غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 04-06-2011, 08:18 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&الثلاثون&


تصدق عاد
تغيب الدنيا بغيابك
وأوعد حظي لو جابك
ألون دنيتي وردي
وأخلي موعدي بابك
وتصدق عاد!!
احس الكل يحسدني
على الحب اللي مسعدني
وأدعي ربي يا "أغلى الناااس"
عـــسى عنك مايبعدني


& بعد 3 أسابيـــع &
خبر حمل العنوووود انتشر بالعايله بسرعة البرق وما ضل أحد ما بارك لهم..

عمر وشجون قرروا يرجعون بعد أجازه نقاهه وشهر عسل دامت شهرين..

زياد ووجدان اتفقوا أن عرسهم بعد 4شهور..


بفيلااا أبووو عمــــــر...
الساعه 8 بالليل..

كان أبو عمر مسوي عزيمه عشاء ببيته بمناسبة سلامة مرت ولده شجون ووصول عمر وزوجته من السفر والكل مجتمع عنده..وأريج الوحيده مايت لأنها ممنوعه تطلع وقفلوا
عليها البيبان..


أم عمر بفرحه: ما شاء الله ما شاء الله الوجه ينور ياشجون..
شجون ابتسمت بحب: تسلمين
عمتي..والله اشتقت لكلامج الحلووو
ومالت على صمود: وينها أريج..
صمود بهمس: عقب كل اللي صار تسألين عنها..لا تخافين أبوووي ومشعل مانعينها تطلع مكان وصار لها شهرين محبوسه
بالبيت..
شجون بحزن: صمود أريج أختي
وما أكرهها بس شايله بخاطري
لأني بالأساس ما سويت لها شـــــــــي..
أم فهد: يلا بنات قوموا ورونا الرقص الحلوووو
وجدان قامت وشغلت الاستريو:
صــــــج بنات قوموا نحتفل برجعة شوجي..
شجون ابتسمت لها وأرسلت لها بوسة بالهوا..

اشتغلت الأغنية وقاموا البنات صمود وصبا وغزل يرقصون..:

أسمر حلووو قابلته
أشر برمشه كلمني وجاوبته
وسرت بعده..

أسمر حلووو قابلته
أشر برمشه كلمني وجاوبته
وسرت بعده..


بالديوانية..
كانوا الرجال لاهين بالسوالف مع عمر لما وصلهم صوت الأغاني..

طلال بمزح: اففففف شكلها صارت شباب..
الكل:ههههههههههههههههههههههه

زياد بهمس: عموور قوم نشوف
الحبايب..
عامر ابتسم بحماس: صج يلا..بس شوف نطلع ونبطل باب الفيلا ونطل..
زياد ضحك:هههههههههه حرامية أحنا امش بس امش..
ـــــــــــــــــــــــــــــــــــــــــ

بفيلا أبوو فــــــهد ...
نفس الوقت..

أريج بغرفتها ميته قهر وبتعض أصابعها..: آآآه يالقهر آآآآآآآآه شهرين محبوسه لا طلعه لا سوق لا مطاعم لا سياره حتى اللاب خذوه مني وكله عشان شجون سراقة الرياييل..
وصارت تقطع أظافرها..: بس لا
لازم أشوف لي حل واطلع من هالحبس الانفرادي هذا..

وبعد تفكير ملت: افففف شلووون ألقى حل شلوووووون
إذا حتى فوووني خذوه..
وطرت على بالها فكره وبضحكه خبيثه: ههههههههههههه
لقيتها بشوية فلوس أخلي مانيلا تفتح لي الباب..
بسرعه قامت وطلعت لها لبس
مغري..تنوره جينز للركبه ضيجه
وحزام ذهبي عريض ومايل وقميص أسود شيفون ناعم وإيدينه وصدره شفاف..
لبستهم..وحطت لها ميـــك أب صارخ وغرقت نفسها بالعطر..وأخر شي لبست صندل فلات ذهبي بحبال معقوده..وتركت شعرها مفتوح..
راحت طلعت شنطتها وخذت بوكها وراحت عند الباب تنادي: مانــــــــــــيلا..مانـــــــــيلا..
بس محد سمعها..راحت وكلمتها
بالأنتركم..: مانيلا ييبي لي ماي..


ثواني ويت مانيلا ووقفت ورى الباب: يس مدام أريج..وفتحت الباب ..ودخلت وعطتها الماي..
أريج بخبث بعد ما شربت: مشـــكوووره يامانيلا..هاج هذول لج..ومدت لها 500دينار..
مانيلا بلعت ريجها وتشققت وخذتها:ثانكيو مدام أريج ثانكيو

أريج بابتسامه خبيثه: مانيلا عطني مفتاح الغرفه بطلع شوي وبرجع
مانيلا بخوف: وبابا مشل[مشعل]
أريج: ما راح يدري الحين الساعه 8 بروح وبيي 10اووك..
مانيلا: اووك مدام..عطتها المفتاح..
أريج استانست: شوفي أنا بقفل
الباب وإذا ماما سألت قولي أنا تعشيت ونمت اووك
مانيلا بابتسامة مكر: أووووووك مدام..
أريج ابتسمت وطلعت بعد ما قفلت الباب وخذت شنطتها..نزلت
ودقت على تاكسي..5 دقايق وجا
وراحت أريج وركبت معاه وقالت للسايق يروح محل يوركا..

وبعد عشر دقايق وصلت..ونزلت
أريج بعد ما دفعت الحساب..

أريج تتنفس الهواء: آآمممم شحلاة ريحة الحريه..بشوف يامشعل شلووون بتمنعني..

دخلت يوركا بكل دلع وتتمخطر
واشترت موبايل يديد بلاك بيري
أبيض..مع أكسسوارت وكفرات
بــ 230دينار..
وبعدها طلعت وركبت بتاكسي
وراحت الوطنية اشترت خط ذهبي بــ150دينار..وأخر شي
ركبت تاكسي وقالت له يروح مطعم ماكدونالدز..

بالسياره..
أريج ركبت الخط وركبت البطاريه وشغلت الموبايل وطلبت من السايق يحطه على شحن السياره علما
توصل المطعم..

ـــــــــــــــــــــــــــــــــــــــــ

بفيـــلا أبوو عمـــــــــر..
الساعه 9..

زياد وعامر من ساعه واقفين عند الباب وفاتحين فتحه صغيره
ويطالعون رقص البنات..

زياد منجن على وجدان اللي رابطه خصرها وترقص مصري:
آآه اويـــلي أنا فديت هالطول والطله
عامر ضحك:هههههههههه عيب سكر عيونك
زياد عطاه كوع: أنت سكر عيونك عن حبيبتي..
عامر باستهبال: سكر واسكر
زياد ضحك:هههههههههه روووح زيــــــن وكل تبن..
عامر يستهبل: شكـــرا
زياد ضحك:ههههههههههه اسكت خلاص خل نركز..

وشوي ما حسوا إلا بأبو عمر يصيدهم من قفاهم والشباب فهد وطلال وبدر ومناف وجراح يصفرون ويضحكون: أووووه صادوهم ههههههههههههههههههه


أبوعمر كاتم ضحكته وماسك أذانهم: شتسون ياللي ما تستحون..مو عيب
زياد بضحك: أي أي عمي شلعت
أذني..أنا مالي شغل بس أشوف
زوجتي حبيبتي ههههههههه
أبو عمر بضحك: زوجتك لا صارت ببيتك..وتركه..
زياد بصوت خافت وهو ماشي: شدعوى أنا راد عليك
عامر ضحك: ههههههه أي أي يبه
أنا ولدك..
أبو عمر: انثبر أنت..[والتفت لزياد] شقلت أنت..
زياد بسرعه: آآ آ ولا شي عمي سلامتك..
مناف ميت ضحك: ههههههه والله
أشكالك تحفه..هاك هاك شوف
صورتكم..

عامر مبلتش مع أبووه:عموور ياكلب قول شي فكني..
أبو عمر بحده: يفكك ها..اهو متزوج أنت شحاشرك ياجليل الحيا
عمر ميت ضحك:هههههههه أنا مالي شغل تستاهل
عامر بقهر: يعلك تطيح ببالوعة مجاري زيـــن
الكل ضحك: هههههههههههههههه
عمر يضحك: إذا طحت بتموت أنت معاي ههههههههههههه
عامر ضحك وهمس: يبه خلاص
ارحمني وبعدين أنا كنت أشوف صبا أنا أحبها من زمان وأبيها..
أبو عمر صدق وتركه: صــــــج
عيل شحقه ساكت
عامر ابتسم وتنفس براحه: ناطر عرس زياد ووجدان يخلص
عشان ما نفتح العين علينا..
أبو عمر ابتسم: وأنت الصاج..أنا
بكلم خالك بس بنأجلها شووي..
عامر استانس: صـــج يبه عسى
الله لا يحرمنا منك ياأحلى أبووو
بالدنيا..
قطع عليهم دخلة غزل..
أبو عمر: هلا يابنتي هلا تفضلي
غزل بحيا: عمي..عمتي تقولك العشاء زاهب..
أبو عمر ابتسم: إيه إن شاء الله الحين بنيي..
غزل راحت وأبو عمر دخل اهو والشباب..

ما عدا..مناف ظل واقف بمكانه
يتابع طيفها ويسترجع صورتها وحياها ونعومتها وحس بانجذاب لها: هذي غزل اللي قال عنها عزوز..بس والله كبرت
وصارت بنت حلـــووووة وناعمه وو..
ناقض نفسه: شفيني أقول جذي ليكون...لاا لا مسرع توها دخلت بالــ18..
وناقض نفسه مره ثانية: وإذا يعني أنا مو كبير وايد..عمري 23
يعني أكبر منها بخمس سنين..حلووو مو فرق كبير..أحلى شي عشان يكون الريال ناضج والبنت ورده تتفتح..
وتنهد بقووووة وراح داخل..
تعشى معاهم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 04-06-2011, 08:19 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&الواحد والثلاثون&

وبعد العشى الكل مشى..

عمر وشجون صعدوا جناحهم عشان يرتاحون..

شجون قطت نفسها عالسرير: يـــالله تعبت..هلكت اليوم من الطياره للمطار لبيت أبوي لبيتنا
..
عمر قعد عندها وانحنى لوجهها: يعطيج العافية حبيبتي..قومي أخذي شاور ونامي لازم
ترتاحين..
شجون ابتسمت: راحتي معاك..
عمر رفعها وباس خدها: ياروحي أنتي فديتج أنا..
شجون بدلع: خلاص روح أنت خذ شاور وأنا بجهز ملابسك وانطرك..
عمر ابتسم: اووك ياقلبي..انحنى
لشفايفها وباسها بنعومه وقام دخل الحمام..
شجون استحت وابتسمت..وقامت طلعت له بيجامة نوم حرير سكري قميص وبنطلون..وبالمره جهزت قميصها النوم الفوشي..شفاف عالصدر وعلاق بفتحة سبعه واسعه والظهر عاري كله وممسوك بخيط بالوسط..وطوله لنص الفخذ..
جهزت الملابس عالسرير وعطرتهم..وراحت عند المرايه..مسحت مكياجها بمناديل معقمه
ونزلت أكسسواراتها وساعتها..

وبنفس الوقت طلع عمر لاف الفوطه على خصره..
شجون بدلع قامت وقربت منه : نعيمااا..وطبعت بوسه لها أثر على رقبته ودخلت الحمام..
عمر ابتسم على حركتها..شاف رقبته وضحك..: والله حلوو الحب
ياناس..
راح لبس بيجامته وترك الأزره مفتوحه..وتمدد عالسرير بعد ما طفى الليت وشغل التكييف وترك نور الأبجوره الأحمـــر..

بعد دقايق طلعت شجون لابسه
روبها وشعرها يقطر ماي..
عمر شافها وابتسم: نعيما حبي..
شجون ضحكت: ههههههه ينعم
بحالك..
خذت قميصها ودخلت الحمام..
وطلعت بعد دقايق لابسه روبها
وتاركه شعرها مفتوح ومبلل وخصلات منه طايحه على وجهها..ما حطت إلا عطر وغلوس زهري..
عمر كان يشوفها ويبتسم لها..شجون يت له وتمددت جنبه وقربت منه وهمست: حلوووو
عمر ابتسم: رهيـــب هاللون على جسمج..
شجون: هذا من جهازي اليوم يبت باجي أغراضي من البيت..
عمر قرب منها وهمس بأذنها:
حلوو ألبسيه لي إذا حملتي وأنا بفهم..
شجون استحت وابتسمت: بأذن الله..
عمر: شنو ودج..ولد ولا بنت
شجون بحماس:ولد وبسميه أنس وأبيه يطلع نسخه منك بس
صغيره..عشان أحس أن عندي وايد أشباه لك
عمر ضحك من قلب:ههههههههه
أنا أبي بنت وبسميها منى وأبيها تطلع نسخه منج
شجون ابتسمت وحضنته: إن شاء الله بيصير عندنا أنس ومنى
..
عمر نزل طرف القميص عن جتفها وباسها: إن شاء الـــله..
شجون بحيا: آآ..
بس عمر ما عطاها فرصه تكمل..
ـــــــــــــــــــــــــــــــــــــــــ

في مطعم ماكدونالدز..
الساعه 10:15

أريج بعد ما تعشت شغلت البلوتوث تستقبل مقاطع الفيديو
..

شوي وسمعت صوت شخص وقف جدامها..: معقول الحلوو قاعد بروحه..
أريج بدلع: ما عندهم نظر
الشاب قعد وبهمس: إلا أنا..من شفتج وأنا مبهور بطلتج وجمالج
وأناقتج و
أريج قاطعته بضحك:ههههههههه
كل هذا سويته أنا فيك..
الشاب قرب منها: وأكثر من جذي بعد..وهالجمال كله مستحيل يكون اسمه غير ورد أو
أريج..لأنج مثل الورده برحيقها وشذاها>>طبعا هذا كلام حافظه ويقوله حق أي وحده..
أريج أغراها كلامه المعسول: صـــح أريج..
الشاب بنفسه[طاحت]: عاشت الأسامي..وأنا وسام..
أريج باستغراب: اسمك غريب..يعني أحسه نادر اكو كويتي اسمه وسام
وسام بنفسه[ليكون جكتني أني أجذب]: آآ آ لا شدعوى فيه وايد أعرفهم اسمهم وسام بس أنتي
يمكن ما عندج اطلاع..
أريج بدلع: يمكـــن..ووقفت..
وسام وقف معاها: وين وين تو
الناس تونا كنا حلوين..
أريج ابتسمت: تأخرت لازم أروح
..
وسام بهمس: انزين عندج سياره..؟..
أريج بارتباك: عندي بس بالكراج
..
وسام: عيل ييتي مع تاكسي..لا لا تعالي أوصلج برسم الخدمه..
أريج بتردد: لا ما يحتاج..
وسام قرب منها: روجه لا تزعليني منج..
أريج ابتسمت: خلاص تفضل..
وسام ابتسم ومسك إيدها وطلعوا..
ركبت بسيارته فورد إكسبلورر ..2009 سودا..وحركوا..

وسام بابتسامه: وين ساكنه..
أريج ابتسمت: بيان..
وسام[عيال جخ..والله صيده يانبيل]: ماشي ياحلووو..
أريج ظلت متوتره طول الطريج
لحد ما وصلها البيت: آ آ وقف بعيد شوي عشان محد ينتبه علينا
وسام ابتسم: تأمرين أمر ياقلبي..
وقف وأريج فتحت الباب: مشكوور عالتوصيله
وسام ابتسم: العفوو بس شلوون بشوفج مره ثانيه..
أريج مدت له فونها: سجل رقمك
وأنا بعطيك رنه..
وسام أخذ فونها وسجل لها الرقم وعطاها إياه وباس إيدها..
أريج استحت ونزلت بسرعه ومشت للفيلا ودخلت..
وسام ضحك بخبث:هههههههههه ذيب يانبيل ذيـــب..صج البنات أغبياء وبسرعه ينقص عليهم هههههههههه ..حرك وهو يضحك..

أما أريج دخلت بسرعه وكان البيت ظلام والكل نايم ..صعدت غرفتها بطلت الباب ودخلت وقفلته وابتسمت بخبث: وهذا أنا طلعت وييت وبشوف شلون تمنعني يامشعل الـــكلب..
ـــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 04-06-2011, 08:21 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&الثاني والثلاثون&

أسبانيا..مدريد..الساعه كانت 8 بالليل..

بالفندق..

مشاري كان طالب عشى مخصوص..وقاعدين يتعشون على أضواء الشموع الصفرا والموسيقى الكلاسيكه ترسل سيمفونياتها الحلووووه..

مشاري أخذ بالشوكه قطعة معكرونة بشاميل..وقربها لعنوود
وحطها بحلجها..
العنوود ابتسمت وكلتها من إيده..: تسلم حبيبـــي..
كانت متألقه بطلتها الأنثويه ولابسه نفنوف أبيض كوكتيل عالصدر بألماسه تزين الصدر ولف عالخصر وضيق لحد نص الفخذ..وفلات أبيض ناعم..وحاطه ميك أب ناعم وشعرها كيرلي صغار وطالع يجنن على شكلها..
مشاري ابتسم: تدرين حبيبتي أنا
مفكر نمدد أجازتنا ونقعد بعد 4 شهور
العنوود تفأجات: 4شهور ليش..وايد كل هالمده ما بشوف أهلي
..أنا الحين مشتاقتلهم
مشاري ابتسم وقرب منها ورفع
خصلات طايره عن ويهها: حبيبتي أنتي أنا بعد مشتاق لأهلي..بس لازم عشان نأمن على حملج..نسيتي كلام الدكتوره..رحمج ضعيف وما بيتحمل ضغط الطياره وأنا خايف عليج..عالأقل بعد 4 شهور تكونين دخلتي بالخامس ونقدر نعطيج أبره تثبت الحمل..
العنووود باعتراض: بس وايد وايد 4 شهور والله وايد..
مشاري مسك إيدها وباسها: ما راح تحسين فيها وأنا معاج بأخذج بجوله بكل أسبانيا وبنروح
لكل الأماكن السياحية والترفيهية
وبنحط لنا جدول رحلات اوووك..

العنوود نزلت راسها: مشاري أنت ليش تسوي جذي..
مشاري رفع راسها بأصبعه: لأني أحبج وأخاف عليج من نسمة الهوا وأبي يكون عندي ولد منج..وباس خدها
العنووود ضمته بقووه وباست رقبته: أحبك مشاري أحــــــبك..
مشاري ابتسم وخربط شعرها:
وأنا أموت بزوجتي الدلوعه..هههههههههههههههههههههههههههه
العنووود فجأه خطر على بالها ورق عنب حامض: مشمش مشتهيه ورق عنب..
وبسرعه بعدت عنه وخذت صينية ورق العنب وصارت تاكل منها بلذه..
مشاري ضحك من قلب:ههههههههههههههههههههههههههه
العنوود رفعت وجهها بدلع وشفايفها كلها زيت من ورق العنب وأصبعها بطرف حلجها: ليش تضحك؟..
مشاري سكت فجأه وانجذب لمنظرها..التقت عيونهم وضاع الكلام..قرب منها بهدوء وباس شفايفها..
ـــــــــــــــــــــــــــــــــــــــــ

كل ما جيت ابتدي " فيك " انتهيت ..
وكلما جيت انتهي" شفتك " بداية ....!!
أن " كتبتك " حرف " شفتك " ألف بيت ..
وإن " كتبتك " بيت صرت لي
رواية .....!!!!


زياد بغرفته كان يقرأ هالشعر اللي وصله مسج من وجدان..ابتسم ودق عليها..
وجدان بابتسامه: هلا حبيبي..
زياد بشوووق: ياهلا وغلا بعيوون وروح وأنفاس حبيبها..تدرين جوجو أنتي أحلى شي صار بحياتي
وجدان ابتسمت بدلع: وأنا بعد..تدري زياد ساعات وايد أقعد وأفكر بمستقبلنا..أفكر شلووون بتكون حياتنا مع بعض..أفكر إذا صار عندي بيبي منك..بس أنا أخاف من الفراق..زياد لا[وتحشرج صوتها] لا تفكر تتخلى
عني ولا تتركني بروحي..زياد أنا
أضيع بدونك..والله أضيع..
وما قدرت تكمل وبـــجت..
زياد بلهفه: وجداني حبيبتي..اهدي واسمعيني..جووجو جوجو
وجدان بدموع: هممممم
زياد ابتسم: شنو اللي يخليج تفكرين أني بتركج أو أتخلى عنج..
وجدان بشهاق: مـ ما أدري أحسـ ـ ـ ـ ـ ـاس..
زياد بهمس رومانسي: وعد ياوجدان وعد طول ما فيني نفس وطول ما بقلبي نبض ماني متخلي عنج وبعيش حياتي
عشانج..
وجدان ابتسمت: أكيد..
زياد ابتسم: قتلج وعد..خلاص عاد قومي غسلي ويهج وهدي نفسج وحطي هاند فري بأذنج وشغلي قرآن ونامي..
وجدان بابتسامه: تصبح على خير..
زياد بحنان: وأنتي من أهله..

سكر زياد وتمدد بفراشه وهو يفكر بكلامها: الله يستر من أحساسج ياوجدان..
تعوذ من الشيطان ونام..
ـــــــــــــــــــــــــــــــــــــــــ

# بعد مرور شهـــر #


بفيلا أبو جــــــراح...
الساعه 4 العصـــر...


أم جـــراح بغرفتها تقرأ قرآن بعد ما خلصت صلاه..

دخل عليها جراح وباس راسها: تقبل الله يمه..
أم جراح ابتسمت: منا ومنك صالح الأعمال..ها عندك حجي ودك تقوله..
جراح ابتسم: بصراحه أحساسج
عجيب يمه..إيه عندي..يمه بصراحه أنا صار لي فتره أفكر أني أكمل نص ديني وأتزوج
أم جراح استانست: صــــــج هذي الساعه المباركه..أنت اترك
لي السالفه وأنا بختار لك أحلى
بنت..
جراح بحرج: يمه شرايج بفجر
بنت خالتي..
أم جراح بتفكير: واللـــه ياولدي بنت مؤدبه وحلوه وحياويه..إذا تبيها توكل على الله..
جراح ابتسم: يعني أكلم أبوووي
يخطبها لي
دخل أبو جراح وسمعهم: تخطب
منو
أم جراح: فجر بنت أختي..
أبو جراح ابتسم: والنعم والله بأختج وبنتها..خلاص اليوم نروح لهم ونخطبها..وأنتي ياأم جراح دقي على أختج وعطيها خبر..
أم جراح بفرحه: إن شاء الله الحين أدق عليها وأبلغها..
جراح قام وهو مستانس: عيل أنا بطلع عندي شغل والمغرب أرجع بأذن الله
أبو جراح: فمان الله دير بالك على نفسك..
ـــــــــــــــــــــــــــــــــــــــــ

بفيلا أبو فهـــد..
الساعه 4:30

أريج بغرفتها قاعده عند الشباك
تكلم وسام..طبعا من تعرفت عليه وإهي تطلع كل يوم بالليل
بدون محد يحس إذا ناموا أهلها وترجع الفجر..

وسام بخبث: حبيبتي تيين اليووم
أريـــج ابتسمت: اممم لا ما أتوقع..مليت من المطاعم والأسواق..
وسام بمكر: أنا عندي يخت ألماني على كيف كيفج وفيه جت سكي..شرايج أخذ بسهره فيه..نروح الساعه 12ونرجع 4
قبل ما يطلع النور..
أريج استانست وبتغامر: صـــج عندك جت سكي..خلاص أنا موافقه..
وسام ابتسم: يارووووحي أنتي
..خلاص قبل 12خليج جاهزه وأنا بوقف بأول الشارع وإيي أخذج..
أريج بدلع: اووووكي ياقلبي..
وسام باس السماعه: امممواه أحبج
أريج استحت: وأنا أموووت فيك..


..انتهى

جرأة اريج وين بتوصلهاا؟؟

احساس وجدان معقوله يكون له دور بالقصه؟؟

جذي نكون وصلنا لمفترق طرق الروايه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 04-06-2011, 08:22 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



& ٣٣ &

تحت بالحديقـــه..

صمود وفهد ومشعل كانوا قاعدين يسولفون..

مشعل: أقول فهد شرايك نروح البحرين يومين مانطول نستانس
ونغير جوو
صمود: صح فهد روح معاه غير
جو ترى أنت حاكر نفسك بالشغل ومتعب روحك
فهد ابتسم: هذا شغلي وأنا ارتاح
فيه وأحبه
مشعل: بس مو جذي هلكت نفسك..مهندس مباني والله صعب..ها شقلت
فهد بابتسامه: خلاص شورك وهداية الله أنا موافق بس شوف الشباب ناصر ومناف وعزوز إذا بيروحون معانا..
مشعل وقف: خلاص الحين أشوفهم عشان نمشي من باجر
..
ـــــــــــــــــــــــــــــــــــــــــ

بفيلا أبو الولـــيد..
نفس الوقت..

بغرفة فجر..
فجر بعدم تصديق: صج يمه تتكلمين جد ولا تمزحين..
أم الوليد ضحكت:ههههههههههه وهذي سالفه ينمزح فيها..المهم أبيج تروحين الصالون وتقصين شعرج وتخصلينه وأبيج لا يوا تكشخين وتقدمين لهم الضيافه
بيدج عشان يحسون أنهم ما غلطوا لما اختاروج جنه لهم..
فجر بحيا: إن شاء اللــــــه..
دخلت أبرار :سمعنا خبر حلوو..مبرووك فجوره
فجر ابتسمت: الله يبارك فيـــج عقبالج..
أبرار بقلبها[بعد مشعل مستحيل أفتح قلبي لريال مره ثانيه]
ـــــــــــــــــــــــــــــــــــــــــ

بفيلا أبو عمر..بجناح عمر..
الساعه 6 المغرب..


شجون طلعت من الحمام وبيدها تست الحمل..قعدت عالسرير وإيدها على بطنها..ابتسمت: لازم اتأكد لازم..
خذت فونها ودقت على عمر بالمستشفى..

عمر ابتسم: هلا حياتي..مسرع اشتقتيلي توني من ساعه طالع..
شجون بدلع: حبيبي أنا اشتاق لك كل دقيقه وكل ثانيه..اشتاق لك حتى وأنا بحضنك..
عمر انجن عليها: آآه ياقلبي..شوجي لا تخليني أشخط بسيارتي وإييج..
شجون بسرعه: لا حبيبي خلك بشغلك..أنا كنت بقولك أني بروح
الصالون مع وجدان..
عمر ابتسم: روحي ياقلبي بس ها لا تنسين المحاشي اللي طلبتها سويها عالعشى
شجون اتسعت ابتسامتها: أفا عليك أنت تعال وبتلقى كل شي جاهز..
عمر ضحك:ههههههه ماشي يا قلبي..
شجون: باااااي حبيبي..
سكرت وقامت لبست بنطلون أبيض ضيق وبلوزه مشجره بوردي وأسود وأبيض شيفون واسعه وطولها لنص الفخذ..وحطت دهن عود بإيدها ورقبتها
وتحت أذنها وتركت شعرها البني
بخصله النحاسيه نازل وخذت شنطتها ويابت كيس حطت فيه قميص النوم الفوشي وطلعت..

تحت بالصاله..
وجدان كانت بتروح الصالون مع
طلال..
وكانوا قاعدين يتقهون..
نزلت شجون: السلام عليكم..
الكل: وعليكم السلام..
شجون قعدت عند عمتها: عمه تعالي شوي أبيج..
أم عمر ابتسمت وقامت:يلا يايمه تعالي..
وجدان بسرعه: ها ها أشوف صارت بينكم أسرار
شجون ضحكت:ههههههه بعدين
تعرفين..انطريني بروح معاج..
وجدان: اووك بس مو تطولين..


بغرفة أم عمر..
أم عمر قعدت: ها يمه قوولي شعندج عساه خير
شجون بحيا: عمه توني سويت تست حمل وطلعت حامل
أم عمر بفرحه: صـــــــــج يعله ألف مبروووك..ليش مستحيه افرحي..كلولو...
شجون قاطعتها بسرعه: عمه عمه اسمعيني أنا بروح الطبيب عشان أتاكد
أم عمر باستغراب: ليش أنتي مو
متأكده..
شجون بتوتر: إمبلا بس بعرف بأي شهر
أم عمر فهمتها: أها براحتج يمه
روحي وطمنيني عنج ياقلبي أنتي..
شجون بحيا وقفت: إن شاء الله
..

طلعت شجون وراحت مع طلال
ووجدان..
وبالسياره..
وجدان : بتيين معاي
شجون: لا بروح المستوصف..
وجدان بدهشه: ليش شفيج..
طلال ضحك:هههههههههه أنتي شعليج شهاللقافه
وجدان ابتسمت: أنت محد كلمك
..
شجون همست بأذنها: أنا حامل
..
وجدان صرخت من قلب: صـــج
..وهمست: عيل شحقه رايحه المستشفى..
شجون بهمس:لأن أخوج ياذكيه
دخل علي قبل موعد العرس بشهر..وبعرف بأي شهر
وجدان بحماس: هــــــــــــى احلفي..هههههههههههههههههههه
شجون تفشلت من طلال وعطتها كوع: جب لا تضحكين..
وجدان ما قدرت تسكت وزادت ضحك:هههههههههههههههههههههه

طلال قاطعها: وجدانووه كملي
ضحك بالصالون..وصلنا
وجدان تضحك: هههههههههههههه
اوووكي يلا باي..
ونزلت وهي تضحك..
طلال ضحك عليها وحرك..

وبعد دقايق
طلال: شرايج أوديج المستشفى
منها تسوين فحصج ومنها تشوفين عمر
شجون ابتسمت: امممم بكيفك
..

بعد 5 دقايق..وصلوا ونزلوا..
صعدوا الدور الثالث..د.سلوى نادر.. اختصاصي أمراض نساء وولاده..
دخلت شجون وقالت لطلال يروح لأنها بتطول..وطلال نزل عند زياد..

بعد ساعه..
شجون كانت ناطره نتيجة التحليل..ولما عرفت النتيجه ماتت
فرح ونزلت والورقه بيدها..راحت
مكتب عمر..

بمكتب عــمــر..
كان قاعد اهو وعامر يسولفون
لأن مافيه مراجعين هالوقت..

اندق الباب بهدوء وانفتح..
شجون بابتسامه: مســـاء الخير
عمر وعامر بدهشه: مساء النور..
عامر وقف: أنا استأذن..وطلع..
عمر وقف وراح لها وحضنها من
خصرها: أحلــــــى مفأجاه وربي..من يابج
شجون ابتسمت: طلال أخوك وصل وجدان الصالون وييت معاهم..
عمر باس خدها: وشنو سر هالزياره المفأجاه..
شجون ابتسمت: مو مفأجاه وحده..اثنين
عمر ما فهم: اثنـــين..
شجون سحبته وقعدته على كرسي جلد وقعدت عنده.. : انطرني شوي..
قامت وخذت الكيس ودخلت الحمام..فصخت ملابسها ولبست القميص..
ونادته : عمر..
عمر قام وراح عندها وهو مستغرب..بس أول ما شافها..انصدم وسكت..
شجون بفرحه :إيه اثنين.. وخذت إيد عمر وحطتها على بطنها..وهمست: أنا وولدك..
عمر ظل يطالع بطنها..استوعب بطيء واتسعت ابتسامته بقوه:
احلــــــفي..يعني فيه بيبي ابطنج..قطعه مني..ولدي ياناس
والله مو مصدق ههههههههههههه

شجون ابتسمت على انفعاله..خذت إيده اللي على بطنها وقربتها لشفايفها وباستها: لا صدق..صدق ياروح شجوووون..ومدت له ورقة التحليل
عمر حضنها لصدره بقووووه وشم شعرها بقوووه وباس خدودها وشفايفها ورقبتها وهمس بأذنها: مبـــــــــرووك ياقلبي مبروووك لنا..يعني الأيام
اللي كنتي تشتهين فيها الحامض
والليمون كنتي تتنسين..يابعد عمري أنا..
شجون بحيا : عمر حبيبي أنا بالشهر الرابع..
عمر ما استوعب: وإذا يعــ..صــج هههههههههههههههههههه لا لا وايد على قلبي جذي وايد..
شجون بضيق: بس أحنا مر على
زواجنا 3 شهور..وإذا دروا أهلنا بيضحكون علي..
عمر حضنها لصدره وهو فرحان
:خليهم يقولون اللي يقولونه المهم أنا فرحان وأنتي مرتاحه..
شجون ابتسمت وظلت حاطه راسها على جتفه..
بعد دقايق..
عمر بهمس: حبيبتي قووومي البسي عشان نروح البيت
شجون تذكرت: صج الكوسا حفرتها وجهزت الورق والحشو
وخليتهم..يلا يلا قووم عشان يمدي أتروش وأطبخ..
عمر وقف: لا ياروحي الطبخه تتأجــ..
شجون حطت إيدها على شفايفها: لا عمر أنا مشتهيه أذوقها وأذوق عمي وعمتي طبخي..
عمر ابتسم: بس عشانج هالمره..
شجون ضحكت:ههههههههههههه
اوووك..
وراحت لبست وطلعت شابكه ذراعه..
ـــــــــــــــــــــــــــــــــــــــــ

بفيلا أبو مشــــــاري..
الساعه 8 بالليل..

بالصاله..

نيرون كانت قاعده تطالع فلم رومانسي وحاطه إيدها على بطنها وتحس بحركة الجنين خصوصا أنها بالسابع..

يت صبا وبيدها طاسه متروسه
شبس ليز وقعدت عندها: كيف حالك اليوم..وما هي أخبار
أختي الصغيره..
نيرون مدت إيدها وخذت شبس وكلته: وما أدراك أنها أخت واحده..أنهم اثنتان..
صبا تفأجات وصرخت: واللــــــه
..ونطت من الفرحه وطاح الشبس وتنثر
نيرون ضحكت على انفعالها: ههههههههههههههههههه ما بك..
نزل مناف عالأزعاج: صبوووه شفيج ياثوله..
صبا بفرحه: مناف نيرون حامل بتوأم بنات..بيصير عندنا أختين بدال روز..
مناف بفرحه: صـــــــــج..شبتسمونهم..
نيرون ابتسمت: خالد يريد روز و جوري..
صبا ومناف بسرعه: الــــــله حلووووه أسمائهم..
طلعت أم مشاري على صراخهم
:خير خير أنت وياها شفيكم على هالصراخ..
صبا بسرعه: ولا شي بس أبوي
بيسمي التوأم روز وجوري وأحنا
مستانسين عالأسماء
أم مشاري بسخرية: إيه عيال المسعده شيبي يطلعون غير على أختهم..
عبدالعزيز كان أول الدرج ونزل منفعل: للحينج على هالسالفه يمه..بعد كل اللي صار وما اتعضتي..ارحمينا وارحمي نفسج يمه..
مناف بهدوء: عزيز طوووول بالك..
أم مشاري بحده: ليـــش يطول
باله..شسويت أنا..غلطنا والبنت ماتت واعتذرنا وخلاص..لا تقعد
تسوي لي موال كل مره عشان مرت أبوك ما تزعل..
عبدالعزيز تنهد بقوة: آسف بس
صج يمه مرت أبوي ما سوت لج
شي..كافه خيرها وشرها وطيبه
وعلى نياتها وتحبنا..وأبوي يعدل بينكم بس أنتي الله يهداج شاطه
عمرج عالفاضي..
مناف بحده: خلاص ياجماعه ما
صار شي اذكروا الله..
الكل: لاا إله إلا الــــــله..
عبدالعزيز طلع: أنا طالع عالبحر بشم هوا اختنقت من هالجو..وطلع..
مناف صعد: وأنا بروح أجهز شنطتي باجر بنسافر البحرين..

صبا صرفت عمرها: وأنا..أنا بروح أتروش..وصعدت..
نيرون بطيب مشت لهبه أم مشاري: هبه أنتي إنسانه طيبه وأم عظيمه وأنا...
أم مشاري قاطعتها بحقد: وخـــــري بس..عيالي كرهوني بسبتج..وبدون رحمه دزتها من جتفها ومشت..
نيرون تفأجات منها وطاحت على ظهرها عالطاوله الزجاج بحـــــــــده وانكسر الزجاج ودخلت فيه: آآآآآآآآآآآآآآآآآآآآآآآه


يلا شنوو تتوقعون بيصير مع نيرووووون؟؟

ام مشاري والحقد وين وصلهااااا؟؟

أريج والضياع اللي اهي فيه شنوو نهايته؟؟

طلال وصمود ؟؟

زيااد ووجدان؟؟

والووووووووليد؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 04-06-2011, 08:23 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&٣٤&
نيرون تفأجات منها وطاحت على ظهرها عالطاوله الزجاج بحـــــــــده وانكسر الزجاج ودخلت فيه: آآآآآآآآآآآآآآآآآآآآآآآه
خـــــــــالد خــــــــــــالد..
نزل مناف على صراخها مخترع
وانصدم وانشل لسانه..
نيرون رفعت نفسها غصب وصرخت من ألم الزجاج اللي دخل جسمها والدم غطاها..: ابنتاي..آآآآآآآآآآآآآه..خــــــالد أريد خـــــــــالد بطني يؤلمني..

صبا ولمى نزلوا وتفأجوا بمنظرها..: هــــــــــــــــــى..
لمى بصراخ لمناف المصدوم: مناف تــــــــــــحرك شفيك واقف..
مناف وأخيرا رجع لوعيه بسرعه
جا وشالها بقوووه: صبا ساعديني ما أقدر لها بروحي..
صبا بسرعه يت وهي تبجي وساعدته..
نيرون كانت تصرخ بألم وإيدها محاوطه بطنها تحافظ على جنينها..: آآآآآآآآآآآآآه..
مناف حط بالمرتبه الثانية وبسرعه فتح بابه وركب وشغل السياره: اصعدي صبـــــــــا..
صبا بدون تفكير صعدت ببجامة البيت..وحركوا بسرعه عالمستشفى..
ـــــــــــــــــــــــــــــــــــــــــ

بفيلا أبوو الولــــــيد..
نفس الوقت..

بالديوانية..

أبو جراح: أنا يابو وليد يشرفني أخطب إيد بنتك فجر لولدي جراح
وأنا حاضر باللي تبونه..أحنا شارين نسبكم الطيب..
أبو الوليد ابتسم: وأنا يابو جراح ماني بلاقي أحسن من نسبكم..بس بشاور البنت وأرد لك خبر..

أبو جراح: خذ راحتك هذا حقها..
الوليد بنفسه[لهم عين يخطبون
أختي بعد ما ولدهم أخذ حبيبتي بس هين يازياد هين..إذا ما أحرق قلبك ما أكون أنا الوليد]..

أبو الوليد: وليد يبه وليد
الوليد: هلا يبه
أبو الوليد: روح يبه شوف أمك خل تنجب لنا الغدى..

ـــــــــــــــــــــــــــــــــــــــــ

بطوارئ العمليات..مستشفى الـــ.....

مناف وصبا كانوا ناطرين أبوهم
يجي عشان يوقع على موافقة توليد نيرون لأن حياتها بخطر والطيحه سببت لها نزيف شديد..

صبا بخوف: تأخر وايد..
مناف بقلق: طريج بعيد..كان بالوفره..
طلعت سستر: لو سمحتوا ياقماعه المدام حياتها بخطر..فين زوقها..
أبو مشاري جا بسرعه يركض وسمعها : أنا زوجها أنا..
مناف بسرعه: روح وقع يبه بسرعه..
أبو مشاري راح وقع على ورقة موافقة توليد زوجته وإخلاء مسؤولية المستشفى..
ودخلوها العمليات..وظل أبو مشاري مع عياله عند الباب..

أبومشاري معصب: واللــــــه لو
صار فيها شي أمك هذي ما تلوم
إلا نفسها..والـــله..
مناف يهديه: اذكر الله يبه إن شاء الله تقوم بالسلامه..
صبا بانفعال:بعرف أمي شلون يالها قلب تسوي فيها جذي شلوووون..
مناف: خلاص صبا ترى أبووي مو ناقص..بروح اللي فينا كافينا

صبا سكتت غصب عنها ومشت بزوايه ودقت على عزيز: عزيز أنت وين
عبدالعزيز بضيق: عند البحر..
صبا: انزين تعال أحنا بالمستشفى..نيرون بتولد
عبدالعزيز بدهشه: بالســـابع..
صبا تنهدت: بعد ما طلعت أمي دزتها عالطاولة الزجاج بدون قصد وطاحت نيرون على ظهرها
عبدالعزيز انفعل: لا تبررين لها..إهي قاصده تقتلها عشان تفتك منها مثل ذبحت روز بس لا هالمره أنا اللي بوقفها عند حدها..
سد بوجهها وقام بسرعه وركب سيارته وشخط فيها..

صبا تنهدت بقوووووة وراحت لأخوها وقعدت عنده..

بعد ساعـــــــــات طويله..

عبدالعزيز يشوف ساعته: اففف
ما صارت..4 ساعات..
أبو مشاري حابس دموعه: ربي
لا اسألك رد القضاء ولكن اسألك اللطف فيه..

بنفس الوقت..انفتح باب العمليات وطلع الدكتور..
كلهم راحوا له..
الدكتور: مبرووك ياك توم بنات وصحتهم ممتازه..
الكل بفرح: الحمدلله يارب الحمدلله..
أبومشاري بلهفه: وزوجتي..
الدكتور بحزن شد على جتفه: البقاء براسك..ما قدرنا ننقذها..شظايا الزجاج كانت براسها..ادعوا لها بالرحمه..
وراح عنهم..
أبو مشاري انصدم وحس بدقات
قلبه ترتفع بقوة ونغزه قوية بقلبه وعلى طول طاح غشيان عالأرض..
مناف بصرخه: يــــــــــــبه..
ـــــــــــــــــــــــــــــــــــــــــ

بفيلا أبو فهـــد..
الساعه 11:45

كانوا الكل سهرانين وماخذتهم السوالف بعد خبر حمل شجون
..
أم فهد: افف والله خذانا الوقت
..بقوم أنام..تصبحون على خير
الكل: وأنتي من أهله..
فهد ومشعل: عيل أحنا نقوم عشان نمشي الصبح
أبوفهد: بتروحون بسياره ولا بطياره
فهد: لا بطياره أسرع..
أبوفهد: عيل روحوا ناموا وارتاحوا..وأنا بعد بقوووم..

بقت جنا مع صمود..: شرايج نقوم نسهر على فلم..
صمود بحماس: بس يكووون رعب..
جنا ضحكت:ههههههههه اووك يلا..


أريج بغرفتها كانت كاشخه ومتمكيجه وناطره بس أشارة مانيلا..
مانيلا بعد ما تأكدت أن الكل قام
صعدت: مدام أريج يلا اطلع بسرعه..
أريج فتحت الباب وعطتها عشرين دينار وطلعت بسرعه من البيت ومشت بالشارع لحد ما شافت وسام وركبت معاه..

وسام باس خدها:هلا والله..نورت سيارتـــي..وحرك بسرعه
..
ـــــــــــــــــــــــــــــــــــــــــ

بفيلا أبووو عـــمر..
الساعه 12:45 الفجر..

بجناح عمر..

شجون كانت مطفيه الأنوار وحاطه 24شمعه حمرا بقوالب صغيره عالأرض على شكل [أحبك اليوم وغدا وإلى أن أموت]. .ولابسه قميص نوم أحمر قصير لنص الفخذ وفوقه روب حرير إيدينه طويله..وتاركه شعرها مفتوح وحاطه ميك أب ناعم ومتعطره..


بغرفة عامر..
عمر كان قاعد يسولف مع أخوانه
عمر: أقول نسختي متى ناوي تتزوج تراك عنست
عامر ضحك:ههههههههههههههه
كلمت أبوي وقال أجلها لبعد عرس زياد ووجدان..
دخلت وجدان: هيـــه عمر يابو
كشه شحقه ما ترد على موبايلك
..شجون بتذبحك
الكل:هههههههههههههههههههههه
عمر: والله أنتي أم كشه ما سمعته..
وقام وطلع..دخل جناحه وراح الغرفه وشافها قاعده عالصوفا وانبهر بالريحه والأضواء والشموع..وانجن على المكتوب
وانجذب لها وراح قعد عنـــدها..
وباس خدها: شهالحلا ياقلبي..
شجون تتغلى: وخر لا تحاجيني
نص ساعه أدق وما ترد..
عمر ابتسم وسحبها وقعدها بحضنه: حبيبتي أنتي كنت حاطه سايلنت..
شجون ضربت جتفه بدلع: خرعتني عليك..
عمر ابتسم وباس خدها: خلاص أنا آسف بس لا تزعلين..
شجون بدلع: عمر حبيبي..
عمر ابتسم: ياعيـــوووونه..
شجون: عفيه عمر برقص شوي
عفيه..
عمر كتم ضحكته: آسف..
شجوون تترجى: الله يخليك حبيبي أنت..ياروحي بس شوي..والله نفسي ارقص..
عمر شالها وقام ومشى ناحية
السرير:وأنا نفسي أكلج..
وحطها عالسرير..
شجوون باعتراض: شنوو أنت تسوي اللي تبيه وأنا لا..لا مابي مو بكيفك..
عمر ضحك وهو يفصخ بلوزته ويقرب منها: هههههههههههههه أنا
ريال وبكيفي..وانحنى لها وو..

شجون ظلت تصارخ: عمر اسمعني بس عـــمر..لكن لا حياة لمن تنادي..افففففففف..
ـــــــــــــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 04-06-2011, 08:24 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية




على يخت وسط البحــــــر..
الساعه 2 الفجر..

بغرفة النوم..بالسرادب..

أريج قامت وهي تشد اللحاف لصدرها وبدموع: ليش سويت جذي ليش..أنت هدمت مستقبلي
..
وسام يصرفها: حبيبتي..شفيج قتلج بتزوجج..اعتبري نفسج زوجتي..وأنا بقرب وقت بيي وأخطبج من أبوج بس أنتي امسحي دموعج وارتاحي ولا تخربين علينا لحظات السعاده..

أريج بشك: صـــج ولا تصرفني بس..
وسام باس خدها: لاااا صـــج
..يلا عاد ياقلبي قومي غسلي ويهج والبسي عشان أوديج البيت قبل ما يطلع النور..
أريج صدقت وقامت: إن شاء اللـــه..
وسام بنفسه[وهذي خلصنا منها..لا وحصلنا منها أكثر من 5000..يبيله صيده ثانيه يانبيل بس مو قبل ما أمل منها للحينها جديده]>>>حقيــــــــــــر...

قام بسرعه خذا شاور سريع وطلع لبس بلوزه وجينز وحرك اليخت..
ـــــــــــــــــــــــــــــــــــــــــ

بفـــــــــيلا أبووو مشاري..
الساعه 2:30 الفجر..

دخلوا مناف وعزيز وصبا ونفسيتهم بالأرض..

لمى بلهفه: ها شصار..وبعدين وينه أبوي ما أشوفه..
محد رد عليها..
عبدالعزيز راح لأمه وبحقد: ارتحتي الحين..نيرون ماتت بعد ما ولدت..ماتت وارتحتي من شريجتج مثل ما ذبحتي روز قبلها..برافو يمه خلصتي على العايله كلها..[وصرخ بقهر ودمعه حاره خانته ونزلت على خدوده] ..ماتــــــت وتركت لج أبووي..[وضرب صدره بقوة]..بس أبوي طاح وياته جلطه بالقلب..ما تحمل الصدمه..

الكل كان منهار أكثر منه عشان جذي تركوا العنان لدموعهم..

أم مشاري تندمت وودها الأرض
تنشق وتبلعها: عزيز يايمه أنا مو..
عبدالعزيز بانفعال مع دموع ووجهه أحمر: أنتــــــي شنو..أنتي شنوو يايمه..أنتي مجرمه تسببتي بقتل نفسين..أنتي أم لكن..أم أنانية..حــــــاقده..أنتي
الغيره أعمت قلبج وخلتج تنتقمين من إنسانه مالها ذنب..ليــــــه[وتحشرج صوته]وعشان
شنو..عشان ريال..كاهو الريال انسدح على فراش المرض روحي له يلا..[وطاح عالأرض ومسك قلبه بقسوة ودموعه تنزل عالأرض]..روحي يمه روحي صلحي اللي كسرتيه..صلحي اللي كسرتيه فيني بعد وفاة روز..صلحي اللي كسرتيه بقلب أبووي..صلحي قلوبنا يمه صلحيها..روووووووحي..رووحي
روحي..
وانهار في البجي..
أم مشاري ما قدرت تظل واقفه
جنها محل اتهام..راحت وقلبها مكسور على عيالها اللي دمرتهم..
لمى بدموع..راحت لعزيز وانحنت له وشالته فووووق يرتاح..
مناف مسح دموعه وبصوت مبحوح: روحي ارتاحي ياصبا
وديري بالج يوصل شي حق مشاري..
صبا بهمس: وأنت ما بتصعد ترتاح..
مناف بصوت تعبان تمدد عالقنفه: لااا بنطر صلاة الفير عشان أصلي وأروح المقبره..
صبا بتعب: براحتك..تصبح على خير..وصعدت غرفتها..
ـــــــــــــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 04-06-2011, 08:25 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية


&الخامس والثلاثون&


بفيلا أبو عمـــر..نفس الوقت..الليل
بغرفة عامر..

كان مستغرق بالنوم لما دق موبايله وصحاه..
عامر تعدل وحك شعره: افف من داق هالحزه..
سحب موبايله ورد باستغراب: هلا صبا وينج أنتي من 3 ساعات أدق عليج ما تردين..
صبا بدموع: عامر أنا تعبانه..تعال خذني عامر أنا محتاجتك معاي..
عامر بخوف ودقات قلبه ترتفع:
صـــبا شفيج..صاير شي..خالي
فيه شي..أحد..
صبا قاطعته بتعب: عامر تعال وأفهمك..وسدت بوجهه..
عامر اخترع وبسرعه قام لبس أي شي جدامه وغسل وجهه وطلع يركض..ركب سيارته وشخط فيها..

عشر دقايق ووصل..
صبا كانت ناطرته على الشباك
ونزلت له بسرعه وبهدوء عشان ما يحس مناف..

طلعت وعامر فتح لها الباب وعلى طول قطت نفسها بحضنه وصارت تبجي وتشاهق..

عامر مات من الخوف..رفع وجهها بقوه بين إيدينه : صبا طيحتي قلبي..تكفين تكلمي قولي شي..
صبا بدموع: أمي ياعامر..أمي دزت نيرون على الطاوله الزجاج
ونيرون ما تحملت الألم وماتت بعد ما يابت توم بنات..
عامر بصدمه: مـــاتت..
صبا تشد على بلوزته: إيه..وأبوي
ما تحمل الخبر وانهار وطاح وصابته جلطه بالقلب ..
عامر حس بقذائف تطيح على راسه: خالي صابته جلطه..واهو
وين الحين
صبا بشهاق: بالـ..بالعنـ ـ ـايه وحالته خطيره..وعزيز ومناف اثنينهم منهارين..وأنا ضايعه..أنا ضايعه وخايفه..عامر لا تتخلى عني..الله يخليك عامر الله يخليك
..
ودفنت وجهها بصدره وصارت تبجـــي..
عامر توهق: لا حول ولا قووة إلا بالله..أنا لله وأنا إليه راجعون
..صبا ياقلبي اهدي واسمعيني..صبـــا
صبا سكتت بس ما رفعت راسها
..
عامر تنهد: لازم تكونين قوية عشان أختج ما تنهار..وأنا لازم أوقف مع أخوانج وما اتركهم بروحهم بهالمحنه..يلا امسحي دموعج وثقي بالله وقوي عزيمتج وانزلي معاي..
صبا رفعت راسها وما تكلمت بس فتحت الباب ونزلت..ونزل وراها عامر..
ـــــــــــــــــــــــــــــــــــــــــ

خبر وفاة نيرون جا صاعقه عالكل..وكل شباب ورجال العايله راحوا لدفنها..

أبو جراح دق على مشاري وبلغه بالخبر وخلاه يضطر يرجع وهو شايل همين..هم حمل زوجته..وهم مرض أبوه ووفاة مرت أبوه..لكن بفضل الله رجعوا سالمين..

أم مشاري من بعد اللي صار مع
عزيز ما طلعت ولا ورت وجهها لأحد..


أبو مشاري صحى من جلطته بعد أسبوع كامل وتشافى بالبطئ بفضل الله وبفضل بناته وعياله اللي ما تركوه لحظه..


بفيلا أبو مشـــاري..
الساعه 4 العصر..

صبا ولمى وعزيز كانوا باستقبال أبوهم..

ودخل أبومشاري بس مع ضيوف جدد(روز&الجوري)..: الســـلام عليكم..
الكل وقف وطاروا له وطاحوا بحضنه: حمدلله عالسلامه يبه تو ما نور البيت..
العنود دخلت وبيدها روز: شفت شكثر نحبك ياعمي..البيت بدون حسك فيه أظلم
أبو مشاري ابتسم ومشى وقعد عالقنفه..: أصيله يابنتي أصيله..
مشاري بيده الجوري: شوفوا شحلاة خدودها وشفايفها الصغار..يـــاناس ودي أكلها..
الكل:هههههههههههههههههههههه
أبو مشاري بجديه: مناف يبه روح
ناد أمك..
مناف قام: إن شاء اللـــه يبه...

بعد دقيقه..
يت أم مشاري ووراها مناف..

أبو مشاري بحزم: هبه اللي سويتيه يمكن كان بدافع الحب الجنوني لي بس قلبي صار أسود
من ناحيتج..روز للحين قلبي محترق عليها وعلى عزيز اللي حطمتيه واهو ماله ذنب..بس مستحيل أنسى أن نيرون ماتت بسبتج..هبه أنتـــي طالق..

الكل انصدم..مشاري ومناف وعزيز وقفوا مع بعض: يـــــبه

صبا بسرعه: ليش يبه ليش..
أبو مشاري بحسره: أنا آسف يا
عيال بس ما أقدر اصبر أكثر من جذي..ما أقدر..أنا بروح أفتح بيتي الثاني وأعيش فيه..بعيش بالمكان اللي لقيت فيه الراحه..عزيز وصبا ولمى أبيهم معاي..
أما مناف ومشاري رجال يشيلون نفسهم
ودخل داخل بدون مجال للنقاش..
أم مشاري ما أظهرت أي ردة فعل غير البرود..ودخلت اهي بعد داخل..
مشاري فتح أزرة ثوبه: لا إله إلا
الـــله..
العنوود بسرعه قعدت عنده تهديه: اهدأ حبيبي ولا تنفعل..اللي صار قضاء وقدر ما نقدر نغيره..
مشاري تنهد بقوة: هذي أمي يالعنود أمـــي..
مناف بضيق: أنا طالع..دقيقه زياده واختنق..
وطلع وصفق الباب بقووووووه
..
ـــــــــــــــــــــــــــــــــــــــــ

# وبعـــد مرور 4 شهور #

عامر خطب صبا بعد ما أصر عمه أنه ما يتأجل أكثر..

جراح وفجر تمموا ملجتهم وقرروا زواجهم بعد 3 شهور..

العنود دخلت بالشهر السابع بحملها ومشاري مانعها من الحركه..

شجون دخلت بشهرها الثامن وبالسونار طلعت حامل بولد..



ليلة عرس زياد ووجدان..

بفيلا أبو فـــهــــــد..
الساعه 10بالليل..

بغرفة أريج..
طلعت من الحمام ميته خوف وتبجي بعد ما تأكدت من شكوكها..

قعدت عالسرير تبجي بندم: حامـــل..يالله شسوي الحيـــن شسوي..شقول إذا عرفوا الناس
..شقول لأبوي ولفهد ولمشعل..مشعـــل..لا إلا مشعل..لازم أكلم وسام يخطبني لازم يصلح غلطته ويعترف بولده..
بس بالأول اتأكد..آآآآآآآآه إهى إهى إهى إهى إهى إهى إهى إهى إهى إهى إهى إهى إهى

وبعد بجي استمر ساعتين..قامت
غسلت وجهها ولبست وطلعت من البيت بعد ما تأكدت أن الكل نام..

راحت المستوصف وسوت التحاليل وفعلا طلعت حامل بالشهر الثـــالث وهي ما تدري..

أريج طلعت تمشي عالرصيف ودقت على وسام بس طلع لها مفصول عن الخدمه..انجنت وطار عقلها وظلت تحاول وتحاول وأخر شـــي راحت تدور
عنه بالأسواق والمقاهي وتسأل
عن اسمه بس محد عرف أحد بهالأسم..وأخر حل راحت البحر
ودورت عن اليخت وشافته..وراحت تدوره..

كان قاعد مع ربعه عند اليخت عالبحر يلعبون جنجفه..
نبيل شافها وبدهشه: أريـــج..ترك الورق وقام لها وخذاها بزواية وبحده: أنتي شيابج..
أريج بدموع: وسام أنا حـــامل
..
نبيل ضحك:هههههههههههههههههه
حامل..مبرووك..
أريج باستغراب: أقولـــك حامل تضحك..ينيت أنت
نبيل مسك ذراعها ولواها بحده:
شوفي عاد احترمي نفسج ولا تغلطين..ويلا فارجي ومابي أشوف رقعة ويهج هني مره ثانية يـــلا
أريج تألمت بس كابرت: ما راح أرووووح..ما أروح إلا لما تصلح غلطتك وتتزوجني وتعترف بولدك..
نبيل بحده عطاها كف: طــــراخ
شوفي عاد انقلعي عني قبل ما ارتكب فيج جريمه..وأنا ما يشرفني ارتبط بوحده مثلج..ولا
يشرفني تكونين أم لولدي..
ودزها بقووووة وطاحت عالأرض وانترس وجهها تراب..

أريج ظلت تبجي وتتحسر على نفسها وشرفها اللي ضاع بغباءها..بس بعد شنو..بعد ما ندمت وحطت راس أبوها بالوحل..ظلت ساعات تبجي وتصرخ..ولما ملت قامت وهي تحس أنها ماتت..مشت ورجعت البيت..



يوم عرس (زيـــاد & وجدان)..

بفيلا أبو الولـيـــد..
الساعه 2 الظهر..

أم الوليد نزلت لابسه عباتها ووراها فجر وأبرار..: وليد يمه يلا قوم وصلنا الصالون تأخرنا

الوليد باعتراض: بتحضرين عرس زياد يمه
أم الوليد بطيب: هذا عرس بنت
أختي وأنا ما أقدر أخليها بروحها..

الوليد وقف: ونسيتي أنهم رفضوني..رفضوا ولدج يمه..
أم الوليد: حتى لو..يمكن البنت مو من نصيبك..
الوليد بنفسه[قربت يازياد قربت]
:أووك براحتج يمه بس يكون بعلمج أني حجزت تذكره وباجر
بسافر إن شاء الله..
أبو الوليد تدخل: تسافر وين تروح..
الوليد بارتباك: ها..بسافر لندن..إيه لندن عشان أخذ دورة لغة برمجيات وإذا رجعت بشتغل معاك بالشركه..
أبو الوليد صدق: صـــج يبه..هذي ساعة المنى..ما بغيت تفكر صح..
أم الوليد ابتسمت: دام جذي روح
يمه الله يوفقك..ويلا قوم وصلنا
ترى تأخرنا..
الوليد ابتسم: يلا امشوا..
ـــــــــــــــــــــــــــــــــــــــــ



توقعاتكم؟؟

على شنوو ناوي الوليد؟؟

أريج وحملهااا وضياااعهااا..شنوو معقوله يصير فيهاااا؟؟

وابطالناا زيااد ووجدان وحياتهم اليديده..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 04-06-2011, 08:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية





&٣٦&

بفيلااا أبو عمر..
الساعه 5 المغرب..

بجناح عمر..

شجون كانت قاعده تنطر عمر
ياخذ شاور ويلبس عشان يروحون..كانت لابسه نفنوف سهره شيفون ناعم أسود كت عالصدر وفيه شك أسود خفيف
براق وتحت الصدر مزموم بشريطه بيضا وبارز بطنها الكبير وواسع لعند تحت الركبه بشوي..مع صندل أسود فلات بشرايط ربط بوسطه كريستاله فضيه..وشعرها مسويته كيرلي ولابسه
طقم ألماس ناعم بزمرد أسود
صغير وميك أب دخاني ناعم بروج أحمر صارخ..

طلع عمر لاف الفوطه على خصرها وابتسم لمنظرها وسمعها تتأفف: ههههههههههههه
شفيج بعد
شجون بدلع: اففف شوف شكلي شلوووون..بطني مخرب علي..وووع مو حلوووو..
عمر ابتسم وترك العطر وجا عندها..وقعد وقرص خدودها: هذي أوهام..حبيبتـــي أنتــــــي
طالعه بالأسود رهيبه وجذابه وبطنج محليج تدرين ليش..
شجون ابتسمت: ليش
عمر انحنى وباس بطنها: لأنج تحملين ولدي داخل..
شجون استحت وابتسمت: ههههههههههههه خلاص يلا قوم ألبس تأخرنا ترى..
عمر ضحك ووقف:ههههههههههه
تصدقين نسيت..


بغرفة طلال..
كان توه متروش وبيده ريكسونا
يرش منه..
دخل عليه عامر متكشخ بالدشداشه والغتره وانقرف:ووع الله يخيسك شتسوي..
طلال ضحك:هههههههههههههههه شسوي يعني..ما تشوف..
عامر ابتسم: المهم قولي شرايك فيني..كشخه يعني بعجب الحبايب
طلال يضحك:هههههههههههههههه
إيه طالع رزه لا تخــــــاف..

ـــــــــــــــــــــــــــــــــــــــــ

بقاعة أفــــــراح النساء..
الساعه 10:30

كانت القاعه بأبهى حله..زاهية بألوانها الاخضر العشبي والذهبي..طاقم الضيافه يدورون
عالحريم بكافة أشكال الضيافه
من حلو وورق عنب وكبه وعصاير وشاي وقهوة..

عالبست..وعلى أغنية راشد الماجد غرقـــان..
كانت صمود ترقص بنفنونها الفوشي الناعم..وتتمايل بغنج
ودلع

جيت وش جابك حبيبي
من بعد طول المغيبي
من بعد طول المغيبي
ولا أنا ويا حبيبي غرق
الغرقان أكثــــــــــــر..

اشتعلت القاعه تصفير وتصفيق
وقاموا معاها البنات فجر وأبرار
وغزل..

قول أني ما أهمك
يابرودة والله دمك
كنت في عيني أضمك
وأتغزل بك وأسهر
لاه لاه لاه لاه لاه لاه
غرق الغرقان أكثر..


تحت بالطاولات..

أم فهد كانت تطالع رقص البنات وأعجبها رقص أبرار ولفتت نظرها..: أقول ياأم الوليد بنتج أبرار كم عمرها
أم الوليد فهمتها: الله يسلمها عمرها 20سنة..
أم فهد ابتسمت: أها الله يخليها لج..طالعه اليوم حلوه وناعمه..

ـــــــــــــــــــــــــــــــــــــــــ

أما أريج بغرفتها..ما راحت معاهم العرس..حبست نفسها بغرفتها وقعدت تبجي وتندب حظها العاثر اللي وداها بطريج
نبيل..

أريج حاشره نفسها بزواية وخدودها سود من الكحل اللي سايل على عينها..: ياربي شسوي..شسوي الحين..شلوون افتك من هالمصيبه اللي فبطني
..لمنو أروح..لمنو أقول..من بيساعدني..هذي فضيحه..فضيــــــحه..آآآآآآآآآآه إهى إهى إهى إهى إهى إهى إهى إهى إهى إهى إهى إهى إهى
آآه لو درى أبوي بيموت والله بيموت..لو درت أمي شبيصير فيها
..بيصير راسها بالوحل..وخواتي محد بيخطبهم..آآآآآآآآآآآآآه يارب
آآآه محد حاس فيني..كلهم يكرهوني..محد يهتم فيني حتى
أمي تدخل بس عشان تدخل لي
الأكل وتسولف وتروح..آآآآه..إهى إهى إهى إهى إهى إهى إهى إهى إهى إهى إهى إهى
أروح لمنو..لشجون..لا لا مستحيل بتتشمت فيني..أروح لفهد أو مشعل بيذبحوني بدون تفاهم..لمنوووو لمـــنووووووو لمنووو..آآآآآآآآه
وفقدت أعصابها وصارت تلطم خدودها وتضرب بطنها بقووووة
: موووووت ياابن الكلب..موووت
يامصيبتي موووت..موووووووت ياعاري موووووووووووت..آهى إهى إهى إهى إهى إهى إهى إهى

ـــــــــــــــــــــــــــــــــــــــــ

نرجع للأجواء الفرح والوناسه والطقطقه..
الساعه 12 الفجر..

شجون نزلت من البست وراحت قعدت عند أمها
أم فهد: ارتاحي يمه ارتاحي..
شجون بهمس: يمه أريج وينها ليش مايت..ليكون للحين حابسينها عشاني..تراكم ضغطتوا عليها..يمه أريج بنت ومحتاجه حنان محتاجه أحد يساعدها يفهمها ويوعيها..يمه أنتي ما تعرفينها..أريج نست ربها
وصلاتها من زمان يمه..أريج ولا تزعلين مني..أنتي خربتيها..علمتيها الخبث والأنانية والطمع والحقد..وكاهي قاعده لحد دق بابها ولا شي..يمه النصيب لو بيجي راح يجي إذا الله كاتبه..يمه تكفين إذا لي خاطر عندج
قعدي معاها..فهميها أنج راضية
عنها إذا ربها راضي عنها..طلعوها من جو العزله اللي إهي فيه..تكفين يمه قبل ما تضيع..
أم فهد كانت تطالع بنتها بمشاعر مختلطه بين الفخر بتربيتها وعقلها وبين الحزن والندم على كل شي طاف وعلى حال بنتها الكبيره..تنهدت بقوووه: درر يايمه كلامج درر..أنا اعترف أني غلطانة بتربيتي لأريج ولازم أبدا صح وأغير نظرتها للحياه..

بطاولة البنات صبا ولمى والعنود..
لمى: صبا هاتي روز عنج وقومي رقصي..
صبا ابتسمت: أي والله هاج تراها ساكته شربتها حليبتها..
عطتها للمى وراحت..

العنود كانت ماسكه الجوري تناغيها..
يت أم جراح مبتسمه: العنووود يمه هاتي هالبنت عنج لا تأذي بطنج بروحج تعبانه..
العنود ابتسمت ومدت الجوري لأمها: بالعكس مستانسه عليها أتعلم شوي..
لمى ضحكت:ههههههههههههههه
صرتي أم قبل ما تولدين..
الكل:ههههههههههههههههههههههه
أم جراح: صج يمه أنتي ما سويتي سونار
العنود: إمبلا سويت بس بخليها مفأجاه حتى مشاري ما قتله..

قطع عليهم صوت المطربه: العرووس..زفة العرووووس..

بسرعه انطفت الأضواء كلها وتركزت عند السلم اللي بتنزل منه وجدان..
دخلت أم عمر قبل وجدامها المصوره..
أم جراح قامت وخذت سلال الورد..

وبعد ثواني..طلت وجدان العروس بأبهى وأرق شكل..

لأن لطلتك هيبه كما هيبه ملك
أنا في حضرتك الا ارتبك
كل ما تقترب الهث كاني قد قطعت أميال

مشت وجدان خطوتها الأولى بهدوء وثقه بالنفس..

لا نظرتني اهدى وحالي يستقر بالحال
حضورك سيدي طاغي وهو يطغى علي
أنا من هولت الموقف خطر يغمى علي

فستانها كوكتيل بفتحة سبعه حاده لتحت الصدر والألماس يبهر الأبصار..ولون لؤلؤي طاغي
..وميك أب خليجي ثقيل بروج أحمر صارخ ذايب على شفايفها
وطقم الألماس أعجب الحضور
وشعرها الليل نازل كله مثل ما طلبت..


تعرف لي بهمساته وكلام أعذب من الانغام
تأخذني من الواقع الى أخر مدى الاحلام
..
وصلت وجدان للكوشه وقعدت بهدوء ملائكي وعلى وجهها ابتسامه ناعمه..صفاء روحها انعكس على وجهها وخلاها مشرقه
كل البنات صعدوا لها وباركوا لها
وصوروا معاها..
أم جراح حضنتها: ألف ألف ألف مبروووك ياوجدان..طالعه حوريه من الجنه..بسم الله عليج
ربي يوفقج ويحفظك ويسعدج مع زياد..
وجدان ابتسمت: الله يبارك فيج ياعمه..والله ريحتيني..
يت غزل وباست خدودها: ياربي
والله بشتاقلج..بتسافرون الصبح
وما بنلحق عليكم..
وجدان ابتسمت: عادي شهر وراجعين إن شاء الله..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 04-06-2011, 08:29 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية




صمود تنادي: غزل تعالي حلوة
هالأغنيه..
غزل ضحكت:ههههههههه وأنتي عندج أغنية خايسه..
صمود رفعت حاجب: ابلعي لسانج وتعالي أحسن..
غزل كتمت ضحكتها وراحت وقفت معاها..وصارت إهي وصمود وصبا يرقصــــووون..

حــــايره والشوق بين عيونج
خايفه تحبين ويلومــــــــونج..
باقيه بنص الدرب محتــــاره..
ما تعرفين هذا العشق وأسراره
..والسهر ذبل سواد عيونج..خايفه تحبيــــن ويلومونج..

تحت عند شجون..كانت تكلم عمر..
شجون بابتسامه: هلا حبيبي ها شلون الجو عندك
عمر ابتسم: على كيف كيفج..لا وزوجج الحلو رقص عرضه مع المعرس..لا تشوفيني صكيت عليه..
شجون ضحكت:هههههههههههه
مو جنك مغرور حبتين
عمر ضحك:هههههههههههههههه
يحق لي دام عندي جوهره نفسج..إلا حبيبتي شخبار ولدي عسى ما تعبج بس..
شجون ابتسمت وحطت إيدها على بطنها: لااا محمد ولدي فديته عاقل بس يرافس شوي..
عمر تشقق وناسه: صــــــــج ياعلني أفداه..يلا حبيبتي أسكر أنا يا وقت الزفه..
شجون: اووك بس شوف إذا دخلت لا تطالع لا يمين ولا يسار
..
عمر ضحك:هههههههه فديت الغيران أنا..اوووك ياقلبي..سلام
..
شجون سكرت منه وهي مبتسمه وراحت تقول لعمتها عشان يتجهزون..

وبعد دقايق معدوده.. بدت زفة
المعرس..ودخل زياد كاشخ بالبشت الأسود متوسط أبوه وعمه وأخوان العروس..

تصاعدت دقات قلبه..وانتشر عطره الرجولي بين الناس..وصلت اللحظه اللي حلم فيها وتمناها سنين..

وصل عندها ورفع الطرحه عن وجهها وباس جبهتها بأنبهار وهمس : مبروووك علينا حبيبتي..
وجدان مستحيه ما عرفت ترد بس تفرك إيدينها ببعض..
أبو عمر صعد لهم وباس جبهتها
وضمها لصدره: مبروووك يابنتي مبرووك..الله يرضى عنج ويوفقج..
وجدان حبست دموعها: الله يبارك فيك يبه ولا يحرمني منك..
أبو عمر التفت لزياد: ديربالك عليها تراك خذيتها أمانه حطها بعيونك..
زياد ابتسم وشد إيد وجدان: وجدان بعيوني ياعمي..لا تحاتي
..
أبو جراح تقدم: مبروك يبه..مبروك ياوجدان يابنتي..من هاللحظه أنتي صرتي وحده منا وفينا وعزج من عزنا وكرامتج من كرامتنا..وباس جبهتها..
وجدان بحيا: الله يبارك فيك ياعمي ويخليك لنا..
نزلوا أبوجراح وأبوعمر..وظلوا أخوانها..
عمر جا عندها وباس جبهتها وخدها: مبروووك جوجو..[ووقف عندها]تعال نسختي خل
ناخذ لنا صوره..
عامر ضحك وجا ووقف عندها عاليسار وخذوا معاها صوره..وصوره معاهم اثنينهم..
عامر باس خدها: مبروووك جوجو..نصيحتي الوحيده لج أنج تحافظين على زوجج وبيتج..
طلال دزه وراح لها : وخــــــــر حكرتنا..ههههههههه حضنها بقوه لصدره ووجدان تعلقت فيه ونزلت دموعها..: مبرووك جوج بشتاقلج..بفقدج بصير بروحي..
وجدان ابتسمت وسط دموعها: بسأل عنك كل يوم..وبجيك وبنشب ببلعومك بس بشرط مشاريوه ما إيي..
الكل: هههههههههههههههههههههه
بدر بهمس: وجداني لا تنسين تقولين شصار ناطرج ترى
وجدان استحت وصارت طماطه وضحكوا عليها..
سعود بضحك:هههههههههههههه
ما عليج منه هذا الوصخ..خليه يولي..وإن شاء الله ألف ألف مبرووووك ياقلبي..

أم عمر: خلاص يايمه انزلوا بنزف المعاريس تأخرنا..
عمر: يلا شباب امشوا خلاص..

بعدها بدت زفة المعاريس ووقف زياد ومسك إيد عروسته
وطلعوا بهدوء على أصوات اليباب والأغاني..وركب زياد مع وجدان سيارة أخوه جراح وراحوا عالفندق..
ـــــــــــــــــــــــــــــــــــــــــ

بفيلا أبو فهد..
الساعه 2:30 الفجر..

أريج بغرفتها على نفس الوضع
وذبحت نفسها طق وبجي بس ما استفادت شي..سمعت صوت
خطوات عالدرج وعرفت أن أهلها وصلوا..قامت بسرعه غسلت وجهها بماي بارد وانخشت بفراشها وسوت نفسها نايمه..

بعد ثواني..انفتح الباب وطلت أم
فهد
أم فهد: نايمه ياقلبي عليها..أكيد ملت بروحها..يلا باجر أكلمها..
وطلعت وسكرت الباب..

أريج تحت لحافها بجت على نبرة
أمها الحنونه..: أنا غلطت يمه سامحيني سامحيني..


عالدرج..كان مشعل صاعد وشاف أمه تطلع من غرفة أريج: وينها أريج نايمه؟..
أم فهد: إيه ياعمري عليها أكيد ملت بروحها ونامت..يسلم عمرك يمه باجر الصبح روح لها وأقعد معاها وسامحها تراهي طيبه وعلى نياتها
مشعل ابتسم: أدري يمه..أنا كنت تاركها فتره عشان تراجع نفسها وترجع لعقلها..وباجر بروح لها وأكلمها وبرجع لها سيارتها ولابها وموبايلها وباخذها
برحله للبحرين على حسابي بعد
..
أم فهد استانست: صــــج..الله يرضى عليك يايمه ويوفقك ويرزقك ببنت الحلال اللي تسعد قلبك وخاطرك..
مشعل بارتياح: أمين يالغاليه..يلا
استأذن أنا بروح أنام هلكان حدي..
ـــــــــــــــــــــــــــــــــــــــــ

بالفندق..الساعه 3 الفجر..

وجدان قاعده عالسرير بهدوء
وزياد قاعد جدامها يقرأ دعاء الزواج..
بعدها قام زياد: حبيبي أنا بتروش بالغرفه الثانية واطلع اطلب لنا عشى وأنتي اخذي راحتج..
وجدان بحيا: إن شاء الــــله..
طلع زياد وقامت وجدان نزعت طرحتها وفكت شعرها ونزلت تراجيها وعقدها وخواتمها وحطت كل شي بمكانه..ومسحت مكياجها وجهزت لها قميص نوم أبيض حرير..طويل وعلاق عالصدر وشفاف والظهر
كله عاري..

خذت روبها وأغراضها ودخلت الحمام تاخذ شاور..

عند زياد..
طلع لاف الفوطه على خصره..دخل الغرفه وشاف القميص وابتسم..راح وطلع له بيجامة حرير سكري..لبسها وسرح شعره وتعطر وطلع عند طاولة العشى..

وجدان طلعت بعد ربع ساعه لابسه روبها..نشفت

شعرها بالاستشوار ودهنت جسمها بلوشن فراوله خاص للعرايس وحطت كحل وماسكرا وروج أحمر وتعطرت..وأخر شي قامت
لبست القميص وفوقه الروب وربطته وطلعت..

زياد أول ما شافها ابتسم وفتح لها إيدينه..ووجدان بسرعه يت وطاحت بحضنه..
زياد شم شعرها بقووة وهمس
بأذنها: وأخيرا يت اللحظه اللي اجتمعنا فيها ببيت واحد..ورفع وجهها وباس شفايفها بقوووه رومانسية لاهبه..
وجدان استحت وذابت بين إيدينه
..
زياد رفع شفايفه وقعدها بحضنه :يلا ياقلبي خلينا نتعشى عشان يمدي ننام ونرتاح..
وجدان ابتسمت: متى طيارتنا..
زياد ابتسم وهو ياخذ حبة كبه ويحطها بحلجها: باجر الصبح الساعه تسع..يعني لازم نقعد الساعه سبع ونص..
وجدان بلعت اللقمه وضحكت: هههههههههههههههههههه شفيك بغيت تغصصني..
زياد انجن على ضحكتها وعض خدها: عشاني أحبج وأبي أغذيج عدل..
وجدان استحت وكملت أكلها بهدوء..
بعد دقايق..
زياد بابتسامه: لا ثقلين..
وجدان بعفويه حطت إيدها على
بطنها: ليش يوعانه..
زياد ابتسم وقام شالها على إيدينه ومشى فيها: لأني ما أقدر
انطرج تخلصين..
دخل الغرفه وسكر الباب بريله ونزلها عالسرير بهدوء..
وجدان استحت وحاولت تقوم:
زياد آآآ.....وسكتت واختفى صوتها..

ـــــــــــــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 04-06-2011, 08:29 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: كل ما جيت ابتدي فيك انتهيت..وكل ما جيت انتهي شفتك بدايه!! الكاتبة أوراق خريفية



&٣٧&
# بعد يومين#

زياد ووجدان سافروا شهر العسل لفرنسا..

الوليد سافر لندن بدوره مدتها 9 شهور..



بفيلاااا أبو مشــــاري الثانية..

بالحديقه..الساعه 6 المغرب..

أبومشاري قاعد مع عياله صبا ولمى وعبدالعزيز ..ومناف زايرهم ومعاه روز والجوري..

أبومشاري يناغي روز اللي صار عمرها 4 شهور..يرفع ويطيرها بالهوا وهي تضحك من قلب:
سلم قلبه..امممواه..كغ..كغ..

عبدالعزيز ابتسم: صبا يلا خلي الجوري عند لمى عشان أوديج السوق ما بقى وقت..
لمى خذت جوري:صج ما بقى شي على الملجه بس أسبوع..يلا روحي
صبا قامت: إيه يلا..
وراحوا كلهم..
مناف يطالع أبوه اللي فرحان على روز: يبــــه بتخلص عدة أمي بعد أسبوع..
أبومشاري سكت: والمطلوب..
لمى تدخلت: خلاص يبه رجعها
والله أحنا محتاجينها
مناف بهدوء: يبه أمي تغيـــــرت
وايد..اللقمه تاكلها غصب..وأغلب
وقتها على سجادتها تدعي وتستغفر..حتى وإهي نايمه..تنام على مكانك وغترتك بيدها..يبه أمي تحبك..ما فيه مره توصل
الأربع وأربعين وهي تحب زوجها هالكثر..رجعها يبه أحنا محتاجينك..محتاجين وجودك معانا..
أبومشاري سكت شوي..فكر بكلام ولده ولقاه صح..ابتسم:
روح وقول لها أني بجيب الملاج
يعقد مره ثانيه..
لمى بفرحه: صج يبــــه صج
أبو مشاري ابتسم: عندك 5دقايق إذا ما تحركت بغير رأيي
..
مناف ضحك بسرعه ومشى:
لا يبه لا الحين رايح..ما صدقت توافق أنا..


بعد ساعه..
كان أبومشاري بالبيت ومعاه الملاج اللي قاله شلون يرجع زوجته..

أم مشاري كانت قاعده داخل مع عيالها..لابسه دراعه عنابيه بذهبي فخمه وتناسب سنها..

مشاري وهو ماسك روز: ياويلنا
من صبا وعزوز ما قلنا لهم..
دخل أبومشاري: أنا بقول لهم..
أم مشاري وقفت والتقت نظراتهم..
العنود ابتسمت وراحت مسكت إيد عمها وشدته: يلا عمي تعال اقعد عند زوجتك لا تستحي..
أبو مشاري ضحك:هههههه شوي
شوي يابنت..
الكل:ههههههههههههههههههههههه

يا أبو مشاري وقعد عند مرته وخذتهم السوالف..
دخلت صبا بسرعه وقطت أكياسها بالأرض وتخصرت: لا والله..أحنا طراطير محد يعلمنا ليش..
الكل:ههههههههههههههههههههه
أم مشاري بضحك: تعالي أنتي تعالي..
صبا ضحكت وراحت لأمها وقعدت بحضنها..
عبدالعزيز ابتسم: بهالمناسبه بطلب لنا كنافه
أبومشاري وقف: لا بهالمناسبه أنا عازمكم عالعشى قوموا..
صبا ولمى: يــــااااي ههههههههه
مشاري : عيل هاكم هالنتفه عشان نروح أحنا بعد نلبس..
أم مشاري ابتسمت: هاتها عندي
أنا بلبسها..
أبومشاري ابتسم: يلا أنا ناطركم
مو تأخرون..
ـــــــــــــــــــــــــــــــــــــــــ

بفيلااا أبو فــــهد..
الساعه 8 بالليل..


بالحديقه..
أريج قاعده بروحها عالمرجوحه
..لابسه بيجامه بنطلون أسود وبلوزه سودا نص كم فيها شخابيط بالوسط ووجهها شاحب..
طلع مشعل مبتسم: أريج باجر
بروح البحرين وباخذج وياي نسوي جوله ترفيهيه..جهزي لج شنطه صغيره بنمشي الصبح..

أريج[آآه يامشعل أنا اللي كنت بنتقم منك..انتقمت من نفسي]ابتسمت بهدوء: اووووك بعد العشى بصعد أجهز شنطتي وشنطتك..
مشعل ابتسم: أريج أنا آسف إذا
ضغطت عليج بالأيام اللي طافتج بس كنت خايف عليج..
أريج [اغفر لي يارب]نزلت دمعتها حاره وقطت نفسها بحضن أخوها: سامحنــــــــي مشعل سامحني..أدري أني غلطانه بس تبت..تبت وعقلت..
مشعل ابتسم وخربط شعرها: وأنا ما بقلبي أي شي عليج..يلا عاد قومي غسلي ويهج وروحي
داخل قعدي مع شجون ترى يت
عشانج..
أريج ابتسمت وقامت مسحت دموعها: والله اشتقت لها من تزوجت ما شفتها ولا مره..
دخلت داخل وشافت أمها وشجون وصمود وجنا..

شجون وقفت ببطء وبطنها الكبير سابقها..ابتسمت من قلب:
أريــــــــج..
أريج بسرعه يت وحضنتها وهمست بأذنها:سامحيني شجون سامحيني..
شجون ابتسمت بحب: مسامحتج
..أريج أنتي أختي الكبيره وأنا ما أقدر أكرهج أو أزعل منج..
صمود صفرت: اوووووه وأخيرا انقعد صلح الحديبيه..ههههههه
الكل: ههههههههههههههههههههه

أم فهد مدت لها صحن كنافه: هاج يمه هاج أكلي وغذي نفسج
تراج ضعفانه..
جنا ابتسمت: بس صج صج أريج
صاير جسمج خطــــــــير..
شجون بمزح: هيــــه أريجوووه ليكون مسويه ريجيم وخاشه عنا

أريج ضحكت من قلب: ههههههه
هههههههههههههههههههههههههههه
[يالله ياغباءج ياأريج شلووون ضيعتي هالجمعه الحلوه..بس لا أريج القديمه ماتت..ماتت وانولدت أريج ثانيه]
شجون وقفت: أريج تعالي معاي فووق أبيــــــــج..
صمود : بس لا تتأخرون عشانا
مربين ومعكرونة بشاميل..
شجون وأريج ضحكوا وراحوا فوق..

وبالغرفه..
شجون بهدوء: أريج أنا ييت عشان أسمعج وأساعدج..[وسكتت]..أنتي حامل من منو..

أريج نزلت دموعها بسرعه وتصاعدت نبضات قلبها بخوف ونزلت راسها: شـــ شدراج..
شجون قربت منها ورفعت راسها
: شفت التست والزباله..ليش يا أريج ليش..ليش تروحين للغلط بريولج..ليش تفضلين جهنم على
الجنه..قولي لي ياأريج ليش..
يااختي الكبيره يابنت أبوي وأمي
..
أريج انهارت وصارت تبجي وتشاهق: شجووون..أنا الحقد أعمى عيني..أنا ندمت ياشجون..ندمت واستغفرت وتبت توبه نصوحه..شجون الرب يغفر ذنوب عبده وأنا رجعت له..ومن
شهر وأنا ما تركت فرض ولا نفل
..حتى الأغاني ما عدت أسمعها
..شجوون ساعديني تكفين..أنا حاولت أتخلص من الحمل بس ما قدرت..
شجون حنت عليها وحضنتها: انزين خلاص بساعدج بس اهدي وقولي لي..منوو اهو..
أريج نزلت عينها بخجل: واحد اسمه وسام تعرفت عليه بمطعم..وكنا نلتقي باليخت والأسواق..
شجون تنفست بقووه: انزين ووسام هذا ما كلمتيه..ما قلتيله أنج حامل
أريج بدموع: إمبلا رحت له بنفسي وقلت له بس ما رضا يسمعني..وهددني إذا كلمته مره ثانيه وطقني ومشى عني..
شجون تنرفزت: طبعا أخذ اللي يبيه وقطج..
أريج تشاهق: ساعديني شجون
أنا مو عارفه شسوي..
شجون تنهدت: آآآآه..شوفي عطيني رقمه وأوصافه والأماكن
اللي كنتو تلتقون فيها..وإن شاء الله ما تمر يومين إلا ترجعين من سفرتج وتلقينه خاطبج..
أريج ابتسمت وسط دموعها: صــــــــج ياشجوون صج..
شجون ابتسمت: صج ياأريج..يلا
بسرعه سجلي بورقه وقومي غسلي ويهج وانزلي..ناطرينج عالعشى..
أريج تحس جاها الفرج من الله
..قامت بسرعه: إن شاء الله..دقيقه وأنزل..
ـــــــــــــــــــــــــــــــــــــــــ

فرنسا..باريس العاصمه..الساعه 9 بالليل..

زياد كان واقف فوق قمة برج إيفل وقميصه الأسود يطير مع الهواء العالي..ويبتسم لوجدان اللي واقفه جدامه ماسكه الكاميرا وتصوره..

كانت لابسه بنطلون أبيض شامواه..وبلوزه سودا شيفون بورد حمرا وبيضا واسعه لعند نص الفخذ وشعرها مفتوح كيرلي وطاير مع نسمات الهوا..

وجدان: ابتسم زياد ولف يمين شوي..
زياد ابتسم: ترى مليت وأنا بروحي تعالي أصورج..
وجدان ضحكت وأشرت بأصبعها
: هههههههههه حبيبي أنت تكفى بس هالصوره


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1