منتديات غرام روايات غرام أرشيف الروايات المغلقة - لعدم إكتمالها ما دام شافتك متضايق و راحت الله يوفقك و الله لا يوفقها / بقلمي
غريم الروح ۆ جوډڳڳ :بَ / دااخليُ - سبہُ '$ (غرورييَ !

انا صارلي فتره من رواااااااايتك

بس شفت البارتات اليووووم

وااااااااااااااو خوقااااااااااق

ابدااااااااااااااااع

تسلم اناملك

besho-besho ©؛°¨غرامي فعال ¨°؛©

تسلم اناملكـ على الجزء الجمييل واللطيفـ

بانتظاركـ دوماااا ,,,,لاتعليييق ابداا سوى انها صفحه جميله على ابطالنااا ,,,,,

بانتظار ابتسام,عبدالرحمن,رائد,مريم,رؤى,حسن,أماني,العجوز وبناته :تسنيم,أسرار,سعاد"مما تذكرت",صديقات مريم ,غاده "الممثل المشاركـ",وليد ,رنا,خالد,شهد,ابرار,العجوز المتصابيه :ام عبدالرحمن او ام محمد,,,,,,الخـ

شكرااااا سارونه الجمييله وبانتظار ابداعكـ

همسة محب ©؛°¨غرامي مشارك¨°؛©

سلااام ...أحب أشكرك على الرواية إلي تااخذ العقل ...وبليز خلي رائد يتعلق بأماني ويتقبلها زي ما هي وأماني تتطلق من ولد الفقر ..وأمم عبدالرحمن يحب إبتسام ..وأبرار تموت<<<<كثرت الطلبات عليك وأنهيت الرواية من عندي<<يوووه فضيحة ....سؤال متى عوايدك تنزلي البارتات؟<<بليز محتاجة الجواب عشان أدخل وأقرأ وما أطفش من الإنتظار..
أتمنى تستمري بأبداعاتك .....وأبيك تشرفيني في روايتي (يوميات مراهقة) وتضيفي توقعاتك وأرائك وإبداعتك.....
مع خالص حبي "همسو" ................

Bryan ©؛°¨غرامي مشارك¨°؛©

من عيوني الثنتين
بـآجر البـآآآرت ..

بنت ملاك وعيوني هلاك ©؛°¨غرامي فعال ¨°؛©

نااااااااااااااااااااايس مرره حلووه

تسلمي لنا

Bryan ©؛°¨غرامي مشارك¨°؛©

الله يسلمج حبيبتي ..
كونوآ بالقرب اليوم البـآرت ..

زُجَآجْة عِطْر ||~ ©؛°¨غرامي متألق ¨°؛©

أنتظرك حبيبتي
بلغيني أول مآينزل

Bryan ©؛°¨غرامي مشارك¨°؛©



بسم الله الرحمن الرحيم




مـآدأم شـآفتك متضـآيق , ورآحت ...؟! (الله يوفقك)x (والله لايوفقهآ)!



(الصفحة الخـآمسة عشـر )





في يوم جديد ..
وشمس مشرقة تطل على كويتنا الحبيبه من جديد ..

_ _ _ _ _ _



إستيقظت خـآئفة على مستقبل صدآقتهـآ ..
كـآنت تفكر كثيراً لأن اليوم هو يوم الحسم ..
ولآبد من التحدث والتفاهم .. فهي لن تقبل أن تخسر أول صديقه لها ولا تملك غيرهـآ ! .. كانت مستعدة لتبرير أو حتى لتعويض! لكن الأمر ليس سهلاً! فمـآ حدث كان أكبر من ذلك بكثير وعلى مايبدو أن شهد تأذت كثيراً ولن تقبل بسهولة أو حتى إحتماليه إنتهاء الصدآقة وآردة! وكبيره جداً!


_ _ _ _ _ _ _ _


لبست مريولها المخالف لقصره الكبييير!
ولبست جنطتها بإهمال حتى السحـآب مال الجنطة ماقفلته !
هذي إهي رنـآ دآيمـاً تهمل هالأشيـآء وماتهتم لهـآ ..

طلعت من غرفتها والنفسيه زيرو كالعادة لكن اليوم كان زيرو ماينس!
زيرو سالب ! يعني تحت الصفر!

نزلت تحت وكانت امها لأول مره موجوده ..
كانت قاعده بطاوله الطعام إتريق مع ابوها" اتفطر مع ابوها " ..

رنا واهيا ماشيه :سلآم!
ام رنا : وآي ليش جذيه إنتاي رنووي تعالي حووبي تريقي معانا قعدي سولفي شي!
رنا وقفت نص الطريج لانها تتنرفز من طريقة كلام امها حييييل حيييييييييل!
بورنا خز ام رنا ومسك قلآص الجاي : الشاي - الشاهي وبابتسامه لرنا: روحي يبا مدرستج الله وياج ..
ام رنا: لا وي اشلون ماتريقت عصفوورتي
رنا بلوعه: عصفورتي! ها؟! .. يبـآ آنا بطلع لاني جد بديت افقد اعصابي!
وطلعت من البيت وسكرت الباب بقوة!

وركبت مع رآجو كالعاده عشان ايوصلها المدرسه..
وكالعاده صكت الباب اتكون قويه ..

طططااخ طططخ

رآجو : بلع ريجه وسكت !
اما رنا قاعده ورا واطالع الدريشه واهي متنرفزة بينها وبين نفسها: ناقصتها آنا هذي تنرفز لي يومي ! مو آنا بروحي مو ناقصه إفففففففف

طبعاً رنا كانت بينها وبين نفسها اتحلطم ومعصبة وزعلآنه وكلش كلش ماتحس بالطريج ..
لأنها منغرقه في أفكـآرهـآآآ ...

بس إللي وقف تدفق أفكـآرهـآ وسرحـآنها الهرن ...

بييييب بيييييييييييييييب!



===================

كانت لآبسها مريولها ومستعده للإنطلآق..
مثل كل يوم بس اللي إختلف إنها رافضه تماماَ فكره إنها تركب مع رنا ..
مع إنها يومياً تركب معاها بالروحه والرده .. بس الحين وقفت لانها تحس إنها اهانه
وماتبي تنزل نفسسها ...

+++++

شهد بضيجه وملل: عـآمر يلـآ ! الحين بيطق الجرس يلـآ قوم بدل!
عـآمر واهوا نايم بالدوانيه : ولييييييييي! إنتي مو كل يوم تروحين مع رفيجتج من بدايه الكورس! شاللي تغير بالكورس الثاني؟؟؟!! قومي دقي عليها خلي سايقهم يوديج آنا دايخ من امس مونايم يلآ!
شهد مبوزة: عامر عامر عامر جم مره اقولك إنه ابوها مهاوشها وقالها لاتوصلين رفيجتج! || طبعاً جذب " كذب"
عـآمر: إف وهالابو ماتحجي الا الحين !! من الكورس الاول واحنا الحين بنص الكورس الثاني وماتحجى! خل يكمل افضاله وركبي معاها .. ولا اقولج إتفقي معاها إنها ماتعلم ابوها ماراح يدري اصلا اهو بروحه لاهي بهالملاين مو فاضيلج ..
شهد بجت: يعني شنو اقط نفسي غصب ! ماتهتم لكرامه اختك! شاللي طلبته منك وصعب عليكك !بس ابيك اتوصلني المدرسه مابي منك شي ..! يعني ليش جذيه تبي تفشلني عندها !
كسرت خاطره : عامر: إنزين إنزين بوديج بس نطري خناخذ شاور وابدل ..!
شهد: مشكور .. بس بليز لاطول ترا مو باجي شي عالطابور ..
عامر زهق/ : إفففففففففففف تبيني اوديج تنطرين ماتبين كيفج اخذيها غياب اليوم!
شهد : لا اوكي اوكي انطرك!

شهد بينها وبين نفسها: إف الله يعني اذا كل يوم بيصير جذيه معاه! .. بس اهم شي ماركب معاها .. واهي اصلا ماراح اتيي عقب سواتها واذا يت فـ اهي جليله حيا وماتستحي!

بيييييييييييييييييييييييييييب ببببيييييييييييييييييييييب



رنا بإنتباه: هييييييي بيت شهد!
وحطت ايدها على يبتها " جبتها" : وييييي نسيت آنا كل يوم أمرها ومانبهت راجو!!!
رنا بتفكير: امشي عنها ولاانطرها ؟؟؟؟؟ عيب ولا ؟ ممكن ايطيح الحطب ؟؟


+ + + + + +


شهد ركضه عالدريشه تطل : عمى بعينها جليله الحيا يايه جدام بيتي بعد ! وربي ماتستحي !

عـآمر كان يبي يصعد فوق ويبدل بس سمع صوت هرن السياره وميز إنها سياره رفيجه شهد وطبعاً اهو مايدري إنه اخته متهاوشه معاها وجذيه والسبب اللي خلى شهد ماتعلمه انه عامر اخوها كسول وملول ممكن ايي عند رنا ويفشلها ويخليهم يتصالحون عشان بس اتوصلها ..

عامر: هذا مو جنه هرن سياره رفييجتها اللي كل يوم توصلها ؟
طلع برى عشان يتأكد ..

رنا بتوتر: اوف هذا اخو شهد ؟ شنو يبي ياي صوبي؟ لايكون بيزف ولا بيهاوش !!

يه عند دريشه رنا وطقها بابتسامه واشر لها انها تبطل الدريشه : فتحي فتحي ..
رنا فتحت الجامه وسكتت اطالعه باستغراب ..
عامر: هلا يزاج الله خييير فكيتيني من توصيلها .. بس اقول ابوج يدري ولا اقنعتيه ؟
رنا واكبر استفهام بينها وبين نفسها : اخّ! لايكون شهد قالتله السالفه !
عامر: هههههههههه اشفيج سكتي شكلج يايه من ورا ابوج عفيه تعجبني الصداقه الخطره هذي هههههه
رنا سكتت واهي متنحه عدددددددددددل
عامر/ : نطري شوي شهد خالصه الحين تنزل ..

+++++


عامر دخل البيت : شهههههههههههههههههههههد! شششهد يلا قومي روحي مع رفيجتج ..
شهد مبوزة: مابي انت ودني
عامر: إفففف! بلا دلع وسوالف الكرامه هذي اللي ماتنفع يبا رفيجتج وتنطرج تبين تركبين معاها روحي ماتبين انثبري اهني ومحد راح يوديج وخلي امتحانج يطوف وخلاص اهي توصلج باجي الكورس يلا روحي لاتخلين البنت تنطر يلا ..
شهد: يعني اغصب نفسي يعني ! .. ودني عامر ماطلبت منك شي بس ردلي ماي ويهي وبعدين لو ماكو امتحان جان ماغثيتك وخذيتها غياب ! ....
عامر بدا يعصب: ولييييييييييييي بدت اتحن! آنا ماراح اوديج فاهمه واهي البنت يايتج يعني لاطاح ويهج و ولاشي آنا بصعد انام وياويلج إن ازعجتيني هذا الباب جدامك وهذا الدرج وراج اتغيبين اداومين براحتج بس اهم شي مااتزعجيني... وصعد فوق غرفته ..

شهد: حسبي الله ونعم الوكيل !


رنا : شكلها مطوله! رآجو إمش خلآ .. لحظة لحظة كاهي طلعت ! بابتسامه اي والله طلعت هيييا ّ!
شهد فجت باب السياره وركبت/ السلام عليكم!
رنا/ وعليكم السلام ياهلا أمبيه مو مصدقه كلش يعني طاح الحطب !
شهد بخزة قويه لها: لآ اكيد ماطاحّ!











_____________________________________


فتحت الباب بقوة عليها وتلت شعرها حيل وطقتها

ام حمد: اتقصين علينا مسويه نفسج بريئه يا حيوانه يابواقه طلعي الحلال كله يا النيسه !
ابتسام بجي: إنتي شقاعده تقولين والله الملف كله عندج و ولا ورقه عندي ورب الكعبه
ام حمد بصرآخ : لا هذي بتفقدني صوابي! ومسكت الخشبه الطايحه تبي اتكفخ ابتسام فيها ..!


ابرار من بعيد اطالع وخايفه من المنظر لان شكل ابتسام كان يخوف كانت مدممه وطق ام حمد وجروحها واضح و ويه ابتسام كان شاحب من قله الاكل والتعذيب النفسي وخصوصاً إنها حامل!


عبدالرحمن كان فوق حاط السماعات بأذنه ومعلي على الموسيقى ومايسمع ولايدري شنو اللي صاير تحت ...


زوجه حمد يت تركض بتشوف شسالفه : وي وي وي عمتج شتسووي استخفت وربي استخفت !
ابرار ببجي: امبيه لاتذبحها امانه وقفيها حصه امانه
حصه زوجه حمد: وآنا شكو! بطقاق يطقهم اثنينهم آنا من بعيد حياتي ولو ابتسام كاسره خاطرج قومي ساعديها انتي بعد!


ابتسام في بجي وضعف وبانهزام: لااااا امانه لا لا آنا حامل تكفيين امانه
ام حمد: اقسم بالله يا ابتساموه ان ماطلعتيهم و ان ماوقفتي سيدا ياويلج مني ياوويلج لموتج اهني انتي وولدج طلعيهم الحين ولاتلفين يمين ويسار !
ابتسام/ والله والله والله العظيم هذا اللي كل اللي عندي والله العظيم هذا الملف اللي عطاني ياه محمد ماعندي غيره وآنا مابي الفلوس بس ابي اطلع بسلامه آنا وولدي صدقيني والله
ام حمد بصرآخ : اتجذبين هاااه ّ!

وطقتها طق سنه بساعه ودزتها على الارض كان طق مرعب وصوت وصراخ مخيف!

وماكان لام حمد اي رادع ولدها حمد طالع وعبدالرحمن مايسمع من الاغاني ووابرار خوافه وضعيفه وحصه من بعيد لبعيد !

عقب الطق العنيف والمرعب طاحت ابتسام من طولها !

ومسكتها ام حمد ودخلتها الغرفه الباب غير مباليه بصحتها وبجروحها!


ابرار صعدت فوق ركض عند غرفة عبدالرحمن وتبجي بهستريه : عبدالرحمن عبدالرحمن !
كان قافل غرفته ..
طق طق طق طق طق عبدالرحمن !

ولآ حياه لمن تنادي ....



+ + + + + + + + + + + +



اسرار / قومي قومي!
اماني بنعاس كبير قامت مستغربه ..
اسرار: قومي تعالي ساعدينا بتنظيف سياره ابونا ..
ااماني/ اوكيه .. بغسل ويهي قبل!


كانوآ البنات بالشارع برا ايغسلون السياره اللي اهم :

اسرار + شذى + تسنيم ..
وديما كانت بالمطبخ اتسوي ريوق لخواتها ..


دخلت اماني الحمام " تكرمون" وغسلت ويها ..
وطلعت عند البنات .. واول ماطلعت شافت العجب العجاب بالشارع ...

شذى كانت تغسل الجام اللي برا مال السياره وكانت تتحلطم : علييو اقول اسكت وكمل بيع اشرطه الـ dvd ! اوكيه !

علي/ ههههههههههههااااااااي شذوي والله مصخره من شافج بالليل غير عن هالصبح ههههههههههههاااي

شذى قطت الفوطة بالأرض/ يعني شلون ماراح تنجعم!
علي: ههههههههه اوكيه اوكيه بنجعم على شرط واحد
شذى: شرط بعدّ\! عشتو ! شتبي قول ..
علي/ ابي رققم البنت الطووويله اللي شعرها قصير احمرر اماانه
شذى / ههههههههههههههههههه والله إنك مصخرها وشدعوا اذا عطيتك رقمها بتعطيك ويه ؟!
علي: خو خنجرب! يمكن تحذف علي جم فلس !
شذى/ وعووه ! مو باجي الا اشكالك ترافجهم نهى قطع !
علي: وعوه عليها اهيا عيل بنت بهالجكر ! خل تحمد ربها اني آنا اعطيها ويه مقابل جم فلس طبعاً ..
شذى: روح روح علي خلني اكمل شغلي ..
علي/ راسج يابس عنيده !

اسرار: وهذي حالتك ياعلي صرت اتقط نفسك مثل اختي الخبله
شذى/ عن الغلط! عالاقل استفيد واكشخ!
علي: وليش لأ خن نربح جم فلس حلوووين ..

اماني/ صبـآح الخير

البنات وقفو شغل "" للحين يحسون بالذنب تجاهها : يا هلا صباح النور والسرور ..
علي: اوووف صـآآآآآآآآآآآآآآآآآآآآآآآآآرووووخ!
اماني: وقفت تنطر توجيهاتهم..
علي: يصفر واااو جمال جسم ونعوووومة! إنتي منووو ؟
اماني/ حست بغصه دآخلها .. وحقرته ..
خذتها اسرار ومسك ايدها وعلمتها شغلتها ..
وخزت علي بمعنى اذلف ..

وكملوا شغلهم ليمن صارت سياره الابو تلق لق من كثر النظافه ..

شذى/ اف اخييراً خلصنا !

وعقب ماخلصوا توجهوا كلهم بيدخلون البيت عشان الريوق ..
بس الصدمه كانت لاماني ..

لأن حسن كان قاعد بينهم ..
يت اماني بتطلع بتنحاش حست بخنقه!
بس امسكتها تسنيم وهمست باذنها : إنتي لازم تتعودين وتخلين الوضع طبيعي لانج مضطره اتشوفينه ولاتنحاشين بس!
اماني وعيونها متغوورقه من الدموع وتررجف رجف موطبيعي: لا مو يوعانه تكفين!
تسنيم يرتها غصب وقالت خلاص لا تاكلين بس قعدي ...!

حسن كان ياكل ومانتبه لاماني اصلا اهو ناسي شكلها وناسي كل السالفه بعدين عرف من ابوه وخواته اللي علموه بمصيبته حتى انه توقع حلم ! .. صج كان مايدري شسالفه ..

تسنيم: دنوا شوي نبي نقعد آنا واماني ..
حسن: انقوم عشان حضرتج يعني! ومانتبه للحين
تسنيم: اي وخصوصاً إنه معانا اخت يديده بالبيت ويد عامله يديده .. ^_^
حسن: رفع راسه وشاف ملاك قاعد يتريق معاهم !
حسن: منو انتي!
اماني بخوف تبي اتقوم بس ماسكتها تسنيم ..
حسن: منو هذي ؟ انتي رفيجه شذى ؟
شذى: هذي ماتذكرها اللي اليوم قلنالك عنها احنا وابونا اللي تنازلت عشان تعيش معاناااااا !
حسن تذكر وتفشل واستحى على ويه نزل راسه : إيه .. إيه ! آنا شبعت .. آآآ .. خلاص آنا بقوم اخذي راحتج ..
البنات مستغربين الحيا اللي نزل على اخوهم فجأه وقارنوا بين رده فعله الحين ولمن قاله ابوه !
صج قمه التناقض ..

+ + + + + + + + + +


مسك تلفون البيت والجرآيد محذفه حواليه ..
ويدق على الشركات اللي طالبه موظفين يدد ..

وليد : مرحبا .. إيه آنا اهو ..مو مشكله بابتسامه .. ايه ايه ايبلك ياه من عيوني الثنتين ..
متى المقابله ؟ اها اوكي اوكي مشكور ماتقصر خلاص اتفقنا ...

جاسم: هاه ! بشر بتمسك وظيفه ؟
وليد: بسم الله تو الناس تونا داقين فيه مقابله وفي الف واحد يبي الوظيفه يعني تو الناس بس ادعو انتوا
دانه: وليد شنو اشفيك انت كنت مستشار ! شلون اتصصير موظف عادي صير مستشار بشركه ثانيه وانت اصلا كان عندك شركه ..
وليد: ايه مستشار من غير شهاده .. يبا خليني امسك شي ثابت بعدين اشتغل على استعاده املاكي وكرامتي .. يلـآ عن أذنكم آنا بروح الحين ..
بوجاسم: على وين ؟
وليد: مشوآر ..

+ + + + + +

بسياره عامر ..

عامر: إيه طلعته لك
وليد: كفو والله !
عامر/ افا عليك بس الصديق وقت الضيق
وليد كان يطالع بيت العم بو فهد من برا وكان اول مره يشوف البيت
وكان يطالعه بتمعن ..
عامر انتبه لنظراته: شاللي في بالك !
وليد : اللي في بالي قاعد يمشي خطوه خطوه !
بعدين سكت وابتسم وقال : شفت البيت هذا ! بيكون لك ..
عامر إنصدم عباله ينكت : ههههههههههههههههههههه ايه خير ههههههههههههههه
وليد بنظره وبابتسامه لها الف معنى : اضحك يارفيج العمر وصدقني لك ووليد مايجذب ..

+ + + ++ +



عبدالرحمن: شنووووووووووو!
ابرار:/ والله اخاف الحين ماتت شي !
عبدالرحمن طلع من غرفته ونزلت تحت عند جحر اماني وطق الباب بقوه وبقوه اكبر
ليمن أكسره .. وشافها طايحه بشكل مؤلم شالها ووركبها سيارته ..

استوقفته حصه زوجه حمد: هي هي هي انت يالمينون وين بتوديها !
عبدالرحمن: حقرها

حصه: عبدالرحمن! لاتصير ساذج ان وديتها المستشفى اكيد راح تعلم عليكم ! وبتروحون فيها وانت خصوصا اذيتها !
عبدالرحمن: يعني اخليها تموت!
حصه: وانت ليش مهتم لهدرجه يعني ! عادي تموت وتندفن حالها حيل غيرها دارن درا ودارن مادرا !
عبدالرحمن خزها خزه وقال / مريضه ..!
حصه: عبدالرحمممممن ! آنا اعرف دكتورة تسكت بجم فلس! ولاتروح وتفضحنا ...!

_ _ _ _


بالسيـآرة :

رنا: اهـآآآآآآآ جذيه ؟
شهد من غير ماطالعها : إيه جذيه !

طبعاً شهد قالت حق رنا كل شي وقالتلها انها ماودها تركب معاها بس مجبورة ومن هالحجي ..

رنـآ بعد الصمت اللي كان بينهم: شنو ممكن اسوي عشان ارجع صدآقتنا !
شهد : هه! وتعتبرينها صدآقه ؟! ليش الصديق اهو اللي يطلع رفيجه ويساعده ولا اللي يقطه بمشاكله واهوا يطلع !
رنا: آنا آسفه آنا اعتذرلج وبقولج كل شي تبين اتعرفينه واي شي تبيني اسويه والله اسويه لج من عيوني !
شهد/ واذا قلت لج أبي خالد !
رنا بصدمه/ شنوووووووو!























_ نهاية الصفحة الخامسه عشر _

بيضـآء گالـثلـج ©؛°¨غرامي مشارك¨°؛©

وااو شكل البارت خققققه
بررب بقرا وارد علييك
الحمدلله لحقت هع

Bryan ©؛°¨غرامي مشارك¨°؛©

^
لوول زين لحقتي اول رد من ورا البارت لوول
تيت :$

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1