منتديات غرام روايات غرام روايات كامله - يتم نقل الرواية هنا بعد اكتمالها رواية من تحت سقف الشقى أخذتني / الكاتبة : نرجسيه؛كاملة
الريم العنود ©؛°¨غرامي مشارك¨°؛©

الخيره فيما اختاره الله
الظروف هي تحكمنا موب احنا نحكمها
لا حد يعلق على ظرف غيره يمكن عندها مانع
منعها انها تنزل البارت الرسول قال التمس
لاخيك سبعين عذر
وانتم عذر واحد ماتبون تلتمسوه لها
عيب عليكم


بي ستايل ©؛°¨غرامي مشارك¨°؛©

في انتظارك ياقومر

نـررجسـيھے ©؛°¨غرامي متألق ¨°؛©










اعذرونـــــي على الاخطـــاء الآملائيه




هذاا البارت


آستغفر الله

سبحان الله

لا الـه الآ الله وحدهـ لاشـــريـك لــه




الــــــــبــاارت الــــتــ19ـــاسـع عــشـر


:

قرأه ممتعه للجميع


تحياتـــي :نررجسـيه



:







في فــيــلآ الوزيــر


..كااان ناااااايم بعــمق ..واستغليت نوومه ..عشان مايشوف طيبتي لـه "وحطيت ايدي على جبينه " انصعقت من قووه حراارتـه كيــف متحمل كــيف صابرر يارعد.. يااربي وش بسووي الحين .كيف بتصررف .. رعـد حيل تعبان .. ومن قوة الحرااره وجهه يلمع بالعررق الي نزل من حراارتــه
كسـرر خاطرري شكله التعباان وجسمه الهلكاان من التعب .. حاوولـت اتصررف وانا مو عارفه وش اسووي وهو كذا منسدح ولا كيف بتصررف معاااه ..تحججت وصحيته من نوومـه ..وانا اهزه على كتفه بشويش"رعــد رعــد قوم ع السريـرر "
فتح عيونه بتعب وهو يحكهم بهدوء وقااام وراح ع السرير ونااااااام

هذا اثاار خووف سديم ..رعد مستحيييل ينااام بالثووب ..لازم ينام ببجامته المخصصه للنوم ..كذا ينام بثوبه وهو ناسي نفسه مستحيل اكيد فيه شي يالله وش فيه رعد يارب ستررك شسووي ..اناا مو قادره اتحرك رجلي ماتساعدنـي ..
طرت على بالهاا فكرره ..واخذت جوالهاا ودقت على سااره ..ومارردت

لان الكل نايم ..
دقت مرا ثانيه وثالثه

الأ ان ردت سااره اخيراا:الوو
سديم:هلاا سارونه كنتي نايمه؟
ساره:لا سهرانه اسوي اظافري ..ليه تبين شي؟
سديم:ايه والله يااسااره ياليت تجين لي بسررعه ..رعد تعباااااان حيييل وانا رجلي مو ذاك الزود تعورني مو قادره اتصرف تكفين تعالي انتظرك اوك؟
سااره بخووف:بسم الله على قلبك ياخووي شفيه! ..جايه لك بسررعه انتظرريني ..
سديم: اوكي نتظرك .


بعد دقائق وصلت ساره ودخلت عندهـم اتجهت لرعد الممدد على السرير بتعب "مررت أيــدهــاا على وجهه وهي خايفه عليه :يابعد روحي ياخووي ...حراارته مرتفعه حيل.."ولفت على سديم "..لازم اول شي يبدل ملابسه ..ونبلل وجهه بالمويه بالباارد ع الاقـل لو شوي نخفف من حرارتـه ..
سديم:طيب بجيب بيجامته من الكبت "راحت وهي تعررج على رجلهاا "

جابت البيجامه ومدتهاا لسااره
ساره بتعجب:لاوالله.!!
سديم ببرأه :شنو؟
ساره:انا طالعه تحت للمطبخ بجيب مسكن ومويه بارد ومنشفه صغيره ..على بين ماتبدلين ملابسه لـه .
سديم كان أحـد صفقها كـف: لحظه سارونـه شنو انا ابدل له ملابسه .!
ساره بتعجب من سديم:ليه مو انتي زوجته؟ اجل تبين انا ابدل له؟ وانتي لشنو زوجته أجــل؟؟؟
سديم بتوتر:هاا ايه صح بس رجلي تعورني مقدر ابدل له؟؟
ساره:ليه انتي بتغيرين له بايدك ولا برجل ..يلا سديم بسررعه اخلصي علي انا شويات واجي بسرعه بدلي لـه .."وطلعت"
سديم وهي تناظر لرعد بخوف:يااربي كيف ببدل له والله احراااااااااج ياااربي منك ياسااره ..زوجته ايه زوجته هين وانا ماحس باي شعور له انه زوجي ..اففف

قربت منه وهي تعرج جلست على طرف السـريـر رفعت الغطاء عنه ..كان يتنفس بسررعه وحركـته تزدااااد كل شوي وهذا الـي خوفهاا ووترهااا..

مدت ايدها ورفعت الثووب عنه الي مانزلته كله
وقفت شووي تتأمـل رشاقته وفتنه جسمه الممشوق والمفتول بالعضلات البارزه والي تزيد من وسامتـه ..

لحظات وكرهت نفسها وهي تتأملـه ولبسته البيجامه وهو يتحرك ويفتح عيونه شوي ويناظر لها وبعديـن يغمض.... يعني كلش مو حااس ولا صــاحــي بالي يصيرر ...

وصلت ساره ومعهاا المسكن ..بللت المنشفه وتمسح على وجهه رعد لتنزل حرارتــه ...وسديم تـنـاظرر لهاا ومو مهتمه برعد كثر اهتمااام ساره فيه ...

:
:



فـي بيت ابــوو رايــد

عبيـرر ..تفكرر بالي صاار لهاا وبالي سوااه منصورر. وهي الان تعد لخطه راسمتها باتقااان ..."ههه راح أوقع فيك يامنصورر وتشوووف ماكون بنت ابوي ان ماخليتك تندم ع الساعه الي فكرت فيها فيني "

ابتهاال في غرفه شوق سهرانين ع البلستيشن ..
شووق: اللله وصلت المرحله الرابعه
ابتهاال وهي ترمي الشريط حق اللعبه ع الارض بملل:مااااااالت بس تفوزين كش حظ ..انتي بسميك ام حظيظ.
شوق:بسم الله علي منك تف تف لاتحسديني..
ابتهال وهي تقوم وبملل :ايه مشاء الله بس ...بروح اسوي نسكافيه لي تبين ؟؟
شوق وهي تلعب متحمسه:ايه سووي لي ..
ابتهال تطبطب على كتفها:العبي العبي ..
نزلـت تحت واتجهت ع المطبخ

وحطت ابريق المويه على الفرن وجلست ع الكرسـي تنتـظــر الابريــق ...

بعد 10 دقائق من الانتظار

اعلنت صافره الابريق عن الانتهااء.
طفت النار واخذ الابريق وصارت تصب بالكـــووب.

انتهت واخذتهم واتجهت للدرج فووق.
وهي طالعه شافت وليد .. ناززل ويفرك عيونه ..
اسرعت تخبت ورا الجداار..

انتظرته يرووح لكنه حيل بطيء بخطوااتــه وكوب النسكافيه الحاار أكـل اصاابعهاا وهي تدعي انه يروح لكن الاخ تنح بلوحه معلقه على جدران الدررج ... وهي ماقدرت تتحمل حرااره الكوب السااخنه وطاح من ايدهاا وانكسررر ,,وهذا لفت انتباهه راااح بسرعه لمصدر الصووت ..وشافهاا تمص اصبعهااا الي انحرقت من حراره الكووب وتناظر للكوب المكسورر وهي متحطمه ومتفشله ...رفعت عيونها وناظررت له وهو بقميص النوم الرجاالي الجذااب وخاصه لما دخل اصابعه بين شعر راسه الاسوود الكثيف ومشش بعيونه الناعسه وهو يقول لها : عسا ماشر.. وش عندك قاعده لهالوقت؟؟

ابتهاال ..ماتوقعته يقولي كذا والله تمنيت الارض تنشق وتبلعني من جد فشله فشله .. جمعت كلام مناسب لاقوله له ومدري كيف قلته: اأ ااناا وشوق قاعدين .أأ سهرانين ونزلت اسوي كوفي ...وشوفت عينك هذا الي صار..

وليد وهوو يتظاهر بالملل من وجودهاا : طيب طيب روحي ناامي انتي وياهاا يكفي سهرر..

ابتهااال.. يالله شفيه يقولي كذا احسه مو طايق وجوودي ..بأيام الملكه يقولي كذا أجـل كيف بعد العرس وش بيقوولي ؟؟؟ : طيب بنااام...."نزلت راسها وهي زعلانه من نبرته القاسيه "

حس انهااا زعلت وتحسست من كلامه .هو عارف بنات عمه كلهم حسااسين وقلوبهم شفاافه مايتحملون الاسلوب القاسي خاصه بعد مافقدوا اهلهم وواجهوا النااس وكلامهم الي مايرحم .....:اأ بتهال ..

لفت عليه بكل هدوء ووجه تخلوا منه أي تعابــيــرر :هلاا؟
وليد: أ أناا أسسف اذ ضايقتك بالفتره الي راحت بأسلوبي بس انا شوي متضايق ..
ابتهال: لا ماعليه ..بس ليه متضايق؟
وليد ..وش اقولك متضايق لانك تحبين اخوي وهو كان يحبك وكنتي بتصيرين زوجته ؟ وش اقول يا أبتهال..: أأ متضايق عشان واحد من أصدقائي عنده مشكله وافكر فيه وحيل احاتيه ..
ابتهال: أهااا ..الله يعينه وان شاء الله تنحل المشاكل.
وليد:أمين .. خلاص انتي رووحـي ناامـي .."ومرر أنظاره ليشبع فضوله وشووقه وحبه لهاا منها وفيهااا مشتاااااق مشتاااااق حيل يا ابتهال .. لو اقولك وش نفسي فيه الحين نفسي ...نفــــــــســي أضــمك ..والله محتاجك يا أبتهال .. "
قــرب لـهاا ..وقــرب

توترت ..يالله وش فيه وليد يناظر لـي كذاا ..بس نظراته تريـح ماتخووف .. ابتسمت له غصب عني وهو يناظر لـي ..احس أنه بيقولي شي ..احس أنــ.........

احسااسي ماخااب لما قرب لي وضمني ..انااا تكهرب أنتفض جسمي حسيت زي المويه المثلجه تنزل على صدرري ..حسيت برااحه حسيت بأماااااان ...شعورر اول مره احسه واشعر فيه ...وليد ضمني ... وعااطني من حناااااانـه وحبـه لـي الي ماعرفه وتوي عرفته وياليتني من زماااااااااااان عرفته ...وليد يحبني ..وانا أغلــــــيه .... يمكن لو وحده غيرري لضمته وحاوطت ايدينها على ظهره ...زي ماهو محاوط ايدينه على خصرري لكن أنـــأاا مصدومه ..مو مصدومه يعني منتقدته بالعكس شعور حلوو .. شعورر بحياتي ماحسيته ..اللله ماودي ابعدد عنك يااوليد .. ماوودي اتركك ...

ارخى ايدينه بهدوء وتركهااا وقال وهو متلخبط :أ ناا اسف مره ثانيه على جرائتي ..لكن ابيك تعرفين اني احبك يا ابتهال ومن زمااان انا خاطري فيك ومن قبل لايخطبك أخوي راايـــد ..وصدقيني بحااول اسعدك وماراح تشوفين مني الأ كـل خيــرر "وطبع بوسه على راسها وتركها وراااح بعدماقال لها تصبحين على خـيـر "


مسكت راسي مكااان بوسته ..وانا رايحه في عالم ثاااااانــي عالم الرومنسيه ..عالــــــم الحـب الي أول مره أدخل هالعالم واتعرف عليه ..صحيح اني حبيت رايد ..لكن ماتعمقت معه ولا عرفت هالاحاسيس الا توي وبهالوقت ومن وليد عرفتهاا.. تنهدت بعمق وانا ابتسم .....
اتجهت ع المطبخ وجابت منشفه امسحت الكوفي الي بالارض ..وراحت لغرفتهاا وهي تتروقص من الفرحه

:
:


الصــــــــباااااح




فـي بيت الوزيـــر



تسللت خيووط اشعه الشمس على نافذه غرفته .. داعبت جفونه المرهقه وفتحها ببطىء ورجع سكرهاا وثم رجع فتحها مقااوم اشعه الشمس .. لف بعيونه يمين يسار وهو يحس جسمه متكسر ..

شافهاا نايممه جنبه لكنهاا مو متغطيه ومتكوره على نفسها وأحدا خصلات شعرها تداعب خدهاا .. بحركه غير مقصوده منه ابعد خصله شعرها عن وجهها وابتسم لهاا ..وناظرر لنفسه ..وبدت احداث البارحه ترجع لذاكرتـه ...احداااث واشياء تمر بباله وماقدر يميزهاا ...

ملابسي.؟؟

سديم؟
حرارتي مرتفعه

ساره كانت عندي ...
وبدا يجمع هالاشيااء لحتى ماعرف ..

سديم بدلت ملابسي؟ وطول امس هي وساره سهرانين عندي !!

سديم؟ كيف سمحت لنفسها تبدل ملابسي وبأي حق أنها تبدلهم..

ظربها على كتفها بشويش عشا تصحا :هييه أنتي قوومي كلميني ..
فتحت عيونها ببطىء:همممم شتبيي بناااام ..

رعد بقساوه وباسلوب متعجرف: قوومي بكلمك شووي..

عدلت جلستهاا وهي تفررك عيونها بملل: انت كلش ماتعرف بهدووء يعني واحده نايمه ماتعررف تحترم النايم؟
رعد وهو مفتح عيونه:لاوالله وطاال ولساانك يابنت ؟؟
سديم بغنج غير مقصود:اووف رعد يلا قولي وش تبي؟
رعد بجفاء: ابي اعرف وش صار امس؟؟
سديم:شنو وش صار؟

رعد:كيف نمت هناا اذكر اني ع الكنبه وكيف تبدلت ملابسسي؟ واذكر أن ساره بالغرفه هنا؟ قولي وش صار؟
سديم:الله يسسلمك الي صاار .....................وقالت له كل شي.

رعد وهو يناظر لها بطرف عين:ومن سمح لك تبدلين ملابسي؟
سديم:والله انا ماكاان ودي بس شكلك امس يكسر الخاطر .. وأظطريت اني ابدل لـك ..

ابتسم بغرورر :هههه اقص ايدي اذا مافهيتي ..

سديم بملل من ثقته وغروره ..حتى وهو تعبان مغرور: ههههههههه والله انك فاضي ..على ايش افهي...

"قاامت وتركته وراحت الحماام ..أخذت شور وطلعت وهي لافه الروب عليها"

اخذت لها ملابس من الكبت وراحت بدلت ورجعت وجلست ع التسريحه تمشط شعرها وكل هذا تحت أنظاارهـ ..

..حست بنظراته لهاا ..نظرات تعب ..وبعض نظراته مافهمت معناهااا ..ابتسمت له وقالت:كيف تحس حالك الحين؟
رعد بطفش منهاا وأهتمامها المزيف لـه : وانتي شدخلك كيف احس؟
سديم بقهر منه..طول امس سهرانه علينه اخر شي كذا يقولي: أحسن بكيفك وانا شدخلني .
قامت تركته ونزلت تحت...

سمعت صوته يناديهاا ورجعت له وقالت بهدوء:هلا بغيت شي؟

رعد بأسلوب غبي:ايه .. قولي للخادمه تطلع لي فطوري عندي ..ماني قادر انـزل ..
سديم: طيب .."وجت بتروح"
وقال:سدددددديــــــم..
ردت عليه بملل:هااااااا وش تبي بعد؟؟

رعد:تعالي

سديم :نعم؟
رعد:اقولك تعالي.
قربت له شوي وبينهم متر:هلا وش بغيت؟؟؟

رعد:خوذي جوالي ..وارسلي رساله واكتبي فيها " ماراح اجي اليوم ع الاجتماع والغي كل المواعيد لمده يومين ..لحتى أتحسن شوي ولا ينتظروني ويعطلون الششغل"وروحي للأسماء وارسليها للأسـم "السكرتير ف "

سديم بعد ماخلصت: خلاص خلصت ..زي ماطلبت ..بس غريبه الاسم السكرتير ف

رعد:هذي خصوصيات الشغل وانتي وش عرفك زين تعرفين تكتبين وتقرين بعد ..
سديم بقهر وغيض منه:ليه وش قالو لك اميه ؟ انا الحمد الله متعلمه ..
رعد:أيه يالممتعلمه روحي ظفي وجهك عني ..
سديم بقهرر...تخصرت وقالت:واذا مارحت وش بتسوي يعني؟ زين انك تعبان هههههههه ..ياشماتي فيك .
رعد انقهر منهاا وتمنى لو فيه حيل كان عرف يتصرف معها. وكل الي قدر سواه .. انه قاام بسرعه ومسكها مع عضدهاا وشد عليه وشدهاا لــه لتكون ملاصقه فيه وجها بوجهه :وهذااا انا قدرت عليك وانا تعبان .ههه صدقيني تبطين تتشمتين فيني ..
سديم :أأي رعد عورتني اترك ايدي والله تعـورر اتركني..
رعد.. حسيت اني فعلا أوجعتهااا مسكينه وهي بليا مافيها حيل ونحفانه عن قبل شوي ..مع ذالك مدري ليه ضغطت على ايدهااا زياده متقصد اوجعهااا .. وصرخت هي وانا اتلذذ بصراخهاا :ههههههه تتألمين؟

سديم:انت مجنوووووووووون مجنوون أتركنــــي"حاولت تبعده عنهااا ودفته وطلعت تركض"

ضحكت بخبث على شكلهاا ورجعت للسرير أستمتع بدفاااااه وبروده المكيف ..وبعد شوي جاه الفطور وبدا يفطررر وهو مطنش وحاقر مشاعرر الانسانه الـي راحــت تبكي من عنده ..


:
:





يـــتــــبــع


نـررجسـيھے ©؛°¨غرامي متألق ¨°؛©






:
:



فــي مـصــر



خلصت لبست وتجهزت للثانويه وطلعت


رايد:مشااء الله وش هالزين ؟
نجود :شكرا أحم أحم.
رايد:هييه انتي شفتي وجهك بمرايه قبل لاتطلعين؟ لاتفضحينا الحين يشوفك صقر وش بيقووول عنك أو عني بيقول ماعرف يمسك اخته ؟

نجود:يوووووووه أنت حيل معقد يارايد شفيك حاطه شوي ماسكارا وغلوس خفيف وشوي شدو على عيوني وشوي حمره خدود وشوي كحله خضرا بعيوني ..مكياج مدرسه عااادي..
رايد: لا والله؟ بس باق تلبسين فستان سهره وتطلعين هذا مكياج حفله مو مدرسه ..ماخليتي شي ياانجود... أسمعي اذا بتدرسين برا امشي على شووري ..وكلامي أمسحي كل الي على وجهك كله مابي اشوف شي والبي عبايتك وحجابك وتعالي وراي بسررعه ..ولا والله لا ارجعك تكملين دراستك بالسعوديه

نجوود:لالالالا خلاص الي تبي ياخوي ..لكن بس بحط روج تككفى عشان مايقولون وش هالسعووديه تقول ماتعرف شي بالمكياج وينقدون علي حتى الروج مو حاطته .
رايد بعد تفكير:طيب خلاص بس روج وخليه فاااااتح مررره ياويلك تغمقينه أحلف يمين ماتروحين المدرسه ..
نجود راحت تركض للمرايه وهي تقول:لا تخااف بس روج خفيف ..
رايد:بسسرعه خلصي جيبي شنطتك وتعالي بوصلك واروح للجامعه ..
نجود تصرخ من ورا الباب:أوكي انتظرني تحت ..


:

بعد دقائق نزلت وهي لابسه عبايتها الكتف الفضفاضـه وحجابها المسـتر شعرهاا ومبين بس تدويره وجههااا والروج الخفيف مخلي شفايفها طبيعيه خاليه من الأوفــرر

كان رايد وصقرر جالسين يفطرون ..
رايد :تعالي نجود اجلسي جنبي افطري عشان نروح ..
صقر حس أنها مستحيه منه وفضل انه ينسحب :انا بجلس بالحديقه شــوي انتظرك عشان اوصلكم للثانويه الي بتدرس فيها اختك ..
رايد:أوك احنا شوي وجاين وراك ..

طلع صقر ..
وهنا نجود استلمت رايد اسئله :راااااااايد راااااااايد عادي افتح وجهي عند خويك؟
رايد:ههههه بصراحه انا كنت افكر اخليك تفتشين وفاتحته بالموضوع قالي خليها تلبس عبايته وتحط حجاب لأن النقاب صعبه عليك وانتي تدرسين وتكتبين وتروحين وتجين ..وان شااء الله بسئل شيخ عن هالشي ..
نجود:ايه زين طيب مو عيب افتح عند خويك؟
رايد:هههههههه الله يرجك يعني تفتحين قدام الناس وخويي لا؟ ليه ليكون مو من الناس من كوكب ثاني هههههههههههههه ..اشربي النسكافيه وقوومي الرجال ينتظرنا برا ..ومو حلوه نخليزه يستنا أكـثرر يكفي طلع عشان تفطرين على راحتك ..
نجود:طيب بس بشرب نص الكوب مالي نفس للأكـل ..
رايد:طيب أخلصي..


خلصت ومشوا بسياره وحده يوصلون نجود للثانويه الي بتدرس فيها بس هالسنه .. صحيح ان الدراسه صعبه بمصرر..لكن نجود ذكيه وشاطره وكااانت نسبتها ماتنزل عـن ال98 ومافيه شي صعب ع الشاطر ان شاء الله



وصلوا الثانويه ونزلوا كلهم معهم ..
صقر لنجود ومن غير لايحط عينه بعينها: امشي وراي وانا بوصلك على مكتب المدير حق المدرسه ..وبتكلم معه عشان يهتمون فيك ..وخاصه من المضايقات ..لأنـك راح تتعرضين لمضايقات كثير لكن بعدين راح تتأقلمين معهم .. وتعاشرين الطالبات وتحبينهم ..
نجود بنعومه مصطنعه وصوت هادي<هههه:طيب ..

مشت وراه هو ورايد



وصلوا لمكتب المدير والكل كااان يلتفت لهم ويناظر لهم باعجاب وخاصه صقر ورايد البنااات انسفهوا وكلوهم بعيونهم ..
صقر: خليك واقفه هنا وبدخل انا ورايد نكلم المدير.
نجود:طيب ..
دخلوا وتركووها واقفه براا

نجود وهي ترتجف وخايفه من نظراات البنات والعيال لهااا وتدعي بنفسها انهم مايطولون
جلست على كرسي كبيرر لتريح اعصابها فيه ..
اشكال البنااات غريبه مو بس عندنا ... هذي باين علهيا طيبه وذك قويـــــه وذيــك نظراتها غـيره وهذي غرورر ..يااارب تررك شفيهم كلوني بعيونهم شكلي غلط يعني؟

قربوا لها مجموعه من العيال ومعهم بنات وقفوا فوق راسهااا:اهلين بالحلوه من وين انتي؟
نجود بتوتر: أنــاا أ من السعوديــه
البنت:أأ ههههههه غريبه وفاتحه على وجهك ؟انتوا بيكبسوا البنات عندكم زي المخلل ههههههههأي

الكل:ههههههههههههأإآي

نجود بنبره خووف:لو سمحتي لاتتكلمين عننا كذا ..
الولد:لا شكل البنت دي راح تبكي ....عايزه ماماا؟؟

نجوود ..قامت بتروح عنهم ووقفوا بوجهها:رايحه فين؟ أحنا بنتكلم معاكي فيكي ايه؟
نجود:مابي اتكلم معكم اتركوني لو سمحتواا يعني ..

قرب منهم ومك اول ولد فيهم تكلم عليها وعطااه بقس ومسك الثاني وسدحه جنب خويه ببقس أقوى منه وقال :تقولكم ماتبي تتكلم معكم هو غصب ..
ناظرت للي يتكلم وهي فرحاااااانه أن جاهاا الانقااذ بالوقت المناسب لأنها شوي وكانت بتبكي ..الحمد الله أنك جيت يااصقرر..
راحت وتخبت وراااه وهو قاعد يتهاوش مع البنات وسكتهم وراحوا .
قالت له بخووف ورجفه:وويـن راا يــد ؟؟
صقرر :داخل عند المدير يوقع اوراق أنه ولي أمرك ومسؤل عنك وبعض الاشياء لزوم المدرسه ..
نجود:الله يخليك شوفوا لي غير هالمدرسه والله أنها تخوف..
صقر من غير لايحط عينه بعينه او يناظر لها:لا ماعليك تكلمنامع المدير ويقول مافيه غير هالشله الي مشوين جو عندك الي مشاغبين بالمدرسه ولا غيره مافيه واذا تعرضتي لأي مضايقه بيتصرف معهم ..
نجود:الحمد الله مشكورر..

جااء رايد ومعه المديرر ..وودها لفصلهاا االي بتدرس فيه ووثقوا بالمدير وكلامه وتركوها وراحوا لجامعتهم ..



:

:





قاام من كررسيه وصفق المكتب بأيده:كيف يعني مانعرض الشريط بالاجتماع؟

الشاب:الوزيرر ماجاء للدوام اليوم واعتذر من كل الموظفين والجماعه الي بيجون اليوم وهم قبلوا اعتذراه لانهم نفس الشي طرا لهم شغل..

ريان بغضب وحقد:طــيب ولمتى يعني؟

الشاب:يقول بعد يومين يمكن يجي ....بعد مو اكيد لأن صحته تعبانـه ..

ريان:عسااه مايطيب ان شااء الله

الشااب: والعمل يا استاذ؟

ريان:اسمع باول أجتماع يعقده رعد مع المدراء والشركاء والصحافه الي بيحظرون الاجتماع تعرض لـي هالشريــط قداااااااامهم ..ابي أسمع بشي يفررحني أبي استااااانس ياااحقيرر افهم علي "وسكر بوجهه "وهو ينتفض من القهر ...أخذ حبه ضغط من الدرج وهو يمسح على راسه بتوتر ..ويفكر

طرت على باله ابرااار

أأه يا ابرااااااااااااار والله هاليومين الي غبتي عني فيهم فقدتك وربي فقدتك ..كيف بصبرر ..واحناا خلاص تطلقناا بعد كل هالحب ..بعد كل هالحب نتطلق من يصدق!!!

رعد الحقوود هو السبب

(( غريبه بعض البشر ..يخطىء ولا يدرك خطئه ويلقي اللوم على غيرره ))




:
:



في وقت االمغرب
,,,,,,,,,,,,,,,,,
في فيلا الوزيــرر



ناصرر: يمه اناا بطلع طفشت
ابرارر:ياوليدي وين تطلع والله اخاف عليك ..
ناصرر:يممه انا موصغيرر تكفين بطلع والله طفشت كل العيال الي بعمرري يطلعون ويستانون وانا بس بالبيت زي الحريم ..
ابرارر بعد تفكيرر:ممم طيب نطلع ........ شرايك نروح الموول نتعشى وناكل ايس كريم ونرجع؟


ناصرر:عااااادي ماتفرق معي أي مكااان بس المهم نطلع..

ابراار: يلا اجل رووح قوول للسواق يجهز السياره بلبس أنا وسديم وساره ونجي

ناصرر مستاانــس :أووووووكــي
:
:

بعد شويات كلهم لبسواااا وركبوا مع السواق ...

ووصلهم للمــول وجلس ينتظرهـم لين مايخلصون ..

سديم:ههههههه ابراار شكلك تححفه أنتي وكرششك بالعبايه

ابرار:لاتضحكين عـــســا ربي يبلاااااااك وتحملين مثلي ..

ساره:حراااام سدوومه نسيتي أن ابراار هذا شهر ولادتهاا ..
ابرار:ايه مالي كم يوم دخلت بالشهر التاســع .أأه ياربي والهل خايفه من الولاده ..
ناصرر: يممه ليه تخافين عادي خليك شجااعه .. قوي قلبك..
ابراار:هههههههه ان شااء الله ياوليدي ..
سديم:يحليلكم يالرجال كل شي بسيط عندكم ... يلاا تعاالواا نجلس ونطلب اناا ميته من الجووع ..

اول ماجلسواا دق جواال سديــم ..

ردت علييه وهـي متقرفه من الكلام معه:هاااااه نعم خيرر؟
رعد بعصبيه:أنتي ماتستحين على وجهك تطلعين وزوجك تعباان؟ومن سمح لك اصلا تطلعين؟

سديم قامت عنهم عشان تكلمه براحتهاا:هههه بالله عليك ؟؟ ليه ماحطيت بالعقد الي بيننا أن من الشروط اهتم فيك وانت تعبان؟"وبصرااخ" انا شدخلي ياعساك ماتطيب أن شااء الله ..
رعد بقساوه وصراااخ: اسمعي ياحقيره أذا مارجعتي للبيت الحين والله لا اسحبك مع شعررك قداام النااااااااااس فااهمه ولا لا؟
سديم خاافت منه ..رعد مجنووون تتوقع يسويهاا ..بعد تفكير ماهو بطويل اقنعت نفسهاا ترجع البيت مع السواق ..

سكرت منه وراحت لهم

سااره:لالالا سدومه مالك دااعي وين رايحه؟؟
سديم:رعد دق علي ..وتعرفين اشتاق لي.. وهو تعبان لازم اكون جنبه.
ابرار بتعب وتحس بشي غريب:طيب سدومه انتبهي على رعد ..وروحي مع السواق احناا مانطول ونرجع ان شااء الله ..
سديم:أوكي انا رايحه بااي..


:
:
ركبت مع السواق وراحــت

واول ماوصلت للبيت


..شاافته جالس قداام الباااب

ينتظرهااا


تفاجئت من شكله

وخاااافت حيل ليسووي فيهاا شي ومافي غيرهم بالبيت واكيد الخاله صيته نايممه من العصرر ..

مشت بخطواتها بهدوء وقالت لـه:




:
:



في الموول


سااره:نصوور روح اطلب لـي وجبه كودوو واطلب لابرار
"وتناظر لأبرار" ابراار وش تبين تاكلين؟
ابراار بتعب وألم:مالي نفس أكــل
ساره بخوف:ابراار شفيك؟
ناصر توتررر من شكل أمه:يممه ششفيك فيك شي ..يممه لاتخوفيني عليك رردي..
ابراار وهي تعتصر من الالــم:ساااااره ودوني المستشفى بولـــــــد "وهي تصررخ "أأأأأأأأأأأأأأأأه أأأأأأأأأأأأأأأأي الحقووا علــــــــــــــــي


كان فيه شخص مراقبهم وجـن جنونـه مايدري ليه وهو مايعرفهم لكن طول اليوم وهو مراقب حركات ابرار العفويـه ولمااا سمع صراخهاا وخوف وتوتر الي معهاا قااااام بسرعه وراح لهم وشالوهااا المستشفى بسيارته لأن السواق لسى بالطريق ماجااء من بعد ماوصل سديم .. وساره وناصر وافقوا أنه يوصلهم لأن حالة ابراار صعبه جدااا






:
:


فـي بـيت مراام وفايز
.
.

كانوا جالسين يشاهدون التلفزيوون وبينهم مسافه أكثر من مـتر ,,
كانت تناظـر لـه بطررف عين وهو يتثاووب .. وبدا النوم يتسلل لعيونـه ويسكر جفونـه
مرااام .. افف هذاا بس يتثااوب شفت بلاعيمه وحنجرته ,,قطيعه حتى مايعرف يحط اييده على فمه وهو يتثاووب .. وقالت له تحاوول تزعجه:رووح نااام داخل ليكون بتنام هنا بعد .
فايز وبعيونه النووم هو يلتفت لهاا وبحدده وبصووت صلب: انااام وين مابي انتي مالك شغل فيني فاهمه او لا؟
مراام بملل: زيـن نااام وين ماتبي وانا شدخلني فيك ..
فايز وهو مقهور من غرورهاا ومفكه نفسهاا الاميـره وهو الجاري عليها وحب يستفزهاا شوي: زين وين العشى؟
مراام فتحت فمها وبزرت عيونهاا:شنوو شنو؟؟ ماسمعت؟
فايزز :مثل ماسمعتي والله ويـــن الــعــشــى؟؟؟؟؟؟انـــــاا جعاااان

مراام: والله المطاعم مليانه بالديره روح على ارخص واحد من قدرك وقيمتك وتعشى فيه هههههههه

فايز ...قاااام بسرررعه ومسكها من شعرهاا وشدد عليه بقووه وصررخت وهو يصرخ بصوت اعلى منهاا ليسكتهاا: شووفي يابنت الناااس لاتخليني اضطر وامد ايدي عليك ..لأن ال يضرب الحرمه مو برجاال ومايطلع قوته الأ ع الحرريم وانا مو من هذا النووع .. لذالك اتقي شرري وقصي لسانك قبل لا اقصه لـك ..ورووحي المطبخ بوجهك أطبخي ..ومن يوم ورايح ..ابي فطورر وغداا وعشااء وكله منك وماراح نعترف بالمطااعـم .. فااهمه ولا لا؟"وهو ينفضها عنه ويصررخ عليها بصوت عالي"فااااااااااهمه؟؟؟؟!!

مراام ودمعتها تتأررجح على أهدابهااا تعلن نزولهاا وبصووت ضعيف:ايه فاهمه .."صدق مايستحي ولا يقدرر وهذا وانا توني عروس وثاني يوم لي عنه مفروض مايعاملني كذا ..الله ياخذك يافايز اكررررهك"
تركهاا وهو متجهه للحمااام .... وقاال: اناا باخذ شورر وابي لاطلعت القى العشى جاهز ولا والله لا اوريك شي بعمرك ماشفتيه ..

راح ياخذ شورر وهو اتجهت ع المطبخ ..."أهي يااربي وش هالحظ الردي ليه انا حيااااااتي كذاا ياربــــــي كنت معززه ومكرمه بيت ابوي عايشه حياه ماتحلم فيها أي بنت .. اناا بحياااتي ماامسكت سكينه ولا وقفت قدام الفرن .. كيف الحين وش بسووي اخااف احررق عمرري..افف اكررهــك فايزز "

لفت بارجااء المطبخ ..يوووه وكيف بطبخ وش بطبخ اساااساا .
قعدت تلف وتدورر بالمطبخ وهي مو عاارفه منين تبداأ اسااس الطبخه .
وجت ببالها افكاار خطيرره مثل :ههههههه شكلي بطبخ لـه سم اموته وارتااااح منه ومن شرره ههههههه تخيل شكله ..لالالالا بحط له فلفل بشوف شكله وهو يتفلل وش بيسووي ههههههههههأي ..

سمعت صوته وهو جااي ارتبشت ولا عرفت وش بتسووي يااربي بيذبحني ايه اكيد بيذبحني ياااااويلي وين بتخبى وويـن ... ركضت وتخبت تحت الطاوله الي بالزاويـه
دخـل وفتح الثلاجه اخذ عله المااء وشــرب منهاا لحتى ماروى عطشه .. طاحت عيونه عليها وهي تتحرك تحت الطاوله ....ضحك على شكلها بداخله ..وهو يناظـر للفرن مافيه لاقدر ولا شي ..شكلها ماطبخت وانا ميت من الجووع .. شكلي بشهررر بينقص نص وزني من هالحرمه الفااشله ..

دخل ايده تحت الطاوله ومسكها من عضدها وطلعهاا لمستواه وقال وهو ينفضهاا :وويــــــــن العشى اناا جعاااااان تفهمين انتي او لا اقولك جعااان وانتي ماطبختي ولا شي للحين

مراام وهي مجمعه ايدينها لوجههااا خايفه يضربهاا :فايزز صدقني ماعرف اطبخ .ودخلت المطبخ وماعرفت منين ابدا الله يخليك فايزز قدرني انا بحياتي ماسويت شي ببيت اهلي ولا أعرف امسك السكينه والملعقه الأ اذا جيت باكل.

فايز بملل وهوو يحاوول يتعاطف معهاا مايلومهاا امها ماعلمتهاا تطبخ ولا تسووي شـي :طيب شوفي بعلمك ب هالمره ولا المره الجااااايه والله اذا مــــــ....

مرااام بفررح:لالا خلاص لاتخااف بس علمني الحين وبعدين انا اسووي لـك .."وبتفكير"الا انت صدق تعرف تطبخ؟
فايزز بفخرر :أيـه اكيد .. اروح لمزرعتي يجوني خويااي ونطلع البر ونطلع استرحاات نعرف نطبخ ..والله حنا يالرجال يمكن نعرف نطبخ اكثرر منكم يالبنااات ..
مراام:مشااء الله عليكم فاضين والله ..
فايز :مو فضاوه يالخبله ..بالعكس نستانس لما نطلع الـبر كشته هذاك يطبخ وذول يلعبون وهذاك يظبط الشااي والقهوه .. احسن من جلستكم يالبناات ياتفرفرون بالمولات او متجمعين بالبيت على حش وسوالف

مراام: اييه مو كلناا كذاا ..
فايز:ايه هين بس لايكثرر وامشي قدامي طلعي من الثلاجه طمااط وبطااطـس . .
مراام بملل منه ..اف باايخ اسولف معه يقولي طلعي طماط من الثلاجـه :ايووه طلعت وبعدين ..

راح فايز وطلع القدر وحطه ع الفرن وصب فيه شويه زيت ..وقعد يششررح لهاا كيف تسووي الكبسه ×_×



((وبعدين نرجع لهم ))



:





انتهى





انتظر


ردودكم

تقيمكم

اعجاابكـم

؟؟

توقعااااتــكم؟












:
:



*غلاوي* ©؛°¨غرامي جديد¨°؛©

يااااااااحياتي انتي

وناااااااسه جا البارتي

برررب بقرأهـ

Fashionista ©؛°¨غرامي متألق ¨°؛©

واااو البااارت مرررررررره روعه يا قمر
بس مررره كان قصير
و نستناكي بالبارت الجاي


مہآ يہهہزهہا مخلہـوق ©؛°¨غرامي مشارك¨°؛©

امبيييييييييييييييييييييه بارت خقوقاقي يالغلا

بس موووووووووووووره قصير

اممم والله احس ماعندي توقعات

ان شاء الله البارت الجاي اكتب توقعاتي

متى البارت الجاي ؟

او متى موعد البارتات
؟

لاهنتي

عاجبني جنوني ـا ©؛°¨غرامي جديد¨°؛©


"

يً قلبي ع ابرآأر.. يقومهآأ بـ السلآممهه..

وآأإمممم وع الي ساعدهـأإ.. اتوقع يحبببهآأ..

وبتزوججهآأ..وزوجهـأإ الاولي ريان بيسووي سالفههً..وهييككً..

وع سدييمً.. اإوهه يومههآأ ذآأ.. بيسطرهآأ رععدد

بس بيسير شيء اككششننً.. بينهآأ وبينههً..


شبابيه للابد ©؛°¨غرامي فعال ¨°؛©

تسلمين ياااحيــــــااتي الباارت مرره
روووووووووعهــــ بس قصير

نـررجسـيھے ©؛°¨غرامي متألق ¨°؛©

المشاركة الأساسية كتبها الريم العنود اقتباس :
الخيره فيما اختاره الله
الظروف هي تحكمنا موب احنا نحكمها
لا حد يعلق على ظرف غيره يمكن عندها مانع
منعها انها تنزل البارت الرسول قال التمس
لاخيك سبعين عذر
وانتم عذر واحد ماتبون تلتمسوه لها
عيب عليكم




وقفت لحظه لأتأمـــل ردك

واعجبت بأسلووبك


ياليت فيه منك كثيرر يقدروون الظرووف

جد اناا محرجه جدا من ردك الجميل

واشكرك لتفهمك


وتأخرت بوضع الباارت ليس بأرادتي ..



شكرا لـك العنوود


وجزاك الله الف خير حبيبتي .,,

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1