Cold night ©؛°¨غرامي جديد¨°؛©

السلام عليكم .. هذي أول رواية أألفها و اتمنى الجميع يقرأها
المؤلفة : zo0on .. عادي اي احد ينقلها لأي موقع ثاني بس مع اسم المؤلفة ..

نبدأ..



جوان : 19 سنه اول سنة جامعه تخصص طب
جوري : 15 سنه ثالث متوسط , اخت جوان
سعود : 21 سنه يدرس برا , اخو جوان وجوري
نوره : 42 سنه أمهم وكيله بمدرسة جوري

البارت الأول : <- طبعاً انا بتعامل مع البارتات لاني ماقدر انزلها كلها لاني اكتب بعدين انزلها

جوان وهي راجعه من الدوام : وه بسس اشتقت لسريري ابي انام تعبانه حيييل.. ومو مشتهيه اكل شي
جوري : ههههه تستاهلين داخله طب يلوعون كبدك
جوان وهي بالدرج بتروح لغرفتها : بس بعدين انفع المجتمع يا حبيبتي
الأم : وين وين!! تعالي مسويه لكم مفاجأه اليوم
جوان وجوري بنفس الوقت قالوا : وشو ؟
الأم : يلا روحوا بدلوا بنطلع نتغدا بمطعم ( ..... ) اللي اكله مره حلو
جوان : واااو صديقاتي دايم يقولون اكله لذيذ
جوري : اي حتى سوسو دايم تقولي ان مره اكله لذيذ بالذات الشوربه
الأم : يلا روحوا بدلوا لاني قلت للسواق يطلع السياره عشان نروح يلا اسرعوا..
جوري وجوان بنفس الوقت : إن شاء الله ماما
كل وحده طلعت فوق تركض على غرفتها عشان ماتبي تأخر امها 5 دقايق الا هم بالسياره
جوان : اقول ماما
الأم : هلا ؟
جوان : متى ناوي يجي سعوود اشتقت له حيل!
الأم : اي كلمني قبل امس قال ان شاء الله بيجي بعد شهر و كم يوم
جوري : ياااي متحمسه مره له
جوان : هههههههههه له ولا الهدايا
جوري : لا هو والهدايا كلهم
الأم : يلا بنات وصلنا انزلوا
جوري وجوان نزلوا ودخلوا المطعم لقوا عامل و جوان كانت عندها لغة شوي يعني تعرف تتكلم انجليزي
جوان : please i want a table for 3 people <- بعد الترجمة : لو سمحت اريد طاولة لـ 3 اشخاص
الرجال : ok please wait here <- بعد الترجمة : حسناً من فضلكم انتظروا هنا
جوان : اوك
الأم : ماشاء الله اثر عندك لغة لو داريه كان خليتك تروحين امريكا انتي بدال اخوك سعود
جوان : ههههههه لا مابي ابي اقعد بقربك يا أحلى و أغلى ام
جوري : وانا ويني مالي وجه ماما وزعلت <- لانها دلوعه امها مره
الأم : افا ماعاش من يزعل جوري
جوري : لا خلاص زعلت
جوان : ع تبن ازعلي محد معطيك وجه لا تاكلين معنا
الأم : لا خلاص عيب جوان اقول جوري بلا دلع
فجأه جاهم الرجال قال : ok follow me here <- بعد الترجمة : حسناً اتبعوني من هنا
قالت جوان : اوك بعدين قالت لأمها وجوري : يقول تعالوا معي من هنا
وراحو وقعدو بمكان وطلبوا ,, جوان طلبت بيتزا مع بطاطس مقلي و ميرندا برتقال - و جوري طلبت شوربة وببسي - والأم طلبت مكرونه و سفن اب
وجتهم الطلبات وكلن ذاق من حق الثاني وكان الاكل مره لذيذ ,, قالت جوري : صدقت سوسو يوم قالت ان الشوربة مره حلوه!
الأم : الحمدلله انا بروح الحمامات اغسل يدي
جوان : شدعوه ماما توك
الأم : الحمدلله انا شبعت انتوا كملوا بالعافيه عليكم..
جوري وجوان بنفس الوقت : الله يعافيك
بعدين يوم خلصوا وغسلوا يدهم نادوا الرجال و قالت جوان
جوان : bill please <- بعد الترجمة : الفاتورة لو سمحت
الرجال : ok wait a few minutes <- بعد الترجمة : حسناً انتظروا عدة دقائق
وبعد مادفعوا و رجعوا البيت كلن راح غرفته ياخذ قسط من الراحه
وبعدين ع الساعه 4 كلن قام و راحت جوري تذاكر والام تهتم باشياء المدرسه لانها وكيله و جوان ع الاب وكلهم بالصاله مع بعض بس هدوء كلن مشغول مافي صوت الا صوت التلفزيون
جوان دخلت المسن لقت عندها اضافه من ايميل k.a.l.e.d-22@ho......ألخ
قالت جوان بنفسها : يوه مين هذا ؟ يلا خلني اسوي قبول و اسأل
وسوت قبول وحطت صورتها صورة بنت ماسكه كيس و كأنها تتسوق و سمت نفسها (~ JoJo ~) ,, بعدين لقت هالشخص متصل وكان اسمه kalode22 وصورته سيارة فيراري
جوان : السلام
الشخص : وعليكم السلام
جوان : كيف الحال ؟
الشخص : تمام .. وانتي؟
جوان : الحمدلله بس اعذرني ماعرفتك
الشخص : انا خالد بن عبدالله الـ..... عمري 22
جوان : اها اعذرني اخوي ما أقبل ناس ما اعرفهم..
الشخص : بليز لا تحذفيني
جوان : وليش ع اي اساس ما اعرفك
الشخص : خلاص لاتكلميني بس بليز لاتحذفيني
جوان : اوك
ولخبرة جوان بالشباب ضعيفة مسكينه على نياتها ماتعرف حركاتهم خلته عندها وماكلمته

ونشوف وش بيصير مع جوان وخالد بالبارت الثاني ..

يلا بلييز ابي اشوف تعليقات و اكملها لاني الحين انا كاتبة 7 بارتات و منزلتها بموقع ثاني بس ماشفت اي تفاعل فما كملتها يلا شجعوني عشان أكملها..

ضمني بين الاهداب ©؛°¨غرامي مجتهد¨°؛©

السلام عليكمـ..,
.
.
حيآك اختي...,
لـكن ليش حآطه جنب العنوان جريئه...؟
هل تطرحين مواضيع هآدفه فيها جرئه ب الطرح...مثلاً شخصية محآمي يدافع عن قضايا مهمه وحساسه...آو....رجل اعمال لـه مبدئ شريف يسير عليه وله محآربين وتطرحين من ضمنهمـ قضيه جريئه وتناقشينها..
او مثلاً عضل البنات وتناقشينها ب حيآديه وجرئة حرف..؟
آو..
ولآ شي من الي ذكرته...فقط الجرئه ب العلاقه بين آثنين ...؟
آستغرب ب حق...ان شآهدت بجانب اسم الروايه جريئه ورومنسيه...
هل آصبحاً نتفاخر ب الجرئه...؟
الـكلآم ليس لك فقط...للجميع..,
.
.
.
القوانين
http://forums.graaam.com/238622.html
.
.
.
آتمنى بحق ان لآنقومـ بقص مشآهد من متصفحكـ...وآشدد على قراءة البند السآدس..,
.
.
.
موفقه بطرحك..,
.
.
.

لأجلك ©؛°¨غرامي مشارك¨°؛©

كــــملي ,, شكــــــــلها مررة حلــــــوة

بـــإنتظارك ,, بدايـــة مـــوفقه ..

تحياتي^^

مشكلتي دلعي) ©؛°¨غرامي مشارك¨°؛©

كملي بداية مشجعة

Cold night ©؛°¨غرامي جديد¨°؛©

شكراً كلكم .. وإن شاء الله راح أنزل بارت كل يوم الساعة 12 الظهر أو 8 الليل :)

Cold night ©؛°¨غرامي جديد¨°؛©

الحين الساعة 8 راح أنزل بارت انتظروني ...

Cold night ©؛°¨غرامي جديد¨°؛©

البارت الثاني..
في اليوم الثاني كانت جوان بالمطبخ وتسوي الفطور لأمها و اختها وزينت الفطور وحطت انواع السلطات و الفواكة و البيض و التوست و عصيرات ..
جوان رقت فوق لغرفة جوري و دخلت وفتحت كل اللمباات وجوري تصارخ : جواااااااان سكري اللمبة اووف ماتخلين احد يرتاح جوان : وجع هذا جزاي مسويه لكم فطووور ياخذ العقل يلا قومي بسرعه اشوف
جوري : طيب لحظه روحي قومي ماما وبقوم
جوان دخلت غرفة امها طقت الباب بهدوء <- امها نومها مره خفيف " فزت "
جوان : بسم الله عليك ماما قومي سويت فطور يجنن لك انتِ و جوري
الأم : ان شاء الله نزلت تحت و كانت حاطه شمعتين لونهم احمر وحده ببداية الطاولة و الثانية نهايتها شغلتهم و نزلوا الأم و جوري قالوا : الله ! يهبل
جوان وهي مبسوطه مره : هه ماقلت لكم انا سنعة
وقعدوا ياكلون و يسولفون قالت الأم : والله طلعتي سنعة يا جوان ماشاء الله لو دارية زوجتك من زمان
جوان : هههههههه لا بسم الله علي وع مابي
الأم : يعني بتعنسين مثلاً
جوري : هههههههههه اي خليها انا اتزوج وانا اصغر منها وهي تعنس بالبيت
جوان : الله يخلي لي ماما وغرفتي و الاب حقي وش ابي بالرجال ومبزرة ومسؤليية وحوسه
الأم تدعي لبنتها ان الله يهديها و يرزقها بالزوج الصالح
جوان : صح ماما ترى بطلع اليوم مع ميس بنت خالتي نوره بعد المغرب بنروح السوق
جوري : ابي اروووح
جوان : لأ !
الأم : طيب بس ورا ماتاخذين جوري معك ؟
جوان : بس هي اصلن قالت لي اننا بنروح مع سواقهم وبعد اجيب جوري معي لأ و ألف لأ
جوري تتصنع الزعل وتبكي : ابي ارووح ماما ابي
جوان : شدخل ماما الحين انا اللي عييت لك و اصلن خلود مو جايه بتطلع شي ثاني ارتاحي <- خلود صديقة جوري مره بأول ثانوي
جوري : جوان بلييز مو لازم خلود
جوان طييبه حيل و كسرت خاطرها اختها قالت : طيب بسأل ميس
جوري : شكراً يا أحلى اخت
الأم : ياحلوكم
جوان : شدعوه كل ذا شفقه ع طلعه
جوري : وبعد ملل البيت و ويكيند اليوم يعني مافي دراسه ولا شي
يوم خلصوا شالوا الاشياء و نادوا الشغاله عشان تغسل المواعين
رقت جوان فوق لغرفتها و فتحت المسن لقت خالد متصل جوان ميته زهق قالت : هاي
خالد : هايات , كيف الحال ؟
جوان : بخير وانت؟؟
خالد : الحمدلله..
جوان : من وين جبت ايميلي؟
خالد : وحده اعطتني اياه و صراحه حبيتك و ابيك لي
جوان : اذا انت صدق تبيني تعال طق الباب و اخطبني
خالد : لا توي صغير ع الزواج و قاموا يسولفون كل يوم اول ماترجع جوان من الكلية تقوله وش صار و حبته و هو حبها وكل يوم يكبر في عينها لين يوم من الايام
خالد : جوجو ممكن رقمك ؟
جوان : اوك ’ .......05
خالد : ثانكس جوجو خلاص مايحتاج تكلميني ع المسن بصير ادق عليك كل يوم ع الساعة 2
جوان : اوك انت كم رقمك عشان اذا بغيتك؟
خالد : .......05
جوان : اها اوك باي
خالد : باي
جوان متردده تقوله عن حبها له ولا لأ قالت : خلودي..
خالد : هلا؟
جوان ارتبكت!! : لاخلاص ولاشي
خالد حس ان في شي : متأكده ؟
جوان : اي خلاص بااي وطلعت بنفس الثانيه
خالد بنفسه وش فيها هاذي تقول خلودي بعدين خلاص ولاشي
ومع الأيام صارت جوان كل يوم تكلمه و يكلمها و ماتقدر تنام الا اذا قالها تصبحين ع خير و صارت ماتحب تطلع ولا شي وامها واختها استغربوا منها ومن تصرفاتها طول الوقت بغرفتها صايرة فجأه يوم من الايام و هي تكلم دخلت عليها جوري بقوه جوان قالت شوي خلودي : خييير وين فاتحه الباب بالطريقة هاذي تراها غرفتي مو غرفتك ولا مضيعه وين غرفتك شوفيها سيييدا اللي بابها ابيض
جوري : وش فيك توترتي مين تكلميين ؟
جوان : شدخلك و اكلم ميس !
جوري : أها واضح مره المهم تقول ماما بنروح مطعم نتعشى مع بعض وناسسسه يلا البسي
جوان : انقلعي مو لازم تصدقين , لا ما أبي اروح قولي لماما
جوري وهي تنزل من الدرج : مامااا..مااماااا
الأم : نعم ؟
جوري : جوان ماتبي تطلع شي
الأم : إلا قوليلها ترى بزعل عليها خلاص مصختها كل يوم ماتبي تطلع معنا
جوري رقت مره ثانية دخلت ع جوان قالت جوان : شوي خلودي اختي العله جت
جوان : نعم؟
جوري بصوت عالي متعمده عشان يسمع اللي يكلم جوان : تقوول ماما اذا ماجيتي معنا بتزعل عليك
جوان : طيب لا تعلين صوتك فاهمه ’ و قولي لماما مو غصب ما أبي
راحت جوري و قالت لأمها اللي قالته جوان
الأم : هو ! شفيها ذي البنت صايره ماتطلع معنا ولاشي ماعلي منها بروح لها
دخلت الأم لغرفة جوان لقتها تكلم جوان ارتبكت مره راحت سكرت بوجه خالد
جوان : مالي خلق أروح
الأم : وش فيك انتي هذي الايام مالك خلق تطلعين شي تعبانه ؟
جوان : لا مافيني شي بس ماودي
الأم : ترى اذا ماجيتي بزعل عليك
جوان وهي زعلانه : اوووف مالي خلق بس عشان خاطرك..
الأم : تسلملي جوان الحلوه , يلا بدلي وانزلي
جوان اول ماطلعت امها سكرت وقفلت الباب ودقت ع خالد واعتذرت منه انها سكرت على وجهه الخط وقالت له كل اللي صار
خالد : عادي روحي معهم حرااام يبونك
جوان : اي بروح عشان كيذا حبيت اقولك عشان ماتدق علي
خالد : اوك ولا يهمك حبيبتي بس ترجعين كلميني
جوان : من عيوني ..باي
خالد : باي
جوان بدلت ملابسها ونزلت وركبوا مع بعض وقاموا يسولفون يوم وصلوا كلوا و تعشوا يوم خلصوا طلعوا برا المطعم ودقوا ع السواق انه يجي قال السواق : مدام انا ما أقدر وااجد زحمه لازم انتوا يقطع شارع بعدين يجي قالوا بسم الله يلا و مسكوا يد بعض إلا جوان خايفه تركض تبي تقطعه و من العجله طاحت شنطتها رجعت تاخذها و الا تمر سيارة مسسسرعه وتصدمها الأم و جوري صاروا يصارخون وتجمعوا الناس و دقوا ع الاسعاف و جا الاسعاف ونقلها للمستشفى قسم الطوارئ و الأم تصييح و جوري تهديها بعدين جا الطبيب وقال حالتها مره خطيره 50% تعيش و 50% ماتعيش الأم وجوري صاروا يصيحون و يصارخون و الأم اغمى عليها و حطوها في قسم الرعايه و جوري كانت معها بيبي وتعرف باسورد المسن حق جوان دخلته جوري وكتبت بالنك نيم : جوان حالياً بالمستشفى اثر صدمة من سيارة و نسبة العيش 50% و الموت 50% و اخر شي كتبت انا جوري اختها و الحين هي منومه بمستشفى " ..... " ارجوا من الجميع الدعاء الله يعافيكم , بعدين دخل خالد المسن و توه بيكلمها الا شاف نك نيمها انجن وراح ركب السيارة و اسرع ع المستشفى اللي كانت جوري كاتبه اسمه

نشوف وش بيصير مع جوان بالبارت الثالث ان شاء الله..

مشكلتي دلعي) ©؛°¨غرامي مشارك¨°؛©

ماتوقع تموت
متابعتك

Cold night ©؛°¨غرامي جديد¨°؛©

البارت الثالث..

جو الخالات نوال و لطيفه وخالها احمد واعز صديقات عندها العنود و ميس و خلود اخت ميس وصديقة جوري اختها وامها وكلن يصيح و يدعي جا الخال قال للأم
أحمد : يانوره الله يهديك ارجعي البيت بدلي و ارتاحي شوي وحنا كلنا عندها يلا الله يعافيك
نوره : لا والله يا أحمد ماقدر هذي بنتي!
أحمد : عادي كلنا عندها يلا روحي ارتاحي لك كم ساعه ودقي علي وانا اجي امرك لو تبين
نوره : طيب قول لـ جوري تجي بعد هي من امس موجوده معي
أحمد : ان شاء الله ,, ياجوري ياجوري
جوري : سم خالي؟
أحمد : اركبي السيارة بوديك البيت انتِ وامك ترتاحون
جوري : ان شاء الله
وراحوا البيت و ارتاحوا ويوم قاموا جابهم احمد للمستشفى
الدكتور وهو يطلع من غرفة العمليات : وين ابوها؟
جا الخال أحمد : ها بشر انا خالها بمثابة ابوها الله يرحمه ..
الدكتور : الحمدلله بخير بس لازم تتنوم كم يوم
أحمد و الفرحه مو سايعته : الحمدلله يارب الحمدلله
وراح قالهم و صاروا فرحانين و يحمدون ربهم ,,وصاروا يبكون من الفرح مو الحزن
بعدين فجأه جا شاب وسيم عند الاستقبال " خالد " : لو سمحتي وين غرفة جوان علي الـ.....؟
الحرمه : هونيكا رأم 85 ((هيناك رقم 85))
خالد : شكراً
الحرمه : عفواً
راح خالد لقى ناس قدام الباب حق الغرفه و مستانسين سأل وحده اللي هي لطيفه خالة جوان ام العنود
خالد : لو سمحتي هذي غرفة جوان ؟
لطيفه مستغربه : اي مين معي؟
خالد ارتبك مره وبين ع وجهه : انا اخو صديقتها
لطيفه : اها ,, اي
خالد : تقول صديقتها شخبارها؟
لطيفه : الحمدلله نجحت العمليه و كله كم يوم و بتداوم بالكليه ان شاء الله
خالد ابتسم : الحمدلله يلا عن اذنك و شكراً
لطيفه : العفو,,بس مين انت ؟
خالد : و هو يروح خالد قوليلها خالد
لطيفه وهي مستغربه : اها
راح خالد و ركب السياره و هو مره مستانس
اليوم الثاني قامت جوان من الغيبوبه والكل حولها يتحمدلها بسلامتها
فجأه دخلت الممرضه و معها باقة ورد كبييره فيها انواع و اشكال احمر و ابيض ووردي و ازرق واخضر واصفر وبنفسجي
الممرضه عطت جوان الباقه جوان لقت على الباقه بطاقه فتحتها قرتها
الرسالة :
{ ربما عجزت روحي ان تلقاكي وعجزت عيني ان تراكي ولكن لم يعجز قلبي ان ينساكي اذا العين لم تراكي فالقلب لن ينساكي .. أحبك } " خالد "

جوان انبسطت مره وحست ان خالد يحبها صدق : ياحبي لها مي..
الأم : هذي من مي ؟
جوان : اي
الأم : ماشاء الله عليها مره ذوق هالبنت
جوان : اي والله
جوان تكذب : ممكن تطلعون ابي ارتاح بنام
الأم : اي والله يلا امشوا خلاص جوان كلن بيرجع بس بنقعد برا انا وجوري وميس ومتى ما احتجتينا نادينا
جوان : ان شاء الله
اول ماطلعوا راحت جوان طلعت جوالها و دقت ع خالد
جوان : هلا هلا
خالد : هلا والله هلا بحياتي
جوان استحت : شخبارك
خالد : وش شخبارك , اكييد بخير بعد ماسمعت صووتك الحمدلله ع سلامتك ياقلبي
جوان : الله يسلمك اشتقت لي؟
خالد : اكيييد ماعاش من مايشتاق لك
جوان : ياقلبي انت والله
خالد : ترى بذووب
جوان : ههههه بسم الله عليك
وقاموا يسولفون لما نامت ,,

نشوف وش بيصير بالبارت الرابع (:

لاحد يزعل السوري ©؛°¨غرامي مشارك¨°؛©

ثلاث روايات اقرها غير روايتي اللي اكتبها بس مافي مانع اضم روايتك مع هاالثلاث ههه
يله بطله اسلوب حلو نتظر البارت
واحفظي لقبي كوحده من متابعاتك ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1