غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 04-06-2011, 07:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل الخامس عشر&

زياد سكت شوي وظل يطالع بدموعها..سحب وجهها وصار مقابل وجهه وباس دموعها بشفايفه: وجدان خوفج طبيعي
ومع التعود بيروح..وسبق وقتلج
أنا أقدر أضبط نفسي وما راح أجبرج على شي أنتي ما تبينه..
وجدان ما قالت شي بس حضنته بقوووه ودفنت وجهها برقبته..

وبعد دقايق على نفس الوضع..

زياد يلعب بشعرها: جووجووو
وجدان رفعت راسها وطالعت بعيونه..
زياد ابتسم: تأخر الوقت ما تبين تروحين..
وجدان ابتسمت: امممم أرووح بس بشرط..
زياد ابتسم: شنووو
وجدان باست خده: أنت توصلني..
زياد ضحك:هههههههههههه أووك
موافق..جهزي نفسج وأنا بنزل قبلج بقول لهم أن بدر طلب مني أوصلج..
وجدان قامت وطلعت: اووووك..

دقيقه..وكانت وجدان مع زياد بالسياره..
زياد كان مستانس بوجودها معاه بسيارته ووده هاللحظه تطوول..ابتسم وركز عالطريج..
وجدان سندت راسها لورى وهي
تحس بتعب..غمضت عيونها ونامت..وشوي ما حس زياد إلا براسها يرتخي ويطيح على جتفه..
زياد شقت الأبتسامه حلجه وحضن خصرها وقربها منه وسند راسها على صدره..

دقايق ووقف عند بيت عمه..شاف الساعه 12:30..بعدها عنه شوي ودق على عامر..

عامر كان بالديوانية: هلا زيووود
مسرع ما اشتقتلي توني قبل ساعات كنت معاك بالمستشفى..
زياد ضحك:هههههههه لا والله ما اشتقت لخشتك بس شكلك أنت والثور بدر نسيتوا أن عندكم أخت
..اطلع لي وجدان نايمه..
عامر تذكرها وضرب جبهته: اوووووه ههههههههه تصدق نسيناها..يلا يايك..وسكر وقام طلع له..
فتح السياره وطق كفه بكف زياد: تسلم عالتوصيله تعبناك..
زياد ابتسم: عشانها مو عشان سواد عيونك..
عامر ضحك وراح فتح باب وجدان ونزلها وشال بحضنه:هههههههههههه احترم نفسك تراك للحين ما صرت خطيبها..
ودخل داخل..
زياد ابتسم وراح..

طلال شافها يدخل ووجدان نايمه بحضنه: اووووه جوجو وأنا أقول فاقدها اليوم..
عامر ضحك:هههههه انثبر وتعال
ساعدني..
طلال قام وياه..فتح له الباب ورفع غطا السرير..
عامر نزلها بهدوء..وفتح الأبجوره
وسكر الشباك وطفا الليت وطلعوا..

عمر كان طالع من غرفته وشافهم: وينها وجدان..؟!
عامر: نامت ليش!!
عمر بحيره: ها لا ولا شي بس كانت تبيني بسالفه وأجلناها لليل
..
طلال ضحك بخبث: هههههههههه أي سالفه ياعمي خليك برقبتك اللي كلها طبعات..
سعود وبدر كانوا صاعدين وسمعوه وضحكوا:ههههههههههه

عمر تحمس: ههههههههههههه اففف ياطلال طافك شسويت هبلت بالبنت..
طلال زهق ضحك:هههههههههه
اركد اركد ترى الركاده زيــــنه..
عامر يضحك: امشوا داخل فشله
واقفين بالممر..
سعود: يلا يلا..

راحوا كلهم ودخلوا غرفة طلال
وقعدوا يسولفون..

عند وجدان..
كانت نايمه وفجأه صارت تشوف كوابيس وتتذكر الحارس
والبنت اللي تحرش فيها..انقلبت الصوره وصارت وجدان مكانها
والحارس حاجزها ويتحرش فيها..ووجدان عرقت ولزق شعرها بوجهها وصارت تهز راسها بعنف..: لاااا لا لاااا وخر عني..بـــــــابا بابا..بـــــــــــابا
تعال وينك..بـــــــابا..


بغرفة طلال..
كانوا يضحكون: ههههههههههههه
سعود سكتهم: أشششششش سمعتوا اللي أنا سمعته..
طلال سكت: شسمعت
بدر يحاول يسمع: اششششش
عمر نط بسرعه: وجـــــدان تصارخ..
بسرعه طلعوا كلهم ورى بعض
وراحوا غرفة وجدان..

عمر فتح الباب وبنفس اللحظه وجدان صحت بصعوبه مخترعه:آآآآآآآآآآآآآآآآآآآآآآآآآآآآآآآآآآآآآآآآآ

الكل اخترع من صرختها اللي زلزلت البيت..
طلال بخوووف راح لها: وجدان حبيبتي شفيج..
وجدان خايفه ومو مركزه..بعدت
بسرعه وهي تصارخ: لاااا لااااا وخر عنـــــــي..وخر عني..بـــــــابا..بـــــــــــــــــــــابا..
طلال انصدم وبعد عنها..
عمر صب ماي وعطاها :هاج اشربي..تعوذي من الشيطان هذا كــــ
وجدان حذفت الكاس وتكسر مية قطعه وصارت تبجي بهستيريا..وبعدت اللحاف ونزلت
وراحت قعدت بالزاوية: بـــــابا
..بــــــــــــــابا تعال بـــــابا..

كلهم خايفين وصاروا يطالعون بعض بعجز..
بدر راح لها ومسكها بيهديها: وجــــــــــــــدان كابوووس هذا كابووس..أنتي كنتي تحلمين..
وجدان صارت تطقه على صدره
وتحاول توخر إيدينه: جذابيــــن
كلكم جذابين..وخـــــــر عني
وخــــــــــــــر..لا تلمسني..أبي
بابا..لا تلمسني..
بدر كان مصدوم من ردة فعلها
العنيفه..
طلال ما قدر يتحمل أكثر..جا ومسكها وعطـــــــاها كف صاروخي: طــــــــــــــــــراااخ
وجدان اصحي هذا كابوس..أحنا
أخوانج..أخوانج
وجدان طاحت من قوة الكف..وبجت ورجعت لورى ودفنت راسها بريولها: بــــــــــــــابا أبي بابا..
بهاللحظه دخلت أم عمر طاير قلبها من الخوف والصراخ..: وجدان يمـــــــه بنتي بسم الله عليج..
وكانت بتحضنها بس وجدان صرخت بعنف: وخـــــــري أنتي وخري..أبي بابــــــــــــــا ما تفهمون..
أبو عمر كان واقف عند الباب ومتحسر على حالة بنته ودمعه محبوسه بعينه..: أنا هني يابابا..
وجدان رفعت راسها بسرعه..ابتسمت وطارت له وطاحت بحضنه وصارت تتكلم بصوت مقطع وتأشر على أخوانها: بابا..إيه أنت بـ ـ ـابـ ـ ـا..شو..شوفهم
اهم..كانوا..اهم بابا مو أنا لا مو أنا..
أبو عمر ما فهم شي من كلماتها المتقاطعه بس قدر حالتها وخذاها للسرير: أدري يابابا أدري أن مو أنتي..بس اهدي..أنا معاج معاج ياروووح بابا..
وجدان سكتت وظلت متمسكه فيه وحاطه راسها على صدره وكأنها خايفه لا يضيع أو يروح ويخليها..
أبو عمر ظل يمسح على راسها ويقرأ عليها لحد ما نامت..
ساعتها التفت لعياله اللي واقفين ومتضايقين على الحاله اللي وصلتها..
عمر بحزم: يبه أتوقع صار لازم
نعرضها على دكتور نفسي
أم عمر باعتراض: وتبي الناس
تقول عن بنتي مينونه..لااا والله
هذا اللي ناقص..
أبو عمر بحده: كلام عمر صح..لازم نشوف لها دكتور يعالجها حتى لو تكون الجلسات عندنا بالبيت..


......

شنووو بيصير مع وجدان؟؟ بيعرضونها على طبيب نفسي ولا لأ؟؟

زياد بيدري ولا لأ؟؟

منوو بيكون له دور بعلاج وحل معاناتها؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 04-06-2011, 07:38 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل السادس عشر&

عامر: يبه زياد يعرف دكاتره نفسيين..
أبو عمر بهدوء: خلاص شوفه واتفق معاه وقولي..
عامر: إن شاء اللـــــــه يبه..
أم عمر: يلا يايمه روحوا أنتوا ناموا..أنا وأبوكم عندها..
الكل بدون نفس: تصبحون على
خير..
وطلعوا وخلوهم..
أبو عمر نزل راسه وشاف دموعها تنزل حتى وهي نايمه..تنهد ومسحهم وانسدح وسدحها يمه وحط راسها بحضنه..وأم عمر طفت الليت وانسدحت بالطرف الثاني وما نامت إلا بعد ما دعت لبنتها..
ـــــــــــــــــــــــــــــــــــــــــ

بعد يوميـــــــن...
# ملخص الأحداث #

عامر كلم زياد عشان يدور له دكتور نفسي..وطبعا زياد استغرب بس عطاه العنوان..
ووجدان بعد أقناع صعب جدا وافقت تكمل الخطوة..وخبت الموضوع عن زياد..


بفيـــــــلااا أبووو الوليد..
الساعه 4 العصر..

أبرار بغرفتها تكلم مشعل ومنفعله: انزين فهمني ليش..أنا شسويت لك حتى تنهي العلاقه
..
مشعل تعب منها وصارحها:
بعطيج ياها كاش...أنا واحد كنت
ضايع ومغازلجي وأتسلى بعلاقاتي مع البنات..لكن الله هداني وعرفت أن كما تدين تدان والدنيا دواره وكل شي بسويه بيرجع لخواتي..عشان جذي تبت توبه نصوحه عسى الله يتقبلها بس..وقطعت علاقتي
مع كل البنات..ارتحتي..أتوقع عطيتج جواب شافي
أبرار بسخريه من ورى قلبها: تبت..الحمدلله والشكر..أصلا أنا الغلطانه اللي رضيت أحاجي واحد سخيف نفسك..وسدت بويهه..


تحت بالصاله..
أم الوليد: انزين فهمني بس ليش
ما تبي تتزوج..
الوليد بهدوء: يـــــــمه واللي يرحم والديج..أنا مو مال زواج ومسؤولية وخرابيط وبعدين للحين ما لقيت البنت اللي تستاهل تكون زوجة الوليد طلال الـــ......
فجر رفعت حاجب: أصلا أنت غرورك بيوديك بداهية..
أم الوليد بحده: اسمع عاد..أنا
كنت بتفاهم معاك بس شكلك
مو ناوي خير..زواجك بيتم وغصب عنك بعد..شناقصك عشان تأجل..جمال..شغل..فلوووس..بيت..سياره كلها عندك..وبنات خالك كل وحده تقول الزود عندي..فكر عدل وطيعني وخلني أخطب لك
وجدان..
أبوالوليد تدخل: طولي بالج عالولد..ما فيه شي ينحل بالعصبيه..والزواج قناعه مو غصب..
الوليد تنهد[اففف وجدان وجدان وجدان..زهقت من سيرتها..أهي صج حلووه بس أنا بكسر راسها قبل لا أتزوجها..بخليها ما تشوف غيري بالدنيا]: خلاص يمه عطيني وقت أفكـــــــر وأقولج..
ـــــــــــــــــــــــــــــــــــــــــ

بفيلا أبوو مشاري..
نفس الوقت..

كانت العايله كلها مجتمعه بالصاله..يشربون شاي ويسولفون..

نزلت نيرون لابسه عباتها الجتف
وملفعها وبيدها شنطتها..
الكل سكت..
أبو مشاري بحده: على وين العزم؟!
نيرون ببرود: سأذهب إلى رؤية صديقي فريناند وزوجته إليزابيث.

أبو مشاري بحزم: وبدون ما تستأذنين ولا تأخذين شوري..
صبا ضغطت على إيده: شوي شوي عليها يبه..ما تعرف عاداتنا

نيرون بهدوء: ولكنني مشتاقه إليهم كثيرا لم أرهما منذ مـــده..
أبو مشاري وقف: صعدي دارج ومافيه روحه..فريناند هذا ستين
مره قتلج اقطعي علاقتج فيه..
أم مشاري بسخريه: إيه أجنبيه شتتوقع منها غير فريناند وغيره..
مشاري بنظره: يمـــــــه..
نيرون انفعلت: فريناند صديقي وأنا ذاهبة إليه..
وطلعت وطنشت أبو مشـــــاري

أبو مشاري عصب ولحقها بسرعه ومسكها من إيدها وعطاها كف: طـــــــرااااخ وتكسرين كلمتي بعد..
الكل فتح حلجه من الصدمه..نيرون اللي أبوهم يموت فيها ومدلعها يمد إيده عليها
أم مشاري استانست وبرد قلبها وضحكت: ههههههههههه..
صبا بحده: يمه عيب تتشمتين بالناس..
نيرون انصدمت من قوة الكف ومسكت خدها ووقفت بصعوبه
ودموعها نزلت: أشعر بفراق كبير بعد مووت ابنتي..ماذا تريدني أن أفعل..
وبسرعه انغمى عليـــــــها..
أبو مشاري تجمد من الصدمه وتندم أنه مد إيده عليه وكلامها زاد جروحه..
مشاري حس بأبوه..بسرعه راح
لها وشالها بمساعدة مناف: عزيز ساعدنا بسرعه..وأنتي صبا ييبي سويجي بسرعـــــــه..

بسرعه شالوها مشاري ومناف وعبدالعزيز وركبوها سيارة مشاري وحركوا عالمستشفى..

لمى مسكت أبوها: يبـــــــــــه اقعد أنت ارتاح وإن شاء اللــــه
بيطمنونا عليها
أبو مشاري قعد وهو متوتر..
أم مشاري بحقد: يعلها تموت ونرتاح..
أبو مشاري عصب وقام بيعطيها
كف..بس صبا ولمى مسكوا إيده: يبــــــــــــــه
أم مشاري انصدمت ووقفت: تمد إيدك علي ياخالد..أنا بعد 23سنة تمد إيدك علي عشان نيرون الأوروبيه..
أبو مشاري بحده: واكسر راسك إذا لزم الأمر..أنتي الظاهر طلعتي عن طوعي وما عاد أحد
يعجبج بس من اليوم ورايح..كلمه زياده أو ناقصه بيجيج شي
ما تتمنينه..
وصعد فوق وخلاهم..
أم مشاري بلعت لسانها وقعدت
وسكتت..
لمى بهمس: أول مره أشووف أبوي معصب جذي
صبا: بصراحه معاه حق..يعني أمي زودتها شوي..تشوفه متضايق تقوم تزيده..
ـــــــــــــــــــــــــــــــــــــــــ

بعيـــــــادة د.رائد الــ....استشاري طب نفسي..
الساعه 5 المغرب..

د.رائد: اسمع يابو عمر أنا موافق أبدا بعلاج الأنسه وجدان
وبالبيت إذا هالشي ايريحك..بس
بالأول أبي منك تقولي السالفه متى بدت وبالتفصيل وتأكد أن هالشي سر أحنا نحافظ عليه..
أبو عمر التفت لعمر ولده وسمى بالله: بسم الله..القصه ابتدت مع بنتي قبل 11سنة بالضبط وقتها كان عمرها 11سنة بأولى متوسط وتوها ما بلغت..وفيـــــــوم....

ـــــــــــــــــــــــــــــــــــــــــ

يلا انتهى البارت

نيرون شنوو بيصير معاهاا؟؟

ام مشاري وغيرتها من نيرون وين راح توصلها وشنو ردة فعلها لما تدري ان نيرون......؟؟

وجدان وبداية علاجها النفسي..هل راح يأثر بحياتها مع زياد ونظرة الناس لها ولا لأ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 04-06-2011, 07:43 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&الفصل السابع عشر&

بالمستشفـــــــى..نفس الوقت

مشاري ومناف وعزيز واقفين برا عند غرفة دكتورة النساء وناطرين نتيجة الفحص..

دقايق وطلعت السستر ودخلتهم

مشاري: السلام عليكم
الدكتوره ابتسمت: وعليكم السلام..اتفضلوا ارتاحوا..
مشاري التفت لمرت أبوه وشافها صاحيه بس تبجي:
طمنينا دكتوره مرت أبوي شفيها..
الدكتوره: بصراحه يبدو أن تعرضت لضغط نفسي شديد أدى إلى حدوث حالة إغماء..مع
العلم أن هالشي يأثر عليها وعلى صحة الجنين وتحتاج لرعاية ونظام تغذية خاص..خاصة وأنها داخله بــ37سنة..
مشاري تفأجا وبلع ريجه: جنين..
مناف كتم ضحكته:ليش إهي حامل
الدكتوره ابتسمت: وبالشهر الثالث من حملها..أنا كتبت لها أبره مهدئه وشوية فتيامينات تلتزم فيها وإن شاء الله أشوفها بالموعد الجاي..
مشاري قام وخذا الوصفه منها: مشكوره دكتوره ويعطيج العافيه..
قامت نيرون بهدوء بعد ما مسحت دموعها وطلعوا لقسم أبر وضماد النساء..
دخلت نيرون وظلوا ناطرينها برا..

مناف ما قدر يتحمل وضحك:ههههههههههه أنتوا مستوعبين..مرت أبوي حامل..لا وبالشهر الثالث..ههههههههههههههههه والله
ما أقدر أتخيل شطولي عمري 22سنة وعندي أخت ولا أخو عمره شهر..هههههههههههههههه
عبدالعزيز ضحك معاه:ههههههه
اسكت فضحتنا..
مشاري شاف نيرون طلعت: اسكتوا أنتوا الاثنين..
طلعت نيرون ومشت وركبوا السياره..
مشاري يسوق وإهي جنبه ومناف وعزيز ورى..
مناف بضحك: أنتي حامل بالشهر الثالث يامرت أبووووي..
نيرون فجرت قنبله: أعلم ذلك..في نفس اليوم الذي توفيت فيه روز اكتشفت أني حامل..لذلك كنت هادئه فالله أخذ مني والله أعطاني..
ثلاثتهم بعد كلامها سكتوا وعم الصمت بينهم..
نيرون تفضفض: أتعلمون لما لا يحب خالد فريناند صديقي..
التفتوا عليها وهم ساكتين..
نيرون كملت: فريناند كان يحبني ويريد الزواج بي ولكنني كنت أحب خالد..لا أعلم لما أحببته ولكن ما أعرفه هو أنني أحبتت بشرته السمرا..وأخلاقه ومواقفه الطيبه مع من يحتاج مساعدته..ورجولته..أعلم أنه يغار لذلك لم أزعل منه..
عبدالعزيز يستهبل: اللـــــــــــه
متى أتزوج وتحبني زوجتي مثل ما تحبين أبووي..
الكل: هههههههههههههههههههههه

بعد دقايق..وقف مشاري جدام البيت ونزلوا كلهم..

صبا كانت بالأستقبال: وأخيرا شرفتوا..شفيكم طولتوا..
مناف: بسم الله خلينا ندخل بالأول..
أم مشاري بسخريه: شفيها المسعده..
مشاري طالع أبوه وابتسم: يبه شكلك بتزود عايلتنا فرد..ألف مبروك خالتي نيرون حامل..
صبا ولمى بدهشه: صـــــــج..
أبو مشاري بغى يطير من الفرح وانشرح صدره وابتسم لنيرون: صـــــــج صج أنتي حامل..
ومسك إيدها وصعدوا غرفتهم وطنشوا الكل..
أم مشاري ماتت قهر: إيه دامها حامل بينسانا كلنا ويلتفت لها أهي..نيـــــــرون خانم..
عيالها ضحكوا عليها..واضح أنها ميته غيره:ههههههههههههههههههه

ـــــــــــــــــــــــــــــــــــــــــ

بفيلا أبووو فـــــــهـــــد..
الساعه 7 المغرب..

بالحديقه..
كانوا الكل قاعدين عالهواء البارد..
دخلت عليهم شجون توها جايه من الصالون ووراها فهد: السلام عليكم..
الكل ما عدا أريج: وعليكم السلام..
أم فهد ابتسمت: ها يمه سويتي اشتراك عروس..؟!
شجون بحيا: أيه يمه وأن شاء الله ببدأ من الأسبوع الياي أحد وثلاثاء وخميس..
أم فهد: إيه يمه شدي حيلج ترى
ما بقى شي..
مشعل ابتسم: صج شوجي وين
بتسكنون..
شجون ابتسمت: عمر قالي أنه بدأ بنيان جناح خاص لنا فبيت عمي بنسكن مؤقت لين يشتري
أرض ويبنيها..
أريج كانت ميته قهر وغيره وحقد[يعلج تموتين قبل ما تاخذينه]..
صمود مسكت إيدها وقومتها: قووووومي بس عندي لج سوالف..
فهد ضحك:ههههههههههه بدينا
صمود ضحكت:ههههههه لا انتهينا
..
وراحت إهي وأختها داخل..

جنا مالت على مشعل وهمست
بأذنه: متى بتحجى زهقتني تراك

مشعل ضحك:ههههههههه اصبري..
أبو فهد: شعندك أنت وياها
مشعل ابتسم: بتروح محل فيديو
وبتمر باسكن روبنز..
جنا: اهو وعدني..مالي شغل..
أبو فهد ابتسم: خلاص روحوا بس ديربالك عليها ولا تسمع خرابيطها تراها خبله..
جنا بدهشه: أنا خبـــــــله
مشعل ضحك:هههههههه إن شاء الله يبه
أم فهد: أريج يمه روحي معاهم
غيري جو بدال منتي قاعده 24ساعه بالبيت..
أريج قامت: مالي خلق..راسي يعورني..
ودخلت داخل..
أم فهد بحسره: والله هالبنت متعبتني لا وظيفه راضيه فيها ولا
شغل بيت فالحه فيه..
فهد: خلوها براحتها يمه..مصيرها بتندم أنها ضيعت عمرها ببلاش..


فووق بغرفة شجووون..
طلعت لابسه روبها بعد شاور دافي..
شجوون بابتسامه: أنتي للحينج تفتشين..
صمود بخبث: شحقه حاطه قفل
لتلفونج..
شجووون ضحكت:ههههههههههه
لأنه في رسايلي وإهداءات عموري حقي وصورنا..وما أحب
أحد غيري يشوفها..
صمود رفعت حاجب: عـــــدال
لا يطيح حنج جنه محد حب وتزوج غيرج..
شجوون صادتها: ليش أنتي حبيتي..
صمود بحماس قامت عندها وطفت الاستشوار: أعطيج سر وما تعلمين؟!
شجون تحمست: اووووك..
صمود بابتسامه: أنا وطلال نحب
بعض..
شجوون بصدمه: احلفـــــــي من متى
صمود تحرك حواجبها: من 3 شهوووور..
شجوون ابتسمت: أيا الخايسه كل هذا خاشته وأنا ما أدري..اعترفي بسرعه..
صمود وقفت: آسفه هذي أسرار..
شجوون ضحكت:هههههههههههه
صج أنج داهيه..بس تدرين طلال حلووو ومحترم ويستاهل حبج..الله يوفقكم مع بعض..
صمود ابتسمت: آمـــــــيـــــن..
ويوفقج أنتي وعمر وتطلعين أحلى عرووووس وتييبين أحلى بنووته وتسمينها صمود
شجووون ضحكت:ههههههههههه
مصدقه نفسج..
صمود سبلت عيونها بغرور ومشت للباب: اللي يحبها طلال بتغتر مو بس تشوف نفسها..وطلعت وسكرت الباب..
شجووون ضحكت عليها وقامت لغرفة التبديل طلعت لها بيجامة نوم بلوزه فوشيه حفر وشخابيط
بيضا وليقنز فوشي ضاغط للركبه..لبستهم وتعطرت وحطت
كحل وماسكرا وغلوس زهري..ويت بتطلع بس سمعت نغمة عمر الخاصه[ يادروب الحب صيحي ويادموع العين طيحي ويادموع العين طيحي] أنفاسي يتصل بك:
شجون من الفرحه خذت فونها وطلعت البلكونه وردت: هلا بروحي وقلبي وعمري وكل حياتي..شلووونك حبيبي..
عمر خق معاها: آآآه ياقلبي..أذوب أنا..أدووخ أنا..أنا بخير من سمعت صوتج..ولهان..ولــــهان عليج حدي..
شجون ابتسمت: ياعمري أنت..حتى أنا مشتاقه لك وأكثر شي مشتاقة لنظرة عيونك..
عمر انجن عليها: آآآه ياشوجي ناطر اللحظه اللي أشوفج فيها يمي بالكوشه وبمووت على ما تيي
شجون بسرعه: بسم الله عليك من المووت..أفديك بروحي أنا..
عمر ابتسم: تخافين علي..
شجون بدلع: زوجي وحبيبي وأنفاسي كلها وما تبيني أخاف عليك..
عمر اتسعت ابتسامته: ياقلبي أنتي..قولي لي شسويتي اليوم وبالتفصيل..[/size]


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 04-06-2011, 07:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية




شجون ابتسمت: امممم قعدت الساعه تسع تروشت وتريقت مع أهلي وبعدها رحت السوق مع أمي وفهد وبديت بتجهيز العطور والبخور والساعات وخذت كذا طقم حلووو..والساعه 2 طلعنا من السوق..رجعنا البيت..تغديت وطلعت مره ثانية الصالون عشان أبدا باشتراك العروس وتوني قبل نص ساعه وصلت تروشت ولبست بيجامتي وييت بطلع إلا يدق حبيبي عمر..رجعت خذت فوني ورديت..
عمر ابتسم: حبيبتي إذا نقصت فلووس المهر قولي لي وأنا...
شجون قاطعته: ولا يهمك حبيبي
الفلوس تكفي وبتزيد بعد..أصلا
10.000كافي والخمسه الباجي حطيتهم بحسابي بالبنك..
عمر بهمس: حبيبتي أنتي..اووك حياتي أخليج الحين وقبل ما أنام
أدق عليج ماشي
شجون ابتسمت: ماشي ياقلبي..
سكرت ونزلت بقلب منشرح..

كانت نازله عالدرج وشافت أريج صاعده..
أريج بحقد: وأخيرا شرفتي..ما شبعتي منه طول اليوم سوالف وضحك..إيه مقيوله سوتي نفسج طيبه وتنصحيني أبعد عنه
وأنتي حية من تحت التبن..
شجون تضايقت بس ابتسمت: أريج كلامج مردود عليه..وزواجي من عمر واقع ولازم تتقبلينه..صفي نيتج عشان ربي يوفقج وتشوفين نصيبج مع إنسان يسعدج..ونزلت وخلتها..
ـــــــــــــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 04-06-2011, 07:45 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل الثامن عشر&

بفيلا أبو عمـــــــر..
الساعه 8 بالليل..

كان موعد لقاء د.رائد بوجدان..

وصارت الجلسه بالعياده بوجود
أبوها وطلال..

د.رائد ابتسم: آنسه وجدان..أحب أعرفج بنفسي..أنا الدكتور رائد..وأكيد أنتي عارفه ليش أنتي هني..وجدان الشي اللي أنتي فيه يحتاج عزيمه وإراده قوية..بتتعبين بالبداية بس بالنهاية راح تحصلين نتيجه وايد حلوووه..وجدان أنتي عندج عقده نفسية لازم تتخلصين منهاواعتبري نفسج بمكان تفضفضين فيه وأسرارج كلها محد بيعرفنا غيرنا أحنا..أووكي..
وجدان التفت لأبوها وطلال وابتسمت بتوتر: إن شاء اللــــه..
د.رائد قام وراح للسرير الجلدي المرتفع من عند الراس ومنخفض لباقي الجسم..: تفضلي هني..
وجدان ترددت تقوم..
أبو عمر يشجعها: يلا وجدان أنا معاج..بابا معاج لا تخافين..
وجدان تطمنت وقامت..وقام معاها طلال..
تمددت بارتباك وشدت على إيد طلال..
طلال همس بأذنها: جوجي قولي كل اللي بقلبج..وكل اللي خايفه منه..وأنا معاج..
وجدان ابتسمت..
د.رائد انحنى شوي: وجدان أبيج تغمضين عيونج وتدورين على
نفسج قبل 11سنة بالضبط..منو
أنتي..وبهدوء..بهدوء شديد..
وجدان غمضت عيونها..سكتت دقايق طويله..
أبو عمر وطلال في حالة ترقب شديد..
د.رائد بصوت خافت: منو أنتي..
وجدان بصوت طفله مليان حيوية: أنـــا..أنا وجدان الحلووه..
بابا يقول عني حلووووه..
د.رائد دخل مود وهمس:انزين ياوجدان الحلووه..أنتي وين الحين..
وجدان بصوت طفله فرحان: أنا
قاعده بحضن بابا الصبح قاعد نتريق عشان نروح المدرسه..
د.رائد: أها..ومنو قاعد معاج..أبي أسمايهم بالضبط..
وجدان بصوت الطفله تفكر: اممم معاي بابا وماما وعمر وعامر وطلال وبدر وسعود..
د.رائد: انزين ياوجدان قولي لي أنتي جم عمرج
وجدان بصوت طفله متحمس: أنا كبيره..أنا عمري 11سنة..بابا يقول أني كبرت رحت أولى متوسط..
د.رائد بصوت خافت همس قريب من أذنها: الحين أنتي ركبتي السياره مع بابا ورحتي المدرسه صـــــــح..
وجدان بصوت طفله: إيه صح..أنا جدام باب المدرسه..
د.رائد: انزين ياوجدان ادخلي المدرسه وشوفي نفسج فيها بعد شهرين..
وجدان سكتت مده طويله بعدين
تكلمت بصوت طفله يرجف: أنا وجدان الحلوووه..أنا شاطره وعندي صديقات وااايد وأبلاتي يحبوني واطلع أول وحده بالهده
بس مره وحده أنا تأخرت لأني نسيت مطارتي..
د.رائد أشر لطلال وأبوها يجون: انزين ياوجدان الحلوووه رحتي يبتي مطارتج..
وجدان سكتت شوي..بعدين توترت ونزلت دموعها وصارت تهز راسها بعنف..
أبو عمر اخترع..وطلال خاف عليها ومسك إيدها..
د.رائد بسرعه عشان ما تنفعل: وجدان وجـــــــدان ارجعي..أنتي كبيره..إيه كبيره عمرج 22 سنه..وأحنا بالعياده..
وجدان سكتت وهدت..
د.رائد بهدوء: بهدوء وجدان بطلي عيونج وشوفينا..
وجدان رمشت وفتحت عيونها ببطء وبصوت مبحوح: بابا أنا تعبانه..بروح البيت..
ووقفت بسرعه تنهي النقاش وطلعت برا..
طلال طلع وراها بسرعه..
د.رائد قعد عالمكتب: تطمن يابو
عمر إن شاء الله ما نحتاج غير جلسه وحده وتكون وجدان بخير

أبو عمر: إن شاء الله يارب..يلا دكتور مشكور ويعطيك العافية تعبناك..
وطلع..

بالسياره..
وجدان كانت قاعده بالمرتبه اللي ورا ومريخه راسها..
وطلال قاعد مكان السواق..
شافها شلون تعبانه وهمس: جوجي تبين نمر ناخذ عشى..
وجدان بتعب: لااا ما أشتهي الحين بس بنام..
وتمددت عالمرتبه ونـــــــامت..
أبو عمر فتح الباب وصعد..
وطلال حرك..والهدوء طاغي عالسياره إلا من صوت نفس وجدان اللي راحت بنوم عميق..


بعد ربع ساعه وصلوا..طلال دق
هرن..وأبو عمر نزل وفتح الباب الثاني ونزل وجدان بهدوء وشالها على إيدينه..
مشى شوي إلا يجي عمر ويشيلها عنه..
بدر راح لطلال: شصار..
طلال: انطرني اصفط بس..
بدر ابتسم وظل واقف..

صفط طلال سيارته ونزل ودخلوا داخل..
أم عمر: تكلموا شصـــــار تراني من رحتوا قاعده على أعصابي..
أبو عمر قام: طلال يقول لكم..بروح أبدل وانزل..حطونا لنا العشى
وصعد فوووق..
ـــــــــــــــــــــــــــــــــــــــــ

بفيلااا أبو مشاري..
الساعه 10بالليل..

أبومشاري بعد الخبر الحلوو اللي سمعه طلع يتعشى مع نيرون بمطعم إيطالي احتفالا بهالمناسبه..
أم مشاري ماتت غيره وما قدرت تقعد..خذت لمى وراحت
بيت أبوجراح..
وما كان فيه غير مشاري ومناف وعزيز وصبا..

كانوا قاعدين بغرفة عزيز والجو
بارد موووت.. مطفين الليتات و قاعدين على ضوء الشموووع..
ومسوين دائره بالأرض وقاعدين جبال بعض..

صبا لابسه بيجامة نوم عنابية ثقيله وبرادنه..: آآوووه..يمه برد برد..
مناف كان متدفي بفروه: هههههههههههههه والله اللي يدخل ويشوفنا يقول أهل الكهف..
عبدالعزيز ضحك:ههههههههههه
اسكت أنت وياه وخلونا نسولف..
صبا وأسنانها تطقطق ببعض: رووح ياعمي أنا ميته برد وأنت بتسولف..ولفت على مشاري ودفنت نفسها بصدره تتدفأ..
الكل:ههههههههههههههههههههههه
مشاري: انزين ليش دافنه ويهج
بصدري..
صبا رفعت راسها: ما تسمعني أقول برادنه..بتدفأ فيك..ولا شفايدتك أخوو ياحظي..ورجعت
راسها بحضنه
مشاري زهق ضحك:ههههههههه
مناف بضحك: ههههههه والله أنتي اللي لسانج يلوط أذانج..
صبا: شوف أنت بسكت وماني راده عليك بس لأني متدفيه الحين..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 04-06-2011, 07:45 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


عبدالعزيز يتسهبل: انزين خلاص
ما شبعتي..والله اللي يشوفج بهالشكل يحسبج زوجته..
صبا بجرأه: والله ياليتني زوجته..عالاقل...وو أح
مناف طقها على راسها وهو ميت ضحك:هههههههههه هيــــه أنتي عيب عيـــــــب..
صبا انقهرت منه: شنوو عيب..عيب..عيب..عادي أخوووي مو عيب..
مشاري سد حلجها: خلاص مو عيب بس اسكتي هههههههههههه
صبا ضحكت ورجعت لوضعها..

قطع عليهم منبه موبايل مناف وسكره..
صبا بسرعه غمزت: إيه إيه عيب
وعيب وأخر شي تقفل بوجه حبيبتك..
الكل:هههههههههههههههههههههه
مناف طقها على راسها: انثبري هذا منبه هههههههههههههههه
صبا رفعت حاجب: أحلف أنك ما
تحب وما فيه بحياتك علاقه..
مناف ابتسم: ههههههههههههههه غبيه أنتي..والله العظيم ما أحب
..
صبا ابتسمت: وأنت عزوز..
عبدالعزيز ابتسم: شنو جلسة صراحه ولا كرسي الاعتراف..طبعا لا ما أحب..
صبا ضحكت:ههههههههههههههه
أما مشاري..[وباست خده بقوووة]مشمش حبيبي أدري أنه
يحب
مشاري بدهشه: ألعن خيرج شدراج..
صبا ضحكت:هههههههههههههههه
العنووود ما تخبي عن شي..أصلا كل سوالفكم عندي....
مشاري بعدها ووقف: انزين عيل جذي..يصير خير أوريج أنتي
وياها..
مناف: انزين أنت الحين وين رايح..
مشاري: بروح أسهر عند الشباب
ببيت عمي محمد تيوون
عبدالعزيز قام: لا أنا بنسدح..
مناف: وأنا بروح لفهد وبعدين أمركم..
صبا: وأنا تخلوني بروحي بالطقاق..
مشاري ضحك:ههههههههههههه أحسن أقعدي حاجي الطوف..
مناف: إذا تبين تعالي معاي عند
البنات وإذا خلصنا مري على وجدان وتكونين لفيتي جوله..
صبا بحماس:صج..دقايق وأكون
جاهزه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 04-06-2011, 07:46 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل التاسع عشر &
مشاري راح غرفته وبدل..لبس
جينز لووست خصر واطي وبلوزه صوف ثقيله لونها عنابي ورقبتها سبعه واسعه..تعطر ونزل تحت..شغل سيارته مكسيما نيسان فضية 2008 وحرك

مشاري ابتسم بخبث: هين ياعنوووودي أخبارنا توصل أول بأول لصبوووه..
خطرت بباله فكره مجنوونه..ابتسم عليها وغير الوجهه لبيت عمه أبوجراح..

دقايق ووقف هناك..رفع راسه لشباك العنوود وشاف بلكونتها مفتوحه..

نفس الوقت..
العنود بغرفتها كانت توها ماخذه
شاور النووم ولبست بيجامة نوم
قطن ناعم حمرا..بنطلون بخطوط بيضا عالجوانب وبلوزه علاق رفيع وفوقه جاكيت بسحاب..
تعطرت وتوها بتسرح شعرها إلا
يدق فونها:
[ياحبي الأول والأخير تدري بغيابك وش يصير]
العنوود بابتسامه: هلا حبيبي..
مشاري ابتسم: هلا فيج قلبي..بس تردين أني زعلان منج
العنوود بدلع: أفا حبيبي مشمش
زعلان مني..ليش عاد
مشاري بخبث: انزلي وأقولج..
العنووود باستغراب: انزل وين..
مشاري ابتسم: طلي من شباكج وتعرفين
العنووود مشت للبلكونة وشافته
وانصدمت: لا من صجك أنت مينوووون
مشاري بهمس: انزلـــــــي ولا
بصعد
العنوود بتردد: مشاري حبيبي آآ
مشاري بهمس خاص: عنوودي العنود ابتسمت: اوووك نازله خلاص..
سكرت ونزلت تحت بعد ما قفلت باب غرفتها..ما شافت
أحد لأن الكل بغرفته بينام..راحت المطبخ يعني بتشرب ماي..بسرعه فتحت الباب الخارجي وطلعت من المطبخ للشارع..
شافت مشاري فتح لها الباب وراحت بسرعه وركبت..
العنود بارتباك: بسرعه قول قبل ما يحس فيني..
مشاري ما رد عليها وحرك السياره بسرعه: محد بيحس لا تخافين..
العنووود رقع قلبها بخوف: مشاري وين رايح..؟!
مشاري التفت عليها وابتسم:
صبوووه ليش تقولين لها كل شي يصير بينا
العنوود بلعت ريجها: عـــــــادي
صبا أختي قبل ما تكون بنت عمي وأنا متعوده أني ما أخبي عنها شي..
مشاري[ودي أكلها ياناس]..وقف
عند البحر اللي كان فاضي هالحزه خصوصا بالشتاء..: بس
أنا مابي أحد يدري عن خصوصياتنا
العنوود ابتسمت: اممم أفهم من
كلامك أنك زعلان..
مشاري ابتسم بخبث: وما راح أرضى إلا بترضيه خاصه..
العنوود استحت: عيل خليك زعلان..
مشاري بثقه: عيل ماكو رجعة البيت..
العنوود بخوف: مشاري عاد بلا
ثقالة دم..رجعني قبل محد يحس فيني ونتوهق
مشاري رفع حاجب: هالوقت أنتي نايمه بالنسبه لأهلج..يعني ما فيه رجعه إلا بعد ما تنفذين اللي أبيه..
العنوود استسلمت: انزين شنو تبي خلصنا
مشاري ابتسم: أبي بوووسه هذا أولا..
العنود رفعت حاجب: أولا بعد..وقربت منه وباست شفايفه بنعومه..
مشاري طالع بعيونها وابتسم..
العنود نزلت عيونها بحيا: وثانيا..
مشاري انجن عليها: وثانيا أب..
العنوود طالعت فيه بتوتر وحطت ايدها على شفايفه: مشااااااري ردني البيت خلااااص..

مشاري ضحك على شكلها المنحرج:هههههههههههههههههههه بسم الله ما كملت كلامي..هههههههههههههه شفيج؟؟

العنوود ابتسمت وهي تتلفت يمين ويسار: ولا شي بس بسرعه حرك..

مشاري ابتسم وسحبها لحضنه وهمس بأذنها: آووووك عشانج بس..ولا البوسه ما تكفي..

مشاري ابتسم وحرك سيارته والعنوود بعدت عنه وطالعت الشارع

وصلها عند البيت..وباست خده ونزلت بسرعه..
مشاري ما راح إلا لما تأكد أنها دخلت داخل..


بالمطبخ..
العنووود دخلت بسرعه وشافت
جراح أخوها يشرب ماي..ارتبكت
وبلعت ريجها ووقف الكلام ببعلومها..
جراح شك وبسرعه جا عندها ومسك إيدها بعصبيه: ويـــــن كنتي؟!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 04-06-2011, 07:47 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&الفصل العشرون&

ويـــــن كنتي؟!
العنوود بخووف: ما ما كنت..كنت بالحديقه..
جراح عصب وعرف أنها تجذب..وعطاها كف قووي خلاها تطيح وتنزف شفايفها..: قتلج وين كنتي فيه..ويـــــــن طالعه هالحزه..تكلمي أحسن لج..وبعدين باب المطبخ يطلع عالشارع مو عالحديقه ياآنسه العنووووود..
العنووود رفعت راسها بصعوبه ومسحت الدم اللي نزف من شفايفها: قتلك ما كنت مع أحد..كنت بروحي..
جراح ولع..مسك شعرها وشدها بعنف والعنود تجمعت دموعها بعينها من الألم: يصير خيـــــــر..أنا أوريج يالسافله..

سحبها بقوووه عالأرض والعنووووود تصارخ وتبجي وتحاول تفك نفسها منه..
طلعها للصاله سحب من شعرها
وعلى أصواتهم نزلوا أبوجراح وأم جراح وكل البيت صحى..

أم جراح بخووف: العنوووووود بنتي..[وراحت له وحاولت تفكها
منه]وخرها عنها بتمووت بإيدك بتمووتها يالظالم..
جراح بعصبيه وهو طايح بالعنود
طق وكفوف ورفسات: أحسن ختموت السافله الحقيـــــــره..

زياد وناصر بسرعه مسكوا إيدينه وقيدوه بقوة
زياد بحده: جــــــــــــــراح شفيك ينيت شهالكلام أختك هذي بتذبحها..
ناصر يشيل العنوود عن ريول جراح: وخر عنها ياغبـــــــي وخر..بتمووت تحتك وخـــــــر..

غزل ونهى كانوا ميتين بجي عالدرج..
أبو جراح تدخل ونزل لجراح وعطاه كف قوي: جـــــــــــراح
..
زياد مسك أبوه: طووول بالك يبه
طول بالك..
العنوود كانت طايحه بالأرض ووجهها ما يبين من الرضوض والدم..وصارت ترجع دم من كثر الرفسات اللي حصلتها على
بطنها وشعرها تقطع ونصه صار عالأرض من قوة السحب..

أم جراح حطت راس بنتها بحضنها وصارت تبجي: العنوود يمه..آآه على بنتي..
زياد جا وشالها بسرعه: ناصر ييب السويج وألحقني بسرعه..
ناصر صعد ركض: انزين انزين..
أبو جراح: انطروني البس وأجي معاكم..والتفت لجراح..وأنت خلك عند أمك وخواتك لا بارك الله بعدوك..
ـــــــــــــــــــــــــــــــــــــــــ

بفيلااا أبو عمـــــــر..
الساعه 11..

بالديوانية..
وجدان نزلت من غرفتها لابسه
بنطلون أخضر زيتي قطن ناعم
وبلوزه كم طويل صفرا بكتابات زيتيه..توها صحت من النوم من رجعت من الجلسه مع د.رائد وإهي نايمه..
راحت الديوانية لأخوانها..
عمر بابتسامه.. : ياصباح العسل
..صح النوووم صار لج 4
ساعات نايمه..
وجدان راحت وقعدت عنده : كنت حاسه أن جسمي تعبان ومحتاجه أنام..
طلال: موعد الجلسه الثانية عقب باجر نفس الوقت..
وجدان بهدوء: اوووك..بس اطلبوا لي عشى ميته يووع..
سعود قام: أنا بطلب لج شنوو تبين
وجدان ابتسمت: أي شي عادي..

اندق الجرس وقام عامر:هذا أكيد مشاري..
فتح الباب وابتسم: ياهلا بالحبيب
حياك تفضل
مشاري صافحه: هلا فيك زاد فضلك..
ودخل: شلوووونكم شباب إن شاء الله فقدتوني..
وجدان بسرعه: وووع أنا ما فقدتك..
الكل:ههههههههههههههههههههههه
طلال بابتسامه: ها يالأخو شكلك فرحان ومتشقق بعد..
مشاري ابتسم: مرت أبووووي حامل..
الكل بصوت واحد: حـــــــامل..
مشاري ضحك:هههههههه والله حتى أحنا تفاجأنا بالخبر..بس أبوي لا تشوفونه ما بيعطي فرحته حق أحد..
عمر: عالبركه ههههههههههههههه

ـــــــــــــــــــــــــــــــــــــــــ

بالمستشفى..طوارئ العمليات..
الساعه 12 الفجر..

أبوجراح وزياد وناصر من ساعتين قاعدين على أعصابهم
وناطرين أحد يطلع يطمنهم..

ناصر بهمس: الحين إهي شسوت عشان يطقها بهالأجرام

زياد بضيق: أنا أدري عنه..هذا أخوك مينون..ولا العنود عاقله وما يطلع منها الغلط..

بنفس الوقت انفتح باب العمليات
وطلع الدكتور وطلعوا وراه السسترات يدزون سرير العنود بشكل يقطع القلب..

أبو جراح حبس دمعته غصب: طمني عن بنتي دكتور..
الدكتور: بصراحه شكلها تعرضت
لاعتداء بالضرب قوي جدا وأنا مضطر أبلغ التحقيق..
زياد بلع ريجه: تحقيـــــــق؟!
الدكتور: إيه نعم..لأنها تعرضت لكدمات شديده بالوجه ونزيف حاد بمقدمة الرأس وكسر باليد اليمنى..طبعا هذا غير أنها تعرضت لضرب قوي على بطنها أدى إلى حدوث نزيف حاد بالرحم وبصعوبه قدرنا نسيطر عليه..
ناصر بلهفه شد جتف أبوه: يعني
نقدر نشوفها..حالتها خطيره..
الدكتور: طبعا تقدرون تشوفنا بس بدون إزعاج ولا تعبونها بالكلام لأن حالتها شبه مستقره
وتحتاج لراحه ومتابعه دقيقه..
وسلامتها..
ومشى عنهم..
أبوجراح بحسرة: لا حول ولا قوة إلا بالله..الله يهديك ياجراح الله يهديك..[والتفت لزياد]زياد يبه ودني لأختك
زياد : إن شاء الله يبه..
ناصر: أنتوا روحوا وأنا بخلص أوراق المستشفى وادفع حساب الغرفه الملكية وإيي..

راح ناصر وراحو زياد وأبووووه لغرفة العنوووود..

دخلوا عليها وكان شكلها يقطع القلب..رأسها ملفوف بشاش من
جدام وفيه آثار دم ووجهها مورم من الكدمات وعينها اليسار مسكره كلها مزرقه وبيدها كيس دم..وإيدها اليمين مجبره ومرفوعه لجانب السرير..وملبسينها ثوب المستشفى القصير..

العنووود كانت نايمه وإيدها اليسار على بطنها بألم..
أبوجراح ما قدر يتحمل منظر بنته
وباس جبهتها بحذر وطاحت دمعته على خدها
العنوود حست فيه وفتحت عيونها ببطء: يـ ـ ـ ـ ـ ـ ـبه
أبوجراح بحسره:حمدلله على سلامتج يايبه..ماتشوفين شر إن
شاء الله..
زياد ابتسم مجامله: ما تشوفين شر ياعنوودي..خطاج السوء..
العنوود ابتسمت لها ورمشت بعيونها جنها تسحب الكلام سحب: الله يسلمكم..الشر ما يجيكم..
وغمضت عيونها من التعب ونامت..
جا ناصر..
أبوجراح: ناصر يبه تعال خذني البيت ومن أصبح أفلح..
زياد: لا ناصر أنت خليك عندها وأنا بودي أبوووي والصبح نيي إن شاء الله..
ناصر قعد عند راسها ومسك إيدها اليسار:خلاص إذا احتجتك
بدق عليك لا تحط فونك سايلنت..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 04-06-2011, 07:48 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل الواحد والعشرون&
زياد مسك أبوه وطلعوا: إن شاء
الله..

العنوود حست بالعطش وفتحت
عيونها: آ آ مـ ـ ـ ــ ــاي أبي ماي
عطشانة..
ناصر ابتسم: من عيوني..
قام صب لها قلاص ماي وسندها وساعدها تشرب وقعد عندها وحط إيده ورى ظهرها..
العنووود بصوت خافت: ناصر أنت تعرفني صح
ناصر باستغراب: ومحد يعرفج كثري..بس شحقه..
العنووود سندت راسها ببطء شديد على جتفه وناصر ضمها بحذر عشان إيدها وراسها: جراح طقني عشانه شافني دخلت من باب المطبخ الخارجي
وكان اهو يشرب ماي..
ناصر بهدوء: قصدج شك فيج صح..
العنووود ودموعها نزلت من عينها اليمين: اهو ما غلط أنا غلطانه بس ما كنت أستحق كل هالطق..
ناصر بحذر: غلطانة..يعني كنتي طالعه..وين كنتي؟!
العنووود شدت بأظافرها على قميصه من ألم بطنها: اممممم
ناصر بخوف: شفيج عنوودي تعبانة أنادي الدكتور..
العنوود تحاول تتماسك: لااا لا عادي..ناصر أنا كنت بغرفتي بنام بس فوني دق وكان مشاري..
ناصر فهم لأنه يدري بقصة الحب اللي بينهم: وطبعا قالج انزلي ونزلتي..
العنووود بتردد قالت له كل شي صار وحذفت منه البوسه..
ناصر سكت شووووي..
العنوود عرفت بشنو يفكر: ناصـ ـ ـ ـ ـ ـ ر أنت تعرفني أكثر منهم
..أنا صج أحب مشاري بس والله
أن يحبني وبيخطبني وهذي أول مره أطلع فيها معاه..
ناصر متضايق: انزين أنتي ارتاحي الحين ونامي وباجر الصبح يصير خير..
العنوود عرفت أنه زعل منها ونزلت راسها وبدموووع: أنا قلتلك أني غلطانة..بس..بس إذا
مو مصدقني قوول لجراح أني مستعده أسوي فحص ....
ناصر قاطعها بسرعه ورفع راسها ومسح دموعها: لاا يالعنوود لا مو لهدرجه..بس أنا مو زعلان منج بس متضايق من تصرف مشاري..يعني لو اهو يبيج ليش ما خطبج عالأقل عشان الكل يكون على علم بعلاقتكم..مو تقابلينه بهالطريقه
..خلاص خلاص انسي كل شي الحين ونامي وارتاحي والصبح نتكلم..
سدحها عالسرير وعدل لها المخده ونامت وغطاها..
العنووود صج غمضت عيونها بس ما نامت ظلت طووووول الليل تبجي من الألم وكاتمه صوتها عشان ما يحس ناصر..

ـــــــــــــــــــــــــــــــــــــــــ
انا رفيق الجرح من
صغر سني
والجرح له في داخلي
الف عنوان
يا سيدي هم البشر صار
مني
واصبحت انا تمثال لهموم
الانسان
كل الوجيه تشابهت
حد ظني
ماعدت اميز بين صادق
وخوان
يا صاحبي لا تنشد الجرح
عني
كل السوالف كذب صمــــت
وحرمان

# بعد يوميـــن #

كل العايله درت بحمل نيرون وباركوا لها..وخبر طيحة العنود بالمستشفى الكل درى فيه إلا مشاري لأن العنوود طلبت من صبا ما تقوله عشان ما يحس بالذنب..



بعيادة د.رائد ..
الساعه 8 بالليل..
موعد جلسة وجدان الثانية..

هالمره كل أخوانها يوا معاها..

د.رائد بابتسامة تفاؤل: ها ياوجدان مستعده حق اليوم..
وجدان طالعت أبوها وابتسم لها
يشجعها: إيه إن شاء اللـــه..
د.رائد: عيل تفضلي عالكرسي وأنا بييج..
وجدان قامت وقام معاها سعود..
عمر: العفو دكتور بس إن شاء الله هذي أخر جلسه..
د.رائد: بأذن الله..بس أبي منكم
تساعدوني..يعني ممكن تنفعل وتصارخ وهالشي يبي قلب حديد
..وأنت يابوعمر إذا مابتحمل تشوفها تقدر تنطرنا برى..
أبوعمر بتوتر: لا لا إن شاء الله بقعد..
د.رائد وقف:عيل تفضلوا معاي..

قاموا كلهم ووقفوا جدام الكرسي اللي متمدده عليه وجدان بس بعيد شووي..ود.رائد
قرب منها
د.رائد بهدوء: يلا وجدان أبيج تغمضين عيونج نفس المره اللي طافت وتركزين كل أحساسج بعقلج..
وجدان سمت بالله وغمضت عيونها وركزت حواسها بداخلها
وبعد دقايق طويله نجحت..
د.رائد انحنى وهمس بأذنها بصوت مسموع: أنتي وجدان الحلوووه صـــح
وجدان بصوت طفله حماسي: إيـه أنا وجدان الحلووووة..بابا يقول أنا حلووووه..

هاللحظه عمر وعامر وبدر وسعود وطلال التفتوا لبعض بتعجب..
د.رائد أشر لعامر وطلال يجون..:انزين ياوجدان شوفي نفسج بالهده لما نسيتي مطارتج
ورجعتي تاخذينها..
وجدان سكتت مده طويله..
أبو عمر وقف..خلاص ما يقدر يصبر..
د.رائد همس لعامر وطلال: ثبتوها..وقرب لأذنها عشان يستفزها: وجـدان أنتي يبتي مطارتج بس بطريجج سمعتي صوت صراخ بأخر الممر وتبعتيه
..صح
وجدان تنكر وتهز راسها بخوف: لااا لاا ما شفت أحد أنا..إيه
طلعت رحت لبابا..
د.رائد بصوت عالي عشان تخاف: تتبعتي الصوت وشفتي..
وجدان قاطعته بصراخ وتهز راسها بعنف وطلال مثبتها غصب: لاااا لااا ما تبعته..ما..
د.رائد باستفزاز: وجــــــدان أمبلا أنتي رحتي وتبعتي الصوت
وشفتي الحارس يتحرش بوحده من الصف الثالث صح..
وجدان الطفله تعبت وصرخت بدموووع: إيه شفته شفته..وخذت عصا وطقيته بس اهو لحقني..والبنت انحاشت..وصارت
تبجي بصوت عالي إهى إهى إهى إهى إهى إهى إهى
الكل توتر بهاللحظه..أبو عمر صار يطالع الدكتور..وعامر وطلال وسعود حاوطوها وصاروا يثبتونها
د.رائد يهديها همس بأذنها بصوت مسموع:اهدي وجدان اهدي..أنتي قوية وجدان..اهدي
وخليج قويه
وجدان سكتت بالتدريج..
د.رائد: وجدان شنو تشوفين..
وجدان بدمووع: أشووف الحارس يحلقني وأنا أنادي بابا
د.رائد بسرعه: لا وجدان لا أنتي
ما ناديتي بابا..ارجعي واقتليه..ارجعي له وجدان..
رفع راسه وأشر لبدر يجيب سكينه..
بدر بسرعه طلع وجاب سكينه ورجع
عمر بخوف: شبتسوي..
د.رائد بهمس: بخليها تظن أنها قتلته عشان تقدر تتخلص من مخاوفها..
وراح لوجدان وحط السكين بيدها ومسكها: يلا وجدان أنتي كبيره الحين وعندج سجين..روحي له واقتليه..
وجدان بتردد: اقتله
د.رائد أشر لطلال يجيب مخده ويحطها على بطن وجدان..: إيه
وجدان اقتليه لا تخافين ما بيقدر
يسوي لج..أنتي كبيره وعندج سلاح..
وأشر لعامر وطلال يقعدونها وهي نايمه بحيث تصير قاعده والمخده بحضنها والسجين بيدها
ومغمضه عيونها
وبصراخ: وجدان بسرعه اقتليه..يلا وجدان يــــــــــــلا
وجدان خافت من صرخته وبسرعه صارت تطعن المخده وتصارخ وتبجي بهستيريا: أهـــااا
مووووووووت ياكلــــــــــــب مووووووووووووت آآآآآه آهى أهى اهى اهى أهئ اهئ اهئ اهى إهى..موت موووت موت..

عامر كان بيتدخل بس د.رائد منعه..
أبوعمر لي هني وانهار ونزلت دموعه على بنته..
د.رائد همس بأذنها: خلاص وجدان مات مـــات..اهدي وجدان خلاص..
وجدان ظلت تطعن المخده لحد ما حست أنها تعبت وشفت غليلها
وانغمى عليها..
أبو عمر شهق : هــــــى..
طلال سندها عالسرير وخلاها نايمه..
د.رائد يهديهم: تطمن هذا شي طبيعي لأنها استنفذت كل طاقتها
الجسديه والنفسية للقتل المزعوم..وتقدر تتأكد 100% أنها تخلصت من مخاوفها النفسية وللأبد وكل اللي تحتاجه راحه طويله حتى تقدر تستعيد قدراتها..
أبو عمر حس براحه وبشكر: ألف ألف شكر يادكتور..والله الفرحه ربطت لساني..الله يعطيك العافية ويوفقك ويرزقك
..
د.رائد قعد ورى مكتبه وبابتسامه
: العفو يابوعمر اللي سويته واجبي وأقل بعد..
طلال: يعني أقدر أشيلها..
د.رائد: أكيد تقدر بس مثل ما قلت..تحتاج لراحه طويله وإبعدوها عن أي مؤثرات نفسية
لأنها مو بحاله تسمح لها تتعاطى
مع المشاكل وحاولوا توفرن لها
جو ترفيهي عائلي عشان تحس أن الكل يحبها ويبيها سعيده..
طلال ابتسم: إن شاء الـــله..
شالها على إيدينه وسعود فتح له
الباب وطلعوا..
بعدها أبو عمر دفع باجي حساب الجلسات وشكر د.رائد وطلعوا..

لكن اللي محد انتبه له..أن زياد كان توه صافط سيارته بينزل جاي يزور رائد اللي يكون صديقه..

زياد شافهم وهو يطلعون وجدان مثل الميته ويحطونها بالسياره..وانقهر أن محد علمه حتى وجدان ما قالت له: جذي يا
عامر يعني كنت تدور الدكتور لوجدان..وأنتي ياوجدان أنا حبيبج واللي أخاف عليج من نسمة الهواء تخبين عنـــي..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 04-06-2011, 07:49 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الفصل الثاني والعشرون&

زياد شافهم وهو يطلعون وجدان مثل الميته ويحطونها بالسياره..وانقهر أن محد علمه حتى وجدان ما قالت له: جذي يا
عامر يعني كنت تدور الدكتور لوجدان..وأنتي ياوجدان أنا حبيبج واللي أخاف عليج من نسمة الهواء تخبين عنـــي..

وحرك السياره وهو زعلان..

بسيارة عمر..
عمر يسوق وأبوه جدام وبالمرتبه الثانية عامر ووجدان بحضنه نايمه وسعود وطلال وبدر..
سعود براحه: الحمدلله أنها قدرت تفتك من هالعقدة و ترتاح..
أبو عمر: الحمدلله..طلال دق على أمك وطمنها أكيد قاعده تحاتي..
طلال : إن شاء الله..
بدر: يبه شرايك نروح الشاليه بس بروحنا عشان نوفر لوجدان
جو عائلي وبنفس الوقت تتحسن
نفسيتها..
أبو عمر: والجامعه نسيتها
سعود: شفيك يبه الناس عطلت بس باجي الأمتحانات النهائية بعد أسبوعيـــن..
أبو عمر تنهد: والله اللي صار نساني كل شي..خلاص إن شاء
الله من باجر نمشي بس خليكم
جاهزين..
ـــــــــــــــــــــــــــــــــــــــــ

بالمستشفى..بغرفة العنووود..
الساعه 8:30 بالليل..

كانوا أهلها وبيت عمها خالد وبيت
عمها سعد زايرينها..

شجوون بيدها صحن بسبوسه وتوكل العنوود: هاج أكلي وعطيني رأيج بطبخي..
العنوود ابتسمت لها وصارت تاكل من إيدها..
صبا بخبث: ها شوجي بدينا نتعلم الطبخ عشان نبيض وجه عند الحبيب
أم مشاري ضحكت:هههههههه عيب يابنت استحي..
شجوون ابتسمت بثقه: لا عادي عمه خليها..أصلا ياصبوووووه أنا
أطبخ من 3سنين مو أتعلم..
لمى ضحكت:هههههههههه ما عليج منها هذي..حتى لو عالأقل إهي تتعلم عشان زوجها..
أم فهد ابتسمت: خلاص أنتي وياها لا تقلبونها هوشة..
دق الباب ودخل فهد: يمه أبوي يقولج مشينا
أم فهد وقفت: يلا يايمه الحين نيي..[وراحت لعنوود وباستها] يلا يايمه بالشفاء إن شاء الله..
العنوود ابتسمت: الله يسلمج ياعمه..
أم جراح: سامحونا تعبناكم معانا
أم فهد: لا وي شدعوى أحنا أهل
..بس الله يسترنا من طيحة الحمام وأحنا بخير..
>>طبعا قالوا أن العنوووود طاحت بالحمام على وجهها ما عدا صبا تدري..
أم جراح: أمين يارب..
قاموا أريج وشجون وصمود وجنا وطلعوا مع أمهم..

صبا قامت قعدت عند العنووود: ها شلونج اليوووم
العنود ابتسمت: حمدلله أحسن بس عيني اليسار تعورني حيل
وإيدي تصل علي بالليل..
صبا ابتسمت: تدرين مشاري شاك فينا كلما بنطلع يسألنا ونقوله رايحين بيت عمي سعد..رايحين بيت عمي حمد..وكله متضايق ويعصب بسرعه طبعا لأنه يدق عليج وما تردين وما يدري أن تلفونج بغرفتج..
العنوود بهمس: تكفين صبا لا يدري عالأقل بعد أسبوع لين تخف الكدمات والرضوض اللي بويهي..
قاطعتهم غزل: أقووول أنتي وياها شعندكم..
صبا ضحكت:ههههههههههه ولا شي ودقي على مناف خل ايي..
غزل قامت وخذت تلفونها معاها: اووك..

طلعت برا..ودقت عليه
مناف: هلا غزل
غزل: هلا..أنت وين..
مناف: أنا طالع مع جراح بالسالميه
غزل: اففف بعيد خلاص أدق على مشاري ايي ياخذنا..
مناف: اوووك بااااااي
غزل سكرت ودقت على مشاري..
مشاري : هلا غزل..شعندج داقه
غريبه
غزل ابتسمت: ولا شي ..تعال خذنا من المستشفى..مناف طالع السالميه مع جراح
مشاري باستغراب: ليش أنتوا مو
ببيت عمي سعد
غزل باستغراب: من قال!!أحنا بالمستشفى عند العنوود
مشاري تصاعدت دقات قلبه وبخووف حاول يسيطر عليه: ليش العنووود شفيها
غزل: بيييه شكلك ما تدري...العنود صار لها يومين نايمه بالمستشفى تقول طاحت على
وجهها بالليل بالحمام..
مشاري سكت شووي وفهم اللعبه كلها[وأنا أقول ليش ما ترد علي وصبا الخايسه تجذب..بس ليش خبت عني ليش..معقوله يكون أحد من أخوانها شافها ذيج الليله لما نزلت من سيارتي وطقها..لا لا مستحيل..مستحيل]:...........
غزل تنادي: يــــــااااهو مشاري
وين رحت
مشاري انتبه: ها لا لا معاج يلا دقايق وياي..
وسكر بوجهها ونزل بسرعه قال
لعزيز يروح لهم ويقوله أن مشاري طالع..
واهو راح ركب سيارته وحرك بسرعه للمستشفى عشان يقدر
يشوفها برووحه..

عند العنووود..
الساعه 10..
كانت قاعده بروحها بعد ما راحوا الكل..
تمددت بتعب ولفت تطالع الشباك..

دخل مشاري مسرع وفتح الباب بقوووة: العنووووووووود
العنود تفأجات بصوته ولفت بسرعه ونزلت دموعها: مشـــاري..
مشاري ركض لها بسرعه ودفن
وجهه بصدرها: ليش خبيتي عني
ليش
العنووود بدموع تمسح على شعره: خفت عليك..خفت تحس بالذنب وتظن أنك السبب..وما كنت أبيك تشوفني بهالمنظر
وأنا على فراش المرض..بس من قالك
مشاري رفع راسه ومد أصابعه يتحسس كدمات وجهها وعيونها المورمه: عرفت بالصدفه من غزل..من سوى فيج جذي..
العنووود صدت وجهها عنه وإهي متعذبه من لمساته..: خلاص مشاري أنت عرفت الحين..روووح واتركني..
مشاري بحده لف وجهها وقرب من عيونها: عنووود بعرف من
سوى فيج جذي
العنوووود بدموووع: جـــراح..
مشاري يتنفس بسرعه: شافج
وأنتي تنزلين من سيارتي..
العنووود بسرعه: لاااا بس شافني وأنا ادخل من باب المطبخ وكان اهو يشرب ماي..بس ما قتله شي عشان جذي طقني..
مشاري عصب وضرب قبضة إيده بشده: أنا السبب أنا السبب..بس حتى لو ماله حق يطقج بهالشكل ماله حق..
العنووود عرفت أنه عصب..وحبت تخفف عليه..مدت إيدها اليسار ومسكت إيده وقربتها لشفايفها وباستها بقوووه ونزلت دموعها: مشــــــاري ياروحي أنت..خلاص أهدا ولا تعصب نفسك..اللي صار انتهى..
مشاري ابتسم غصب ونزل لها وباس إيدها اللي ماسكتها: لا ما انتهى..ابتدأ ياعنوووودي ابتـــدأ
أنا لازم أخطبج وجراح لازم يعرف أنه غلطان..
العنوود ابتسمت وحست بألم إيدها وتتأوهت: آآآه امممم..
مشاري بحزم: تتألمين صـــح..آآه يالقهر آآه..
العنووود تكابر: لااا عادي أصلا الألم خف..
مشاري بشك: لاااا انزين أشوف بنفسي..
قرب منها وشاف الجرح اللي براسها وتحسس كدمات وجهها
وطبعا كانت العنود تتألم وعاضه شفتها..
مشاري طالعها بنظره: جرح براسج وكدمات بويهج وعينج اليسار مسكره وشفتج مورمه وإيدج اليمين مكسوره..وطبعا هذا بس الظاهر..
العنوود بتعب حطت إيدها على شفايفه:خلاص مشاري ليش تعذبني وتعذب نفسك..
مشاري شال إيدها: قتلج بشوف بنفسي شسوى أخوج فيج..
رفع راسها شوي وفتح خيوط الثوب ونزله
العنووود حطت إيدها على إيده اللي حاطها عند صدرها وقبل ما ينزل الثوب: مشاري خلاص
ليش مصر تـ
مشاري قاطعها: عنووود لا تعصبيني قتلج بشوف بنفسي..
وبعد إيدها ونزل الثوب كله..
وبان ستيانها الأبيض والجروح اللي على بطنها والرضوض الزرقا..
العنووود غمضت عيونها وصدت وجهها عنه ونزلت دموعها..
مشاري احترق..عصب..بس مسك نفسه: ليش فيه جروح..
العنووود بهدوء: لأني ما تحملت الرفسات على بطني وصار معاي نزيف داخلي بالرحم وأمس بس وقف النزيف..
مشاري عض أصابعه قهر: آآآه
ياالـــله يــــــالله..تنفس بقووه
يهدي نفسه..ظهرج فيه شي..
العنووود استسلمت: سحبني من شعري من أرض المطبخ لوسط الصاله وفيه أثار خفيفه..
مشاري صرخ: وليش ما اعترفتي
أنج كنتي معاي ليـــش..شلوون قدرتي تتحملين كل هالألم شلووووووووووووووووووووون
..عالأقل إذا درى يجي نتهاوش..ياخـــي يطقني أنا راضي بس مو يجرم فيج بهالشكل..
العنووود تبجي..رفعت نفسها غصب وقربت منه وحضنته وبجت..ومشاري حضنها بعنف لصدره وباس بشفايفه كل كدمه أو جرح..
وبعـــد ربع ساعه..
العنوووود ساكنه على صدره ولا
حركه بس صوت أنفاسها واضح
..
مشاري بعد ما هدت أعصابه وقرر يروح يخطبها أول ما تطلع بالسلامه..حط إيده بشعرها يلعب فيه: عنووووووووودي
العنووود بدون ماترفع راسها: همممممم
مشاري ابتسم وحرك أصابعه على ظهرها العاري:ما تبين تلبسين الثوب..
العنوووود رفعت راسها وطالعت بعيونه:تدري أنك نذل..
مشاري غمز لها وضحك:هههههههههههههههههههههههههههه
العنووود استحت: وكلب وحقير..وو يلا لبسني مثل فصختني..
مشاري ابتسم وهمس بأذنها: مع أن جذي أحـــلى بس يلا عشانج..
العنووود احترقت من تلميحه ومشاري لبسها الثوب وربط لها الخيوط وممددها عالسرير..
مشاري ممد يمها وحط راسه على صدرها: متى بتطلعيـــن..
العنود دخلت أصابعه بشعره تلعب فيه: ما أدري بس أتوقع بعد أسبوعين..
مشاري طالع بعيونها: فنفس اليوم اللي تطلعين فيه بيي أخطبج وبتوافقين ونروح المحكمه نملج وتلبسين لي نفس البدله اللي شفتج فيها بغرفتي..والعرس فنفس اليوم اللي تشيلين فيه الجبس..وهذا أمر مو طلب
العنوود ابتسمت بحب: تأمر عالرووح يامشاري..
مشاري ابتسم لها: أحبـــج
العنووود همست: وأنا أموووت فيك..


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1