غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-06-2011, 06:05 PM
صورة صمت الكلآم الرمزية
صمت الكلآم صمت الكلآم غير متصل
©؛°¨غرامي جديد¨°؛©
 
Upload1120a2f436 روايتي لو تطلب الروح والقلب والعين والله لقول فداك ياروح روحي


لو تطلب الروح والقلب والعين.........
........... والله لقول فدآك ياروح روحي
وشلون ببخل عنك ياقمة الزين.........
...............وانت منآة العين وأنت طمووحي


سـ أبدأ قصتي وبـ دون مقدمآت .. وموب عآرفه وشلون أبدأ..
طبعاً مآ رآح أذكرهآ بـ آلتفصيل ..
بس أقدر أقول وش أهم شي حصل وقتهآ ..

....


هـ آلقصه هآذي بـ آلنسبه لي أجمل قصه مرت بحيآتي .. بل رآح تظل أحسن هديه وعطيه

وهبهآ خآلق آلكون لي ..

كنت في ذآت ليله من آلليآالي أكلم صحبتي آلدآجه خلود .. آللي اعتبرها أعز إنسانه على قلبي ..

وكنآ كـ آلعآده نسولف ونضحك وأعلق عليهآ .. وهي طبعاً تضحك حتى لو كآنت مسبه

وكآنت مخربتهآ تكلم بـ آلجوآل كل من هب ودب ..

هي تحب الضحك بس قلبها كبير .. لأن كل من كلمها احد قالت له ياقلبي

وفجأه دق على جوالها حق الاستهبال شاب لطيف وايضاً كان داج بوقتها ^_^

كان بايع الدنياا بريال ..

وردت عليه الأخت الطاحونه خلود.. وانا وقتها كنت اتكلم معها..

سمعت صوته على السبيكر وعلى طول غير عن كل التماسيح ماقال الوو ولا ضبط صوته..

على طول ماصدق أحد يفتح الخط وجلس يغني اخونا فالله لخالد عبدالرحمن

وشلون مغليك... وأنت الذي علمتني حبك
يا هاجسي..
عشقي لعيوني..

اسأل وتلقى الجوب... في محجر عيوني ...
تصوير لجمل عذاب....حبك يمفتوني...
وشلون مغليك.. وشلون مغليك...


< مدري وش كان يحس فيه وقتها ههههههه

وبعد ماخلص قال معكم تركي ألفين قلبها من خالد عبدالرحمن لتركي ألفين هههه

أنا عاد من يوم سمعت صوته واستهباله وانا خاقه جالسه اضحك واقول لخلود احفظي

رقم هالشاب بالذات لأنه دخل قلبي كنت ابي اكلمه مع خلود عشان استهبل واضحك لااكثر ولا اقل

وقالت طيب بحفظه .. واشوى ياربي انها حفظته وماضيعت رقمه بين ارقام التماسيح..

ومن بعدها سكرت الخط وكنت متشوقه وقتها اني اكلمه واسمع استهباله ..

كان يدق على خلوود ويسولف معها ويقول لها انا في البر وجالس اسوي

قرص المله ( خبز يسونه على النار ) وعند ابلي .. وانا ادرس بالجامعه .. ووقتها كانت تقلي

عنه كل شي يقوله لها واجلس اضحك وكنت مكذبته اقول كيف بدوي بالبر ويدرس جامعه

كيف تجي

انا في ذاك الوقت كنت بطرانه أشحن كل شوي من مكافئتي .. واذا كلمتني خلود قالتلي عن

وش قالها يوم كان يكلمها ..

أنقهر وأقول ليش ماحطيتي مكالمه جماعيه وقالتلي يانوره يقولي خليه بعدين مو الحين ..

وكنت اتحمل واصبر وكنا طبعا بالإجازه الصيفيه عاد وقتها نفذ صبري وقلت دقي عليه..

وجلست خلود تدق وتدق وتقول يانوره مايرد .. يمكنه طفش مني ..

وانا انقهر لأني ماكنت اعرف وش سبب تطنيشه وقلت خلاص عطيني رقمه وبدق عليه ..

بشوف يرد علي والا لا .. لو مارد علي معناته مو مطنشك واكيد فيه شي ..

وقلت لخلود ياخلود لو سألك عن هالرقم مين صاحبه صرفيه .. ويوم جاء الساعه 3 في الليل

دق عليها تركي الفين ..

طبعاً ماكنا نعرف اسمه بس سميناه مثل ما قال لنا ..

ودقت علي وقالت دق دق يانوره وانا وقتها طرت من الفرح .. وفعلا حطت مكالمه جماعيه وقالت

هذي تهاني ( طبعا اسم مستعار)..

سألته قالت له وش فيك ماترد .. قال كنت نايم وجلسنا نستهبل ونضحك .. واذكر وقتها قال لنا

انا معبس ( يعني يبي يتروش ههههههه )..

قلت بجي انا وخلود نفرك ظهرك بالمكنسه خخخ

قالت خلوود قبل شوي دق عليك رقم غريب قال ايه قالت لاعاد تدق عليه تراه رقم ابوي قال طيب

بس الشاطر سحب على كلامها وحفظ الرقم بجواله ..

استهبلنا معه شوي ومن بعدها انا احتفظت برقمه في الملاحظات بجوالي ..

ماكنت ابي ادق عليه بس حفظته للذكرى مع ان وقتها ماكان يعرفني ابد وكان بالعاده يكلم خلود..

وتقلي عن اخباره وقالت لي مره من المرارير يانوره تركي الفين قالي تراها بس ياخلود فتره

وانقطع عنك ..

انا من قالت لي هالخبر حزنت واذكر وقتها كنت منسدحه على فراشي..

وابكي عليه


مع انيي ماكلمته الا مره وحده وما بينا اي شي .. وكانت هذي اول دمعه نزلت من

عيني على تركي..

وجلسنا كذا يوم وراحت خلود للطايف ومكه يتاخذ عمره وكان وقتها تركي يدق على خلود

بس خلود ماترد عليه .. اما انا كنت اطقطق على جوالي وفجأه رحت افتح الملاحظات

واتفرج في رقم هالشخص اللي مايدري عن هوى داري

ويوم جات الساعه وحده من الليل الإ ذا الرقم اللي كنت اتفرجه فيه قبل شوي

يدق علي ماكنت مصدقه اللي قاعده أشوفه معقوووله مامسح الرقم!!

وهو وعدنا يمسحه

بس أنا الفرحه نستني وعده

و على طول رديت مستانسه أضحك وكان يسأل عن خلود يقول ليش ماترد ع جوالها

وأنا وقتها خبرته وقلت راحت تاخذ عمره وجلس يضحك

قال شكلها تابت ومن بعدها سكر الخط

وأخونا فالله ماصدق أني عطيته وجه ورديت عليه

وجات الليله الثانية ودق ومارديت وأرسلت له مسج قلت شتبي و رد علي بمسج

قالي أنتي مرسله كول مي لي

أنا وقتها ع نياتي وانفجعت يوم قال كذا شككني بنفسي ماكنت أدري إنه بالعربي يبي يكلمني

ورحت أرسله مسج وقلت ياكذاب ما أرسلت شي

رد علي بعدها وقال أجل أنقلعي

أنا وقتها أنكسحت تفشلت

وأخذ شويات ودق علي وكلمته ع نية أني أبي أضحك واستهبل وفعلآ بعد ما استهبلنا

وضحكنا سكرنا ونمنا وإذا جاء الصباح جلست أحكي كل شي صار لـ خلود

وكنت أنتظر الليله الثانية متى تجي عشان يدق علي وكنا نضحك ونسولف

وكان يسألني عن حياتي وأجاوبه ومن ثم بعدها قعد يقولي

أنتن بنات عمي أخاف عليكن وما أرضى إنكن تكلمن شباب

أنا وقتها أنقهر لإنه ظلمني لإني فعلآ ماكنت أكلم شباب

بس معذور وقتها لإنه ماكان يعرفني وكان يسولف معاي لمدة نصف ساعه

وكانت هالنصف ساعه تسوى كثير بالنسبه لي

وقتها ماكنت متعوده ع السهر وكان وقت صيفيه وهو كان عند أبله في البر

وكنت أخوفه في الظلام وأقوله وش وراك وأضحك ويقولي أنا مثل

الذيب عين مفتحه وعين مغمضه..

وأنا قسم اللي كنت مثل الذيب عين مفتحه وعين مغمضه أبي النوم خخخخ

وكنا نتكلم عن القبايل وكان يقولي أنا بتزوج شمرية ويستهبل يقول أنا باخذك الثانية

وأنا وقتها طرطعت بس أسكت ماقدر أقول أغار عليك لإنه ماراح يصدق

لإن تونا عرفنا بعض ..

والليله اللي بعدها أقدر أسميها ليلة الجد وماعاد به استهبال

كان يقولي وقت استهباله أسمي خالد قلت له لاتحاول صوتك مايوحي إن أسمك خالد

قالي: ذكية كيف عرفتي

قلت: يله قولي شسمك جد

قال: وربي تبين الصدق

قلت: أيه

قال :أسمي عبدالله وأدرس أول سنة بالجامعه كان حلمي أدرس طب ..

بس أهلي رفضوا وماعندهم أحد غيري

قلت :أسمك عبدالله

قالي: أيه

قلت: وع ياليتك جلست على أسم خالد لإني وقتها ماكنت أطيق اسم عبدالله

>>>بس الحين قسم برب الكون

إن أحسن وأجمل أسم عندي أسم عبدالله


وقالي: شسمك قلت تهاني

قال: أسمك صعب ومو حلو

قلت: خلاص سمني أنت

وجلس يقول كذا أسم

وأنا أضحك وأعلق وأخرتها سبحان الله..

قال: بسميك عذااااب

كنت أتوقعه يستهبل وبينساه

بس فعلآ صار يناديني فيه

وقالي: أنا أرتحت لك وبسوي علاقه معاك

قلت: لا لا وعارضت لإني ماكنت أعرف هالاشياء

ولا طرى ع بالي في يوم من الأيام إني أعطي أحد وجه

قلت: أنت عندك خلود

قالي: أنا مستعد أتركها ومستعد أغير رقمي بعد

أنا أصلآ وقتها حبيته

حبيته من أول مره دق فيها ع خلود

حبيته بس مو معناتها أسوي علاقه معاه

حبيته بس كنت فتره استهبل معاه واتركه وأنا أحبه

لإني ماأفكر أسوي علاقه مع شاب

وقالي: شوفي أنتي فكري الليله وبكره وبالليل بدق عليك وقوليلي شرآيك قلت طيب

ويوم جات الليله الثانية دق علي وكنت طبعآ معارضه وأخذ يقنعني أنه تعلق بي

قلت :طيب بجلس معاك بس بشرط ماتطلبني صور ولابوسات ولامقابله وبنترك

بعض أخر شعبان لإننا وقتها كنا في نهاية رجب وهو ع طول وافق يبيني أجلس

معاه بإي طريقه وكل ليله نكلم بعض ونسولف

وكنا نتراسل طول اليوم وكنت أقوله أحبك وأعبر له عن مشاعري في المسجات

بس إذا دق علي وقالي قولي أحبك أسكت

وإذا قالي عطيني بوسه ع طول بدون تردد أسكر بوجهه ياكثر ماسكرت بوجهه هههههه

وأي شي يزعلني منه ع طول أدز مسج وأقوله ياسخيف ياحقير ياكلب وأخس أنواع الكلام

وكان يرفع ضغطي كلما أهاوشه أقوله أي شي بمسج يرد

علي بمسج ويقول شكرآ شكرآ هههههه

وكنت أنا بعد أرفع ضغطه وإذا دق علي يبي يتفاهم معي أسكت ويجلس ينادي وينادي

لكن لاحياة لمن تنادي


يتبــع..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-06-2011, 06:11 PM
صورة صمت الكلآم الرمزية
صمت الكلآم صمت الكلآم غير متصل
©؛°¨غرامي جديد¨°؛©
 
الافتراضي رد: روايتي لو تطلب الروح والقلب والعين والله لقول فداك ياروح روحي


ويجلس يهاوش ويهاوش ويصارخ علي لمدة عشر دقايق وأنا ماأرد ولو بكلمه وحده

ووقتها يقول ياليتني ماسميتك عذاب فطرتي قلبي وطلعتي براسي نخل ههههه

يالبيه ياتروكتي فطرت قلبه صدق^_^

((((طبــــــــــعآ المفروض أناديه من بعد ماعرفت إسمــــــــــه الحقيقـــي

بـ عبــدالله بس أنـا خلاصـ تعــودت ع أسم تركي وحبـــيته فصرت أناديــــــه بتــــركي))))


ورجع من البر للرياض ودق علي وقتها وقد تروش

وقالي: أنا قاعد أتفرج في لميس ^_^ وجلس يمدح في لميسوه

وزعلني بشغله وسكرت وأرسلي رساله طويله ماراح أنساها طول عمري

وقالي:

أنا أحبك ياعذاب وماراح أنسى عذاب وماراح

أنسى شرفها وكرامتها


وسافر وأخوياه اليوم الثاني يتمشوون لجده وأبها

وأنا وقتها مستحيل أدق عليه بس أراسله لإني حاطه فكره براسي إن البنت

ماتدق ع الولد هو اللي يدق عليها..

وقتها خلود دقت عليه وهو في أبها وجلس يبكش على خلود الدلخه

ويقول أنا قدام البحر وقاعد أشوف الحوت ينط قدامي هههههههههه >مره وحده حوت

ياكبر الشلخه

وجلس يشلخ عليها من الكذب وهي ياحضي مندمجه ومصدقه ..

بعد ماسكر من عندها ودقت علي

وسألتني قالت يانوره أبها فيها بحر ولا لا ھَھَھٍھَھٍھَھٍه

وجلست أضحك عليها وهي طاح وجهها تقول تركي الفين يقولي كذا..

وكان مره يدق علي ويسولف وخلص رصيده وراح يدق علي من جوال صاحبه

وافتكرته رقمه الثاني بالاخر

قالي: هذا رقم صاحبي بس فاتوره

ومن بعدها حفضت رقم صاحبه لليوم الأسود ههههه

ويقولي : إن أخوه جاء من الشرقية يجلس عند أهله على بال ما أرجع للرياض

وإنه جالس يزعجني يقول أرجع للرياض عند أهلي

أنا برجع للشرقية >> وأثاريه كان يبكش علي أنا بعد

ورجع للرياض

ومرت اسبوعين وقلتله خلاص بنترك بعض

قالي :ليش

قلت :خلاص أنا خايفه وماقدر أكمل

قالي :حرام عليك أنا تعلقت فيك

قلت :مامداك تتعلق فيني

قالي :الإ قد تعلقت تعلقت ياعذاب

>> قسم بالله صدى صوته بهالجمله للحين في أذني ومانسيته

وسكت وسمعت كلامه واستمريت

وسافرت للجنوب وكنت أتمنى أشوفه

وكنت مستحيل أطلب صورته

وقلت :ياخلود تكفين قوليله يرسل صورته وقسم كنت منتظرتها ع أحر من الجمر

ودي أشوف هالإنسان اللي حبيته

وأشوى أرسلها وأرسلتها لي وكنت بالجنوب أحاول أكلمه إذا حصلت فرصه

ودق علي وقتها يسولف وكان فرحان يقولي: ياعذاب أبوي بيشتري كرفانه

وبصوم رمضان هناك فالبر ھَھَھٍھَھٍھَه

>>ياحليلك ياتروكتي فرحان بالكرفانه

وسولفنا شوي وسكرنا بس طول وقتنا بالمسجات

ورجعنا عاد من الجنوب بعدها بكذا يوم فجأه صارت سالفه وهو

إن خلود كشفوها أهلها وأمي عارفه أني دايم أكلم خلود فشكت بي أني بعد أكلم مثلها

وأنا قسمن مت من الخوف لإن جوالي مليان مسجات في الصادره والوارده لتركي

وكانت صورته عندي على طول من الخوف لحقت ع نفسي ومسحت كل شي

وفعلآ أمي فتشت جوالي وزعلت منها

ورحت ع طول أدز مسج لتركي وقلت: تركي بطلبك طلب

قالي :أطلبي

قلت :أبيك تمسح رقمي وبطلع من حياتك

بعد ماأرسلتها له زعل زعل مره

ودز لي مسج

قالي :الله يلعنك ويلعن والديني أنا بريحكم مني وقفل رقمه ليلتها

أنا رحت أرسله وأدق عليه طول الليل وكان مقفل جواله خفت إنه كسر شريحته

وأخيرآ يوم أذن الفجر فتح جواله وكلمته وكان ضايق خاطره مره

ويقولي :أمي شافت جوالي وطردتني من البيت وأنا الحين بالشارع وجلس يشكيلي

ويقولي: قد سمعتي أبو ينادي ولده يابهيمه وجلس يبكي وكان أول مره بحياتي أشوف رجال

يبكي قدامي أنا ماقدرت أتحمل أسمع صوته وهو يبكي وسكرت وبعدها بشوي

دقيت وهديت الاوضاع وقلت :له عن ظروفي وتسامحنا ورجعنا لبعض

ويوم قرب رمضان تقريبآ باقي يومين أو ثلاثه رجعت حليمه

لعادتها القديمه >> الله يصبرك ياتروكتي ھَھَھَھَھٍھَه

قلت أنا خايفه من أهلي وأخواني ولاعاد تدق علي

وجلس تروكتي كالعاده كان وقت العصر يصاررررخ بصوت عالي ويهاوشني

وقال: خلاص حطي في بطنك مدري صدرك بطيخ صيفي خخخخ

ماراح أدق عليك وبمسح رقمك وكل رسايلك

ماكان يحس بالخوف اللي أنا عايشته

كنت أبكي ع فراقه اللي صار غصبن عني

__كل هالأيام كنت كل شوي أقول بتركك بسبب أهلي__

وجلست كذا يوم وأشتقت له ورجعت له ع بداية رمضان

وبعد العتاب تسامحنا وجلست بس اسبوع معه

وكنا نسولف وقت فجر بعد السحور جلست اقهره وأقول خلاص بتركك بتركك وأتغلى

وطنشته من الصباح الين الساعه 11 من الليل وكنت أنتظر أتصال منه

أو ع الاقل مسج بس ماشفت منه ولا شي وقلقت عليه ورحت أدق وأدق

وأرسل بس ماشفت منه أي رد وتوقعته مطنش ودقيت وفجأه انفتح الخط وقفلت بوجهه بسرعه

وأرسلت له مسج طايره من الفرحه وقلت :

أخيرآ أنا في حلم ولا في علم أنت شفيك مطنشني

وراح يدزلي مسج وقالي: عبدالله في المستشفى يامدام

انفجعت وكذبته ودقيت ع طول و رد علي واحد

وقالي : إن عبدالله صار عليه حادث الفجر وهو الحين بالعناية المركزه وبعدها سكرت

ورحت ارسل لصاحبه اللي كنت حافضه رقمه عندي

مسج عشان أتأكد وقالي إن الخبر صدق وقلت طمني عليه وقالي أبشري

ورحت أرسل ع جوال عبدالله ع اساس يطمني ولد عمه عنه وبالإخر طلع حقير..

وبدال مايطمني عليه صار يخوفني ويقولي عبدالله خطير

وأحتمال يتركنا حسبي الله عليه فجعني وقالي أتركي عبدالله لإن كان يحب وحده وعذبته

وقالي أتركيه أبيه لما يصحى مايلقالكِ

وصرت أخذه ع قد عقله

وقلت: خلاص أوعدك بتركه بعد ماأتطمن عليه وجلست أترجاه ابن اللذينا

وبعد الأخذ والعطاء معه صار لين معي

وجلــــــس يقولي: عبدالله وناستنا ومسلينا وإنه هو اللي قايم بإهله وأخوه يدرس بإمريكا

هنا ودي أخنق تريكي لإنه قالي إن أخوه بالشرقيه البكاش

وصرت أسال عنه وأتطمن عليه كل شوي وباليوم الثاني أو الثالث طمني عليه ولد عمه

وقالي : أبشرك إن عبدالله طلع من العناية وإنه بخير ومافيه الإ كسر بيده

وقالي :أنــــــا قلت لعبدالله عذاب تبي تكلمك ورد عليه وقاله :ياليتنــــــي مـــت

وقالي :خلاص بعد دقايق بعطيه الجوال وكلميه

وكلمت تروكتي وكان شايل بخاطره علي وتحمدت له بالسلامه وتطمنت عليه

الله يخليه لي ..

وحمدلله أخذ كذا يوم وتعافى واستمرينا مع بعض طيلة أيام رمضان..

وكنت وقتها متهاوشه مع وحده من صديقاتي ودقيت عليها وصرفني أخوها

وقال: إنه شاري هالشريحه

ومن بعدها صار يدق ع جوالي من رقم غريب

ورحت أعطي تروك هالرقم وقلت: شوف مين صاحب هالرقم؟

وجلس تروك يدق ع هالرقم وبدا يسحب صاحبه في الكلام الين عرف مين بعد التعب

ودق علي الساعه 3 من الليل يبشرني إنه عرف صاحب الرقم

ولما قالي عنه انفجعت وخفت وعرفت إنه أخو صاحبتي وبنفس اللحظه

اللي قالي فيها ضربت أمي الباب علي لإني كنت بغرفتها و ع طول سكرت بوجهه

من الخوف ومن سوء حظي كانت مخلصه عندي الكولمي وقتها كنت في موقف

لايحسد عليه لإن تركي وقتها المسيكين تفشل لما قفلت بوجهه

لإنه توقع أني أخذت المعلومه منه ويحسبني سكرت متعمده ،

وماكان يدري إن ماعندي كولمي

وأنا كنت في قمة تهوري وغضبي ورحت أكسر الشريحه

ولما جاء اليوم الثاني دقيت ع خلود من جوال أمي وخبرتها بلي صار

وقلت ،دقي ع تركي بعتذر منه ودقيت وقتها وأعتذرت بس مافي فايده شايل بخاطره بقوه ،،

وطبعآ أنا مايمر ساعه الإ وأنا أبكي ع تركي يشهد ربي علي تندمت يوم كسرت الشريحه

صرت ادق ع خلود كل يوم بس عشان تقولي شي عن أخباره وأنتظرها تجيب طاريه..

بس هي للإسف ماهمها قسم أني أقفل بسرعه من عندها قبل لاتسمعني وأنا أبكي

وقتها كان تركي يدق عليها ويرسلها رسايل يبيها تطمنه عني بس بعد طلوع الروح ترد عليه

كان ماينام الليل من الضيقه اللي بصدره كان يقوم يصلي ركعتين عشان يقدر ينام

وكان كل شوي يدق ع رقمي كان عنده أمل إني أفتح رقمي بس للإسف الشريحه كسرتها

خلاص بح..

وكان جالس مره ودق ع رقمي بس مشكلته لخبط بآخر رقمين وبعدها فجأه

لقى الرقم مفتوح وفز من فراشه وبالأخر طلع صاحب الرقم هندي خخخخخ وأتفشل تروكتي

وبعدها بإيام نفذ صبري وحمدلله طلعت شريحه و ع طول كلمته ولقيته زعلان مني

وتراضينا وكان كاتب قصيده فيني جعل عيني ماتبكيه يارب

§§§القصيــــــــــــده.§§§


راحت وأنا من بعد ماراحت عن عيوني عذاب..
صارت حياتي من بعدها يافهد حزن وهموم..
راحت وأنا من بعد ماراحت عساني للذهاب..
راحت وأنا ياصاحبي من بعدها شفت الهموم..
شفت النجوم بعز ظهرن ماتشاف أبه نجوم..
شفت الهموم اللي تشيب رآس من توه شباب..
آتذكره وأبكي عليه آليا ذكرته كل يوم..
أتذكر أيامي معه قبل المفارق والغياب..
أتذكره أول يوم كلمته وصرت آبه مهيوم..
أتذكره وأشتاقله وأشتاق لإيام العتاب..
أشتاقله يامن لك أشكي حالتي عند اللزوم..
حبه ذبحني يافهد ياصاحبي حبه عذاب..
ليته معي ماراح عني يافهد دايم يدوم..
ليته على دربي مشى ماراح عن دربي وغاب..
دايم على بالي يجي في كل وقت وكل يوم..
وأحزن عليه آليا ذكرته أنه رحل دون آياب..
وأبكي عليه الليل كله يافهد ماذقت نوم..
هذا ترى ليلي بعدها يافهد والرآس شاب..
ليلن طويلن ومايجي به نوم من كثر الهموم..


صح لسانك ياشاعري عبود.

طبعآ هذا موجز لإول ثلاث شهور من تعارفنا

وهي أجمل قصة صارت لي بالدنيا

قسم بالله أنها حلوه بحبها وهوشاتها وعتابها وضحكها واستهبالها وفراقها ودموعها

وبحلوها ومرها

أنا جسد بلا روح بدونك ياتركي

أنا كل يوم أبكي عليك لي 3 سنوات وحبك ماقل ولا ضعف بالعكس يزيد

وأتمنى أعيش معك طول العمر حتى

لو ماتزوجتني..

..شي حرق قلبي إنك ماحاولت تثبت إنك تبي تتزوج عذاب..

مدري أحط اللوم ع ظروفنا وعاداتنا؟؟

ولا أحط اللوم ع تركي اللي علمني الحب واللي عطيته كل ماأملك

وبالإخر أخاف ينظرلي زي أي نظرة شاب لإي بنت ومايبين لي هالشي

حب تسلية بدون زواج_!!

بس راح أظل أحبك مهما كانت وجهة نظرك فيني

أنا أحبك حيل_ ياتركي





روايتي لو تطلب الروح والقلب والعين والله لقول فداك ياروح روحي

الوسوم
أقول , الروح , بطلب , ياروح , روايتي , روحي , ـياك , والله , والعين , والقلب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قلبي خذاه لي ساكن العين / كاملة دلــــــــوعه روايات كامله - يتم نقل الرواية هنا بعد اكتمالها 97 24-06-2011 09:03 AM
قصة رومنسيه اسمهآ احبك كلمة قليلة في حقك روعه هالقصه سووآهآ قلبيَ أرشيف الروايات المغلقة - لعدم إكتمالها 195 14-03-2011 10:55 AM
روايتي الثالثة : والله دنيا و تذكرتوا و الله دنيا و إعتذرتوا نار الانتقام أرشيف الروايات المغلقة - لعدم إكتمالها 1 21-05-2010 05:21 PM
تنتظر كلمة أحبك منهم و فيهم أرشيف الروايات المغلقة - لعدم إكتمالها 17 20-01-2010 09:30 AM
لأجلك (المستشاار) ارشيف غرام 1 15-11-2006 03:06 PM

الساعة الآن +3: 06:49 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1