منتديات غرام روايات غرام أرشيف الروايات المغلقة - لعدم إكتمالها رواية أوقات لو ترزع وفاء تحصد جفا بعض البشر مافي حصاده اي خير/ بقلمي
حبيتك وذي غلطه ©؛°¨غرامي مشارك¨°؛©

السلام عليكم ورحمة الله وبركاته..
جايبتلكم اليوم اول تجربه لي في عالم الروايات واتمنى انها تعجبكم
وابي تفاعل علشان انزل اول بارت.......
حبيتك وذي غلطه

حبيتك وذي غلطه ©؛°¨غرامي مشارك¨°؛©

بسم الله الرحمن الرحيم
الى من عشق كلمة (أحبك)... وتمناها دومـا ان تتردد على لسانه....!!..... الى من بكى دموعا ادمت قلبه...الى من تمنى ان يصرخ قلبه بين ضلوعه لكي يعلن عن وجوده.... اهديه هذه الروايه
مـداخله/الحب يعرفنا الخوف من الغد ويعلمنا ان نقابله اقوياء فالحب يعرفنا معنى الالم والعذاب ويعلمنا ان نحيا بهم فالحب يعلمنا اننا احياء ويعلمنا ان نموت في سبيل هذه الكلمه....

رواية / اوقات لوتزرع وفاء تحصد جفا بعض البشر مافيه حصاده أي خير...
للكاتبه/ حبيتك وذي غلطه
البــــــــــــــآرت الآول.....
في احد حواري (الرياض)اللي حالها يرثى له وبيوتها اللي شوي ويطيح السقف فوق راس اهلها.....؟! كان جالس في المجلس اللي مايوسع اكثر من 6 اشخاص ومريح رجوله على الكنبه تعب من الدواره في السكيك (الشوارع )علشان يلاقي لقمة العيش لعياله ومرته اللي مالهم بعد الله غيره تنهد بصوت عالي من دون مايحسس دخلت عليه مرته وجلست بجمبه وقالت له بحنان نساه التعب :سلامتك يابوعادل من الـ آه ريح نفسك اهم ماعلينا صحتك ومالنا بعدالله غيرك..
ابوعادل ببتسامه حلوه خربتها التجاعيد: كل شي يهون عشانكم وحب يغير الموضوع وقال بمرح:شكلك منتي معشيتنا يـ ام عادل
ام عادل قامت بسرعه: دقايق ويكون الاكل جاهز.... وطلعت من المجلس تجهز الاكل لزوجها ومرت على الصاله واستغربت من الممخده اللي جاتها مسرعه على وجهها وقالت بعصبيه: وجع ان شاء الله انتوا ماتتعبون من اللعانه يالله كل واحد ينطق في مكانه لين احط الاكل ...
عادل : اسف يمه انا ماللي دخل شمعه هاللي بدت
شمعه بشهقه مسموعه:يالكذاب لاتصدقينه يمه انا كنت جالسه احل دروسي وهو اللي رما علي المخده اول
عادل :لا انتـي اللــ ــــ قاطعته امه وراسها صدع
:بس انتي وياها ترا راسي عورني منكم وين ايلاف خل تساعدني بحط العشا لبوكم
شمعه :بغرفتها تدرس مسويه دفرره على الفاضي
ام عادل: وبعدين معاك احترميني ع الاقل وقالت تبيها تسكت: يالله انقلعي اتسبحي ريحتك وصلت لاخر جاااااار
عادل يضحك بهستيريه:هههههههههههههههههه
ام عادل:بس روح كمل دراسه وخل عنك المصاخه وانتي سمعتيني وش قلت
شمعه بااحراج وهي تحك شعرها:انزين
مشت ام عادل متوجهه لغرفة ايلاف طقت الباب ودخلت...
ام عادل بحنان:يالله ياماما تعالي ساعديني احط العشاء
ايلاف اللي كانت فاتحه كتاب العلوم حق 3 متوسط سكرته وقامت :ان شاء الله ماما
وطلعت مع امها يجهزون العشاء اللي كان عباره عن المتبقي من الغداء عدس باارد وخبز يابس وماءي
تعريف بالعايله:
*ابو عادل (فهد)رجال طيب وعلى قد حاله يحب اعياله ومرته وشتغل سواق تاكسي علشان يوفر لهم اكلهم وملبسهم ومستعد يضحي بحياته عشانهم عمره(46)
**ام عادل حنونه لكن احيانا شديده على عيالها اهم ماعندها راحة زوجها وفرحة اعيالها عمرها(43)
***إيلاف عمرها 17 سنه اخلاقها عاليه ومؤدبه وماينسمع لها حس وخجووووووله مرره (برونزيه ولها غمازه واضحه بشكل كبير بخدها اليسار وعيونها نااعسه وسوده وخشمها سلة سيف ونحيفه وخصرها محليهاا وطولها حلوو وشعرها لين نهاية ظهرها وناعم واسود بلمعة)
****شمعه وعادل(التوام المختلف مايتشابهون ابد مافيه أي دليل على انهم توام دايم مختلفين ويتهاوشون والشي المشترك فيهم ان بشرتهم بيضاوعمرهم 12)
في مكان بعيد كل البعد عن هذا الحي الفقير هناك حيث الترف والغنى الفاحش .....
جالس وحاط رجل على رجل وبيده جريدته والقهوه التركيه تبعه....
رن موبايله بنغمة نوكيا المعروفه وبعد الدقه الثالثه رد بنفس خايسه:نعم
الطرف الثاني:...........................
هو:خلاص خل غازي يوقعهم
الطرف الثاني:..................
هو:خلاص عن القرقه الزايده وارسلهم على البيت
وسكر السماعه بدون مايسمع رد الطرف الثاني
توجهت له بفستانها الفخم اللي يدل على مستواهم المعيشي وووجها اللي فيه 99 عمليه تجميل ومشدود وماعطيهاعمر اصغر من عمرها قعدت مقابلته وقالت:السلام عليكم
رد هو بدون نفس وهو يتامل زوجته اللي ذابحتها عمليات التجميل وقال:هلا وعليكم السلام
ام عزام:وشفيك مضايق وشايل الدنيا فوق راسك
ابوعزام:مو شغلك الا وين اعيالك القصر كنه مهجور صاير فندق للنوم
ام عزام وهي تودي شفايفها اللي منفخين بسبة عمليات التجميل على جمب:ويييه خلاهم يعيشون حياتهم وشلهم بالنكد وقعدة البييت
ابو عزام:ومن يشره عليهم اذا امهم هايته وماتقر في بيتها
ام عزام بزهق من هالموضوع ووقفت وقالت:والله انا اسوي هذا لمين انا اروح اوجب الناس علشان ابيض وجهك وانت مو مبين بعينك فالحلي بزوجاتك المسيار كنك مراهق
ابو عزام:لايكثر بس انكتمي دام النفس عليك طيبه و روحي عن وجهي تراك عكرت مزاجي
ام عمر معصبه وواصله حدها منه:ومن متى مزاجك كان رايق انا من عرفتك وعرفتني ونفسك خايسه قالت كلمتها وراحت لانها شافت الشرار يتطاير من عيونه اللي قلبت حمر.....
دخلت البيت بعد مانقلب مزاجها وجلست على الكنب الفخم العنابي مذهب وسحبت جوالها بتدق على دلوعها تتطمن عليه بدخلت بنتها الصغيره جلست وحطت رجل ع رجل وبدلع:هاااي مام هواريو؟!!
ام عزام:هلا بدلوعتي انا تمام انتي اخبارك
ردت بدلع ماصخ :تمامووو
ام عزام:من وين جايه
ردت بارتباك مابين لمها:كنت في بيت شوشو اذاكر معها...
ام عزام بغباء :ايه الله يوفقك يابنتي
صعدت ع الدرج وهي تمشي بكل دلع وصوت كعبها يعور الاذن والخلخال اللي مسوي ازعاج ودخلت غرفتها ومامداها بتسكر الباب الا جوالها يرن بنغمة
(بطمنك...شيرين)ردت بكل وله :هلا بعمري وحياتي ودنيتي كلها
الطرف الثاني:يالبى تصدقين اشتقتلك
مروى:هههههههههه شدعوه حبيبي توك شايفني
الطرف الثاني :انتي لو جمبي وقريبه مني اشتاقلك
وكملوا مكالمتها ...........................
اما في غرفة ثانيه في نفس القصر...
فاتحه لابتوبها وحاطته بحظنها ومندمجه في شات تعب قلبي
مزيونه وشفايفي توته:ههههههههه وانا احبك اكثر
عماد الحب:ياروحي متى بشوفك صارلنا اكثر من 5 شهور واحنا مع بعض
مزيونه وشفايفي توته:اوك وش رايك يوم الاثنين
عماد الحب:اه الله يصبرني ليوم الاثنين علشان اشوف مين اللي ملكة قلبي وروحي وعقلي
..............................
في مكان آخر ............
كان جالس يقرا اوراق قضية احد المسجونين ومندمج وشوي الا ينطق الباب رد:تفضل
رفع عيونه وشاف صديق عمره اللي ياما وياما درس واكل وضحك معاااه
دخل ماجد ببتسامه تعودها عزام عليه من يوم ماعرفه....
ماجد: يالليل وانت متى بتخلص شف الساعه قريب وتجي الوحده وانت على قعدتك من الصبح
عزام بمزح:وانت شعليك مني ان شاءالله انام هنا انت وش يخصك
ماجد بزعل مصطنع :هذا جزاتي خايف عليك وابي مصلحتك انا احس اني من التعب بطيح من طولي وانت متصلب بهالكرسي
عزام: اذكرالله لا صدق انا اللي اطيح من طولي
ماجد:ماشاءالله بس تعالي بطول انت
عزام وهو يطالع بساعته:اممم يبيلي ساعه بعد هالقضيه محيرتني
ماجد:الله يعينك ويقويك يالله سلام
عزام:بامانت الله
طلع ماجد.... ورجع انغمس بكومة الاوراق اللي قدامه
في مكان بعيد مليء بالمنكرات ....
كان جالس ويصفق وداخل جو:(انا وياج يـ ام شامه انتي بسطح وانا بسطح نتغازل لحد الصبح ...... )عاشت عاشت وعيونه تلاحق البنت اللي تتمايل مع نغمات الاغنيه قطع جوه صديقه الصدوق(على قولته):اقول يالحبيب وش عندك مروق اليوم
عامربهيام مصطنع:آه وين الواحد مايروق وهو يشوف هالبنات اللي يوسعون الصدر
خالد:اقول بس ترى جوالك ازعجنا وهو يدق ياترد ولا تقفله
عامر:اتلاقيها عجوزالنار جيبه خل اشوف وش تبي
جاب له خالد الجوال ورفع السماعه وهو يمثل الشووق...
عامر:هلا بالغاليه هلا بحلوة اللبن
.........:هلا يمه اخبارك اعلومك
عامر:تمام ياالغاليه وحشتيني
.......:لواني وحشتك جد كان دقيت تسال
عامر:يايمه انشغلت مع الربع ولا كان في بالي اذق
ام عزام: طيب يمه متى ناوي ترجع ولهنا عليك
عامر:هههههههه لاتجمعين يالغاليه يمكن الاثنين ولاالاربعاء
ام عزام:خلاص يمه مع السلامه روح استانس
عامر:مع السلامه
خالد:صدق غثا
عامر بعصبيه مصطنعه:لو سمحت انت الغثا هاذي عجوزتي الغاليه مارضى عليها
خالد:ياحنون ههههههههههههههههههه
عامر:ههههههههه صب لي بس خلني اروق
خالد :بتروق اكثر من هالروقان
عامر:انت ليه كذا حسود االشرهه على اللي جالس معك
خلاه وقام عنه وجلس جمب وحده من الدشير الي زيه .....
في مكان اخر................
طلعت وهي تجر خطواتها ودموعها غطت وجهه جلست على احد كراسي اللي بالممر:يالله ارحمني وشفيني يارب كنت حاسه من البدايه والله كنت حاسه........


تعريف بالعائله..
ابو عزام:شخصيه انانيه وعصبيه كون ثروته وامواله منن صفقات غير مشروعه وبفضلها صار له اسمه ومركزه عمره(55) بس يتشبب واغلب وقته في لبنان وسوريا وطبعا انتوا عارفين ليه؟! ....
ام عزام:مايهمها فيه الدنيا غير الفشخره و كلام النااس وثانيا اعيالها وماتطيق شي اسمه عزام(بتعرفون بعدين ليه؟!)
عزام:يشتغل ظابط عصبي لان طبيعة شغله تطلب منه كذا بس حنون اوقات شخصيته قويه وله هيبه مو طبيعيه تسبب رعب للي قدامه(عيونه عسليه بس غامق وشعره اسود وناعم وخشمه رسمته حلوه ونحيف بس بعضلات نتيجة روحته للنادي ويحب شغله )وعمره (30)
هيفاء:بنت طيوبه وعلى نياتها تشتغل ممرضه باحد المستشفيات الخاصه بيبي فيس اقوى شي وشعرها قاصته فكتوريا طيبه وحبوبه وعمرها(26)
عامر:دلوع امه امه تحبه بشكل مو طبيعي من بد كل عيالها طالع على ابوه اربع وعشرين ساعه سفريات وداشر حلو ووسيم عمره(24)


غنج:دلوعه وصايعه تموت في شي اسمه شوبينق حياتها سوق ونوم واكل وشباب ملامحها حلوه وفيها شامه في خدها الايمن عمرها(23)
روز :اخر العنقود ملامحها عاديه جدا واربع وعشرين ساعه على النت )وعمرها (18)
انتهـى البارت الاول اللي كان تعريف بالشخصيااات
واتمنى انه نال اعجابكم بنتظار ردودكم وتشجيعكم علشان اكمل.........

هنوشهـ ©؛°¨غرامي مشارك¨°؛©

روايتك جونااااااااان

ويالله عرفينا على الابطال
بصراحه تحمست مع روايتك

ننتظرك يالغلا

» مَلآمحْ نآع ـمہ ™ ©؛°¨غرامي مجتهد¨°؛©

بارت روعة ... بداية موقفه غاليتي ...
يعطيج العافية ،،،
بنتظار البارت الجاي ..


لاتغرك الضحكه؟ لي مع المقفين قلباا سكني(الله يرحمك)

بصراحه بارت روووووووووووووعه


وباين عليها انها بالحيل حلوووووووووووووووووووووه


استمري حبيبتي



الله يوفقك


متى موعد البارت الجاي

حبيتك وذي غلطه ©؛°¨غرامي مشارك¨°؛©

راح انزل البارت الثاني بعد ساعتين لعيونكم .....
انتظروني... حبيتك وذي غلطه

حبيتك وذي غلطه ©؛°¨غرامي مشارك¨°؛©

بالنسبه لموعد البارتات راح يكون بارتين بالاسبووع بس لسه ماحددت اي يوم متى ماحددت خبرتكم
وابي منكم تشجيع لان انتوا بيدكم تقدرون تخلوني استمر
وهذا البارت الثاني الجزء الاول قصيير ....
والجزء الثاني راح يكون اطوول واحلى واكثر احداث وابي منكم تقولون ملاحظاتكم على روايتي سواء سلبيه وا ايجابيه ..........
حبيتك وذي غلطه

عَ ـشق بدوٍية ©؛°¨غرامي فعال ¨°؛©

الــرواية بدايتها روعـــــــــــــــــــــــه واٍسسسلوبك حلووو
إستمررري ....الردود مو مقياس النجااح...والناس ماترد من أول شي..نزلي كذ1 بارت وبتلقين الي يسرك
وسجليني متابعه لكي...........
يعطيك العافيه خيتوووو.~

حبيتك وذي غلطه ©؛°¨غرامي مشارك¨°؛©

البــآرت الثـــآني:(الجــزء الآول)
في حوش بيت بوعادل:
متجمعين حول السفره وياكلون بهدوء وهذي من عاداتهم (لاكلام على الطعام) وشوي الا سمعوا صوت الجرس المزعج قام بوعادل الا جلسه عادل وقال:خلك يبه انا بروح
ابو عادل: الله يقويك ياولدي
وقام فتح الباب لقاء سعدون (هذا جارهم سكير وداشر مو متزوج وشراني ومشكلجي )
عادل بادب:سم ياعمي
سعدون :انا مالي كلام معاك يالبزر ناد لي ابوك الكلب
عادل:احترم نفسك ولو انك مو عند بابنا كان علمتك منو الكلب الصح
سعدون بصراخ:ايا الهيس صحيح ماعرفوا يربونك
طلع بو عادل يوم سامع الصراخ :
ابو عادل:نعم ياسعدون شبغيت
سعدون:وتسالني بعد وش ابي لك وجهه بس بما انك تتغيبى بجاوبك ابي افلوسي اللي تسلفتهاا ولارجعت.....
ابو عادل باستغراب وعيونه فيها الف سؤال:مانيب الاسبوع اللي فات جبتهم لك
سعدون:بعد تتبلاني لكن مايردني عنك غير الشرطه
ابوعادل:سعدون انت ناوي ع الشرر فلوسك خذتها ليه تتبلى
سعدون:ماعلي منك بتجيب فلوسي ولا شلون
ابو عادل:وانا من وين لي على الله وعلى التاكسي ويالله معيش به بيتي
سعدون:الزبده بتعطيني فلوسي ولاشلوون
ابو عادل:لو عندي كان عطيتك ماعندي شي
سعدون راح وهو يردد :هين هين اما خليتك تخيس بالسجون ماكون سعدون ولد ابو سعدون وراح وهو يسب ويلعن
دخل بو عادل ووراه عادل متضايق.... انه مابيده شي وبو عادل ضاقت به الدنيا .....
قامت ام عادل يوم شافت وجيهم اللي ماتبشر بالخير
ام عادل:شسالفه
ابو عادل:سعدون جاي يبي فلوسه
ام عادل بدهشه:هووو مو الاسبوع اللي فات عطيته فلووسه وش يبي بعد
ابو عادل:انكر ياعفاف
ام عادل:حسبي الله عليه ان شاءالله هالظالم اللي مايخاف ربه
إيلاف:تيب بابا كيف بتدفعله
ابو عادل ببتسامه غزت ملامحه:يدبرها ربك يابوي يالله روحو ناموا وراكم دوامات بكررررر
إيلاف تقدمت باست راس امها وابوها:يلا تصبحون على خير
ام عادل وابو عادل:وانتي من اهل الخيير
سووا مثلها شمعه وعادل وراحوا ينامون
ام عادل:من وين طلعت لنا هامصيبه
ابو عادل:تدرين انه مهددني بيسجنني
شهقت ام عادل وعيونها امتلت دموع:الظالم اللي مايخاف ربه مايدري ان هالدنيا دواره
ابو عادل:وش السواات اللحين
ام عالد:مال الا تروح الشرطه بكره وتقولهم عن السالفه
ابو عادل:وتهقين بيصدقوني
ام عادل بامل:ان شاءالله
في غرفة الثانيه:
شمعه بفضول: تتوقعون ابوي مين وين بجيب فلوس علشان يعطي سعدون
عادل: مادري بس اكيد بيعطيه
شمعه: من وين بيعطيه وهو ماعنده فلوووس
ايلاف بتنهي الموضوع:خلاص ناموا عن السوالف اللي مالها داعي ولارحت علمت امي عليكم
شمعه وعادل بخوف:لالا خلاص
ايلاف بضحكه مكتومه:ايه تسنعو...
في القصر...صعد الدرج وهو دايخ متوجهه لغرفته وسمع صوت ضحكه عاليه قرب من الصوت لقاه طالع من غرفة غنج......
غنج:هههههههههههه تدري اني اموت فيك
..........: ...............
غنج: يالبيى قلبك وان اوش عجبني فيك غير خفة دمك
تجمع الدم في وجهه وطق عرق في اسفل رقبته تقدم بيفتح الباب لقاه مقفل طق الباب بقوه خلت غنج ترمي التليفون من يدها وتقول بصوت مرتبك وهي تبلع ريقها:ممــ ـــيــ ــن؟!
عزام:افتحي الباب بسررعه
غنج وهي تضرب خدودها"ياويلي يمه ليكون سمعني":طــ ــيب
فتحت الباب وممداها تشوفه الا يجيها كف طيحها بالارض من قوته رفعت عيونها الا عزام مسكها من شعرها وقال وصوته مثل فحيح الافعى:من كنتي تكلمين
غنج وهي تبكي:أاكلم منار صـ ـديقتـي
عزام تركها بقوه وتوجه للجوال وفتح آخر مكالمات (حيآتي) رمى الجوال لاخر مدى وقرب منها وهو يضرب فيها: هاذي اخرة الحريه والطلعات الزايده
غنج تبكي بصوت عالي .... الا بدخلة ام عزام: شصاير هنا خل بنتي جعل يدك الكسر ان شاءالله
عزام بغضب الدنيا: تعالي شوفي نهاية دلعك لي وين وصلها
ام عزام وهي تحضن غنج: شوف لاتقعد تتبلى على بنتي
عزام وهي متجاهلها تماما قرب من غنج وهو يشدها من فكهاا وبصوت هامس مرعب: صدقيني ان شفتك طالعه من ذي الغرفه رح تكون نهايتك على يدي وجوالك انسيه وهذاني حذرتك ياغنج فآهمه
غنج وهي تمسح الدم اللي طلع من انفها: طـ ـ ـيب ..تركها عزام وطلع وغنج تتبعه بنظراتها وهي تبكي
ام عزام:حسبي الله عليه خلاص يمه اهدي حبيبتي
غنج تبكي: اكرهه اكرهه شفتي ماما كيف يتبلى علي لاوماكفاه واخذ الجوال
ام عزام بحنان:خلاص ياماما بكره انا اجيبلك جوال ولاتزعلين
غنج ابتسمت بين دموعها وضمت امهاا
اما عند عزام..
دخلل تروش وطلع وهو لاف المنشفه على خصره لبس ملابسه بنطلون بيجامه مايحب ينام ببلوزه وانسدح على سريره وهو يفكر لين غفت عينه
.........
اما في غرفة ثانيه بنفس البيت جالسه تتذكر :
الدكتوره ريهام: انتي لازم يكون املك بالله كبير في غيرك مايكتشفه حالته الا متاخر بس انتي تتوك ببداية المرض يعني يمديك تقضين عليه
هيفاءوهي تبكي:ونعم بالله يادكتوره بس
د.ريهام قاطعتها: لابس ولاشي بكره تجيني على الموعد علشان نبدا بخطوات العلاج ولاتخافين المرض توه ببدايته ماتطور
هيفاء وهي تمسح باقي دموعهاا: طيب اشوفك بكره ان شاء الله
وقفت هيفاء وهي تصافح د.ريهام: مع السلامه
د.هيام ببتسامه:مع السلامه
صحتها من هالذكرى نغمة جوالها شافت الاسم ( خلود)وعطتها مشغول ماتقدر تكلمها تخاف تكتشف انها كانت تبكي انسدحت الاوسمعت صوت مسج فتحته ( هيووفه حبيتي دقيت عليك مارديتي كنت بقولك بكره مااقدر اجي الدوام صارت لي ظروف بعدين اقولك عنهاا بس حبيتك تبلغين شافي (مدير المستشفى)اني مااقدر اجي)
تنهدت وهي تقول:عسااه خير يارب وسكرت نور الابجوره وهي تغمض عيونها محاولة للنوم
توقعاتكم:
1- وش راح يصير مع سعدون وابو عادل وهل بيقدر سعدون ينفذ تهديده؟!
2- هيفاء وش سالفة مرضهاا؟!
3- عزام؟!! هل راح يعدي سالفة غنج؟!

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1