غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-06-2011, 10:15 PM
صورة حب مانكتب بالجامعات الرمزية
حب مانكتب بالجامعات حب مانكتب بالجامعات غير متصل
ღحـبْـۓ لربـۓ يغنينـۓ ღ
 
B10 رواية إنتقام بحبر الدم / بقلمي







السلام عليكم ورحمة الله وبركاته


ها قد عدت أليكم من جديد ولكن ربما يوجد أختلاف كبير
بحثت لكم في عالمي الغريب ماهو جديد,لتبحر مخيلتي الى فكره جديده بالنسبة لي
لا أعلم أن كان سبقني بها غيري وهذا غير مؤكد لانها من خيالي ومن بنات أفكاري
وقد جدت بها الى قرائي الأعزاء بأسلوب مختلف عن روايتي السابقه
لنستمتع معاً بقراءة شيئاً جديداً

أتمنى من الجميع يقدر مجهودي بأراء تسرني وتسعدني بلقاكم

سيكون نظامي مثل السابق تكتب الصفحات في الكلمات الدلاليه بشكل مرتب
ليسهل على الجميع وجود الصفحات
في نهاية الروايه سوف تكتب جميع روابط الصفحات في صفحه واحده





لا أحد يرد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-06-2011, 10:21 PM
صورة حب مانكتب بالجامعات الرمزية
حب مانكتب بالجامعات حب مانكتب بالجامعات غير متصل
ღحـبْـۓ لربـۓ يغنينـۓ ღ
 
الافتراضي رد: رواية إنتقام بحبر الدم/ بقلمي









أريد من الجميع التخيل معي في الوصف كأنه دخل الى عالم
















..........

مدخل


تستنشق حب الأنتقام...تنزل دموعها بغزاره
لتسيل الدمعه على يدها وتجري مجرى عروق
الدم وتختلط به لتصبح في النهايه لا شي غير الدم



أنتـــــــــــــــقام بحبر الدم


الجزء الأول



عائلة الشيخ سالم وزهره

بيته متكون من طابقين صاله كبيره وواسعه في وسط البيت يتوسطها درج خشبي للطابق الثاني
تتكون من اربعة ابواب..باب لمجلس الرجال وباب لمجلس الحريم وباب يوصل الى المطبخ وباب يوصل الى
مجلس صغير فيه طاولة الأكل..في المطبخ بابين..باب لغرفة الشغاله وباب خلفي للمنزل كان الاثاث ما يدل
على ثراء أهل البيت لكن يدل على ذوقهم الرفيع في أختياره الدور الثاني الى اليمين أول باب غرفة الشيخ سالم
عمره 54 عاما رجل متوسط الجسم دائري الوجه كثيف اللحيه واسع العينين ما تفارق الابتسامه عن وجهه أبد
وهو أحد الدعاة الى الأسلام.. كثير السفر بسبب أنشغاله في الدعوه.. زوجه أبوه وهو مانتهى من دراسته الثانويه
بنت عمه اللي كانت أصغر منه بخمس سنوات..زهره عمرها 49 نحيفة الجسم والوجه عيونها متوسطه
وانفها صغير وفمها صغير صافية البشره بيضاء طبعها هادئه وحكيمه ومثل زوجها دايماً مبتسمه نعتبرها تربة على يد
زوجها لصغر سنها ..ثاني غرفه لولدهم الكبيرمحمد عمره 21 طالب جامعي قسم E طويل متوسط الجسم
نحيف الوجه متوسط البياض له شخصيه قويه من كثر اعتماد الشيخ عليه ويوصيه على البيت في غيابه من هو طفل
صغير يحمل قلب عطوف رغم قوة شخصيته..ثالث غرفه لهمس عمرها 17 ثاني ثنوي بنت هادئه ملامحها جميله
بيضاء واسعة العيون شعرها قصير متوسط النعومه لها شامه فوق شفتها وهي البنت المطيعه والمحبوبه من الجميع
ماتعرف تقول: لا.. لأي أحد يطلب منها شي..رابع غرفه لبدر عمره 16 اولى ثنوي يمتاز بشدة بياضه نحيف الجسم
متوسط الوجه شعره اسود وكثيف لون عيونه تميل للرمادي حبوب وطيب متعلق بشكل كبير بهمس لقرب سنهم و
خامس غرفه لرؤوم عمرها 14 ثاني متوسط منبع العطف والاحساس ماتقدر تشوف احد يبكي الا وتساعده صغيرة
الجسم مو بيضا كثير شعرها طويل ولها غمازه في خدها اليمين مايخلو البيت من مقالبها ولسانها الطويل..الغرفه
السادسه لروضه عمرها 12سادس أبتدائي بنت فرفوشه وعليها حركات عيونها عسليه سمرا بس مو كثير وشعرها
متو سط الطول وناعم يسمونها البركان لانها اذا عصبت من احد مسحت فيه البلاط..ماتتفق هي ورؤوم دايماً يتناقرون


نازله وهي تتأفأف..رؤوم:ياربي ياربي وش ذا أوووووووووف
زهره:أصبحنا وأصبح الملك لله
تروح تسلم على راس أمها وتحضنها كالعاده:صباح الخير يمه
زهره بهدوئها:صباح النور..ليه الصراخ على الصبح
رؤوم:يمه لازم تشوفون لكم حل ..أنا ما أحب المطبخ
زهره:اللحين أنا الفطور ومجهزته لكم ..أحد قالك أدخلي المطبخ
رؤوم:أيه ولدك ذا يبيني أسوي له شاي
همس نازله وهي تضحك على أختها:صباح الخير
الكل:صباح النور
همس:كل ذا الصراخ عشان شاي
رؤوم راحت لها وتحضنها:هموسه تكفين سوي له أنتي الشاي
همس:طيب من عيوني
رؤوم بفرح:ياناس أحبها هالبنت
نازل بهدوء:ما أحد راح يسوي الشاي غيرك...صبحكم الله بالخير
الكل:صبحك بالنور والسرور
رؤوم:خلاص هي قالت بتسويه لك
محمد:رؤوم طسي على المطبخ وسوي لي كاسة شاي
راحت وهي ماده البوز بس محمد رجع ووقفها
محمد وهو كاتم الضحك على شكلها:أنتظري يمكن فيه أحد بعد يبي شاي
رؤوم بنفس حالتها:تطمن الكل يشرب عصير على الصبح الا أنت مدري وش تحس بوه..وطارت على المطبخ
زهره:ههه حرام عليك خليتها تعصب من أول يوم دراسي
محمد:أعطيها خمس دقايق وترجع رؤوم لعادتها
دخل بدر ومعه ورود في أيده:صباح الورد والجوري
الكل أبتسم له:صباحك كادي
قرب لأمه:تفضل يا أحلى أم ..الورد الاحمر
أخذتها منه:مشكور ياقلبي
وأعطى محمد ورده بيضا:تسلم والله
وقرب لهمس وأعطاها ورده حمرا:جعلني فداك ياخوي..وباسته على ايده
بدر:أوبس كأنكم ناقصين وين الثنائي المتناقض..جايب لهم ورد أصفر يمكن يتصافون ويتفقون مره وحده في الحياه
محمد:هههههه ماتوقع ابد
نزلت هي وعفاريتها:قومي المدرسه روحي المدرسه نامي عشان المدرسه ذاكري عشان المدرسه
قام بدر وحط لها الورده بوجهها قبل ماتكمل الموال اللي يسمعوه كل أول سنه:صباحك ورد ياأبله روضه
روضه تاخذها منه:صباحك مدرسه وأداره..يسلمو يا أطيب أخ بالدنيا
وتوجهو كلهم على طاولة الاكل وجلسو وجات رؤوم بالشاي وحطته لأخوها وجلست مكانها
بدر يحط لها وردتها:تفضلي يا أحن بنت بهالكون
رؤوم بفرح:تسلم ياخوي وااااي فديتك..وحضنته:هذا هو الصباح العدل صباح ورد مو...والا بلاش
محمد ماقدر جلس يضحك عليها..وياخذ رشفه من الشاي:الله تسلم يدين اللي سوته ولا أطيب
رؤوم بفرح:الله يسلمك..عجبك الشاي
محمد:مو قادر أوصف طعمه من روعته
ضلت رؤوم فرحانه ونسيت الزعل وكل شي
روضه بأستخفاف:خبله من يومك بكلمتين نسيت كل شي
صفقها محمد بأيده:كلي وأنتي ساكته
مدة البوز وأكلت وهي ساكته ورؤوم فرحانه وتقهرها بحركات عيونها
بدر:يمه أبوي ماتصل...ياني مشتاق له
زهره:أمس أتصل متأخر ويسلم عليكم..ويوصيكم على دراستكم


...........................


عائلة سيف وزمرده

بيتهم طبق الاصل لبيت أخوه سالم وفي نفس الشارع يمكن الاثاث هو الشي الوحيد اللي مختلف بينهم
نشوف على طول الدور الثاني الى اليمين أول غرفه لسيف عمره 51 متين الجسم بس مو كثير
حنطي البشره واسع العينين خفيف اللحيه له غمازه في خده اليمين صاحب شركة مقاولات ويحب
الناس والجمعات..زمرده عمرها 45 بنت عمه وأخت زهره متوسطة الجسم بيضا البشره واسعة
العيون شعرها ناعم حبوبه وتحب الناس مثل زوجها وخدومه..ثاني غرفه لولدهم علي عمره 18
ثالث ثانوي ابيض البشره عليه طول ماشاء الله نحيف عيونه متوسطه حريص دايماً على برستيجه وأنيق
في لبسه ومع بدر في نفس المدرسه..مايعرف اسم علي الا في البطاقه الشخصيه والكل يناديه علاوي
..ثالث غرفه لمحبه عمرها 16 أولى ثنوي سمرونه عيونها واسعه ورموشها طويله وواضحه للأعمى
عيونها عسليه شعرها متوسط الطول وكثيف جسمها صغير عن سنها ومع همس في المدرسه...رابع
غرفه لنسيم 13 سنه أولى متوسط طبعها هادي بس يتغير اذا خالطة رؤوم وروضه صغيرونه وعليها دلع
الاطفال نعومه وحبوبه بيضا البشره صغيرة العيون مرسومة الحواجب شعرها طويل بس مو ناعم كثير

وهم مجتمعين على الفطور
سيف:هالله هالله على الدراسه أبي الاجتهاد من أول السنه
نسيم بدلع:من عيوني يا أحلى أب..تدري أنا شاطره من يومي
محبه:أيه الشطاره تقوطر منك هههه
علاوي:هههه وأنا أقول وش فيه فراشها مبلل أتاريه من كثر ماتقوطر من الشطاره
نسيم بزعل:بابا شوفهم يتمصخرون علي
سيف بحزم:أقول كله والا دلوعتي ماأرضى عليها..ويلتفت لولده:علاوي هذي أخر سنه أبيك تبيض الوجه
علاوي:أفا عليك يبه الاول بأذن الله وأنا علاوي
زمرده:أن شاء الله وتدخل التخصص اللي تبيه
يرن جرس الباب وينفتح وتدخل روضه
روضه:السلام عليكم
الكل:وعليكم السلام
تسلم على راس عمها وخالتها:شلونكم
زمرده:طيبين ولله الحمد
روضه:علاوي قم شوف أخوي منتظرك برا وأنت تطفح
علاوي طنقرت معه :من أول السنه طولة لسان..أستغفر الله العظيم..قام أخذ شنطته وخرج لبدر
سيف يضحك:ههه ودي أعرف أنتي ليه معصبه اللحين
روضه:أبد أنا مروقه مو معصبه
محبه:الله يستر أنتي كذا مروقه أجل لو عصبتي
نسيم:ياي لمن تعصب أبعدي عنها ههه
روضه:تعرفين تفزي انتي وياها اخوي ملتطع براا وانتم تهذرون..وخرجت وتركتهم
سيف يضحك:قمي أنتي وياها لاتاكلكم بنت سالم هههه
وعلى طول لبسو عباياتهم وطلعو وراها

....................


عند بدر وعلاوي
علاوي خرج وشاف بدر عند سيارته واقف
علاوي:هلا يابو الشباب
بدر:هلا فيك..مو كأننا تأخرنا
علاوي يفتح سيارته لومينا 2009 سودا ويدخل هو وبدر
علاوي:توها 7 الاربع
بدر يصك بابه:ربع ساعه مشوار ومع زحمة أول يوم خذ نص ساعه
علاوي:وش فيك دافور من أول السنه
بدر:هذي أولى ثنوي مو زي أي سنه..يلا طير بنا الى عالم الصحبه عالمي الذي استنشق منه ريح الأخوه وأرتوي من
العلم حتى الثماله...أرخى كرسيه ورجع راسه لورا
ناظر فيه علاوي:بدر
لف عليه:هلا
علاوي:يعجبني اسلوبك في الكلام..دوم اللي في خاطرك تقوله..أنت أنسان غريب
ابتسم له بدر ورجع لوضعيته..وعلاوي شغل سيارته وأنطلقو الى عالم الصحبه برأي بدر

........................

ركبن محبه ونسيم:السلام عليكم
الكل:وعليكم السلام
همس:وش فيكم كل ذا تلبسو عباياتكم
روضه:لا جالسين يطفحو فطورهم
محمد بحزم:رضو تكلمي زين وبطلي هاللهجه
نسيم بدلع:لا حموودي كله والا رودي ما أرضى عليها
محمد:جات أم دلع ماصخ...بتسكتين والا أحطك أنتي ورودي حقك في وسط الطريق
نسيم:ياي أنت مجرم
همس ورؤوم ومحبه جلسو يضحكون على ردها
محمد بأستهبال:يامامي صدمتيني في نفسي بصراحه
روضه:ماعليك منهم يضحكون على نفسهم
نسيم:أكيد ما علي منهم بقول لبابا يمعص له أذنه بس بشويش عشان أنا ما أستحمل أحد يقول أي
محمد نفسه حاشت:أوووووووف بتسكتوها والا شلون
محبه:نسيم أسكتي خلاص
رؤوم:لاتعصبين بأخوي أخاف نصدم من أول السنه ونروح المستشفى وأنتي تعرفين ماعندهم وقت أبره على طول طزه والا طزتين
نسيم بخوف:لالا كله والا الابر أنا أخاف ياي تعور...وحطت أيدها على فمها
وكملوا طريقهم وهم كاتمين الضحك...وصلهم لمجمع مدارسهم وكل وحده راحت للقسم حقها..وكمل طريقه لجامعته


...........................

زياد أخو زهره وزمرده وخال العيال


بيته مكون من طابق واحد بس واسع وكبير ومقسم بيته لقسمين قسم فيه مجالس الضيوف وله باب لوحده خارجي والقسم الثاني
فيه 3 غرف نوم ومكتب وغرفة جلوس وغرفه للشغاله داخل المطبخ
الغرفه الاولى لزياد عمره31 طويل القامه فاتح البشره دائري الوجه شعره متوسط النعومه والجسم مرسوم الحواجب
كان يدرس طب سنتين بعدين تعبت نفسيته من موت اعز اصدقائه ووقف..ودخل بنوك مصرفيه بس للحين يحب مجال الطب وعنده خبره
بسيطه..يشتغل في بنك وتوه متزوج من شهر...سكون23بنوته كيوت وهادئه على اسمها بيضا وشعرها مدرجته على طوله
نحيفه وجسمها صغيرون ملامحها طفوليه عيونها عسليه وصافية البشره ..تعبت مره في الطريق وساعدها زياد وتجنن عليها
وتزوجها


يداعب أنفه أنفها الصغير بهدوء وهي مستمتعه ونايمه في حضنه..وتناظر فيه ومخليته على راحته
زياد مغمض عيونه وغايب عن العالم تقريباً:اممممم سكون
سكون بهدوء:عيونها
زياد بهيام:أعشق أنفاسك أعشق كل شي فيك
ضحكت بخفيف وخدودها حمرت:زيوووودي
زياد:قلبه أنتي
سكون:أحبك وربي يشهد علي..أنت مافي مثلك أبد
زياد يغمز لها:أها وش قصدك تبيني أقفل الستاير عشان النور اللي داخل
سكون فهمت قصده:لا حبيبي..وصارت تفكر تبي تصرفه:اممم وش رأيك بكاسة عصير
زياد ضحك عليها:هههههههه يعني وش قصدك أتركني...بعد عنها:يلا ما أقول لا أذا هي من أيدينك الحلوين
قامت من السرير وهي تغطي نفسها ..كانت لابسه قميص وردي دانتيل بسواريه مطاطي
..مشيت وهي فرحانه وسعادتها ماتوصف
زياد بعد ماخرجت:وأنا اللي أقول وش لي بالزواج وعوار الراس..أتاري الزواج يجنن اللي مايتجنن ههههه
يرن جواله بمسج..زياد:منو ذا الغثيث اللي على الصبح..أهم شي مايكونون الشغل..قرب للكومدينا
وأخذ جواله وفتح المسج

لو تنازل الزير عن ثأر كليب...
ماتنازلت عن حبك ياأغلى حبيب...

صباحك أنا

مسح الرساله وحط جواله:وبعدين مع هالرسائل..اللين متى
تدخل سكون بأبتسامه وشايله صينية العصير اللي كانت على شكل قفص وداخله كاستين عصير ليمون
أخذها منها وخلاها تجلس على رجوله:ياعيني على قفص العصافير
تمد له كاسة العصير:تفضل
زياد:أبيك أنتي تشربيني
تمد له الكاسة وتبي تشربه
زياد:لالا مابي اشرب من الكاسه أبي اشرب من هنا
تلون وجهها وضلت ساكته
زياد:ههه لاتحاولي ماراح أغير رأيي...يلا بغمض عيوني
وغمض عيونه..أخذت لها نفس وبعدها رشفه من العصير وقربت له وصارت تشربه مثل العصافير
شرب منها وصرخ فجأه وهي أخترعت :وش فيك
زياد:عسل ياناس عسل
سكون تضحك عليه:لا عصير ليمون ههههه
زياد يمسك راسها ويرجع يحط أنفه على أنفها:منك كل شي عندي عسل
سكون تهمس له:أحبك.....ودمعة عيونها
زياد يمسح لها:مابي أشوف دموعك أبد



.........................


في أحد القصور الكبيره
كان عباره عن أرضين أرض فيها القصر وأرض مثل الاستراحه فيها بيت شعر ومسبح وصالة فيها العاب رياضيه
وزرع
القصر عباره عن دورين الارضي كل جدرانه زجاج وعليها ستاير نازله من السقف وكله مفتوح على بعض
الدور الثاني فيه أجنحه ..أول جناح كبير مع مكتب لجمال عمره 32سنه طويل عريض البنيه
شعره عادي صافي البشره عيونه دائريه شياكه وذوق درجه أولى له شخصيه قويه وينحسب له حساب بس قلبه قلب طفل
كان متزوج وفي يوم أنقلب حال ذا القصر بصراخ طلق مرته ورماها مثل الكلبه برا القصر وغير كل الاثاث
عشان مايفتكرها بشي والكل مايدري وش السبب..ومن بعده تغير جمال كثير وصار الكل يهابه ويخاف منه
ثاني جناح لجِنان أخته الوحيده ودلوعته عمرها 17 ثاني ثنوي أسم على مسمى جنان وهي فعلاً جنان فرفوشه وحبوبه
جسمها خطير بيضا وشعرها أسود وناعم عيونها وساع ومحدده وأنفها نحيف ...أمهم ماتت بسبب جلطه
وأبوهم أختفى بعد شهر من موت أمهم وكتب كل أملاكه لجمال وجنان ولا أحد يدري وينه


نازله وهي فرحانه بأول يوم دراسي تنقز درجه وبعدها تنقز درجتين :واااو وصلت هههه
وراحت لطاولة الاكل وتسلم على راس أخوها:صباح الخير يا أحلى جمووووول..وتجلس بجنبه
جمال بلا مبالاه:صباح النور..كل ذا نوم
جنان:من فرحتي بالمدرسه ماجاني نوم هههه...أكيد كنت مثلي
جمال:أفطري بسرعه عشان ماتتأخرين...قام من الطاوله:أنا مو جاي على الغدا عندي شغل
راحت ورا أخوها ومسكت يده:حبيبي وش اللي غيرك..أنا جنو ليه تعاملني كذا
سحب أيده:هذا أخر مره أسمع ذا الكلام..لبس نظارته وقرب راسه لها:أوكيه ياحلوه..وخرج
نزلت دموعها ماتدري وش اللي غير أخوها..أخذت شنطتها ومسحت دموعها ماتبي أي شي يعكر يومها الدراسي
وخرجت وشافت السواق منتظرها..ركبت معه وهي كلها شوق للقاء صحباتها



..............................


أول مادخلت المدرسه تجمعو صديقاتها يسلمو عليها
روضه تستهبل:وحده وحده صفو طابور مايصير كذا حنا مجتمع راقي
نجوم تضمها بقوه:لك وحشه يادبه ههههههه
تجي من وراها سمر:طابور ها..وتضمها بقوه مع نجوم
روضه بخنقه:وأنتو بعد واحشيني بس ممكن أوكسجين
بعدو عنها وهم يضحكون
نجوم:هههه أنتي ماتتغيري أبد...تمسك خدودها بأيدينها:تجنني وربي
روضه:بدينا شغل الأطفال
سمر:من كبرنا عاد تونا ماتخرجنا من الابتدائيه
وطق الجرس معلناً أنطلاق الطالبات الى طوابير الصباح
نجوم:يوووووووهـ لازم نوقف كل صبح..متى يتغير هالنظام
روضه تمشيهم على قدام:لاتخافي حتى في قبرك راح تكوني في طابور القبور هههههه
وكل وحده أخذت شنطتها وتوجهو لساحة الطابور الصباحي


نجوم 12 سنه بياضها حلو عريضة الجسم بس في نفس الوقت نحيفه مو طويله كثير وجهها دائري وشفاتها عريضه
ومخددهـ عيونها واسعه وشعر عادي مو بذاك النعومه ولا الخشونه
سمر 12 سنه أبيض من نجوم بشوي صغيرونه متوسطة الجسم وجهها نحيف ويميزها عيونها الخضرا شعرها مو ناعم
ومايل للأشقر لأنها سوريا بس عايشه ومتربيه في المملكه


.................................

عند رؤوم ونسيم
فصخو عباياتهم وقربو صديقات رؤوم وسلمو عليها
جود:فقدناك وربي
ميس:الا تمنينا المدرسه عشان نقابلك
رؤوم:وأنا بعد فقدكم كثير يابعد قلبي أنتم..وتعرفهم على نسيم:هذي نسيم بنت عمي وبنت خالتي بنفس الوقت
يسلمو عليها:حياك معنا
نسيم بدلع:الله يحيكم
جود وميس ناظرو في بعض وضحكو
رؤوم:ههههه هي كذا أسلوبه
نسيم:ياي اليوم مرهـ حر
ميس تستهبل :لازم نقترح عليهم مشروع عمل تكييف في الساحات عشانك ههههه
جود:ههههه والله فكره
رؤوم:أقول لاتتطنزون على بنت عمي ..توها جديده
نسيم:لا عادي لانهم صحباتك مقبول منهم أي شي
ميس:فديت الدلوعين أنا
جود:هههه لا بصراحه كلك ذوق
نسيم ضحكة بدلع
رؤوم:يلا خلونا ندلها على صفوف أولى ونروح صفنا...وكل وحده أخذت شنطتها وأنطلقو

جود عمرها 14 بنوته حبوبه سمرونه جسمها حلو وشعرها متوسط الطول عيونها صغيره
ميس عمرها 14 متوسطة الطول والعرض شعرها ناعم وقصير وجهها دائري فرفوشه ودمها خفيف


............................


أول مادخلت المدرسه راحت بسرعه لصديقتها وحبيبت قلبيها وهي بعد أول ماشافتها مقبله عليها قامت بسرعه وتحاضنو
همس:اشتقت لك كثير
جِنان تشدد عليها:وانا بعد مشتاقه لك موت..بغيت أطيح عند الباب من الطفاقه
همس:ههههه ماتخلي عنك هالحركات..تمسكها من اذونها بهدوء:ليه متأخره
جِنان تستهبل:اي اي اي أتركي أذني ما أقدر على هالرقه ههههه
همس:ههههههههههه..وتركنها
جِنان:أبد من كثر مافكر بأول يوم ماجاني نوم..ههههه حلو
همس:هههههه أما أنتي شي ثاني
وجات من وراهم:أحم أحم
ألتفتت جِنان...همس:أعرفك هذي محبه بنت عمي وبنت خالتي بنفس الوقت
وسلمو على بعض..جِنان:هلا والله نورت المدرسه
محبه:بوجودك يالغلا..أجل أنتي جِنان..همس مالها كلام غير عنك وأنك أعز صديقه على قلبها
جِنان:فديتها والله وهي بعد مالي أعز منها
همس بحيا:فديت اللي يتفداني
محبه:أقول بطلو شغل التغزل ودلوني على الطريق توني مو عارفه كوعي من بوعي
جِنان:ههههههه شكلك فله مو مثل هموستي..يلا أمشي قدامنا..وكل وحده أخذت أغراضها
ومشيو على صفوفهم

......................


يمتلئني شعور غريب لا أعرف الى أين سوف يوصلني..شعور بأملاً قريب سوف يبعدني عن الألم
الذي أعيشه وينتشلني على جنة الفرح..سيأتي يوماً ترتسم على شفاي الأبتسامه بدون حزن
أبتسامه ممتلئه بالسعاده ومشرقه للمستقبل القادم...قطع عليه أفكاره صوت علاوي
علاوي:بدور يلا وصلنا
بدر يناظر حوله ويخرج من سرحانه:وصلنا خلاص
علاوي:أيه طول الوقت وأنت مو معي..حاسس بشي..تعبان
بدر:لا أبداً..بس كنت سرحان شوي..يلا ننزل
نزلو الاثنين من السياره وأخذو أغراضهم ودخلو مدرستهم
أول مادخلو توجه علاوي لأصحابه ومعه بدر
علاوي بهمجيه:سسسسسسسسسسلام ياشباب
وسلم على فهد:هلا هلا بفهيد
فهد:هههه هلا فيك
وقرب رائد بصوته الحلو:

جبار حبك ولكنك علي غالي
وقلبي على حبك الجبار وصيته
يا اول غلا في خفوقي واخر أمالي
من قلبك الحب والاخلاص حسيته



علاوي يضمه:هههههههه أشتقت لأحلى صوت بالخليج
رائد:وربي لك وحشه
علاوي يبعد عنه ويأشر على بدر:هذا ولد عمي ..أسمه بدر
الشباب:هلا والله ببدير
بدر ضحك على أسلوبهم:هلا فيكم يالغوالي هههه
وجلسو مع بعض يتعارفو بس بدر حس أنه مرتبك من نظرات رائد له فقرر أنه ينهي نظراته له وحط عينه
بعين رائد..رائد أبتسم له وبدر بادله الأبتسامه..بعدين بعد رائد نظره وكمل سوالف مع الشله
رائد في نفسه:حلو شكله ملفت مايشبه علاوي ابد
ورن الجرس والكل توجه على صفه


رائد ولد رجل اعمال معروف وحيد ابوه ..دايم مشغول عنه والا يدري ولده وش يسوي
في دنياه..مافي الا يعطيه من الفلوس اللي يبي ولا يساله في يوم وش تبي فيها
شاب عادي لاهو بذاك الزين ولاهو بذاك الشين..بس جنتل مان شياكه وذوق وخذ من الصوت اللي تبي
مطرب الشله ومعروف بقريشاته اللي يوزع منها..لان بكل بساطه مو تعبان عليها ولا متعلم انه يحافظ على قرشه

فهد شاب حبوب وهادي ماله في السهر ابد ..يعشق الرقص بشكل مو طبيعي ويتفنن فيه وربنا اعطاه الجسم اللي يساعده
في رقصه وراح نتعرف عليه أكثر في القادم..ويسمونه الشله المرقصي ^_^

................
في البنك


كانت واقفه في الاستقبال ومعها أوراق..جا من وراها
سعد:صباح الخير
حلا:صباح النور..هلا استاذ سعد
سعد:أقول هو زياد داوم
حلا:المفروض اليوم يداوم بس أنا ماشفته..تبيه في شي
سعد:أكيد أبيه أنا ماسك شغله اللين يرجع
حلا وهي تشيل أوراقها:الله يعينك..عن أذنك..وراحت عنه
سعد في نفسه:غريبه هالبنت ..وراح على مكتبه


حلا موظفه مبتدأه هادئه بطبعها وماتتكلم كثير حلوه شعرها مو بذاك النعومه طويله
وعريضه شوي ومحتشمه في لبسها بالذات اذا كانت في البنك وماتعطي وتاخذ
كثير في الكلام والكل يحترمها

سعد صاحب زياد شخصيته على حسب المكان اللي هو فيه
مرح ويحب المزح قصير الطول وعريض حنطي البشرهـ دائري الوجه
لمن يعصب يخور كل الكلام ولا يدري وش يقول

جلس على المكتب وأخذ جواله واتصل
سعد:الوووووووووو
زياد:هلا والله
سعد:هلا فيك..مو ناوي تدوام أنت
زياد:ها لا يمكن بكره
سعد:أحلف عاد..أقول مصختها ماصار شهل عسل
زياد:ياربي منك جات على يوم
سعد:أيه هو انت حاسس بالي انا فيه طول الشهر وانا منكرف بسببك وانت فالعسل غرقان
زياد يضحك:ههههههه ولا يهمك بعوضك يوم فرحك
سعد:اللحين أنت من جدك مو جاي
زياد:الا من جدييني ههههه
سعد:طيب طس عن أذني..وقفل السماعه بوجهه
زياد ميت عليه ضحك:ههههههاي الله ياخذ شرك ياكثر ماتقفل في وجهي

..............

وصل محمد الجامعه ودخل من البوابه الا وينسحب من وراهـ
محمد رجع على ورا وكان بيطيح..بس مسكه صاحبه
محمد يضربه:وجع من أول يووووووووووووووم
خالد يضحك:ههههههاي مشتاقلك يادب...ويتاحضنون
محمد يبعد عنه:بس عاد من أسبوع شايفك
خالد:أووووف ياخي قلي مشتاقلك واحشني الدنيا من دونك ماتسوى ..أي شي جامل
محمد:هههههههه طيب كيف الحال
خالد يضرب يدينه في بعض:مافي فايده فيك..انا زين
محمد:أحسبك موبايلي خخخخخ
خالد يبي يقهره:ماتضحك مع خشتك
محمد يضحك:هههههه بشر كيف الاهل وأبوك رجع ولا ..لا
خالد يزفر بهدوء:رجع بس سافر من يومين..وترك كل شي على راسي
محمد:الله يعين..يعني هو راح يلعب مو كله على شانكم
خالد بصوت شوي عالي:ياخي مانبي شي منه..نبيه هو أنا وأخواني محتاجينه..مو قادر أشيل الحمل لوحدي
محمد أحس أني تعبان..مو قادر أطلع مثل باقي الشباب
محمد يهديه:طيب أهدى لازم تنكد على عمرك من أولها..أمش خلينى نسلم على الشباب وبعدين لي جلسه معك
وراح هو وصاحبه عند الشباب



خالد صديق محمد أبوه دايم يسافر عشان لقمة العيش ويترك الحمل عليه..أنسان مرهف المشاعر حنون
متوسط الطول مع العرض بياضه عادي وشعره مو ناعم بس ابتسامته حلوه وملفته للنظر لكنها
أنعدمت من محياه من يوم تحمل مسؤولية أمه وأخواته وأخوه..وراح نعرف عنه أكثر في الايام القادمه






برب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-06-2011, 10:26 PM
صورة حب مانكتب بالجامعات الرمزية
حب مانكتب بالجامعات حب مانكتب بالجامعات غير متصل
ღحـبْـۓ لربـۓ يغنينـۓ ღ
 
الافتراضي رد: رواية إنتقام بحبر الدم/ بقلمي



بعد أنتهاء الدوامات


دخلت جنان بيتهم وهي فرحانه بأول يوم ومبسوطه ..وانقلب وجهها وهي تشوف وش كبر بيتهم لكن مافي غيرها
قربت لها الشغاله:مدام أحط أكل
جنان:ايه حطيه ببدل وأنزل..أقول بابا جمال ماتصل
الشغاله:لا مدام
جنان:طيب روحي..وراحت عنها
..ياربي اللين متى راح نظل كذا..أووووووف..وطلعت على غرفتها

..............


دخلت جري وتصارخ:يماااااااااااه لحقي علي
خرجت زهره من المطبخ ومسكت فيها روؤم:وش صاير
روؤم تاخذ نفسها:بنتك المتوحشه تبي تعضني
ودخلت روضه ورمت شنطتها على الارض وشمرت كم البلوزه:تعالي والله لو سافرتي لابوي وراكِ وراكِ
زهره:أقول أهجدي..وعلميني وش صاير
روضه:يمه أنا أكلم محمد وأقول له جيب لي شيبس..تقوم هالملقوفه وتقوله عندها تحت السرير كثير
زهره:بس كذا..طلعي على غرفتك وأنا راح أتفاهم معها
روضه بزعل:يمااااه
زهره بحزم:على غرفتك
راحت اخذت شنطتها وهي تنافخ وتتحلطم..وطلعت على غرفتها
زهرة مسكت روؤم من أذنها:أنا كم مره قلت لك لاتدخلي في شؤونها
رؤوم:أي أي يمه توبه ..بس أنا قلت الصدق ماكذبت
همس واللي من أول دخلت وشافت المناقشه:ولو لمن هي تكلم أحد مالك خص تدخلي في الكلام..والا عاجبك اللحين
رؤوم:ياربي كلكم علي خلاص توووووووبه..وتركتها زهره وطلعت على غرفتها
زهره:ياربي من هالبنتين بجنينوني
همس:ههههه ماعليه يمه يكبرو ويعقلو..بطلع أبدل وأنزل أساعدك
زهره:طيب ..محمد وينه
همس وهي طالعه في الدرج:بيوقف السياره ويجي..وطلعت
.....................


دخلو محبه ونسيم:السلام عليكم
زمرده:وعليكم السلام..يلا بدلو عشان تتغدو
محبه:وعلاوي جا يمه
زمرده وهي رايحه على المطبخ:اللحين بيجي هذا موعدهـ
وطلعوالبنات يبدلو وابوهم كان نازل سلمو عليه
علاوي وهو داخل:السلام عليكم..ويروح لأبوه يسلم عليه
سيف:هلا بولدي وعليكم السلام
وتوجهو الاثنين للصاله وجلسو فيها
سيف:ها بشر كيف أول يوم معك
علاوي:الحمدلله يبه..أعطونا الكتب
سيف:وولد عمك شلونه
علاوي:هو بعد بخير ومتحمس للدراسه
سيف:الله يوفقكم..أنتبه عليه ياولدي
علاوي:لاتوصي حريص..بدر في عيوني



................................

دخل خالد بعصبيه:يلا أمشو قدامي كل وحده ماشيه على قشر بيض
ميس:خالد وش فيك اليوم عصبي
نجوم:لاتصرخ علينا قدام الناس وش هالفشله
قرب لها خالد ومسكها من شعرها..نجوم:آآآآ يمااااااااه
جات أم خالد على صراخهم:خالد اترك أختك
خالد زار على اسنانه:طولت اللسان ما أبيها سامعه
نجوم وهي تبكي:طيب بس أتركني
تركها وهي على طول راحت على غرفتها..شلون يطقها وهي بالنسبه له بنته اللي رباها ويدلعها
ام خالد:لاحول ولاقوة الا بالله..وش فيك ياولدي
خالد بضيقه:تعبان والله تعبان..وراح على غرفته وصك الباب بأقوى ماعندهـ
ميس:يمه خالد اليوم مو طبيعي
ام خالد:لان توه ابوك مسافر..اعطيه كم يوم وراح يهدأ
دخل فهد وهو يغني ويرقص على الخفيف
ميس:أصحاب العقول في راحة
فهد:مساء الخير
الام وبنتها:مساء النور
خرج خالد بعصبيه:بدري يا استاذ..توك مشرف..عسى ماحضرت عرس
فهد سكت وماعرف وش مسوي عشان يتكلم خالد معاه كذا
خالد بعصبيه زياده:أنت ماتسمع انا اكلمك
فهد راح له وباسه على راسه:أسف ياخوي..بس تدري زحمة السير وانا جاي مع صاحبي مو بسياره عندي..وراح على غرفته
سكت خالد وضغط على صدره بتعب
ميس قربت له:خف على عمرك..وش رايك ترتاح..ناظرها وبعدين راح على غرفته ولا تغدى معهم

بكذا عرفنا عائلة أبو خالد
خالد صديق محمد
ميس صديقه رؤوم
نجوم صديقه روضه
وفهد المرقصي صاحب علاوي

...........................

المسى والكل جالس على برنامج مسابقات ومتحمسين للأجوبه
رؤوم بصراخ وتشجيع:الفريق الاخضر بيفوز
روضه وهي تاكل الشيبس وفمها مليان:لالا انقلعي الاحمر وبس
محمد:وبعدين معكم ماراح تسكتو
همس تضحك عليهم:ههههه اللي يشوفهم يتخاصمون يقول راح يعطوهم من الجائزه شي
وما خلصت همس جملتها الا والفريق الاحمر مدخل نقطه..تقوم روضه وتناثر الشيبس وتصارخ
روضه:بالطول والعرض الاحمر يهز الارض..بطول والعرض الاحمر يهز الارض..وترفع يداتها وتتقصع يمين شمال
بدر وهمس مييتين ضحك عليها..ومحمد عصب على توسيخ المكان:اللحين خلي الاحمر حقك يجي يساعدك في التنظيف
أنقلعي على المطبخ وجيبي المكنسه ونظفي
روضه بزعل:يمه شوفيه..أنا رضو أنظف هزلت والله
بدر:هههه ودي اعرف من وين تجيبي الكلمات
روضه بأستخفاف:يمدحون المعجم يا أستاذ
محمد بشوية عصبيه:لا يمدحون المطبخ..1..2
روضه قامت:خلاص بروووح..ياربي متى تصير عندنا شغاله أوووف
زهره:الا صدق محمد ..مكتب الاستقدام ماتصلو عليك
محمد:لا يمه للحين ماتصلو
رؤوم:أهم شي تتكلم عربي..مو مثل اللي راحت تعبنا معها..ومحمد صار مترجم لحضرت جنابها
بدر:انا ومحمد قلنا لهم ..نبيها تتكلم عربي..عشان أمي ماتتعب معها
ويرن التلفون وينقز بدر أول واحد له:الو
سالم:السلام عليكم
بدر بفرح:هلا يبه..وعليكم السلام ورحمة الله وبركاته
الكل قام وراح لجهة بدر يبي يكلم
بدر:يبه مشتاقين لك..تكفى أرجع تأخرت كثير
سالم:وانا والله مشتاق لكم ان شاء الله مو بمطول..كيفكم ..وش هي أخباركم
بدر وكأنه أختنق بعبرته:بخير عساك بخير مو ناقصنا غير شوفتك
محمد حس على أخوه وسحب منه السماعه..وهمس مسكت بدر وجلسته
محمد:هلا والله بالغالي
سالم:هلا فيك ياعزوتي..وش فيه أخوك
محمد:تدري فيه..أخبارك أنت..مو كأنك طولت هالسفره
سالم:كلها أسبوع وانا عندكم..عمك وعياله شلونهم وخالك وزوجته
محمد:كلهم بخير ودوم يسألون عنك
سالم:سألت عنهم العافيه
وبدات روضه تكلمه وبعدها رؤوم وبعدها زهره وبعدها همس..وسكرو منه بعد ماتطمنو عليه وتطمن عليهم
محمد يقوم بدر:قوم معي أرتاح..مابي أشوف هالحزن والتعب عليك
بدر وهو يقوم:مو بأيدي والله..وطلع أخوه على غرفته ومعه همس
رؤوم ودموعها:ياويل حالي على أخوي..قلبه رهيف وحساس
روضه:والله مدري على أيش تصيحون
زهره:يارب حنن قلب هالبنت..مدري من وين جايبه هالجمود
روضه تستهبل:من الفريز يمه
زهره تقوم تطقها على راسها:مافي فايده فيك


................................



زياد ينادي ويصفر:سكووووووون يلا بسرعه..ياربي وش هالثقل
نازله وهي تضحك عليه:ههه وش فيك مستعجل
زياد:اكيد مستعجل..ورانا خواتي وبعدين اهلك وبعدين نتعشى وبعدين
سكون:خلاص خلاص..يلا انا جاهزه
وخرجو وركبو سيارتهم وتوجهو الى بيت أبو علاوي
وقبل مايوصلون لهم..في بيت سيف
نسيم جالس تجلد كتبها:ياربي مره تعبت من التجليد
محبه:اجل انا وش اقول
نسيم تركت كتبها:اروح اتسلى شوي بالتلفزيون..وراحت له
محبه:وانا وش اللي يجلسني..وتلحق أختها
علاوي نازل ومعاه كتبه:ياعيني على الشطاره..هذا اللي بتجلدو
محبه تستهبل:فيه برنامج نتابعه اسمه كيف تجلد ههههه
نسيم ومحبه يصفقو يداتهم ببعض..نسيم:هههههه حلوه
علاوي:وش خفت الدم اللي عندكم هههههه
محبه:الطفش ومايسوي
علاوي يجلس ويمسك له كتاب يقرأ فيه..يرن الجرس ويقوم يفتح
زياد:السلام عليكم
علاوي يسلم:وعليكم السلام..وبأعلى صوته:أيها العائــــــــــــــــــله المعرس جا
زياد يدفه:هههه الله يرجك..أنقلع عشان مرتي بتدخل
علاوي : حركات وصرنا نقول مرتي وتغار عليها .. وحركات كثير ... ويغمز له
ضحك عليه زياد من قلب
راح علاوي وجو البنات يسلمو عليهم
نسيم:ياي خالو جا..وتسلم عليه
زياد:هلا هلا بياي..فديتك على هالدلع اللي أنتي فيه ههههه
محبه:أيه والله ..الله يعينا على هالدلع
بعد ماسلمو على سكون:أجل وين أم علاوي
زمرده نازله:هذاني جيت ..حيا الله من جانا..تو مانور البيت
زياد يسلم على أيدها وراسها:هلا والله بالغاليه..منور بصحابه
وتسلم على سكون ويجلسو سوا
زمرده:توكم خارجين من البيت
سكون:أيه تونا..أنتم أول ناس نروح عندهم


.............................


في بيت ابو خالد
كان الكل مجتمع في غرفة ميس يجلدو كتبهم
فهد يجلد ويغني:ورا ورا..عاشو ينكس
ميس:هههههه الله يخلف عليك ياخوي
نجوم:ههههه فاصل وبقوه
دخل خالد وشافهم يضحكون ويمزحون بس بمجرد دخوله الكل سكت جلس على السرير وهو مرتبك
موعارف وش يقول والا شلون يعتذر..قرب لفهد ويبي يبوس راسه بس فهد ما اعطاه فرصه
فهد:أفا ياخوي ماهقيتها منك
خالد:سامحني ياخوي..وربي كان حالي ضايق
فهد:والله مسموح..مستحيل أزعل منك
خالد يناظر نجوم..ويفتح لها ذراعيه..وهي ماصدقت جاته ركض ورتمت في حضنه وجلست تبكي
خالد:أسف ياقلبي..خلاص لاتبكين
نجوم:خلوووود وربي ماتحمل صراخك علي
خالد يبتسم:خلاص تووووبه ماراح أصرخ عليك..أوكيه
نجوم:أوكيشن
فهد:هههه من وين جايبه الكلمه ذي
نجوم تمسح دموعها وتضحك:هههه من رضو
ميس:هههههه أخت رؤوم
نجوم:يب هي...دايماً تقولها

............................



جلسوا زياد وسكون نص ساعة عند زمرده..وبعدين توجهو للزهره
وقبل لايوصلون كانت همس تكلم جِنان:خلصتي تجليد كتبك
جِنان:خلصت جزء منها..والباقي بكرة أن شاء الله..ياربي شفتي أبلة سهير ماكنت أبيها تدرسنا أبد
همس:بالعكس مره ممتازه في الشرح
جِنان:بس لسانها طويل ومبهدله ..ماعندها ذوق في اللبس
همس:أستغفر الله ..وأنتي وش لك بشكلها لك بشرحها..كم مره قلت لك خلي الناس بحالها
جِنان:ياساتر أنتي ماتبي أحد يقول رأيه
همس:هههههه اذا رأيك كذا لاتقولي لأحد...ويرن الجرس:أقول جنو بعدين أكلمك بشوف من عند الباب
جِنان:للحين ماجبتو شغاله
همس:لا..يلا باي..وسكرو من بعض
ركضت رضو وفتحت الباب
روضه:زيووووود هلا والله
زياد يطقها:زيووود في عينك ..ياربي من ذي البنت لسانها وش طوله
همس وهي تسلم على خالها:هلا خالي..ماعليك منها تحب تدلعك
سكون:هههههه..يازين دلعها..أجل وين أمكم
رؤوم جات:هلا والله بالمعاريس كلوووووش..وعليك سعيد ومبارك
روضه:ولا اله الا الله...ورا ورا..عاشت رؤوم
زياد يضحك عليهم:هههههه والله تنفعو طقاقات
زهره وهي جايه:بسم الله على بناتي..أركدي أنتي وياها
وسلمت عليهم وجلست
زياد:وين العيال
زهره:محمد عند بدر في غرفته..أبوه أتصل اليوم ويسلم عليكم
زياد:الله يسلمه..وبدر تعب صح
همس تهز راسه بأيه..قام زياد وطلع للعيال


........................



بعد ماسكرت همس مع جِنان:ياربي اليوم ماجابت سيرة محمد
وهـ مدري وش يصير فيني يوم تجيب سيرة أخوها..بصراحه رجال ولا كل الرجاجيل..مو مثل شباب هالوقت
مياعه وليونه كنهم بنات
وبدأت عندها حالة التخيلات الانثويه .. تناظر في نفسها وتحس محمد بجنبها..وروحها العاشقه بتطلع منها
وبدأت تغني له بصوتها وكأنها في أحضانه







وينطق الباب وتخرج من جوها الرومانسي اللي عيشت نفسها فيه
جمال:تعشيتي
جِنان:مساء النور أول
جمال بنرفزه:أخلصي علي تعشيتي
جِنان:لا للحين
جمال:نزلي سوي لنا عشا مابي أكل الخدم..وراح وتركها
جمال في نفسه:غريبه مو من عادتها تغني وهي لوحدها... وهنا قلبه دق وصاحبة واحد اسمه ابليس
نزلت وسوت عشا خفيف وحطته على الطاوله..وجلسو ياكلو سوا
كانت الانفاس هي الشي الوحيد اللي ينسمع..هدوء قاتل سرحان وشتات افكار..كانت تنتظر منه اي كلمه
تقطع الجو الكئيب اللي جالسينه
جمال:شلون المدرسه
جنان واللي كأنه ماصدقت نطق:الحمدلله ..مره حلو اول يوم...شفت البنات وسلمت عليهم
وكل وحده جلست تقول وش سوت في الاجازهـ..تصدق وحده منهم تقول
قاطعها جمال:ماصار سؤال سألته..جاوبي على قد السؤال
جنان هنا انقهرت منه ونزلت دموعها غصباً عنها..قامت معصبه:ياخي حس فيني انا وحيدهـ تعرف شلون وحيدهـ
ماعندي احد اكلمه ماعندي احد اخرج معه..حتى الكلام مستخسرهـ فيني..وطلعت جري على غرفتها
ضل هادئ في مكانه ماتوقع انها تعصب ..انسدت نفسه وقام طلع على مكتبه يكمل شغله

شعور قاسي ان تعيش بين الناس... وتقتلك الوحدهـ !!!

........................



طق الباب ودخل بهدوء:سلام
لف محمد وشاف خاله:هلا وعليكم السلام..حياك
دخل وقام بدر وتسند:هلا خالي
زياد:هلا بالدلوع حقنا
بدر ابتسم بتعب:حرام عليك هذا شكل واحد يتدلع
زياد:اعطني يدك خلنى نطمن عليك
محمد:مايحتاج ياخال..شويت ارهاق لأنه مانام من يوم رجعته من المدرسه
بدر:صح مثل ماقال محمد
زياد يضحك:عطني بس مافي فكه مني ههه
جلس يفحصه..زياد:لاتمام..يلا محمد خلي اخوك ينام..وراهـ مدرسه ولازم ياخذ راحه أكثر
خرج محمد وزياد..وبعد دقائق فتح بدر الابجوره وطلع دفترهـ وجلس يكتب اللي بخاطرهـ
(كلما اشعر ان الدنيا كالغشاوهـ في عيني اشعر انا اجلي قد بدأ يقترب..كل الطيور تهاجر بجناحين
وانا اهاجر بأعمالي..شي مؤلم ان تعيش في الدنيا كأنك تقف عند شباك قطع التذاكر تنتظر متى تقطع
التذكرهـ لترحل بعيداً عن أناس تحبهم ويحبوك)
سكر دفترهـ والابجورهـ ونام

...............................



بعد ماخرج زياد من عند اخته وتوجه لاهل زوجته وبعدين خرجو يتمشو سوا
وهم قدام البحر يتناقرون
زياد:لالالا تحاولي فكي فمك بأكلك
سكون مستحيه:زياد الله يخليك لا تخلي الناس تطل علينا
زياد: وانا وش علي منهم..وي زوجتي كيفي
سكون:طيب لمن نرجع البيت أكلني براحتك
زياد:يعني شلون بتفتحي فمك والا افتحه بالغصب
سكون رضخت له..وجلس يأكلها واللي حولهم قتلتهم من المناظرهـ
غصت سكون في لقمتها وقامت تكح.....زياد شربها على طول مويا
زياد:بسم الله عليك..انتي بخير
سكون بصوت مبحوح:ايه..ما ابيك تأكلني
زياد:طيب خلاص..أكليني
سكون:ولا اكلك..اخاف تغص مثلي من عيونهم
زياد:اصلا انا غصت خلاص من زمان ياقلبي زياد انتي
سكون سكتت ولا قالت شي..خلصو اكلهم وراحو على بيتهم لان زياد راح يبدأ دوامه
ويبدأ معه عالم من الدموع لم تكن بالحسبان ... ذلك العالم الذي لايتركه حقد البشر
يناضلون ليصلو حتى لو يدوسو ا على من يقف بطريقهم ... تلك والله قلوب ميته وتعفنها يصل للأبرياء !!!!



مخرج:


هاهي الان تبدأ بالاقتراب الخانق
والتدمير بسكون دون صوت
كالمسدس ذا كاتم له..ليقضي
على هدفه بهدوء






أرآئـــــكم تسرني
لكم أكاليل الود








  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-06-2011, 11:48 PM
صورة غموض ملامح الرمزية
غموض ملامح غموض ملامح غير متصل
©؛°¨غرامي متألق ¨°؛©
 
الافتراضي رد: رواية إنتقام بحبر الدم/ بقلمي


حـآبة إنــي اسجــل نفسي كأول إنسـآنة ارد ..
على روآييـة من كتـآبتك يا رآئـعه ..

بقـرأ البارت ولي عودة إن شاء الله ..
مودتي لك .. !

.
.
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-06-2011, 12:13 AM
صورة وفـآي غ ــلطه ~ الرمزية
وفـآي غ ــلطه ~ وفـآي غ ــلطه ~ غير متصل
ربـآھ عطّفـﮗ إذآ ضآقت بنآ آلأنفآس . .
 
الافتراضي رد: رواية إنتقام بحبر الدم/ بقلمي





بدايتهــا حيــــل روعه
حبيتها وحبيت شخصياتـها
يسسعدني اكون من متابعيـــك ي غلاا
وننتظر ابداعك بالبارت الجـاي ^^



مووووفقه حبيبتـــي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-06-2011, 12:40 AM
صورة خطوات هادئه الرمزية
خطوات هادئه خطوات هادئه غير متصل
©؛°¨غرامي فعال ¨°؛©
 
الافتراضي رد: رواية إنتقام بحبر الدم/ بقلمي


وااااااااااااااااااااااااااااااااي
مني مصدقه واخيرا نزلتي الرواية الجديده
يسلموا ميمو بدايه موفقه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-06-2011, 12:46 AM
صورة غموض ملامح الرمزية
غموض ملامح غموض ملامح غير متصل
©؛°¨غرامي متألق ¨°؛©
 
الافتراضي رد: رواية إنتقام بحبر الدم/ بقلمي


ولآ اروووووع ..
امووت وانـآ اقول لك اي قد مبدعة ..
حسسـتيـيني بنقـص روآيتي :( ..
انتظرك في البارت الجااي .. بس متى قللبو البـآرت ..؟

تحيـآتي و مودتي لك يا اححلى كـآتبة ..
.
.
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-06-2011, 12:54 AM
صورة ms.london الرمزية
ms.london ms.london غير متصل
©؛°¨غرامي متألق ¨°؛©
 
الافتراضي رد: رواية إنتقام بحبر الدم/ بقلمي


يسعدني اني قريت روايتك
كلمات حلوه رائعه ماراح تقدر تكفي عليها لان قليلها فيها
انتظرك قلبو^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 22-06-2011, 12:58 AM
صورة [ أَلَق الْفَجْر ] الرمزية
[ أَلَق الْفَجْر ] [ أَلَق الْفَجْر ] غير متصل
©؛°¨غرامي فعال ¨°؛©
 
الافتراضي رد: رواية إنتقام بحبر الدم/ بقلمي


في انتظار البارت الجاي ياالغلا
والرواااايه شكلها جنان

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 22-06-2011, 01:12 AM
صورة » مَلآمحْ نآع ـمہ ™ الرمزية
» مَلآمحْ نآع ـمہ ™ » مَلآمحْ نآع ـمہ ™ غير متصل
©؛°¨غرامي مجتهد¨°؛©
 
الافتراضي رد: رواية إنتقام بحبر الدم/ بقلمي


بدايتها في قمة الرووعه
وبداية موفقه
البارت كان روووعه حيييييل
بس حبيت اعرف منو الأبطال الاساسييين
ويعطيج العافية عالبارت
بنتظار التكمله ... لاتطولييين
 


رواية إنتقام بحبر الدم / بقلمي

الوسوم
1-5-8-11-14 , 16-19 -23 -25-26 , ابو جمال وذلك الخائن , ابطال في حضن الماضي , بدر وتلك الحبيبه , دموع ابرياء , خيالية غريبهـ , جنان والقادم الغريب , رائعه وغريبه ومختلفه , عشق رومنسي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 03:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1