... بندر: من وشوا لايكون امس الحفله
تراك متغير انت برجس: لا والله من ذيك البنت الي ذاك اليوم عند المصعد ودي اشوفهااااا يجلس ... بندر ويجلس برجس وش فيك لاتكون صدقت انك حبيتها من نظره ؟؟؟؟ برجس: تبي الصدق
نفسي الحين اطلع اشوفها لو اوصف لك مدى اعجابي بنظرتها مراح تصدق بندر: طيب نبي نخطط لك صح ونشوف حظك ,,,,, برجس :جد
بندر : اكيد جد ..وبعد مرور يومين على سالفة المصعد
هلا وخواتها لبسوا وهلا لبست جينزها من دولتشي اند غابانا وتي شيرت بسيط ونعووم مرره وشوز فلات من جورجيو ارماني ولبست عبايتها بطريقه كانت مستعجله فيها ونزلت تحت هي وخواتها يبون يفطرووون الصباح بوفيه مفتووح
وهم يتجهون للصاله الافطار الساعه السابعه والنصف صباحا
كانوا برجس وبندر وفهد وماجد توهم واصلين من السهررر ,,,,
برجس شاف هلا وخواتها رايحين للفطور.... برجس : شباب
يالله نفطر,,,,, ماجد : خير بقرة انت تونا متعشين
فهد: هههههه ,,,برجس :انا رايح الي يبي حياااه
بندر: شباب خلوة براحته طلعنا اللغرفه ميتين نوم
يلحق برجس ويدخل صاله المطعم ....
هلا : بنات كل وحده تاخذ شكل انا بروح اجيب العصيرات
شموخ : اوكي
تتجه هلا برزتها المعتاده ,,,,,وبرجس يلحق خلفها ومن غير تحس يصير خلفها وهي تكب العصير اربع كاسات برجس بصوت هادي من خلفها
مطوله اختي هلا: لا سوري وترتبك وتناظر لا هو نفس الشخص الولد الحنطي الي كان عند المصعد تناظر... وتسكت شوي تبتعد عن الاكواب تفضل خلص اذا مستعجل اووف....
برجس ياااخذ نفس ويقول : لا مو القصد
بس اناااا هلا : لو سمحت لاتطولها وش سالفتك انت ..؟؟؟؟
برجس : الصدفه واحلى صدفه ,,,,برجس وكان معجب كثير بشكلها وريحة عطرها اللي تفوح بالمكان عطرها المفضل هابنتك بويزن..هلا : هونت تاركه لك العصير خذ الي تبيه ,,,,,
برجس: امزح تعالي خذي عصيرك ماابي فطور خير شر دام كذا نفسيتك ..... ويطلع من الصاله تناظر هلا فيه وتقول فى داخلها بدون رجعه....بعد ماخلصوااا من الفطور يتجهون لغرفهم هلا: تدرين اليوم نفس الشخص صادفته هيفاء : أي شخص ؟؟؟؟
هلا : الي قلتلك عنه صار بيني وبينه موقف عند المصعد
نفس الشي صار بيني وبينه موقف بالفطور.....
هيفاء : شكله يتعمد تبيني اخبر ابوي ....
هلا : لا وش دعوااا اصلا كرشته ومع اني اشك انه مو
متعمد لانها صدفه وكل الشباب كذا .....
هيفاء: انسيه واذا ضايقنا مرة ثانيه انا اعرف اتصرف....
برجس : يخبر الشباب بالى صار بينهم
بعد يوم برجس :بندر وش رايك ننزل للوبي بندر: خير انت ماتنام توكل لاتزعجني ,,,, برجس يطلع من غرفته ويتجه للغرفه الشباب
ويطق الباب يفتح فهد ,,,,
برجس : حلو فهد لابس يالله نزلنا للوبي ,,,, فهد :وش ذا الكشخه عطني ياولد من لبسكَ,,, برجس: بعدين امش أسرع فهد: قدام طفشت من النوووووم وينزلووون ويطالعون اللوبي مايشووفون البنات
برجس : فهد طلعنا للحديقه ,,,,,, اول مادخلو ا الحديقه الا وهم يشووفون البنات واخوهم وامهم جالسين على الطاوله يشربون شاي
برجس : فهد سوى حالك ثقل لاتفضحنااا وتناظر
والطاوله الي بعدهم اجلس عليها وانا بقول لا مانبي ذي
وانت بصوت قل تعال واصمل عليها يمرووون على
طاولات البنااات وفهد يجلس بطاوله الي قريبه منهم
هلا: تناظر نظرة حقد وتدق ايد اختهاااا شوفي من الي جاء
بصوت منخفض علشان امهم ..... هيفاء: أي واحد ذاك الي
لابس تيشرت اسوود......
هيفاء: اووف وجلسواا بجنبنا صدق ان عيونهم قويه.....
هلا: مرة طنشيهم أكيد متعمدينَ
برجس : فهد قم غيرنا المكان احس حركه مالها داعي فهد: جد ولا ارفض برجس : قم بس غيرناااا..... غيروااا المكان وبعد فترة ,,,,,
يرن جوااال هلا ..... ترد هلا الوووو هلا بنتى هلا افتحي شنطتي اتصل باامك ماترد بسرعه بنتى وعطيني رقم الكرت الازرق الموجود بداخلها
هلا : طيب يوبه حنا بالحديقه ....انا طالعه اشوفهااا لك الام: فيه شي ابوك ,,,, هلا:لا يومه بس بعطيه رقم بالغرفه وارجع وتسرع هلا متوجه لداخل الفندق ,,,,, فهد : برجس راحت شكلها تبيك تلحقها
برجس : اوما من جدك طيب بلحقهااااا
اول ماوصلت هلا المصعد تمد يدها بتضغط على الزر المصعد ....
يمد يده برجس قبلهاااااا ويضغط عليه دفت ايده هلا بقووة وقالت خيروشفيك انت ......
مسك ايدهاااا وضغط عليهااا بقوووة برجس: لو منتي بنت كسرت ايدك
ماجابته أمه الي يمد ايده علي
ولاتستاهلي احد يفتح لك المصعد بصووووت عالي لاكن اناالغلطان ... هلا: فك ايدي
عورتني وتبكي لوسمحت فك... يدف يدهااا ويدخل المصعد ويطلع للغرفه
هلا تنصدم وتوقف شوي وبعدين تطلع للغرفه وتبدا بالبكاء وتمسك يدهااا اول مرة احد يمد ايده عليهااا وتحس بشعور غريب ترمي نفسهااا على السرير وهي تبكي.....
.................................................. ...........................
عيوني بسمة أعيونك ولو صارت مطر ورعود
أبشرب من ظما دمعك وابغسل جرحي الدامي
عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

( اتمنى أشوف ردودكم )

فرفوشية ©؛°¨غرامي فعال ¨°؛©

وآاأاأو روعة البارت اكشن

صرخــة شـآعر ©؛°¨غرامي جديد¨°؛©

مشكورة وتسلمين على المرور وكللك ذووووق

جود الدنيا ©؛°¨غرامي فضي¨°؛©

أخيرا نزل البارت

بارت خطير

يسلمووو

صرخــة شـآعر ©؛°¨غرامي جديد¨°؛©

يسلمواااا ويسعدني انه اعجبكم ومن جد اتشرف بمروركم لاعدمناكم

صرخــة شـآعر ©؛°¨غرامي جديد¨°؛©

البارت الثالث


يمكن أحبك
يمكن أحبك
لو شفتك قدامي أحتار
ما أعرف بيا أنا شصار
أحس بقلبي صاير نار
يمكن أحبك
أفرح لو أشوفك قدامي
أتمنى أعيشك بأحلامي
صرت انت الفرحه بأيامي
يمكن أحبك
يرجف قلبي ورعشه بايدي
لو أسمع صوتك ناداني
من عينك تتلاقى بعيني
أرحل وأسكن عالم ثاني
يمكن أحبك
يمكن أحبك
من أسرح بس أنت ببالي
ما أدري شسويت بحالي
صرت أنت الأول والتالي
يمكن أحبك
ماتهدأ الروح إلا وياك
بعيوني أنت شلون أنساك
من أفتح عيني ألقاك
كل لحظات الحب عايشها
مامر بيا هالأحساس
الدنيا صارت بس أنت
صاير أنت كل الناس

بعد ماصار الي صار وقسى على هلا ,,,,,,,,
برجس مو شخصيته القساوة بالعكس كان قلبه طيب و يتميز بالرجوله
وكانت شخصيتيه هاديه جدا لكن كرامته فوق كل اعتبااار
ولايهمه لو دعس على قلبه...
برجس جدا جذاب بنظرته الحاده وغروره لاكن جمال هلا كسر من غرورة وتعاليه وبعدها وقف مع نفسه وقال بكل ندم ......
بندر: نعم .... برجس: تدري وش صار اليوم عند المصعد ,,,
بندر: ووش فيه وليه وجهك متغير برجس يجلس ويقول كل الي صااار
,,, بندر: تتوقع بتخبر اهلها وندخل مشاكل وش رايك برجس نطلع من
الفندق ,,,, برجس : مراح نطلع والي يصير يصير ولا همتني هي ولا
ابوهاااا تدري بندر انا اول مرة انزل نفسي لهذي الحركاات ومرة ندمت
وش ابي فيها انا جد يابندر من اول نظرتي لهاا عشقتهااا وحبيت شكلها
ونظرتها وحسيت بشي اول مره احس بهالاحساس ,,,,,
وانا ادري انى حبيتها لو الكلمة
كبيرة لاكن اخ يابندر ,,,, مو انا الي بهين نفسي عشان بنت
مهما كانت ,,,, بندر : برجس هد غلاهم ولايهمك انا ادري بالى
بخاطرك واعرف مشكلة النظرة واعترف بالحب ومن شفتك ذاك اليوم
وانا دراي انك متغير لاني اعرف خويي برجس عشرت عمر مو
أي احد يلفت انتباهه ولا أي بنت قدرت تحرك خفوقه والله واخيرا حركتك
بنت نيالها لو دروااا بنات الرياض هههه برجس : يضحك والله
لواني مهند على غفله ,,, بندر : بدري على مهند ويقوم مشينا نلبس واكشخ
انا بعزمكم لعيونك احلى سهره تدري الليله بنسوي لك بارتي
والمناسبه دقت قلبك هههه برجس : تامر مااقدر اردك هه
.................................................. ..................................

تقوم هلا وتغسل وجهها وتكلم ابوها وتعطيه الرقم الي يبيه
وتضبط وجهها بالمرايه وتبتسم وتطلع علشان مايبين عليها شي,,,,
ماتدري هي تخبر أحد أو تكابر وتسكت لأنها حاسه أنهااااا مو على بالها
تقول لحـــــــــد حتى اختهاااا هيفاء ,,,, تنزل وهي تتجه اللمصعد
توقف شوي وتطالع وتمسك ايدها . وتنزل وتتجه للحديقه وووووووو
بعد يوم ووقت الغداء تنزل هلا وشموخ بيتغدوون كانوا متااخرين وكانت لابسه هي وهيفاء جينز لوويست وقرافيك تيس وكانت اشكالهم جذابه كثير ............... ينزلووون للمطعم هلا : شموخه انا مرة احس اليوم مالي نفس
جيبي لي سلطة حبيبتي انا بجلس مالى خاطر , شموخ : تدلعي طيب انا بجيب لك
تقعد على طاوله وكانت اول طاوله لدخول المطعم
يدخل برجس وبندر وفهد وماجد بيتغدووون ويطلعون لنيل حاجزين رحلة قارب
اول ماوصلوااا صالة المطعم بيدخلون رفعت عيونها بكرة وهي ساكته
برجس : شباب اذا لي خاطر مراح ندخل نتغداء بمطعم احسن
فهد: خير نبي نتغداء جوعانين ماجد: ياولد ميتين جوع
بندر: خلاص انا ابي اغديكم على حسابي مطعم
عمركم ماكلتواااا زي اكله
أسماك شي ... برجس يرجع بسرعه وكلهم يرجعون معه
هلا تبتسم ارتاحت بعد ماراحو وهي تشوفهم يرجعون ومادخلووو
المطعم توقف وترجع تجلس
وتعرف انها هي السبب وتشوف برجس هو الي رجعهم
....................................
بعد ايام مايتواجهون ابد وهلا كل يوم تنزل وبخاطرهاااا
تشوفه ولاتعرف السبب
لاكن هي حاسه انها تبي ترد لو شي من اعتبارها
حتى لو بنظرة استحقار يرضي شي بداخل غرورهااااا
بندر: شباب تضبطوااااا وش رايك اليوم نروح حفله بمطعم
شىء انا مواعد
بعض الناس اسوي له سهره انسيه اسمه
فهد : مو زي ذاك اليوم تودونا الاهرامات طفش وشمس
ملينا من البر والثمامه بالسعوديه
ماجد: والله انك صادق ههههههه
بندر: المرة ذي خلوهااا على نبدا ايام الفله بخليك
يافهد تشوف الثمامه مزروعه هههههه برجس: ههههه
يالله تظبطوا انتم انا بنزل احلق واضبط السكسوكه
وارجع ,,,,,,
.................................................. .......................................
يطلعووون للمطعم ويحجزووون لهم طاوله ويبدون الحفله ويستانسووون
فجاءة بندر يطلب اغنيه راشد الماجد بلاحب ....برجس يقعد يفكر ويتذكر
يقول بداخله شكلى غلطت عليهاااا ....اخذته افكاره لبعيد ابتسم
سخريه على نفسه وهو يقول برجس انت في اوهام مانت قدها
هلا موب لك يابرجس اطلع من حياتها وانساها لازم تنساها
بعد ما رجعواااا للهوتيل وهم جالسين بالغرفه برجس: بندر وش رايك اعتذر للبنت ,,,, بندر: ياخسارة هالحفله والعشاء ابي تنسى وانت تفكر بعد وش سالفتك برجس ياولد طنش البنت اول مرة تشوف بنت جميله ولا وش السالفه بجد لايكون حبيتها ... برجس : تفشل شوى يضحك يمكن ليه لا ,,,,
بندر: طيب تخيل تتااسف منهااا وتفشلك وش بيكون موقفك برجس : معك حق
بندر: اجل اتركهااا ذولا هم البنات تلاحق وراهم يشووفون انفسهم ....
سعوديااات يابرجس فاهمات الدنياء كذاااا.. برجس:وهذا الي مخليهم احلى بنات الكووون بندر: ريح بالك وانبسط
ومصيرك ماراح تشوفها ولا تدري متى بيسافرون يمكن بكرة بعدة ,,,
يابرجس: الحب متعب خاصه اذا من طرف واحد وانت ماكنت من هالي يطيحون بالحب لاكن سبحان مغير الاحوال ههه.... برجس : اجل نام وبكرة فيهااا حلال
يصحاء برجس ويلبس بنطلوون الجنز وتيشرت
ومن غيرما يصحي اخوياااه ينزل للفطور الساعه 9 لانه يعرف انهم بالعاده هالوقت ينزلون ويقرر بداخله انه لازم يعتذر من هلا وبعدها يتركها ولا يطالع حتى
فيهاااا ,,,,,,,جالس بصالة الطعام ينتظر حتى ,,,,
وصلت الساعه 10 مااحد بين من البنات
يروح للرسبشن سلام الموظف : اهلين ياباشا صباح النور برجس: ممكن اسئل عن عايلة سعوديه كانوا ساكنين بالدور الرابع مااشوفهم الموظف: كتير عوايل خليجيه بالدور الرابع ,,,, برجس : الي معهم ابوهم ولد واربع بنات ,,,
الموظف ,: اها دولا ياباشا طلعوا من بكير برجس: وين ,, الموظف : راحواا للاسكندريه يوم وراقعين مش حيطولوا ,,, برجس : اوف ريحتني الموظف
ليه انتا عايز منهم حاقه ,,, برجس يطنشه ويروح للشباب ....
يدخل عليهم وينكد عليهم نومهم
يالله انت وياه قوموا وش ذاالنوم مستشفى كل ماادخل احصلكم نايمين
ماجد : وش السالفه الساعه كم فهد: 11 مدري بالليل ,,,, برجس : بالليل مالومك
ههههه بندر: لا رجع برجس الي اعرفه اكيد انفك السحر هههه برجس : يالله قم بس
معكم 10 دقايق بنزل اتقهوى بالوبي وياويل الي مااحصله بعدها صاحي
ماجد: انا ماصدقت افتك من تصحيت ابوي وهذا بدا علينا ههههه
بعد أيام والشله منبسطين طلعات ويرجعون الفجر ويسهرووون على النيل ,,,,
بالاسكندريه عائلةهلا كانوا بالاسكندريه البنات كانوا مبسوطيين كثير بس هلا وهيفاء حسوا بالملل وخصوصا هلا توترت ماتبي ترجع للقاهره وهي تتذكر برجس حست انها ماتبي تشوفه ولاتبي احد يحس بالموقف اللي صار بينهم هلا:هيفاء وش رايك نطلع نغير جوو,,,,,
هيفاء: لاوالله حبيبتي تعبانه من اليوم واحنا برا وش عندك لايكون متضايقه من شي ؟
هلا:لالا ولاشي..
هلا وهي تحاول تهدي روحها :~ طيب خلينا نشوف لنا فلم قبل ..ننام
يعني نوسع صدورنا شوي
انسدحوا البنات وتغطو وهم يتابعوا التلفزيوون ...
بعدها وبعد مارجعواااا للقاهرة
يدخلووون الفندق وهم يضحكون البنات شوى وتصادف هلا
وخواتها بندر وهو جاي ومعه اغراض ماطالع فيهم وهي تناظر
بتشوف خويه ويين ,,,,, سمع اخوهااا هلا
هلا : نعم ,,,, خالد: تعالى ابيكَ ..... ترجع لخوهااااا
طلع بندر ومعه اغراض جلسوا بالسويت ,,,, بندر: برجس
برجس : نعم بندر: تدري من قابلت قبل شوى
برجس: من ؟؟؟؟؟ بندر : خويتك قصدي عشيقتك َ ,,,,,,
برجس : اومااا بندر : تدري وش اسمهاااااا
برجس: وشوا ؟؟؟
بندر : كم تدفع وأقول لك فهد انا ادفع لك 100 جنيه هههه ماجد: 150 جنيه
بندر: ههههه برجس وهو عارف اسمها بس يسلك لاخوياه مايبي يوضح اهتمامه : بكيفك بتقول والا لا..... بندر: يالله اول حرف الهاء ماجد: اهرامات ههههه
بندر: بريحكم ه ل ا هلاااااا برجس :ابتسم الصراحه شي اسمهااا ....
يقوم برجس ويلبس مااجد: شفت يابندر ليه تقوله ههه
بندر: خله يعيش يومه
برجس : اقول انت وياااه بسحب عليكم على فكرة اذا زودتوها ههه
ينزل وهو بداخله ملهوف على شوفتهاااا لو نظرة
.................................................. .......................................
بعد ما خلص العصر وهو جالس ينتظر وغابت الشمس .... برجس وهو يطالع يشوف هلا برزتها المعتاده وكانت لابسه بنطلون ابيض وقميص اسود وشوز اسود باابيض منظرها مرره انيق ومشيتها وتصرفاتها بعفويتها فيها انووثه مو طبيعيه
واختها معهااا هلا: تشوفه جالس بروحه بالوبي تناظرة بنظرة تحقرة وهو يطالع فيها,,, يبتسم وينزل راسه هي من دون شعور تبتسم وتغير نظرهاااا
شموخ : خير تبتسمين له ,,, هلا: مدري والله انا ابتسمت؟؟؟؟ شموخ :خير ايه ابتسمتى ,,, هلا : ماعلينا منه تعالى نجلس ... ويجلسوون بالوبي هلا:
تطلب كوبين عصير ,,,, برجس: قاعد يقراء مجله ويطالع ببتسامه خفيفه على كوب القهوه الي على الطاااوله
ويتبادلواا النظرات هلا: نظراتها غريبه حاقده عليه وبنفس الوقت فيها براءه وبرجس : نظرته :هاديه
اول ماوصل العصير وحطه على الطاوله ,,, هلا توقف من مكانه لو سمحت سيد
غير لي الطاوله ماابي هالمكان ,,,,, تؤمري سعادتك
يطلعون ويتجهووون للحديقه ويجلسون بالقرب من المسبح بعد دقايق شموخ :هلا بطلع للغرفه وارجع ,,, هلا: اوكي ولاتطولين ,,,,
برجس هو قايم من الكرسي شاف اختها طالعه من الحديقه ,,,,,
وبحركه سريعه منه من غير أي تفكير ولاتردد يتجه لها ويدخل الحديقه
هلا تناظرة وهو متجه عليهاااا ترتبك بشوى خوف وتسوى حالها ماهمهاااا وهومتجه عليها ينزل ويقطف ورده حمراء من الحديقه ويقرب منها ,,,هلا تبدا تلعب بالجوال مسويه نفسها عادي وهي مرتبكه وكلها خوف شوى وتصارخ قبل يوصل عندهاااا
برجس : تفضلي ,,, هلا : خير خلهاا لك ماابيها
برجس: انا اسف على صار تفضلي
يعنى لو مااخذتها بتمد ايدك على بنت ,,, برجس : مستحيل امد ايدي على بنت انا ابعدت ايدك لو تذكرين ,,,, ومع ذالك أقولك انا اسف وجاي اعتذر لك ,, هلا : اوكي ,,, وتاخذهااا وقلبها ينبض دقاات غريبه بحياتهاااماصار لها هاالموقف وكلها خوف وش بيصير بعد هالورده الحمراااء ,,,,, وتهدا شوى وترتاح يوم عرفت انه مو ناوي على شر وانه جاي علشان يتااسف....
برجس : تامرين شي هلا ,,
هلا: تعال وش عرفك اسمي وش سالفتك انت
برجس : تبين تعرفين تعالى نلف على الحديقه اذا ماعندك مانع
هلا: ماتلاحظ انك تمون ,,,, برجس : براحتك : اذا تبين تعرفين ...
هلا : لاهونت ماابي اعرف ومشكور على الورده يااا؟؟؟؟؟
برجس: اسمي يرجس هلا : تشرفت .... برجس : عن اذنك
هلا: تهز راسها وماترد
يطلع برجس من الحديقه ..... هلا تشرب كوب المويه ,,,
وهي حالته ماتوصف ومستغربه وش سوت وليه ردت عليه وليه
قبلت الورده مع انها ماتحب هالحركات تناظر الوردهـ وتشم ريحتها وتفتح شنطتها وتحطها جواااتهاااا ......
يطلع برجس لغرفتهم شباب :فهد : وش تبي؟؟ انا الي اليوم بعزمكم وعلى احسابي بااحلى مكااااان ....
بندر: وش السالفه ؟؟؟ برجس: برد لك عزيمتك عندك مااانع
بندر: وليه عندي مانع نتشرف وين ماتبي بعد نرووح لاكن قل لنااا
وش الي صاااير ؟؟؟؟؟؟
برجس : بقول لكم كل شي مو الحين خلونا نتجهز ونطلع ,,,,,,
.................................................. ..........................
بعدما طلعت هلا غرفتها تفتح الشنطه وتطلع الورده وتناظرهااا
وتجيب كوب وتحط بوسطه مويه وتحطهااا بوسطه على الطاوله اللي بجنبهااااا ,,,,,,
هيفاء : هلا وش هالورده خير مالقيتي لا ذي فيه محل ورود مرة شي عند مدخل الفندق .... هلا: شوفي حبيبتي ابي اقول لك سر لاكن اسمعيني
يمكن اخطيت لاكن لاتقولي لي أي شي مو بكيفى كل شي صار غصب عني وبدون أي تخطيط ولاتفكير ,,,,,, شموخ : وش السالفه ؟؟؟؟

هلا تقول كل الي صار بتفصيل ,,,, هيفاء تنصدم هلا معقوله تسوين كذااا خير وش بيقولون عليناااا ,,, وليه تقبلينها منه والله كبيرة منك هلا
هلا: صار الي صار وحبيت اشوف وش اخرته .....هيفاء تحتار من هنااا حبها لختهاااا وصداقتهااا لهااا ,,,,
وانها هي توئم روحهااا هيفاء : شوفي هلا حبيبتي انتى اكبر منى وانا ماراح اعلق لانك اكيد تعرفين اكثر منى وتعرفين وش الي يدوررر بخاطري ,,,, هلا : وربي اعرف وادري اني اخطيت لاكن احس ان فيه شعور بداخلى ماادري وشوااا واحترت لا اقولك وانا عارفه اني مارح احبه بس بشوف لين وين بيوصل وبعدين احنا فتره وراجعين للسعوديه ولا كأني شفتها ولاعرفته ,,,,
هيفاء: هلا حبيبتي انتبهى وعلى فكرة لو ابوى يدري ولا امى انتى عارفه انهم بيزعلوون خاصه منك انتى بالذات
هلا : ماراح يدرون هيفاء : اوكي حبيبتي انتبهى لروحك .....
هيفاء مو راضيه بالى صار لاكن غلا اختها وثقتها بقوة قلب اختها
خلتها تطمن وقالت بنفسها انا اعرف هلا مستحيل تحب ولااعتقد ان اي احد يحرك مشاعرها ,,,,,
بعد يوم وكان الوقت العصر
ماجد : شباب ترى لنا اسبوعين .. فهد : خير ياطير اجازتنا شهر
الا اذا تبي تهون وتبي امك ومشاويرهااا هههه ماجد: يالبى قلبها ومشاويرها ,,,,,
طيب وش رايك ماجد ننزل نتمشى بالفندق ماجد: يالله والشباب فهد خلهم بيلحقونااا اكيد ماجد: شباب احنا بننزل تحت ..
بندر: اوكي بنلحقكم بعد شوى ,,, برجس : يالله وش رايك ننزل بندر: اوكي دقايق بخلص واقفل اللاب ,,, برجس : خذ راحتك ,,,
.................................................. ............................
فهد : ماجد شف اووف يالجماال ,,, ماجد : ياويل قلبي
كانت هلا وهيفاء وشموخ متجهين للمصعد...
ماجد: هذي الي يحبها برجس ولا الثانيه ,,, ؟؟؟؟ فهد: الظاهر كلهم ههه
تدري نبي نخربها يمكن البنات يشبكووون
ماجد: والله خايف يزعل برجس ,,, فهد: وش دخل برجس هي ماعطته وجه ,,,, يقربون البنات من المصعد ,,, فهد : سبحان الي خلق الجمال
هلا: وش يبي ذا ,, هيفاء : خير نعم تبي شي ماجد: سلامتكم اناظر فيها شي ,,, هيفاء : فيها انك قليل حياء ,,,, فهد :يضحك باستهتار وبصوت عالي هههههه
,,,,,,,,,,,,,,,,,,,,,,,,,,,,,,,,,,,,,,,,,
ويرتفع صوتهم على طلعت برجس وبندر ... برجس: اااوف وش فيهم ذولا انفضحناا.. يقربون من البنات بندر: وش السالفه اختي هيفاء : خير وش سالفتكم انتم بالضبط بندر: خلاص انا اسف على أي شي صار
فهد : خير تتااسف لها هي الغلطانه .. بندر: بصوت قوى خلاص فهد ماابي اسمع شي ,, هيفاء : خير بندر: خلاص اختي احنا اسفين يالله شباب رجعنا .... برجس كان منحرج مرررة لدرجة انه ماقدر يتكلم ولا يطالع وكان مقهور بداخله من فهد ومااجد
والحركه الي سووها مع البنات ,,,,,
مع انه كان عنده امل بعد اخر مرة يوم اعطى هلا الوردهـ ,,,,,
لاكن المرة ذي حس ان كل شي خرب وانكسر وماراح يتصلح
وكان يناظر هلا بكل خجل وهلا كانت تناظرهم باستحقار
يطلعون المصعد وينزلون تحت هلا وشموخ وهيفاء,,,,,,,,,,
برجس : وش الي سويتوه معقوله شباب لهدرجه توصلون هالاسلوب
وخير بنات ,,, فهد : ياولد هم قبوااا بوجيهنا وصار الي صار
برجس : حتى ولوااا انتم عارفين ان بيننا وبينهم حساسيه
المفروض ماخليتونا نوصل هالمرحله معهم ,,,, بندر : شباب خلاص صار الي صار ومن جد فهد وماجد احرجتونا انتم تعرفون ان خويكم صار له سالفه المفروض تصرفتوا بطريقه احسن من كذااااا
ماجد: ياولد ماتوقعنابيصير شي كذا ولاتوقعنا انهم يهمونكم لهدرجه. برجس : خلاص قفلوااا على الموضوع وتحاشوهم ,,, ولا تدرون بالطقاق بكيفكم مشينااااا
.................................................. ........................

صرخــة شـآعر ©؛°¨غرامي جديد¨°؛©

هلا: شفتيهم هيفاء: من جد فيهم شي والله بغيت اخربها لكن يوم وصلوا اخوياهم اشوى انهم هدواا الموضوع اشوف ذاك الي كان يتحرش فيك ماتكلم ابد ... هلا : ايه انا شفته انحرج هههه احسه بيذبحهم
هيفاء : ههههه من جد خويه كان ذوووق
هلا: خير اشوفك انتبهتي له بنت على فكرة انتى مخطوبه شموخ : باقي ماعطيت رايي هههه
برجس : بندر ماتلاحظ انا زودناها مع البنات ويضنون انا نتعمد
بندر: خله براحتهم يفكرون الي يفكرون تدري برجس
برجس: وشوا ؟؟؟؟؟ بندر: اعجبتني البنوته كانت مرة حلوة وخطيره عيونها بصراحه نيالك وهداوتها تخلي الجو شي حتى اختها كانت قوتها وشخصيتها بعد جذابه
برجس: بدينا تغزل ولاجاك ماجاني لكن كلامك جد كلهم سبحان الي خلقهم جمال وانوثه ودلع وثقه اذا شفتها احس اصير جريح مهما كان الكبرياء بداخلى اسكت واتلعثم وانا اشطر واحد اعرف اتكلم اصير اطرش وشكلي يتلخبط كاني اول مرة اشوف بنات من جد عجزت ارتب نفسي اذا شفتهاااا يااخي مدري وش ذا البنت انت شف لبسها ورزتها هي واختهااا وربي يجرحون غصب ولو كنا من نكون
بندر: برجس ابي اقول لك ,,,, برجس قل الي تبي ....بندر: نبي نتعرف عليهم يرضون ولا مايرضوون بلا تكبر منا وش رايك...؟؟؟
برجس: والله مدري احس مو زينه كذا اشكالنا واذا شفتهم قلت نبي نتعرف
بندر: ولايهمك انت خلهم على طلعنا نتمشى على النيل ونفكر وش نسوى
طيب مشينا ,,,, وهم بالطريق طالعين من الفندق يتمشووون والجو كان حلوووو يشفون لوحه دعايه صورة اليسا ,,, بندر: وش رايك ؟؟؟ برجس : حلو متى حفلتها بعد بكرة تمام ,,, بندر : نبي نحجز اربع مقاااعد ... برجس : اوكي
بندر: مو للعيال لنا انا وانت والبنات هلا واختهاااا
برجس : لايابندر مو معقوله بيرضووون ... بندر : اذا مارضوااا نعطيها الشله ماخسرنا شي نجرب ويمكن يوافقووون ,,,,, برجس : بتعيشنا حيرة انت وبعدها يمكن نتفشل ,,,,
بندر: تعال بس خلنا نتصل ونقص ونحجز ’’’’’’’’’
بعدما قصوا التذاكر حصلوا اربع مقاعد بالنصف وبجنب بعض ......
وهم راجعين بالطريق ... بندر : انت قدمها لهم وقول هديه منا لكم واسفين على الي صار ونمشي ونتركهم بعدها نخطط صح ....
برجس : اوكي لاكن نشوف الوقت المناسب اذا قدرنا ولا كنسلنا السالفه كلها لان السالفه مو عاجبتني ...
,,,, بندر: اتفقناااا برجس : اتفقناااا
.................................................. .......................
هلا وخواتها وهم بطريقهم طالعين من الفندق واخوهم معهم وكل خواتهم يبي يطلعوون للملاهي
يدخل برجس وبندر’’’’’’’’ بندر:اووف ذولا كيف نحصلهم بروحهم
يطالعون في البنات ويبتسم بندر بوجه هيفاء على دخلته برجس كالعاده يتوه اذا شااف هلا ....
برجس: لا معليك اليوم الثلاثاء والحفله الخميس معنا وقت نحصلهم بروحهم ,,,, بندر: يااخوفي مانقدر
.................................................. ............................
يوم الاربعاء في الصباح تقريبا الساعه 9 يصحا بندر من النوم
بندر: برجس قم يالله ياولد خلنا ننزل نفطر يمكن نلقاهم برجس: اشوفك صاير مهتم هههههه
بعد مالبسوا وهم طالعين يوصلون المصعد ويوقفون ينتظرون الا ابو هلابهيبته وامهم جاين بتجاه المصعد ..... بعد ماوصلوا يفتح المصعد
برجس : تفضل ياعم الوالد : ابد ماادخل الا معكم وانتم قبلنا بعد,,,
بندر: وش دعوا ياعم تفضلوا وحنا بعدكم لا اطلعوا يالله والله لتطلعون اول مادخلوا المصعد وقبل يسكر كان برجس وبندر بزاوية المصعد والام والاب عن الباب جاء يقفل المصعد لا صوت شموخ تركض وهلا يوبه
وهم يضحكون انتظرناااا ماانتبهوااا ان المصعد فيه احد غير ابوهم وامهم
وجاين يمزحون ويركضون الاب يوقف المصعد يالله تعالوا
هلا تدخل انا اول هيفاء خلفها غشاشه شوى وينصدموون لما شافوا نفس الشباب موجودين بالمصعد وينحرجون الكل ,,,,,
الاب انتم سعوديين ولا ياعيالى برجس : أي نعم طال عمرك الاب : من وين بندر: من الرياض الاب: ماشاء الله وحنا بعد من الرياض جاي هنا عمل وذولا اعيالى ,,, وانتم تمشوون ولا عمل .. بندر: تقدر تقول عمل مع تمشيه البنات ساكتات ومررة كان الاحراج باين عليهم
برجس: مطولين وانتم هنا من جينا وحنا نشوفكم الاب: شهر نبي نقعد تقريبا باقي سبوعين او ثلاثه ... برجس: الله يعين ,,, الام : اكيد اشتقتوا للرياض هلا وهيفاء يضحكون ,,, بندر: ايه ياخاله مررة بعد
الام : انتبهوا لنفسكم الله يخليكم لهلكم ,,,,,, ويفتح المصعد والكل يطلع
يتقدم الاب والام ويتجهون لصالة المطعم
يدخلون المطعم ويجلس الاب والام على طاوله وهلا واختها يبدون يجيبوا الفطور لهم ,,,, بندر: فرصتنا يابرجس يالله ,,,,, برجس: هلا صباح الخير واختها بجنبها وكانوا باخر المطعم هلا: صباح النور نعم بغيت شي
سلامتك بس حاب نتااسف للى صار ونقدم لكم هالبطاقات هيفاء : وش ذي,,,, بندر: بصراحه هذى حفلة اليسا يوم الخميس واحنا يمكن مانكون هنا ولايمكن استرجاعها وحبينا نقدمها لكم ونتمنى تقبلونها ,,,,,,,
هلا :قالت لاشكرا مايحتاج تتأسف بس ماراح ناخذها .. تمد هيفاء ايدها وتاخذها ... اوكي مشكورين
بندر: على فكرة مكتوب كل شي بداخل الكرت المكان والوقت والمقعد
هيفاء تبتسم اكيد بيكون مكتوب بندر: تامرون شي .. هيفاء : لا مشكورين على البطاقات .... برجس : العفو
بعدما راحوا وبتعدواااا هلا: وش سوينا ليه قبلناها منهم المفروض رفضناها ولا ,,, هيفاء: عادي تدرين لااحد يدري نبي نقول لبوي بكره انا شريناها من المحل ونبي نروح الحفله وناخذ زياده تذاكر للبنات وخلووود
هلا: اكيد اهم شي اني بحظر حفله ل اليسا وااااو مرة نفسي احظر لها من زمان وجابها القدر,,,, هيفاء : انا من جد مابغيت اردهم اول ماقالوا اليسا
حسيت اني غبيه وانا اخذها ,,,
هيفاء: هم اصلا بلشانين فيها ماكانوا يبونها لنا بالاساس ,,,
هلا : لا تصدقينه انا متااكده انهم متعمدين يجيبونها لنا واحساسي مايكذب
هيفاء: طيب ليه ...؟؟؟؟ هلا: يمكن : حبوك هههه ولا انبهم ضميرهم
هيفاء: الله اعلم من السبب هذا واحساسك دايم يصدق اجل هههه
.................................................. ...........................
يوم الاربعاء هلا : يوبه نبي نتمشي انا والبنات على النيل شوي
الاب : خذوا راحتكم على فكرة خالد طلع قبل شوي حصل واحد من ربعه
وراح معه ... هلا : تبي شي الاب: سلامتك
ويطلعون ويتمشون وشافوا الاعلانه وياخذون رقم الحجز للحفلة ,,, هيفاء : حلووو حفله اليسا ,,, سمر: نبي نتصل نحجز مرة روعه نبي نحظرها .... شموخ: دقايق كم الرقم الوووو سلام عليكم ,,, اهلين
نبي نحجز خمس مقاعد ,,, المكتب : اسفين انتهت المقاعد ماباقي شي اسفين ,,, هلا قولى مقعدين ,,, شموخ نبي مقعدين على الاقل ..
المكتب: ولا مقعد .... هيفاء : خسارة ولا شي ,,, هلا : تناظر ولا يهم فيه حفلات غيرها نشوف يالله خلونا نجلس شوى على النيل
ويجلسون على النيل هلا: حلو انهم جابوا لنا التذاكر شكلها اخر شي
هيفاء : بصوت واطي يالله عادي نروح اناوانتى بس ..
يوم الخميس بعد ماصارت الساعه اربع العصربرجس: بندر ظنك البنات بيروحوون للحفله ..؟؟؟ بندر: اوما مايروحون لا اتوقع بيروحون
برجس: اتمنى وش رايك اذا قابلناهم اليوم نسئلهم ؟؟؟ بندر: لا طنش
واكيد عني انا بيجون او تدري نبي نذكرهم ان الحفله اليوم .....
هلا : هيفاء وش تبينى نلبس اليوم بالحفله هيفاء: انا بلبس بلوزتي الي من موسكينو وش رايك ؟؟
هلا : حلوو مره وانا بلبس الطقم الجديد اللي شريته من كينزو وشنطتي ايترو مره هادي ويصلح للحفله ابي كذا,,,,,
هيفاء :ايوه مره نايس بعدين حطي ببالك انهم بيجون ... ظنك بيجون هم للحفله ؟؟؟ هلا : مااتوقع ولا كان مااعطونا التذاكر
يمكن صادقين جاهم ظرف ولا شي لاكن مااتصور يجون حتى لو جو عادي وش علينا منهم ... هيفاء.: لاكن حلو انهم اعطونا التذاكر انتى شايفه شلون خلصت هلا: انتى بمصر ثوانى وتخلص
هيفاء: طيب انتى قولي لبوى وامي .... وقولي لهم انا حصلناها مع وحده بالفندق اعطتنا بس تذكرتين
هلا : اوكي يالله ,,,,,,
هلا بعد مادخلوا على ابوهم وامهم حصلوا البنات سمر وشموخ
هلا: شوفوا وش معي سمر وش ذي اوف تذاكر حفله اليسا
شموخ : وحنا هيفاء: توني اخذناها من وحده هنا بالفندق مامعاها الا ثنتين
هلا: طبعا اذا سمحلي بابا العزيز وماما بنروح الاب : وين هي الحفله
هلا : بالفندق الي بجنبنا .... الام : لا بس كلنا بنطلع سوى تركوا عنكم الحفلات هيفاء: تكفين يومه ذي اليسا مرة ابي اشوفها ,,,,
الام : خلاص بنطلع ونسهر سوى حفله لا ,,,, هلا: بليز ماما وتحظنها
الاب: خلاص خليهم يروحواا ... سمر : وحنا يوبه خير نقعد بالفندق
الاب: انتم بمشيكم اليوم بنروح للسينما شموخ: ماابي سينما والله ظلم هم ينبسطون وحنا بالسينما ,,, الاب : بالرياض تموتون على السينما والحين طفش هههه شوفوا وين تبون تروحون وانا اوديكم
الام : وش نصلح لكم مامعاكم تذاكر ولا تفكونا وتروحوا سوى
هلا: يومه اتصلنا على المكتب يقول مرة خالصه التذاكر من بدري
الاب : بناتي انتبهوا وبخلي السايق هو يروح معكم وينتظركم لين تقضوون وخذي من المحفظه فلوس ... هيفاء تروح تبوس على راس ابوها وتناظر شموخ وسمر وتقول لهم : موووتوا قهر هههههه
هلا : هيفاء مشينا يالله ,,,,,,,,,,,,,,,,,,,,,,,,,,,,,,,,,,,,
يتوجهون لغرفتهم علشان يتجهزووون للحفله الليله .....
بعد الساعه 9يتجهزون ويلبسون .....هلا: تقول لسايق خلاص انت روح وبعد ثلاث ساعات تجي اوكي ,,, السايق : حاظر سعادتك
اول ماوصلوا الفندق دخلوا الى الصاله واعطوا المسؤولين المنظمين
التذاكر تفضلواااا هنا هذا رقم مقعدكم109, 110, وكانت 108, 111 فاضيه هلا: هيفاء وش رايك مرة بنبسط شكلنا بنطوول ههه ..هيفاء: واو شوفي البنات والله زحمه بس حلو الجو يجلسون على مقاعدهم والموسيقى شغاله والناس داااخلين من كل الجنسيات العربيه وبنات خليجيين وعرب
كان بجنبهم كويتيين المهم كانوا ثلاثه اول ماشافوهم مره اعجبوا فيهم والبنات ماكانوا ملاحظين ولا مهتمين ودخلت اليسا وبداء الجمهور بالصراخ والموسيقى وتفاعل كبير من الحاظرين
المهم الكويتيين جابر : شوف عبدالله هالبنات شي مرة خلينا نتعرف عليهم عبدالله : هاي بنات من وين الحلوات هلا : تناظرهم بستحقار وتطنشهم ,, جابر : اكيد من السعوديه ولا شنوا رايكم هيفاء: تناظر هلا وتقول طنشيهم ولاكانهم موجوديين والا بنادي السيكورتي عليهم اذا زودوها .... زادوا بالمضايقه لهم بين اغنيه واغنيه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
برجس: وش رايك تاخرنا عليهم .. بندر: لا عادي الحين الوقت المناسب على شان مايضنون انا كنا ناوين نجي اصلا يالله دخلنا
برجس : اهم شي بندر اذا شفناهم تضايقواا نبي نطلع ,, بندر: اكيد يارب مايتضايقون هههههه دخلوا واعطواالتذاكر الموظف قال لهم مكانكم رقم كذا توجهو لمكانهم مع زحمه والرقص ,, وهم يناظرون
ابراهيم : شباب خلونا نجلس بجنبهم الظاهر مو احد معبرهم
جابر: انتى يا حلوة ممكن نجلس بالكرسي الي بجنبكم نبي نتعرف عليكم على فكرة كلنا خليجيين ليه هالتكبر هلا : لو سمحت لاتزودها
عبدالله: واو اخيرا اتكلمت وش الابيات الشعر الي نقطت من فهمها
هيفاء عصبت بعد ماتضايقوا منهم كثير
هيفاء: يلعن ***** كل *** وانطق ,,, مشعل : كلي تبن يابن ***
ويرمي كوب المويه عليهاااا هلا: ترفع ايدها ويضربها الكوب وحاولت ترجع لورا وانجرحت ويجرح ايدها طرف بالكرسي حاد جرح بسيط بس نزف شوي هلا: تناظر باستغراب برجس يسحبها ويدخل عليهم وهي تبتعد ماتدري وش السالفه ,,,
ويبدا برجس بالضرب وبندر معه وتشابكوا مع بعض ..البنات مره تورطوا بندر: برجس انتبه ويبدون بالضرب المهم تجي فوضى ويجون المسؤولين الامن
هلا: خلاص برجس اتركهم تعال ماعليك منهم وهي دموعها بعيونها
وهيفاء وواقفه بدون أي حركه مصدومه من الموقف بعد ما فرقوهم
وجاهم حقهم برجس يمسك هلا يكفي كذا فيهم ولا باقي هلا: تكفى خلاص اطلع وسحبها بيدها حس انها خايفه وبيهد يها برجس راح بيغسل وجهه وسحبها معه وهو مو حاس على نفسه
اول مادخلوا هلا كانت مجروحه ويدها تنزف دم وكان ماسك ايدها ضاغط عليها بقووه وهم داخلين الحمامات
هلا بقل حيلــــــــــــــــــه وبألم :~ برجس إيدي تعورني ...
(( برجس وقف مجمد مكانه ... قلبه نغزه من كلمتها اللي هزت مشاعر حبه الكبيــرلها... لما التفت عليها ترك يدها ببطئ . وملامح وجهها تدل عليها متألمه منه بسبب جرح يدها ...
رفعت يدها وهي تحاول تلف الربطه اللي تمسحت بالدم ...
برجس لما شاف جرحها انصدم ..!! شلون وانا ماحسيت ؟؟؟
سحب يدها بسرعه وبدون شعور...
غسل يدها بالمويه باإهتمـــــــــام واظح عليه للدرجة انوهلا استغربت
وبقووه ...
وهو يمسح يدها كانت تطالعه وماشالت عينها عنه ...
برجس مانتبه عليها وهو لاهي وبقوووه يلف يدها بمنديل والمنديل يتغرق بسرعه يمسك برجس قميصه ويشقه ويربطها بقطعه منه ..
رفع عيونه عليها وهو توه بينطق كلمة آسف ماكان قصدي ...
بس الكلمات نساها من أول ماطاحت عيونهم على بعض ....
للحظــــــــــــــــــــــــــــــات طويله وهم يطالعون بعض وبدون أي كلام
((طلعت من الحمام وحده و بعد ماغسلت..
رفعت عيونها على اللي يطالعون بعض ...
بسرعه التفتو برجس وهلا عليها ...
البنت ابتسمت بتوتر ثم قالت :~ ماشفت شي ...
بطلع خذو راحتكــــــــــــــــــــــــم
((برجس توتروبقووه .. نزل راسه ثم قال :~ آسف ماكان قصدي ...
بعدين هلا استوعبت الموقف اسحبت ايدها وطلعت بسرعة بتروح تشوف اختها وش صار عليها هلا : وين اختي وهي مرتبكه
برجس: لاتخافين اكيد مع بندر بتصل فيه
بعد ماطلعوهم من الحفله طلع بندر وهيفاء كانت معه ووقفوا عند باب الفندق وهيفاء واقفه معه وهي مرتبكه بعد وتبكي
بندر: خلاص لاتبكين صار الي صار اهم شي انكم بخير ,,,
بندر: لاتخافين اكيد الحين بيجون ,,, شوى ويتصل جوال بندر ,,, برجس : هلا وش اسم اختك
هلا: هيفاء بندر هيفاء معك ؟؟؟؟ بندر: دقيقه انتى اسمك هيفاء وتقرب منه ايه وهي تهز راسها بلهفة تنتظر وش بيقول لها وين اختها
.,,,, بندر: ايه معي احنا واقفين بزاويه الفندق برا تعال معك هلا ؟؟؟؟ برجس: ايه معي يالله انتظرونا
بندر: يناظر هيفاء هذي اختك جايه مع برجس تبداء تبكي بندر: خلاص ليه كل هذا يالله عاد لاتوترين اختك اذا شافتك كذا ,,,, هيفاء: ان شاء الله وتمسح دموعها ,,,
برجس: لاتخافين هيفاء مع بندر ,,, هلا: فيها شي ؟؟ برجس : لا بتشوفينها هلا: بسرعه بليز
وهم طالعين من الفندق وكانت هلا بجنب برجس وبرجس يطالع يمين ويسار بندر: يصفر برجس : ناظريهم هناك هلا: تركض على اختها واختها تشوفها تركض عليها وتضمها ويقعدون يبكون اول مرة يصير لهم موقف زي كذا برجس : فيك شي ؟؟ بندر: انا سليم هههه
انت سلامات وش في قميصك لايكون منك الدم ... برجس : لالا مو منى
بندر : هيفاء وش رايكم بنوصلكم للفندق هيفاء : الي تبي برجس : لا قبل بنطلع للمستوصف علشان ايد هلا ,,, هلا لا عادي نروح صيدليه ناخذ لصق جروح ويكفي ,,, برجس : لا ماينفع فيه مستوصف قريب مشينا
هيفاء : تنكسر ايده بندر: لاتخافين انكسرت ايده ويمكن وجهه بعد
هيفا: هههه هلا: خلاص ننساهم ويمشون بجنب بعض
برجس: وش السالفه هلا ليه مدوا ايدهم ,,, هلا : لاتسئلني اتذكره زي الحلم مو مستوعبه ,, اول ماوصلوا المستوصف يدخلون كلهم وتجي الممرضه وتبداء تطهر ايد هلا ماتخافيش الجرح بسيط جدا وسطحي شكلك دلوعه اووي
برجس : ههههه .. هلا تنحرج وتبتسم
برجس : يطلع ويجلس برا وبندر معه تطلع هلا من المستوصف
وهيفاء معها برجس: حمدالله على السلامه هلا: الله يسلمك وبداخلها كانت معجبه باهتمام برجس
بندر: يالله مشينا تقدرون تمشون ولا ناخذ تاكسي
الفندق مو بعيد من هنا ,,, هيفاء لا عادي نمشي دام خربوا علينا الحفله
بندر: هههه ولا يهمك نتابعها بالتلفزيون هيفاء: ههه
وهم بالطريق يمرون كشك عصيرات برجس: دقايق خلوكم هنا بجيب عصير واجي هلا: لا مانبي ,, برجس: مو بكيفك العصير مفيد باخذ لكم ليموون يهدي الاعصااب ,,,, ويروح وشوى جايب اربعه عصير ليمون ,,, ويمد العصير لهلا تفضلي ,,, هلا : مشكور تعبتك بندرباستهبال : وش جايب انت ليموون البنت رايح دمها جيب عصير طماطم ههههه هلا وهيفاء :هههههههههه
اول ماوصلوا الفندق هلا توقف وتطالع لبرجس وهي منحرجه مررره
هلا: انا جد اسفه ومشكورعلى كل الي صار واسفه على القميص
برجس: وش دعوه ماسوينا شي واجبنا ,,,, هلا : تامر شي
برجس : هلا اقدر اشوفك مرة ثانيه ... هلا : تناظر وتبتسم وتهز راسها بحاول ,,,,



( أتمنى اشوف ردودكم .......وتفاعلكم ....)

جود الدنيا ©؛°¨غرامي فضي¨°؛©

باارت رووعة

أعتقد ان المواقف بتكتر بين برجس ووهلا

يسلمووووو

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1