غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > قصص - قصيرة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-05-2011, 09:48 PM
صورة d3do3aa الرمزية
d3do3aa d3do3aa غير متصل
©؛°¨غرامي متألق ¨°؛©
 
Upload1120a2f436 قصة زلة نظرة نزلت دمعة / بقلمي



السلام عليـكم ...

كيفكم .؟

دي اول تجربــه ليا بكتـآبة قصــه قصيره..

واتمنى انها تعجبـــكم ...

اتمنى عند النقل تكتبو بقلم D3DO3A

قصتي " زلة نظرهـ نزلت دمعه "


كان اسمـي
[ هيثم ]
كان عمري
[26 سنــه ]

مو عارف انا بكتب قصتي كعبره ولا عشان اضحك عليها .!؟

ماكنت في البدايه احس انو في شي اسمو
[ حب]

او يمكن ادري انو فيه بس ماكان من اهتماماتي

مع انو كدا وحده قالتلي احبك بس ماحسيت اني افهم معناها !


ماكنت اتخيل اني ممكن افضل شخص على نفسي .. !
او ماأنام الا لما اسمع صوتها ...!

لدرجه كنت اخد اصحابي تريــقه لما يحكوني عن تجاربهم

بعض الاحيان
اقول ياناس انا اللي مو عايش ولا هما مكبرين الهـرجه

بس برضو ماديت للموضوع اهميــه

صحاني مره ابوياا على المغرب عشان اصلي وقبل لاأنزل من البيت قلي في مستأجرين جدد بالعماره ماهتميت بالموضوع ونزلت

وشوفتها قدامي
تنحت فيييها تتنيح وكأني اول مره اشوف كآئن بشـري
اول مالمحتني انا اتصــربعت ونزلت عيني ومشيــت
مدري ايش الادب دا اللي جاا فيا بس من كتر ماكان مصطنع انصقعت في باب العماره

وسمعت ضحكتهاا اتمنيت اني انصقع تااني عشان اسمعها بس قلت عيب يوااد الامام اقام الصلاه

لميت نفسي وروحت المسجد وهيا لسساتها في بااالي
كبــرت وقلت الله واكبر
مدري هوا انا كبرت ولا لأ بس كنت اركع واسجد مع الامام

خــرجت من المسجد ولأول مره احب عمارتنا
حبيت سيدي لأنو بناهاا مع اني ماكنت اطيقو اتوفى وانا ادعي عليه بس صراحه دعيتلو وانا بصلي

دخلت العماارهـ وشوفتهم بينقلوو الاغرااض
قلت دا الوقت عشان افرد عضلاتي شوفت امها تساعد الهندي فاقلت : اساعدكم ياخاله
ردتني وقالتلي بجفااصه : مايحتاااج خليك في حالك

استغربت من ردها بس انتابني احساس بردها دا انها حمااتي فاقلت زن يوااد وهيا حترضى : افاا عليكي استريحي انتتتي لاتتعبي نفسك

دخلت عرض وسرت ادخل الاغرااض والمح بنتهاا جالسسه على الكنبـه
ووجهها محمــر من كتر الخجل حاسه بنظرااتي
عــرفت انو هيا وامها بس اللي ساكنين هنا
ماعندهم اي رجــآل

ساعدتهم وياريت لقيت عبارة شكر في النهايه اللي لقيتو تقفيله باب شقتهم في وجهي

بس استحمملت
كنت استنى اللحظات اللي المحها فيــها
مرت الايام وانا على حالي استنى
نظره
كلمــه منها
بس مافي شي

مره وانا بهرج مع اخويا سمعت امي تقول خلود طلعت السطووح طفشانه
وانا ماصدقت سرت اتسحب في البيت بدون ماحد يحس فيا وخــرجت
وطلعت لفووق جــري
عارف اني وقــح بس كان نفسي اكلمها


الباب كان مردود فتحتو بهدووء وشوفتها بعباايتها
وحاطه الطـرحه على كتفـها وشعرهاا طوويل وفاتحتــه
انا على طوول سحت رديت الباب ورايا بس طلع صوت مزعج
دارت عليا مفجوعه وكانت حتموت خووف
بس مدري ايش خرفت لحظتها وخليتها تهدا رميت كل شي حاسس فيــه
قلتلها احبببك مع اني ماقد كلمتــها
وقلتلها اني معجب فيكي مع انها ماقد اعطتني وجه
غلبــت روميو في لحظتها
البنت من خجلها بكيــت كانت خايفه منــي

تبى تنزل بس والله قلبي ماطاوعني قلتلها حخليكي تخرجي بس بشرط تتصلي عليا اليوم

سلكتلي وقالتلي طــيب بس ابى انزل
حزنتني والله
بس كان نفسي اكلمهاا ماهتميت لبكاها
يامااا بكينا ولاأحد سئل عننا
المهم اعطيتها رقمي ومن حسن حظي انو مميز فاحفظتو بسـرعه ونزلت
استنى لأخر الليل والنخوليه ماتصلت
حقدت حقد مو طبيعي
كنت حنام الا يدق جوالي اخدتو ولقيت رقم غــريب ماصدقت رديت
وطلعلي صووتهاا
مرت على علاقتنا سنــه بتمــآم
يانــآس سـارو لما يوصفو الحب اقوول قليـــل بالاحساس اللي انا احسو
انا اعشقها
امووت فييهاا
مهما هــرجت كلامي حيكون مقصــر في حقهاا
مرت سنه على علاقتنا بس
خجلها
برائتها
ونعومتها
ماتغيرت
" دي طفلتي "

ماتغفى عيني لو ماشوفتها
مايرتااح بالي لو ماسمعت صوتها
كنت
ابوها
اخوها
وحبيبها
وكل شي مابتفشخر بس هيا كانت تقولي كدا
عارفيــن اني انام احلم فيها
وحتى انا وصاحي طول وقتي بفكر فيها
قلت انا اتعديت حدود الحب وصلت لإدمانها
قلتلهاا انا مدمنــك
واللي يدمن على شي صعب يسيبو
كلامي دايما يخليها تستحي
اعشق خدودها لما تحمـر
اعشق لما ابى امسكها تبعد وتفرصع عينها وتقولي
عيييب
ولما امسكها بسرعه تضحك بكل خجل وتقولي
هيثممم قشعرتلي جسمي

يااعيووون وقلب وروووح هيثثثثم


ومــرت على علاقتنا سنتين
بس كنت مستني الوظيــفه عشان اتقدملها
جاني اتصــآل مره وروحت اشوف الشركــه ايش تبى مني
وانبسسطت من قلللبي لما وظفووني
مانبسطت لأني اتوظفت انبسطت لأني اقدر دحين اتقدملها
كنت بسوي كل شي عشـانها
قدمتها على كل شي بحيااتي
قدمتها على نفسي
قد حسيتو انكم تحرموو نفسكم من حاجه عشان توفروه للشخص اللي تحبو ؟
انا كنت كدا بقولكم مجنونهاا
المهم رجعت البيت مبسووط مريت من عند شقتهم
قلت امها دحين بوظيفتهاا
وهيا لوحدها بالشقه
دخلت يدي بجيبي واخدت نسخة مفتاح شقتهم
قلتلكم اني حقــير ..
بس والله مافراسي اسويلها شي بس اني افجعها واقولها الخبر وبعدين اخرج

دخلت المفتااح بالباب بهدووء طالعت بخوف حوليا ودخلت بسسرعه الشقه وقفلت
قلبي كان يدددق بتوتر وخوووف

امشي في البيت وانا مو عارف فين حلقاها
بس سمعت صووت ضحكه غريبه
بس مو ضحكـتتها
انا طبعا اميز ضحكتها الخجووله
سمعت الفاااظ بس مو الفاظهاا انا اعرف كيف هيا تهــرج
وقفت عند الباب كان مردود طالعت وشوفتــها
شوفتها ياعااالم
وجمبها رجــآل
رجــآل غيـــري
حاولت احسن الظن بس لبســها كان مو لبــس

جسمها اللي ماقد ورتني هوا
جالسه دحين جمب واحد وهيا مغطيه ربــعو
لمستوو
والله شووفت يدها تمر على جسموو
وضحكت ضحكه غريبه اول مره اسمعهاا
قالتلو المسسسني
المسنـــي
هياا اللي قالتلوو
كانت ترددها بهممس
بس وصلـتني
وصلتني الكلمه ونزلت الدمعه
هيا كانت بريئــه معايا
لا قصدي هيا مثلت دور البريئــه
ماقدرت اخرررج ولا ادخل
كان نفسي امي تقول : هييثثثم قووم من النووم
كااان نفسي لما خرجت من الشــركه سرررلي حاادث ومووت
ولاشوفتــها
ياعااالم سنتيــن
سنتيـــن والله سنتيــن
بس انا بسئلكم
كيــف اتقنت دور البريئــه .؟!
افتكر انو جسمها يتقشعر لما المسها ..
وهيا دحين تقولو المسني وتضحك
افتكــر انها تنكتم لما ادخن
وهيا دحين ماسكه السجااره وبتنفخ بالهوى
افتكر انها تقووولي عيييب ياهيثم
تقووولي عيــب لما اقرب بس جمبــهاا ؟.؟!
فهمتو دحيــن قصدي لما قلتلكم عبـره ولا حتضحكو عليـااا
دا اول حــب بحياتي
دي اول تجــربه
خــرجت من بيتهاا وانا منهــآر
ابكــي وكأنو اتوففى احد لييا
دخلت البيت والكل يطالع فيا مفجووع
امي جرت لعندي وتقوولي : هييثم ايش بكك
اترميييت بحضنننهاا وانا بدا العمــر
دمرتنــي بنت
كنت امسك امي بكل قووتي وابكــي واخوواني يطالعو فييا مفجووعيــن
اخوواتي بكو معايا مع انهم مو عارفين ايش بي
بس انا اخوهم الكبيــر ببكي بصووتي
وكأني اصغرهم
قلتلهم صااحبــي ماات
مالقيــت غير دي الكلمــه اقولها
عشان انعزل عنهم
عــرفت انو فــي حــب بس مافي وفاا
مافي برائــه يانااس والله مافي برائــه
شووفت كيف مثلتها باإتقان لسنتين


ودحيـن

سرت اناا مدري مين اناا
والعمــر سار مجرد رقمين
وبكتب قصتي مدري للعبره
ولا عشــآن ابكي عليها ..


The End
D3DO3A



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-05-2011, 10:41 PM
صورة !! مـنـوووولـ الحربي !! الرمزية
!! مـنـوووولـ الحربي !! !! مـنـوووولـ الحربي !! غير متصل
لاُتُغٍيَبِ يُاِرًوِحً اِلروًحِ لاتًزيَد عِلًيِ الًجِرُوح
 
الافتراضي رد: قصة زلة نظرة نزلت دمعه / بقلمي


يعطيگ العافيه
بس القصة جريئه يعني لو
ادري مارديت بس تسرعت رديت وبعدها قريت ولا كملتها



تعديل !! مـنـوووولـ الحربي !!; بتاريخ 29-05-2011 الساعة 10:55 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-05-2011, 11:12 PM
صورة ~أنيقة فكر! الرمزية
~أنيقة فكر! ~أنيقة فكر! غير متصل
©؛°¨غرامي ماسي ¨°؛©
 
الافتراضي رد: قصة زلة نظرة نزلت دمعه / بقلمي


قصه روووووووووووووووووووووعه

تسلم اناملك

تشكرااااااات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-05-2011, 11:18 PM
صورة d3do3aa الرمزية
d3do3aa d3do3aa غير متصل
©؛°¨غرامي متألق ¨°؛©
 
الافتراضي رد: قصة زلة نظرة نزلت دمعه / بقلمي


اقتباس:
المشاركة الأساسية كتبها منوووول الحربي مشاهدة المشاركة
يعطيگ العافيه
بس القصة جريئه يعني لو
ادري مارديت بس تسرعت رديت وبعدها قريت ولا كملتها
عادي كان سويتي تعديل وحطيتي اي فيــس
مع انو مافيها اي نووع من الجراائــه
تاني مره لاتتسرعي
اقتباس:
المشاركة الأساسية كتبها هناسة الكردية مشاهدة المشاركة
قصه روووووووووووووووووووووعه

تسلم اناملك

تشكرااااااات
الله يسسسلمك ياااعسسسسسل
منننوورتني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-09-2011, 05:32 PM
صورة rekardo الرمزية
rekardo rekardo غير متصل
©؛°¨غرامي فعال ¨°؛©
 
الافتراضي رد: قصة زلة نظرة نزلت دمعة / بقلمي


يعطيكي العاافية حبيبتتيييي
ما ننحرمشششششش من ابدااااااااااااااااااااااااعك

يسسسسسسسسلمووووووووووووووو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-09-2011, 10:12 PM
صورة lovely_girl5 الرمزية
lovely_girl5 lovely_girl5 غير متصل
©؛°¨غرامي فعال ¨°؛©
 
الافتراضي رد: قصة زلة نظرة نزلت دمعة / بقلمي


بجد روعة تسلم و ربنا يعوضك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-10-2011, 01:34 AM
صورة d3do3aa الرمزية
d3do3aa d3do3aa غير متصل
©؛°¨غرامي متألق ¨°؛©
 
الافتراضي رد: قصة زلة نظرة نزلت دمعة / بقلمي


تسسسلمي حبيتي بس القصه من خيالي :$

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-10-2011, 03:02 PM
صورة مَآيِشَبهوِنيـَـے‹‹• الرمزية
مَآيِشَبهوِنيـَـے‹‹• مَآيِشَبهوِنيـَـے‹‹• غير متصل
яɢ{ ..فِلِسِفِـــِہ رِوζ }●• -
 
الافتراضي رد: قصة زلة نظرة نزلت دمعة / بقلمي


لاتحرمينآ من قصصك الرووووعهـ

تسسسلمي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-01-2012, 03:03 AM
صورة d3do3aa الرمزية
d3do3aa d3do3aa غير متصل
©؛°¨غرامي متألق ¨°؛©
 
الافتراضي رد: قصة زلة نظرة نزلت دمعة / بقلمي


تسسسلمي حبيبتي على مرورك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-06-2017, 04:24 AM
& طموح بلا قيود & & طموح بلا قيود & غير متصل
©؛°¨غرامي جديد¨°؛©
 
الافتراضي رد: قصة زلة نظرة نزلت دمعة / بقلمي


جميلة جداااااا صح انها زيي كل رواية فقط اختلاف بعض التفاصيل او بعض الاحداث لاكن السرد قمة في الروعة ما شاء الله استمري

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1