منتديات غرام ترفيه غرام نكت - ضحك - وناسة - فرفشة تذكرون ايام التسدح على التلفزيون السعودي القناه الاولى>ادخلوا في ذا
جُنُوْنْ الْضَوْءْ .. ©؛°¨غرامي متألق ¨°؛©

بسم الله الرحمن الرحيم

السلام عليكم ورحمة الله وبركاته

يا هلا والله وغلا فيكم يالله ان تحييهم

المهم انا اليوم سالفتي ياطويلين العمر عن

القناة الأولى

ياحبي لها بالتلفزيون السعودي

ايام الطفولة والبراءة
:
:
:
يوم كنت صغير كنت أقوم مع العصافير

وأجلس قداام التلفزيون قبل ماتفتح القناة الأولى اشووف الألوان على الشاشة ..

وبعدها أجلس أغني بصوتي العذب
مع السلام الوطني

ياعيني عالوطنيه

بعد السلام الوطني أجلس احتري القــرآن يخلص واذا خلص قلت
صدق الله العظيم

هذا اللي حفظه

واذا بدا الكرتووون أرووح فيها وافتح هالكشره

وماسكرها الا اذا قطعوا عالفيلم وقالو الإعلانات التجاريه
يرفعوووووووون الضغط

المهم انا اجلس اقلب لي مجلة ماجد الين تخلص هالإعلانات


المهم بما اني مدمن افلام كرتون ايام الطفووله ولي ذوقي الخاص

اقوول اعقل يالكبير

احلى ياذووووووق

بس لاينط لك عرق

اخترت لكم بعض الافلام اللي حفظها صم من كثر ما شوفها

(( الكابتن ماجد ))

مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله<< مصدق
يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض
والا حركة التوأم منير وأنور اللي كأنهم قرووود

هههههههههههههههههههههههههه

بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
والهدف من آخر المرمى يمشي فيه
ويخلونه ثلاث حلقات وهو بس يركض والحلقة الرابعة يجيب هدف
بعد ماأحبالي الصوتيه راحت من كثر البكى ليه يخلصونها
بس والله كنت اتحمس معه تحمسمس موطبيعي واقعد ارفس اللي قبالي
((بشار))

هالفاهي اسميه ( بيض عيووون) جابلي الضغط وانا صغيره
على كبر عيوونه امه تمر من جنبه ومايشووفها
وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني
هع هع
هع هع
والله حلقه وهو يدووووور امه

((سـالـي))

عاد تجيكم سيدة الشاشه الكرتونيه سالي يالبلى قليبها
هالبنت قطعت قلبي
حته حته من تبدأ الحلقه ا لين تنتهي وانا صياح واهلي يجون يسألوني
وشفيك من طقك فيك شي يوجعك وانا مانيب يمهم دموعي اربع اربع
بس كانت تقهررررني بشي واحد
يهااوشونها وهي ساااكته ويكرفونها وهي منطمه
ولاعاد تجيكم بنت التسلب آنسه منشن ياكرهي لها هالنجسه

((هـايـدي))
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان
ياحبي لها هي وبيتر
كلير المشلوله الحمدلله ابشركم مشت
وجدها الشديد
بس اخر الايام هجدت شياطينه صار حليل
وجدت بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال
كأنها انا وانا صغير مع بنت عمتي كنا نحب بعض وكبرت ولحد الأن يعايروني فيه
(قصة حياتي)


((عدنان ولينا ))<<<
ياعيني عالرومانسييييه يانااس
هذاا للحين عندي اشرطته من اول شي الى اخر شي ومحملهم على الأب تووب
عدنان ذا الي من اول حلقه ماغير لبسه واخر حلقه تكشخ وجاب العيد
ههههههههههههههههههههههههههه
والا صديقه عبسي
(للمعلوميه عيرة اخوي عبسي لانه هو قدوته في تسريحات الشعر)
امحق قدوه

هههههههههههههههههههههه
ولينا ذي الحساسه مهيب مثلنا خاليات من الاحساس والدسم
وعلام الشرير
ياكرهي له هو وجهه المربع
والا احلى شي لما انطق عدنان بدل عبسي

الله يادنياا الحين كبرنا وصرنا نتابع الأفـلام وتوم كروز وأفـلام هنديه وشاروخ خان خخخ

مير الحين القناة الاولى مانقرب حولها
(بس انا فيني وطنيه شوي احب امرعليهااذا قلبت القنوات )

ههههههههههههههههههههههههههههه

المهم مالكم بالطويله بس حبيت اعيد ذكريات الماضي << احلا يالماضي
وايام الطفوله التي لنا انساها ولن انسى ابطالها
<<< لايكثر كلامك>>>
وغيرها الكابتن رابح ياحبيله ونوار يازينها وهاله وتاكي
بس اللي كان نفسي اتابعها ليدي ما شفتها
بـــس اللحين تتطوورت وصــرت اتاابع
شو تايم

هههههههههههههههههه
تقدمت صح
وشكراً على حسن أستماعكم وأنصاتكم

عطرالغلا كبرت ونظرة~||الطفله||~تعيش بدآخليღ فطرهـ

يالله ياحلــو ذيك الأيآم

وربي أيام تجنن



وش أحلى من الطفوله ومن البراءه,.




وهايدي وسالي وتوم وجيري وكل افلام الكرتون كنت اتابعهاإ



والحين أتابع أفلام شاروخآن وسلمان خان وريثيك روشان وتوم كروز وبراد بيت ومسلسلات تركيه وخليجيه واللي تبون >محد سألتس ههههههههه


الله يهدينآبس

اكابـــــر ©؛°¨غرامي نشيط¨°؛©

ههههههههههههههههههههههههههههه

اي والله ياحلو ذيك الايااااااااااااااااام ليتها ترجع

احلى شي كابتن ماجد مايمديه ينتهي الا انا واخواني في لحوش مجهزين الكورة
ونتهاوش من بيصير كابتن ماجد

هههههههههههههههههههههههههههههههههههههههههه

أبرار~ » ضَحِگتِيً َفٍيًهُآإ [ غٌ‘مٍوٍوٍضَ ] وٍدُمٍعُتِيً َفٍيًهُآإ [ غٌ‘رٍآبُه ]«

ذكرتنا بايام الخوالي هع والله كانت اياااااااام وناسه

العوبا ©؛°¨غرامي متألق ¨°؛©

ههههههه يازين ايام قبل تسلم يدينك

غيـ ــآبـكـ Ksrne ~ яɢ{ ..فِلِسِفِـــِہ رِوζ }●• -

ههههههههه
والله ايام ماتتنسي
ويقهروني في عدنان ولينا انوا كل ماايلقاها تنخطف
والله كنت اول مااشوف جدها يجيني
خوف منوا مدري ليه يمكن من عنه المغمضه ههههههههههههه
وانا الحين اكره سندبل لانو كان اول مايجي في الظهر السواق
يدق البوري نروح ع المدرسة ويع ايام ههههههههه

ثانكس ع الموضوع الخقه ودي لكــ

"أم سيرين" ©؛°¨غرامي نشيط¨°؛©

اللة على ذيك الايام
ليت ترجع الطفولة والبراءة
ترى نسيت ودعا ماروكو وزورو

روحي غريبة ©؛°¨غرامي مشارك¨°؛©

ياحليل ايامنااا اول
لا احلى حركه يوم تقفل القناااه وتفحت الصبااح الاحمر والاخضر والابيض ع شكل دائره

وبعديين قراآآن والا بسم الله نقلبت المووجه افلام كرتون
احلى كرتون وداع ماركو >> بس مع تططوير العلم
صايره اشوف يوتيوب هع
بس الحلقاات ناقصه ،؟‘،‘



عوافي ع تنشيط الذاكره هع

الأميرهےنورهےالشمريے لبّى خمّتوھ ™»

هههههههههههههه يرحم آيام اول قسم عيال جيرآننا الوغدآن زينو زي توم وجيري انسدحو بنص الشارع وقالوا نبي الباص يمشي فوقنا اكيد مانموت مصدقين الدلوخ ولآولد بنت عمي نآط من فوق جدآر الحوش وتكسر يبي يزين زي سوبرمان وجع <~هههههههههههههه ربك ستر بس

Angel Innocent princess crazy
✿ إدارة الإقسام ✿

هههههههههههههههههههههه
ههههههههههههههههههه
والله يَ حلوها ذكريآت
يَ حليلنا بس اذا تحمسنا زياده عن اللزوم
عوافي ماننحرم جديدك
ودي
×


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1