غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-06-2011, 03:56 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
Uploadfef5c031fd روايتي الأولى : راحو وأنا لأنفاسهم كنت محتاجه


السلآم عليكم ورحمه الله وبركاته

أحببت ان انظم إلى كآتبآت هذا المنتدى منتدآنآ جميعا غرآم

جئتكم بروآيه اتمنى ان تكون مختلفه عن باقي هذه الروآيآت

أعدكم بأن تكون هذه الروايه مختلفه من جميع النواحي

وراح تكون البارتات يومين بالاسبوع وراح احددهم بس لما اشوف تفاعل

وايآم الدرآسه بيكون يوم واحد بالويك اند

وان شا لله نخلصها قبل ايآم الدراسه

معكم الكآتبه { كنت آعرفك } لاأحلل من ينقلها دون ذكر اسمي

روآيتي تتحدث عن أشخاص عاشو حيآه من الحزن والمر والمصائب ايضا

وقد تخطو كل مصاعب الحيآه بكل قوآهم واستطاعتهم ليكونو لهم حيآه مليئه بالفرح والسعاده والحبب


رآآحوو(وآنآ)لآآنفآآآسهم...كنت مـحتآآآآجه..~ ‏



تعديل كنت اعرفك; بتاريخ 23-06-2011 الساعة 04:14 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-06-2011, 03:59 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى راحو وانا لأنفاسهم كنت محتاجه


..( الجززء الأول )) ..
في أحد الاحياء الفقيره في المنطقه الشرقيه في منطقه الخبر بالتحديد
في صبآح يوم الأربعا

فهد : يممه يممه
.. : ماما تعبانه ونامت اسكت لاتصحيها
فهد : ليه وش فيها قبل اطلع ماكان فيها حاجه
.. : لما طلعت جاو عمامي وكالعاده ارتفع ضغطها وراحت تريح بغرفتها
فهد : لاحول ولا قوه الا بالله مدري متى يتركونا ع راحتنا
.. : الله يفكنا منهم .. الا صح وش بغيت منها
فهد : ايي منننى باركي لي قبلوني بتوظف اخيرا ومن يوم السبت بدآوم
منى : ألففف مبرووووووووك أخيرا بتخف حيآه الفقر .. اول رآتب يجيك نبي عزيمه عدله سآممع
فهد : مابعد اداوم وحطيتي عينك ع اول رآتب اذا جا بشرو بالخير

عائله بو فهد
بو فهد : متوفي من 17 سنه لما كانت زوجته حامل ببنته منى
ام فهد : أم حنونه وصبوره بمعنى الكلمه تحملت الحياه بعد وفاه زوجها وربت عيالها احسن تربيه
وتحملت المشاكل من أهل بو فهد
فهد : عمره 25 سنه وسسسيم وطويل عاش طفوله مرا سيئه بعد وفاه ابوه حاول يسآعد امه في مصروف البيت قد مايقدر
ربى أخته منى وصار لها الاخو والابو
منى : عمرها 17 سنه في ثاني ثنوي جممييله وعيونها وسآع وبيضاء وشقارها محليها اكثر .. خبلا وتحب الاستهبال والطلعات


.. : وغرق الغرققققققققآن اكثر وغرق الغرقآن اكثثر عآششو
فيصل : أكشخ بدر وش عندك مروووق
بدر : آحببببببببببب يآخيي
بو بدر : آستح تقول هالكلام قدآمي
فيصل : ههههههههههه بدير كلها قلت احب وسوآ فيك كذا
بدر : آه يآفيصل الي يشوفني يقول كفرت .. ترا الحبببب مو حرآم
آم بدر : الا حرآم .. يآعيآل قومو عنآ ابي ابوكم بموضوع
بدر يغمز لامه : اي تقولون الحب حرآم وانتو تبونا نقوم مشان تآخذون رآحتكم يآلحبآيب
فيصل : بديييييير قوم قبل يجيك شي
وقآمو بدر وفيصل ..
آم بدر تلف ع ابو بدر : ها وش صار مع زوجه اخوك
بو بدر : والله ماتغير شي للحين مو راضيه
ام بدر : يآربي ليه تخلونها ع كيفها
بو بدر : وش نسوي بيتها هي وعيالها مانقدر نبيعه بدون رضآهآ ..
والله محتار مدري وش اسوي والله مفتشل من بو حمد هو يبني شركته جمبهم ويبي بيتهم بيضم الارض للشركه وتخيلي هالبيت المعفن يبي يشتريه بـ 5 ملايين وهي مو راضيه تبيعه
ام بدر وهي مستغربه : قلتتتتتتت لها انه بـ 5 ملايين ورفضت ..
بو بدر : لا طبعا خبل اقولها انا ابي اشتريه منها بـ 500 ألف وأبيعه ع بو حمد
أم بدر : اي عشان كذا هي رافضه .. مشا الله عليك مفكر زين
بو بدر : اي أعجببك .. انا جالس لها لممممما تبيعه غصب ولا طيب
ام بدر : زييين

بو بدر : اخو بو فهد الكبير طمممآع بشكل ويشتغل بشركه بو حمد وموظف فيصل معه
ام بدر : انسانه حقوده وتتمنى كل حاجه تصير لها بس تكره ام فهد ودايم تسبب لها المشاكل والكره اسبابه غامضه بنعرفها مع الايام
بدر : ولدهم الكبير عمره 26 سنه أسمر وطويل وعريض جممآله بدوي .. صديق فهد الروح بالروح ودايم ابوه وامه يهاوشونه اذا عرفوانه طلع مع فهد ويحاولون يفرقونهم .. طيب مرا بعكس اهله ومتوظف في شركه ارامكو
فيصل : عمره 25 سنه جميل .. يكره عيال عمه بو فهد وبدون سبب بس عشان اهله ولا حاول يتقرب لهم ابد
جنى : عمرها 18 سنه جميله ودبدوبه وسمرآ تشبه اخوها بدر .. دايم بحالها ماتحاول تتقرب لاحد وهي بأخر سنه بثنوي


..
ع البحر وفي أحدى الشاليهات الملك الراقيه كآنت اصوآت الموسيقى والاغاني ماليه المكان
ليان وهي ترقصص : بابا حبيبي قوم ارقصصص معنا وسع صدرك
بو حمد : ههههههههه رآحت علينا يآبنتي خلينا هالخبال لكم
لين وهي تجي لابوها وتمسكه من يده : بعددي ليآن انا اعرف اتفاهم مع بابا
بو حمد : يآبنآت تركوني ع آخر عمري ارقص
حمد : ابووووووي وش في التوائم مجتمعين حولك
بو حمد : تعال لايفوتك يآبوي يبوني ارقص معهم
حمد : ههههههههههههههه بعدو بس تبونه يرقص بعصاته
ام حمد طفت الاغاني وجات جمب بو حمد : حبيبي قوم نطلع ع البحر
حممد يصفر : آمووووووت يآحبيبي
بو حمد مسك يد زوجته : يلا قومي حبيبتي ..
وطلعو برآ
حمد لف ع خواته : يآ أخوات وش رايكم نطلع برا نركب دبآب
ليآن ولين : ييييييييييييلآ قبل تجي ماما وتسوي لنا سالفه

..
بو حمد : انسان غني وصآحب اكبر شركه بالخليج يحب عييآله ويحقق لهم كل حاجه يبونها وخصوصا ولده حمد .. ويعشق زوجته تزوجها عن حب
ام حمد : طيييييييييييبه وحنونه بس اذا حد ضرها بحاجه ماتسكت وتتغير 180% درجه .. تحبب زوجههها بشكل جنوني
حممد : عمره 27 سنه وسيم وطوله متوسط وخببببببببل يحب الاستهبال وكل حاجه يطلبها تحقق ويحب يدلع خواته
ليآن : عمرها 20 سنه توئم هي واختها لين جميله ورومنسيه ودمعتها بعيونها بسرعه تصيح
لين : عمرها 20 سنه خبلآ تشبه اخوها بجمالها وبعكس اختها صبببببببوره ومستحيل حد يشوف دمعتها

...

منى وهي تضرب بآب غرفه امها : يمه صاحيه !
ام فهد : اي يمه دخلي حيآك
منى : يمه كيفك خفيتي
أم فهد وهي منسدحه بغرفتها : اي حمدلله صرت احسن ..يمه منى وين اخوك جا ولا باقي
منى : فهد بالصاله ينتظرك تصحين يبي يقولك حاجه
أم فهد : وشو
منى : خليه هو يقولك آزين
ام فهد : طيب يآيمه بقوم اغسل واصلي وجآيتكم
منى تصآرخ لفهد : فهوووووووود هذا امي جايه استعد
دقايق وجات امهم الصاله
آم فهد : السلآم
فهد وهو يقوم يبوس راس امه : وعليكم السلامه .. يمه كيفك
ام فهد : بخير ياعسآك بخير .. وش الي بتقوله خوفتني اختك
منى : لآتخآآآفين يممه خبر يجننن
فهد : اي صح كلام منى .. آممممي تووووووظفت
ام فهد : جدددد يممه .. وين توظفت
فهد : توظفت بشركه بو حمد
ام فهد وعيونها مدمعه : ماشا الله والله فرحت قلبي يآولدي
منى رآحت جمب امها : امي ليه تصيحين
ام فهد : دموع الفرح يايمه
ورن جوال فهد وقآم يرد
فهد : هلآ بولد العم
بدر : آهليييييييين يالاخو وينك يالقاطع
فهد : ابد موجود بهالدنيا
بدر : فااااضي يعني ولا بزي!
فهد : لا والله فاضي جالس مع الاهل
بدر : سلم لي ع خالتي .. وقوم معي نططلع البحر
فهد : والله يآلييييييت ميت طفش
بدر : يلآ انا قريب عند بيتكم انتظرك برآ
فهد : اوك فمان الله
ورآح فهد لآمه واخته
فهد : يممه بدر يسلم عليك
ام فهد : ربي يسلمه
منى سمعت اسم بدر وخقت
فهد : يمه انا بطلع معه تآمريني بحاجه
ام فهد : سلآمتك يمه انتبه لنفسك
فهد : ان شا الله يمه .. منى تبين اجيب لك حاجه بالطريق
منى : .............
فهد : منننننننى اكلمك
منى : ها وش تبي
فهد : اقول خليك مفهيه .. ربي معكم
ام فهد : بحفظظه

..

..:حبيبي مشتاقه لك مرا
...: وانا اشتقت لك ياقلبي
..: فصصولي متى نطلع مع بعض
فيصل : خلاص ع الساعه 9 نروح الكفي الي متعودين نروح له
ندى بدلع : لا حبيبي طفشت دايم نطلع قدام الناس وما اقدر اقرب منك
فيصل : يآروحي ولله آجل صبري ماباقي حاجه وأخلص تأثيث الشقه ونآخذ رآحتنا .. آحبك ياقلبي
ندى تسوي مستحيه: ههههه وانا احبك كثير آعقل لاتخليني استحي اكثر
فيصل : وانا اقدررررر اسمع هالصوت وأعقل
ندى بدلع : حبيبي والله

وتستمر محادثات فيصل الي مالها نهايه.. ومع كل بنت يرجع ويقول نفس الكلام

..

وبالشاليه
طلع حمد مع خواته وخذو دبآبآتهم وركبو
ليان ركبت لوحدها .. وحمد مع لين
لين : حمممممد بلا خبآل خفف السرعه ولا نزلني
حمد : ههههههههههه تمسكي كويس بس
ليآن تصرخ : وقفوووووووووووووووو مو قادره الحقكم
حمد يلف ع ليآن : انتِ خليك ورآ يالخوافه
لين تصرخ : حممممممممممممد انتبه


..
.. : يمممممممماه تعال بسرعه شووووف وش صاير


وانتهى البارت
اتمنى اشوف تفاعلكم وتوقعاتكم ..
والبارت الجاي بيكون اطول ان شا الله ..



تعديل كنت اعرفك; بتاريخ 23-06-2011 الساعة 04:10 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-06-2011, 05:52 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: روايتي الأولى : راحو وأنا لأنفاسهم كنت محتاجه


وعليكم السلام


موفقه ان شاء الله


القوانين ، تحديث جديد ؛

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-06-2011, 12:19 AM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


نورتي مشرفتنا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-06-2011, 07:00 PM
صورة غلاك ملك كوني الرمزية
غلاك ملك كوني غلاك ملك كوني غير متصل
©؛°¨غرامي فعال ¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


مررحبآأ عسسسولتي
يشرفني أول من يرد ع رواتسس
بصرآحه بدايتهاا مـــــــــــــآأإآأإآأإره حلووووه
أحسهاااا حماااس وفيهآأ أحداث مررره حلوووه
بصراااحه واصلي واتمنى ينزززل البارت الثااني بسرررعه
لان بجد بجد بجد الروااايه بايين عليهاا جنااااااان قلبي
بانتظااارتسس فديتسسسس
لاتطووولين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-06-2011, 07:01 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


تسلمين ياقلبي .. اهم حاجه عجبتك

ان شا الله بوكرا بنزل بارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-06-2011, 06:53 AM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


الجزء الثآني
.. : يمممممممماه تعال بسرعه شووووف وش صاير
... : وشو وش فيك وش صاير
.. يصصصرخ : شوف وش صاير ورآك
..: لاحول ولا قوه الا بالله قوم نروح لههم

..
بو حمد وزوجته يتمشون ع البحر

بو حمد : جوآهر تذكرين شهر عسلنا لييييييت ينعاد
ام حمد : ههههههههه وانا اقدر انسآه .. اخيرا ناديتني جواهر بس مكبرني وتناديني ام حمد
بو حمد : هههههههههه تآمرين مابنآديك غير جواهر
ام حمد : ع طاري السفر حبيبي وين ناوي نسافر هالصيف عيالك مرا طفشآنين وودهم يغيرون جو
بو حمد :الي تآمرون فيه انتِ بس طلبي وانا انفذ
ام حمد : تسلم ربي لايحرمني منك
بو حمد : كأن تأخرنا ع العيال قومي نروح لهم
ام حمد : لا بدري تكفى خلني جالسه معك مرا مشتاقه لك
بو حمد وهو يضمها : ههههههههه اوك حبيبتي
ام حمد : ورببببببي آحبك ع كثر حبآت الرمل ومهما نكبر مستحيل يقل حبي لك
بو حمد : مو اكثر من حبي لك كل ماتكبرين تحلوين بعيوني آكثر وآكثر
ام حمد مستحيه :........
بو حمد : ههههههههه لبى الحيآ عليك ..

...

جنى : ماااااااااما
مآريه : ماما في يطلع برا هو كلام انت كلم هو ضروري
جنى : اوك ثآنكس
جنى وهي تكلم امها : هلا ماما
ام بدر : هلا حبيبتي
جنى : امري ماما ماريه تقول انك تبيني
ام بدر : مايامر عليك عدو .. حبيبتي قومي جهزي
جنى : ليه ماما
ام بدر : رآح اروح بيت عمك بو فهد وابيك تجين معي
جنى : لا ماما تكفين مالي خلق طلعات ومجاملات
ام بدر : يلا حبيبتي تكفين عشآن امك
جنى : اسفه ماما بس بجد مالي مزاج
ام بدر : اوك حبيبتي الي يريحك انتبهي لنفسك وكلي كويس
جنى : ان شا الله
ام بدر : فمان الله

آم بدر تكلم السواق : روح بيت بابا بو فهد

...

آم فهد وهي جالسه مع بنتها بالصاله يتآبعون التلفزيون يرن الجرس
ام فهد : خير اللهم اجعله خير الساعه 9 مدري من جآينآ
منى : اي والله يمكن حد من اصدقاء فهد
ام فهد : قومي يآيمه شوفي مين ولاتفتحين الباب لما تعرفين مين انا مافيني حيل اقوم
منى : ان شا الله يمه
قامت منى وفتحت الباب ورجعت الصاله
منى : امي زوجه عمي جايييه قومي غرفتك بقولها انك نايمه لاتتعبين مرا ثانيه
ام بدر وهي داخله : هذا اكرام الضيوف يام فهد تتركني بنتك عند الباب لا وتقولك هالكلام
ام فهد : حياك عذريها هي خايفه ع صحتي
ام بدر : وانا مو جايه اضرك انا جايه ازورك واتطمن عليك
ام فهد : حياك ربي .. منى جيبي الشاي والقهوه
منى وهي معصبه : اوف ان شا الله
ام فهد : نورتي البيت شخبارك وشخبار العيال
ام بدر : حمدلله كلنا بخير
ام فهد : حمدلله وشخبار بدر ان شا الله مرتاح بوظيفته
ام بدر وهي تاخذ القهوه من منى : اي خلينا من العيال انا جايتك بموضوع
ام فهد : آمري
ام بدر وهي تطالع منى : والله ابي اتكلم معك لوحدنا
ام فهد : يمه منى ممكن تتركينا لوحدنا
منى وهي تتأفف : طيب
ام فهد : وهذي منى راحت امري .. لايكون نفس الموضوع الي جاني فيه بو بدر الصباح
ام بدر : اي يام فهد انتِ ليه رافضه الموضوع .. بو بدر واخوه يبون مصلحتك
ام فهد : والله مصلحتي اني ابقى بهالبيت مع عيالي
ام بدر : بيعيه واشتري لك بيت ثآني
ام فهد : ليه يعني الحين 500 الف وش تجيب حتى شقه ماتجيبها
ام بدر : ابشري .. لك مني اخلي بو بدر يعطيك من عنده 300 الف زياده
ام فهد وهي قايمه : مشكورا ماقبل صدقات من حد
ام بدر : جلسي يام فهد .. انا مو قصدي كذا
ام فهد : عارفه مو قصدك .. عن اذنك انا تعبانه وبروح اريح
ام بدر : يعني ايش اعتبرها طرده وانا الي جايتك لبيتك ومقدرتك
ام فهد : انا ماقلت طرده حياك بيتك ومحلك بس تعبانه بقوم اريح .. انادي لك منى تجلس معك
ام بدر : مشكورا لاتنادين حد انا بمشي بس جيت ابي مصلحتك ومصلحه عيالك بس انتِ الله يهديك مو متقبله مني كلمه
ام فهد : حياك لاتقاطعين
ام بدر طلعت وهي معصبه : مع السلامه
منى : يمممممممآه ناس نشبه
ام فهد : بقوم انام تصبحين ع خير
منى : امي تعبانه !
ام فهد : لا حبيبتي بس جاني النوم
منى : اوك نوم العوافي

..
بو ضي : يام ضي وينها بنتك ماتنشاف
ام ضي : نايمه .. نومها زفت تصحى اذا نمنا وتنام وحنا صآحين
بو ضي : بنت وحيده ومانششوفها الا ساعه باليوم
ام ضي : ربي يخليها لنا
ضي نازله من الدرج وتغني : العفو دام العفو للمقتددددر قدرك ربي على قلبن يبيك العفففففو
بو ضي : طول وقتها نايمه وتنزل وهي تغني يآبنت سلمي
ضي وهي تبوس راس ابوها : هلا بآحلى ابو بهالدنننننيا كلها
بو ضي : ايي انتِ نصبي علي بهالكلام .. وينك يآبوك مانشوفك ولا شي
ضي : اسفه بابا رآح اعدل نومي عشان اجلس معععكم
ام ضي : يعني ايش وانا مالي سلام
ضي وهي تبوس راس امها : ههههههههه اسفه ماما وش فيكم ناوين تزعلون علي
ام ضي : مشتاقين لك وش نسوي
ضي : بششرو بجلس معكم لما تطفشون مني .. باااااااااااااااابا تكفى نبي نطلع مليت من جلسه البيت
بو ضي : كلا نايمه اكيد بتطفشين .. وين تبين نروح
ضي : خلينا نروح مول نتمشى ونتعشى ونرجع
بو ضي : اوك بشري قومو جهزو
ام ضي : والله انا مالي خلق طلعه ومشي بروحها رجولي تألمني .. روح انت مع بنتك
بو ضي يبي يجننها : اييي كبرتي .. ضي يآبوك دوري لي وحده من ربعك اتزوجها
ام ضي عصبت وقآمت : اي تزوج الله يوفقك
ضي وبو ضي : هههههههههههههههههههه

..
بو ضي أخو بو فهد وبو بدر : طييييب مرا ويحب بنته الوحيده .. ومن طيبه الزايد اخوه بو بدر يمشيه ع هواه
ام ضي : قلببببببها كبير وتعشق بنتها وزوجها
ضي : عمرها 17 سسنه في ثآني ثنوي .. جميله وبشرتها برونزيه وأنفها سله سيف وشفايفها مرا صغار .. ورومنسسسسيه وتعشق شي اسمه نوم وعلاقتها بصحبآتها قويه بحكم ان ماعندها خوات


..


وعلى البحر بس بجهه مختلفه عن بو حمد وام حمد

ليآن وهي تصيح : آآآآآه لين ردي علي تكفين
بدر : كلمممم الاسعاف بسرعه
فهد : كلممته بس 100% بيطولون ..
بدر : قوم نآخذ هالبنت حرام تنزف
فهد : اوك .. اختي لو سمحتي قومي معنا وبعدي عشان نشيل اختك الاسعاف مطول
ليآن وهي تصيح : بسسرعه تكفى بتموت آختتي
بدر : ان شا الله اختي انتِ هدي مالها الا العافيه
وفهد شآل لين وركبها السياره وركبت ليان معها
فهد : بسسرعه بدر ع اقرب مستشفى
بدر : ان شا الله

..
وبالمستشفى
فهد وهو شايل لين ويصارخ : بسسسسرعه جيبو سرير
وخذوها ودخلوها الطوارئ
بدر : اختي هدي حالك ان شا الله بتصير بخير
ليآن زادت بكي : آه آختي بتموت
بدر : صدقيني بتصير بخير ..
فهد : لو سمحتي اختي من اهلك عطينا رقم لهم مشان يجون
ليآن : عططططني جوال تكفى ابي اكلم بابا
فهد وهو يعطيها الجوال : سمي
ليآن خذته واتصلت ع ابوها وهي تصيح : باااااااابا تكفى الحق علي
بو حمد : مين ليآن وش فييك
ليآن وهي تشاهق : تكففففى بابا تعال انا بالمستشفى مع لييين
بو حمد : وش فيكم يآبوك اي مستشفى
ليآن تصيح : مدري والله
وعطت الجوال فهد : تكفى كلم بابا قوله اي مستشفى
فهد : هلا عمي لاتحاتي بنتك بخير حنا بمستشفى .....
بو حمد : الله يعطيك العافيه هذا انا جاي مسافه الطريق

...

آم حمد : وش صصصاير وش فيها لييآن اي مستشفى تتكلمون عنها
بو حمد : والله مدري حالي من حالك كلمتني تصيح وتقول انها بالمستشفى مع لين وكلمني واحد وقالي اي مستشفى
ام حمد تصيح : قوم نروح لههههم بسرعه آه يآعيآلي
بو حمد يهديها : هدي ان شا الله انهم بخير هذا حمد معهم مابيخليهم يحتاجون حاجه
ام حمد : يارب آحفظهم يآرب
ورآحو المستشفى ..

...
ع البحر
.. : ها اخبارك مع هالعمل
... : والله تمااام
.. : نوووواف شوف كأن في رجآل هناك
نواف : اييي والله وش فيه منسدح ع الرمل
محمد : مدري ليكون فيه حاجه قوم نروح له
وتوجهو نواف ومحمد للرجال المرمي ع الارض والدم مغطي وجهه
نوآف : شكله صاير له حادث ولا حد ضربه .. بسرعه خلينا ناخذه للمستشفى
محمد : بسسرعه ناخذه مستشفى العيله بكلم ابوي يجهز لنا الطوارئ
نواف : يلا سآعدني نشيله
وخذوه ع المستشفى
..

وبالمستشفى الي فيها لين دخل بو حمد وزوجته وسألو عنهم ودلوهم ع الطوارئ
ام حمد وهي تضم ليآن : آآآه يآبنتي وش صار لكم
ليآن وهي تبكي: انقلبنا بالدباب وليين داخل لهم ساعه ماطلعو
بو حمد : ياااارب احفظ بنتي يارب
الا بطلعه الدكتور وتجمعو حوله كلهم
فهد : بشر دكتور
الدكتور : تطمنو صار معها كسر برجلها وجبرناه لها وتأخرنا عشان نوقف النزيف وحمدلله وقف
ام حمد : بسم الله ع بنتي .. وينها ابي اشوفها
الدكتور : تقدرون تشوفونها بس دقايق لما تطلع الممرضه
بو حمد وهو يضم ليآن : تططمني خلاص اختك بخير
بو حمد لف ع فهد وبدر : مشكورين يآعيآلي والله مهما اسوي ماراح اوفيكم حقكم
فهد : شدعوآ عمي ماسوينا شي بناتك خواتنا
بدر : حممدلله ع سلامتها عن اذنكم
بو حمد : ربي يحفظكم
ام حمد : ليآن وين حمد
ليآن وهي تو تتذكر : يممماه حمد كان مع لين بالدبآب بس مدري وينه .. بعد الحادث ماشفناه
بو حمد : لا حول ولا قوه الله بالله .. انتو جلسو مع لين انا بروح البحر ادور عليه
ام حمد : اذا عرفت حاجه طممممنا تكفى
بو حمد وهو يمشي : ان شا الله ..

دخلو ليآن وامها للين
ليآن وهي تضم اختها : خوفتينا عليك
لين : لاتخافون انا بخير .. حمد كيفه
ليآن : حمممد مـ ...
ام حمد وهي تسكت بنتها : حممدلله حمد بخير ماجاه شي
لين : حممدلله وينه هو وابوي ابيهم
ام حمد : رآحو يكملون اجرائات المتسشفى
لين : كويس
ام حمد : نامي يآبنتي ريحي
لين : ان شا الله مرا تعبانه
ليآن : ماتشوفين شر
لين : الشر مايجييك
ونآمت لين .. وام حمد وليآن ع اعصابهم

..
بالمستشفى الآخرى مستشفى عيله محمد .. بعد مادخلو الرجال الطوارئ
بو محمد : وش صار ياولدي من هذا
محمد : والله مدري يبه شفناه انا وصديقي نواف وحنا نتمشى ع البحر جمب الشاليهات
بو محمد : لاحول ولا قوه الا بالله .. الله يقومه بالسلامه حالته صعبه نزف كثير اذا طلع الدكتور وقالكم حالته طمنوني
نواف : ان شا الله عمي
وجلسو نواف ومحمد ينتظرون الدكتور يطلع ويطمنهم
شويات وطلع الدكتور ومعه الممرضات وماخذين الرجال
محمد : وشش صار دكتور
الدكتور : ادعو له حالته صعبه بندخله غرفه عمليات عشان نوقف النزيف مو راضي يوقف
نواف : يااارب يحفظه
وتوجهو مع الدكتور لغرفه العمليات وانتظروه برا .. وقالو لبو محمد الي صار
والكل يدعي انه يصير بخير وصحه

..
بالمستشفى وتحديدا غرفه لين .. دخل بو حمد
ام حمد : وش صار تكفى طمني لقيته
بو حمد : لا والله مالقيته وبلغت الشرطه قالو بيسألون عنه بالمستشفيات
ام حمد وهي تصيح : يارب يحفظه يارب ولدي لايجيه شي يارب خليه لي
ليآن : امي روحي انتِ وابوي البيت ريحو تعبتو كثير وتأخر الوقت صارت الساعه 3 الفجر انا بجلس مع لين
ام حمد : لا انتِ روحي انا بجلس مع بنتي
ليآن : لا والله انتِ ريحي واذا صار حاجه طمنوني
بو حمد : ان شا الله بنتي انتبهي لاختك واذا احتجتو حاجه كلموني
ليآن : ان شا الله
بو حمد وهو يبوس راس لين : يلا مع السلامه ام حمد انتظرك برا
ام حمد سلمت ع بنتها وطلعت

..
في صبآح يوم الخميس
وبمستشفى العيله

طلع الدكتور بعد ساعات طويله بغرفه العمليات
راحو له محمد ونواف
محمد : بشششر دكتور
الدكتور : والله مدري وش اقولكم صار معه نزيف بالدماغ لان الضربه جات ع راسه
وقدرنا نوقف النزيف بس اذا ماصحى خلال 24 ساعه بيدخل بغيبوبه
ومشى الدكتور
نواف : لا حول ولا قوه الا بالله
محمد : دورت معه اوراق تبين عنه حاجه مالقيت .. كيف بنقول لاهله اكيد يحاتونه
نواف : والله مدري مالنا الا ننتظر حد يجي يسأل عنه ولا هو يصحى
محمد : الله يصبر هله ويشفيه
نواف : امين .. قوم نريح متت تعب من جلسه الكرسي
محمد : اي والله حتى انا .. يلا مشينا
ومشو محمد ونواف وراحو بيتهم يريحون


..
وبالمستشفى لكن بمستشفى آخرى .. بغرفه لين
دخلت امها وابوها
بو حمد وهو يسلم ع بنته : كيفك حبيبتي خفيتِ
لين : يب بابا
ام حمد : اي حممدلله وجهك احسن اليوم
لين : تكفون ابي اطططططلع تعرفون ماحب جلسه المستشفى
بو حمد : مافي طلعه لما ننتطمن عليك وتخفين .. ماصار لك يوم ومليتي
ليآن : اوووووووه يماه طفشتني من صحت وهي تحن ابي اطلع
ام حمد : مابتطلع لما اتطمن عليها
ليآن : بابا قوم معي تحت ابي اجيب لي كفي
بو حمد : يلا قومي حبيبتي
وطلعو بو حمد وليان
ليان : بابا وش صار ع حمد
بو حمد : والله ماصار حاجه تو كلمتهم قبل اجي .. قالو دورو عنه بكل المستشفيات الحكوميه وقلت لهم دورو بالاهليه قالو ان الاهليه ماتستقبل حوادث
ليان وهي تبكي : ربي يحفظه
بو حمد : هدي يآبنتي لاتشوفك اختك كذا .. وادعي له
ليان : ان شا الله

..
في بيت بو فهد
ام فهد : يمه منى وين اخوك ماشفته
منى : نايم امس مارجع البيت اللا الساعه 2 مدري وش عنده
ام فهد : الله يستر
منى : اممي جوعانه
ام فهد : ليه يمه مافطرتي
منى : لا ماصحيت الا تو قلت ان ماباقي حاجه ع الغدآ
ام فهد : طيب يمه بقوم انا اسوي الغدآ .. اذا صحى اخوك خليه يجيني
منى : ان شا الله
شويآت ورن التلفون وقامت منى ترد
منى : يآهلاآآآ وغلآ
ضي : هلا والله بببنت العم وش هالحماس لو بدر متصل وسمعك كذا وش بيقول
منى : هآ خلاص مرا ثانيه برد بدلععع
ضي : هههههههه تكفين .. شخبار خالتي
منى : والله تعبانه هالايام امس الصباح جانا ابوك وعمي بو بدر ولما طلعو ارتفع ضغطها وتعبت ولما جا بالليل جاتها ام بدر وتعبت بعد
ضي : لييييييه وش سوو لها
منى : والله مدري وش يبون منها .. ان شا الله خير
ضي : الله يعينها عمي بو بدر مايجي من وراه خير
منى : اي والله صادقه
ضي : تعالي عندي اليوم مرا طفشانه
منى : اوك بقول لامي وبشوف فهد
ضي : اوك عطيني خبر .. فمان الله


..
في بيت بو بدر ع الغدآ
بو بدر : يآم بدر وش صار بالموضوع الي قلت لك عنه
ام بدر : والله ماصار حاجه للحين العناد موجود
فيصل : بعد اسرار عنا
جنى تاكل بصمت
بدر :اي والله
رن جوال فيصل وقآم بعيد عنهم يرد

فيصل : هلا بالزين كله
ندى : هلا فيك حبيبي كيفك مرا مشتاقه لك
فيصل : وانا مشششتاق لك اكثر .. عندددي لك بشاره
ندى : وشو
فيصل : خلصصصصت كل حاجه بالشقه بس ناقصها انتِ
ندى بدللع : انا ملكك متى ماتبيني بس عطني خبر
فيصصل : يآلببى ملكي يآنآس .. يلا انتظرررك بالشقه الحين
ندى : ههههههههه اوك جايه

..

وبعد يومين
بو بدر للحين كل يوم يكلم ام فهد يبيها تبيع البيت وهددها ان بيعلم عيالها ولا اهتمت لكلامه
ولين طلعت من المستشفى وعرفت عن حمد وانهم مالقوه وتضايقت كثير .. وبو حمد حالته النفسيه زفت
ولده الوحيد مختفي والشرطه بحثو عنه كثير ولا لقوه .. والرجال المجهول للحين بالمستشفى ودخل بغيبوبه والله يعلم متى بيصحى منها
ومحمد ونواف ضايق خلقهم عليه مع انهم مايعرفونه ويحاولون يوصلون لاهله بس مالقو طريقه
وحمد باقي مو عارفين عنه حاجه وفهد بدا الدوام بشركه بو حمد ومرتاح بدوامه .. وضي ومنى وجنى مشغولين بدراستهم
وبدر بس سرحان بالي يحبها وللحين مجهوله محد يعرفها حتى فهد
وفيصل التقى بندى بشقته وخذ منها الي يبي ورماها وهي جلست تتحسر ع حظها وندمت انها كلمته
وباقي الاشخاص ماتغير شي بحياتهم

..
بو حمد : هلا اخوي بشر تكفى لقيتوه
الضابط : والله ياخوي مدري بس في واحد سوا حادث وجابوه ع المستشفى وميت ومالقو معه هويه اتمنى انك تروح وتتعرف عليه
بو حمد مايرد
الضابط : ان شا الله مايكون هو حاول تروح اليوم المستشفى ......
بو حمد : اه يارب صبر قلبي .. ربي يعطيك العافيه تعبناكم معنا
الضابط : تعبببك راحه اخوي .. والله يرجعه لكم سالم
بو حمد : امين ربي معك

بو حمد اه مدري وش اسوي اقول لام حمد والبنات ولا .. اخاف يحاتون ويضيقون خلقهم ومايصير هو
ماراح اقولهم يارب مايصير هو يارب
وتوجه للمستشفى ..

بالمستشفى وهو يكلم موظف الاستقبال ومرتبك مرا : اخوي في واحد جابوه عندكم امم مسوي حادث ومتوفي وماتعرفتو عليه
الموظف : اي يآعم انت تعرفه
بو حمد وهو ضايق : والله انا شاك انه ولدي
الموظف : تفضل معي ياعم وشوفه
بو حمد وهو خايف ويدعي انه مايكون ولده دخلو غرفه باارده كثير وكل حاجه فيها لونه ابيض وتخوف وزاد خوف بو حمد
وفتحو له وحده من الثلجات وطلعو المتوفي
الموظف : قرب ياعم هذا ولدك
بو حمد : ........


وانتهى البارت اتمنى يكون فيه تفاعل اكثر من البارت الاول مشان اتحمس واكمل الروايه



تعديل كنت اعرفك; بتاريخ 25-06-2011 الساعة 08:23 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-06-2011, 04:07 PM
صورة غلاك ملك كوني الرمزية
غلاك ملك كوني غلاك ملك كوني غير متصل
©؛°¨غرامي فعال ¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


وآآآآآآآآآآآآو الباارت مـــآأره حمآأس عسولتي
وينكم ياناس عن جد هالرؤؤؤؤايه جووونآأن
سلمتي حبوبتي
متحمسسسسه آأعررف وش بيصير
بليييز كمليهاااا وان شااء الله بيجوون الاعضااء
بس معرووف كل روايه لازم بديتهاا يكون في معاناه
بالتووفيق عزيزتي ونحتري البارت الثالث ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-06-2011, 07:13 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


تسلمين ياقلبي .. منوره

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-06-2011, 09:03 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايتي الأولى : راحو وأنا لأنفاسهم كنت محتاجه


212 مشاهده ولا في رد ..
آتمنى تردون حتى لو ماعجبتكم .. وبطلب اغلاق الروآيه اذا مانالت اعآجبكم

روايتي الأولى : راحو وأنا لأنفاسهم كنت محتاجه

الوسوم
لأنفاسهم , محتاجه , الأولى , راحو , روايتي , وانا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : عواصف من العواطف / كاملة تــحــ البشرــدوهـا روايات كامله - يتم نقل الرواية هنا بعد اكتمالها 321 01-07-2015 12:11 AM
روايتي الأولى : أمرني قلبي و حبيت يا ولد خالي sweet Dew أرشيف الروايات المغلقة - لعدم إكتمالها 55 22-04-2013 12:48 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
روايتي الأولى : ألا يا عين لا تبكي و عيشي نعمة النسيان .. خسارة دمعتك تنزل على من لا يراعيها تــوفي أرشيف الروايات المغلقة - لعدم إكتمالها 117 02-05-2010 01:32 AM
تحليل دقيق عن روايتي الأولى على غرام بلا حدود مواضيع عامة - غرام 2 18-08-2007 07:19 AM

الساعة الآن +3: 09:37 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1