غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-03-2011, 04:58 PM
dlo3a4you dlo3a4you غير متصل
©؛°¨غرامي مشارك¨°؛©
 
Post رواية إكتشفت إني أحبك


ஐرواية اكتشفت انــي احبـك ஐ
بسم الله الرحمن الرحيم


رواية اكتشفت اني احبك<< رواية بنات استهبال ورمنسيه

للكاتبه : غرامها ساحر

واتمنى الروايه تعجبكم وانتظر ردودكم وتعليقاتكم وعلى فكره يمكن البارت الاول مايكون في احداث كثيره لان البارت الاول تعريف بالشخصيات
طبعا الكاتبه مستمره في كتابة الروايه واذا عجبتكم كل ربوه وخميس وجمعة راح انزل بارت او بارتين
اول شي اعرفكم بالشخصيات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-03-2011, 04:59 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


لجد خالد : انسان طيب ومتسامح ومايحب يغلط على احد ومايحب المشاكل
الجده نوره : طيبه وعلى نياتها

اولادهم ام اسيل " سهى " . ام مشاري " سلوى " . ابو ريان " محمد" . ام ثامر"هنادي" . ابو راكان "منصور" . ام احمد "لطيفه " . ام فهد "بدريه " . "الوليد" . "سحر" . "رامي"


الوليد : 26 سنه و حلوو مووت يشبه فزاع وآخر كشخه ويحب الموضه
اوقات يكون فيها جدي و اوقات يـفلها واكثر وحده من البنات يحبها اسيل
سحر : 23 سنه خلصت دراسه و ماتبغا تشتغل نعومه وحلوه وجسمها حلو كأنها عرضة ازياء وماعليها من احد متهوره لابعد الحدود
رامي : 22 سنه فيه شويت لقافه يحب يعرف كل شي ومتقلب و مرره دلوع بما انه آخر العنقود

"" عائـــلة ام فهــد """
ابو فهد : متوفي
ام فهد : حرمه طيبه وحنونه و زي كل ام تخاف على اولادها تموت بأسيل هي ماعندها بنات وتعتبر اسيل بنتها
فهد : 27 سنه متزوج وحده اسمها الهنوف وعندهم بنت اسمها الجوري عمرها سنتين و ولد عمره سنه اسمه خالد وعايشين بجده
ماجد : 24 سنه مملوح وهادي يتميز بالثقل والرزانه والركاده يشتغل في الشركه حقت الجد
فواز : 22 سنه حلو شوي يحب يحش في الناس دايما كاشخ يشتغل مع اخوه في الشركه
تركي : 19 سنه يدرس بالجامعه فاشــل بالدراسه جذاااب جداً مغازلجي
بس طيب وحبوب اقرب وحده له من بنات خالاته اسيل لانها تربت معاهم ومرره يعزها كأنها اخته
رائد : 16 سنه يجنن ومتهور بشكل مو طبيعي

""" عائـــلة ام اسيــل """
ابو اسيل "محمد" : 41 سنه طيب ويخاف على بناته رجل اعمال كبير صاحب اكبر الشركات على الرغم من هذا فهوا في قمة التواضع ويصير ""ولد عم"" >ام اسيل<
ام اسيل " سهى " : توفت قبل 10 سنوات بحادث
اسيل : عمرها 16 سنه اولى ثانوي مرجوجه وفيها شويت عربجيه خفيفة دم والناس تحبها تتعامل مع الشخص مثل مايعاملها من ناحية الشكل فهي حلووه موووت احلى بنت في العائله شعرها طويل بني وعيونها وساع لونها اخضر وبيضا وجسمها حلو وهي ودلع مرره صاحبات
رغد : 15 سنه ثالث متوسط هذي البنت مرجوجه درجه اولى عربجيه وبعض الاحيان اسلوبها يكون مستفز عيونها وساع لونها رمادي غامق وشعرها اسود
الي كتفها حلوه وتشبه اختها وهي تصير اخت العنود بالرضاعه

" عائـــــــلة ام مشاري "
ابو مشاري "عادل " : طيب وحنون على عياله احيانا يكون عصبي وعنيد
ام مشاري " سلوى ": طيبه وحنونه
مشاري : 19 سنه يدرس بالجامعه حاسب جميل لابعد درجه عيونه عسليه ناعسه وشعره بني فاتح و جسمه حلو ومعضل
العنود :15 سنه ثالث متوسط عربجيه ومرجوجه هي دايما مع رغد واسيل ودلع شخصيتها قويه واذا حست ان احد بيغلط عليها تفرش خامسينه بالارض وهي حلوه سمرا وشعرها الي نص ظهرها واسود وعيونها وساع وكحيله لونها اسود جمالها جذاب

"عائـــلة ابو ريان "
ابو ريان "بدر" : حنون جدا ويعتبر اسيل ورغد بناته
ام ريان "مريم " : حرمه اجتماعيه وطيبه مرره وتحب الكشخه
ريان : 20 سنه يدرس في بريطانيا وسيم لابعد درجه وجرئ مرره وماييعطي احد وجه
ندى : 19 سنه تدرس بالجامعه ادارة اعمال حبوبه وطيبه واجتماعيه من ناحية الجمال جمالها ناعم وهادي
لينا: 18 سنه ثالث ثنوي بنت حلوه بيضا عيونها بني غامق شعرها طويل الى نهاية ظهرها ولونه بني
مشعل : 14 سنه طيب وحبوب يشبه اخوه ريان

"عائــلة ام ثامر"
ابو ثامر " سليمان " : رجل اعمال دايما مشغول ومسافر
ام ثامر " هنادي":طيبه وتموت بعيالها وماترفض لهم طلب
ثامر : 19 سنه يدرس بالجامعه قسم حاسب اسمراني عيونه عسلي فاتح تجذب انسان ذوقه خليجي
بندر: 19 سنه اخو ثامر التؤم يدرس بالجامعه محاماه انسان دلخ بس كوول ذوقه اجنبي بعكس اخوه
ليان : 17 سنه دلوعة ابوها حساسه ويقال عنها رومنسيه شعرها اسود طويل سايح بيضا عيونها عسلي شفايفها صغيره بس الميزه الحلوه فيها انها جذابه يعني الدلع فيها طبيعي من الله

"عائــلة ابو راكان "
ابو راكان "منصور": طيب وحنون
ام راكان "ناديه ": هي طيبه وتموت على اولادها بس انها شديده
راكان : 20 سنه يدرس طب مملوح اسمر حبوب وهادي
شوق : 19 سنه بنت ناعمه وهاديه تدرس ادارة اعمال مخطوبه لواحد يقرب لهم من بعيد اسمه " سعود "
فجر : 16 سنه مرره دلوعه وحساسه وتهتم بشكلها بيضا ونحيفه خدودها ورديه وشعرها اسود قصير مدرج
لارا : 13 سنه بنت دلوعه مرررررره وناعمه سمراء شعرها اسود قصير مدرج وعيونها وساع لونها اسود

" عائـــلة ام احمد "
ابو احمد "سعد":حنون على عياله ومدلعهم على الاخر
ام احمد"لطيفه " : حبوبه وقلبها طيب
احمد:20 سنه يشتغل في الشركه مع ابوه ويكمل دراسه بالجامعه يجنن حلو بشكل موطبيعي وهو حبوب مرره
طلال : مزيون حيل على قولتهم يخقق 19 سنه يدرس بالجامعه ملقوف بس انه طيب وحبوب ومرجوج شوي
رهف : 18 سنه ناعمه وتحب تتابع الموضه ودلوعه مرره
دلع : 16 سنه تشبه اختها بس هي ادفش ماعندها الدلع يعني فقط يتشابهون بالشكل << اسم على غير مسمى هههههههههه
مرجوجه وتموت بأسيل اقرب وحده لها من البنات
محمد : 14 سنه اسمراني مملوح مرره طيب ومايدري وين ربي حاطه



============ =

بيت الجد وهو عباره عن حوش كبير فيه بيت الجد وبيوت لكل عياله وحتى ام اسيل بس بعد ماتوفت ام اسيل بسنه نقلوا من بيتهم
وكل بيت فيلا كبيره مرره فيها ثلاث ادوار وبرا في الحوش في مجالس رجال للعزايم وفيه حديقه مرره كبيره وراها مسبح مغلق مرره حلو
وفي مسبح مفتوح قريب من بيت ام فهد طبعا هذا المسبح للاولاد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-03-2011, 04:59 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


البــارت الاول "< الجزء الاول >"


صحت رغد من النوم على الساعه 2 الظهر اخذت لها شور سريع وغيرت ملابسها لبست بنطلون جينر غامق وتيشيرت احمر فيه كلام بالاسود وراحت غرفة اسيل تشوفها لقتها نايمه نزلت تحت الصاله وكالعاده ابوها بالشركه جلست عند التلفزيون بعدين طفشت
رغد "" اووف وش ذي الاجازه من بدايتها طفش مافي شي بالتلفزيون والنت صار يطفش والخبله نايمه وش اسوي ياربي وش اسوي اووف مالي غير اني ادق على العنود اسولف معها احسن لي "
اتصلت على بيت العنود
مشاري : الوو
رغد بدون نفس : هلا عطني اختك بسرعه
مشاري : وش النفس الخايسه مافي سلام ولا شخبارك ولاشي على طول عطني اختك بسرعه
رغد : ترا والله طفشانه وكارهه نفسي ممكن تعطيني اختك لو سمحت
مشاري : نايمه اتصلي عليها بعدين وعلى فكره ليش ماصرتي تجين عندنا ولا تدقين من زماان عنكم
رغد: ايه كنا في فترة اختبارات
مشاري : اها يعني عشان الاختبارات وعسا جبتي العيد
رغد:انت وش تتوقع مني
مشاري: انتي مدري والله شاك انك راسبه
رغد: لا ان شاء الله مو راسبه احساسي يقول اني حليت بالاختبارات
مشاري: ههههههههه احساسك قال ههههههه صدقيني راسبه
رغد : اقول انت وش فيك علي راسبه وراسبه ماتروح تشوف اختك هذي الي من جد شكلها راسبه
مشاري : لا خلاص اختي غسلت يدي منها هذي مستحيل تنجح
رغد : هههههه اوكي يلا سي يو ماي برذر
مشاري ابتسم : اوكي باي


جلست تتفرج على التلفزيون تستنا اختها تصحا
على الساعه 4 اسيل صحت وراحت تاخذ شور
رغد كانت تتفرج على فلم اكشن ورن جوالها كان ابوها وقالها انه اليوم مسافر عنده شغل ضروري
نزلت اسيل وكانت لابسه برمودا اسود ماسك وبلوزه لنص الفخذ كت لونها اصفر فيها رسومات بالاسود
رغد قفلت من ابوها والتفتت على اسيل والابتسامه شاقه الحلق
اسيل جلست على الكرسي وطالعة برغد : وش فيك شاقه الخشه وش صاير
رغد فرحانه: بابا كلمني وقال اليوم مسافر عنده شغل ضروري وكلم جدي بنروح ننام عندهم
اسيل بوناسه : والله يـــس اكيد راح نفلها هناك
رغد : ايه والله فله وبعدين بيت خالتي لطيفه "" ام احمد "" وبيت خالي بدر "" ابو ريان "" امس في الليل رجعوا من السفر
اسيل صارت تناقز فوق الكنبه : رجعت دلع هههه والله راح نفلها –و قاعده تناقز وتصفق-
رغد شافت اختها تناقز بدل ماتقولها اركدي قامت تناقز معاها وشافتهم الشغاله وصارت تتحمد الله على نعمة العقل
وجلسوا بعد ما ناقزوا
اسيل : طيب متى رايحين
رغد وقفت : على المغرب انا الحين بقوم اجهز اغراضي
اسيل وقفت : طيب بابا بيسافر كم يوم
رغد وهي طالعه الدرج : يقول اسبوعين ويمكن اكثر
رغد راحت غرفتها وجهزت اغراضها وبعدين جلست على النت على الماسنجر
اسيل جهزت اغراضها وبعد ماخلصت اتصلت على دلع
دلع : الوو
اسيل: هلا والله ببنت خالتي الحمدلله على السلامه
دلع : الله يسلمك وينك من زمان ماسمعت صوتك على بالي فطستي
اسيل: ههههههه بسم الله علي والله انتي عارفه كنا بفترة اختبارات
دلع: ههههههههه احلا يالدافوره
اسيل : هههههههههههه دافوره غصبن عنك
دلع: هههه ماعلينا من هذا كيفك؟
اسيل : والله تمام التمام وانتي كيفك ؟
دلع : قــود
اسيل : وكيف كانت ايطاليا
دلع:واااااااو يا اسيل جنان مرره حلوه
اسيل: ايه والله ايطاليا روعه اتذكر يوم رحناها اول بالاجازه
اسيل بوناسه : اليوم راح ننام عندكم
دلع بوناسه اكثر : ادري والله وناسه
اسيل : طيب انا الحين بروح البس عشان نجي عندكم باي
دلع : باي
اسيل راحت عند دولاب الملابس تختار لبس ودق الباب
اسيل : مين
رغد دخلت
اسيل : ههه انا ماقلت ادخلي اقول مين
رغد : ماعلينا المهم جهزتي
اسيل: خلاص جهزت اغراضي بس البس

رغد: اوكي انا تحت بالصاله استناكي
اسيل التفت عليها : احلا وش هالكشخه
رغد : شرايك بسم الله علي طالعه قمر
اسيل: ايه ماشاء الله طالعه جنان الحين اطلعي ابغا البس
طلعت رغد "" رغد كانت لابسه فستان اصفر كت ولحد الركبه وفتحت الصدر على شكل 7 والفستان مرره ناعم وفاتحه شعرها وحاطه ميك اب خفيف بالوان فاتحه الظل كان خفيف من تدريجات الاصفر والبلشر برونزي وحاطه قلوس فوشي ومكحله عيونها طالعه تهبل "" جلست بالصاله على بال ماتخلص اسيل

اسيل لبست ""فستان اسود علاقي لحد الركبه ماسك على الجسم وتحت الصدر شريطه حمرا ولبست صندل احمر ناعم وسوت بف خفيف وماحطت ميك اب كثير اكتفت بكحل وقلوس بس كانت ملاك قليله عليها "" لبست عبايتها ونزلت عند رغد

شافت رغد جالسه بالصاله رغد اول ماشافتها وقفت
رغد : كل هذا تلبسين
اسيل : سوري بس كنت جالسه ادور على الصندل حقي
رغد وهي طالعه من الباب : اوكي
وهم بالسياره جالسين يسولفون كل خمس دقايق العنود داقه على رغد تسألها وينهم
دق جوال رغد طالعت الرقم كان العنود
رغد : ياصبر ايوب اووف هذي العنود
ردت
رغد بدون نفس : خير
العنود: وينكم
رغد: خلاص قريبين تراك ازعجتينا كل دقيقه تتصلين
العنود: دامكم قريبين انا بروح البس واستناكم في بيت جدي اوكي يلا سي يو
رغد: يلا سي يو
وقفلت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-03-2011, 05:00 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


العنود كانت جالسه بالصاله مع امها اول ماقفلت من رغد التفتت على امها و وقفت : يمه ترا انا الحين بروح اغير ملابسي وبروح بيت جدي
بس كنت حابه اعطيك خبر
ام مشاري بتحذير : عنيد لاتزعجين امي تراها دايم تشتكي منك
العنود تتصنع البرائه وتأشر على نفسها : انا حرام عليكي انا ما اسويلها شي
ام مشاري طالعتها بعدم تصديق : خلاص روحي
طلعت العنود غرفتها وغيرت ملابسه لبست تيشيرت اورنج واسع وبنطلون جينز غامق واسع وفيه من الجنب سلاسل << لزوم العربجه
ولبسة عبايتها وطلعت من البيت متجهه لبيت جدها
وهي تمشي بالحوش شافت >>مشاري وبندر وطلال<< قاعدين بالحديقه
مشعل ولارا ومحمد يلعبون كوره
شوي وتجي كوره في وجه العنود وطاحت على الارض
العنود:آه الله ياخذكم ان شاء الله مين الي شات الكوره جعل رجله الكسر
العنود وقفت وهي حاطه يدها على خشمها الي لونه احمر وعيونها متجمعه فيها الدموع
العنود بعصبيه : مين الي شات الكوره
مشعل بأرتباك + خوف من العنود : مدري
العنود: والله لا اذبحكم يالله اعترفوا مين الي شاتها ولا ترا والله ""سكتت لمن شافت سيارة رغد واسيل على طول راحت عندهم""
وهي تمشي نزلت رغد من السياره وشافت العنود ماشيه لجهتهم ابتسمت بعدين اشتغل عندها الاستهبال
رغد تصرخ هي فاتحه يدينها كأنها بتحضن احد : العـــنود
العنود على طول فهمت عليها وسوت نفس الحركه وصرخت : رغـــــد
وصاروا الاثنين يركضون ببطئ كأنهم بفلم هندي اشكالهم تمووت ضحك اسيل تسدحت من الضحك على اشكالهم
وسلموا على بعض كانوا واقفين قدام الباب حق بيت الجد شوي انفتح الباب وطلع رامي الي كان كاشخ بالثوب الابيض والشماغ
رامي: السلام عليكم
الكل وعليكم السلام
رامي : وش عندكم واقفين عند الباب كأنكم شحاتين
رغد: والله كنا داخلين بس انت طلعت
رامي وهو يعدل الشماغ: اها
اسيل تناظر رامي من فوق لتحت: وش عندك اليوم كاشخ بالثوب غريبه من زمان ماشفتك بالثوب
رامي ابتسم: شرايكم
رغد: تهبل بس لايكون رايح تتزوج
العنود تتصنع الصدمه : خالي بتروح تتزوج بدون ماتقول لاحد
رامي : ههههههههه
اسيل : وين رايح
رامي: بروح زواج صاحبي
رغد: متأكد صاحبك
رامي : هههههههههههه وش فيكم اليوم مهسترين ايه رايح زواج صاحبي مين تبغا تروح معي
العنود نطت عند خالها : انا انا بروح خذني معك يالله امنية حياتي احضر زواج رجال
اسيل : وانا كمان امانه اذا بتاخذ العنود خذني معك بليز
رامي وهو متجه لجهت السيارات : قالولي لاتعطيهم وجه بس انا الثور الي ماصدقتك
رغد : توك تدري
رامي التفت عليها : نعم وش قلتي
رغد ابتسمت : توك تدري
رامي : وتعيدينها يامال الماحي الي يمحيك
رغد: خير ليش تدعي على ماقلت شي
رامي طنشها لانه بيتأخر وراح
دخلو بيت الجد وراحوا الصاله وسلموا على جدهم وجدتهم وطلعوا فوق جناح سحر الي كان عندها
رهف ولينا و ندى
رغد فتحت الباب بكل ما اوتيت لها من قوه سحر نطت من مكانها من الفجعه كانوا مشغلين فلم مرعب ومطفين الانوار ومندمجين
سحر وحاطه يدها على قلبها : جعلك المرض ماتعرفين تدقين الباب يامال السكته القلبه
رغد : خير وش فيكم اليوم تدعون علي ترا ما ارضاها على نفسي
سحر بسخريه : احلفي بس ماترضينها على نفسك
وسلموا على بعض وقعدوا يسولفون
رغد والعنود وندى مع بعض
وسحر واسيل ورهف مع بعض ولينا جالسه تكلم جوال
اسيل: اجل وين باقي الجيش
سحر: شوق وفجر في السوق
رهف: وليان مريضه ودلع عندها
اسيل وقفت : بنات بروح بيت ليون في احد بيروح -والكل كان مندمج بالسوالف ومحد معاها-
اسيل صرخت: بنات بروح عند ليانوه في احد بيروح -والكل مطنشها طلعت وهي عند الباب سكرت الباب بقوه وهي ورا الباب سمعت صراخ سحر
سحر تصارخ : يامال المرض ان شاء الله شوي شوي على الباب
اسيل ابتسمت وطلعت من البيت وهي ماشيه بالحوش شافت طلال ومشاري وبندر بالحديقه ابتسمت لهم مجامله وراحت على طول على بيت ليان وصلت ودقت جرس
فتحت الشغاله والابتسامه من الاذن الى الاذن الثانيه : مدام اسيل كيف هال انتا انا مافي يشوف انتا من زمان
اسيل: اولا مدام في عينك وثانينا الحمدلله طيبه وثالثا انا كنت ""سكتت"" انا وش مخليني اسولف معاكي اقول وين ليان
الشغاله : فوق في غرفه مال هيا مع –وكشرت- مدام دلئ
اسيل شافت شكل الشغاله مكشره : ههههههههههه وش مسويه فيك دليع والله كسرتي خاطري اكيد متهاوشه معاك -وطلعت فوق وفتحت الباب بدون ماتدق وبصراخ: هاااااااااااااااااااااااي
دلع الي كانت تلعب بلايستيشن نطت وبفرح تصارخ :اسيــــل
وراحت ركض وحظنتها اسيل ابتسمت وهي الى الان حاظنتها : ياحماره وربي مرره وحشتيني
دلع بعدت عن اسيل : وانتي اكثر ياربي احس كأن لي سنه ماشفتك- وبأستهبال - وعععععععع صايره تخوفين
اسيل: هههههههههههههه اخوف بعينك الا صايره قمر بس قولي انك تغارين
دلع : اغار منك عاد هذي كثري منها
اسيل: هههههههههههه وش فيك صايره عود اسنان ماكنتي تاكلين هناك
دلع: هههههههههههههههههههههه والله ياحبيبتي كنت مسويه دايت بس وش رايك بجسمي يخقق مو
اسيل : ايه مرره واضح يخقق -وصارت تطالع دلع- اقول في شي بشكلك متغير
دلع تغمزلها : حزري
اسيل: غير انك نحفانه اممممم صابغه شعرك
دلع: ايه ومتشمسه
اسيل ضربتها على خفيف : والله محلوه
ليان منسدحه على السرير: نحن هنا
اسيل: هههههههه تصدقين نسيتك -وراحت عندها وسلمت عليها-
اسيل : سلامات ماتشوفين شر
ليان بأبتسامة تعب: الشر مايجيك
اسيل : غريبه دلع هينا كنت متوقعه لو جيت القاك مسنتره عند العنود
دلع: كنت بجلس عندها بس قلت اجلس عند ليان احسن
اسيل: ليش
دلع : عشان ليون مريضه ومحد عندها قلت اجي اونسها
اسيل بأبتسامه : هذي كثري منها وش السبب الرئيسي
دلع بأبتسامه : وربي انتي الوحيده الي فاهمتني
اسيل تغمز لها : وش السبب الرئيسي
دلع بأبتسامه : انا كنت جايه عندها عشان البلايستيشن حق العنود خربان قلت اجي العب عندها على بال ما تشرفي حضرتك
اسيل : هههههههههه والله قايله مولله جايه عند ليان
دلع : اقول انطمي بس الحين انتي و وجهك ليش مادقيتي علي اول ماوصلتي
اسيل: ليش ان شاء الله ادق عليك
دلع: عشان استقبلك عند الباب
اسيل: ههههههههههه المرره الجايه عاد فاتك العنود وهي تستقبلنا هي ورغد مسوين فلم هندي مت من الضحك عليهم
دلع: ياحبي لها رغد وينها ما جات معاك
اسيل : ايه هين رغيد بلحمها وشحمها تجيك لا هي تقول الي يبغاني يجيني
دلع : مالت عليها نشوف مين الي يجيها
ليان: اقول شكل عاجبكم القعده جالسين تهذرون فوق راسي وانا تعبانه
اسيل تطالع دلع: موكأنها طرده
دلع: ايه وطرده محترمه
ليان: هههههههههه امزح معاكم
اسيل وقفت : انا بس جايه اسلم ورايحه كل البنات متجمعين في بيت جدي بروح افلها معاهم دليع تجين
دلع : اوكي بس بروح الحين المطبخ وآكل ونروح
ليان : لوسمحتي لا تجلسين تتهاوشين مع ميري > الشغاله< تراكم ازعجتونا
من الصبح وانتم تتهاوشون
اسيل: هههههههههههههه والله قايله انك مسويه للشغاله شي عشان كيذا تقول عند ليون وهي مكشره> وتقلد صوتها < مدام دلئ
دلع : مدام ودلئ لا هذي اليوم بجيب خبرها
ونزلت دلع المطخ
اسيل : يلا ليونه انا بروح باي
ليان وهي تقوم : لحظه لحظه بروح معاكي بس اغير ملابسي
اسيل : اقول انتي ارتاحي وبعدين بالليل نجيك نونسك
ليان وهي متجهه لغرفة الملابس : لا بروح ما بجلس لوحدي من زمان ماجلست معكم
اسيل بأستسلام لان ليان عنيده : اوكي براحتك
لبست ليان بنطلون جينز ماسك وتيشيرت اخضر فيه تطريز بالذهبي وحزام ذهبي عريض وصندل ذهبي واطي ناعم ومسكت شعرها على فوق ونازله خصل على وجهها وكان شكلها مرره ناعم بس واضح انها مريضه خصوصا انها بدون مكياج
طلعوا من الغرفه
وهم نازلين من الدرج سمعوا صوت دلع تهاوش ميري
اسيل: هههههههههههه والله البنت هذي خبله انا اقول شغالتكم راح تسويلها شي من كثر ما هاوشتها هههههههههه سامعه وش تقولها هههه
اسيل التفتت على ليان وهي تضحك : هههههههههههههه -شافت ليان واقفه وماسكه الدربزين-
اسيل معقده حواجبها وبخوف : ليون وش فيك
شافت ليان بيغمى عليها
وعلى طول ركضت تبغا تمسكها لا تطيح من الدرج
مسكتها بس ليان طاحت على اسيل واختل توازن اسيل وتزحلقت وطاحوا الاثنين من الدرج اسيل طاحت على رجلها وظهرها وصارت تألمها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-03-2011, 05:01 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


اسيل بصراخ: آآآآه
دلع على طول طلعت وراحت عندهم: بسم الله وش صار
دلع تناظرهم بخوف : اسيل وش فيك -وتطالع ليان- ليونه وش صارلكم
دلع : لايكون هذا مقلب << فاضيــه ههههههههههههههه
ونادت على الشغاله وجات بسرعه
دلع بخوف : ميري روحي نادي اي احد من الشباب والا واحد من خيلاني بسرعه
ميري على طول طلعت
دلع راحت وجابت مويه وصارت تمسح على وجه ليان وبدت تصحصح
واسيل كانت تتألم
دقايق ودخل الوليد وبندر ومشاري
بندر شال ليان وعلى طول ركبها السياره وعلى الستشففى
الوليد يكلم اسيل الي كانت طايحه على الارض :اسيل حبيبتي وش يألمك
اسيل وهي تتألم : آه رجلي وظهري
الوليد يلتفت على مشاري : مشاري روح شغل السياره
طلع مشاري وهو متقطع على شكل اسيل الي كانت تتألم
طلع الوليد وهو شايل اسيل ومعاها دلع وركبوا السياره وتوجهوا الى المستشفى
عند ليان وبندر >> طلع الدكتور وقال لبندر ان ليان عندها نقص بالفيتامينات وانها مابتاكل كويس عشان كيذا اغمى عليها وان مافيها شي بس تحتاج تاخذ المغذي الحين وبعدين تروح ترتاح بالبيت >>
اما عند الوليد ودلع ومشاري
كانوا جالسين ينتظرون الدكتور يطلع من الغرفه
دلع بخوف : خالي ليش طولوا
الوليد : عادي قاعد يكشف عليها
مشاري كان جالس على اعصابه "" ياريتها فيني ولا فيك ""
طلع الدكتور وتوجه الى الوليد
الدكتور : السلام عليكم
الكل وعليكم السلام
الدكتور : مين ولي امر المريضه
الوليد: انا بشر يادكتور وش فيها اسيل
الدكتور ابتسم ابتسامه طمئنينه : لا تخاف الحمدلله بس عندها كسر بسيط برجلها
الوليد بأرتياح: طيب متى تقدر تطلع
الدكتور : بس احتاج انك توقع على بعض الاوراق وتقدر تاخذها الحين
الوليد: اوكي- والتفت على دلع – دلع روحي عند اسيل وانا ومشاري نروح مع الدكتور ونرجعلكم اوكي
دلع : اوكي
دخلت دلع عند اسيل الي كانت منسدحه على السرير ورجلها مجبسه
دلع : الحمدلله على السلامه
اسيل ابتسمت : الله يسلمك
دلع: نفسي اعرف وش صار لك انتي وليونه
اسيل تذكرت الي صار : ههههههههههههه اسكتي لاتذكريني شفتها بيغمى عليها وكانت بتطيح من الدرج صرت اركض و اول ما مسكتها واتزحلق لانها كانت ثقيله واطيح انا وهي من فوق الدرج
دلع: احلا يالبطله وش لك منها كان خليتيها تطيح
اسيل: ههههههههههههه وربي انك نذله
دلع: هههههههه
اسيل ووجهها صار احمر : يووووووه وربي احراج يوم دخل بندر ومشاري
دلع : ههههههههههه من ناحيت احراج فهو احرااااااااااااااج
اسيل : احس شكلي مصخره وانا طايحه على الارض وجالسه اتألم والله فشله
دلع: ههههههههههههههههه كان شكلك توووحفه

اسيل مسكت المخده ورمتها على وجه دلع : وجع ان شاء الله ماتعرفي تجاملي يامال الماحي الي يمحيك على قولت رامي
دلع : ايه هين اجاملك انت ووجهك الي يجيب السكته
اسيل : نفسي اعرف انتي من وين تتعلمي هذا الكلام
دلع : الله يخلي طلالوه وتروك كل يوم اسمع مكالماتهم الي تحوم الكبد وصرت اتكلم مثلهم
اسيل : يا الله من زمان عن تركي فديته والله ولد خالتي وحشني
دلع : قسم انك ماتستحين على وجهك تتغزلين بالولد قدامي
اسيل : انطمي قال اتغزل قال انا اعتبر تركي اخ وليس اكثر حتى هو ولا انتي ناسيه ان احنا متربين مع بعض
دلع : رجعنا لموال ياطير يلي
اسيل : ايه عشان تفهمين
دلع : ليش قالولك بقره يالتيس
اسيل : والله انا غاسله يدي منك انتي وحده مستحيل تتغير انا اقول احسن شي انك تحسنين الفاظك ولا محد راح يتزوجك انتي وخشتك هذي
دلع : اقول اسيلوه حدك عاد لا اكسر رجلك الثانيه
اسيل : انثبري يا _ ماكملت سمعت صوت دق على الباب _ وبصوت عالي يهز المستشفى _ مـــــيــن << تحسب نفسها بالبيت
دخل رامي :وجع ان شاء الله ليش تصارخين - اسيل ابتسمت - تغطوا مشاري بيدخل
دلع : عادي انا اعتبر مشاري اخ يعني مولازم اغطي
الوليد: ههههههه احلفي اقول غطي قبل ما اقوم اتوطاك الحين
تحجبوا البنات ودخل مشاري مع الوليد : السلام عليكم
معلومه "" كل البنات يتلثمون ماعدا اسيل ودلع ورغد و العنود بس يغطون شعرهم اما فجر وليان مرره يتلثمو ومرره يتحجبون ""
اسيل : وعليكم السلام
الوليد يطالع دلع : وانتي ليش ماتردين السلام
دلع : والله وحده تكفي
الوليد: لا حول ولا قوة الا بالله يعني مافي امل تغيري اسلوبك
دلع : لمن تحج البقر على قرونها
مشاري بأبتسامه وهو يطالع اسيل : الحمدلله على السلامه
اسيل ابتسمت : الله يسلمك
مشاري خق على الابتسامه
الوليد: ممكن اعرف الحكايه وش الي صار لايكون دلع حاولت تقتلكم وشافتها الشغاله وماكملت جريمتها خافت تنفضح
دلع : اقسم بالله انك متأثر بمسلسلات الاكشن الي تتابعاها
اسيل : كل الي صار ان ليان كان بيغمى عليها وهي واقفه على الدرج ويوم شفتها صرت اركض ومسكتها بس هي دوبا واتزحلقت وطحنا
دلع : حرام عليكي ليونه دوبا
اسيل : هههههههه امزح بس هي كانت ثقيله ماقدرت امسكها واختل توازني واتزحلقت وطحنا
مشاري بأبتسامه: خوفتينا عليك << يقصد نفسه
اسيل:ههههههههههه << ضحكت فشيله يوم تذكرت الموقف
دلع : الحين يقولك خوفتينا عليك تضحكين << تحب تحرج
اسيل وجهها صار الوان في بالها " الله ياخذك مو قدام مشاري ياجعلك الي مانيب قايله ""
دلع : وش فيه وجهك صار اشارة مرور
اسيل : هههههههههه اقول دلع انتي وش شاربه اليوم << قصدها انطمي جعلك المرض
دلع فهمت عليها وعرفت انها احرجتها: ههههههههههههههههههه
الوليد: اقول اسيل الحين بروح اجيب عكاز لك ونروح اوكي
اسيل ابتسمت : اوكي
الوليد وقف وطالع بمشاري الي كان سرحان يطالع اسيل : اقول يابو الشباب ناوي تقعد معهم ولا تروح معي
مشاري : بقعد معهم اذا مايضايقهم
الوليد : عادي ولا يضايقكم
دلع بدون اهتمام : عادي
الوليد يطالع اسيل يعني عادي ولا لا
اسيل ابتسمت : عادي
الوليد ابتسم وطلع من الغرفه
مشاري كان ساكت مو عارف وش يقول كان نفسه يسولف معاها بس هي ماتعطي احد وجه شغل نفسه بالجوال
اسيل عادي عندها وجود مشاري يعني ماضايقها
دلع كانت ماسكه الجوال وترسل للبنات لانهم كانوا يتصلوا عليها بس هي ماردت وحبت
تقولهم على الي صار
اسيل : دليع وش جالسه تسوين
دلع ماسكه الجوال: هههههههههههههههههههههههههههههه
اسيل : وش الي يضحك << اشتغلت اللقافه
دلع : ههههههههههههه اختك
اسيل : رغد وش فيها
دلع: هههههههههههههههههههه قالت شي عنك
اسيل تنرفزت : دلع تتكلمين بالقطاره قولي وش السالفه
مشاري صار يطالعهم
دلع : قلت لها اسيل انكسرت رجلها قالت وش السالفه وش الي صار المهم قلت لها كل الي صار قالت خساره ماشفتها عشان اتشمت وهذي على بالها سوبر مان انا لو مكانها كان طنشت ليان وبعدت عنها
اسيل : ايه والله من النذاله انتي وياها كل وحده نفسي نفسي ياجلعكم الـ "" سكتت "" استغفر الله مابدعي عيلكم
دلع وقفت : انا بروح الحمام لاتروحي وتخليني
اسيل : وين اروح واخليك صدق ثوره اقول روحي ولاتتأخري
دلع راحت الحمام
اسيل التفتت على مشاري : مشاري ليش تأخر خالي
مشاري ( ياحلو اسمي على لسانك) : والله مدري
اسيل : اووف
مشاري ابتسم : وش فيك
اسيل : والله طفشت "" وبعدين سكتت شوي وكأنها تذكرت شي "" مشاري وين تركي ماشفته اليوم
مشاري : مدري يمكن طالع ليش تسألين
اسيل تطالع فوق : بس كيذا حبيت اسأل لاني ماشفته من زماان
"" تركي واسيل علاقتهم مع بعض كانت قويه جدا علاقة اخوه والى الان قويه بس الحين كبروا وصار بينهم حدود
اسيل تعز تركي مرره لانها كانت متربيه معاهم تقريبا دايم عندهم حتى تركي يمووت بأسيل ويعتبرها اخته الي ماجابتها امه والكل عارف هذا الشي ""
مشاري : وكيف كانت الاختبارات معاكي < بس يبغا يسولف
اسيل : تمام
مشاري : ومتى الشهادات
اسيل بعدم اهتمام : الاسبوع الجاي
مشاري : اها
جات دلع و الوليد والكل راح البيت
اول ما وصلوا نزلت اسيل من السياره بمساعدة دلع
دلع اتصلت على رهف وسألتها وين متجمعين البنات قالت عند العنود
وراحوا عند البنات الكل كان موجود بأستثناء ليان
وسلموا على اسيل وتحمدولها بالسلامه وجلسوا يسولفون
كانت الساعه 2 بالليل
اسيل : عنـــــــوده بليز تعالي معاي المطبخ
العنود: ضفي وجهك روحه للمطبخ مانيب رايحه
اسيل تبغا تكسر خاطرها: حرام عليكي والله بموت من الجوع قبل شوي راجعه من المستشفى شوفي شوفي رجلي مجبسه
العنود: والله محد قالك صيري سوبر مان وانقذي ليان
اسيل وهي تحاول توقف : ما اقول الا مالت ثم مالت ثم مالت عليكي- بصوت شوي عالي- بنات مين جوعان
الكل : انـــا
اسيل : بسم الله الرحمن الرحيم طيب مين ينزل معايا المطبخ
الكل سكت
اسيل : مالت عليكم
التفتت على العنود: وين عبايتي يامال الجلطه ان شاء الله
العنود ارتبكت : عبايتك آآآ --وبعدت عن اسيل -- عبايتك لعبنا فيها وانكب عليها عصير و حطيتها بالغسيل
اسيل فتحت عيونها على الاخر : الله ياخذكم ان شاء الله والحين كيف انزل المطبخ
العنود وبعدم اهتمام : عادي انزلي كيذا الكل ناايم
اسيل نزلت المطبخ وهي بعكازها وتمشي شوي شوي الدور الي تحت كان ظلام وهدوء دخلت المطبخ وحطت العكاز على جنب وجلست على الكرسي " امممممم الحين وش اسويلهم أكل مالهم غير سندوتشات ""
وراحت فتحت الثلاجه وطلعت عصيرات وجلست على الكرسي تسوي السندويتشات
في نفس هذا الوقت مشاري كان حاس بصداع ونزل تحت المطبخ يبغا ياخذ بندول وشاف وحده جالسه تسوي سندوتشات وتغني
مشاري "" مين هذي القمر هذي اكيد اسيل ياويل حالي تهبل كل ماتكبر تحلو ماشاء الله"" وطلع فوق قبل ماتنتبه عليه اسيل



اسيل ما انتبهت على مشاري خلصت السندوتشات و جهزت كل شي في النهايه تذكرت
اسيل : الحين انا وشلون اطلع هذي الاشياء فوق اوووف اصلا انا مافيني حيل اطلع الدرج تكسرت رجولي
بعد تفكير خلت الاكل في المطبخ وطلعت فوق عند البنات وقالتلهم انها سوت الاكل بس لازم احد ينزل يجيبه راحت دلع ورغد جابوا الاكل وتعشوا وجلسوا يسولفون لمن اذن الفجر صلوا وناموا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-03-2011, 05:02 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


اعرف ان هذا البارت مرره قليل بس اتمنى اشوف ردود
واتمنى ان الروايه تكون عجبتكم والبارت الجاي راح يكون يوم الاربعاء انشاء الله وراح يكون اطول واحلى

وابغا اعرف وش اكثر شخصيه عجبتكم ؟؟
مع تحيات الكــاتبة : غرامها ساحر



تحياتي
dlo3a4you

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-03-2011, 05:21 PM
black.22.skull black.22.skull غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


روايتك صح زيي ما قلتي انها من البدايه مافي حماس واكشن بس استمري ^ ^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-03-2011, 06:11 PM
dlo3a4you dlo3a4you غير متصل
©؛°¨غرامي مشارك¨°؛©
 
الافتراضي رد: رواية اكتشفت اني احبك


اقتباس:
المشاركة الأساسية كتبها صافي قلبي مشاهدة المشاركة
روايتك صح زيي ما قلتي انها من البدايه مافي حماس واكشن بس استمري ^ ^
شكرا على تشجيعك وان شاء الله راح استمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-03-2011, 06:21 PM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية اكتشفت اني احبك


,’




بسم الله



يعطيك العــــافية ‘ و عُذراً
مُكـــــررهـ



https://forums.graaam.com/251814.html...E6%D1%C7%CD%CA


ننتظـــر جديــــدك





,’


الرد باقتباس
إضافة رد

رواية إكتشفت إني أحبك

الوسوم
احبك , اكتشفت , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية إكتشفت إني أحبك / كاملة بذبۈذ ينقط عثل روايات كامله - يتم نقل الرواية هنا بعد اكتمالها 394 21-04-2011 08:48 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:59 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1