منتديات غرام ترفيه غرام نكت - ضحك - وناسة - فرفشة مبروك للرجال تقدرون تحملون وتجيبون اولاد وداعآ للحريم الخبر من احمد ولد بريده
احمد ولد بريده ©؛°¨غرامي مجتهد¨°؛©


صبحكم الله با الخير

قبل كل شي لا تجلسوون الحين تقوول احمد ولد بريده انهبل ترااني اتكلم حقيقه انتم ماتقرون جراايد

قريت بصحيفة ايميلات - قال باحثون أميركيون ان الرجال سوف يحصلون قريباً على حبوب لمنع الحمل

يقولون إن ترى الرجال بيقدرون يحملون ووقتها ماعاد لكم سنع يالحريم يعني تصورو نفقد واحد من حقين منتدى غرام نسال عنه

يقولون والله انه المسكين يتوحم (( يتنسى ))على المنتدى تراه حامل خخخخخخخخ استغفر الله العظيم

عاد هالسعوديين يا الله لك الحمد والشكر الكروش من كبرهاا ما ندري عنهم إلا بالشهر السابع صراحة مادري ليش يوم قريت ذالخبر بالجريدة

تقل قلبت تسبدي

المهم خلوني أعطيكم سالفة الحمل هذي اللي صارت معي

السالفة الله يسلمكم كل يوم اطلع العصر لأقضي حاجاتي المتنوعة من شراء بقوليات ونشوياات للبيت

علشان اقول لاهلي عندي شغل واطلع من البيت وغير ذلك

اللي لاحظته اني كل ما اطلع العصر بالسيارة تبدى تسبدي تقلب وتحوم حتى ذاك اليوم قلبت تسبدي وحسيت بدووره برااسي

المهم قلت ياولد وش السالفة معقول ان المشكلة بالسيارة طيب ليش ما أغير السيارة

غيرت السيااره برضه نفس الشيء بالسيارة الثانية مازال الوحم موجود وكل ماله يزود

قلت ياولد وش السالفة

كل ماأركب السيارة وامشي شوي إلا لازم اسفط عند اقرب مسجد والله يكرمكم بالحمامات اقعد ارجع وبرواايه ثاانيه(أطرّش)

فكرت بحل وقررت آخر شيء اخلي معي كيسة فالسيارة لأنه أحيانا تقلب تسبدي بقوة فمايمديني أوقف

سويت فحوصات لي كاامله وعملت أشعة وتحاليل وبلاوي كلها تطلع لي سليمة

آخر شيء وصلت لقناعة برااسي أني والله العالم شكلي حامل ايه حامل لا تضحكون علي مالهاا تفسير ثاني

يعني بالله قوولو لي وش اللي يخليني اتوحم كل مااركبت السيارة وتسبدي تحوم وتقلب علي ثم اطرش إلا إذا كانت حامل

جلست افكر وش ابسوي ووشلون بقوول لأهلي أني حامل طيب إذا سألووني منهو أبوه وش أقول لهم

ياااادي الفضيحة هذا اللي ماعمل حسابه طيب الحين أنا وش يدريني عن الحمل وش اللي مفروض آكله واللي مش مفروض آكله

وبعدين لازم الأني اهتم بصحتي علشان اللي في بطني

واخزياة وش بيصير شكلي قدام الموظفين وأنا أدربي كرشتي قداامهم ولابس جزمة سح بدون كعب

فكرت إني اقاطع اخويياي بالاستراحة لان فيها اللي واحد يدخن واللي وواحد يعسل

ومثلكم عارفين ابدء ماعلى الواحد صحته وصحة الجنين اللي في بطنه وبعدين بيصير شين شكلي ألعب بلوت وسادح كرشتي جنبي

بديت اروح للأسواق وأدور لي فساتين حمل واجهز للمولوود ملا بس واجهز قمصان رضاعة

وبعدين لازم أجيب من ذيك الفساتين اللي مخابيها مشقوقة عند الصدر حقات الرضاعه

طيب عاادي إذا بديت أرضع ولدي اقدرر اني اقعد عند اخواني وعادي ارضعه قدااام ربعي بالاستراحة

ولازم آخذ إجازة أمومة أو أبوبة للنفااسى والتربيه

والله وناسة شهرين ما غير اتسدح اتبطح ولا زين اذا صارت ولادتي قبل اجازة الصيف بشهر اسحبها ثلاثة اشهر ونصف

صراحة اني حطيت هالفكره برااسي وصدقت اني صرت حامل واقول وش ذالوحم ماجاءْ من فراغ

كلمت امي من شاان تجهز لي مردود ونينخا وكموون ومرّة وحلبة وحلتيته

مثلكم عارفين الواحد لازم يهتم بنفسة بعد الولادة علشان مايواجة مشاكل بعدين مع ابو عيالة ويكرهني

المهم اتصلت على واحد من أعز أصدقائي بل هو صديق عمري

قلت له تعال عندي تكفى ابيك بموضووع ضرووري اوووي قال خير أن شاء الله عسى ماشر وش السالفه عطنا اللي عندك

قلت لامايصلح بالجواال نتكلم وبعدين ماقدر اطول انا بالجوال لان سمعت ان الإشعاع حق الجواال يضر بالجنين يسبب له تشووه خلقي

ضحك ضحكه قووويه وقال طيب بمرّك اليوم قلت تكفى ابيك ضروووري ولحالك تعاال لايجي معك احد

ويووم سكرت السماعه مادريت الا وخوويي جااي عندي في البيت قلت يالله خل نطلع شوي نتمشى من شاان اعلمك بالموضووع

المهم ركبناا ما امداصديقي يمشي شوي الا أنا قايل له وقف وقف وقف

وقف صديقي بسرعة نزلت من السيارة وجلست أطرّش وهو يسألني وش فيك ياحمد ولد بريده عسى ماشر

قلت أبد هذا الموضوع اللي انا متصل عليك وابي اكلمك عنه قال خير ان شاء الله وش فيك قلت شف تراني داخل على الله ثم عليك

اذا ماساعدتني فترى مستقبلي رااح انتهى وانت السبب

قال وش فيك احمد قلت أبد سلامتك شكلي أنا حامل ولاادري من هو أبوه فابيك تقول انك انت ابو الولد ونستر على هاالفضيحة

رفيقي ماات من ضحك قال لي وش تقول انت صااحي انت والا بك بلى بالله عليك فيه رجال يحمل

قلت أيه أنا قاال اجل وش رااج تسميه

قلت حااس انك ناوي تتخلى عني من اول مصيبه قال هيه انت وش اللي اتخلى عنك انت مهبول فيه رجال يحمل

قلت له طيب وش هذاا اللي فيني قال وش فيك يا احمد عسى ماشر

قلت وش ذالتطريش وحومة التسبد اللي تجيني كل ماطلعت عقب العصر تجيني ها الحااله قال طيب خل نحاول نكتشف السبب

قلت له سويت تحليلات كااااملة من إلى كل شيء سليم

الحمد لله ان صديقي طلع عاقل مو مثلي قال لي متى تحس بالوحم بالضبط قلت بعد العصر

قال لي دايم يجيك هذاا والا أحياناً قلت لا أحياناً قال متى يعني

قلت كل مااركبت السيارة قال طيب كل ماتركب السيارة قلت لا أحياناً يجيني وأحياناً مايجيني

طالع فيني وأظنه بدأ يعرف يشخص حالتي قال أييييييييييه الساعة كم الحين قلت 4 العصر

قال طيب الحين انت تحس بشيء

قلت لا قال طيب الحين احنا عقب العصر وركبين السيارة ليش ماتحس بشيء قلت والله مادري يمكن ان الحين الجنين تحرّك وراح الوحم

قال طيب اسمع الحين بسوي حركه فيك يوقف السيارة على جنب

وشف اذا حسيت بدوووخه وتبي تطريش على طول طلع راسك برى سيارتي قلت تم

وبعدها قف صديقي على جنب ثم شغل لي الام بي سي اف ام واول

ماسمعت الا وحدة تقول معاك نهههههى من القصييييم

وأهديها الى بعد عمري مراام في الرياااااض وعبير في القصييييم وحبيبتي وعد في باالطايف

ما أمداها تكمل الاهدااء الا انا اقوول أععععععععععععععععع وكل فطوري لمدة اسبوع كامل طالع برى

قفل على الرادو فرجعت طبيعي فتح الرادو مرة ثانية الا أسمع معاك مووضي من تبوووووك وأهديها الى سرااب دنيتي

في ابهاا وأقول لها انتي بعد قلبي ولا يهمك ترى النااس كلها برى قلبي وانتي اللي متربعه فيه

ومن سمعت كلامهاا على طول أنا أععععععععععع الاني مطرش كل شي اكلته

قال بس الحين عرفت علتك ليش تطررش من ذاللي يتصلون

نااظرني وقام فتح الرادو الا وحدة تقول أطلب أغنية ياغايب عني ليش ماتسال وأهديها لامي وابوي

المهم انهاا قلبتها مياعة وقامت تعفط خشتها بالحتسي تقل عنز تعلك لها باغة (والباغة باللغه العربيه هي كيسة اللحم )

وأهديها الى حبيباتي اريج وعشقي الاول والاخير ارووى واقول لها ترى حبك ذكرى تدق في ناقوس النسيان

أنا كالعادة مافيه جديد

وعععععععععععع مدري وش بقي ذالمرة طلع مصااريني مابقي في بطني شيء ابد اني أطرشة (أرجعة)

قلت لصديقي بالله وش الحل مهوب معقول

انحرم كل يوم من الرادو علشان ذالماصلات الماصخات قل طيب شف مالك الا على قولة المثل الصيني ( داوها بأللتي كانت هي الداء)

قلت طيب وشلون اداويها قال أبد ماعليك الا انك أتصل على الاف أم وسو لهم أهداءات بس لازم انك تميلح عليهم وتعفط خشتك

قلت والله فكره هات خلني أجرب

واجيك وأخذت الجوال ودقيت على اذااعة الام بي سي اف ام رد علي المذيع المزيون أحمد الحامد على طول أنا خشيت الدور

قلت له مسسسسسساء الخييير معاك حمووودي الحلو أنا احبك أحمد مرة مرة وانا (قولوها بدلع)

أول ماسمع أحمد الحامد صووتي ماسمعت الا انه يصفق ويصوّت للي عنده بالاستديو موجدين

يقول لهم تعاالو يالله ياشباب تكفووون تتطريش جماعي

صراحة اني بعدهاا والله اني كسرت خاطرروحي ودريت أن الدعوة يبي لها قلة حياء وميااعه

الحين انا بسأل ذاوولي هلي يتصلن على أذاعة أم بي سي أف أم في برنامج مايطلبه المستمعون

ويتميلحن على الهوااء مباشره مايدرن أن فيه ملايين من الخلايق على مستوى العالم كله انهم يسمعون الاذاعة


حيــــــــاتــيے ورد ©؛°¨غرامي فعال ¨°؛©

هههههههههههههههههههههههههههه
الحمد لله ع السلامه ..
ويتربى في عزك ..
يسلموووووووووووو ع الطرح ..
من جد حنا يالبنات يرتفع ضغطي منهم فما بال الرجال ..

عواآآآآآآآآآآآآآآفي ..

لاتغرك الضحكه؟ لي مع المقفين قلباا سكني(الله يرحمك)

هههههههههه حلوه

عوافي

///// ©؛°¨غرامي نشيط¨°؛©

ههههههههههههههههههههههههههههههههههههههههههاي

حلووووووووووووووهـ

بس لاتنسى تعزمنا على التمااااااااااايم

ههههههههههههههههههههههههههههههههههههههههههههههه

"أم سيرين" ©؛°¨غرامي نشيط¨°؛©

هههههههههه
ذحين هاذا كلة عشان المذيعات
يعطيك العافية

اعشق جنوني ©؛°¨غرامي مشارك¨°؛©

هههههههههههههههههههههههههههههههههههههههههههههههههه ههههه >>يتربى في عزك
يعطيك العاافيه >في بعضهم تتمنى تقفل ابو الراديوو
ننتظر جديدك


حلاتيــ بغلاتيــ ©؛°¨غرامي فعال ¨°؛©

ههههههههههههههههههههههههههههههه

رووووعـــه

R.a.Hrbia ©؛°¨غرامي جديد¨°؛©
























الله الحييين كل ذآآ عششـآن المذيعـآآآت =o

يععععع بـ صصرآآحه أنـآ أحب يدي وجه وقفـآآ حمدلله مـآني مـآيعه > يرحم أمك يَ العربجيييه ,,

ششسمه عوآآفي ويتربآآ بـ عززك ,,

وبعد أييه وشش سميته ؟؟! > أقول تلآيطي بسس ,,


ودي لك ::. R.3.7RB ,,




,,,



<هدوء الليل> ©؛°¨غرامي متألق ¨°؛©

ههههههههاي يتربى في عزك يارب
يسلمووو


؛؛ لــحن الـ غ ـروبـ ؛؛ عضو موقوف من الإداره



ههههههههاي يسلموو ع الموضوع حمووووووودي انا اتميلح عشان يرجع لك الوحم من شان طرش نعم طرش تستاهل من شان تحسون بمعاناة الحريم
واذا الله رزقك بنوته سمها لمار مبرووك هههههه
عوافي



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1