غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-04-2011, 03:09 PM
ليتك معاي ليتك معاي غير متصل
©؛°¨غرامي مشارك¨°؛©
 
أوش تو ما سكت جرحي / بقلمي؛كاملة



السلآم عليكم و رحمة الله و بركآته




صبآإح / مسآإء الخيرـرـر



صبآإح / مسآإء الطيب



صبآإح / مسآإءالحب



صبآإح / مسآإءالورد



صبآإح / مسآإء الأحآسيس المرهفة






هآ أنذا آتي إليكم بكل حب و احترآم .. أقدم لكم ابنتي الثآلثه (أوش تو مآإ سكت جرحي) .. أجل كآن لي سوآبق في مجآل الكتآبه .. و لله الحمد فقد نآلت نجآحًا لم أتوقعه و ذلك لكوني مبتدئة .. أجل أنآ أتعرف فـ آنآ لآ زلت مبتدئة و هآوية أحتآج للنقد البنآء و التشجيع للاستمرآر :$




(أوش تو مآإ سكت جرحي) كتبتهآ بكل عوآطفي و أحآسيسي .. تعآيشت معهآ بحلوهآ و مرهآ .. أحببت أبطآلهآ و عشقت معظم أحدآثهآ .. تألمت لألم أبطآلي و فرحت لفرحهم .. ضحكت و حزنت و عشت و كأنهم معي .. لكن لآ يزآلون ابطآلي يعيشون في مخيلتي و ليس فقط في روآيآتي ..




لآ أعلم كيف تمكنت من كتآبة روآيتي بهذآ الشكل .. لآ استطيع القول بأن هذه شخصيتي و لكن أستطيع القول بأنه له بفضلٍ من رب العآلمين .. و استطعت بفترة 6 شهور من انهآئهآ .. حقاً اتعبتني فكثيرًا مآ سهرت الليل من أجلهآ .. و تعبت حتى جمعت هذه الأحدآث لأكون شيئاً يروق لكم احبآئي .. حسب مبآدئي و فكري و أحآسيسي ..




أحب أن أنوه بأن روآيتي خيآلية 100% .. ليس لهآ أي علآقة بالوآقع .. فمآ هي إلآ عبآرة عن مزيج من الخيآل ~




لآ أحل بنقل الروآية إلآ بذكر اسمي عليهآ و ذلك لتعبي الشخصي فيهآ .. آمل أن تنآل إعجآبكم




{هآ هي الآن بين أيديكم}




تحيآإتي ؛
ليتك معآي


** ملآحظة سبق لي و نشرتهآ بمنتدى قبل جذي بس بـ نك مختلف و هذا عشآن تشآبه النكآت **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-04-2011, 03:17 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


البارت الأول




»أؤوۉش ..! تؤوۉ مآإ سـڪـت ~ جرحـ:(«



***




عطني حل ..!~


أبي أنسآك .. أبي أنسآك ! بس شلون !؟


آنا مآني مثل هالنآس إذا حبوآ سهل ينسون ..!~


غيآبك آنا مؤو قده ولآني قد أحزآني ..


آنا مقدر على بعدك حرآم تروح و تنسآني :(


تخليني أنا ضآيع مآ بين الكل !!


عطني حل ..!~



تلعب بقلبي العوآطف و انت بس همك تروح !


و العمر بعيوني وآقف و الجروح اهيه الجروح :(


أحس روحي .. تبي تطلع !!


و قلبي مل !!


عطني حل ..!~



خلي نفسك في مكآني و جرب تعيش بجروحي ..


تعرف اني حيل أعآني مآني طآيق حتى روحي ..


و اذا انت .. نويت البعد :(


و تبي ترحل :'(


عطني حل ..!~




***



داوود : يه يه شالصوت الحلو ..!~
فطوم "ابتسآمة خفيفة" : هممم ؟!
دآوود : أمي تبيج ......"يلف عليهآ يشوفهآ بنص عين"...... فطوم فيج شي ؟!


تهز رآسهآ يعني لأ .. و رآحت بتصعد فوق عند أمهآ .. مشت أول 3 دريآت جآن اطيح @@


دآوود : فطمؤوؤوؤوؤوؤوؤوؤوؤوؤوؤه !!


***


دلآل : يوسف تعآل غدى ..
يوسف : مآبي :@
دلآل : أبوي قآيل تنزل و ان مآ نزلت يآ ويلك !!
يوسف : انزييييييييييييين :@


و نزل يوسف


يوسف : هلآ يبه ؟!
بو أحمد : يعني تنطر عزيمة عالغدى ..!؟
يوسف : لآ يبه
بو أحمد : عيل ليش حضرتك مآ تبي تآكل صآرلك اسبوع
يوسف : لآ تخآف يبه آنا مآ اقصر على روحي
بو أحمد : يبه انت شفيك ؟! صآير شي مو قآيلي عنه !؟
دلآل : أكيد متهآوش ويآ فطوم !
بو أحمد : فطوم ؟! فطوم منو ؟!
يوسف : انتي انجبي :@ لآ يبه مآ عليك هذي قآعده تألف .. عن اذنك يبه تلفوني يرن
دلآل : الحق فطوم لآ تطير :p
يوسف : ان مآ سكتي رآح اييج رآشدي محترم :@


و يروح دآره و يرد عالفون


يوسف : ألو
منور : ألو
يوسف : هلآ منو ؟!
منور : آنا منآير
يوسف : منآير منو ؟
منور : آنا اخت فطوم
يوسف : ايي هلآ ..
منور : يوسف ...
يوسف : منور شفيج تبجين !؟! @@
منور : فـ...فـ...فـ..طـوم
يوسف : فطوم :o شفيهآ ؟!
منور : بالمستشفى
يوسف : شفيهآ !!
منور : يآهآ هبوط لأن صآرلهآ اسبوع لآ تآكل ولآ تنآم بس تبجي !!
يوسف : بس فطوم دآيمًا اييهآ هبوط
منور : لآ العآدة بس دووخة و نلحق عليهآ .. هالمرة صآرت صج !! اهيه بالملآحظة ألحين قآلوا حآلتهآ مو مستقرة و لآزم تقعد بالمستشفى
يوسف : انتي من صجج تتكلمين ولآ مقلب عشآن أكلم فطوم ؟!
منور "تصرخ" : اختي بتموت منك :@ و انت ولآ همك !! انت ظآلمهآ والله ظآلمهآ !!
يوسف : خلآص لا تصرخين !! اهيه بأي مستشفى ؟!
منور : الباطنية-الصبآح
يوسف : دزيلي مكآنهآ مسج خليني أروح
منور : ألحين مآ يصير لأن مآنعين عنهآ الزيآرة لمه تستقر حآلتهآ يصير خير
يوسف : قلتلج دزيه مسج :@
منور : انشالله


وصله المسج و رآح طيآرة عالمستشفى


يوسف : السلآم عليكم
موظف الاستقبال : و عليكم السلآم
يوسف : أبي أسأل عن المريضة [فاطمة طلآل]
موظف الاستقبال : نقلوهآ العنآية المركزة بالدور الأول
يوسف : انزين منو دكتورهآ !؟
موظف الاستقبال : الدكتور حسين ال***
يوسف : مشكور


و رآح العنآية المركزة و لقآهآ محوطة بالأجهزة .. عورت قلبه حس ان فعلاً ظلمهآ لمه مآ عطآهآ مجآل انهآ تدآفع عن نفسهآ .. لمه دق عليه هذآك وقآله إن يعرف حبيبته و إنهآ تخونه معآه .. رآح صوبهآ و سحب كرسي و قعد و قآم يقره عليهآ .. بعد مآ قره و خلص مسك ايدهآ و خآنته دمعه نزلت غصبًا عليه ‍! خآف إنهآ تروح منه .. صج زعلآن عليهآ لكنه يبيهآ ليلحين يبيهآ !!


يوسف : فطوم .. أدري انج تسمعيني ! فطوم آنا آسف اني ظلمتج .. لكن صدقيني من حبي و غيرتي عليج ! فطوم عفيه آنا يسوف مآ تتذكريني ..؟! آنا يوسف حبيبج .. فطوم آنا أحبج لآ تخليني .. لآ تروحين و تخليني ..! قآومي المرض و قومي عشآني .. أحبج فطوم والله أحبج لآ تخليني تكفين ..!


و مسك ايدهآ حيل ضمهآ لصدره و قام يبجي ..!


بهاللحظة بطلت فطوم عينهآ و شآفته ..


فطوم : يـ...يـ..ـوسـ...ف ؟!
يوسف : يا عيون يوسف ! يا روح يويو ! يا قلب يسوف انتي ! آمري ؟؟
فطوم : أ....أ....أحـ....بـ....ـك
يوسف : و آنا من غيرج أمووووووت !! "وضغط على ايدينهآ و قآل بإحسآس موووو صج" أحبج !


و هني دشوآ [داوود + أم و أبو داوود]


فطوم : يـ.....ـمـ..ـآآآآآ ؟! @@
يسوف "وقف"



نتآبع الحلقة اليآية :p


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-04-2011, 08:25 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


البارت الثاني


داوود "مسك يسوف من تيشيرته و لزقه بالطوفه": انت منو ؟ و شتسوي هني ؟ شيايبك حق اختي :@
يسوف : لحظة لحظة انت هد أعصآبك شوي !!
بو داوود : داوود خله :@
داوود : والله ذآبحه ذآبحه شكو دآش عند اختي :@
بو داوود : قلتلك خله :@ "دآوود خلآه و طلع معصصصب و يسوف ليلحين سآكت و فطوم قآم تبجي" تعال بره أبيك ..!


و طلعوا ..


أم داوود : مرة ثآنية فطوم ؟! مو قلنآ خلآص ؟!
فطوم : يـ...مآآآ أحـ...به
أم داوود : هذآ يوسف اللي قلتلي عنه ؟
فطوم : ايي ..
أم دآوود : امممممممممم



و بره ..!



بو دآوود : انت شسمك ؟
يسوف : يوسف مبآرك ال****
بو دآوود : و النعم .. جم عمرك ؟!
يسوف : 19 سنه
بو دآوود : وين سآكـن ؟!
يسوف : عندكم عمي بالمنطقة ق12
بو دآوود : اممممم .. تشتغـل ولآ تدرس ؟!
يسوف : لآ عمي تخرجت السنة اللي طآفـت و ألحين أدرس بالآدآب ..! تخصصي إعلآم
بو دآوود : شوف مآني سآلك شكنت تسوي عند فطوم .. لأن وآضح انكم تعرفون بعض بس من متى ؟!
يسوف : عمي من 3 سنيـن ..
بو دآوود : من 3 سنيـن !!!! و نآوي تتقدملهآ ولآ لأ ؟!
يسوف : عمي آنا لمن عرفتهآ كنت طآلب بالثنوية .. و ألحين آنا طآلب بالجآمعه و شي أكيد مآقدر اتزوج إلآ لمه اكون روحي ..!
بو دآوود : انزين ...
يسوف : عمي آنا نآطر أتخرج و اتوظف و صدقـني رآح أيي !
بو دآوود : الله كريم ..!
يسوف : عمي صدقني آنا احب فطوم و أخآف عليهآ و جنهآ من عرضي حآلهآ حآل خوآتي ..! و طول هالسنين اللي عرفتهآ مآ جست شعرة منهآ ! و دآيمًا كنت أوصيهآ ادير بآلهآ على روحهآ و درآستهآ .. و تبعد عن البنآت الـ مو زينين ! أتوقع انكم لآحظتوا تغييرهآ بهالسنين ..! عمي الله يخليك لآ تسوون لهآ شي يتعبهآ اهيه ألحين مريضة تعبآنه !! و آنا قلتلك آنا صج صج أبيهآ تكون زوجتي و أم العيآل !!
بو دآوود : عطني رقمك عشآن أعرف أتفآهم معآك ..
يوسف : تفضل هذا رقمي .. عمي عن اذنك انا استأذن ألحين


و مشى يوسف .. ركب السيارة و ما كان متطمن خايف وايد خايف على فطوم .. رجع البيت و دخل سلم على أهله بعدهآ استأذن و رآح غرفته .. حط رآسه على مخدته و قام يتذكر .....



قبل 3 سنين



فطوم كانت قاعده تسولف مع رفيجتها [طيبه] الساعه 4 الفير .. عقب ما رجعت من زوارتهآ ..


فطوم : ويع ويع لآ تشوفين الحالة الكسيفه اليوم !
طيبه : و انتي كل ما ترجعين نفس الاسطوانه !!
فطوم : شسوي بعد ؟! ويييييييييييييييييع هذا بعد :@
طيبه : شنو شفيج ؟!
فطوم : عزوز قام يدق ..
طيبه : سيفون سيفون !!
فطوم : ويت ... ألو
عزوز : منو قاع تكلمين ؟!
فطوم : صاحبي الثاني
عزوز : نعم ؟!!؟
فطوم : يعني بالله منو بكلم الساعه 4 الفير ؟!
عزوز : شدراني انا ؟!
فطوم : خلاص مو ضروري تعرف .. ألحين بغيت شي ؟!
عزوز : انتي شفيج جي تكلميني ! تحجي عدل
فطوم : نفسيتي خره مآلي خلق أحد !
عزوز : خلآص لي تعدلت نفسيتج عمتي فاطمة تعالي حاجيني
فطوم : باي [وتصكه بويهه و تحول فونهآ مغلق] .. ألوو
طيبه : هاا شفيج ؟!
فطوم : كااااااااااااااااااااك لآ تشوفين شسويت فيه !!
طيبه : شنو ؟!
فطوم : يكلمني و انا منفسه و مالي خلقه و اقوله قاع اكلم صاحبي الثاني و مو الا تعرف انا منو اكلم .. يعني دقرته صح كااااااااااااااااااك
طيبه : تصدقين ذكرتيني بـ واحد كنت أعرفه .. تعالي فطمووه أطلب منج طلب ؟!
فطوم : آمري ..
طيبه : بعطيج رقم وآحد شوفيه خفيف يعطي ويه ؟!
فطوم : بابا شلون شقوله !؟
طيبه : شوفي ....



و بنفس الوقت عـند يوسف



يوسف : خره عليك دعيووه ! قط الكرت لآ أنام فيك هني !!
دعيج : اوووه سوري سوري
فواز : سكتوا سكتوا ما سمعتوا عن البويتين اللي تهاوشوا بـ شرق على بنية ؟!
جراح : اووووخص شالسالفه !؟
مشاري : أهم شي بويات على بنت !!
خليفه : ولك صكوا عالصبيان !!
فواز : يقولكم البنت لعبت عالبويتين .. وحده شافتها مع بويتها الثانية و صارت صكه كااااااااااااك !! لا وآخر شي البنت طلعت تكلم واحد و تحبه غير السبيرات اللي عندها :p
دعيج : بنات آخر زمن ..!


أما يويو كان بدنيا ثانية لمه سمع سالفه هالبنت


...... : انا بصارحك بشي ؟!
يوسف : شنو قلبي ؟!
...... : آنا خنتك ..! خنتك مع 9 !! "وقآمت تبجي"
يوسف : شنو ؟!!!!
...... : ايي مو قآدره أخش عليك أكثر ! خنتك يوسف خنتك !!!!
يوسف : من متى ؟!
...... : من أول ما عرفتك .. بس ألحين آنا أحبك و أموت فيك و هديتهم كلهم عشآنك
يوسف : منو هذول و شيطلعون و من متى تعرفينهم ؟!
...... : حمني و جمول و بدر و حمود و أحمد و عبود و جسوم و خلود و سعود !! عرفتهم قبل لآ أعرفك بس كنت أكلمك وقت اللي أكلمهم .. بس هديتهم والله هديتهم !!
يوسف : خلآص انا اكلمج بعدين ..


و بعد جم يوم



...... : يسوف وينك صاير ما ترد لآ عليي ولآ على مسجاتي
يوسف : ماكو شوي مشغول ..
...... : انا حاسة الموضوع هذاك ليلحين مضايقك !!
يوسف : سمعي يا بنت الناس انا رديت حق حبيبتي [مريم] و لو سمحتي خلآص فجي لأن مريوم مآ ترضى !
...... : شنو ؟!!؟! انزين و انا !؟
يوسف : شنو انتي شنو ؟! مع السلآمه
...... : جي يا يوسف تنساني بسهوله ؟! انزين عيل ليش عشمتني بحبك ؟ "وقامت تبجي"
يوسف : اوووووه لآ تأذينا !! خلآص مسحي رقمي و انسيني بآي !! "وصكه بويههآ"


الشباب كانوا قآع ينآدون يوسف و اهوه مو سآمعهم !!



فواز : ألوو بو الشباب !!
يوسف : هلآ ..
دعيج : تو الناس من مسآآآآع و احنا نناديك !!
مشآري : شوفوا شنو شاغل بآله :p
خليفه : الحب الحب :p
جراح : هآآ يسوف من ورآنآ :p
يوسف : أي حب أي بطيخ !! يللا شباب عن اذنكم انا استأذن تعبان شوي بروح الصيدليه هني << كآن بيطلع يشم هوآ >> مع السلآمه
الكل : مع السلآمه
فواز "بقلبه" : ولد عمي و أعرفك أكثر من نفسك .. أكيد هالموضوع ذكرك فيهآ !


<< فواز - خليفه - مشآريجراح كلهم عيال عم يوسف بسسس دعيج أخوه>>




يوسف : 16 سنه


فواز : 15 سنه


خليفه : 16 سنه


جراح : 15 سنه


مشاري : 16 سنه


دعيج : 15 سنه



** الأحداث هذي قبل 3 سنين يعني الكل كان أصغر من عمره ألحين ;) **




عقب مآ هد يوسف الشبآب و اهوه بالسيآره كآن حده متضآيق لأن تذكرهآ .. جآن يرن فونه ولآ يرد ...



نتآبع الحلقة اليآية :p


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-04-2011, 08:30 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


البارت الثالث


يوسف : ألو
فطوم "شبكته مع طيوب بسرعه و طيبووه سآكته" : ألو
يوسف : نعم منو ؟
فطوم : منو معاي ؟!
يوسف : انتي اللي داقه انا اللي منو !؟!
فطوم : انت يوسف مبارك أحمد ال*****
يوسف : ايي نعم منو معاي ؟!
فطوم : انت عمرك 16 مو ؟! مواليد 16/4/92 ؟
يوسف : ايي .. انتي منو ؟!
فطوم : تعال انت ليلحين بثنويتك الخآيسه مآ غيرتهآ مو جنك قلت بتنتقل ؟!
يوسف : انتي منو و ليش قاع تسألين هالأسئلة ؟!
فطوم : انا وحده انت ما تعرفها بس انا اعرفك عدددددددل <<جذب :P
يوسف : ايي شسمج و منو تطلعين ؟!
فطوم : اسمي .. اسمي << توهقت ما تدري شتقول :p >> اسمي دنوون
يوسف : دنوون ..؟ منو دانه ؟!
فطوم : بنت امي و ابوي
يوسف : انزين انتي شتبين ؟!
فطوم : هاا وينك بالديوانية ولآ كعآدتك بره :P
يوسف : لآ رآد البيت ..
فطوم : ايي تعال شخبار اخوانك أحمد و علآوي و سلوم و دعيج ؟!
يوسف : و انتي شعرفج بأخواني ؟!
فطوم : قآع اقولك انا اعرفك عدل بس انت مآ تعرفني !
يوسف : بعد صدميني و قولي انج تعرفين خواتي ..!؟!
فطوم : منو فطوم و شريفة و دلوول و نوال ؟!
يوسف : بعد !!!
فطوم : ايي و فواز و فطوم و حصوص عيال شروف .. و يوسف و مريوم و استبرق عيال فطوم .. و داوود و بروك و ضروي عيال أحمد .. و عبود و حمود عيال نوال (6)
يوسف : غلطانه مآ تعرفين اسامي خدمنا بعد ؟!
فطوم : امبله :P سيتي و كانتي و نينا فلبن و لجمي و سوما سيلانيات و راني اندونيسية ! و يقولون ابوك بيب سايق مو ؟!
يوسف "يصرخ" : لآ مو صج انتي منو ؟!
فطوم : ههههههههههههههه انا دنوون !
يوسف : انتي منو ؟!! و شعرفج فينا !!!
فطوم : و سيايير اخوانك أحمد يوكن 4 بيبان .. و علآوي انفوي .. و سلوم يوكن باب واحد ..! و انت مادري ليلحين مآ تسوق ؟! أما خواتك فطوم مرسيدس اليديد و شروف عندها بلآيزر و نوال فورد ماركيز و سارون عندها كايين تيربو !! و دعيج و دلوول التوآئم ليلحين ما يسوقون ;) << فطوم كان جدامها ورقه مسجله فيها كل هالأشياء بسسس عشان تيين يوسف :P >> تبيني أقولك أعماركم بعد ؟!
يوسف : أقول يالمزعجة !!
فطوم : نعم ؟!
يوسف : قوليلي اسم امي ..
فطوم : حصة .. عاشت الأسامي .. عاشت أيآمي :P
يوسف : انزين ألحين كل هالمعلومات عندج عني و انا ما اعرفج .. شتبين ؟!
فطوم : مابي شي بسولف معاك .. معجبة فيك :P
يوسف : هههههههه .. انزين عرفيني عليج
فطوم : اسمي دانه .. عمري 15 .. مواليد 29/4/93 .. ساكنه بحطين و أدرس بالجابرية بتآسع ألحين << بسج يا فطوم جذذذذذذذذذذب !!! .. أعرفك من زمان و معجبة فيك و زين قدرت أحصل رقمك بس عشان اسمع صوتك :P
يوسف : من وين يبتي رقمي ؟!
فطوم : حكيت خاتم ابوي و طلعلي رقمك مع كل هالبيانات :P
يوسف : ههههههههههههههههآآآآآآآآآآآآآآآآآآآآآآآآآآآآآآآآآي
فطوم : دوم دوم الضحكة ..!
يوسف : لآ صج صج من وينلج رقمي ؟!
فطوم : اللي يسأل ما يضيع ..
يوسف : انزين يالمزعجة
فطوم : نعم ؟!
يوسف : ألحين شتبين توصينله ؟!
فطوم : مآدري
يوسف : انزين خلآص عيل لآ ادقين
فطوم : لآ كيفي بـ دق !
يوسف : عادي دقي ما راح ارد عليج
فطوم : عادي ادق على بيتكم (6)
يوسف : هم مزعجة هم مينونة !!
فطوم : اوف حدي !! رد بـ احترامك أحسن ;)
يوسف : مابي أكلمج مزعجة شسوي فيج ؟!
فطوم : وااااي وااااي وااااي .. أمبيييه أمبييييه أمبيييه :$ :$ :$
يوسف : شفيج ينيتي ؟!
فطوم : لآ بسسس انت قآع تمدحني و انا جي مآ اتحمل :P
يوسف : هههههه يالمزعجة مدحتج ؟!
فطوم : واااااااي ايي حده ..!
يوسف : انتي مو بس مزعجة انت مصدر ازعاج !! انتي دعله ..!
فطوم : يا بعد عمري والله .. بسسس هالإطراء مآقدر عليه انا :$ :$
يوسف : حمدلله و الشكر
فطوم : انزين انا دخت ألحين بروح انام تبي شي ؟!
يوسف : روحي نامي نامت عليج طوفه .. ايي ابي شي لا ادقين !!
فطوم : صبح ظهر ضحى عصر مغرب عشا ليل فير راح ادق .. بكل وقت و بـ أي وقت بـ دق !!
يوسف : آآآآبووو الإزعاج !! بغير رقمي عيل ..
فطوم : لآ تحاول أطلعه أطلعه .. يللا ساعتين أسولف معاك .. بآآآي يبه !
يوسف : نامي عساج ما قمتي !! بآآآي


صكته فطوم و قامت تسولف مع طيووب


طيوب : كاااااااااااااااااااااااااااااااااااااااك !!
فطوم : واااااي أمبيه بطني موو صج !! هههههههههههههآآآآآآآآآآآآآآآآآآي ..!
طيوب : طلعتي عيونه والله !!
فطوم : ههههههههههههههه أحسن يستاهل !! والله ما شاف شي نطري عليي بسسس !
طيوب : ههههههههههآآآآآآآآآآآآآآآآآآآآآآآآآآآآي "تقلد يوسف واهوه يصرخ" انتي منوو ؟!
فطوم : احلى شي البرنت اللي عطيتيني اياه حتى اسامي الخدم فيه كاااااااااااااااااااااااااااااااك
طيوب : ايي دلوول اخته كانت رفيجتي و كنت ادش و اطلع من بيتهم حافظة بيتهم شبر شبر !
فطوم : خليه خليه والله دواه على ايدي .. يللا ألحين فآرجي خننام !
طيوب : نوم العوافي .. بآآآي
فطوم : بآآآي


أما عند يوسف



يوسف : يا ربي منو هذي ؟! شتطلع يعد ؟! و شالمعلومات اللي عندها عني انا و اهلي ؟! والله مو صاحية ؟! يا ربي شالبلشه ؟!!


يوسف كان ليلحين واقف عن مصافط بيت عمه وين ما كانوا الشباب متيمعين .. و وقت اللي يسوف قاع يفكر بهالـ دانه طلعوا الشباب ليشنهم بيروحون البحر ولآ يشوفون يوسف بالسيارة ..!


فواز : هاا بو يعقوب صارلك ساعتين قاعد بالسيارة ؟!
مشاري : انت وين رحت ؟!
دعيج : ايي مو قلت بتمشي ؟!
خليفه : يويسف شفيك ؟! فجأه تعكر مزاجك و قمت و ألحين انت بالسيارة من ساعتين ؟!
جراح : فيك شي مو طبيعي تره .. انت كنت بتمشي شاللي قعدك بالسيارة ؟!
يوسف : ياني تلفون !
فواز : من منو ؟!
يوسف : دانه ..
فواز : دانه منو ؟!
يوسف : وحده تقول تعرفني و انها معجبه فيني .. طلعت برنت كامل عني .. اسمي و جم عمري اسامي اخواني و خواتي و عيالهم حتى سياييرهم تخيلوا !! اقولها شتبين مني تقولي بسولف !!
مشاري : كااااااااااااااااك شنو هذي بعد ؟!
يوسف : والله انا مثلك محتار مادري شموضوعها ؟!
خليفه : برنت كامل عاد ؟!
يوسف : اقولها لآ ادقين تقولي مو بكيفك !! و اذا ما رديت عليي بـ دق على بيتكم !
جراح : هههههههههههههه عطني اياها خنقزر عليها !!
يوسف : حتى اسامي خدمنا و جناسيهم عرفتهم .. انتوا متخيلين الوضع !!
دعيج : أوووووخس !! لآ يبه هذي أكيد وحده تعرفك عدددل !
يوسف : اقولها تقولي ايي انا اعرفك عدل و تحلف بالله ان انا ما اعرفها
فواز : شالسالفه ؟!!
يوسف : والله مادري انا محتار اكثر منكم !!
مشاري : اقول خلها تولي .. و يللا امشوا البحر
يوسف "تنهد" : يللا
خليفه : هونها و تهون يا بو يعقوب !!
يوسف : فديتك والله يا بو خلي :)



** أمبيييييه حده مو صج الوضع ؟! يوسف محتار مو عارف أرضه من سماه !! منو هالـ دانه اللي طلعت فجأه و بدون أي سابق انذار بحياته ؟! و عارفه كل شي عنه تقريبًا ؟! و ليش فطوم ناويه تيننه ؟! ليش جذبت عليه و اهيه أكثر شي تكرهه الجذب و الخيانه ؟! و شعلآقه طيوب بالموضوع ؟! و منو هذي اللي كان يكلمها يوسف و خانته مع 9 ؟!!؟ الله يعينك يا يوسف دام في بنتين متفقين عليك ؟!! ايي ليش انت شمسويلهم ؟! الأوضاع حدها موووو صج !! **




نتابع الحلقة اليآية :P


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-04-2011, 08:30 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


رآيكم بصرآحه بليز :$

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-04-2011, 10:15 PM
صورة sinking moon الرمزية
sinking moon sinking moon غير متصل
©؛°¨غرامي فعال ¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


بداية رائعه وباين انو روايتك شيء رووووووووووعه عن جد
بدنا نعرف شو قصة فطوم ويوسف باين انو يحبو بعض ........مسكين عذابوا من اول بارت
وناااااااطرييييييينك البو
تقبليني من ظمن معجبيك ومتابعيكي
بالتوفيق
اختك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-04-2011, 01:27 AM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


اقتباس:
المشاركة الأساسية كتبها sinking moon مشاهدة المشاركة
بداية رائعه وباين انو روايتك شيء رووووووووووعه عن جد
بدنا نعرف شو قصة فطوم ويوسف باين انو يحبو بعض ........مسكين عذابوا من اول بارت
وناااااااطرييييييينك البو
تقبليني من ظمن معجبيك ومتابعيكي
بالتوفيق
اختك
فديتج انا والله
انشالله رآح تعرفين كل شي
وييييييي يسوف ليلحين مآ شآف شي هاهاهاي
اتشرف فيج وربي

البآرت بالطريج و انشآلله اشوف تفآعل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-04-2011, 02:07 AM
al amaken al amaken غير متصل
©؛°¨غرامي جديد¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


تجنن الروايه كملي انتظرك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-04-2011, 06:50 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أؤوۉش ..! تؤوۉ مآإ سـڪـت ~ جرحـﮯ :( »»» رومآنسية كويتية جريئة [بقلمي]


اقتباس:
المشاركة الأساسية كتبها al amaken مشاهدة المشاركة
تجنن الروايه كملي انتظرك على احر من الجمر
حآضر من عيوني
و هذآ البآرت لعيونكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-04-2011, 06:54 PM
ليتك معاي ليتك معاي غير متصل
©؛°¨غرامي مشارك¨°؛©
 
الافتراضي رد: أوش .. تو ما سكت جرحي / بقلمي


البارت الرابع



مرت 4 أيام و يوسف باله مشغول بهالـ دانه .. منو اهيه و شتطلع و شتبي ؟! مليون سؤال بـ راسه اييبه و يوديه .. بس شفيها دنوون صارلها 4 ايام ما دقت ولا سألت ولا مسج ولآ شي ؟! معقوله اهيه دقه بو يوم واحد و تروح ؟! بس اهيه قالت انها بكل وقت و بـ أي وقت بتدق ؟! والله مزعجة و دعله هالبنت بس تونس بـ خبالها :) .. لآ يكون صآيرلها شي ؟! لحظة لحظة و انا شكو فيها احاتيها ؟! .. هذا كان حال يوسف اللي لا ليله ليل ولا نهاره نهار و يفكر فيها 24 ساعه ..



اما بالنسبه لـ دانه اللي اهيه فطوم .. كانت عادي عايشه حياتها بس شوي لاهيه مع دراستها و هالـ عزوز اللي لايعه جبدها منه و ودها تفتك منه بس مو عارفه شلون ؟!؟! اصلآ يوسف نسته ولا كان ببالها نهائيًا !!


فطوم : بس خلآص طيوب مو قادره ويع ويع ابي الفكه منه !!
طيوب : أكيد تبين الفكه ؟!
فطوم : ايي حدي !!
طيوب : خلآص عيل اذا دق شبكيني معاه و انا افكج منه بس عادي استقبلي مني أي شي
فطوم : هههههههههههههههه فهمت قصدج خلآص اوك .. اوووه كاهوو دق .. ألوو
عزوز : و انتي كله ويتنق !! ودي مره ادق ألقى الخط مبطل ..
فطوم : خو شنو ما عندي شغل غيرك انا ؟!
طيوب : احم احم .. قوه
عزوز : هلآ قوتين .. منو ؟!
طيوب : انا طيبه
عزوز : هلآ هلآ طيبه .. شلونج ؟!
طيوب : تمام الحمدلله
عزوز : ايي فطوم ليش زايده الويتنقات هاليومين ؟!
طيوب : يدوب تلحق ..!
عزوز : شنو ؟!!؟؟!
فطوم "تمثل انها معصبه" : طيوووووووب :@
طيوب : اوووه عبالي هذا عبود اللي توج شبكتيني وياه !
فطوم : لا بابا هذا عزوز !
طيوب : أي عزوز ؟! اللي مجذبه عليه انج تحبينه ولآ الفرند ؟!
فطوم : يا الخراااااااااااااا :@
طيوب : اوووه فطوم كيفج شسويلج ربعج وايد .. يللا يللا بآآآي "وتصكه طيوب"
عزوز : لآ والله ؟!
فطوم "بقلبهآ" : فديتج طيوب :D "تكلم عزوز" : شنو اللي لآ والله ؟
عزوز : منو عبود هذا ..؟ و شقصة عزوز الفرند ؟!
فطوم : ولآ شي ...
عزوز : شنو اللي ولآ شي ..؟! انتي جذابة و لعوبه و........
فطوم : قبل لا تكمل .. وفر كلآمك حق نفسك زين !! انا لآ جذابة ولآ لعوبه .. بس الصج ان انا ما احبك ولآ افكر حتى اني أحبك .. بس مليت زهقت منك لآعت جبدي بالمختصر المفيد .. و ألحين مع السلآمه فآرج ولآ أشوف رقمك بجهآزي ولآ اتعب نفسك و ادز مسجات كوز ما راح ارد عليك ..! بآآي "وتصكه"


و قام عزوز يدق يدق و فطوم ما ترد .. و كانت مو مهتمه ليشنها ما تحبه ولآ عنده لها شي يعايرها فيه فـ حد أمه سيفوووووون !! و الصج فطوم ما كان عندها الا عزوز ليشنها كانت طالعه من علاقه و تبي احد ينسيها اللي اهيه حبته و باعها و عزوز هذا طلع بحياتها .. اهوه حبها بس اهيه ما حبته ولآ فكرت حتى بس اهوه كان معشم روحه بروحه .. فطوم كانت صريحه من البدايه و قالتله ان اهيه طلعت من علآقه و ألحين صعب تحب .. طبعًا صارلها شهرين معاه و ألحين زهقت ليشنه عزوز انسان جذاب و فلسفجي و ضرنطي و يبي كل شي يمشي بمزاجه .. ألحين تداوى جرح فطوم و حاسه روحها تقدر تكمل حياته بدون مساعده أحد .. فـ هدته :S


فطوم "مبتسمه" : و أخيرًا راحة نفسية .. Single and that's better
منور : شنو شفيج ؟! مينونه تحاجين روحج ؟!
فطوم : افتكيت من اللزقة عزوز :D
منور : ويع فكة ما بغيتي !!! << شالسالفه شمسويلكم هالـ عزوز اللي لآيعه جبدكم كلكم منه جي ؟! :P
فطوم : أبي أغير خطي ..
منور : لا شحقه ؟! أعطيج خطي و آنا اشتريلي خط
فطوم : منور منو يدق عليج :/
منور : محد .. بس رفيجاتي و الحب
فطوم : زين يعني تكلمين بس واحد ؟!
منور : ايي عاد قلنا صغيرة و مطيورة بس ما اكلم زليون واحد !!
فطوم : و ليش بتغيرين خطج ؟!
منور : بشتري eeZee
فطوم : خلآص اوك ..


****



بعد تقريبًا اسبوع


يوسف "بقلبه" : صارلها اسبوع ما دقت شكلها ماهي داقه ! يبه لآ اشغل بالي فيها وخل انساها أحسن !
خليفه : هاا ما صدت شي ؟!
يوسف : لآ مالت عليي ولآ شي ..! وين دعييوه و جريح ؟!
خليفه : قاع يتمشون صوب السياره
يوسف : احنا غلطانين يينا اليوم .. وايد هوا !
خليفه : اوووف وين عدتي ؟! ولييييييييييين نسيتها بالسيارة !
يوسف : دقيقة ألحين أييبها ..


قام يوسف و راح السيارة اييب عدة خليفه .. و بهالوقت رن فونه اللي نساه يم خليفه جان يرد الأخ خليفه :P


خليفه : ألو ..
فطوم : ألو ..
خليفه : منو ؟!
فطوم : انت اللي منو ؟! وين يوسف ؟!
خليفه : شوي شوي كليتيني ..! انا خليفووه ولد عمه
فطوم : و ولد خالته بنفس الوقت ..
خليفه : شدراج ؟! انتي منو !؟
فطوم : انا دنوون :D
خليفه : المزعجة
فطوم : ايي انا :D
يوسف : انت منو قاع تكلم ؟!
خليفه : اسمع اسمع "وحطه سبيكر" تكلمي
فطوم : هآآآآي يسوووف :D
يوسف : هااات هااات "خذآ التلفون و اهوه متلهف عليها" ألو
فطوم : هاا يوسف
يوسف : هاا المزعجة ..
فطوم : شلونك شخبارك شمسوي ؟!
يوسف : والله تمام بخير .. انتي شخبارج ؟!
فطوم : الحمدلله بخير .. هاا وينك صوت هوآ يمك ؟!
يوسف : بالبحر قآع نحدق
فطوم : منو معاك غير خليفووه ؟!
يوسف : ما شاء الله عرفتيه ..
فطوم : عبالك وايد يعني طالعه فيها ؟! اهوه قالي انا خليفووه ولد عمه جان اقوله و ولد خالته بنفس الوقت
يوسف : بعد ؟! حتى هالموضوع تدرين فيه ؟!
فطوم : انا دانه بابا لآ تنسى ..
يوسف : لآ شلون انسى مصدر ازعاجي ؟!
فطوم : ههههههههههههههههه .. ايي منو معاك بعد ؟!
يوسف : دعييوه و جريح ولد عمي
فطوم : امممممممم
يوسف : انتي شلونج شخبارج شمسويه بعد ؟!
فطوم : والله الحمدلله بخير .. كل شي تمام والله :) ما قلتلي شنو بتآخذ سيارة ؟!
يوسف : وانيت سلفرادو
فطوم : وآآآآآي حده نآيس أي لون ؟!
يوسف : سلفر
فطوم : نآيس نآيس .. تعال يويو شنو لونك المفضل ؟
يوسف : ازرق .. و انتي ؟!
فطوم : برتقالي ..
يوسف : و رقمج المفضل ؟!
فطوم : 16 و يو ؟!
يوسف : 2
فطوم : العموم يحبون رقم 2 أو 5
يوسف : 5 أكثر :p
فطوم : ههههههههههههههه


و ظلوا فطوم و يوسف يسولفون و كل واحد فيهم مستانس أكثر من الثاني .. فطوم حست انها بدت ترتاح له و يوسف نفس الشي .. بس فطوم معورها قلبها ليشنها مجذبه عليه و اهوه محتار هذي شتبي ؟! و فجأه بنص السوالف قرر يسألها :-


يوسف : المزعجة ..
فطوم : هلآ ..؟
يوسف : انتي شتبين مني ؟!
فطوم : هلآ ؟؟!؟!؟؟!
يوسف : ايي شتبين مني ؟
فطوم "بضيقة" : مآدري
يوسف : شلون يعني مآ تدرين ؟!
فطوم : مآدري
يوسف : انزين من وين يبتي رقمي ؟!
فطوم : مآدري
يوسف : انزين شنو تبين تعرفين عني
فطوم : مآدري
يوسف : كله مآ تدرين !!
فطوم : مآدري
يوسف : اففففففففففففففففففف
فطوم : يسوف
يوسف : هاا
فطوم : انت جم مرة كلمت بحياتك ؟! عمرك حبيت من قلب ؟!
يوسف : انا ما كلمت الآ مرتين .. انتي يا المزعجة و وحده قبلج
فطوم : و شنو صار بينكم ؟!
يوسف : أخيييييييييييييييييييييييييييه
فطوم : شنو يويو ؟!؟!!؟
يوسف : تخيلي .. انها كانت رفيجة اختي دلوول .. و مرة كنت بلعب Gamzer و قلت حق دعييوه ييبلي اللآبتوب و كانت اهيه قآع تكلم دلول بالفون ولآ ...


نتابع الحلقة اليآية :P




الرد باقتباس
إضافة رد

أوش تو ما سكت جرحي / بقلمي؛كاملة

الوسوم
اوش ، تو ، ما
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بردان ياحضن الدفا عطشان واظماني الجفا / بقلمي؛كاملة مشاعل السعودية روايات كامله - يتم نقل الرواية هنا بعد اكتمالها 2282 13-03-2019 11:17 AM
صدفه حضنك لمني و عنادك حضن قلبي / بقلمي؛كاملة رياحين الورد روايات كامله - يتم نقل الرواية هنا بعد اكتمالها 1170 25-10-2016 05:56 AM
رواية بنيه شقية وبحبنا مبليه / بقلمي؛كاملة رفيقة الخيال روايات كامله - يتم نقل الرواية هنا بعد اكتمالها 205 24-06-2016 06:20 AM
عمري ما فكرت فيه وما خطر في البال حبه لين قلبي قال أبيه وقالت عيوني أحبه/ بقلمي؛كاملة هتون الغيم.. روايات كامله - يتم نقل الرواية هنا بعد اكتمالها 283 07-10-2015 04:44 PM
رواية بقايا رماد / بقلمي؛كاملة روح المملكة روايات كامله - يتم نقل الرواية هنا بعد اكتمالها 9 24-08-2010 08:07 AM

الساعة الآن +3: 10:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1