غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-06-2011, 10:25 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رواية رقصه المـوت الكاتبة BRoNZ GiRL /كامله



الــبـــارت الاولـــ ..






اقـــرب مـــن ظلالــي وانــا وســط غــربتــي
وانـــا تــرانــي اقــرب لهــا مــن ظــلالهــا ..




** ايـــطــــالـــيــــــــا **
فـــي العـــاصـــمه رومــــا بالــتحــديـــد !! اكـــبر مُـدنـــها !!


نــــافـــوره الــتريــفـــي / Fontana di Trevi


اســـيل تمنت امنيتها وحذفت الخرده
رن تلفونها ردت واهي مبتسمه : اهليين مامي شلوونج ؟ ههههه انا بخير لا تحاتين امممم يلاا كلها اسبوع ويايه اييي حدي مستانسه خلاص سلمي عليهم اوكي بااي
سدت تلفونها خذت حق المكان جم لقطه بكاميرتها خذت نفس و راحت تكمل طريجها لي السياره
عثمان من الصوب الثاني : ايي خلاص زيين يبه قلتلك يايي وفجأه دعم اسيل
: im sorry !
اسيل : استغفر الله هذا اللي ناقص
عثمان فيه ضحكه
اسيل بمجامله ابتسمت
: it's ok !
عثمان : شكرا على المجامله
اسيل تفشلت !!!!:خليجي !
عثمان مد لها ايده : عثمان من الكويت
اسيل مدت ايدها : فرصه سعيده .. اسيل !
عثمان يطالعها : كويتيه ؟
اسيل : ايي
عثمان : اممم تشرفنا واسف على اللي صار توه !
اسيل : ههههه لا خلااص ولا يهمك
عثمان : امممم اوكي شكلج رايحه اوصلج ؟
اسيل : اوكي
عثمان استغرب موافقتها بهالسرعه بس ابتسم و ركبت سيارته
عثمان : ممكن اعزمج على قهوه ؟
اسيل : موافقه بس تكون العزيمه عليي
عثمان : انا قلت اعزمج فراح اعتمد على اول كلمه منج
اسيل : لا التوصيله عليك والقهوه عليي !
عثمان : عيب علييي انه اخليج تعزمييني وين قاعدين ؟
اسيل : احنا بروما ماكو عيب ! راح اعزمك انا خلااص بدون نقاش
عثمان وصل كافيه متعود عليه ونزلو
طلبو قهوه وسألها عثمان
عثمان : يايه سياحه بروحج ؟
اسيل : انا عايشه اهني مع امي
عثمان : امج ايطاليه ؟عدل عشاان جذي عيونج فاتحه
اسيل : ههههههه ايي بالضبط
عثمان : امممم شي حلو العيشه بهالجو وبهالمكان الحلو تريح النفسيه
اسيل : عمر المكان ما كان سبب الراحه ! الراحه سببها انت مع منو
عثمان : اممم يمكن بس هم المكاان له تأثير
اسيل : بس مايوصل ربع تأثير الناس اللي تحبهم على نفسيتك
عثمان : وجهة نظر اتقبلها بكل رحابه صدر
اسيل: هههههههه
عثمان ابتسم
اسيل : انت ياي سياحه ؟
عثمان : شغل مع الوالد بس ماقدرت اوصل لي روما وما ازور هالمكان
اسيل : صح هذا اشهر مكان بروما وخساره انه عمي مازاره
عثمان : ابوي كل همه شغله الحين
اسيل : حرام يرد الكويت واهو مو زاايره لازم تييبه اهني
عثمان : هههههههه ايي بحاول انشالله
اسيل ابتسمت وبدت تشرب قهوتها المره شوي شوي ..

** صـــبــــاح الـــمـــر والســـــكـــر .. صـــبـــــاح التـــنـــاقـــض الــمجـــرمـ ومــع هــذا يمـــكـنــ هالــصــــبــــاح يكــــون اجمــــل **





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-06-2011, 10:27 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


الــــبــــــارت الـــثـــــانــــي ..













وطــت رجـــلــي عـــلى دربــه .. ولا ادريــ وشـ نــوى فــيــني ..
تبـــعـــته لأخـــر دروبـــه .. إليــــن انــ الــقمــر قـد غـــابــ ..
تعـــب قــلبــي .. ولا تعـــبــت مــســافـــاتٍ تــوديــنــي ..




اسيل سرحت بتفكيرها قاطعها صوت عثمان : اممم قوليلي كل شي عنج خل اعرفج اكثر !
اسيل : امممم اسيل 22 سنه اخر سنه كليه امي وابوي انفصلو من عمري 3 سنين ومن حزتها انا وامي يينا اهني وربتني بروحها بس لما كملت 16 اهي تزوجت والحين انا عايشه معاها اهي وريلها واخوي جيكوب عمره 4 سنين و ساره سنتين
عثمان : يعاملج عدل ؟
اسيل خذت نفس : احن عليي من ابوي اللي ما سأل عني !
عثمان ابتسم : مادري شقولج الواحد ما يحس باللي جدامه الا اذا كان مكانه وانا ماعشت اللي عشتيه بس الله مثل ما ياخذ يعطي
اسيل ابتسمت
عثمان : ديانتج على ابوج صح ؟
اسيل ضحكت : على امي
عثمان سكت
:joking!
عثمان ضحك !
اسيل : امي اسلمت علشان ابوي وحتى بعد ما انفصلو اهي ما ارتدت و ريلها بعد مسلم
عثمان : امممم
اسيل : صار دورك !
عثمان : عثمان 25 سنه اشتغل مع الوالد ابوي له جم شركه يمكن لنا اسمنا بس هذا مو معناته انه شايفين روحنا بالعكس ولا انه لاعبين بفلوسنا على عبط !! ابوي بنى اسمه بالسوق وبنى فينا شلون نكون متواضعين ! انا وحيد بين 3 بنات ! اختي الكبيره متزوجه والحين بأمريكا اثنينهم يكملون ماستر ! وبعدي خواتي توأم سحر وفجر 16 سنه

اسيل : الله يخليكم لبعض
عثمان: ويخليج لأهلج

قعد عثمان يسولف لها عن طفولته وعن شطانته ايام المراهقه وبعدها ايام الكليه وشلون صاار انسان ثاني تأثير الجد عليه !

اسيل شافت ساعتها : سوري عثمان ما اقاطعك بس انا تأخرت ممكن تردني عند سيارتي ؟
عثمان : اوكي ولا يهمج يلا مشينا
ركبو السياره
عثمان : ممكن رقمج ؟ عشان اشوفج قبل لا ارد الكويت
اسيل عطته رقمها : اذا حبيت تسأل عن شي بروما انا بالخدمه
عثمان ابتسم :تسلمين
اسيل :ولو !متى بترد الكويت ؟
عثمان : الاثنين الياي
اسيل : طياره الساعه 7 الصبح ؟
عثمان : ايي
اسيل : معاي !
عثمان : بتردين الكويت ؟
اسيل: ايي انا اروح الكويت بين فتره وفتره مع انه ما اعرف احد هناك بس ازور جم مكان اتعرف على ديرتي اكثر
عثمان : ههههههه ما فكرتي ولا مره تسألين عن ابوج ؟
اسيل : من باعك بيعه ! بس اللي اعرفه انه ابوي ما ينقصه شي الا عنده اللي يكفيه ويزيده بس مستكثرهم عليي ومخلي امي المسكينه تعيشني !
عثمان سكت ما عنده رد كااسره خاطره !
عثمان : يلا عيل خلينا نشوفج قبل يوم السفره
اسيل : هههه خلاص متى ما حبيت انك تستكشف روما وعندك وقت دق عليي وانا اكون لك مرشد سياحي
عثمان : هههههههه خلااص صار
اول ما وصلو
عثمان : وصلنا لف عليها وابتسم
اسيل : فرصه سعيده عثمان ولا تنسى اذا بغيت شي لا يردك الا لسانك
عثمان : انا اسعد وانشالله ما راح استحي
اسيل : اوكي عيل نشوفك على خير مع السلامه
عثمان : مع السلامه ..
اسيل نزلت وراحت سيارتها وردت البيت..

عثمان رد الفندق عند ابوه واهو يفكر فيها !




الـــشخـــصــــيـــات ...


اســيـل " 22سنه اخر سنه كليه اداره اعمال .. امها وابوها منفصلين من واهي عمرها 3 سنين عايشه بروما مع امها .. طويله بيضه عيونها فاتحه شعرها فاتح ملامحها ماخذتها من امها نسخه منها شكلها ما يوحي انها كويتيه !! حساسه بزياده بس دايما تمثل انها قويه !! تحب تكون بروحها .. شخصيتها حلوه وتساعدها على انها تتأقلم مع الناس الا انها ما تحب تكون وايد صداقات !! واغلب وقتها بروحها

عثــمــان " 25 سنه يشتغل مع ابوه .. ابوه يوثق فيه حيل انسان قد المسؤوليه .. شكله خلييجي بحت !! حنطاوي طويل عضلاته خفيفه صدره مقسم شكله باختصار يجذب اي بنيه ممكن تشوفه.. طيب الا انه وقت الجد يكون قااسي حيل ! (( شخصـــيه متنــاقــضه ))


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 19-06-2011, 10:28 AM
صورة مهستر بخفوقي الرمزية
مهستر بخفوقي مهستر بخفوقي غير متصل
©؛°¨غرامي فعال ¨°؛©
 
الافتراضي رد: رواية رقصه المـوت الكاتبة BRoNZ GiRL






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 19-06-2011, 10:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


الـــبـــــارت الــثـــالـــث ..






بــــــالـــــي مـــشــــغـــــول فــــيـــــك ..


اســــيـــــل ..

اسيل" شكله خووش وااحد وحيل طيب
اول مادخلت البيت اللي اهو اساسا دورين بس شافت ساره يايتلها ركض
اسيل نزلت روحها وبطلت اييدها ولمتها: Hello sweety
ساره :Hello
اسيل : فديت اللي صعب عليهم الحجي
ساره بس تطالعها وتضحك مو فاهمه شي
اسيل باستها وشالتها دخلت المطبخ لقتهم موجودين
باست امها وصعدت تبدل
اسيل بدلت وجابلت اللاب " اخلص البحث وايد احسن !!

--------------------------------------------------

بــليـــل ..

ام اسيل : sweety we will go out do u want 2 come with us ?
اسيل : no mom thanx i will go out with my friend
ام اسيل تكلمها عربي بس صعب على ما تنطق الحروف صح:ان شاء الله !
اسيل ابتسمت لها وبدلت وطلعت قبلهم

اسيل بالسياره تفتر ماعندها شي بس تعذرت ماتبي تكون معاهم !!
بهالوقت دق عليها عثمان
اسيل ردت بدون لا تشوف منو

اسيل : Yes !
عثمان : قوه
اسيل : يقويك
عثمان : امممم بصراحه مادري شقولج بس اقدر اشوفج باجر ؟؟
اسيل : اي حزه؟
عثمان: الصبح!
اسيل:الصبح بروح اقدم بحثي
عثمان : امممم خلاص نخليها وقت ثاني
اسيل : اذا حاب نطلع الحين ؟
عثمان : امممم بصراحه ماعندي شي بس مايضايقج؟
اسيل : طبعا لأ وين امرك؟
عثمان قالها اسم الفندق
اسيل: اوكي شوي واوصل مو بعيده انا
عثمان :اوكي عيل انا بنطرج تحت
اسيل : انشالله يلا باي
عثمان : باي !
اسيل مرته اول ما ركب
اسيل: يا هلااا وين تحب تروح ؟
عثمان : انا اللي لازم اسألج ؟
اسيل : امممم راح اخذك فره جذي تشوف فيها مباني روما وانشالله باجر راح اوديك الكولوسيوم (Colosseum) راح يعجبك انشالله
عثمان: اممم اللي يايين قبلي مادحينه
اسيل : في جم مكان بروما اذا ما زرتهم بتكون خسران
عثمان: مثل ؟
اسيل : النافوره اللي صادفتك فيها هذي اهم مكان والكولوسيوم ! capitoline museum
عثمان يسمعها واهو مهتم باللي تقوله
اسيل : اذا كنت تحب الفن هم لازم تزور الـ national ancient arts gallery
عثمان : ما راح يمديني ازور كل هذا !
اسيل رفعت حواجبها : حذفت خرده بالنافوره اليوم ؟
عثمان: اممم ايي
اسيل : اوكي عيل ! اللي يحذف لازم يرد روما مره ثانيه هذا قول مشهور اهني ! عشان جذي لازم قبل لا تروح من روما لازم تحذفها واممم انا متأكده انك راح ترد
عثمان : روما حلوه فشي اكيد الواحد بيرد
اسيل: ههههههه تدري اهم شي لازم تسويه بروما ! اول ما تظلم الدنيا توقف بسيارتك تشربلك شي بارد مع جوها الحلو وتشوف اضاءات المباني كلها بتكون احلى لحظه وما راح تنساها
عثمان : وليش كل هالثقه
اسيل : هههههههه هذا الصج حاب تجرب ؟
عثمان : ليش لأ
اسيل : اوكي عيل ودااست راحت بمكان لقاهم صفطت بمكان بعيد شوي عنها ونزلت وشافته
عثمان يطالعها مستغرب !
اسيل : خلك هني ! وراحت وحده من الكافيهات القريبه منها خذت قهوه بارده ردت له وعطته قهوته
اسيل : اشششش واستمتع باللحظه
عثمان تسند على السياره وقعد يشوف كل اللي حواليه اضاءات الكافيهات والفنادق ! اضااءه النافوره وزحمه الناس عليها ! رد شاف اسيل شرب من قهوته شوي وخذا نفس وبدا يسرح باللي حوالينه واهو مو حاس بروحه

بعد ساعه وشي
اسيل : عثمان
عثمان : هممم
اسيل : هههههه صارلي شكثر اناديك ما ترد!
عثمان : عن النصب احنا من يينا ما صارلنا 10 دقايق عشان انتي ناديتيني شكثر
اسيل : هههههههههههههههههههههههههههههههههههههه
عثمان : شاللي يضحك ها ؟
اسيل : اللي يضحك انه صارلنا ساعه وشي واقفين جذي !! شفت شلون هاللحظه حلوه ؟ لأنه الاوقات الحلوه تمر بسرعه
عثمان: ايي صح صدقتج وشاف ساعته و رد شافها ! ايي والله
اسيل : وشحقه بجذب
عثمان : هههههههههه مادري توقعتج تتغشمرين
اسيل : مشينا انا يوعانه يلاا
عثمان : وييين ؟
اسيل: شنو المشهور بايطاليا غير البيتزا؟ مشينااا
عثمان مستغرب : يلا
اسيل : ليش كله مستغرب
عثمان : مستغرب حماسج
اسيل :هههههه عثمان حدي مرتاحتلك ولا جان ما صار كل هذا ! عشان جذي متحمسه حق كل شي بسويه معاك مع اني مسويته من قبل
عثمان :وشالفرق الحين
اسيل : اول مره اسويه مع شخص العاده بروحي !
عثمان : ليش بروحج ؟
اسيل : منو عندي ؟
عثمان : اهلج رفيجاتج
اسيل: ههههههه عثماان واللي يعافيك وجني موشارحتلك! ماعندي اهل غير امي وريلها وانا ما احب اطلع معاهم اخليهم ياخذون راحتهم اهم عايله وانا شكلي غلط كافي متحمليني بالبيت ! ورفيجاتي ماعندي الا اللي بالكليه واهم زملاء دراسه مو اكثر !
عثمان : هذي مو حاله وتظلين دايما بروحج
اسيل : انا اكثر وقتي اهني احب اجابل هالنافوره واشووف زحمه النااس عليها واستمتع لحظاتي بروحي يمكن لو كان في احد معاي جان تهاوشت معاه وتضايقت وضايقته معاي صح؟ جذي اريح
عثمان : يعني انا اضايقج ؟
اسيل : هههههههههههههه بلا هالحجي بالعكس انا حابه وجودك معاي
عثمان : امممممم زيين مطولين ؟ ترى يوعان انا
اسيل : لا شوي ونوصل
عثمان : باجر بس تخلصين من الكليه دقي علي اوكي ؟ بعزمج على مكان
اسيل : منو لازم يعزم الثاني ؟
عثمان : هههههه لا هالمره عليي وانا متأكد اني بوديج مكان وبتجربين هالشي اول مره معاي
اسيل تفكر : اممم مثل
عثمان : مادري بس حاولي تلبسين صيفي قد ما تقدرين !
اسيل : اممم اوكي تبينا نخليها الصبح
عثمان : جامعتج ؟
اسيل: انا بروح اسلم بحثي واطلع
عثمان : ماعندكم exams
اسيل : خلصت بس باقيلي اخر امتحان الاربعا قبل سفرتي
عثمان :عيل عقب باجر بالبيت
اسيل :هههههه عن الثلاثا ؟
عثمان : اييي
اسيل : ايي بس الثلاثا بقعد بالبيت ادرس بس باجر حده لا
عثمان :اممممم
اسيل : خلااص وافقت عالصبح ؟
عثمان : اوكي 9 خلج جاهزه اوكي؟
اسيل : خلااص مبجر اجهز روحي واروح اسلم البحث ونتفق وين نتلاقى
عثمان : امممم اوكي ! حدي متحمس حق هالرحله
اسيل : زين قول وين خل اجهز روحي
عثمان : امم زين بنطلع بيخت
اسيل صرخت : wooooooow !
عثمان : ههههههههههه
اسيل : i like ur idea
عثمان : اممم انشالله اول مره تطلعين بيخت ؟
اسيل : here in italy ?yes sure my first time !
عثمان : ليش وين رحتي
اسيل : لما كنت اسافر مع امي قبل الـ 16 كنا نروح نزور خالي بـفينسيا فيودينا ولما نزور خالتي بامريكا كان ريلها يركبنا يخت ومره كنت رايحه الكويت مع امي وخالي ومرته وركبنا بحر الكويت حلو ومع حراره الجو يكون الوضع احلى
عثمان : تدرين انج شفافه حيل وحيل طبيعيه مع اني ما اعرفج الا اليوم بس احس اني عرفت وايد اشياء عنج
اسيل : ههههههه مو تعرف كل شي ؟ اي لون احب ! حاول تعرف
عثمان:وردي واسود
اسيل: شدراك @@
عثمان : هههههههههههههههه لأنه اليوم شفتج بهاللونين والحين شفتج هم بهاللونين! وصورج نصها كنتي لابسه هاللونين
اسيل : اي صور !
عثمان :عذريني بس يوم رحتي تشترين قهوه شفت كاميرتج وما قدرت ما اتعبث
اسيل عطته نظره
عثمان :ههههههههههههههه قلت انا اسف بس ايدي حكتني
اسيل : ههههه خلاص سماح هالمره !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-06-2011, 10:29 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


الــــبـــــارت الــرابـــع ..







مــــعــــاك اشـــعـــر بــذاتــــي ..



الســـاعه 9:00

اسيل : خلنا نروح الكولوسيوم اول ما راح نطول بناخذ ساعه تقريبا حرام يطوفك هالمكان
عثمان : اوكي بس مانطول هاا لأني حاجز اليخت وماله داعي نتاخر
اسيل : ههههه خلااص انشالله وكملت طريجها لي هنااك اول ما نزلو كان زحمه
عثمان : زحمه !
اسيل : اخف من زحمه العاده يلاا مشينا
عثمان مسك ايدها : لا تضيعين دشينا بنص الزحمه
اسيل ابتسمت: هذيج البوابه تعال
اول ما دخلو اسيل قعدت تصوره واهو يصورها وتصور المكان
عثمان : ماعندج صور له ؟
اسيل : امبله بس مره عن اللي قبلها غير تكون اللقطه غير عشان جذي اصور
عثمان : انتي غريبه
اسيل : انا مميزه مو غريبه
عثمان : هههههههههههه امشي امشي وكملت اسيل طريجها واهي تشرحله
اسيل : بييه طبعا هالمبنى منبني يمكن من الفين سنه او الف وشي تقريبا!! اول مابنوه كان حلبه للمصارعين طبعا هالاربع ادوار كانت مقسمه بس ما اذكر بالترتيب شنو ! المهم انه الدور الارضي كانت الحلبه والاول حق السيناتور والناس المهمه مثله .. وباجي الادوار على حسب المستويات اما الحين الناس قامت اتيي لأنه صج يستاهل
عثمان : هههههههههههههههه حدج متحمسه اشووف
اسيل : اييي لأني كل مره ايي واتعلم معلومه يديده فهالمره دوري اني اقولك
عثمان : ونص الاشياء ماتدرين عنهم تشرحينهم عالسريع
اسيل تخصرت : لا والله احلف بس
عثمان :هههههههه لا اتغشمر بس صج المكان حلو وحيل عجبني
اسيل : محد زاره وماعجبه !
عثمان : اقول مشينا قام يصير زحمه اكثر ويلا نلحق
اسيل : اوكي
عثمان اول ما طلعو : خلي سيارتج اهني انا موصي ساايق يوصلنا لي هناك وياخذنا لي خلصنا من هنااك
اسيل : اوكي وراحو معاه لين وصلو البحر !
عثمان : الجو حلو
اسيل : حيل !!
عثمان شال الاغراض اللي يايبهم وراحو اليخت !
اسيل : شيايب معاك ؟
عثمان بدا يسوق اليخت لين وصلو نص البحر ثبت اليخت وراح قعد يمها
اسيل: شعرفك سواقه اليخت ؟
عثمان :مايبيلها شي ! زيين سمعي انا يايب جذي اكل خفيف تبين تاكلين ؟
اسيل :افف ماكو اسلوب انت !الله يعين اللي بتاخذك بس
عثمان رفع حواجبه : يحصلها
اسيل : شيحصلها عليييه ماااكو ميزه فيك
عثمان شالها : اقطج بحر ؟
اسيل تصرخ : نزلنيي ههههههههههههه
عثمان : هههههههههههههههه موو انا مافيني ميزه شخليني انزلج ؟
اسيل : انك حيل طيب وحنون
عثمان : قصي علييي
اسيل:لا والله هذا الصج لو مافيك شي زين شكو ايي ويااك!!
عثمان : هههههههههه خلااص سامحتج ونزلها
اسيل : شكراا !!
عثمان : ههههههههههه ننزل نسبح شوي ؟
اسيل : اوكي وفصخت نفنوفها اللي لابسته كانت لابسه بكيني اسود عثمان تنح شوي بس تذكر شغله وعلى طول لف ويها وفصخ تيشيرته ونزل الحبل
عثمان : نزلي
اسيل : هذي نزلتك انت ومسكت الحديده ونطت اول ما طلعت راسها طالعت عثمان
اسيل :ههههههههه ونااسه والله جربها !
عثمان : كنت خايف عليج بس طلعتي من كفو وسوا نفس حركتها
اسيل : انا مو كفوو هاا وراحت بتغرقه
عثمان : ههههههههههههه وخري وشالها هااا بتنقطيين ترى
اسيل : ايي اوكي يلاا
عثمان : ههههههههههههههههههههه وقطها
اسيل ماطلعت
عثمان : اسييل !!

اسيل ما ترد ولا طلعت !
عثمان غااص ما لقاها رد طلع راسه ياخذ نفس شافها وراه
اسيل : بوووم !
عثمان : قلبي ويهج زين مني خايف عليج
اسيل : هههههههههههه فديته انا خلااص خلااص ما راح اعيدها
عثمان : لا عفيه عيديها
اسيل : ماطلبت شي
عثمان : بتنطقين الحين!
اسيل : جرب بس
عثمان : ذلفي ذلفي خليني اتسبح
قعدو يتسبحون شوي وبعدها صعدو اليخت مره ثانيه
اسيل : يوعانه :$
عثمان نشف جسمه ولبس تيشيرته واهي ردت لبست نفنوفها !
عثمان : تعالي وراحو الصوب الثاني من اليخت وقعد يعطيها من الاكل الخفيف اللي يايبه
اسيل : انا احسن منك يايبه كاكاو وحلاو وبيبسي
عثمان : مثل اليهال سبحان الله
اسيل: عثمان !!!
عثمان : ههههههههههههههههههه
اسيل : ما تضحك !
عثمان :خلااص خلااص و حط عينه بعينها وتنح !


** تـــذبحـــنـــي عيــــونــــه **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-06-2011, 10:31 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


الـــبــــــارت الـــخـــــامــــــــس ..







كــفـــايـــه .. كـــل حــلمــ يــمــر برقــادي تـــزوريـــنــــه ...


يــــوم ســـفرتـــهــم ..


بالمطــــار ..

اســيل سلمت على امها وريل امها واخوانها وراحت بعيده عنهم واهم طلعو

قبل لا يدخلون الطياره عثمان شافها وابتسم وراح لها : شلونج
اسيل : بخير الله يسلمك وانت ؟
عثمان: الحمدلله
اسيل ابتسمت!
عثمان : اسيل بقولج شي
اسيل : تفـضل
عثمان : شوفي اسيل انا ماعندي وقت وبرد عند ابوي بس ابيج تفهمين الكلام اللي بقوله والاهم من هذا انج تحسينه !! احساسج اللي بيأكدلج كلامي !
اسيل : عثمان شفيك لا تخوفني
عثمان : اسيل انا من اول ما عرفتج وانتي جاذبتني باسلوبج بطلتج بابتسامتج بكل شي فيج !! لين اليوم قبل لا اشوفج حسيت اني بخسرج اني بروح وبفقد الاماكن اللي زرناها مع بعض ! وتضايقت حيل من هالسيره لا تقولين تعودت عليي !! لأني كبير واعرف افرق بين الاثنين وانا احبج ايي احبج !! احبج انتي احب اسيل لأنها اسيل مو عشان اي شي ثاني !! وانا ابيج بالحلال ومفكر ارد الكويت اكلم اهلي بس ابي ردج اول انا مستعد اتحدااهم كلهم واييلج بس انتي قولي موافقه .. اسيل انا معاج احس اني طبيعي معاج اني عثمان اللي رااح واختفى من زمان رد عثمان اللي الكل يعرفه انتي رديتيني
اسيل مو فاهمه شي بس الدمعه بعيونها
عثمان : قولي موافقه قولي !! او روحي بدون لا تردين برفضج

اسيل شافت الناس بدت تدخل الطياره

اسيل مشت عــنه بدون اي كلمه

" اعـــــــفـــــــيـــنـــــي ما اقـــدر احــــب فيـــــنــــي تــــعــــــب فــــوق الـــتعــــــب "


هالجمله بالذات مرت عليها وبدون اي تفكير كتبتها مسج وطرشتله ياه ودخلت الطياره واهي تمسح الدمعتين اللي نزلو

----------------------------------


بالـــــطــــــيارهــ ...


كان مكان اسيل يم الدريشه والمكان اللي يمها فاضي والسطره اللي يمهم عثمان وابوه

-------------------------------------------


بوعثمان :هذي اسيل ؟
عثمان ابتسم : ايي يبه هذي اسيل
بوعثمان: حلوه مشالله
عثمان: ايي
بوعثمان : وانت عن هالضيقه يبه لاترد حق امك جذي تسويها سالفه وانا مالي خلق اصدع من اسألتها
عثمان :ههههههه خلاص ولا يهمك شاف اسيل ورد شاف جدامه وسرح فيها !!


** شـــفـــتـــك .. عـــشقــــتك .. هويــــتك ..! **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-06-2011, 10:32 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


الـــبـــــارت الــســـادس ..






عـــطــيـــتــكــ عـــشـــق مــن قـــلبــــي .. وســلمـــت لغـــلاكــ رقـــاب ..
وغـــيــركــ يحــــتــرق دمـــهــ .. ولا يـــقـــدر يحـــاكيـــنـــــي ..



اسيل طول الرحله واهي تقرا كتاب واذا لفت شافت عثمان يشوفها تنزل دمعتها تمسحها وتكمل الكتاب ..


اســـيــــل " انا اسفه والله اسفه موو بإيدي بس ما اقدر اجذب عليك ولا ابي اكسرك انا اسفه!!

قررت تنام صكرت كتابها حطته بجنطتها ونامت لين قامت على صوت عثمان

عثمان : اسيل
اسيل : هممم
عثمان : قومي مابقى على وصولنا الا نص ساعه جهزي روحج
اسيل ابتسمت وراحت الحمام غسلت ويها وعدلت شكلها و ردت مكاانها شافته يكلم ابوه


عثمان لف عليها
اسيل :شكرا وقعدت مكانها
عثمان ابتسم وكمل سالفته مع ابوه ..


---------------------------------------


بالمطار اول ما نزلت اسيل خذت جناطها

عثمان : اسيل
اسيل : هلاا
عثمان : خليني اوصلج
اسيل : لا مستحيل اركب مع عمي ما عليه انا بروح بتاكسي
عثمان : ويين قاعدين وانا توقعت هذا ردج سايقنا برى يوصلج لي المكان اللي تبينه لا تحاتين وانا وابوي بنروح بسيارتي
اسيل: اممم اوكي
عثمان مشى معاها لي برى المطار و وصى سايقهم يوصلها والهندي خذا جناطها ومشى جدامها
اسيل ركبت السياره وبالطريج كانت تشوف الشوارع

اسيل " هذي ديرتي !! ازورها جني غريبه !!! هـ هـ هـ !!
اسيل نزلت الفندق اللي حاجزته اول مادخلت غرفتها انسدحت بهدومها وفكرت بعثمان بس بسرعه انفضت هالافكار من بالها ودخلت تسبحت ودزت مسج ونامت




--------------------------------------


الساعه 2..

اسيل قامت صلت وبدلت ونزلت لقتها جداامها لمتها من قلب وبعدها طلعو مع بعض

اسيل :امبيه مامي حدي اشتقتلج
ام بدر : حبيبتي والله انا اكثر
اسيل : مكاانج بروما حييل مبين !!
ام بدر : يلاا عيل لحقيني وتعالي عيشي اهني
اسيل خذت نفس : وين اعيش مامي وانتي تدرين اني ما اعرف اهل ابوي ولا ابي اعرفهم
ام بدر : ليش ؟
اسيل : اذا اهو بيتقبلني خل يدورني اهو موصعبه على واحد له واسطاته مثله !!
ام بدر ابتسمت : وين تبينا نروح ؟
اسيل : اي مكاان انا ما ادل شي هني
ام بدر : الحين بنروح بيتي طبعا انا قايلتلج نامي عندنا بس انتي ما تستحين رديتيني
اسيل: مامي شنو انام عندكم لاا ما ياخذون راحتهم عادي بالفندق نايمه وكل يوم اشوفج
ام بدر : زين زين !! الحين بنتغدى ابيتي ناطرينج هناك والبنات المغرب يطلعونج يفررونج الكويت


** ام بدر كانت عايشه بروما مع ريلها وبناتها و ولدها بدر وقبل 6 سنين ردو عاشو بالكويت !! وصارت كل عطله تروح مع ولدها بدر هنااك تزور اسيل وامها و اسيل بعد الـ 18 صارت اهي تزورهم بروحها .. اسيل كانت تحبها حيل وتعتبرها امها !! ام بدر ردت الكويت يوم اسيل عمرها 16 تقريبا

بنات ام بدر .. سناء : 20 سنه مو متزوجه تدرس هندسه كمبيوتر
اسماء : 17 سنه اخر سنه ثانوي **


اسيل : لا مامي والله فشله
ام بدر : بلا هالسوالف
اسيل سكتت وكملت تشوف باجي الطريج
قاطعت ام بدر تفكيرها:يلا حبيبتي وصلنا
اسيل ابتسمت ونزلت
ام بدر دخلت البيت : حياج
اسيل : يحييج مامي ودخلت وراها شافت بدر لأنها تعرفه وبنتين
سناء :اهلين وسلمت عليها واسماء نفس الشي
بدر : هلاا بأختي تو ما نورت الكويت
اسيل : هههههههه منوره باهلها
بدر: شلونج
اسيل :الحمدلله انت شخبارك بييه من زمان مو شاايفتك
بدر : هههههه ايي والله انتي غباار !!
اسيل : هههههههه
ام بدر :يلاا حياكم تغدو
اسيل :وعمي وينه ؟
ام بدر : اليوم معزوم عالغدا قال العصر يشووفج
اسيل ابتسمت : انشالله
عالغدا اسيل كانت مرتاحه تحبهم حيل هذيل تحس منها وفيها !! من نفس الاصل ابتسمت براحه طول اليوم


الساعه 5

سناء : اسيل احنا نبدل ونطلع لا اقززج الكويت كلها
ام بدر : تبينها من الله
اسماء :انا ببدل نبي نطلع مبجر وراحت تبدل
وسناء لحقتها
اسيل قعدت تسولف حق ام بدر عن اللي صار من يوم ما ردت الكويت اخر مره الا عثمان ماذكرته !! وبدر يشااركهم الحديث دخل بو بدر
اسيل وقفت ومن بعيد : شلونك عمي
بوبدر : هلااا اسيل بخير انتي شلونج يابنيتي
اسيل : الحمدلله نسأل عنك
بوبدر : سألت عنج العافيه
قعد معاهم وسالفه ورا سالفه لين نزلو اسماء وسناء وطلعو ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-06-2011, 10:33 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL




الـــبـــارت الــســــابـــــع ...





امـــــانـــه قـــبــــل مــــاتـــرحــــل تـــفـــضـــل خـــافقــــي مابـــيــــــه ~~!!


عثمان بداره " ليش ردتني ! معقوله انا فيني عيب !! زين شنو هالعيب ليش ما شرحتلي ليش اففف تعبت من التفكير توني ببدايه هالحب وتعبت شلون بكمل العمر ؟؟ نص يوم وانا مو قادر حدي مشتاقلها شلون بعيش باجي اياامي ؟؟ تعــــــــــــبـــــــــــــــــــــــــت ابـــــيـــــــها !!


------------------------------------


سنــاء : طبعا اول شي راح نروح عالحب والخليج القز كله هناك فره هني وفره هناك اذا ما عجبنا الوضع نرد الافنيو بس اذا كان الوضع حلو راح ناخذ جم فره ثانيه

اسيل : ههههههههههه
اسماء : طولي عالاغاني شوي ابي استاانس
اسيل طولت واسماء قعدت تغني
اسيل :حيل اندمجتي
اسماء : هههههههه من زماان مو طالعه بصراحه فحيل مستانسه عرفتي
اسيل : دووم حبيبتي
اسماء : ويااج يارب !
سناء رن تلفونها قصرت عالاغاني : الوو هلاا ايي طلعت من شوي مادري ليلحين ماقررنا
ويها قلب الوان .. اممم ايي اييي يمكن افنيو هههه خلاص انشالله .. اييي اوكي ولا يهمج باي
سناء هدت تلفونها وقبل لا تطول
اسماء : الصاحب ؟
سنااء : ههههههه
اسيل : الله يخليكم حق بعض
سناء استحت : ماكنت حابه انج تدرين عشان لا اطيح من عينج بس اللي وراج فضيحه
اسيل : هههههه شدعوه الحب مو عيب ولا حرام وبعدين انا عايشه بروما هالسوالف حدها عندي عادي !
سناء : امممم
اسيل : ما راح تواعدينا ؟
سناء : ها
اسيل واسماء : ههههههههههه
اسماء : مسكينه استحت
سناء : جب انتي !! مادري خفت خلاص بقوله
عند اول اشاره عالحب مسكت تلفونها وطرشت مسج عالسريع وكملت طريجها
اسيل : اسماء انتي ما تحبين
اسماء : هههههههههههه لا يبه انا خليني راحت علينا
اسيل : حلفي عمرج 50 وانا مادري ايي صح احفادج اطول منج عدل ؟
اسماء : هههههههههههه ايي ايي بالضبط لا يبه انا حبيت مره واهو خلاني بدون سبب شكله شايفله شوفه ثانيه عرفتي ! فعادي انا مو مهتمه ولا افكر احب مره ثانيه متجنبه الشباب
اسيل : حياتي والله احسنلج مامنهم غير عوار الرااس
اسماء :ايي حده جذيي احلى
سناء : اسيل معقوله انتي ما حبيتي ايطالي
اسيل : ههههههه لا ايطالي ولا كويتي
سناء : عيل
اسيل : ماحبيت ولا احتاج اني احب ! الحب عوار راس وانا انسانه همي مكفيني
اسمااء : اريح لج
اسيل بعبط ooooh single ladies
اسماء : put ur hands up
اسيل : بس بس ريحتج
سناء واسيل: هههههههههههههههههههههه
اسماء : هـ هـ سخيفه
اسيل : اتغشمر شفيج
اسماء : لا حلفي لوو صج بخليجج ؟؟؟
اسيل :ههههههه ايي طبعا تخافين مني ماتقدرين تسوين شي
اسماء : جب عاد سكت لج واايد
اسيل :هههههههههههههه

كملو الحب ماكان زحمه لأنه نص الاسبوع !! راحو الخليج ازحم شوي واسيل فاصله على اشكال الشباب

اسيل :لاا الشباب علييهم حركاات مادري من ويين ياييبيينهم
سناء : عاادي بالكويت توقعي اللا متوقع زيين تبون تنزلون عالبحر ولا نروح افنيو ؟؟
اسماء : اول شي ودينا شرق نحجز فيلم حق باجر وبعدها نروح الافنيو عشان باجر ندخل السينما شرق مو اليوم شرق وباجر شرق !
سناء : جب خل نروح شرق الحين ولي خلصنا فريتكم مره ثانيه عالبحر وباجر نروح نتغدا بأفنيو .. جذي اوكي ؟
اسماء :ايي زيين
سناء : ما سألتج قاعده اسأل اسيل
اسيل : خلااص كبرو بلاا هوااش وانا ما تفرق معاي
سناء : خلااص اوكي وكملو لي شرق ونزلو تمشو شوي داخل وبعدها عالبحر
واهما عالبحر عثمان دق عليها

اسيل ردت : الو
عثمان : قوه
اسيل : اهلين
عثمان : شلونج؟
اسيل : بخير what about u ?
عثمان : امم الحمدلله .. اسف ازعجتج بس اشتقتلج فحبيت ادق اتطمن مره وحده
اسيل : اهاا لا انا الحمدلله بخير مافيني الا العافيه
عثمان : مرتاحه
اسيل: واايد
عثمان : اممم شكلج طالعه يمج ازعااج
اسيل : ايي انا بشرق مع سناء و اسماء
عثمان : موعلى اساس ما تعرفين احد بالكويت ؟
اسيل : ههههه لا الا هذيل
عثمان : امممم خلاص انا الحين اخليج معاهم اذا رديتي ممكن تدقين تطمنيني
اسيل : هههههه بأي صفه
عثمان خذا نفس : مابي اقولج بصفه انج حبيبتي عشان ما اضايقج بس لأني اخاف عليج انتي اعتبريني صديق غالي عليج وطمنيني
اسيل : ولأنه هذا الصج راح اسويه من عيوني
عثمان :تسلم لي عيونج حبيبتي!
اسيل :مااتفقنا على جذي
عثمان : قلبي ويهج شكوو فيج اقول اللي ابيه كيفي اييي حبيبتي شتبين يعني ؟
اسيل : ههههههه بلاا هالحجي
عثمان : قلتلج كيفي مالج شغل !
اسيل: خلااص زيين
عثمان : متى تردين روما ؟
اسيل : اليمعه
عثمان : بس 5 ايام ؟ وبعدين اليوم واليمعه لا تحسبينهم يمديج 3 ايام
اسيل : ايي يمدي انا يايه ازورهم واروح هذيل كاافي خو
عثمان : امممم اي حزه طيارتج؟
اسيل : 9 بليل
عثمان : امممم اقدر ايي المطار اشوفج حزتها
اسيل : طبعا ايي حتى لو الحين او باجر او عقبه انا راضيه
عثمان : متأكده ؟
اسيل : ايي متأكده وبعدين ماله داعي هالسؤال
عثمان : خلااص اوكي عيل باجر بشوفج
اسيل : باجر متفقين نروح افنيو .. عدل سنااء ؟
سناء :ايي حبيبتي
اسيل : اوكي
عثمان : خلااص باجر اول ماتطلعين دزيلي مسج عشان اييلج هناك اشوفج اي صوب
اسيل: اول مره بدخله باجر .. باجر اشووف الاوضاع واشوف احسن مكان ويصير خير
عثمان :خلاص زين الحين انا اخليج واشوفج على خير باجر تامريني على شي حبيبتي
اسيل ابتسمت : لاا شكراا take care
عثمان: وانتي بعد
اسيل : انشالله
عثمان : باي
اسيل: بااي !

اول ما سدته
اسمااء : احسه صبي مو بنيه !
اسيل : هههههههه ايي عثمان
اسماء : هاا!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-06-2011, 10:33 AM
صورة ملتفت صوبك لوعينك تهل دم الرمزية
ملتفت صوبك لوعينك تهل دم ملتفت صوبك لوعينك تهل دم غير متصل
━╃ je suis❤ desole ╄━
 
الافتراضي رد: رواية رقصه المـوت الكاتبة BRoNZ GiRL


بدايه موفقه ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-06-2011, 10:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رقصه المـوت الكاتبة BRoNZ GiRL


البـــــارت الــثــــامــــن ..





لأنـــي الــيــوم مـــا شـــفـــتــكــ .. ولا ايـــدي لــمـــست يـــدكــ ..!!
{ احـــس بـــشـــي نـــاقصــــنـــــي }



اسيل: مكانه مبين
اسماء : حبيبج ؟
اسيل : ههههه لا عثمان عرفته قبل اسبوع تقريبا بس بهالاسبوع كنت كل يوم اطلع وادش معاه رحنا وايد اماكن مع بعض حيل تعودت عليه وصار غالي بالنسبه لي بس اهو قالي انه يحبني وانا مو قادره احس اني احبه بس ارتاح لما اكلمه احس انه انا اسيل بدون اي تصنع ! اتكلم معاه بدون لا احط اي حدود بالسوالف .. حتى انه عادي اقوله عن سبب ضيقتي وانا اللي كنت ما احب اتكلم كلش !! مادري اهو غير بس هم ما احبه فما اقدر اكون له ولا اقدر اخليه !!

سنااء : حبييبتي انتي غرقاااانه بحبه لا تجذبين على روحج وتقولين انه غالي وبس
اسيل : لا الصج انه غالي وبس
اسماء: اسيل وااضح عليج تحبينه ومن عيونج شلون تتكلمين عنه !! انتي بس خايفه انه يخذلج بالنهايه عشان جذي مو حابه تبدين هالحب
اسيل : هييي شفييج تألفين حجي
اسماء : امبيييه اسيل مافي وحده تتكلم عن واحد بهالطريقه الا اذا تحبه
سناء : انتي مثل اسوم اول ماعرفت هذاك قالت لا بس فرند ومادري شنو وشوفيها لي اليوم ميته علييه !! انتي ليلحين ما استوعبتي هالشي بس لو بتفكرين بهالموضوع اكثر بتلقين نفسج حابته عطي هالمشاعر حقها انها تتمادي وعيشي هالحب !!
اسيل ابتسمت واهي مو مقتنعه كلش " احبه ؟لاا انا وين والحب وين لا تفكرين اهم مايدرون عن قلبج وعن مشااعرج عثمان صديق مو اكثر !!


-----------------------------------------------



الثـــلااثـــا .. افـــنيــــو ..

سناء : اوكي فيلمنا بعد 3 ساعات خلونا نتغدا اول وين تبون ؟
اسيل : انا ماتفرق معاي المهم اكل لأنه حدي يوعانه
اسماء :نينو او شيليز !
سناء : شيليز اقرب يلاا نزلنا
راحو شيليز كان فاضي شوي بعد ما طلبو اسيل وصل لها مسج قرته من عثمان !!ابتسمت من قلب

اسمااء :اشكراا عثماان طع الابتساامه شااقه الويه
اسيل: هههههه انا بروحله قال انه بمواقف ايكيا يعني اللي برا هذيل عدل ؟
سناء : اييي
اسيل : اوكي انا ما اطول 10 دقايق ويايه
اسمااء : روحي روحي وسلمي علييه ما اوصيج
اسيل:ههه shut up
اسماء : جب بس بأسلوب اذرب اوكي يلا يلا
اسيل : هههههه خذت جنطتها وطلعت راحت تشووف عثمان


--------------------------------

بسياره عثمان

طبعا مليون مره تعطر وشاف روحه بالمنظره !!
اسيل ركبت يمه: Hello
عثمان : اهليين مسك ايدها وباسها اشتقتلج
اسيل : اممم
عثمان : شدعوه ما اشتاقت لنا الحلوه !
اسيل :هههه لا اشتقتلك عشان جذي ييت اشوفك
عثمان : اويــــــــــــــــــــــلييي بس
اسيل : مممم بصراحه ما قدرت ما اشوفك تعودت اشوفك كل يوم
عثمان:عدل عدل زين قمتي تحسين شوي هاا
اسيل :ههههههه
عثمان حط عينه بعينها : احـــبج !
اسيل ابتسمت
عثمان قعد يغنيلها بعبط : احــبج اييـــ متأكــــد !! ولا يـــطـــري علـــي انـــســاج !! انا وشـــلون انســى اللي رســـمـــتــه دربــ مشـــواريـ ..!اسيل : عثمان
عثمان :هلا ياعيونه
اسيل: تسلم لي عيونه .. انا اسفه
عثمان بضيقه : لا اسيل ولا يهمج وبعدين عمر الحب ما يه بالغصب ! كل واحد وقلبه وانابكون لج اللي تبينه وبس ما راح اطلب اكثر اللي بيي منج انا راضي فيه ! اهم شي انج تكونين مرتاحه ومستانسه حتى لو مع غيري
اسيل " قلبك كبير " نزلت دمعتها واهي تشوفه
عثمان مسحها وبصوت حنوون حيل : اششششش اسيل الا دموعج ما اشوفها زين بابا ؟
اسيل : اممم انشالله
عثمان باس ايدها : حبيبتي انتي عشان خاطري يلا عاد
اسيل ابتسمت
عثمان : اروووووووووووووووووووووحلج فدوه على هالابتسامه
اسيل : ههههههههههه
عثمان : وتضحك بعد ناويه عليي ؟
اسيل :اسمله عليك
عثمان : ويخاافون عليي هاا
اسيل : طبعاا مو انت عثمان
عثمان : واذا عثمان ؟
اسيل : امممم واذا ماتدري عثمان شنو يعني خلاص لا تتحجى
عثمان : بتجعميني هاا اوريج بعدين
اسيل : هههههههه لا محشووم .. زيين عثمان انا لازم اروح مابي اطول على البنات
عثمان : اوكي حبيبتي بس لازم اشوفج قبل لا تردين روما
اسيل : انشالله .. ديربالك على روحك
عثمان : حاضر وانتي بعد
اسيل : انشالله يلا باي
عثمان : اسيل
اسيل قبل لا تنزل : هلا
عثمان : احبج
اسيل ابتسمت
عثمان :باي
اسيل نزلت وردت حق البنات واهي مبتسمه ..


الرد باقتباس
إضافة رد

رواية رقصه المـوت الكاتبة BRoNZ GiRL /كامله

الوسوم
bronz , المـوت , الكاتبة , girl , رواية , رقصه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 03:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1