منتديات غرام روايات غرام أرشيف الروايات المغلقة - لعدم إكتمالها ما دام شافتك متضايق و راحت الله يوفقك و الله لا يوفقها / بقلمي
أنيـــن الورد ©؛°¨غرامي جديد¨°؛©

رووووووووووووووووووووووووووعة انا بنتظارك يا عسل

غريم الروح ۆ جوډڳڳ :بَ / دااخليُ - سبہُ '$ (غرورييَ !

بااااااااااااااااااااااارت خوقاااااااااااااااااااااااااااااااااق

ياااااااااااااااالبيـــــــــــــــه من جد يجنن

سوري ادري صار لي فتره من الروايه بس ضروفي امنعتني

بس دووووووووووووووم باااارتاتك ابداااااااااااااااااع

Bryan ©؛°¨غرامي مشارك¨°؛©

اللي تقول آنا مو فاهمه شي
إحنا حبيبتي وقفنا شوي عشان إنشوف ماضي ابطالنا
ونفهمهم أكثر وبعدها إنكمل أحدآثنا .. ^^

الحين قاعده أكمل البارت
وإذآ تبون تعرفون ليش آنا اتاخر
وهالتأخر طبعاً خارج عن إرادتي
لأن اخوي الدعله لابه خرب
والحين قاع يستعمل لابي متى مايبي وياخذه معاه بدوواين ربعه
وآنا اقعد أنطر غصبن علي لأنه اخوي الكبير ! نطروا لما يصلح لابه وبعدها ارجع اكمل لكم مثل أول

Bryan ©؛°¨غرامي مشارك¨°؛©


بسم الله الرحمن الرحيم




مـآدأم شـآفتك متضـآيق , ورآحت ...؟! (الله يوفقك)x (والله لايوفقهآ)!



(الصفحة العـآشـرة )




( مـآضي رآئد )

كانت بتسريحتها تمسح مكياجها وتشيل ترآجيها " تراكيها"
اطالعه بمنظرتها واهو نايم ويبتسم!

...

أمل ودمعه بعينها محبووسه!: اليوم .. وأمس وباجر! مجرد التفكير يقهرني!
رآئد نايم بالسرير وصد عنها .. مسوي نفسه مايسمع..
أمل بحزن وقهر: ليش تيبها عند بيتي وتقهرني فيها! ماكان له داعي إنك تعزمها!!
اهي بالأصل كانت عزيمة ريايل .. ليش غيرت وعزمتها اهي وامها!
تأفف بضيج نفس : إففففففففففف !
أمل: ليش خليتنا كلنا نتعشى مع بعض حريم وريايل! ماتصيرلك ماتحلك!
رآئد: يعني شنو مو ناويه تسكتين!
أمل: أسكت؟! آنا طول عمري ساكته واحط بقلبي واتحمل بس اليوم فعلاً شي مايستحمل !
نظرآتك لها تذبحني ! لما اهي بغت تاخذ السلطه بتمد إيدها إنت على طول عطيتها وببتسامه بعد !وآنا لما قصيت ماسميت علي..!! قصيت ولانتبهت! اصلاً ماكنت تدري عنيي! بس خلاص آنا تعبت ذبحتني يارائد ذبحتني متى يعني راح تحس فيني متى متىىى!
قام رآئد من السرير ونزل راسه تحت وقال بينه وبين نفسه: لهدرجه حركاتي مفضوحه!!
اهو ماستحمل حقارته جان يطلع من الغرفة ونام بالصالة ...

أمـآ اهي حذفت نفسها على السرير ومالها غير دموعها توآسيهـآ ..!!


...\\



" في بيت أماني "


بغرفتها وتحاجي غدير بالفون..

غدير: امبييه حراام وشافته مرته ؟؟؟؟؟؟؟؟؟؟؟
أماني:إيه شافت وانتبهت بس سكتت
غدير: واعليا علييها
أماني: تخيلي ماكملت صحنها وقامت!
غدير: شلون تبينها تكمل الصحن وجدامها ريلها العزيز يغاازل جدامها!
أماني: سكتي اهوا لما مد لي صحن السسلطة فششلته وماخذيته وقلت له منو طلب السلطه!
جان ايقول إنتي تبين كنتي ماده ايدج لها؟ جان اقوله ما مديته عشان السلطه! وماطلبته منك على كيفك بتوكلني !
غدير: ههههههههههههههههههههههههه فشلتيه هههههههههههههههه
اماني: ايه وبعدها ابوي فشلني
غدير: وآآآآآآي يا عمي عيسى مايطوف ششششي!
اماني: ايه ..
غدير: بس والله عورتني كاسره خاطري أمل!
اماني: الله يكون بعونها ..شكلها طييبه
غدير: آمييين

......



وعقب ماسكرت غدير من أماني رآحت عند اختها مريم تقوولها عن أمل
يعني سوالف بين الخوات ...


مريم: ويعني اهو بيموت عليها جذيه تلقينها اهي اللي مسويتله شي!
دزتها غدير بعتب وقالت : ويعه! هذي بنت عمج واماني مو من اهل هالسوالف!
مريم: وآآآضح مو من اهل هالسوالف عيل ريال متزوج صارله 4 سنين يهد مرته ويطالعها ولا بعد جدام أبوها!
غدير: جليله حيا ماتستحين تقولين عن بنت عمج جذيه !
مريم: غدير! إشفيج عشانها بنت عمنا ماتغلط! اهيا بعد بنت عمي بس الغلط غلط ولا شكو يعزم ابوها وفجاه يعزمها اهيا وامها!!!!
غدير: يعني ماتدرين في رآئد؟! ميت على أماني بس اهيا ماتعطيه ويه ماتزوج الا لما صار عمره 27!
عششانه عيز فيها ماتعطيه ويه! و اخته رؤى حنت عليه عشان يتزوج وتزوج أمل ..!
مريم: آنا غبيه اشحقى اقعد معاج إنتي أماني عندج ملاك ماتغلط!
غدير: لا حبيبتي آنا الأغبى لان انتي عندج أماني شيطان وكلا تغلط وتسبب المشاكل!
مريم: اوووهووو! وقامت من المكان
غدير كشت عليها وكملت قعدتها جدام التلفزيون ..

...


مريم صعدت غرفتها وفتحت دفتر مذكراتها وكتبت فيه .. :

" كم تملك تلك الفتاة سحراً تنثره على رجل أحلامي الذي ذهب مع إمرأه آخرى! وحتى مع زوجته لآيزال يحبها ويعشقها ويتمنى قربها ..! هي لآ تستحقه وحتى أمل لا تستحقه ! أنا التي تستحقه أنا التي حلمت به قبل أن يلتقي زوجته وقبل أن يعرف أماني .. لكنني كالعاده خارج الايطار لم أربح شيئاً ..! أمل تمتلكه زوجاً لها وإسما لهاً ..! وأماني تمتلك قلبه وكيانه وباله !! أما مريم البائسه لا تمتلك سوى الأحلآم والوآقع المر! .. مرت أربع سنوآت ولايزآل يحبها ! مرت أربع سنوات ولم يطلق تلك المرأه التي لم تحمل ! مرت أربع سنوآت ولايعلم بأمري ..! كم أنا مسكينه! .. "


...


فتح عينه ولقى نفسه نايم على غنفة " الأريكه : الصاله ..

رآئد بينه وبين نفسه: آنا آسف يـآ أمل ماأقدر أنسى أماني ! حاولت بس فشلت ! مو قصدي أأذيج وأجرحج أمس بس قلبي معاها وحالي أنساه معاها!!

إنتبه على خروج أمل من الغرفه , غمض عينه عشان مايبي يشوف نظراتها اللي تحمل الحزن ّ! مايتحمل يشوفها تتأذى عشانه مايحبها بس تكسر خاطره !

طلعت أمل من غرفتها متوجه للحمام " تكرمون " وبعدها طلعت ..
ويت صوب رآئد حس فيها بس مافتح عينه ..
نادته وقالت : رآئد ! رآئد!
رآئد : _________
وبعدها عرفت إنه نايم شالت تلفون البيت اللي عند رآس رآئد ودقت على أمها ..

أمل : صبـآآح الخير
أم أمل: هلا صباح الخير والنور والنوير
أمل إبتسمت : هلآ فيج شلونج يما وشخبار أبوي وأخواني ؟
أم أمل: تمام الحمدالله كلنا بخير حبيبتي إنتي شلونج وشلون زوجج ؟
أمل اختفت الإبتسامه من شفايفها: بخير .. بخير .. كلنا بخير!
أم أمل سكتت شوي قالت : دوم إن شاء الله ..
أمها كانت تحس إن في بنتها شي وهمن تحاتي تأخر حمل بنتها وتحس إن بنتها حزينه وتغيرت
ماصارت مثل قبل تبتسم ورحها حلوة وخفيه صارت كلا هاديه وتحمل بعيونها حزن! وتعرف طبع بنتها كتوومه ماتحب تتكلم فسكت شوي تبيها تقولها بس مع أمل لازم اهي تتكلم وتبحث عشان تعرف اشصاير!
أمل: يما إنتي بغيتني بسالفه بس أمس ماقدرت أييج وأدق عليج لأن كان عندنا العم عيسى ومرته وبنته
فـ شبغيتي تقوليلي وشنو السالفه اللي تبيني فيها ؟
أم أمل: يا بنيتي إنتي تغيرت ماصرت مثل قبل إنتي تعورين قلب أمج بسكوتج! وهدوئج الدآيم أحس إنه فيج شي بس ماتبين تقولينه! قوليلي يما قولي حق امج لاتعورين قلبي!
أمل: لا يما مافيني شي!
أم أمل: يا بنيتي إنتي مو أول وحده يتأخر حملها ورآئد يحبج يا يما يحبج ماتزوج عليج ولا فتحلج موضوع اليهال! لا تخسرينه يا حبيبتي لا تخسرينه ولا تظلمينه بهدوئج الكئيب!
أمل خنقتها العبره حييييييل ولان أمها للحين ماتعرف منو اللي ظلم الثاني! بس أصرت على إن تخليه سر!
أمل : إن شاء الله! بحاول ما أظلمه ..! يما عن أذنج بسوي ريوق " فطور" حق رآئد!
أم أمل: الله يحفظج يا أمل ويرزقج الذريه الصالحه ويخليج لزوجج ..
أمل: مع السلامه
أم أمل: مع السلامه حبيبتي!

سكرت السماعه وبدت موجه الدموع والقهر تنزل!
وقالت : شلون أييب عيال وآنا للحين بنيه! ولا قرب صوبي!!

سمعها رآئد وحس بضيج وعتب على نفسه وحس بحقارته وان بئسها اهو اللي سببه!!

ودخلت غرفتها وقفلته ونامت لي العصر !!


رآئد: أربع سنين يا أمل ليش ماتطلبين الطلآق ! ليش ماتخليني أطلقج ! ليش ترفضين ؟!
أمل من ورا الباب ببجي: أربع سنين أنطرك تلفت لصوبي ! اربع سنين وآنا جدامك اما اهي بفترات متقطعه ونادره وللحين تحبها ! علبالي بتنساها وبتحبني مثل ماحبيتك وللأسف إني حبيتك حسسافه إني قلبي إختارك وأنت ماتستاهل حسسافه!
رآئد: آنا قلت لج من أول بس إنتي اللي استمريتي معاي آنا مابي اكون أناني معاج بس والله حاولت أحبج وأنساها يا أمل ماقدرت وربي ماقدرت قلبي إختارها ورفضج!
أمل: آنا معلقه! إذآ طلبت الطلاق وتزوجت مره ثانيه شبيقول زوجي اليديد ويعرف إن مرته للحين بنت واهي المفترض إتكون مره!
رآئد: يعني هذي المشكله اللي موقفه طريجج للطلاق !
أمل بضحكه قهر: تبي الفكه!
رآئد : مو قصدي يأ أمل آنا اسئلج!
أمل: هه! ضيف إنهم عبالي إني عقيم! رآئد عقلي أخيراً حكمني بعد الاربع السنين الصعبه والكئيبه اللي عشتها معاك إنك ماتستاهل أمل ماتستاهلها!
رآئد بلهفه: بقولهم إن العيب مني ! وبتزوجج الحين! وخذي حبوب منع الحمل عشان ماتحملين!

أمل بينها وبين نفسها: فعلاً قلبك مو لي!!


_ _ _ _ _ _ _ _ _ _


بوعيسى : من عيوني الثنتين أماني لك!
رآئد: مـآ تقصر عمي ..

_ _ _ _ _ _ _


أماني: شنوو! يتزوجني ! مابيه وععع ماابيه مطلق وعقيم وماييب عيال وثلاثيني وحبيب الوالد!
أم أماني: وآنا مابيه بعد بس شسوي ! حاولت بأبوج وماقدرت رأسه يابس..
أماني: قولوا حق رآئد إني مااابيه قولوله ولازم أبوي ياخذ رايي وآنا ماااااااابيه لاتظلموني مابيه !

__ _ _ _ _ _ _


ركبت سيارتها وراحت عند بيت رآئد واخته :

رؤى : حيالله من يانا ^^
أماني: الله لآ يحيج لآ انتي ولا اخوج !
رؤى بإستغراب : شنو!
أماني: وين خطيب الغفله ! رآآئد!
رآئد كان توه نازل من الدرج ..
أماني: هلآ رآئد!
رآئد ببتسامه وسعاده: هلا هلا فيييج
أماني: رآئد مابيك!
رؤى عصبت من جرأه أماني وقالت: مالت عليج يعني إحنا الميتين عليج ولايهمج من باجر نفسخ الخطوبه!
أماني: جان زين تسون فيني خيير!
رآئد: رؤى! مو على كيفج إتقوليني قول آنا مو قده! ولف على أماني وقال لها : آنا ابيج وميت عليج ولا أقدر أستغنى عنج وأماني طلقتها ولا ابيها ولا احبها ولا تغنيني عنج آنا ابيج إنتي بسس
أماني بأرف " بقرف " : وآنا مابيك ! افهم مابيك بسك تلزق !
رآئد متمسك برأيه مع إن الرد جرحه: بس آنا ابيج! ولا راح اتخلى عنج وبتحبين بعد الزواج!
أماني بتحدي: ماراح تاخذني يارئد ماراح تاخذني وان خذيتني بالغصب حط في بالك إني رآح أقلب حياتك جحيم ! إبتعد عني أحسنلك واحسن لي!
رآئد بإبتسامه: واحلى جحيم ! مجرد أكون معاج هذي شي بحد ذاته يسعدني !


_ _ _ _ _ _ _


على طاوله الطعام :

داوود: يابنات مبروك بنت عمكم أماني إنخطبت من رآئد
ليلى : ماشاء الله خذتلها رآئد كل المواصفات الحلوة فيه
غدير كان مو عاجبها الوضع وقالت : بس عقيم! وعمي ماعنده سالفه يزوج بنته حق واحد مطلق وعقيم وعود !
مريم صاكه فيها الدنيا وقامت عن الغدآ وراحت غرفتها
فتحت البوم صورها ودورت كل صوره طالعه فيها اماني وشقتها وحرقتها :
آنا اكرهج أكرهججج حسبي الله عليج حسبي الله عليج !



.....



_ نهـآيه الصفحة العـآشره _


البـآرت بأذن الله يكون بـآجر ^^

غريم الروح ۆ جوډڳڳ :بَ / دااخليُ - سبہُ '$ (غرورييَ !

بااااااااااااارت خوقااااااااااااااااااق

بس يقهرني هاالرائد اففف منه مايستااهل اموله والله انها عسل

المهم دوووووووووم انتي خوووووووووووووووش وابداااااااااااااااااااع

تسلم اناااااملك

besho-besho ©؛°¨غرامي فعال ¨°؛©

ياااااااااه يارائد ضيعت دره من ايدكـ ضيعت أمل والسبب حب اعوج ,,,,,,

بارت مررااااااااا جميييييييييل ,,,,,يسلموووووووووو وبانتظاركـ بكره:)

بيشووو

Bryan ©؛°¨غرامي مشارك¨°؛©

نورتوني يا حلوآآآت
^^
بـآجر ببتدي بتكمله الأحدآث إن شاء الله
خلصت من ماضي أبطالنا .. :)

وَهـم ©؛°¨غرامي متألق ¨°؛©

مريم .. يَ كرهي لَـهآ أحسسهآ غبيييه وضعيييفه ..

رآئد .. الله يعينه شكله مشوآره طويييل مع أمآني ..

تسسلم الايادي عـ البارت يَ الغلآ ..

تحيتي ,’

وجدان الشهري ©؛°¨غرامي فعال ¨°؛©

وااااااااااااااااااااو ابداااااااااااااااااااااع تسلم اناملك سارونهـ .. وبانتظار الباااااااااااااااااااارت ..
صراحه هالبااااااااااااارت كان غريب نوعا ما .. ماضيهم عجيب ..واكيد حاضرهم بيكون اعجب ..
بانتظااااااااااارك ..
ودي ..

SHASHBONH ©؛°¨غرامي مشارك¨°؛©

رووووووووووووووووووووعه واصلي
وشكرا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1