اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 19-04-2011, 06:38 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء العاشر

في صالة المطار العم مشعل بروحه واقف ينتظرهم مها وماجد تفاجئوا توقعوا بنات وعيال عمهم ينتظرونهم
سلموا على عمهم سلاام حاااااار اخذوا اغراضهم وطلعوا من المطار على سيّارة عمهم
ماجد: وااااااي ياحلاة جدهـ وريحتها وربي كأني لي عشرين سنه عنها
مها:عمي تكفى لاتمسك خط مكه على طول خذ بنا لفه نشم ريحتها
العم مشعل :وين ناخذ لفه جوّالي تكسر اتصالات من كثر هدى وعيال عمكم مايتصلون
مها:غريبه ليش محد جا منهم وياك على الاقل هدى
العم مشعل: مدري عنهم انا قلتلهم وهم قالوا لاماله داعي
مها:افاا ماله داعي يستقبلونا
العم مشعل:مدري اذا وصلنا تشرهيهم
مها:هين اراويك فيهم
العم مشعل :على فكرهـ في اثنين ينتظرونكم من زمان انتم ماشفتوهم
ماجد:من هم ياعمي
مها: وااااااااي عمي لاتقول بشاير وبندر
العم مشعل: ياويلي خربت المفاجئه
ماجد: جد والله عمي متى وصلوا من الكويت ؟
العم مشعل: البارح آخر الليل
مها :ونااااااسه يالله شكثر اشتقت لبشاير
ماجد:عمي بيسافرون ويّانا مصر؟
العم مشعل :والله رحلتهم مو مؤكدهـ لانهم ماعطونا خبر من بدري انهم جايين
مها: لاااا ياعمي الله يخليك دبرها نبي كلنا نروح
العم مشعل: انا كلمت رجال وان شاء الله تدبر
العم مشعل طلّع جواله ودق يالله شوفونا من عند المحطه خلاص قريب من البيت
ماجد:وليش تقولهم نبي ندخل عليهم فجأهـ
العم مشعل :هدى موصيتني اول ماقرب من البيت ادق عليها
يالله وصلنا انزلوا وخلوا الاغراض السايق ينزلها
نزلوا مها وماجد توهم داخلين الا اصوات الالعاب الناريه على صوت المسجل وكل المدخل زينات وحركات روووعه يصعب وصفها
جدهم واقف على باب الديوانيه بالحوش راحت مها تجري عليه وحظنته وصارت تبكي من غير شعور
ماجد:وخري خليني اسلم على جدي خنقتيه سلم عليه ودخل الديوانيه عند عمامه عيال عمامه بندر ومشاري وخالد وعبدالمجيد وماهر يسلم عليهم اللي كانوا كلهم مشتاقين له
لفت مها ولقت جدتها وسلمت عليها وهدى جايه تجري عليها وتحظنها وكملوا وراها بنات عمها ندى ومشاعل وروان ولطيفه وريم وبشاير
الجدّهـ: الاوين ماجد ماجا يسلم علي وعلى بنات عمامه
هدى: يمه دخل ابوي دخله على الديوانيه يسلم على العيال تعالي نروح لهم
الجدّهـ: يالله مها يالله بنات
على فكرهـ نسيت اقولكم انه من عادات عائلتهم البنات عادي يواجهون عيال عمهم لاكن بالعبايات بس....
دشوا كلهم وسلموا على ماجد ومها سلمت على عمامها وعيال عمّها طلعوا البنات كلهم بعد ماسلموا ومها وياهم ناداها جدها تعالي يامها اقعدي عندي ....
مها جات وجلست جنب جدها:واااي ياجدي ماتتخيل شكثر اشتقتلكم ...
الجد: وانتم بعد يامها والله ياشتقتلقم ياريحة الغالي ..
مها:جدي تكفى ماعاد نبي نروح سوي اي شي وتجي امي واخواني نبي نعيش عندكم..
الجد: والله ودي يامها لاكن خالك مايوافق على امك تجي عندنا..
ماجد:ياجدي والله طقينا هناك والله ماكنّا عايشين بالدنيا..
مها طول الوقت وهي تسولف مع جدّها ملاحظه نضرات بندر ولاشال عينه منها..
مها:جدي عن اذنك بروح عند البنات نكمل سوالفنا وقت ثاني..
الجد:يالله لحقي عليهم من الصبح وهم مسوين الجنان ينتظرونك مشتاقين لك..
مها:وانا بعد والله مشتاقتلهم..يالله سلام
طلعت مها وهي مرتبكه تقول بنفسها وجع صار قليل ادب وعينه طويله...دخلت مها على البنات نست تعب السفر ونست كل شي
طول الوقت رقص وضحك ووناسه للفجر..
جلسوا البنات يسولفون قالت هدى: يالله بشاير ومها نبيكم تقولون وش اللي تغير فينا....
وحنا بعد بنقولكم وش اللي تغير فيكم
مها: يالله انتم ابدوا فينيا
هدى :يالله بشاير شنو ملاحظه في مها؟
بشاير:امممم واااايد احلوّت

هدى :يالله بشاير شنو ملاحظه في مها؟
بشاير:امممم واااايد احلوّت
مها:هههه اما عاد سنتين ماشفتيني احلوّيت فيها
بشاير:اي والله حتى بندر يقول
هدى:بندر؟؟وشنو دخل بندر
بشاير تلخبطت نطّت عندها ندى واااي وناسه شكله طاح لشوشته قولي قولي شنو قالك
البنات:هههههههههههههههه
مها: وجهها صار الوان
بشاير: بصراااااااااااحه
البنات :اييييييييه
بشاير:بصرااااااااااااااااحه
البنات :اييييييييييييه
بشاير:بصراااااااااااااااحه
ندى :تقولين ولااعرف شلون اخليك تكلمين
بشاير:هههه يمه ندى صرحتي متوحشه
مشاعل:قولي ولاكلنا بنتحول وحووووش
بشاير:لالاخلاص بقول..دق علي يقولي معقول هذي مها قلتله ايه مها وقالي والله احلووووت البنت صارت كأنها هيفاء حسين
قلتله ايه هي حلوهـ من زمان بس الحين احلوّت اكثر....
مها: ماشاء الله عليك وانتي تجارينه
بشاير:وليش ماجاريه ماقال شي غلط اخوي فديته
البنات :سوو ازعاااااج بالمكان تصفير وتصفيك وتعليقات
مها ساكته منحرجه من تعليقات البنات ماتدري شلون شلون تسكتهم
مها:بنااااااات يالله نكمل يالله بشاير علقّي على ماجد شنو تغيّر فيه
بشاير:اممممم وسيم حلو اخشوشن الصوت وخط الشارب ههههههههههههه
البنات :هههههههههههههههههههههههههههههه
ندى لوهو بسني ولااكبر مني حرام متلق عينه بنيّه غيري انا
البنات:هههههههههههههههههههههههههههه
بشاير يالله مها دورك علقي علينا
ندى:لالالااول علقي على بندر خلي بشاير بعدين
مها:اممممم مالاحظت الا انه صارقليل ادب وعيونه طواال
هدى: يااعيييييييييييييييين يالييييييييييل قدروا مشاعر البنت تخاف اخطفونه منها تعطيكم تحذير من الحين
البنات:هههههههههههههههههههههههههههههههه
دخلت جدتهم :بنات والله غفيت ونمت وماقعدني غير صوت ضحككم...
ندى:بلاك ماتدريييين يامويمتي شنو مضحكنا بنات اقوووووووووول.....
مها تأشرلها :وجع وربي اوريك.....
الجدّهـ:وش السالفه ضحكوني وياكم
مها قامت راحت لجدّتها: سوالف وضحك ندى تنكت علينا من اليوم ماتعرفين سوالفها..يمه تكفين اذا صليتي ادعي انا نقعد عندكم علو طول وربي يهدي خالي
وتجي امي واخواني بعد...
ندى:يمه حتى بندر اقصد حتى بندر وبشاير ..
مها خلاص وصلت حدها من ندى وتعليقاتها راحت المطبخ واخذت كاسة مويه بااااردهـ ودشت الغرفه على انها بتقعد وتشربها
جات من ورى ندى وكبت الكاسه كلها بضهرها....ندى صياحها شال البيت صاروا كل البنات يضحكون عليها
مها:اوريك عشان مرهـ ثانيه تبطلين تعليقات بايخه..
ندى: طيب وربي اردها لك شر ردهـ بس مو الحين بالوقت المناسب..
طلعوا العيال من صلاة الفجر
هدى:بنات يالله نطلع الحوش نلعب لين مايطلع النور..
مشاعل:نخاف يجون العيال وحنا برا..
هدى:يووه عيال اخواني ادري فيهم والله مايجون الحين يروحون يفطرون تشرق الشمس ومابعد شفناهم..
مها:انا ماني طالعه والله تعبانه من جيت من السفر مارتحت..
ندى وبشاير سحبوا مها:يالله يامها الله يخليك بس ساعه وندخل..
طلعوا كلهم يلعبون كورهـ الامها جالسه على الدرجه تتفرج فيهم مافيها حيل للعب وندى تخطط ماتدري وش تسوي مقلب فيها
قالت للبنات بنات يالله نغير اللعبه شرايكم بلعبة الحُكم (لعبه بقارورة واللي تجي عليها يحكمون عليها وتنفذ الحكم غصب عنها)
البنات رحبوا بالفكرهـ تجمعوا كلهم عند مها وكل شوي يلفونها ويحكمون على بعض بأحكام تضحك واخيراً جات على مها
حكمت ندى عليها تدور بالحوش خمس لفات وتقول انا مجنووووونه وتطير شعرهاهههههههه كثرت عليها اللفات لانها تتمنى وصول العيال
وهي تسوي هالحركه ومها باللفه الثانيه دخل ماجد ومشاري (مشاري اخومها بالرضاع)
وقفت مها الا بندر داخل وراهم وهي وناكشه شعرها وهذا اللي كانت تتمناه ندى العيال واقفين مفجوعين
ماجد:مها شفيك
مها:هااهـ كنّا نلعب انا والبنات لعبة الحكم ......
ماجد:وينهم البنات مافي احد منهم...
ناظرت مها وراها مافي احد كلهم دخلوا البيت !!!!!
مها:اوريكم يالنذلات وراحت تجري وبندربينفجر ضحك لاكن خاف ان ماجد يزعل ..
دخلت مها تدوّر على ندى ومالقتها لبست ندى عبايتها وطلعت من الباب الثاني كانت مواعدهـ اخوها ياخذها لبيتهم
مريوم حاااافل باللعب والوناسه ....
نامت مها وكان شاغل تفكيرها سالفة بندر
*********************

ياترى شنو بيصير بينهم في الايام القادمه؟
وسفرتهم لمصر بتقرب بينهم او العكس؟

مازالت هناك الكثيرمن الاحداث

تابعوا الجزء الحادي عشر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 19-04-2011, 06:38 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء الحادي عشر


قبل الرحله بليلة تعرفون شلون تكون الاجواء بالبيت كل واحد يرتب اغراضه وكل شوي يتذكر شي نسى يحطه
حتى النوم ماودهـ الواحد ينام الابعد مايوصل...
بشاير:وااااااو وناسه تأكدت رحلتنا انا وبندر ويّاكم توعمي قالي..
هدى :يسسسسسسسسسس احلا خبر بجد بنفلها..
مها:ماكان ودها بندر يروح لان بعد اللي صار ماراح تاخذ راحتها ..
بشاير:مها شفيك مو مستانسه انا وياكم..
مها:الاوالله بلعكس..بس تذكرت اليوم نسيت اتصل على امي الحين اكيد بتزعل مني..
بشاير:يالله دقي عليها وتعالي خلينا نسويلنا قروب للطلعات هناك..
مها: اووكي لاتسوون شي لين ارد لكم ..
هدى :زين بس لاتطولين...
مها تكلم امها
مها:يمه شلونك والله مشتااااااقه لكم
ام ماجد:هلايمه انا بخير والله مو ناقصني غيرك انتي واخوك فقدتكم كان لكم 4سنين مو اربعه ايام
مها:فديتك يمه تكفين تجين انتي واخواني والله يمه ماتتخيلين شلون مرتاحين هني ..انتي لوشفتي شلون استقبلونا وربي كلهم كانوا يتمنونك ويانا
ام ماجد:مها انتي عارفه خالك مستحيل يوافق..
مها:يمه انتي معطيته مجال يفرض رايه عليك..
ام ماجد:اخوي اكبر منّي وحسبة ابوي الله يطول بعمرهـ ولااقدر اخالف شورهـ..
مها:يمه انا ماقولك خالفيه انا اقولك انتي بس ناقشيه قوليله عيالي مرتاحين هناك وودي اكون وياهم ومن هالكلام..
ام ماجد:مها انتي ماتملين من هالموال كل ماكلمتيني قلتي تعالوا..
مها:لاوالله ماامل ابد يمه وربي احس اني ضايعه بدونك وودي نعيش بالمكان اللي نرتاح فيه..
ام ماجد:ان شاء الله يصير خير الاقوليلي متى رحلتكم..
مها:باكرالصبح ان شاء الله ..
ام ماجد:خلي بالك من اخوك وتناقرون انتي وياهـ ..
مها:تصدقين عاد والله ولااشوفه الاباليوم مره طول الوقت مع عيال عمي وانا هني مع عمتي هدى والبنات..
ام ماجد:يارب دووم مستانسين..
مها:يمه ابي اكلم مجد ولااي احد عندك من اخواني..
ام ماجد:تحت والله يمه بالحوش يلعبون اذا طلعوا ادق لهم يكلمونك..
مها:يالله يمه اكلمك وقت ثاني بنسوي قروب الرحله الحين..
ام ماجد:الله يوفقكم ان شاء الله
مها:بااااااي
سكرت مها ورجعت للبنات لقتهم قاعدين يكتوب اخذت الورقه منهم
مها:مالت عليكم وعلى قروبكم..
هدى وبشاير:ليييييييييييشش
مها:يمه بشويش اكلتوني
هدى :وشنو قروبك حضرتك
مها:اولاً ياحلوين الاماكن اللي بها شمس مثل الاهرامات واللانش نخليها بالايام الاولى قولو ليييييييش..
هدى وبشاير: لييييييش
مها:عشان ياحلوين في اليومين الاخيرهـ نقسم وقتنا مابين الاسواق نقضي الهدايا ومابين الصالون نضبط بشرتنا مونرجع السعوديه وحنا متحرمسين من الشموس
بعدين لاتنسون برجع بقبالة رمضان..
بشاير:اي والله صدقتي يالله اجل نعيد القروب
مها:قلتلكم محديعرف يفكر مثلي..
هدى ضربتها بالدفتر:ماتشوفين روحك علينا فهمتي..
مها بدلع تبي تنرفزهم:آآآي عورتيني وهـ بس طبيعي مني تغارون ..
هدى تغمز لبشاير :يالله عليها..
مها فهمتهم انه بسوون لها شي قامت تجري راحت ورى جدتها والبنات يجرون وراها:يمه يمه لحقي علي يبون يطقوني هالمتوحشات..
الجدهـ:يطقونك ليش ؟؟ شفيكم يابنات على مها؟
هدى:يمه نمزح وهذ ماتعرف المزح بس مأذيها لسانها..
الجدهـ:يالله عاد عن الخبال ناموا بدري ورانا سفرهـ..
مها:يمه اول خذيلي الامان منهم مايسوون لي شي ..
بشاير:يالخبله من جدك انتي شنو بنسويلك يعني يالله بس ..
راحوا البنات غرفتهم مطفين النور وسوالف للصبح موجايهم نوم..
في مطار الملك عبدالعزيز بجدهـ اعلنت الرحله صعود الركاب للطائرهـ المتجهه لمطار القاهرهـ..
مها شافت بندر كان كاشخ بالجينز وشعرهـ كان طويل شوي من اول ماوصلوا ماكانت تشوفه الابدشداشه ولاانتبهت لشعرهـ الافي المطار
ومها تكرهـ الشباب اللي يطولون شعورهم..
في الطيّارهـ كان مقعد بندر وماجد قدام مقعد البنات بندر كان موصي بشاير تسأل مها عن رايها فيه (على فكرهـ بندر مغرور ويحب احد يمدحه)
بشاير:مها شرايك في بندر؟
مها:عادي
بشاير: شلون عادي معقول مالفت نظرك..
مها:تبين الصراحه عاد اكرهـ ماعلي نوع الشباب اللي مثل بندر يربون شعورهم كأنهم بنات..
بشاير:غريبه هذي اللي تلفت نظر البنات هالايام..
مها:موكل البنات يعجبهم هالشكل بلييز بيشوو لاتزعلين بس تعرفيني احب اكون صريحه..
بشاير:ابد وليش ازعل عادي جداً..
طلعت مها الآي بود وحطت السماعات وجلست تتسمع..
ماجد التفت على مها بيكلمها شافه وياها :مها اعطينياهـ شوي واردهـ لك
مها:يووهـ مجود كان جبت جهازك
ماجد:ناسيه اصلامدري وينه هاتي اللي معك شوي واردهـ لك
اخذهـ ماجد شافته بندراعجبه..
بندر:هذا لك يامها..
مها:شرايك موتوك شايف ماجد خذاه مني ..
بندر تنرفز من اسلوبها:زين شفيك معصبه هذا كله عشان اخذهـ..
مها:هههه وليش اعصب اخوي افداهـ لويبي أي شي بعطيه بعدين هو ماخذاه غصب طلبنب وانا اعطيته...
بندر:اجل انا بطلبك اياهـ دخل مزاجي حييييل عاجبني..
مها:انا عطيته ماجد اطلبه منه..فداكم اصلاً بغيرهـ طلعت اشكال روعه منه..
بندر معجب باسلوب مها وكل ماله ينجذ لها اكثر بعكس مها تنفر منه اكثر..
وصلوا مطار القاهرهـ وكان باستقبالهم صديق العائله المصري العم اسماعيل اوجمال
وصلهم لشقتهم وحطوا اغراضهم وراحوا على ابوشقرهـ يتغدون
نادى بندر بشاير :بشاير ماقلتلك مها شي عني..
بشاير: الا انا سألتها..
بندر :وشنو قالتلك عني بسرعه..
بشاير:بصراحه منت عاجبها موليّه..
بندر:ماني عاجبها!!!!وليش ان شاء الله
بشاير:تقول ماتحب نوعية الشباب اللي يربون شعورهم ..
بندر:اهاااااااا بس ع الشعر ماقالت شي ثاني..
بشاير:نوووو وي بس على شعركـ..
بندر:لاهين اذا ع الشعر هين..
بشاير:هههه لايكون ناوي تقصه..
بندر:مالك شغل بس روحي على طاولتكم وحاولي يكون مكان مها مقابل طاولتنا..
بشاير:يوووهـ منك ماتبطل حركاتكـ..لاتحاول ماراح تعطيك وجه ارتاح بس ..
بندر:روحي زين وسوي اللي قلتلك مو انا اللي ترفضني بنت..
مها كانت تحاول تختار المكان اللي ماتكون فيه قدامه
مها:هدى بلييز تعالي مكاني وبجي بمكانك..
هدى:ليش
مها:بعدين اقولك تعالي بلييييييييز
هدى:اوكي
قعدت هدى وشافت بندر بوجهها ضحكت عرفت السالفه..
تغدوا وراحوا على الشقه بيرتاحون فيها لبعد المغرب ويطلعون طبعا هم ماخذين دور كامل شقتين عشان ياخذون راحتهم ..
طلعوا المغرب تفاجئت مها بندر واقف وقاص شعره ولابس لبس ياخذ العقل وكان شكله جداً جذّاب
مشعل:ايه كذا يابندر والله شعرك احلا بكثير..
بندر:خلاص قررت ماعاد بطوله ..
مها:بشاير انتي قلتي له صح..
بشاير:ايه هو سألني واناقلتله نفس كلامك..بش شرايك الحين موهذا اللي تبينه..
مها:ماني قايله رأيي بتروحين وتقولين له..
بشاير:يعني اعجبك؟؟؟؟
بتعترف مها انه عجبها ولالا؟؟

***********************************
وشلون بتكون بقيّة الرحله بيقربون من بعض اولا؟؟

المزيد من الاحداث المشوّقه بالجزء الثاني عشر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 19-04-2011, 06:39 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء الثاني عشر

مها ماردت على بشاير ضيّعتلها السالفه راحوا على شارع المعز لدين الله الفاطمي هالشارع اللي مها مستحيل تروح مصر وماتزورهـ
رغم انه دايم زحمه لاكن على قولة مها احساس مصر كله بهالمنطقه ..
مر اليوم وناااسه رجعوا البيت وهم تعبانين كل واحد رما روحه على سرير ونام ماعادا مها فيها عادهـ اذا تغيّر عليها المكان مستحيل تنام
غير ساعتين او ثلاث وتكون متقطعه..اخذت مها الكاميرا وطلعت البالكونه تصوّر مانتبهت ان في احد يراقبها منسجمه بالتصوير
التفتت يمين وشافت بندر واقف بالكونه اللي جنبهم...
مها بعصبيه:انت من متى هني ..
بندر:ماجاني نوم وكنت جالس داخل سمعت صوت فلاش الكاميرا وطلعت كنت حاس انه انتي..خابرك من زمان تحبين التصوير لاكن ماتوقعت
مستمرّهـ للحين..
مها:عندي كاميرات واجد وهذي آخر كاميرا شريتها ..احب اسجل كل لحظه حلوهـ تمر علي ..
بندر:اهنيك على هاالهوايه ..
مها ابتسمت :مشكور..
بندر:شرايك تصويريني ..
مها:نعم..
بندر:انتي تقولين تحبين تصورين كل لحظه حلوهـ ولامومعتبرهـ هالصدفه لحظه حلوهـ..
مها تلخبطت ماعرفت شنو تقول :زين سوي اي حركه تعجبك واصورك..
بندر:انتي المصورهـ يعني انتي اللي تقولين لي شنو الحركه اللي اسويها..
مها:اقول بندر
بندر:سمّي ياحلاة اسمي منك..
مها:منت ملاحظ اني عطيتك وجه بزيادهـ..ودشت على الغرفه وسكرت باب البلكونه..
بندرجلس يضحك ودخل وسكر باب بلكونتهم..
مها انسدحت على السرير موعارفه تحدد مشاعرها تجاهـ بندر..
مرت الايام وكل يوم عن يوم يحاول بندر يلفت نظر مها له..مها ماعمرهـ مريوم وفكرّت انها تحب واحد على طول تفكيرها مشغول
بمشاكلتهم مع خالهم..
ثاني يوم برمضان كانت رحلتهم للسعوديّه
مها:الله عن جد اجواء مصر برمضان تجنن لها طعم غيييير كل الايام اللي قعدناها هناك..
الجد:اقول مافي احلا من مكه برمضان والله فاتتني فيها هاليومين..
هدى:الله يعمر مكه صحيح اجوائها روحانيه وتهبل برمضان لكن نقصد يبه من باب التغيير بس ..
الجد:لاوالله مابدل مكه باي بلد بالعالم خصوصاً برمضان
ماجد:عاد بتفوتنا ونرجع الرياض..
مها:يووووهـ ياماجد ليش تذكرني الله يصبرني بس
مها دمعت عيونها كارهه الرياض..
الجد:طيب اقعدوا على الاقل لآخر رمضان..
ماجد:لاياجدي انا عن نفسي مابقعد بروح لأمي تلقاها توحشت علينا اذا مها بتقعد بكيفها..
هدى: مها خلي ماجد يسافر وانتي اقعدي لآخر الشهر..
مها:اخاف امي تزعل منّي..
الجد:لاان شاء الله مابتزعل لك علي انا بكلمها واقولها ان انا اللي طلبت منك تقعدين..
مها استاااانست طارت من الفرحه:الله لايحرمني منك يبه..
سافر ماجد الرياض وارسلت ويّاهـ مها الهدايا لامها واخوانها..قعدت مها في بيت جدها مع عمتها وبنات عمها..
بندر وبشاير بعد قاعدين لانهم ناوين الاجازهـ كلها يقعدون...
تعرفون بأيام رمضان شلون تكون الاستعدادت للعيد..
هدى:قرب العيد وانا مالقيت لي شي لاول يوم..
مها:عاد انا اللي لقيت خلينا اليوم نروح السوق بعد صلاة التراويح..
هدى:طيب وبشاير وندى يقولون اليوم مايمديهم..
مها:خلينا نروح اليوم دام جدي مو ماخذ السايق وياهـ..ونروح بعدين وياهم مرهـ ثانيه..
هدى:خلاص اووكي بناخذ ناصر ويانا (ناصر عمرهـ6سنوات ولد عمة مها)
مها:الله اكبر اللي يسمعك يقول ماخذين رجال ويانا..
هدى :عاد المهم ويانا احد عشان امي ماتقول شي..
راحوا كلهم مع السايق واخذوا ناصر وياهم..الشوارع كلها باصات وزحمه ماتتخيلونها ..السايق جديد ماصارله شهرين غشيم شوي واول مرهـ يسوق
بزحمة مكه ..
واقفين عند الاشارهـ من ازعاج السيارات سمع صوت بواري وعلى باله هو المقصود ويبونه يمشي قطع الاشارهـ والسيارات كلها ماشيه مواجهته بالجهه الثانيه..
حاااااادث انقلبت فيها السيارهـ قلبتين..

**************************************************

ياترى شنو صارلمها وهدى وناصر والسايق ؟؟
احد فيهم نجى ولامثل حادث بوماجد الله يرحمه؟؟

تابعوا الجزء الثالث عشر لمعرفة الكثير من الاحداث........



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 19-04-2011, 06:39 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء الثالث عشر


في المستشفى صحت مها وحولها جدها وعمامها حاولت تتحرك ماقدرت رجلها وايدها مجبسه صارت تبكي
وين ناصر؟؟وين هدى؟؟كانوا وياي
الجد:كلهم بخير بس اهدي انتي الحين الحمدلله على سلامتك..
مها:ابي اشوفهم شنوصار فيهم انا من صارالحادث ماعاد ادري بشي اسمع اصوات بس موقادرهـ افتح جسمي كله يوجعني ..
العم مشعل :سلامتك يامها الحمدلله بسيطه..
مها تبكي:امي ابي امي اتصلوا عليها بكلمها..
الجد:يامها لاتخرعينها وانتي الحمدلله اصابتك بسيطه..
مها:يبه تكفى عطني تلفونك بتصل على امي..
الجد:زين انا بتصل عليها بالاول واقولها بعدين انتي تكلمينها عشان تطمن لاسمعت صوتك..
اتصل الجد على ام ماجد:السلام عليكم ..
ام ماجد:هلاعمي عليكم السلام..
الجد:شلونك ياام ماجد وشلون العيال..
ام ماجد:الحمدلله الجميع بخير ونعمه..انت شلونك ؟
الجد:انا الحمدلله بخير..ياام ماجد بغيت اخبركـ مها اليوم كانت طالعه السوق وصارلهم حاث بسيط
قاطعته ام ماجد:حااااادث!!!!!!!!!!
الجد:اهدي ياام ماجد هي بخير وتبي تكلمك الحين ..
مها تبكي :الوو يمه لحقي علي تعالي يمه ابيكم انتي واخواني يمه تعالوا ..
ام ماجد تبكي :مها يمه شنوفيك وينك الحين؟
مها:بالمستشفى يمه ماقدر اقوم ايدي ورجلي مجبسه ..
ام ماجد:لاتحركين عطيني اي احد عندك جدتك ولاجدك ولااي احد..
الجد:تطمني ياام ماجد كلنا حولها وكلها يومين وتطلع ان شاء الله..
ام ماجد:متى صار الحادث ومن كان وياها؟؟
الجد:كانت وياها هدى وناصر بيطلعون السوق بعد التراويح ودعمت فيها سيارهـ والحمدلله كلهم اصاباتهم بسيطه
ام ماجد:انا بحجز وجايه على اقرب رحله..
سكرت ام ماجد الخط ونزلت لأخوها مبارك تبكي :مباركـ تكفى واللي يعافيك ابيك تحجزلي اقرب طيارهـ لجدهـ
مباركـ :اكيد بنتك مسويتلها مصيبه هناك..
ام ماجد:بنتي كانت طالعه ويّا عمتها وصارلهم حادث وهي الحين بالمستشفى ..
ماجد:متى يمه !!!!!
ام ماجد:قبل شوي الساعه 11تقريباً
مباركـ:لوجات مع اخوها ماكان صارلها شي بنتك هذي يبيلها تربيه من جديد..
ماجد عصب :اختي طايحه بالمستشفى وانت تقول هالكلام حنّا متربين من قبل ماندخل بيتك متربين في بيت ابونا وحدتنا الضروف نجي بيتك ..
مباركـ:والله محد جبركـ تقعد في بيتي ..
ماجد:مجبورين عشان امي مانبي نفارقها كافي علينا فراق ابوي..
ام ماجد:ماجد تعال خذ البطاقه وروح اسحب واحجزلنا كلنا ..
مباركـ:ماشاء الله وانا ماليكلمه بهاالبيت ..
ام ماجد:بنتي وطايحه مريضه وتبي تمنعني عنها حرام عليك ..
طلعت ام ماجد وماجد دارهم تجهز اغراضهم واعطت ماجد البطاقه يروح يحجز ..طلع ماجد واخذ لموزين وراح على مكتب الخطوط
ويالله بالقوهـ لقى حجز ونقسموا بعضهم درجه اولى وبعضهم افق ..
وصلوا مطارجدهـ الساعه 7الصبح وعيالها اللي نايم واللي صاحي الكل بحاله يرثى لها..كان في استقبالهم بندر لان ماجد اتصل عليه وقاله انهم
جايين مكه..
ام ماجد:بندر واللي يعافيك نزلني عند المستشفى بعدين وصل العيال والشغاله بيت جدكـ..
بندر:ابشري ياخاله ..
نزلت ام ماجد وماجد المستشفى دخلت على مها لقتها نايمه جلست تبكي وجهها مليان جروح وكدمات يدها ورجلها عليها جبس ..
ماجد تذكر ايام راح بيشوف ابوهـ بالمستشفى ماتمالك نفسه وجلس يبكي ..
حست مها بصوت عندها فتحت لقت امها وماجد صارت تبكي:يمه ماجد انتم عندي ولاانا احلم ..
ام ماجد: يمه مها حمدلله على سلامتك..
مها:يمه من متى انتم هني ..
ام ماجد:تونا واصلين يمه..
مها:اخواني وين ؟
ام ماجد:بندر وداهم ويّا الشغاله على بيت جدك..
مها:بندر؟؟
ام ماجد:ايه ماجد اتصل عليه وماقصر جانا بالمطارجابني هني ووصل واخذ اخوانك..
مها:ماجد وينه؟؟
ام ماجد:توهـ كان هني بروح اشوفه..
ام ماجد طلعت لقت ماجد جالس عند باب الغرفه على الكرسي يمسح دموعه ماتمالك نفسه يوم شاف مها رجعت في باله شريط مؤلم ..
ام ماجد:يمه ماجد شفيك..
ماجد:لايمه ولا شي مها صحت..
ام ماجد:ايه صحت وتسأل عنك..
ماجد دخل على مها:الحمدلله على سلامتك ..
مها:الله يسلمك وين رحت ولا ماتبي تشوفني ..
ماجد:افاااا انا مابشوفك ..عاد اسألي امي البارح شنو سويت بخالي عشان نجي نشوفك ..
مها:ليش خالي ماكان بيكم تجوني ..هذا مايرحم ولايبي رحمة ربي تنزل ..
ام ماجد: مها مووقت هالكلام قوليلي من البارح ماقوموك ؟ماحاولتي تمشين ..
مها:لايمه ذبحوني بهالمغذيات كل شوي مغذي..
ماجد:لازم المغذيات عشان يعوضون الدم اللي طلع منك ..
ام ماجد:وين عمتك هدى وناصر بأي غرفه بروح اشوفهم ..
مها:والله مدري يمه بس اسألي السستر اللي برا وتدلك غرفتهم عمتي سمر عندهم وكل شوي تجي عندي ..
راحت ام ماجد وزارت هدى وناصر لقت اصاباتهم كلهم اهون من مها والحمدلله على كل حال..
ماجد راح بيت جدهم وامه مارضت تروح قعدت بالمستشفى عند مها
بالليل وقت الزيارهـ بوكيه ورد كبييييير جابته السستر
مها:وااااااو شكله روعه يمه شوفي من منو؟
ام ماجد: من بندر ماشاء الله ذوقه يهبل ..
مها ابتسمت ولاقالت شي ..شوي الاالباب يطق وحدهـ داخله لاكن مغطيه وجهها بالورد!!!
***************************************
منوهاللي داخله مها ؟؟؟
مها بدت مشاعرها تتحرك تجاهـ بندرولالا؟؟؟
تابعوا الجزء الرابع عشر



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 19-04-2011, 06:40 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء الرابع عشر
مها تحاول تقوم من سريرها:وااااااااااااااااااااااااااي مومعقول ماني مصدقه ....
سارهـ تجري صوب مها وتحضنها:مها حمدالله على سلامتك ياقلبي وحشتيني ولاتوقعت اشوفك بعد غياب سنه بهالشكل.....
مها:وانتي اكثر ياسارهـ وربي بموووت على شوفتكـ ..
ام ماجد: الظاهر حنا مالنا رب احد يسلم علينا..
قامت سارهـ تسلم على ام ماجد:سامحيني ياخاله وربي من شوقي لمها ماعاد صرت اشوف شي حولي ..ولاتنسين انها راحت ولاودعتني..
مها:يووهـ شايلتها بقلبك..
سارهـ:اموت ولا انساها..ربي رحمك انك مريضه ولا كنت ناويه اطقك طق....
مها:هههه اقول تعالي بس قوليلي اخباركـ
سارهـ:الحمدلله اخباري تسرّكـ..هاابشروني ان شاء الله رجعتكم مكه مابعدها سفرللرياض...
ام ماجد:الله كريم ماندري شنو ربي رايدلنا..
مها:لاااا ان شاء الله ماعاد فيها رجعه للرياض ..انا فرحانه بطيحتي هذي كثر الالم والوجع اللي اللحين احسه بجسمي لولا الحادث ماكن جات لاامي ولا اخواني
سارهـ : رُبّ ضارّة نافعه..
ام ماجد:لاان شاء الله من تقومين بالسلامه وتقدرين تمشين بنرجع نسيتي دراستك ودراسة اخوانك؟؟
مها:اجل ماعاد بطلع من المستشفى...
سارهـ:ههههه لهالدرجه كارهه الرياض ..
مها:واكثررررررر ..يمه دراستنا مومشكله النقل ان شاء الله بيكون سهل مثل موهناك مدارس وجامعات هم هني مدارس وجامعات..
ام ماجد:انتي شحقه تسبقين الاحداث خليها لوقتها وربي ان شاء الله يحلها..
سارهـ:الله شنو هالورد اللي يهبل وانا اقول انا ماخذهـ احلى شي ..
مها:ابتسمت لاانتي كل شي منك غير ..
ام ماجد:هذا من بندراخوبشاير..
سارهـ التفتت على مها غمزتلها بعينها:اهااااا
مها وجهها حمّر بتضيع السالفه لسارهـ:ماقلتيلي كيف دبي هالسنه..
سارهـ ضحكت على شكل مها وعرفت ان السالفه فيها ان:دبي حلوهـ لاكن اكيد بدونكم ماتسوى..
دق جوال سارهـ زوجها يبيها تنزل ..
سارهـ:يالله انا اسأذن فهد تحت ينطرني ..
مها:يوهـ حرام عليك ماشبعت منك..
سارهـ:عاد انا اللي شبعت منك..
قرّبت سارهـ من مها كأنها بتسلم عليها قبل تطلع:تصدقين واااايد يهبل ورد بندر..
مها ضحكت:روحي وبينّا تلفون..
سارهـ:هههه اكيد مايبلها كلام شايفه تطورت خطيرهـ...
سارهـ:يالله باااااي بجيكم ان شاء الله مرهـ ثانيه ..
ام ماجد:حيّاكـ الله حبيتي سلمي على امك وخالتك..
سارهـ:الله يسلمك يوصل ان شاء الله باااي...
بعد اسبوع من الحادث طلعت مها البيت وكانت متحسنه اكثر من الاول...بندر قاعد يحاول يتقرب منها مها بأي وسيله
اخذ رقم مها من جوال اخته بشاير صار يتصل وهي ماترد ماتعرف رقمه ومها مستحيل ترد على رقم غريب ..
وصلها مسج :مها شلونك أنا بندر انا آسف اخذت رقمك بدون علمك بس حبيت اتطمن عليك..
مها تفاجئت يوم قرت المسج ترددت ترد عليه بمسج ولاتطنشه حارت فيها الافكار ماتدري شلون تتصرف..
دق جوال مها طلع رقم بندر مها ماسكه الجوال مترددهـ ترد ولالا!!!!!!
في آخرلحظه ردت بصوت يرجف:الوو
بندر:السلام عليكم..
مها:عليكم السلام..
بندر:شلونك مها بشريني عن صحتك..
مها:الحمدلله احسن ..
بندر:اناآسف اخذت رقمك قبل اسـأذن منك..لاكن والله ابي اتطمن عليك ..
مها:بامكانك تسأل بشاير اواي احد عن صحتي..
بندر:بشاير صايرهـ سخيفه من اسألها عنك تضيحك وتعليقات مالها داعي ..اذا ماعاد تبيني اتصل خلاص اكرر اعتذاري ..
لاكن ماقدر اوعدك اني مااعيدها اذا مالقيت احد بسأله بدق عليك..
مها:ياليت يابندر ماتتصل لوفيني شي بتسمع الخبر من غير تسأل أحد..
بندر:سملله عليك فالك العافيه ان شاء الله..
مها:الله يعافيك..
بندر:يالله تامريني بشي..
مها:مشكوور..
بندر:بااااي..


سكرت مها الخط وصارت تهوجس مع نفسها ياربي معقوله يكون حبني ..اكيد حبني تصرفاته تدل على هالشي ..طيب وانا احبه ولالا
قطع حبل افكارها صوت المسج:لا باس أنا يالغالية قلتها لك من قلب يخلص لك يودك ويغليك
ياليتني كنت المنوم بدالك وليت المرض يامها فيني ولا فيك
المرسل:....رقـــ....ــم بنـــــ......ـــدر.....؟
زادت حيرة مها اكثر واكثر دق الجوال تؤام روحي يتصل بكـ<<سارهـ
مها:هلاسارهـ كنت بتصل فيك بس خفت يكون زوجك عندكـ
سارهـ:توّهـ طلع ..
مها:سارونه ابقولك سالفه ابيك تدبريني فيها..حكت مها لسارهـ السالفه كلها..
سارهـ:لاتردين على اي مسج يرسله لك ولاحتى اتصال..لوهوصادق يحبك يخطبك من جدك..
مها:شنووو يخطبني !!!!؟؟
سارهـ:ايه يخطبك ولاعندك راي ثاني فيه..
مها:لاياسارهـ بس انا يطري علي زواج الحين ابي اظمن قعدت امي واخواني هني بالاول..
سارهـ:انتي اللي بتزوجين ولاهم مواهم شي عندك تفتكين من الرجعه للرياض ..
مها:ايه اكيد لاكن ياسارهـ ماتخيل ابد نعيش بعيد عن بعض..
سارهـ:اجل خليه يسكنك بالرياض قريب منهم..
مها:وعععععععععع والله لو اموت مااسكن هناك ..
سارهـ:والله حيرتيني..
مها:سارونه بليييز تعالي عندي باكر..
سارهـ:باكر مايمديني بروح لاهلي بجدهـ ومنها بروح السوق ماعرف اشتري شي من اسواق مكه..لاكن عقب باكر ابشري من عيوني..
مها:يوووهـ الله يصبرني لعقب باكر..
سارهـ:يانصابه نسيتي انك سافرتي من غير ماتودعيني..
مها:ههههههههههه وانتي بتقعدين على كل كلمه تعلقين على سالفه صارت قبل سنه..
سارهـ:وبتم طول عمري اعلق عليها ..يالله اكلمك وقت ثاني فهد دخل انتضار برد عليه..
مها:اوووكي بااااااي...
سارهـ :بااااااااي...
بدت تتحسن حالة مها وفكت الجبس واستبدلوهـ لها بمشد قبل العيد بيوم..
طول الفترهـ اللي طافت وبندر يرسل مسجات ومها ولاترد عليه..ليلة العيد ارسلها رسالة معايدهـ
حسّت مها انها عيب ماترد عليه المعايدهـ وارسلتله مسج من المسجات اللي وصلتها للعيد
كان المسج وسائط وبه اغنية اتحرى العيد اكثل من طفل واتعذر فيه لجل اسأل عليك...
وصل المسج لبندر جن جنونه يوم شاف المسج صار يدقق بكل كلمه بالمسج على انه مقصود فيها..
لاشعورياً اتصل على مها ابتسمت مها للرقم وطنشته ماردت عليه..
رجع ارسلها مسج:يحقلك تتغلين احبك يااااامها قلبي
مها تقرا المسج مذهوووله المجنون يقولها صريح بعد اتصلت على سارهـ على طوول تقولها شنو صار(هههه مسكينه سارهـ كل شي على راسها)
سارهـ:انتي اللي اعطيتيه مجال انبسطي ياختي قلتلك طنشي وحظرتك رديتي عليه ..
مها:مدري قلت ارسلت لكل اللي عندي مسجات العيد ومسجتله من ظمنهم ..
سارهـ: وربي يامها اتمنى يجي يخطبك وربي بتحسين بطعم الراحه والاستقرار
مها:اخاف لو خطبني تقول امي انا تطمنت عليك وبروح الرياض عشان ينفجر برج في راسي والعن الساعه اللي وافقت فيها...
هني عندنا شقه خاصه فينا وماخذين راحتنا صحيح هناك كنّا عايشين بقصر لاكن وربي كنّا عايشين بقبر..
سارهـ:والله مدري شقولك انتي روحة الرياض سببتلك عقدهـ نفسيه..الله يكتب اللي فيه الخير..
اول يوم في العيد والبنات كل وحدهـ مدّهرهـ بعمرها ولابسه احسن ماعندها..
مها كانت لابسه فستان قصير واسع كاروهات اسود وابيض يشبه فستان سعاد حسني (مها تحب موديلات الستينات واغلب ملابسها من هالنوع)
لبست معاه صندل كعب بربطات على الساق سوت مكياج خفيف جداً كالعادهـ روج فاتح وبلشر وردي خفيف وماسكرا فتحت شعرها من رفعه بسيطه من فوق
مها شعرها طويل واشقربطبيعته وعيونها عسليه ستايلها كان بسيط لاكن جداً رووعه..
بندر كان يتصيّد لفرصه يشوف فيها مها وهو يبيها تشوفه بعد لانه كااااشخ ع الاخر..طول الوقت بالديوانيه مع الرجال قاعد يفكر شنو يسوي
قام مع الشباب يجهزون الفطور لان معروف اول يوم العيد جماعتهم كلهم يجون للفطور عن جدهم..
اتصل بندر على بشاير يبيها تجيب مها للصاله باي طريقه عشان يشوفها لولمحه وبدون هي ماتدري..بشاير رفضت وقالت لاماقدر حرام يابندر اتغفل البنت
قالّها والله اني انتظر الوقت المناسب واخطبها لاكن ودي اشوفها الحين ..بشاير قالتله بتحاول ..
جا بندر الصاله على انه بيساعدهم مرت بشاير مع مها ولاشافها الا لمحه بسيطه لاكنه انهبل
راح على ابوهـ
بندر:يبه دام حنا عيد ومتجمعين وش رايك تخطبلي مها من جدي الحين ..
ابوبند:الحين عاد..
بندر :ايه يبه بالعكس مافي احلى من العيد الواحد يفرح فيه..
ابوبندر:خلاص تم ..
وفعلا ابوبندر كلم ابوهـ وقاله على الخطبه الجد رحب فيه وقاله لازم شور البنت ..
وقاله روح الحين واسألها..
الجد دخل عليهم ونادى ام ماجد وقالها تقول لمها لانه مايبها تنحرج منه وقالها هاتيلي الرد الحين
ام ماجد نادت مها وقالتها مها انصدمت يمه مو وقته الحين اجلي السالفه بعدين
ام ماجد:جدك يبي الرد الحين ..
مها:شنو الحين شنو هي بيعه..
ام ماجد:مادري عن جدك هذا كلامه ..
مها:اتصلي عليه وقوليله عطنا مهله كم يوم ولا يفتح الله ..
ام ماجد:شنو يفتح الله مجنونه انتي..
مها:انتي قوليله بس الاعلى صوت مسج جوال مها
فتحت مها المسج ان شاء الله اعجبتك المفاجئه وربي مجنون فيك بليييز اعطي جدي الرد انك موافقه ..
ام ماجد:الحين انا اكلمك وانتي ماسكتلي الجوال بسرعه شقول لجدك..
************************************
ياترى مها بتوافق على بندر ؟؟

شنو موقف البنات اللي جالسين اذا سمعوا الخبر ؟؟

ام ماجد وعيالها شنو مصيرهم بيرجعون الرياض؟؟



كونوا معي في الجزء الخامس عشر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 19-04-2011, 06:40 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء الخامس عشر

مها بفهاوهـ :هاااهـ يمه ايه لامدري اللي تشوفونه..
ام ماجد:سملله عليك شفيك استخفيتي ايه ولالا..
مها والفهاوهـ مابتتركها:مدري يمه مدري..
ام ماجد:يعني اقوله خلاص موافقه ..
مها:مدري يمه..
ام ماجد:اللهم طولك ياروح يعني موافقه ولالا..
مها:طيب يمه خلاص موافقه..
ام ماجد اتصلت على الجد وبلغته بموافقة مها والجد بلغ اللي باالمجلس وجا عند الحريم :وين لانسمع زغاريد ولاشي
قامت الجدهـ:زغاريد ليش..
الجد:سعود ولدي خطب مها لبندر..
وسط ذهووول الجميع من سماع الخبر المفاجئ زغردت الجدهـ وتبعتها زغاريد عمّات مها وامّها..
قام الجميع يبارك لمها ومها للحين مفهيه مومصدقه ان كل شي صار بهالسرعه ..
بندر اتصل على بشاير يسألها شنو رايها بالمفاجئه..
بشاير:يااانمس ماتوقعت كل شي يصير بهالسرعه ..
بندر:الحين بدال ماتباركين لي تقولين يانمس ؟ماكني اخوك الوحيد والمفروض تفرحين لي ..
بشاير:هههه وربي انا اكثر وحدهـ فرحانه لك والف الف مبرووووك يارب...
بندر:شوفيلي طريق بدش اقعد مع خطيبتي ..
بشاير:من جدك انت ؟
بندر:ايه من جد خطيبتي رسمي قدام الجميع ..
بشاير:انزين لاتعصب الحين اقولهم ..
بندر:شطورهـ حبيبة اخوها..
بشاير قالتهم بندر يبي يدش يقعد مع مها..
مها:شنو يدش على كيفه هو مو الحين بعدين ..
الجده تحب بندر وبشاير وحانه عليهم من توفت امهم وهو صغار وماودها تزعل احد فيهم
الجدهـ:مها حبيبتي وش حلاتك وش زينك اليوم قمر وربي وفرصه تشوفون بعض انتي وبندر..
مها:بس يمه
الجدهـ:عشان خاطري ولامالي خاطر عندك..
التفتت مها على امها واشرتلها توافق..
نادت بشاير على بندر ودخل المجلس ينتظر مها تدخل ومها متردده بدخول كل ماقربت من الباب ترجع على ورا
شجعوها البنات ودشت عند بندر واول مادشت قعدت عند الكنبه اللي يم باب المجلس ولاسلمت على بندر..
بندر:شفيك مابتسلمين ؟؟كانك خايفه منّي لهالدرجه ماني عاجبك؟
مها:هاااهـ لا اقصد من شنو اخاف ..
بندر:اوكي مابتتنازلين وتجين تسلمين انا بجي لعندك واسلم ..
قام بندرصافح مها وقالها كل سنه وانتي طيبه ومبروك علينا ..
مها:وانت طيب ..
بندر:واااااي يامها احسد نفسي عليك وربي تهبليييييين ملاك ماشاء الله عليك..
مها:مشكور من ذوقك..عن اذنك بروح عند البنات..وقامت مها ماحست الابمسكه من ايدها..وراك مستعجله انا ماصدقت اشوفك اقعدي
مها:بندر لاتخليني اندم اني وافقت اتركني خليني اروح..
بندر:اول اوعديني كل مادق جوال تردين..
مها:طيب خلاص بس خليني اروح..
بندر:اوكي روحي بس بشرط..
مها عصبت منه :ترا ماعمري تلقيت اوامر من احد فاهم ولالا سحبت يدها منه وطلعت..
انصدم بندر من اسلوبها وتركها وطلع عند الشباب ومها راحت عند البنات واستلموها تعليقاات (ياشين تعليقات البنات بها الامور*_*)
حددوا الرجال موعد الملكه وقرر الجد يسويلهم شبكه بأفخم قاعات مكه هديه منه لأحفادهـ..
مها تجهزّت وفصلت فستان توب أحمرناعم فيه تطريز خفيف من نفس اللون ومعاهـ مسكة يد وردهـ حمرا كبيييرهـ
سوت مكياج جدا ناعم وروج احمر صارخ كان شكله ملفت وشعرها مفتوح ممسوكـ مع الجنب بوردهـ حمرا انزفت مع بندر اللي كان كاشخ
بالبشت الأسود جلست وياها ع الكوشه وعينه ماشالها منها ..

اشربندر لاخته بشاير وقالها تقول للطقاقه تغني اغنية راشد الماجد ساحرني وتقولها تقول انها اهداء من العريس ..راحت بشاير للطقاقه وقالتها
الطقاقه قالت هذي الاغنيه اهداء من العريس لعروسته وطلعت اصوات البنات تشجيع وتصفير مها وجهها صار مثل فستانها من الحيا...
كانت ليله ولا الف ليله وليله رجعت مها البيت وصداع بيفجر راسها خذت بندول ونامت صحت من النوم وجوالها مليان اتصالات من بندر
اتصلت عليه مها:الوو
بندر:ويينك ماتردين
مها:رجعت مصدعه اخذت بندول ونمت خير في شي..
بندر:لابس كنت بسولف ويّاك..
مها:هههه كل هالاتصالات عشان تسولف..
بندر:احبك..
مها ساكته ماردت ..
بندر:الوو وينك..
مها: وياك..
بندر:قلتلك احبك..
مها:طيب سمعت..
بندر:طيب قولي احبك..
مها:بقوم اصلي توني صاحيه من النوم شفت اتصالاتك واخترعت ..
بندر:عااشوا اللي بتصرفني ..
مها:ههههه شوي اكلمك يالله باي وسكرت قبل مايقول شي ..
ارسلها مسج: بطلعها من عيونك الليله انا عازمك بنتعشى برا ..
ماردت مها عليه (فيها طبع التطنيش ماتتركه وهذا عيب فيها)
رجع اتصل بندر عليها:ارسلتلك مسج ليش مارديتي ..
مها:نسيت ..
بندر:نسيتي هااهـ المهم بمرك الساعه 8
مها:بندر والله مافيني تعبانه..
بندر:من شنو تعبانه..
مها:مدري جسمي مكسر والبنات اكيد اليوم يتجمعون في بيت جدي ..
بندر:وبعدين انتي كل شي البنات والبنات بمرك الساعه 8 وبس ..
مها:كلم جدي اول ..
بندر:ماعليك جدي مابيقول شي في يدي ..
مها:بندر بلييز اجلها يوم ثاني ..
بندر:خلاص عاد بلادلع الساعه8القاك جاهزهـ ..
مها:ياربي شكر اعاني طيب بس اعطي جدي خبر انا استحي اقوله
بندر:امووووووت باللي يستحون حتى امك الحين بدق عليها وانا اللي اقولها..
مها:يمممه منك ماكثر حنّتك..
بندر:نيههههاااي احبك ..
مها:طيب بااااااي وسكرت الخط قبل مايقول شي ..
طلعت مها مع بندر وسوالف طول الطريق وبالمطعم ومها حاسه بتعب وجسمها موشايلها
بندر:مها حبيتي شفيك كل هذا حيا منّي ولااكلتي شي ..
مها:لاوالله بس تعبانه مدري شفيني بندر الله يخليك وديني البيت..
بندر:لابوديك المستشفى..
مها:لالالالالا بس تعب بسيط بكرهـ ان شاء الله اكون احسن ..
رجع بندر مها البيت وهو قلقان عليها البنات لاوامها لاحظوا عليها شكلها متغيّر..
هدى:مها شنو هالبقع المخضّرهـ اللي بساقك ويدك..
مها:مدري مرهـ تطلع ومرهـ تختفي ..
ام ماجد:مها بوديك المستشفى لك كم يوم وجهك اصفر ونفسك مسدودهـ
اخذتها امها وماجد وجدها للمستشفى فحصها الدكتور وقال لازم يبيلها تحاليل ضرووري
ام ماجد قلبها نغزها وحست ان في شي خطير في بنتها..
ام ماجد:دكتور طمنّي على بنتي شفيها ..
الدكتور:ماقدر اقول شي قبل التحاليل وضروري اليوم تعملها..
عملت مها التحاليل وجابوها للدكتور يشوفها ..
الجد:هادكتور طمنّا ..
الدكتور:ماخبي عليكم ...
*******************************************

ياترى شنو في التحاليل ؟؟
وشنو بيكون موقف بندر؟؟

تابعوا الجزء السادس عشر والأخير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 19-04-2011, 06:41 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


الجزء السادس عشر والأخير
الدكتور:ماخبي عليكم عندها لوكيميا..
الجد:يعني شنو دكتور..
الدكتور:سرطان بالدم....
الجد طاح من طوله من الصدمه امها صارت تصيح من غير شعور وماجد دموعه نزلت صار حاير مابين امه وجدهـ
مها كانت جالسه في استراحة العيادهـ لانها داخت من الدم اللي سحبوهـ منها يعني ماتدري شنو قاعد يصير داخل بالعيادهـ
الدكتور:ياجماعه اهدوا شوي الطب تطور وماعاد في شي مستحيل وعلاج مها متوفر وسهل ان شاء الله..
الجد:الليله بروح أحجز ونسافر اعالجها برا..
الكتور:ياعمي صدقني العلاج نفسه هنا او برا..
قام الجد وطلع قبل ياخذ اي وصفة علاج من الطبيب ..
خرجوا من العيادهـ واخذوا مها ..مها ماتدري شفيهم ..
مها:شفتوا شلون حتى علاج ماكتب قلتلكم انا بخير بس انتم ماتصدقوني سحبولي دمّي على الفاضي ..
الكل ساكت محد قادر يتكلم..لاحظت شكل ماجد وجدها متغيرطبعا امها متغطيه ولالاحظت فيها شي..
مها :يبه ..يبه تنادي على جدها وهو راكز راسه على ظهر المقعدهـ بالسيّارهـ ولاسمعها..
مها:يمه جدي شنوفيه..
ام ماجد:ولاشي بس يمكن تعبان شوي..
مها:يمه شفيه صوتك متغيّر..
ام ماجد:حلقي يوجعني شوي ..
مها:وماجد هم بعد عيونه تعورهـ؟
مها شنو فيكم من طلعنا من العيادهـ وانتم ساكتين واشكالكم متغيرهـ..
الدكتور قالكم شي انا فيني شي خطيير ..
ماجد:لابس يقول جهاز التحاليل عطلان وجدي عصّب على الدكتور وتهاوش ويّاهـ..
مها:صح يمه كلام ماجد؟؟
ام ماجد:ايه يمه صحيح..
مدت مها يدها على لحية جدها وقالت ماعاش من يزعل الغالي عشان تحليل معصب ..فداك دمي كله
الجد مسك يدها وسلم عليها حست مها في شي نزل عليها..
قربت مها منه :جدي شنو هذي ؟؟دموع..الجد حط شماغه على وجهه سااكت موقادر ينطق بكلمه..
سكتت مها لحد ماوصلوا البيت ودشوا :يمه شفيكم انا موصغيرهـ بتضكون علي شنو قالكم الدكتور من طلعتوا من عندهـ وانتم كلكم مختبصين
قولولي حتى لوسرطان مايهمني ..
امها من نطقت مها بهالكلمه ضمت مها وتبكي ..
مها:يمه انا فيني سرطان ؟؟!!!!!
طيب عادي يمه وليش تزعلوا ياماناس تعالجوا وتشافوا منه الطب تطور وماعاد في شي مستحيل..
ام ماجد:يمه جدك بيعالجك برا الديرهـ وان شاء الله تتشافين..
مها:يمه برا ولاهني اذا ربي كاتبلي الشفاء بيشفيني ..
قامت مها ودشت غرفتها وسكرت الباب وقفت قدام المرايه تناظر روحها ..راحت على سريرها ضمت مخدتها صارت تبكي ..
دق جوالها>>>وطن عمري يتصل بك.(بندر)..ناظرت مها جوالها :اي وطن واي عُمر اكيد اذا عرف بمرضي بيتركني
شنو يبي في وحدهـ مريضه...
رجع دق مرّهـ ثانيه ردت مها:الوو..
بندر:حبي وينك ادق عليك ماتردين..
مها:ماكنت عند الجوال ..
بندر:وانا طاير من الفرحه ابيك تردين بسرعه بقولك بشارهـ وانتي باااااردهـ..
مها:ان شاء الله دووم تكون مبسوط..
بندر:ابوي حجز قاعه لموعد زواجنا بعد شهرين يووووهـ الله يصبرني وتعدي هالشهرين..
مها ساكته مايسمع بندر الاصوت صوت شهقاتها تبكي..
بندر:الووو مهااااا شفيك ...
مها:معاك ..
بندر:لامانتي معي كانك موفرحانه بالخبر..
مها :بندر انا مابيك ..
بندر:شنووو شنو ماتبيني ليييييش وش اللي غيرك ؟؟؟؟
سكرت مها الخط بوجهه وسكرت جوالها..
يندر يحاااول يدق والجوال مسكر..رجع اتصل على امها
بندر:الوو خالتي شلونك؟
ام ماجد:هلابندر ..
بندر:خالتي مها عندك؟
ام ماجد:لابغرفتها..
بندر:ادق جوالها مسكر قوليلها تفتحه ابيها ضرووري
ام ماجد:يمه كلمها وقت ثاني هي تعابنه الحين..
بندر:من شنو تعبانه وش اللي متعبها؟؟
ام ماجد:بعدين هي تعلمك..
بندر: انا جايكم الحين يالله سلام..
ام ماجد تترجى مها تفتحلها الباب ومارضت جا بندر يسأل شنو السالفه وقالتله ام ماجد بالسالفه كلها وانصدم وعرف ليش مها قالته مابيك وسكرت الخط بوجهه
نزل بندر لبيت جدته وحكالها السالفه ..الكل في البيت جاله حالة صدمه وذهوول ..شلون مها اللي قبل كم يوم كانت عروس كأنها اميرهـ
بكامل صحتها وعافيتها كيف بين يوم واليله تكون مريضه وبشنوو سرطاااااااااان؟؟؟؟؟
مها في غرفتها تفكر بأحلامها اللي كانت تتمناها مثل أي بنت كانت دايم تحلم بليلة عرسها تشتري نفس تاج الاميرهـ ديانا وتفصل نفس فستانها وتنزف على نفس زفتها

ياحلم قلي وش يضر لو تحققت....متى الفرج ياحلم يعانق خيالي
جيتك طموحن بالمعاني ترققت....ليت البشاير ماتعاند وصالي
من كبر ماشوفك تعبت وتشققت....مابين ليلي مع نهاري وحالي
ماكنت اشوف النور وشفتك ودققت....لقيتك انت النور والنور تالي
دقيت بابك لين حتى تدققت....دق الظروف ارحم من افراق غالي
ياحلمي الساطع مدامك تلففت....وشلون من دونك تطيب اليالي
فالي بقربك صابرن ماتنققت....ماخابت اضنوني علي وانت فالي

بندر ملزِّم موعد العرس مايتغيّر وانه هو بنفسه اللي بيوديها لاحسن الدكاترهـ ويعالجها..
سافرت مها مصر مع عمها وعمتها وجدها لان في ناس مدحولهم طبيب ممتاز لمثل هالحالات..كانت سفرتها مدتها اسبوع بس تخصت فيها الحاله واعطوعها العلاج
عبارهـ عن حبه فقط كل يوم لان النوع اللي معها خفيف وعلاجه بسيط ..في هالفترهـ بندر سافر الكويت بيخاص شغلاته هناك لانه ناوي يستقر في السعوديه على طول
خالة بندر اللي ربته زعلت منه قالته شلون تنكر تربيتي لك وتروح تخطب من اهل ابوك لاوبعد مريضه الله لايبلانا وانا اللي ربيتك وتعتبت عليك مافكرت في بناتي
بندر قالها انه طول عمره يعتبر بناتها مثل خواته ولاعمرهـ يوم فكر بوحدهـ فيهم تكون زوجه له ولزّم عليهم الايحضرون العرس في السعوديه..
وافقت خالته انها تحضر مو لانه مايهون عليها ولد اختها اللي ربته !!لاااااا كانت نيّتها شينه .........
رجعت مها من مصر وشايلها بيدها أمل وابتسامه ..فصلت الفستنان الابيض اللي كانت تحلم فيه وفصلت عند صائغ نفس تاج الاميرهـ ديانا
كان حفل زفاف اسطوري عروس بستايل خارج عن المألوف زفه على نغمات غربيه ..
مشت مها بخطوات هادئه سلموا عليها كل حبايبها وقرايبها وصديقاتها مها ماكانت تحس بأحد حولها حاسه كل القاعه تدوور حولها تحاول تتماسك ماتطيح قادم الناس
نزلت مها جناحها لان الجناح بنفس الفندق اللي صار فيه العرس...
بمجرد تسكر باب الغرفه ومابقى غيرها هي وبندر صارت تبكي وموطايقته وهو بعد يحس انه ماعاد يبيها طاحت مها مغمى عليها بالغرفه
اتصل بندر على عمه وقاله ان مها تعبانه نزلوا كلهم الجناح ولقوها طايحه بالارض وبندر يبكي..شالوها على المستشفى
قالهم الدكتور ان حالتها خطيرهـ ولازم تقعد تحت الملاحظه كم يوم..
حجز عمها على مصر ..الغريب ان بندر اختفى من بينهم ولاعاد احد شافه جواله مسكر سأل عمه عنه ولقاهـ سافر الكويت
سافروترك حبيبته اللي طاحت قدام عينه بدون مايسأل عنها ..
مها في مصر دخلت غيبوبه 27يوم بعدما فقدوا الامل في شفائها..فاقت مها بمعجزهـ الهيه سبحان الله
فاقت وكانت متوقعه اول واحد تشوفه قدامها حبيبها اللي وعدها مايتخلاّ عنها وهو أساساً ولاسأل عنها رجعت مها السعوديه ومازالت تحت العلاج
رجع حبيبها يسأل بعد غياب 10شهوووور
بعد ماعافته مها وحطته باقائمه السوداء في حياتها مها تردد وتعيد وتزيد كل يووم
اكررررررهك يابندر اكرررررررررررررهك اكررررررررررررهك
تلك هي صوت الألم وذالك آلمها من وفاة والدها مروراً بالايام المرّهـ التي عاشتها في الرياض وأيام معانتها مع المرض وحتى محطة الألم الاخيرهـ
بنـــــــــــــــــــدر



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 19-04-2011, 06:42 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


وقفــــــــــه


لن اغلق محبرتي قبل أن أشرّع على أوراقي نوافذ الأمل


تقبلوني مني خالص مودتي وتقديري


اختكم ’’
دانه العتيبي (صوت الألــــــــــم)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 19-04-2011, 06:42 PM
صورة تـرى~الـنــاس~ أجــنـاس~ الرمزية
تـرى~الـنــاس~ أجــنـاس~ تـرى~الـنــاس~ أجــنـاس~ غير متصل
©؛°¨غرامي فعال ¨°؛©
 
الافتراضي رد: رواية فاقدهـ غالي للكاتبه: صوت الألم


ثانكس خيتوو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 19-04-2011, 06:43 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية فاقدهـ غالي للكاتبه: صوت الألم


اقتباس:
المشاركة الأساسية كتبها كل شي منك يوحشني مشاهدة المشاركة
ثانكس خيتوو





~


العفووو

نورتي


~

الرد باقتباس
إضافة رد
الإشارات المرجعية

رواية فاقدة غالي / الكاتبة : صوت الألم ، كاملة

الوسوم
للكاتبه: , منقول , الأمل , رواية , غالي , فاقدهـ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6805 24-07-2017 07:05 PM
الحب سيأتي يوماً / الكاتبة : دنيا الأمل ، كاملة مآهمني بعدك روايات كامله - يتم نقل الرواية هنا بعد اكتمالها 50 12-10-2014 06:25 PM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
الحياة أمل فـ الخفـاء ـارس مواضيع إسلامية - فقه - عقيدة 16 12-05-2006 01:44 AM

الساعة الآن +3: 07:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1