منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   صرنا سوات اللي مشى فوق مسمار مشيه عذاب و وقفته مستحيلة (https://forums.graaam.com/399684.html)

حـطام انثـى 18-04-2011 01:04 AM

صرنا سوات اللي مشى فوق مسمار مشيه عذاب و وقفته مستحيلة
 
بقلمي صرنا سوات الي مشا فوق مسمار مشيه عذاب ووقفته مستحيله

الشخصيات


ابو نواف وام نواف بعد ماتزوج ام نواف تزوج مره ثانيه وجاب منها بنت ولاكمل معاها وطلقها وهالبنت عاشت طول عمرها
عند امها الي تزوجت من رجال طيب ويخاف الله يوحب فجر ويعاملها مثل اخواها الباقين عبدالله متزوج من بنت عمه ليان له خمس اشهر وزياد وفرح
فجر بنت قمه في الجمال كلما شافها انسحر بجمالها وطيبتها ويميزها بين الكل قصرها قصييره مره وكل شي فيها صغير بس حدها مملوحه عمرها 23

اما ابوها ابو نواف كمل حياته مع زوجته ام نواف
ولده الكبير نواف انسان هادي جداا ولا يحب المظاهر ويحب اخته فجر حييل عمره 28 والى الحين ماتزوج
بعده رنا وهي اصغر وحده وتعتبر دلوعه البيت مع انها كبر فجر مابينها وبي فجر الا اشهر الا ان ابو نواف يعاملها احس من فجر الي هاملها في بيت امها عمرها 23

اخت ابو نواف منال انسانه عاديه ومتواضعه لها معارف كثير ودايم عزايم وحوسه عمرها في الاربعين جابت بنت وهي كل حياتها بعد ماتوفى زوجها
نجد بنت لاكن تصرفاتها غير هي مو بويه بس طبعها عربجيه بثره ماتخلي شي ماترقا فوقه ماتحط بخاطرها شي عمرها 17


اما اخت ام نواف فهي ام نوال حبوبه حيييل بعكس اختها
متزوجه من فهد رجل اعمال صديق ابونواف ويعتبره اكثر من اخ له
جابت منه بنتين نوال ماخذه من طيبت امها وحلاوه عماتها بيضاء وشعرها طويل وكثييف عمرها 21
وعبير كل حياتها روحات وجيات ومره صادفت عبدالله وتعلقت في حبه وهو مثل ومن بعدها صار يطنش زوجته ليما ملت وراحت بيت اهلها عبير مره حبوبه وعمرها ماتعرضت لحد بس حبها لعبدالله يخليها تسوي اي شي عمرها 19








\ \ \ \ \ \ \ \ \ \
البارت الاول والثاني ...
\ \ \ \ \ \ \ \ \ \









ام عبدالله بضيق : بس هاذا ابوك ويبيك تزورينه على الاقل في الاسبوع مره
فجر وقربت تبكي : بس انا ماحب اروح بيته ولا اشوف نظرات اولاده لي وكاني مجرمه
ام عبدالله بحنيه : بس ابوك هالمره غير معصب ويقول اذا ماجيتي راح ياخذك بالقوه
فجر تمسك يد امها بترجي : يمه والي يعافيك سوي شي انا مابي اروح عنده
عبدالله : فجر انتي لازم تروحين لبوك لو مجرد ساعه
فجر دمعت عيونها وقامت تجهز اغراضها ام عبدالله بكت : الله لايوفقك حتى وانا بعيده عنك معذبني
فجر دخلت غرفتها كانت اقل من عاديه صغيره يادوب تكفي الاثاث فتحت الدولاب وطلعت لبس متواضع تنوره سودا نص الساق مع بدي كم حيران تفاحي وشبشب تفاحي رفعت شعرها بكليب تفاحي بعد ماسمعت صوت الجرس عرفت انه ابوها على طول لبست عبايتها وطلعت شافته سواق مااستغربت لان ولا مره جا لها ابوها بنفسه فتح لها السواق الباب وصار يمشي لطريق غير طريق البيت فجر بخوف : هي انت وين بتروح
السواق فادي : يامدام الشيخ صقر طلب مني اوصلك لشاليه
فجر بخوف : كذاب
فادي : كلميه وتاكدي بنفسك
فجر مامعها جوال وسبق وان عطاها ابوها بس ترفض منه اي شي : خلاص صدقت
وصار يمشي فيها لين وصلو الشاليه فجر اهتالت من كبره قبل ماتدخل سمعت اصوات وباين انه مليان قرت المعوذات ودخلت قابلتها عمتها وهي اكثر وحده ترتاح لها اذا زارت ابوها منال : حي الله فجروه تفضلي
فجر سلمت عليها : عمتي من فيه
منال بكامل اناقتها لابسه بنطون اسود وبلوزه كم واحد سوكري ورافعه شعرها : فيه عائله ابو فيصل
فجر بتوتر وهي تفصخ عبايتها : ومن هاذولي
منال تطالع لبسها سحبتها لغرفه النوم : تعالي اعطيك من لبس رنا مايصير لبسك مايواجه
فجر : لالا انا مارح اغير واذا مااشرفك لا اطلع احسن
منال بعتاب : انتي وش تقولين انا مابيهم يتكلمون عليك هاذا كل قصدي ويلا بلا دلع بدلي
فجر خذت اللبس بغير اقتناع ودخلت الحمام تبدل كان فستان كلمه عاري شويه عليه احمر نص الفخذ توب ومع ورا طالع طل ظرها وفيه كرستاله لبست وطلعت شافت منال نتتضرها منال : اوو ولله طالع عليك احلى من رنا بكثيير
فجر بخجل اول مره تلبس لبس عاري : مشكوره
منال طلعت اكسسوار ناعم ورفعت وسسشورت شعر فجر : اسم الله عليك اقري على نفسك قبل تنزلين
فجر تطالع نفسها بكل ثقه جمالها غير طبيعي كل شي فيها حلو يجذب وكثيير الي يقولونه منال : ندري انك حلوه وتطيرين العقل يلا تعالي ننزل
فجر تطالع نفسها : انزل كذا
منال تسحبها : اي يلا تعالي
نزلت منال وهي ماسكه فجر دخلو الصاله وكانت كل الانظار على فجر وجمالها الساحر ام فيصل متننحه وتهمس لبنتها : معقوله كل هاذا جمال ولا مسويه في نفسها شي
بنتها ريم : لا ولله يمه جمال ماشاء الله
فجر جلست بعد ماسلمت على الكل ام نواف بغيض : من معدلك اليوم صايره بنت عز
فجر طارت عيونها صح هي متعوده على كلام مرت ابوها بس مو قدام الناس رنا اختها بهمس : يمه نفس فستاني
ام نواف : لازم تكبينه بالزباله
ريم رحمتها قربت منها : كيفك
فجر رفعت نظرها : انا بخير وانتي اخبارك
ريم ابتسمت وهي تشوف البرائه بعيون فجر : انا تمام بشوفتك
فجر : الله لا يغير عليك
ريم : انتي باي مستوى
فجر : السنه الي راحت تخرجت
ريم : امبي مابين عليك ماشاء الله
فجر : لا يغرك عجوزه
ريم : لا بدري شباب انا بالمستوى الثاني
فجر : الله يوفقك
ريم : اجمعين تصدقين من اول ماشفتك دخلتي قلبي
فجر : شعور متبادل
ريم : انتي ليه ماتجين للجمعه دايم ولله اطفش مافيه احد اسولف معه حاولت كثير اتقرب من اختك رنا بس وسكتت
فجر : رنا شايفه نفسها واظن من كثر ماهي مغروره ماعندها صاحبات
ريم متفاجاه من كلام فجر على اختها : انتو بينكم شي
فجر : رنا اختي بس على الورق
ريم : ولله انا اتمنى يكون لي اخت مثلك انتي ورنا كبر بعض
فجر : بس انا ماعمري حسيت رنا اختي
ريم : الله يهديها ولا فيه احد يحصل اخت مثلك
فجر ابتسمت : تسلمين ولله
منال : اوو الصبايا خذو على بعض ونسونا
ريم : لا حشاء من ينسى منوله
منال : لا كبرت على منوله شوفي بنتي عروسه وانتي تقولين منوله
نجد : الله لا يقوله وش عروسه بعد يمه
فجر ضحكت : نجد لو تزوجتي من بكرا بيجيبك لبيت اهلك من هالشطانه
منال : لا وانتي الصادقه بيوم عرسها بترقا فوق الدولاب ذابحتني ماتخلي شي بحاله حتى الدولاب وصلت له
نجد : وش اسوي من الطفش
فجر : تبين الصدق تذكرني بفرح اختي مثل شطاتها اخر مره مصحيه اخوي عبدالله بكاس مويه
ريم : اووف ياعمري عليه تروع
فجر : تروع وبس انا حسبته انجن
نجد : هاذي البنت السنعه مو استغفر الله ياربي دلع ومادلع
ريم ترفع جوالها : هلا فصول
فيصل : اصغر عيالك انا تقولين لي فصول يلا مامليتو انا بطلع
ريم : ولله الجلسه اليوم غير شكل مع فجور بليز خلنا شوي
فيصل : من فجور
ريم : فجر بنت ابونواف من زوجته الثانيه
فيصل : اها اجل يلا قدامك نص ساعه
ريم : اوكي يلا باي وسكرت
نجد : عشتو الجلسه صارت حلوه عشانك يافجير شكلي بكرهك
فجر كشرت : لا تكفين حبيني ماجاني من حبك الا الروعات كل يوم هابلتني في مكان
نجد ضحكت : محد قالك صيري حلوه اذا خفتي
ريم : اسم الله عليها ترا مو زين تهبلين فيها
نجد : بدينا دفاع
فجر : ماعليك منها فديتها
ام فيصل : يلا نشوفكم على خير يلا ياريم اخوك ينتظرنا
فجر : مو قلتي له يصبر شوي
ريم : مادري عنه مطيور مادري على ايش يلا غيرها بغيرها خلينا نشوفك تعالي الشاليه المره الثانيه
فجر : مادري بينا الو
ريم سجلت رقمها : هاذا رقمي
فجر خذته وسلمت عليها : يلا بايو
ريم : بايو نجووده
نجد : بايات
فجر تطالع الساعه : يو تاخرت الساعه ثنعش
نجد : تلميح عشان تروحين
فجر ضحكت : ياعيني على الي فاهمتني
نجد : بالاول سلمي على ابوك
فجر : نجود عطيتي جوالك بكلم ابوي
نجد مدت لها : مادري انتي وش ناقصك الي مثلك عندهم بدال الجوال عشره
فجر : ماتبين تعطيني لا تقولين هاذا الكلام
نجد : عليك تفكير كلمي لا يجيك كف
فجر ضحكت واتصلت على ابوها : يبه وينك باسلم عليك لاني تاخرت على البيت
ابونواف : تعالي قسم الرجال مافيه غير انا ونواف اخوك
فجر : اوك وسكرت مشكوره نجوده
نجد سحبته : العفو
فجر طلعت لقسم الرجال : السلام عليكم
نواف : هلا ولله بفجر القاطعه
فجر سلمت على ابوها وبعده اخوها : لهاذي الدرجه واحشتك
نواف : واكثر
فجر : كذاب لا تسال عني ولا تكلمني
نواف يصرف : مشاغل
ابو نواف : اليوم بترجعين معانا الفله مافيه روحه بيت امك
فجر : بس انا ماعرف انام غير هنا
لحضه صدمت الكل مصدوم من دخول فيصل تفاجا الكل فيصل متنح بفجر ماقدر ينزل عينه بعدها حس على نفسه وطلع نواف لحقه : امر عسا ماشر وراكم رجعتو
فيصل مستحي من الي صار بس منظر فجر مافارقه : ولله مادري وش اقول بس ولله ماكنت اعرف ان فيه احد
نواف : لا ولو ماصار الا الخير امر وش بغيت
فيصل : نسيت جوالي
نواف : دقايق واجيبه لك دخل وجابه وعطاه رجع وشاف فجر تبكي
نواف بخوف : وش فيك
فجر : مابي ارجع معاكم
نواف : افا كل هالدموع عشان بس ماترجعين معانا احنا اهلك مو اغراب
فجر ضمته : انت ماتدري وش بخاطري يانواف
نواف رحمها وصار يمسح على شعرها : خلاص انا بحاول في ابوي يخليك على راحتك بس من اليوم ورايح ماتطولين علينا وتجينا بين فتره وفتره
فجر تمسح دموعها : ان شاء الله
نواف : يلا يالدلوعه لا تبكين مره ثانيه وتطيحين قلبي على شي تافه
فجر راحت قسم الحريم وقبل ماتدخل سمعت منال تقول : رنا هي اختك ومافيها شي اذا لبست فستانك هي ماتدري فيه ناس اغراب
رنا بقرف : تدرين اني مااعتبر فجر اختي عشان كذا خلي كلامك لنفسك والفستان الي عليها تفسخه وتكبه في الزباله لاني مابيه من بعدها
ام نواف : اي وانتي الصادقه مابقى الا بنت الفقر تلبس من لبسك
رنا ابتسمت بغرور : تخسى الا هي
نجد بقهر : رنا مااسمك لك تقولين عن فجر كذا
رنا : نجد الظاهر ماله داعي نخرب علاقتنا عشان بنت تافهه
نجد : اذا هي تافه انتي وش تصيرين
ام نواف : يامنال سكتي بنتك لا اسكتها بطريقتي
منال : بنتي ماقالت الا الحق
فجر صارت دموعها تنزل هي وتظن نفسها هي سبب كل هالمشاكل الي بينهم ركضت للغرفه وبدلت لبسها ولبست عبايتها وطلعت سمعت صوت ابوها بصراخ : انتي ماتفهمين وش قلت لازم اعيد كلامي
فجر مالفت له وهي عازمه ماتجلس : يبه لا تضغط علي مابي اجلس واوعدك كل يوم خميس اكون عندك
ابو نواف : لا هاذا النظام لازم يصير بس كل خميس تروحين لامك
فجر بصدمه : اييش
ابو نواف : الي سمعتيه ويلا ادخلي الشاليه
فجر بصراخ وهي تبكي : مستحيل
ابو نواف عطاها كف ومسك شعرها : صوتك مايتعلى علي
فجر وهي تبكي : مابي انت دايم طالع حتى لو اجي زياره يعني وش بفيدك فيه ولا تدري مرتك وبنتك وش يسوون فيني
ابو نواف رفع يده يعطيها كف بس نواف مسكه : يبه اذكر الله وفجر بتجي معانا ومايصير خاطرك الا طيب
فجر : مارح اترك امي واخواني واجي اعيش عندكم
نواف بعدها عن ابوه وصار يهديها : فجر انتي عارفه ابوي اذا عند تعالي اليوم وبكرا اكلمه
فجر بعد ماهدت : عطني جوالك بكلم امي
نواف قرص خشمها : اوك
فجر خذت منه واتصلت على امها : يمه اليوم بنام عند ابوي
ام عبدالله بخوف : ليه
فجر: يمه بكرا انا برجع بس اليوم نجد بتنام وقلت اجلس معاها
ام عبدالله : اشوى خوفتيني
فجر : اسم الله عليك يلا مااطول عليك
ام عبدالله : تغطي زين ولا تنامين قبال المكيف
فجر : من عيوني
ام عبدالله : يلا مع السلامه
فجر مدت له الجوال : مشكور
نواف : العفو يلا قولي لمي نبي نمشي البيت عمتي راحت مابقى الا احنى
فجر بعناد : انت تعال معاي
نواف فهم قصدها : اوكي ودخل هو وياها يلا يمه رنا
رنا وهي تشوف فجر ماسكه يد نواف : مو طاير نواف
فجر طالعته وابتسمت : لا بيطير
رنا بغرور : والله انتي ماتنعطين وجه
نواف : لا هاذي حبيبت اخوها يلا يمه وش فيك
ام نواف : نواف انا خطبت لك بنت خالتك نوال
نواف : اييش
ام نواف : الي سمعته وقامت تلبس عبايتها هي ورنا
نواف : انتي خطبتي وانتي تحملي الفشيله وطلع
ام نواف من القهر ماقدامها الا فجر جت لها وضربتها كف : انتي جلستي معاه وعبيتي راسه علينا
فجر بصراخ : انا شدخلني مثلي مثله توني اعرف والله لا يلومه اذا رفض
رنا قربت : هي هي انتي من تكونين عشان تعلين صوتك على امي
فجر : اكون فجر بنت صقر مثل مانتي رنا بنت صقر
ام نواف : انتي فجر بنت الفقر ولا تفكيرن في يوم من الايام بتكونين مثل بنتي
فجر ضحكت وهي تاشر على الشاليه : الحين اذا كل هاذا وبنت فقر اجل شلون الغنى عندكم
ام نواف بقهر ماتدري وش تسوي مالقت غير انها تسوي نفسها طايحه : اااه الله ينتقم منك ابو نوااف
رنا عرفت انها كذبه وحبت تساعد امها ركضت لبوها وهي تبكي : بابا الحق فجر ذبحت ماما رمت على الارض
ابو نواف ركض ودخل وهو يشوف ام نواف تمثل ماسكه راسها : انا وش سويت لك كل هاذا عشاني نصحتك وقلت لك البنت مالها الا بيت ابوها
ابو نواف توجه لفجر وطاح فيها ضرب : يالي ماتستحين بغيتي تموتين الحرمه هاذا جزات المعروف
رنا وهي تطالعها وتبتسم : اي ولله يبه كانت بتروح امي لولا ستر الله
فجر بين يدينه من الصدمه مانزلت منها ولا دمعه تشوفه يضربها بكل قوته ومستسلمه له بعد لحضات ام نواف قامت : عشاني يابو نواف بتموت اتركها
ابونواف : ياكبر قلبك ياحصه هاذا وهي باغيه تموتك
فجر وجهها ورم وشعرها تحسه كله طاح مو قادره تشيل نفسها ابو نواف سحبها وركبها السياره ورنا وام نواف رحقوها وهم يضحكون
فجر ركبت السياره وهي تشوف حتى نواف اقرب شخص لها من اهلها نساها يوم عرف عن خطبت امه يشوف ابوه يسحبها وساكت صارت تدمع عيونها بصمت وتشوف رنا وامها كيف فرحانين وابوها نسا انه توه ضاربها ويضحك معاهم




في بيت صغير لاكن القلوب عند بعضها
فرح على السرير بزعل: يعني يمه فجر مارح تجي
ام عبدالله : لا الله يحفظها
عبدالله : يووه شلون البيت بيصير من دونها متى بترجع
ام عبدالله : تقول بكره بترجع
فرح : اوف شلون بنام الحين وهي مو بالغرفه
عبدالله : الحين كل يوم تهاوشين معاها يوم راحت تقولين كذا
فرح : مو انت ماتعرف الهواش معنى الحب
عبدالله : ابو تفكيرك مطينه عيشتها معنى لحبك لها
ام عبدالله : اتركنا من منها متى بترجع زوجتك ولله مو زين الي تسويه قاطها في بيت اهلها لا مطلقه ولا متزوجه
عبدالله : اوو لا تذكريني
ام عبدالله : لا مو على كيفك ترجعها بكرا ولا غضبتك عليك
عبدالله يبوس راس امه : لا يمه وش تغضبين كل شي ولا غضبك
ام عبدالله : اي قص علي بس بكرا بنروح لهم وتاخذها
عبدالله : يمه هي رايحه واروح اجيبها
ام عبدالله : هي ماراحت الا يوم شافت الضيم منك
عبدالله : يمه وش اسوي اذا القلب ماحبها
ام عبدالله : مهما قلت الحق عليك والله لا يلومها اذا ملت منك وراحت
عبدالله يصرف : يمه اليوم سهرانه وش عندك
ام عبدالله تهز راسها باسف وهي عارفه انه يصرف انسدحت : وي تبي يجيني النوم واختك عند هالي ماتخاف الله

حـطام انثـى 18-04-2011 01:05 AM

رد: صرنا سوات الي مشى فوق مسمار مشيه عذاب ووقفته مستحيله
 
فرح : يمه والي يعافيك لا تفكرين وانتي عارفه فجر لو ماهي عاجبتها الجلسه ماجلست
ام عبدالله : ان شاء الله تكون عاجبتها طفي النوم وانا امك
فرح طفت النور : عبيد قم غرفتك بننام ماتفهم طرتك بطريقه غير مباشره
عبدالله ضحك وقام لغرفته شاف اتصال من نصفي الثاني ضحك واتصل ردت عبير : الو
عبدالله : هلا بهصوت اخبارك
عبير : تمام وانت اخبارك
عبدالله : متعكر مزاجي اليوم امي رجعت تذكرني بالعله
عبير : لايكون بترجعها
عبدالله : الظاهر كذا
عبير : لا عبودي انا ماصدقت تصير لي ملكي
عبدالله : ااه ماتدرين وش كثر انا تعبان
عبير : اسم الله عليك م التعب
عبدالله : وانا ابيها ترجع على الاقل لمده اسبوع واطلقها انتي تدرين مالمستها ولو بتتزوج وش بيقولون عني
عبير والغيره تحرقها : لا مستحيل اخليك تلمسها
عبدالله : بس هاذا شي غصب عني انتي قلبي وروحي وكلي بس هي زوجتي وهاذا حق من حقوقها لو ماطلبت
عبير : اووف
عبدالله : لاتزعلين يانظر عيني
عبير بكت : شلون ماتبيني ازعل وانت تقول هالكلام
عبدالله بخوف : عبورتي خلاص لا تبكين بطلقها وماعلي من كلام الناس عني اهم شي انتي
عبير : لا انت لازم تسوي الي قلته كل شي ولا احد يتكلم عنك
عبدالله ابتسمت : احبك احبك احبك
عبير مسحت دموعها : وانا اموت عليك
زياد يطق الباب عبدالله : اخوي زياد عند باب الغرفه اكلمك بعدين وسكر
زياد : اوو وانت ماصدقت امي قالت لك بترجعها اتصلت عليها
عبدالله ضحك زياد : ها ان شاء الله وافقت
عبدالله : على وشك
زياد : الحمد لله وانسدح يعني بتفكنا منك وترقد بشقتك
عبدالله : ايه بريحك
زياد انسدح : تصدق عرفت لي بنت ولا كل البنات غنيه وحلوه تهببل
عبدالله : وين شفتها
زياد : شفتها قبل امس بالمجمع تصدق هي وخويتها جو لي اول مره ادري اني اهبل
عبدالله ضحك : اي وش بعد طلع فضايح
زياد غطى وجهه : وبسس يلا خلني ارقد اسكت ولا روح بيتك
عبدالله : ولله زمن في كل مكان انطرد
زياد ضحك وهو مغطي وجهه والكل نامت عيونه ماعدا فجر كات جالس في البلكونه وشعرها يتطاير مع نسمات الهوى البارد ودموعها ماليه عيونها لين ما طلعت الشمس دخلت الغرفه واخذت لها شور بارد عسا يخفف الالم الي بداخلها وطلعت فتحت الدولاب ملابس غير الملابس الي متعوده عليهم كلها عاريه ولا فخمه طلعت لها تيشرت اسود كت مع بنطلون سكيني اسود وشوز اسود كحلت عينها بكحل اسود رفعت شعرها ذيل حصان وطلعت غرتها الي طالت الى نهايه وجهها حطتها على جنب تغطي فيها اثار الكف نزلت وهي تسمع صوت ابوها يسولف مع رنا تمنته يوم يكلمها باسلوب ويحن عليها مثل مايحن على رنا جلست وقام ابونواف : انا طالع الشركه مع السلامه وطلع ام نواف على طول طالعت فجر : وش هاللبس كانك رايحه عزا
فجر طالعتها بقرف : جلوسي بينكم هو العزا بعينه وقامت للحديقه
رنا : وطال لسانها بعد
ام نواف : انا لازم اغير راي ابوها واخليها يرجعها لعشتها
رنا : مو قبل مانخليها تكره نفسها
ام نواف ضحكت : وهاذي هي عندك تونسي فيها يامي
رنا قامت للغرفه بعد مارن جوالها ردت : هلا وغلا معقوله زيودي يتصل فيني
زياد : اي متصل فيك اخبارك
رنا : اكيد بكون بخير دامك متصل فيني وانت كيفك
زياد : انا تمام
رنا وهي ذايبه : دوم يانظر عيني
زياد :رنوي انا مشتاق لك
رنا : وانا اكثر
زياد : وش رايك تجين للكرنيش ميت من شوقي نفطر سوا
رنا بفرحه : اوكي ولايهمك كلها نص ساعه وانا هناك
زياد وهو يدور له لبس : اوكي يلا انا سابقك باي
رنا : باي وسكرت وعلى طول راحت فتح دولابها وطلعت تنوره فوق الركبه جينز ضيقه مع بدي توب طالع ربع بطنها اسود وشوز اسود مع سلاسل لولو ابيض وساعه جيفنشي بيضاء وقلوس صارخ احمر ولبست عبايه كانها فستان مخصره على جسمها ومبينه تفاصيله وتحجبت وطلعت وهي نازله : مامي انا طالعه مع وحده من البنات تبين شي
ام نواف وهي تاكل فواكه وتطالع التي في : لا ياماما
رنا طلعت ام نواف رن التيلفون وردت : هلا بختي
ام نوال : هلابك اخبارك واخبارك العيال
ام نواف : بخير عساك بخير وانتي ونوال وعبير اخباركم
ام نوال : بخير كلهم ويسلمون عليك
ام نواف : ها وش قالت نوال بالموضوع
ام نواف ابتسمت : وهاذا انا متصله ابشرك وافقت
ام نواف بفرحه : ولله
ام نوال : اي
ام نواف : الله يبشرك بالخير من بكره ابو نواف جاي لكم يخطبها رسمي من ابوها
ام نوال : على خير يلا مااطول عليك مع السلامه
ام نواف : مع السلامه وسكرت
نوال دخلت غرفتها وهي ميته من الفرح : واخيرا بتزوج حب طفولتي عبير حلمي تحقق ونواف طلبني يعني يحبني مثل مانا احبه
عبير فرحانه لختها : الله يتمم على خير وعساني اشوفك في الكوشه
نوال ضمتها : عقبالك يادوبا
عبير اول شخص جا في بالها عبدالله : ليه لا ان شاء الله
نوال ضحكت : توقعين من متى يحبني
عبيير : اممممم مادري بس لو مو ميت عليك ماطلبك
نوال : وااي مو مصدقه
عبير طقتها : بس عيب عليك
نوال : خليني الحين مو مصدقه وربي نواف عمره ماحسسني انه يحبني ولا حتى بكلمه
عبير : اهم شي يحبك
نوال : صادقه

نخلي نوال وفرحتها ونروح لفجر وهمومها

فجر كانت تهز نفسها بالمرجيحه وفكره تجيبها وفكره توديها معقوله ابوي يرضا ارجع اسكن عند امي مثل قبل او صح انا لي الحين ماكلمتها دخلت البيت وشافت ام نواف مو في الصاله على طول راحت لتيلفون وسجلت الرقم واتصلت على امها : الو يمه
ام عبدالله : فجر حبيبتي اخبارك ليه ماجيتي
فجر نزلت دموعها يوم سمعت صوت امها : يمه مااضن اني برجع مره ثانيه اسكن معاكم
ام عبدالله بخوف : وش تقولين من قال هالكلام
فجر بكت : ابوي
ام عبدالله بكت معاها : لا تخافين راح ترجعين عندي ومارح يقدر ياخذك بس لا تبكين
فجر مسحت دموعها يوم شافت ام نواف جت وعلى وجهها ابتسامه ام نواف سحبت السماعه : لا تفكرين ان فجر بترجع وتعيش معاك وسكرتها
فجر بصراخ : ليه تقولين لمي كذا
ام نواف ابتسمت : لانك بتجلسين طول عمرك مذلوله هنا
فجر عطتها كف : ماعاش من يذلني انا مو جالسه بحلال ابوك واظن في بيت ابوي وانا الي بعاندك واجلس على قلبك بعد
ام نواف بنظرات كره ردت لها الكف : وتمدين يدك بعد مافادك ضرب ابوك امس
فجر : قلتيها كل شي من ابوي جربته يعني ماصرت اخاف من اي شي بيجيني منه ورقت فوق تاركه ام نواف تغلي







في مكان ثاني في بيت ابو فيصل

فيصل بغرفه ريم : ريمو ماقلتي لي فجر امس وش كانت لابسه
ريم : وانت وش عليك
فيصل : لابسه فستان احمر
ريم طيرت عيونها : وش دراك
فيصل : مالك شغل بعد انتي بالاول تجاوبيني على اسئلتي واقول لك
ريم بفضول : يلا قول اسال
فيصل : كم عمرها
ريم : السنه الي راحت متخرجه
فيصل : حلو هي وين ساكنه
ريم : عند امها بس تزور ابوها كل فتره وفتره
فيصل : اها طيب وراح
ريم بصراخ: فصول ماقلت لي شلون شفتها
فيصل : مالك شغل ونزل عند ابوه تحت يبه
ابو فيصل وخر الجريده : هلا يبه
فيصل : انا قررت اتزوج
ابو فيصل : هاذي الساعه المباركه الي اشوفك فيها معرس
فيصل : وابي امي تخطب لي فجر بنت صديقك ابو نواف
ام فيصل بفرحه : اخطبها ليه لا هي بنت والنعم فيها ومن ثوبنا جميله وانيقه حتى اسلوبها يميزها عن اختها المغروره
فيصل : الله الله كل هاذا فيها ولا بس عشاني بتزوج تبيني مااغير رايي
ام فيصل : لا ولله لو شايفه عليها شي كان قلت لك
ابو فيصل : وانت شلون عرفت اسمها
فيصل شاف ريم نازله من الدرجه ولصقها فيها : ريم تكلم لي عنها وعرفت اسمها
ابو فيصل : اجل انا بطلبها من ابوها مو غريب ابو نواف مثل اخوي
ام فيصل : ريم انتي كل امس جالسه معاها شفتي عليها شي مو زين
ريم وهي تجلس : هالبنت حبوبه ومااعتقد فيه بنت بجمالها متواضعه كثرها
ام فيصل : على الله توافق
فيصل قام كل شي ولا احد يقلل منه : هي تحصل فيصل يخطبها تحمد ربها وطلع
ريم : هاذا ولدك لو يترك غروره كان هو بالف خير
ابو فيصل من فرحته على طول اتصل على ابو نواف : هلا ولله كيفك
ابو نواف : حي الله الغالي انا بخير وانت وش مسوي
ابو فيصل : ولله بخير كيف الشغل والاسهم
ابو نواف : الحمدالله كل شي تمام
ابو فيصل : الحمدالله جاي اطلبك وعلى الله ماتخذلي
ابو نواف : ماعاش من يخذلك يابو فيصل اطلب عيوني امر
ابو فيصل : تسلم ولله مو غريبه عليك انا مارح القى احسن من نسبكم وولدي فيصل كبر ويبي له الزوجه بنت الحلال وانا اطلب يد بنت فجر لولدي فيصل وش رايك
ابو نواف بفرحه : تسالني وش رايي انا اعد فيصل مثل ولدي وعارف اطباعه واخلاقه مايبي لها كلام وفجر مارح تلاقي احسن منه رجال
ابو فيصل : والنعم فيك وانا ولله ودي يصير كل شي بسرعه ابي افرح بولدي
ابو نواف : ولا يهمك خذها مني فجر لفيصل
ابو فيصل : على خير وكملو سوالفهم بالشغل والشركه



من بعيد كانو ثنائي لا يجمعهم زواج جالسين يطالعون البحر زياد : تدرين وش اكثر شي احبه
رنا بثقه : انا صح
زياد ضحك بداخله لانه كان بيقول البحر : اكييد انتي
رنا قربت منه زياده وبجرائه ذوبت زياد مسكت يده : وانت احسن شي صار بحياتي لي الحين
زياد سحبها معاه السياره : كذا ناخذ راحتنا احسن
رنا ضحكت ضحكه خلت زياد يذوب زياده زياد قرب منها وفسخ طرحتها وطاح شعرها على وجهها
رنا مسكت يدينه وهي تطالع عيونه : الحين احد يشوفنا
زياد قرب زياده وباس شفتها ورنا ماعارضت شوي ومرت سياره على طول بعدت عنه رنا : سوري قلبي الحين لو احد شافنا ولله فضيحه
زياد مو قادر يمسك نفسه شغل السياره وراح عند عماره شقق رنا وهي خايفه وزياد يسحبها فتح الباب ودخلها رنا شوي وتبكي : زياد وش تسوي
زياد يقرب منها ويفسخ بلوزته ورنا تبعد وقلبها بيطلع من مكانه من الخوف زياد رماها على السرير وصار يبوسها وهي تبعده ووووووو
بعد لحضات رنا لافه نفسها بالمفرش وتبكي زياد مايدري وش سوا طلع وتركها بشقه الي كانت لمجموعه من اصدقائه مسافرين ومعاه المفتاح رنا بصعوبه قامت وكل جسمها يعورها وحاسه الدنيا تسكرت بوجهها لبست ملابسها وطلعت ماتدري وين تروح صارت تبكي عند باب العماره جالها رجال برحمه : وش فيك ياختي
رنا بخوف بعدت عنه صارت تخاف من كل الرجال : بعد عني
الرجال بستغراب من حالها دخل ومازال يسمع صوت بكائها رجع وشافها مغمى عليها بخوف شالها وركض فيها على السياره يطالع القلوس حقها كيف محيوس اشمئز منها وعرف ليه هي تبكي وملابسها فيها بعض الشقوق وصلها اقرب مستشفى وعلى طول دخلوها غرفه العمليات لان معاها نزيف طلع الدكتور : انت زوجها
الرجال مو عارف وش يقول : اي خير وش فيها
الدكتور : انت ماتخفش ربك هي لسى بنت ليه تعمل فيها كدا حتى لو امتنعت تعال ليها بطرق تانيه
الرجال : بسس
الدكتور : هيا دلوئتي صاحيه وبصحه مستقره بسس ماتضغطش عيها وراح الرجال بفضول يعرف قصت رنا دخل عليها وشافها متمدد في السرير وتبكي بكاء يقطع القلب رفعت نظرها له : ليه ماتركتني اموت لييه
الرجال : استغفري ربك واحمديه انك رجعتي للحياه تتوبين وترجعين لربك عن الي سويتيه
رنا : صدقني ولله ماجيت برضاي
الرجال : انا شخص حبيت اسوي خير وماتهميني هاذا الكلام قوليه لهلك وجا بيروح مسكت يده
رنا بصوت مبحوح وعيونها تدمع : لاتخليني وربي ماادري شلون اكلم اهلي واقول لهم عن الي صار
الرجال جلس مايدري شلون ماقدر يتحمل يشوف دموعها : خلاص لا تبكين
رنا : شلون تبيني ماابكي وانا موو وسكتت
الرجال : طيب شلون صار كذا
رنا قالت له كل شي ياسر : انتي الغلط راكبك من فوقك لتحتك ليه تسوين كذا ماتدرين ان البنت مثل الثوب الابيض لو جاه نقطت عبر توصخ كله
رنا وهي مازالت تبكي : ادري اني غلطانه وندمانه بعد
ياسر : بس الندم مايفيد الحين بعد ماصار الي صار
رنا : انا مو قصدي يصير كذا
ياسر : ليه تروحين معاه من الاساس دخل الدكتور وشاف رنا تبكي يااستاز خليها براحتها زوجتك محتاجه راحه
رنا طالعته وياسر على طول وخر عينه من عليها رنا : لا دكتور خله
الدكتور طلع اما رنا : انا تعبتك معاي الحمدلله الدنيا بعدها بخير وفيه رجال مثلك ينشد فيهم الظهر
ياسر مازال موخر عينه من عليها مايبي يتعلق فيها زياده ياسر : والعمل الحين شلون تتصلين باهلك
رنا بخوف : اهلي
ياسر: اي اهلك
رنا رجعت تبكي : لا مابي اشوفهم ولله يذبحوني
ياسر : بس لازم ترجعين بيتك ولا تمين بالشارع
رنا : الشارع اهون من اني ارجع
ياسر : لا اكيد منتي صاحيه وطلع جواله عطيني الرقم حق البيت
رنا بخوف : لالا انا بتصل ومد لها الجوال واتصلت ردت عليها فجر
فجر : الو
رنا بخوف وباين على صوتها البكي : فجر
فجر : اي رنا شفيك
رنا : وين امي
فجر : طالعه ومافيه احد بالبيت رنا شفيه صوتك
رنا حست بصوت فجر الحنيه بكت : فجر انا بمصيبه
فجر بخوف : رنا لا تبكين وفهميني حبه حبه
رنا : تعالي عندي الحين
فجر : اوكي وين انتي
رنا طالعت ياسر : وين اي مستشفى
ياسر يشوف الخوف في عيونها حسافه هالعيون تخاف وخر هالافكار من باله : مستشفى .......
رنا : ال ....... بسرعه والي يعافيك
فجر على طول طلعت لبست عبايتها وكلمت واحد من السواقين وراحت لها وهي ميته من الخوف وصلت المستشفى دخلت عليها وهي ميته من الخوف : رنا انتي بخير
رنا بكت : لا وين الخير وين انا يافجر
فجر تطالع ياسر : من هاذا
ياسر طلع رنا وهي تبكي : لا تطلع ياسر ماسمع كلامها وطلع وقف عند الباب
فجر ماتدري وش السالفه : رنا قولي لي وش فيك
رنا قالت لها كل شي فجر مسكت راسها : لا بالله مايخاف ربه وينه الحين
رنا تبكي : راح وتركني
فجر : مامعك رقمه
رنا عطتها وفجر اتصلت على فكره فجر شرت جوال تفاجات هالرقم رقم اخوها زياد طاح منها الجوال زياد
رنا وعيونها مليانه دموع ك شعرفك بسمه فجر بكت : هاذا رقم اخوي
رنا بصدمه : ايييش
فجر ودموعها تنزل : اي رقم اخوي
رنا : كلميه خليه يجي
فجر رجعت تتصل فيه ويدينها ترجف من الصدمه رد زياد وباين على صوته التوتر : هلا فجر
فجر : الله لا يهلي بك انت وش سويت قول وش سويت
زياد بخوف : انتي عرفتي
فجر بكت : شلون ماتبيني اعرف وهي اختي اختي ياحماار
زياد بصدمه : اختك
فجر : تصدق هاذا اخر شي كنت اتوقعه من واحد من اخواني وسكرت
رنا وهي تبكي : مو وقت زعلك عليه الحين اهم شي يجي يطلبني
دخل ياسر وهو يسمها تقول كذا : لا مستحيل تتزوجين واحد ماحافظ عليك قبل الزواج يحافظ عليك بعده
فجر : انت ساعدتها وجزاك الله خير بس مالك حق تمنعها من انها تستر على نفسها
ياسر : انا مستعد اتزوجها ولا تتزوجه
لحضه صمت رنا وفجر وياسر بعد انصدم من انه نطق هالكلمه بس حس شي يغلي بداخله حس هالبنت ملك له وبس
رنا تطالع فجر وفجر متنحه كل شي جا مع بعض ماعاد قدرت تفكر ياسر : وش قلتي
رنا تطالعه : وش تبيني اقول يعني اكيد موافقه
فجر مسكت يدها وابتسمت رنا ردت لها الابتسامه اما ياسر حس بفرحه مع انه المفروض مايقوله
فجر : بسس انت باين عليك كبير
ياسر ناظرها نظره خلتها تبلع لسانها : الي في مكانكم المفروض مايتشرط
رنا تطالع فجر بترجي : انا قابله فييك
ياسر : انا عمري 37 متزوج وعندي بنت وولد وزجتي متوفيه الله يرحمها ابيك تحطين جوري وعمار بعيونك
رنا هزت راسها بايه فجر : طيب ممكن اسمك الكامل
ياسر : ياسر عبدالرحمن ال.......
فجر : رنا بنت ال ........ وبيتنا الكل يعرفه
ياسر فتح عيونه : رنا ال.......... بنت الشيخ صقر
رنا وهي تبكي : ايه بنته
ياسر ابتسم : بس فرق بينكم انتي متغطيه واختك لا
فجر : حريه شخصيه واعتقد مالك الحق تكلمني
ياسر : الله الله لهاذي الدرجه تخافون من الشببه ولله توني ادري
رنا : ياسر اختي مالها اي ذنب كل هالحق علي واذا انت ماتبي تتزوجني او مو مقتنع كيفك
ياسر : ادري كيفي بس انا مصر على رايي وراح اكلم ابوك واليوم بعد
فجر التفتت على رنا : يلا قومي اطلعي من المستشفى بدون محد يدري عشان مايشكون
ياسر : فنانه كانها صارت معاك من قبل
فجر طالعته خلته يسكت رنا لبست عبايتها فجر : بطلب منك طلب ولا تزعلين مني
رنا : مستحيل ازعل من اختي وحبيبت قلبي
فجر حست براحه : تغطي وربي زينت المره غطوتها
رنا ماترددت وتغطت فجر مسكتها مع يدها وراحت السواق عند الباب وصلو البيت ع المغرب زياد يتصل على فجر سافهته ارسل لها رساله ( انا مستعد اطلبها ومن اليوم ) وصلو البيت وهم في الحديقه رنا تحط بوجهها ميك اب عشان محد يحس فجر : رنا زياد يقول
رنا : فجر رجاا لا تجيبين سيره زياد قدامي
فجر : اسمعيني يبي
رنا : اذا تحبيني لا تتكلمين عنه
فجر سكتت ودخلو البيت مع بعض ام نواف : عشتو رنوي وش مطلعك من شينه الحلايا
رنا ركضت وضمت امها حست انها تبي حضنها ام نواف بخوف : رنا ماما وش فيك
رنا بكت وهي تزيد بضمتها لمها ام نواف بصراخ على فجر : وش مسويه فيها
فجر ساكته ودموعها بعيونها عشان رنا : ماما انا تعبانه فجر مالها دخل
ام نواف : لا انا متاكده ان لها شغل ولا ماجت هالدموع عبث
رنا بصراخ وهي تبكي : تركي البنت في حالها مالها شغل كم مره بقول كله مني مو هي قالت لي روحي له
ام نواف : تروحين لمين
رنا ومازالت منهاره قالت كل شي لمها ام نواف عطتها كف وسحبتها للغرفه : انتي تدرين وش يصير لو عرف ابوك
رنا وهي تبكي : اي ادري يذبحني بس هاذا الي صار وش تبيني اشوي اذبح نفسي عشان ترتاحون
فجر دخلت وعيونها تدمع : بس انتي ماقلتي لمك يوافقون على ياسر
رنا : اي يمه والي يعافيك حاولي في ابوي ادري بيقول كبير وعلى قد حاله مو من مستوانا بس هاذا الشي الوحيد الي بيستر علي
ام نواف ماسكه راسها : الله ياخذك يابنت وش سويتي فينا
فجر رحمت ام نواف قربت منها وتحاول تهديها ام نواف تفتها : بعدي عني اطلعي برا تشمتين فينا عساني اشوف فيك يوم
فجر طلعت وهي تبكي ماتدري وش تسوي كل هالحوسه اخوها السبب فيها دخلت غرفتها بس جذبها صوت ابوها وهو يقول فجر الحقيني المكتب
فجر بخوف لايكون سمع شي على طول لحقته : امر
ابو نواف : تعالي اجلسي
فجر جلست وكل جسمها يرجف : خوفتني يبه وش فيك
ابو نواف : مافيني شي بس فيصل طلب يديك لزواج وانتي مو صغيره
فجر : فيصل ؟؟؟؟؟؟؟؟؟
ابو نواف : هاذا ولد صديقي الي امس كانو عندنا بالشاليه
فجر قامت : مو مشكله رد عليهم قول انا رافضه وجت بتطلع
ابو نواف : انا رديت عليهم وقلت لهم انتي موافقه
فجر التفتت مصدومه :ليه انا متى وافقت
ابو نواف : فيصل رجال واذا رفضتيه صعب تلقين مثله
فجر : عمري ماتزوجت ولا تزوجني بالغصب انت مالك حق تزوجني غصب واذا ماتبي الفضايح در عليه وقول رافضه
ابو نواف جا بيضربها بس شاف دموعها ونزل يده : انتي دايم بطوله لسانك تجبريني اسوي شي مابيه
فجر بكت : بس انا مابي اتزوج
ابو نواف بحنيه : ليه كل بنت تبي الستر
فجر : يبه لا تجبرني على شي انا مابيه
ابو نواف : سبب واحد مقنع
فجر : السبب الاول هو انت مابي اتزوج ويجي رجال مثلك اناني مايحب غير نفسه ولا يدور غير راحته
ابو نواف بصراخ : فيه بنت تقول عن ابوها كذا
فجر : انتي الي جبرتني اقول هالكلام الي بقلبي من سنين
ابو نواف : اجل اسمعي زواج وبتتزوجين وغصبن على الي مايرضى

الزعيـ A.8K ـمه 18-04-2011 01:22 AM

رد: صرنا سوات الي مشى فوق مسمار مشيه عذاب ووقفته مستحيله
 
,’





لا تعليق !!!!
https://forums.graaam.com/395183.html#post15288525







,’


الساعة الآن +3: 04:31 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1