ملح الحياة وسكرها ©؛°¨غرامي مجتهد¨°؛©

.....
اول شي شخباركم وشعلومكم..عساكم طيبين يالغلا وين ماكنتوا ومتى ماحضرتوا...
اشتقت لكم حييل من اخر لقاء لنا با اخر رواية...
وان شاءالله نرجع نلتقي اللحين بها الرواية من جديد وتكون خفيفة عليكم وماتغثكم...
ماراح اتكلم واقول اي شي...غير اني اشقت لكم والله الشاهد ....وتفضلوا الرواية وانتوا احكموا ..
وان شاءالله يارب تعجبكم...ويارب اكون عند حسن ظنكم ومااخيبكم ابدا....

اختكم
/ملح الحياة وسكرها,,,

من فهمني ملكني ©؛°¨غرامي نشيط¨°؛©

اهلييييين وسهلين بعودتج يالغلا
عاد تدرين حتى اسم الروايه وربي ماقريته للحين بس مجرد قريت اسمج تحت الروايه استانست وقلت لازم ادش وعلى طول على الرد واللحين برب بقرا البرت وارد
ودي

ملح الحياة وسكرها ©؛°¨غرامي مجتهد¨°؛©

([COLOR="Blue"]من اعماق احضان مجنونة[

/COLOR])

,,,ذات ليلة...ساْلتني عن سرجمالي,,,وعن مصدر ابتساماتي,,وعن اللمعة في عيني,,,ذات ليلة ساْلتني مئة سؤال وسؤال ,,ساْلتني ماذا بدل من احوال,,؟
ذات ليلة راْيتني بدر مطل قبل الاوان..راْيتني حورية قبل الممات,,راْيتني ساحرة تسحر الكون بابتسامتها,,,
وانا ارد عليك مبتسمة..اءمعقول انك لم تعلم بعد!!امعقول انك لم تدرك بعد!!امعقول انك لم تعرف انك سر التغيرات التي احدثتها فيني بسب حبك؟؟!

!

**البارت الاول,,,

كانوا بالبيت الكبير مثل مايسمونه كلهم..متجمعين ويلعبون ,,
ساعة هواشهم اكثر من ساعة لعبهم,,,
كل ثانية لهم حجة على الهواش وكل ثانتين لهم حجة غير...
اللي يتخانق فيهم على الكورة ويبي يكون القائد(جراح) واللي يبي يكون حارس المرمى(احمد) واللي تبي تكون العروس(مريم) واللي تبي تكون جنبها علشان تاخذ الاضواء(نسايم) واللي مشروعها غير وتبونهم يلعبون مستشفى علشان تكون الدكتورة عليهم(هالة) وتمارس ها الهواية عليهم واللي مل من كثر مايصير هو الحكم ويبي دور اكبر واسمن(مطلق),,
شكلهم كان حلو مع صغر سنهم وبراْتهم والطيب باين في بعضهم والخبث باين في بعضهم ,,,
كان الجو رايق بينهم لين طاح فيهم(وليد) اللي مبين انهم كانوايلعبون فيد بدال الكورة ..
لحظتها بس انتهت لحظات الهدوءوانقلب الجو اللي كان رايق الى جو متوتر وماليه الهواش وكل وحدة من الامهات شالت عيالهاوهي تهذر وموراضية على لعبهم مع بعض ...
وملاء الهدوء الحوش اللي كان ضاج بروحتهم وجيتهم وصار موحش وكئيب بعد مادخلوا واتركوه فاضي,,,
مرت الساعات بطيئة وموحشة لين تسلل نور القمر ورمى ظلامه على حوش البيت وغابت الشمس مع نورها ...
ابتداءمسيرة الهروب من داخل اسوار الفيلا (مطلق)كبيرهم واجرئهم واللي لحقه اخوه (جراح)مع اخته (بشاير) ظلوا ينتظرون وينتظرون ان احد يطلع لهم لكن بدون امل مابين احد منهم ..
ظلوا رايحين جايين عند قسم بيت عمتهم علشان يعطون اشارات انهم طلعوا بس مافي أي بادرة امل انهم راح يجون..
دخلت( بشاير)بعد ماتمللت من القعدة بين اخوانها ثنينهم وظلوا هم جالسين يعطون اشارات على عتبة الدرج جنب بعض...
جراح/مطلق..
مطلق/نعم
جراح/بيطلع احد؟
مطلق/لا
جراح/ليش لا؟
مطلق/لان امهاتهم مابيخلونهم يطلعون...
جراح/ليه؟
مطلق بتاْفف/لاتصير دلخ عاد؟
جراح/وشو اللي لاتصير دلخ ياغبي؟
مطلق /امي وعمتي مايحبون العراقية وعيالها ويبون الزلة واللي طاح وتعور وليد فلا تحلم ان احمد ولاهالة تتركهم امهم يطلعون ويلعبون معنا؟
جراح/اوووف
مطلق/......
جراح/وش نسوي اللحين؟
مطلق/ولاشي..
خذوا....
لفوا اثنينهم لصاحبة الصوت اللي كانت وراهم...
ومدت لهم هالة بصحن سفري فيه ورق عنب..
هالة باْمر/كل واحد ياْخذ له ثنتين بسرعة..وماتعلمون احد اني جبت لكم..
مدوا اياديهم بسرعة وبسرعة البرق كان اكلوه..
مطلق باستعطاف/دكتورة هالة ابي بعد..
هالة بتحكم/لا
مطلق بمسكنة/ليه...
هالة/امي مابترضى اعطيكم..
جراح/طب خبيه وجيبيه لنا...
هالة/خلاص مقدر انا هذا اصلا خبيته وجبته لكم...يالله انا ماشية..
وقفوا ثنينهم مع بعض وصاروا واحد عن يمنها وواحد عن شمالها وكل واحد فيهم باس خد من خدودها وكاْنهم متفقين على ها الشي....
عطتهم ضهرها وكملت مشيها بثقة وهي عارفة ومتيقنة ان اللي تركتهم وراها جالسين يناظرونها..
ومن شافها احمد من ورى النافذة صرخ بصوته العالي وهو يفتن عليها..
احمد/شفتي يمه بنتك اللي ماتسمع الكلام طلعت لهم ولعبت معهم وانتي منبهة علينا!!
طبعا هالة ذيك الليلة اخذت لهاعلقة ساخنة من امها اللي قايلة لها لاتروح بيت ابوها ولابيت خالهم وكسرت فيها ضلوعها!!)
,,,,,,,,تبسم احمد وهو يتذكر كيف كان يفتن على هالة في صغرهم وانها ياما انضربت بسببه بس هي بعد ماكانت تقصر وتشيل عليه امها اذا قدرت...ايام عاشوها وكاهي كبرت وتزوجت وصارت دكتورة مثل ماكانت دايم تحلم,,,
رفع راسه عن البوم الصور يوم سمع صوت جرس الباب وتركه على الطاولة وراح يفتح....ويوم شاف هالة قدامه ابتسم لانها توها في باله..
احمد/هلا وغلا..تفضلي.دخلت قدامه ببرود شديد بدون ماتقول شي..
قال بعتاب/انا مو قايل لك غطي وجهك اكثر من مرة ليه ماتسمعين كلامي!!
تاءففت بدون ماتعلق...
احمد بعد سكون/شلونك..
بتمتمة وبرود قالت/ماشي حالي..
احمد/وكيف شفتي الطب يادكتورة؟
هالة/توي في البداية بس ككل تمام..
احمد/شخبار علي؟
هالة /ريما ماهي هنا؟
احمد/لا اليوم تطلع مع اهلها ..
هالة باحتقار/وانت وراك مو معهم؟
احمد/مااحب اكون متواجد دايما...ماعلينا وين علي ليه ماهو جاي معك؟
هالة/احمد..
احمد/نعم..
هالة بهدوء/فيك تستضيفني؟
احمد بذهول/شنو؟
بحدة قالت/ادري ماكثير نتفق انا وريما بس انا مضطرة اقعد عندك..
تقدم شوي بجلسته وقال باهتمام/وش فيك؟
بلامبالاة قالت/ولاشي,,
ظل الصمت بينهم وقطعته وقالت ببرود/علي بيكون بدورة خارج السعودية لمدة شهرين وابي اظل عندك...احمد/وليه ماتروحين بيت ابوك...
بضيق قالت/ماهو بيت ابوي هذا بيت نسباه...
احمد بثقة/أي بس اخوانك هناك...
وقفت وقالت بحدة/قول لاتجين وريح حالك بدل ها اللف والدوران..
تنهد وقال بهدوء/ماابي وجع راس انتي وريما ماتتفقون بشي..
ظلت واقفة لثواني بس وبعدها شالت شنطتها السودة بيدها ومشت من قدام عينه,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,
وقف سيارته قدام بيتهم ولف لهم بعد ماقصر على صوت الاغاني..
مطلق/يالله وصلنا..
شيخة/وين؟
مطلق/وين يعني البيت...
شيخة/وانت وين بتروح؟
مطلق/ياغفار الذنوب...وانتوا وش لكم فيني!!
عايشة/علشان نرد اذا سئلنا جدي عنك عرفنا وش نقول له..
مطلق بتنهيدة/بروح البحر...
عايشة/وش تسوي هناك؟
مطلق بدلع/بتسبح...
فاطمة/بروحك؟
مطلق/لا مع صديقاتي..اقصد اصدقائي!!
شيخة/خذنا معك...
مطلق/لاني مجنون ولابايع عمري..
عايشة/ليه...
مطلق/وين الحق عليكم انتوا..بليز عن الحنة وعوار الراس ونزلوا خلصوني..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
بغفلة من نفسها سرحت بعيد.....هناك لعند ذاك الحبيب اللي كان,,,
تحبه ويحبها وماهم متفقين باي شي واول تناقضهم عيونه اللي تزيغ على أي بنت تمر من جنبه!!
كم كانت الفترة اللي كلموا بعض فيها وتعرفوا على بعض...تسعة شهور ولاعشرة,,,,بالنهاية تركوا بعض...صار لهم اكثر من سنة وثلاثة شهور من تركوا بعض....ياترى وش حاله اللحين؟وشنو يسوي؟,,,
دايما كانت تقاوم انها تعرف اخباره وعلومه بس من وين ماتدري؟؟
يمكن خيرة انها ماتعرف عنه أي شي وتفكر بحياتها اللي جاية وحياة اهلها...
رفعت راسها تودع البيت هذا نهائيا وباْمر من جدها..علشان يرجعون يسكنون بالبيت الكبير مثل ماهو موصي...
زمان ماراحت هناك ولاشافتهم ولاتدري عن اخبارهم...ياترى وش اللي صار فيهم...قطيعة قرابة السبع سنوات بين ابوي وعمتي ومادرينا وش اللي كان صاير حتى يوم ماتت نسيبتهم ام احمد مارحنا نعزيهم..
أي الدنيا سوالف ومايغطي على البني ادم الا ثيابه..حتى مريم كنهم قالوا انها انخطبت....يالله الايام الجاية بتكشف لنا كل شي...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
وقف قبال البحر يتاْمل فيه..
كل شي صاير حوله ممل ويضجر..ليه ماهو داري؟؟؟
من عرف انها راحت منه وهو يحاول يخادع مشاعره...كانت صديقة طفولة عزيزة..وظل يحبها بجنون بينه وبين نفسه رغم كل شي...
حتى هي ماعرفت عن حبه ابدا...لبس له قناع بارد يخفي وراه كل همومه ومعاناته من بعدها,,,ياترى كيف عايشة حياتها معه اللحين ..كل شي فيها وحشه شقاوتها وهدوئها,,,غضبها وعصبيتها,,كبريائها وجبروتها,,تنهد بقوة وهو يذكر كيف انها لعبة اقدار وقسمة ونصيب وان غيره مهتني بقربها اللحين؟؟!!!
لبس نظارته لايشوف احد دموعه اللي ساءلت من ها الطاري ورجع لسيارته ومعاه ذكرياتها الكثيرة القليلة!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
بعد الساعة تسع وربع الليل رجع الشقة وهو محاول يكون طبيعي بعد مادق على هالة اكثر من مرة وبعد ماقطع نفسه وهو يرسل لها مسجات وهي ماترد عليه..
خاف كثير..هي طلعت زعلانة وهالة كبريائها غير عن ها الناس..لازعلت شالت الدنيا وماقعدتها,,,تنهد وجلس على الكنبة وقال بصوت عالي/وش العشى الليلة؟
ريما من المطبخ/مافي عشى..
قال وهو بمكانه/مالك امل...ميت جوع ..لاغذيتيني اليوم ولابتعشيني بعد؟
وقفت عند باب المطبخ وقالت/محد قال لك تدخل وماتسلم!!
رفع راسه وابتسم لها.
ريما بدلع/لاتقعد تتعير وتوزع ابتسامات وعلى بالك بحن عليك وبعشيك؟
قال بمرح/يعني من صدقك مالك نية تعشيني؟
ريما بثقة/لاطبعا!!
وقف وتقدم منها ومسك يدها وسحبها له وحضنها وقال بهمس/واذا حضنتك؟
ريما وهي غرقانة بحضنهلا خلاص اذا كذا تراني رضيت...
احمد بهمس/ليه؟
ريما بهمس/لاني اموت بحضنك اللي يذوبني!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
جت تركض على الدرج وابوها نازل..
ابو احمد/شوي شوي علامك؟
مريم/هلا يبى...قالتها ووقفت...
ابو احمد/وش فيك مطيورة...
مريم/ولاشي...
ابو احمد/خطيبك شلونه؟
مريم/يسلم عليك كاهو تحت ووليد جالس معه..
ابو احمد/خير ان شاءالله اللحين ننزل نسلم عليه اجل؟
مريم/أي..
يوم نزل ضربت رجلها بقوة على الدرج وهي تتاءفف/اول ولده يقوم يلزق حاله ويدخل له واللحين هو لابالله ماهو جاي علشاني وعلشان يجلس معي!!
دارين/انتي منو تكلمين؟
لفت لها مريم وقالت اكيد مااكلمك؟
دارين/أي زين قلتيلي؟
مريم/انتي وين مطلعة اغراضك؟وين رايحة؟
دارين/بننقل الفلا الثانية انا وغسان وابوي..
مريم/ليه؟
دارين/انتي ناسية ان بيت خالك بينتقلون بكرة ..
مريم/بياخذون الفلا الثانية مابيقعدون هنا معنا؟
دارين/أي ماعليه لازم تاءخذون راحتكم وبالنهاية الفيلا فاضية مافيها احد..
مريم/انا مستغربة ليه احمد ماسكن فيها؟
دارين/علمي علمك...
مريم بغباء/طيب وهالة...
رفعت دارين كتوفها بمعنى مدري...
دارين/أي صدق الا كاشخة وين رايحة؟
مريم بقهر/ولا مكان بس مشاري هنا وشكلي ماحشوفه؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,

كانت جالسة بمكتبها والهدوء مالي المكان عليها,,,لاصوت ولانسمة وحدة موجودة معها بالشقة غير جوالها اللي كان صامت على المكتب,,,وعيونها اللي تناظر بالمكان بنظرات اقل مايقال عنها باردة,,
صورة علي كانت فوق مكتبها جنب الاطار الليه صورة امها وابوها ..امتدت يدها لصورته وقلبت الصورة وتنهدت,,يمكن الشي الوحيد الحار بها المكان هو زفراتها وتنهيداتها,,,
عقلها كان يفكر باشياء كثيرة ومشتتها معه,,,ماهي قادرة تركز بشي معين...تمنت انها ماراحت لااحمد اليوم رغم انه المسكين الى قبل ثانيتين كان متصل وماردت عليه,,,,هزت راسها وكاْنها تنفض عن ذهنها أي فكرة وهي تقول بنفسها مشوار الطب ياهالة وماغيره لازم يشغل تفكيرك,,,
غمضت عيونها علشان تبعد عن ها الجو البارد اللي مجمدها وتخنق نفسها بحسراتها وضيقها اللي بصدرها وهمومها اللي محد عارفها غيرها,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
بشاير/وين ابوكم؟
شيخة/مدري...
عايشة/جابنا وطلع...
فاطمة/أي صدق راح للبحر...
نسايم/خلاص خوب فتحتوا الاذاعة مابتسكتون اللحين؟
ام مطلق بتهديد/ذكري الله عليهم..
نسايم بضحكة/وانا شقلت؟
ام مطلق بقهر/انا ادري عنكم انتي واختك واخوك الثاني من تشوفونهم ماتتركونهم بحالهم؟ماكاْنهم عيال اخوكم؟
جراح من على الباب/دايم يتكلمون عني بغيابي!!
قاموا ثلاثهم لعنده وهم يصارخون/عمي جراح...
جراح/هلا وغلا...
شال فطوم وحملها...
فاطمة/عمي كل عام وانت بخير...
جراح بسخرية/مشاءالله ليش اليوم عيد؟
فاطمة/ههههه
شيخة/احنا ماندري بس يمكن لان مانشوفك كثير وقلنا يمكن اليوم عيد ومحد قال لنا؟
جراح يجاريها/كذا يعني...
عايشة بتميلح/أي..
جراح/تعالوا سولفوا لي وقولوا شخباركم...
ام مطلق/ماتبي تاْكل شي؟
جراح/لاماني بجوعان...
ام مطلق/وين كنت؟
جراح بلامبالاة/والله مريت اشوف العمارة الجديدة وش صار عليها...
بشاير/اقول اخوي...
جراح بشماتة/هلا وغلا بس اذا السالفة فيها فلوس ترى ماعندي وانتي عندك ابو يصرف عليك؟
بشاير تجاريه/ول ول ول..ماابي كثير بس مليون ريال؟
جراح/يصير خير..
فاطمة وشيخة وعايشة/ههههههه
بشاير بترجي/تكفى...
نسايم/جهزت اغراضك؟
جراح/متى بتروحون؟
ام مطلق/ابوك يقول بكرة الصباح..
جراح/بغيت اسئلك يمه؟
ام مطلق/شنو...
جراح باهتمام/عيال ابو احمد موجودين معه بنفس الفيلا...؟
ام مطلق/أي اكيد معه يعني وين بيروحون؟
جراح/كلهم تزوجوا؟
ام مطلق/لامااعتقد يتراواللي احمد وهالة بس اللي تزوجوا...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,
دخل البيت وماكان فيه غيرها جالسة بالصالة..حط مفاتيحه وجواله على الطاولة وانسدح على الكنبة,,
زينة/خير ان شاءالله..
مشاري بدون نفس/الخير بوجهك..
زينة/علامك؟
مشاري بثقل/ليه شاكي لك الحال وقايل لك اني اشتكي من شي؟
زينة/لاابدا..
مشاري/خلاص اجل ماله داعي كثر الحكي..
زينة/اقول مشاري...
مشاري/يانعم...
زينة بخبث/شفت خطيبتك؟
مشاري/أي شفتها؟
زينة/وليه تقولها بدون نفس؟
مشاري/ولاشي..
زينة بشماتة/اكيد ماتركوكم بحالكم..
مشاري بنرفزة/بالضبط...
وهذا اللي مضايقك انهم ماتركوكم بروحكم,,قالتها بغمز..
مشاري بنرفزة اكبر/اول شي اخوها وبعدين ابوها وبعدها هي بكبرها قامت!!
زينة بلقافة/أي اخو فيهم؟
مشاري/وانتي شيخصك بالله؟
زينة/لابس كذا اساْل ابي اعرف منهو فيهم الملقوف؟
غمض عيونه وماجاوبها وهي كان قلبها يدق بسرعة وهي تتخيل اخو مريم جالس معهم!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
تنهد بقوة وحط راسه على المخدة بعد ماطفى النور...كل شي كان مظلم بعيونه والايام الجاية بتكون صعبة اكثر واكثر بعد,,,
ياترى شلونها اللحين....تغيرت نفسيتها وشخصيتها عن اول ولالا؟
ظل يتذكر اخر مرة شافها فيها وجها لوجه...ذيك الليلة اللي ماتمناها تجي...عمره ماتخيل انه يكن لها مشاعر بقلبه ها الكثر..اول مرة تنزل دموعه قدام احد وها الاحد هو هي؟؟؟
اللي سكنت قلبه وفؤاده ومشاعره من الصغر..طاحت دموعه حارة بذيك الليلة ..جاها البيت قبل لاتروح الصالة..كل اللي سواه انه حط يده على فمها علشان لاتتكلم وطلع من جيبه سلسال بوسطه تعليقة باسمها..داخل قلب..فتح يدها وحطها فيها وسط ذهولها...
قال احبك بكل حرقة ودموعه تسيل على خده....
تنهد وهو يذكر ذاك اليوم ..مايدري ليش تمنى انه ماقال لها ها الشي ابدا..يجيه شعور غريب كل مايذكر ها الشي ويذكر كيف انه حبها بجنون وانه بليلة زواج انهار تماما...حتى الدهشة والصدمة اللي بانوا بعيونها مو قادر ينساهم...بس وش الفايدة كاهي مع غيره ومتهني فيها وهو يعاني من سنة ونص ومحد حاس فيه ولا بناره!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,
في غرفة ريم واحمد,,,
ريم بضيق/نعم!!
احمد بهدوء/اللي سمعتيه حبيبتي,,
ريم/اوووف
احمد/ريم..
ريم بضيق/ماابي ها الشي يصير؟
قال وهو يمسك يدينها بيديه/ليه عاد ياقلبي!!
ريم بنرفزة/لان احنا مانتفق يااحمد..
احمد/واذا يعني؟
ريم/يعني ماله داعي تفكر بها السالفة..
بهدوء اكبر قال/طلبتني ومااقدر اردها...
بعصبية قالت/طلبتك ولاشرطت حضرة جنابها؟
ناظرها وقال بحدة/وش قصدك؟
قالت بعصبية اكبر/بيت ابوها مفتوح ورى ماتروح هناك ولا لازم تضيق علي وتكدر خاطري؟؟
بعصبية قال/ريم,,,
كملت بنفس النرفزة/يبى احنا بشقة مو بقصر؟؟؟!!ماعندنا مكان نستقبل احد؟
بصراخ قال/بس يالله بس!!
قامت وطلعت من الغرفة وتنهد هو تنهيدة عميقة لان وجع الراس بيبتدي اللحين صح؟؟
//////////////////////////////////////////////////////////////////


هذا كان البارت الاول(وادري انه طويل ومو بالعادة بس لانكم تستاهلون ههه)
الشخصيات والتعريف فيها بيجي مع الاحداث فلا تستعجلون يالغلا...
اشوفكم ان شاءالله يوم السبت كعادتنا دايما,,,

.Ǎℓ-Ż3έε₥ẩ«~ ©؛°¨غرامي مجتهد¨°؛©

يعطيك العافيه
لي باك بعد القراءه

وردة الزيزفون
✿ إدارة الإقسام ✿

هلا والله بملوحتنا وسكرتنا كيفك ياعسل وربي لك وحشة كبيرة ومفاجئتك جات بوقتها والله اشتقنا لك ولابداعك

اسم الرواية جدا حلو وشكل فيها قصص واسرار كثيرة ............... لحد الحين ماقدرت اربط بين الشخصيات ولا احكم عليها مين الشخصية الحلوة ومين الي ماتنبلع ................ الشخصيات كثيرة ولحد الحين صعب احفظها او اعرف صلة القرابة بينهم خصوصا انو الاخوان في منهم الي مو من ام وحدة ............ وفيها فراق بين العوايل وفراق بين المحبين


متحمسة معاك للرواية الجديدة وماتحمله من مضمون وتشويق ......... في انتظار البارت القادم لنتعرف اكثر على الابطال والشخصيات والروابط الي تجمعهم

جرحني(جورية) حبي الاول يً ربَ ..رضـآآك.. والجًنَه .. ♥

مسااااء الورد ملوحتي
هلا وغلا بك
وربي وحشتيني مووووووووت
حتى اليوم كنت برسلك خااص
بسألك عن الرواااية الجديدة
متى بتنزلينهاااا؟
فديتك وربي
شكل الروااية والاحداااث مرررة روعه
وهالشيء واضح من البدااااية
ننتظرك السبت ان شاء الله
يسلمو غلاتي
بس عاااد نبي بارتات طويلة يالغلا>>>>رجعت ومعي اسطوانتي بكل بارت ههههههههه
وديـ//جـــــورريـــــــة



روح زايــــد مستشــ¸.·* غرام *·.¸ـــاري

السلام عليكم

موفقه ان شاء الله

القوانين ، تحديث جديد ؛

من فهمني ملكني ©؛°¨غرامي نشيط¨°؛©

يسلمو غناتي عالبارت

بداية مبهمة للحين بالنسبة لي ولكن باين انه مطلق وهاله هم المحور الاساسي للرواية

بانتظارج يوم السبت بإذن الله

لكـ وديــ ...

" من فهمني ملكني "

ملح الحياة وسكرها ©؛°¨غرامي مجتهد¨°؛©

....البارت الثاني,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
بها الليلة محد قدر ينام ويرقد ويرتاح حتى اللي مو هامه رجع شمل العيلتين من جديد!!لان الحياة بها الفيلا من طلعة الشمس بتكون غير في كل شي..قطيعة سبع سنوات بين الاخو واخته ماكانت بسيطة ابدا!!
فرقتهمصح وعزة نفسهم خلتهم يكابرون ومايسئلون عن بعض حتى في اتفه الامور البسيطة ولااشد الشدايد الكبيرة,,,
لافرحهم تشاركوه ولاحزنهم ,,
ظلوا بعيد عن بعض والفراق تحملوه عيالهم بدون ذنب لمجرد اختلاف بالورث؟؟؟
طلعت الشمس موعلشان تصحيهم من نومهم لانهم كانوا سهرانين اصلا ,,بس علشان تقومهم للاستقبال..
نزلت ام وليد الصالة وكان ابو احمد جالس يفطر ووليد يقراء بالجريدة ومريم و جالسة جنب ابوها,,
صباح الخير,,,قالتها ام وليد بكل برود وجلست جنب ابو وليد..
ردوا كلهم بنفس البرود ورجع الصمت بينهم..
لفت ام وليد و قالت لوليد/ماتبي تفطر؟
وليد/لا
ام وليد/ليه؟
وليد/مالي نفس..
ام وليد باصرار/قوم كل لك شي؟
ابو احمد بحزم/ماهو صغير تجرينه للاكل اذا اشتهى بيقوم بنفسه؟
سكتت ام وليدوكاْنه مو عاجبها بس ماحبت تناقشه بشي لان مزاجها متعكر..بعد سكوتها بثواني قام من السفرة..
ام وليد/على وين؟
ابو احمد بلامبالاة/وين يعني؟؟الشركة اكيد...
ام وليد/أي بس انت عارف ان اخوي بيجي بعد شوي مع عياله؟
ابو احمد/وانا شسويله؟
ام وليد بعصبية/شنو يعني شتسوي؟
ابو احمد بتهكم/اخوك انتي اللي بيجي ماهو باخوي انا...وبعدين خلكم تتكلمون براحتكم...يالله فمان الله...
تركهم وطلع وبعد ثواني انفجرت بعصبية/استغفر الله...
مريم/يمه..
ام وليد بعصبية/وصمه...وش تبين انتي بعد؟؟
وليد/يمه روقي لاتعصبين..
ام وليد/وانت اسكت بعد لاتزيدني..
مريم/ابوي معاه حق المفروض اليوم تجلسين مع خالي بروحكم تشوفون وش بيصير بينكم وبعدها يجي ابوي ويستقبل خالي!!
وليد بتاءيد/أي والله..
ام وليد بقهر/اقول اذا ماعندكم سالفة انت واختك انطموا احسن..
مريم/ها سكتنا...
ام وليد/اختك وينها؟
مريم/كانت نايمة مع دارين البارحة بالفيلا الثانية؟
ام وليد بصراخ/ياسلاااام...خالها جاي وهي مطيحة لي عند عيال العراقية!!روحي ناديها تجي لابروح اجرها من شعرها؟؟!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
تعالوا نتكلم عن عيلة ابو احمد وام وليد..
ابو احمد متزوج ثنتين..ام وليد ووحدة ثانية اهلها عراقين بس انها انولدت هنا..
ظل مع ام وليد اربع سنوات وماجابت عيال وبعدها تزوج ام احمد اللي جابت له احمد وبعدها جابت له هالة ويوم حملت بغسان حملت ام وليد بوليد وبعدها جابت له بنتين وجابت له ام احمد دارين,,
(وعلشان لاتلخبطون...
عيال ام احمد/احمد/هالة/غسان/دارين)
عيال ام وليد/وليد/مريم /اروى)
طبعا ابو احمد كان متشارك مع ابوها(ام وليد) وبوقتها كتب له جزء من الفيلا باسمه ومنها جلس فيها ابو احمد وماطلع وجاب فيها مرته ام احمد وعياله وكانوا طول وقتهم هواش مع بعض لين كبروا وكلهم مايتكلمون بس البنات يوم كبروا وتوفت ام احمد تقربوا من بعض شوي ومو بكل الاوقات طبعا مع دارين بس لان هالة ماتقدر على طاريهم!!
احمد/الولد الكبير عمره 34 سنة..متزوج من ريم البنت القروية اللي شاب راس شعره وهو يقنع اهله انه يبيها وابوه رافضها وماوافق الا بطلعة الروح طيب ومايعصي ابوه بشي وهذا اللي مخلي اخوانه يكرهون طيبته اللي دايم تضيعه..يحبهم ويخاف عليهم ودايم سند وعون لهم..
هالة/دكتورة اسنان عمرها ثمان وعشرين سنة متزوجة من رجل اعمال من معارف ابوها..بنت مغرورة وفيها كبرياء وعزة نفس ومايعجبها احد طول وقتها هواش ومصادمات وحتى اخوانها قلبها مو رحيم عليهم...
صديقتها المقربة منها الجوهرة هي بس اللي فاهمتها,,,
غسان/الولد الرزين والعاقل بينهم...متوازن بكل شي..وتفكيره دايم منصف ..يدرس محاماة لانه يعشق ها المهنة ووده يكون محامي...
دارين/البنت اللي شبه ضايعة بها البيت بين ابو يحبها ويرعاها بس مايقدر يقابلها طول الوقت وبين اخوان كلا لاهي في حياته وبين زوجة ابو تكرهها وماتواطنها وماتبي لها الخير خصوصا انها الانجح من بناتها اللي بعمرها؟
وليد/اذا الفشل كان له عنوان فهو عنوانه بالتاْكيد!!!همه دلال امه ورضاها عنه لان ابوه سافطه ومايعتمد عليه بشي وروحته الشركة بس علشان ترضى عنه امه ولاابوه مايعبره ولايحسب له حساب..حياته سهر بالاضافة الى شلة بالاضافة الى لاطموح؟؟؟
مريم/همها انها تتزوج وبس!!ومو مهم معنى الزواج ولا انها كيف بتعيش حياتها؟؟حتى يوم انخطبت لمشاري اللي هو ولد صديق ابوها ماتغير بحياتها شي...حتى ماتدري اذا كلمته وش تقول له؟اروى/تعتبر الافضل بين اخوانها مريم ووليد صدق كلهم ماخلصوا الثانوية الا بفلوسهم ولاهم مايدرون عن شي بس مع هذا تعتبر اخلاقها مع دارين واحمد وغسان الافضل لان مزاجها اقل تعكير منهم وماعندها ذيك الغيرة الكبيرة,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
مطلق بتاْفف/ابي اعرف بناتي وش له اخذهم معي بعد يبى؟
جراح بسخرية/شدعوة خلهم يتعرفون على العيلة؟
ام مطلق/انت اسكت..
ابو مطلق/يالله لاتاْخرونا,,,
نسايم/احنا جاهزين عيالك اللي جالسين يسولفون؟
مطلق/عيالك وعيالك..اي مو لان ماعندها غير ها العيال؟
ام مطلق/اقول بيكون في احد هناك؟
ابومطلق/تقصد عيال العراقية؟
ام مطلق/أي..
ابومطلق/مو قادر اتوقع شي من زمان عن اختي ومدري كيف اوضاعهم بالبيت؟
ام مطلق/يالله سرينا,,
قاموا كلهم ويوم طلعوا للكراج وقف مطلق جنب جراح وقال/تهقى انها بتكون هناك؟
ناظره جراح بحدة وقال بلا مبالاة/ان شاءالله لا..مانبي نشوفها لاهي ولااخوانها عيال العراقية؟
تنهد مطلق ومشى لسيارته وجراح واقف بمكانه يناظره بنظرات ماهي مفهومة؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
زينة/مشاري..
مشاري/نعم..
زينة/بغيت اقولك شي..
مشاري/خير..
زينة/امممم
مشاري بتهديد/زينة..اخلصي وش عندك؟
زينة/ابي ازور خطيبتك؟
مشاري وهو رافع حاجب ومنزل حاجب/ليه؟
زينة بدفاع/شنو ليه؟وحدة بتزور خطيبة اخوها فيها ليه؟
مشاري/انا اقول اذا تحسين مالها داعي لاتزورينها مالك بالروحة؟
زينة بقهر/اووووف
مشاري/هههههههههههه خلاص بدق عليها بشوف وش يناسبها؟
زينة/أي
مشاري /وش رايك تعزمينها بمطعم ونلتقي فيه
قاطعته بسرعة/لالالالالالا
مشاري بتعجب/وشو اللي لا؟
زينة بترقيع/لاابي اعزمها ولا ابي تعزمني ابي ازورها في بيتها؟
مشاري بتساؤل/ليه؟
بارتباك قالت/بس كذا...مو وقت اعزمها برى خل اجلسمعها اكثر قبل ولاتنسى انا ماشفتها غير مرتين بس وماعرفت شخصيتها عدل لاحقين على العزايم؟
مشاري/زين يبى ترى اكلتيني والله ماتسوى علي ها الكلمة؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,
احمد/الو..
بدون نفس قالت/هلا...
احمد بحيوية/صباح الانوار ياكل الحب..
ريما/...........
احمد/شدعوة الواحد يجلس من النوم ولايشوف مرته ولايصبح بوجهها ولاحتى تسوي له فطور واذا كلمها بعد ماتعطيه وجه؟؟!!
ريما بدون نفس/بغيت شي؟
احمد/أي..
ريما/شنو؟
بهمس قال لها/احبك...
تنهدت وماقالت شي...
كمل بنفس الهمس/واموت فيك وانتي عارفة ها الشي بس حبيت اذكرك فيه..
ريما وهي قريب تبكي/كلام بس!!
احمد/لاعاد هذا يسمونه دلع ياري احمد انتي,,,
ريما/أي وبعدين؟
احمد/اوووف عطنا وجه الله يخليك؟
ريما/ترى اذا انت فاضي انا مشغولة؟
احمد/اوووف هاذي معناته سكر ماابي اسمع صوتك؟
ريما/انا ماقلت كذا؟
احمد/وش اللي شاغلك؟
ريما/بقوم اجهز لك الاكل علشان لمى تجي ماتقعد تهذر وتقول تاْخرتي وليه ماجهز الاكل بدري؟
احمد/اممم طب وش رايك ترتاحين وماتطبخين ونطلع؟
ريما/أي بس انت ترجع الساعة ثلاث وشوي وتحط راسك وتنام متى بنطلع يعني؟

احمد/خلاص نخليها عشى وش رايك؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
وصلوا عيال الـ### واخيرا وكل واحد يقدم خطوة وياْخر الثانية ,,
كلهم يناظرون في ابوهم اللي وقف ثواني يناظر بالبيت قبل لايدخل من البوابة,,,
كلا كانت له مشاعره الخاصة بذيك اللحظات,,ترقب وحيرة وارتباك,,,شي مو طبيعي,, صار لهم فوق السبع سنوات ماشافوا بعض وحتى لو بالغلط وهم اللي عايشين بنفس المنطقة؟؟!!!
كله علشان ورث وفلوس ولو ماكانت وصية جدهم انهم يرجعون ماكانوا رجعوا رغم ان في النهاية نص الورث ماراح الى ابوهم ولاالى اخته؟؟؟
نزلوا من سيارتهم ومشوا ورى ابوهم اللي دخل بعد مافتحوا الباب له وطلعت اخته عند الباب تستقبله,,
كل نظراتهم كانت مرتكزة على عمتهم..هي هي ماغيرتها السبع سنين ابدا في أي شي,,,..تقربت من اخوها...وباست راسه وهو بعد سوى لها نفس الحركة..
مطلق بهمس/متى بيخلصون فلمهم التركي؟
جراح بشماتة/توهم بالحلقة 114 انتظر بعد ثلاث مية حلقة,,
ام مطلق بحدة/اششش اعقلوا,,,
بشاير كتمت ضحكتها..
مطلق بتهديد/لا ضحكي ليش خايفة؟
بشاير/يمه شوفي عيالك يتحرشون فيني يبوني غصب اتكلم!!
نسايم/تدورك امي بعد شوفيها من زمان راحت عندعمتي تسلم عليها,,,
ابو مطلق ناظر صوب عياله بعد ماتقربت مرته تسلم على اخته وقال/تعالوا سلموا على عمتكم ليه واقفين بعيد؟؟
اول من تقرب طبعا كبيرهم مطلق ولحقه جراح وبعده خواته,,,
سلموا ودخلوا كلهم داخل وكان وليد واقف وجنبه خواته مريم واروى,,تم السلام بين الكل وجلسوا,,,ساد بينهم هدوء شديد قطعه ابو مطلق بسؤاله عن ابو احمد..
ابو مطلق/وين ابو احمد يااختي؟
ام وليد بجفاف/بالشركة,,,
مطلق بصوت عالي/ماهو داري ان احنا جايين ولاهذا استقباله؟؟
ناظره ابوه وسكت وماعلق احد عليه..
ام وليد ببرود/اغراضكم بتدخل فلتكم لاتتشيلون هم...
جراح يكلم وليد اللي من دخلوا ماقال شي/بس انتوا هنا؟
ناظر وليد بامه وبعدها قال/عيال ابوي بالفيلا الثانية,,,
مطلق بسخرية/عيال ابوي؟؟ورى ماتقول اخواني؟ليه ها التعب عاد؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
دق لها احمد اكثر من مرة وبالنهاية عطته مسج(انا بالدوام ومشغولة مافيني اتصل فيك واكلمك اللحين) بعدها حطته صامت وبجيبها,,,
تنهدت,,,ياهل ترى هي تعجلت يوم تطلب من احمد انها تبقى عنده كم يوم ولالا؟مافيها تروح بيت ابوها لان بها الفترة بالذات ابوها بتكثر قعدته بالفيلا معهم مدام اخو مرته رجع يسكن في بيته وهي مالها خلق كثر اسئلة وتحقيقات من ابوها ؟وبالنهاية سخرية وشماتة من العقربة ام وليد؟؟؟

لالالافكرة انها تتواجد ببيت اهلها ها الفترة مستحيلة ومالازم يدرون اصلا انها بتقعد عند احمد ولو بالغلط؟
اه ياهالة اه...وش اللي صار وجرى...كانت الحياة اكثر استقرارا لي من قبل شهرين مضوا..اللحين مو قادرة...مافيني اتحمل....احس التعب بداء يهلكني ..لازم نوصل انا وهو لحل ومو أي حل؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
كانت زينة جالسة بحديقة بيتهم..البيت الكبير والعز والخير اللي لها ولااخوها..
تنهدت,,,
من توفت امهم ماعادوا يشوفون ابوهم كثير اللي كان طامس حياته باعماله وشغله وتجارته وبس!!!
واخوها صاير نسخة من ابوه بس مع فرق بسيط ان عيونه تزيغ على أي بنت تمر جنبه ولاقدامه ومايتركها بحالها الا اذا شبك معها..مدري كيف بيستمر مع خطيبته وهو كذا!!راح تفكيرها لخطيبته وتحديدا للي في بيت خطيبته!!لااخوها,,,تنهدت بقوة وهي تحسه واقف قبالها,,,ياانه رزة,,,ياانه ثقل,,,ياانه شخصية,,,شي ماشافت قبله مثيل ولابعده شبيه!!مو معقول ابدا ها البشر..كيف اجتاح مشاعرها بها السهولة وقلبها اصلا مايعرف الحب ولاانه يحب؟
مافي موقف جمعه معها على وجه الخصوص خلاها تحس بانجذاب له لانه بالعادة يكون ثقيل وصاد بعيونه والمواقف اللي جمعتهم اصلا قليلة ماتتعدى الاثنين ثلاثة,,,بس انها تحبه,,تعشقه,,,تموت بالتراب اللي يمشي عليه,,,لازم تشوفه وتعرف اخباره وتشوف شلون تقدر توصل لقلبه..مشوارها معاه بيكون طويل بس لازم تمشيه وتكمله للنهاية لازم!! خلاص قلبها اختاره ولايمكن تبادله باي شي ولا ..انها تتنازل عنه حتى!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
قاموا ام وليد وام مطلق وابو مطلق المجلس علشان يتكلمون براحتهم استلموا القيادة مطلق وجراح,,,
مطلق/انتوا بروحكم بالبيت؟
جراح بهمس/سئلنهام قبل شوي؟
مطلق بنفس الهمس/يمكن يغيرون اجابتهم خل نتاْكد؟
وليد وهو يناظرهم/بهذا القسم أي....
جراح/يعني العراقية وعيالها هنا...
اروى بااحترام/العراقية ماتت بس عيالها هنا...بالقسم الثاني,,,
وليد قاطعها/أي بس مو كل عيالها..
مطلق/ليه وين الباقيين؟
وليد/احمد تزوج وهالة تزوجت,,,
جراح/وماهم هنا؟
وليد/لا
مطلق/ليه؟
جراح/لاتقول ان عمتي مابغتهم يسكنون هنا؟
اروى/لا مو كذا...صراحة احمد الى يومك هذا وابوي يقول له يجي ووده بجد انه ينقل هنا معنا بس احمد ماهو براضي..
مطلق/اممم...
جراح بثبات/وهالة وش اخبارها,,,
اروى بشوية اعجاب/صارت دكتورة,,,
مطلق/لا
وليد بدون نفس/أي..دكتورة اسنان...
مطلق/ومنو تزوجت؟
وليد بثقة/رجل اعمال من معارف ابوي...
نسايم/واحمد منو تزوج؟
قام الضحك بينهم شوي..
مطلق/خير جبنا نكتة؟
وليد بشماتة/لا بس احمد تزوج قروية وتعب على ماسواها كذا لبسها وعدلها ورزها ومو لايق عليها بعد..
اروى/.وابوي اصلا ماكان يبيها بس بعد طلعة الروح اخذها,,,
وليد بشماتة اكبر/الصيدلاني واخته الدكتورة زواجاتهم تفشل هههههه
ناظروا جراح ومطلق في بعض وبها اللحظات دخل غسان الفيلا ولفوا كلهم يناظرونه..
تقدم شوي ومن الارتباك وقف مكانه بدون مايتكلم لان كل الوجوه كانت تناظره....
مريم اللي واخيرا طلع لها صوت/غسان...شفيك؟
بارتباك قال وهو يناظر بعيال السبيعي/ابوي ماهو هنا..
وليد بحقد باين/راح الشركة,,,
مطلق بحدة/ماتعرف تسلم!!يوم نفارقك كنت بزر بمتوسط شوف شكبرك اللحين؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,
رجعت شقتها بعد دوام هلكها من كثر سرحانها بهمومها..
بان الضيق عليها اول مادخلت الشقة...
تنهدت بضيق اكبر وهي رايحة لمكتبها ...شافته جالس على كرسيها وظلوا يناظرون في بعض لثواني...
علي بهدوء فيه لهجة عتب/الناس اذا دخلت تسلم؟
بحدة قالت/انت شتسوي بمكتبي!!
علي/انتظرك؟
هالة بنفس النرفزة/وماتعرف تنتظرني بمكان ثاني؟
علي/واذا انتظرتك هنا وين المشكلة؟
شالت عبايتها بدون ماترد عليه..
علي باصرار/نبي نجلس نتكلم..
هالة بدون اهتمام/مو وقته؟
عليومتى بيكون وقته؟
هالة بلامبالاة/مدري...
علي/وحياتنا!!
تنهدت وقالت/خلاص لاتصير كذا ياعلي...
بعصبية قال/طب روحي حطي الغذى بناْكل؟
ناظرته بحدة وقال بعصبية/وطبعا توك رادة من الدوام ومالك خلق تطبخين؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
طلع من قسم بيت عمته وقبل لايدخل قسمهم اللي بيسكنونه وقف يناظر بقسم عيال زوج عمته ولاعيال العراقية مثل مايسمونه...تنهد وهو يذكر ايام طفولتهم وصغرهم ...شقد كانوا يسرقون من بعض اللحظات علشان يعيشونها سوى,,
ايام ولت ....ماراح ترد ابدا لو شدفعوا؟؟؟
اساسا كبروا وقلوبهم كبرت معهم....
ماظلت بذاكرتهم عالقة غير الذكريات اللي تتعبهم كل ماذكروا ذيك الايام وقرب احبابهم شلون كان....
احبابهم...ضحك على ها الكلمة....لانه هو اللي حبها وتقطع بحبها...وهي راحت لغيره....؟؟؟
///////////////////////////////////////////////////////////////////////////////////////////////////////////////////////////

طبعا انا نزلته وبعدها ذكرت ان اليوم جمعة المفروض مافي بارت وان لقانا السبت ..فبيكون هذا بدل يوم السبت ان شاءالله,,,

جرحني(جورية) حبي الاول يً ربَ ..رضـآآك.. والجًنَه .. ♥

يسعد هالصباح وراعيته
بارت روعه
الحين قطيعه 7 سنوات عشان ورث
الله لايبلانا>>صدق فلوس تغير النفوس
حبيت عيال ابو مطلق
حسيت انهم متربين ومتماسكين
أحمد واخوانه>> عيال العراقية
كاسرين خاطري وربي احسهم ضايعين محد مهتم فيهم
اما وليد واخوانه كرهتهم
من هالبارت
يعني فيه يتكلم عن اخوانه كذا
مطلق وعرفنا من يحب؟ طبعا هالة بس فيه امل ترجعون لبعض
لاني احس ان هالة بتتطلق قريب
فديت الناس اللي ينسون وربي
صراحه شي ياملوحتي لوتنسين
وتنزلين اكثر من بارت باليوم>>>> ههههههه
وربي احب اسلوبك بالكتابه لأنه بسيط ويدخل القلب يالغلا
يعطيك العافيه يالغلا
وننتظرك بكره ان شاء الله
ودي/ جورية

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1