منتديات غرام روايات غرام روايات كامله - يتم نقل الرواية هنا بعد اكتمالها رواية من تحت سقف الشقى أخذتني / الكاتبة : نرجسيه؛كاملة
بسمة ضي ©؛°¨غرامي جديد¨°؛©

السسلام عليكم
اخبارك , بصرحه الروايييه يخقق
رعد&سديم : بيتزوجها وبيعذبها وبعديين يحبها
صقر :: اتوقع بيحب وحده من خواتها واتوقع اسسيل
اما الباقي في الاحداث بنعرف
تر هذا اول رد لي بعد التفعيل


امانتك لا تخليني ©؛°¨غرامي مشارك¨°؛©

حبيبتي في بارت اليوم ولالا؟

هنوشهـ ©؛°¨غرامي مشارك¨°؛©

بانتظارك حبيبتي
مع انك طولتي علينا

همس الافلاج ©؛°¨غرامي مجتهد¨°؛©

واااااااااااااااااااااو
الروايه فله وتهبل وتجنن وخيال
وانا متابعه معك من روايتك الاولى الى هذي
يالباك ننتظر الباريت

قمزه *انقطاع دون عوده* عبقـ الذكرياتـ سابقا

واااااااااااو الرواااااااايه مررررررره رووووووعه
يسلموووووووو خيتووو
بإنتظاااارك

...تقبلي مروري...

برود الهمس ©؛°¨غرامي فعال ¨°؛©

نتضــــــــــــــركــــــــــــــــــــ ياعــــــــــــــــــــــســـــــــــــــــــــــل ــــــــــــــ

7la jeddah ©؛°¨غرامي جديد¨°؛©

روايتك مررررررررره روووووووووعه ..
وافكااااااارك خطيررررررررره ...
بجد ابداااااع انتي ..


انا متحمسه بقوووه مع الروايه ^.^


في انتظااااارك ياحلوه ...

a7la amol ©؛°¨غرامي جديد¨°؛©

اهلا
مافي بارت ترا استنيت كتير جدا جدا جدا

نـررجسـيھے ©؛°¨غرامي متألق ¨°؛©

...

اناا والله اسسفه بسس مدري ليه كل ماوعدكم بيوم باارت اتاخر.؟؟؟

لاتزعلووووون مني ... والله اسسسسسسسفه جدا جداا...

وهذااا احلى باااااارت لكم أضعه بين ايديكم.....






الـــبـ الرابـــــع ـــاارت

4


ـــــــــــــــــــــــــــــــ




قرأه ممتعه للجميع

تحياتي: نررجسيه


ــــــــــــــــــــــــــــــ


فـي المدرسه الثانويـــه


وقـت الفسحه.. نزلوا الطالباات تـحت ,,,
عبير تنزل الدرج مع صديقتهااا انوار
انوار:خلاص عبير طفشتيني بس مليت مليت ..كلنا ملانين ياقلبي.
عبير: اييه بس اناا مليت بششكل ثااانـــي.. تخيلي ياانوار كلووه مافي فلووس مافي ماافي أففف...
انوار: الحاال من بعضه... طيب سديم مقالت بتاخذكم للسوق اليوم؟؟ ليه تحنين فووق راسي؟؟
عبير تحك راسه:مدري يمكن لاني تعودت اشكي لك ههههههه
أنوار:وتطيح برااي هي هاا أقول يملاا المغص ...معك فلووس نشتري لو سنوديشتين؟
عبير:أفا عليك .. معي 5 رياال بشتري عصيرين وسندويشتين لي ولك وريال بشتري حلاو اأبو نص.
أنوار: فدديتك ياقلبي..
راحت عبيرر تننوقزز مع البنات للمقص وهي فرحاانه بالمبلغ الي معهااا...
(أنواار أبوها متوفي من زمااان ..وامهااا عجوز تعباانه مسكينه ..مالهم الا الله وثم الجمعيات الخيريه الي تصرف عليهم... أنوار وأمها واختهاا الصغيرر فقط... ))
شرت عبير وجلسوا يفطرون وحامدين ربهم وشاكرينه على هالنعمه وزين حصلهم بعدد..
أنوار تشرب عصير: ألأ اقوول عبورره .. شرايك نرووح عــرس بنت جيرانناا سعاد؟
عبير من بين فمهاا:ماعندي فستااان.
أنوار:عادي نلبس عبايتناا.. تكفين خليناا نرووح والله ونااسه نااكل ونستانس ونرقص ونرجع.
عبير:مدرري بقوول لخواتي اذ وافقن نروح كلنااا.
أنوار: ايه والله ياليت نغيرر جوو ع الاقــل..
وهم منسجمين بأكلهم وسوالف عاديه جدا مرره برأه صداقتهم عكس البعض.

جت ووقفت فووق روسهم وهـي تتخصرر: هااي بناات.
عبيرر شرقت بلقمتهااا: هاياات مرااام شلونك؟
مراام:تمااام بيبي أنتو كيفكم؟
انوار الابتسامه شاقه وجهه:تمااام مرووم انتي كيفك؟
مرام بدلع ماصخ: تمااام ويسركم الحااال.. الا اقوول بنااات حبيت اعزمكم على حفله مسونيها انا وقروبــي تجوون أو لا؟
عبير بسرعه: هاا أكيد بنجي بس وين؟
مرام كاتبه عنوان بيتهاا بورقه: هذا العنوااان تعالو استنااكم..لأن تقريبا أنا عازمه نص المدرسه
.صديقه مرام: ههههههه ماظن يجون ماعندهم ملاابس.
مراام بدلع:ههههه مو معقوله لازم يكون عندهم ملابس هههههه..
عبير بغباء:هاا الأ عنددي ملاابس ..
انوار:ومتى الحلفه؟
مراام: يووم الخميس الجااي ..
صديقه مرام: ماصدق بتجوون؟هههههههههه اجيب لكم ملابس ولاا؟
انوار:هييه أنتي احترمي نفسك.
صديقه مرام: طيب البسوا زين بعد مو تفشلوننااا.
مرام:خلاص حبيبتي لاتجرحينهم ....استئذن صبايااا..
عبير:معقوله مرام تحب هالبنت؟
أنوار: كلهم خياااس ووع مالت عليهم..
عبير:ياليتني صديقه مراااام ..
أنوار:عبيررر خلاااص ماحب اشوفك تتكلمين كذا ..
عبير: طيب...
أنوار:بتروحين الحفله؟؟؟
عبير:أكيييييييد بشوووف بيتهم اكييد قصرررر..
أنوار: ياسبحاان الله ماهمك الا الفلوووس... أنا ماراح اروح.
عبير:ههه بكيفك...

ـــــــــ


فتحت البااااب ...

وأنصصدمت من الي تناظرر لــه وش يبي بهالوقــــــــت ..ابتسمت غصب عنهاااا وهي تنااظر لــه وحست بمبادلته لهاا الابتسامه وبقت عيونهم معلقه فــي بعض لين تكلم: سديم.
حست على نفسهاا وراحت تتغطى بجلالهااا.. رجعت له وقالت:هلا صقرر ..
صقر: اناا جيب اشووف أذا تبين شي او ناقصك شي؟
سديم ..والله هالولد ذووووق مشاء الله عليه : لا سلامتك ياخوووي ..خيررك سابق.
صقرر يبييددخل البيت:طيب معقوله تخليني واقف عند البااب؟؟
سديم..::ههههه ولو ان البيت مافي رجال بسس تفضل ..
صقرر استحى من نغز سديـم.. لكن مايدري ليه كسرر كرامته ودخــل..
جلسته بمجلس الرجال الي ينام فيه خالد... وراحت المطبــخ سوت له كابتشينوو ....
مدته لـه وقالت وهي تبتسم : تفضل.. كابتشينو ع الصبح.
صقر ابتسم أبتساامــه تدووخ :تسلمين ...ياذووق..
سديم بأبتسامه : شخبارك؟
صقر بنفس النبره: الحمد الله ...اناا جاي اتطمن عليك ..أنتي بخيرر؟ لأان أمس ماكنتي على بعضك...
سديم. يالبييه يجنن هالولــــــد وربــي ذووق ذووق أأه بسس:الحمد الله اناا بخيرر ..
شرب من الكابتشينو يتلذذ بطعمه ويكفي أنه من ايدينهااا: أمم سديــم...
سديم تفرك اصابعهاا متوتره من وجووده:هــلأاا..
صـقـر: وش قلتي بالموضوع؟
سديـم بقهر: مادرري..مو مقتنعه بأخوك ماتخيل انه زوجي..
صقر بنفسه.. والله حتى أناا ماتخيلك زوجه رعــد هالخبيث:طيب ..سديــم أناا ماحــب الف والدورااان بصراحه ,,,أناا الي بتزوجك موو رعــد وش قلتي.
سديـم.. وه ياقلبي انت وش حلووك جماال وفلووس وطيبه قلب عليك ماشفته بحياتي عند أحد ..وش تبي يكون رأي.. بس لازم اثقل مايفكرني ميته عليه...:أفكرر.
صقرر: انا اليله بخطبك ياسديم هلموضوع خطيرر..غلطه اخووي الحقيرر.لكن مابي يتزوجك لانه راح يعذبك..وأناا الي باخذك...
نزل الكوب من ايدده ..توتر من قربهاا.. هالبنت فيهاا سحرر غريب والله بسس افكرر فيهاا جننتني معااد فيني عــقــل ..أاه يارب توافق تتزوجني...خسااره هالزين والجمال على رعـــد ..قام وقال:أناا استئذن الحين..
سديم:ووين ,,,أجلس شووي؟؟؟
صقرر:لاا أناا رايــح للدوام استئذذنت منهم وجيتك...بسس فكرري بالموضوع اذا موافقه دقي علي رقمي عنندك..
سديم استحت:طيب..
صقر ..ذاب على نبره صوتها الخجوله :انزين تبين شي؟
سديم:لا سلامتك..
وقف عند البااب وقال: سديم ..أناا والله شاريك بكنوزز الدنيااا..
سديم استحت حييل :أنتبه على نفسك..
صقر .هالبنت اكيد بتجنني .! :أوكي وانتي انتبهي ع نفسك....مع السلامه.
سديم:بحفظ الرحمن..

بعد ماطلع سكررت الباااب وارتكت عليه واطلقت زفيرر طويـــــــل...والله خــقق يانااس يجنن ..أأأأأأأأأه ياربــي أكيد موافق أتزوجك واناألقى احسسن منك.. استغفرت ربها بالي تقوله ..الولد بيستر علي وانا افكر كذا.! ...بعدت الافكار عن ذهنها وتوجهت للمطبخ تسوي الغداا لأخوانهاا

ــــــــــــــــــــــــــــ

الظهر
جو أخوانهااا وتغدواا... ولسوا يشربوون شااي
وخالد مشغل التلفزيون يناظر لأخباار العــالــم.
في النشررره الاخبااريــه السعووديــه دششن الوزير رعــد بـن ال....... مشرووع للجمعيات الخيريه والمستفيدين منه الأكثر هم ذوي الاحتياجات الخاصــه ..
ابتهاال:واأأأأو يهببل مزيووووووون صح عبيرر؟
عبير:وااا قلبي يجنن وش هذااا مو انساان والله ملااااااااك
خالد مسوي رجال عندهم عاشن يحترمونه:هييه انتي وياااه عيب لااقص السانكم بلا بشكلكم قله حياا ..
سديم شرقت بكاسه الشااي:كـح كــح.. من زينه تقوول مصرري أبيض ووع.
اسيل مستحيه من خالد:هذا الزين ههه
((سديم:اخ لو تدرون أن هالحقير الي اغتصبني وضيع شررفي ..لو تدرون ان هالحقيرر رما اختكم بالشاارع زي الكلااب...الله لايوفقك عسااك منت بحــل ...لا ومسووي فيهاا عمل خيرري.. يممه يعننه الرجل الصاالح وهو ابو الــشر والنذاله والسفالــــــــه ))

عبير: أي والله.
خالد:أنتم ماتستحون يهالبنااات عيب عليكم . صدق الي استحوا ماتوا....أناا رايح انااام صحونــي العصر عشان اروح اكمل شيل اكياس الاسمنت لجارناا..
سديم: خالد ..
خالد:هلاا اختي؟
سديم:أقعد بقولكم شي..

قعد خالد وتركى ع المركى:قولـي يا اختــي.؟
سديم: أأ اليووم بيجي شخص يخطبني..
خالد بغضب:نعم؟ وومن هذاا ومنين عرفتيه ياسديم؟
سديم:شفيك يا اخووي هد هد... هذا لله يسلمك وانا رايحه للبقاله واحد شافني بيغازلني وانا ماعطيته وجه وأعجب بأسلوبــي وأحترامـــي وقال بخطبك ..أنتي الي اقدر امن عليها كزوجه وقعد يخربط.. قلت له بتخطب تدل البيت ..وهو بيجي اليله..
خالد:طيب ماتعرض لك بشي ماهو زيـن؟
سديم:لالل ا بد..
خالد:طيب ليه بيغازلك؟
عبيرر:يالخببل يختبررره ولقااه ماعطته وجهه واعجب فيهاا..
خالد صددق: أهاا طيب.. بقول لعمي يجي ..
اسيل:أصلن هم بيجوون اليله بس عمي مو أكيد....خلاص بكلمه يجي..
سديم:لا انا بكلمه...
خالد:طيب ..انا برتاح ساعه شووي وصحوني لاتخلوني اطول بالنوم.
اسيل:ابشرر يا خووي..
راح خالد واستلموهاا البنات.
ابتهال: بسررعه أنطقي مزيوون؟
سديم:لحوول ...ايه مزيوون يششلع القلب..
عبيرر انصفررت :واأأأأأأأأأأأأأ احلفي..؟؟ اكيد عندده اخوااااان مزين مثله اكيد..

سديم.لو تدرون ان اخووه الي طالع بالتلفزيون ياعله مايعيش يطلع:مدرري يمكن له اخوان..

عبير:طيب كيف شكله؟
سديم:أقوول قوموا البسوا بنرووح السووق نشترري شويه اغراض للبيت..
اسيل:طيب بس سؤال كيف شكله؟ وسيارته؟ له سكسوكه << هذي لااازم ههه
سديم:اذ مالبستوا والله لا اغير رأي مانروح السووق. نسيتوا بيجون بناات عمي اليله اف منكم باردييييييين.
عبيررر ..:طيب طيب رايحه البس بس من يوديناا؟؟
سديم:السوااق ..
ابتهال:ومنين لناا سواق؟ خاف يذبحنا خالد بعدد؟
سديم:ماعليكم ماراح يقوول شي لان السياره ماهي ذاك الزود بتطفي بأي لحظه ..
اسيل:ومنين جبتي رقم السواق؟
سديم:اففف منكم اس أني بتحقيق جبت رقمه من مررررريم بنت جيراننا اخلصواا بنرووح..ولبسوا غلاا بشتري لهاا نعوول جدد .
عبيرر:طيب دقي ع السواق وحنا جاهزين..
سديم :طــيب بسررعه ..
راحوا خواتهاا يلبسوون

وهي دورت الكرت حق رقم صقرر ودقت عليه


كان جالس بالمستشفى على مكتبه ولابس البالطوو الابيض وشكله جناااان ورافع رجلينه ع المكتب.. ويلعب بلقلم ع الطاولــه نورت شاشه جواله برقم تلفون بيت أستغررب وررد :ألوو.
سديم:مساء الخير.
صقر بفرحه عرف صوتهاا:ههههه مساء وصباح الورد لأحلى وررده..
سديم..يووه بدااا بالغزززل:شخبارك؟
صقرر:تماام دامني أسمع صوتك..أنتي كيفك؟
سديم:بخيرر...أممم صقرر.
صقر:لبيه.
سديم استحت ياربي اول مره احد يقولي كذاا :لبيت بمكه...صقرر اناا موافقه اتزووجك..وسكررت بسررعه
بقى الجوال على اذنه يتسوعب الي قاله ..اناا موافقه اتزووجك...سديم وافقت تتزووجني.!!!!!!!! هههه أناا أحـلـم؟ ..وين راح صوتك ياسديم استحيتي؟؟ يالبى قلبك اهم شي وافقتي....أطلق تنهيدده طويــله ..... معقوله الي بقلبك يااصقرر حــب.!! ياترى ياهل ترى؟ في حب يصير بيومين؟ هههه وش قاعد اقوول انااقمت اخبط ههههه



يـــتــــــــــبـــع لحدد يرررد


نـررجسـيھے ©؛°¨غرامي متألق ¨°؛©

ـــــــــــــــــــــــــــــــــــــــــ
بعد انهاء الاجتماع المهم .. دخل مكتبه وخلفه مدير اعماله ومرتب له جدولـه اليوومــي بأنتظااام .. دخل ورااه ..وهو رمى بنفسه على كررسيه الي يحبه ... ومهم بالنسبه لـه دلك بين عيونه بأأيده وهو يحس بتعب.. خلاص تم كــل شي افتتحت الجمعيه الحمد الله .. الحين بتفضى لصقررر ومشكلته والله حاسس بيجي ووجع راااس من ورا هالسالفه ..الله لايوفقك يامعااذ ووين بترووح مني ياحقيرر ووين ... تذكر صقرر وتهديده غص من الخووف والله صقرر يسويهاا والله يسويهااا اخووي واعررفه بيشيلني من منصبي. لكن نجووم السماء اقررب ..لك أناا مدري ليه صقرر يغاار مني يمكن لاني وصلت للي ماقدر يوصل له هههههه
ناظر له مديرر اعماله: ياحضره الوزير اناا رايح برا بغيت شي دق علي..
رعد يفكرر:لا مابغيت شي ...توكــل..
راح المديرر وبقى لحاله ... رفـع جواله الاخـر مديــل ودق على أخووه صقرر.

ناظر للمتصل وكشرر وكمش وجهه لكن رد لازم يضع حد لاخووه ومهزلته ..وهو كاان بس يهدد رعد مايبيه يتزووج سديم اساسااا يمكن يتووب رعد لكن مستحيييييييل.!!! لازم اررد عليه واقوله أنـي أنا الي بتزوجها واذا يبي يحضر معي للخطبه .!
:الوو.
رعــد بصووته الرجولي والحاد:الو.... هلاا صقر شلوونك؟
صقر بنفس النبره: الحمد الله بخيرر....
رعـد ..حتى ماسئلني شلونك أأخ منك ياصقررر وش سويت لك اناا:المهم أناا وافقت أتزووج البنت..كل هذا عشان منصبي وبـس..
صقر:هههههههههههههه صددق؟ ليه من قالك أني أنتظر موافقتك؟
رعـد:شلوون مافهمت؟ وش قصدك أنت؟ لاتلعب معي أحسن لك ياصقر.
صقرر بخبث: البنت مو منتظره انك تتزوجها تستر عليهاا ... خلاص أنسى الموضوع ...
رعـد :لاوالله ..لا والله انا عارف نيتك تبي تفضحني .؟
صقر:هههه يمكن اففضحك ويمكن لا؟؟
رعـد:صقر جدولي مليان اشغال ....اناا بكراا بملك على البنت وخلااص لاتكثرر كلام.
صقر:هههههه ومن قال بتاخذهاا ؟؟ أناا اليله بخطبهااا ...ولاززم تجي معي مايصير أخوك يخطب لحاله صح؟
رعـد...لا هذااا ناووي على ششي الله يسترر منك ..يبي يخطبهاا عشان تطيح برااسي... وبكرا ينزل مقال بالجرايد..الوزير رعد يغتصب فتاه ويرميها ... ويتزوجهاا أخووه .!!!.... صرخ عليه وبعصبيه: صقــــــــررر ياحقيرررر وش بتسووي؟
صقر:هههه مابسوووي الا كل خيررر... وانا بدز لك العنوان بالمسج عاشن تجي معي اليله ..ورتب جدوول ...اعمالك أفضا بس ساعه لأخوك وبعدها ضف ووجهك...بااي.
سكرر منه ورعد بقى ماسك الجواال .هذاا أكييد مجنوون وش بيسوووي ...والله بيروح تعب سنين مني ومن الي بيروحه صقرر؟ اخوي الصغير أن ما ادبتك ياصقررر .ناظر للجوال ينتظر المسج ..مكتوب فيه عنواان بيت سديـــــــم بالكاااااامـــل ..أبتسم بخبث وهو يخطط على شـي ! .!!!


ــــــــــــــــــــــ

باليل فــي بيت سديـــم

الساعه 9 الكل مجتمع عمهاا أبو رايـد ..وام رايد والبنااات ورايد ماحضرر.. بس وليد كان موجود...
بمجلس الرجاال....

كاان حاضرر صقرر ورعـــــــد والحراس الشخصين واقفين عند بااب البيت . مادخلوا عشان فيه حريـم..
رعـد يناظر للبيت بقررف واشمئزاااز يحسس نفسه يبي يستفررغ.. وأوول مايطلع اكييد بياخذ شوررر على طوول ويكب ملابسه بالزبااله ...وش هالقررف .. المجلس ياله كفااناا . لاحووول وش هالجسات المعفنه ..ياربي متى اطلع من هالقررف ..ماني مصددق اني هناا اففف.
صقرر عكس رعد تماااماا كاان مبسووط وبيتشقق من الفرررحــه...
أبو رايد بعد مااقاله صقر طلبهم أنهم يخطبون سديم...حييل مبسووط..أخيراا بنات اخوي وحده منهم انخطبت ولمين بعد أخو الوزير؟؟ ياارب حظ بنااتي مثلهاا ياااارب ...لا وبعد العريس دكتورر... ياسلاام ووين رااسي الحين بين خويااي أخو الوزير نسيبي ياعيني ع الكشخه :على بركه الله . ياولدي ... والحين بسئل البنت اسسمح لـي.
صقر: خذ راحتك ياعمي..
راح ابو رايد يسئل سديم ....
بقى خالد عند الرجال ووليد.
وليد طاااح قلبه فكررهم بيخطبوون أبتهاال حبيبته..
صقرر:أنت باي صف ياخالد؟
خالد صحيح صغيرر لكن جسسمه كبيررر:ثاني متوسط.
صقر:وكيف الدراسه معك؟
خالد:الحمد الله ززينه..
صقر:ششد حيلك ..
وليد: كيفكم وشخباركم..؟
رعد من غير نفس: الحمد الله.
صقرر:بخيرر دامكم بخيرر.
وليد..عمى هذاا مغرورر على ووش... أيه ماعليه وزيررر ههه يحق لــه يغترر والله يحـق لــه .. هالفلوس والسيارااه والحررس والمنصب.
جااء أبو رايد وهو مبتسم...
صقرر:ها يعمي بششر؟
أبو رايد بفرررح : البنت موافقه ...
وليد:ألــــف مبروووك ياصقرر.
صقر مبسوط:الله يباارك فيكم وعقبالك ياوليد.
أبتسم ووليد :أمييين.
أبو رايد:ومتى تبونا الملكه؟؟
صقر: بعد يومين...
أبو رايد: مو كأنه مستعجل؟؟؟ليييه؟
صقرر:ماعليشش ياعمي أنا اعنددي سفره بعد ثلاث اياام ضرووريـــه وابي اخذ العرووس معي..
ابو رايد: طيب وتحاليل الزواج ؟؟ مانقدر نملك بدونهاا.
صقر ابتسم: اناا عندي واسطتي بالمستشفى ونطلع التحاليل بليله..
ابو رايد: داام كذا ...نملك ..خير البر عاجله....
صقرر: ويكوون احسسن بعدد ياعمي.. وأوول مانجي من السفرر بسسوي لهاا العرررس ..
أبو رايـد :زيـن كلووه تماام.
وقف رعـد: والحين اان أستأذن عندي شغل ..
أبو رايد:أكيد ياحضره الوزير عندك شغل واسفين عطلناااك..
رعد:ههه لادداعي أنا جااي أخطب لأخوي. ..يلا سلاام..
صقر بنفسه.. عندك شغل أجـل هاا..الله يسود وجهك زي ماسودت وجهي..
.....

.....
رااح لبيته ..ودخــل مكتبه ..وأتصل على دكتورره الخااص ... وجااء عنده..
رعـد:خذ مني عينه دم ووديها لمختبر تحليل الزوااج..
الدكتور:مبرووك بدك تتجوز أستاذ رعد؟
رعـد بصووت كله حده وثقه بنفسه:أيه بتزووج ..
الدكتور:ألف مبروك استاذ رعـد والله يوفقك ...
رعـد:تسسلم...يلا شووف شغلك.
مد ذراعه للدكتور ..وضغط على الدم ياخذ منه عينه ودخل الأبــره وسحب الدم ..وحطها في انبوبــه ووومسح على مكاان الأبره بالمسحه الطبيه ... ووررعد بصرامته ماحس أن الدكتور دخـل الابره وخلص شغله لانه يفكررر بشي ثاانــي ..خطه لاززم يصوغهاا بأحكاام عشان مايخررب شــي....

ـــــــــــــــــــــــــــــــــــــــــــ


بعد يوميــــــــــــن ملكه سديم وصقـــر

البنااات يجهزوون والحريم بالمجلس الصغير ماكان فيه الا جارتهم وبنات عمهاا وزوجه عمهااا ..وبعض من جاراتها الي تعزهم ... والرجاال كان حاضر وليد ورايــد<< غصب عنه جااء.... ووخالد ووابو رايد وبعض من رجال الحاره واصدقاء أبو رايــد << جايــن بيتشفون يشوفون الوزيرر
رايد بغرور:ومتى بياصلووون النسيب وحضره الوزيرر؟؟
رايد: مابقى شــي الا ويجيووون ... الساعه صارت 9 وربــع
ابو رايد: وليد قم صب قهووه لرجال..خالد مسكين خله يقعد مايعرف يمسك الدله حتى..
وليد:أبشرر يبـه..
وقاام وليد يصب لرجال القهوووه...


أبتهاال واسيل كانو لابسين بناطيل جينزز لون اسود وبلايز صفرا بدون اكمااام..أختاروا لبسهم زي بعض عشان يبينو انهم تووم..
وغلاا لابسه فستان قصيرر نااعم ..شرته لهاا سديم يوم راحوا للسوق..
وسديم لابسه .. تنورره ميددي وردي مشجر بأبيض .. وبلوزا ناعمه وهاديه لونهاا ابيض وداخل عليهاا الوردي بهدوء..
وعبير لابســه تنوره قصيرره للركبه لونهاا أحمرر وبلوزاا رسميه احمر على أسوود...كلهم لبسهم نااعــم جداا ...
أم رايد:شووق أسئلي أخوووك ماجاء العريس واخوه؟ والحريــم بعدهم ماجوو..
شووق: طيب بتصل عليه يجي اكلمه ..
ام رايد:تصرفي يابنتي ..والحريم يناظرون بأستنقاااد..
شووق:طيب مااماا ....دقت على رايد يجــي عند المدخــل ..
اسيل: شووق روحي شوفي سديم احسهاا بتصيح عجززت لهااا. وانا اهديهااأ.
شووق .. متوتره رايد بيجي وماتدري وش تسوي:طيب طيب برووح لهااا..
اسيل:أوووف رووحي غثتني والله وهي تصييح .
شوق: أوك رايحه أشوفهاا خليك عند الحريم.
اسيل:طيـب..
ابتهال تصلح قهووه لرجال عشان الي عندهم خلصت..
أخذتهاا واتجهت لقسم الرجاال والدله والله حااره
أتجهت لمدخــل الرجال ..
قصتها نازله على وجهها وروجهاا البرتقاالي الصاارخ يلمع لعى شفايفها الـي تتلعثم بكلمااات قهرر ومعصبه من خالد الي مجااء ياخذ الدلـه....
مشى وهو يسحب رجلينه من الكسسل رفع راسه يناظرلأخته وقال: خيرر شتبين؟؟...وقــف لحظظه
هذي مو شووق ولا نجوود.... انااا وش أناظرر اللله وش هالزيـــــن ملاااااااك ع الأرض ... لكن شفيهاا ووش الي ماسكته..أيه دلـه القهوه ياقلبي عليهاا شكلهاا حااره..
أنا لازم اسئل خواتي عن هالملاك.
رفعت راسها وناظرت له:خالد.
رايد:هاا امم أنا مو خالد انا رايد انتي من.؟
ابتهال بعصبيه من هالوقح الي واقف يناظر لـي..قربت منه وحطت الدلـه بأيدده ودخلت داخــل.
وهي تاخذذ نفسس..هذاا رايـد فدديته ... شكله خق علي هههه لاخذ ماقلب بنفسي .. بس أنا تصرفت بغباااء هههههههه يلاا عاادي...ووه متغيرر صاير يجنن أحلى من قبـــل ...ياارب يحس فيني ياااااااارب ...
أخذت نفس طويـل ودخلت عند الحريــم..
اما رايد ...أحي وش هالدلـه حااره ... يااربي من هالبنت.. أفف لاززم اعـــررررف..

ودا الدلــه للرجال.. وارسل مسج لشوق... ((العريس واهله لسى ماجووو..))


ــــــــــــــــــــــــ


ياحقيريييييييييين فكووووووووووونـــي اناا لازززززززم ارووووووح أنتم تدروووووووون مــن اناااااا تدروون؟ والله لا اوديكم للسجن.. فكونــــــــي والله لا اشرشحكم واحد وواحد ... فكوو عيووني ماشوف وجيهكم اذا انتم رجاال اطلعواا واجهوني... فكوو ايديني لاززم ارووح اليوووم مهم بالنسبــه لــي فكونــــــــي ياحقيريــن والله لاا أفضحكم والله لاتقعدون طول عمركم بالسسسجن... هـــذي تهمه خـــطـــــــف .!!!!!!!!!!

ــــــــــــــــــــــــــــــــــــــــــــــــ


بعد ربع ساعه..
جو الحريم..
خالتهم وأبرااار وزوجهاا وولدهااا وسااره ...
أم رايد:ياهلاا وغلاا حلت علينا البركه ..نورتواا البيت بيتكم تفضلوا..
اول مادخلوا ريحه البخور والعطورااات معااهــم هـبـت .. سلموا عليهم.. وجلسوا يسولفون بئموور الزواااج..

ــــــــــــ
الشيخ: يارجال ماصاارت الساعه صارت 10 ومحد بين وويــن العريس؟ أناا ورااي نوومه لصلااه الفجرر بكراا؟؟؟
دخــل ومعااه حرااسه وزوج ابرار أخته وولدهاا وقال بكـل ثـقه: العريــس وصــل ..مـلك بسررعه ياشـــيخ.!!!

الشيخ: على بركه الله بسم الله الرحمن الرحيم...

















أنتهى


أنتظرونـــي

قــريب البااارت

أناا ماراح أحدد يووم للبااارت عشن ماتقولون اخلفتي بوعدك.؟
والله لمن اوعدك يصيرر لـي شي ويخلف الوعد...

يعني شيكوا ع الروايه بعد يومين أو ثلاثه تلقوون الباارت..

وانا ان شاء الله ماطوول عليكم..

أحببببببكم..




نرجسيه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1