غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 27-05-2011, 09:32 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


زياد كان مشغول مع ياهل يحشي له سن..واخترع من فتحة الباب:نعــــ...طــــلال..شفيك..
طلال بسرعه دخل وحط وجدان عالسرير بعد ما قام الطفل: زياد بسرعه لثتها مجروحه..
زياد اختبص وترك اللي بيــــده
..وراح له..:طول بالك واقعد أنت وارتاح..[ونادى السكرتير]سمير
لا تحول لي ولا موعد ولا أتصال
..أووكي
سمير : تؤمر يا دكتور..وطلع وسكر الباب..
زياد راح لوجدان اللي متمدده عالسرير وفوقها رف الأجهزه..وانحنى لها..
طلال قاعد عالكراسي الجلـــد..ومتوتر وصمود قاعده يمه:أنا برووح أشوف عمر وعامر..
صمود: خذني معاك عشان يعرف يشتغل..
طلال ابتسم: اوووك تعالي..
[والتفت لزياد اللي منهمك بالشغل]بروح طمني ها..
زياد مركز عالجرح وبدون ما يلتفت: أوووكي..
طلعوا وبقى زياد بروحه مع وجدان..

وجدان كانت خايفه ومسكت بأيد زياد اللي مسك فيها معقم:
آآآ شوووووي شووي ترى أنا خوافه..
زياد طالع بعيونهــــا وابتسم : ههههههههه سمي ولا تخافيــن..

وجدان سكتت وسرحت بعيونه وابتسامته..
زياد كان حاس فيها وبنظراتها بس مركز بشغله..عقم الجرح ونظفه
وجدان صرخت من الألم ودمعت وشدت على إيده: آآآآآآهـ آآآآآآآه..
زياد ميت عليها..ابتســــم: وجدان ترى ما أقدر أركز..قاعد تشوشيني..
وجدان بعفويه: انزيــــن يعوور شسوي..
زياد ذايب: ههههههه تونااا ما خيطنا الجرح..
وجدان شهقت وكانت بتقوم:تخيط الجرح..[وتألمت]آآآآآآآه..
زياد مسك الأبره وبدأ يخيط: ثبتي نفسج..
وجدان تمسكت بأيدينه بشده حتى طبعت أصابعها على جلده..
وظلت تصرخ وتبــــجي لحد ما خلص زياد..
ووجدان من التعب على طول غمضت عيونها ونامت..
زياد ابتسم..أخذ كلينكس وقرب منها وانحنى لوجهها ومسح دموعها وسرح بوجهها..: يــــالله
شنوو هالوجه ملائكي..
ظل واقف جدامها دقايق يتأملها
وما انتبه إلا متأخر..
بسرعه رفع السماعه وضغط رقم 2: سمير بلغ الدكتور عمر أن عملية الأنسه وجدان خلصت
..
سمير : تؤمر يادكتور..حبلغه فورا
..
زياد سكر وراح المغسله..نزع التسوس وغسل إيدينه وعقمهم
..
انفتح الباب ودخلوا عمر وعامر
وطلال وصمود..
عمر راح لها وشافها نايمه وباس
جبينها: ها طمنا..
زياد طلع من الحمام وابتسم وهو يقعد على مكتبه: تطمن..جرح بسيط بلثتها وخيطناه..
طلال: بس نزفت وايــــــــد..
زياد بهدوء وبثقه: أدري..لازم إذا
قعدت نعطيها أورنج فرش..لأنها
بتحس بدوخه من ألم التخدير والنزيف..بس تعال قولي شصار
..
طلال قعد جدامه عالكراسي الجلد: ما أدري أنا كنت بالمحاضره وتفأجات فيها تفتح
الباب وكانت تنزف..
صمود : كنت معاها..كنت مستعيله بتصعد ودعمت بواحد
بقوووه وتعورت..
عامر ابتسم: أهم شي أنها بخير
..وإلا أنت ياطليل طيحت قلبي لما شفت بلوزتك دم..
طلال ضحك:ههههههههه شسوي
أنا بعد اخترعت خرعه تسوى حياتي وكنت مختبص..
عمر: انزين روح أنت وصل صمود ووجدان خلها ترجع معانا
..
طلال قام والتفت لصمود: يلا قومي..يبيلي أخذ شاور عند فهيدان وأعدل مزاجي..
صمود ضحكت:ههههههه حياك..

مشوا بيطلعون..وانفتح الباب وكانت أريج..
صمود بصدمه: أريــــــــج..
أريج توترت: السلام عليكم..صمود أنتي شيابج..مو بالجامعه
..
طلال بدون نفس: كانت مع وجدان انجرحت لثتها ويت تساعدنا..أنتي اللي زيارتج غريبه..
صمود عرفت نوايا أختها وبحده راحت لها وهمست:أريج روحي البيت وهناك نتفاهم..
أريج خافت تفضحها عند فهد أو
أبوها وسكتت: ها أوووكي أنتي روحي وأنا ألحقج..عندي موعد
مع دكتورة النسا..
طلال ما يحب أريج: يلا صمود عشان أوصلج تأخرنا..

طلعت صمود مع طلال..وبقت أريج واقفه..
زياد باستغراب: ليش واقفه مو عندج موعد روحي قبل ما يسكر الدور..
أريج تنرفزت أن خطتها خربت: هااا أيه رايحه..مع السلامه..
زياد بجديه: أحس هالبنت غريبه
..ما أدري تصرفاتها مو مفهومه..

عمر تنهد: أريج ما عندها موعد ولا شي..أريج تحبني بس يالآسف أني ما أحبها
زياد انصدم: تحــــــــبك..
عامر: والأهم أن عمر مو معطيها ويه..بس أهي مصره..
زياد بجديه: وليش ما تحبها..صج
جرئية شوي بس ترى حلوووه وبنت عمك
عمر : المشكله أني أحــــب شجووون أختها..
زياد انصدم صج: لا تقــــــوول!
عمر ابتسم: هذا اللي صار!!
زياد: انزين وشبتسوي..
عمر: أمس كنت أفكر وخذت قرار..أبكلم أبوي عشان يخطبها
لي..
عامر: وبنفس الوقت تعرف أريج أنك مو نصيبها..
قطع عليها تأوهات وجدان..
عمر وعامر فزوا لها بسرعه..

وجدان فتحت عيونها وحطت إيدها على حلجها المورم..: آآآه
عمر ابتسم وهو يساعدها تقوم: حمدلله عالسلامه..
وجدان ابتسمت وماسكه خدها اليسار بألم: الله يسلمك..
عامر شالها من خصرها وقعدها عالكراسي الجلد وقعدوا معاها: خرعنا عليج طلال..
وجدان ابتسمت: شفت نفس البنت اليووووم
عمر : شقلنا أمس..مو قلنا ننسى
ومالج شغل فيها..
زياد كان يسمع بس مو فاهم شي..ففضل السكوت وقام عشان يتركهم براحتهم: شباب بروح أييب لنا كوفي وأييب عصير
حق وجدان..
عامر ابتسم له: مشــــكووووور
يابو نايف..
زياد ابتسم وطلع..يفكر[منو البنت اللي تتكلم عنها وجدان؟ وشقصده عمر لما قال ننسى؟ وشنو الموقف اللي يخلي وجدان تخاف من هالبنت؟]

ـــــــــــــــــــــــــــــــــــــــــ

بفيلااا أبوووو الوليد..الساعه
12:30 الظهر..

دخلت أبرار وبيدها كتبها وشنطتها
..توها جاية من الجامعه وبأذنها الهتفون تكلم تلفون: إيه إيه..شافت أمها والوليد..لحظه: مســــااء الخير..
أم وليد: هلا مساء النووووور..
وينها فجر
أبرار: ييت بسيارتي أنا..إهي عندها محاضره بتيي بروحها..

ومشت بتصعد..: بصعد أريح شوي..مو تقعدوني مابي غدا..
وصعدت..

الوليد رجع لسوالفه: يمه بسألج
الحين روز بنت خالي خالد جم عمرها؟
أم الوليد باستغراب: بنت اليونانية
..اممم ما أدري أتوقع 18سنة بس ليش تسأل..
الوليد ابتسم: لااا بس شفتها أمس ولفتت نظري..بصراحه يمــــــــه البنت قطعه..
أم الوليد طقته على فخذه: عيب استح على ويهك..هذي بنت خالك..وإذا عاجبتك أخطبها
الوليد ضحك: هههههههه لا يبه لا..لا يحوشك..مو أنا اللي أخذ أي وحده..أنا الوليد طلال الـــ..
أم الوليد ضحكت على غرور ولدها : ههههههههه اسكت بس لا تطيح وتنكسر رقبتك..


فوق بغرفة أبرار..
للحين تكلم وتلبس بنفس الوقت..
أبرار تزرر قميص بيجامتها: حبيبي أنت صدقني ما أقدر ..
مشعل ابتسم: برور حبيبتي مشتاقلج تعرفين يعني شنو مشتاق لج..
أبرار قطت نفسها داخل سريرها
وتمددت على بطنها: اممممم أفكر..
مشعل بهمس: بدون تفكير أنا مشتاقلج بشوفج..وبعدين شدعوى أنا مشعل ولد عم بنت
خالتج..
أبرار ضحكت من قلب: ههههههه
وأنا شنوو ذابحني غير أنك مشعل سعد الــ..أصلا أنا حبيت وجدان لأني عرفتك عن طريقها
..خلاص قرر الوقت والمكان وأنا أيي..
مشعل ابتسم بخبث: فديت روحج أنا..الساعه 8 بمطعم الــــ..شرايج


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 27-05-2011, 09:33 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



أبرار بابتسامه: ماشي حبيبي..أخليك أنا الحين..نعسانة حدي وبنام..
مشعل بهمس: نوووم العوافي ياقلبي..سي يو
أبرار: سي يو تو..
>>طبعا هذا مشعل ولد أبو فهد
ولد عم وجدان..وأبرار ما تصير له..تصير بنت خالة وجدان وعن طريقها تعرفت عليه وعجبها وتطورت علاقتهم للتلفووون واللقاءات..بس الفرق أن مشعل يتسلى بعلاقه وأبرار تضيع وقتها مع معاكسات الشباب ومشعل الوحيد اللي حبته..

ـــــــــــــــــــــــــــــــــــــــــ

بفيلااا أبو مشــــاري الأولى..
الساعه 2 الظهر..

كانت لمى توها يايه من الكليه..سلمت على أهلها وصعدت تبدل عشان تنزل تتغدى..

شافت روز وعبدالعزيز نازلين عالدرج..
لمى: هــــــــااي
روز وعزيز: هايــــــــــــات
لمى: شنو عزوز ما داومت أنت..
عبدالعزيز ابتسم: لااا ما عندي محاضرات اليوم..الدكاتره معتذرين..
روز : وأنا طبعا ما عندي دوام هالكورس..
لمى ضحكت وصعدت:ههههههه
ياحظج..

نزلت روز مع عبدالعزيز وقعدت..
أم مشاري بنبرة سخرية: ليش ليكون ما يبتي نسبه تدخلج الجامعه..
روز مسكت أعصابها وابتسمت: لااا ياخالتي..يبت 97% بس قلت أريح هالكورس وبقدم عالكورس الثاني..
أم مشاري بصوت واطي: عفيه قلب 97 إيه أجنبيه أكيد ذابحه روحها بهالكتب
روز ما سمعت: قلتي شي خالتي..
أم مشاري[تخلخلت حنوجج أنتي وأمج]: لاااا ما قلت شي..

دخلوا مشاري ومناف جايين من الشغل..وصبا جايه من الجامعه: الســــلام عليكم
الكل: وعليكم السلام..
أم مشاري وقفت: يلا يايمه روحوا بدلوا وأنا بنجب الغدى..
وراحت..
مشاري ومناف ما صعدوا..قطوا
سويجاتهم وقعدوا..
صبا صعدت تضحك:ههههههههه عالأقل غسلوا عشان يروح التعب..
مناف ضحك: ههههههه مالج شغل..

قطع الصوت نغمة فووون روز: [ضعنا وتغربنا بزمن يشتري فينا ويبيع..ندفع سعادتنا ثمن وبغمرة جراحه نضيع]
مشاري: وأنتي للحين ما غيرتيها..روز ابتسمت: أحبها[شافت المتصل: My Dad] وردت: شدعوى ناسيني من أمس..عالأقل قول عندي بنت شحلاتها اسأل عنها
أبومشاري ضحك: هههههههههه أمس كنت مشغول وما فضيت إلا اليووم..أنتي وينج مشتاقلج..
روز ابتسمت: أنا في بيتك..أحم أحم..عند My Barthers..
عبدالعزيز صفقها كف على راسها: هههههه تحجي عدل..
روز قامت وقعدت فوقه بقووه وعبدالعزيز صرخ: أخخخخخخخخ..
روز ترفع له حواجبها : إيه بابا أسمعك..
أبومشاري يسمعهم ويضحك: هههههههه شعندج أنتي..حتى هناك محد سالم منج
روز ضحكت:هههههه سلامتك بس شوي عزيز يبيله تأديب..
أبومشاري يضحك: ههههههههههه
انزين بعد الغدا تعالي بشوفج..
روز ابتسمت: اووك داد..بااااااااي
..سكرت وطاحت بعزيز طق: شتبي أنت شتبي
مشاري ومناف وصبا ولمى ميتين ضحك: هههههههههههههههههههههههههههههههههههههههههههههههه

عبدالعزيز ميت ضحك وروز قاعده على بطنه وتشد شعره: هههههههههههه شقلت أنا الحين..وخري عني ذبحتيني..
روز بضحك: لاا آ...
قطع عليها صراخ أم مشاري..: يــــــــاسلام

.....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 28-05-2011, 04:19 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


آهلـن آهلــن ،’

سجـــليني من متــأإأإأإبعينك قلــبوٍ ..

بدأإيــــــــه قِـِِـِـممممممـِـِه فـ آلروععه ..

بـ آلتوفييق حبيبتي ..

،’
،’
،’

تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-05-2011, 09:23 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


اقتباس:
المشاركة الأساسية كتبها • Ņṩєэṫ aήśảқ « مشاهدة المشاركة
آهلـن آهلــن ،’

سجـــليني من متــأإأإأإبعينك قلــبوٍ ..

بدأإيــــــــه قِـِِـِـممممممـِـِه فـ آلروععه ..

بـ آلتوفييق حبيبتي ..

،’
،’
،’

تقبلي مروري



اهلين وسهلين نسيت انساك

حياكي يا عسسل

يالله انتي اول وحده تشرفني بالرواية

بس للعلم الرواية انا ناقلتها مو ليه

للكاتبة أوراق خريفية

شرفتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 28-05-2011, 09:24 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل السادس&

قطع عليها صراخ أم مشاري..: يــــــــاسلام أشوف طالت وتشمخت يابنت أبوووج..حتى أخوج ما سلم منج..ليكون حاطه عينج عليه..إيه عادي..يعني لمنوو بتطلعين غيــــر لأمج..
روز تجمدت من الصدمه وامتلت
عيونها دموووع..اتهام واضح وصريح وجدام أخوانها وخواتها..
مشاري وقف بعصبيه: يـــــمه عيب شهالحجي..
أم مشاري بصراخ: ومصمه تصمك أنت وياها..تبيني أشوفها تغوي أخوها واسكت
عبدالعزيز بحده: يمه شفيج ينيتي..شهالكلام..هذي أختــــي أختي..
روز ما قدرت تتحمل أكثر وطلعت تركض وهي منــــهاره
..
مناف بعصبية: عيب يمه والله عيب اللي قلتيه..روز كانت تتغشمر مع أخوها مثل ما صبا ولمى يمزحون..ولا حلال عليهم وحرام عليها
أم مشاري طنشتهم وحطت صحون الغدى عالطاوله: اسكت بس..وتعالوا تغدوا..
مشاري بحده : ما نبي غداج..وطلع غرفته وصفق الباب بقووه زلزلت البيت
أم مشاري بحده: باللي ما يحفظك زيــــــــن..
صبا ولمى انسدت نفسهم وطلعوا فوق كل وحده غرفتها..

مناف خذا سويجه وطلع..
عبدالعزيز خذا تلفونه وصعد بدل ملابسه ونزل عشان يروح يدور عن روز..
أم مشاري تضايقت ودخلت غرفتها[ضروري أحرمهم الغداء يعني..كله من بنت نيرون الله لا يوفقها]

ـــــــــــــــــــــــــــــــــــــــــ
بفيلا أبو مشاري الثانيــــه..
الساعه 2:30 الظهر..

بالصاله..بعد الغدى

نيرون : هل اتصلت بروز..أود رؤيتها اشتقت إليها
أبومشاري ابتسم: اتصلت قبل شوي وقالت بتغدى مع أخوانها وتيي
نيرون: خالد أود أن أتعلم لهجتكم..
أبومشاري ضحك:ههههههههههه
ياكثر ما علمتج وما نفع..
نيرون ابتسمت: آآ
قطع عليهم صوت رنين تلفون أبو مشاري..
أبومشاري شاف رقم روز: هلا
بحبيبة أبوها..ها وصلتي
المتصل رجال: مرحبا أخووي..اسمحلي بس أنت خالد الــ..أبو
روز
أبو مشاري خاف: هااا إيه أنا..روز وينها فيها شي..
المتصل: أنا موظف من مستشفى الــ ..للأسف بنتك سوت حادث على طريج عبدالله المبارك ودخلت بشجره..ولقيت
رقمك بتلفونها وقلت أبلغك..ياريت تيي بسرعه إهي الحين بغرفة العمليات..مع السلامه..

أبومشاري كان مصدوم..طاح منه التلفون عالأرض: بنتــي بالعمليات..روز حبيبة أبوها بالعمليات..
وقف بسرعه وطلع طاير غرفته
ونيرون وراه تبجي..لبس بسرعه
وطلع فلوس وخذا سويجه ونزل
..ركب سيارته وراح عالمستشفى..

ـــــــــــــــــــــــــــــــــــــــــ

بفيلااا أبوو عمـــر..
الســـاعه 3 العصر..

الكل تغدى إلا وجدان لأنها ما تقدر تبطل حلجها من الجرح وألم الخياطه..


وجدان كانت متمدده وحاطه راسها على ريول سعود..
وجدان مسكت بطنها: يمـــه يوعانه..
أم عمر بضيق: شسوي لج يايمه
..الله يهداج أحد يركض عالدرج..

سعود يلعب بشعرها: انزين اشربي عصير يسد يوعج عالأقل..
وجدان تهز راسها: مابي مابي..

أم عمر قامت: مو بكيفج الحين
بخلي سونا تجهز لج العصير وتسويلج تبوله ناعمه عالأقل تقدرين تاكلينها..
وراحت..

عمر قام: أنا بروح أريح شووي حدي نعسان..
وصعد فوق..
وبقى سعود ووجدان وبدر وطلال وعامر..

قطع الصمت رنين فووون وجدان:
[خايف غدر الزمان يطوي الحب اللي كان..واسمع أنك نسيت]
صمود الحب يتصل بك:
وجدان رفعت نفسها شوي وخذت فونها من الطاوله وردت:ألووو هـــلا صموووود..
صمود ابتسمت: هلا وجوود شلونج الحين..قاعد أحاتيج
وجدان ابتسمت: بعد عمري أنتي
..أنا بخير أنتي شلونج..
صمود بجديه: وجدان أنا بالمستشفى..
وجدان اخترعت وصرخت صرخة خرعت أخوانها: مستشفـــى ليش..[وتألمت] آآآه
..
صمود بسرعه: وجدان أسفه إذا
خرعتج بس روز سوت حادث وأحنا وبيت عمي خالد عندها..إهي الحين بالعمليات..
وجدان ارتبكت: هـــااا..انزين انزين أنا الحين أقول حق أبوي عشان ايي يشوف..باااااي..

عامر بسرعه: شفيج..منوو اللي بالمستشفى
طلال قلبه يرقع: صمود بالمستشفى؟.
وجدان بتوتر: لاااا روز سوت حادث وإهي الحين بالعمليات وبيت عمي سعد وخالي خالد عندها..
عامر بخوووف: انزين بأي مستشفى..
وجدان: بالــ....
بدر: انزين بسرعه روحوا ألبسوا
وأنا بشغل السياره..

يت أم عمر بسرعه على أصواتهم: شفيكم مختبصين..
سعود وهو يصعد الدرج: يمه روز سوت حادث وإهي الحين بالعمليات..بنروح لها المستشفى..

ـــــــــــــــــــــــــــــــــــــــــ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 28-05-2011, 09:25 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل السابع &

بمستشفى الــ....
نفس الوقت..

روز بغرفة العمليات والسسترات
داخلين طالعين بحالة استنفار وترقب..
والقلق طاغي عالأجواء...

أبومشاري كان قاعد عالكرسي
ومتوتر وريوله تهتز ودموعه محبوسه بعينه: يارب اشفيها يارب بنتي قومها لي بالسلامه يارب..
نيرون كانت واقفه يمه وتبجي على بنتها..
صبا ولمى طايحين بحضن مناف أخوهم وميتين بجي..
أم مشاري مايت..كان حاسه بالذنب وحابسه نفسها بغرفتها..

مشاري كان واقف مع فهد وعمه أبوفهد وكل واحد متوتر أكثر من الثاني..وخصوصا فهد كان ميت خوف لأنه يحب روز بس محد يدري..
صمود وشجون يوا مع أبوهم عشان يقعدون مع صبا ولمى ويواسونهم..

وعبـــدالعزيز...
عبدالعزيز كان قاعد بزاوية بأخر الممر ودموعه تنزل أنهار على خدوده وقلبه محترق لأنه يحس أنه اهو السبب بكل شي صار مع أنه ماله ذنب..

فهد جا عنده وشد جتوفه: عبدالعزيز..أفا ياخووووي..شد حيلك أنت ريال..إن شاء الله تقوم بالسلامه..ادعيلها بس..
عبدالعزيز بحرقه يضرب صدره:
أمي السبب يافهد أمي الســـبب
..كانت البنت تمزح معاي وأمي سمعتها كلام نفس السم..وقاله
كل اللي صار
فهد مات غيره وهمس بحده: بعرف أمك هذي شلون مخها مركب..شلووووووون تفكر بهالطريقه..استغفرالله استغفر الله..

بنفس اللحظه..كان أبو عمر وعياله واصلين..
أبوعمر راح لنسيبه: ها يابومشاري ما عرفتوا عنها شي.
أبومشاري بصوت مبحوح: لا والله ياخوي من ساعه ونص أنا
هني ومحد طلع يطمني..

بهالوقت..طلع الدكتور ونزل الكمام وملاحمه ما تتفسر..والكل راح له..
أبو مشاري بلهفه: طمنــــــا دكتور..
الدكتور بحزن: البنت حالتها خطيره..مالها إلا رحمة ربك..ادعوا لها ياجماعه..ومشى عنهم

بعد هالجمله الكل عرف أن روز
بلحظاتها الأخيره..وتعالت أصوات البجي والصياح..
أبومشاري انتكس: بنتي بتروح مني..بنتي ياناس..بنـــتي حشاشة يوفي..
أبوفهد بقوة إيمان: ادعوا لها ياخوي..ادعوا لها..روز بهالوقت محتاجه لدعاءنا وصلاتنا..قوم وأنا أخوك قوم اذكر الله وتعوذ من الشيطان وتعال معاي نروح المسجد نصلي العصر وندعي لها..
أبوعمر قومه: يلا ياخالد قوووم وتعوذ من الشيطان..
أبومشاري قام غصب وراحوا كلهم المسجد..
وبقى عبدالعزيز صامد بمكــانه
وما تحرك خطوة وحده..

والبنات بعد راحوا الأستراحه ينطرون أخر الأخبار..إلا صبا ما قدرت تروح وتخلي أخوها بروحه..
راحت له وهمست: عزيـــز..
عبدالعزيز بدون مقدمات حضنها
وبجى..
صبا بضيق: عزيز ياخوي ياحبيبي
أنت..اذكر الله إن شاء الله تقوم لنا بالسلامه..
عبدالعزيز بحده: ما أقدر ياصبا ماأقدر أحس بالذنب..روز لو صار لها شي بمووت وماني مسامح أمي لأنها هي السبـــب
..
صبا: انزين قوم حاول بالدكتور نشوفها..خمس دقايق بس ما بنطول..وأنت شوفها أول واحد..

عبدالعزيز قام وقامت صبا معاه
وراح استأذن من الدكتور يشوفها
بروحه بس 5 دقايق..

عند غرفة العناية المركزة..
صبا وقفت تطالع من الزجاج..وعبدالعزيز دخل عند روز..

كان منظرها يقطع القلب..إيدينها
الثنتين مكسوره ومربوطه على جوانب السرير..وريلها اليمين مكسوره من عند الكاحل ومرفوعه لفوق..وأكسجين موصل بخشمها..وجهاز تخطيط القلب على صدرها وأسلاك كثيره وملبسينها ثوب المستشفى
القصير ومغطينها بس من عند صدرها لركبتها..وكيس دم موصل بإيدها..
عبدالعزيز حس قلبه احترق على
منظرها..جا عندها ومسك إيدها
وباسها بقوة ودموعه تنزل..: روز تسمعيني..روز سامحيني تكفين ما كنت أقصد..

روز حست فيه وعقدت حواجبها
وتصاعدت أنفاسها وفتحت عيونها ببطء وطاحت عيونها بعيونه المليانة دموووع: عزيز..
عبدالعزيز بفرح مخلوط بدموع..مسك أصابعها ببطء:يارووح عزيز..صاحية روز تسمعينـــي..
روز أشرت له عالأكسجين..وعبدالعزيز رفعه شووووي..
روز خذت نفس طويل وغصب طلع صوتها: عبدالعزيـ ـ ـ ـ ـ ـ ز
أنت مـ مالك ذنـ ذنب..[وكحت بقوة وارتفع صدرها لفوق]..كح
كح كح..
عبدالعزيز بخوووف: روز ارتاحي لاااا اتعبين نفسج ..
روز هزت راسها ودموعها نزلت:
خلني عزيز يمكن ما ألقى فرصه ثانية عشان أقولك اللي بقلبي..
عبدالعزيز دمعت عيونه..
روز كملت: ع ـ ـ ـزيـ ـ ـ ز قوول لأبوي أني أحبه وايد..وو..قوله لا يزعل على فراقي..يمكن آخرتي أحسن من دنيتي..وو..خالتي هبه قول لها أني مسامحتها وما زعلت عليها..قوول لها أني كنت أتمنى تكون أمي الثانية..كنت أتمنى أسمع منها كلمه حلوووه..وأطلب من أبوي يرجعها لعصمته..ومشـ..آآآه ومشاري قوله أني أحبه ودفتر مذكراتي خله ياخذه عنده..أنا كاتبه فيه كل شي أبيه..وو..سامحني عزيز سامحني..

وصارت تشاهق وشخصت عيونها لفوووق: هـــئ هئ..[رفعت أصبعها السبابه غصب]وهمست بقلبها: أشهد أن لا إله إلا الله وأشهد أن محمدا رسول اللـــه..آآآهئ..ووقفت أخر نبضه
بقلبها..وصفر جهاز القلب..
عبدالعزيز انهار...صرخ من أعماق قلبــــــه: لااااااااااااااااااااااااااااااااااااااااااااااااا اااااااااااااااااااااااااااااااااااااااااا

صرخته خلت الكل يركض..الدكاتره دخلوا وحاولوا يقومونه
بس عبدالعزيز طاح من طوله غشيـــان..
صبا كانت ميته بجي..شافت كل اللي صار..وانهارت عالأرض ودفنت راسها بريولها وبجت..

شافت أبوها يركض وكل أعمامها وعيال عمها والبنات وراه..
صبا وقفت تسحب نفسها وشدت دشداشة أبوها:يبـــه..روز ماتت يبه..ماتـــت..وطاحت غشيانه عالأرض..
الكل بعد جملتها انهار وتعالت أصوات النحيب والبجي..
مشاري بروحه كان منهار..واختبص وهو يشوف عزيز طايح ومطلعينه السسترات على
سرير..وصبا طايحه وأول واحد شالها اهو عامر باعتباره دكتور..
: لااا حول ولا قوووة إلا بالله..أنا
لله وأنا إليه راجعووووون..

صارت خبصه..
مناف دمووعه جمر ولمى منهاره بحضنه..
أبو مشاري وانهيار الجبل..طاح عالأرض وأخوانه حوله يهدونه..
وزوجته نيرون تبجي يمه..
عمر راح يخلص إجراءات الدفن وراحت شجوون معاه..وبدر وسعود راحوا ورى عزيز..وعامر شال صبا ودخلها الفحص..

طلال الوحيد اللي كان صامد..وبدون شعور راح وحضن وجدان وصمود اللي ضامين بعض ومنهارين بجي..

طلال بضيق: وجدان صمووود خلاص اذكروا الله..ادعوا لها بالرحمه..البجي ما ينفع ولا يرد لنا ميت..وجدان..صمووووود..
خلاص عاد بسكم..والله توقعتكم أقوى من جذي..
وجدان رفعت راسها ومسحت دموعها: برووح لماما..
صمود منهاره وبعد كلام طلال ما هدت بالعكس انهارت زياده:
توووها صغيره..توها ما شافت شي من الدنيا..ليش تمووووت ليش..[وصارت تطق طلال على صدره بإيدينها بقسووة]ليش تموووت قولي ليــــــش..ليش..[وشدت قميصه بقووه وهي تنزل عالأرض عند ريوله بانهيار وتشقق] ليـــــــــش ليش..آآآه إهى إهى إهى إهى إهى إهى إهى إهى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 28-05-2011, 09:26 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



طلال كان مصدوم من انهيارها..ومو مستوعب اللي صار..رفعها بقووه وحضنها لصدره..: استغفري ربج ياصموووود..واطلبي لها الرحمه..

فهد كان يشوف كل شي بين طلال وصمود وما قدر يقول شي لأنه بروحه متوهق مع مشاري اللي ذبح نفسه بجـــي..

بغرفة ملاحظة النساء..

صبا كانت قاعده تبجي وبيدها المغذي..
عامر كان قاعد عندها يهديها: صبا أنتي إنسانة مؤمنة والبجي الحين ما ينفع..روز ماتت الله يرحمها..خالي خالد منهار والمفروض تكونين قوية عشان
يستمد قوته منكم..إذا أنتوا عياله
منهارين شلون اهو أبوها..
صبا بعيوون جمر وبصوت مبحوح ضربت خدودها: أمي السبب..أمي السبب ياعامر أمي السبب..
عامر انصدم..قرب منها ومسك إيدينها بقووة وحجزها بحضنه: صبـــــــــا..بس صبــــــــــــا
صبا غصب عنها سكتت وحطت راسها على صدره وراحت بنوبة بجـــي..
عامر تنهد بقوووووووه وحضنها:
صبرك يارب..

ـــــــــــــــــــــــــــــــــــــــــ
خبر وفاة روز انتشر بسرعة البرق..والكل انفجع بوفاتها وكان صدمة للكل..وخاصة أم مشاري اللي حست بتأنيب الضمير وقسووة الظلم وحبست نفسها بغرفتها وما رضت تسمع أحد..حتى بالعزاء ما طلعـــت..

...ثالث أيام العــــــزاء...

بفيلا خالد أبو مشـــاري الثانية..
عزاء الرجال..

كان واقف أول المجلس وعيونه جمر ومتلثم بغترته..ويستقبل المعزين وأخوانه أبوعمر وأبوفهد وأبو جراح وعياله مشاري ومناف وعبدالعزيز معاه
واقفين يمه..

والمجلس متروس رجاجيل معزين..وطلال وفهد في صدارة
استقبال المعزين عند الباب..

دخل نسيبهم أبو الوليد وسلم على طلال وفهد..

وراح لأبومشاري وصافحه: عظم الله أجرك يابومشاري..سامحني كنت مسافر مؤتمر ومالقيت حجز إلا الفجر..
أبومشاري شد على إيده: أجرنا
وأجرك..مسموح يابوالوليد تفضل استريح..


بفيلا أبو مشاري الأولى..عزاء الحريم..

وصلت ريم بنت أبوالوليد من السفر من لندن ويت مخصوص لهم..
واستقبلتها صبا: ريـــم..حمدلله على سلامتج..متى وصلتي
ريم باستها: عظم الله أجرج يا
صبا..وصلت الفجر..سامحيني ما كان فيه حجز عالكويت..
صبا ابتسمت مجامله: مسموحه ياريم..أحنا اللي عذبناج..
ريم: حق وواجب..
وراحت سلمت على كل البنات الموجودين..وأخر شي راحت لأمها
أم الوليد حضنتها: حمدلله على سلامتج يمه..متى وصلتي..
ريم وهي تقعد: الله يسلمج يمه
..أمس الفجر وصلنا..كنا بنيي أول
يوم بس ما قدرنا ما لقينا حجز..
أم الوليد: أهم شي سلامتكم..انزين ماجد وينه راح عند الرياييل

ريم: إيه يمه وصلني وراح..

لمى بهمس: صبا قومي حاولي
بأمي تنزل ما صارت صار لها يومين حابسه نفسها بغرفتها لا أكل ولا شرب..
صبا بدون نفس: خليها تجرب عذاب الضمير كل اللي صار من تحت راسها..عيل اكو وحده تهتم
أخت أنها تغري أخوها..
شجون: لا ياصبا لا..لا يكون قبلج
أسود..هذي مهما كان أمج..روحي شوفيها..
صبا قامت غصب عنها وصعدت
لأمها وحاولت فيها تنزل بس ماكو فايده..ونزلت للحريم..


والساعه 2 انحط الغداء وتغدوا
الناس ومشوا..وفضى البيت إلا من صبا ولمى ونيرون..

لمى قامت: خالتي نيرون قومي
ارتاحي فوق شوي..شكلج تعبانة صار لج يومين ما نمتي..
نيرون نزلت دموعها: فعلا أحتاج
لبعض الراحه..
وقامت معاه وصعدوا فوق..

صبا قامت فصخت عنها العباه والملفع وظلت قاعده بنفنونها الأسود..وحركت شعرها بملل عشان يتنفس وقعدت وسندت راسها عالقنفه..

دقايق ودخلوا أخوانها...: السلام
عليكم
صبا رفعت راسها: وعليكم السلام..شلووووون أبوووووي اليوم..
مشاري تنهد وهي يفصخ غترته
ويفتح أزرة دشداشته: اليوم أحسن وايد..بس ما أكل إلا شوي وما رضى يجي معانا..خليناه نايم هناك..
مناف قام: مرت أبووي وينها..أبوي قال لي أوصلها
صبا: فوووق صعدت ترتاح بغرفة لمـــى..تبيني أناديها
مناف: لااا خليها نايمه وإذا قعدت
أوديها..[ووقف]بروح أنام لي ساعه أحس جسمي مكــسر..
عبدالعزيز بصعوبه: قبل ما تروح
فيه شي لازم تعرفونه وحتى أمي ضروري تكون موجوده وتسمعه..

كلهم سكتوا وطالعوا فيه..حتى لمى اللي كانت نازله صعدت لأمها ونزلتها غصب..
عبدالعزيز بصوت مبحوح: صبا قبل لا تــ..[وما قدر ينطقها وطاحت دمعه حاره على خده]أحم تموت..وصتني أقولك يامشاري أنها تحبك وأنها تبيك تاخذ دفتر مذاكرتها..تقول كاتبتلك فيه كل شي..وو..وطلبت مني أقول لأمي أنها تحبها وكانت
تتمنى تسمع منها كلمه حلووه..و[طالع بأمه]وتقولج أنها مسامحتج وتمنت تكونين أمها الثانية..ووصتني أقول لأبوووي يرجعج لعصمته..
الكل تفأجا وطالعوا بأمهم..
أم مشاري حست أنها صغيره وايد وهي تسمع هالكلام..ودها الأرض تنشق وتبلعها..نزلت راسها ونزلت دموعها جدام عيالها: الله يرحمها..
عبدالعزيز وقف بتعب: هذي أمانة وأنا وصلتها وبريت ذمتــي..شوفوا أنتوا عاد الوقت المناسب
وقولوا لأبوي..
وصعد فوووووق ولحقته صبا..
أم مشاري ما قدرت تتحمل ورجعت غرفتها مره ثانيــــــه..

مشاري كان حاس هموم الدنيا
على ظهره..شد قبضة إيده بقووه: الله يرحمج ياروووووز..


ـــــــــــــــــــــــــــــــــــــــــ

# بعد مرور شهريـــن #

يت العطله وراحت والسفره تأجلت ورجعت الناس لدواماتها

أبومشاري درى بوصية بنته وفجأ الكل بأنه ما طلق هبه وأنها للحين على ذمته بس كان ناوي يأدبها..وسكر بيته الأول ورجع لعياله..

عمر أجل فكرة خطبته لشجون
..وعامر بدأ يحس بنظرات الإعجاب لصبا..

زياد وحبه الصامت لوجدان وتقرب منها وايد أثناء مراجعاتها
لجرح لثتها..ووجدان بعد تبادله نفس الشعور بس محد تجرأ يقول مشاعره للثاني..

طلال وصمود حادثة جرح وجدان وحادثة وفاة روز قربتهم
حيل من بعض وصاروا يلتقون بالجامعه وقت البريك..


بفيـــلاا أبووو جـــراح..
الساعه 7 المغرب..

بالحديقه..
كان أبوجراح قاعد مع عياله ناصر وزياد وجراح ونهى..

دخلت عليهم العنوووووووووود..

العنووود باست خد زياد: زياد حبيبي..
زياد ضحك:هههههههههه الزبده..
العنود ضحكت:ههههههه اممم أبي أروح بيت خالي خالد..بشوف صبا ولمى وأبيك توديني..
زياد ابتسم: جهزي نفسج خلال ربع ساعه..
نهى: برووح معاج..
العنود: اوك جهزي نفسج..بنروح
أنا وأنتي وغزل..
أبوجراح: العنود يبه ديري بالج على خواتج..
العنود ابتسمت:إن شاء الله يبه..
ومشت بس ناصر سحبها وطاحت بحضنه: أخخ ويعه شتبي..
ناصر ضحك:هههههههه ولا شي بس بعض الناس تدش ولا تسلم..
الكل:ههههههههههههههههههههههه
العنود ابتسمت: يعنـــي أنت زعلان عشان ما سلمت عليك..أصلا ما شفتك بس ولا يهمك..وهذي بوسه..[وباست خده بقووووووه وطلعت صوت]
الكل:ههههههههههههههههههههههه
العنود خطرت ببالها فكرة مقلب
..غمزت لناصر: نصوووور شوف
بسوي بأبوي مقلب..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 28-05-2011, 09:27 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


ناصر ما استوعب وطالع عيونها
يعني ما فهمت..
العنوووود كتمت ضحكتها وانحنت لوجهه حيل..كأنها بتبوس
شفايفه..
وو آآآه أح..
أبو جراح طقها على ظهرها وشالها من خصرها وطارت بالهوا:أيا جليلة الحيا..جدامي بعد
..
زياد وجراح متسدحين ضحك عليها:هههههههههههههههههههههه

العنود طايره بالهوا وتحرك رجولها عشان أبوها ينزلها: آآآآآآ
يبه امزح وربي امزح..نصوووور ياكلب قول شي..
ناصر يدمع ضحك: هههههههههه اتركها يبه هذي خبله..كانت بتسوي فيك مقلب..
أبو جراح ضحك ونزلها: ههههههه
إيا يالسوسه والله توقعت..
العنود ضحكت وراحت: هههههه بابا يعني اسمحلي أنت غبي من صجك ببوس أخوي بشفايفه..
وانحاشت..
ناصر وزياد وجراح فقعوا ضحك
..:هههههههههههههههههههههههههه
أبوجراح فتح عيونه عالأخر من الدهشه وكان بيركض وراها بس انحاشت: أيا الخايسه تعالي
بس..وأنا أوريج..
العنوود رجعت بخطوات حذره وببراءه: يبه..
أبو جراح كتم ضحكته: وحطبه..
العنود يعني برئيه: يبه عندي سؤال..يعني حرام لوو أجرب أجرب مثلا مثلا أبوس أخوي؟...و

انحاشت وهي تضحك وماكملت كلامها لأن أبوجراح قام لها..

أبوجراح رجع قعد وهو ميت ضحك: ههههههههههههههههههههه
خبله هالبنت..


العنود صعدت غرفتها وشافت غزل ونهى لابسين ونازلين..
غزل بدهشه: أنتي للحينج..خلصينا تأخرنا..
العنود بسرعه: اوووك دقايق بس..وترى زياد بيودينا..
وصعدت فووق..
لبست تنوره سودا ضيقه قصيره لفوق الركبه بشووي..وبدي أحمر حرير كت وظهرها خيوط
مشدوده على شكل إكسات..وفوقه قميص جبنيز أسود ربط عالصدر..ولبست بوت أسود جلد طويل لعند ركبتها..وحطت شدو
ذهبي تحت حواجبها وحددتهم بقلم بني وحطت كحل وماسكرا
كثيفه وبلاشر خوخي وروج أحمر فاقع..وأخر شي لبست تراجي ناعمه حمرا وتعطرت..وحطت عطر بشعرها المدرج لتحت أذنها وحركته شوي..وخذت شنطة سودا طقم مع البوت ونزلت..


راحت الحديقه وشافت الكل هناك..
أم جراح ابتسمت بأعجاب: ما شاء الله عليج يايمه عيني عليج بارده..بس ليش ما أخذتي جاكيت ترى الجو بارد هالشتاء..
العنوود بابتسامه: بالعكس جذي أحـــلى..
زياد وقف وكان لابس بنطلون أسود وبلوفر بنفسجي بسحاب قصير ومفتوح: يـــلا مشيـــنا..

ـــــــــــــــــــــــــــــــــــــــــ

انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 28-05-2011, 09:28 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



‏&الفصل الثامن&
بفيلااا أبو عمـــر..
الساعه 11 بالليل..

بغرفة وجدان..

طلعت من الحمام لابسه روبها بعد ما خذت شاورها الليلي..
نشفت شعرها البني باستشوار ودهنت جسمها بلوشن مشمش
وقامت لغرفة التبديل..
اختارت بيجامة نووم قطن ناعم
أبيض بأورنج..بلوزه علاق عريض عالرقبه وظهرها ربعه طالع وبوسطها قطوة بيضا ماسكه أورنج..وبرمودا أبيض بخطوط أورنج بالعكس..
لبستها وتعطرت..وطلعت لغرفة
التوأم..

فتحت الباب وطلت براسها..

عامر ابتسم لها: طل القمر..ههههههههههه تعالي تعالي..
وجدان ضحكت ويت قعدت عنده على سريره وحطت إيدها ورى رقبته وكان يطقطق عالاب توب:ههههههههه شتسوي
بروحك
عامر ابتسم: شوفة عينج..عمر
يتروش وطلال وسعود بالديوانية..وبدر يقرأ كتاب فرنسي بغرفته..
وجدان ابتسمت بخبث: عمووور
أقولك سر؟..
عمر طلع لاف فوطه على خصره وصدره مبلل وشعره يقطر ماي..: نعم..
وجدان استحت: جب أنت ما حاجيتك..
عمر وعامر:ههههههههههههههههه
عامر بفضول: قوووولي شنو بسرعه؟..
وجدان بهمس: طلال يحـــب..
عمر وعامر بدهشه: احلــفي..
وجدان ضحكت:ههههههههههههه والله العظيم يحب..
عامر: انزين منووو إهي..
وجدان بنحاسه هزت جتوفها: آسفه ما أعلم..
عامر سدحها بقهر: احلفي عاد..قولي أحسن لج..
وجدان صرخت: مـــابي مو غصب..
وسدحته وانحاشت..
عمر ضحك وهو بغرفة التبديل: هههههههههههههههه
عامر طلع وراها ركض: أنا أوريج..وجــــــدان..وجدانوووه..


بالديوانية..

طلال وسعود كانوا يلعبون بلاي
ستيشن 3..
وجدان دخلت تصارخ: طــــــلال
الحقني..
وانخشت ورى ظهره..
طلال ضغط ستارت وضحك عليها: ههههههههههه شفيج شمسويه..
عامر دخل ووقف بالوسط وتخصر: وجدانووه اطلعي بكرامتج..
وجدان تشد بلوزة طلال..طلعت راسها بس: ههههههههههه شنوو
غصب تعرف مو إلا..
عامر ضحك:هههههههه نحاستج
هذي بطلعها من عينج..
وجدان شهقت ووقفت وتخصرت
: هـــى أنا نحيسه هين ياعامر الزفت..إذا ما أفضحك..
عامر رفع حاجب وطالعها من فوق لتحت: أنتــــــي تفضحيني..

دخلوا بدر وعمر يضحكون..

بدر بضحك:ههههههههههه شفيك أنت بعد
عمر قعد وحط رجل على رجل:
خلهم.. خلهم..واقعد
وجدان بقهر من نظرة عامر: إيه أنا أفضحك ولا ليكووون مو عاجبتك بس..
عامر ابتسم وقعد عند عمر وحط رجل على رجل: أتحداج..
وجدان ابتسمت بخبث وقعدت عنده وبهمس: تبيني أقووول أنك
تحب صـ..
عامر مسكها وسدحها عالقنفه وانحنى لها وسد حلجها: ألعن خيرج أنتي شدراج بعرف..
الكل:ههههههههههههههههههههههه
وجدان بعدت إيده وصرخت: اســـمعوا ترى عامر يحب صبا..
هههههههههههه
طلال وبدر وسعود انصدموا ما عدا عمر لأنه يعرف: صـــــــج..
عامر حذف خدادية على وجهها:
عجبـــــــــج يالسوسه..
وجدان ضحكت وقامت: هههههه
أنت تحديتني..
طلال ضحك:هههههههه شحقه ما علمتنا يالخاين..
وجدان تخصرت: عـــدال طاع من يتحجى يعني أنت اللي علمته أنك تحب صمووووووود
طلال انصدم والكل ضحك عليه:
هههههههههههههههههههههههههههههههههههههههههههههههههه ههههههههههه
بدر بضحك: هههههههه من بقى ما فضحتيه خلاص اسكتي..
وجدان ضحكت:ههههههههههههه بقى عمر..وعلى فكرة ترى عمر يحب شجوون أما أنت وسعودوووه أكيد ما تحبون لأنكم توكم يهــــــال..
عمر وعامر وطلال: هههههههههه
بدر بدهشه: أحنا يهال..
وجدان ضحكت:ههههههههههههه
ومراهقين بعد شرايك..
سعود بخبث: عليهــــــا..
بدر من قلب: عليـــها ونص..
بدر وسعود قاموا لها: عليـــهاااا..
شالوها اثنينهم وطيروها فوووق
..
وجدان تصارخ: هـــيه بدر يازفت ترى أنا أكبر منـــــــــك بسنتين..نزلني نزلني..
بدر بعناد طيرها لسعود: ههههه
تحلميـــن..
سعود مسكها: هلاااا واللــــــه..
وطيرها لفووووق ومسكها وطيرها لبدر..
ووجدان تصارخ وتضحك بنفس الوووقت..
طلال يضحك:ههههههههههههههه خلاص سامحوها حرام..
وجدان بقهر: لااااا توووو الناس..
بدر كان ماسكها بيطرها ولما سمعها ضحك وطيحها عالأرض وطاح فوقها..:هههههههههههههههههههههههههههههههههههههههههه ههههههههههههههههههه

وجدان طاحت على صدرها وتعورت صج..وبدر كان فوقها:

آآآآه عمــــــى زين..قووووم عني عورتني..قووووم
بدر قام وهو يترنح من الضحك:
ههههههههههههههههه آسف ما شفتج..
سعود كان منسدح ضحك:هههههههههههههههه..وكان بيقومها بس وجدان عصبت
وجدان بنرفزه: انقلــــــع أصلا أنت السبب..
ومسكت صدرها وصرخت بقهر: آآآآآه والله يعــــــوووور..
وقامت لبدر وسدحته ونطت على بطنه: يعووووووور ياكلب ياتيـــــــــس..يا..
طلال ضحك وجا شالها من خصرها وسد حلجها: هههههههههههههههههههههههه
خلاص وجدان خله يوولي ما عليج منه..
وجدان نزلت وطلعت اتحلطم: أعمــــــى..غبي..كلــــــــــــب
..
أخوانها ظلوا يضحكوووووون عليها..
عامر: هذي حوبتي..تستاهل..
عمر ضحك:ههههههههه والله تعورت صج حرام عليك ما لقيت إلا تطيحها على مكان حساس
بدر يضحك:ههههههه أنا شكووو
إهي السبب..
سعود شافها: أششش اسكتوا كاهي يت
دخلت وجدان وقعدت بوسط عمر وعامر..
وجدان بهمس: عمووور حبيبي
بروح باجر معاك
عمر ابتسم: وين تروحين المستشفى..؟..
وجدان ابتسمت: أيه والله بس بقعد..باجر عندي محاضره وحده والدكتور اعتذر عنها..
عامر يستهبل: آسف باجر أنا عندي عملية..
وجدان بحده: ما حاجيتك أنا..
عامر ضحك: هههههههههه أدري حاجيتي توأمي يعني حاجيتيني..
وجدان حذفت بوجهه خدادية:اقلب ويهك أصلا أنا ما أحاجيك..لااا تكلمني..
عمر ضحك:هههههههههههههه ما عليج منه..عادي تعالــــــي بس شوفي تقعدين عاقلـــه..
وجدان استانست[إذا ما أهبل فيكم]: أووووووووك..
ـــــــــــــــــــــــــــــــــــــــــ

بفيلا أبو مشـــاري..

الساعه 11:30

كانوا البنات صبا ولمى والعنوود

ونهى وغزل قاعدين بالحديقه يسولفون..وغزل تنكت عشان تغير جووو..
غزل بضحك: بخيل سألوه اذا صار برد شنو تسوي؟
قال أقرب من الدفاية
وسألوه واذا برد أكثر؟
قال اقرب أكثر من الدفاية
قالوا له واذا البرد قوي ومو طبيعي شنو تسوي
قال بشغل الدفاية..
صبا ضحكت من قلب:هههههههههههههههههههههههههههههههههههههههههههههه ههههههههههههههههههههه
العنوود وقفت: لموووه بقوووم
أشرب ماي تعالي معاي..
لمى: روحي عادي ما فيه أحد
أخواني بالديوانية..
العنود راحت...دخلت المطبخ وخذت قلاص وراحت البراد وعبت ماي وشربت..

مشاري يا من الديوانية مستعيل

وما انتبه منو اللي واقفه: صبااا هاتي لي ماي بالغرفه بسرعه..
ومشى بســـرعه..
العنووود توهقت وكانت بتقوله بس مشى..:لحظه أنا مو...[بس ما كملت]يمه شسوي الحين..راح
وخلاني..أروح أقول لصبا..لا لا أخاف تفهمني غلط..
اففف انزين شسوي..أروح ولا لا
..
بسرعه خذت قلاص وعبته ماي
وحطته بصحن وصعدت فووق..
وقلبها يرقع من التوتر والخوف..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 29-05-2011, 08:46 PM
صورة ام رتيل الرمزية
ام رتيل ام رتيل غير متصل
©؛°¨غرامي مشارك¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


رواية روعه تسلمي على النقل

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1