نااادر وجودي2 ©؛°¨غرامي جديد¨°؛©

السلام عليكم ورحمة الله وبركاته


((حبيت انزل روايتي في منتداكم رائع ان شاء الله القى تفاعل منكم))



(( بليز بليز ابي ردودكم اذا لقيت اكثر من 6 ردود اوعدكم ان راح اكمل الرواية))


هذا الرواية كتبتها بقلمي

ممتعه وشيقه رومانسيه


بقلم / نادر وجودي

البارت الاول






مهند بأعلى صوته :ملوك ملوك بسرعة انزلي أبيك تحت


ملاك تنزل وهي مسرعه وقفت في نص الدرج :هنود وش فيك تصارخ كأن ميت عندك احد وش فيك


مهند وهو يضحك :هههههههههههههههه أكيد خوفتك صح بس عليك شكل يموت ضحك


ملاك : أقول كل تراب نعم وش تبي


مهند:أكل تراب ليش ما أكل تراب بس انزلي


نزلت ملاك وراحت المجلس ولقت جدتها جالسه حبت رأسها وجلست جنبها


ملاك : يمه يرضيك هنود دايم يخر عني"ومدت بوزه شبرين"


جده وهي تضحك : مهند ليش تخر عها


ورمت ملاك نفسها على جدتها وضمتها


مهند: يــــــــــــــــــاربي بداء مسلسل مهند ونور" يمه كفاية دلع تراك غرقتيها بدلع تره مو باقي لي شيء


جده:أنت مالك دخل " طــــــــــــــــــــــــــــــــــاح وجه"


ومدت ملاك لسانه " تبي تقهر مهند"


خذ مهند مخدة ورمها على ملاك


جده: خلاص أنت ويها علموني متى بتكبرون


مهند:المهم إنا بطلع علشان أريحكم اسمعوا وش بقولكم فكروا زين إلي ما أجي في شركه معروفه تبييني اشتغل


معهم يعنى الوظيفة جاتني برجولها


جده: حمد الله زين مبروك


مهند: الله يبارك فيك


ملاك: هذا اللي تبنا نفكر فيه اجل إلي ما تجي حضرتك


مهند : ياسبحان الله دايم تستعجلين


ملاك: طيب قول


مهند: اسمعوا ولا تقاطعوني هذا شركه في سعوديه يعني في الرياض


البيت جاهزة وجامعه جاهزة للملاك إذا بغت طبعا


ملاك يوم سمعت هذا الكلام ضاق صدرها
((طبعا أم ملاك وأبوها ماتوا بحادث سيارة في الرياض وهي عمرها سنتين وهي الحين عمره 20 بعد
ماربتها جدتها علشان كذا ماتبي تروح للرياض وتتذكر موت أبوها وأمها وتعبت نفسينا ولا لم تتعافى الابعد
مااطلعوا من سعوديه وراحوا للكويت
جده: لازم للرياض


مهند : أي يمه ملوك حبيبتي اسمعيني لازم تنسي شوفي أنت رايحه للرياض رايحه الحين ولا بعدين


ترى مافي أحلى من بلادنا إلي متى وحنا جالسين هنا


لازم تختلطين بالعالم ألي متى وأنتي كذا أنا والله مو مرتاح الاولما أشوفك مرتاحة مستأنسه تروحين صديقاتك ويجونك وتكملين دراستك


ملاك وعيونها مليانه دموع : أنا كذا مرتاحة


مهند: لا والله مو مرتاحة إنا حاس فيك


جده: ملاك بنتي فكري أنتي جربي وانسي وكلنا ميتين


أبيك مع الناس تخالطينهم ويخالطونك علشان إذا مت أموت وانأ مرتاحة في قبري


ملاك وهي تبكي راحت ضمت جدتها: لا تقولين كذا ياجدتي جعل يومي قبل يومك


مهند: الله يطول بعمرك يمه


جده: طيعي كلامي طيب
((طبعا الجدة ما عنده اللي ولدين وبنت والجد طبعا ميت
الولد الأكبر هاني ( أبو حمد)
أم حمد(حصة)
لهم بنت ولد
حمد عمره 22 سنه يدرس بالجامعة
مرام عمرها 20 سنه كبر ملاك تدرس بالجامعة
"يجون زيارة مره وحده في عطله الصيفية لزيارة الجدة وأحيانا مايجون لانه ا((حصة)) أم حمد تتعب من
طول سفر"
************************************************** *


ملاك: يمه أوعدك إني أفكر


مهند: لازم تكوني مقتنعة ترى مو غاصبك تبين نروح بنروح أهم شي عندي راحتك يا الغالية


ملاك وهي مبتسمة: الله لا يحرمني منك يا اغلي خال بالدنيا أوعدك إني راح أفكر بعقلي


مهند: ايوا هذي ملووكه اللي اعرفها بس لا عاد تقولين "خال"


جده:الله لايحرمكم من بعض


((طبعا مهند ما يحب ملاك تقول له خالي هوفي نظره كلمة خالي ماتنفع إلا لواحد شايب))



مهند:يله إنا طالع بجيكم بعد ساعة مع سلامه يمه


وطلع.
((طبعا الجدة ما عنده اللي ولدين وبنت والجد طبعا ميت
الولد الأكبر هاني ( أبو حمد)
أم حمد(حصة)
لهم بنت ولد
حمد عمره 22 سنه يدرس بالجامعة
مرام عمرها 20 سنه كبر ملاك تدرس بالجامعة
"يجون زيارة مره وحده في عطله الصيفية لزيارة الجدة وأحيانا مايجون لانه ا((حصة)) أم حمد تتعب من
طول سفر"
************************************************** *
بعد تفكر طويل فكرت وقررت ملاك
بعد مرور ساعة جاء مهند
مهند: يمه يمه
جده: تعال هنا وش فيك
يوم سمعت ملاك صوت مهند جاءت له
ملاك: هنود هنود
مهند: هلا وش فيك تعبانه
ملاك وهي تضحك:هههه لابس أنا وافقت خلاص خلينا نروح الرياض
مهند:جد والله متا كده متا كده ملوكه فكرتي زين
الجدة بفرحه:الحمد الله ياربي
ملاك: والله ترى فكرت بعقلي مو برجولي
مهند: لاتنكتين اوك بروح احجز التذاكر ترى بنروح بعد بكره
ملاك: اجل بروح اكلم مروما
الجدة: ياجعل السعادة دوم ع وجهك ياملاك
مهند يالله عن إذنكم
*********************************************


ملاك تدق على مرام
مـــــــــــــــــــــــــــــــلاك: الوووووووووووو
مـــــــــــــــــرام : هلا والله
مـــــــــــــــــــــلاك: هلا فيك مروما أخبارك ياقمر
مــــــــــــــــــرام : تمام ياعسل أنتي كيفك
مــــــــــــــــــــــــلاك:حمد الله تمام
مــــــــــــــرام :كيف هنود مشتاقة له
مــــــــــــــــلاك : تمام وجدتي تمام بعد علشان ما تسالين
مـــــــــــــــــرام: زين اختصرتي علي كلام تعبت وأنا أقول كيف هذا وكيف هذا
مــــــــــــــــــــــــــلاك تضحك: مروما عندي لك بشارة
مـــــــــــــــــــــــرام: وش هي
مـــــــــــــــــــلاك : مو قايله "
مـــــــــــــــــــرام : بليز ملوك لاترفعين أعصابي
مــــــــــــــــــلاك :أنا وجدتي وهنود بنقل للرياض
مــــــــــــــرام: جد والله
مـــــــــــــــــلاك : لا اكذب إنا أتكلم جد من متى وأنا اكذب.
مــــــــــــــــــــــــرام تصارخ :كلللللللللللوش ياحضي ملوك بتجي عندي
مـــــــــــــــــــلاك : من قدك يله لا أطول عليك بدك حاجه
مــــــــــــــــرام: سلامتك.
وخلصت المكالمة
* * * * * * * * * ** * * * *
مرام وهي تصارخ ونازله من فوق مسرعه إلي صالة من سرعته بغت تشيل الباب معها
مرام: يمه يمه يمه يمه يمه
أبو حمد : بسم الله عليك ياخبله وش فيك
أم حمد : خرعتني وش بلاك يوم
مرام وأنفاسها رايحه : يمه مويه طيب
أبو حمد: مرام اوديك مستشفى
مرام: ولاشيء بس عندي لكم أخبار مجانا
أم حمد: الله يرجك قولي
مرام : جدتي وهنود وملوك
ابوحمد وهو مفزوع: وش فيهم
مرام : مافيهم شيء بس ينقلون للرياض توا كلمت ملوك تبشرني
ابوحمد: صدق
أم حمد: ماراح اصدق إلا لما تدق عليهم
مرام : مو مصدقين بكفيكم أهم شيء أنا مصدقه
ابوحمد يدق على أمه
* * * * * * ***********************************
ابوحمد : الوووووووووو يمه /الجدة: آهلين هاني
ابوحمد: كيف صحتك /جده :بخير الله يسلمك وش أخبار حمد ومرام وأم حمد
أبو حمد : حمد الله يسلمون عليك /الجدة: الله يسلمك
ابوحمد: صدق الكلام اللي سمعته
جده: أي صدق كلام اللي سمعته
أبو حمد: يا أنها أحلى بشارة
متى يمه الوصول
جده: ماادري عن مهند يمكن بعد بكره
ابوحمد:يمه اسمعني والله حلفت أن ماتسكونون ببت لحالكم بيتنا كبير وخير واجد
جده: الله يجزاك خير بس مهند لقي بيت
ابوحمد: أنا حلفت يمه قولي تم مهند مو رافض
جده: خلاص اللي تشوفه
أبو حمد: يله توصون بسلامه
جده: مع سلامه
***************************************
إلا يدخل مهند
مهند: يمه من تكلمين
جده: هاني يقول بتسكونون عندي وحلف بعد
مهند: ياربي طيب يمه أنتي وش رأيك
الجدة: أنا عادى عندي
مهند: اوكي خلاص دام انه حلف
"ملاك جالس في نصف الدرج تسمع الكلام"
ملاك ه:هنود بنسكن عند خالي هاني
مهند: بسم الله أنتي من متى وأنتي هنا
ملاك: ليش شايف جني مثلا
مهند: يمكن
ملاك: أكيد جني على هيئت بشر " وراحت فوق"
مهند: من اللي لعب عليها
**********************************
الأول: والله ماراح أخليه هالمرة
الثاني : أنا معك بس متى
الثالث: دقوا علي لا تنسون
الأول: لا مو ناسينك
الثاني: ماقلت متى
الأول:ماادري بدق عليك وعلى طول تركب أنت ويها
الثاني: اوكي المهم أنا عندي المسدسات بجيبها لك
الثالث: الله يستر بس
الاول: خلاص جبها تكفى لا تنسى أو خلها في سيارة بس مكان ما يخطر على بال
الثاني: اوكي صار.
************************************************** ******
بعد مرورليلتــــــــــــــــــــــــــــــــــــــــــ ـــــــــــــــــــــين
مهند: يمه ملوك بسرعة تأخرنا على طياره
الجدة: يله يله أنا جايه
ملاك: هاذي أنا جايه
في المـــــــــــــــــــــــــــــــــــــــــــــــ ـــطار
مهند حط الشنط في السير المتحرك
وبعد دقــــــــــــــــــــــــــــايق إلا المنادى ينادي (( رجاء من أستاذمهند مراجعة الاداره واشكرا))
الجدة: هوه يمه وش يبون بك
ملاك: أي والله في نفسها" الله يستر"
مهند: أنا وش يدرني بروح اشوف واجي لكم اجلسوا هنا
الجدة: بنروح معك
ملاك: أي خلينا نروح معك
مهند: لا اجلسوا هنا دقايق واجي لكم
"مهند راح لللادراه مهند يطق الباب "
الضابط : تفضل
مهند : انتوا طالبني
الضابط: استاذ مهند
مهند: أي
وفتحوا الشنطه ولقوا فيهـــــــــــــــــــــــــــــــــــــــــا
..............


ابي توقعاتــــــــــــــــــــــــــــــــــــــــكـــ ــــــــــــــــــــــــــــــــــــــــــــــم


وش بيكون في الشنطه ؟؟؟؟؟



وهل الاول وثاني وثالث لهم علاقه بشنطه؟؟؟؟؟؟

نااادر وجودي2 ©؛°¨غرامي جديد¨°؛©

البارت الثاني













لقوا في الشنطه تماثيل فيه بداخلها مخدرات

الضابط: وش تسمي هذا بعد ليك عين تهرب ()

مهند: والله الشنطه مو لي

الضابط: لا اجل مين

مهند : والله يا حضرت ضابط آن شنطه مو لي في لبس في الموضوع

الضابط وهو يصارخ : وش اسمك

مهند: صدقني الشنطه مو لي

الضابط : أنا قلت وش اسمك

مهند: اسمي مهند بن عبد الله الــــــــــ ..............

الضابط رفع رأسه : أنت مهند ولد عبد الله

مهند: أي

الضابط: هلا وغلا

مهند وعلامة الاستفهام فوق رأسه : هلا فيك من معي

الضابط: ما عرفتني

مهند وبرضوا علامة الاستفهام طلعت مو وحده ثنيتن: مين معي طيب

الضابط: أنا ولد صالح اخو أبوك عبد الله تذكرت

مهند: اهاااااااااااااااااااااااااااااااا هلا وغلا بولد صديق الغالي

الضابط: هلا فيك أخبارك

مهند: والله تمام

الضابط ماابي أشغلك أخاف ورآك شغل أنا عارف أن شنطه مو لك

مهند: والله مو لي

الضابط : والله مصدقك
" وجلس مهند يقوله السالفة"

الضابط: أظاهر تتبادلتو بشنط

مهند: أكيد

الا يدق الباب طق طق طق طق طق
الضابط : ادخل
العسكري : حضرة الضابط فيه غلط بشنط أنا شفت واحد يوم فتح شنطة خاف لا نه ملاقى المطلوب الا فيها

وشكيت فيه .

الضابط: حلو طيب قبض توا عليه

العسكري: أي طال عمرك

الضابط: خله برى شوي

العسكري : حاضر

مهند: الحمد الله

الضابط: ماادري وش أقولك والله منحرج منك أبيك تقبل اعتذاري

مهند: ما صار شيء

الضابط: يله يالله تلحق على طياره أخرتها علشانك

مهند: مشكور

"" ضابط طبعا وصل مهند و آهل إلي الطيارة وجده وملاك ما يدرون بالموضوع كذب عليهم مهند""

************************************************** ****8
يناظر ساعة لقها ساعة 1 الظهر قام مفزوع من نومه واخذ دش على سريع ولبس ثوبه وتعطر

ونزل وهو مسرع"""""""""""""""""""""""""""""""""""""""

يمه يمه يمه يمه

أم حمد: هلا وش فيك

حمد:يمه الله يهديك ماقومتيني تأخرت على جامعه

آم حمد: أنا وش يدريني عن محاضرتك

حمد: طيب يمه أبي شماغي

آم حمد: في غرفة خدامه بروح أجيبه

حمد: يمه بليز بسرعة

الا يدق جواله
&&&&&&&&&&&&&&&&&&&&&&&
فيصل :حمد وينك وش فيك تأخرت

حمد: راحت على نومه

فيصل : اهاااا بس يله استعجل مابقى الا ساعة على محاضره

حمد: طيب أنا في مسافة الطريق

الا آم حمد تجي امسك شماغك حمد لا تسرع وأرسل رسالة اذا وصلت

حمد: تسلمين يا غالية وان شاء الله تأمرين أمر "" وحب رأسها "

أم حمد: مع سلامه

&&&&&&&&&&&&&&&&&&&&&&&&&&

في الجامعة

حمد: سلام عليكم

فيصل : وعليكم السلام توا ناس ياشمعة جلاس

حمد: ترى مو فاضي لك

فيصل : من متى وأنت تجي فاضيه ماشاء الله عليك دايم مليان

حمد: أقول قم خلينا ندخل بقى 4 دقايق

فيصل: يله
&&&&&&&&&&&&&&&&&&

ساعـــــــــــــــــــــــــــــــــــــــــــــــ ـــ 5ـــــــــــــــــــــــــــــــــــــــــــــــــ ـــــــه العصر

مرام: يمه دقيتي على خالتي هيفاء

أم حمد: أي دقيت عليه تقول آن شاء الله جاين

مرام: زين يمه

أم حمد: جات صواني الحلي اللي طلبتها

مرام: أي توها جايه

آم حمد تناظر ساعة : ياربي حمد ما جاء الله يهديه

مرام: أنتي قايله له أن جدتي بتجي

آم حمد:لا والله ماقلت له نسيت

مرام: اجل مايدري بدق عليه الحين

&&&&&&&&&&&&&&&&&&&&&&&&&&&&&

مرام :الووووووووووووووو حميد

حمد: آهلين
مرام : وينك فيه

حمد: وين بعد مع شباب

مرام: مو جاي للعشاء

حمد وعلامة الاستفهام فوق رأسه: عشاء مين

مرام : لجدتي وهنود

حمد: ليش بجون للرياض

مرام: أي وهم الحين بمسافة الطريق

حمد مصدوم : أما عاد وانأ أخر من يعلم يالله قفلي بروح اجل أجيبهم من مطار

مرام : يله بااااااااااااااااااي
&&&&&&&&&&&&&&&&&&&&&&&&&&&

فيصل : وش فيك

حمد: جدتي ومهند بجون للرياض بروح أجيبهم من مطار

فيصل: اهااااااااااااااااااااا

حمد وهو مستعجل : ترى الماما أكيد عازمتكم ياويلكم ما تجون

فيصل : يشوف يله سلام

حمد: سلام


في المطار

مهند :اخيرااااااااااااا وصلنا للرياض يازين ريحتها بس

جده: أي والله يازينها بس

ملاك تلتفت يمين ويسار كانها أول مره تشوفها

ترن ترن ترن ترن ترن ترن جواااااااااااااااااااااااااااااااااال مهند

مهند: آهلين حميد

حمد: هلا فيك

مهند: هلا بالقاطع

حمد: حرام عليك أنا قاطع

مهند: بداء يمثل المسكين أقول وينك خلصني أكيد في المطار
حمد:أي انا فيها انتوى وين الحين

مهند: شف باشر يدي

ملاك: حمد ولد خالي هاني

مهند: أي . مهند يأشر تعال هنا يا غبي ما تشوف

حمد: لا مو مصدق هذا عمو ولله ما عرفتك " وراح وضمه وحب رأس جدته"

منوره الرياض بوجود الاحبايب

مهند: بوجودك

جده: وش إخبارك ياحمد

حمد: بخير يايمه وأنت بشريني عن صحتك

جده: حمد الله

حمد: إخبارك ياملاك منورة الرياض

ملاك: تمام حمد أنت كيفك

حمد:والله بخير

هنووووووووووووووو والله اني ما عرفتك متغير مره طالع نايس خقق

حتى أنا خقيت معك لو انك بنت كان ولله ما اخليك

مهند"يضحك": ماعليك زود يله خلينا نروح بس أمي تعبت من وقفه

حمد: يله
&&&&&&&&&&&&&&&&&&&&&&&&&&&&&&&&&&&&&&&
مرام تصارخ : يمه يمه يمه جاوا جاوا جاوا

ابو حمد : بروح افتح الباب

"ابو حمد حب رأس آمه وتحمد بسلامه وسلم على مهند وملاك"

أبو حمد: تفضلووووا حياكم

"دخـــــــــــــــــــــــــــــــــــــــــــ ــــ ــــــــــــــــــــــــــــــــــــــلوا"
أبو حمد: درب درب

" أم حمد راحت تلبس الجلال وجات لمموهم"

مهند: وش إخبارك أم حمد

أم حمد: حمد الله بخير الله يسلمك وش إخبارك أنت
مهند: بخير الله يسلمك

أم حمد: إخبارك يا خالتي عسى متعبتي من السفر

الجدة: حمد الله

" وسحبت مرام ملاك وصعدوا فوق "

مهند: حميد ودني لغرفتك أبي اخذ دش وأبي ارتاح

حمد: يله قوم " قاموا صعدوا فوق
&&&&&&&&&&&&&&&&&&&&&&&&&&&&&
ملاك يوم دخلت غرفة مرام
: واااااااااااااااااااااو مروما جنان الغرفة "كانت مصبوغة باللون اسود وفيها قلوب باللون الأحمر

في كتابه eباللون الأبيض

مرام: أعجبتك صح

ملاك: نايس جنان

مرام: كللك ذوق . أظاهر بمجلس نمدح لا ما يذان المغرب ويجون الناس

ملاك " تضحك":ههههه ليش فيه ناس يبجون مروما غيرنا

مرام: إيه بتجي خالتي هيفاء ويمكن فيصل وأهله

ملاك: اهاا خالتك عندها عيال
مرام : ايوا عندها بنتين ولدين أكبرهم بنت اسمها( هند) عمرها 25 سنه

موظفه . وبعدها (تركي عمره 32 يرضوا موظف . (راكان عمره21يدرس بالجامعة .أصغرهم (حنان

عمرها20 سنه جالسه بالبيت

ملاك: اهااا ما شاء الله كبار

مرام : ايوا كبار. أقول ملوك قومي خذي شور بس لحقين ع السوالف

ملاك: يالله هذاني إنا قايمه

مرام: إنا بطلع بروح عند هنود ويجلس اسولف معه إلى ما تخلصين

ملاك: اوك


((مرام طلعت و رااااحت مسرررعه وطق باب غرفه حمد ((طق طق طق)

حمد : مين(هو جالس ع الكرسي وحاط رجل ع رجل)؟

مرام: مين بعد الجني

حمد:جني يدخل فيك إن شاء الله

(مرام ترفس الباب ( طرررررخ)
حمد:ووجع

(مهند توه طالع من دورة المياه والفوطة فوق رأسه)

مهند: سلامات كسرتي الباب

مرام: وش أسوي حميد رافع ضغطي

حمد:يالنصابه ما قلت شيء هنود سمعت قلت شأ

مهند:ياربي يا إن راسي بينفجر

حمد:أنا ماسويت شئ هي<< وهو يأشر ع مرام

مرام: ياربي ما سويت شئ اسكت بس خلني اسولف مع هنود

(( مهند وهو مكتف يديه وجالس يناظرهم))
مهند: خلصتوا

حمد: لا لسئ
مرام(تغير الموضوع): أقول هنود متغير مرره مو صح حميد

حمد: اللي طالع خقق

مهند : جد والله

مرام:لا والله طالع جناااااان لويشوفونك البنات بيذوووبون عليك

حمد:هنود إذا رحت لسوق وإذا جاك رقم ع المماشي لا تخليه خذه وعطني ايااه بكلم ع انه آنت

مهند: بالله

مرام: ليش شايف هنود زيك طايش

حمد: كلي انتي تراب

مهند: ياالله راسي أبيه مو بايعه مرام روحي لملاك أحسن لك إذا تبين تسولفين معي لا تجلسين اللي اذاكان حمد مو عندي بللليز يرحم والديكم

حمد يضحك:هههههههه هنود عصب ياحليلك

قام مهند(وخذا الشباشب ونحاش حمد من الغرفة )

حمد : أروح عند أبوي أحسن من أقابل وجهك
مرام ماسكه بطنها من الضحك وعطاها نظره

لا خلاص بليز بروح بدون شباشب

مهند : ما يفهمون اللى بالعين الحمراء




مرام تدخل ع ملاك بسرعة

ملاك : تو الناس

مرام: واااو تعبت من الركض

ملاك : ليش؟؟

مرام:مهند عصب علي وحميد


ملاك : أحسن باليت ضربك بعد( مرام تأخذ المخدة وترميها ع ملاك)

مرام: غبي اللي يسولف معك أقول قومي زيني كشتك قبل يجوون

&&&&&&&&&&&&&&&&&&&&&&&&&&&&&&&&&

دخل البيت تعبان ومرهق : يمه يمه يمه

أم راشد: هنا تعال وش فيك تصارخ

فيصل:سلام عليكم

ام راشد: وعليكم السلام مو من عواديك تجي مبكر

فيصل: وش أسوي البرنامج اليوم تغير المهم أهل حمد عازمينكم

أم راشد: أي توا أم حمد مرسله لي رسالة

فيصل: تروحون اجل

أم راشد: إن شاء الله

فيصل : اهاااا غريبة وين بدوري

أم راشد: نايم تعب من اللعب ونام

فيصل: اهاااااا

" الا فجاءه يجي صوت من المطبخ صوت ( صارخ ) فيصل وأم راشد يقومون بسرعة إلي المطبخ"

فيصل: وش فيك

" أميره فوق كرسي ": يمه صارور شوفيه

أم راشد: جعله فوق راسك خرعتني

فيصل" يضحك": هههههههههه حمد الله علشان صارور

اميره: ابعده عني وأنت ساكت

فيصل: أي طيب

ام راشد: اقول بس انزلي روحي بدلي ملابسك بنروح لبيت ام حمد

اميره: طيب بس أبعدوه عني

فيصل" يمد لسانه":يامسكينه اجلسي إلي مايروح عنك

اميره: ياربي بنزل "وراحت للفوق "

فيصل: يمه عن إذنك بروح اخذ شورا

ام راشد: اذنك معاك

سالي سالي سالي " طبعا سالي خدامه حقتهم "

سالي: نعم ماما

ام راشد: قومي بدوري وخليه يلبس بنروح للناس

سالي: حاضر ماما
&&&&&&&&&&&&&&&&&&&&&&&&
" طبعا عائلة ابو راشد تتكون من

ابو راشد: يشتغل في خارج ما يجيهم الا قليلا واذا جاء يجلس يومان بس.

ام راشد فضلت تجلس مع عيالها في سعوديه """ لهم ولدين وبنتين"""

راشد: الكبير عمره 28سنه متزوج مرآته مات بعد الولادة جابت ولد وماتت

بدوري : ولد راشد عمره 3 سنوات

امل : عمره 25 متزوجه عندها بنت عمرها سنه متزوجه ولد عمها ""ياسر""

فيصل: عمره 22 سنه يدرس بالجامعه

اميره: اخر العنقود عمرها 20 سنه تدرس باجامعه """
&&&&&&&&&&&&&&&&&&&&&&&&&&&&&&&&&&&&&
في الكوفي شوب

الاول:اهلين شباب

الثاني : اهلين

الثالث: هلا فيك

االثاني: هاوش صار

الاول: إلي الحين مااادري بس خليكم جاهزين


الثالث: اوكي حنا جاهزين

الثاني: وانا جاهز

الاول : شباب مااادري وش أقولكم على وقفتكم

الثالث: لا تقول شيء صديق وقت ضيق
وش رأيكم نمشي .

الاول: يله
&&&&&&&&&&&&&&&&&&&&&&7

"راشد يدخل البيت توى راجع من الدوام "
راشد: يمه يمه

ام راشد: هلا راشد

" راح باس رأسها وجلس"

راشد:غريبه وين ولدي

ام راشد: توى قايم من نوم خليت خدامه تلبسه

راشد: ليش وين رايحين اجل

ام راشد: لبيت ام حمد جدتهم راجعه من الكويت ومسوين عزيمه

راشد: اهااااا

ام راشد : بتروح معنا

راشد: لا وين احس اني تعبان بروح انام بعد صلاه

ام راشد: ياليت تريح راسك من شغل بس

راشد: يمه وش اسوي

ام راشد: اشتغل نهار كافي عليك

راشد: والليل وش اسوي فيه اروح الشغلي احس لي


يتبـــــــــــــــــــــــــــــــــــــــــــــــ ــــــــــــــــــــــــع

نااادر وجودي2 ©؛°¨غرامي جديد¨°؛©

تابع للبارت الثاني




حمد صارخ يوم ضربته

ابوحمد : وش فيك

حمد: لابس صقعت الخيمة ما اادري. المهم يبه امي تقول عشاء جاهز

ابوحمد: يله تفضلوا

" وقام ابو تركي وابو حمد للعشاء"

مهند : علينا الخيمه صقعتك

حمد " وهو حاط يده على مكان ضربه": انا أراويها

تركي" وهو يضحك": اكيد مرام


مهند: وفي احد غيرها سبحان الله ابليس هو ويها

فيصل: مو سهله اختك

مهند: حميد اذا خلصت تعال للعشاء " وهو يبتسم"

حمد: اقول انقلعوا بس

" طبعا العشاء حاطينه في عشب المزروع"

"يوم طلعوا من خيمه ""
فيصل يأشر لبدوري: تعال يله نتعشى

تركي :وين ابوه

فيصل : راجع من دوام دايخ قل بنوم

تركي: اهااااا

" وراحوا يتعشون"
&&&&&&&&&&&&&&&&&&&&&&&&&&&&&&&&&
"مرام ماسكه خط ألي ما وصلت عند بنات "

ملاك: هوه مروما وش فيك داعسه وين فرامل

مرام: ماعاد فيه خربانه

هند: وش فيك

مرام: اه اه اه اه اه ياربي احس اني بذلت مجهود اصبروا خلوني أتنفس

اميره: لبش مأخذين أكسجين من الغرفة

مرام" وهي تضحك": ماتدرون وش سويت ضربت حمد وانحشت

ملاك: هوه

هند: مو صاحية ما لقيتي الا حمد

حنان: ماخلتني اروح معك علشان اساعدك

مرام: ياليتك رايحه معي

" الا تجي ام حمد " ام حمد: ساعه اناديك مرام

مرام : والله ما سمعت

ام حمد: يله بنات العشاء جاهز جعلكم العرس

لكل : امين" الا هند وملاك"

مرام : يله يا حلوات هيا ننطلق للعشاء وذا خلصنا عندي العبه

حنان: حلو في شيء جديد

" بنات طبعا راحوا يتعشون"
&&&&&&&&&&&&&&&&&&&&&&&&&&&&&&&&&&&
بعد العشــــــــــــــــــــــــــــــــــــــــــــــ ــــاء

تركي : شباب تبي نلعب كرة وش رايكم

مهند: يله

فيصل: حميد ساكت من اثر ضربه " وهو يضحك"

مهند: اكيد
اقول لا يكثر انت وياه بروح اجيب الكره

تركي : فصولي ولد اخوك نام

فيصل: جد ما حسيت فيه" طبعا بدوري جالس فوق رجول فيصل"

"فيصل يدق على اميره"
&&&&&&&&&&&&&&&&&&&&&&&&&&&&&&
اميره: هلا فيصل

فيصل/ هلا ترى بدوري نام تعالي عند الباب علشان تأخذينه
اميره : طيب
"اميره عند الباب"
فيصل: خذي بدوري
اميره : وش فيك رافع ثوبك وينك فيه

فيصل: بنلعب كره علشان كذا

اميره: اهااااااااا

" اميره راحت عند البنات"

هند: هذا ولد اخوك

اميره : أي

هند : ماشاء الله قمر
اميره : تسلمين

هند: يا خسارة نام

اميره: يا عمري تعب من اللعب ونام . بنات عندي لكم اخبار

مرام: سمعينا

اميره : عيال بيلعبون كوره

مرام: امااااااااااااااا
حنان: يله بنات بسرعه خلونا نروح

ملاك: طيب اذا لعبوا

مرام: بروح اجيب الطرح>>>>>>> أو قسمه

&&&&&&&&&&&&&&&&&&&&&&&&&&&&&&

عند عيـــــــــــــــــــــــــــــــــــــــال

مهند: شباب اسمحولي راسي ماادري شنو فيه مصدع مو لعب

تركي: اجل خلاص مو لعبين . الا اذا كان تبون تلعبون

فيصل: لا ماينفع 3 خلوها بعدين كلمه كان اكثر كان احسن

حمد: براحتكم . احسن شيء سوا توه لان يدي تو جعني (( الله يأخذك يا مرام)))

مهند: تدعي على اختك استح على وجهك

حمد: استغفر الله من قهر دعيت

مهند: بس حلو اذا بغيت فكا منك ناديت مرام""" وهو يضحك""""

حمد: ههههههههههه لا تنكت

فيصل: على فكره البنات يمكن يجون لان قايل للاميره انا بنلعب كوره

تركي : بتشوف بعد شوي .اسمعو عندي فكره بس مين قد تحدى
وااللي بسويها له مني عشاء بكره

مهند: وش هو
حمد: صار تحدى بس قول

فيصل: قول طيي بأول

تركي: حنا بنجلس هنا على العشب على انا بنلعب كوره

مهند: ايوا

تركي: حطوا لكوره قدام واذا سمعنا أصواتهم خلى واحد منكم يشوت

الكوره >>>>>>> يمه كوره


ها من قد تحدى

مهند: انا اسمحولي انا انسحب من تحدى

حمد: اوكي صار بعد فرصه اردلها مرام

فيصل: مو سهلين انتوا
تركي: لا توصي. اوص اوص سمعت اصواتهم حمد خلك جاهز
&&&&&&&&&&&&&&&&&&&&&&&&&&&&&&&&&&&&

حنان: وااااو ذاك مهند يجنن " وتغمز لملاك" ترى باخذه

ملاك " تضحك"

اميره: خالك صح

ملاك: أي
اميره : اهااااا
مرام: عيال متى بيلعبون

حنان : اسمع منهم يقولون بنقوم بعد شوي
&&&&&&&&&&&&&&&&&&&&&&&&&&&&&&&&&

حمد: حلو ذيك مرام

مهند: ملاك معهم

حمد: اكيد كلهم ياربي ان شاء الله ملاك مو معهم

مهند: ترها خوافه بليز لا يجيها شيء

حمد: لا اظاهر مو معهم في بنتين بعدوا

تركي : خلك جاهز بعد شوي
"&&&&&&&&&&&&&&&&&&&&&&&&&&&&&&&&&&&&&

(( طبعا البنات منشغلين بسوالف وهند وملاك ابعدوا عن البنات))))

هند: بنات اذا لعبوا علمونا بجلس هنا انا وملاك

((( الا تجي الكوره كأنها صاروخ جاي و""

وطرااااااااااااااااااااااااااااااااااااااااااااااا ااااااااااااااااااخ""" على

مرام وحنان واميره وكل وحده بزاوية))))

" وعيال ميتين ضحك"
"ملاك و هند ميتين ضحك"

&&&&&&&&&&&&&&&&&&&&&&&&&&&&&&&&
"تركي ماسك بطنه من ضحك": عليهم شكل

مهند: ياربي احس اني لي سنه ما ضحكت

" حمد ما قدر يتكلم من ضحك"

فيصل: احس اني مو نايم اليوم من ضحك
&&&&&&&&&&&&&&&&&&&&&&&&&&&&&&&&&&&

((( البنات دخلوا داخل وكل وحده اللي ماسكه ظهره واللي ماسكه رأسها

واللي ماسكه بطنها من ضحك))

حنان: ياربي أرجولي توجعني

اميره: اوخوك مو صاحي

مرام: والله ما أخليه

هند" وهي تضحك: اميره بدر قام

""" بدر منصدم وش هالناس """""""

اميره : تعال بدوري هنا

""" هند تسحب خدته""": يا حليله

هند: حنو شوفي في شنطتي علبة بسكويت عطيني اياه . ""وتعطيه بدر"""

اميره: قول لها شكرا هند

بدر: تكرا هند

ملاك: بسم الله عليه

""" الا تجي خدامه """: ماما في قول يله 2 ماما.

مرام: طيب

"" وطلعوا بنات مع امهاتهم وكل واحد رح لبيتهم"""
&&&&&&&&&&&&&&&&&&&&&&&&&&&&&&&&&
Maram in the room*





" مرام جالسه على السريرها وضامه دب""

ملاك: مروما الا بسالك وين مرت راشد

مرام: ماتدرين ماتت "" الله يرحمه""

ملاك" ضاق صدرها: ياعمري

مرام: بعد الولادة ماتت حتى يا قلبي ماشافته

ملاك: الله يرحمها طيب بدر ما سال عن امه

مرام: اميره تقول لا ماسال

ملاك: اهاااااااا

مرام: انا عطشانه بروح اجيب مويه تبين اجيب معي

ملاك: يسلموووووووو مروما لا
""""" الا تنزل مرام وتسمع صوت بمطبخ يوم دخلت المطبخ شافت حد جالس يصلح شاي طبعا هو ما حس فيها مرام وقفت عند باب وهي ماسكه خصرها """

مرام: اهلين حميد

حمد" وهو يبتسم"": اهلين بس كيف اشوته حلوه صح

مرام: كل تراب اوريك بس

حمد: من اللي بدا بشر انا ولا انتي

"" مرام ماسكه كاس الماء تلاحق حمد "

حمد: بليز كاس مويه مره وحده توني ماخذ شورا كفاية"" ويدخل الغرفة ويقفل الباب""
مرام : هين واريك
&&&&&&&&&&&&&&&&&&&&&&&&&&&&&&&&&&&&&&&&&

مهند وهو لابس بجانه وجلس على الأب توب "": وش فيك لا يكون مرام

حمد: وفي احد غيرها امسك المويه تبي تشربها اشربها انا خلاص احس اني دخت من كثر ركض.

"مهند يضــــــــــــــــــــــــــــــــــــــــــــــــ ــــــــــــــــــــــــــــــحك"

&&&&&&&&&&&&&&&&&&&&&&&&&&&&&&&&&&&&&&&&&&&

نااادر وجودي2 ©؛°¨غرامي جديد¨°؛©

(((اليوم الثاني))

" راشد جالس يفطر ": ها يمه متى جيتوا من عزيمه

ام راشد: ساعه 12

راشد: لايكون بدوري ضايقك

ام راشد: لا والله كان اصلا جالس مع فيصل

"" الاينزل فيصل من فوق ويحب راسه امه""

فيصل: صباح الخير

راشد: سباح نور

فيصل: رشود توى داق على تروك عازمنا في بيتهم يقول لا زم تجي

راشد: ولد خالته حمد

فيصل : أي

ام راشد: روح وسع صدرك احسن من جلست البيت بعدين رجال عازمك لا ترده

راشد: اوكي بشوف لاني بطلع بعد شوي ويا بدوري واعده اني أطلعه من البيت واذا

جيت بشوف

فيصل: اوكي

راشد " ينادي بدوري"

راشد: تعال وش اللي معك فيصل انت معطيه

فيصل: لا اصلا اللي شريته أكله أمس

راشد: مين عطاك ايها

بدر: حرمه زى أميره

فيصل: اسمها ملاك

بدر: لا

فيصل: يمه وش أسامي بنات أبو تركي هند ومين

" بدر نط يوم سمع اسم هند": أي هند

راشد: مين هند

ام راشد: بنت ابو تركي

راشد: اهاااااا يله اجل يمه تبون شيء

ام راشد: سلامتك "" وطلع """

فيصل: يمه هي بعد تركي

ام راشد:لا هي اكبر من تركي

فيصل: اهاااااا

ام راشد: اجل ناوي

فيصل: لا وين اخذ وحده اكبر مني وثاني شيء لسى توني
ام راشد: والله مدري
&&&&&&&&&&&&&&&&&&&&&&&&&&&&&&&&&&&&&&&&&&&&


In the house of Abu Hamad

(((((((((في بيت ابو حمد)))))))))))))))


" لكل جالس يفطر"

الا يرن جوال مهند""""""ترن ترن ترن ترن"""""""""""""
مهند: منو هالرقم غريبه

مهند: الوووووووووووووووو/ أي معك مهند/ اليوم/ اهاااا/ اوكي/// مشكور

ابو حمد: منو

مهند: الشركه اللي بشتغل فيها يقولون تعال وقع علشان تستلم شغلك من يوم السبت

ابو حمد: حلو الله يوفقك

الجده: أمين ويزوجك

مهند""""""""""""""""""" يضحك"""""""""""""""""""""""""""""

مرام: ترى بتروح معي ملاك للجامعه تقدم بكره مين يودينا

مهند: حلو قنعتيها

ام حمد: مرام تجلس فوق راس الواحد الى ما يوافق

مرام: احم احم احم احم

ملاك"" تضحك""""""""

حمد: اقول انا ترى محاضرتي بكره الساعه 8 يعنى لاحد يقومني

مهند: انا بوديكم بكره . المهم حميد تروح معي للشركه

حمد: يله "" وطلعوا"""

ابو حمد: انا بطلع تبون شيء

لكل:سلامتك"" وطلع""

مرام: يمه ترى بنروح اليوم انا ووملاك وامير للسوق نشتري ملابس للجامعه ماعندنا شيء

ام حمد: مين بيروح معكم

مرام: ماما بليز محد فيه الا سواق وبعدين حمد ومهند معزومين والله ما اقفل جوالي

مو متاخرين

ام حمد: خلاص يا حبيلك للازعاج

مرام" راحت حبت راس امها" : الله لايحرمني منك يا اغلى ام بالعالم
&&&&&&&&&&&&&&&&&&&&&&&&&&&&&&&&&&&&&&
الســــــــــــــــــــــــــــــــــــــــــــــ 7ـــــــــــــــــــــــــــــاعه المغرب

"" حمد ومهند يدخلون البيت"""

"ابوحمد جالس في صاله": هاه وش سوي توا

مهند: خلصت الاجراءت وكل شيء وبشتغل من يوم السبت

ابو حمد: بتوفيق

مهند:امين

حمد: أحسن شيء هنود سواه لي انه غداني زين اذا كنت مطفر بجيك " ويغمز له""

مهند: اقول قم بس والله علشان ما عندي سيارة وان شاء الله إذا شريت افلقني اذا جيتك

ابو حمد: انت فيك خير اصلا ماقلت بروح اعشي عمي او بغدي على حساب

حمد: يحمد ربه إني جايبه من المطار

مهند: بعد اقول اقلب وجهك لا اجيب ازباريه

حمد: لا لا عارف تسويها اروح اخذ شور احسن لي

مهند: انقلع وانا بعد بروح تبي شيء خيو

ابو :حمد سلامتك
&&&&&&&&&&&&&&&&&&&&&&&&&&

n the house of Abu Turki

((في بيت ابو تركي)))))))))))

تركي : يمه لا أوصيك على العشاء

ام تركي: كل شيء جاهز

هند: حتى شاي وقهوه في مجلس رجال حطيتها علشان لاتقول شيء

تركي: يسلموووووووو هنوووووووده

هند: العفوا
&&&&&&&&&&&&&&&&&&&&&&&&&&&&&&&&&&&&&&&&&&&&
"مرام تدق على اميره"

مرام : اللووووو أموره ترى امي وافقت

اميره: وانا بعد

مرام: متى تجين ترى بعد صلاه مباشره علشان يمدنا نجي

اميره : اوكي بعد صلاه عندكم

&&&&&&&&&&&&&&&&&&&&&&&&&&&&&&

بعد صلاة العشــــــــــــــــــــــــــــــــــاء

راشد: يله فصولي تأخرنا
فيصل: يله

بدوري: بابا بابا بابا بروح معك

راشد: لا بابا بروح عند رجال مره ثانيه تروح معي

فيصل: اميره بسرعه اذا تبيني اوديك معي

اميره: انا جاهزه

"""" وصل فيصل اميره لبيت ابو حمد وهو ويا راشد لبيت ابو تركي"""""

تركي: هلا وغلا. تفضلوا

راشد: هلا فيك

تركي: وين ولدك

راشد: بيجلس يشغلني تركته في البيت

تركي:كان جبته

راشد: مره ثانيه

فيصل: وين مهند وحمد ما جاوا
تركي : يقولون في مسافة الطريق

"" الا يدخل حمد ومهند"""
مهند: اخبارك راشد

راشد: تمام يا غالي

مهند: منور

راشد: نور نورك
&&&&&&&&&&&&&&&&&&&&&&&&&&&&&&&&&&&&&


In the market
في الــــــــــــــــــــــــــــــــــــــــــــــــ ـــــــسوق

"" بعد ما خلصوا جلسوا يتعشون""

مرام: الفستان اللي اختر تيه اموره حلو

اميره: كلك ذوق

""" الايجي واحد ويحط رقمه على طاوله""""""""""""

ملاك: مصدق عمره

مرام: من جد

اميره: من زين شكله عاد

مرام: يمه يناظر

ملاك: اقول قوموا خلونا نروح انا اخاف اذا مهند مو معي

اميره: ماما تقول لاتتاخرون يله بنات

مرام: يله

"""" وقاموا وراحوا وكل وحده راحت للبيتهم بعد ما شروا السوق كله"""""""""""""

&&&&&&&&&&&&&&&&&&&&&&&&&&&&&&&&&

راشد: يسلمووووووووووو تروك على العشاء

تركي: الله يسلمك

مهند: جنان العشاء تسلم الايادى

تركي: تسلم يا غالي

راشد: هنووود كيف الكويت هناك

مهند: بصراحه هي حلوه اذا كان معك احد تعرفه .. بس طفش هناك هنا احسن

حمد: بنات هناك خقق اجل

مهند: لاتوصى بس ... من قاله وع يازين بنات سعوديه بس

راشد: يقولون البنات هم اللي يوزعون ارقام

مهند: مره.. والله احيانا إذا طلعت من الجامعه القي سيارتي مليانه ارقام

راشد: وش عندك معجبين

تركي: اكيد

مهند: ولامره نشبت بوحدة كل يوم تجي تقول لي ممكن نتعشى سوا

ولا من زينها

حمد: وع يازين بنات بلادي
فيصل "" يناظر ساعه""": وااااااااو شباب اخذتنا سواليف ما حسينا ورآنا جامعه بكره

يله انا بروح

راشد: وانا بعد يله سلام

مهند: مع سلامه تروك
تركي: منورين

حمد: ادري

"""""""""""""""" وطلعوا وكل واحد راح لبيتهم"""""""""""""""""

&&&&&&&&&&&&&&&&&&&&&&&&&&&&&&&&&&&&&&&&

لكل يتجهز للجامعه واللي للدوام

"مهند ينزل من الدرج حب رأسه امه"": صباح خير يا اغلي ناس

الجده: صباح نور ابو حمد: صباح سرور

ابو حمد : اجل متحمس للشغل

مهند: مره . الا اقول حمد متى يروح اجل


ام حمد: ساعه 8

مهند: اهاااااااااااا يله بنات انا طالع استناكم في سياره

مرام: يله انا جايه كانت لابسه(( تنوره قصيره نصف ركبه اسود و بلوزه بيضاء))

ملاك: لابسه(( تنوره إلي ركبه اسود وبلوزه لونها اخضر فيه قلوب ))

مرام,وملاك : صباح الخير

لكل : صباح نور
" ملاك ومرام لبسوا عبا يتهم"

&&&&&&&&&&&&&&&&&&&&&&&&&&&&&&&&&


In the car
فـــــــــــــــــــ السيارة ــــــــــــــــــــــــي


مهند: ملاك اجل متحمسة للجامعه

ملاك: اكيد

مهند: بتوفيق بس لا تدخلين للقسم ما تبينه

ملاك: اوكي

مهند: مروما لا اوصيك على ملاك

مرام : ابشر

ملاك: بسافر برى انا

مهند: وش اسوي خايف عليك

ملاك: وااااااااااااااااااوا فديت اللي يستحون بس

مرام: اخص ملاك وش عندك

مهند: ما شفتي شيء هناك غرقتني بكلامها هناك

مرام: عسى احد أنقذك

ملاك""تضحك""
مهند: اقول انزلوا ترنا وصلنا

"""""""""""""""""ونزلوا""""""""""""""""
&&&&&&&&&&&&&&&&&&&&&&&&&&&&&&&&&&&&&&&&&&&
ســـــــــــــــــــــــــ 8ـــــــــــــــــــــــاعه

""حمد نزل من فوق"": صباح الخير يا احلى الناس

ام حمد: صباح نور
حمد ""منصدم""": وين تيتا

ام حمد: راحت تزور وحده

حمد: اهاااااااااااااااااا

ام حمد: ماتبي فطور

حمد: لا بروح افطر مع انا وفصيل

ام حمد : بكيفك

حمد: تبين شيء يمه

ام حمد: سلامتك

حمد: بااااااااااااااااااااااااااااي

&&&&&&&&&&&&&&&&&&&&&&&&&&


In the company
فـــــــــــــــــــــــــ الشركه ــــــــــــــــــــي


المد\ير: اهلين مهند را ح تشتغل مع ولدي رائد

في نفس المكتب لان في ضغط عليه ان شاء الله يعجبك وان ضايقك أي

شيء لاتستحي تعال وقل لي

مهند: تسلم

"""""""""""""راح المدير حتى يعلم مهند مكان شغله""""""""""""""""""

المد/ير منصدم : وينه . على عموم هذا شغلك((( رائد مو في مكتبه ))))))))

اول مره يغيب عن شغله

. المهم ماابي اطول عليك برسل لك موظف يعلمك الشغل

مهند: اوكي

"""""""" مهند جلس يناظر المكتب كان مره روعه كان مصبوغ بلون رصاصي وتركواز

وغرفه فيه مكتبين """"""""""""""""""""""""""

&&&&&&&&&&&&&&&&&&&&&&&
الأول وثاني في سيارة

الأول يدق على الثالث:

الأول: هاه جاهز امرك

الثالث: ايوا جاهز انا الحين في كوفي شوب

الاول :اوكي انا جاي

""""""""""مكالمه خلصت""""""""""""""

الاول : ماينفع 3

الثاني: خلاص عندي واحد بدق عليه راعي فزعه

الاول: واثق فيه

الثاني: ايوا بدق عليه
&&&&&&&&&&&&&&&&&&&&&&&&



At the university





فــــــــــــــالجامعه ـــــــــــــي

مرام: ياربي عندي محاضره ثانيه اليوم

ملاك ماراح اخليك تجلسين الحالك

روابي : طيب روحي للبيت((( طبعا روابي صديقت مرام)))))))

ملاك: مافي احد يجي ياخذني

روابي : خلاص تعالي معي بوصلك

مرام: مين بايخذك

روابي : السواق خاص معي اربعة بنات بس

هو مايقول شيء اذا جت بنت زياده

مرام: ها ملوووووووووووووك روحي معها احسن لك

ملاك" مترده"/ مااادري

روابي: مو اول مره اركب معه لي اسبوعين


مرام: ها ملوووووووك

ملاك: اوكي بروح

روابي : يله انا الحين بطلع

"""" روابي و وملاك طلعوا وركبوا السياره وملاك طبعا كانت خايفه """""""""

روابي : وش فيك ترتجفين

ملاك: انا كذا اذا ركبت مع احد غريب

روابي : لا تخافين

&&&&&&&&&&&&&&&&&&&&&&&&&&&&&&&
""""""""طبعا مرام وهي في الجامعه مارتاحت تندمت انها خلت ملاك تروح وهي مو معها

كانت حاسة بشيء بصير"""""""""""""""""""""""""""""""""

&&&&&&&&&&&&&&&&&&&&&&&&&&&&&&&&&&&&&&&

في السياره الخاصه

(( وهم في مسافة الطريق تجي سياره مسرعه جمس وتوقف سيارة اللي فيها البنات


وينزل منها اربعة شباب متلثمين )))))))))))))))))







يله ابي توقعــــــــــــــــــــــــــــــــــــــــــــــ ــــــــــــــــــــــــــاتكم

وش بصيرالملاك ؟؟؟؟؟؟؟؟؟؟؟؟؟؟؟؟؟


ومن الاول وثاني وثالث ؟؟؟؟؟؟؟؟؟؟؟؟؟

وش يبون بسياره اللي فيه بنات ؟؟؟؟؟؟؟؟؟؟؟

على العموم البارت الثالث يمكن ما انزله الا بعد اسبوعين



اذا شفت حماس و10 ردودا كذا تخلوني اتحمس اكتب الباقي


وان شاء الله يعجبكم البارت ثاني

تحياتي............................................ نادر وجودي

روح زايــــد مستشــ¸.·* غرام *·.¸ـــاري

وعليكم السلام

بالتوفيق ان شاء الله

القوانين ، تحديث جديد ؛

نااادر وجودي2 ©؛°¨غرامي جديد¨°؛©

يسلموووووووووو على مرور

همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1