منتديات غرام أعضاء غرام سكون الضجيج - مملكة العضو مملكتي الخاصه وعالم قلب امي وروحها
قلب امي وروحها ©؛°¨غرامي مجتهد¨°؛©

السلام عليكم
الصراحه حلو لما يكون للواحد مكان يكتب ويعبر فيه عن كل شي يتعلق فيه مع اني ما اعرف اعبر كثير بس بكتب اللي يطلع معاي
اول شي
انا عمري 21 هههههه الله يعطيني طولت العمر وكل القارين ان شاء الله
ادرس تربيه خاصه سنه اولى طبعا كيف انا ادرس سنه اولى وعمري 21
اه ه ه ه خلها على الله بس الحمد لله اهم شي اني في الاخير دخلت
انا الترتيب الثالث بين اخواني
ما اعرف وش اقول اكثر بس كل اللي اعرفه اني احب امي بجنون امي هي حياتي هي عمري هي نبضات قلبي ولو اكتب يمكن ما في كلمات توصف
واقفه معاي بكل اللي مريت فيه من صعوبات في حياتي وانا اعتبرها اختي وصديقتي اللي ما اخبي عنها شي ابد ما في بينا حدود نتكلم في كل شي واي شي
انا عالمي محدود مو كثير اندمج بالمجتمع يمكن فلاويه واضحك واحب الدنيا بوسعها وطولها وعرضها بس مع كذا مو اجتماعيه ابدا
حياتي كلها اخواني وامي وابوي احبهم حب عجيب
لدرجه ان مره وحده من صديقاتي الله يذكرها بالخير قالت لي: انتي بيجي يوم ويكون سبب جنونك اخوانك
قلت: لو الجنون جاي من اخواني وامي وابوي يا زينه من جنون
قالت لي:لو في يوم صحيتي وما لقيتيهم حولك وش تسوين
قلت:في ذاك اليوم انا بعد ما راح اكون موجوده لاني مستحيل اعيش بدونهم بدون عالمي
انا مثل السمك وهم البحر
احس اني اهذر كثير خلونا نروح لصديقاتي
انا مو كثير مع الصداقات يعني انا من النوع اللي يكون له صديقه ثنتين مو اكثر ما ادري ليه بس كذا انا
عندي صديقتي نعناعه فديتها لو يمر اسبوع من دوم ما اسمع صوتها انهبل هي اختي وهي بئر اسراري
هي الشي الوحيد اللي اثق فيه في هالدنيا ما ادري ليه ما اثق بالناس بس يمكن الماضي له دور
على العموم انا كذا مرتاحه لا اثق باحد ولا انجرح من احد
هذا كل اللي عندي بس يجي في بالي شي راح اكتبه
سلااااام

قلب امي وروحها ©؛°¨غرامي مجتهد¨°؛©

احس اني بموت من كثر ضغوط الدراسه كل ما جيت اقرا كلمتين جاء شي وشغلني بس احلى وقت اقضيه لما اجي واكتب روايتي احب لما ابعد عن الواقع احساس حلو
بس هاليومين كثير الدراسه ما خذه وقتي واحاتي اني ما اجيب معدل عالي بس ان شاء الله يارب يا رب اجيب معدل يفرح امي يارب والله ودي من كل قلبي افرحها مثل ما هي تفرحني دائما


ههههههههه اليوم امي قالت لي اطبخ الغداء قلت لها ابشري والحمد لله ان الملح ضبط مو مثل قبل كنت احوس بس الحين طباخه واحيانا يجي في بالي اعزم اللي بالمنتدى فاللي يبغى حياه هههههه اول كنت اتذمر واقول الطبخ شغله مو مهمه بس بعد ما تعلمته والله صدق طلع شغله مهمه لازم الكل يتعلمها ولا بتصير له مشاكل بعدين الطبخ والله شغله تسلي وممتع

ادعو لي محتاجه لدعاكم :يارب يارب وفقني لما تحب وترضى وان شاء الله ان شاء الله اجيب معدل والله احس بخوف من هالموضوع بس الله معاي ان شاء الله ما يخيب رجاي

قلب امي وروحها ©؛°¨غرامي مجتهد¨°؛©




هل تعلم ان أصعب شي على الإنسان ان يخسر من يحبهم
ان يخسر ذاك الحظن الدافئ ان يخسر تلك الابتسامه التي ترسم لك عند مواجهة أحبائك



اضغط على الصورة لرؤيتها بحجمها الطبيعي


يا ما تمنيت الدنيا ترجع لوارء بس ثواني علشان ارتمى في حظنها
بس ابغى أشم ريحة عطرها
ابغى أقول لها وش كثر أحبها
اااااااه وش كثر انا ندمانه لاني ما قلتها لها
اتمنى اسولف لها عن اللي يصير فيني
اتمنى أشوفها لو دقيقه وحده لا ما ابغى دقيقه بس ثانيه





تجي علي فترات وابكي وتكون مخدتي صديقتي الوحيده وغرفتي الشاهده علي
وادعي ربي من كل قلبي إني أشوفها بس في الحلم في الحلم ولو ثانيه في الحلم
ااااه وش كثر فقدتك وش كثر فراقك عذبني
مشتاقه لك وكلمة مشتاقه ما توفي الشعور تجاهك
كل ما ذكرتك تكون دموعي هي الشي الوحيد اللي اقدر به اعبر عن حرقة قلبي






ما أقول إلا يا ظلمك يا دنيا تأخذين منا أغلى ما على قلوبنا و ننحرم من شوفتهم
ااااه يا دنيا يا قسوتك علينا
ترمينا في بحر ثايره أمواجه وإحنا ما نقدر على مواجهتها
ونهايتنا


نغرق في ظلمة وسواد اعماقه






ليتك ترجع يا الحظن الدافي وتحتويني من جديد بس ليت عمرها ما صارت
ليت تظل بس مجرد أمنيه

قلب امي وروحها ©؛°¨غرامي مجتهد¨°؛©

انا وحده احب كثير الشعر احب اسمعه وخصوصا شعر الفخر والعزل
احب اسمع لحامد زيد كثير واحب طريقة القائه للابيات
وهذا شوي من ابياته اللي احب اقراها


مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره


بس اللي احبه اكثر شي له غرام احباب حتى انها موجوده في جوالي روعه روعه

على ذاك الطريق اللي يسمونه غرام أحباب
وطت رجلي على دربه و لا أدري وش نوى فيني
تبعته لآخر دروبه ألين أن القمر قد غاب
تعب قلبي و لا تعبت مسافاتٍ توديني
لقيت الليلة الجردا هدب ظل و سما و اعشاب
بعد ذاك الظلام اللي يتوهني عناويني
صدفتك معجبه فيني و ياليت الغرام اعجاب
و تراك انتي الهنوف اللي هقيتك تستحقيني
عطيتك عشق من قلبي وسلمت لغلاك رقاب
و غيرك يحترق قلبه و لا يقدر يحاكيني
أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
و لا أنتي اللي عشقتيني و لا انتي اللي عتقتيني
تعالي و اعتقي ذاك الخفوق المولع المرتاب
مهب لاجلي عشان الله يجازيك و يجازيني
تعدي في سما عشقي و لو عشقي خراب أصحاب
و صوني بالهوى نفسك قبل لا انتي تصونيني
و شيليني على متنك خفوقٍ باريٍ منصاب
و من فوق الغرام العذب شيليني و حطيني
و لا منك هقيتيني شجاع و ما يطيق يهاب
أنا لك بالهوى و الله مثل ما انتي هقيتيني
أنا ما أمشي ورا غيرك و لو أنه يطق الباب
و ترى عيبٍ عليّ أطعن و لو كثرت سكاكيني
زهودٍ ما يطيق الدم لا داين و لا طلاب
شجاع و عارفٍ نفسي و أظن أنك تعرفيني
غيورٍ ما عرفت أضحك مع الغدر ببّرود أعصاب
أبيع عيوني الثنتين قبل أنك تخونيني
إذا شد الغرام اترك خفوقي بين ناب و ناب
لفرقى تكسر ضلوعي و لا عشقٍ يوطّيني
أنا رجلٍ و لي غيره و إذا شفت الهوى كذاب
تثور بقلبي الفزعه و لا تهدى شياطيني
سؤالك لو يزعزع بي كياني ما قبلت عتاب
اجي لك و أسالك نفس السؤال اللي سألتيني
عن العشق القديم أبواب تقفيها كثير أبواب
بعد ذاك الحبيب اللي خدعني و انخدع فيني
أبي عشق تحسب له كل نظرات العيون حساب
و ابي قلبٍ علي قلبي و ابى دينٍ على ديني
و ابي نظرة عطا توفي و لا تخلف بدون أسباب
و ابي منك قبل لا نتي تصديني توديني
و ابي دربٍ على العذال صعبٍ و متعبٍ و غلاب
و ابي نفس الطريق الصعب يبعدهم و يدنيني
ترى لو للقلوب عيون و لدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك و أنا توي صغير و شاب
و ابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله و بعد الله دخيلك لا تخليني
ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



غير اني احب الشعر احب الروايات طبعا ما في مجال هي اللي تحوز على رقم 1 عندي
هههههه فني شي عجيب احب اقرا الكتب اللي ما افهم فيها ليه ما ادري اختي تقول:ما دامك ما تفهمينها ليه تقرينها
قلت: والله ما ادري بس تجذبني وما اقدر اقاوم واقراها واحب التعقيدات اللي فيها
احب اقرا كتب لعلم النفس والتحليلات للشخصيه هههههه ليه بعد ما ادري بس انا كذا تناقض

قلب امي وروحها ©؛°¨غرامي مجتهد¨°؛©

انا قاعده مع ابوي وامي وابوي يقرا الجريده عاد ابوي مدمن جرايد اليوم
اقترح الوالد العزيز نروح نتمشى الحين والصراحه دخل مزاجي اقتراحه خصوصا ان الجو روووعه
يله بااااي

قلب امي وروحها ©؛°¨غرامي مجتهد¨°؛©



اضغط على الصورة لرؤيتها بحجمها الطبيعي


يمر على الواحد اوقات ويقول وش تعلمت من الحياه


انا تعلمت


ما اثق في احد لانه يمكن يخون الثقه وينجرح قلبي ويطيح من عيني من نال ثقتي وخسرها

انا تعلمت

ما اخلي قلبي يطغى على عقلي لاني في ذاك راح اكون عمياء

انا تعلمت

ابعد عن الحب وما احب يمكن انحب عادي بس احب لا علشان ما انذل

انا تعلمت


ان مع كل اشراقة شمس الامل يتجدد والفرح يرسم في هالدنيا ويبدا يوم جديد وامل جديد



انا تعلمت



اذا حفرت احفر في الرمل واذا نقشت انقش في الحجر

انا تعلمت


الصداقه كلمه اسمى من انها تعبر والوفى نادر في هالزمن بس الاكيد انه مو معدوم

انا تعلمت


من خان مره لا تسامحه لان الخاين مره ممكن يخون الف مره


انا تعلمت


لا تنتظر من الناس شي تبغى الحاجه اصنعها ولا تنتظرها من احد



انا تعلمت



وقت الغلط اعتذر ولا اقول في عذري ضعف


انا

قلب امي ورحها

قلب امي وروحها ©؛°¨غرامي مجتهد¨°؛©

دخلت موضوع عن رايك بالصداقه عبر الانترنت
في ناس كثيرين ما يايدونها بس انا ايدها حلو يكون لك اصدقاء عبر الانترنت اصدقاء مجهولين
بالعكس احس اني اقدر اقول لهم اشياء كثيره
حلو اننا نفضفض لبعض ولما ننقهر نلقى من يسمعنا
احب اسمع لاصدقائي واحب اذا عندهم مشكله واقدر احلها ما اتردد لحظه وحده في اني اساعدهم


انا بصراحه مع ان يكون للوحده اصدقاء ويكونون خوات لها حتى لو ما شافتهم بس حلو ان في هالعالم يكون لك احد حتى لو مجهول يسمع لك وتسمع له وتخففون عن بعض
يعني انا لي وحده عرفتها من النت حبوبه نسولف ونضحك مع بعض مع ان كل وحده ما تعرف الثانيه ونخفف عن بعض ونفضفض لبعض
في ناس ترتاح لهم كذا من الله وتحس انهم يفهمون عليك
حبيت بس اتكلم عن الموضوع وابدي رايي(الله والراي عاد) هههه

قلب امي وروحها ©؛°¨غرامي مجتهد¨°؛©

صباح الخير
والورد
والريحان
والجوري
للجميع

قلب امي وروحها ©؛°¨غرامي مجتهد¨°؛©

ما ادري ليه احب اسمها واتاثر كثير فيها لدرجه اني ابكي احس انها تاثر فيني كثير واتذكر ناس فارقوني وفقدتهم كثير الله لا يحرم احد من غالي
[YOUTUBE]mMRM9M8kpME[/YOUTUBE]

قلب امي وروحها ©؛°¨غرامي مجتهد¨°؛©

توني صاحيه من النوم واحس راسي مصدع(ما قصرتي بالنوم)
دخلت المنتدى لقيت رساله واقول شكرا والله فرحتني الرساله بس هذا اللي راح اقوله بكل اختصار

طرا على بالي انزل الصور اللي صورتها لما رحنا مع اخوي الكبير الدمام كانت سفره ولا اروع بس ما ادري وين حطيت الحامل حق الذاكره الله يعيني ادور عليه وبعدها انزل الصور

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1