غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-05-2011, 12:10 PM
حجااازيه حجااازيه غير متصل
عضو موقوف من الإداره
 
الافتراضي تكمله رواية ربي اللي عطاك و ربي اللي أخذ لا تعمي عيونك عما غيرك يشوف


السلام عليكم ورحمه الله وبركاته
اسعد الله صباحاتكم ومساءتكم بكل خير
طبعا حابه اشكر اللي سالوا عني
في المجلس او في اي مكان اخر
طبعا هذا مو اسمي
بس اخذته من صاحبته لحين تفعيل اسمي الجديد
وانا عارفه وعدتكم ولكن اخلفتكم الموعد بشي خارج عن ارادتي
لا بعد ابشركم دعسي من المنتدى
كان مثل مايقال
رب ضاره نافعه
كتبت لكم اربع بارتات من اللي تحبها قلوبكم
الله يسعدكم دنيا واخره والله يجزاكم الجنه
طبعا يابنات اللي تبي اخبار عني
سواء كنت اكتب هنا او لا
تسأل ثناء المساء
وطبعا انا كنت بخليها تكمل لكم البارتات لحين تسجيلي الا انني تفاجات بان الزعيمه مقفلتها
وتقول الى ان نتاكد انه انتي نفس الكاتبه
والله ياخوفي يطلبون صورتي عشان يتاكدون
المشكله انها شخطات اقلام
لما شفتهم يقولوا لازم نتاكد
شكيت اني ورثت ثروه قارون وانا ما ادري
المهم المهم
هذه البارتين وسالحقكم بالبارتين الجايين قريبا
البارت السادس والثلاثين
الهنوف
طلعنا من عند اهل محمد وانا مقهوره من محمد
لما كنا جالسين فالغرفه انا وعمتي
وراشد ومحمد فالصاله
محمد : جاتكم شحاده اليوم عند الباب
راشد يتكلم بقهر : اي ماهي صاحيه علباها جمعيه البر
لا وبعد العبايه كشخه والجوال بلاك بيري
محمد : هههههههههه وش قالت لك
راشد : ما تستحي لسانها اطول منها والله الحياء اللي للبنات ماهو فيها
محمد : ههههههههه انا بزعل منك كيف تزعل الشحاده اللي انا جايبها
حسيت بكتمه في صدري
يارب مايقول له
يارب مايقول له
اتوترت
راشد : من وين جبتها وش تبي فيها؟
محمد : هذه زوجتي يالخبل
من سمعته قال كذا غطيت وجهي بكفوفي الاثنين مصدومه
ام محمد : وش فيك يابنيتي؟
الهنوف انتبهت لنفسي : لا ياعمه مافي شي
فاتني كلامهم الباقي واصغيت لهم
راشد : والله لا تجبرني احترمها هذه وهمس لمحمد بصوت واطي مافهمته
ما اسمع صوت محمد يجلجل بالضحكه : ههههههههههههههههههههههههههه
بالمحايل وانا اخوك مايجي شي بالغصب
راشد : هالضبعه تاكل ما تنوكل
محمد همس بصوت منخفض بحيث ماسمعته
زاد قهري وغيضي تمنيت اخنقه بيديني الزفت ذا
يقول احترميني وهو الاحترام عن خشته بعيد
نزلت لبيت اهلي وانا في قلبي غصه منه مهما كان المفروض ما يقول لاخوه
ونزل وراي لا انا كلمته ولا هو كلمني
وقف عند باب الشارع في الحوش وانا دخلت
من شفت ابوي جالس وجنبه امي
واخواتي وحده ماسكه مجله والثانيه تشجع زياد
وزياد وعبادي يلعبون سوني قدام التلفزيون جالسين
دمعت عيوني وانا اتسائل انا ليه تزوجت؟
الهنوف : السلام عليكم
حاولت ابتسم ما قدرت
بالعكس زادت دموعي
ردوا السلام
ضميت امي وابوي وانا ابكي وكل مال موجه البكاء تزيد
وجيت لزياد وضميته اتذكرت انه هو اللي غصبني على صاحبه
وان اللي فيه كله منه
كذب علي وقال يحبك
بكيت بحرقه ابي ضميره يانبه ويتذكر انه هو اللي غصبني عليه
هذا الشي
الشي اللي بيني وبين زياد ولا احد يعرفه غيرنا
مسح على شعري
وهو يسال : وش فيك ؟
والباقين يتريقون علي
اشتقتي لنا
صبت الحنفيه صبت
لو درينا زوجناك من زمان
توك عرفتي قيمتنا
الا زياد قريت في عيونه الخوف علي
لانه شك انه هالبكاء ماهو شوق واكيد قرى في عيوني العتب عليه
جلست واعطوني مويه شربتها وانا اقول : مابي اروح معه بجلس معكم
عبادي : يا فله تحبنا
ابو زياد : هذا انتي مثل امك مابغيت اردها من عند اهلها
كاني اكلت منها نص
ام زياد : هههههههههههه فجعتني انت
¤¤¤
محمد
واقف عند الباب وسمع بكاها وكلامهم
انتظر انتظر ماجات ولا فكرت تقول لاهلها انه موجود
انقهر ورجع للسياره ضرب المقود بيده مقهور
تبكي وش انا مسوي فيها
ماسويت ربع اللي هي تسويه فيني
اروح واطنش صعبه وش يقولون عماني رمى بنتنا وراح
اخذت الجوال واتصلت على زياد
قلت بمزحه وانا احاول استخف دمي : شفتوا الغاليه ونسيتوا الضعيف الملطوع برا
حسيته ماهضم مزحتي
زياد : جايك جايك
¤¤¤
زياد : محمد برى
ام زياد : انتي ناسيته برى
الهنوف : اي نسيته
اصلا هي منطنشته بترد له حركه الشحاده
ام زياد : هذه اولها ينعاف تاليها
وكشت على الهنوف
زياد قام لصاحبه وهو يفكر في بكاء الهنوف مو طبيعي ندم مليون مره انه تراجع عن خطته مع مرام واللي فيها فيها لو تتطلق
مشيت معها فتره حتى طحت ورحت وتركت
والخسران انا اولا واخيرا
محمد ما درى عن شي
وانا ما اخذت حقي
واختي ما رعاها ولا قال اخت زياد صاحبي ويمون
حتى وان كانت مقصره
اخرها تجيني تبكي
¤¤¤
رجعنا البيت ومحمد معصب وموصل حده وش قلب حاله ما ادري بس طنشته ما ناقصني الا هو وخشته
هم بعد انا زعلانه مو بس هو
سالته بقهر : قلت لاخوك ان انا اللي كنت عند بابكم
محمد : لا
علباله ماسمعته
الهنوف : لا والله علبالك ماسمعتك وانت تحكي له
محمد : اي حكيت له ههههههههههه لو سمعتي.........
الهنوف بعصبيه : سمعت سمعت ما ابيك تعيد
محمد : عادي هذا اخوك
الهنوف : حتى ليه تقول له؟
محمد : والله كيفي هذا شي راجع لي
الهنوف بكيت بقهر وانا ماعمري سويتها بس محمد كسر ظهري كسر ظهري
بكيت وصمته قهرني كانه فرحان قمت من الصاله من عنده وانا مقهوره من نفسي كيف ارخصت دموعي قدامه واهنت نفسه له
كثير ارتميت عالسرير وانا ابكي حتى من دون ما اتعشى معاه
**
...........مسح دموعها اللي تعلقت برموشها : وهمس وش له هالدمع يحرق جفونك
مايستاهل اللي عشانه طاحت دموعك
ضمها له وهو يستنشق عطرها ويبوس رقبتها
**
%%%%%
ايه
من بعد سفر اسامه استفردت فيني هبه انا وبنتي كأن اللي كان رادعها وجود اسامه
من سافر اسامه لي اسبوعين
وكم ليله قضيتها وانا ابكي على سريري الضغط علي كبير
جالسه انا وعمتي نسولف ومعانا المها ولطيفه والعيال يلعبون فوق عند عيال عبدالاله
سمعنا صياح شذى قمنا جري بنشوف وشفيها بس سمعنا صوت عبدالاله نازل بها
لطيفه : خليك هنا انا اجيبها لك
جلست على نار انتظرهم يجيبون بنتي
رجعت لطيفه وقالت : عطوني عبايتي
ايه : قلت بخوف : وش فيها شذى؟
لطيفه : مويه انكبت عليها
ايه بفجعه : يمه
ومن الفجعه رحت اجري بطلع اشوف بنتي لو ما مسكتني المها كان رحت
المها : وين رايحه
ايه قلت بتشتت : بروح معهم
المها : طيب البسي عبايتك
ايه : مايمديني
المها : اخذي عباتي وغطاي البسيهم
لبست غطا المها وعبايتها اللي تسحب علي صايره اطول مني بكثييييييره
وطلعنا جري انا ولطيفه طلع للشارع وانا اشوف عبدالاله فاتح الباب وصراخ شذى صام الاذان
جريت وبغيت اتعثر في العبايه
دخلت وراء واخذت شذى في حظني
وانا اسالها : وش فيك؟
ما اسمع من صراخها الا : ااااااااااااااااااااي اااااااااي
وتأشر لرجلها شفت رجلها المويه انكبت على رجلها ولزق قماش البجامه في رجلها
صرخت بفجعه : البنطلون لازق بجسمها
ليش ماشلتوه
عبدالاله : وانا وش دراني عنهم
لطيفه من قدام لفت علي : اشوف
اوووووه
عبدالاله : خلاص خلاص لا تفجعونها قربنا من المستشفى
ايه : كيف انكب عليها وش وداها المطبخ
عبدالاله صرفني : ما ادري
ايه : كيف ماتدري
طنشني ولا رد
ياربي صرت اضمها وادعي لها
وانا خايفه عليها
وقفنا عند المستشفى نزلت بجري وانا شيلها ما انتظرت لا لطيفه ولا عبدالاله وجري عالطواري
ايه : ياناس ساعدوني
جاتني سستر وقالت لي من هنا طواري النساء
دخلت واخذتها مني الدكتوره
الدكتوره : وش فيها ؟
ايه : انكبت المويه الحاره على رجلها ولزق الثوب على رجلها
الدكتوره : سستر كلمي فهد اخصائي التخدير يلحقني غرفه العمليات وجهزوا الطفله وبعد خذوا بياناتها
اخذوا بنتي وانا وراهم وشفت لطيفه جاتني وبعد الاله من ورانا
وشذى من الصياح والبكي صارت ترجع
الدكتوره : كيف لما شفتوا المويه انكبت على رجلها ما شلتي البنطلون
ايه : ما كانت عندي كانت بيت عمها وما شالوا القماش ولزق عليها
الدكتوره : روح دخل بياناتها ووقع على العمليه انت ابوها
عبدالاله : لا
الدكتوره : وين ابوها ؟
عبدالاله : متوفي
الدكتوره : خلاص روح انت
دخلوا الغرفه وانتظرت انا ولطيفه برى
ننتظر بحرقه والتوتر والخوف احسه بيفتك باوصالي
بس الى الان متماسكه ولا بكيت
بس ادعي لها والتوتر ماكلني
بعد ساعه الا ربع طلعت الدكتوره رحنا باتجاهها انا ولطيفه ومعنا عبدالاله
الدكتوره : البنت في البنج ازلنا القماش اللازق برجلها
واضفنا المراهم على بقيه الجلد الملتهب
ايه : طيب بدخل لها
الدكتوره : انتظري نطلعها لغرفه عاديه
وكملنا انتظار وطلعوها لغرفه عاديه
دخلت عليها في الغرفه وانا اشوف رجلها مربوطه بشاش من المفصل الين حد الركبه
ياحبيبي ياناس
بوست راسها
ياناس نفسي اعرف كيف طيحت على نفسها المويه الحاره مع انها ماعمرها سوتها
وانا جالسه انتظرها تصحى
لطيفه : روحي ارتاحي فالبيت انا بجلس عندها
ايه : وش عندي فالبيت اروح انتي اللي روحي لعيالك وزوجك
وانا بجلس عند بنتي
طلعت من عندي
ودقايق رجعت
لطيفه : عبدالاله بيدخل
سويت غطاي وقلت : خليه يدخل
دخل وباس راسها وتحمد لها بالسلامه
ايه : جيبي لي عبايتي وغيار لبس لي ابي لبس مريح بجايم وجوالي نسيته وشنطتي واطلبي لي سلف من عمي اللي يقدر عليه
لان فلوسي في البنك
لطيفه : لا تهمك ابشري
ايه : مشكووووره الله يجزاك بالخير
لطيفه : واياك ولا توصين انتي اختي
من طلعوا من عندي دفنت وجهي بصدر شذى وانا ابكي
هاليتيمه اللي بقت لي منه على كثر ماحاولت احميها من كل خطر
الا انها دايم تتعب
ياخوفي تروح وتخليني
%%%%%%
ام غاده
رجعت للبرود من جديد
رجعت جليد اكثر من قبل
ما عاد يهمني شد والا ارخى
عيالي عيالي عيالي
اولا واخيرا
برغم محاولاته الكثييييييره في كسب رضاي
واخرها
ابو محمد : البيت لك بس ما اقدر اكتبه باسمك
واذا بتسكنينه اذا مت اما اللحين انتي معي وهذا بيتك وبس
ام غاده : اذا مت عيالك بياخذونه
بيعدونه جزء من ورثتهم من فلوس ابوهم
ابو محمد : لا انا مسوي تفويض باسمك وعند رجال واذا الله اخذت امانته الحق لك محفوظ
وبيجيك لين حدك
ام غاده : وليش كسرت فرحتي ذاك اليوم
ابو محمد : ماتوقعت رده فعلك تكون كذا
ام غاده : عالعموم البيت طابت نفسي منه بدال المره مرتين
وما اخذته وانت حي مايشرفني عشان اخذه اذا مت
بيعه وقيمته حطها في حساب لريان ورايد
ابو محمد : اذا مت سكني عيالي فيه
يانوره هذا البيت انا صفيته لك
يمكن صح ما اخطيت وانا اقولك بس انا شريته اول ما طحت مريض
خفت اموت ويضيعون عيالي خاصه ان راشد ومحمد ما كانوا يبونهم
بس محمد اللحين احسن صفت نفسه عليهم مابقي الا اروى وراشد
واروى مادام زوجها وراها ماهوب صافي خاطرها دايم
وراشد مراهق ان شاء الله يعقل ويهدى
مابقي الا رايد وريان بزران متى الله يفرحني بشوفتهم كبار
ام غاده : الله يطول بعمرك وتشوفهم رجال
ابو محمد مسح على بطنها وقال : عاد اللي ببطنك ما اظن بلحقه او بلحقها
كم لك شهر ؟
ام غاده : اربعه
ابو محمد : مادريتي الا قريب
ام غاده : اي بس هذا على كلام الدكتوره
انا حاسه اني في ثلاثه
ابو محمد : مالك بطن
ام غاده : الا شوف
ابو محمد : ماهو كبير بالحيل
ام غاده : انا بطني كذا بغاده كبير مره بس العيال لا اجلس للسادس وانا ما كاني حامل
ابو محمد : الله يسهل عليك
ام غاده : وش نفسك فيه بنت والا ولد
ابو محمد : كلهم نعمه
ام غاده : لا حدد
ابو محمد : لا ماني محدد
ام غاده : انا ابيك تختار
ابو محمد : واذا ما طلع اللي اخترته
ام غاده : معوض المره الجايه
ابو محمد : هههههههههههههههههههههههه ماشاء الله عندك استعداد للخامس
ام غاده : هههههه لا لا ماهو مني دور لك عروس
ابو محمد : ترضين
ام غاده : ارضى اذا تبي اخطب لك اخطب لك وزينه البنات بعد
ابو محمد : ههههههههه اي قواك الله وابيها مزيونه وصغيره وتدلعني وتحبني
ام غاده : ههههههههههه هذه من قائمه المفقودات عندك فيني انا ومهره
كانك ولد خمس وعشرين تتشرط
ابو محمد : ههههههههههه يحق لي مزيون وفيني طمعه
ام غاده : ههههههههههههههههههههههه من اي ناحيه
ابو محمد : من كل النواحي هههههههههههههه
%%%%%
سلمان
قبل اسبوعين
جالس بالصاله
رن موبايله ورد : الو
وعليكم السلام
ياهلا ومرحبا
بخير الحمدلله انتو وش اخباركم عساكم طيبين
الحمدلله عمتي وعمي والعيال كيف حالهم
والله بخير نسال عنكم
كيف عبير ؟
والحمل .....
تروح لمراجعاتها
هلا
طيب وش قررت؟
رد بعصبيه : ليه ؟
كيف الله يهديها ماتبي
ياعزام هي زوجتي وانا ماكنت ابي اطلقها لولا اصرارها
قال بعصبيه : اتق الله ياعزام وش هالكلام انا ولدي ما ابيه يتربى بعيد عني
خلها تحط هالفكره في راسها
ترجع ومالها الا طيبه الخاطر
عزام عزام انا ماذليتها في يوم ولا بذلها بعد
خلها ترجع وكل وحده منهن لها حقها
اما عند غاده اللي انفجعت من صراخه وصوته العالي
وتسمعت عليه
سلمان : خلاص اذا ولدت اطلقها اذا تبي بس ولدي مايتربى الا عندي
مع السلامه ياهلا
حذف الجوال عالجدار بقهر
وش يعني لو انها رجعت
زادت الامور تعقيد
بعد ماكنت في غاده
صرت بين غاده وعبير
رحت الغرفه وانا عازم امري
سلمان : اتجهزي العصر بوديك دكتور
وسكرت الباب وطلعت
¤¤
اليوم
غاده
اخذت عبايتي ولبستها وطلعت وراء سلمان وهذه روحتي الرابعه خلال اسبوعين للدكتوره
وصلنا للمستشفى
الدكتوره : اهلا غاده
وش اخبارك
غاده : تمام الحمدلله
الدكتوره محاوله ان تهدي خوفها اللي كان حاجز سابق بينهم : رحتي لاهلك قريب
غاده : ايوه امس
الدكتوره : كيف الوالده وحملها ؟
غاده : الحمدلله
الدكتوره : تحبين البزوره ؟
غاده : اموت فيهم
الدكتوره : تشوفين استجابه من حبهم لك
غاده : اكيد
الدكتوره : تتمنين يكون عندك بزوره
غاده بخجل : اكيد
الدكتوره : الله يرزقك
كيف كانت طفولتك ؟
غاده : عاديه
الدكتوره : عطيني ذكريات منها
غاده : ما افتكر كثير منها
الدكتوره : انا لما كنت صغيره
وبدات الدكتوره تحكي ملابسات حياتها
قد تكون حقيقه او قد لا تكون
سالت سلمان لتعرف مايخيف غاده وما تتجنبه وما تحبه
كي تستشف منه اكبر معلومات عن غاده
فحاولت الدكتوره تعرض على غاده مواقف فبقدر تفاعلها مع الاحداث تكون لها اثر في نفسها
فبدات الدكتوره بحكايه تستشف منها حب الام والبنت وكذالك حب البنت لامها
ثم انتقلت بقصه حب البنت لابيها وحب الاب للبنت
فوجدت اخفاق من غاده في المشاركه والتحدث
تتصدد بكلمات لا تجدي نفعا
اي اكيد
الاب ركيزه البيت
الله يحفظه
كلها كلمات مختصره صغيره لا تفيد بشي
ثم اخذت تتحدث عن علاقه الاخوه
موقف متردد
الاخ الصغير كانت محادثاتها ومشاركاتها ممتازه
الاخوات ايضا لا يقل عن الاخ الصغير في مشاركاتها وتحدثها
بس لما وصل الحديث للاخ الاكبر
تشكل اخفاق في الحديث والمشاركه وهذا دليل انها تخفي شيئا
نقلا للعمات فتبين انها منهم مجروحه لانها جرحها منهم وهي في سن كبير لذالك قدرت تتحدث عنه
ثم الخالات
فتبين حزنها فكانما فقدت نصف والداتها في خالتها المتوفاه
الصديقات فتبين انها لا تحتفظ بصديقات
اما سلمان
تراه تحبه وتخافه
ترى نفسها لا تستحقه
فهو يحبها ويغرقها بمشاعرها لكن لا يجد منها الا الجفاف
الا يستحق مطرا من المشاعر ليروي عطشه
اخذت الدكتوره دفتر ملاحظاتها
اولا
الاب
ثانيا
الاخ
ثالثا
الصديقات
رابعا
مشاعرها لزوجها
الدكتوره : اوكي كذا خلصنا سواليف اتمنى ما اكون اخرتك على زوجك انا حاسه انك مثل اختي وارتحت بالسوالف معاك
خذي رقمي واذا احتجتك بكلمك وانتي بعد كلميني
انا عندي شويه مشاكل بحكيها لك في جلستنا الجايه
طلعت غاده
والدكتوره تقول : هذه الصغيره بنت حصون للتعامل معها فسأكون انا اول من يدكها
¤¤
اما قبل اسبوعين
في اول زياره للدكتوره
الدكتوره سعاد ضيفه جديده في سماء هذه الروايه
طلعت غاده من الغرفه بعد موجات انهيار ست ساعات كلها بكي
ناظرها سلمان نفسه يهديها ويمسح دموعها هو ماهو غايته هالدمع
بس يشد واذ رجعوا يحلها ربي
غاده وقفت وهي تبكي تبيه يحن ولا يغصبها
سلمان اشر لها فالباب وسحبها بيدها
نزلوا للسياره وبعدها للمستشفى وفتح لها ملف عند دكتوره
اول ما دخلوا عالدكتوره
جلسوا امام مكتبها
سلمان : السلام عليكم
سعاد في نفسها وش هالكناري شكلهم يبون استشاره زوجيه مغلطين فالدرب ياهو
الله يهديهم : وعليكم السلام
اي خدمه
اي منكم يبينا نسولف
سلمان زوجتي
الدكتوره : طيب اتفضل عبي هذه البيانات
واتفضلي يا اختي هنا
غاده بهمس : ابي دوره المياه
سلمان : تبي دوره المياه ممكن
الدكتوره : اي هذا الباب تفضلي
جلست الدكتوره تنتظر
الدكتوره سعاد : كلمني عن زوجتك من ايش تشتكي
حكى لها سلمان اللي يعرفها من دون زياده ولا نقصان
طلعت غاده
وقالت الدكتوره : خلاص يا اخ تقدر تتفضل
غاده بمعارضه : لالالا خليه معانا
الدكتوره بابتسامه : ان شاءالله ولايهمك طلباتك اوامر
معاك اختك سعاد
الرابعه في الترتيب بين ثلاث شباب وبنتين الشباب اكبر مني بس البنات اصغر
متزوجه من خمس سنين عندي ولد وبنت
الوالد متوفي
عرفيني عن نفسك
غاده :
انا غاده عبدالرحمن
عمري خمس وعشرين وكذا شهر
ابوي عنده زوجتين انا اكبر عيال امي اصغر مني ولدين
وزوجه ابوي عندها ولدين وبنتين
متزوجه من شهرين
وهكذا انتهت جلسه التعارف الاولى
بتحفظ وخوف شديد من ناحيه غاده
حتى تبعتها ثلاث جلسات اخرى
%%%%%












الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-05-2011, 12:13 PM
حجااازيه حجااازيه غير متصل
عضو موقوف من الإداره
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف



البارت السابع والثلاثين
لما رجعوا البيت
سلمان باس راها وضمها : مشكوووووووره مشكوووووووره مشكووووووره
الله يسعدك قد ما اسعدتي قلبي
مع اني مقهور بس روحتك معي مسحت اللي في قلبي
غاده : انا اسفه
سكتها : لا تتاسفين اللي تامرين فيه من حقك اطلبي اللي تبينه وابشري اخدمك بعيوني
غاده : خيرك سابق ما ناقص علي شي
سلمان : لا هالمره غييييييييييييييييييير
والله والله احبك
غاده اول مره تعاتبه : اي صح عشان كذا بترد زوجتك الاوليه
سلمان مع رفضها للرجعه جارحه الا انه قال : عشان ولدها
وابشرك رفضت ترد
غاده : هههههههههه طيب ليه عصبت ؟
سلمان : عشان ولدي
ابتسم بخبث : الا اذا اغنيتني بواحد عنه
غاده اكتست ملامحها الخجل والصدمه
سلمان : ههههههههههههههههههههههههه ما قلت شي هههههههههه
خلاص ما قلتي لي وش هو طلبك
غاده : ماعندي شي انت عطني اللي تبي
سلمان : اخاف مايكون من مقامك
غاده : كل شي منك حلو
سلمان : افكر وانتي فكري والاحلى اهديك لك
%%%%%
اسامه
قبل اسبوعين وهو طالع من البيت وركب السياره واللي يسوق فيهم عبدالاله عشان يوديهم المطار خاصه ان اسامه مايحرك يده الى الان
ركبت مرام وراء وجاء بيركب اسامه
عبدالاله : هي هي وين الاخو تعال قدام لا يكون صدقت اني سواقك وانا ما ادري
اسامه : هههههههههههه خلني بعذري انا عريس
عبدالاله : لالا هذه الحركات ماهيب علي
انا قبلك كنت اسوق وانا عريس ما احد رعاني
اسامه : ياااااا الكذاب ما كاني مسريك انت وحرمتك للبيت وانت مرتز عندها وراء
وانا رويسي كاني سواقكم
عبدالاله : اعقب يا هو اثره يذكر
هههههههههههههههههه
اسامه : ليش قالوا لك فقدت الذاكره
والا مع العرس نسيت
عبدالاله :لا انت لك سوابق ماتنسى
اسامه في نفسه ياسخيييف بغيت تفضحني اما
عبدالاله من سكوت اسامه فطس عليه ضحك : هههههههههههههههه
رن جوال اسامه باسم ايه
اسامه : الوووو
ايه : السلام عليكم
اسامه : وعليكم السلام ياهلا
ايه : طلعت
اسامه : ايوه
ايه :ارجع طيب
اسامه باستغراب : وين ارجع ؟
ايه : ابي فلوس مصروفنا في هذا الشهر
اسامه : ايه بعدين بعدين اشوف لك صرفه انا والا يقول للوالد يعطيك
ايه : انا في ذمتك ماهي عدله اشحد عمي
اسامه : خلاص ياابن الحلال خلاص
مع السلامه
وسكر السماعه
في المطار
مرام : فين بنروح
اسامه : ههههههه مشكلتك فضوليه
خليك تشوفين اللوحه واحنا طالعين من صالات المطار
مرام من طلعوا شافت علم الامارات
مرام : واااااااااااااااي الامارات
اسامه : هههههههههههههه ايوه
بنروح بالتحديد دبي
مرام : واااااااااااااي وناسه الحمدلله
اسامه : مافي مشكوووووور
مرام : مشكوووووووور ياحياتي والله لايحرمني منك ياروحي
اسامه : هالكلمتين بس عندي تسوى الدنيا ومافيها
لو ما المكان مكان عام كان شفتي ردي على هالكلمتين
مرام : ههههه الحمدلله
¤¤
بعد اسبوعين
مرام
قضيت مع اسامه احلى ايامي وناااااااسه الله لايحرمني منه
الحمدلله ربي رزقني بانسان احبه ويحبني وهذا اهم شي
ويحترمني ويقدرني
نطلع من الصباح مانرجع الا المغرب وهكذا
اسامه سحب خصله من شعرها : وش تفكرين فيه ؟
مرام بفجعه : يمه خرعتني
اسامه : ههههههههه بسم الله على قلبك
وين تبين رحلتنا اليوم
مرام : اللي يعجبك حياتي انا امس اخترت بس انتا اليوم
اسامه : طيب اوكي مادام كذا وش رايك نروح بفطورنا للبحر الساعه توها اربعه ونص ماطلعت الشمس نشوف الشروق
مرام : اووووووف عالرومانسيه
اسامه : ههههههههههههه تعلمتها منك
مرام :بس انا تعلمت منك الحب
اسامه : صرت مدرسه هههههههههه
مرام : هذا وانا امدحك تتمسخر
اسامه : وشلون اتمسخر مايحق لي لانك هوووووووووواي اللي بيه اعيش
دفن راسه بحظنها
اسامه : مشتااااااااااااااق لك اكثر مما تتصورين مرام : حبيبي متى نرجع ؟
اسامه : ليه مستعجله مليتي مني
مرام : لا بس وش رايك ناخذ لفه في ربوع السعوديه
اسامه : ههههههههههههه لاحقين عالسعوديه نفرها اذا رجعنا
مرام : يعني كم بنجلس
اسامه : اذا ودك الشهر كله ماعندي مشكله
مرام : لابأس حياتي نجلس وش ورانا
%%%%
ايه
جالسه عند بنتها وبعد العصر جابت لطيفه لها عبايتها وجوالها ومستلزماتها
وجات معها عمتها وعمها والمها
وخلص وقت الزياره وراحو عنها
رن جوالها باسم اسامه
اللي من سافر ما كلمها و لاحتى سال عن بنت اخوه
ولا ارسل لهم مصروف
وكذا مره ترسل له رساله تذكره بس يطنشها
طنشت اتصاله
مره ومرتين وثلاث وهي مطنشه
الين بالاخر هون
ماذكرها طول هالفتره بس عشان بنت اخوه اتصل
حتى مافكر يتصل يسال عنها
بس اتصل مره على عمتي وكانت شذى عندهم وكلمها
ورجعت شذى للبيت : ماما عمي كلمني
صحت شذويه من البنج
شذى تبكي : ماما
ايه : هاه ياروح ماما وش فيك حاسه بالم
شذى : رزلي تعول
ايه : سم بالله وقولي تشافي رجلي وطيب
شذى : اتعول
ايه : انا زعلانه منك ليه تقربين من المويه الحاره شوفيها عورتك
شذى : ما لحت لها
عمه سايلتها وانتبت علي
ايه بصدمه : ايش ؟
كيف انكبت عليك
شذى : لا كنت مندسحه<منسدحه>واتفلج عترتون
ايه انصدمت معقووووووووله هالانسانه تخلت عن انسانيتها وتحرق طفله بالمويه الحاره
بس لانها تكرهني
اي انسانيه فيها معقووووووله لالا انا ما اصدق
اخذت جوالي واتصلت عالمها وحكيت لها
كلام شذى واكدت لي انه صحيح
بس هم ماقالوا لك ما كانوا يبون يخرعونك
اقسم بالله ما اسكت عنك يا هبوش
رن جوالي باسم اسامه
حلووووووووو هذا هو جاء بوقته
ايه : الووو
اسامه : السلام عليكم
ايه : وعليكم السلام
اسامه : كيف حالك ؟
ايه : بخير
اسامه : مافي وش اخبارك عساك طيب ؟
ايه : اكيد طيب والا ما كلمتني
اسامه : ماتتغيرين لو اغيب عنك شهر
المهم وش اخبار شذى
ايه : ماقصرت فيها حرمه اخوك هذه اللي اليتيمه اللي جبتوها تبون تحمونها
انت طبعا ماتصرفها
واخوك زوجه تحرقها بالمويه الحاره
ما اقول الا حسبي الله ونعم الوكيل
اسامه : لا تتحسبين المصرو ف انتي عارفه ظروفك
ايه : اي صح ظروفك
وظروفك مامنعتك تسافر اسبوعين صح
وانا زمان اخوي لما عضها حطيتوا فيه النون وما لايعلمون
واللي اللحين لما حرمه اخوك احرقتها بالمويه ماتكلمت
اسامه : اشفيك انتي ما اخذتني بشراع ومجداف
اهم شي البنت طيبه
ايه : اي طبعا وش يهمك البنت ماهي بنتك
اسامه : ايه
ايه
اهدي اهدي ماينفع كذا ماااااينفع
اعصابك
وش فيك ؟
وش صاير بك ؟
خابرك طيبه
ايه : الكلام اللي عندي قلته
انت وش تبي اللحين
اسامه : صدق انك ماتستحين
ايه
ايه : لو عندك زوجتك ما ناديت باسمي
اسامه بطفش : شذى عندك
ايه : ايوه
اسامه : هاتيها
مدت الجوال لشذى وقالت : كلمي عمو اسامه
شذى : عمو
اسامه : ياروح وقلب عمها
شذى : انا انحلقت رزلي
اسامه : بعيييييد الشر عنك
من سوى فيك كذا
شذى : عمه هبه
اسامه : سلامات سلامات
حسبي الله ونعم الوكيل
شذى : عمو انت فين
اسامه : اشتقتي لي
شذى : ايوه
اسامه : انا مسافر اذا جيت بجيب لك العاب وحلويات
شذى : متى تزي
اسامه : مابنطول الله ان شاءالله
ايه اشرت لشذى : هاتيه ابي اكلمه
شذى : عمو ماما تبيك
اسامه : هاتيها
ومن سمع صوت ايه كمل : اللحين تبيني واول ماخذتني بشراع ومجداف
ايه : بروح لاهلي اذا طلعت شذى من المستشفى
اسامه : لا خليك فالبيت
ايه : وشلون لا
اسامه : لا يعني لا مالها معنى ثاني
ايه ياناس هذا بلا شعوووور والا ايش معدوم احساسه الضغوط تحاصرني من كل ناحيه
هبه من ناحيه كلامها زاد علي من سافر اسامه
وحركاتها في شذى
وحصرتي فالبيت ما اقدر اطلع
لا فلوس ولا هم يحزنون
وغير كذا اسامه مكلم السواق مايوديني مكان الا يستشيره
بكيت عالسماعه مقهووووووره منه
اسامه : خلاص اذا رجعت انا اوديك لهم
طنشته
سكت دقايق
اسامه : يعني بتبكين الين اوافق
طنشته
اسامه : هذا كله عشان اهلك
ضغطت احمر وسكرت في وجهه
طنش ولا عاد اتصل
%%%%%%
الهنوف
قبل اسبوعين صحيت الصباح من بدري وانا في اخر رووووووووقان واخلاق لا يعلى عليها
اخذت قميص جدتي
والله اني اشتاق له
احب اتوسع فيه وانا ناويه اجنن محمد
ابي ابرد حره البارح
غسلت وجهي وتوضيت وصليت واخذت القميص فسخت تيشرتي
الهنوف : الله ياخذ هالحشرات اووووووف تورمت
حشى مصاص دماء مو حشرات
لبست ورحت المطبخ وسويت لي ساندوتش لوزين اثنين عشانها صغيره حشيتها جبن تشيدر كرافت وخيار وحليب شكولاته حار
اكلت الساندوتش الاول
جاء محمد وجلس
وبصوت خدران : صباح الخير
الهنوف : اهلا صباح النور
محمد : ابي فطور
الهنوف : خذ هذا الساندوتش وانا بسوي لي ولك
رحت المطبخ ولما رجعت صرخت بفجعه : ااااااااااااااااااااااااااااااااااا
فز محمد : اش فيك
الهنوف : حليبي
محمد بقهر : تبن
همست لنفسي : عساك ما تحدره
محمد : سوي لك غيره
الهنوف بزعل : خلصت الشكولاته
محمد : ولايهمك اشتري لك غيرها
لو عرفت انك نفسك فيه ماشربته
بكلامه ذا حسيت بندمه وانقهرت من كلمتي عساك ماتحدره
الهنوف : لاخلاص بالعافيه
محمد : وش رجعك لقميص العجايز
الهنوف : اصصصصصص لا تسمعك جدتي صيته والا ياعصاها بيرقص على ظهرك
محمد : هههههههههههههههههههههه مجربه
الهنوف : او هوه مراتن عده
محمد : ههههههههههههههههههه
وعسى السبب يستاهل
الهنوف : بعضها تستاهل وبعضها
محمد : هاتي مثل
الهنوف : تبي اشياء تضحك ولا تحزن
محمد : لالا مالي حزن هاتي خلينا نضحك
الهنوف : مره سرقت من بقالتها حاطه فيها اغراض لبزران الحاره انا وبنت خالتي
وكفشتنا واحنا ناكل
عاقبتني انا وتركت بنت خالتي عشان تقول انتي صاحبه سوابق
ضربتني بالعصا المشئومه اولا ثم وزعت عالبزران كلهم حتى الحراميه اللي معي حلويات وايسكريم
بس انا لا
وخلتني اناظرهم بحسره
محمد : هههههههههههههههههههههههههههههههه جدتك فله سويلي معاها مقابله
الهنوف : اي في زواجي يادوب ردوها غصب تقول ابروح معها اشوف ابناخينا <يعني زوج بنتهم>
محمد : هههههههههههههههههه والله عجوزكم فله
اتاري العرق دساس
الهنوف : وانا البس هالقميص اشم فيه ريحه جدتي صيته حفظها الله ورعاها
محمد : حشى الشيخه صيته وانا ما ادري
الهنوف : اي والله شيختي
محمد : لازين عصاها علمك الحب
الهنوف : يقولون الحب على قد الوجع
محمد : اجل ابي امحطك بالعقال بلكي ينوبني من الحب شر
الهنوف : لا ان تعدت السالفه لكذا احط لك سم فيران وارتاح
محمد : ليه فار مع خشتك وانا ما ادري
الهنوف ......
رحت للغرفه اشيل ملابس محمد اللي حذفها في وسط الغرفه وارتبها
اتذكرت القرصه اللي اكلتها من الحشره
جيت طيييييييييييييييران
الهنوف : شوف لنا صرفه مع هالحشرات اكلتني
محمد : ههههههههههههههههههههههههههههههه وين قرصت تعالي اشوف
الهنوف : مابي لا
محمد : اكيد تكذبين علي روحي بس
الهنوف : والله العظيم ما اكذب
بروح الدكتور
محمد : الدكتور ههههههههههههه
بشوفها تراها تحمل دكتور
الهنوف بقهر : لالالالالا خلاص هه
محمد : براحتك
محمد مستغرب من بشاشتها اللي يشوف انهيارها البارح مايصدق انها بترجع طبيعي تضحك ومستانسه
هذا احلى شي فيها وناستهاااااا ونسيانها للاحداث بسرعه
¤¤
اليوم بعد اسبوعين
محمد بدا يدوام فالشركه من امس ويجهز لشقته اللي عند اهله
الساعه ثنتين الظهر
دخل البيت
محمد : السلام عليكم
الهنوف : وعليكم السلام
محمد : جاهز الغداء
الهنوف : ايوه
محمد : خلاص ابدل وانتي حطي الغداء
جهزت الغداء علبال ما محمد لبس ثيابه
طلع للصاله وجلس يتغدى
اخذ الملعقه ومد لها تاكل
محمد : طفشتي اليوم
الهنوف : لا ارحم من امس
محمد : متى تداومين في الجامعه
الهنوف : بعد ثلاث ايام
محمد : حلو اقدر اخلي يغطي مكاني هالايام عشان ماتطفشين
الهنوف : حلو اذا يقدر
¤¤
قبل هذا اليوم بتسع ايام بالتحديد
الهنوف بالليل نامت عالكنبه خوفا من الحشرات اللي ثلاث ارباع صدرها متورم ومحمد بس يضحك عليها
والدكتور رافض يوديها
وهي مرعوبه خايفه انها هالاحمرار المنتشر يكون اعراض ورم الثدي
ياويلي
عشان كذا قررت تنام بالصاله عالكنبه عشان تنحاش من هالحشرات
بس اللي ماعرفته الهنوف انه هالحشره مشت على رجولها وجاتها
بس هالمره فتحت ثلاث ازارير بدل اثنين
لو المحقق كونان موجود كان عرف المتهم
صحت الصباح وبعد ماروقت اول شي سوته ناظرت صدرها
الازارير انفتحت اكثر من قبل هاللحين بدى الشك : محمد يالخمه
وصارت تتذكر كلامه
¤.¤.¤
محمد : هالحشره حبوبه عفيه عليها تعرف تختار
الهنوف : عساها للموت
محمد : بسم الله عليها بعيد الشر
¤.¤.¤
محمد : الدكتور انسي ناويه تفضحيننا
الهنوف : لا اموت انا يعني
اكيد يبي لها تعقيم
محمد : ههههههههههههه اوف والا تجيب لك مرض الملاريا
الهنوف : انتا ودك عشان اموت
¤.¤.¤
الهنوف : عبادي هنا فالبيت حشرات تاكل
عبادي : ما اشوفك ناقصه ليه ما اكلت منك شي
الهنوف : يمه نفسي اشوف شكلها والله موتها على يدي
عبادي : من وين تجيكم؟
محمد : ماعندنا حشرات بس هي جسمها حساس والا انا ما اشوف هالحشرات ولامره قرصتني
الهنوف : انتا لحمك مر
محمد : هههههههههههههههههههههههه في هذه صادقه
¤.¤.¤
محمد : احيانا اقول عنك ذكيه بس ما اظن صرت انصدم
الهنوف : ياسلام عشاني خايفه من هالاحمرار
¤.¤.¤
الهنوف : والله انه مايستحي السخيف والله لا اوريك يامحمدوه الزفت دواك عندي
وانا اروح جري واسكر المكيف عليه واطفي الانوار كان الكهرباء طافيه لاخليه يحلم بالنوم ولايذوقه خاصه ان الريشه اذا طاحت تصحيه من نومه
وحلو الساعه اللحين ثنتين بالليل وباقي ثلاث ساعات عالصلاه
المهم سويت خطتي وانحشت لوحده من الغرف البعيده عشان مايشوف النور
محمد خلال ثواني صحي بعد ما حس ان المكيف مقفل
فتح عيونه والا الظلام يسود المكان
عرف ان الكهرباء طافيه رد وغمض عيونه بيحاول ينام
بس تذكر الهنوف ونومتها بالصاله بس توقع انها ماراح تقوم من نومها الثقيل
جلس ساعه ونص وهو على السرير يحاول ينام بس ماقدر
راح الصاله ويتسلى بالهنوف خاصه انها اذا نامت كانها ميته فيبي ياخذ حريته خاصه انها ماتعطيه وجه وهي صاحيه
ولع نور الجوال وراح للصاله والكنبه مالقيها قال اكيد فالمطبخ
راح دور مالقيها
انفجع انفجع ماهو متصور فين راحت
شك ان احد مختطفها وقاطع الانوار (الخبل علباله الهنوف ذهب يخطفونها
والا علباله روايتي فلم من افلام جاكي شان)
المهم خلونا بالمهم
دورها بالغرف وانصدم بوحده من الغرف نورها شغال
من القهر مشى بسرعه بسرعه وفتح الباب بقوه
الهنوف من الفجعه صرخت : واااااااااااااااااااااااااااااااااااااااااااي
وصارت تتنهد
يمه يمه فجعتني
محمد ناظر فيها بعصبيه وتنرفز : انتي اللي مطفيه الانوار
الهنوف بابتسامه : اكيد
محمد تقدم منها وسحب اذنها : ليه ؟
الهنوف : اي اي بس كذا مزاج
محمد عصب منها ومن حركتها البايخه وصرخ فيها: مافي شي اسمه مزاج احترمي حالك
الهنوف بخوف : عشانك تكذب تقول اللي في صدري من الحشرات
وسوت نفسها معصبه : ياقليل الادب
محمد عصب زود : قليل الادب اللحين قليل الادب
ياخبله انتي زوجتي
واذا انا مراعيك تفضل وتكرم مني
وانتي ماتستاهلينه
وامتدت يدينه لازارير بلوزتها اللي توثقت فيها بيدنها غلبها وفسخ البجامه
من حاولت يده تمتد لشي اخر
ضربته بكوعها في بطنه
%%%%%%


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-05-2011, 01:00 PM
عبق اللرياحين عبق اللرياحين غير متصل
©؛°¨غرامي متألق ¨°؛©
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


هلا والله وغلا
اسفرت وانورت واستهلت وامطرت
حياك الله وبياك
نورتي يا قلبي
عاد انا فيني النوم حملت الجزء واذا جلست قريت
الله يعطيك العافيه اشتقنا لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-05-2011, 02:38 PM
حجااازيه حجااازيه غير متصل
عضو موقوف من الإداره
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


اقتباس:
المشاركة الأساسية كتبها منارة الاحلام مشاهدة المشاركة
هلا والله وغلا
اسفرت وانورت واستهلت وامطرت
حياك الله وبياك
نورتي يا قلبي
عاد انا فيني النوم حملت الجزء واذا جلست قريت
الله يعطيك العافيه اشتقنا لك
ياهلا فيك
والمهلي مايولي
النور نورك ياعسووووووووله
نوم العوافي ياذوق
الله يعافيك تشتاق لك العافيه
جعل مواطي رجليك للجنه والله يسعدك قلبك ياذوق






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-05-2011, 03:06 PM
من فهمني ملكني من فهمني ملكني متصل الآن
©؛°¨غرامي نشيط¨°؛©
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


اهلين بعودتج يالغلا

بارتين رائعين كالعادة

بانتظارج

ودي " من فهمني ملكني "

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-05-2011, 03:35 PM
طلع القمر طلع القمر غير متصل
©؛°¨غرامي مشارك¨°؛©
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


هلا بالغاليه الحمدلله على السلامه أخيرا نزلتي بارتين تسلم يدينك


بصراحه أحلى شيء في الرواية محمد والهنوف هم ملح الرواية وحاسه أنوا محمد بدأ ينسى حبيبته الأوليه
وكاسر خاطري بقوة آيه عن جد قهر اليتيم حاجه تعور القلب


دمتي بصحه وعافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-05-2011, 04:03 PM
حجااازيه حجااازيه غير متصل
عضو موقوف من الإداره
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


اقتباس:
المشاركة الأساسية كتبها من فهمني ملكني مشاهدة المشاركة
اهلين بعودتج يالغلا

بارتين رائعين كالعادة

بانتظارج

ودي " من فهمني ملكني "
ياهلا فيك يالغلا
الاروع مرورك
لك فقده طولتي عن روايتي كثيير
الله يسعدك ياعسل
الله يفتحها بوجهك وجعل مواطي رجليك للجنه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-05-2011, 04:08 PM
حجااازيه حجااازيه غير متصل
عضو موقوف من الإداره
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


اقتباس:
المشاركة الأساسية كتبها طلع القمر مشاهدة المشاركة
هلا بالغاليه الحمدلله على السلامه أخيرا نزلتي بارتين تسلم يدينك
ياهلا فيك ياعسووووووووله
الله يسلمك ياذوق


بصراحه أحلى شيء في الرواية محمد والهنوف هم ملح الرواية وحاسه أنوا محمد بدأ ينسى حبيبته الأوليه
وكاسر خاطري بقوة آيه عن جد قهر اليتيم حاجه تعور القلب
فديتك ياذوق

دمتي بصحه وعافيه
الله يفتحها بوجهك ياقمر
والله يجزاك الجنه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-05-2011, 04:53 PM
ماقويت الصمت ماقويت الصمت غير متصل
©؛°¨غرامي مشارك¨°؛©
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


ياهلا وغلا واخيرا
الله يعطيكي العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 04-05-2011, 05:11 PM
حجااازيه حجااازيه غير متصل
عضو موقوف من الإداره
 
الافتراضي رد: تكمله روايه ربي اللي عطاك وربي اللي اخذ لاتعمي عيونك عما غيرك يشوف


اقتباس:
المشاركة الأساسية كتبها ماقويت الصمت مشاهدة المشاركة
ياهلا وغلا واخيرا
الله يعطيكي العافيه
ياهلا فيك ياعسووووووووله
الله يعافيك
الله يفتحها بوجهك ويجزاك الجنه ياقمر


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1