منتديات غرام روايات غرام أرشيف الروايات المغلقة - لعدم إكتمالها ما دام شافتك متضايق و راحت الله يوفقك و الله لا يوفقها / بقلمي
Bryan ©؛°¨غرامي مشارك¨°؛©

حيـآكم بنـآت
البـآرت اليوم بليل بـأذن الله ..

زُجَآجْة عِطْر ||~ ©؛°¨غرامي متألق ¨°؛©

يـــــــــــــآآآه يــــآقلبي فديتك وربــــي فرحت لمــآ شفت البـــآرت
بس بـــآقي مــآقريته لأنـــــــــــي بالحيييييييييييييييييييييييييييييييييييييييييييييي ل مشــــــــغوووووله
بس أول مآ أخلص بقرآه إن شــآء الله
وبصــــــرآآآحه روايتك جــونننننننـــآنيه

Bryan ©؛°¨غرامي مشارك¨°؛©

^

إنتي الجونانيه ياقلبي :p
نورتي حوبي وبإنتظـآر تعليقج ورآيج ..^^

Bryan ©؛°¨غرامي مشارك¨°؛©

بسم الله الرحمن الرحيم




مـآدأم شـآفتك متضـآيق , ورآحت ...؟! (الله يوفقك)x (والله لايوفقهآ)!



(الصفحة الحـآديه عشـر )



( متـآبعه الأحدآث )


.

.



آنـآ أدري إنها حركة غبيه ورآح تهيني وآيد .. بس هذي فرصتي مـآدآم أماني مو موجودة وماتبيه ..
وأمل تطلقت منه .. مو بـآجي إلآ آنا هذي فرصتي عشان أدخل نفسي بالأيطـآر أخيراً ..!! بعد هالأربع سنوات لآزم ابين له لآزم مع رحيل أمل وصد أماني مابقت إلآ مريم ! القلب اللي حبه من قلب ..!! ولآزم ايعرف هالشي وماأعاني بروحي!..


فتحت كبت الملآبس مالقيت شي يبهر! كانت ملآبسي تتميز بالبسآطه والألوآن الباهته وهذا ماينفع كلش!
رحت عند غرفة إختي غدير ودخلتها بدون ماطق الباب حتى! وتوجهت لكبتها وبديت أدور بملآبسهـآ بتوتر شديد لأني خفت مالقى شي وينهار حلمي!


غدير : هي هي هي إنتي ! طقي الباب ياجليله الحيا!
مريم: _________
غدير قـآمت معصبه: عمى بعينج شكو تفجين كبتي بدون إستئذآن!
مريم بدون ماطالعها ومنهمكه بالبحث عن شي حلو: بعدين بعدين أردهم ..
غدير: إنتي هيي! ترا لوعتي جبدي لاتخربين ترتيب ملابسي ووقفي وقوليلي شعندج!
مريم: إففف بعدين غدير بعدين ياغثج!
غدير مسكت قميص مريم من ورا بتسحبها وطلعها بقوة
مريم: وآآآآآآآآآآآآآآآآآآآآآآآآآآآآآو أخييراً لقيته !
غديربإستغراب: شاللي لقيتيه بكبتي ؟!
مريم ضمت غدير حيييل بوناسه: غددووره بلييز خليني ألبس نفنوفج هذا بلييز بروح حفله مع رفيجاتي وبكشخ بلييز بلييز
غدير: حفله منو ؟ واستئذنتي؟ وبعدين الوقت متأخر توج تبين إتروحين؟!
مريم: غدير عاد لآتحنين إي ولا لأ ؟
غدير: إنزين أوكيه إخذيه وياااويلج إذآ خرب أكسر رآآسج ترا ..!
مريم: تماموو

...


كان إنفنوف قصير رمـآدي ضييج ودلعته وسيعه وجمه طايحه " وكمه"
وحطت ميك اب وردي عجييب وشعرها من تحت مثل نظام تسريحات قبل اللاف شوي
ولبست إكسسوارتها وكعبها شكلها كان وآآآآآآآآآآآآآآآآآآآآآآآآآآآآآآآو من امهّ!


غدير فاجه حلجها: امبيه حده موصج!
مريم استحت: يعني لهدرجه آنا اهبل؟
غدير:ايه اتينين
مريم: اوكيه باي بروح قبل مااتاخر
غدير: باي!



...



بسيـآره التاكسي :


دآنة إدز هدى: آآآي! ويعه دستي على إيدي!
هدى معصبه وثايره وللحين سالفه إنه ماكو فلوس بقلبها: ويعه تحوشج إن شاء الله صج ماتستحين وهذا وانتي بتذلفين بيتنا تغلطين!
دآنة: ترى لوعتي جبدنا بيتنا وبيتنا من زينه أخاف! اقول لاتنسين إنه أخوي جاسم اثثه وضبط التكيف الخربان مالكم صج بنت فقر! نست أفضالنا عليها!
جاسم : دآنة هدى! سكتوآ مو ناقصين هوآش!
وليد تعب من منة مرت اخوه الشينه وذلها لهم!
وصلـوآ بيت اهل هدى ويه بوجاسم بينزل جان إيقول رآئد: لآ يبا لآتنزل! بس هدى تنزل عند قصرهم المأثث بخيرنا وبجنطتها الماركه اللي تصدقت عليها خل تنزل بروحها! إحنا بنأجر شقه نقعد فيها اسبوع اسبوعين ليمن القى بيت سنع ونسكنه!
هدى كانت نازله وانصدمت من اللي سمعته ويت صوب دريشه وليد..
هدى بققت عيونها: شنو! ومن ويلكم ياخلاف! فلستوآ من كل شي!
وليد مالف ويه ولاشي بس خزها بطرف عينه : اقول إنتي ترا آنا حاشمج للحين لانج للاسف مرت اخوي! آنا صج خسرت الشركه والفيلا والخدم والحشم بس بقى عندي جم ألف! ولاتنسين يابنت الفقر إن اسمي مشهور وأكيد الشركات تبي اتحاذف علي عشان اصير المستشار بعد سجلي الحافل بالإنجازات بس إنتي مو كفو نعمه ّ!
هدى: وليش تأجرون شقه ؟ بيت اهلي مفتوح بعد إنتوا اهل عيالي وزوجي!
وليد بإستهزآء وتحقير: لا تخافين ماراح نسحب جنط غوتشي وبرادا ولا رآح نسحب المكيفات والاثاث
بنخليهم لج يامرت اخوي بابتسامه استهزاء!
هدى طنشت كلام وليد لأنها تخاف منه وطقت باب مره ثانيه وقعدت تنادي جاسم:جاسم جاسم ابي اروح معاكم جاسم!
جاسم: افتح الباب ياحجي
وليد: إمش!

...

دخلت بيت امها واهي تبجي!

ام هدى: هدى!! إشفيج تبجين
هدى: يماااااا ياليتني ماطعتج طلع عندهم فلوس بعد!
ام هدى: واهم وينهم وشدرآج!!
هدى: يما اهما كانوا بيقعدون اهني جم اسبوع عشان يشترون بيت يديد تعرفين شنو يعني يشترون بيت وياثوثنه يعني باجي عندهم الآآآآف وزيدي نجاااح رآئد أكيد الشركات بتقاطط علييه! ياليتني ماطعت ااااااااااااااااااه كلا منج يايما كلا منج
ام هدى حطت ايدها على قلبها: وي وي وي ! كل هذا! ورائد ياعله السلال ليش ماتحجى الا الحين وصورلكم إنه خسر كل شي!
هدى: يما قوليلي شسوي! ابي ارد لعيشه العزز يماا قوليلي
ام هدى: غصبن عليهم ياخذونج إنتي للحين مرت جاسم وهمن ام عياله!
هدى: إيه أدري بس ماركبوني معاهم ووليدوا اخاف يقول حق اخوه يطلقني!
ام هدى: لا لا تفاولين! ووليد هذا خليه علي !
هدى: شبتسوين؟؟؟
ام هدى: مو آنا اللي بسوي يعتمد على إختج هيا بإبتسامه خبث

....


طلعت الملف من جنطتي وكلي لهفه أشوف قصته !!
شقيته وفتحته ولقيت أوراق وآآيده ..!!

كنت أطلع ورقه ورقه ..

كان دآخل الملف خيييييييير كبييير
شهقت ! من متى ومحمد عنده هالخير

املاك عقارات
املاك فلل
شركات
ووووووو
الفيلـآ اللي آنا قاعده فيها نصها لي !!!!!!!!!
والنص الباجي لمرت ابوه !!!!!!!!!!!!!!

معقوله كل هالذبح عشان هالاشياء !
كنت قاعده استكشف بس للحين ماخلصت من الملف كان في اوراق اشكثر لحين ماشفتها

عرفت الحين ليش سعادتي وخلاصي فيها

قعدت ابي اكمل واشوف شنو فيه بعد ولا سمعت صوت مفتاح
جحري ينفتح !!

خفت وتعومست رديت الاوراق بسرعه ابي اخشهم ابي اخفيهم

!!!!!



وللأسف مالحقت!وحطيتهم ورآ ظهري وآنا كنت أدري إني رآح أنفضح وبيآخذه
وإن الأمانه بتضيع مني وبيضيع ولدي معاها!!


دخل عبدالرحمن وكانت نفسيته زفت لآ سلم ولآ تكلم فتح الباب وخزني من فوق لي تحت
قفل الباب وراه وحطى المفتاح بمخباته وتوجه بكل قله أدب لجنطتي بدون مايستأذن وقعد يطلع الأغراض اللي دآخلها يحذفها بكل همجيه ! ومالقى إللي يبيه وحذف الجنطه بويهي وقال :
عبدالرحمن: طلعيه
إبتسام متصنعه الغباء: شطلع!
عبدالرحمن: ياصبر إيوب!
إبتسام نزلت رآسها بخوف!
عبدالرحمن : صارلج يومين وللحين ماطلعتيه يعني لآزم أرفس بطنج!
إبتسام والدنيا مظلمه بويهها! : لأ مو لآزم!
عبدالرحمن: زين عيل طلعيه!
إبتسام بحزن طلعت الملف من ورا ظهرها ومدته له
خذآ الملف وقال: الحمدالله أخيراً قمتي تفكيرين من عقلج!
وطلع وقفل الباب علي..!

...



رآئد بغرفته فوق قاعد
لأن رؤى سوت الحفله في بيت ابوها

...

رآئد بينه وبين نفسه: آخ ياحظي الردي صارلي أكثر من 4 سنين وآنا الحقها ولا تغيرت علي !
ولآ حنت للحين قاسيه! وشكلي بعاني معاها حييل! مـآدري ليش إحس إني أمشي بطريج مسدود!


...



سميه: ياللهوي إيه ده ! إيه اللبس الفاضح ده!
رهف: وي قطع قطع مابقى شي مابين الله يلوع جبدها
نور:هههههههههههههههههههههه مسكينه إستخفت على كبر هذي شكلها معديه 50 شيايبها!
رهف وسميه: هههههههههههههههههههههههههههههههههههههه


...





" طلعوا من الباب الخلفي
بسرعه! "




_ نهايه الصفحة الحاديه عشر _

وَهـم ©؛°¨غرامي متألق ¨°؛©

الوليد .. الله يعينه خسسر كل ششي ..

مريم .. يَ ربي من الغبيه هذي مَ تفهم يعني غصب يحبهآ استغفرالله بسس ..!

آبتسسام .. عجييب كيف تديهم الملف ..!


تسسلم ايدك عـ البارت الجؤنآن ..

بَ آنتظـآركك ..~

همسة محب ©؛°¨غرامي مشارك¨°؛©

Bryan تسلمين يا قلبي روايتكي بين الواقع والخيال وهذا إلي خلاني أتابعها ....وأكون من معجبيك
وأأأه لا تنسي روايتي ((يوميات مراهقة))وأتمنى إنها نالت على إعجابك ........
وتراااني أنتظر البارت وأنا متحمسة ...بس بلييز لا يسوي عبدالرحمن في إبتسام شيء بس خليهم يحبون بعض
............مع خالص حبي/همسة محب

وجدان الشهري ©؛°¨غرامي فعال ¨°؛©

وااااااااااااااااااو شنو هذا ؟؟ ابداااااااااااااع بصراحة .. اسم الله عليك ربي يحفظك ..
غريبة شخصيات الابطال في هالبارت .. لا تعليق بصراحة ع شخصياتهم ..
ابدعتي ساره .. واصلي واحنا بانتظارك ..
ودي ..

ماسه تحب الوناسه ©؛°¨غرامي مشارك¨°؛©

الباررت مره روعه
بصراحه كيف تفكر ابسام كيف تعطيهم الملف هذي وصيه زوجهـــا
اتوقع اخذت الاوراق وعطتهم الملف فاظي

دانةحياتيN ©؛°¨غرامي مشارك¨°؛©

وااااااااااااااااااااااو لا لا لا لا لا لا لا لا لا لا لا لا لا لا لا لا

ليش ابتسااام تعطيهم الملف بس اتوقع انو زوجها مسوووي صوور وحاطها عند احد ثااااني اتمنى انو حقها وحق ولدها مااايروووووح كذا للحقيرين ....



رااائد مرررره قااااهرني على امل بس حااانه عليه لانو هذا الحب وهاذي عمايلو ....


اماااااني مرررررررره قااااااااهرتني مررره مررره مررره يعني يحبها خلااااص تاااخذ اللي يحبها ....


مرررريم برضووو تقهرررر ليش ترررمي نفسها عليه ولا بعد تحضرر الحفله كمااان مررره هاينه نفسهااا تقهرررر ...


انتظرك بالبارت الجااي يااسكررر

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1