منتديات غرام روايات غرام أرشيف الروايات المغلقة - لعدم إكتمالها رواية لاتهدي قلبك لمن تحب بل اهديه لمن يحبك
تاج لولو ©؛°¨غرامي جديد¨°؛©

السلام عليكم ورحمة الله
المهم من الزبده انا بانزلكم روايه كاتبتها قريبتي واتمنى تعجبكم

ابا ردود+نقد+حماس
لو اقل شي ردين

بسم الله الرحمن الرحيم
انا الكاتبة (شوكولاته في الخلاته..معسل بالفراولة) هذي 1 رواية لي أتمنى تعجبكم رواياتي كلها واخليكم دحين مع اول عائلة
عائلة ابو عبد الرحمن
ابو عبد الرحمن:رجل اعمال كبير وهوا رجال مثقف وزكي ومشهور بين الناس بالغنا غني جدا وهوا رجال وسيم لابعد الحدود مهما كبر عمره بس وسيم
ام عبد الرحمن:امرأة ايضا مثقفه وعقلها كبير ما يهمها المظهر ولا الشكل الخارجي ابد اهم شي القلب ابيض ونظيف حلوه برضو بمعنى الكلمة
عبد الرحمن:ولد خيال مثقف زي ابوه وحلو مرررررررره كل البنات يموتوا عليه بس هوا ولا شي ما يعطي احد وجه وكل الناس يحسوه مغرور بس هوا طيب لابعد الحدود وقلبه ابيض وكبير لغرم صغره 1 جامعه شعره اسود طويل شوي الين رقبته عنده نغزة على يمين خده وحواجبه متصلة وجسمه رياضي عيونه بني فااااااااااااااااااااتح صوته خيااااااااااااال مرة واي صوت يعرف يقلده من المغنيين و يشتغل مع ابوه في الشركة
عبد الله:مسافر برا هوا واخوه عبد الرحيم اللي يفهم عبد الرحمن من نظراته
عبد الله : ولد مو خيال الخيال مثل اخوه عبد الرحمن بس عبد الرحمن احلى منه رغم صغره راح تتعرفوا على شخصيتها اكثر خلال الرواية
عبد الرحيم:برضو حلو بس مو مثل عبد الرحمن واللي يميزه لون عيونه اللي داخله عرض ازرق >> ما ادري على مين طالع وراح تتعرفوا على شخصيته اكثر من خلال الرواية
رنا:1 ثنوي بنت حلوووووووووه مره ونعومه بس احيانا تجيها رجه على الخفيف شعرها لنص ظهرها اسود رشيقة وعيونها لونها اسود وبيضه وراح تتعرفوا على شخصيتها اكثر خلال الرواية
رفا:3 متوسط نعومة وحلللللللللللللللللللللللللللوة مرة شعرها حرير
رشا:2 متوسط زي اختها نعومة مررررررررة بس شعرها ملفلف مرررررررررة حلو على وجهها بس هي ما يعجبها
عائلة ابو مالك
ابو مالك:يشتغل في شركة وعنده كل شي عادي اهم شي راحة اولادة واللي يبغوه يجي عند رجولهم لدرجة انو ملاك تكشف على أي احد بس اذا خرجت الشارع تغطي شعرها واذا دخلت أي بيت تكشف شعرها حتى لو كانوا ما يقربوا لها
ام مالك:طيبه وحنونه مره
مالك:3 جامعه حلو شخصيته عاديه وهادي بس احلى شي انو قد المسؤولية
ملاك:1 ثنوي صحبة رنا في المدرسة الروح بالروح حلللللللللللوة تطير العقل مررررررررررررررررة اسم على مسمى بيضة عيونها رصاصيه شعرها اسود لنهاية ظهرها وعندها غرة على عيونها اليمين شكلها مره حلو وشعرها مدرج عندها نغزة على خدها اليمين ورموشها كثييييييفة ما شاء الله .
محمد:3 متوسط دايم مناقرة هوا وملاك بس بالمزح فرفوش و حبوب وحلو مرررررررررة
عائلة ابو شريف
ابو شريف:رجل اعمال كبير غني مررررررررررررة ومشهور بهذا الشي
ام شريف:متوفية اخت ام مالك
شريف:ولد يفوق الخيال شخصيته حلوة بس عليه يمشي و يأسر قلوب الناس بس مشكلته مغرور جددددددددددددددددددا وعنده البنات مثل العبيد اخر سنه في الجامعة
شادن:اخت شريف حلوة مرة طيوبة وتدخل القلب 3 سنة في الجامعة
سارة:3 ثنوي حلوة بمعنى الكلمة ومرجوجة مره.
عائلة ابو فيصل
ابو فيصل:يشتغل في شركة دخله مو مرة مرتفع طيب وحنون
ام فيصل:طيبه وحنونه اخت ام عبد الرحمن.
فيصل:حلو خلص جامعه ويشتغل مع ابوه في الشركة
فواز:2 جامعة لو مجنون بنات بس مو حق لعب ولا بنات بس اذا شاف بنت ينهبل
فوزية:بنت حلوة شعرها طويل لنص ظهرها ولونها حنطي بس تعتبر حلوة 3 ثنوي مغروووووووووووووووووووورة.
نبدأ روايتنا
رنا دوبها رجعت من المدرسة ودخلت سلمت على اهلها وطلعت فوق غيرت ملابسها ونزلت لقت اخوها دوبه رجع من الجامعة سوا نفس الحركة سلم على اهله وطلع غير ملابسه ونزلت وصلوا رشا ورفا طبعا كالعادة رجعوا بالصراخ والمضاربة دخلوا سلموا وغيروا ونزلوا اتغدوا وكل واحد طلع فوق الا رنا و عبد الرحمن جالسين شوي دق الجوال حق رنا ردت
رنا:الوووووووو
ملاك:اهنن وسهنن
رنا:مناااااااااااااااااااااااااك (دلع ملاك اللي ينرفزها عشان كدا عمرها ما تغيره)
ملاك:الله يا خذ العدو لا تقولي مناك مرة ثانية
رنا تعاند:مناك
ملاك:سااكتة
رنا:مناك
ملاك:لا رد
رنا : منااااااااااااااااااااااااااااااااااااااك
ملاك:لا رد
رنا يئست : ملاك
ملاك:ايوا شاطرة نعم
رنا:ليش غايبة سلامات
ملاك:كويس انك افتكرتيني
رنا : لا والله حرام عليكي الفصل كله فاقدك
ملاك رزت نفسها وقالت:احم احم احرجتي تواضعي
رنا:هههههههههههههههههههه فديتك والله انك وحشتيني
ملاك:امكن اغيب بكرة كمان
رنا:ليــــــــــــــــــــــــــــــــش ؟؟!!
ملاك: كح كح .... كح كح
رنا :الله الله ... الله الله اها طيب عرفت السبب سلامتك
ملاك:الله يسلمك ويسمنك
رنا:لالالالالالالا انا ما صدقت انحف عشان اسمن
ملاك:هههههههههه طيب الله يسلمك وما يسمنك
رنا : هههههههههههههههههههههههههههههه حلوة
ملاك:ادري انا احلى منها
رنا:لا طبعا
ملاك:ممكن سؤال ؟؟
رنا:اكيد
ملاك:ايش هيا اللي انا احلى منها
رنا:ههههههههههههه والله مدري
ملاك:ههههههههههه خرفنا ونحنا في عز شبابنا
رنا : ههههههههههههه من جد يلا اسيبك دحين ترتاحي وانا كمان بنااااااام مرة نعسانة
ملاك:اوكي نوم العوافي
رنا : الله يعافيك تبغي الواجبات
ملاك:ايوا صح الا الله يخليكي متى اتصل عليكي
رنا:العصر الساعة4 او 4 ونص
ملاك: اوكي يلا تصبحي على خير باي
رنا: وانتي من اهله باي .... وسكرت
عبد الرحمن:لا يكون تكلمي خطيب وانا ما ادري نص الكلام غزل
رنا:غيران يا عمري
عبد الرحمن:وعلى ايش يا ربي
رنا:بسم الله علي وعليها من عيونك
عبد الرحمن:من زينكم
رنا:والله انها احلى منك وتسوى 10 من امثالك يا قلبي
عبد الرحمن:ما اقلك خليتيها ولد مو بنت
رنا:والله انها كل الانوثة تنقط براءة حرام عليك
عبد الرحمن:خلاص خلاص طيب فهمنا
رنا:انت الكلام معك ضايع انا بقوم انام تصبح على خير
عبد الرحمن:و انتي من اهل الخير
طلعت رنا نسيت جوالها تحت في الصالة وحطت راسها ونامت
على العصر الساعة :5 ونص
عبد الرحمن كان نايم في الصالة وصحي على صوت الجوال حق رنا طالع في الشاشة مكتوب : توأم روحي .. ترك الجوال وفصل رجع دق ثاني الين وفصل وبعدين ثاني اخذ عبد الرحمن الجوال ورفع السماعة وما قال شي جا يتكلم وصله صوت انوثي مررررررررة يدوخ الواحد لدرجة انو انبكم ما قدر يفتح حلقة
ملاك:نونو ليا نص ساعة ادق عليكي ليش ما تردي هذا وانتي قلتيلي دقي 4 او 4 ونص
عبد الرحمن:لا رد
ملاك عصبت شوي:نونو ليش ما تردي
عبد الرحمن راح بعالم ثاني مع الصوت
ملاك حسبت انو رنا زعلت منها عشان قالت لها نونو لان هيا ما تحب احد يقلها نونو فقالت بهدوء ذوب عبد الرحمن:اوكي رنا خلاص لا تزعلي عشان قلتلك نونو خلاص ما راح اقول نونو
عبد الرحمن مو قادر يتكلم مو عارف ايش يقول
ملاك وصلت معاها وقالت:رنا يا زفت وينك اكلمك
عبد الرحمن ما سوى شي غير انو قال: احم احم
ملاك هنا استوعبت الصوت و مرررة ما جا على بالها يرد اخوها او ابوها سكتت وماردت قالت بصوت يا الله ينسمع وبخوف:رنا
وينك ...؟؟؟!!!!!
عبد الرحمن : رنا نايمة
ملاك عيونها دمعت من الاحراج وقالت:سوري اذا صحيت قولها اتصلت ملاك
عبد الرحمن اللي ما وده يقفل قال:ان شاء الله
ملاك:شكرا باي
عبد الرحمن : باي ...وقفل
عند ملاك اللي وجهها قلب علبة الوان واخر شي استقر على اللون الاحمر عصبت وخجلت من نفسها وقالت:اكيد دحين يقول هذي وحدة قليلة ادب ولا 3 مرة ادق يا ربي وشوي ودموعها تنزل حطت راسها ونامت
على بعد المغرب اتصلت رنا على ملاك وملاك من زعلها منها ما تبغى ترد اتصلت رنا 4 مرات وهي عارفة ايش اللي سار بين عبد الرحمن وملاك فتبغى تراضيها في المرة الــ 5 ردت وما اتكلمت
رنا:مناك والله اسف خلاص والله ما دريت نسيت جوالي في الصالة اعتذر مرة ثانية اسسسسسسسسسسسسسف
.......:لا رد
رنا:منااااااااك لا تزعلي والله ما يهون علي
........:لا رد
رنا:مناكوه تراكي مصختيها اعتذار واعتذرنا تاسف وتاسفنا
مالك:ملاك نايمة
رنا وجهها شب احمرار وسكتت ما صدقت الصوت قالت:هاه طيب اذا صحت قلها رنا اتصلت باي
مالك ماسك ضحكته من الصوت الللي اتير فجاة وقال:طيب مع السلامة وقفل وفكها ضحك وطالع في اخته وقال:حرام عليكي
ملاك:احسن اردلها هيا قال ايش نسيته في الصالة
مالك:هههههههههههههههههههههههههههههههههه طيب كدا خلصت مهمتي فين الــ 150 ريال
ملاك:والله انك اكبر نصاب مو اتفقنا على 100
مالك:يا عمري تفتكري الــ 50 اللي سرقتيها
ملاك:اوووووووووووووف طيب واعطته حق الشغل 150 وراح
بعد العشاء ملاك اتصلت على رنا وردت رنا : الوو
ملاك:هلا رنا يا دبه
رنا : وحدة بوحدة ها انا ايش ذنبي تخلي اخوكي يكلمني ها يا دبه
ملاك:قلتيها وحدة بوحدة خلاص
رنا:الله يسامحك بس
ملاك:ههههههههههه امين المهم فهميني الدرس .. فهمتها كل المواد اللي درسوها هما كدا دايم اللي تغيب تفهم الثانية او اذا كانت حاضرة وما فهمت تفهمها زي كدا صداقتهم هذي من الروضة كانوا صحبات ...
ملاك:تسلمي يا احلى اخــــــــــــــــــــــــــــــــــــــــــــــــ ـــت
رنا:ههههههههههههههه الله يسلمك يا قلبي
ملاك:ااااااااااااااتشوا (عطست ) الحمد لله
رنا : هههههههههههههههههههههههههههههههههههههه يرحمك الله
ملاك : اوكي يا قلبي اشوفك بعد بكرة
رنا:يعني ما راح تجي بكرة
ملاك:اذا شفت نفسي الصبح كويسة ان شاء الله اجي
رنا : ان شاء الله خير يلا شدي حيلك
ملاك:ان شاء الله يلا قلبوشتي باي
رنا:باي...وقفلت
عبد الرحمن:والله انها ذكية صحبتك عرفت تردلك هيا
رنا مسكت الجريدة وصقعت عبد الرحمن فيها وقالت:اذا ما سكتت بالمزهرية اللي ورايا
عبد الرحمن:ههههههههههههههههههههههههههههههههه طيب طيب
الصبح صحيت ملاك كويسة شوي بس امها ما رضيت تروح المدرسة وملاك اصرت وراحت وصلت المدرسة ونزلت ودخلت واول ما شافوها صحباتها سلموا عليها وراحوا وصلت رنا واخذوا بعض بالاحضان ودق الجرس وطلعوا الفصول في فصل رنا وملاك كانت الابلة حقت الراضيات مهي حاضرة فرنا وملاك جلسوا يتكلموا
رنا:تصدقي خايفة نفترق
ملاك:الله لا يقوله
رنا:والله ما ادري
ملاك:اسكتي لاتفكري دحين لسا بدري قدامنها سنتين
رنا:شايفة هذي السنتين اللي تقولي عليها راحت تمر كانها شهرين او اسبوعين مو سنتين
ملاك:ادري بس بهون على نفسي لان الحال من بعضه يا اختي
بعد ما خلصوا الحصص نزلوا الساحة وهما يمشوا ملاك ورنا كان في قدامهم كرتون كبير شوي جات ملاك بتبعدوا عن الطريق الا اتزحلقت على ورا وطاحت على ظهرها وان فقش راسها من ورا واغمى عليها من قوة الخبطة ونزف دم كثير
رنا:مــــــــــــــــــــــــــــــــــــــــــلاك ـــــــــــــــــــــــــــــــــــــــ
البنات كلهم اتجمعوا عليها وجلست رنا على الارض وحطت ملاك على رجلها وسارت تحاول تصحيها رنا:ملاك ملاك تسمعيني وشوي صرخت على البنات قالت:جيبوا موية
البنات راحوا اشتروا لها موية اخذت رنا وكبت في يدها شوي ومسحت على وجهها وسارت تحاول تصحيها بس ملاك خلاص من شدة الالم مهي حاسة باللي حولها جوا المدرسات وشالوها ودخلوها داخل ودقوا على مالك اللي كان في الشغل منهمك في العمل والمصيبة كان في اجتماع وشوي دق جوالها طالع الرقم غريب قال:دقيقة يا جماعة لو سمحتوا وقف وبعد شوي ورد
مالك:السلام عليكم
المديرة:وعليكم السلام
مالك:هلا مين معايا
المديرة:نحنا من مدرسة (......... ........) اختك ملاك صالح ....
مالك خاف قال:ايوا ايش فيها
المديرة:لا ان شاء الله ما فيها الا العافية بس ضروري تجي دحين تاخذها لانها طاحت على ظهرها وان فقش راسها من ورا لازم تنقلها على المستشفى
مالك عيونة طلعت الا اخته الوحيدة قال:يلا يلا انا في الطريق شكرا مع السلامة
المديرة:مع السلامة ... وقفلت
مالك راح عند الاجتماع وقال:اعتذر والله بس اختي مرة تعبانة ولازم انقلها للمستشفى الكل اتفهم الوضع وراح مالك جري وركب السيارة وشخط باسرع شي عنده على مدرسة اخته المعلمات لبسوها العباية والين دحين مهي قادرة تصحى دقت رنا على اخوها من جوال المديرة بعد ما اساذنت منها عشان تروح مع ملاك
رنا:الوو
عبد الرحمن:هلا
رنا:عبد الرحمن وينك
عبد الرحمن خاف قال:انا واقف انتظرك برى ايش فيكي
رنا ودموعها اربع اربع قالت:لا بس ملاك اغمى عليها وبياخذوها على المستشفى فانتظر الين ما يجي اخوها بنروح وراهم على المستشفى
عبد الرحمن : طيب طيب .
رنا:باي
عبد الرحمن:باي . وقفلوا
وصل مالك ومسكت رنا ملاك اللي كانت زي الريشة ووقفتها وبدات تصحيها عشان تساعدها على المشي
رنا : ملاك امسكي نفسك شوي جا اخوكي يلا قومي
ملاك وقفت ومسكت في رنا بقوة وخرجوا الشارع وكل الانظار عليهم مالك بس شاف ملاك جري عندها وشالها وخلها السيارة
رنا:عبد الرحمن يلا وراهم
عبد الرحمن:طيب طيب اركبي ركبوا السيارة ومشيوا وراهم على المستشفى واول ما وصلوا نزلوا ودخلوا ملاك المستشفى وعلى غرفة دخلوها وقعدوا ساعتين جوا وبرى رنا تبكي وعبد الرحمن واقف مع مالك ويتكلموا
مالك:انا ابغى افهم ايش اللي سار
عبد الرحمن:طيب تعال ... وراحوا عند رنا
عبد الرحمن:رنا ايش اللي سار
رنا كانت كاشفة وجهها وكان شكل ها يجنن خشمها احمرؤ بس وقفت بكى قالت:اتزحلت على ظهرها وان فقشت
مالك:من زود الغباء
رنا:لا حرام عليك كان في كرتون وكانت بتبعدوا قامت اتزحلقت
مالك:أي من زود اللقف
رنا : لالالالا حرام
عبد الرحمن:هههههههههههههههههههههههههههههههه شكلكم بتضاربوا ... الا خرج الدكتور وقال:انتوا تقربولها
مالك : ايوا ايش سار عليها
الدكتور:خيطنا لها راسها ودحين راح نسوي لها اشعة نشوف ظهرها
مالك:طيب شوي دق الجوال حق مالك رد:الوو
ام مالك:يمـــة مالك وينك
مالك ارتبك ما عرف ايش يقول قال:والله يا امي ملاك طاحت في المدرسة وديها المستشفى يكشفوا عليها
ام مالك شهقت:يا وييييييييييييييييليييييييييي بنتي
مالك:يمة مو ساير فيها شي هذي عن 10 رجال
عبد الرحمن وورنا طالوا فيه وضحكوا رنا ضربت مالك بشويش وكانه اخوها يعني بسرعة اتعرفوا على بعض كانهم اوخوان
ام مالك ضحكت وقالت:بسم الله عليها بنتي من عيونك
مالك:وي يمة اختي عيني عليهابا ردة ايش بحسدها مثلا
ام مالك:مو كدا قصدي بس طمني عليها طيب
بمالك:من عيوني
ام مالك:تسلم يلا مع السلامة
مالك:مع السلامة
سوو لها اشعة وطلعت سليمة الحمد لله بس راح تتالم في الوقوف والجلوس شوي بس الين ما تخف شوي مالك للدكتور:يا دكتور ممكن ندخل عندها
الدكتور:اكيد اتفضلوا دخلوا مالك ورنا عند ملاك وعبد الرحمن ما رضي ووقف برى يكلم جوال بس ما رضي يدخل معاهم كانت ملاك مسدوحة وماسكه كل شعرها ومغمضه عيونها جلسوا على الكنب بس رنا جلست جنبها وقالت:سلامتك ما تشوفي شر
فتحت ملاك عيونها وطالعت فيها وهيا تتالم وشوي وتصيح من الالم وما هي قادرة تتكلم وما طلع منها غير:آآآآآآآآآآه
رنا بحزن:سلامتك من الاه يا قلبي ايش يالمك
ملاك حطت يدها على ظهرها
رنا:معليه تحملي شوي الين ما يخف الالم
ملاك غمضت عيونها ونزلت دمعه تعبر عن المها
رنا مسحت دمعتها بيدها ... اما مالك مرة حزنان عليها وقف مالك وراح جلس من الطرف التاني عند اخته وقال:ملاك ايش تحسي فيه
ملاك:بموت
مالك:بسم الله عليي من الموت كل هذا الم ما سار
ملاك بصوت مبحوح:انت منت حاسس طيحة خفيفة وتالم ما بالك على ظهرك آآآآآآآه
مالك مسك يدها يهديها شوي شوي نامت اعطوها مغذي عشان مهي راضيه تاكل واضاربت معاهم بعد ما خلص المغذي قامت وقال مالك:ها ترجعي البيت
ملاك هزت راسها بايوا
مالك:يلا ... وراح مالك يشوف اوراق الخروج ورنا لبستها العباية والطرحة وجلسوا شوي دخلوا عبد الرحمن ومالك لقوا رنا وملاك حاضنين بعض ويبكوا اثنينهم
مالك وعبد الرحمن اللي ما طالع في ملاك من يوم ما دخلوا الين ما خرجوا طالعوا في بعض وفكوها ضحك:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه
رنا عصبت منهم وبعديت ومسحت دموعها وقالت:على ايش تضحكوا يا خايبين
عبد الرحمن:على المناحة اللي مسويينها
رنا:والله نسوي اللي نبغا انتوا اصلا
قاطعتها ملاك:ما تعرفوا قيمة الصداقة
مالك:لا يشيخة علمينا
عبد الرحمن:خلاص بعدين علمونا دحين يلا خلونا نمشي
مالك سلم على عبدالرحمن واخذ رقمه وقاله:والله انك رجال والله يخليك لاهلك .... الخ ..ومن هالكلام وودعوا بعض وراح كل واحد لبيته في سيارة رنا وعبد الرحمن
رنا:يا قلبي والله اول مرة اشوفها بالشكل هذا اللي فيها مكفيها
عبد الرحمن:ليش ايش فيها بعد
رنا:مسخنة وملتهب حلقها وعندها كحة
عبد الرحمن:وليش جات
رنا:والله ما ادري امها قالت لها لا تروحي بس ما سمعت الكلام
عبد الرحمن:عشان كدا امها كانت تحس انو بيسير لها شي بس انتوا يالبنات عقولكم مصدية
رنا:نعم نعم نعم
عبد الرحمن:نعم الله عليكي ايوا والله عقولكم مصدية
رنا:والله مدري مين اللي عقله مصدي
عبد الرحمن:لا يشيخة بس تصدقي
رنا:شنو
عبد الرحمن:ما طالعت في وجهها حتى
رنا:يا عيني يا عيني من متى وانت ما تطالع البنات
بعد الرحمن ضحك وضربها بشويش في راسها وقال
:والله حتى ما كنت ابغى ادخل بس استغربت من اخوها لمن اصر علي دخلت
رنا:هذي ملاك غير البنات ترى
عبد الرحمن:وليش ايش ميزتها تطير
رنا: لا تتريق
عبد الرحمن: ايش
رنا: تكشف على خلق الله كلهم بس اذا خرجت الشارع تغطي واذا دخلت أي مكان تكشف لو مين كان موجود
عبد الرحمن:والله
رنا:أي والله ابوها عنده عادي
عبد الرحمن:وهي
رنا:عادي اتعودت اصلا بس اذا خرجت مثلا الشارع او مكان عام لا ما تكشف اذا دخلت بيت او استراح او قاعة او أي مكان تكشف حتى لو كان في رجال
عبد الرحمن: غريبة هذي البنت
رنا:ادري بس ما اقدر اتركها
عبد الرحمن:ههههههههههههههههههه شكلها سحرتك
رنا:مو كدا دايم مع بعض والله خايفة نفترق دايم كذا نبكي في المدرسة
عبد الرحمن:اللي يشوفكم يقول داخلين من الروضة للثنوي مو من المتوسط للثنوي
رنا:هههههههههههههههههههههههههههههههههههههه
عند مالك وملاك وصلوا البيت ودخلوا
مالك:يممممممممممة وصلنا
جات تركض ام مالك واخذت بنتها وحضنتها وباستها
مالك:دايم دايم دايم ملاك تغطي على المسكين مالك ولا كاني موجود زيي زي الجدار صح
ام مالك:لا وي بسم الله عليك تعال يا بعد قلبي واخذتهم ودخلتهم داخل ملاك يالله تمشي وبالقوه جلست عشان ظهرها جا ابوها وسلم عليهم وجا محمد وجلس يستهبل على ملاك
[/SIZE]

تاج لولو ©؛°¨غرامي جديد¨°؛©

محمد:مالك
مالك:هلا
محمد:من دحين اقلك راح نسير خدم عند اختك
مالك:عارف يا اخوي عارف بس ايش نسوي
ملاك:محمد
محمد:بدينا يا نعم
ملاك:عطشانة
محمد:يعني
ملاك:جيب لي موية
محمد:اذا تكسرت رجولك جبت لك
ام مالك:محمد
محمد:انا لله وانا اليه راجعون طيب..قام مسكين وجاب لها مويه بعد دقيقتين ملاك:محمد
محمد:نعم
ملاك:جيب لي ثلج وحطه في كيس واعطيني هوا
محمد:ان شاء الله ...وقام جاب لها اللي تبغاه واعطاها
بعد 5 دقايق ملاك:مالك
محمد:جاك الدور
مالك:خير
ملاك:خذ (اعطته ورقة ) يقول الدكتور هذا لازم تشتريه لي
مالك:يوووووووووووووو العصر اشتريه لك
ملاك:بس لازم دحين عشان ادهن ظهري
اخذ مالك منها الورقة بقوة ووقف وراح جابها ولمن رجع اعطاها الدواء وقال:امسكي
اخذت ملاك الدواء وحطت الكيس جنبها شوي
ملاك:مالك
مالك:خير
ملاك:نسيت شنطتي في السيارة جيبها لي فيها اكل اخاف يخرب
مالك:خليه يخرب
ملاك هيا تعرف نقطة ضعفه قالت وهيا تلعب بحواجبها:لو خرب راح يعفن السيارة
وقف مالك بسرعة وقام بسرعة جابلها الشنطة واعطاها هيا بعد 5 دقايق
ملاك:محمد
محمد عينه على التلفزيون هوا ومالك :هممممممممممم
ملاك:مالك
مالك:هممممممممممممممممم
ملاك:طلعوني ماني قادرة اوقف
التفتوا لها وهما رافعين حواجبهم وقال مالك:هذا اللي ناقص
محمد:ما بقى غير نشيلك
ملاك عجبتها الفكرة وقالت:ايوا والله يا ريت
ام مالك وابو مالك بالقوة ما سكين ضحكتهم
مالك:لا تصدقي نفسي لو كلك تتكسري محنا شايلينك
ملاك:طيب بس ساعدوني طلعوني
محمد جات في باله فكرة طالع في مالك وغمز له مالك عرف انو يخطط فغمز له
مالك:طيب
محمد:راح ساعدك بس بشرط
ملاك:ايش
محمد:انا250 ومالك 250 ريال
ملاك عيونها طلعت قالت:والله انكم نصابين 250 انا فين وانتوا فين ونعم الاخوان صراحة
مالك:نحنا عرضنا عليكي خدماتنا و انتي رفضتي
ملاك : خلو خدماتكم لكم مع نفسكم ووقفت بالقوة وسارت تمشي الين ما وصلت الدرج وطلعت واخذت ربع ساعة الين ما وصلت غرفتها تطلع درجتين وتوقف درجتين وتوقف دخلت غرفتها وهيا شوي وتموت من التعب لقت 3 اتصالات من رنا و4 من صديقاتها الثانين شوي الا دقت رنا
ملاك:الوو
رنا:بدري
ملاك:سوري الجوال كان في الغرفة وانا من اول في الصالة
رنا:اها كيفك دحين
ملاك:بموت الله ياخذهم الحيوانات اللي تحت
رنا عرفت انها تقصد اخوانها ضحكت وقالت :ايش سوولك
ملاك:اقلهم ساعدوني طلعوني للغرفة الا يقولولي كل واحد يبي ياخذ 250 عشان يطلعوني
رنا:هههههههههههههههههههههههه نصابين
ملاك:مو اخوان حرامية
رنا:معليه
ملاك:اووووووف شكلي بطول اذا جلس ظهري يالمني كثير
رنا:تطولي على ايش
ملاك:اقصد اني ما اجي المدرسة
رنا:اها يا شيخة خلاص بكرة ثلاثاء لا تجي والاربعاء لاتجي وعندك خميس وجمعة
ملاك:ان شاء الله يكفوا
رنا:السبت اختبارات لا تنسي
ملاك:وهذا شي يتنسي
رنا:يلا اكلمك بعدين بنام
ملاك:تصبحي على خير
رنا:وانتي من اهل الخير باي
ملاك:باي...وقفلت وناااااااااامت
بعد مرور عدة ايام اليوم ما قبل الاخير للاختبارات
في سيارة ملاك ومالك
ملاك اخذت جوالها معاها المدرسة في الطريق تكلم رنا
ملاك:يا الله خايفة
رنا:خلاص لا تخافي عادي
ملاك:ما شاء الله لي ش انا مني خايفة زيك
رنا:مين قال انو انا مني خايفة بس باخفف على نفسي عبد الرحمن جنب رنا ما قدر يمسك نفسه وفكها ضحك لدرجة الصوت وصل لملاك ومالك
ملاك:ايش فيه اخوك انهبل
رنا:تقدري تقولي
ملاك:ههههههههههههههههههههههههههههههههههههه
رنا:اذا وصلت اكلمك طيب يلا باي
ملاك:باي..وقفلت وصلوا ودخلوا المدرسة و بعد نصف ساعة كانوا في مقاعد القاعة حقت الاختبار وكل وحدة متحمسة وخايفة في نفس الوقت خلاص بكرة اخر يوم بعد 3 ساعات الكل خلص واول وحدة ملاك خلصت وطلعت من القاعة وبعدين رنا واتقابلوا وحضنوا بعض يضحكوا رنا:ملاك
ملاك اللي كانت مبسوطة:هلا
رنا:انا مضطرة اقلك هذا الشي
ملاك هدت وقالت:ايش في
رنا:راح ننقل من بيتنا بس بابا قال امكن وامكن (قصدها امكن ينقولوا وامكن ما ينقلوا من المدرسة)
ملاك اختفت الابتسامة من فمها وسكتت وشوي حضنوا بعض وبكيوا
رنا:بس ان شاء الله ما ننقل
ملاك:ان شاء الله
اليوم اللي بعده نفس الحال بس اخس والعن وكل البنات يبكوا رنا:ملاك لا تنسيني واتصلي علي داااااااااااااااااايم
ملاك:اكيد
رنا:بليز تعالي بيتنا بيتكم قريب مننا مرة
ملاك:ان شاء الله
وبعد كم ساعة كل واحد اتجه على بيته
ثاني يوم من ايام الاجازة عائلة ابو مالك وابو عبد الرحمن استاجروا لهم كباين في شالية مررررررررة حلو اخذوا كبينتين قريبة من بعض وبعيدة عن الكباين الثانية شوي والجهة اللي ماخذين فيها ما فيها ناس كثير عشان ياخذوا راحتهم راحوا هناك ووصلوا الساعة 11 ليل فكانوا تعبانين رتبوا الملابس والحاجات لانهم بيقعدوا اسبوع هناك رتبوا وخلصوا وحطوا راسهم وناموا على الساعة 12 الكبينتين كانت هادئة ملاك طنشت الكل من الساعة 11 نامت كانت تعبانة حيييل قامت الصبح الساعة 7 حاولت تنام ثاني ما قدرت صلت ورتبت حاجات ها واخذت الجيتار اللي ما تقدر تفارقة في اماكن زي كدا ونزلت تحت قدام البحر كانت لابسة بلوزة حمراء طويلة للركب و كم حيران ما تحب اللي البلوزة اللي كمها طويل وبنطلون اسود وطرحة سودا ونزلت قعدت قدام البحر ما كان احد صاحي فتحت الطرحة وانفرد شعرها وبدات تعزف بصوت خفيف وبشويش عشان محد يصحا غنت اغنية وبدات في الثانية وخلصتها ومهي حاسة باللي طلع من البلكونة وجلس يستمع لها شوي نزل لها تحت وجلس وراها وهي بدات تعزف لمن خلصت حست بظل جنبها التفت شافت عبد الرحمن مبتسم لها ويصفق لها على شطارتها وقام جلس جنبها هي مرة منحرجة منه من اول يسمعها
ملاك:من متى انت هنا
عبد الرحمن:من يوم ما بداتي تغني
ملاك لفت وجهها اللي حممممممممر
عبد الرحمن:ايش فيك ما قلنا شي
ملاك:هههههههه
عبد الرحمن تنح مع ضحكتها
ملاك:انت تشتغل
عبد الرحمن:يب (اللي هو ايوا)
ملاك:ما شاء الله وين
عبد الرحمن:بالشركة مع الوالد
ملاك:اها ما شاء الله
عبد الرحمن:ايش ناوية تسيري
ملاك:يا دكتورة يا مهندسة ديكور
عبد الرحمن يحب القسمين كلهم فضحك وقال:زيي حتى انا ان شاء الله هندسة ديكور
ملاك:أهـــــــــا حلو مثلي
عبد الرحمن:ههه انت اللي مثلي انا اكبر منك
ملاك:يا سلام
عبد الرحمن:هههههههه راح نتضارب صدقيني
ملاك:اجل دقيقة بقوم اشرب مويه عشان يكون فيا طاقة للكلام
عبد الرحمن:هههههههههههههههههههههههههههههههههههههه
ملاك ضحكت وقامت شربت مويه رجعت بس ما خلته ينتبه لها كان جالس يعزف وكل شوي يغلط ويعيد وقفت ملاك الا هوا حس فيها ولف عليها عبد الرحمن:ايش فيكي واقفة تعالي
ملاك:طيب...وراحت جلست جنبه ملاك:أيش كنت تعزف
عبد الرحمن:هههههههه امانة ما عرفتي الموسيقى
ملاك:لا والله بس كاني سمعته قبل كدا
عبد الرحمن:موسيقى حقت سنوات الضياع
ملاك:الااااااااااااااااااااااااااااااا صح وااااااااو ما شاء الله عليك حلوه حلوه علمني
عبد الرحمن يهديها : اسكتي اسكتي بشويش راح يصحوا الناس
ملاك بصوت واطي:ههههههه سوري بس انا اموت على هذا المسلسل
عبد الرحمن:هههههههههههههههههه .. وعزف لها الاغنية وعلمها هيا وملاك مبسوطة على الاخر انها اتعلمتها شوي
عبد الرحمن:تعرفي ايش نفسي
ملاك:ايش
عبد الرحمن:اطب في البحر والله شكله جنان
ملاك:لالالالا لا تنزل
عبد الرحمن باستغراب : ليــــــــــــه
ملاك:والله المويه باردة
عبد الرحمن:وهذا شي حلو
ملاك:والشمس شوي حارة
عبد الرحمن:احلى شي عشان اتشمس
ملاك ببراءة:وبارد في حار راح تمرض
عبد الرحمن بخبث:يعني تخافين علي
ملاك وجهها اتلون الوان مائية وفي النهاية وقفت وهي مبتسمة وسحبت الجيتار حقها وضربت عبد الرحمن بيدها بشويش وقالت:قليل الادب تفهم كل شي بالشقلوب
عبد الرحمن:ههههه تعالي
ملاك من الحيا معد تبغى تجلس ومشت وقالت:ما ابي
عبد الرحمن :ههههههههههههههههههههههههههههههههههه وفي قلبه : واااااااااااه يا نااااااااااااااااس فديتها تهببببببببببببل ااااااااااااااه يا قلبي تستحي بعد وهذا اللي ناقصة أنا يا قلبــــــــــــــــــــــــــــــــــــــــــي .
بعد مرور 4 ايام في الكبينة حقت ابو مالك كانوا موجودين عائلة ابو عبد الرحمن
مالك لعبد الرحمن:تقوم نتسبح
عبد الرحمن اتحمس قال:يلا وايش اللي يمنعنا
مالك:اجل يلا نقوم نلبس ...... وقاموا لبسوا شورت و كانوا ما راح يلبسوا تيشيرتات بس امهاتهم اصروا عشان الشمس وكل شوي يجي هواء يعني الجو متقلب شوي بارد وشوي حار لبسوا شورت وتيشيرت عبد الرحمن كان لابس شورت اسود وفيه شكل كور منثرة في نفس الشورت لونها ابيض والبلوزة بيضة وفيها رسمة لاعب باللون الاسود اما مالك كان لابس شورة اسود سادة وبلوزة بيضة سادة بس كان شكلهم يجنن بالذات عبد الرحمن الملابس مبينة عضلاته خرجوا مالك وعبد الرحمن يسبحوا وخرجوا الرجال والحريم يتفرجوا ما يقدروا يجلسوا لازم يتفرجوا خرجوا ووقفوا يشوفوهم مالك نزل اما عبد الرحمن قال:شوفوا انا راح اجري وحنط في البحر عشان اذا كانت المويه باردة يكون قيدي دخلت
الكل: طيب . (ما كان في حجار مرة البحر صافي)
رجع ورجع ورجع ورجع عبد الرحمن على وراء وجري بأقصى سرعة عنده وبعدين اول ما وصل لطرف المويه وقف الكل صرخ:لييييييييييييييييييييييييييييييييييه وقفـــــــــــــــــــــــــــــــــت
عبد الرحمن يستهبل خلى الكل يضحك عليه:اخاف المويه باردة
الكل:ههههههههههههههههههههههههههههههههههههههههههههه هه
كااااااااااااااااااااااااااااااااااااااااااااااااا ااااااااااااااااااااااااااااااااااااااااااااااك
عبد الرحمن جري مرة ثانية ونط في البحر والمويه كانت دافية حلوة جلسوا يسبحوا الين الساعة 5 العصر من 1 الظهر الين 5 العصر طبعا لون عبد الرحمن سار مو يجنن يهبل لون البشرة سارت برونز يجنن عليه اما مالك ما اثرت الشمس فيه طلعوا
رنا:الله عبد الرحمن لونك يهبل عطيني اياه
عبد الرحمن:ههههههههههههههه لالالالالا مو حلو عيكي بس علي
رنا:لاتصدق نفسك
ملاك:رنا قومي نتمشى
رنا:يلا ... وساروا يتمشوا وما حسوا بعمرهم انهم بعدوا ويمشوا ويمشوا ويمشوا في النهايه لفت ملاك على رنا وقالت
:عشطانة امشي نرجع
رنا:يلا وبس لفوا انصدموا
ملاك بخوف:نحنا مشينا دا كله
رنا شهقت بخوق : هيييييييييييييييييييييييييييه يا ويلي الحين أي وحده من هذولي كبينتنا
ملاك:والله ما ادري والمصيبة ما في ناس يعني لو جا احد شالنا محد راح ينتبه لنا
رنا : يا ويلــــــــــــــــــــــــي
ملاك:امشي وانتي ساكتة وهما ماشيين سمعوا صوت اولاد وراهم
ملاك:شهقت ورنا دموعها نزلت ملاك كانت حاطة الطرحة على اكتافها ومافي مجال تتغطى خلاص شافوها وهمها الوحيد يبتعدوا عنهم
الولد الاول:يا هلا بالغلا والله نورتوا الشالية
الثاني:كيف الحال والله اول مرة نشوفكم
الاول:انتووا اول مرة تجوا هنا ولا ايش
الثاني:طيب ما عرفتونا عليكم
الاول: غريبة ليش ساكتين
ملاك بصوت واطي بس وصل للاولاد :حشى كانهم بالعين راديوا
رنا : هههه اسكتي ترى والله يسمعونا
ملاك:طيب طيب
الاول:ليش تتكلموا بشويش ارفعوا صوتكم
الثاني:أي والله
الاول:طيب عطينا نظرة يا حلو
ملاك بدأت تخاف ورنا بدأت تتنرفز
رنا:راح اقوم عليه
ملاك:امسكي نفسك شويتين
رنا:مني قادرة كلامهم ينرفز ويلوع الكبد
ملاك:معليه تحملي
الثاني:طيب اذا خايفين احد يشوفكم تعالوا سيارتنا ناخذكم لفة ونرجعكم
الاول:وبالمرة نوريكم كبينتنا
رنا وصلت معاها لفت واعطت الاول كف جامد
ملاك صرخت على رنا:رنـــــــــــــــــــــــا لالالالالالالالالالالالالا
الاولاد طلعوا عبد الرحمن و مالك ورنا اعطت مالك كف
مالك وعبد الرحمن فكوهاضحك:ههههههههههههههههههههههههههههههههههههههههه ههه كااااااااااااااااااااااااااااااااااك هههههههههههههههههههه خخخخخخخخخخخخخخخخخخخخخخخخخخ هع هع هع هع هع هع هع هع هع هع هع هع هع هههههههههههههههههههههههههههههههه
عبد الرحمن يصفق لرنا اللي اتفشــــــــــــــــــــــــــلت ونزلت راسها
عبد الرحمن:ما شاء الله من متى وانتي تطعي الاولاد كفوف
رنا:الله يحرقكم ان شاء الله
ملاك انقهرت من اخوها وعبد الرحمن وعصبت لفت ومشيت وسابتهم
عبد الرحمن يكمل : وين رايحة يالحلوة
مالك:هههههههههههه ترى راح تبكي من الزعل
عبد الرحمن:افا وليه
مالك:ما قلت لك اختي ما تحب هالحركات حتى لو كان مزح
عبد الرحمن:خليك انا بنفسي بروح ارضيها عشان تستحي وترضى
مالك:طيب ... راح عبد الرحمن ورنا كان شكلها يجنننننن وهي مستحيه
مالك جلس يطالع فيها
رنا:انا انا اممممممممممممم انا اسف والله ما قصدت بــ....
مالك قاطعها وهو يضحك:هههههههههههههههههه لالالا عادي بس ما شا الله من وين جاتك الجراة
رنا ابتسمت : والله مدري بس نرفزتوني وعصبت
مالك:وانتي كل ما تتنرفزي وتعصبي تعطي كف
رنا:هههههههههههههههههههه لالالا اول مرة اصلا امد يدي على احد واكرر اعتذاري
مالك:لا عادي قلتلك انا زي عبد الرحمن مثل اخوكي ما في مشكلة
رنا ابتسمت وسكتت
مالك:امشي نجلس ننتظرهم يجووا تبغي شي من الكفتريا اللي هنا بروح اشتري واجيكي
رنا:بايسن وبس تسلم
مالك:الله يسلمك ... وراح قبل لا تعطيه رنا الفلوس .. اما عند عبد الرحمن وملاك عبد الرحمن سار يجري الين ما وصل لها
عبد الرحمن وقف قدامها وسار يلهث ورفع راسه وطالع فيها:وقال : وقفي ليش تمشي سريع لي نص ساعة اناديكي ليش ما تردي
ملاك طالعت فيه وسكتت ما قالت شي بس انها بعدت عنه ومشت عبد الرحمن مسكها من يدها وسحبها ووقفها قدامه
عبد الرحمن كان ماسك يدها لمن طالعت في عينه ترك يدها
ملاك:يا نعم وش تبي
عبد الرحمن بابتسامة : انتي زعلانة
ملاك:أي عندك مانع
عبد الرحمن:لا دواس هههههه ( مسلسل )
ملاك : هههه زي وجهك
عبد الرحمن مطول باله قال:ليش زعلانه عشان العبط اللي قبل شوي اسف وحقك علي لا تزعلي بس سمو الاميرة ملاك
ملاك ابتسمت له وما قالت شي
عبد الرحمن بابتسامة شقت حلقه : رضيتي
ملاك ضحكت على شكلة وقالت : أي رضيت
عبد الرحمن:أي الحمدلله ......شوي مروا من جنبهم شلة بنات تقريبا 5 كلهم لابسين شورت نص الفخذ وبليز توب من دون اكمام ومبينه نص بطنهم تفضح اكثر مما تستر وما لها داعي الملابس اصلا
وكلهم يتميلحوا عند عبد الرحمن عبد الرحمن ما يطيق الاشكال اللي زي كدا هنا بدأت تشتغل الغيرة عند ملاك بس ما بينت بس عبد الرحمن حس عليها ومو عارف كيف يصرف البنات طالع في ملاك بخبث وقال:أي حبيبتي وين تبينا نروح شهر العسل
ملاك عيونها طلعت طالعت فيه وقالت بصوت واطي:وشـــو
عبد الرحمن مستانس انو يتغزل فيها وطنشها ولا كنها ساته وقال:ها ما قلتيلي وين تحبي
ملاك بشويش:عبد الرحمن ايش فيك
عبد الرحمن : ما فيني شي حبيبتي الا صح اذا جانا ولد ايش بنسميه
ملاك خافت وقالت:انت هي بدات تخرف
عبد الرحمن قرب منها وهمس في اذنها:اقول ايش فيكي مو عشان شي عشان البنات اللي وراك يروحوا عن خلقي ما احب البنات اللي بالاشكال دي ابد
ملاك دوبها تستوعب وافتكرت الكلام وحمر وجهها وسكتت
عبد الرحمن رجع يكمل:ها وين قلتي اختاري لندن – باريس – اياطليا – بريطانيا - فرنسا وين يا بعد قلبــــــــــــي (وشدد على الكلمة )
وحدة من البنات:اوف شكلة متزوج
الثانية:يا حظها زوجته
الاولى:يهبل لو يرضا لي اتصور معه كنت اتصورت
ملاك شوي وتنفجر من العصبية ومستحية في نفس الوقت
عبد الرحمن:ها ما قررتي
ملاك تجاريه وبس:لا والله انا اشوف اذا رحنا البيت نقرر
عبد الرحمن:على راحتك حبيبتي
ملاك:عبد الرحمن خلاص يكفي غزل ترى البنات عرفوا اننا متزوجين بس يكفي تراني استحي بعد
عبد الرحمن:لساعهم ملطوعين ما تحركوا شبر من مكانهم
ملاك:الله يا خذهم
عبد الرحمن بخبث ورفع صوته عشان يسمعوا:ايش رايك ببوسة
ملاك استحت ووجهها حممممممر وقالت : ايش رايك بكف يخرب كل التمثيل هذا
عبد الرحمن:لالالالالا خلاص امزح ههههههههه
ملاك ضحكت معاه
شوي عبد الرحمن طالع لسا واقفين قال:لو سمحتي انتي ويا ها ممكن تتحركوا ابعطي زوجتي بوسة واعتقد انو هذا من حقنا واننا لازم ناخذ راحتنا
ملاك دمها فار وقرصت عبد الرحمن في يده بس هو ما حس وهي كانت معطيه البنات ظهرها ما شافتهم
البنات داخوا لمن كلمهم عبد الرحمن بس انقهروا لمن قلهم بوسة وما بوسة فاتحركوا
عبد الرحمن:ههههههههههههههههههههههههههه كااااااااااك لو تشوفي وجيههم
ملاك معصبة شوي:ولا ابغى اشوف قفاهم حتى
عبد الرحمن:هههههههههههههههه .. وقال وهوا كاشفها : تغاريييييين
ملاك اختبصت وقالت لارتباك:من منو اغار وعلى منو اغار
عبد الرحمن:من هم تغارين وعلي تغارين
ملاك:انا ما قلت
عبد الرحمن:بس عيونك تقول
ملاك:ما لك شغل في عيوني ......
عند مالك ورنا
مالك:اقول شكلهم مهم ناويين يجونا خلينا نروح لهم
رنا :يلا وهما يمشوا مالك بمزح رش على رنا مويه قامت رنا رشت عليه وسار كل واحد يرش على الثاني الي ما ساروا مغرقين بالمويه وكانهم تروشوا او تسبحوا وراحالهم وهما يضحكوا
ملاك ما انتبهت لهم عبد الرحمن انتبه لهم وفكها ضحك :كااااااااااااااااك هخهخهخهخهخهخهخههخهخهخهخهخهخخهخهخهخخهخهخهخهخهخهخههخ هخهخهخهخهههههههههههههههههههههههههههههههههههههههه
ملاك:ايش فيك
عبد الرحمن ياشر عليهم
ملاك هي الثانية فكتها ضحك :ههههههههههههههههههههههههههههه هههههههههههههههههههههههههههههههههههههههههههههههههه هههه
وصلوا عندهم مالك:لا تضحكوا
ملاك وعبد الرحمن:ههههههههههههههههههههههههههههههههههههه
ملاك:مالك ايش اللي سار
مالك:صحبتك محد يمزح معاها رشيتها رشتني رشيتها رشتني في النهاية اتغرقنا بالمويه
ملاك:ههههههههههههههههههههههههههههههههههههههههههههه هههه
وشوي نزل مطر كدا فجاة رعد وبرق ومطر
ملاك:يا سلام مطــــــــــــــــــــــــــــــــــــــــــــــــ ــر
عبد الرحمن:هههههههههههههه أي والله اني احب المطر
مالك:احسن عشان ما يخاصمونا امهاتنا لوحدنا انتوا كمان لازم تتخاصموا معانا
رنا:ما راح يخاصموا راح نقلهم نزل مطر وقعدنا تحت المطر عادي
ملاك:صــــــــــــــــــــــــــــــــــــــــح ههههههههههههههههه قعدوا ساعة برى وبعدين خرجوا الحريم هزؤوهم ودخلوهم وهما يضحكوا غيروا ملابسهم و اتنظفوا وكل واحد بعد كم يوم رجع على بيته
بعد اسبوع سارت مصيبة محد اتوقعها
ملاك اتصلت على رنا
ملاك وهي تبكي:الوو
رنا اللي كانت جالسه مع اهلها في الصالة :هلا ملاك
ملاك:رنا الحقيني رنا ...وسارت تبكي وتشهق
وقفت رنا وصرخت والكل التفت لها:ملاك ايش فيكي
ملاك لا رد تبكي تبكي الين ما انقطع الصوت
رنا:ملاك ملاك ملاااااااااااااااااااااااااااااااااااااااااااااااا اك
&&&&&&&&&&&&&&&&&&&&&&&&&&&&&&&&


تاج لولو ©؛°¨غرامي جديد¨°؛©

يلااااا ابا ردوووود ولا ما اكمل

شَغَفْ ! ©؛°¨غرامي فعال ¨°؛©

Nooooooooooooooooooooooo

كمممممممممممممممممممممممملي لا توقفي هناااااااا

آآآآآآآآآآآآآآآآآآآآآآآه تقهري

متى البااارت الجاااااي

ننتظررررررررررررررررررررررررررررررررررررررررررك على شمس مو جمر

هههههههههه

ودي A.F

تاج لولو ©؛°¨غرامي جديد¨°؛©

الجزء الثاني
7
7
7
7
7
7
7
7
7
7
7
7
7
7
7
7
7
7
7
7
7
7
7
7
ام رنا تعرف ملاك وامها مرررررررة فخافت وراحت عند رنا وقالت:ايش فيها
رنا بدات ترتجف وقالت:ما ادري كانت تبكي وفجاة اختفى صوتها راح راح وين راحت ملاك
ام رنا:قومي البسي عبايتك نروح لها بسرعة
نطت رنا ولبست وراحوا (رنا وام رنا وعبد الرحمن لبيت ابو ملاك عبد الرحمن اتصل على مالك ما يرد وصلوا البيت نزلوا دقوا الجرس مرة مرتين ثلاثة محد رد عبد الرحمن ما زال يتصل وام رنا تتصل على ام ملاك وما ترد ورنا تتصل على ملاك ما ترد والبيت مشغول بدؤوا يقلقوا شوي عبد الرحمن قالهم: بعدوا عن الباب .... بعدوا رجع على ورا ودف الباب وانفتح لانه ما كان مقفول كويس دخلوا البيت رنا وام عبد الرحمن دخلوا البيت عبد الرحمن ما دخل
رنا شافت ملاك طايحة مغمى عليها صرخت وجريت لها هزتها الين ما صيحت وقالت رنا:ملاك ملاك ايش فيكي
جات ام رنا وجلست جنبهم
ملاك وهي تبكي قالت: امي وابوي راحوا راحوا
رنا:وين
ملاك:ماتوا ماتوا
ام عبد الرحمن خافت واخذتها لحضنها ومسحت عليها وقريت عليها لين ما نامت شوي دق التلفون رفعت السماعة ام عبد الرحمن
المتصل:الوو
ام عبد الرحمن:هلا
المتصل:هذا بيت (صالح عبد الله .................)
ام عبد الرحمن:ايوا
المتصل:نحنا مستشفى (........ ............)صالح وحرمته عندنا في المستشفى في العناية المركزة >> كدا مره وحده عطاها الجمله بغى يجلطها الاهبل خخخ
ام عبد الرحمن ارتجفت ووقف شعر جسمها وقالت:نحنا في الطريق ... وقفلت في وجه الرجال وطالت في رنا وقالت:لبسي ملاك العباية وعلى السيارة
رنا:طيب .... طلعت جابت عبايت ملاك ولبستها وعلى السيارة شخطوا على المستشفى لمن وصلوا دخلوا ملاك غرفة ورنا عندها وعبد الرحمن وام عبد الرحمن وابو عبد الرحمن ورشا ورفا جوا على المستشفى والكل هناك شوي خرج الدكتور وقالهم الخبر اللي فجعهم موت ابو ملاك وامها وطبعا هما مرة حزنوا وخافوا لا يوصل الخبر لملاك كلهم اتجهوا لغرفتها وهما حزنانين وقالوا لرنا وعبد الرحمن وطبعا حزنوا بعد ما فاقت ملاك دخلوا لها رفا ورشا ورنا وام عبد الرحمن وعبد الرحمن وابوه اتصلوا على مالك اللي ما عرف الخبر الا لمن جا على المستشفى وكان محمد معاه
محمد مصدوم ومو قادر يستوعب فكرة انو امه وابوه ماتوا طالع في اخوه الا مالك حضنه ومحمد ما قدر يمسك نفسه وبكي طبعا من حقه ومو حرام الين ما هدى دخلوا عند اختهم وعبد الرحمن وابو عبد الرحمن كلهم دخلوا الغرفة امتلت مع انها كبيييييييييييييييرة بس امتلت ضيق وحزن ملاك عرفت وما صدقت ولا استوعبت وطول وقتها ساكته وما تبكي واللي محد صدقه شجاعتها يوم قالتلها رنا ردت عليها:ماتوا عادي كلنا راح نموت
في البداية رنا شكت انها تجننت بس بعدين عرفوا انها قوية وقدرت تتحمل بس ممكن في أي وقت تنهار كانت مسدوحه وماسكه شعرها ديل حصان ومعطيه ظهرها الرجال بس مالك كان قدامها
ملاك:مالك
مالك:عيونه
ملاك:ايش راح يسير فينا راح نضيع
مالك:لا ما راح نضيع ما راح نقعد هنا في السعودية بنسافر برى
ملاك طالعت فيه بصدمة وقالت:لا و1000 لا
مالك:وليه
ملاك:بس ما ني سايبة السعودية تفهم
مالك:طيب عطيني سبب واحد
ملاك:ما اقدر اسيب صحبتي رنا
مالك ابتسم وحب يستهبل عليها وقال:البنت طفشت منك
رنا سمعته وقالت:لا تجيب كلام من عندك ملاك توام روحي ما اقدر افارقها
ملاك طالعت في مالك بمعنى شفت
مالك:طيب كيف انا اتصلت على صاحبي وحجز لنا
ملاك:روح الله معاك وخذ محمد معك اذا يبغى يسافر
مالك:وانتي
ملاك:بعيش هنا حتى لو قعدت لوحدي في البيت ما يضر
مالك:لا يشيخة انتي بتنجني
ملاك:انا قلتلك سفر ماني مسافرة
مالك:يعني ايش اجيب لك مربية
ملاك:أي جب لي مربية
مالك:صدقتي انتي يا طولك وعرضك اجيب لك مربية وبعدين انسي فكرة اني اسافر واخليكي
ملاك:وانت انسى فكرة اني اسافر واخلي بلدي
مالك:يعني والحل
ملاك:ابغى ارجع البيت الحين
مالك: طيب اقوم اكلم الدكتور واجيكي طلع وطلع معاه عبد الرحمن
ملاك: طيب....قام مالك وطلع وجات رنا وجلست جنبها وجلسوا يطالعوا في بعض شوي قالت ملاك : رنا
ملاك:هلا
ملاك:رنا انا يتيمة
رنا سكتت وشوي قالت:طيب يعني مو اول وحدة ولا اخر وحدة
ملاك:رنا انتي تفهمي ايش يعني يتيمة يعني ما عندي اب وفوقها كمان ما عندي ام وبدات دموعها تنزل
جات ام عبد الرحمن وجلست جنبها وقالت:ولا تزعلي انا امك
وجا ابو عبدالرحمن وقال:وانا ابوك
ابتسمت ملاك وسارت تبكي زيادة
رنا:الحين ليش تبكي
ملاك:من الفرحة
رفا : وانا ورشا اخواتك
ملاك:والله انكم احلى عائلة ما تتبدل
ام عبد الرحمن : تسلمي
رنا تبغى تضحكها قالت: وتسمني
ملاك:بسم الله عليا هههههه
خرجت ملاك من المستشفى وراحوا على بيتهم دخلوا البيت وهما حزنانين ومكتئبين بكرة اول ايام العزا
اليوم اللي بعده بدؤوا الناس يجوا من الصبح الساعة 9 الاقارب طبعا عشان يشوفوا ام مالك وابوه رنا واهلها جو من الساعة 9 رنا ورفا ورشا راحوا عند ملاك جلسوا معاها الين ما هدوها وبعدين قاموا يستقبلوا الناس ام مالك ما عندها اخوات بس اخو واحد وابو مالك لا اخوان ولا اخوات فطبعا مرررررررة تعبوا وبمساعدة الخدم ف التعب خف الساعة 10 جابوا ام مالك وابو مالك يودعوهم وطبعا انواع البكي اللي جو خالات ام مالك وخيلانها وعماتها وعمانها ونفس الحكاية مع ابو مالك وصحباتهم واصحابهم خلص اليوم الاول باتوا عائلة ابو عبد الرحمن في بيت ابو ملاك وبعد مرور اليومين الثقيلة عليهم كانت ملاك وام عبد الرحمن صاحيين الساعة 9 الصبح يشربوا قهوة
ملاك طالعت في ام عبد الرحمن وقالت لها:ممكن اناديكي مامي
ام عبد الرحمن فرحت وقالت:اكييد من كل قلبي
ملاك:انا مني عارفة كيف اشكركم صراحة انتوا عائلة محترمة وقفتوا معانا وساعدتونا و كمـــ....
ام عبد الرحمن قاطعتها بحنية:لاتقولي كدا انتي بنتي وانا امك
قامت ملاك وحضنت ام عبد الرحمن وجلست جنبها ومسحت دموعها اللي نزلت غصب عنها
شوي صحيوا رنا و رفا و رشا الين ما صحا الكل الرجال في مجلس والحريم في مجلس وبعدين على الليل راحت عائلة ابو عبد الرحمن واجتمعوا
مالك ومحمد وملاك
مالك:ها ملاك نسافر
ملاك:انا عطيتك قراري من زمان وهوا لا ومستحيل اغيرة
مالك:طيب نحنا مضطرين نسافر
ملاك:الله معكم انا بجيب لي وحدة تعيش معي هي وزوجها
مالك:السفرة نهاية الاسبوع الجاي
ملاك لفت عليه بصدمة وقالت:نعـــــــــــــــــــــــــــــــم
مالك:اللي سمعتيه
ملاك:عادي روحوا ولو البيت يقعد فاضي وانا اقعد فيه
مالك:البيت لك
ملاك:وانا راح ابيعه واشتري لي شقة
مالك:انتي حرة
محمد:يعني بنسافر
مالك:ان شاء الله
ملاك:خلاص انا اقول لرنا امها تعرف تجيب لي أي وحدة
بعد 3 ايام
ام عبد الرحمن في بيت ملاك
ام عبد الرحمن:ملاك انا جبت لك وحدة لبنانية متزوجة طيب
ملاك:طيب
ام عبد الرحمن:وراضية تعيش معاكي هي وزوجها زوجها سواق وهي خدامة
ملاك:حلو
ام عبد الرحمن:اوكي
ملاك:اوكي
ام عبد الرحمن:بتعيشي في هذا البيت
ملاك:لا
ام عبد الرحمن باستغراب:اجل وين
ملاك:ببيعه و بشتريلي شقة
ام عبد الرحمن:الله يوفقك واذا محتاجه أي مساعدة انا في الخدمة
وقفت ملاك وراحت عند ام عبد الرحمن وباست راسهاوقالت:مشكور مامي
ام عبد الرحمن حضنتها :عفوا ولو انتي بنتي الاولى قبل المهابيل الثلاثة (تقصد رفا ورشا ورنا اللي كانوا جالسين معاهم)
رنا شهقت:هيييييييييييييييييييه نحنا مهابيل يا ماما
رشا بمزح:جات ملاكوه وغطت علينا
رفا:وه فديتها والله اني حبيتها
ملاك حمر وجهها:تسلمي والله كلكم تنحبوا
من هنا ستبدأ الاحداث الشيقة تابعوني في البارت الثالث انتظر تعليقاتكم


همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1