منتديات غرام روايات غرام أرشيف الروايات المغلقة - لعدم إكتمالها روايتنا الأولى : أيام حلوة كانت أيام حبك كنت في روحي تسري و كنت بجنون أحبك
3rbawya ©؛°¨غرامي جديد¨°؛©

بسم الله الرحمن الرحيم

السلام
هذي اول روايه حقنا انا ورفيجتي
نزلناها بعد تردد طويل
ووكلنا امل انها تعجبكم
وهذي القصه واقعيه واحنا نعرف ابطالها عدل مدل

وهذا اول بارت
*
*

اممم اليوم الاول كان في بيت بو عبدالعزيز وكانت عايله بو عبدالعزيز مكونه من 3 اشخاص الي اهم : هديل و عبدالعزيز و فاطمه هديل اهيه اكبر وحده واصغر وحده فاطمه خلنا نتكلم عن هديل شوي امم هدييل عمرها20 سنه تدرس في جامعه الكويت تدرس هندسه خل نتكلم عم صفاتها هديل عصبيه شوي طموحه بالحياه وتحب الهياته بس ما عندها صبر امم اما لشكلها فهيه مملوحه وطولها عادي وشعرها ناعم لونه كستنائي قصيير .نروح حق عبدالعزيز*
عمره 19سنه يحب شي اسمه بلي ستيشن ويحب يطلع واايد بس اهوه اشوي متشدد من ناحيه الطلعات يعني اهوه ما يرضى خواته يطلعون بروحهم يعني اهوه في عقده امم اما لبطلتنا الي اهي فاطمه عمرها 15 سنه بعاشر اهي طيبه وحبوبه عنيده راسها يابس يعني الي في راسها تسوي يعني تسويه وجريئه واايد وامم رااح تفهمون شخصيتها من خلال الروايه اما لشكلها عاديه طولها حلو شعرها ناعم طويل اسود واهيه اشوي غامضه .
اليوم الاول :*
بو عبدالعزيز : يالله ويينكم بنرووح !!
عبدالعزييز: كا يايين*
بو عبدالعزيز : وييين فطووم ؟
عبدالعزيز :ما ادري بس اكييد ليل الحين قاعده تبدل*
فطوووووووووووووووم يالله لا تاخرييينا*
فطوم : كاني كاني خلص*
امم وركبوا السياره وراحوا بيت يدتهم*
في بيت يدتهم :خالاتها ويدتها ويدها وبنات خالها*
كانو مجتمعيين المهم حطوا الغدا واهمه قاعديين ياكلوون فدك سالتهم ويين هدوول مو موجووده جاان فطووم ترد علييها اي شفيج
هدوول عندها محاظره وبعد شوي اتي !!
فدك : امم*
خل نتكلم عن فدك اشوي عمرها 15 سنه كبر فاطمه ورفيييجة فطووم الروح بالروح طيبه وكتومه وحنانه وقصييره ومملوحه .وهم بعد رااح تفهموون شخصيتها مع الاحداث اليايه .
نرد حق الموضوع : خلصوا غدا وقعدوا يسولفون فدك نادت فطووم يصعدوون فووق*
فدك : وقالت لها ابييج بسرعه بقوولج شي امشي خل نصعد فووق وجاان فاطمه انا ما ادري اشلوون رااح ابدي بالموضوع:$
فاطمه: هييو قولي*
ما في شي ينخش عني
فدك: انزييين بقوول فطووم انا احب ولد خالتي :$
فطووم :شنوو انتي تحبيين ؟؟!!
فدك: اي احب وليش يعني ما احب ؟؟
فاطمه:انزيين قوليلي كل شي اشلوون حبييتييه ؟اهوه بعد يحبج ؟يالله قولي كل شي ابي اعرف !!
فدك: انزين اول شي اهوه اسمه بدر عمره 16 سنه مو حلوه لا جييكر طويل جسمه عادي لا متيين ولا ضغييف طيب وحبوب*
القعده معاه ما تنمل اهوه اصغر وااحد من اخوانه بس اهوه عييبه انه اهوه واايد غيور*
فطووم: اممم انزين قوليلي شلوون حبيتييه اهوه يحبج لا لأ!؟
فدك: اممم ما ادري اذا يحبني ولا لأ امم اما اشلوون حبييته الله يسلمج كان يوم اليمعه كانت اول مره العب مع عيال خالاتي اوك فكنا قاعدين نلعب صيده مصيده فانا كنت الصياده واهوه معاي فمره صرت انا الصياده مع وحده من بنات خالي جان اهوه يبدل معاها وااي امبييه يعني اهوه يحبني *صح ؟؟!
فطووم : امم ما ادري ؟! خل افكر بشي يخلينا نتاكد انه اهوه يحبج اوك
فدك
فدك :اوك*
فطووم يالله خل ننزل*
فدك: يالله*
اممم وصار بليل و الكل راح بييتهم*
وفاطمه بالها مو معاها*
مر اسبووع ع سلام واماان وصار اليوم الموعود الي اهوه يوم الخميس*
فطووم: فدووك تعالي ترى لقييت الحل*
فدك: حل شنوو ؟؟
فطوووم: يا غبيه مو انتي تبينه يعرف انج تحبينه !!
فدك: اي ابيه يعرف بس اشلوون !!
فطووم : افاا علييج عندي الحل بس ورى الغدا اقوولج يااه اوك*
فدك: اي اوك*
وحطوا الغدا وخلصووا*
جاان فطووم تنادي فدك وتقول لها تصعد فووق*
فطووم: فدووك تبيينه يعرف *ولا ما تبيين ؟؟
فدك: اي ابي بس اشلوون*
فطووم : عندج رقمه*
فدك: لا ما عندي*
فطووم : اشلوون ما عندج ياه*
فدك: امم اووش دقيقه اخو بدوور قاعد يدق وااي اكييد يبي يقولي انه بدووري يحبني !!
فدك:الوو*
ناصر:السلام*
فدك:
فدك: وعليكم*
نااصر:شلونج شخبارج ؟؟
فدك:تماام انت شلوونك ؟!
نااصر : الحمدالله انزين بغييت اقوولج امج وينها ما ترد ع فونها ؟!
فدك: ها امي قاعده تسولف اكييد ما سمعت فونها انزين بغييت اقوولك ابي رقم بدر اخوك ما عندي يااه j*
نااصر:امم اها اوك يالله سجلي 662**
يالله عيل بااي نشوفج*
فدك: بااي*
فدك : هاا سجلتي الرقم ؟؟
فطووم: اي سجلت*
انتي للحين مصره تبيين تعرفين اذا اهوه يحبج ولا لأ ؟؟
فدك: اي ليلحيين*
فطوم : خلاص عيل عطيني رقمه*
فدك : سجلييه عندج 662***** بس ماقلتيلي شبتسوبين .
فطوم : وااي حنه حنه بسج خلاص تكفين سكتي خليني اركز*
فدك حطت ايدها ع حلجها : هااه سكتنا يلا قولي
فطووم : شوفي انا بدزله مسج وبقوله اني احبك وجذي بس ع السانج انتي .
فدك : لا يما *اخاف مابي غيريها
فطوم : هذي طريقتي واذا ماتبين كيفج اما مااغصبج*
فدك تفكر : اممم خلاص سويها وبنشوف شنو اخرتها وياج يام الافكار الي مادري وين بتوصلني
فطوم : ممكن اقولج شي .
فدك : تفضلي قولي حبيبتي
فطوم : جب*
فدك : شوفي انا بسكت وماني قايلتلج شي لانج بتسويلي شي .
فطوم : وهذا المسج ودزينااه
فدك : لا لا لاتدزينه خل اقرااه اول*
فطوم : دزيته وخلصت تو الناس*
فدك : انزين شدزيتيله ؟
فطوم: انا احبك بس انت ماتدري من *ف - ع - ب
فدك : وي حسرتي من قاال اني احبه ؟
فطووم : ها عيل صارلج ساعه شتقوليلي*
فدك : اي صح امبييه نسيت ، انزين شهالمسج وليش اخر شي كاتبه حرووف ؟
فطوم : يالخبله هذي حروف اسمج وابوج وعايلتج .
فدك : اي صح ، انزين مارد
فطووم :امبله كااهو رد*
بدر : منو انتي ؟
فدك : مالت علييه وعلى رده عطيني خل ارد علييه*
فدك : انا وحده تحبك وماراح تعرفني لو شنو وانا اعرف عنك كل شي*
بدر : قتلج منو انتي ترى مالي خلقج وخلق سوالفج*
فدك : طااع هذا عباله صج احبه*
فطوم : ها عيل تتغشمرين
فدك : لا يعني انا مااحب جذي ، شدعوه انا لي خلقه
فطوم : انزين ردي عليه
فدك : مو مهم تعرف منو انا *، كل الي حبيت اقوله ان ابيك تعرف ان في وحده تحبك وانت ماتدري .*
بدر : اوهو خلصيني *قولي منو *لا والله اتصل ع الشرطه*
فدك : طااع هذا وييع ليش جذي ، يعني صدقني اتصل ع الشرطه*
فطوم : التلفوون قام يرن عطيني اشوف منو
فدك عطتها التلفوون
فطوم انصدمت : امبييه هذا بدر
فدك انصدمت اكثر : ردي عليه
فطوم : مينونه انتي*
فدك : انزين شيلي بس لحد يتكلم
فطوم شالته*
بدر : والله ان مارديتي اتصل ع الشرطه والله
فدك من سمعت صوته قلبها قام يدق حييل*
فدك بقلبها : مو وقت الحب الحين*
طلعي روحج من المصيبه هذي
فطوم وفدك طالعوا بعض جان يضحكوون
فدك ع طول صكته*
فدك : امبييه ليش ضحكنا ياويلي اكيد راح يعرف صوتي
ع طوول يالها مسج من بدر
فتحته*
بدر : انا ادري انج وحده من بنات خالاتي صح ؟
فدك حطت ايدها ع قلبها : اويلي عرفني كله منج انا المينونه الي طعتج ، مالت عليج وع افكارج
فطوم : والله محد طقج ع ايدج وقالج سمعي كلامي ، انا سويت الي علي وخليته يعرف انج تحبينه
فدك : مو وقت هالكلام الحين طلعيني من هالمصيبه بسرعه .
فطوم : عطيني التلفوون*
فطوم دزتله مسج : لا شكو .
بدر : امبله انتي فدك صح ؟ انا متاكد 100%*
فدك : امبيييه عرفني*
فطووم : مو هذا الي كنتي تبينه انه يعرفج ؟
فدك : بس مو بهالطريقه ، افففف
فطوم بتساعد فدك وبتطلعها من هالمصيبه*
فطوم دزتله مسج :انا مو فدك والله انا بنت عمتها فاطمه وفدك مالها شغل بالموضوع كل السالفه كانت دقه واهيا مالها شغل بشي
بدر : انتي شعرفج فيني ومن ويلج رقمي عشان تسويلي دقه ؟
فطوم: خذيته من فدك ، بدر تكفه لحد يدري وخلاص جنه ماصار شي*
بدر مارد عليها
فدك : امبييه والله حدي خايفه ، افف شنسوي الحين
فطووم : انتي الحين طلعتي من السالفه ، وكل شي صار *علي
فدك : منو قالج حبيبتي عبالح بدوور بيصدق*
لا حبيبتي ، بالعقل انتي ماتعرفينه ولا اهو يعرفج تسويله دقه شلوون*
فطووم : انزين فدك احنا الحين بنرووح بيت يدتي*
فدك : لافطوم تكفين خلج معااي حدي خايفه*
فطوم : لا ان شاء الله مايصير الا الخير انا الحين برووح بااي*
فدك بياس : باي
ملاحظه : كل السالفه صارت من فون فطوم لان فدك خافت انه يعرف الرقم*
بهاللحظه رن فون فدك*
شالته ولا ولد خالتها يوسف *اخو بدر الكبير*
فدك : الو*
يوسف : الو
فدك : هلا يوسف ، شلونك
يوسف: هلافيج ، بخيير*
فدك : .....
يوسف : فدك انتي دازه شي حق بدوور اخوي*
فدك اخترعت وخاافت حييل بس قالت بكل ثقه عشان ماتبين شي : لا وانا شكو ادزله شي ، لييش
يوسف: مادري بس في وحده ماذيه بدوور *وماعرفناها
فدك : اها للا تطمن مو انا
يوسف : اوك عيل بااي*
فدك : بايات*
فدك راحت عند *عماتها وقعدت معاهم وبالها كان مشغوول كانت تفكر بالي سوته وحست انها سوت شي غلط حييل
خلصت العزيمه والكل راح بيته
فدك راحت ع طول غرفتها ودزت مسج حق بدر وقالتله : بدر ترى والله مو انا الي دزيت المسجات هاذي بنت عمتي اهيا الي سوت جذي انا مالي شغل
بدر رد عليها : قالها باجر نتفاهم
فدك سكتت وماقالت شي وتنطر باجر يمعة اهل امها وتدعي ان مايصير شي
خلص البارت الاول

قولولي رايكم بكل صراحه
ورايكم بالشخصيات
وتوقعاتكم


3rbawya ©؛°¨غرامي جديد¨°؛©

وهذا البارت الثاني هديه
وصار يوم اليمعه---
فدك قامت من النوم ع الساعه 1 وغسلت وتريقت وصلت ولبست ---وراحت بيت يدتهاا---
وصلت مناك سلمت ع الكل وقعدت جان يناديها بدر : فدك---
فدك وقلبها يدق حبا وخوفا : هلا
بدر : تعالي بكلمج شوي---
فدك : اوك شوي ويايه
فدك راحتله : هللا بغيت شي
بدر ---وراها المسجات : ممكن تقررينهم
فدك : مايحتاي اقراهم انا اعرف السالفه
بدر : ومنو قالج ؟
فدك : فاطمه بنت عمتي
بدر : بس انتي كنتي معاها
فدك : كنت معاها بس مادري عن شي
بدر : واهيا ع اي اساس تسوي هالدقه البايخه وانا للا اعرفها ولا اهيا تعرفني
فدك : وانا شدراني جان سالتها
بدر : انا مستحييل اصدق ان فاطمه مسويه الدقه لان ادري ان انتي ومبين انج تحبيني
فدك : نعم نعم نعم خير ان شاء الله شنو احبك ومااحبك بدر لاتغتر بنفسك انا اعتبرك اخوي وبس
بدر : هههه اوك صدقتج بس انا راح اقول حق اختج تتفاهم معاكم وتشوف شالسالفه---
فدك اخترعت اهيا ماتبي احد يدري وخصوصا اختها : لا لا ليش تقولها انا راح اتفاهم مع بنت عمتي واشوف شالسالفه---
بدر : اوك خلاص عيل
فدك راحت عنه وقعدت عند خالاتها وتكلم فطووم بالواتس اب---
فطوم : ها شصار
فدك : بيقول حق زنبووه اختي امبييه الله يستر
فطوم : حلفي اي شي صح امبييه ---ليش مكبر الموضوع
فدك : شدراني عنه فطوم الحين السالفه كلها صارت علي وانتي ماصارلج شي وانتي اساس السالفه
فطوم : قل اعوذ برب الفلق ، جب جب الحين تنقلب السالفه علي من عيونج
فدك : فطوم باي بفصل---
فطوم : ليش شفيج---
فدك : ولاشي بس بفصل بااي
فطوم : باي
فدك قالت حق امها يردون البيت وردوا---
وبهالاسبوع ماصار شي غير ان فدك تكلم بدر وتقنعه ان مو اهيا وتقوله ان مايقول حق احد---
واهو وعدها وحلفلها انه مايقول حق احد---
صار الخمييس
فطوم تنادي فدك بس فدك ماترد عليها---
فدك من بعد السالفه ماقامت تكللم احد وخصوصا فطوم خايفه ومالها خلق شي لان لو درت اختها راح تصير سالفه
مر هاليوم وفطوم تحاول تكلم فدك بس فدك ماترد عليها
وصاار يوم اليمعه يوم الصدمه بالنسبه لفدك
فدك راحت بيت يدتها وتغدت وخلصت راحت الدوانيه وكان فيها عيال خالاتها كلهم واختها زينب فدك استغربت شيسوون مني اهيا مرت صوبهم سكتوا كلهم وقاموا يطالعونها
فدك اخترعت وقالت اكييد عرفوا بالسالفه
المهم ---صار بالليل والكل ساكت ماقال شي ولا يابوا طاري شي---
زينب نادت فدك---
فدك قلبها قام يدق حييل وبطنها يعورها راحتلها
زينب : فدك عطيني فونج---
فدك : ليش
زينب: عطيني ومالج شغل ليش---
فدك عطتها---
زينب مسحت كل ارقام عيال خالتها
وعطته حق فدك وماقالت شي
فطوم تكلم فدك بالواتس اب وفدك مطنشه وحاقده علييها
الحيين عيال خاله فدك كلهم عبالهم ان فدك مسويه الدقه وان اهيا تحب بدر فموقف فدك خايس---
المهم ردوا البيت وثاني يوم زينب نادت فدك---
فدك اخترعت حييل وتقول بقلبها : ياك الموت ياتارك الصلاه : كاني زنوب يايه
فدك راحتلها---
زينب : ممكن تفهميني سالفه الدقه بدون جذب
فدك بجت شكو مادري من الخرعه الظاهر وبنفس الوقت انصدمت من بدر لانه وعدها ---وحلفلها انه ماراح يقول حق احد والحين جذب عليها وماكو احد مادرا: انزين زنووب انا بقولج بس تكفين فهمي عيال خالتي ان مو انا
وقالتلها كل السالفه من الالف لي الياء---
زينب : شوفي الي سويتووه غلط كبيير وعادي يعني الواحد يغلط بس لازم يتعلم من غلطه واتمنى ان الغلطه هذي ماتتكر---
فدك بجت حييل : ادري و ا لل ه ادر ي ا نا اس فه ا س فه---
زينب ---: خلاص فدووك لاتبجين ترى عاادي وانا راح افهمهم ---انج مالج شغل بشي
فدك : مشكووره زنووب---
جاان تلم زينب---
زينب: وااي خنقتيني---
فدك وخرت : مالت عليج صج انج موكفو احد يلمج ---يلا باي انا برووح ولاتنسين تفهمين بدووري---
زينب : صج انج ماتستحين بدوري بعينج
فدك : وااي شتبين يلا سي يو
زينب : سي يو 2---
فدك لمن طلعت من دار اختها ارتاحت حييل حست ان هم وانزاح عن صدرها ( بلاج ماتدرين يافدك شراح يصير بعدين )---
فدك راحت وكلمت فطوم وسولفوا وقالتلها عن كل الي صار
المهم صار بالليل وراحوا بيت خالهم عبدالله الكبيير
فدك خافت تدش البيت لان تحس شكلها راح يكون غلط بس توكلت ع الله ودشت بريلها اليمين لووول
شافت بدر وقلبها قام يدق حييل سلمت علييه واهو رد السلام عادي جنه مو صاير شي
قعدوا وسولفوا وبدر كل شوي يطالع فدك وفدك ---حست فييه وكانت مستانسه حييل
بدر بقلبه : والله مااخليج يا فدك اخذ حقي يعني اخذه راح اردلج الدقهه وبتشوفين
مره وحده انطفت الليتات---
فدك صرخت لانها تخاف من الظلمه---
ولا تشوف كيكه وعليها شموع ويغنون هابي بيرثدي تو يو هابي بيرثدي تو يو هابي بيرثدي هابي بيرثدي هابي بيرثدي تو فدك
فدك نست ان ---باجر عيدميلادها شافت الساعه ولا الساعه 12 استانست حييل---
عطوها الهدايا وجذي ولا تسمع ابو بدر يقول حق ولد خالها فدك جم صار عمرها الحين---
علي : جنه 16---
محمد ابو بدر : اي يعني تنفع حق بدروو---
علي ضحك : حدهم ينفعوون
فدك استانست حيييييل ---
ام فدك نادتها---
فدك : هلا يما
ام فدك : روحي المطبخ يبي صحون خلصوا
فدك : ان شاء الله يا احلى ام بهالدنيا
ام فدك استغغربت بس مشتها
فدك واهيا رايحه المطبخ شافت بدر يتكلم فوون ---
جان تنخش عشان مايشوفها بس تسمعه
بدر : هلا حبيبتي شلونج---
وخلص البارت الثاني وتوقعاتكم بالبارت الثالث وقولولي رايكم بكل صراحه


لاتغرك الضحكه؟ لي مع المقفين قلباا سكني(الله يرحمك)

روايي بصراحه روووووووووووووووووووووووووعه

تسلم يداتكم

الله يوفقكم

واشرقت شمس يوم جديد ©؛°¨غرامي متألق ¨°؛©

بدايه روعه واصلي في كتابتها ونحن معك قلبا وقالبا ولك ودي

3rbawya ©؛°¨غرامي جديد¨°؛©

وهذا البارت الثالث
واتمنى من الي دشوا وقروا انهم يردوون
حبيبته : هلا حبيبي تمام الحمدلله---
بدر : احبج حدي مشتاقلج ابي اشوفج شلون
حبيبته : وانا اموت فيك ومشتاقتلك اكثر منك مادري انت حدد اليوم الي تبييه عشان تشوفني وانا حاظره
فدك انصدمت صدمه عمرها---
حبييبها يحب غييييرهاا صعبه حييل صعبه---
اصعب شعوور بالحياه عندما ترى حبيبك قد وقع في حب غيرك اخييه
فدك فقدت كل امالها الي بنتها واحلامها الورديه معااه بس طبعا هذا داخلها ام الي يشوفها يقول ان هذي اسعد وحده بالكوون---
راحت المطبخ ويابت الصحوون وكملت العزيمه وماخلت بدر يخرب عليها عيدميلادهاا
وهذا طبع فدك ماتخلي اي احد حتى لو اقرب الناس يخرب فرحتها
ردت البيت وبجت حييل وماقالت حق اي احد حتى حق فطوم لان هذا طبعههااا كتوومه حيييل
المهم مر هالاسبوع وفدك تتناسى سالفه بدر وحبيبته---
صار يوم اليمعه---
في بيت اليده بعد الغدا---
الصبيان يقعدون في الصاله والباجي بالدوانيه---
ام فدك : فدووكه يمه ---روحي المطبخ ونادي الخدامه
فدك : ان شاء الله
فدك بقلبهاا افف يعني لازم امر الصاله واشوف بدر---
راحت الصاله---
بدر : يبا درينا انج تحبيني خلاص لاتلحقيني
فدك : اقووول عن الثقه الزايده مادري عااد ع شنوو احبك من جماالك الزايد ولا شنو وعوووو---
بدر : اي صدقت خلاص انتي تحبيني بس لاتحلقيني ترى لاعت جبدي منج ومن ويهج
فدك احح شهالكلام مالت علي الي حبيتك : اقول مالت عليك بس اذا انت لايعه جبدك مني انا برجع من ويهك ومنك---
فدك راحت المطبخ ونادت الخدامه لمن طلعت مت المطبخ مرت الصاله---
بدر : انتي شايفه ويهج وع وع وع
فدك : من الحره---
بدر : من شنو احتر ويييع
فدك بغروور : يقولون الحقران يقطع المصران---
بدر انقهر وسكت---
فدك واهيا طالعه من الصاله ضحكت بسخريه وطلعت ( فدك داايما تغلب الناس وتاخذ حقها بيدها
بدر بقلبه : هين يافدك انا وراج والزمم طوييل---
رن فونه وكانت حبيبته ابتسم وشاله
بدر : هلا بنور عيني---
امنه حبيبته : هلا بكلي---
بدر : احبج شلونج---
امنه : اموت فيك تمام الحمدلله وانت ؟
بدر : مدام حبيبتي بخير شلون ماصير انا بخير---
امنه ضحكت : دووم يارب
بدر : تقوول اموون بشوفج اليووم حدي مشتاقلج
امنه : وانا اكثر حبيبي خلاص عيل اليوم اشوفك---
بدر : اشوف اذا اقدر ولا لا لان تدرين يمعه الاهل وجذي
نخلييهم يعيشون جوهم ونرووح حق فدك---
فدك : ماما خل نطلع اليوم حده ملل---
امها : مادري شوفي خالاتج
فدك : انا بروح اقولهم---
راحت قالتلهم ووافقوا---
فدك : ماما واافقوا بنرووح الافنيوو---
امها : خلاص عيل يلا قوموا لاتتاخروون
راحوا الافنيو وبدر استغل الفرصه عشان ---يشوف زينب---
وصلوا منااك
كلهم كانوا قروب وااحد---
بدر : يما انا برووح مع ربعي---
امه : اوك بس در بالك ولا تتاخر
بدر : ان شاء الله
اتصل ع امنه---
بدر : هلا بالحب
امنه : هلا فييك ها وينك
بدر : انا بستاربكس
امنه : يلا الحيين اييلك بااي---
بدر : بايات
طبعا فدك لمن درت ان بدر بيروح عند ربعه لحقته وقالت حق امها انها بترووح ويا رفيجاتها
راحت ستاربكس واستغربت انه بروحه---
فدك : عيل وين ربعه---
شافت وحده يايه صوبه حطت ايدها ع قلبها : لاتكووون هذي حبيبته
بدر قاملها : هلا بالزين كله هلا
امنه استحت : هلافيك
نخليهم ونروح حق فدك وماادرااك ما فدك
فدك بصدمه : عيل اكييد هذي حبيبته ويييع جيكره والله جيكره انا احلى منها بوايد هذي لا بياض لاجمال لاجسم وشوفوني انا اهبل شزيني بس انا اعلمه
فدك راحت صوبهم---
فدك : اووه هلا برفييج بدر
بدر بصدمه : انتي شيايبج مني---
فدك : ماكو كنت اتمشى وشفتك قلت ايي اسلم ع رفيجك قصدي رفيجتك---
بدر ....
فدك : انت شنو ماتحس قايل حق امك بتروح مع ربعك ورايح حق حبيبتك ع شنو تحبها مادري ، انت شلون وااثق فييها اذا اهبا رضت تكلمك فاكييد رضت تكلم غييرك---
بدر : وانتي شكو احبها مااحبها انتي شكو
فدك : انا برووح حق امك وبقولها تعالي شوفي ولدج الي وثقتي فييه ويين قااعد ومع منوو
راحت بس بدر مسكها بسرعه
فدك بصدمه واهيا تطالع ايده وقلبها يدق : وخر ايدك عبالككل البنات مثل هذي الي قاعد معااه ، بعصبيه : انت ع اي اساس تجييسني جيس حبيبتك واشبعع منها سحبت ايدها بقوه وراحت واهيا حابسه دمووعها---
دعمت وااحد بالغلط---
فدك : اسفه اخووي---
الصبي : لا عادي ، شكلج تعبانه تبين اساعدج بشي---
فدك : لا مشكوور---
بدر شافها وعصب حييل لان مثل ماقلنا انه واايد غييوور---
راح صوبهم وسحب فدك حييل
فدك بصدمه وبعصببيه : لا عاد مصختها وخر ايدك انت ماتفهم ---
بدر: شتسوين عنده
الصبي رااح---
فدك سحب ايدها حييل : انت شكووو روح عند حبيبتك شتبي فيني لفت بترووح جان ترد : ورجاءا لاتتدخل فيني مره ثانيه
وراحت---
بدر كان مقهوور ومعصب الا بيعرف منوو---
بدر بقلبه : وانت شكوو فيهها روح عند حبيبتك احسن
راح عند امنه وقام يسولف معاها ونسا سالفه فدك---
خلص البارت الثالث---
توقعاتكم وقولولي رايكم---
وماراح اكمل الا اذا لقيت تشجييع


لاتغرك الضحكه؟ لي مع المقفين قلباا سكني(الله يرحمك)

رووووعه تسلم ايدك

الله يوفقك حبيبتي

3rbawya ©؛°¨غرامي جديد¨°؛©

البارت الرابع وابي تشجييع بليز


<
>
<
>



نروح حق عبدالعزيز كان طالع مع رفيجه خالد بيروحون شارع ---الخليج رفييجه كان مشغل اغنيه ايام حلوه كانت ايام حبك
عبدالعزيز تنهد بالم : اي والله كانت حلوه
خالد : انت ليلحين مانسيت
عزوز : شلون تبيني انسساها واهيا حبي الوحيد والي ماتوفقت فييه
عزوز رجعت ذاكرته لي ورى
قبل سنه ---كان يوم مطر وكان حده مسرع---
وماكاانت تبين السيارات فدعم وحده بالغلط واهو ماشافها
عزووز: اووخ دعمت مو وقته كلش---
شهد الي دعمها : امبييه
منو الي دعمني---
عزوز نزل من سيارته وشاف السياره ماتعورت واايد راح عند شهد : اسف اختي ماشفتج والله---
شهد : لاعادي ، بس شلون ع السياره
عزوز : ماتعورت واايد بس عطيني رقمج عشان اصلحها وجذي
شهد : اوك سجل عندك 997***
عزوز : اوك . اسمي عبدالعزيز
شهد . تشرفنا وانا شهد
عزوز : الشرف لي ، يلا عن اذنج مع السلامه---
شهد : مع السلامه
ومرت الايام وعزوز كان كل يوم يتصل عليها سوالف---
وبيوووم : ---
عزوز : شهد---
شهد : هلا---
عزوز : انا بعترفلج بشي بس مادري شلون---
شهد : عادي قول ماكو شي ينخش عني---
عزوز : امم شهد انا احبج
شهد بصدمه : ........
عزوز : شهود ---
شهد : هلا
عزوز : زعلتي ؟
شهد : لا شكو
عزوز : انا اسف اذا ضايقتج بس هذا الصج وانا نيتي زواج والله
شهد: عزوز---
عزوز : هلا---
شهد بحيا ---: اممم انا بعد
عزوز بصدمه : انتي بعد شنوو!!!---
شهد ---: الي قلته :$
عزوز فهم وماحب يحرجها : صج فديتج والله.
شهد استحت --- : ---بس عااد لاتحرجني:$---
عزوز يضحك : ---فديت الي يستحوون انا؛* ---
شهد : انا بسكر الحين---
عزوز : وين تو الناس
شهد : باجر عندي دوام ولازم اقوم مبجر
عزوز :اوك ---حبيبتي انا اخلييج
وبجذي حبها وكان يطلع معاها وتعلق فيها حييل وحبها اكثر
عزوز : شهوود والله مو قادر اصبر ابي اتزوجج اخاف تضيعين من ايدي---
شهد تدودهت : لا لاتخاف محد راح ياخدني منك انا لك انت وبس:*---
عزوز : بس انا حااس انج بتروحين مني
شهد ارتبكت حييل : لا لا تخاف . وغيرت الموضوع!!!---
وكل مااييب عزوز طاري الزواج جذي تسوي؛/ ---
مرت الايام وعزوز ---كان بيخطبها بدون---ماتدري علبونه بيسوويلها مفاجاه مايدري انه اهو الي راح يتفاجا!!
راح بيتهم وخطبها من ابوها، ابوها قاله خلاص انا اخذ راي البنت---
المهم مرت الايام وشهد ماقامت تتصل ع عزوز ولا ترد ع مكالماته.---
وعلى يوم اتصل ع ابو شهد بياخذ الخبر بس انصدم ان لا!!!!!
<
>
<


خل نروح حق فاطمه :
فاطمه:هدوول بقوولج شي بس مو عارفه اشلون اقوله
هدوول:يالله قولي خلصيني !!---
فطووم:أمم اوك بقوول بس ع شرط---
هدوول:وشنو الشرط ؟؟
فطووم:انج توعديني ما تقوليين حق احد اوك !، ---
أنأ سوييت شي حده غلط وأبي اعرف شسوي!!!!
هدوووول: اوك وعد ما أقوول يالله قولي بسرعه ابي اعرف .
فطووم: قولي والله انج ماتقوليين حق احد!!؟
هدووول:اووهوو والله والله يالله قولي خلصيني
فطووم: انزييين---
وفااطمه بهل اللحظه قاام يبين عليها التوتر والخووف!!!!
هدوول: اووهوو بتقولييين ولا شلوون !!؟
فاطمه:خلااص خلااص بقوول بقوول @@"
هدوول:اي عبالي بعد
فاطمه:لا لا خلااص ماني قايله لأني وعدتهاا واهييه واثقه فيني وانا ما ابي أهدم ثقتها فيني ---
هدوول: اوووف ، اهم شي الثقه اقول قولي خلصيني وانا أوعدج انها ما راح تعرف أني دريييت اوك
والحيييين قووولي يلا !
فاطمه:اممممممممممممم متأكده انها ماراح تدري !!؟
هدووول: اي يالله قولي .
فاطمه: انزين بقوول بس بلبييز لا تقاطعيني خليني أقوول كل الي في قلبي وبعديين عااد سوي الي بتسويينه ---
---وقولي الي بتقوليينه اوك .
هدووول:انزين اوامر ثانيه !!
فاطمه:لا :d
اناا بقوولج كل شي من اول شي صار لي اخر شي صاار---
فدوك بنت خالنا عرفتيها
هدوول: اي اكيد اعرفهاا يعني قايله شي مثلا !! وشفيها بعد شمسويه ؟
فاطمه:تحب ولد خالتها .
هدووول: شنووووووووووو !!!!!؟؟ هااا !!!؟
فاطمه: شقلت انا مو لاتقاطعيني خلاص مابي اكمل دام كل ساع بتقاطعيني >>"
هدووول: خلاص يلا اخر مره كملي .
فاطمه: اي مثل ماقلت قبل وانا حبييت اساعدها فقلت لهاا أني بفكر بشي يخليه يعرف انج تحبينه انزين وطبعاا الشاطره أنا فكرت انه اندزله مسجات يعني تصيير كالدقه عرفتي ولمن صار يوم الخميس صعدنا فوق وقتلها تعطيني رقمه وجذي وعطتني فدزيتله مسج مكتوب فيه أنه أنا وحده تحبك بس انت ما تدري ومن هالكلام
فلمن رد قال منو انتي ؟! ولا فدوك تاخد فوني عشان ترد عليه كتبت له انا وحده تحبك وما راح تعرفني لو شنو وانا اعرف عنك كل شي واهوه رد قتلج منو انتي ترى مالي خلقج وخلق سوالفج ! وكان ردنا مو مهم تعرف منو انا كل الي حبيت اقوله انه في وحده تحبك وانت ما تدري !!وقال خلصيني قولي منو لا والله ادق ع الشرطه إحنا ما ردينا جان يدق وأنا ما كنت بشيييل بس فدووك شالته الله يهديها ، بس ما تكلمنا فاهوه قال اذا مارديتوا ترى والله أدق ع الشرطه !!!! إحنا ما ردينا بس ضحكنا وبعدين دز مسج يقول فيه انه اهوه عرف منو وقال انها وحده من بنات خالاته وجذي واحنا قلنا لا شكو بعدين قال امبله أنا متأكد انها فدك صح؟ أنا ردييت عليه وقتله لا والله لَا أنا بنت عمتها واسمي فاطمه وهذي دقه يعني كل شي صار علي وبريت فدك من كل شي وبس اوووف احس براحه---
هدوول: هاااااااااااا ، انتوا انتوا مااصدق من صجكم امبيه مو صج ، اهم شي أنا مو مصدقه انتوا من صجكم مسويين جذي !!!
فطوووم:اي ادري الي سوييناه غلط بس والله أنا كنت ابي اساعدها امبييه ادري أنا الغبيه الي سويييت جذي. (ولا تبجي)---
هدوول: خلاص فطووم ماله داعي تبجيين دمووعج غاليه و ما راح ---ترجع الي صار ولا راح تسوي شي الحين مسحييهم بسرعه وضحكي يلا يلا بسرعه ولا هااااااااا تره ادلدغج ---
فطووم: لا لا الا اتدلدغيني اغاار واااانزييين كا مسحتهم ايي هدوول نسييت اقوولج امس حلمت حلم ما ادري شكو حلمت فيييه !!!
هدوووول: شنو بعد شحلمتي فيه ، أكيد فيني صح :$---
فاطمه: ههههههههه وايد واثقه
هدووول: اييي عيل شلوون يعني ؛)---
فاطمه: ههههههههه انزين ، خل أقولج
هدوول : يلاا قولي .---
فاطمه :بسم الله الرحمن الرحيم ---
هدووول: ههههههههه شايفه يني جدامج ههههههههه---
فاطمه: اقول تره الحين أهون .---
هدووووول : ماادري عنج تحسسيني أني خيراً رأيت ههههههههه والله ، ويلا كملي شنو حلمج .---
فاطمه: الله يسلمج ،---حلمت انه أنا تزوجت بدر ولد خالة فدووك وكنت مستانسه معااه .! ---
هدوول: هاااا ، شالحلم ههههههه وايد متاثره بالواقع ، اعترفي اعترفي ؛) لاااا يكوون تحبيينه !!؟
( فاطمه قالت بقلبها ايي احبه أموت علييه بعد آآآخ جان زين لو صج :$ ، بس هديل قطعت تفكيير فاطمه ) ---
هدوول: هييييييييي انتييييي ---ويين رحتي !!؟ هاااااااااا ؟ ؛)---
فاطمه: هااا ، لاا ما رحت مكان لا شكو ما احبه شكو لا انا شكو شكو لا ، وحتى اذا بحبه ما يصيير لان فدووك تحبه واناا موو بوااقه ---
---هدووول: فطوووووم لايكووون !! ، وشفييج تبلعمتي وتعيدين الكلام عشرين مره هااااااااا ، خوو واضحه وباينه --- صدتج هاهاها
---
<
>
>

وانتهى البارت الرابع وشنو توقعاتكم للبارت الخامس ؟؟
راح تعرف هدوول انه فاطمه تحب بدر ولا لا ؟---
وهل فاطمه راح تنكر هالشي ولا راح تعترف حق هدوول ولا لا ؟؟
ياتترى ليش شهد رفضت عبدالعزيز!؟!؟!
وترقبوا الجزء الياي بأحداث يديده ، وهالله هالله بتشجيعكم والردود الحلوه عشان نكمل لكم البارت---
ونشوفكم على خير؛*

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1