منتديات غرام روايات غرام أرشيف الروايات المغلقة - لعدم إكتمالها رواية أنا ما همني الماضي و لا أيامك قبل ما ألقاك / بقلمي
Sooty aziz ©؛°¨غرامي مشارك¨°؛©

بسسم الله الرحمن الرحيم .. 

السلام عليكم ورحمة الله وبركاته 

هذي اول روايه لي  اتمنى تنال اعجابكم 
من فتره كاتبتها ماجبتني الشجاعه انزلها الا بعد تشجيع لي من اقاربي وصحباتي 
اتقبل انتقاداتكم وارائكم  لي
  
وللمعلومه الكاتبه ثنتين : fnoo $ soosy aziz
واذا لقيت تشجيع لي منكم وكملتها اللي حاب ينقلها ياليت ينقل اسامينا 

طلبتك لا تحاكيني عن احبابك ولا ذكراك  
ولا ودي تعلمني عن الماضي ولا ادري
انا ما همني الماضي ولا ايامه قبل ما القاك
انا عندي بدايتنا بداية عمرك و عمري


اخيراً جيت يا وجهٍ مضى عمري و انا استناك
وجيت بصورة فاقت خيالي وحلمي العذري
حبيبي خلنا نبدا حكايتنا انا وياك
قبل ما الوقت يسرقنا و لحظات الهوى تسري


انا ابغى حبنا راقي يودينا بعيد هناك
لدنيا ما بها فرقا ولا كذبٍ ولا غدري
اذا على الوصل انا اعاهد وربي ما بيوم اجفاك
لخجل بالعطى غيري و اجازي صبرك وصبري


انا طمعان بوصالك وشاري بدنيتي دنياك
وحكم الحب في يدينك تبيع احساسي او تشري
اذا شاري سنين العمر يا عمري الهوى يفداك
واذا انك بعت لا تنطق ابعرف عندها قدري

البدايه ... 

الحب لدينا مشاعر مدفونه 
غير مسموح لها ان تخرج في كلام
الرجل اذا حب زوجته ملاء ثلاجتها ب الأغذية 
والمراه اذا احبت زوجها ملات معدته ب الأطعمة 
مجتمع يجد حياء في كلام الحب 
يتلعثم في حروفه 
يستسهل أقذر الكلام 
ويستصعب احلاه 
يسب ويشتم وكانه يشرب ماء ويغص عندما يفكر في كلمة حب 

-------------------------------

كثييييرا ماارى عقول متخلفه تفكيرها سقيم وافكار سطحيه ومقرفه 

حينما اراهم احمد ربي على اتزان عقلي ..
(مرت سنه والعين يعشقها السهر ..(الجوال يرن ))
تركت قلمها واخذت جوالها البلاك بيري وابتسمت مجرد ماشافت الاسم 
لانا : يالخايسه وينك منقطعه ليه ماجيتي للجامعة ؟
حلا : هههههههههه شوي شوي علي  سلمي على شوفي انا ميته ولا حيه على طول اكلتيني المهم ليه ماجيت ماعندي اختبار اليوم  وويني موجوده انتي الي ماتدقين 
ولا نسيتي ؟
لانا :  لا بسم الله عليك زي البقره مافيك الا العافيه وش اسوي تعرفين اختبارات وقلق 
حلا : الله يعيننا بسس 
لانا : اوك حوحو  
حلا تغير وجها : وش حوحو رقاصه مصريه أنا ؟
لانا : هههههههههههه سوووري يلا باي 
حلا : باي
ملخص عائلة حلا 
أبوها عبدالعزيز متوفي من بعد ولادة حلا بخمس سنوات  
الام نوره ابببببد مو حنونه على بناتها إنسانه هما مظهره اذا كويس تنسى بناتها دوم تحشر نفسها بين الطبقه الي اعلى منها ونفسها تزوج بناتها الطبقه الي اعلى منها 
العنود الاخت الكبير دوم متحمله مسوولية أمها وحلا حنونه على أختها وهي الي تصرف عليها 
وهي تشتغل بالبنك عمرها  23 
حلا اخر العنقود مدلعه من أختها طلباتها اوامر بنسبه للعنود تعتبر العنود أمها أختا أبوها كل دنيتها بسبب انشغال أمها عنها من صغرها 21 وهي بطلة الروايه 
حلا وهي بغرفتها تسمع صوت صراخ أختها ( ماما انسي الموضوع ولو مره كل يوم نفس الموضوع ) حبت حلا تنزل لهم حتى تشغل أمها عن العنود  
وهي طالعه من الغرفه شافت العنود ترقى الدرج وهي معصبه 
حلا : نفس الموضوع ؟ 
العنود رفعت راسها يوم شافت حلا ابتسمت : اي ماتعرفين امك ماراح تنسى المهم كيفك ماشفتك كل اليوم وليه مارحتي للجامعه 
حلا : مارحت ماعندي اختبار  
العنود ابتسمت : الله يعينك يالله أنا بنام وراي دوام بكرا تصبحين على خير بكرا قوليلي متى اختباراتك ووش جدولك بكرا  
حلا : أوكي ماما عنود 
العنود وهي تضحك : تعالي عطيني بوسه قبل النوم 
حلا وهي تبوسها : احلا بوسه ل أحلى اخت 
ابتسمت العنود ومشت لغرفتها وحلا رجعت لغرفتها تنام 
نوره (الام) : يامنيره كيف أقنعها ماقدرت ولا أني قادره أنا أتزوج  خليه يصبر لانه عمها مستحيل يخليني

أتزوج قبلهم 
منيره : والله يانوره بنتك دلوعه بعدين تعالي اقول للرجال اصبر المره تزوج بناتها وتجي !!!!!!!!! 
نوره (الام) : وش اسوي أنا طيب ؟؟ اذا البنت رافضه فكرت الزواج 
منيره : خلاص أنا بدور لها ولد اهله يعجبوك 
نوره (الام) بضحكه خبيثه : دوم فاهمتني 
( منيره صاحبة نوره روح بالروح وهي خطابه تجيب عيال عز وهي تلعب براس نوره ) 
نوره (الام) : يالله مع السلامه 
منيره : مع السلامه 
 
في صباح يوم اخر 
حلا تصحي على المنبه قامت تتجهز وتصحي أختها وتسوي الفطور كانت الساعه. 6 
لبست روبها مرت على العنود تصحيها طبت على العنود وجلست تدغدغها عشان تصحي 
العنود وهي تدمع من الضحك : ووجع حلا بعدي عني خلاص صحيت  اييي ي بطني
حلا وهي تضحك على شكل العنود : ماراح أوقف الا لما تصحصحين 
العنود وهي تبعدها : خلاص خلاص صحييييييييت 
حلا وهي تبعد عنها : يالله أنا نازله يجهز الفطور 
العنود : اوك الحين نازله 

صلحت الفطور وحطته على الطاولة وراحت لغرفتها تاخذ شور وتتجهز 
بعد مااخذت شور جلست تليس شعرها ولبست تيشيرت ابيض ومخطط ب احمر من lacoste  
وتنوره للجامعه سوده طبعا قصيره لنص الساق وشوز اسود فرقت شعرها من النص ومسكته من الجوانب ( حلا ملامحها حاده مملوحه لونها برونزي شعرها بني كيرلي عيونها حاده على أبوها 
خشمها قايم شفايفها ورديه طولها متوسط نحيفه اما العنود  نفس لون الشعر بس سائح وهي بيضا مأخذه البياض من أمها ملامحها هاديه ومليانه شوي ) 

 مر الاسبوع بسرعه بدون جيد 

يوم الخميس 
....: لمتى ياماما لمتى لو كان ولد ناس وماعليه أنا وش دخلني 
نوره (الام) : يأعنود ياماما تراه مايتفوت فكريييي 
حلا  بغرفتها : اووووف محد يقدر ينام في هالبيت حتى بالويك اند - لبست روبها ونزلت معصبه - 
العنود : ماما ماراح أتزوج وخليها ببالك طيييييب ؟؟؟؟ 
حلا وهي نازله : وش فيكم من صباح الله خير 
نوره (الام) : حلا اقنعي أختك ام راس يابس تخلي جاينها من ال ...... 
حلا حطت يدها على راسها : ال ..... جاين يخطبون العنود - تلف على العنود - قسسسسم بالله انك خبله اذا فكرتي ترفضينهم 
العنود  تبي تسكر الموضوع لانها حطت فكرة غدير ببالها : خلاص ماما الي تشوفينه باي بروح الدوام صح ماما عندي شروط لما ارجع أخبرك  
نوره (الام) بفرح : وأخيرا ليتك ياحلا من زمان قلتي لها مابغت تقتنع 
حلا وهي فرحانه لأختها : ماني مصدقه والله 
نوره (الام) : ياله عقبلك 
حلا وهي تستهبل  : اميييين 
نوره (الام) : بروح ابشر ام خالد( منيره ) 
كشرت حلا ماتدري ليه موقادره تتقبلها : اوك وانا رايحه اتجهز للجامعه  
نوره وهي لاهيه ب  الجوال : طيب روحي  


في الدوام عند العنود 

غدير بفرحه لصاحبتها وهي تضمها : مبرووووووووك حبيبتي والله فرحت لك من قلللللب 
العنود وهي فرحانه على فرحت صاحبتها لها : الله يبارك بعمرك ماكنت مرتاحه يوم شفت فرحتك ارتحت بستخير واخبر أمي تخبرهم 
غدير : اييي أكيد استخيري اول ياحبيبتي والله مرا فرحانه لك 


بعد الظهر الساعه اربع

عند حلا الجو غير 
دخلت قروبهم بالبي بي  
حلا : بناااااات نسيت اقولكم بالجامعه عندي خبررر يسوااا مليون ريال  
لانا : بسم الله وش فيك 
حلا : أستني لما يجون البنات 
لانا : لاااااااع وش بيصبرني 
ديم : وش السالفة 
لانا : خلاص حلا قولي حنا ثلاثه نكفي يالله قولي 
حلا بستغراب : مين الثالثة 
لانا : ديم عباره عن هي وأختها دينا 
حلا : أوك العنوووووود اختي انخطبت وبتوافق واخيرا - فيس يرقص - 
لانا : صدددددددددددق على البركه 
ديم : مبررررررررروووك ياحبيلها تستأهل كل خير 
حلا : وأحزروا مين اللي خاطبينها  
لانا وديم : مييين ؟؟ 
حلا بفرح لـ أختها : احم احم ال ........ 
لانا : اححح ماتستهبل العنود 
حلا : وش رأيك 
ديم : يااااي كيووت الله يتمم عليها 
حلا : اميييييين 
 تركت ألبي بي 
وجلست تفكر كيف بيكون البيت من دون أختها  تقول في نفسها : كيف تقدر تخليني وبتروح حركت راسها حتى تبعد الي ببالها 
شوي تدخل العنود عليهاوهي عليها العبايه توها جايه من شغلها : الحلوه وش تسوي



وبكذا خلص البارت  الاول ياليت اسمع ارائكم وانتقاداتكم ترسلوها لي ..

بنت أبوووي ©؛°¨غرامي متألق ¨°؛©

يسلموووووحبيبتي
بداااااايه موفقه
بانتظارك ياعسسسسل...


Sooty aziz ©؛°¨غرامي مشارك¨°؛©

المشاركة الأساسية كتبها بنت أبوووي اقتباس :
يسلموووووحبيبتي
بداااااايه موفقه
بانتظارك ياعسسسسل...
منوووره ياحبيلك

الزعيـ A.8K ـمه ©؛°¨غرامي ماسي ¨°؛©

,’





بسم الله
و عليكم الســــلام و رحمة الله و بركاته




يعطيك العــافية
إطلعـــي على الرابط بـ يفيدك النقد
https://forums.graaam.com/342083.html
بـ التوفيق إن شـــاء الله
https://forums.graaam.com/238622.html







,’


Sooty aziz ©؛°¨غرامي مشارك¨°؛©

المشاركة الأساسية كتبها الزعيـ A.8K ـمه اقتباس :
,’





بسم الله
و عليكم الســــلام و رحمة الله و بركاته




يعطيك العــافية
إطلعـــي على الرابط بـ يفيدك
https://forums.graaam.com/342083.html
https://forums.graaam.com/238622.html




,’

الله يعافيك منوره والله ووثانكس

Sooty aziz ©؛°¨غرامي مشارك¨°؛©

المشاركة الأساسية كتبها رومانسيه وكلي حنيه اقتباس :
بداية حلوة موفقة


تسلمين

Sooty aziz ©؛°¨غرامي مشارك¨°؛©

وينكم محد يرد

Sooty aziz ©؛°¨غرامي مشارك¨°؛©

مقططفات من البارت الثاني :

قرربت منها وضمتها

شهقت : وششششششششششلوووون

وهي تضحك على حماس اختها : الحين مين اللي بيتزوج انا ولا انتي ؟

يرررررحم امككك خلاص تععببت

.....: هههههههههههههه كان سحبتها بحضنك

ماسكه خدودها تحس زي النار فيها

بخوووف : الووو الووووو

انا رايحه اجيب جوالي مااسوي شي غلط

فزت من الخوف

الحمدللله بس انتـ .....

بخبث : واخيرا مابغيتي

Sooty aziz ©؛°¨غرامي مشارك¨°؛©


حلا ماكانت معاها اببببد التفت لها بس ابتسمت
العنود حست عليها عرفت وش تفكر فيه
قربت منها العنود وضمتها وقالت : حلا ماراح أخليك مع أمي لو بتزوج رجلي على رجلك ماراح أخليك كلنا عارفين انه أمي تبي تتزوج علشان كذا بدت فيني وماراح أخليك أمي تزوجك زيي الحياة ماتتوقف اذا تزوجت دربنا واحد
حلا بضيقه : عنود انتي يتكونين مع زوجك وتنسيني
العنود ببتسامه : مستحيل انتي اختي
حلا حبت تغير الجو حست انه أختها تضايقت ماتبي تتضايق ويكون بالها معاها : والله ماتخيلك
متزوجه
العنود : هههههههههههههه اسكتي ولا حتى أنا شفتي
وهم غرقانين بالسوالف شوي وتدخل نوره (الام) : العنود ترا قبل شوي كلمت اخته لانه مايته امه واخته الكبيره متزوجه وعايشه برا وخبرتني انه بيجي بيشوفك يوم الخميس الجاي
العنود شهقت : شششششششششششلووون
حلا تصفر : حركات هههههههههههه
العنود ووجها ألوان : لا مابي
نوره (الام) : وش ماتبين انتي (وهي معصبه ) وافقتي خلاص بيشوفك
وطلعت وخلت وراها عنود منشغل بالها
حلا وهي متحمسه : يالله سرينا عالمول
العنود وبالها مو معاها : لا لا مو لازم
حلا : وش مو لازم لازم ونصصص بعد يالله بكلم على جوهر يشغل السسياره وبقوم البس عشر دقائق ونطلع (وهي تقومها وتدفها) : يالله بسرعه البسي
العنود وهي تضحك على حماس أختها : الحين الي ويتزوج انا ولا انتي هههههههههه
حلا : كلنا يالله بس
حلا تكلم بجوالها : الووو جوهر شعل السياره باي
قامت حلا تلبس والعنود نفس الشي
حلا نزلت وهي تسكر عبايتها الكتف قبل العنود وهي نازله شوي وتجي أمها نوره (الام) : على وين ان شالله (تناظر ساعتها ) : الساعه 4 ونص وش عندك هالوقت
حلا وهي تزين حجابها : بنطلع انا والعنود للمول من زمان ماطلعنا سوا بعدها بنتقهوى ونجي
نوره (الام) : اوك
شوي وتنزل العنود
حلا: أهلن اهلن بعروستنا ويالله مشينا
العنود بضحكه : يالله امشي
بعد ماركبوا الجيب كاديلاك 2009 جلسوا ساعه يقررون وين بيروحون اخر شي قرروا على المملكه
بعد مالفوا المول كله
العنود وهي معاها اكياس الدنيا : حلا يرحم امك خلاص وقسم تعبببببت ارحميني
حلا وهي كل ملامح الفرح فيها : عنووود حرام عليك ماشرينا كثير
العنود وهي طائره عيونها تناظر الكيس : حرام عليك كل ذا وماشرينا شي ترا انا مو قاعده على بنك وبعدين مابي يروح كل الراتب للسووق فيه اغراض البيت وراتب الخدامه والسواق ولا نسيتي يالله بس خلاص خلي نمشي
حلا بطاعه : أوكي بكلم على جوهر ( جوهر السواق )
بعد ماكلمت على جوهر لفت على العنود : عنود روحي اركبي وانا شوي واجي
العنود وهي تناظر الساعه : حلا الساعه 11 وين رايحه تقريبا فاضي المول وين
حلا : عادي شويات وجايه
العنود راحت للبوابه وحلا راحت لداخل بتروح للحمامات (الله يكرمكم ) وهي تمشي كانت ماسكه ألبي بي حقها مانتبهت الا تصدم بواحد
حلا تمسك راسها : حشى جدار ( شوي وترفع راسها استوعبت انها طايحه قامت بسرعه وتمشي بسررررعه شوي وتركض رايحه للبوابه
.....: ههههههههههههههه لا كان سحبتها لحضنك
......: هههههههه كان ودي ( فجاه حس انه حس انه عجبته معاها وابتسم مشاري ياكثرهم اللي ناموا بحضنك وقفت على ذي اللي بالغلط )
....: ياحلو امش بس
حلا وهي طايره للسياره اول ماركبت مسكت خدودها تحس زي النار فيها
العنود تطالعها مستغربه : حلا حبيبتي فيك شي ؟؟
حلا وهي اببببببد مو معاها لفت تناظرها : هاه
العنود وزاد استغرابها تلمس جبهتها : فيك شي تعبانه
حلا : لا لا ولا شي
العنود ومازات تفكر من بعد مارجعت وهي ماهي طبيعيه
بعدها طلعوا مروا على التحليه وأخذوا لهم كوفي من توتي كوفي
حلا تدور بشنطتها :وين جوالي عنود بليز دقي على جوالي (وهي مازالت تدور )
العنود دقت وعطتها الجوال : امسكي ودوري انا بنزل للبيت
حلا أخذت الجوال : اوك ثانك
العنود أخذت الأكياس ونزلت
حلا حطت السماعه على أذنها وهي تدور وهي خايفه
.... حس بجوال يرن وراء بالسياره وقف على جنب ونزل يشوف الأكياس لقى جوال بلاك بيري جلس ساعه يناظره وهو متنح
حلا يااااربي وين راح دقت مره ثانيه
.... رفع السماعه وهو ساكت جاه صووت ناعم واضح عليه القلق والخوف
حلا وهي خايييييفه : الووو الووو
....: هلا
حلا فزت وتناظر الجوال : هااااه هذا رقمي
..... بضحكه عذبه : شكلك انتي اللي صدمتيني اليوم علشان كذا طاح جهازك
حلا وهي مازالت مصدومه : ......
.....: اذا تبين جوالك تعالي
حلا : كيف شلون ؟؟؟ مقدر اجيلك
....: والله مشكلتك ماتبين كيفك باي
حلا بلحظه تذكرت صورها : لالالا خلاص بس كيف
...... يتلفت يشوف وش اقرب شي له : اممممم تعرفين ريف اللبناني اللي بالتحليه ؟؟
حلا :اي اي
......: اوك انا بوقف هناك وانتي تعالي
حلا : اوك
قفلت وجلست تفكر اللي تسويه غلط ولا صح تبي تقنع نفسها : انا رايحه اجيب جوالي مااسوي شي غلط : جوهر روح للريف اللبناني
جوهر : أوكي مدام
العنود حشى وينها حلا كل هذا تدور الجوال مو طبيعيه هاالبنت راحت تدق عليها من الثابت
العنود : الو وينك وين رحتي وليه ماعطيتني جوالي
حلا وهي تحاول تخفي توترها : اااالو ويني رحت للانا تعبانه بكون عندها شوي واخذت جوالك بالغلط
العنود وهي ماهي مرتاحه : حلا فيها شي لانا ماني مرتاحه
حلا دوم تحسين فيني : لالالا تعب بسيط
العنود : اوك لا تطولين
حلا : ان شالله بس شويات واجي
حلا الي خايفه منه انه جوالها بدون رقم سري وخاصتا خلفيتها صورتها وهي لابسه فستان ضيييق لنص الفخذ
طول الطريق وهي تقراء المعوذات وهي متردده
....: اوووف كان جيتها انا شكلها بس مطوله ( شوي ويمسك جوالها استغرب بالبداية انه كافيه رقم سري انبسط جلس يشوف صورها دخل البي ام ماسنجر شافه مكتوب حلا ) : اجل اسمها حلا (يقولها وهو يبتسم جاء ضاف نفسه وأخذ جواله وقبل الادد ): بكلم اشوف وينها
حلا متوترررره شوي ويرن الجوال وتفز وترد : الووو
.... : الاخت مطوله ؟؟
حلا : لا لا انا وصلت اي سياره
.... : انتي وش سيارتكم انا انزل
حلا خافت : لا لا السواق ينزل
... : وششش سيارتكم
حلابخوف : جيب كاديلاك 2009
...(يناظر يدورها وآخر شي طاحت عينه عليها ) : ايي شفتها الحين جاي
حلا قلبها ببطنها على مايقولون ^^: تيب
نزل من سيارته البورش جاي لعندها
شوي ويدق الشباك
حلا فزت من الخوف وفتحت الشبا
مشاري وهو رافع حاجب واحد يستناها
حلا تناظره نظرات بريئه وتمد يدها : ممكن الجوال
مشاري خق معاها ويمد الجوال بغرور عشان مايبين انه خاق عليها ولف وراح
حلا مو مصدقه رجع لها جوالها تكلم نفسها : يابعد عمري ياجوالي
جوهر ( السواق ) : ايس فيه مدام
حلا صحت على نفسها : ولاشي يالله ع البيت

شخصيه جديده بروايتنا مشاري
وهو من عايله ال ..... <~ اللي نفسهم خاطبين العنود
الأبو محمد ( ابو تركي ) : شخصيه معروفه عند الناس
الام متوفيه
البندري الاخت الكبيره متزوجه وعايشه بكندا عندها طفل عمره سنتين اسمه وليد عمرها 34
تركي اكبر العيال يشتغل مع ابوه عاقل عمره 29 ( طويل رزه دايم يلبس ثياب حنطي مسوي سكسوكه عيونه نعسانه يعتبر مملوح )
الاخو الصغير مشاري انسان مغرووور ورافع خشمه راعي بنات وسهرات وسفرات المعنى الصحيح داج بحياته عمره 26 ( معروف بالعايله انه جمييييييييل حنطي مسوي ديرتي فيس ( عوارض ) حواجبه مرسومه خشمه قايم نظراته حاده وهو بطل الروايه )
بالاستراحة حقت مشاري كلها بنات وشباب المعنى الصحيح سهره فلاليه
مشاري بعد ماعطى حلا جوالها راح لـ استراحته
جالس بالزاوية وماسك جواله يستني تنتبه لوجوده عندها
بندر : ياشييييييخ روقنا واترك هالجوال وتعال انبسط ( بندر صديق مشاري الروح بالروح )
مشاري ماله خلقه : ياخي انقلع عن وجهي مالي خلقك
بندر : اللي مأخذ عقلك يتهنى
مشاري بضحكه خبيثه : امين
عند حلا جالسه سوالف مع العنود على وش بيسوون يوم الخميس
حلا بترجي : تكفين عنود بدخل بس بشوفكم وعد وعد اتغطى
العنود : حلا وجع وين تدخلين هي لعبه وبعدين وشوله
حلا : مدري حسيته حماس
العنود : الحمدلله بس بعدين انتـ ..... - قطع عليها جوالها غدير تتصل عليها - ابتسمت والتفتت على حلا وهي تقوم : غدير تدق
حلا : الله الله من لقى احبابه نسى اصحابه
طلعت العنود وهي تضحك من الغرفه
حلا: من زمان ع البي بي - تمسك البي بي وتناظر نكات البنات وصورهم الجديده وهي تغني قلب قلب وين وين وفجاه يرتكز نظرها على نك نيم غريب عليها : مشاري مين مشاري - جلست تفكر مين مشاري خليني اسال - فتحت المحادثه : اهلين مين؟؟

مشاري بخبث : واخيرا مابغيتي


وبكذا انتهى البارت الثاني

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1