غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات الصور > تصوير فوتوغرافي - تصوير احترافي
الإشعارات
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-06-2011, 12:11 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 تقرير رحلتي الى إيران 2010


هلا فيكم.. يالله تحييني..


بعد ماخططنا للسفر وكانت وجهتنا الى ايران..
طبعا كان مسار الرحله من الدمام _ قطر __طهران


وماكان فيه الا ترانزيت 3ساعات في قطر بعدين لطهران
طبعا الوالد الله يحفظه ماكان عنده شنطه يد عشان يحط فيها اغراضه وكانت هذي اكبر غلطه ماذكرها الا يوم جينا بنطلع للمطار..
واللي هو يدور من عنده مخابي في البنطلون عميقه تكون او شنطه أنا قلت يبه هات المصريات بحطهم بشنطتي
الايقول: طيب وضاعت وش اسوي انا اتفق؟؟
جهزنا الاغراض وكل شي ومشينا الى المطار الساعه 7ونص صباحاً بحكم ان المطار بعيد شوي ويلزمنا الحضور قبل الموعد بساعتين.. المهم وصلنا المطار وانتظرنا حوالي ساعه..






هذي الخشه من شافتنا بنصور الوحه القطريه على بالها بنصوره زبط نفسه عشان يطلع بالكام



بعدها انطلقت الطائره بعد ساعه الى مطار قطر

هذي وجبه الطائره عباره عن فطيره بيض لذيذه مره وعصير بالاضافه الى الحلاوه اللي يوززع والمناديل اللي تمسح على الوجه والسماعات

[url=http://www.graaam.com/][img]


هذي شاشه توضح انطلاقنا من الدمام الى قطر


وصلنا الى قطر



هذا مطار قطر... طبعا كان فيه الانتظار ساعتين تقريبا... ما امداني صورت الا قالو ممنوع

كان موجود محل كوفي





فيه مركز تسوق دخلنا نتمشى فيه شوي










يـــــــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-06-2011, 12:33 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010




حتى الحمامات ماسلمت منا صورناها



بعد مرور ساعتين توجهنا الى الطائره





كان الجو حلو مليئ بالغيومم... وهذي وجبه الغداء للخطوط القطريه



وصلنا الى مطار طهران حوالي الساعه 4 العصر الجو كان حلو وكل شي تمام.. اخنا تاكسي من نفس المطاروالسائق مدهر على القريشات اللي بنعطيها اياه وكان مره متحمس لدرجه انه يفحط وكان سعره 35000 تومان اي 140 ريال سعودي توجهنا الى قم مستغرقين ساعه ونص





وصلنا الى قم حوالي الساعه 5 وشوي العصر






طبعا كانت مده جلوسنا بقم 4 ايام فقط المنطقه بشكل عام حاااااره مثل جو السعوديه بس يتغير الجو بالليل يكون الجو شاعري << هالكلمه متعوب عليها
في اليوم الرابع ...توجهنا الى بستان علوي .. مثل الحديقه الكبيره تحتوي على مطعمين منها مطعم للبيتزا ومطعم عام وكوفي شوب.. بالاضافه الى العاب الاطفال.. بشكل عام المحل حلوو بس الجو حار عشان رحنا بالظهر وقت الغداء







جانب من البستان



داخل المطعم







المنيو





شوربه يعطونها مجاناً قبل ماتطلبي يجيبوها لك ماتشجع ابد


يـــــــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-06-2011, 01:07 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010




طلبنا..









لقطات من قم..





هديه بسيطه وراجعه



في اليوم الخامس انتقلنا بعدها من قم الى مطار طهران الداخلي للذهاب الى مشهد


داخل المطار يوجد مبيعات التقطت منها











ركبنا الطائره وكان الجو رووعه كله غيووم..بس طيران ايران زفت ويخووف.. تهتز الطائره تقول بتطيح



وهذي وجبة الطائره الله لايوريكم بارده مثل الثلج وترجعت زي ماهي تلوع جبد الواحد لو ياكل دجاج مصقع



وصلنا الى مشهد حوالي الساعه 3 الا عشر عصراً.. اخذنا تاكسي وتوجهنا الى فندق الفرات.. الفندق بشكل عام نظيف ومريح لكن اختي احتجت بأنه بعيد والمكان جدا ممتاز من حيث الحركه وكل الاماكن جنبك ماتحتار لو بتشتري شي.. وقريب من الاسواق مره .. المهم تابعوني وشوف وش صار معانا...


جلوسنا بمشهد كان اسبوع بالضبط


هذا فندق الفرات اللي سكنا فيه اول ماوصلنا





[
يـــــــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-06-2011, 01:21 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010


هذا اللوبي تبع الفندق


شقتنا.. نسيت اصور الصاله صورت الغرف بس..



تصوير جانبي


قعدنا في الفندق يوم واحد بس من وصولنا للفندق الى الظهر يوم ثاني.. وانتقلنا الى فندق ثاني اسمه ابارتمان محمد زاده..



هذا اللوبي تبع الفندق


الشقه تبعنا.. معليش زحمه تونا منتقلين وصورتها على طول طبعا المطبخ مفتوح على الصاله


الجانب الاخر من الصاله



بجانب الفندق حديقه صغيره مره..





من جانب اخر..



الجو بمشهد اكثر من رااااااااااااااائع.. افضل بكثير من قم وطهران
مناظر بجانب الفندق








خلال هالخمسه الايام رحنا تمشينا باسواق مشهد ومنها مجمع بورما...


المجمع بشكل عام حلو وكل شي فيه متوفر.. اسعاره مثل اسعار السعوديه لكن تتفآجأي ان السعر دبل بالمجمع عن الاسعار اللي برى... خاصه بالاكسسوارات والاشاربات..

خلينا ناخذ طله على المجمع... اول شي بوابة المدخل على شكل صفحة قوقل..


يــــــــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-06-2011, 01:57 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010




اول مادخلت صوره اللعبه عجبتني بخفه دمها ما اسمع الا ممنوع حقررت وكملت تصوير بالخفيه



من جانب اخر الشيبسات.. بصراحه شبسات ايران مره حلوه




قسم السجاااااااد بيعئد:s-2011 (122)



قسم المشروبات



قسم الفواكه والخضروات



قسم الالات الموسيقيه



بالاضافه الى الاقسام الاخرى من قسم الاواني المنزليه والتحف والاثاث بس ماصورتها .. المجمع يتكون من 3 طوابق القسمين اللي فوق للملابس والاحذيه والسفلي متنوع...

بعدها اليوم التالي رحنا بازار الامام الرضا...
(هذا معروف ) به محلات محصورة بين زعفران - ملابس - خواتيم ومسابيح - حلويات - بعض الألعاب وأيضا بالدور العلوي به بعض المحلات للعطارة - طب شعبي)




داخل السوق...





بعدها توجهنا الى مجمع صغير ما اذكر وش اسمه بس كله صووف صورت كم محل..

شكل المجمع من الداخل




داخل المحل..







بجانب مجمع الصوف محل زعفران.. طبعا الزعفران بايران غالي تقول ذهب على غفله..



داخل المحل... من ضمن المبيعات خليط كيك جاهز على زعفران بعده نكهات ركزو على الصوره وبتشوفونه..


يـــــــــــــــــ
ـــــــــــــتبع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-06-2011, 02:18 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010






بعدها بالليل توجهنا الى سوق ( بازار جنت) هذا سوق مفتوح مثل شارع الحب بالدمام به محلات للملابس والحقائب (صناعة إيرانية وأجنبية وماركات وأسعار معقولة جدا) بس للاسف ماصورته لاني ماوصلنا الا اغلب الاماكن مقفله..

اليوم اللي بعده انتقلنا الى فندق (أبارتمان خطيب) جنب فندق محمد زاده بالضبط.. وسكنا فيه ليلتين.. بحكم الفندق الثاني اللي سكنا فيه ماعنده مجال نسكن عنده جميع الايام فا اضطرينا ننتقل لفندق ثالث




اللوبي تبع الفندق..



الجانب الاخر من اللوبي





لقطه من مشهد وقت الغروب




بعدها مشينا الى مدينه طرقبه.. مدينه جميله .. فيها مناطق خضراء وجلسات ومطاعم وأيضا بها سوق مركزي وتشتهر بالصناعات اليدوية
رحنا تغدينا بمطعم مير عماد


مدخلل المطعم..




هالمطعم فيه جلسات داخليه وخارجيه احنا اخذنا جلسه خارجيه مع الاجواء الروعه وزقزقه العصافير
هاذي الجلسات الداخليه




وهذي الجلسات الخارجيه



طلباتنا.. طبعا في ايران تقول مافيه اكل غير الكباب نبي اكل خليجي مانلقى كباب في كباب






من جانب الجلسه الخارجيه التقطت هالصوره

يـــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-06-2011, 02:37 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010





المطعم بشكل عام خدمه ممتازه واكله حلو تقييمه 10/ 10

لقطات من بلكونه المطعم




بعدها طلعنا من المطعم ورحنا تمشينا بالمنطقه.. اول شي رحنا سوق طرقبه.. السوق بسيطه نوعا ما اغلب شي تحتوي على الاكل والزعفران ومحلات العطارين.. بالاضافه الى كم محل من الملابس








COLOR="Blue"]من المبيعات الموجوده .. اظن انه صبار..[/COLOR]








جانب من السوق...


مواقف السيارات



يالله نبدأ تكمله رحلتنا الى طرقبه.. طلعنا من سوق طرقبه ورحنا تمشورنا بالسياره داخل المنطقه مرينا على اشجار الكرز .. بس ما اكلنا منه لان الشجره تابعه الى مزرعه احد الاشخاص فا حرام الواحد ياكل بدون استأذان على قولتهم مزرعه شخصي


بعدها واحنا نمشي لقينا بحيره جميله بصراحه وقفنا عندها والتقطنا بعض اللقطات... عن جد روعه كان الاجواء رائعه مع هواء النسيم ... يمديك فهاللحظه تصير رومانسي



يــــــــــــــــــــــتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-06-2011, 02:50 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010







بعدها مشينا.. ورحنا حديقه بونه.. الدخول واللعب مجاناً ..



مدخل الحديقه



من جانب اخر




اشجار من الحديقه..



ماتعمقنا بالتصوير اكثر داخل الحديقه لان نبغى نرجع بدري عشان الصلاه فا اخذنا طله عليها من المدخل فقط...

بعدها رجعنا الفندق.. الى الشقه عشان نرتاح شوي




الصاله تبع الشقه


الغرف




في اليوم الأخير لنا بمشهد..


رحنا الى بازار مشهد المركزي (بازار بزرك مركزي) هذا سوق قديم جهة خيبان شيرازي (ملابس والعاب) بالاضافه الى انه قريب من الفندق تبعنا بصراحه البازار ماعجبني ابد..



يــــــــــــــــــــــــتيع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-06-2011, 03:12 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010


مدخل البازار


واحنا نتجول داخل البازار اخذت هذي اللقطه


بعدها رجعنا الفندق . لصلاه المغرب.. وقررنا بعد نروح نتعشى بمطعم بين المللي .. رحنا على الساعه 9 بالليل بتوقيت السعوديه.. المطعم فخم وراقي ونظام بوفيه مفتوح هذا احلى شي بالاضافه الى الاطباق الرئيسيه يعطونا منيو نختار عشان يجهزوها الينا..


البوابه الرئيسيه


المدخل



ايضا توجد مبيعات قبل دخول صاله الطعام



الجلسات الخارجيه تبع كافي شوب










الجلسات..




جانب من البوفيه...



قسم السلطات...




يــــــــــــــــــــــــــــــــــــتيع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-06-2011, 03:24 PM
صورة *شرقــاويهـ* الرمزية
*شرقــاويهـ* *شرقــاويهـ* غير متصل
©؛°¨غرامي متألق ¨°؛©
 
01302797271 رد: تقرير رحلتي الى إيران 2010




المشروبات





طاولتنا بس ماصورتها كامله..



بعد ماتعشينا طلعنا من المطعم ورحنا تسوقنا بعدها ركبنا عربه حصان وروعه مع الجو خياال .. بعدها رجعنا الفندق للنوم وجهزنا الاغراض عشان ننطلق بعدها الى قم


وصلنا الى قم وقعدنا فيها يوم واحد بس وجهزنا امتعتنا للذهاب للشمال.. في هاليوم رحنا تمشورنا رحنا مطعم البيك وفيه قسم خاص للالعاب.. اكل المطعم لذيذ خاصه سندويش الفيليه تبعه يم يم

طبعا الكاميرا خانتنا مالحقنا نصور صوره الا وقفلت معانا... البطاريه فضت ونسينا نشحنها فا اضطرينا نصور بالجوال..

مدخل البيك قسم الالعاب








صندوق بيع التذاكر



قسم مبيعات الحلويات...





عربات الفشار..



استمتعنا بالمكان رغم انه للاطفال بس استرجعنا الطفوله ولعبنا

يـــــــــــتبع

موضوع مغلق

تقرير رحلتي الى إيران 2010

الوسوم
2010 , تقرير , رحلتي , إيران
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رحلتي إلى ابها تقرير مصور تباريح الهوى صور في صور - صور غريبه - صور كاريكاتير 59 30-09-2010 08:17 AM
رحلتي المثيرة النادرة إلى حي الجبس بالرياض ( تقرير مصور مؤثر ) خواطر مجبورة مواضيع عامة - غرام 15 11-09-2010 02:53 AM
ياصاحبتي و ينك رحلتي وتركتينا؟ عربجيه كول لابسه بنطلون قسم المواضيع المخالفه للفترات الزمنية 2 15-03-2010 10:19 PM
إلى أهلنا في إيران حقيقة لا خيال مواضيع عامة - غرام 6 13-08-2009 12:06 PM

الساعة الآن +3: 04:27 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1