غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-04-2011, 03:57 PM
صورة اتعبني غرووري الرمزية
اتعبني غرووري اتعبني غرووري غير متصل
©؛°¨غرامي جديد¨°؛©
 
الافتراضي رواية في دوامة عالم النت / بقلمي


رواية : في دوامة عالم آلنت


بسم الله الر حمن الرحيم ............وبعد
حبيت انقل لكم روايه واقيعيه عن عالم النت وعجائبه بقلمي
اتمنى انها تعجبكم وتحووز ع رضاكم
وان شاء الله مايخيب ظني واشوووف التفاعل
يالله نبدأ

الجزاء الاول


اليوم 16من رمضان بمدينة الطائف الوقت الساعه 7 الصبح

البيت كله نايم ومافيه الا انا وخالتي كل وحده قاعده بلاب انا بالاب حقي واهي بالاب حقها واحنى كنا ببيتنا طبعا كنا مواصلين من امس

انا: اقوول ريماس ترى طفشت من البلياردو كل ما لعبت مع واحد يقوول خلينا نتعرف اووووووف
بعد شوي قلت :انا ابي اسوي مقلب معك يختي وافقي تقفين اخر مره نسوي مقلب
ريماس: يوووه سلمى انا الحين جالسها اسوالف مع واحد يقوول انه يحب بنت واهي خانته مع اعز صديقه وانه كان يموت على ترابها وانه كان يأمن صديقه على حبيبته بس صديقه كان يستغل ثقته فيه إلى ان مره دخل روم ولقى صديقه وحبيبته في غرفه ودخل عليهم وشاف المحادثه وانصدم ويقوول انه ماقدر يتحمل وصديقه يحاااول يكلمه ويبررله واهو ماعطاه فرصه حتى....
قاطعتها سلمى: طيب ليش يحب اصلا الذنب مو ذنب البنت ولا ذنب صديقه الذنب ذنبه اهو الي حب وهاذي نهايت حب غبي نفس وجها
ريماس: طيب انا طلعت منه انتي وين باي رووم
انا ابتسمت لانه اخيرا وافقت تهايط معي : تعالي انا بروووم 188
ريماس قعدت شوي ودخلت برووم: طيب وش ناويه تسوين الحين
اناابتسمت بخبث: انتي استني وشوفي وش باسوي انتي بس اسمعي كلامي
ريماس : وانا وش لي غير انفذ طلباتك
وانا. قعدت اهندس واطقطق شوي بالكيبورد
ريماس: يالله تقوولين ولا ترى بهون
سلمى : ريماس شفتي الي نكه فهودي
ريماس بسوري: ايه شو فيه
سلمى: هذا انا
ريماس براسها الستفهامات: سلمى يادبه وش تخططين عليه
سلمى : شوووفي انتي ما عليك الا انك تنفذين كلامي >> وقالت لها الخطه
ريماس ابتسمت ابتسامه كبيره على اعجابها بالفكره: والله انك عبقريه يالله خلينا نطبق
سلمى :اووك من نختار امممممم وش رايك بهذا الي نكه abood
ريماس : اوووك
>>>ريماس راحت وطلبت دعوه للعب معه واهو على طوول قبل
ريماس كانت تستنا لم يبدا هو الكلام فرمت الكوره عشوائيا وطبعا ما صادت شي
ريماس كان نكها فارونه
كتب عبود بالمحادثه الجانبيه
Abood : صباح الخير
فاروونه: صباح انور والسرور والعسل والياسمين
Abood : اووه كل هذا لي
فارونه : يب
Abood : المهم العبي
فارونه : ليش ما تبي تسووولف معي
Abood : لا مو قصدي
>>>>> سلمى تكلم ريماس : يالله اختصري ترى طفشت
ريماس : ههههههه شكله على نياته طيب الحين بقووله

فارونه : بقووولك شي ممكن
Abood : تفضلي
فارونه : انا احـــــــــــــــــبك
احبك احبك احبك
Abood : جد
فارونه : ايه انا احبك
Abood : حتى انا احبك انتي دخلتي قلبي من اوول ماسالفت وياك
فارونه: >>فيس خجول
Abood: فديت الي يستحوون
فاروونه: يعني اقدر اقول لك حبيبي
Abood: حبيبي وحياتي وعمري وقلبي وروحي وبعد طوايفي كلهم بعد
ريماس تقول لسلمى : يالله ادخلي الحين
سلمى ابتسمت : طيب
انا دخلت على المحادثه حقتهم وطبعا كان نكي فهودي وصورتي ولد
بالمحادثه
فهودي : مسكتك يابن الكلب يالي ما تستحي على وجهك
Abood : ؟؟؟؟؟؟؟
فاروونه : فهوودي ترى انت فااهم غلط
فهودي : وش فااهم غلط وكل شي واضح وضوح الشمس الولد يقوول عمري وحياتي ومدري ايش وش تبين دليل اكبر من كذا
Abood: اقوول هاي انت تراك مضيع
فارونه : عبوود هذا اخووي بصراحه بصراحه امس شااف ارسايل الي ترسلها لي وقال لي اسوي كذا عشاان يتفااهم معك
Abood: اقووول وش قاعده تخربطين ووش يتفاهم معي بعد
فهودي : ليش بنات الناس لعبه بين يديك
فاارونه : انا اسفه حبيبي سامحني
فهوودي : لااااااا اشووفك انسجمتي بعد
Abood : اقووول انت ترى اختك تلعب عليك وترى اهي الي جايتني وتقوولي احبك ومدري ايش لا تورطووني بمشاكلكم ارجووكم
فاروونه : عبوود لا تخليني بهالمشكله لحالي انت قايلي بتجي تخطبني
Abood : وش اخطبك بعد انتي لو انتي اخر وحده بالعالم ما خذيتك
فهوودي : من زينك بخشتك وكانا نبيك ولا موافقين عليك
فارونه : فهودي ترى اصلا هو الي قاعد يترجاني اعطيه صورتي وكل ما رحت عنه يلاحقني
Abood : اقوول انتي وش قاعده تثرثرين انا ماعرفك واهي توها لسا جايه وتتقرب مني
فارونه : كذاااااااااااب اصلا اهو الي مزعجني بالمكالمات وانا اقووله حل عني واهو رافض
فهودي : هاااي انت ليش مزعج اختي وتكلمها ماعندك خوات كان فيك خير علمني وين انت والله ثم والله لجي اثور فيك
Abood : اقوول هاي انت وش تقوول اهي الي جايتني وتقوول احبك
فارونه : انا قايلتلك احبك ؟؟؟؟
Abood : ايه يعني من الي قايله الجني مثلا
>>>>>> سلمى وريماس طبعا كانو ميتين من الضحك عليه
سلمى : ارجال شكله عصب
ريماس : ههههههه
>>> بعد الشوي
فهوودي : شووف الصووره تمسحها الحين
Abood : أي صوووره اقوولك تيس تقوول احلبه ياخي اختك توني اعرفه من الشوي
فهوودي : ووالله لو تسوي بصورت اختي شي لذبحك فااهم
Abood : انت ما تفهم عربي اكلمك انقلش ولا فرنسي عشان تفهم
فهوودي : ليش ماتبي تعترف ان صووورت اختي معك ترى انا عااارف بكل شي لا تتهرب
Abood : لحوووول اقووولك شي الصوووره عندي وصورتها راح تلقاها بكل مكان بالجوال والنت
>>>>> سلمى : ههههههههههههه لااااااا ارجال وصل حده
ريماس : هههههه شكله تاقلم مع الكذبه
^
^
^
بعد عشر دقااايق
سلمى : طفشت منه خلينا نقوله ونفتك منه

بالمحادثه :
Abood : عطني رقم جوالك عشااان بعد ارسلك الصووره اذا تبي وعطني رقم كل اصحابك عشااان توصلهم الصووره بعد
فارونه : اقوول ترى طفشت منه
فهودي : والله انك صادقه ولا ارجال صدق
فارونه: اقوول انت سبيكه ؟؟
فهودي : انت هاي ترى احنى كنا نلعب عليك لا تصدق
Abood : وش تلعبوون علي؟؟ >>> صدمه
فهودي : بالعربي هذا مقلب وانا بنت وفارونه هذي صديقتي
Abood : تستهبلون انتو ويا وجيهكم
فارونه : وش ذنبنا عاد انك سبيكه
فهوودي : عااد ولا ثموود هههه
فارونه : لا اصحاب الايكا ههههه
فهودي : ههههههه خلاص كلهن
Abood : اقووول ترى عطيتكم وجه اكثر من الازم >>> الرجال عصب
فهودي : احنى الي عطيناك وجه اكثر من الازم
فارونه : اقوول خلينا نطلع نشووف سبيكه ثاني
فهوودي : هههه يالله
Abood : يا ..........>>كلمه وسخه
>>>> سلمى : ابن الكلب الداشر خلينا نطلع بس
ريماس : هههه تعودت انا اصلا على هالكلام

طلعنا من العبه واكيد كان الفوز له لان اصلا كانت ريماس ترمي عشوائيا

سلمى: اووووف طفشت من البلياردو
ريماس : ترى بكرى الوعد ببيتنا اليووم سهرت عندك بكر دوورك
سلمى : على امرك كم عندي من ريماس
ريماس : المهم انا جوعانه خلينا نرووح ناكل شي
سلمى : اووك

(سلمى بنت عمرها 16 سنه باول ثنوي تحب الفله ومرجوجه وعندها هياط بس بحدود ولا جاء وقت الجد تنسى المزح وتفكر بعقلانيه شعرها بني وكيرلي وقاصته فكتوريا وطولها عادي على عمرها ولاهي سمينه ولا نحيفه مره يعني جسمها حلو ولونها حنطي واحلى مافيها عيونها الواسعه ولونها عسلي وملامحها صغيرها ومملوحه ومره اهي تحب الماركات وشياكه وكثير قالو ان شخصيتها متقلبه يعني مره تطلع مرجوجه ومره هاديه وبارده ومره ثقل يعي بالعربي شخصيتها غامضه وشخصيت سلمى راح تعرفونها اكثر بروايه واهي من ابطالها)
(ريماس عمرها 17 خالت سلمى واهي وياها مع بعض في كل خطوه يخطونها وكل صغيره وكبيره يتناقشوون فيها وهي اطول وانحف من سلمى بشوي هي ملامحها ناعمه بيضاء و عيونها ناعسه و لونها عسليه شعرها قصير ومدرج مناسب على شكلها هي انسانه حبوبه هاديه بس في نفس الوقت لجتمعت مع سلمى تتغير180تصير مثل سلمى بس اهي اخف برجه لاكن اكبر بالعقلانيه دايما الابتسامه مرسومه ع شفاتها وراح تتعرفون عليها اكثر من خلال الاحداث)
(سلمى عندها اخ واحد راح تعرفونه بعدين امها اسمها فاطمه عمرها39 وابوها اسمه فهد عمره 46 )
(
>>> سلمى وريماس يفلووونها مع العيال بالبلياردو ويهايطوون بس مستحيل توصل الا انهم يسوون علاقات بالنت
.................................................. ................................


في مكان ثاااني وبمدينه ثانيه باتحديد بكرنيش الخبر
مشاري كان قااعد يتامل البحر وعقله ماهو يم البحر كاان سرحان بعالم ثاني
فجااه جاته ضربه ورى ضهره ضربه رجته وتشتت جميع افكاره
............: ههههههههه الي ماخذ عقلك يتهنا به
مشاري التفت والعصبيه تتطاير من راسه: محمد يالكلب خرعتني جعلك الووجع ان شاء الله
محمد شال ثووبه وركض : هههههههه لا بس كنت ابي اشوووف كانك سرحااان ولا لا
مشاااري كان يلحقه : وماتعرف تشوووف كاني سرحااان بادب يالعربجي
محمد وقف واهو ميت من الضحك على شكله : ههههههههه والله ههه خلااص ههه معد اقدر هههههه
مشاري وصل له ومسك ياقته ومحمد ميت ضحك على شكله
مشااري : ولا تضحك بعد
محمد : ههههه الا اقوول وش كنت تفكر فيه
مشااري استفهامات براسه : ياربي نسيت وش كنت اخطط له
محمد : هههههههههههههههه هدني وانا بعلمك
مشااري هده بس موب عشان يعلمه عشاان بس يتذكر وش الي كان يفكر فيه
محمد : ههه صدقت وانا وش دراني
مشاري : لا يكثر بس ترى عطيتك وجه الحين نسيتني وش كنت افكر فيه
محمد هدا من الضحك: اقوول بس حطيت خدمت البيبي ولا تووك
مشااري مسوي يتغلى : وش دخلك انت
محمد ابتسم : ليكوون توك معصب ترى امزح معك يالله ياخي روووق اعصابك
مشااري ابتسم : وانا اقدر ازعل منك واعصب عليك
محمد : لا تضيع الموضووع بس حطيت الخدمه ولا لا
مشااري : ايه حطيتها
محمد : حلوو يالله اضيف القرووبات الي عندي عشاان نتعاون البر والتقوى >>> قصده يهايطوون مع بعض
مشااري : هههههههه انت عندك شر غير طبيعي
محمد : انا والشر كذا >> وياشرالصبعه السبابه على الصبعه السبابه باليد الثانيه علامه على قربهم مع بعض
مشاري : اقووول لا يكثر بس وخلنا نروووح
محمد : استنا افكر امممممم>>> وياشر يده على راسه علامه على التفكير
مشاري مسكه مع ثوبه من ورى ومشى واهو يسحبه : اصلا ما طلبت رايك بتجي معي وانت ما تشووف الجاده
محمد ضحك على حركته : هههههه طيب طيب بس وخر عني ترى ماني خاروف عندك

مشاري ومحمد ركبو السياره وراحو للملعب عشان يتمرنوون مشاري ومحمد يلعبوون كوره بدووري صغير

( مشاري شاب عمره 23 سنه يشتغل سكرتير بشركه ماهي كبيره ولا صغيره مشاري شخص عقلاني كل شي يفكر بعقله بس مع كل هذا الا انه يهتم بمشاعره بنفس الوقت واهو شخص جاد باعماله بس بعض الاحيان يصير مهمل اهو لا اجتمع مع محمد يتحوول لشخص ثااني تجي عنده ارجه والهبال شكله يكفي اني بس اقوول عنه انه شخص وسيم ينهبلو عليه البنات )
(محمد صديق مشاري الصدووق يقرب لمشاري ولد عمه اهو مبين على شكله مهبوول وعربجي ويحب الوناسه )

.................................................. ....................

في العاصمه بمدينت الرياض وباحد احيائها الجميله نذهب الى احد بيوتها المتواضعه

كانت سمر وشذى على الاب كل وحده بلاب بس كانت مو لهم لخوانهم
سمر : اقوول شذى لسا توك تكلمين نفس الشخص بالبلياردو
شذى : ايه ليش
سمر : يختي ما طفشتي منه
شذى : وانتي شعليك اكلم الي اكلمه مالك دخل
سمر : طيب اعصابك
شذى : وانتي وش داخله عليه
سمر : انا طلعت من البلياردو كل ماجيت السولف مع شخص لقيته يبي يشبك واذا عييت وطفش مني قال كلام وسخ استغفر الله بس
شذى : طيب سولفي مع بنت
سمر : لا مابي ........موو مهم انا طفشت من الاب زدلنا 4 ساعات واحنى على البلياردو
>>>>>>> سمر صكرت الاب
شذى : انا بعد طفشت بصكره الحين
>> لحضت صمت <<
شذى : ههههههههههههه
سمر : وش فيك انجنيتي
شذى : لا بس لما قلت لها ابي اطلع قال اني احبك ومقدر على فراقك يبيني اعطيه اميلي
سمر : انك عطيتيه وجه اكثر من الازم
شذى وهي قاعد تصكر الاب : مصدق ابعطيه اميلي
سمر : وش قلتيله
شذى : عطيته اميلي
سمر فتحت عيونها عالاخر : من جدك يالخبله
شذى ضحكت :هههههه صدقتي ليش مهبووله انا
سمر تعدلت ملامحها : اجل وش سويتي
شذى : ببساطه قلتله ماني غنمه عندك وطلعت بدون ما اشووف رده
سمر : ايه حلو الي سويتي له
شذى : اقووول بعد ما طفيته وش تبين دريت انك طفشتي ومليتي وزدلنا 4 ساعات على انت ثمن وش ناويه تسوين عشان تشغلين نفسك وتشغليني معك يام الافكار
سمر كشرت: اوووف مدري والله الا اقووول سماح متى قالت بتجي
شذى : اهي تقوول ان ابوها اليووم بيخلص شغله يعني اعتقد بتجي بكرا
سمر : اشتقتلها هادبه من زمان عنها
شذى : اقووول لا يكثر بس خلينا نرووح نقعد مع اخواني بالصاله ابركلنا من القعده هنا
>>> شذى قامت دون ماتسمع رد اختا لانها عااارفه وش راح يكوون ردها
و سمر قامت واتبعتها عشان يروووحون للخيمه
طلعو برى البيت متوجهين للخيمه الي فيها المشب
وكانت الخيمه وصط الحوش برى
دلخوا الخيمه لقو اخوهم علي وماجد واختهم عايشه وابووهم
شذى : ماشاء الله الكل متجمع ومحد علمنا
ماجد : والله احنى دايم متجمعي بس انتو الي ماتقعدون عندنا
سمر : حقكم علينا
شذى بخبث : انا من زمااااااان اقوول لذ الغبيه الزوله خلينا نرووح خلينا نرووح ترى طفشت واهي ولا حووولي كل شوي تقوول استني خمس دقايق استني خمس دقايق
سمر فتحت عيونها عالاخر وضربت شذى : يادبه من الي قاعد يحاوول فيك كذااابه >> وتكلم اهلها<< ترى اصلا انا الي احاااول فيها واهي الي رافضه
شذى يعنني انها مضلومه : ياويلي وش هالكذب الي يطيح الطير من السماء
سمر وصلت حدها لانها ماتحب تنضلم ابد : اقووول انتي الفقيه يانصابه يالكذابه
شذى معد قدرت تتحمل شكلها المعصب فضحكت : هههههههههههههه
الكل : ههههههههه
سمر وصلت حدها وطقت رجلها عالارض : انا ماقلت شي يضحك
علي الي كان منشغل بالجوال طبعا كان بيبي : اقوول لا يكثر ترى زودتموها
سمر انحرجت وقعدت لانها طوولت السالفه واهي قصيره
شذى ردت عليه واهي ما عليها من احد : اقوول لا يكثرين انت الي ماعندك سالفه انت ويا هالجوال الي ماسكه الله يستر بس وش الي فيه
علي صكر الجوال وحطه وعلامات البرود على وجها : اقوول ترى عطيتك وجه
شذى مسكت البيله وكانها بطقه بها : اقوول الفقه لاني اصن هالبيله على خشتك
علي خاف لانها تسويها : اوووف خلاااص خلااص
شذى حطت البيله بانتصار : ههههههه محد قدي

يتبع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-04-2011, 03:58 PM
صورة اتعبني غرووري الرمزية
اتعبني غرووري اتعبني غرووري غير متصل
©؛°¨غرامي جديد¨°؛©
 
الافتراضي رد: رواية : في دوامة عالم آلنت





عايشه كانت تسوالف مع ابوها ولا كانت يمهم بس بعدها تجمعت السوالف وقامو كلهم يسولفون مع بعض
الا ان دخلت ام ماجد ومعها حلى
شذى قامت : عنك يمه عنك
الكل ضحك على شفاحتها
ام ماجد: هههههههه كل هذا جوووع اصلا انا اناديك تتعشين انتي ويا اختك وانتو مو يمي يما هالكمبيوتر
عايشه : اقوول ترى احس ادمنتو عليه
سمر: وش نسوي طفش ماعندنا شغل ولا مشغله
علي : طيب اقرو قران اذكرو ربكم موب اربع وعشرين ساعه على انت
سمر سكتت
شذى : تقفى انت اخر واحد يتكلم عن قرايت القران
علي : ليش طايح من عينك انا
شذى : تقريبا
علي : والله انك بزر ما ينشره عليك
شذى معطت لكلمته أي وجه وحبت تغير الموضوع وثمها مليان بالحلى : يمه من الي مصلح الحلى مره حلو
عايشه : احم احم
شذى غصت : كح كح ليووكون انتي ما اصدق
عايشه : وليش طايحه من عينك ياجعلني مانيب قايله
ابو ماجد : ماعرفت تطبخ الا لما تزوجت ولا اول يالله تصلح الاندوومي
الكل ضحك
ههههههههههههه
كملو حديثهم والاجواء كانت مرحه بهالعايله
( ابو ماجد عمر عمره 54 كثر ما اهو هادي كثر ما اهو مرح ويحب اعياله اما ام ماجد شماء عمرها 50 سنه مره طيبه ولان ماله دور كبير بروايه مايحتاج اكتب شي عنها عندهم 2 عيال 4 بنات
منى متزوجه عندها 3 عيال ومنهم سماح وراح تعرفونها بعدين
عايشه عمرها 25هااديه مع اناس ومو اجتماعيه كثير بس اذا كانت مع اخوانها طلعت شوي من الطاقه متزوجه وعندها بنت صغيره عمرها سنتين

ماجد اسمر وملامحه عاديه خلوق وسيم طويل وجسمه حلوو وشعره كثيف وسايح ويحب يهتم بشكله مرررره طيب وعلى نياته ومساامح بشكل خيالي وماعتقد موجود بهالعصر منه عمره 23 سنه بالجامعا

علي مررره مهايطي ويحب الفله ويحب التكلونوجيا وعصري واهم شي انه فااااااالها ودااااج ملامحه مره حلوه لونه قمحي عيونه ناعسه طويل وعريض وشعره كل يووم غير مره مجعده مره منعمه يعني بالعربي كل يووم استايل جديد ملامحه تخقق بمعنى الكلمه عمره 20 سنه برضو بالجامعه

سمر مع انها تحب الفله الا انها فيها حيا وطيبه وعلى نياتها شعرها طويل لضهرها ملامحه ناعمه ولونها برازيلي عمرها 17 سنه وهي انسانه عاطفيه
شذى : عكس اختها سمر بكل شي مرها مرجووجه وماعليها من احد وما تسكت لاي احد حتى لو كان اخوها والي براسها تسويه اهي بيضاء وملامحها تشبه ملامح اخوها علي يعني اهي حلوه بس الي مخربها انها شوي سمينه عمرها 14 سنه)



بنفس المدينه لاكن بمكان اخر تجمع لشباب في الديوانيه لان طبعا كل ماراحو مكان لقووه عواايل

كانو نص الشباب يلعبوون ورق وانص الثاني يسوولفون

حمد : اقووول سامي ما ودك تلعب
سامي الي كان سرحان : هاه
وليد : لااااااااا ارجال مو معنا هااي انت ترك تلعب معنا
سامي لعب : ادري بس استهبل
علي : اقوول اذا جيت بتصرف صرف تصريفه صاحيه
حمد :هههههه لا تخاف مارح نسالك من تفكر فيه
سامي: اقوول العب بس ولا يكثر
وليد : وش سالفتك انت الحين
سامي : لا بس فيه بنت تبي تطلع معي
علي : وانت وش ناوي عليه
سامي : لحد الان افكر
حمد نطل اوراقه : اقوووول من جدك احنى نكلم بنات ايه نغازل ايه بس نتورط مع بنات خلق الله لا والف لا
سامي : وانا وش سويت كل الي قلته بافكر
حمد : يعني يمكن توافق وتطلع معها
سامي عصب : وانت وش دخلك انا الي بطلع معها ولا انت
وليد : خلاص هدو ترى ما يسوى
علي : سامي اصلا هالبنت طولت معها خلاص اقطع علاقتك معها
سامي: وانت صادق احس طولت اصلا انا ناوي اقطع علاقتي معها من زمان
حمد : ازين لك ولها
سامي : خلااص عااد لا تطول السلافه واهي قصيره
حمد هدى اعصابه: لا مو قصدي بس كنت خايف تسويها يابو الشباب وتروح فيها واحنى بغنى عن هالمشاكل
وليد : خلاص خلونا الحين نلعب وننسى السالفه
علي :وانت الصادق خربتو العبه لما جيت ابفووز
حمد يهمس لوليد : وانا وش غايتي بهالحركه غير اني اعيد العبه
وليد: ههههه يابن الذينا امنو داهيه انت
حمد : اعجبك انا

( حمد عمره 20 سنه وسامي 19 سنه و مشكلجي وعلى فكره حمد اخ سلمى وسامي يقرب لحمد ولد عمه يعني اهم عيال عم حمد اكبر عربجي ويحب الفزعه ومرجلي بشكل غير طبيعي وسامي يشبه ولد عمه حمد الا انه اخف منه شوي
وليد عمره 21 سنه خال حمد
و اخو ريماس انسان حنون وسيم وفيه شبه كبير من اخته ريماس بس طبعا هي احلى وعلي سبق وان عرفتكم عليه واهم من ابطال هذي الروايه)


وبنفس المدينه لاكن بجزاء اخرمن الرياض
فارس : الا اقوول ريان
ريان واهو منشغل بالبلاك: هاه
فارس يقلده : هااه ماتعرف تقوول هلا امر لبيه
ريان : تخيل اقوول لبيه امي والي اهي امي ما اقوولها لبيه
فارس: اقووول بس تبيني اقوول وش عندي ولا اهون
ريان : قوووول وش عندك
فارس : وشسمه تذكر ذاكا اليووم لما كنا بسوووق
ريان: الحمد لله والشكر ترى انا مارحت مره بحياتي لسووق متى ؟؟
فارس : لما تهاوشت مع ذاكا اتكروني
ريان : هههههه ايه وش فيه
فارس : تذكر ذيكا البنت الي كانت تناضرك
ريان بغرور : من أي وحده ترى نص بنات السوق قاعدات يناضروني
فارس : لا ينط فيك عرق بس هذيك البنت الصااروخ الي جاتك وسالتك كم النتيجه بين الهلال والاتحاد
ريان ابتسم : أيــه وش فيها
فارس بفخر واشر على البلاك حقه : رقمها في حوزتي
ريان فقق عيونه : اما جد
فارس : لا تصدق
ريان عطنياه
فارس : هههههه بعد الشين خذيت رقمها تجي انت بارد مبرد وتاخذه مني
ريان: طيب وش تبي
فارس بتفكير : اممممممممممم ابي اممم
رياان : قووول بسرعه
فارس : ابي رقم هذيكا البنت الي من سنه ونص وانت تكلمها
ريان : بااااااااس افدااك
فارس : لا هونت مابي رقمها
رياان : لحوووووول بسرعه ترى مانيب فاضيلك وراي بنات اكلمهم
فارس : طيب ابيك تحملي 5 مقاطع
ريان ابتسم : وش تبي نوعها
فارس : ابي ......... و......... وابي بعد ليلت الدخله وشووف ابي المقاطع كلها سعووديه لاني ما الشووف الا سعوودي انا
رياان : سعوودي صعب
فاارس :ماعلي منك
ريان : عندي مقاطع بالاب شووفها وخذها كلهن
فارس : كــم الــ...
رن جوال فاارس
فارس ابتسم : طرينا القط جانا ينط
ريان عرف انها البنت : عطنياها بكلمها
فارس : وين لابتبك
ريان : بسياره
فارس : عطني مفتاح سيارتك
ريان طلع مفتاح سيارته من مخباه ورماه على فارس : يالله عطني ارد بسرعه قبل لا يقفل
فارس خذا المفتاح ورمى عليه الجوال : طيب طيب بس لا تعصب >> راح متوجه لسياره وعلى ملامحه ابتسامة شر
ريان رد بسرعه
المتصل : اهلين
ريان : هلا والله هلا وغلى هلا بطش والرش والبيض مفقش هلا بهصوت الي من سمعته فزيت كلي
المتصل: مين ريااااااان
ريان عرف الصوت : هاااه عمتي
عمته : عمت عينك قول امين
ريان يصرف :وش فيك عمه حرام اقوولك كلام حلو
عمته: لا مو حرام بس ليش راد على جوال فارس
ريان : هدي عمه وش فيك معصبه كل السالفه ان ولدك المصون مو موجود وناسي جواله عندي وقلت ابرد على عمتي السلم عليها
ام فارس : طيب انت كيفك اخبارك
ريان قال بصوت خافت :صح انوم
ام فارس : وش قلت
ريان : لااا بس اقوول فيني نووم
ام فارس : بس ياولدي الدنيا نهار وين تنام الحين
ريان واهو ملان : لا بس امس مانمت زين
ام فارس : الا قول هالسهر تنامون بنهار وتسهرون بهاليالي
>>>>>>>> جاء فارس واهو شايل الابتوب وقعد واهو ميت ضحك على شكل ريان لان ريان كان يكلم امه بدون نفس ووده لو يصكر السماعه بوجهها << ريان شاف فارس يضحك وناضره بنضرة حقد على حركته
ريان خطرت بباله فكره : الا اقوول عمه
ام فارس : هلا
ريان واهو يناضر فارس : عرفتو منهو الي صرق 4 الاف من عندك
>> فارس فز من مكانه وقام يبي يسحب الجوال منه لانه عارف ريان يسويها بس ريان قام عشان يتفاداه
ام فارس : لا ياوليدي حسبي الله عليه جعله ما يتهنى فيها امين
ريان ببطى عشان يوتر فارس ويخوفه : طيب ما سالتي فااااااااااااااااااااااااااااااااااااااااارس عنها
ام فارس : فااارس ؟؟ الا سالناه يقوول ما يدري عنها
>>> فارس حط يده على راسه وقام ياشر على ريان عشان يرحمه
ريان : عمه انا الحين بصكر ولا عرفت من الي صرق الفلوس ابشري بعزك
ام فارس : تسلم ياولدي
ريان : طيب هذهو فارس جاء خذيه
>> ريان خذا الجوال ورماه على فارس وفارس خذا الجوال وصكر السماعه
فارس : هاي انت ياخبل ياويلك لو تعلم
ريان : والله انا الحين افكر بس اعتقد اني بعلم
فارس : لا والله ترى انت مشاركني فيها
ريان: بس انت الي صارقها موب انا
فارس هدا من حاله : والزبده وش تبي عشان ما تعلم
ريان : ابي رقم البنت
فارس : وانت صدقت ما معي رقمها ولا شي
ريان : احلف كيلو
فارس: والله انه ما معي رقمها انا عطيتها رقمي بس اهي ما دقت لا دقت ابشر بالي تبي
ريان : طيب ابي تعويض
فارس مل : ياليــــل وش تبي
ريان : ابي تعويض على الكذبه وابي تعويض على حركتك لما خليتني ارد على امك
وقام ريان وخذا الاب : وزياده على كذا مافيه مقاطع مارح اعطيك ولا شي
فارس ابتسم : وانا بستناك خذيتهم وخلصت والحين اهي بالاب حقي
ريان : يعني الحين زودت تعويض ثالث
>>> رن جوال فارس <<
فارس شاف المتصل وتافف: اففف
ريان: وش فيك
فارس : هذي العجوز يبيلها كوي عشان تهجد
ريان : مين امك
فارس :ومن القلق غيرها
ريان : هههههههه وانت الصادق
>> سكت الجوال <<
ريان : يالله لا تغير السالفه ابي 3 تعويضات
فارس : طيب وش تبي
ريان : ابي ارقام بنات
فارس نطل جواله على ريان: خذ 3 بنات ل3 تعويضات
ريان : طيب شاسمائهن
فارس :شف الي نكها نشبه
ريان : ايه خذيتها >> ريان كان عارف سبب تسميتهم بهالاسماء
فارس: والي نكها سبيكه
رياان : ايه وبعد
فارس قعد يفكر: امممم
ريان : طيب هذي الي اسمها بطريق
فارس فز : ياويلك الا هذي لا تاخذها
ريان : ليش
فارس : انتبه لا تاخذها ترى تخرب كل الي بنيته
ريان : وش بنيته
فارس مع ابتسامه خبيثه : ان شاء الله انا على وشك نكون بسرير واحد
ريان ابتسم : وانا اقووول وش تبي بالمقاطع اثرك تبي تتعلم وتطبق
فارس : اهم شي لا تاخذ رقمها
ريان : بس بشرط
فارس وصل حده : ترى عااد ذليتنا بما فيه الكفايه
ريان : لا تخليني الحين ادق واقوول من الي خذا الفلوس
فارس كشر : اخلص وش شرطك
ريان ابي اكون معك لاني بعد انا من زمان عن اتطبيق
فارس : طيب طيب

>> كملو كلامهم على اثار جرائمهم المشينه
( واكيد كل شي واضح من شكلهم اعمارهم 22 )



نعووود لطائف

سماح واهي تصارخ : يماااااااااااااااااااااااااااااااااااه
ام سماح : خير وش هالصراخ
سماح واهي ضايقه : يمه طفشت متى بنحرك لرياض متى بشووف سمر وشذى متى متى
ام سماح : يووم الفتى
سماح : يمااااه
ام سماح : رمه خير كم مره اقولك الا ان يجي ابوك ترى طفشت من كثر ما اكرر كلامي شكلي باكتبه باورقه واعلقها عندي عشان ارتاح
سماح: وش السوي متحمسه مره
ام سماح : طيب جهزتي اغراضك
سماح : ايه
ام سماح : نزلتيها
سماح : ايه
ام سماح : نزلتي اغراض اخوانك
سماح : ايه
ام سماح : ماتبين تروحين لرياض
سماح : ايه ...... هاه لاااااا ابي اروح
ام سماح ضحكت عليها : ههههه طيب بس العب عليك
>>> حسن جاء <<
حسن : يمه يمه
ام سماح : لبيه
حسن : يمه ابوي جاء يقول اطلعو الحين ترى ابوي مستعجل
ام سماح : يالله بنجي الحين قل لبوك ياخذ الاغراض ويركبها السياره
حسن : طيب
ام سماح تكلم بنتها : يالله روحي البسي عبــ.......
>> سماح سفحت راحت تلبس عبايتها قبل ما تكمل امها كلامها
ام سماح ضحكت على حركات بنتها : ههههههه خبله هالبنت

( ابو سماح سالم عمره 45 متزوج من ام سماح منى عمرها 36 عندهم ثلاث عيال اكبرهم سماح عمرها 18 هالبنت مره عاطفيه تتاثر باي شي وماتعرف تحكم عقلها شوي بس اهي ماترضى عن المهانه واهي في قناعت نفسها انها مستحيل تسوي شي غلط سماح ضعيفه بيضاء ومملووحه – حسن وحسان توم عمرهم 8 سنين )




نهايه الجزء الاول


يالله في انتظار ردودكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-04-2011, 03:59 PM
صورة اتعبني غرووري الرمزية
اتعبني غرووري اتعبني غرووري غير متصل
©؛°¨غرامي جديد¨°؛©
 
الافتراضي رد: رواية : في دوامة عالم آلنت


اذا فيه تفاعل

راح انزل لكم الجزاء الثاني
وعلى فكره الروايه واقعيه بس فيها شوي تحريف يعني الزبده اهي الحقيقيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-04-2011, 08:51 PM
صورة خيلآء أنثى الرمزية
خيلآء أنثى خيلآء أنثى غير متصل
©؛°¨غرامي مجتهد¨°؛©
 
الافتراضي رد: رواية في دوامة عالم النت


.,’/


أتعبني غرووري

سأجل حضووري فقط ولي عوودهـ عندماا أقرأ الباارت


تحيتي ..,/


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-04-2011, 09:09 PM
صورة هويتگ ، الرمزية
هويتگ ، هويتگ ، غير متصل
شموخ بنتک يَ' آبوي ' مَ آنخلقٌ منَ يہزھٓ ..
 
الافتراضي رد: رواية في دوامة عالم النت










..,

واااااااااااااااااو
مااااره رووووووووووووووووعه..,

.,

ومنتظرين التكمله..,

لعدمناا

دمتي بووووووووود

.,















سبحآن الله وبحمده ،♡
سبحإن الله العظيم ♡


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-04-2011, 09:13 PM
صورة خيلآء أنثى الرمزية
خيلآء أنثى خيلآء أنثى غير متصل
©؛°¨غرامي مجتهد¨°؛©
 
الافتراضي رد: رواية في دوامة عالم النت


..,’/


بدااايه مووفقه لكـ حبيبتي ..,

وشكلهااا يحمس لأني بديت أخمن الأحدااث ..

الباارت الأول كاان تعرييف فياااليت تنزلي الثااني } هه أتميلح

أناا بانتظااركـ ياااحلووهـ


تحيتي ..,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-04-2011, 04:20 PM
صورة مهسترة بس اخلاق الرمزية
مهسترة بس اخلاق مهسترة بس اخلاق غير متصل
©؛°¨غرامي متألق ¨°؛©
 
الافتراضي رد: رواية في دوامة عالم النت


بدايتها مره حلوه

ياليت بس تقوليلنا متى الاوقات اللي تنزلين فيها


موفقه حبيبتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-04-2011, 10:29 PM
صورة اتعبني غرووري الرمزية
اتعبني غرووري اتعبني غرووري غير متصل
©؛°¨غرامي جديد¨°؛©
 
الافتراضي رد: رواية في دوامة عالم النت


كل السبووع بنزل جزاء ومشكوورين عالقرائه
واذا فيه انتقاادات قووولو عادي اتقبل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-04-2011, 04:51 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية في دوامة عالم النت


,’




بسم الله



يعطيك العـــافية
راجعـــي الأخطــــاء الإملائية قبل تعتمدين الرد
جزء <~ تُكتب كذا :)
إطلعي على الرابط هذا بـ يفيدك النقــــاش
https://forums.graaam.com/342083.html
موفقة إن شـــاء الله
https://forums.graaam.com/238622.html




,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-04-2011, 01:56 PM
صورة اتعبني غرووري الرمزية
اتعبني غرووري اتعبني غرووري غير متصل
©؛°¨غرامي جديد¨°؛©
 
الافتراضي رد: رواية في دوامة عالم النت / بقلمي


تسلمين والله عااد اخطأ الاملاء دايم بكل رواية
تسلمين خيتو اصلا كنت متوقعه بتقووولون هالنقطه

رواية في دوامة عالم النت / بقلمي

الوسوم
اوول روايه تتكلم عن عالم آلنت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
رواية يا ليت أعرف / بقلمي Julie أرشيف الروايات المغلقة - لعدم إكتمالها 95 17-06-2011 05:41 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2030 15-04-2011 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 11:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1