اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 09-08-2011, 12:16 AM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
B6 رد: روايتي الثالثة : تكفى لا تعلم إبوي ترى اللي فيه يكفيه


اتمنى اتمنى من كل قلبي ان اعيش مع التنانين في ارضٍ سعيد
هالجملة كنت اسمعها وانا صغيرة من رسوم اممم نسيت وش اسمها ..
انا مارح اقول ان اعيش مع التنانين ادري انه خرافه لكني بقولها وبجرب ...
اتمنى اتمنى من كل قلبي ان اعيش مع والداي في منزل سعيد...
او اتمنى اتمنى من كل قلبي ان يكون وزني شكلي جسمي جميل حتى اكون سعيدة ..


البــــــــــــــــــــــــــــــــــــــارت الــــــــــــــــــــــرابع . ..

لأول مرة في حياتي هالشعور يجيني احس بقهر احس اني بصيح لا موبصيح بموت ودي الأرض تبلعني
ولا اسمع هالكلام من ابوي اللي احسه اهو دنيتي كلها ..وزادها يوم قال اول كنت انقرف من اشووف
نااس وزنها زايد لو كيلو واحد وانا ربي بلاني بكيس شحم ولحم ..

نزلت دمعتي بس اخفيتها مابي اي احد يشووف ضعفي وانكساري وقهري لفيت على راكان وشفته
واقف بملل وهو مايل على الجدار وانا اذكر كلمته يوم رجعت من بعد مااكلت الطير ((انا عندي سالفة لاسالفه ولاشي انتي يتهيئ لك
بس بغيتك توكلين الطير وبس )) عصبت وقال وهو يضحك ((هههههههههههه بتشكريني بكرة وبذكرك ))
عرفت قصده ناظرته وانا اقول :مشكور اخوي ويجي منك اكثر .. ولفيت لأبوي وقلت :آسفه يبا
لكن ماكان قصدي ااكل الطير واللي قالي اكليه اهو راكان وقال امليه عشان لايجووع ويموووت ..
صرخ ابوي :سمعي يابنت عقابك تقعدين في البيت ومالك طلعه شهر كامل ...
جلست امي تهدي في ابوي .. واشرت لي اصعد غرفتي دخلت غرفتي ... وجلست على سريري وضميت مخدتي
وجلست اصيح بعترف لكم اعتراف ((انا مااشكي لأمي ولا ابوي ولانور ولا اي احد انا اشكي لمخدتي
بتقولون مجنونه .. قولو مجنونه .. لأني تعودت لم اشكي .. لأمي مثلا الاقيها بيوم لم تتنرفز كل اللي
قلته لها اسمعه تقوله لي موبس قدامي انا قدام انذل مخلوق بالكون راكان اخوي ... تأففت مابي اذكر ولاشي ..
قطع تفكيري جوالي يرن بنغمة ((اذا ناوي تروح ابفهم وين اروح )) ركضت للجوال لأن المتصل نوير ... اهي الوحيدة اللي بترفه عني بهالوقت ...
رديت وانا احاول مابين ان صوتي فيه شي .. :هلا وغلا ..
نوير بفرح :هلا فيك غسووق امي بتجي بعد بكرة ..وناسة ..
ابتسمت :جد يعني ماتقدرين تجين عندي اليوم
نوير بسرعه :لالالا وين اجي انتي تعالي عشان ترتبين معي تدرين امي ماتحب شغل الخدامة ..
بتفكير :مادري بس ماتوقع امي ترضى .. >>>ذكرت عقاب ابوي لي ..
نور:انا اكلمها ولايهمك ..
قلت لها وعشان ماتفشل عمرها :سمعي ابوي معاقبني مالي طلعه من البيت الا بعد شهر ..
نوير بصدمة شهقت :هااا اماااااااااااااا عاد يصير خير بس ..يمزح معك بس ليه معاقبك ..
جاوبت وانا اذكر اللي صار :بسبب راكان الزفت ...
نور بملل :مرة ثانية راكان ..
غسق وهي تحاول ماتبين انها مقهورة :خلي يولي الخايس حاولي تجين عندي تكفين ..
نور تفكر :اممممم عشانك بس ولأنك متضايقه وتحتاجين من يرفه عنك بجي o^3
غسق :صج بنتظرك ترى هااا ..
نور ببتسامه :طيب .. يلا باااااااااااااااااااااااااااااااااي ..
غسق :باااااااااااااااااااااااااااااااااااااااااااااااا ااااي ..
مسحت بقايا دموعي وقلت :غسق حبيبتي واحد مثله مايستاهل تبكين عشانه مالت عليه وعلى وجهه
خليه يولي ولايهمك احد ..وقفت ودخلت غرفة الملابس وطلعت لي بنطلون جينز رمادي وقميص اورنجي ماسك عند الأكتاف
وقصة صدرة واسعه شوي ومخطط باللون الأحمر الفاتح .. رحت الحمام ((الله يكرمكم )) وغسلت وجهي
وجلست اناظر نفسي في المرايا واتذكر كلام ابوي من شوي تغيرت ملامح وجهي تدل على
اني ببكي مرة ثانية اخذت الصابون ومليت وجهي فيه وفتحت عيوني عشان يدخل فيها
وغسلته مرة ثانية وجمدت عيوني وصارت حمرة لكن توقفت عن البكي .. طلعت ولبست ومشطت شعري
ورفعته بربطة موجود فيها تاج صغير بالكرستال وحطيت قذلتي على جنب تعطرت من عطر ((escaada))
ونزلت تحت كنت جايعه دايم لم ابكي كثير احس اني ابغى اكل اي شي فتحت الثلاجه وشفت كيكة كبيرة لونها بني بالشوكلت ..
ومأخوووذ منها قطعه وحدة طلعتها وقصيت لي ثلاث قطع وجلست اكل بسرعه وانا ميته جووووووع وكأن عمري ماكليت ..
جات الخدامه ومعاها كوب ماي وقالت وهي تطق على ظهري :كولي شوي شوي بعدين مافي زين ..
اخذت كاس الماي وشربته ... وانا اكل بنهم ماادري دايم لم اكون زعلانه افرغ حرتي في الأكل ..

دخلت امي المطبخ وناظرتني وقالت بأسى وهي تهز راسها :يبنتي بسك اكل بتموتين من الأكل طالعي
وزنك كيف صار حرام عليك بنت بعمرك الخ الخ الخ الخ الخ الخ
كالعادة كنت اسمع لها وضميري يأنبني لكن كنت ادخلة من اذني اليمين واطلعه من اذني اليسار ..
هزيت راسي بمعنى طيب طيب طيب ...
رفعت راسي وانا امسح الشوكلت من على فمي :ايه امي ترى نوير بتجي اي صح وتقول ان امها بتجي بعد بكرة ...
ناظرتني امي بفرح :صج طيب خلاص لم تجي خليها تتغدى موبتمشي بلا غدا ..
قلت وانا اشرب كوب الماي :افا عليك يما مستحيل تطلع الا وانا مغديتها ... ومعشيتها بعد ..
هزت راسها امي :طيب يلا انا بروح عند خالتك ريهام ..
فزيت :وش صاير ليكون ولدت واحنا ماندري ..
ناظرتني امي وهي تخزني :وهي من متى كانت حامل هاااا يلا عيب عليك وبلا كلام فاضي ..
قلت وانا اضحك :هه زين زين يمااا ماقلت شي .. سلمي عليها وعلى غزل وهزل طيب
قالت وهي تطلع :طيب يوصل ...

كملت اكلي وانا موحاسة بشي ابد وكل فكري في حبيب طفولتي مدري ليه لكنه طرى علي فجأة ..





عند غســـــــــــــــــــــــــان في الشركـــــــــــــــــة
كان جالس يوقع اخر معاملة عنده دخل فهد وبيدة كم ملف وحطهم على الطاولة ..
ناظرته وانا نفسي فخشمي :وش ذااا .. ؟؟؟
فهد :هذي الصفقات اللي جايتنا من شركة بوراكان
ناظرتهم بهتمام كدري ليه لكن بوراكان هذا صراحهه قمت الروعه حبيته حسيته كأنه ابوي الله يرحمه
طيب واخلاق وكل شي وفجأة وانا اناظر الأوراق رن جوالي .. رديت وانا اقول ...
......: هلا وغلا باللي ذكرتني توها ..
.............:ههههههههههههههههههه هلا هلا وغلا فيك يمااا وينك الله يهديك ماشفتك من البارح ..
غسان :ابد يماا بس رهيف نرفزتني ورفعت ضغطي وتركتها وصعدت نمت والصبح جلست مبكر لأن كان عندي شغل ..
ام غسان :ايه يمااا معليه تحملها تخبر توهم مخلصين اختبارات .. معليه ..
غسان :الله يهديك يما مخلصينه من قرابت شهر وانتي ليومك تقولين مخلصين اختباارات ..
وبعدين هذي نارا ماسوت ربع هاللي اهي تسوية ..
ام غسان :ههههههههههههههه نارا هذي طين جنه مافيه مثلها تنحط على الجرح يبرى ...
ماعلينا الحين لامن نارا ولا من رهف الا اقول اخوك شخباره ..
غسان رفعت عيني وناظرت فهد اللي كان جالس يرتب المستندات اللي في الدولاب .. :والله بخير يما يسلم عليك ...
ام غسان بعتب :الله يهدي هالولد من عمره متعبني مدري على منو طالع ..
غسان ابتسمت :معليه يما يكبر ويعقل وانا انشاء الله بسحبة للغدا معنا اليوم ..
ام غسان :ايه لا تتركه ..
غسان :وهو يضحك هههههههههه طيب الا وش بغيتي يما ..
ام غسان :اي صح ذكرتني .. تعرف خالتك ام عساف ..
غسان كشر بوجهه من سمع هالأسم :ايه وش فيها ..
ام غسان :بنت اختها خوش بنيه والكل يمدح فيها واخلاق وطيبة وجمال وكل شي فيها ..
غسان وهو طفشان من هالسيرة :اي والمطلوب يما ..
ام غسان :ابيها مريتِ لك ((زوجة لك ))ى
غسان :الله يهديك يما توني ابكلمك ابقولك اني لاقي لي مرة وابيك تخطبينها لي ..
ام غسان :هووو منهي اعرفها ..
غسان توهق :هااا لا يما ماتعرفينها تصير بنت واحد من اللي نشتغل معهم والكل يشهد على طيبة ..
ام غسان :ايه بس ترى ان ماخلصت امورك هالأسبوع ترى بتاخذها حتى وانا ماني موجودة ..
غسان :كيف يعني ..
ام غسان :يوووه يوليدي نسيت اني اسبوع الجاي ابروح امريكا اسوي عملية رجلي هناااك ..
غسان :يووووه العذر والسموحة اومي نسيت .. خلاص ولايهمك انا اكلم ابوها اليوم او بكرة وبشوف ..
ام غسان :ايه يمااا استعجل ولا تنسى اخوك جيبه معك
غسان :طيب يما يلا تامرين على شي ..
ام غسان :لا يما تسلم ... الله معك ..
غسان :ومعك يما مع السلامه ..
ام غسان :ايه مع السلامه ..

رميت جوالي على جنب :اووووف شالوهقة من وين اجيب لي الحين بنت اتزوجها ..
فهد وهو جالس على الكرسي .. :كالعادة مستعجلة تبي تزوجك ..
غسان حط يدهـ على راسة وهو موعارف شيسوي ..
فهد :ياخوي خلاص اقبل بالبنت ذي شسمها بنت ام سعف مدري عفس ومدري الليف وخلاص
غسان ناظرة بقهر :تصدق من كثر ماامي جابت طاريها كرهتها احس اني لو اشوفها اذبحها
لا والمشكلة ان امي تفكر ان هذي اول مرة تقولي مو كأنها كل اسبوع تقولي ..
فهد ابتسم :انت عارف الحال يعني لاتلومها .. بس فكر من وين بتجيب لك بنت تتزوجها .. لعبة الزواج اهو ولا البنات
بتشوف بنت زينه بكل مكان يعني ..
وانا افكر رن جوال فهد ورد :السلام عليكم ..
هلا والله ومرررحبا اخبارك انت ياعم .. عساك طيب ..
لا والله لامشغول ولاشي .. اي اي لا لا ابشر اعتبر كل شي خالص تسلم كم بوراكان عندنا حناا لا
والله لا كلافة ولاشي اوكي يوصل انشاء الله .. فمان الكريم ..

رفعت راسي وبملل :منو تكلم ..؟؟؟
فهد ابتسم :لقيت لك البنت ..
غسان بسرعه :مني ..
فهد :بنت بوراكان رح تشاركة بكل صفقاته وغير كذا تشوف لك بنت تتزوجها ومااتوقها يردك ..
عقدت حواجبي ":لحظة وانت شدراك ان عنده بنت انا خبري عنده ولد وبس ..
فهد بسرعه :لالا ابشرك عنده بنت تذكر في اخر صفقه معهم موكنا بالحسا في فندق الأنتر
غسان :ايه .. وبعدين .ز
فهد :ولا ابلين قمنا من طاولة الأكل وكنت اغسل واكن اهو معاي وسمعته يقول يابنتي سمعي كلامي ولاتشترينة
غسان ناظرته :وشدراك انها بنته .ز
فهد :بيقولها يابنتي .. وهي مهيب بنته ماتوقع ..
غسان :طيب فرضا كانت بزر وشلون بيزوجها .. فهمني ..
فهد وهو يقرب من اخوه :ياخي لاتتشائم ترى كله راجع لك كيفك مالي خص فيك ..
غسان :طيب ماقلت لي من تكلم ..
فهد رجعت له نفس الأبتسامه :بو راكان يقول يبيني اخلص له معاملة واساعده فيها عاد انا قلت له .. حاضر
ويقول انه يبغينا نروح له بكرة الصبح عشان الصفقة اللي عن المشروع في الحسا ..
غسان ابتسم وكأن الفكرة عاجبته :طيب .. خلاص
فهد :يلا انا بروح اتغدى وارتاح ترى الشركة تقريبا فضت ..
غسان ناظرته :وين انشاء الله الوالدة تبيك تتغدى معها اليوم ..
فهد :يوووووه لا تكفى مالي خلق رهيف .. وقسم تطلع روحي ..
غسان وهو يمسكه ويسحب مفتاح السيارة :معليه اختك لازم تتحملها ..


ومشو راجعين للبيت .. ياترى بنت بوراكان بتوافق عليك ياغسان ولا لا ..





تعبت من كثر مانمشي في الشارع صراحه شفت اشياء كنت اتمنى اشوفها بس ماشفت ولا ممثل
ولا ممثلة ولا مغني ولامغنية واااي وينكم اشوفكم تتمشون بالبرامج على كيفكم الحين
ماشوف حد منكم .. اوووووف ...
............: وش فيك كأن ميت عليك حد ..
ناظرته :لا ابد بس تعبت ..
..........:طيب خل نجلس هناااك شوي
رحنا وجلسنا على كرسي يقابل الشارع والسيارات تمشي ..
توني بتكلم شميت ريحت اكل وجلست اشم بخشمي .. واتلفت ..
ناظرني :وش فيك بسم الله عليك ليكون صابك شي ..
ناظرته :لا ماتشم هاااااا اه يلبى الريحة اكل ماتشم ..
ناظرني بصدمه :من جدك جوعان واللي تو كليناااه ..؟؟
تكلمت وانا اوقف واناظر مكان الريحة :عادي اعتبر نفسك بتحلي ..
قال بسرعه :لاحبيبي موناقصني انا انت بتاكل وبتحلي بكيفك لكن انا لا ..
وبلا مبالة لكملامة :بكيفك واااي هذهي العربة ركضت عند العربة كان في حرمة تطبخ
والأكل في مثل العلب الكبيرة الحديدية وكانت ريحة الأكل تجنن شي في اعواد كذا ..
عرفت شكلة كيك السمك مدري وشو سحبت واحد وجلست اكل واكل وفجأة :كح كح كح كح غصيت وانا اكل وجلست اكح واكح
شفت كوب ماي جنبي سحبته وشربته ..
يوم شربته كان طعمه غريب مر على حامض على حلوو اول مرة اذوقة ماهتميت وعبالي ان طعم مايهم كذا .. ابتسمت لي الحرمة
ومسكت غرشة خضرة وسكبت لي مرة ثانية انا يوم شفت الغرشة خضرة شهقت :هااااااااااا ليكون هذا سوجو .. مدري وش اسمه
هزت المرة راسة بمعنى :سوجو .. شهقت وقفت وانا احس الدنيا تدووووور والأرض موثابته كنت ابطيح لورى لكن زياد اسندني .. وش شربت ...
ناظرته وابتسمت :مدري ...ههههههههههههههههههههههههههههههههه
عرف اني شربت شي فيه كحول استغفر الله يربي هذا شيحس فيه بس شكله مايدري ..
دفعت الحساب وسحبته وجلست امشي معاه لكن الأخ موراضي يثبت وقفت تكسي وعطيته كرت الفندق ...
ومشيناااا ...



ملاحظة ... #_#


لحظة يمكن الاقي تعليق موحلووو على هالجزئية لكن لاحظوو انها غصت ومن دون ماتدري عبالها انه
ماي شربته وفي كتاب الفقه للسنة ثالث الظاهر انه اذا كان بيدفع فيها اللقمة عادي ..
واهي ماكانت تدري لذا رجاء مابي تعليق على هالجزئية ..



نكمل .. احم ..




قطع تفكيري على يدين تغطي عيوني ... ابتسمت ..
ووقفت وضميتها :ياهلا والله ...
نوير وهي تضمني :هلا فيك .. شتسوين .. بعدك تاكلين بسك اكل قومي يلا ..
مسحت فمي ووقفت :طيب يلا .. صعدنا غرفتي .. وجلسنا نسولف نسولف ..
وفجأة جى طاري الأوزان ... وكم وزن فلانه وكم وزن فلانه ..
نوير تناظر المراية الطويلة بغرفة الملابس وحاطة يدها على بطنها تصدقين احس اني
متنانة هاليومين .. وانا اناظرها وودي تعطيني جسمها مالت عليها تقول متنانة كنت
معجبة حيل باللي لابسة وبشكل جسمها كان عندي نفس القميص حقها
كانت لابسة برموداا جينز فاتح مع قميص ابيض مخطط بالفوشي والأصفر من ماركة بولو ... كان القميص واسع عليها
وانا اذكر شريت القميص ويوم رجعت البيت ولبسته كان مخصر بقووة علي ..
نوير ناظرتني :الا اقوول غسق انتي عندك ميزان صح ..
هزيت راسي بمعنى ايه :وش تبين فيه .؟؟
جاتني وقالت بسرعه :تكفين جيبية ابقيس وزني ..
هزيت راسي بمعنى :طيب توجهت للحمام وفوق الرف اللي كنت حاطة فيه المناشف والكريمات والعطور الخ الخ شلت الميزان اللي كان زجاجي وحطيته قبالها ...
قيسي يلا :وقفت على الميزان وطلعت عيوني من وزنها كان وزنها 46كم و3جم قالت يووه زدت كيلوو ..
بغيت يغمى علي لحظة انا وزني يساوي وزنها 4 مرات ..
واااي لامستحيل لازم اشوف لي حل مع وزني .. ناظرتها وانا ابتسم .. ماشاء الله عليك ضعيفة ماله
داعي تسوين رجيم ... ردت علي وهي تجلس جنبي . اي انشاء الله يصير خير ..





وعند نارا ورهيف ..
رهف وهي تدور بالغرفة :واخيرا بنسافر بعد غيبة مابغينااا ..
نارا كانت تناظر في الاب مسلسل تايواني اسمه لص اللخريف .. :اوووف وبعدين معك خليني مشغولة بهالمسلسل يختي بمووت على البطل يهبل ...
رهف وهي تكشر :ويع وانتي بعدك مع هذا شيقيوا وشاولي وببا ومما ومدري وشوو ..
نارا تناظرها :انتي وين والثقافة وين حبيبتي البزر اسمه شاولا وشيشي يعني شكرا و
رهف تقاطعها :بس بس يرحم امك بس انفقعت مرارتي من كثر ماتعيدين وتزيدين بنت خالتك ذابحتني بأوني واوبا ونونا ومدري وشو وانتي .. روحووو زين
نارا فجأة :صرخت لا الله ياخذك من ام قولي للولد هذا ابووه ليه ظالمته ..
رهف تحمدت ربها وراحت تشووف وشوو ناقصها من اغراض للسفر ..




وفي التكســـــــــــــــــــــــــي ..
اوووف من جده هذا ياربي شلون انزلة الحين من التكسي ... احملة مايصير اوووف ..
وقف التكسي قبال الفندق وناظرت العداد ودفعة 5 الاف ون يمكن يعني يمكن 20 ريال .. لأن المسافة ماكانت بعيدة حيل ..
نزلت وانا ماسك يدة وحاط ايدي على خصرة صراحة شعور غريب كان خصرة نحيف .. بشكل مدري مدري المهم اني ماكنت مرتاح ..
صعدنا للدور اللي فيه شققنا .. هزيته :محمد محمد وين الكرت حق الجناح .. ناظرني وهو مفتح عين ومغمض عين ..
ههههههههههههههههه منو انت ... انصدمت من الصوت .. بس قلت يمكن مع حالة السكر .. فتشت جيوبة مالقيت غير محفظته وجوالة ..
فتحت المحفظة بس ماشفت الا بطاقتين فيزا وبطاقة بنك وفلووس ماكان فيها شي وصورة لبزر .. سكرت المحفظة ورجعتها الحين انا بالله شسوي فيه .. اووووف ..
مالي الا انيمة معي .. فتحت الغرفة ودخلت وبطحته على السرير وشلت جزمتة وشراباته يناس رجله بيضة وناعمه بالله فهموني ذا ولد .. تعوذت من بليس
شقاعد اقول اووووف ... عدلت راسه على المخدة وغطيته واخذت ملابسي ودخلت الحمام اترووش ..


وناس تتحسر على جسمها ..؟؟؟ >>>>غسق
وناس رايحة في احلام سعيدة ولا تدري وش السالفة .. >>>تولين
ونااس مستانسة وطايرة من الوناسة بتسافر لأمريكا ..>>> ورهف ..
وناس بتموت على بطل المسلسل وهذا اللي هامها ...>>> نارا
وناس تدور لها زوجة ...>>>راكان ..


وناس تدورمخدتها تبي تنام .....>>>>>انا كحيلة بكاها
انتظروني بالبارت الجاي اوكيشن ..
يييدورا انيووو ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 10-08-2011, 02:47 AM
صورة hams al3sh8 الرمزية
hams al3sh8 hams al3sh8 غير متصل
©؛°¨غرامي مشارك¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


وهـــ بس فديييييييييييييتك كيييحلللة
بباااارررت خطييييييييييير مرررة
اييييييي وهذا توقعاتي قلبووو :")
انشااااء الله رااكانووة النذذل هذا مايلقة لهـ زوووجة
ولآ وحدة ترضى تتزوجه :p
وغسسق يااني احبها يااانااااس وانشاء الله تبدى رجيييييييم وتصييير احلى وحدة
وهذاك الي تحبة يصير يبيها وهي تصير ما تبية هووووووووووووع
ااييي وبعد رااح توااافق على غساان وقبل لآ يتزوجوون تضعف
ونووور راح تجلس وتنفجععع لما تشووف نفسهااا في غرفتتتة

يسلمووو قلبووو
وفي انتضااارك
بس متى البارت الجاي .؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 10-08-2011, 09:04 PM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


اقتباس:
المشاركة الأساسية كتبها همس شوق مشاهدة المشاركة
وهـــ بس فديييييييييييييتك كيييحلللة
بباااارررت خطييييييييييير مرررة
اييييييي وهذا توقعاتي قلبووو :")
انشااااء الله رااكانووة النذذل هذا مايلقة لهـ زوووجة
ولآ وحدة ترضى تتزوجه :p
وغسسق يااني احبها يااانااااس وانشاء الله تبدى رجيييييييم وتصييير احلى وحدة
وهذاك الي تحبة يصير يبيها وهي تصير ما تبية هووووووووووووع
ااييي وبعد رااح توااافق على غساان وقبل لآ يتزوجوون تضعف
ونووور راح تجلس وتنفجععع لما تشووف نفسهااا في غرفتتتة

يسلمووو قلبووو
وفي انتضااارك
بس متى البارت الجاي .؟؟



















يسلمو حبيبتي وانشاء الله توقعاتك نفسها ..
والبارت الجاي رح ينزل يوم الأثنين .. واتمنى تنتظروني ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 12-08-2011, 11:55 PM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
11302798240 رد: روايتي الثالثة : تكفى لا تعلم إبوي ترى اللي فيه يكفيه


اوكي بس انتو انتظروني ويجيكم احلى بارت ..















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 16-08-2011, 12:01 AM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


الله يعافيك حبيبتي ورح انزل البارت في الفجر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 24-08-2011, 11:14 PM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


يسلمووو وسوري على التأخير ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 24-08-2011, 11:17 PM
صورة wrbyahbh..aa الرمزية
wrbyahbh..aa wrbyahbh..aa غير متصل
©؛°¨غرامي فعال ¨°؛©
 
Uploadfef5c031fd رد: روايتي الثالثة : تكفى لا تعلم إبوي ترى اللي فيه يكفيه


ناس تتحسر على جسمها ..>>..غسق ..



البـــــــــــــــــــــــــــــارت الخــــــــــــــــــــــامس ..
مشت نوير من شوي وكانت تتكلم عن صديق جهاد اللي كان يبي يخطبها بس جهاد ماوافق لأنها
صغيرة .. غمضت عيوني وانا ارمي نفسي على سريري .. واتخيل نفسي عروس .. هزيت راسي
وانا انفض هالأفكار من بالي وشلون بكون عروس ومن بيقبل فيني وانا شكلي كذا ..
جمالي عادي او خل نقول طفولي زايد عن حده وشعري اسود طويل لتحت ظهري ..
واجمل مافيني على قولة الناس شعري وبياضي ولون عيوني العسلي ..شي ثاني .. لا ..
كنت انقهر لم اشوف البنات اللي في المدرسة واجسامهم واشكالهم كنت دوم احس اني ناقصة
كلام امي حيل يأثر فيني وخاصة ابوي .. كثير يجرحني .. وقفت وانا موعارفة اوازن نفسي .. تسندت على الطاولة الموجودة بطرف الغرفة ..
ومشيت وغيرت ملابسي اللي بالحيل ماتريحني .. ولبست بنطلون وردي بهت لونه من كثر مالبسة وقميص سيور باللون الأبيض وفيه قلوب باللون الأخضر والأحمر ..
كان دولابي مليااان ملابس جديدة .. واغلبهم لبسته مرة وماعاد عدتها ابد ..
وخصوصا بيجاماتي كان فيه الوان واشكال تهبل وخاطري البسها لكن اغلبها مخصر ضيق مومريح ..
تركت شعري مفتوح خاطري احلل قيمته شوي ووقفت على الميزان .. وكانت الأرقام تمشي وتمشي وتمشي ..
وكان خاطري توقف عند وزن 50 او اقول 60 اومعليه 80 هذا اللي كنت اتخيلة لكن صدمني وزني 124 كم
لا مستحيل متى صار وزني كذا نزلت راسي بقهر اوووف لي متى وانا بظل كذا لازم انزل وزني لازم اي ه
خلاص ببدى من بكرة رجيم ورح انزل من وزني على الأقل 70 كيلوو .. ايه لازم ..
رميت نفسي على الصوفا وانا اشغل الأيباد حقي ابطلع لي طريقة للرجيم انزل 70 كيلو في شهر ايه ..
لا واجد شهر في اسبوعين .. وفجأة وكان حد عطاني كف على وجهي من اللي مكتوب صحاني من الحلم اللي انا ..



هههههههههههه يختي دانتي عاوزة تنزلي 70 كيلو في اسبوع ليه ماتشربي مية وبس ..
هي لعبة المسألة وفرضا نزلتي 70 كيلو بأى حترجعيهم في تلات ايام بس وحتزيدي عليهم عشرة كيلو ..
يختي متفكري بالعئل ماتئولي 7 كيلوو في اسبوعين 10 كيلو في شهرين ..

كان هذا رد وحدة في منتدى للعضوة طالبة مساعدة برجيم ينزلها 70 كيلو في شهر .. هههه
ايه والله هذي مشكلتي اوووف سكرت الأيباد ورميته على جنب .. وناظرت غرفتي ..
وجلست اسأل نفسي ..!!!
ياترى ياغرفتي بفارقك يوم وبروح لبيت زوجي ؟؟ولا رح اقابلك طول العمر ..
لفيت للصورة كبيرة معلقتها على باب غرفة الملابس كانت ممثلة ومغنية اسمها لي هيوري .. كانت واقفة
ولابسة فستان ابيض قصير مع كعب يوصل طول 12 سم وكان جسمها طالع خطير ..
رح البس في يوم فستان بهالجمال وكعب هالطول ولارح ابقى جينزات جزمات سبورت وبس ابقى طول عمري كذا
غمضت عيوني وبدون ماحس رحت في نومة مدري متى ابصحى منها ...




متحمسين تعرفون عن الغارقة فحلامها الوردية .. تولين ..
طيب يلا



فتحت عيوني وانا مستغربه ليه بعدني احلم هالحلم الوردي الجميل ...
ابتسمت وانا اناظرهــ كان نايم جنبي .. امبيه احلامي كل يوم تتطور اول كنت احلم بس انه جنبي ولواقول زودناها بعد
ماسك ايدي والحين احلم على طول انه نايم جنبي بالسرير ياربي وناسة هالحلم يجنن ..
حسيت براسي يألمني صراحة حلم سبيشل اول مرة يجيني راسي في الحلم بس معليه اهو جنبي
واااي يليته هالحلم حقيقي .. وفجأة شفت عيونه تتفتح وغمضت مرة ثانية .. واااي يهبل .. كانت عيونه تلمع ..
لكن حسيت بألم يوم حسيت برجله ترتفع وتنرمي عند رجلي .. استوعبت للأسف هذا موحلم .. هاااااااااا
شهقت ونطيت بسرعه لا هذا واقع وانا موبغرفتي شجابني عنده وفجأة تذكرت البارح يويل حالي ليكون عرف اني بنت ناظرت قميصي
وارتحت يوم شفت انه مانشال من علي لكن جزمتي وشرابي وين وبسرعه قلت :شعري ولمست الباروكة وكانت معتفسة شوي .. نطيت بسرعه ولبست جزمتي
وخذيت بوكي وجوالي وطلعت بشويش بدون مايحس .. وسكرت باب الغرفة وناظرت غرفتي الكرت نسيته داخل اووووف ..
ونزلت الرسبشن وعطوني كرت جديد بعد صراع وموج من الكلمات الكورية الغير مفهومة ...





عند اشخاص الخناق حياتهم
اومي اومي اومي اومـــــــــــــــــــــــــــــــــــــــــــــــ ــــــــــــــــــــــــــــــــــــاتي ..
ام غسان :وقمة وش تبين .. اتعبتيني تراك ..
رهف بدلع وهي تجلس على الكرسي على طاولة الأكل :ماماتي انا موقلت لك ماحب هالغدا يعني لازم .. مايمر اسبوع الا وحنا نشووفة .. وعع
غسان ناظرها بعصبية :هي انتي احترمي النعمة وترى غيرك يحمد ربة على اللي اهو فيه وانتي ماتحبين الا طبخ الخدم ..
رهف :واااي جد مالك داعي شفيك ماحبة ماحبة مكبوس لحم مكبوس لحم وشووو .. اوووف ..
ام غسان :يبنتي اخوانك يحبونه وانا مسويه لك مندي دجاج ماشفتيه ...
رهف تناظرها بقهر :يوما من جدك شاكل فيه انتي شفتي الرز كيف عجين مو رز
والله لو فهيد وغسين بياكلونه كان سويتيه الحبة تنعد حبه حبه ...
ام غسان بتعب :يبنتي والله ماكنت متعمدة نسيته واثارية صار كذا ..
فهد موعاجبة الوضع ابدا ... :اقول موعاجبك الأكل ضفي وجهك وروحي طلبي من المطعم ..
غسان :ولا مطعم ولا غيرة مااافيه وروحي انثبري في غرفتك ..
رهف :مالت عليك انت وياه والشرهه على اللي يقعد معكم .. وراحت لغرفتها
غسان رمى الملعقة على جنب وقال :شوفي يما لو بتظلين كذا بدلعينها مارح تتعدل ترى وبتزيد بعد
ام غسان :هووو انا اللي مدلعتها متى هذا ابوك الله يرحمه دلعها وشوووف وش لون صارت ..
فهد :اي وانتي صادقة طالعي نارا ولا صارت ربعها ..
نارا كانت جالسة تاكل وحاطة سماعات الجوال في اذانها بس مش مبين لأنها لابسه جكيت حفر معلقة فيه السماعات ..
تركت الملعقة ووقفت :تسلم يدك يما على الأكل .. ومشت بدون ماتسمع اي رد

غسان لف لفهد :تدري وش الشي الوحيد اللي ماحبة في اختك ..
فهد وهو ياكل :وشووو ؟؟
غسان :انها باردة ولو تكلمها من اليوم لبكرة ماتسمعك ولا حتى تشكرك لو مدحتها ..
فهد :مالومها ..





دخلت غرفتي وعلى طول ركضت للدورة المياه وتروشت واستغفرت ربي وانا اصلي على السجادة :ربي والله ماكان قصدي اشرب شي انت ماتحلله ربي انت تدري اني ماكنت اعرف وش هذا ..
وجلست تدعي وتدعي واستغفرت ربها .. خلصت صلاة ووقفت وشالت السجادة وتوها بترمي نفسها على السرير ترتاح الا ويرن جوالها كانت رشا جلست
وردت :اوني انيوو .. ....>>>اختي مرحبا ..
رشا بفرح :انييوو شتسوين .. يالدبة اشتقت لك بكرة تراني جايتك ..
تولين بوناسة :صج وااي فرحتيني سمعي شاركيني غرفتي تراني ازهق بروحي ..
رشا :يصير خير هااا قولي لي كم ممثل ومغني وممثلة ومغنية شفتي ..
تولين بحزن :خليني ساكته احسن ولا واحد ولاوحدة تقولين كلهم اختفوو كنهم يدرون اني بجي...
رشا :اهااا ماعليك اجي وندورهم طيب قولي لي وش اخبار زياد معك عساهـ ماعرف انك بنت ..
تولين :لالا بس تصدقين امس بغيت اروح فيها ..
رشا ؟؟: ليه ...
تولين |:انتو موبكرة بتجين خلاص لم تجين اقولك وابوي ووش لونه ..
رشا اممم :اتوقع اليوم لونه وردي ..
تولين :اوووف منك تكلمي عدل ..
رشا تقلدها :اوووف منك وكم مرة قلت لك لاتقولين ووش لونك قولي اخباره اخبارك ..
تولين :اووووه مالت طيب قولي لي اخبارابوي ..
رشا :والله تمام يسلم عليك .. بس ترى ليه ماكلمتيه .. عيب سألي انتي بنته ..
تولين :من جدك صارلي يومين اتصل عليه مايرد ..
رشا :اهااا اجل يمكن تتصلين عليه وهو في المسجد ابخليه يكلمك اليوم .. تبين اجيب لك شي معي ..
تولين :اممممممممممممم تقريبا لا ايه ايه صح تكفين جيبي لي دوريتس بجبنة الناتشوو ..
رشا : من جدك مايبيعون في كوريا الجنوبية دوريتس مستحيل .. الشعب الكوري يحبه ترى
تولين: الا يبيعون بس بنكهات غير وانا خاطري بالناتشوو ..
رشا :اوكيه .. انتظريني بكرة هااا ..
تولين :اوكي لاصرتي بالمطار بتجين لكوريا كلميني عشان اجهز نفسي ..
رشا :اوكيه الا صج تعالي الحين انتي شفتي زوجت ابونا ولا لسى ...
تولين :لا والله لسى مابعد اشوفها بس لايفوتك كلمتها اول يوم .. تخربطت نسيت الكوري اللي اعرفه نصه .. وفتحت مفكرتي وجلست
اتكلم فوق راسها وانصدم تقولي بكلمك بعد شوي ..
رشا :هههههههههههههههههههههه اوما عاد من جدك ..
تولين :وقسم انتي تعالي وشوفي ...
رشا :اوكيشن يلا باي
تولين :بااااي ..
سكرت وانبطحت على سريري وانا العب بخصلات شعري .. اليوووم وين اروح لازم اشوف لوو ممثل واحد
لا مابي ممثل ابي مغني ابي اشووف لي توك والا اقول لا لا ابي اشوف نيكون وفكتوريا ولا لا ابي اشوف
تشاسونغ يالبى قلبه .. ولا لا ابي اشوف سيوون ولا لا ابي اشوف جي دراغون مع تووب اووووووف
ابي اشوفهم كلهم بس وين اشوفهم يحسرة ... مديت فمي بزهق وتوني بغمض عيوني ولا يرن جوالي ...
وكان المتصـــــــــــــــــــــــــــــــــــــــــــــ ــــــل ..........








صحيت على يد امي تهز كتفي ...
فتحت عيوني ورقبتي بالحيل تعورني اووووف يربي موناقصني رقبة صغيرة لاوفيها شدعضل بعد
اوووووه :همممم يما وش فيك ..
امي :قومي يلا بنروح لبيت خالتك جااات
فتحت عيوني وناظرتها :يوووه يمااا موخالتي بتجي بكرة ..
امي وهي تفتح نوافذ غرفتي :لا جااات لأن طائرتهم تقدمت .. بتجين معي ولا شلوون
عدلت جلستي بخمول وتعب :يووه يما نسيتي ان ابوي معاقبني ...
امي تجلس على الصوفا اللي كنت نايمة عليها :خلاص انا اكلمه واقوله بس اليوم ...
ابتسمت :صج يمااا طيب خلاص ابجي ..
وقفت امي :قومي صلي الظهر والعصر ويلا لبسي ..
ناظرت الساعه :وللل الساعه 4ونص شدعوة كل هذا نمت .. وقفت بسرعه وتوضيت وصليت
ولبست بنطلون جينز ازرق مع قميص ابيض مرسوم عليه بنت مع كشتها باللون السماوي
ومن دون ماناظر المرايا مشيت واخذت منشفة كبيرة وغطيت فيها المرايا وقلت بألم :عشان مااحطم نفسي ولا اتعب
من كثر مااانب ضميري رح تظلين مغطية لين ماربي يفرجها ورحت للدريسر اللي كان موجود عليها
كريماتي ومكياجي وعطوري اللي كانت اغلبها جديدة وش حقى اخفي شي موجود ومستحيل اخفيه اخذت منشفة ثانية
وحطيتهاعلى المرايا وقلت :وانتي بعد لازم تضلين مغطية اخذت اللوشن وحطيت لي
في يديني ووجهي وتعطرت وحطيت لي قلوس وردي فاتح ومشطت شعري وخليته مرفوع ذيل حصان وخذيت عباتي ولبست جزمة سبورت
لونها ابيض وتوني بطلع الا واسمع امي تقول لأبوي :خلها بس اليوم فشيلة اروح بروحي بدون ماخذ حد معي حتى لو البنت مهيب قاصدة تذبح الطير
ابوي :قلت ماتطلع لو شنو يصير وخليها تنطق بغرفتها وتبين خذي اختك وروحي معها اما بنتك مالها طلعه من البيت الا بعد ماينتهي الشهر.. لاتثنين كلامي

بصراحة اول مرة اشوف ابوي يصر على كلامة كذا بالعااادة يقولها مرة مرتين بعدين خلاص لكن الحين شكله من جد بيسويها فيني ..
اوووف غيرت ملابسي ومسحت القلوس وفصخت الجزمة وانا اجلس بقهر كان خاطري اشوفه اليوم بس
شكلها راحت علي .... لازم اشوفك المرة الجايه جهاد لازم


تكملت حوار امي وابوي ...
امي :لاحول ولا قوة الا بالله على راحتك ..
ابوي :خليها تساعد الخدم وتحرك من بدنها يمكن تخف بيجوني ضيوف اليوم ..
امي :موكأنك قلت انهم بيجونك للشركة ..
ابوي :لا هونت في البيت عشان ناخذ راحتنا ..
امي :طيب اجل ابقول للخدم يجهزون كل شي ..
ابوي :لا الخدم مالهم شغل اليوم نادي بنتك بدل جلستها بالغرفة على النت ولا نايمة خليها تقوم
تحرك بدنها شوي وتروح تسوي كل شي ..
امي :بس
ابوي :لابس ولا غيرة ... ناديها يلا ..


نادتني امي وانا سويت اللي اهي تقول يمكن ابوي يحن علي شوي ..
طلعت وصفت كيكة من النت وغيرت ملابسي لملابس تصلح للطبخ ... ولبست
برمودا رمادي مخطط بوردي واسود وقميص طويل لونه سماوي مرسوم عليه تويتي
رفعت شعري كله ببكلات ونزلت تحت وانا نفسي في خشمي وكلش مابي حد يكلمني
طلعت المكونات واللي كانت طحين وزبدة وسكر بني وسكر ابيض وشوكلاته سمارتس
وبيضه والخ الخ انا مادري وشوو هذا كيكه بسكويت شيز كيك اللهم شفت المكونات بوجهي في لنت
قلت خل اسويها وبدل ماحط بكيت زبدة حطيت 2ونص .. حرام شكل ضيوف ابوي عصاقيل .>>>ضعاف
خل اسوي فيهم خير وازيد وزنهم زيادة ... وبدل ماحط 3/4 كوب سكر حطيت كوب ونص سكر
وخلطتهم وانصدمت طلعت لي عجينه لكني كثرة بزبدة لكذا صارت مش متماسك فزدت الطحين وحطيت السمارتس
وعجنتهم وعطيتهم في قوالب وسويت شاي وقهووة وطلعت الفواكة وجهزت الموالح وحطيت كل شي موجود بالثلاجة تقريبا ..
جلست وانا حاطة سماعات الأيبود في اذني وكنت اسمع اغنية اسمها no boody واغني معاها نوبدي نوبدي ودخلت جووو
كنت اشم ريحة شي يحترق ولسى ماستوعبت وشووو هذا وقلت وانا اهز راسي ..هالخدم صج اغبيا
تاركين الكيك في الفرن ولا يدرون عنه وتوني استوعبت كيك وفرن .. وخدم لحظة ونطيت للفرن بسرعه وفتحته لكني للأسف مالحقت عليه ..
اوووووف مش هم الأغبيا الا انا الغبية طلعته وقلت :اللي فيها فيها ابقدمه للرجال مالي دخل ...
بس بتأكد من اي سن اهو كبار ولا صغار .. ان كانو كبار مايصير احطه لهم يمكن احد جاي يخطبني ولا شي احم
احم بس شلون بالله اتأكد طلعت للصالة وشفت ابوي كان جالس على الاب توب يتأكد من حسابات ومدري ايش تقدمت وتحمحمت
وقلت ..احم اقول يبا ..
بدون مايناظرني :نعم ..
جلست بعيد وقلت :يبا الضيوف اللي بيجون كم واحد
وهم بدون مايناظرني :اثنين ...
هزيت راسي اها :طيب يبا اهم كبار ولا صغار يعني من سن منو تقريبا
رفع راسه وناظرني بعصبية :ووش دخلك ووش تبين بسنهم ..
قلت بسرعه :هااا لا يبا بس ابي اتأكد عشان احط لهم اكواب مزخرفه زخرفة حديثة او قديمة ..
رجع نظره للاب :لاحطي اي شي ماله داعي تعرفين وش سنهم
لويت فمي ورحت للمطبخ :طيب يايبا انت مارضيت تقولي وش اسوي لك ...
اخذتهم وحطيتهم في صحن ملائم للحلا ... واخذت الشوكلت السايل ومليته فوقه عشان مايبان انه محترق
وبعد ماغطيته بالشوكلة حطيت فوقه جوز هند وضحكت بخبث :هههههههاي تهنو فيه وكلو لين ماتشبعون ..
سمعت صوت الجرس وعرفت ان الضيوف وصلووو ... وعشان ابوي ماينتبه للكيك المحروق ناديت الخدامه وقلت لها توديه بالمجلس لأن الرجال دخلوو
وابوي راح يجيب شي الخدامة عيت في البداية لكني حطيت بيدها 10 ريال وقلت لها العشرة الثانية لم تجي من عندهم وماصدقت خبر وودتهم ...





غسان وفهد .. قبل نص ساعه
كان غسان لابس ثوب ابيض مخصر جسمة شوي ومسوي السكسوكة وشعره كان نازل شوي تحت اذنه
وجالس يتعطر دخل فهد :ماخلصت ..
غسان :الا يالله ..
فهد :بس تتوقع ليه قال تعالو للبيت لاتجون للشركة ..
غسان وهوو يرتب الغترة :والله مدري بس شكله يبي ياخذ راحته ..
فهد :اي صح ترى رهيف ناشبة تقول تبينا نوصلها لبيت صديقتها فأن كنت ماتبي تنشب لك بسرعه
غسان بس سمع طاري رهف خذى جوالة ومشى :يالله يالله مشينا اجل وبتسحب مشووو بأماااااان ..




في المجلس .. بعد نص ساعه
كانو جالسين في وسط المجلس اللي كان عبارة عن صوفات باللون الرمادي المايل للبيجي .. والألوان الهادية ..
فهد :هااا بتفاتحه بسالفة الزواج
غسان :ايه وهذي يبيلها كلام خل نشوووف يمكن يكون لنا نصيب امك مهيب تاركتني ابد ..
فهد يناظر الخدامة اللي دخلت وبيدها اكواب العصير وصحن فيه حلا .. :ممداهم جابو الحلا والعصير على طول ..
غسان ابتسم ... خلك ساكت اقووول ...
الخدامة قدمته عند الطاولة القريبة جنبهم :كولووو كول شي ..
غسان ناظرها وهو رافع حاجب :بالله ومن قالك ناكل كله ..
الخدامة بغباء :كسق قول كولوو كل شي ..
فهد بشمئزاز :وش كسق انتي بعد ..
طلعت الخدامة بعد ماشافت ابو راكان يدخل ..


كانت غسق تسمع وش بيصير والصدمة يوم الخدامة بكل دلاخة قالت :كسق بس اشوه شكلهم مافهموو عليها ...
جات الخدامة ومدت يدها لغسق وين باقي فلوس ... ناظرتها .. حريمتك يالدلخة اجل تقولين كسق هااا
مشت الخدامة وشكلها حاقدة من قلب ..


دخل بوراكان المجلس لكنه تذكر انه ماجاب باقي الأوراق فرجع مرة ثانية ... وانتبة للخدامة وهي تطلع
بس مااهتم فكر انها جايبة موية اوالعصير ..



فهد يناظر الحلا :وش هالحلا شكله كله شوكولاه مدري من مسوية .. اقول غسان شرايك تذوقه انت تموت بشوكولا
غسان :اقول خل عنك الشوكلاته وقولي تتوقع جد عنده بنت ولا اخاف اتفشل
فهد :يااخي موو توها تقول كسق شكلها وحدة من بناته انت جرب وش فيها ..
غسان :اوكي ...


دخل بوراكان وتقدم منهم ... :السلام عليكم ..
غسان +فهد :وعليكم السلام ..
بوراكان :عسى ما تأخرت عليكم ..
غسان :لا عمي خذ راحتك ..
بوراكان يبتسم له :تسلم .. مد له اوراق المناقصة .. هذي احسن مشروع عندي
وهو عبارة عن مجمع في الاحسااا في منطقة بعيدة يعني تقول على خط قطر او على خط دبي ..
غسان يقرى الأوراق :طيب كم الربح فيها تقريبا في الشهر او السنه ..
بوراكان :شووف يعني انا اتوقع لأنه رح يكون مجمع كبير والمحلات التجارية فيه رح تكون
كثيرة والهايبر ومدينة الألعاب يعني تقدر تقول2 مليون بشهرين وهذا طبعا على حسب
الخصومات وارتفاع الأسعار ..
غسان بتفكير :سعر كويس لكن كم شخص رح يستثمر بالمشروع ..
بوراكان وهو يوقف ويقدم لهم اكواب العصير :بصراحة لحد الحين شخصين وانت الثالث
انت تعرف انا مااخلي اي شخص يستثمر معي مااختار الا اشخاص ثقة ومعروفين ..
فهد وهو ياخذ حبة من الحلا اللي مده له بوراكان .. وفي نفسة قال ياربي هالحلا ليه شكله كذا
يمكن حلا توه نازل وانا مدري عنه لكن حتى شكلة مومقبول ..
غسان وهو يحط العصير على الطاولة :ادري يعم وانا ماجيت استثمر الا اني واثق بشغل الشركة ...
طيب يعمي انا سمعت ان شركتك جايبه لشركتنا مناقصة لكن الأخ ضيع الملف اللي فيه ياليت بس
تعلمني عن شنو المناقصة .. ابي اعرف فيها ربح اوخسارة ..
وقف بوراكان :لحظة ابجيب الملف وارجع .. وخذو راحتكم ترى البيت بيتكم ..
غسان :تسلم ...
طلع بوركان من هنا وفهد جلس يكح من هنا ... ؟؟؟ كح كح كح كح هاا كح كح كح
غسان لف عليه ومد له كوب العصير بسرعه :اشرب بسم الله عليك وش فيك ..
فهد وهو يحط باقي الحلا على جنب :كح كح كح شرب من العصير وهدأ شوي .. ياخي شكل بنتهم مالها
وجه بالطبخ ابد ..
غسان ناظر الحلا وناظرة :ليه وش فيه ؟؟؟
فهد وهو يسند نفسه بتعب :قل وش مافيه محترق الحلا محترق وفوق هذا فيه طعم غريب .. وحالي
ياخي اخاف ان الشغاله تافله فيه اوشي ..
غسان بقرف :ووجعه وش هالكلام الله يقرفك ..
فهد :انت ذوقه بعدين تكلم ..





غسق بعد ماشفت ابوي يطلع من المجلس مرة ثانية ركضت لغرفتي قبل لايحس فيني ..
دخلت غرفتي وكالعادة ..
فتحت ايبادي وددخلت على التويتر .. كنت ادخل عشان اطالع اخر الفيديوهات للمغنين الكورين اوالأجنبين
شفت مقطع جديد منزل لفرقة سوبر جونير كانت الأغنية اسمها (m.smpel) سمعت الأغنية لكني ماحبيتها
اغنيتهم هذي تشبه اغنية بونا مانا .. ماهتميت ورحت لفرقة شايني وابتسمت يوم شفت مقطع جديد لأغنيتهم رينق دينغ دونق ...
ياربي على ان الأغنية موجديدة على اني احبها حطيت السماعات في اذني وغمضت عيوني وانا اسمعها ..
وبدون مااحس غرقت ببحر افكاري ..

(( واااااه ابيه يكون حنون ويحظني ثلاث مرات باليوم .. ومايكون بخيل .. وابيه جميل ..
يشبة لي توك لا وع ليتوك مسوي له عملية تجميل بخشمة خل يشبة سي يون لا لا سي يون مسيحي
ومتعصب .. ايه خلاص ابيه يشبة سوكي لا سوكي دايم تصرفاته غريبة وكنه بنت امممم ايه
لقيتها ابيه يشبه كانغ ان لا لا كانغ ان يستحي بقوووة امممممم مادري المهم يكون حلووو ))


فتحت عيوني بخوف وانا احس بشي يلمس رجليني فزيت بسرعه لكني هيت يوم شفته
طرف المفرش اللي على الطاولة عرفت انه كان يصحيني من احلامي
تأففت وقمت بملل غيرت ملابسي
ولبست بيجاما بنطلونها برتقالي مايل للوردي وقميصها اسود طويل ..
بتستغربون من ملابسي لكن اقول لكم خذووها على انها ملابسي الطبيعيه ..
وقفت قبال المرايا اللي كنت مغطيتها وشلت المنشفة من عليها وقلت وكأني كل اللي اقولة رح يتحقق
جسمي اول شي بطني يكون مشدود وسيقاني يكونو صغار ويكون فيني خصر
وشعري يكون قصير مثل قصة فكتوريا او لا ابي القصة اللي يكون اغلب شعري على وجهي
واغلب خصلات شعري مصبوغه باللون الأزرق الفاقع لا البنفسجي احلى مدري
ومن دون ماحس بدت احلامي تكبر وشكلي يتكون على المرايا جسم رشيق مشدود وشعر قصير مصبوغ اغلبة باللون الأزرق
وعيون وسيعه ماتحجبها خدودي لم ابتسم .. وذقن مشدوم مولانبطحت ترهل ..
ومن دون لاحس نزلت دموعي دمعه ورى دمعه ورى دمعه ورى دمعى الى ماغفيت وانا منبطحة قبال مرايتي اكمل احلامي وانا نايمة ..



وبس وكذا انتهى البارت الخامس ..
سوري على التأخير لكن انتو عارفين رمضان ومشاغلة ..
ولازم اسوي اعمال تفيدني لأخرتي احسن من اني كتب بارت اكيد الكل مشغول بعبادته ..
اتمنى توقعاتكم الحلوة ..
ومشكورين لأحلى اعضاء ردوو علي ...
انيووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 25-08-2011, 12:31 AM
| خياليـہ | | خياليـہ | غير متصل
عضو موقوف من الإداره
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


يعطيك العافيه على البارت
ممممره روعه
توقعاتي

غسق راح يكون في مواقف بينها وبين غسان
ممكن تتخلص من وزنها او ممكن يكون غسان يعجب فيه
تولين ههههه خطيره ذا البنت اكيد اخيراً راح يتكشف زياد انه بنت


باقي الاشخاص للآن مَ احس لهم دور كبير ف الروايه


ب انتظار البارت السادس ^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 25-08-2011, 03:19 AM
صورة hams al3sh8 الرمزية
hams al3sh8 hams al3sh8 غير متصل
©؛°¨غرامي مشارك¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


هلآلآ بييييك
خطييير الباااارت رووووعة
واتوقع في تطووور في غسق وانها انشاء اللله راح تكوون مثل ما تبي
وتووليييين ههههههههههههه اتوقع ان راح تشوف لها ممثل مثل ماتبي
ومحمد راح يعرف انها بنت
وبـــٍس
في انتضارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 27-08-2011, 08:21 AM
صورة لعيونه 0 الرمزية
لعيونه 0 لعيونه 0 غير متصل
©؛°¨غرامي جديد¨°؛©
 
الافتراضي رد: روايتي الثالثة : تكفى لا تعلم إبوي ترى اللي فيه يكفيه


توقعااتي غسسان بيجوف غسق مابتعججبه اول مره لككن لما تصصير مواقف بينهم بيححبها
وبيسساعدها تنزل من وزنها

تولين بيكتشف زياد انها بنت

تسسلمين وبعطيجج العافيه

الرد باقتباس
إضافة رد
الإشارات المرجعية

روايتي الثالثة : تكفى لا تعلم إبوي ترى اللي فيه يكفيه / كاملة

الوسوم
:فــراغ , الثالثة , روايتي , عــاطفــي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : العشق الممنوع / كاملة لفانتا روايات كامله - يتم نقل الرواية هنا بعد اكتمالها 852 03-12-2017 11:05 PM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1542 15-05-2017 03:37 AM
روايتي الثالثة : تدرِي وش هو القرِف ؟ خاين و يحلف بالشرِف ! / كاملة سـيـلـيـنـا روايات كامله - يتم نقل الرواية هنا بعد اكتمالها 204 13-01-2015 03:47 PM
روايتي الثالثة : للخطايا ثمن / كاملة حبر القمر روايات كامله - يتم نقل الرواية هنا بعد اكتمالها 206 08-12-2013 03:42 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1