منتديات غرام روايات غرام أرشيف الروايات المغلقة - لعدم إكتمالها ما دام شافتك متضايق و راحت الله يوفقك و الله لا يوفقها / بقلمي
hayo0nsh ©؛°¨غرامي متألق ¨°؛©

يالللله وووووووين البارت

Bryan ©؛°¨غرامي مشارك¨°؛©

بنات أنتوآ ماتدرون عن ظروفي!
إستحملوني شوي
اليوم فيه بااارت
الحين الساعه 9 ورآح أكتبه من الحين
وبطوووله بكل جهدي عشانكم

Bryan ©؛°¨غرامي مشارك¨°؛©

بسم الله الرحمن الرحيم




مـآدأم شـآفتك متضـآيق , ورآحت ...؟! (الله يوفقك)x (والله لايوفقهآ)!



(الصفحة التـآسعة )



( خلف جدرآن مدرستي السـآبقة )


( مـآضي رنـآ )


.

.



بو رنـآ : وليش يعني ماتدش مدرسه حكوميه يعني ؟!
أم رنا : خير خير خير ! بنتي تدش مدرسه حكوميه ليش إن شاء الله !
بورنا: يا حبيبتي يانهى بنتنا من الحضانه لي المتوسطه وإهي بخـآص بس إهي بتدش الثانويه
والخاص مختلط .. وضيفي عليها مدآرسنا الحكوميه لا يعلى عليه حلوة وزينه!
أم رنا: وإذآ مختلطه شهالتخلف ! بتدش خاص بتدش إهي مو أقل من غيرها !

.

.

.


أمـآ آنا كنت قاعده أكل كورن فليكس بطاوله الطعام أشوف هوشتهم عن قرب
ولآ حسوآ فيني أصلاً .. وإذآ تبون الصج مـآهمتني السـآلفه اللي قاعدين يتحجون فيها ..
حكومي ولآ خاص مو مهم لأني كالعاده مـآرآح أحصل صدآقآت كثر ماراح أحصل عدوآآت ..!!

.

.

بورنا: بل عليج من مره ! بالطقاق فيج دخليها باللي تبين !
ام رنا: إيه من باجر بسجلها ..!

.

.





..........




خـآلد : ولله وقربت المدرسه ونااسه
إبرآهيم: كل هذا وله على الكتب ؟!
خالد: لآ يا الخبل عشان البنااااااااااااااات
إبرآهيم رفس خالد: هي آنا اخوك الكبير .!


....


ومرت الأسـآبيع ..
وبدآ العـآم الدرآسي اليديد ..


..



لبست مريول المدرسه الخـآص
تنورة كحيله قصيرة وقميص أبيض مخطط بخطوط على الطول والعرض باللون الأزرق ..
وكرفته كحليه ..وبشعري الأشقر القصير المنفوش شويه بطريقه حلوة شلت جنطتي ومشيت للمدرسه اليديده وبأول سنه لي بالثـآنويه كان شعوري عكس شعور الكل مـآكنت متحمسه ولآكنت متوترة ولآخايفه كنت عااااادي وعاادي حيل ومن أول مادخلت البوآبه تمنيت إن هالسنه تخلص مع إنه توها مابدت !!!

دخلت البوآبة ..
ومشيت للي السـآحه ..
والرفيجات يلمون بعضهم ويبجون..
والشباب يدزون بعضهم ويضحكون بصوت عالي ..
أمـآ كنت أمشي بروحي ولآ أتوقع إنه أحد بيسلم علي ..
أو يفكر فيني ..! مع إن كل هذيل من البنات والشباب أعرفهم وكانوآ معاي بالمتوسطه .. و ولا أحد فيه طقلي بال ! أو حتى سلم .. ..!

كملت طريجي وشفت إسمي وصفي اليديد ..
ودخلت الصف وحطيت جنطتي بآخر كرسي على الزآويه ..
وأحمد ربي إن نظام صفنا كل واحد يقعد بروحه ! ..
قعدت بكرسي ونمت على مايطق الجرس وبعدها راح أنزل بالساحه ..
أو بطنش وروح الحمام - تكرمون - يعني على حسب المزاج والنومه ! ..


...

تزقرت وكشخت عشان أخلي بنات مدرستي يموت فيني أكثر وأكثر ..
حطيت هالعطر الرجالي اللي يجذب و عدلت هالكشه .. وحطيت لمستي على لبس المدرسه الموحد
بنطلون كحلي وقميص أبيض مخطط بالعرض والطول باللون الازرق والكرفته الخايسه الزرقا ..!
لمستي كانت مخالفات بمخالفات شلت الكرفته والبنطلون الازرق خليته سكيني وقميصي فتحته زرين منهم بشكل يهبل البنات .. وإكسسورات الايد وساعتي .. كنت كالعاده أأسر البنات بلبسي المخالف !

.
.

دخلت البوآبة وكل مامشيت خطوه ألقى نظرة البنات متوجهه لي وإبتسامات من هذي وهذيج ..
بس آنا لعبت دور الثقيل وطنشتهم كلهم وكنت إبتسم بإبتسامتي الجذآبه ونظره الثقه المتوجه لجدآم..
سلمت على الربع والرفيجات || مو حبيبات رفيجاتي يعني أصدقاء .. صج كانت لهم وحشششه ..

وعققب ماسلمت عليهم وسولفنا شوي ..
رحت أشوف إسمي وصفي اليديد عشان أحط الجنطه وأنزل مره ثآنيه ..


...


كنت نـآيمه ومرتـآحه بطاولتي..
إلى أن أتى ذلك الصوت المزعج!
من فتى لطالما كرهت غروره وسذآجته الخرقاء!
يطرق باب الفصل بإزعاج وبرقصته المتخلفه
يحسب نفسه رآقص مهم أو مغني ذو حنجره ذهبيه!

خالد بصرآخ : i feel goood na nanana ويطق بالطاولات مسوي إيقااع!
im backkkkkk


فتحت عيوني الناعسه بغضضب..
وشفته يرقص وماخذ جو!..
وقفت وطقيت طاولتي بأقوى ماعندي!
وقلت بعصبية: أنت هييي! وين قاعد بالديسكو! ماتشوفني نايمه ماكو إحترام!
وقف عن رقصته الغبيه وطالعني بصدمه جنه ماتوقع انه في احد بالصف ؟
جان يبتسم ويقول : آسف آسف حجيه مانتبهت عليج ..
ماقبضت لساني وتهورت وقطيت كلام ماثمنته وهالكلام فشلني!
رنا: طول عمرك اثول ياخويلد مسوي نفسك الفتى الساحر والجميل وكل الناس تحبه وتسامحه عمى بعينك اكرهكك
خالد عصب: بل بل عليج شهالحقد قلنالج اسفين وبعدين تعالي زين مني تاسفت لانه صفي مثل مااهوصفج اغني ارقص فيه كيفي المدرسه بيتي الثاني وصفي غرفتي الثانيه
رنا: لآ مو غرفتك وين قاعدين همن هذا صفي ولازم ايكون فيه هدوء!
خالد: إنتي اشفيج ليش معصبه جذيه وشاده حيلج ولابعد تعرف اسمي!
رنا إنصدمت توقعته يعرفها!: من زينك اعرف اسمك ماالت عليك يلا حط جنطتك واذلف برا!
خالد: آنا كنت بسوي جذيه بس عنااد فيج بقعد وفيج خير يا الشقرا المصبنجيه طلعيني
رنا: إكل تبن آنا مو مصبنجيه!
خالد: طيري!
عصبت رنا وثااارت وحست نفسها خسرت للمره الثانيه جدأمه!

لأنه لما كانت بالمتوسطه
كانت شبه غير مرئيه كالعاده!
وكان خالد معاها بالنشاط وصارت هوشه بينهم اهم الاثنين
وكان اهو الغلطان واعتذر لها بس رنا عصبيه وزدتها شويتين
والصف اصلا كان واقف مع خالد اللي عنده شعبيه ووسامته اللي تساعده
فوقفوا معاه وضدها .. إهي تكرهه لانه بعد هالهوشه صارت مكروهه من المدرسه كلها!


مالقت غير إنها تقعد وتكمل نومتها عقب ماعطته خزه قوية !
عصب خالد لأنها طنشته وكملت نومتها ويه بيقهرها وقعد جدام كرسيها
بس مانتبهت له .. وعشان ينبهها إنه قعد جدآمها
رجع كرسيه حيل بقوة عشان تطق طاولتها اللي اهي نايمه فيها ..
عصبت أكثر لانه طولهاواهي قصيره!
ويت بتاخذ حقها دزت طاولتها بقوة على كرسيه وتعور
وعصب اهوا ولف عليها وقال: بعدين وياج!
قالت له: إنت اللي بعدين وياك ياي من صباح الله خير اطبل وماكتفيت وكملت ازعاجك لي!
خالد كان يطالعها بتأمل وماكان باله معاها جان ايقول: ليش شعرج بووي ؟
جان تقول بنرفزه : وإنت شكو! شعليك إن شاء الله اقرع مالك دخل
خالد: إن شاء الله || وطلع لسانه || كان قصده يضحك معاها
جان تقوم رنا وتخزه وقالت: الله يعيني على مابتلاني ولآ بسنتر جدامي!
خالد: شدعوآ يبا اضحك معاج ليش متنرفزة جذي في احد مضايقج شي قوليلي عشان اطقه ويغمز لها
جان تقول بنذآله: إي والله أتمنى إنك تكون قد الكلمه وتطقه
قال بفضول : منو هذا؟
جان تقول: إنت!
ولفت ظهرها وطلعت من الصف

.....

وكانت هذي علاقتهم هواش ونجره ماتوقف , وحاول اهو يلعب عليها
عشان يفوز بالرهان لانه معروف عن رنا انها غير البنات وتصرفاته فضائيه وغير طبيعيه
ومستحيل تحب أو تنحب .. حاول وحاول طوال سنتين وفشل فشل ذرييع إهي كانت تكرهه وعمرها مانجذبت له .. وصار الغير متوقع إنه اهو اللي إنجذب لها !!

...


عـآشت رنا طوال السنتين بثانويتها الخاصه
أسوأ ايام وكآبه مالها حدود ..
حاولت تكسب أصدقاء بس للأسف!
غير هذا إنها أصبحت لعبه المدرسه المسليه
وبرهان خالد السخيف اللي كرهته اكثر وأكثر
ومن محاولاته الغبيه وكانت أخطرها ..!!

إنهم إحبسوها بغرفه تبديل حصه الرياضه
وطفو الليتات عليها ..
وتجمعوا عليها الشباب ويطلعون اصوات مخيفه
ويقطون عليها حشرات مطاطيه وكور سله وكره قدم يحذفونها عليه
ويعورونها ومعاهم فونات يسجلون .. ويطشرون عليها مااي بارد ويقولون لها
منوو تحبين قولي ونطللعج إنتي بنت ولافضائيه قولي نطلعج .. وقعدوآ يطنزون ويكلمونها!!!
تحبين خلود المزيون صصصصصصصصصصصح قولي قولي صحححح ؟ لاتستحين قولي عادي كل البنات يحبونه واللي ماتحبه مو طبيعيه قولي قولي هههههههههههههههههههااااااااااي

إهي بجت وعصصبت حييل ّ!
وقالت بصراخ : اكرهههههههههه اكره اكره اكره واكرهكم كلكم مالت عليكم تفو عليه وعليكم يا التيوس يالبقر! وقامت ترفسهم وتحذف الكور عليهم بجنون وطمرت من غرفه التبديل وطلعت!

واهي طالعه دموعها قاعده تنزل واهي تمشي بعصبيه متوجهه لساحه الخلفيه مالت كره السله
لان خالد دايم يتدرب فيها ..
راحت عنده وشافته وصرخت عليه بقوة:
مالت عليك انت على شنو شايف نفسك غصب احبك ياخي ماحبك مو غصب والله موغصب فج عني ترا لوعت جبدي الله ياخذك وياخذ ربعك معاك .. وانت عبالك بتحبسني بخاف منك وبحبك مالت عليك اي والله
بعدين إذا انت خالد أنا رنااااااااااااا فاهم رناااااااااااااااااااااااا اللي تسواك يا الجلب تقو عليك وعلى خبالك .. والمدرسه بهدها لك لانه مليانه من اشكالك ونوعيتك الخاايسه!

خالد كان متنح ولحقها ومسكها من ايدها: انتي شنو قاعده تقولين متى حبستج؟ّ!
رنا : هدني لابارك الله فيك ان شاء الله , مو انت اللي موصي هالتيوس يحبسوني ولا استعيلوا بالموعد!!
وهدته وركضت الحمام - تكرمون- .. وبعدها كان هذا اخر يوم بثانويتها الخاصه ...


............


بالبيت:


ام رنا: شنهاااااااااو!
رنا بعصبيه وصراخ: كيفي مابي الخاص غصب يعني مابي ابي مدرسه حكوميه
بورنا: ليش يبا صايرلج شي ؟ّ في احد مضايقج؟
ام رنا: لاوالله آنا ماحط بنتي الوحيده بحكومه!
رنا: آنا ابي حكومه شلون يعني كيفي انتي مالج دخلّ فاهمه!
ام رنا: ويعايروني رفيجاتي!
رنا: شنو ماكو شخصيه اللي تحجى حطيي اصبعج بحلجها ! وبعدين تعالي انتي كل يوم مسافره مانت فاضيه تسمعين المعاير! وبعدين مالج دخل آنا اللي بدرس فيها وآنا كيفي وآنا قلت مابي يعني مابي
وهذا اخر كلام والله إن مادخلتيني بتشوفين ششي !
بورنا: ولايهمج حبيبتي آنا ادخلج..

......


_ ( صدآقه شهد ورنا ) _



دخلت الثانويه اليديده ..
مع إني بثاني سنه ثانويه
ومو صغيره ولا بحياتي حسيت بخوف
بس لما دخلت هالثانويه تفائلت وايد واكيد بتكون حياتي
افضل لانها مافيها خالد ولا فيها النوعيات اللي موموجوده الا بثانويتنا


دخلت الثانويه وانصدمت غير عن ثانويتي القديمه
القديمه أكبر وأكشخ ونفسيات المعلمات والحارس حلووة
عكس هالمدرسه اول مادشيت قالولي روحي الناظره
رحت عندها ولا النفسيه زفت وبس تصارخ
ومايمديني قلت لها آنا طالبه يديده ولا عطتني القوانين وتهديدات
آنا مو متعوده احد يهاوشني بمدرستي القديمه المعلمين والمعلمات يحترمونا!
ليش مني العكس !
قلت لها : عن الصرآخ ترا افهم!
جان ترد علي وتوقف من كرسيها : اترادين يا جليله الحيااااااا قومي الاخصائيه وكتبي تعهد
والمره الثانيه إن تكررت فصصل! هذا اللي ناقص اليهالوا اتصارخ علي!

قلت لها: ولايهمج نكتب تعهد من عيوني الثنتين!
وكتبت تعهد باول يوم لي بثانويتي اليديده وكان فال خير علي!
مايمديني تفائلت إلآ هالعيوز تكتبني تعهد عمى بعينها ..

رحت عند الاخصائيه قلت لها : الناظره تقولج كتبيني تعهد!
جان اطالعني الاخصائيه وتبقق عيونها وقالت: شهالقله الادب وتقولينها عادي!
عصبت زياده قلت لها : خير يعني شلون اقولها الحنها لج مثلاً يبا كتبيني تعهد هذا كلام الناظره!
جان تحط ايدها بحلجها: لا لا لا انتي مو صج شكلج مهاوشجيه وبعدين شهالقصه وشهاللون اوله مريولج قصصصير وين قاعده إنتي طول مريول المدرسه تحت الركبه مو فوقها! وبعدين شهالاكسسوارت!
رنا: لاحول ! توني باول يوم بسم الله!
عطتني ورقه التعهد ووقعت وقالتلي إن شفتج لابسه قصير ياويلج واكسسوارت ماكو!
طلعت منها واخيراً بتوجه لصفي اليديد!
وآنا صاعده بروح الصف لقيت بنت سمرا مملوحه خايفه ومنخشه ورا الطوفه
ياني فضول وقلت لها : بوووووو!
جان تقعد تصارخ : آآآآآآآآآآآآآآآآآآآه يما يما يما خرعتينيييي!
رنا: هههههههههههههههههههههههه شهالخوف شمسويه مصيبه
جان تقول : ايه ايه ابله فايقه جكتني مهربه والله هذي اول مره اهرب فيها ياربي ساعدني!
رنا: منو ابله فايقه اللي انتي خايفه منها؟
جان تقول: ابله فاااايقه فاايقه ماتعرفينها ّّّ!!!
رنا: إيه آنا يديده ماعرفها نوريني منو اهي ؟
جان تقول: هذي وكيلتنا شفتي خياس الناظره هذي العن
رنا: اعوذ بالله ياهالناظره في احد اخيس منها ياعلها ماتوفق انشاء لله الله ياخدها اول يوم وكتبتني تعهد بل عليها
جان تقول: هههههههههههه انتي بعد كتبتج تعهد !
رنا: ليش اهي بعد كتبتج تعهد؟
جان تقول: هههههههههههه اعتقد الكل كاتب من ورا هالخبله
رنا: هههههههههههههههههه
شهد : آنا شهد بثانيه ثانوي ادبي ^^
رنا: آنا رنا بثانيه ثانوي وهمن أدبي ^^
وتم التعرف بينهم وصاروا رفيجات وبنفس الصف ...

:

:

:



بثانويه الخاصه:

خالد : شنووووووووووووووو إنتقلت !! شكو تنتقل على كيفها !
محمد: شدعوآ عليك باللعنه خل تذلف وتفكنا
سعود: توقعنا تستانس؟!
زيد: لايكون حبيتها هههههههههههه
رامي: شو إنئلبت الئصه ههههههههههه
خالد: اقول انجعموا رنا تسواكم وقعدتها احلى من قعدتكم بمليون مره يا ملقكم بس !
خالد : إفف في أحد يعرف وين انتقلت ؟
سعود : آنا سمعت إنها انتقلت لثانويه بنات حكومه ..
محمد: الظاهر امس الشباب اثروا فيها عدل .. امس حبسوها بالتبديل ولعبوا عليها اليوم انتقلت
خالد: شننوووووووو لعبوا عليها بغرفه التبديل ؟؟؟؟!!!!!!!!!!!!!!! يااا كلااااااااااااااااااااااااااااااب!


.

.



.



_نهايه البارت_

وجدان الشهري ©؛°¨غرامي فعال ¨°؛©

يا هلا فيك .. مشكوووووووورة عالبارت ..
ان شاء الله باقرب وقت اٌقرأ البارت .. بس لاني مشغوله مايمديني هالايام .. بس اكيد دامك انتي اللي منزلته اكيد انو راح يكون رووووووووعهـ ..

Bryan ©؛°¨غرامي مشارك¨°؛©

فديتج وجدان منورة وربي

زُجَآجْة عِطْر ||~ ©؛°¨غرامي متألق ¨°؛©

واااااااو يآقلبي وربي جوونآآآني البآرت
دوووم أمرر أشيك ع الروآيه والحمد لله
اليوم دخلت ووصلتني رسآلتك
روعه يجنن يهبببببببببببببل البآرت
بس بسألك حيآتو اللحين رنآ صآرت
في مدرسه حكوميه..

zoey ©؛°¨غرامي مجتهد¨°؛©

صرآآآ؛ة هالباااارت يخقق
يعطيييييك العاااافية
^_^

قُــمــر آســـــــر ©؛°¨غرامي نشيط¨°؛©

بارت روعه
حلو انه كشف لنا شوي عن خالد ورنا
بس فيه كلمه لفتت انتباهي ايش يعني مصبنجيه
يعطيك العافيه

!! 5fog Ro7i ©؛°¨غرامي مشارك¨°؛©

يسسسسسسسلمو باااارت حلللو .....
ننتظرك.

ماسه تحب الوناسه ©؛°¨غرامي مشارك¨°؛©

يسلمو ع البارت الحــلو

بس .... بس .... بس .... حسيته مره قصير

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1