منتديات غرام روايات غرام روايات كامله - يتم نقل الرواية هنا بعد اكتمالها رواية من تحت سقف الشقى أخذتني / الكاتبة : نرجسيه؛كاملة
اسيره حبك ©؛°¨غرامي جديد¨°؛©

افففف زهقنا وحنا ننتظر

ياليت أشوفك ©؛°¨غرامي متألق ¨°؛©

خذي وقتك <<<<مع اني متحمسة
بس عااادي
ننــــــــــــــــــــــــــــــتظرك يااا قلبي^_^

سنيوريته زوزو ,, عضو موقوف من الإداره

حياتي متى ينزل البارت
جاري الانتظار

احبك وماأبي غيرك ©؛°¨غرامي جديد¨°؛©

هااااي نرجوسه الف الف الف مبرررروك عارفة اني ماااره متاخرة بس كان النت مفصول وكنت ودي اكون من متابعينك بس الوقت ماراح ودي اكون الحين من متابعينك

GoldRose ©؛°¨غرامي جديد¨°؛©

بنات خلاص لاحد يكتب جاري الانتظار و وين البارت,,
خلاص الغايب عذره معه ; يعني بلآ تعليقات تسوي زحمه ع الفاضي !!


مس تسذآ ©؛°¨غرامي جديد¨°؛©

يآ فتآة تدريَن آن روآيتككك خقآ آ آ ت . .
لآتطوَليين عليينآ . .
في آنتظآركك . .


نـررجسـيھے ©؛°¨غرامي متألق ¨°؛©

::

::

لا اله الأ أنت سبحانك أني كنت من الظالمين


الـــــــبارت السابــع والعشــ27ــرون

~ قرأه ممتعه للجميع ~

تحياتــي : نـررجسـيھے


::






فـــــي مصـــر
~~

هزهاا وناداها وماسمعت ..ولمس جبينها شوي مصخنة... ماحست الأأ واهي بأيدينه ..يالله شالني بكل خفه .. تو ادري أني خفيفة ..؟هههه ..بس بسس ليه شالني ليه ...فتحت عيونها شوي ..ولاحظت انها حيل قريبه منه وتحس بأنفاسـه ونبضات قلبه ..
فتح بااب غرفتها واتجهه للسريـر ونزلها فيه ولـف وجهه عنهاا وهو يدعي ربــه أنه مايكون أخطىء بشيلهاا ..بس أكيد لو أي أحد مكانـه بيسوووي نفس الشي .. قال وهو يسئلها: يختي أنتي بخير.. ؟؟ أروح اجيب الدكتور؟
نجوود... يمممه احس أن الاسجين انقطع عني ..وش يبي هذاا مني رووح روح أنا بخيرر ..والله فشله ..يكفي الي صاااااار خلاص دخيلك روح .. بس اذا سكستت وماقلت اني بخير ورديت عليه بيتمركز هنااا ومايروح ... أخرجت نبرات واهاات كاذبه واخرجتهااا بأتقاااان :أممم أأ أ"وبدت تفتح عيونها بشويش"
اما صقر. شاف أنها بدت تصحي ..وحس ماله داعي مكانه ..وأستئذنها وطـــــــلع..
نجود... بعد ماطلع ..نقززت ع السرير وهي تشهق بتوتر:الحمد الله الي راح قبل لايجي رايد ويفهمناا غــــلط ..اوووف الحمد الله ..
تلهلمت بالبطانيه بعد ماطفت اليت ..وراحــت في نومه طويـله

::

::


وعــند فـــأيــز ومرام

سكر من أمه ألي خايفه عليه وتحاتيه ..وكل ماتدق عليه ..تذكره بحلال ابوه الي تاركـه ..وجالس يربي مراام على كيفه .. طــلع فووق لقاهااا تسرح شعرها وكانت لابسه بيجامتها تستعد للــنــوم ..
ابتسم لها واقترب منها وطبع بوسها على خدها :هلاا بالحلوو.
مرام..كمشت من بوسته وقالت بمجامله: هلاا ..
فايز ..لاحظ أنكماشهاا وماحـب يتلصق فيها أكـثر:بتنامين؟
مرام وهي تقوم عن كرسي التسريحه متجهه للسرير:شوفه عينك ..ايوه بنام..
فايز:أهاا .بس مو كأنه بدري؟ أجلسي ودي أتكلم معك شوي.
مرام بملل: مالي خلق أتكلم خليها بكرا..
فايز بقهر منهاا: أحسن ..عمرك ماتتكلمين ..اصلأ الشرهه علي الي مقابلك ...طلع وصفق البااب ورراه .
اما مرام ماهتمت لـه ولا يهمها أصلأ .. طفت اليت ونامــت
..
فايز ...عصب منهاا .وراح نزل بالصاله ..فتح التلفزيون وعلى الصوت وهو مو يمه كلش يفكر بمراام ... وأنـه مــــل مـل منهاااا
كلش تتذمـر ومو عاجبها شي .. لهم مده متزوجين ولا مرا حسسته أنه زوجهاا ..واشياء كثير ..ماسوتها له وبس مطنشته ..حسنت من غرورها شوي صحيح بس لسى فيهااا غرور.. مراام يبي لهاا طريقه اخليهاا تبطل هالغرور وتحسسني أني زوجهاا ...لكــــــن أناا مو بس فاضي لها ...عندي اشياء كثير تاركها ومقابل مرام ...شركات واسهـم أبوي ..عقاارت واششياء يبي أكون موجود فيها واراقبها بنفسي.. وخاصـه أمي واختي ..تاركهم بفيلا مع الخدم ولا أدري عنهم ...لكــن ..انا وعدت أو مراام أنــي أغيرهاااااا..."رجعت في ذاكرته بالايام الماضيـه وخاصه لما كان يتكلم مع ابو مرام ...."

أبو مراام كانت تربطه علاقه عـمل وشراكة مع فايز .. شركاتهم تصدر لبعض وشغلهم تماام .. وكان افضل شريك تعامل معه ابو مراام هو فايــز ..قوت العلاقه بينهم ..وابو مرام حس ان فايز ولده ومو شريكه ..كان حيل معجب بشخصيه فايز الي كبر منصور. ولده ..منصور كان يدرس برا ..ولا يدري عنه ..وفايز مشاء الله بعمر ولده لكنه رجل ناجــح ومحظووظ بشغله ..وأمــه داعيه له .. صار فايز يتردد بأستمراار بالجيه لبيت أبو مرام .. ومرا كان عنده وسمع صراخ ابو مراام على اهله ..ولما جاه بالمجلس سئله فيه .. مسك راسه أبو مراام وقال:مافيه شي ياولدي ..
فايز شبك اصابعه ببعضهم وقال: افا ياعمي تخبي عني شي؟
ابو مرام..رفع راسه وقال:لا والله ياولدي ماخبي عنك ..بالحقيقه ..اناا ماعندي الا هالولد الي داج برا ..وبنتي من سوق لسووق ..ومحل لمحل ..وبس حاطه عبايتها على كتفها وماشيه .. بدون أذن مني ..بس شغلتها تاخذ فلوس وتروح ..والناس تتكلم وتقول أبو منصور ماعنده دبره ولايعرف يربي بنته ..وطلعوا كلاام اوجعني وهالبنت الي عندي ماتقدر أبــد.. وفوق هذا بس تتشكى ومو عاجبتهاا حياتهاا ..
فايز ..كسر خاطره ابو مراام ..رجال كبير بالسن والشعر الابيض معبي دقنه والهم من بنته وولده قاته وموجعه: ادعي ان الله يهديهم ياعمي..
أبو مرام ماسك راسه:امين الله يهديهم..ان شاء الله اوول مايجي ولد الحلال بزوجهاا على طــول ..
فايز..سسكت شوي وقال: امين ...
ابو مراام رفع راسه بسرعه وقال:انت متزوج؟
فايز بهدوء:لا.
ابو مراام:خاطــب؟؟
فايز:لا..ليه؟
ابو مراام: ياولدي ..شرايك تتزوجها؟ ولو ادري انها مو زينه اعرض بنتي عليك لكن فهالزمن قليل تلقى رجال كفو.. وانا أثق فيك واعرف معدنك واصلك ياولدي .. وش قلت؟
فايز بهدوء...وبتفكير... انا بنفس الوقت ابي اتزوج امي تدور لي ..ليه ماتزوج بنته المغروره وأفك ابوها المسكين من همهاا..وعدل جلسته وقال: واناا موافق ياعمي ..الي تامرون عليه انا موافق ..وانا الحين اتقدم رسمي لخطبت بنتك ..
ابو مراام بفرح واابتهج:الله يوفقك ياولدي ..الله يوفقك ..لكن اوعدني؟؟
فايز :مايحتاج تقول ياعمي..أوعدك احافظ عليها ..واغيرهااا ..وبتشووف بعينك..بس أنا عندي شـرط ...
ابو مراام:وش شرطك؟
فايز:مابيها تدري أن عندي كل هالخــيـر .. ابي اكون رجل بسيط وموظف راتبه لايكثر عن 3الاف... بالنسبه لهاا..
ابو مرام بأستغراب:بس ياولدي هذا فيه اهانه لك ليه؟
فايز:هالشي ياعمي هو الي بيغير بنتك.. صدقني .
ابو مرام بتفكير: طيب براحتك..


صار الي صاار وتزوجهاا ..وابو مرام اهو الوحيد الي يعرف حقيقه فايـز..


::


نــرجع لمـــــصر


~~

رايد ..ماسمعها يوم قالت أترك خالي...لكن أستووعب يوم قالت ..لاتأذي خالي....خالهااااااا؟؟؟؟؟؟؟ ذبحت الرجال بالضرب وطــلع خالهاا... خالهااااااااا خالهااااااااا..
نفض أحمد من أيــده ووقف وأنفاسه تطلع وتنزل بصدره وقال: اعذرنــي ..انا فكرتك .........
احمد بعصبيه:فكرتني صاحبها ؟؟انتاا مين وبأي اسااس تمشي معها؟؟
ربى بأندفاع:خالي هذا زميل لي بالجامعه .. وكل طلعتناا عشان نتناقش بأمور المحاضرات وغيره ..
احمد : اه فهمت ..لكن ليه يهجم علياا بلشكل ده؟
ربى بتبرير لرايد الخجول من فعله ..:ماعليه خالي بس اهو مكان قصده ..ولايدري أنك خالي.. معليش لاتزعل خالوو..
أحمد وهو يمسح ملابسه بكفه ايده ينفضهاا: ماشي ..انا حعديها هالمره دي عشانك ياربى ..
ربى: تسسلم ياخالو وصدقني رايد صدق مكان قصده يأذيـك ..صـح رايــد؟؟
رايد ومو قادر يناظر لأحمد:صحيح..اناا اسف أخوي ..مكان قصدي.
احمد.أبتسم وقال:ماعليش ...أصلك أكيد بتغار على بنات بلدك.."التفت على ربى وقال" اشوفك بعدين ياحلوه اناا ماشي دلوقتي ..
ربى:اوكي خالي..
احمد:تعالي خلينا نشوفك..
ربى بأبتسامه:أوكي.
رايـد قاطعهم وهو حدده خجول ومعصب مايدري ليـه أنقهر من ربى: انا رايح ..واس مرا ثانيه أخ أحمد ...
مشى وماترك مجال لربى انها تكلمه ...راح ولا حتى قدرت تعاتبه ليه يضرب خالهاا..
سكتت وهي كاتمه غيضهاا منه وراحــت لشقتهاا..

::
::




فــي المـــــــــول


بتول:لالا مو معقوووووول وين سديم وين راحت؟؟
ابتهال:الظاهر راحت مع رعــــد ..
اسيل :تروح مع رعد وماتقول لناا؟؟
شـوق:اصلا وينه رعــد؟
ابتهال: مشوين العالم كلهم متجمهرين على رعد وسديم..ومالحقت اشوف الي صار بس شكله خذاهاا وراح..
بتول:يعني تتوقعين كذا؟
ابتهال:أكيد ..واذا مو مصدقتني وقفي أي شخص واسئليه عن الوزير.يقلوون لك من شوي كان هناا مع زوجته ..وراحوا..
شوق:والله خايفه ..بس مضطرين نصدقك ..لان حيل تأخرناا ..يلا امشوا..
بتول:يلاا ..أدم لـه ساعـه تحت ينتظرناأ..
شوق واسيل وابتهال:يلاا. مشينااأ..

::


::



كانت تمشي على رصيف الشارع وعلى أنوار الاعمده الضعيفه باين زولهاا وهي تمشي بأنكسااار ... وهي مو مصدقه الي قااله لهاا ...

وتحاوول تستوعب بعضا من الي قاله ... ليه يارعد سويت فيني كذا ..ليــه ..بعد ماحسيت بلحظه اني ممكن اتقبلك تسوي فيني كذاا ..لـــــــــيه يااربــي ساعدنــي ..خلاص مابي اعـيش مابي وش ابي من هالدنيا.ياربي لو ارمي نفسي قدام وحده من هالسيارات وش ممكن يصير!!

رجعت تتذكر للكلام الي قااله لهاا من دقائـق وهي تبكي وتمنت انهاا ماتت ولا سمعته منه
رعـد بعصبيه وتقلبه السريع وانفعاله وغضبه ..وقهره أستفزازهاا لـه .. نزل لمستواها ..صفقها كف ثاني...ومسك شعرهاا وقـــأل: أنــتــي طالـــق ... انقلعي عـن وجهـي ..."وبصراخ" أقول أنقلعي عـــــــن وجهـي مابـي اشــوفك .. أنقـــــــــــــــــــــــلعي ..



رجعت لمكانهاا الي هي فيه وتبـــــــــــكي من القهر ..
شعورهاا لايوصف.

حست بالـــــــقــهر
تألمت
أنذلـــــــــــت

كسرتني كثيرر يارعــد
اول مرا اغتصبتني ورميتني ..وهالمره تطلقني وترميني ..وانا احمل ولدك ..رميتناا انا وولدك برا ..بالشارع ولافكررت بمصيرري ..ولافكرت ووش ممكن يصير فيني ..ياترى بيهمك أمــري لو صار فيني شــي ؟؟
بيهــمـك ؟
مستحيل ارجع أفكر فيك ولا راح اسمح لشخص مثلك يسيطر على تفكيري ويأثر فيني مستحيل ...
..

مسحت دموعها الي عبت نقابهاا ووقفت تاكسي واتجهت لبيت عمهاا وهي مو عارفه كيف بتواجهم وهي مطلقـــــــة !!

انــت ناقــص ياعمي بعد هم ..نـاقـصك هم وحده مطلــقلة..!!

:::



رعــد

طردتها ورميتهاا برا واناا مو بوعيي... الموقــف الي شفته بالمول استفزني والقهر الاكــبر انها زودت الطين بله ..قامت تعايرني بمرضي ..اصلا وش عرفها اني مريض؟؟ كيف عرفت؟ ماحاولت تصلح وتفهمني تهجمت علي ...وتستاهل ..اصلا مفروض أناا اطلقهاا من زمان يكفي خذيتهاا غصب عني .

فتح البااب ودخل لغرفته رمى بنفسه ع السرير ..وهو يفكر فيها..ياترى الحين وينها وش تسوي وين راحت؟ وكيف بتروح؟.."ناظر للساعه الكبيره المعلقه بوسط الحائط" وقال بنفسه لساعه 12 ونص باليل الوقت متأخر ..

وانا وش علي منهاا خلهاا تولي ... الخاينه الحقيره .. خلاص انا تزوجتاه سترت عليها والحين خلهاا بالي مايردها أن شااء الله ..


::

::

فتحت لهااا أم رايد ..وارتــمت بحضنها وهي تبكي وتشهق بصوت عالـــي: خالــــــــــــــــتي .. اأ أهيء الحقي علي ..أأاهي ء
ام رايد بخوف..دخلت سديم وسكرت البااب وهي تضم سديم وتطبطب عنها:بسم الله عليك يابنتي شفيك خوفتيني عليك؟؟ تكلمي وش بك؟

سديم وهي تشد على ام رايد وتبكي بألم وبشكل يقطع القلب:خ الت ي ر عـ د

ام رايد بخوف: قولي يابنتي شفيك بسم الله الرحمن الرحيم شفيهاا هالبنت ..
سديم بكت بصوت عالي يكسر الخاطر: ر عد ط لقني طلقني ياخالتي ..
ام رايد شهقت: بسم الله كيف وشلون ؟ انتي طالعه من هان على اساس تطلعون تتعشون وش جاب رعد لك؟ قولي لي يابنتي كـــــيف؟
كلهم من سمعوا صراخ وبكا سديم نزلوا وسمعوا الي صاار

!!!!


::



بعــــــد يومـــــــــين




فـي مًــصر وبالجامــعة


اول ماوصل للجامعه دخل ع المحاضره
وبقى يستمع للدكتور ..

وبوسط هالهدوء ..دخلت وقالت:السلام عليكم ..مكن ادخل دكتور؟
الدكتور..."طبعا هذا غير الدكتور الي تهاوشت معه":وعليكم السلام تفضلي ..أجلسي مكانك ربى ..

مشت بهدوء وهـي تناظر للمكان الي بتجلس فيه ...وكانت لابسه عبايه كتف شوي فضفاضه وحجابها الاسود الانيق ووجهها خالي من المكياج ..
الكل يناظر لهاا ..وبالاخص رايد ...ناظر لها بأعجاب وابتسم من داخله ..
جلست بمكان وراه واستمعت للمحاضره معهم بهدوء ..وهي تسئل وتستفسر ومهتمه مع الدكتور والمحاضـره ..




خــــــلــصــت المحــــاضـره


أتجهت للكفتريا وأطلبت قهوه سادة ...وفتحت دفتر ملاحظتها وجلست تراجع الي كتبته اليوم بالمحاضره ..وتتلذذ بقهوتهاا رغـم مرورتهاا ..وابتسامه الرضا ماتفارق وجههاا..

لم كتبه من الطاوله ومشى مع أصدقائه واهم طالعين من قاعه المحاضره.. كاناو اصدقائه يسولفون واهو مو معهم ابـد ..

عماد: ها شبااب تخاون ؟
علي:انا عن نفسي اكيد بروووووح أحد يفوت هالسهره عليه.
عماد :حلوو..طيب وانت يارايد بترووح ؟؟
رايد:هاا ..لا والله مالي خلق سهراات ..
عماد:انت خلك بس بتذاكر اف.
رايد:هههه لاوالله مو كذا بس مالي خلق سهرات ..
عماد:طيب طيب براحتك...

مشو ووصلوا للكفتريا ..وجلسوا على طاوله قريب لها حيل لدرجه تسمع سوالفهم ..
عماد:انا أبي كابتشينو وانتوا؟
رايد:وانا بعد..
علي:خليهم ثلاثه ..
طلبوا وجاهم الطلب بسرعه وجلسوا يسولفون ..
عمااد:شباااااااب ذيك ربى ولا أنا غلطان؟
علي بأهتمام:ايه شفتهاا استغرربت .لابسه عبايه ..وماتناظر لأحد ..ماصدق صرااحه انها تغييرت بيوم وليله !!
عماد:غريبه والله ..
رايد بدفاع:عاادي شفيهاا يمكن فكرت البنت وغيرت رأيها!!
عماد:الله يثبتهااا على كذاا ...لكن بصراحه حتى واهي مو حاطه مكياج تهبل مشاء الله ..
عماد:من جدد تجنن الله يحفظه ..
رايد ..انقهر من كلامهم ووصفهم لها:لحوول فكوناا الحين ايوه وش بتسون باقي يومكم؟؟
عماد:انا وعلي بنروح السهره وانت مدري عنك وش بتسوي.
رايد:بجلس بالبيت أحسن لي..
(رايد وربى مايتكلمون من ضرب رايد خال ربى ..كلن يتحاشا الثاني ومايتكلم معه ولا يعرف الغلط من مين ولا ليه مايتكلمون مع بعض )
علي وهو يوقف بع مارب الي بكوبه:ايه بكيفك ..عنيد مدري ليه ماتبي تجي معنا...وانا الحين بروح انام لي شوي عشان أقعد واروح السهره ..
عماد وهو يوقف كمان:حتى اناا ..يلا فمان الله رايد.
رايد بأبتسامه:مع السلامه..

راحوا وجلس لحاله شرب الكابتشينو بهدوء واخذ كتبه ووقف بيروح البيت ...
صدم فيها ووقف لحظه !! ناظر لهاا ووبوجهه تخلو أي تعابير..
ربى بأسف: اسفه ..
رايد:لا عادي..
مشت بتروح ووقفها صوته يقول: ربـى ..
لفت عليه بسرعه وهي متشوقه للي بيقوله: ربـى ..مشكوره ..
ربى :على شنو؟
رايد :على سماعك لكلامـي ولبسك للعبايه ..
ربى بهدوء:العفو لكن....انا لبست العبايه ..لأن فعلا حرام الي كت اسويه ..وانت بسس وعيتني شووي .. وعلى فكره ..حتى خالي يعتذر منك..
رايد..حس بكلامها انها تنغز فيه: العفوو ..ربى ..انا اسف على ضرب خالك ..ولتدخلي وانا مالي شغل فيك ..بس غصب عني عجزت صدقيني !!
ربى بتفهم :طيب مو مشكله .. انسى ...

لفت بتروح ..مسك ايدها وقفها :لحظه ربى ..
ربى بأستفهام وهي تناظر لأيده:هلا بغيت شي؟
رايد ترك ايدها بتوتر وقال: ربى ممكن نتكلم شوي؟
ربى:بس ...
رايد ..كرهه تصريفها له : طيب براحتك...
مشى عنهاا بسرعه ..وهي مشت وراه ...حست انها زودتها معه وهو الي تكلم معها وعطاها من وقته وتكلم معي بأسلوب ويمكن انا بعد مصختها يوم شفت خالي ..
طلع برا الجامعه ووقف ع الرصيف ينتظر السواق يجيه ..
قطع الشارع يبي يوقف ع الرصيف الثاني ...وهي مشت وراه وتردد :رايـد ..لحظه شووي بس ...اسمعني ..رايـد ششفيك مسررع ...
كان ماشي ومطنشها وهو منقهر ..اجل انا تطنشيني وتبني تحقريني ياربى ..وهذا انا ماشي وحاقرك وش بتسوي .... بعد ماقطع الشارع ..سمع صوت سياره ضغطت فرامل بسرعه وشحطت لف بسررعه عليها ومسكهاا وسحبهاا عليه ونبضات قلبه تسارعت وخااف وتوتر عليها ..
ربى ... كنت امشي وراه وهو مطنشني تماما ولا معبرني .. عبر الشارع ولما عبرت وراه بغت تصدمني سياره الا لما سحبني بسرعه البرق .. توترت وخفت لما صرت قريبه له هالكثر قدام الناس والمكاااان حيل غـلط ومحرج !!

فكيت نفسي منه وانا أقول: خلاص اتركني شفيك للحين ماسكني.؟
رايد وهو مفهي:هاا ا أ أنتي ليه تلحقيني وشش تبين؟؟
ربى:انت شفيك اكلمك ومطنشني كنت راح اروح منك..
رايد وهو يمسك ايدها عشان السيارات :قولي وش تبين؟
ربى:ا أ بي نرجع اصدقاء .شفيك لك يومين ماتكلمني.
رايد:لان انتي مو ماكلمتيني بعد..
ربى : اأ انا انتظرك تكلمني ..
رايد ..وهو يناظر لسياره السواق الي توه وصل: اركبي معي ..اوصلك..
ربى:هاا لا الحين اروح مع تاكسي.
رايد:تروحين لتكسي والسياره قدامك ..امشي يلا ..
ربى بتفكير:طيب ..

ركبت ورا السواق ورايد قدام ..
رايد:ايوه وش كنتي تقولين؟
ربى : هاا لا ولاشي خلاص ..
رايد: طيب ...الا وين شقتك؟
ربى : بفندق ال..........

مشى ووصل قدام الفندق
وناظر للفندق الفخم ...وقال:هنا ساكنه؟
ربى :ايه ..
رايـد :اهااا..
ربى وهي تنزل: اشوفك بكرا بالجامعه ..
رايد:طيب .. اأ ربـى ...
ربى :هلا؟
رايد: رقمي معك صح؟؟
ربى بتعجب:ايه ..
رايد: دقي علي أوك عشان نكمل كلامناا ..
ربى بتفكير: أ طيب ..
ابتسم لها وبادلته الابتسامة وسكرت الباب....

::


في بيت أبو رايـد


كانت جالسه سديم وتذاكر لأبتهال..
ابتهال: تكفين سديم أكتبي لي زي هالمعادله بـس غيري الأرقام..
سديم .. وهي كلها الم وتعب وقهر من الي صار لها لكن ..تحاول تخفي حزنها عن اهلهاا .. وبالحقيقه اهم يدرون بحملهاا لكن حلفتهم ماتبي رعــد يدرري بشي :طيب .."كتبت لهاا معادله وعطتها"يلاا حلي المعادله ..
ابتهال ..وهي تناظر لسديم المتكائبه: سديم..
سديم:هاا؟
ابتهال: سدومه لاتتضايقين بليزز..
سديم:من شنو اتضايق؟؟
ابتهال:من طلاقك.
سديم..هه شلون ماتبيني أتضايق شلوو يا ابتهال: لاا ليه اتضايق ..انا مو اول ولا أخر وحده تطلقت ...وبعدين يلا حـلي ..انا بروح أنزل لخالتي ام رايد واجي..
ابتهال بمرح:ههههه طيب رووحي فدديتك..



::

فـي بيت الوزيــر


مـروا هاليومين على رعـد ولا خبر أحد أنه طلق سديــم
حالته تدهورت

تعب عاناا كثير ولا يتكلم وش الي فيه ... تعبت نفسيته وحالته تدهورت وصار نفسيه !!

كان تووه نازل بيطلع ليرفهه عـن نفسهه نـزل تحت لقى أم وائل وبنتهااا عندهـم تحت جالسين مع ساره وأبراار
..رعد:أحـم حم..
ساره : وي هذا رعـد بيطلع ..
أم وائل:طــيب بنتغطى . .

تغطوا ومـر رعـد وطلع برا ..
ام وائل:يووه شفيييه رعـد متغير؟
ابراارر تهز بنتهاا:مدري والله لكن شكل الشغل متعبه ..
أم وائل:أيــه الوزيــر منصبه صصعب الله يعينه ..
ساره: أيه والله ..الا شخبارك شهد؟
شهد بحيا:الحمدالله بخيرر وصحه وعافيه ..
أم وائل وهي تفكر بنفسهاا...ياسلام لو رعـد ياخذ بنتي شهد ..زوجته مو عنده وينها شكله مايبيهاا ...أييه بسس لو يصير الي براااسي وياخذهاا بس كيييف !!! مشاء الله تبارك الله ..الرجال حليوه ومنصب ومال وكــل شي !! ..بس لو اقنع وائل يتزوج من بناتهم .. مم لا مابي هالمطلقه ..الصغيره لا بأس فيهااأ..:ايوه ووينها زوجة رعد؟
ساره بأبتساامـه:عــند أهلهااا..
ام وائل:ايييه مشااء الله ومتى تجي ؟
ساره:مدرري يمكن بكرا اوبعده الله أعــلم !!
ام وائل:اهااا..
شهد .دق جوالهاا:مااماا ..هذا وائل يدق.؟؟يلا نطلع.
ابراار:ووين بدرري جلسواأا؟؟
ام وائل بتمني:والله ودي لكن وائل عنده دواام ..واناا عدي شغل بالبيت..واكيد مرا ثانيه بنجيكم...سلمي على خالتك..
ابراار:اووكي أن شااء الله ..حياكم بأي وقـت ..
أم وائــل :تسلمين يابنتي ..
سلموا على بعض وطلعواا..

ابرار:اف هالحرمه ماحبيتهاا..
ساره:بالعكس شهد مرا عسسل.
ابراار:البنت ماعليها كلام بسس أمهاا ..بينت كأنهاا حليله بالحفله والحين كانها صاير قويه صح !
سااره:مدرري مالاحظت ...الا مو كأن سديم طولت؟
ابرار:الا والله حيييل طولت اشتقناا لهاا ..
ساره:أأأه مو كثرري ياابراار.
ابرار:ايه والله .. شكلهاا مبسوطه عند عمهاا..
ساره وهي تاخذ بنت ابراار:عطيني الزيونه الصغنوونه وه فديتهاااااااااااا..
ابرار:خوذيهاا عندك..اناا بنام شوي طول ام مسهرتني ماخلتني أنااااااام .
ساره:ههههههه افاا هاتيها بس

::


عــند رياان

كاان يسووق ومعصب

مايدري وش سوا بنفسه !! دمــر حياته من أنانيتــــــــه وطمعه

طلق زوجـــــــته
واهوا الحين بعيـد عـن عياله وزوجته ..مفروض أنهم ببيت واحد تحت سقف واحـد ..

وقـف بسيارتـه بعيد .. نـزل وأرتكى على مقدمه السياره .. وعيونــه شوي وتدمـع من القـهر ...شاف بنته .. الصغيره ..تعــلق فيهاا من شافهاا أول مره بـس .. اشتاق أنه يدق على ابراار ويستسمح منهااا لكـــــــــــن بعـد الــي صاار ماله وجه أنــه يــدق !
مشى وهو يفكر مشى لصار بوسط الشارع ..مفكر مافيه غيره بالشارع ..

ناظر لجواله !!

له أسبووع واكثر بعد مـــاادق ويـــن البناااااات الــي كانوا يكللمونه وتركوه ! واصدقائه الي لابغوا مصلحه دقوا عليه ..وكان هالبنات حسوا أنـي طلقت زوجتـي !! يالله !! هالدنيااااا غريبه ..
ليتهاا تمشي ع الكـيف يالـــــيت !!
راح وركـب لسيارتـه وهو معصب دعـس ع البانزيـن .. بسررعته وهو مايفكر ولا يبي يفكر وش الــي قدامــه ..

زاد بسرعه سيارتـه وكأنه قاصد أنه يمووت يبي يتخلص من نفسه بنفسه ..
وفعـلا كأنه صار الي يبي ..وبلمح البــًصر صاار رياان في كومه من تضارب حديد ببعضه ونزفت الدمااااء ..ولا يعلم بحالــه ..

::


يـــــــــــــتــــــــــــبع


نـررجسـيھے ©؛°¨غرامي متألق ¨°؛©

::

يــــــــــــــــتـــــــــــــــــبع


في فيلا الوزيــر

رجع رعد وجلس مع ساره لقاهاا تلعب بنت ابراار
رعد:السلام عليكم ..
ساره/هلا وين رحت؟
رعد:رحت .اشم هوا..
ساره تناظر لرعد بتفحص:رعد فيك شي؟؟ وجهك مو طبيعي؟
رعد بحب:لا مافي شي..
ساره:انزين سديـم وينها ليه ماجت؟؟ على اساس يومين وتجي الحين صار لها 4 ايام؟
رعد بألم : ماراح تجي خلاص..
ساره:يحول ياسديم اكيد عجبتها جمعه خواتهاا..

رعد:هههه لا ياساره ..خلاص اناا طلقت سديم..
ساره بصراااخ: شنووووو طلقتهاا؟؟ انت تمــزح .؟؟ لا رعدد أكيد تمززح.
رعد بهدوء: انا طلقتها وخلاص مابي أحد يتدخل ليه وشنو اوك؟
ساره وهي ساهيه تفكر معقوله طلقها ولا يمزح: رعد ليه طلقتها؟ لييييييييه حراام عليك؟
رعد: للأسف ماتفقنااا ومستحيل نكمل مع بعض ..وخلاص ياساره مابي كلاام كثيرر.....وتركهاا وراح لفووق ..
ساره وهي شوي وتبكي من قهرهاا من أخوهاا ..يابروودك يارعد ..
طلقتهااا ماني مصدقه انك طلقتهاا .. ..شالت بنت ابراار بأيدهاا وقالــت وهي تمشي وراه: رعـد تدري أنك اخطيت بطلاقك لسديم ..شلون قلبك يطاوعك تطلق وحده حامــــــــــل شلوون؟؟؟
وقـلإ والتفت لهاا وهو مذهول..وحده حامل؟ من تقصد ليكون تقصد سديـم؟؟:من تقصدين أنتي؟
ساره بأندفاع:أقصد سديم المسكينه ...حامـــــــــــل بطفلك .."وقالت بتوتر"ليه انت ماتدري؟
رعد وهو يفكر:شنو.. حامل؟؟
ساره:أيه ..ليه مقالت لك؟
رعد وو يناظر لساره بتفحص:لأ ..واهي من متى حامل؟
ساره: ماهو بكثير ..غريبه فكرتك تدري....ولا سديم حابه تسويها لك مفاجئه بعد ...أأأأأخ يالقهرر ليه طلقتها يارعد لييييييه ..
رعد وهو محتار ومنصدم:كذابه ..هي مو حامل ..
ساره :اف منك ..اناا ملني مصدقه انك رعد ...اناا بروح لهاا بواسيهاا ..المسكينه ..
رعد بحده:مافي لاتروحين لهاا ..
ساره بعناد:مابي ..بروح لهااا ولاتقدر تمنعني
رعد بثبات: ساره اقول لك مافي روحه يعني مافي روحه ..واذا رحتي ياويلك...
تركها وراح لغرفته..
امااا ساره .. راحت لأبرار وعطتها بنتها ..وقالت لهاا كل شي .. ولبست ساره عبايتها وراحت لسديم مع السواق ..ولاهتمت لرعد لأنهاا حيل تحب سديم ..ولازم تكون معها بهالأوقاات..
وابرار ...انصدمت من الي قالته لها ساره...ونومت بنتهاا وراحت لغرفه رعد ..طقت البااب ودخلت ..

كان متمدد بأهمال ع الكنبه ..ومن سمع طقه البااب تعدل ..وابتسم لهاا ..
ابراار بحب: السلاام عليكم.
رعد بتعب وتفكير: وعليكم السلام..
ابراار:شخباار أخوي؟
رعد:تمااام انتي شخبارك ياحلوه؟
ابرار:الحمد الله بخير... ألا وش فيك صق طلقت سديم.
رعد بألم داخله بيذذبحه:ايوه طلقتها..
ابراار: وسديم حامل انت تدري صح؟
رعد :هه توني دريت يا ابراار تخيلي؟ ماعلمتني بعد..
ابراار: البنت كانت بتوسيها لك مفاجئه" لا والله مكانت تبيها لامفاجئه ولا شي"
رعد وهو يفكر ...معقوله سديم كانت بتفاجئني ..وانا تسرعت؟؟أأأه ياسديم اكذب عليك اذا قلت ماشتقت لك الا اناا ميت على شوفتك وحضنك وكل شي فيك:مدرري ياسااره مدرري ..اتركوني بحالــي انا مو قادرر أفكر بشي أحس راسي بينفجر..
ابراار بهدوء: ياخوي لاتتعب نفسك ..بس انت حيل تسرعت بالطلاق ..واذا فيه شي خلاك تطلقها قولي .. انا اختك الكبيره وسررك ياخوي .. يمكن ااساعدك؟
رعد بنفي:لالا مافي سبب يابراار .. بس انا وهي مستحيل نتفق ..خلاص وطلقتهاا.
ابراار بهدوء:طيب تدري أن الطلاق يبطل ..اذا كان الزوج مايدري بحمل زوجته؟؟

رعد وهو يناظر لهاا وبتفكيرر: كيف؟؟ راحت عن بالي هذي؟؟
ابراار:ايووه يبطــل الطـــــلاق ..
رعد ..وهو حاس انه استانس وبنفس الوقت متكأب يالله ياسديم وش كثر تعبت من دونك ..بس ليه سويتي كذا مع معاذ ليه ..انتي تدرين ان زوجك له منصب واي شي تسوينه يأثر بسمعتي ..وانتي مشيتي معه بالمول ..أأأه ياقلبي ..احس بألم فضيع بكل جسمي: طيب؟
ابراار :يعني تقددر ترجعهاا ...امانه يارعد رجعهاا.. لاتسووي بسديم زي ماسوى فيني رياان ..طلقني وولدت وتعبت ولا هو جنبي ..والحين انا كارهته لو ايش مايسوي ماراح ارجع له ..لأن الحرمه تبي زوجها يوقف معها بأصعب محنتها .. اماانه يارعد لاتغلط غلطة رياان ..تكفى ياخوي ؟؟
رعد بألم وتعب: ابراار ..اناا احس أني حييل تعبان الله يعافيك..بعدين نتكلم ..
ابراار وهي تناظر لرعد بتفحص: رعد شفيك؟؟
رعد بألم: مادري ..مادري شفيني ...دقي ع الدكتورر دقـي ..
ابراار بخوف على رعد الي بدا يفقد نفسه ولا هو حاس: أي دكتور يارعد ؟؟؟
رعد بألم: شوفي رقمه بجوالي دقي عليه ..بسرررعة..
راحت بسرعه لجواله ودقت على الدكتور النفسي وجااء ..من عرف أن حالة رعد تدهورت..

كشف عليه وقال لأبرار الي واقفه ومتغطيه: لاحوول لله ولا قوه الأ بالله .. كيف صارت حالة كذا ياختي؟
ابراار بحسرره:مدرري يادكتور وش فيه ..انا نفسي خايفه عليه.
الدكتور: كنت اقول الحمد الله مايطول ويشفى الحين نسبه شفائه ضعيفه .."وهو يناظر لرعد" ياحضرة الوزير وش صاير معك قولي؟
رعد وهو يفتح عيونه ويسكرها بتعب ولا قال شي..
الدكتور بحزن لحالة رعد: بما أنه مايقدر يروح المستشفى لمركزة الاجتماعي..راح اوصي بفريق طبي وغرفه طبيه مجهزه وكامله في البيت .."وناظر لأبرار" ياختي ممكن تشوفين لنا غرفه نقدر نجهز فيها سرير المريض وكل شي؟
ابراار مو فاهمه شي ..من هالدكتور :هنا بغرفته ...الأ دكتور وش فيه اخوي؟
الدكتوربأسى: ياختي اخوك مريض بالنفسيه من فتره طويله ..واهو مو حاب أحد يعرف ..حالتة تدهورت من موقف له وهو صغير ..وكان قبل اسبوعين يتحسن تدريجيا والأن حالتة لاتوصـــــــــف وش صاير معه؟؟
ابراار وهي تبكي: أأأأأأأأأأه ياحسررتي عليك ياخوي..ليه ماقلت لناااااااااااااا ليييه ماقلت انـك مريض عشان نساعدك ونوقف معك ..أأأهيء ..
الدكتور: خلاص ياختي . . صار الي صار ..والحين انا بتصل المستشفى يجيبون لنا اللازم في البيت .. ..اخوك لازم مراقبه حالته ماتسمح نخليه لحاله ..
وافقت أبراار ..وطلعت برا واهم جهزوا غرفه رعد ..وصارت ككأنه بالمستشفى .. ..بكت وتقطع قلبها على اخوهااا وفكرت تتصل وتقول لساره ..بس اذا جت من سديم تعرف ..الحين اذا عرفت سديم..يمكن تتعب وأهي حامل..


::

عــند بيت ابو ادم..

أم ادم وهي تكلم بالتليفون:والله مدري طيب شوفي لي بنت ابو سعد؟؟مم لالا هي قصيرره مره ايه صح تو تذكرتهاا.. طيب شوفي لـي بنت ........ يووه تذكرت شعرهاا قصيرر ..افف ..والله تو أدري ان الخطبه صعبه لهدرجه .. هههههه ...
"وهي تناظر لبتول الي جت"طيب طيب بعدين اكلمك ..انتي دوري لي على بنت واذا لقيتي وحده حلوه كلميني ......... مع السلامه.
بتول:هااي ماماي من كنتي تكلمين؟؟
ام ادم بحب:كنت اكلم خالتك...
بتول:وش عندك؟
ام ادم:ادور انا وياها على عروس لأخوك ادم ..
بتول:اهاا ..بس مو كانه بدري ..ادم شكله مايبي يتزوج..
ام ادم:لا بيتزوج ..غصب عنه ..
دخل ادم وقال :شنو الي غصب عنه؟
ام ادم:بزووجك يعني شنو؟
ادم:بس انا مابي اتزوج.؟
ام ادم:لابتتزووج ..لمتى بتظل كذا يالشايب؟
ادم: يمممه انا مو شايب تو عمري بالعشرين ..وشوفي صقر ولد عمي كم عمره وماتزوج؟
ام ادم:لا ياوليدي اذا بتظل تراعي لعيال عمك الشيبان ..طول عمرك منت متزوج..
بتول:يممه حراام عليك عيال عمي مو شيبان .[س أهم مايحبون يتزوجون الأ ااذا كوونوا نفسهم ع المظبوط..
ام أدم: اييه الله يعينهم على نفسهم ..
بتول بتفكير:ماااماا ليه رحتي بعدين؟؟
ام أدم بتعجب:شنو؟؟
بتول:اقصد ليه ماتخطبين لأدم من خواات سديم زوجة رعد؟
أم ادم:وش فيهم؟
بتول: ماماا مشاء الله عليهم ..جمال وثقل ..وكلامهم عسل..
ام أدم بتفكير:أي والله ليه ماخطب منهم ..كيف راحوا من بالي؟
بتول:ههههه مدري...
ام ادم: اظن وحده ميت زوجها والثانيه مملكة على ولد عمهاا صح؟؟
بتول:يب..خوذي أسيل...يممه يهالبنت تجنن تعجبني نعومتهاا الزايدده ..ههههههه
ام ادم وهي تتذكر ششكلهم: اسيل اسيل..ايه تذكرتهاا ..ايه والله جبتيهاا يا بتوول ....دخلت راسي هالبنت ..
ادم ...بغيت ابوس بتول يوم قالت لأمي أخطبي من خوات سديم واااااه فدديت أختي الي حاســه فيني ...بس مدري احس كأني متردد...:هييه عن شنو تتكلمون وانا هناا؟؟
ام ادم:خلاص اسكت لقيتها لك ..
أدم مسوي نفسه مو فاهم:شنو الي لقيتيها؟
ام ادم بأبتسامه عريـَضه:العروس .. ياوليدي ..خلاص انت روح بتكلم انا واختك ..
ادم ...من عيوني برووح صاروخ خوذوا راحتكم هههه وناسه:اييه برووح برووح .. حشوا فيني"اخذ مفاتيح سيارته الي ع الطاوله الزجاجيه الي قادمه وراح ..


وام ادم وبتول يتفقون بالتفاصيـــــــل



::

راحت ساره من عند سديم ..الي خذتها بالاحضان ..وشوي ويبكون مع بعض ...
سكرت البااب وراها ...ولفت على أم رايد الي تبتسم لهاا..
أم رايد: شفيك يابنتي ..
سديم بتوتر: مدرري ياخالتي .. بس ساره من دقت على اختهاا وهي متوتره ..خفت ليكون رعــد ......
قاطعتها ام رايد: احسسسن خليه ..بكيفه ..لافكرين فيه ..ان شاء الله فيه الي فيه "سحبتها ام رايد لحظنها ومشت وجلسوا بالمجلس يشربون شاي ..
أم رايد: يابنتي اذا انتي تحبينه ساامحيه ..
سديم بسرعه : لا ماحبه ... بسس فضول فيني ودي اشوف وش عندهم بالبيت ..
ام رايد:ياوليدي تدرين أن الطلاق يبطــل اذا مايدري زوجك انك حامل وطلقك؟؟
سديم: ايه ادري ..لكن اناا مابيه خلاااص ..
أم رايد بتفكير: أأه يابنتي ..بكيفك..هذا بيت عمك لك ..مفتوح بأي لحظه ..تبين ترجعين لزوجك أو تظلين عندنا بكيفك ياوليدي ...



::

::




مــــــــر اسبوع ونص وخلصت الاختبااارات النهائيه للبنااات
وابتهال وشوق وبتول وعبير واسيل كلهم نجحوا ..وبنسب مرضيه لأم رايد



ورعــــــد كل مال الفريق الطبي يزوود عنده للأهتمااام فيه حالته تدهورت تعبت نفسيته .. وساره وابرار خايفين على أخووهم الي مالهم غــيــره بعد الله



في مصـر

رايد وربى ..قوت علاقتهم حـيل ..لدرجه ان ربى صارت تعشق رايد ورايد عادي .. بس يعزها حيل ..مو لدرجه الحــب !!
والفاجعه!! صاروا كل يوم يشوفون بعض بالجامعه وبرا الجامعه .. والمكالماااات الكثيرره !!


في بيت صقر
نجود ..صارت ماتحتك بأحد نهائي ..طول هالفترهاىلي مرت وهي تجي من المدرسه .. تاخذ سندويش من المطبخ تطلع فوق وتاكلهاا .. وتقعد تقابل كتبها .. واذا رايد يبيها يطلع لغرفتها يشوفهاا ..

وصقر!! لاحظ عدم احتكااك نجود . فيهم وصارت ماتقعد معهم لا ع الغدا ولا ع الفطور ولا ع العشااء .. حس بغيض منها لأنها ماتبي تشوفه عقب ماشالهاا ... يمكن البنت كرهتني !! بس شسوي هي طاحت بالأرض أي واحد مكاني يبي يشيلهاا .. انا احس ان هالبنت حيل تتعب وانا موجود بالبيت أحس وجودي يضايقهاا .. لدرجه صرت ماشوفها الأ الصبح وهي طالعه للمدرسه ..أفف اناا لازم احط حــد لهالشي..


كان صقر جالس بالصاله يفكر ويشرب كوب قهوته ..
دخل رايد الي كان يكلم ربــى بالجوال ..ويضحك ويسولف :هلا ؟؟ شنو هههههههههههههه لالالا صدق اناا شفت الدكتور صاير يحترمك حييل ..بدديت اأغاار
تقشعر بدناه يوم قال اغار:هههههههه رايد شفيك تضحك أقول صدق مالاحظت الدكتور صاير يقدرني عكس قبل؟
رايد:امبلا لاحظتوهالي أقولك بديت اغار .؟
ربى حمرت خدودهاا: ههه رايد ..انا بروح صديقتي تناديني ..تبي شي؟
رايد..مامليت منك..:لا سلامتك..
ربى:الله يسلمك ويحفظك بااي ..
ريد:هلاا مع السلامه..

سكرر منها وناظر لصقر الي جالس يفكر ويهز رجله بتوتر
رايد جلس جنبه ودقه خفيف على كتفه:هلاا بالغالي ..وش تفكر فيه؟؟
صقر ابتسم لرايد:هلاا بك ...افكر فيك ..
رايد:هههههههه لااا مقدرر تكفى استحي ..
صقر:ههههههههه مالت علييك أمززح ..
رايد:اكيد انك تمزح محلاك وانت تفكر فيني خخخخ ..
صقر:شفيك أحس انك حيل مستانس دووم يارب بس وش صاير؟
رايد:لا ولا ششي ..الا بسئلك نجود مانزلت ؟؟
صقر ..لا اختك مانزلت ..صاير تكرهه وجودي بالبيت: هاا لا ..انا تو جيت ..
رايد بتفكيرر: غريبه شفيهاا أختي ..
صقر:مدرري ..
رايد وهو يفكر بأخته ,,,وحس أنها متضايقه من حالتهم كذا معهم غريب بالبيت ماتقدر تاخذ راحتهاا..
صقر نس الشي يفكر بنجود ..وفيه شي يدور في باله ..وبما انه متعود يتزوج مسيار ... فا قال لرايد بتوتر: رايد ..
رايد:هلاا.
صقر:مثل ما انت شايف ..أختك مو قادره تاخذ راحتها بوجودي .. و أناا فكرت بحل زين لناا كلنا ..
رايد بتعجب:شنو؟؟
صقر بتوتر وخايف من رد فعل رايد: أنوا أخطبهاا ."وبتوتر" أتزوجهاا اناا شرايك؟؟
رايد:نععععم؟؟
صقر: رايد خليك متفهم شفيك ..بدا مانصير اغراب انا واختك بالبيت ..اصير زوجها وتصير زوجتي .كذا هي تاخذ راحتها وانا اخذ راحتي بالطلعه والدخلة ..وانت دق على ابوك وقوله .. وترى مافيه شي يخليك تعصب يا رايد ..انا خطبت اختك ..وانت فكر بالامور الايجابيه بالأمر؟؟؟

رايد بتفكير واقتناع : بس مو كأنك .................؟؟




::



كانـــــــــت أم منصور عند ام رايد تخطب عبير لمنصورر.

أم رايد:والله هذي الساعه المباركه .. بس البنت تو خطيبهاا متوفي ...
أم منصور: احا بس نبي خطبه وبعدين نكمل الباقي ..ها وش قلتوا؟
أم رايد:والله يالغاليه تعرفين الرأي الاول والاخير للبنت انا مو امها ولا هي بنتي ..صعبه اني اوافق بدال عنها صح؟؟
أم منصور بحب: ماعليه اسئليهاا وردي لي .ألحين.
ام رايد بأبتسامه:ليه حيل مستعجلين؟
اام منصور:والله الولــد مستعجل يالغالــيه ..لا تواخذيني ..
أم رايد:طيب بروح اسئلهاا ..
راحت تسئلها

وكانت عبير تو سكرت منه ...وتقول بنفسهاا...اناا غبيه لييييييه أدق عليه واخليه يعرف رقمي ..افف يالأزعااااااج .. والله ماوافق عليك لو تمووت ..
طق البااب ودخلت ام رايد:هلا خالتي تفضلي..
ام رايد:هلا ببنيي عبوره...
عبير بحيا:هلا بك خالتي ...
ام رايد بدون مقدمات: ياوليدي تعرفين أن فيه ناس تحت يخطبونك لولدهم ...وو
قاطعتها عبير:خالتي تكفييييييين مابي أتزوج ..اناا للحين مو قادره اطلع من صدمه جرااح الله يخليك ياخالتي أفهميني ..انا خلاص مابي أتزوج تكفين ..؟
ام رايد:بس مو كأنك تسرعتي يابنتي بقرارك فكري واستخيري؟
عبير بنفي:لالا ... مابــي الله يخليك ياخالتي .. مابـــــــــي أأههيء
ام رايد: ياويل قلبي عليك ياعبير..لاتبكين يابنتي خلااص مافيه زواج براحتك ...بس لاتبكين ..

ضمتها وطبطبت عنهااا ونزلت لأم منصور وخبرتها برفضهاا




::



عند مراام وفايز


كانت ام فايزعندهم..
فايز: هلا بالغاليه تور مانور البيت.
ام فايز تناظر للبيت بتفحص:هلا هلا بولدي ..
مراام راحت تجيب الشاي والقهوه والضيافه
فايز:شفيك يمه البيت مو حلو؟
ام فايز: لا والله منين له حييل صغير ..أخ منك بس.
فايز بحب:بالعكس أنا عاجبني ..
ام فايز:ألا كيف زوجتك معك؟
فايز:حليله ماشي حالهاا.."أخ بس منك يامراام ..لامعطيتني حقوقي ولا شي وكلش بس تهاوش وانا مو عاجبهااا وعايرني بفقرري"
أم فايز:ماصدق ابد امصدق انت ياولدي فايز ال........ كل بنت تتمناااااااك تركض ورا هذي ..طيب ياوليدي أسسمع مني وتزوج..
فايز:شنووو يممه ؟؟
أم فايز:ايه تزوج عليهاا ..والله منت مجبور تتحملهاا والشرع حلل 4 بعدد ..
فايز بررفض:لأا يممه ..
ام فايز : ليه لا ..تزووج ياولدي ..انا مدري شلون للحين صابر عليهاا ..حتى عياال ماجااك عيال ومو مبين عليها الحممل ...بتتزوج يعني بتتزوج...

فايز:...............



سمعت كلامهم وجن جنونهااا ..تتزوج علي يافايزز؟؟؟؟؟؟؟؟؟ لالالا تتزووج امانـــــــــه يا فاايز لاتتزوج



::



عــند رعــد

ساره كانت جالسه عند أخوها الي منسدح ع السريــر بتعب وهي تبكي عليه .."ااه ياخووي ..الله لايحرمنا منك ..طول عمرك تور الي يسعدنا اانا وابرار ..وانت ماستانست بحياتك ..امــل توفت وهي حامل..ماكملت فرحتك ..وسديم حملت ولاكملت فرحتك وتطلقتوا ..وعرفت انها حامل بهالوقت الغلط ..لييه ياربي ..والله أخوي الي فيه يكفيه.."
فتح عيونه ببطىء وناظر لها وابتسم..
ردت له الابتسامه وقالت : صح النوم..
رعد بتعب:صح بدنك يالغاليه ..."وقال وهو مو حاس على نفسه" ووينهاا؟
ساره بهدوء: مين هي؟
رعد وحس ان الدنيا لف ووتدور فيه: ووين سديم؟
ساره بخوف ..اكيد اخووي جن ..نسى انه طلقهاا: ا ا سديم ببيت اهلهاا؟ نسيت انك طلقتهاا..

رعد ..قام وعدل جلسته..وقال بنفسه ....مقدر أتحمل بعدك عني أكثر من كذا ياسديم خلاص بحط حــد لهالفراق .. ابيك جنبي تهتمين فيني وتراعين لي :اناا رايح لهاا.
ساره تحاول تمنعه:يارعد لا تروح لها وووبأي صفه بترووح لهاا؟؟ انت الحين غريب عنها ..
رعد بحب وشوق لسديم ...ماراح أسسمح لمعاذ يخررب حيااتي :لا اناا للحين زوجهاا .. ولا نسيتي ياسااره ؟
ساره بتفكير ماهو بطويل: رعــد بس سديم متضايقه منك وماتبي تشوفك ..
رعد:ماعلي منهاا أنا بشوفهااا..."شال ابره المغذي من أيده ووقـف" جيبي شماغي ..
ساره صرخت من شال الابر من ايده:أأأأأأأأأأأأ ررعد وش تسووي أنت..؟؟؟
رعد بألم وهو يمشي بتعب:بسوووي الي ما تجرات أسويــه ياساره ..
ساره:بس انت تعباان مافيك ترووح وانت بهالحاله ااصبر لين ماتتحسن شووي؟؟
رعـد وهو يمشي بتعب للبااب : ساره الحقيني ومعك شماغي انا نازل تحت ..
اخذت شماغه ولحقته وهي تتصيح وراه: يارعد تكفى اجلس ..لو تبي اجيب سديم لك بس اجلس ..انت مافيك تروح بهالحاله ياخووي .. ولا فيك تتكلم وتسيطر على نفسك ..
رعد وهو ينزل بسرعه من الدرج: اناا مو مريض اناااااااا مو مريض ليه تفاوولون علي .. "اخذت شماغه منهاا ونزل مع االسواق"
وساره تبكي وتتحسرر على اخوهاا الـي صدق مريــض!!!!

::



:شنوووووووووو رفضت؟؟ ليه يايمممه ترفض ليييييييييييه انا شسويت لهااا ليه ماتبيني ليه .قولولي لي ليييييييييه اا
أم منصور تهديه: ياوليدي وش تبي فيهاا فيه كثيرر يتمنونك..
منصور بألم وقهر.... لعبتي بمشاعري ياعبيرر لعبتي فيني لعبي وتمكنتي تجرحيني ...قلت بخطبك بعدا لاختبارات وسكتي .. كنت اظنك موافقه وحنيتي عليه .ليه سويتي كذا ياعبير ...
"جلس على ركبه وهو شوي ويبكي" يممه اناا احبهاا والله احبهاا ليه هي ماتبيني ..يممه ااناا اسوي عشانهاا أي شي... يممه اصعب شي على الرجاال .. لما تحطم مجاديفه ..عبيرر حطمتني ياايممه كسررتني ..قهرتني ذلتني لهاا كثيرر واناا أسكت واتحمل عشانهاا أي شي .. أأأأأأأأأأأأأأأأه ليه اناا كذا حظي ...لما حبيتهاا وقلت ابيهاا تكون زوجتي رفضتني رفضـــــــــــــــتني يايممه

ام منصور دمعت عيونها على كلام ولدها وهي تضمه وتواسيه: ياوليدي خلاااص خلااص قطعت قلبي... ومن هذا عبير الي ترفض ولدي وتسوي فيه كذاا ...خلاص ياوليدي..
منصورر بألم وهو يمسح دموعه ويوقف: يممه خلاص ..اناا مالي مكااان بهالديره جيت وياليتني ماجيت ..ِ شفت نصيبي وخلاااص ...اناا برجع لكنداا ..
ام منصور بترجي:لاتكفى ياوليدي لاتخلي أمك ..ماعليك منهاا اناا بخطب لك الي احسسن منهاا ..
منصور وهو يطلع الدرج ويروح غرفته : يمه انا برتب شنطتي ودقي ع الخطوط الجويه احجزي لي بأول طياره لكندااا ..خلاص مالي قعده هناا ..ألهرووب افضل شي...

أم منصور وهي تبكي ..ماتوقعت رده فعل منصور كذا وانه يحب عبير هالكثرر..

طلع غرفته جلس على سريره وقاام بسرعه نزل شنطته وجمع ملابسه فيها ..وطلع جوازه وكل اشيائه المهمه ..وجلس شوي ..ناظر للجوال ..دق على رقمهااا وماردت دق ودق الى ماردت وقالت :خيررررررررر وش تبي انت مالك كرامه؟

وغنى لهااا بألــم وصووت يمليه الحب والوفاااا :

بريحك مني خلاص واغيب عن عينك..
مادام هذي رغبتك لازم أحققها..
وبطلبك آخر طلب الله لا يهينك..
قولي أحبك حبيبي خاطري أسمعها...
بغيب عنك كثر ما كنت بإيدينك..
وعلى كثر ما كنت كذباتك أصدقها..
وإن شفتني لا تقول شخبارك ووينك..
حتى عيوني حرام أنك تطالعها...

وآخر طلب...خذ ذكرياتك والمحبة شوقي وسنينك..
معاك روحي أنا ماأبي أضيعها..
وانسى المودة وكل شي بيني وبينك..
أنت بحياتي غلطة لكن ما حكررها...

ماحكررهاا
ماحكررهااا



ترددت بمسامععها هالكلمه



دمعـــت عيونهااا غصب من كلاماات الاغنيه ..كانت بتتكلم لكن ..قاطعهاا لما سكر الخط بوجههاا ...وو



::
::












انتهى..

واعتذر عن التاخيرر



توقعاتكم؟؟

ردودكم؟ تيقيمكم اعجابكم؟




مودتـــي




حلاگم آتحداگم ©؛°¨غرامي مشارك¨°؛©

انا اول وحده ترد

لي عوده بعد القراء

برب

آحسآس نعومــه}... ©؛°¨غرامي جديد¨°؛©

ي بععد تسسبدي ي سسدييمم هسسممم الله علييتسس وهالششسممهه رععد عسساك المماححي يوومم ططرردد سسدييم يغغيتت اككفخخ الججوال بسس رححمته
وصصراححهه قصييييييييييرر البببارتت
وهالششسممهه ي قممييله ماعننندي اي توقععاتت بسس اتووقع سسديمم تذل ررعدد
وييعطيتتسس الفف عافييييه ي فتتاةة وييوفقتسس

 

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1