غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-06-2011, 10:26 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
Uploadfef5c031fd رواية على عتبة الصمت / بقلمي


بسم الله الرحمان الرحيم

السلام عليكم ورحمة الله وبركاته


اللهم صلي وسلم على محمد وآله الطاهرين


المقدمة

أتيت لكم مع زهره من غصن شجره أناملي في منتدى غرام سأنشر عبيرها وعطرها الفواح بين يديكم


قطفت لكم من بوح خواطري وكتاباتي زهره وكتبتها بقلمي ومن واقع عالمنا الذي يحمل بين طياته مشاعر فرح +حزن +ألم +سعادة +صداقه +فراق +حب


ولم أقل أن الحب أخر طيه بل هو أول طيه في عالمنا حبُ مجنووووون هكذا أسميته


ولابد أن يتخلل حياتنا ما أسميناه بالحب بل لابد أن يدخل في صفحات التاريخ


وليس معنى أنني تكلمت عن الحب سأقتصر روايتي عليه لا ولكن أحببت أن أعطي رونق يفيض من زهرتي شعاع براق


وتقف زهرتي برهة لتعرفكم على واقعنا المرير في الوقت ذاته
واقعنا ملئ بصراعات كثيرة كما يوجد به الخير لا بد من وجود الشر والظلم والانتقام فليس جميع البشر ملاك بل هناك من يسمى ابن الشيطان


واقع يملئ الحياة ظلم وسواداً حتى يقطع أوصال الرحمة والخير من قلوب البشر....




1)إهداء:

لنور حياتي أمي وأبي
وأشكرهم لدعمهم لي كل الشكر


2)إهداء خاص:

لــــــ abn abd al _ aziz


*حقوق الكاتبة محفوظة لـ d.a.k





بسم الله أبدا معكم:
البارت الأول
.........................


يا الله ما هذا الظلام الموحش أين النوووور ما هذا العالم الغريب عالم يملئه السوووواد أنني لا أرى شئ غير الظلام.... ظلام في ظلام



يااااه ماهذا الألم جسدي نعم جسدي يالله ماهذا الألم فتحت عيناي ببطء يالله ماهذا الضوء اللذي يضرب بعيني أغلقت عيني ثم فتحتها من جديد لأرى وضعت يدي لأحجب ضوء الشمس القوي رفعت جسدي ببطء لأرى العالم من حولي دقائق مرت وانا مشتته البال والفكر أغمضت عيناي وفتحتها من جديد لعلني أحلم ........


لا أنها حقيقة ماهذا المكان الغريب لا لا لا وقفت على قدماي بسرعة أحسست أنني سأقع أرضا
أريد شئ لأستند عليه لا يوجد شئ هويت على الأرض أبكي قدماي لا تحملاني راسي يؤلمني رفعت رأسي إلى السماء ونطقت بذل وخضوع بصرخة تتردد من حولي يااااااااااااااارب........


وقفت مره أخرى وأنا أسند يداي على الأرض وقفت ببطء وازنتُ قدماي لكي لا أقع مشيت خطوة تلوى
الخطوة وأنا تائهه كالطفل الرضيع الذي يصرخ عطش لحظن أمه لا أعلم أين أذهب هل أتجهه يمين او شمالا احسست بدوار راسي لا أستطيع مواصله السير أكثر



لاكنني أرى نووووور من بعيد يااااااارب مالي غيرك ساعدني كي أصل لذالك النوووور
واصلت المسير وانا تائهه مالذي أوصلني إلى هذا المكان ........

واصلت المسير لا أعلم كم من الوقت استغرقت لأصل لمرادي هل لدقائق أو ساعة او ساعات لا أعرف لكن أريد الوصول إلى ذلك النووور البعيد ومع مرور الوقت بدأت الشمس بالمغيب وانا أواصل السير بداء الخوف يتسلل إلى قلبي

أسرعت من خطوات مشيتي لأصل لذالك النور أسمع أصوات غريبة من خلفي تلفت يمين وشمالاً لا أرى أي شئ أغمضت عيناي بقوه بدأت أجري خوفا من تلك الأصوات وخوفا من حلول الظلام وأنا لم أصل ..............


من شدت خوفي ورعبي تعثرت في كومه من الحجارة رفعت جسدي بسرعة وألم ركبتي يزيد وقفت وأنا أجر قدمي التي بدئت الدماء تسيل بكيت بقوه وأنا أردد يارب رحمتك يارب .......


جريت بأقصى ما أملك من قوه حتى بدا لي ذلك النور منازل أراها من بعييييد منازل تبدوا لي صغيره الحجم

واصلت المسير حتى حل الظلام مررت على عده شوارع بعد أن قطعت مسافة كبيره لا أعلم كم تقدر من كيلوا مترات تلك


يبدوا أنني دخلت حدود منطقة سكنية بدأت تلك الشوارع توضأ من أنوار عاليه الطول تعديت تلك الشوارع وأنا أرى القليل من السيارات تسير فيها ........


واصلت المسير حتى وصلت إلى أول منزل رأيته في طريقي وأنا أشعر بالعطش الشديد صعدت درجات ذلك المنزل ببطء وضربت الباب عده مرات بيدي المرتجفة


لم يأتي أي شخص لفتح الباب لي لا لا قدماي لن يستطعا حمل جسدي أكثر ضربت الباب بقوة أكبر حتى سمعت صوت أتاً من بعيد سائل من خلف الباب أردت الصراخ بكلمه أنا ولكن خانني لساني لم أستطع النطق سمعت مره أخرى : من خلف الباب .......

وفتحت الباب أمراءه في الثلاثينات من عمرها ما أن رأيتها حتى تهلل وجهي وشعرتُ بالأمان فهويت بقوه على عتبه باب المنزل فاقده الوعي.........................



************************************************** *************************************
جالس يتقهوه بالصاله مع عياله بعد صلاه العشاء......



أبو خالد: وش صار على البنت يا أم خالد؟
أم خالد: من ربع ساعة تركتها على حالها
دخلت جنان: السلام عليكم
ذهبت وقبلت رأس أبيها وجلست بجانبه
أم خالد: بشري يا بنتي
جنان: والله يا ماما على حالها بس غيرت ضماد رجلها
أبو خالد وهو يضع يده على كتف بنته : يا يبه البنت أمانه عندنا خلي بالك عليها
جنان: أكيد بعيوني بس في شئ أنا مستغربه منه
أم خالد بخوف: وشو يابنتي ؟ خوفتيني؟
جنان بسرعة : لا لا تخافي بس يعني وجودها هنا غريب ولوحدها
خالد: أي حتى أنا أقول يمكن لا سمح الله ورها قصة ولا شئ وننبلي معها
أبو خالد: لا يبوك لا تظن بناس ظن السوء ولا أسمعك مره ثانيه تقول كذا
خالد: أسف يبه بس أنا مو مرحب فكره وجودها عندنا لازم نبلغ الشرطة وهي تغرر وين تبغى
أبو خالد: لا تستعجل يا ولدي حنا بس ننتظرها تفيق ونعرف قصتها وإذا ما تحتاج لشرطة حليناها من دون ما تكبر وإذا لابد من تدخل الشرطة راح نخبرهم بس يابوك الصبر زين
خالد: حاظر يبه إللي تشوفه
جنان: والله مسكينة كاسره خاطري بس أموت وأعرف وش جابها لهنا وبذا الوقت يعني مع أذان المغرب شئ غريب وهم محير بس ماني قادرة أصبر ليما تفيق
خالد أبتسم مع ضحكة خفيفة: هههههه بدأت اللقافة تأخذ مجراها
جنان رمت الخداديه عليه: سخيف.....


..............................


بيت أبو خالد(فيصل) + أم خالد (ساره)
أبو خالد ضابط في الشرطة
أم خالد ربه منزل
خالد23سنه يدرس بالكويت أداره أعمال
عريض الأكتاف قوي الجسم ملامح عربيه أصيله وجه طويل وأسمر عيون سوداء حالكة السواد جسم رياضي بلا شك
طويل القامة ووزن مثالي للغاية
نوره 21سنه ماتحب الدراسة خلصت ثانوية وفتتحت مشغل نسائي لتجميل متزوجة ولد عمها (مشعل) نحيفه الجسم مناسب لطول قامتها صافيه البشره
جنان20 سنه بالجامعة ثاني سنه تخصص لغة عربيه
ممتلىء الجسم ومتوسطة الطول حنطيه البشره
مازن13 سنه بأول متوسط ملامح حادة شبيه أباه من راءه أطلق عليه (فيصل الصغير) طوله مناسب لعمره ومحب لكره القدم من صغره


.............................



الساعة 11:30 بالليل



جنان جالسة بالغرفة على جهاز اللابتوب وتعمل بحث طالبه دكتور الجامعة وكلها فضول تعرف وش حكاية هالبنت مشتته العقل كل 5 أو 4 دقائق ناظرت البنت ورجعت تكتب وتبحث على الانترنت

تحركت البنت بتعب شوي وصدرت بصوت ضعيف وواهن: آآه
جنان لفت رأسها بسرعة عليها ثم رجعت وقالت: لا صرت أتوهم من كثر ما انتظرتها
البنت تحركت حركه بسيطة من ما أصدرت صوت ونطقت بصعوبة: يمه..... يمه
جنان وضعت اللابتوب على جنب وقفزت من على السرير : لا ما توهم
وجلست جنبها على السرير البنت تتحرك ببطء وتنطق يمه .... جنان بفرحة : أنتي صحيتي......حطت أيدها على جبين البنت رأته ساخن رفعت يدها بسرعه: ـأوووووه حرارتها نار
البنت بكلام متقطع : يمه ..... أبقى مااااي ماي
قامت جنان بسرعة وخرجت من الغرفة بتروح المطبخ مرت جنب غرفة أمها وشافت الباب مفتوح دخلت وشافت أمها تقرى قرآن : يمه البنت جلست حرارتها نار بروح أجيب لها ماي روحي عندها
أم خالد غلقت القرأن إلي بيدها : الحمد الله لك يارب روحي يابنتي وأنا بسبقك
طلعت أم خالد لغرفت بناتها وجلست جنبها وحطت أيدها على جبين البنت وجلست تقرى عليها آيات من القرآن الكريم لعل يهديها دخلت جنان وأعطت أمها كاس ماي وشربتها شوي
جلست البنت على السرير بعد ما بللت ريقها من جفاف حلقها: وين أنا
أم خالد: في أمان يابنتي في بيتي ارتاحي
البنت رجعت وقالت: وين انا
وكأن ذاكرتها تجاوبها وسترجعت وش صار وكيف وصلت لهنا وأخر شي لما شافت الأم الطيبة وبعدها أظلمت عليها الدنيا
جنان: أنتي كيف وصلتي لهنا
البنت لفت وجها عليها وكان توها تنتبه لها
أم خالد غاضبة: جنان موقته
جنان بترقب للبنت
البنت بعد ما أشعرت بالأمان بكت وحكت لهم كيف جلست من ظلام عميق ووجدت نفسها بمكان غريب لين وصلت لهنا وبعدها ما تذكر غير وجهه أم خالد الطيبة الحنونة
أم خالد حضنتها: بس يابنتي لا تبكين أنتي عندي بأمان لا تخافين أنتي في بيت أمك الثانية
جنان مبهوته: يعني جلستي رأيت نفسك بصحراء
البنت وهي تبكي: ماعرف أنا جلست رأيت نفسي على الرمال ........ أبقى أمي
أم خالد: أعتبريني أمك يابنتي لا تبكي قطعتي قلبي... جنان لا ضغطي على البنت خليها ترتاح
بعد ربع ساعه من البكي هديت البنت
جنان مسكت يد البنت:قومي معي غسلي وجهك
البنت ناظرتها جنان: لا تناظريني كذا يلا قومي
وقفت البنت ببطء وسندتها جنان ودخلت معها دوره المياه الله يكرمكم وغسلت لها وجها وطلعت معها
جلستها على السرير
البنت ناظرتها بامتنان: مشكورة
جنان جلست جنبها: العفو ماعملت شئ بس ها لا عاد تبيكين
البنت مر شبح ابتسامه على شفتيها
جنان: أي كذا ألا ما قلتي لي وش أسمك؟؟؟؟؟
البنت ناظرت يديها ثم رفعت رأسها بسرعة كأن تذكرت شئ : أأأأأأأأأأأأأأأأأأأ ماعرف (ورددت) ماعرف
جنان: كيف ماتعرفي؟
البنت حاولت تتذكر وحاولت عصرت مخها ما ذكرت غير أحداث البر: أممممممم مو ذاكره غير أني جلست ببر وجيت لهنا
جنان: أها طيب وأهلك ماذكري عنهم شئ
البنت: أهلي !!!!!!!!
دخلت أم خالد وبيدها صينيه أكل وحطتها على طاوله وجابتها جنب السرير: جنان لا تكثري أسئله على البنت خليها ترتاح
البنت: بس جد أهلي وين وأهلي مين؟
أم خالد تبقى تطمنها: يابنتي لا تفكرين بشئ الحين أكلي جسمك بحاجه لأكل عشان تصحي
جنان: أي لازم تأكلي عشان تأخذي دواء تخفض حرارتك
أم خالد حنت على هالبنت كثير وبنفس الوقت أعتبرتها أمانه وبنت من بناتها ولازم تهتم فيها ليما تروح عند أهلها


.................................................. .......



اليوم التالي



الصباح جنان ذهبت إلى جامعتها ومازن إلى مدرسته بعد ما فطروا
أم خالد + أبو خالد + خالد
جالسين على طاوله الفطور
أبو خالد: كيف البنت ياساره؟؟
أم خالد: بخير بعد ما أعطيتها خافض حراره
خالد: يمه أعرفتوا قصتها
أم خالد: أي يمه ...مسكينة ( وحكت لهم وش عرفت عنها)
خالد: معقولة كذا منا والطريق جلست وشافت نفسها بالبر شئ ما ينتصدق
أبو خالد: طيب أعرفتوا من بنته ؟
أم خالد: لا الله العالم أن فاقد الذاكرة
خالد بشهقه: وش فاقده ذاكرتها هه حلو حلو
أبو خالد ضرب ولده على كتفة : أعقل ياولد خل نفهم القصة وش تقولين ياساره؟؟؟
أم خالد: والله هذا تحليل بنتك لان ما تبقى ولا سؤال بخاطرها ما سئلت وأكلت البنت أسئله
خالد: هههههههههههه أخت أخوها عفيه عليها زين عملت
أبو خالد: وبعدين معك
خالد نزل رأسه احترام لأبوه
أم خالد: أهلها ما تذكر شئ عنهم ولا اساميهم ولا شئ حتى أسمها ولا تعرف هي بنت من كل إلي تذكرة جلوسها وهي بالبر
خالد: طيب ما اعرفتي من أي منطقه هي ولا أي بلد
أم خالد: أكيد سعوديه بس من أي منطقة ما تعرف
أبو خالد بعد تفكير: على حسب شغلتي نبلغ الشرطة وبعد ماتعرف الشرطة راح يعرضوها على دكتور وراح يعرف حالتها أذا فاقده ذاكرتها
أم خالد: طلبتك يا فيصل
أبو خالد: وش بك ياساره
أم خالد: بلغ عنها بس تخلي البنت عندي بصراحة دخلت قلبي وأعتبرها أمانه وما أبغى أتركها ليما أسلمها لأهلها
أبو خالد بعد ثواني من التفكير: ولك طلبك بس مجبور أبلغ عشان أهلها يمكن يدوروا عنها
خالد: هه وش عرفكم عن أهلها يمكن هم إلي رامينها ولا هي هربانه مع حد ورماها بعد ما عمل إلي يبقاهـ قلت لكم بّجر معها مصايب وحنا مو ناقصين بعدين تطلع بنت مجرم ولا بنت نصاب ولا سفاح ونبتلي
وقام معصب من طيبه أهله الزايده ووثوقهم بهالبنت وتعلق أمه فيها
وطلع برى البيت ركب سيارتها وحرك مسرع يبقى يهرب من واقع أهله

..........................................

دخلت أم خالد الغرفة وشافت البنت جالسة:صباح الخير بنتي
البنت: صباح النور
أم خالد: من متى جلستي؟؟؟؟
البنت: ما صار لي زمان
أم خالد: قومي يا بنتي تروشي كي تتنشطين وتصلي الفجر
طلعت لها ملابس من خزانة بنتها وأعطتها ملابس

بعد ماتروشت وصلت نادت لها أم خالد وطلعت برى الغرفة شافت أم خالد جنب طاوله الطعام : تعالي يابني فطري لا تستحين البيت بيتك
البنت: تعبتك معي خاله مايحتاج
أم خالد: لا لا قولي لي يمه الله العالم وش قد اعتبرتك وحده من بناتي ولا أنا ما أستاهل
البنت بسرعه: لا تستاهلي وأكثر........ وراحت جنبها وقبلت رأسها: يايمه
بعد مافطرت جلست جنب أم خالد تتابع برنامج بتلفزيون متردده تحاكيها أنتظرت ليما جابوا إعلان: يمه
أم خالد أبتسمت وحضنتها: هلا يمه..
البنت: أممممممم أنا فكرت بحالتي وما أبقى أضايقكم فا يعني حبيت أطلع اليوم كفايه جلست عندكم وتعبتكم معي
أم خالد: لا يابنتي لا تقولي كذا وبعدين وين تروحي؟؟
البنت: أمممم ما أعرف غير أني أبقى أروح أعرف مين أنا ومن أهلي ما يصير أجلس كذا
أم خالد: وين بتروحي؟
البنت بحيرة: ما حصلت غير مركز الشرطة !!!!!!!!
أم خالد: يا بنتي حتى أنا أبقى توصلي إلى أهلك سالمة وعشان كذا جهزي نفسك اليوم العصر بو خالد راح يأخذك وتروحي مركز الشرطة وفهميهم كل شئ
البنت بكت: يمه أنا أنا خايفة أن الشرطة ما تغدر تساعدني وألقى أهلي
أم خالد: لا يبنتي أن شالله بتلقيهم بأذن الله

************************************************** *************************************






بعد صلاه المغرب جنان طفشت: يمه وينهم مو كن تأخروا
أم خالد: لازم يابنتي الأجراءات راح أطول
جنان: بس مو كذا من العصر أحسبي كم أخذوا يمكن فوق الـ5ساعات
أم خالد: أصبري وش وراك.......
جنان: يمه خايفه يا خذوها وما يخلوها عندنا وأنا حبيتها وما صدقت حد يجي يسد مكان نوراا بعد ما تزوجت وتركتني
أم خالد: الله يهديك بس عشان كذا فكرتك جد كاسره خاطرك
جنان: لاااااااااااااااااااا والله جد راحمتها بس أبقاها ما ترووووح
خالد: الأخت ناويه تجلسها عله على كبودنا
جنان: بالعكس عسل على قلبي
خالد: ويا أختي المصون ما فكرتي لو وراها بلوه ولو كانت البنت خطر على المجتمع لو كانت أستغفر الله من ذا البنات وصاحبها رماها وأنتي المسكينة جلستيها ببيتك ولو كانت ......... ولو كانت ........... حطي براسك هذا الفاضي احتمالات كثير عنها مو على طول قلتي تبقيها عندك...........
أم خالد بجد عصبت من ولدها:وبعدين معك ومن قصصك لمتى بتفكر صح لا تظن يا ولدي بسوء
جنان فكت عيونها من حكي أخوها: ليه أنت تقول كذا والله البنت حبوبه حرام عليك
خالد عصب: لمتى بتبقوا كذا لمتى يمه أنا مالي شغل قلت لكم وأنتوا أحرار لا تقولوا بعدين انخدعنا.. هه.. حتى يمكن تمثل عليكم على قولها ماتعرف أهلها وضبطت الدور لاتصيروا كل شئ تصدقوه الزمن هذا فيه كل شئ جايز أبقوا على عماكم لين تجيب لكم المصايب وقولوا ماقلت وأنا مالي دخل فيكم أذا صار شئ
أقوووووووم أنووووم أحسن لي
وهو مار أخذ الخداديه وضرب راس أخته : فكي عقلك هذا ولا بس مشغلته علي تحريات فكيه...
الناس مو مثل بعضها لا تفكرينها مثلك وتعمين على قلبك فتحي ذا المخ لا تأخذي بكلام أمي وأبوي لان أعتقد من دخلت البيت سحرتكم كلكم
أم خالد:الله يهديك ياولدي الله يهديك.......
بعد ما طلع غرفته
جنان: يومه وشفيه ذا والله البنت مسكينه هو ماعرف حالتها وقط ذا الكلام أووووووووووف منه
دخل مازن وبيده الكره: هااااااااااي من تحشون فيه؟
أم خالد بغيض: وعليكم السلام
مازن: أحم ..أحم السلام عليكم......... وراح قبل راس أمه................. أسف يمه والله نسيت
أم خالد: هالمره بعديها لك وبعدين ليه كل هتأخير ماكن وراك مدرسة
مازن جلس بجانب جنان على الكنب: والله يومه أخذنا الوقت وما صار بدأنا الشوط الثاني إلا أذن العشاء وش نسوي بس أخ فازوا علينا والله ما أعديها بكره فايزين فايزين
جنان بشك: يعني ماصليت....
مازن أرتبك : هاااااااااا أي أي لا لا ........
حط رجله وقام طيران فوق قبل ما يجيه تهزيء من أمه وكلام من أخته وهو على الدرج: والله نسيت توبه والله أخر مره بروح أصلي


.........................................



ألقاكم با البارت القاااااااادم مع تحياتي لكم



*ملاحظة هامة :.
_ أعضاء منتدى غرام المتألقين دائما
أتيت لكم برواية من رواياتي المميزة وهذه أول طرح سأطرحه عليكم باسمي & بنت عبدالله & ( فجـــــــd.a.kــــر حياتي ) مؤلفه للروايات




*حقوق الكاتبة محفوظة لـ d.a.k



تعديل فجـــــــD.A.Kــــر حياتي; بتاريخ 10-06-2011 الساعة 11:16 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-06-2011, 11:40 PM
صورة bent alba7rain الرمزية
bent alba7rain bent alba7rain غير متصل
©؛°¨غرامي مشارك¨°؛©
 
الافتراضي رد: روايه على عتبه الصمت


الرواية رووعة
مسكينة البنت ،، بس ابي اعرف شسمها ؟؟! << متوقفة الرواية ع الاسم هع هع
اي واهم شي
خالد أبتسم مع ضحكة خفيفة: هههههه بدأت اللقافة تأخذ مجراها
ضحكني ،،

~

بانتظارج مع البارت الثاني يا مبدعة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 12-06-2011, 05:53 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايه على عتبه الصمت






بسم الله الرحمن الرحيم





نورتِ القسم بـ أطلآلتك
أطلعي على القوانين

القوانين ، تحديث جديد ؛

موفقه بطرحك





~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-06-2011, 10:17 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
Upload80df0fa5d4 رد: روايه على عتبه الصمت


اقتباس:
المشاركة الأساسية كتبها bent alba7rain مشاهدة المشاركة
الرواية رووعة
مسكينة البنت ،، بس ابي اعرف شسمها ؟؟! << متوقفة الرواية ع الاسم هع هع
اي واهم شي
خالد أبتسم مع ضحكة خفيفة: هههههه بدأت اللقافة تأخذ مجراها
ضحكني ،،

~

بانتظارج مع البارت الثاني يا مبدعة


الأروع أنتي أختي ولأروع تواجدك بروايتي

نورتي
ولأجلك راح ينزل البارت الثاني

بصراحة أسعدني ردك كأول متابعه شكراً
أختك: فجـــــــD.A.Kــــر حياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-06-2011, 10:21 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
الافتراضي رد: روايه على عتبه الصمت


اقتباس:
المشاركة الأساسية كتبها على شاطئ النسيان مشاهدة المشاركة



بسم الله الرحمن الرحيم





نورتِ القسم بـ أطلآلتك
أطلعي على القوانين

القوانين ، تحديث جديد ؛

موفقه بطرحك





~
شكراااااااا أختي

نورتي روايتي

جااااااري الأطلاع ..........


أختك: فجـــــــd.a.kــــر حياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-06-2011, 10:30 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
11302798240 رد: روايه على عتبه الصمت / بقلمي


البارت الثاني



كنت جالسة بغرفه انتظار النساء
وانا أذكر فضل بوخالد علي حتى ما يعرفني وعمل لي أشياء كثيرة الحمد الله في ناس لسا طيبه باقيه بذا الدنيا الحمد لله حتى ما ضايقني بكلمه طول المشوار وهو يدعيلي ألاقي أهلي والله أني خجلانه كيف أرد له هالجميل هو وام خالد فتحوا بيتهم لي عاملوني كبنتهم وأحسن ماراح أنساهم لا دنيا ولا أخره
سرحت شوي وأنا بحيره مين أنا وكيف صرت مرميه بأرض خاليه لا هويه ولا شئ ما أعرف عن نفسي شئ طيب أسمي هل معقول أنولدت دون هويه أو دون أم أو أب مو معقول أكيد عندي أهل طيب وينهم ليه ماسئلوا عني صرت غايبه يومين عند ذا الناس الطيبه ليه يقول الضابط ماجا بلاغ اختفاء بنت ليه أهلي ماسئلوا عني ليه ؟؟؟؟؟؟؟؟كيف يصير كذا
قطع سرحاني صوت أمراءه عجوز وضعت أيدها على كتفي: يا بنتي......
لفيت عليها وانا تو أنتبه لوجودها: نعم خاله؟
العجوز: فيك شئ يابنتي لونك مخطوف عسى ماشر مريضة.....
البنت: ماشر بس تعبانة شوي
العجوز: أي يابنتي الدنيا بلا فإذا ابتليتم فاصبروا

آآآآآآآه كلام ذا العجوز ضرب على وتر قلبي كأن تعرف قصتي مالقيت غير السكوت ما أعرف وش أقول سمعت صوت عمي بوخالد خارج قرفة الانتظار وكأن الله جابه ينقذني من ذا الموقف وقفت : مع السلامه ياخاله
وطلعت بسرعة هاربه حتى مانتظرت ردها علي
واجهت بوخالد عند باب الغرفة منزل رأسه وأول ماوقفت قدامه : يابنتي الدكتور ناداك طلعت نتائج التصوير بس قبل ما تدخلي على الدكتور خلي أيمانك بربك قوي ومهما صار أنتي بنتنا لاتفكري راح نتخلى عنك أنتي عندنا بأمان وثقي أنا وخالتك أم خالد بيدنا راح نسلمك لأهلك لاتخافي



مشى قدامي ومشيت وراه وأسمعه يردد آيات من ذكر الله بصوت خافت ما أخفي عليكم كلامه ريحني وطمني بس لسا خايفه من نتجة التصوير وصلنا غرفة الدكتور
لاقينا الممرضة تنتظرنا عند الباب فتحت الباب ودخلت
بعد ما سلم بوخالد على الدكتور
سمعت صوت الدكتور مرحب في بوخالد وقف له أحترام جلس بوخالد وأنا بعدي واقفة مكاني خافضة راسي وأناظر بالأرض خايفه من كل شئ حولي نطق الدكتور بصوت جهوري: تفضلي أختي ليه واقفه
صوته أرعبني صوت واثق موجه لي
من خوفي جلست بسرعه جانب بوخالد وكأن أحتمي فيه
أي صرت أخاف من كل شئ مدري الحياة خلتني أعيش برعب بذا اللحظات صرت أخاف من كل شئ وما حصلت السند ألا من بوخالد وأستمد طاقتي منه
بوخالد حس بخوفي وكلمني بصوت أشبه بالهمس: أستهدي بالله يابنتي ولا تخافي أنا معك
الدكتور أبتسم وكأن فهم وش يصير قدامه من موقف جاته الفرصة لرمي قنبلته دون الاكتراث لما سيحدث: ياأختي حنا متفهمين لحالتك وعارف أنك واثقة ومتأكدة أنك فاقده الذاكرة تماماً.........
\
\
\
\
\
\
\
رفعت راسي بسرعة واندهشت بقوووه
لا لاتعتقدون اني ماكنت أدري لا عارفة من قبل لا يصرح كنت فاهمة مستحيل يقول مافقدت ذاكرتي لان من سابع المستحيلات اصلا ماراح أصدق لان أنا موذاكره شئ فكنت عارفة
إللي دهشني من إللي قدامي فكيت عيوني بقوة مو عشان كلام الدكتور من إللي شفت قدامي طاقم من 5أطبه 3 رجال و2 نساء وضابط إللي كان جاي معنا من المركز الشرطة جالس مقابل بوخالد والممرضة واقفه أنا تو أشوفهم من دخلت الغرفة مارفعت راسي عارفة وش بيواجهني بس ماتوقعت كل هناس عشان يقولوا فقدتي ذاكرتك تكلمت بصوت ضعيف بس واثق: أنا مؤمنة بقضاء ربي وفقدان ذاكرتي متأكدة منه 100%
.........نزلت راسي بحزن..... مو معقول ماعرف مين أنا ولا مين بنته هل من الممكن نولدت من العدم هل من الممكن بنت بعمري ما تعرف من هي شئ بديهي فقدت ذاكرتي..................ما استطعت أن أتحمل أكثر وأكتم بقلبي البكاء إلي من وصلت المستشفى وأنا حابسته بصدري وقفت وطلعت خارج الغرفة بأكبر خطوات عندي صادفت كراسي بأخر الممر جلست وغطيت وجهي بيديني وصرت أبكي وأطلع كل إلي بقلبي من كتمان



.......................



داخل غرفة الدكتور الكل مدهش من تصرف البنت ألا الدكتور ماهر أسند ظهره على الكرسي بارتياح وكأن هم أخبار الفتاه بفقدان ذاكرتها كان هم على قلبه ونزاح لان بمشواره الطبي واجهه صعوبة في أخبار المريض وخاصة للفتيات أكثر من حاله استعسرت عليه كيف يوصل الخبر لهم من نظريته من السهل أخبار أهل المريض ولاكن أخبار الفتاه بمرضها شئ لاقى الصعوبة فيه لا يستطيع مواجهه الفتيات بحقيقة المرض ولكن يستطيع مواجهه الذكور......... ولكن لماذا؟؟؟؟؟ (راح نعرف مع أحداث الروايه)
لكذا أتئ بأمهر أطبه من قسمه
لكي يرمي القنبله في وجهه الفتاه ويأتي دور الأقناع والمناقشات مع الفتاه من أطباء قسم الأشعة والتصوير في تصوير حاله المرض وحقيقته



..............


الساعه 10 صباحا



سمعت صوت جنان وهي تهز أكتافي: ياهوووو وين سرحتي
البنت: هاااااااا
جنان: هههههههههه صار لي ساعه أناديك وين وصلتي
البنت: لا ...ولا شئ وش بقيتي؟؟
جنان: كنت أفكر وأقول راح تظلي بدون أسم وش رايك نفكر وش نسميك!!!
البنت ابتسمت تخفي الألم إلي بداخلها: فكره مش باطله مش أنا راح أجلس عندكم ليما ألاقي أهلي كذكره منك أنتي أختاري لي أسم
جنان بتفكير عميق:أممممممممممممممم فكري معي
البنت ضحكت عليها من قلب وكأنها تحل مسالة رياضيات: هههههههههههههههههههههههههه
جنان: وش فيك؟؟؟
البنت: هههههههههههه ولا شئ
جنان قفزت بفرحه:ياااااااس لقيته يوم أمي كانت حامل بمازن تقريبا كان عمري 8 سنين تمنيت أمي تولد بنت وأسميها فجر بس بعدها تحطمت يوم ولدت بولد وش رايك نسميك فجر؟؟؟؟؟؟؟
البنت: حلوووو أذا كان منك ياأحلى جنون
جنان قفزت عليها وقرصت خدودها: يوووووووووومه فديتك والله...... ياربي ليه ماعطيتني هالأخت من زمان
البنت: هههههههههههه خلاص أسمي فجر فيصل الـ..........
جنان: حتى أسم أبوي سرقته ههههههههههه
البنت: هههههههههههههه
جنان: أي ضحكي ترى أنتي كذا أحلى خلك دايم كذا لاترجعي عبوسه
البنت: اللحين أنا عبوسة هاااااااااا
جنان بهدوء وهي تناظرها: بصراحة وبدون زعل..... أي
فجر(منذ أحداث هذا المقطع ستكون فتاه البر كما أسماها خالد سنطلق عليها فجر)
فجر رفعت الخداديه ورمتها على جنان ردتها لها جنان وبداوا بالمضاربات جنان تضحك على فجر لان جاتها الظربة في راسها
فجر: وين بتهربي وراك أنا............ولحقتها
جنان ناظرت حولها حصلت المفر خارج الغرفة
طلعت ركض ولحقتها فجر وبيدها الخداديه نزلت جنان ركض على الدرج لحقتها فجر وصلت عند بدايه الدرج وعرفت أن ماراح توصل لجنان بسرعه لان ألم ركبتها لسا مازال رمت الخداديه من فوق بأقوى ماعندها لعل تظرب جنان
تراجعت وهي تضحك لان سددت الضربة عليها وقفت رجليها للحظات عند ما سمعت صرخة مدويه لرجل بعصبيه: من ذا الأهبل والبزر إلي رماها
جنان واقفه خلفه وهي تناظر الخداديه بيده: خالد!!!!!!!!
خالد بصوت أعلى: لا موخالد وش شايفه قدامك وبعدين من ذا قليل الذوق إللي رماها علي
جنان أرتبكت: أأأأأأأأنا
خالد: جنانو مو رايق لك مو فاكرتني مازن بتمشئ عليه كم حركة.......(وصرخ)..... أنطقي مين إللي ماتربى أنا أربيه أذا ماعرفت أمه تربيه؟؟؟؟؟؟
جنان أنقهرت من أخوها ومو عارفة تهدي الوضع وأرتبكت:هاذي فجر بس أكيد ما كانت تقصدك كانت قاصدة ترميها علي
خالد بعصبيه وضرب راسها بالخداديه: تستهبلين علي أنتي مين ذا الفجر ولا ستحويتيها من خيالك
جنان وكأن تذكرت: فجر البنت إللي إلللي....... ......ما عرفت تقول شئ من عصبيه أخوها نست كل شئ
خالد: أها قولي من البداية فتاه البر هه هذا من بدايتها جت واستحلت بيتنا وسحرتكم وأأخرتها ترمي علي ذا بكره وش بترميني فيه لا يكون رشاش.............
(عصب أكثر وبصوت صراخ أكبر عشان تسمع موجهه لها)...........

لا يماما أذا أنتي فاكره مشيتي سحرك عليهم كلهم أنا ما راح يمشي سامعه يا بنت الناس هه يمكن حتى أهلك ما يريدوا يذكروا سيرتك
مدري وش جبتي ألهم من مصايب ورموك
جنان ماقدرت تسكت أكثر وصرخت بقوة وبكت : جد أنت أخوي الكبير بس ما أقدر أشوفك تغلط وأسكت البنت أشرف من ما تقول سمعت (وحطت يديها على صدره وبقوه قهرها وحقدها على كلام أخوها القوي بعدته عن طريقها بأقوى ماتملك وصعدت الدرج ركض)
خالد كان جاي يرتاح من بعد سهره مع أخوياه التعب عنده موصل للأخر يبقى ينااااام وهو وقت نومه لحد يقرب منه قنبلة مؤقتة لتفجير بأي وقت طلع معصب من المنزل بكبره لعل يلقى مكان مريح ينام فيه




.....................................




في مكان ثاني وبنفس المنطقة عائله راح نتعرف عليها معكم




أم فهد: قوم ياولدي قوووووم
فهد:أأأأأأأأأأمممممممممممم
أم فهد: قوم شوف الساعة تأخرت ياولدي ييلا
فهد:طيب طيب......
أم فهد: ذا أخر إنذار لك أن ما جلست مجبورة أتصرف معك تصرف ثاني
فهد جلس على السرير: لا كل شئ ولا الغالية تزعل خلاص جلست..............
أم فهد: أي أكذب علي بكلمتين ما كن جننتني كنك بزر أصحي فيك قوم يلا أشوف
فهد:حاضر قمت...........وقف بعد ماطلعت أمه من الجناح تأكد من عدم وجودها راح وقفل الباب وراها وهو معصب
فهد بصرااااااااااخ: ليانوووووووووووووووووو ووصمخ
ليان كانت تلبس بنتها سوسن بعد ماروشتها بغرفه بنتها
وضعتها على السرير برعب وغطتها وطلعت خارج الغرفه بسرعة: نـ.......نـ.....نعم
فهد بعصبيه مدويه: ليه ماجلستيني ها
ليان بخوف: جلستك بس أنت عييت تقووم
فهد مسك يدها بقووووه وجرها الغرفه معه ورماها على الأرض بقوه: كم مره قلت لك أذا ماجلست جيبي قاروره ماي وغسلي وجهي لين أجلس مو تتركيني نايم
ليان وألم ظهرها يزيد من رميته لها على الأرض: بس
فهد نزل بالأرض وهي تزحف للخلف خوف منه مسك شعرها وجره بقوووه: كم مره قلت لك أمي لا تدخل جناحي سامعه كم مره هااااااااااااااااااا
ليان بألم: آه فكني ألمتني آه
فهد: بعديها لك لان تأخرت على شغلي بس أخر مره أذا شفت أمي داخله جناحي ياويلك فااااااااااااااااااااااهمه
ليان وهي تبكي هزت راسها بسرعه:فاهمة والله فاهمة
فهد: قومي انقلعي عند بنتك ولا أشوف وجهك طول اليوم سامعه
فهد أخذ له ملابس ودخل الحمام يتروش
وقفت ليان متجهه لغرفه بنتها وجسمها يألمها جرت رجليها خارج الغرفة وهي تلم بقايا الضياع إلي حصلته من فهد زوجها أي زوجها إلي حطمها جعلها أنثى تصارع رجل من أجل أبنتها فلذه كبدها بقيت معه لأجل لا يحرمها من أبنتها قبلت على نفسها الذل والإهانه والعذاب من أجل فتاتها الصغيرة ذات 6أشهر التي لا ذنب لها لوجودها في حياه قسوة أب لا يعرف الرحمة



.................................



عائله أم فهد +أبو فهد
أبو فهد(جابر)رجل أعمال صاحب شركات له صيت مرعب في السوق متزوج 2 أم فهد(حصه) و(مرينا) كنديه توفيت بعد ما ولدت بنتها ملاك ولدتها بعمليه صعبه
أم فهد أم تحب الحفلات واللقاءات والجلسات ودائما خارج البيت على حد قولها توجب الناس فيها من الحنان والأمومة ما يكفي تخفيه تحت قناعها المتسلط وبنفس الوقت ألا مبالي لتدير منزلها على أكمل وجهه وتنقلب ذئب على من يقترب لأولادها ويمسهم بسوء

_ فهد33سنه يعمل بشركه والده وحاليا هو المدير المؤقت حتى حين رجوع أيبه من خارج السعوديه رجل شديد عصبي لا يقبل على نفسه الخسارة حاد الملامح عريض الجسم والأكتاف طويل القامه من ما يناسب عرض جسده عيناه حادتان ودائما مقطب الحاجبين أسمر البشره وشعره إلى كتفيه(على تسميته خواته الرجل الحديدي)
متزوج ليان ذات 19سنه عندها بنت سوسن 6شهور
فهد تزوج ليان بعد ماأنتهت من الثانويه وكانت بـ18وصار على زواجهم سنه وشوي
ليان = جسم ماشالله (على كلام خوات فهد ملكه جمال) رشاقه وطول وحلى شعرها طويل لين نهايه ظهرها أسود سواد الليل عيون خضراء بيضاء البشره بخدها اليمين غمازة محليتها أكثر

_ شيرين 25سنه متزوجه ولدعمها(سيف)ماجابت عيال أخذت ملامح أبوها(أبو فهد)سمرا طويله شوي ملاينه

_ تركي 23 سنه درس أداره أعمال تخرج السنه وتوضف في شركه أبوه جسم رياضي طول على عرض ووزن مثالي متناسق حنطي البشره عيون عسليه(على تسميه خواته جنتل مان) رجل شغيل ماهمه غير شغله وثقافته وتطويره لنفسه وذاته

_ ملك18 سنه بثالث ثانوي علمي متوسطة الطول نحيفه حنطيه البشره سوداء العينان شعر أسود لنص الظهر وقصته قصه الأيمو

عيال أبو فهد من زوجته مرينا الكنديه عايشين معه بنفس المنزل وأم فهد ربتهم تعتبرهم عيالها

_ فارس + فراس 21سنه التوم المتشابه نفس طول القامه طول مثالي رشاقة بشرتهم بيضاء شعرهم بني مائل للأشقر عيون سماويه صافيه أكتاف عريضة أجسام عارضين أزياء (على تسميه خواتهم) من كثر ما يتشابهون الكل يغلط بينهم ولا يفرق من فارس ومن فراس نفس الهوايات ونفس الميول يدرسوا بالجامعة قسم محاسبة
مغازلجين درجه أولى

_ ملاك 18 سنه بثالث ثانوي علمي بنفس صف ملك متوسطة الطول تقريبا بطول ملك شعر لنص ظهرها وقصته الأيموا هي وملك وأشقر بيضاء البشرة كاثلج خدود متشربه بالحمره عيناها عسليتان رشيقه

..........................................

انتهى البارت الثاني ألقاكم إن شاالله مع بارت جديد وأحداث أكثر

*أشكر كل من تابعني وأريد أن أنوه على نقطه أنا أحرص كل الحرص على أرائكم في الشخصيات لأنها تهمني لإكمال دور الشخصية والتعمق فيها وإبرازها ....... شاكره منكم حسن متابعتكم
أختكم المحبة لكم دوماً :.
فجـــــــd.a.kــــر حياتي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-06-2011, 01:36 AM
صورة bent alba7rain الرمزية
bent alba7rain bent alba7rain غير متصل
©؛°¨غرامي مشارك¨°؛©
 
الافتراضي رد: روايه على عتبه الصمت / بقلمي


ابدأإأإع

فجر : مسكينة ان شاء الله تلقى اهلها ،،
جنان : والله هالبنت حبيتها طيووبة وحبووبة ،،
خالد : شايف نفسه بس اتوقع بعديين يحب فجر ،،
فهد : وع ،،
ليان : مسكينة تكسر الخاطر ،،
و اعتقد ان فارس وفراس راح يعملوا حماس بالرواية ،،

بانتظار البارت الثالث ،،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-06-2011, 01:40 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: روايه على عتبه الصمت / بقلمي


,’




بسم الله
و عليكم الســــلام و رحمة الله و بركاته
عليه و على آله و صحبه الطاهرين الطيبين أفضل السلام و أتم التسليم



يعطيك العـــــافية
موفقة إن شـــاء الله





,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-06-2011, 11:04 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
الافتراضي رد: روايه على عتبه الصمت / بقلمي


اقتباس:
المشاركة الأساسية كتبها bent alba7rain مشاهدة المشاركة
ابدأإأإع

فجر : مسكينة ان شاء الله تلقى اهلها ،،
جنان : والله هالبنت حبيتها طيووبة وحبووبة ،،
خالد : شايف نفسه بس اتوقع بعديين يحب فجر ،،
فهد : وع ،،
ليان : مسكينة تكسر الخاطر ،،
و اعتقد ان فارس وفراس راح يعملوا حماس بالرواية ،،

بانتظار البارت الثالث ،،



ثنكيووووووووو ياقلبي على المتابعه
سعدتيني بتواااااااااجدك
وراح ينزل البارت الثالث قريب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-06-2011, 11:11 PM
صورة فجـــــــD.A.Kــــر حياتي الرمزية
فجـــــــD.A.Kــــر حياتي فجـــــــD.A.Kــــر حياتي غير متصل
©؛°¨غرامي جديد¨°؛©
 
الافتراضي رد: روايه على عتبه الصمت / بقلمي


اقتباس:
المشاركة الأساسية كتبها الزعيـ a.8k ـمه مشاهدة المشاركة
,’




بسم الله
و عليكم الســــلام و رحمة الله و بركاته
عليه و على آله و صحبه الطاهرين الطيبين أفضل السلام و أتم التسليم



يعطيك العـــــافية
موفقة إن شـــاء الله





,’


هلا أختي نورتي بمروورك

رواية على عتبة الصمت / بقلمي

الوسوم
الصمت , روايه , غبته
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
يا يمه شلون أنسى / بقلمي الذكرى ندامه أرشيف الروايات المغلقة - لعدم إكتمالها 11 29-06-2011 05:38 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 02:41 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1