جريح الاشواق عضو موقوف من الإداره

السلام عليكم ورحمه الله


قصة حب بين جدران غرام

قالها صاحبها لي فقلت خلني اسدحها لكم

طبعا هو يدري بس البنت ما تدري

واكيد بتقراها

بسرد القصه كما يقولها صاحبها باللهجه العاميه

يقول في يوم من الايام

جاني صاحبي قال لقيت منتدى حلو بنسجل فيه

قلت مو مشكله اشوفه

رحت وشفته واكثر ما لفتني عدد اعضائه

كانو بذاك الوقت 500 الف

قررت اسجل سجلت

اذكر سجلت ليلة 1 رمضان سجلت عام 2009

ثم بديت اسدح مواضيع لين ما مليت كنت ما ارد بس مواضيع

بعد شهرين سحبت ع المنتدى

وشهر ثمانيه دخلت غرام بس بشوف التطورات

دخلت منتدى الفرفشه والا القى الحوش

كان ذاك الوقت عامر بالاعضاء

وقعدت اشارك تغير وضعي صرت ادخل بشكل يومي

ذاك اليوم كان 23/8/2010

ناظرت فوق شفت تنبيه

استغربت خابر التنبيهات ما تجي الا لو نقلو موضوعي للارشيف وانا من تسع شهور ما حطيت موضوع


المهم رحت للوحة التحكم مافيه رسايل

كنت تقريبا جاهل برسايل الزوار 

المهم سحبت على التنبيه ورحت العب كوره

لما رجعت دخلت الساعه 2 وقلت لازم اشوف وش هالتنبيه

ضغطت ع السهم الي جنبه طلع رساله زوار غير معتمده ضغطت عليها


رحت ولقيت بنت لا تتجاوز مشاركاتها30 مشاركه

المهم

كانت تسلم وقالت عجبها النك وطلبت الصداقه وقبلت

المهم سولفنا شويه وتعرفت علي

لما قلت عرفيني باسمك قالت اعذرني ما بقول اسمي بتناديني نادني بنكي

حركتها ذي اعجبتني واااجد 

مرت الايام وكات اصغر مني بسنه

وكنت اجلس معها من بعد العشاء تقريبا 11

الي الساعه 7 الصبح << كانت الاجازه الصيفيه 

لما دخل رمضان كنت اقابلها من الساعه 1 باليل الى السحور ثم تقولي تسحر وتعال

ارجع مع الاذان  تقولي اسمع صل واقرأ قران ونلتقي بعدين كنت ادخل لما اقرأ جزء كامل 

تسالني كملت جزء قلت ايوه قالت الحمد لله مثلي زاد اعجابي بحركاتها وكان كل يوم كذا

طبعا كل هذا برسايل الزوار

مرت الايام وجاء العيد وتبادلنا التهاني

ولما قربت الدراسه قررنا نغير النظام

صرت اقابلها من 10 لين 1 باليل

ومضت الايام وكنت اراسلها كل يوم الا ايام معدوده

جاء شهر ذي الحجه وكانت تقولي ادعيلي وانا بدعيلك يزيد اعجابي 

وجاء عيد الاضحى تبادلنا التهاني

المهم دارت الايام وهي قررت تقفل رسايل الزوار لانها تقول بنات ينصحونها يقولون لا تحتكين بعيال

تقول اقبل النصيح من بعضهن وبعضهن القى اصدقائها ثلاث ارباعهم عيال 

ثقلو عليها البنات وقامت تراسلني بالخاص

لاكن ما تغير شي من الادب والاحترام بيننا

المهم تعلقت كثير فيها وكنت مقدر استغني عنها

واخذت اراجع مشاعري وادقق فيها

استمريت اسبوع اراجع نفسي وطلعت بنتيجه اني 


احبها


ما صارحتها الا بعد اسبوعين 

كان يومها ليله الجمعه قلت لها انا احبك


استقبلت الفكره ببرود وقالت انا متاكده انك تسرعت وانه مجرد اعجاب فكر الخميس الجاي رد لي خبر

قعدت اوسوس طول الاسبوع

معقوله يكون اعجاب معقوله كلامها صح

ليله الخميس قلت هذا حب وبقولها والي يصير يصير

قلتلها اني متاكد واخذت تسالني عن تجاربي  وغيرها ثم قالت تصدق ان حتى انا اموت فيك

كنت بموت من الفرحه

بدت علاقت الحب 
لاكن يشهد الله انه لليوم كلامها الموزون هو هو 

قسم بالله حبينا بعض وهي ماقالت اسمها للحين 

ومرت الايام كان عمها ساكن بالمدينه الي انا فيها

بس بعيد شوي

كان بعمري تقريبا قالت لي انه بيدخل دورت حاسب قررت ادخل معهم

طبعا تعرفت عليه وكان يعرف ابوي وعماني بس مو معرفه قويه


المهم عزمته بالبيت جاء وعشيناه وتعرفت عليه وصرت اطلع للبر معه يعني اصحاب

المهم عرفني باخو البنت  كان اكبر مني بثمان اشهر كان الولد مزيون بس انه مهستر

اخذت رقمه وايميله واراسله طبعا ماعمري جيت بيتهم لانه بمدينه ثانيه

بس بالاجازه فيه زواج عندهم اكيد بروح وممكن نطول هناك

في الوقت الحالي 

اتراسل معها بالمسن وتركت المنتدى ما ادخله الا بالشهر مره

اسمهت ما عرفته الا من 3 اشهر
انتهى كلامه


حاليا نك الولد فاتح الرسايل الزوار واكيد الي عرفهم بيلقى الرسايل 
اي صح فيه كذا عضو وعضوه يعرفون انهم يحبون بعض

والبنت للحين تدخل المنتدى << عسى ما تطيح علي تكشفني ناشر القصه

دعواتكم لي ولهم والجميع بالتوفيق بالاختبارات

سامحوني ع الاطاله بس حبيت اغثكم فيها


نشوفكم ع خير

تحياتي / جريح


b.r.m.r ©؛°¨غرامي متألق ¨°؛©

اموووووت واعرف مين هم >>>>>>>>>>>>>> ترى بطني بتوجعني اذا ما عرفت

>>> لقاافة



ههههههههههه بس ونااسه في قصة حب في منتدانا ............................ بس ما انصح انها تستمر



اذا قدرت يا صاحب الموضوع تقوولي من هم يكوون احسن :) >>> ترى ما تقدر تنام بالليل


دمتم بخير .................... تقبل مروري اختك


اذا تعرف من هم لا تبخل علينا قوولي من هم .................... يلا سيوو

جريح الاشواق عضو موقوف من الإداره

طبعا اعرفهم بس ما يجوز اشهر فيهم


الرجال بيخطبها وانتي ما تنصحين انها تستمر!!


اسعدني مرورك اختي

قربك راحتي ©؛°¨غرامي مجتهد¨°؛©

اخس والله منتدانا مهوب هين
بس من هم
قول ولا وربي قرموع يهد البعير<<هع

اميرة سما ©؛°¨غرامي مشارك¨°؛©

يا سلاااااام ^^
الله يوفقهم يا رب

مـــلاك الكـــون ©؛°¨غرامي متألق ¨°؛©

اموووت واعرف من هم
الل يوفقهم انشاءالله

كبرياء.. الحمدلله عـ كـل [ حــال ]|♥~

انا ما تعجبني هـــــــــــــــــ الخرابيط

..


شواطئ الغروب ©؛°¨غرامي ذهبي¨°؛©



يسلموووووووووووووووووووو


امجاد البواسل عضو موقوف من الإداره

هههههههههههههههههههههههههههه حركات

صار العشق المنتديات زين اذا في السالفه خطوبه

ماشاء الله بس سبحان الله اللي خلت الاخ يرتبط بعمها

يالله نصيبها جاء عبر المنتدى

رغم اني اقول المنتديات تجمع فتره وتفرق اثاري لها بصمه عند البعض

تشكرلااااااااااااااااااااااار

غركْ زمآنكّ ●• ۋݓݛﮱَ ڴـبُريـِٱٱء ـٱلمبَدْع ٌ بَـحٌدْ ذٱتـْـ؍َ فِـنٌ べ

اوووووه حركات بتوفيق ويسلموو

أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1