غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 02-07-2011, 07:14 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: تحلا الحياة بقربك ياسيد الإحساس


••
..
|’,|
جونـ آآآآن
بدآآيـــه ,خ’ـقق
.تسلم آنآإملك ع’ـليهـآ.
وعسآإکٍ ع القـوـه وبنتظآإر آلبآرت القآإدم والاروع
وديٍ لک
|’,|
..
••

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 03-07-2011, 02:09 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


يسلمووووو من ذوقك Ņṩєэṫ aήśảқ

(الجزء الرابع)

رجعوا من المزرعه اليوم والعنود مع اهلها وهي سرحانه لانها للحين ماكلمت وليد ولاكلمها ومن كثر ماتسرح تأكدت شكوك ام عبدالعزيز ان بنتها فيها شي.
ام عبدالعزيز/ امي العنود وش فيك؟؟
العنود / هلا مافيني شي يالغاليه.
ام عبدالعزيز/ لابالله فيك شي ..
العنود وهي متضايقه/ ابد يمه مع هالحمل صايره مااتحمل شي انتم بتسافرون بعد اسبوعين والدكتوره مانعتني من السفر ووليد مضغوط هاليومين بالشغل
قلت اريحه مني شوي ولي يومين ماكلمته واحس اني زودتها معه .
ام عبدالعزيز وهي ماسكه يد بنتها وبحكمه قالت/ امي الحياة لو كلها راحه وانبساط ملينا ولو انها دايم العكس تعبنا بس الله سبحانه اخبر بتصريف الاحوال
والحين قومي وكلميه و استسمحي منه وخليه يجي يشوف بنته ويشوفك ولو مارحتي معه اليوم ماعليه. واذا تبيني اجلس انا وابوك ماعندنا مانع انت تدرين
ماعاد لي بالروحات حاجه.
العنود ضمت امها لانها ارتاحت من كلامها وقالت/ لا يالغاليه ان شاء الله ماتجلسين من شر .
ام عبدالعزيز/ هذا الواجب وانا امك كلها كم شهر تحملي والله الله بوليد يستاهل.
العنود حبت راس امها وارسلت لوليد رساله لانها مستحيه تكلمه محتواها (هلا وليد اذا تقدر بكره تجي لبيت اهلي بنتك مشتاقه لك)..
وليد وصلته الرساله وعرف ان اللي براسها طاح بس تكابر وهو عاذرها لان نفسيتها مع هالحمل متغيره رد عليها (ان شاء الله بكره المغرب اجي اشوفها)..
الساعه 12العنود بغرفتها مع بنتها ..
الجوري / ماما بابا متى يجي نروح للبيت؟؟
العنود/ بكره بيجي ان شاء الله يله ماما ننام.
الجوري/ ابي قصه.
العنود/ من عيوني.

يوم جديد المغرب العنود اخذت بنتها ولبستها ولبست نزلت وكان وليد بالمجلس مع بنته وينتظر العنود دخلت معها القهوه وحطتها على الطاوله وسلمت..
وليد بمزح/ هاه عنوده طاح اللي براسك؟؟
العنود مبتسمه/ طاح بس اذا ماعندك مانع نجلس عند اهلي لبعد ملكة خالد وريم..
وليد ماوده انها تجلس اكثر بس مايبي يضايقها / اللي يريحك بس ليش وجهك شاحب؟؟
العنود/ على بالك مرتاحه من رحت للمزرعه؟؟
وليد مسك يدها / حياتي انا قلت لك قبل لاتنزلين للمزرعه اذا ارتحتي كلميني انا مابي اكبر السالفه لانك كنت متضايقه وانا مقدر وضعك..
العنود حطت يدها الثانيه على يده/ انت ماقصرت القصور مني انا كثر خيرك اللي متحملني هالفتره..
وليد بمزح/ شي انا السبب فيه لازم اتحمل ابوه بعد.
العنود بأمتنان لطيبة قلبه/ الله يخليك لنا.
وليد بمحبه/ ويخليكم لي.

يوم الاثنين دخلت نورعلى اهلها مع ولدها حمودي وزجها علشان تجهيز ملكة اخوها وريم..
الكل يستعد لهذا اليوم والبنات مقسمين الشغل بينهم الكوافيره والكوشه والمصوره وdj والفساتين طبعاً اهم شي فستان العروسه ..
كل هالاستعداد انتهى مع تعاون البنات وتقسيمهم للشغل والملكه باقي لها يومين وبتكون في قصر الجد..
يوم الاربعاء فهد وهيفاء وصلوا لان فهد ماعنده اجازه وكان فيه عشاء في بيت ابوفهد والكل موجود الا العروسه ماجت حتى العمه الجوهره جت من لبنان
بدون زوجها لانه ماقدر يجي وراح ترجع مع اهلها ان شاء الله ..
تعشوا بدري وتفرقوا لان بكره عندهم يوم مهم دخل فهد وخالد بعد مالكل راح للصاله وكان مافيه الا خواتهم وهيفاء بس..
نور/ هلا والله تعالوا مافيه احد.
فهد/ هلا بك اكثر اخبارك نور؟؟
نور/ تمام الحمدلله .
خالد وهو ياخذ فجر من نوف قال/ هلا هيفاء اخبارك؟؟
هيفاء/ بخير الله يسلمك.
نور / يله شد حيلك وهات لنا وحده مثل فجر علشا يطب ويختار ولدي.
فهد/ افاااا نور قبل فجر والحين تبين غيرها.
هيفاء / مو على كيفها بنتي اللي ماتبي ولدها قالت تلحق عمرها وتشوف لها غيرها.
الكل/ ههههههههههههه.
خالد / والله هو الخسران من يلقى فجر ويختار غيرها. وينه هو اصلاً؟؟
نور/ نايم يستعد لبكره.
خالد/ههههه لايكون المعرس وانا مدري.
نور/ ياحلوه متى ماصار معرس . بشر بس كيف استعدادك لبكره.
خالد/ والله كل شي تمام وانتم ان شاء الله كل شي خالص.
فرح بمزح/ تسئل عن احد معين ولا كلنا.
خالد فاهم انها تقصد ريم/ تفهمينها وهي طايره انا اسئل عن المهم فالأهم.
كل الموجودين/هههههههههه.
كملوا سوالفهم وانتهت السهره وكل واحد طلع لغرفته ينام ..

اليوم الملكه واللي بيجي بس صديقات وبعض الاقارب وبيت ابو فارس لانهم ماحبوا يكبرونها وفيه زواج كبير ان شاء الله بعد العيد.
كل شي جاهز من كوشه لورد طبيعي لكيكه بس باقي العروسه تنزل البنات فوق والكوافيره تزين ريم لان الكل خالص بس اللي يساعدها واللي يجيب لها عصير
واللي تطلع فستانها خلصت العروسه ووقفت قدام المرايه بفستانها ومكياجها وتسريحتها طالعه روووووعه ماشاء الله..
فيصل كلم رغد يبي ريم علشان التوقيع وقالت له انهم نازلين نزلت ريم وسلم عليها فيصل وعطاها بوسه على جبينها وبارك لها ووقعت وهي ترجف.
فيصل مسك يدين ريم بعد ماوقعت/ وش دعوى ريم.
ريم/ فيصل من جدك والله خايفه.
فيصل/ هههههه ترا بقوله انك خوافه.
ريم ابتسمت/ اكيد يدري فرح ماخلت شي ماقالت له.
فيصل مبتسم/ شكلها جايبه خبرك المرجوجه.
ريم/ ماتتخيل قد ايش مهبله فيني.
فيصل/ ماعليك منها والله يوفقكم.
ريم وهي مستحيه/ امين.

المعازيم كانوا بالصاله الخارجيه المخصصه للعزايم الكبار والبوفيه برا والكوشه داخل البيت بأحد الغرف راحت العروسه وجلست بمكانها وراحت فرح
للصديقات تناديهم ودخلوا وباركوا لها واخذوا معها كم صوره الكل يبارك لريم ومبسوط ..
جاء وقت دخول خالد لريم وزاد توترها لان الكل طلع علشان الرجال بيدخلون معه وهم(الجد - ابو فهد - ابومحمد - محمد - فيصل - وعمانها عبدالله ونايف)
اول شي دخل ابوها مع خالد ابو محمد سلم على بنته وبارك لها وطلع وخالد منبهر بجمال ونعومة ريم قرب ومسك يدها وطبع بوسه على جبينها.
خالد وهو مبتسم/ مبروك الريم.
ريم بصوت واطي وهي مستحيه/ الله يبارك فيك.
شوي ودخلوا الرجال وسلموا وباركوا واخذوا بعض الصور معهم وطلعوا..
طلعوا الرجال من هنا ودخلوا خواته وامه وامها وعماتهم واهم شي الاطفال بطلب منه باركوا واخذوا معهم صور واحلى صوره وهو شايل فجر..
طلعت ام محمد الشبكه وحطتها على الطاوله الكبيره اللي قدامهم وفتحتها وطلعوا كلهم علشان ياخذون راحتهم الا المصوره طبعاً..
خالد له يومين يتعلم كيف يفتح العقد ويقفله هههههههههه..
اول شي اخذ الدبله ولبسها وباسها على يدها وريم حدث ولا حرج من الاحراج وبعدين هي لبسته وبدء هو يلبسها العقد وبعدين الخاتم والاسواره والحلق
لانه شغلانه اخذته هي ولبسته بعد ماشالت اللي عليها..
خالد وهو مبتسم/ عليك صار احلى.
ريم وهي مستحيه ومنزله راسها/ تسلم من ذوقك.
المصوره ماقصرت فيهم طلعت روح ريم بالحركات وخالد مبسوط ولا عنده مانع بأي حركه وقصوا الكيكه وكل واحد اكل الثاني والعصيروهي شغاله تصوير
خلصت وطلعت وماباقي الا خالد وريم بالغرفه..
خالد ماصدق المصوره تطلع قرب من ريم ورفع راسها / ابي اشوف وجهك حرام عليك .وضاع خالد في عيونها.
ماردت عليه ريم من الحيا مسك يدها وقال/ دلوعتي ماتغيرت ملامحها كأنها ماغابت عن عيني لحظه .
انحرجت ريم لان هذا دلعها عنده من كانت صغيره (دلوعتي) ونزلت راسها خالد رفع راسها وقال بمزح/ اذا تبين يدي ثابته هنا ماعندي مانع.
رفعت ريم راسها وهي مبتسمه من كلامه وقالت/لا خلاص برفعه.
خالد وهو سارح ملامحها / ولا اقولك نزلي راسك حلوه وتبتسمين بعد عذااااااب.
زاد من توترها وقالت بصوت قصير / تسلم.
خالد/ لمين؟؟
ريم وهي مستغربه/ وشو اللي لمين؟؟؟
خالد بمزح/ انت تقولين تسلم اسلم لمين؟؟
ريم فهمت قصده واستحت/ لنا .
خالد استلمها/ ومن انتم؟
ريم بنعومه/ خاااالد.
خالد حب اسمه من طريقة نطقها له/ عيونه. بس لمين؟
ريم بعد جهد/ لأهلك ولي.
خالد ابتسم/ صعب الجواب؟
ريم ردت له الابتسامه/ لا
جلس خالد مع ريم قرابة الساعتين ولماجاء يطلع قال انتظري مكالمه الليله وعطاها بوسه بين عيونها وطلع للشباب بعد ماودعها.
كلم خالد فرح علشان تجي لريم لانه طلع راحت فرح لها وجننت ريم بالاسئله من مازاد خجلها واخيرا طلعوا للمعازيم الللي برا..
طللعت على صوت البنات بأتفاق مع فرح / الف الصلاة والسلام عليك ياحبيب الله محمد. واشتغلت الزغروطات ههههههههههه..
راحت ريم وسلمت على جدتها وعلى باقي المعازيم اللي ماشافتهم ورقص لين قاموا للعشاء..
تعشوا ورجعوا للرقص بعد ساعه راحوا المعازيم وماباقي الا البنات برا على كراسي البوفيه ورند جالسه جنب ريم وماسكه يدها..
فرح تدري ان رند متعلقه في ريم قالت/ رند حياتي اليوم بتنام عندكم بس ملكه ماراح تروح عنكم.
رند/ ادري بس مبسوطه انها صارت عروسه علشاني احبها.
ريم عطت اختها بوسه على خدها / وانا احبك اكثر حياتي.
فرح/ الله ريم صرتي زوجة اخوي رسمي.
رغد بمزح/ شاطره مبسوطه اخذتوا اختي .
فرح/ لاتلمحين تبين ادعي لك بالزوج الصالح.
رغد مبتسمه/ والله مافيه مانع اكون شاكره لك.
غاده/ ماشاء الله ريم طالعه شي بصراحه اليوم.
رغد/ جد والله والطقم شي ثاني ماشاء الله.
ريم وهي مبتسمه/ الله يسلمكم.
نور تناظر ريم ومبتسمه/ ترا والله ذوقه صح انا وامي معاه بس هو اللي اختاره.
نوف بمزح/ الله يهنيك ويعينك على ذوقه هذا حلو وهذا مش ولابد.
ريم/هههههه وش دعوى.
فرح تأيد كلام اختها/ جد والله وبتشوفين بعينك.
هيفاء/ اهم شي الله يوفقكم.
ريم وهي مبتسمه/ اااامين.
دخلوا البنات لان الكل بيروح لبيته باركوا لها الحريم من جديد ودعوه من هنا ودعوه من هنا ..
في بيت العم عبدالرحمن الساعه3 الكل نايم الا البنات في غرفة ريم..
رغد/ ماشاء الله اذا الطقم جد ذوقه.
ريم مبتسمه/ تقوله نور.
رند بطفوله/ اكيد ذوق اغلب ملابسه ماركات. بس المشكله بياخذك من بيتنا.
ريم/ رند حياتي بكون عندكم قريب.
وسوالف لين ماسمعوا نغمة جوال ريم.
رغد بمزح/ عادي ريم نجلس؟؟
ريم ماردت عليها لانها للحين مو مستوعبه انها عادي تكلمه طلعت رغد ورند كل وحده لغرفتها ووقفت النغمه وريم ماردت..
شوي وجاها رساله(هلا ريم انا خالد اذا ماعرفتيني اخذت رقمك من فرح) صح انه رقم وريم للحين ماسجلته بس متوقعته ثواني وتسمع النغمه مره ثانيه..
ريم وهي مستحيه وبنعومه/ الوو.
خالد ابتسم /احلا الو سمعتها بحياتي.ليش مارديتي ماتوقعتي انه انا؟؟
ريم/لامتوقعه بس كانوا رغد ورند عندي.
خالد بمزح/ ريم لايكون تصريفه.
ريم ابتسمت/ لاوالله جد.
خالد/ان شاء الله مرتاحه.
ريم/ الحمدلله مشكور خالد الطقم بجد ذوق.
خالد مبسوط/ اهم شي اعجبك.
ريم/ كثير حتى البنات اعجبهم.
خالد بمزح/ ماعلي من البنات اهم شي يعجبك انت وبعدين تستاهلين اكثر.
عرف خالد انها استحت وحب يغير الجو شوي..
خالد بمزح/ يقولون عن دلوعتي للحين خوافه؟؟
ريم /هههههه اكيد فرح قالت لك؟
خالد انسدح على السرير بالعرض بعد هالضحكه واخذ نفس/ دوووم هالضحكه يااارب لا مو فرح محمد.
ريم اخذت راحتها/ افاااا حتى محمد.
خالد مبسوط لانها بدت تاخذ وتعطي معه / ايه لانه مسجلك بجواله الرسامه وقلت له يغيره قال اسكت لا اسميها الخوافه.
ريم مبتسمه/ تدري اول مره ادري انه مسجلني الرسامه اللي يشوفني يقول ليوناردو دافنشي.
خالد/هههههه عندي احسن بس يكون بعلمك لازم اشوف رسوماتك اذا جيتك يوم ان شاء الله.
ريم بنعومه/ ان شاء الله ماطلبت بس لاتتحمس مجرد هوايه.
خالد/ادري بس احب اعرف كل صغيره وكبيره عنك بالعشر سنوات اللي ماشفتك فيهم مع انك ماغبتي عن بالي.
المكالمه استمرت ساعه شوي غزل من خالد واذا شاف ريم منحرجه حول للمزح هههههه واتفق خالد مع ريم انه راح يزورها بعد كم يوم..
بعد ماقفل من ريم ارسل لها رساله ..

ابتدى عمرى بشوفك يابعد كل العمر
كل يوم قبل اشوفك ما انحسب من زمانى
يااجمل احساس بحياتى اه يا احلى قدر
امنياتى فى غرامك مابعدها امانى
كيف بقدر اتصور ساعة من دونك تمر
فى حضورك ياحياتى فيك تحلى الاغانى
قلبى لك يشتاق زاير ينتظر احلى خبر
انت وحدك نور عينى مالى بالحب ثانى
اخذت ريم الجوال وبعد ماشافت الرساله ضمت الجوال بين يدينها وسرحت شوي اخذتها الافكار لحد مانامت والجوال بيدها..

اليوم الجمعه بدايه يوم جديد على ابطالي خالد وريم وبهذا اليوم كلهم في بيت الجد لانهم متعودين كل جمعه بعد الصلاة يتجمعون ويتغدون..
بعد العصر فهد وهيفاء توجهوا للشرقيه ونور وزوجها لجده..
العمه الجوهره/ هاه ريم قلبي ان شاء الله مبسوطه.
ريم وهي مستحيه وبنعومه/ الحمدلله عمتي.
العمه الجوهره/ الله يوفقكم.
ريم وهي مبتسمه / امين.
الجوهره/ هاه العنود اجل هالصيف مافي سفر؟؟
العنود مبتسمه/ وش اسوي غصب علي والله يصبر وليد علي .
الجوهره/ ماقصر بعد كل هالاسبوع وانت عند اهلي الله يخليه لكم.
العنود/ ااااامين.
نوف/ عمتي بشري عن لبنان؟
الجوهره وهي مبتسمه/ ماعليها تسئل عنكم وتنتظركم.
ام محمد/ الله يعين لبنان عليها قد ماهي مشتاقه لها.
نوف/ ليش ماماتي الله يعينها وانا احبها.
رغد/ نوف تحبين لبنان؟؟
نوف/ اكييييد.
رغد بمزح/ اجل تزوجيها.
الكل/هههههههههه.
فرح مبسوطه/ حلووووه رغوده.
نوف / تحاولين تنكتين انت وياااها بس اذا جاني لبناني ماعندي مانع.
ام محمد/ بعد مابقى الا هي نور بجده غصب علينا بتروحين انت ابعد.
نوف للبنات بصوت واطي علشان امها ماتسمع/ لو يجي ماقلنا لاااا.
البنات كلهم/هههههههههههه.
الجده/ وش عندها قالت لكم شي اكيد؟؟
فرح/ لاجدتي تقول متى بس نروح لبنان ملينا.
ام محمد/ ماعليك منهم خالتي اجل متى نروح تضحك؟؟
فرح/ والله ماماتي فاهمتنا.
الكل/ههههههههههه.
نغمة وصلت لريم(حياتي والله لو تسوين لي مفاجأه وتجين لصالة الطعام اكون شاكر لك )
رفعت ريم جوالها وشافت المكتوب وابتسمت وردت عليه(لا واللي يخليك لاتحرجني وش يفكني من فرح)
فرح وهي متوجهه لريم وبمزح/ ريم بشري وش مكتوب ولا عطيني انا اشوف .
ريم/ فرح ارتاحي الفاتوره.
فرح/ اشوفك مبتسمه ليش قالوا بنسدد عنك .
رغد/ حلوه بس لاتعيدينها احرجتي اختي.
غاده/ الله يعينك ريم ماتضيع عليها.
الكل/هههههههههه.
ام فهد/ ريم امي تعالي عنها والله ماتفكك.
ريم راحت لام فهد وقالت وهي مبتسمه/ انا بحماية خالتي الحين.
نوف/ كذا بتستسلم لانها تخاف امي تعلم خالد.
ريم حبت خالتها مع راسها وجلسوا سوالف لحد ما الكل راح لبيته ومنهم العنود رجعت مع وليد والجوري كاانت مشتاقه لابوها ولبيتهم وغرفة العابها..
في السياره الجوري/ بابا متى نوصل للبيت؟؟
وليد/ شوي بابا.
الجوري/ من زمان مارحت لغرفتي والعابي.
وليد/ ماعليه بابا كنت مشغول. ليش ماكنت مبسوطه عند جدو.
الجوري/لامبسوطه بس بعد احب غرفة العابي واحبك وماما بعد احبها..
العنود ضمت بنتها لانها حست انها تتكلم عنها لانها اشتاقت لكل شي بالبيت وصاحب البيت..
وصلوا للبيت الجوري على طول طلعت فوق لغرفة العابها وتركت امها وابوها تحت وهذا افضل لان اكيد عندهم كلام كثيررر..
وليد/ كل شي بالبيت مشتاق لكم.
العنود/ حتى انا مشتاقه له ولصاحبه.
وليد/ وصاحبه كان ينتظركم على احر من الجمر بس حب يتركك على راحتك.
استحت العنود لانه متحمل وصابر عليها ووليد كان يناظر بطن العنود وقرب منها .
وليد/ اخبار السبب .
العنود ابتسمت/ ماعليه بس مدري ليش هالمره غير عن حمل الجوري.
وليد بمزح/ تدرين افكر يكون اخر ولد.
العنود/ههههه وين اللي يبي 6.
وليد/ مدري تراجعت اذا مثل كذا بيحرمني منك مابي.
العنود ضمته/ الله لايحرمني منك فتره وتعدي وبعد سنتين تقول اشتقت لبيبي.
وليد قربها زياده لصدره/ اكيد اذا انت امهم بشتاق لبيبي.
العنود جلست على الطاوله وواجهت وليد ومسكت يده/ وليد اسفه على الايام اللي راحت وضيقت فيها صدرك.
وليد حب اعتذارها واعترافها بالغلط لان مهما كان هو عادي يصرخ على بنته بس عذرها وانتظرها تبادر ولا خيبت ظنه.
وليد مبتسم/ عادي حياتي بس اشتقت لكم.
وجلسها على حظنه العنود باسته على خده وعلى طول قامت خافت بنتها تجي ..
العنود/ تشتاق لك العافيه بس وش يفكني من بنتك لو شافتنا صايره مثل ضرتي.
ضحك عليها وليد وكملوا سوالفهم وهي تحس انها ارتاحت بعد ماتأسفت لوليد وهو مبسوط انها رجعت العنود اللي يعرفها نتركهم لانهم اكيد مشتاقين لبعض.
نرجع لقصر الجد هدوءءء لان الجد والجده ناموا من فتره ومافيه الا الجوهره ونوره وغاده ونايف برا بحديقه القصرعلى كراسي وبينهم طاوله ومعهم شاهي..
الجوهره/ نايف لمتى يعني.
نوره/ والله عجزت عنه يالجوهره علشان امي.
نايف/ واذا صارت مثل اللي قبلها انا جربت حظي مره وخلاص.
الجوهره/ هذا كلام غيرك انت اكبر من كذا وتدري ان اصابعك مو سوى.
نوره/ انا خلاص صرت مااتكلم معه بالموضوع علشان مااضيق صدره وصدرأمي.
نايف/ ادري بس ماعاد لي خاطر حتى بالتجربه مره ثانيه.
الجوهره وهي تناظر غاده/ جرب انت واذا ماتثق بأختيارنا ندخل غدوو بالموضوع.
غاده ابتسمت لخالها/ خالتي والله ودي يتزوج بس اهم شي راحته.
نايف رد لها الابتسامه وقال/ وش دعوى الجوهره انتم الخير والبركه ومن الحين اقولك اذا بتعجب غاده ماعندي مانع لانها اكيد راح تعجبني..
قال هذا الكلام علشان يريحهم ولا هو بعد زواجه الاول مايفكر بالزواج برأيه تجربه تكفي ومأجل الفكره لبعدين ..

مريومين على ابطالي طبعا مكالمات خالد وريم مستمره وريم كل يوم عن يوم ترتاح لخالد اكثر وتاخذ راحتها بالكلام..
وابو محمد كلم ابو فار س بموضوع محمد ورد عليه ان لهم الشرف بس البنت مخطوبه ومثلك عارف (خطبه على خطبه مايجوز)..
الخبر ضايق ابو محمد مع انه مايدري وش الخيره فيه بس خاف من ردة فعل محمد وقال لام محمد الموضوع وسكتوا عليه..
بعدها بيوم محمد جالس مع امه وابوه تحت بالصاله..
محمد/ ابوي كلمت ابو فارس بالموضوع.
ابو محمد/ ايه كلمته وانا ابوك.
محمد وهومبسوط / بشر يالغالي؟؟
ابو محمد/ والله يقول لي الشرف بنسبكم بس يقول مخطوبه ولابعد ردت علي للحين وخطبه على خطبه مايجوز وانا ابوك.
محمد تضايق/ هذا اللي انا كنت خايف منه وصار.
ام محمد/ ماتدري وانا امك وش الخيره فيه.
محمد/الله يعين يله انا طالع توصون شي؟؟
ابو محمد وام محمد/ سلامتك.
طلع محمد وهو جد متضايق لانه من شافها يوم تركب معه وهو يفكر فيها بس ماكل مايتمناه المرء يدركه تأتي الرياح بما لاتشتهي السفن..
اليوم خالد بيجي لريم في البيت استعدت ريم لبست وتعطرت ونزلت وكان خالد بالمجلس بعد ماسلم على عمه وعيال عمه وطلعوا علشان ياخذ راحته..
دخلت ريم وهي مستحيه من خالد وبقلبها(جد الشوفه غير الكلام) ..
خالد سلم على ريم وعطاها بوسه بين عيونها وطول شوي ريم انحرجت وهو حس فيها اخيراً مسك يدها وجلسها جنبه بنفس الكنبه..
خالد مبتسم/ ادري المكان كبير بس احساس حلو ودلوعتي جنبي مثل زمان.
ريم انحرجت/ طيب بس بجيب القهوه.
خالد مسك يدها / بدري على القهوه انتظري شوي ماشبعت من شوفتك.
طبعاً ريم من احراج في احراج خالد ابتسم وقال/ تصدقين قلبي نفس الحركات من كنت صغيره اذا انحرجتي .
ريم ابتسمت/ تدري خالد المكالمه اسهل من الشوفه.
خالد مبسوط/ههههههه وتدرين انت ان اسمي معك غير. ومن كلامك معي قلت اكيد اليوم غير الملكه.
ريم انحرجت/ حتى انا توقعت كذا.
خالد مبتسم/ عادي قلبي شوي شوي تتعودين .
ريم/ ان شاء الله طيب الحين اجيب القهوه.
خالد مبتسم/ ماراح ترتاحين لحد ماتجيبين القهوه روحي هاتيها.
راحت ريم وجابت القهوه وسوالف ساعتين وحس ان ريم اخذت راحتها معاه وهو مبسوط معها وفيها ..
اخذ خالد كيس من الكرسي اللي جنبه وعطاها ريم..
خالد/ ان شاء الله يعجبك.
ريم مبتسمه/ تسلم كان ماكلفت على عمرك.
خالد مسك يدها/ لو يحصل لي اجيب لدلوعتي العالم كله ماقلت لا.
ريم انحرجت من كلامه وودها تتجرأ شوي بس هذا اللي قدرت عليه/ الله يخليك لها هذا اللي تبيه.
خالد طمع في اكثر وقال بمزح/ لو يجي بعد الله يخليني لها كلمه حلوه تصير احلى.
ريم ابتسمت وتجرأت صدق هالمره لانه يستاهل/ الله يخليك لي ياعمري .
خالد انبسط من الكلمه/ حلو الواحد يسمع كلام حلو تحرميني من هالشعور؟؟
ريم وهي مبتسمه/ لاان شاء الله مااحرمك بس اصبر علي شوي.
خالد /هههههه تسلمين لي امزح معك اصبر كثير خوذي راحتك.
فتحت ريم هدية خالد حلق المااااس روووعه وعطر..
ريم ابتسمت/ مشكور خالد ماقصرت.
خالد بمزح/ لاتجاملين ادري انه نفس عطرك.
ريم تفاجأت وابتسمت/ اهم شي انه هديه منك.
خالد/ طيب الحين روحي هاتي عطرك الاول ابيه.
ريم مستغربه/ ليش؟؟
خالد ابتسم/ ابي كل ماشميته تذكرتك حتى وانت بعيده عني . يله انا بطلع برا انتظرك علشان اشوف رسوماتك وامشي.
راحت ريم علشان تجيب العطر وتجيب مفتاح الغرفه الللي برا فيها رسوماتها ترسم فوق وتنزل لهذي الغرفه بعضها معلق والبعض مسند عالجدار..
نزلت ريم وشافت خالد برا قدام الغرفه ينتظرها فتحت الغرفه ودخلوا..
خالد مبتسم/ كل هذا وتقولين مجرد هوايه..
ريم انبسطت انه اعجبه/ والله مجرد هوايه من كنت صغيره وانا احب الرسم.
خالد/ اذكرك بس على بالي كل الاطفال يحبون الالوان . كمل خالد وهو يناظر رسمه لريم/ هذي الرسمه حلوه وغريبه جايه الالون متداخله..
ريم ابتسمت/ كل رسمه لها وقتها تدري هذي الرسمه قبل لاارد على ابوي بالموافقه.
خالد قرب ومسك يد ريم/ يعني كنت مثل الالون في الرسمه لهدرجه كان قرار الموافقه صعب ما حملتي اي ذكرى حلوه من ايام زمان.
ريم اول مره تحط عينها بعين خالد وللحين يدها بيده/ خالد انت تدري كيف كنت متعلقه فيك بس كبرنا والزواج حياة كامله والحين الله لايحرمني منك.
ابتسم خالد وقرب يدها وباسها / ولا يحرمني من دلوعتي انا بطلع قبل لااطمع بأكثر من كذا.
فهمت قصده ريم وانحرجت ونزلت راسها وهي مبتسمه ومشت معه لحد الباب واخذ منها الكيس اللي فيه عطرها ودعها وطلع من بيت عمه ..

وهنا ينتهي هذا الجزء على امل اللقاء في الجزء الخامس..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 03-07-2011, 11:38 PM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


بانتظاارج حياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 05-07-2011, 01:27 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


(الجزء الخامس)

كل صيف متعودين كل عائله تروح على راحتها وبعدين يرجعون لبيت الجد في لبنان في منطقة (بحمدون) بس هالصيف قال لهم الجد انه ماعاد يتحمل الطياره
مسافه بعيده وعلشان مايجلس كلهم بيروحون لبنان الا العم عبدالله بيسافر لندن يشوف حالة ام تركي وعلشان كشفها السنوي..
اليوم رحلة لبنان من مطار الملك خالد لمطار رفيق الحريري في بيروت وصلت اول دفعه وبكره فيه رحله ثانيه..
كانوا حاجزين في فندق (مركزيه مونروسويتس) بشارع السوليدير قريب من كل شي وبعد كم يوم يروحون لبيت ابو عبدالعزيز ابرد لهم..
طبعا عارفين اماكن لبنان بحكم ان للجد بيت فيها ومهما راحوا لازم يختمونها فيها..
بعد مارتاحوا البنات يوم اتفقوا يروحون abc الأشرفيه ومعاهم ام محمد والعمه نوره ..
بعد التسوق توجهوا للفندق وطلعت ام محمد والعمه نوره على طول فوق والبنات دخلوا على طلعة عمهم نايف من الفندق..
فرح/عمي وين رايح؟؟
نايف بمزح/بجلس في مقهى فيه مانع ست فرح.
فرح ابتسمت/ لاوالله عمي خذ راحتك.
غاده/خالي عادي نجلس معك.
نايف /اكيد عادي. وشاف ريم وكمل/بس خالد شوي وينزل.
ريم/اصلا انا بروح للفندق.
الكل/هههههههه.
نايف مبتسم/ امزح اصلا طالعين.
نوف ورند اخذوا الاغراض من البنات بعد ماسئلوا عمهم اي مقهي بيروحون علشان يرجعون لهم وقال لهم البتي كافيه..
جلسوا في المقهى ونايف هبل في البنات خليجيات وغيرهم وصاروا رايحين راجعين لانهم شايفين لهم وسيم و كاشخ لابس بنطلون جينز وقميص Burbery .
غاده مبتسمه/خالي شوف كيف يطالعون 6 بنات معك.
فرح بمزح/ على بالك يناظرونا لا حياتي شايفين عمي الكاشخ.
نايف ابتسم/ وش رايك فرح انزل بالبجامه يعني.
نوف/ لاعمي بس حرام عليك تعذب الصبايا كذا.
رغد/اوووه عمي بعد لو باقي الشباب معك عذبتوهم صح.
فرح بمزح/ الكل عادي الا اخوي خلاص راحت عليه صح ريم؟؟
ريم مبتسمه/ انا واثقه فيه ياخذ راحته.
نايف/ كفو والله وانا عمك.
نوف/ اوووه من قده لازم ننقله الخبر.
ريم/ مايحتاج يدري.
نايف حب يجس النبض هل ممكن يكون فيه احد مثل زوجته الاولى حتى مايحب يقول اسمها الكل يقول صغيره هذي ريم بنفس عمرها..
نايف/ ريم يعني لو تجي بنت ترمي على خالد كلام عادي.
ريم استحت/ لاعمي عااد بس انا واثقه بخالد .
نايف سرح شوي والبنات كملوا سوالف ويشربون اللي طلبوه ماكملوا ساعه وطلعوا البنات لان الشباب كلموا نايف يشوفون وينه لانهم راجعين.
البنات ماخذين لهم سويتين والشباب نفس الشي طلعوا البنات فوق وكل وحده مطلعه اغراضها اللي شرتهم يتفرجون عليها جلسوا شوي سوالف وضحك
ولبسوا البجامات استعداد للنوم لانهم من الصباح صاحين وتفرقوا ريم منسدحه وجوالها بيدها كان على السايلنت وصل لها( حياتي اقدر اكلمك )
ابتسمت ريم وردت عليه(خالد اسفه الوقت متأخر والكل نايم )
خالد رد عليها(ادري تأخرت تحت وقلت ارسل قبل لاني اقدر اطلع انا برا عن الشباب اكلمك)
ابتسمت ريم لذوقه وردت عليه(كيف المشوار اليوم )
خالد(ماعليه انبسطنا ورجعنا لعمي وكلمني عن الثقه الزايده فيني ووصاني اني اكون قدها)
ريم ابتسمت وردت(وانت قدها ان شاء الله)
خالد مبتسم ورد(الود ودي اطول معك بس ابيك تنامين تصبحين على خير قلبي) ردت عليه ريم وحطت الجوال ونامت..
اليوم الصباح مشوار مشترك لان الجد يحبه وهو مغارة جعيتا وهناك فيه تلفريك انبسطوا وتغدوا في مطعم اسمه (منير)في برمانا الجلسه فيه ترد الرووح
وقبل المغرب وهم في الفندق و البنات اللي يبدل ملابسه واللي يغسل لانهم بينزلون يتمشون في محلات السوليدير..
اليوم اللي بعده صحوا البنات ونزلواتحت في الفندق يفطرون وكانوا الشباب يفطرون على طاوله ..
وصل لجوال ريم(احلى صباح في حياتي يوم شفتك في بدايه يومي صباح الخير يادلوعتي).
ردت ريم(تسلم لي صباح النور).
خالد( وين العزم اليوم)
ريم(متفقين نروح للهوليدي إن ديونز).
خالد(اوكي حياتي حلو لان الشباب بيشوفون فلم في سينما المجمع اللي بترحون له وباخذ الاذن من عمي ابي اتمشى معك هناك..
بعد المغرب في المجمع تمشوا الشباب وبعدين دخلوا السينما والبنات قالوا لنايف انهم بيدخلون معاهم وخالد التقى مع ريم عند السينما واخذها ..
خالد وهو ماسك يد ريم / اخبار دلوعتي؟؟
ريم مبتسمه/ تمام الحمدلله. انت اخبارك؟؟
خالد/ انا بشوفتك بأحسن حال.
ريم وهي مستحيه/ دوووم يااارب.
خالد/ تعالي لفت نظري في هالمحل وانا اتمشى مع الشباب فستان روعه ابي اشوفه معك.
ريم/ اوكي.
دخلوا المحل وخالد سئل عن الفستان وقالوا له انها اخر قطعه وراح.
ريم/ خالد لايكون تقصد الفستان المعروض.
خالد/ شايفته كان حلو مرره صح؟؟
ريم مبتسمه/تدري شريته.
خالد/ جد سبحان الله نفس الذوق.
ريم/ والله اعجبني واخذته حتى قالي اخر قطعه المعروضه قلت ماعليه ابيها.
خالد/ مقاسك S صح.
ريم/ صح كيف عرفت.
خالد بمزح/ مايبي لها شطاره ياحلوه الكتاب مبين من عنوانه.
ابتسمت ريم وكملوا يتمشون بالمحلات ولا ارتاح خالد لحد ماشرى لريم فستان من ذوقه اعجب ريم مرررره ..
راح خالد لمطعم بنفس المجمع وطلبوا لهم عشاء كان مع ريم كيس فيه هديه لخالد اخذها خالد من ريم وفكها وكان قلم Cartier رهيب .
خالد انبسط مهما كانت الهديه تفرح وخاصه اذا من احد غالي على قلبك قال الرسول عليه الصلاة والسلام "تهادوا تحابوا"
طلعوا الشباب والبنات من السينما ورجعوا للفندق.
رند/ خساره ريم فاتك الفلم كان حلو.
فرح بمزح/ حبيبتي رند اختك كانت في مشوار احلى من الفلم بكثييييير.
ريم مبتسمه/ ماعليه بس أن شاء الله بشوف الفلم.
نوف/ جد ريم وين رحتوا.
ريم/ نوف اصابتك عدوى من فرح.
غاده/ ههههه يله استلموا زوجة اخوكم انا رايحه انام تصبحون على خير.
رغد/ وانا بعد راسي مصدع تصبحون على خير.
الكل/ وانتم من اهله.
نص ساعه والكل على فراشه نايم لان بكره اكيد فيه مشوار جديد..
في بدايه اليوم الجديد كلم ابو فارس ابو محمد يبلغه انه في لبنان واتفق معاهم على محل يلتقون فيه وصل لهم خبر ان حلا ماوافقت على اللي خطبها
وانبسط ابو محمد بالخبر وكلم محمد وقال له اذا للحين يبي البنت خطبناها مره ثانيه أكد محمد لابوه انه على طول يكلم ابو فارس قبل لاتروح عليه مره ثانيه
رد ابو محمد على طول المكالمه لابو فارس وجوابه ان نسبهم يشرف بس الرأي الاول والاخير للبنت وان شاء الله خير..
ابو فارس متعود يجيب عياله لخوالهم يسلمون عليهم في لبنان وحب يغير جو لعياله الصغار بعد الدراسه ..
سكنوا في فينسيا وكلمت حلا البنات تشوف اليوم وين بيرحون لانها بكره بتروح لبيت جدتها..
حلا / اهلين غاده.
غاده / هلا والله صوتك في لبنان.
حلا مبتسمه/ على بالك عرفتي من صوتي ماقلت لك انا. المهم اخبارك؟؟
غاده /هههههه تمام الحمدلله اخبارك انت ومتى وصلتوا؟؟؟
حلا /ههههه شوي شوي علي وصلنا اليوم واخباري تمام.
غاده/ حلو لازم نشوفك اليوم ان شاء الله.
حلا/ انا مكلمه بشوف اليوم وين بتروحون اجيكم هناك ان شاء الله.
غاده/ اظن الحمراء.
حلا/ اوكي واذا خلصنا بعزمكم على العشاء.
غاه/ حياتي اول شي انا بعزمكم اليوم وبعدين يصير خير.
حلا/اوكي.
طلعوا البنات للحمراء وهناك شافوا حلا مع فارس تنتظرهم من شافتهم قالت لفارس وقال لها قبل لايمشي اذا خلصتي كلميني..
بعد سلام البنات على حلا.
رغد/ حلا اعترفي من المزيون اللي معك؟؟
حلا تستهبل/ بالله رغد مو جنتل صديقي؟
غاده مبتسمه/ حلا ترا بتصدق اخوها رغوده.
رغد/ وش دعوى غاده ادري شايفه صورته بجوال حلا بس استهبل عليها.
بعد ماخلصوا البنات تسوق راحوا لمطعم (البلد) بالسوليدير زحمه وبعد ماتعشوا كان الوقت متأخر كلمت حلا اخوها فارس ..
وغاده كلمت خالها نايف وقالها انه جاي مع فارس لانه معهم ..
خالد بمزح/ عمي ماتبي معك مرافق.
فيصل/ اذا يبي نروح معه كلنا ماعندنا مانع.
نايف ابتسم/ لا شكرًا معي فارس.
خالد يحاول/ فارس بياخذ اخته ويخليك مع 6 بنات.
نايف/ ماعليه اتحملهم مالك شغل.
محمد/ عمي روح والله ماتخلص منهم.
خالد/ براحتك عرض.
نايف مبتسم/ ماتقصرون استريحوا بس .
طبعا من بكره حلا وفارس راحوا لأهل امهم يسلمون عليهم وراحت كم مره مع البنات وكل بين فتره وفتره تزور جدتها مع فارس..
حلا والبنات ماتركوا شي بخاطرهم في7 ايام السوليدير حفظوا كل شي فيه من مقاهي ومطاعم والافلام شافوا لهم كم فلم في السينما..
بعد ماانبسطوا في بيروت المكان الصاخب بالناس لازم يرتاحون بالجو الحلو وراحو لبيت الجد في (بحمدون) البيت مكانه روعه والجو والطبيعه وهذا الشي
اللي يوسع صدر الجد والجده والكبار اول يوم وصول لهم كان متأخر جابوا لهم عشاء وتعشوا وجلسوا يتعشون وبعدين الكل توجه للنوم..

بعده بيوم اهل سعود زوج العمه الجوهره كانوا موجودين وهم الابو والام وبنتهم ..
عبير/ 25 سنه كانت متملكه وتوفي زوجها بحادث وللحين متخوفه من فكرة الارتباط حلوه وذوق مرره جسمها مناسب مع طولها ومعطيها فخامه وعيونها
ناعسه وشعرها روعه..
الجد لزم على سعود ان اهله يتعشون معهم اليوم وقال ان شاء الله بقولهم طبعا ابو سعود مارفض لان لأبو عبدالعزيز عنده معزه خاصه والكل استعد لزيارتهم..
وبعد المغرب كان ابو سعود واهله موجودين انبسطوا البنات مررره وارتاحو لعبير.
غاده/ عمتي حرام عليك ليش ماقلتي لنا عن عبير من زمان وعرفتينا عليها.
العمه الجوهره ابتسمت/ مالها الايومين جايه وهي ماتحب الطلعات كثير والحين عرفتوها عليكم فيها.
نوف/ لاتوصين عمتي افااا عليك.
فرح بمزح/ يمكن تخاف عليها غاده انت وريم النعومات وصرتوا عندها ولاشي مع احترامي لكم.
ريم/ لاعادي اول مره يكون معك حق علشان كذا خوذي راحتك.
الكل/ هههههههه.
رغد/ عبير انت بالجامعه؟؟
عبير/ ايه بالجامعه بس معيده.
البنات/ ماشاء الله.
عبير مبتسمه/ كلكم بالجامعه؟؟
نوف/ كلنا الا رند بالمتوسط.
عبير/ ماشاء الله لو قلتي ريم بالثانوي صدقت.
فرح بمزح/ لا ابشرك باقي لها كم ماده بس ماندري تكملها ولالا.
ريم ابتسمت/ وش دعوى فرح لا ان شاء الله بكملها.
عبير/ فرح ليش تقولين ماتدرين تكمل ولالا.
فرح ابتسمت/ لاامزح معها واحب انرفزها.
عبير سرحت شوي وفي قلبها(الله يوفقك ياريم ولاتشوفين اللي شفته).

تعشوا وطلعت عبير قدام المرايه تعدل شعرها ونايف كان جاي ياخذ الشاهي نايف من شاف انها غريبه وهو راجع وبعدين كلم وقال طلعوا الشاهي برا.
نايف من شافها وهو يفكر بالجمال والنعومه ويتسأل بينه وبين نفسه(هل باقي لنص العالم شي من الجمال).
رد له عقله وقال(الجمال مو كل شي واذا جواها فارغ حالها حال اللي قبلها).
تعب نايف من التفكير وطردها من باله مع انها كل شوي راجعه وهي كلها لمحه ولكن فيها سحر مو طبيعي هي وشعرها الكثيف.
لانها كانت عاكسه كل شعرها ورجعته مره ثانيه علشان ترجع له كثافته حاول ينساها او يتناساها على الاقل لحد مايروحون لانه حس حاله يسرح كثير..
المهم تعشوا وانبسطوا وطلع سعود واهله والشباب بعد نص ساعه طلعوا لهم مشوار الا نايف ماله خلق يطلع..
طلعوا الحريم والبنات للرجال بما انه مافيه احد غريب..
الجد/هلا والله بشروا بناتي ان شاء الله مبسوطين؟؟
البنات/ الحمدلله جدي.
رغد/ وبعد احلى يوم اليوم مع ام سعود وبنتها.
غاده/صادقه رغد جدي بالرياض مانشوفهم الا بالمناسبات واليوم غير.
ريم/وتعرفنا عليها جد اول مره نجلس معهم بدون رسميات.
الجد/ اهم شي بناتي مبسوطات.
نوف بمزح/ جدي لاتغار جدتي.
الجد ابتسم/ هي اول البنات.
الكل/ههههههههه.
ابو فهد/ هو باقي لابو سعود بنات يالغاليه؟؟
نايف ركز يبي يسمع امه لانه تعب من التفكير فيها..
الجده/ايه وانا امك هذي الله يخلف عليها اللي كانت متملكه وتوفى زوجها بحادث وهو جاي من الشرقيه.
تذكر ابو محمد/ هذي هي للحين ماتزوجت؟؟
الجده/والله تقول الجوهره مافيه احد مايخطبها بس هي رافضه للحين.
الجد/ الله يعوضها ان شاء الله.
نايف قام يتمشى مع البنات على مزرعه البيت المتواضعه ..
ريم/ عمي ليش مارحت مع الشباب.
نايف مبتسم/ ماشاء الله اخبارهم عندك.
ريم انحرجت والكل/ههههههه.
فرح بمزح/ اكيد عمي اول بأول الاخبار عندها انتبه تسوي شي وانت معه.
نايف ابتسم وكمل المزحه/ الخوف منه مو مني.
رند/ والله صادق عمي الخوف منه يطلع هو واللي معه متكشخين.
ريم ابتسمت/ انا واثقه وانتم قولوا اللي تبون.
نايف/ اووووه من قده الله يوفقكم ويرزقنا ان شاء الله احد يغار وهو واثق.
رغد/ ااااامين عمي بس برد لو ندخل يكون احسن.
قاموا البنات ونايف قال لغاده تجلس يبيها شوي وقالت لرند ترمي شالها من فوق لانها بردانه..
فرح بمزح/ عمي لانكون مثقلين عليك كل هالوقت وماصدقت رغد تقول برد.
نايف ابتسم/ ماشاء الله تفهمينها وهي طايره.
فرح مبتسمه/ الكل يقول عني كذا مو شي جديد.
الكل/هههههههه.
نايف/ وانت مصدقه طبعاً.
فرح /اكييييييد.
راحوا البنات ورند رمت لغاده شالها من فوق وتنتظرخالها يتكلم..
نايف وهو يفكر/ غدو وش اسمها؟؟
غاده وهي مستغربه /من هي خالي؟؟
نايف ابتسم/اخت سعود.
غاده ردت له الابتسامه/ وليش تسئل عن اسمها.
نايف/ اول مره ادري عن قصتها من امي على بالي متزوجه.
غاده/ لا ماتزوجت الله يوفقها تستاهل كل خير عبير.
نايف ابتسم/ اسمها عبير. وش رايك فيها غدو؟؟
غاده وهي مبسوطه اذا عمها يفكر بنفس تفكيرها/ اذا جد تتكلم عمي لاتفوتك.
نايف/ مدري بس هي ليش رافضه الزواج.
غاده/ خالي اللي مرت فيه اكيد صعب بعد ماتعودت عليه راح الله يرحمه.
نايف يفكر كل هالنعومه مرت في هالظروف الصعبه وهي صغيره الله يعينها ..
نايف ابتسم/ مابي احد يدري بالموضوع لحد ماافكر بالموضوع واكلم الوالد.
غاده وهي مبسوطه لعمها/ بس تضمن البنت ماتروح؟؟
نايف عقد حواجبه للفكره وقال/ يعني طول هالفتره ترفض ويوم فكرت فيها تروح لغيري.
غاده / لا ان شاء الله ماتكون الا من نصيبك بس كلم جدي اذا رجعنا على طول.
نايف ابتسم للإنسانه اللي تفهمه وتريحه على صغر سنها وعطاها بوسه وقال/ان شاء الله توافق .
غاده مبتسمه/ ماعليك خالي عندنا خالتي الجوهره واسطه.
نايف/ ان شاء الله يله ندخل برد عليك.
وانتهى اليوم ونايف يفكر في عبير وهل اذا تقدم لها بتوافق عليه ولا بترفضه مثل اللي قبله..

يوم جديد ابو سعود عازمهم في مطعم اسمه(جنه)في بحمدون روعه واكلهم لذيذ والجو خياااااااال ..
الجده/ ام سعود ياكافي خلونا بالرياض نشوفكم.
ام سعود/ ان شاء الله حتى عبير مبسوطه مع البنات مع انها ماتحب تطلع الا للجامعه.
ام محمد/ حتى البنات امس يقولون ارتحنا لعبير .
العمه الجوهره بمزح/ انا الرابط بينكم لازم اكون موجوده علشان تشوفون بعض.
ريم مبتسمه/ لاعمتي راحت عليك خلاص عبير صارت وحده منا .
الكل/ههههههههه.
غاده/ صادقه ريم .
مجموعه من البنات راجعين كانوا يغسلون يدينهم.
فرح/نوف ليش ماقلتوا لي كان اروح اغسل يديني معاكم.
عبير/ انا بعد ابي تعالي نروح.
غاده /وانا معاكم.
راحوا البنات وهم راجعين كان نايف ومحمد وخالد يتمشون وشافتهم فرح من بعيد.
فرح/ غاده شوفي الشباب عبير هذا اخوي زوج ريم المستقبلي ان شاء الله.
عبير وهي تناظر واحد منهم حست بشعور مرت فيه قبل / ماشاء الله .
غاده مبتسمه/ اعرفك عليهم هو بالوسط ويمينه خالي نايف ويساره محمد ولد خالي اخو ريم.
رجعوا وسوالف لحد ماجاء العشاء وتعشوا بالجو الحلو والساعه 11 الكل في بيته..

اليوم اللي بعده البنات كانوا بيطلعون للفردان لانهم من زمان عن المجمعات(من زمان مالهم 3 ايام) ههههههه..
المهم اتفقوا مع عبير وحلا يروحون معاهم علشان يتعرفون على بعض واستمر التسوق 3 ساعات الكل تعب وبعدها راحوا لمطعم ..
وهم راجعين للبيت الكل كان يسولف وريم كانت تناظر مع الشباك لمحت خالد كان يتمشى مامعه احد جنب البيت وكان يدخن تضايقت لانه يضر صحته..
في البيت جالسين البنات اللي يلعب مونوبولي واللي يلعب اونو ومبسوطين شوي ويسمعون نغمة جوال ريم استئذنت منهم وطلعت فوق تكلم..
ريم/ الوو.
خالد/ هلا قلبي.
ريم/ هلا بك.
خالد /اخبارك وكيف مشوار اليوم؟؟
ريم/ تمام الحمدلله انت اخبارك؟
خالد مبتسم/ بسماع صوتك تمام واذا شفتك اكون بأفضل حال .
ريم/ دووم ياااارب خالد عادي لو اقولك شي يمكن يضايقك؟؟
خالد استغرب/ قلبي وش فيك ؟؟
ريم/ مافيني شي . بس وين كنت قبل شوي؟
خالد ارتاح / وهذا شي يضايق حياتي كنت اتمشى.
ريم/ ادري شفتك بس ضايقني شي كان معاك انت تدري انه يضر بالصحه.
خالد عرف قصد ريم وابتسم لخوفها عليه وقال/ تدرين لي شهرين وانا احاول اتركه واذا مو واثقه اسئلي عمي نايف.
ريم ارتاحت وابتسمت وحبت تعطيه دفعه/ واثقه حياتي بس خايفه عليك .
خالد صحيح يدخن بس عمره مادخن عند احد ولا احد يدري عنه الا الشباب والحين في محاوله علشان يوقفه..
خالد مبتسم/ ان شاء الله مانتزوج الا وانا تاركه واذا خايفه علي مثل ماتقولين تعالي عندي.
ريم /هههههههههه اعتبره وعد.
خالد/ دوووم يارب هالضحكه ان شاء الله وعد خوفتيني عليك قلت فيك شي.
ريم/ وتشوف ان هذا الشي عادي.
خالد مبتسم/ كل هذا خوف علي.
ريم وهي مستحيه/ ليش مايحق لي اخاف عليك؟؟
خالد راح فيها/ يحق لك ونص حياتي وبعدين ليش مااسمع هالكلام اذا شفتك بس انا اللي اتكلم آآآآآآآه بس لو كنت عندي.
ريم استحت وكملوا سوالفهم وبعدها الكل نام استعداد ليوم جديد..

بعد قضاء اسبوعين في لبنان في الجو الحلو والمناظر الاحلى رجعوا للرياض لان الجده ماحبت تترك العنود اكثر من كذا ..
انبسطت العنود برجعتهم بدري لانها ماتوقعت رجوعهم بالوقت هذا ورجع العم عبدالله بعدهم بثلاثه اياااام..
وبعد كم يوم ابو فارس كلم ابو عبدالعزيز يبي منهم يردون الزياره وراحوا له في مزرعته وانبسطوا..
للحين حلا ماردت على ابوها بس بعد زيارتهم في المزرعه ارتاحت لكل العائله وبعد اسبوع ردت بالموافقه على ابوها..
رد ابو فارس على ابو محمد بالموافقه ومن فرحته بشر محمد وانبسطوا وانتشر الخبر بين العائله بس الزواج بعد ماتخلص حلا الجامعه لان مابقى شي كثير..

انتهى الجزء الخامس والكل ينتظر شهر المغفره والرحمه الشهر الذي انزل فيه القرااان..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 05-07-2011, 01:50 PM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


يسلمو عالبااااارت
ريم و خالد الله يوفقهم
عبير و نابف بتصير بينهم مواقف

تحبااتي
فرفوشية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 07-07-2011, 01:38 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


فرفوشية


(الجزء السادس)

اعلنوا دخول شهر رمضان والكل يبارك يبارك ويهني وبكره الفطور قي قصر الجد العاده السنويه اول يوم الكل يفطر عنده ..
في بيت من زمان عنه بيت وليد والعنود وليد جاي من برا بعد مااعلنوا الخبر ..
وليد عطاها بوسه/ الشهر عليك مبارك حياتي.
العنود مبتسمه ومسكت يده/ علينا وعليك قلبي .
وليد جلس جنبها وحط يده على اكتافها وضمها له/ كلمتي اهلك؟؟
العنود/ من اعلنوا كلمتهم وهنيتهم بالشهر.
وليد/ خساره ليتني لحقت عليك وكلمتهم معك .
العنود/ شوي وكلمهم عادي .
وليد/ ليش شوي الحين اكلمهم احسن . وكلمهم وبارك لهم بالشهر وقفل.
وليد وهو يحط اليد الثانيه على بطنها قال بمزح/ وش السر في هالبطن الصغير مايكبر اللي يشوفك يقول بالثاني وهو معذبنا معه.
العنود مبتسمه/ مدري بس اكيد قلب امه صغير وبعدين تبيني ثقيله ومااقدر اتحرك.
وليد يسوي نفسه زعلان/ اوووه صار قلب امه وهو لسى ماطلع.
العنود مسكت يده/ اكيد قلب امه بس هو والجوري كفه وابوهم كفه.
وليد ابتسم/ كذا مااقدر انا يله نطلع ننام لان الوقت تأخر.
العنود فهمت قصده وقالت/ وشلون تأخرالوقت وبكره رمضان والساعه للحين 11.
وليد يدري تستهبل عليه/ علشان بكره رمضان تأخرنا. ومسك يدها وطلعوا فوق لغرفتهم نتركهم ونروح نشوف لنا احد ثاني..

في الشرقيه في بيت فهد وهيفاء دخل البيت الصاله مافيها احد ودخل للغرفه وسمع صوتها في غرفة فجر وهي تبدل لفجر ملابسها والبنت مبسوطه بالمشي
وهو للحين مو مضبوط تمشي وتطيح وهيفاء تعبت وهي تلحقها ماتبي تلبس ولما شافت ابوها راحت له وشالها..
فهد وهو شايل بنته/ الشهر عليك مبارك قلبي.
هيفاء/ علينا وعليك حياتي.
فهد توجه لهيفاء وضمها مع بنتها وعطاها بوسه/ ادري طفشتك انا وبنتي انا مااخذت اجازه وفجر مبسوطه بالمشي.
هيفاء / فهد لااسمع هالكلام مره ثانيه انت ماقصرت عرضت علي اروح معهم لبنان بس انا مااقدر وانت تدري.
فهد مبتسم/ الله لايحرمني منكم.
هيفاء طبعت بوسه بخده/ ولايحرمنى منك.
فهد / ان شاء الله 20 يوم بس وتبدى إجازتي.
هيفاء مسكت يده/ قلبي لاتتوقع بيوم اني امل الجلسه معك صح اشتاق لجمعتهم ولكن انت الزم علي منهم.
فهد/ دايم تحرجيني بكرمك.
هيفاء/ لو تامر على قلبي مايغلى عليك.
فهد ابتسم واخذ يدها وباسها / لاكذا يكبر راسي عليكم.
هيفاء مبتسمه/ يحق لك.
فهد/ والله انا اللي يحق لي مااستغني عنك ولايوم.
انحرجت هيفاء وابتسمت واخذت فجر من ابوها علشان تنومها..
فهد / حرام عليك خافي ربك فيني وبسرعه روحي نوميها .
هيفاء وهي طالعه / من عيوني.

في بيت العم عبدالرحمن في غرفة ريم تكلم خالد..
خالد/ كل عام وانت بخيرحياتي والشهر عليك مبارك.
ريم وصوتها متغير من التعب/ علينا وعليك وانت بصحه وسلامه .
خالد خاف عليها/ افااا دلوعتي ليش صوتها كذا.
ريم ابتسمت/ عادي بس زكام .
خالد ارتاح شوي/ مبين على صوتك طيب رحتي للمستشفى؟؟
ريم/ مايحتاج كلها يومين ان شاء الله.
خالد/ تدرين مره سمعت فرح ونوف يتكلمون عنك تقول جسمها مايتحمل وتذكرت زمان اذا تعبتي تصير خدودك حمرااا وبعد قالت اذا شرفت الحلوه
تتعب وش تقصد؟؟ريم ابتسمت وهي مستحيه وخالد لما ماردت عليه عرف ان سؤاله ماله داعي او شي خاص ماله دخل فيه وحب يغير الموضوع.
خالد/ اهم شي سلامتك الحين اخليك لانك تعبانه بس بعد بكره ان شاء الله بجي اشوفك لاني هاليومين مشغول بالشقه ابي اخلصها واعطيك المفتاح.
ريم/ ان شاء الله قلبي بس لاتضغط على نفسك باقي شهر .
خالد انبسط صارت تمون عليه وكلمة قلبي اثرت فيه لانها قالتها من قلب وهو حس فيها..
خالد مبتسم/ لاتشيلين هم عيوني غمضي عين وفتحي الثانيه يكون الشهر خالص لو اجلس اقول بكره انتهى الشهر ماسويت شي.
ريم/ الله يعينك.
خالد/ ويعينك حياتي يله الله معك وانتبهي لنفسك.
ريم/ ان شاء الله .

اليوم الفطور عند الجد وبعد صلاة التراويح الكل في بيته والبنات اتفقوا بعد 3 ايام يطلعون لمجمع لان ريم تعبانه ومابقى الا اشياء بسيطه المكياج وبعض
الاغراض الشخصيه لريم وهم بيخلصون قبل العشر الأواخر. والزواج تحدد ثالث ايام عيد الفطر المبارك . وبعد 3 ايام خلصوا البنات من التسوق بعد ماطلعوا
روح ريم في بعض الاغراض .
بهذا الشهر الكريم الايام تمر بسرعه بالصلاة والقيام وقراءة القران وصلة الارحام والكل يتسارع في عمل الخير
لكسب الاجر العظيم من الخالق عز وجل
(ليس المقصود ان هذه الاعمال لاتكون الا برمضان ولكن بهذا الشهر تكون بكثره) وفي العشر الاوخرالكل يتحرى بأذن الله ليلة القدر التي خير من الف شهر
وانتهى شهر الرحمه والكل حزين على فراقه ....

صباح العيد الكل موجود في بيت الجد من الساعه 9 وكل عائله معها طبق للعيد والكل مبسوط الجد انتظر لحد مااجتمعوا وراح اول شي للبنات وعايدهم
كل وحده منهم على 500 ريال حلوه العيديه فرحتها غير وبعد ماخلص من البنات طلع للشباب وعايد كل واحد منهم 1000 ريال ..
وبعد صلاة الظهر الكل في بيته لانهم سهرانين وبعد العصر الكل راح اللي يسلم على اقاربه وجيرانه ..
ثاني يوم من ايام العيد الكل مشغول استعداد للزواج والعروسه مشغوله لراسها تبي كل شي يكون مثل ماتبي ومخططه له في ليلة العمر والبنات ماقصروا معها
اليوم الثالث وهو يوم الزواج طبعا البنات منقسمين عند كذا مشغل علشان يخلصون بدري اما العروسه وخواتها الكوافيره جايتهم في الفندق نفسه..
نروح لبيت العم عبدالعزيز مبسوط لزواج ولده والام طايره من الفرح وكل شوي تنادي احد من الخدم علشان يجيب لها الجمر من تحت تبي تدخن زوجها
وعيالها جت المدخنه وحطت فيه من اغلى انواع العود واول من طلع لها بالصاله ابو فهد اخذ منها المدخنه وبعده طلعوا الشباب من غرفة المعرس مع بعض
اخر من طلع المعرس كاشخ بالغتره البيضاء والمشلح الاسود والساعه جلد اسود هديه من ريم حب راس ابوه وبعده امه واخذ المدخنه وامه تناظرهم وعيونها
غرقانه بالدموع من الفرح..
خالد/ ليه الدموع يالغاليه؟
ام فهد/ دموع الفرح وانا امك الله يخليكم لي .
كلهم مع بعض/ ويخليك لنا .
خالد مبسوط/ امين وتزوجين مشاري ان شاء الله.
ابتسم مشاري / ان شاء الله بس بدري علي.
الليله غير عاديه خالد يحس ان قلبه بيطير لانسانه جذبته من طفولتها بحياها ونظرتها الضايعه احيانا اذا انحرجت منه يحس انها للحين دلوعته اللي عمرها
عشر سنوات لنعومتها وانه بيكون لها ملاذ .
طلعوا متجهين للفندق والساعه 8 تقريبا البنات كلهم متواجدين وكل وحده منهم تقول الزود عندي من لبس لمكياج لتسريحات ماشاء الله.
دخلوا على ريم وهي مابعد لبست الفستان اعجبهم مكياجها مررره وتشتغل بالتسريحه كل شي جاهز وعلى اتم الاستعداد لاستقبال الضيوف.
البنات طلعوا يشرفون على كل شي وبيرجعون لها يساعدونها في اللبس ام محمد الفرحه الليله بالنسبه لها اكيد غيرمن زمان تنتظر هالليله
تبي تفرح بعيالها وريم اول فرحتها ولولد عمها اللي مثل ولدها وبيصونها ان شاء الله نزلت دمعه على طاري فراق ريم لانها بتترك فراغ في البيت ..
غاده/ خالتي ماصدقنا نسكت رند واللي يخليك لاتشوفك.
فرح/ خالتي والله لو ريم بتهاجر.
ام محمد/ صح بنفقدها بس هذي دموع الفرح .
غاده/ الله يوفقها وبعدين وين تفقدينها وهي جنب بيتكم.
فرح/ خالتي لو تدخلين لريم وانت كذا والله تحوس مكياجها وانت عارفه ريم حساسه.
ام محمد وهي تمسح دموعها/ ان شاء الله بحاول وانا امك.
الساعه 9 البنات يساعدون ريم في لبس الفستان لانه ربط من ورى والناس بدت بالحضور انتهت العرووووسه على الساعه 11 وكانت خياااال ماشاء الله
من مكياج لتسريحه لفستان ذوووق والمصوره بعد كل صوره تذكر الله والبنات اخذوا لهم كم صوره مع العروسه دخلت امها تبي تشوف الوضع وشافت بنتها
قدامها عروس اللي قبل كم سنه بمريول المدرسه خانتها دمعتها بس على طول مسحتها طبعا ماخفت على ريم وراحت لامها وضمتها بقوه وحبتها مع راسها
نوف ماتبي الجو يتكهرب/ خالتي اقري على ريم بسم الله عليها.
ام محمد وهي تمسح دموعها/ ان شاء الله وانا امك الله يحفظها من كل شر بسم الله عليكم كل وحده منكم تقول الزود عندي الله يحرسكم.
غاده/ ولو خالتي العروسه غير شكل.
رند لاتعليق لانها لو تكلمت يمكن تنفجر من الصياح بس للحين ماسكه نفسها وام محمد قرت على ريم وطلعت وبعدها طلعوا البنات وجلست عندها رند
وكل شوي جاي عندها احد من البنات والرقص شغال برا والكل مبسوط الساعه 12 طفت الانوار ومافيه غير الشموع واضاءه عند الكوشه الذووق ..
انفتح باب خشبي كبير وطلعت منه الجوري وحمودي ولد نور ماسكين يدين بعض وبعدهم طلعت العروسه مثل القمر ماشاء الله واشتغلت

ع بالي حبيبي
ع بالي حبيبي
اغمرك ما اتركك
اسرقك ما ارجعك
احبسك ما طلعك من قلبي ولا يوم
اخطف لك نظراتك ضحكاتك حركاتك
علقهن بغرفتي نيمن عا فرشتي
احلمن بغفوتي تايحلى بعيني النوم
ع بالي حبيبي
ليلة الألبس لك الأبيض
واصير ملكك والدنيا تشهد
وجيب منك انت طفلك انت متلك انت
ع بالي حبيبي
عيش حدك عمر او اكتر
وحب يكبر كل ما نكبر
وشــيب لما تشيب عمري يغيب لما تغيب
ع بالي حبيبي
ع بالي تكملني
واسمك تحملني
بقلبك تخبيني
من الدنيا تحميني
وتمحي من سنيني كل لحظه عشتها بلاك
ع بالي تجرحني
لحتى تصالحني
بلمسه حنونه بغمره مجنونه
وما غمض عيوني الا انا وياك
ع بالي حبيبي

وغلا ورند طلعوا بعد العروسه ومعاهم سلال ورد يرمونه مره على العروس ومره على الضيوف وهم يذكرون الله كانت طلعتهم مررره روعه ورغد كل شوي
تعدل فستان ريم والمصوره تمشي وتصور وريم تحاول تبتسم بس برجفه لحد ماوصلت الكوشه ماصدقت انها وصلت لانها ماتدري كيف مشت كل هالمسافه
جلست على الكوشه اللي نفس الوان مسكتها الروعه وبعد جلستها جت الجده ماسكتها العمه نوره قامت ريم من غير شعور تستقبلها وحبتها فوق راسها
والجده مبسوطه لبنت ولدها وجلست تدعي لها بأذنها لانها ماراح تسمعها من الازعاج خلصت الجده من كلامها طبعت ريم على كف جدتها احلى بوسه
شوي قاموا الاقارب والصديقات يسلمون عليها ويباركون لها رقصوا الصديقات قدامها وريم انبسطت فيهم والبنات ماقصروا الاغاده ماتعرف ترقص يمينها
والعنود لانها حامل واقفه يسارها.
بعد ساعه من السلام على الاهل والصديقات اشتغلت اغنية اليسا ع بالي وطلعت ريم من عندهم وبعد عشر دقايق دخل عليها خالد في غرفه للتصوير...
قرب خالد من عندها وطبع بوسه على جبينها ومسك يدها ولاتركها وريم حدث ولاحرج ..
خالد وهو مبتسم وعيونه مانزلت من على ريم/ دلوعتي صارت عروسه مبروك قلبي.
ريم وهي مبتسمه بأحراج/ الله يبارك في عمرك.
شوي ودخلت عليهم المصوره وهات ياحركات معينه للتصويرتحرج ريم وخالد مبسوط عليها..
خالد وهو قريب من اذن ريم/ حياتي ابتسمي الصوره تطلع احلى بعدين تتذكرين هالايام يوم الملكه عذرتك بس الحين لا.
ريم ابتسمت وهزت براسها والمصوره تلقي التعليمات وخالد مبسوط على حركاتها وقصوا الكيكه واخذت ريم قطعه بالشوكه بس لان يدها ترجف ضربت
بفم خالد قبل لاتأكله واخذت ريم منديل ومسحت خالد وكانت هذي احلى الصور لانها عفويه انتهت المصوره من شغلها واخذت اغراضها وطلعت.
خالد كلم امه وقال تعالي مع خالتي نسلم عليكم قبل لانمشي دخلوا عليهم امه وخالته وخواته طبعا وباقي البنات ينتظرون خالد يطلع ويدخلون يسلمون عليها
ام محمد/ خالد الله الله بريم.
خالد/ خالتي ماعليك ريم بعيوني.
ام فهد/ انتبهوا لنفسكم وانا امك تروحون وتردون بالسلامه.
خالد بعد ماسلم على امه وخالته طلع بيخلي البنات ياخذون راحتهم بعد ماطلع خالد دخلوا البنات وخواتها يسلمون عليها وريم دمعت يوم جت تودعهم
وخاصه امها طلعت ريم بعد مالبست العبايه ولقت محمد عند الباب ينتظرها وراحت معه..
خالد كان ينتظر عند السياره فتح لها الباب وركبت كانت نفس ريحة عطرها اللي اخذه منها ابتسمت من فتح لها الباب وراح يركب مع بابه ومحمد واقف
محمد يكلم خالد من الدريشه بعد ماسكر باب ريم/ خالد مايحتاج اوصيك على ريم.
خالد/ من جدك محمد توصيني على روحي انت صاحي.
محمد ابتسم/ والله مافيه شك بس تدري ريم غاليه علينا.
خالد ابتسم ومسك يد ريم/ ولايهمك ابو عبدالرحمن وصها بس علي.
محمد بمزح/ ماينخاف عليك ينخاف منك.
خالد مبتسم/ افاااا خربت السالفه ترا بمشي .
محمد وهو مبتسم/ امزح يله في امان الله.
خالد/ اوكي الله معك.
وصلوا الفندق وفتح خالد الباب لريم ودخلوا خالد حب ريم بين عيونها واخذ يدها وحطها على راسه ويده على راسها وقال دعاء الزواج وراح يصلي ركعتين
ويبدل ريم بعد ماراح خالد حست نفسها دايخه شوي وجلست على الكرسي خالد طلع بعد ماصلى وجلس جنبها وحسها تعبانه..
خالد مسك يدها/ اكيد مااكلت شي من الصباح صح ولاغلطان.
ريم ابتسمت له بعد ماحست انها احسن/ لاشربت عصير واكلت العصر.
خالد/ من جدك من العصر مااكلتي شي؟
ريم/ والله خالد مااشتهي شي.
خالد/ مايمشي علي حياتي انا طالب لنا عشاء بدلي ملابسك وتعالي نتعشى.
خالد حب انه يفضي لها الغرفه علشان تبدل ملابسها براحه بس ريم طولت عليه وخاف عليها وحب يتطمن طق باب الغرفه قبل ولما فتحها كان مع ريم
مقص بتقص الربط اللي من ورى لانها عجزت تفكها من الربكه ولانها تحس نفسها تعبانه راح لها خالد ومسك المقص وحطه على الطاوله..
خالد/ ههههه من جدك بتقصينه؟
ريم منحرجه/ طيب وش اسوي عجزت افكه.
خالد ابتسم/ ماشاء الله من رابطه لك متحمس بقوه.
ريم ابتسمت على تعليقه/ رغد.
خالد/ اعتبريني اي وحده من البنات ولفي افكه.
ومسك كتف ريم ولفها وبعد مافك الربط ماقدر يقاوم ريحة عطرها مع انه غير اللي اخذه منها وعطاها بوسه مع كتفها وطلع بسرعه علشان لايحرجها
بدلت ريم ولبست الفستان اللي جابه لها خالد من لبنان روعه يليق بعروسه بنعومة ريم صلت لها ركعتين وانتظرت شوي وبعدين سمت بالله وطلعت
خالد كان يشغل TVبس سمع صوت باب الغرفه ينفتح والتفت لها وراح لها واخذ يدها وجلسها
خالد مبتسم وهو يناظر عيون ريم/ قلبي قريت على نفسك اليوم؟
ريم ابتسمت/ الكل ماقصر حتى جدتي الله يطول بعمرها.
خالدرفع حاجبه/ ماالومهم.
ضرب الجرس وراح خالد يفتح الباب وصار العشاء جابه ورجع لريم
خالد/ يله ريم لازم تاكلين لك شي.
ريم/ والله مااشتهي شي.
خالد/ حياتي اذا لي خاطر كم ملعقه بس.
ريم جد مالها نفس ابتسمت وقالت/ والله بس علشان خاطرك.
خالد انبسط لانها بتاكل ومن كلامها واكلت علشانه كم ملعقه ومد لها كاس عصير
خالد/ بس هذا ولااقول ولاكلمه بعدها.
ابتسمت ريم وخذته علشانه شربت منه شوي ولاقدرت تكمله وحطته على الطاوله
ريم/ خالد والله مااقدر اكمله.
خالد / من حظي علشان اكمله.
ريم تأشر بيدها / فيه ثاني ولاماتبي الفواكه.
خالد ابتسم/ اشرب كل شي الحمدلله بس هذا اكيد له طعم ثاني.
انحرجت ريم من كلامه ونزلت راسها خالد رفع لها راسها وناظر عيونها
خالد/ هذا الحياء ايام الملكه بس الحين مااقدر استغني عنهم وبعدين تعالي كل عطر معك احلى من الثاني بس اكيد السر بالجسم اللي يمسه العطر .
ابتسمت له ريم وجلسوا يسولفون لهم شوي مع انهم كانوا تعبانين بعد يوم كان حلووو بالنسبه لهم مع تعبه.
خالد/ قلبي بكره عندنا رحله نروح ننام.
ريم/ اوكي ثواني وجايه.
خالد/ لاحياتي ماراح اروح الا وانت معي.

نروح لبيت وليد والعنود الجوري نامت بالسياره من التعب وشالها ابوها لحد ماوصلها سريرها وراح لغرفتهم وبدخلته كانت العنود تشيل عبايتها
وليد وهو منصدم/ احمدي ربك ماشفتك قبل لاتطلعين للزواج.
العنود لفت له وهي مبتسمه/ وش رايك وليد جد حلو مع ان الفستان مااعجبني مررره.
وليد قرب منها ومسكها مع خصرها/ يمكن الفستان مو حلو بس المعنى على اللباس الله يخليه لي.
العنود ضمته/ ويخليك لي وبعدين كبر البطن فجأه احسه ضيق.
رفع راسها وعطاها بوسه على خشمها/ صدقيني هالبطن معطيك شكل ثاني.
العنود ابتسمت/ ادري ترفع من معنوياتي حياتي بروح ابدل لجوجو ملابسها وراجعه.
وليد يمثل الزعل/ ماشاء الله عليك العذر موجود علشان تهربين مني.
العنود/ يالبى قلب الزعلان انا قلت راجعه يعني انتظرني.
العنود كانت بتعطي وليد بوسه مع خده بس بحركه عفويه منه جت في مكان ثاني وابتسم وقال/اكيد بنتظر بعد هالبوسه.

نروح لفهد وهيفاء كانت تعلق عبايتها على الشماعه على دخلة فهد للغرفه انبهر بجمال هيفاء وفستانها راح لها ومسك يدها وجلس وجلسها على رجله
فهد يناظر عيونها وهو مبتسم/ اكيد العالم اليوم تقول ياحظ فهد فيها.
هيفاء ابتسمت وطبعت بوسه على خده/ لا والله اللي يعرفك يقول ياحظ هيفاء بفهد.
فهد بعد ماضمها لصدره/ ههههههه طيب بما انه ياحظنا في بعض ماتتكرمين على فهد بأخو لفجر.
كلام فهد صدم هيفاء ورفعت راسها من صدره وقالت/ اول شي حرام عليك فجر لسى صغيره وثاني شي شوف وسخت لك ثوبك بمكياجي.
فهد مبتسم/ حلالك الثوب وصاحب الثوب بس شوفي لك كلام غير ان فجر صغيره.
هيفاء مسكت وجه فهد بين يدينها/ حياتي اتفقنا مانتكلم بالموضوع لحد مايصير عمر فجر 3 سنوات.
فهد اخذ يدها وباسها وابتسم/ وش رايك نسوي خصم ويكون الاتفاق اذا صار عمر فجر سنتين.
هيفاء ابتسمت/ يصير خير بس الحين الموضوع مؤجل.
فهد/ ولايصير خاطرك الاطيب كم عندي من هيفاء.
هيفاء وهي ماسكه يد فهد/ وحده وتتمنى تكون مكفيتك عن العالم كله.
فهد ابتسم لها/ الله يخليها لي مكفيه وموفيه.
هيفاء/ ويخليك لها.

في بيت ابو محمد دخلوا للبيت بعد رجوعهم من الفندق على الفجر..
ام محمد/ الله يوفقها ويستر عليها طالعه قمر اليوم بسم الله عليها.
ابو محمد/ امين وعقباال خواتها ان شاء الله.
رغد مبتسمه/ الله يخليك لنا.
وطلع كل واحد منهم لغرفته بس رند توجهت لغرفة ريم
رغد بمزح/ الاخت غلطانه بالغرفه .
رندبدون ماتلتفت لرغد/ لا بس ودي انام بغرفتها.
رغد تدري ان ريم اقرب لرند منها / طيب تعالي نبدل ونرجع ننام في غرفتها.
رند على وضعها ونزلت منها دمعه/ انا باخذ من عندها بيجامه وانت بدلي وتعالي.
رغد/ اوكي شوي وراجعه.

نرجع لعصافير الحب الجديده في الفندق ريم دخلت وراحت قدام المرايه تزيل مكياجها علشان تدخل تاخذ دش سريع خالد علشان يريحها من طلعت وهو يتظاهر
بالنوم ريم من شافته نايم وهي مرتاحه مشطت شعرها ولبست لها قميص نوم ودخلت تحت الفراش بكل نعومه بعد ماطفت النور وتركت الابجوره شغاله
ونامت على طرف السريرعلشان ماتضايق خالد ولايحس فيها خالد كان صاحي بس حب يتركها ترتاح شوي وبعد دقايق لانه عارف انها ماراح تنام
قرب من عندها وعطاها بوسه مع خدها وهو مبتسم/ قلبي تصبحين على خير وقربي لاتطيحين.
ريم منصدمه على بالها خالد نايم جمدت بمكانها شوي وابتسمت على نفسها انه ملاحظ انها بطرف السرير وقالت/ وانت من اهله.

نتركهم ينامون وبكذا ينتهي الجزء ولنا لقاء ان شاء الله في الجزء السابع.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 07-07-2011, 02:14 AM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


مشكووووووورة عالبااارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 09-07-2011, 03:18 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


(الجزء السابع)

في صباح هذا اليوم وهو اول يوم يجمع خالد وريم مع بعض خالد صحى قبل ريم وجلس يتأملها وهي نايمه وكانت متجمعه على بعضها من البرد كأنها طفله
ابتسم وراح يقصر على التكييف ودخل يااخذ له دش ريم حست فيه وهوطالع من صوت الباب وكان لابس الروب لانه مااخذ ملابسه معاه من لمحته وهي
متظاهره بالنوم لبس خالد وتعطر واخذ ورده على الطاوله وراح لريم على السرير وجلس جنبها من جلس فتحت عيونها وعدلت جلستها على السرير
وصارت تعدل شعرها ابتسم لها خالد ومد لها الورده.
خالدابتسم لحركتها وعرف انها كانت صاحيه من قبل/ صباح الورد ياعمري.
ريم مبتسمه وهي منحرجه/ صباح النور.
خالد عطاها بوسه/ ان شاء الله دلوعتي نامت امس مرتاحه؟
ريم/ الحمدلله وانت؟
خالد ابتسم/ احسن نومه لانك جنبي .
ريم استحت ولاردت عليه
خالد/ اوكي حياتي انتظرك علشان نطلب لنا شي ناكله.
طلع خالد وريم راحت تاخذ لها دش سريع.

في بيت الجد كان فيه الجد والجده ونايف ونوره وغاده جالسين بالصاله يسولفون وحب نايف يكلم ابوه بالموضوع .
نايف/ عندي لكم بشاره.
الجد/ بشر يالغالي.
نايف وهو مبتسم/ قررت اتزوج من رجعت من لبنان وانا افكر .
الجده وهي مبسوطه لولدها/ الله يبشرك بالخير.
نايف/ وياك يالغاليه.
الجد/ هذا الخبر اللي يوسع الصدر وانا ابوك.
نوره مبتسمه/ من زمان ننتظرك تفرحنا.
نايف/ واذا يمكن عرفتوا من ابي يمكن تزود فرحتكم.
الجده/ من وانا امك اللي تبي ولا لك الا الرضى.
نايف/ الله يخليكم لي ان شاء الله ابي بنت ابو سعود.
الجد/ زين مااخترت وانا ابوك.
الجده/ الله يوفقك ياوليدي ويهديها وتوافق.
نوره ماحبت تخوف اخوها ويرجع عن قراره ولا هي تدري من الجوهره ان مافيه احد مايخطبها بس هي ترفض/ ااامين واحد يتقدم له نايف ويرفضه.
حتى نايف يدري من غاده ابتسم لاخته وقال/ تسلمين بس مافيها شي لو رفضت نكلم الجوهره تشوف لنا الوضع وتسئل سعود واذا مافيه مانع تقدمنا رسمي
الجد/ عين العقل وانا ابوك والله يقدم مافيه الخير .
نايف وهو مبتسم ويناظر غاده/ غدو ماعلقتي على الموضوع وش رايك؟؟
غاده وهي مبتسمه لخالها/ مبسوطه والله يوفقك وتوافق ان شاء الله.
الجده/ ان شاء الله وانا امك والفال لك بعده.

في بيت العم عبدالله تركي نازل من فوق ومعه غلا كاشخين واعدها يطلعها هي وغاده لانهم من زمان عن طلعاتهم من بعض وقرر اليوم وكلم غاده وماعارضت.
تركي/ يله ام تركي جاهزه.
ام تركي/ الله يهديك وانا امك لي نص ساعه انتظرك انت واختك تكشخون.
غلا/ وش رايك ماما في لبسي.
ام تركي/ اكيد حلو لانه ذوووق غاده وانت لابسته طلع احلى ماما.
تركي مبتسم/ ماتروح عليك يالغاليه الرد جاهز لدلوعتك.
غلا/ انا دلوعة الكل حتى انت صح.
تركي/ ياااحلو الثقه صح بس يله تأخرنا ننزل امي عند جدتي وناخذ غاده .
غلا/ اكيد واثقه اذا تركي اخوي.
تركي ابتسم لها وطير لها بوسه بالهواء وطلعوا للسياره لان ام تركي سبقتهم وركبت السياره ..

العصر بالمطار ريم من دخلت المطار وهي ماسكه يد خالد لبداية احساسها بالغربه واحتياجها له طبعا هذا الشي بادره حلوه منها وتفرح اي رجل بالعالم
الكل يعرف حوسة المطارات والرحله باقي عليها وقت بس لازم الحضور بدري خالد بعد ماتطمن على الشنط اخذ ريم وجلس معها في مقهى
اكيد تتسألون وين راح يكون شهر العسل راح اقولكم في النمساااااا..
بعد وصولهم لفينا عاصمة النمساا ارسل خالد رساله لفرح علشان تتطمن اهله واخذ سياره توصلهم للفندق اللي حاجزينه .
كانوا تعبانين من الرحله اقترح خالد انهم يريحون لهم شوي صحو من النوم وطلبو لهم شي خفيف ياكلونه قبل لايطلعون خالد كان يطلب وريم تاخذ لها دش
طلعت عليه وهو كان يتفرج على الـtv وبفتحت الباب رفع راسه وشافها رفع حواجبه بأبتسامه من اللي تحبها ريم وبكذا احمرت الخدود طبعا واشر لها تجي
تجلس جنبه على نفس الكنبه بدون كلام وهي من اشر بيده وهي ماشيه له بأبتسامه خجوله كأنه يحركها ..... ولاسيارة بريموت كنترول ههههههههههههه.
جلست ريم جنبه وهو بدوره لف شوي لها ورفع وحده من رجوله وحطها تحته وصار يناظرها وهي على جنب مسك وجهها ولفه له وظل ماسكه لانه
يدري انها راح تلفه او تنزله من الخجل خالد جلس يتامل شوي مع انها طبيعيه لان شعرها بعد الدش لسى رطب وحاطه مكياج خفيف مررره بس خيال
خالد وعيونه بعيون ريم/ قلبي من جدك طالعه بشعرك كذا ليش ماجففتيه؟؟
ريم وهي مستحيه/ عادي شوي واروح اجففه.
خالد مسك يدها وراح للغرفه وطلع المجفف من الدرج المخصص له وقال/ تسمحين لي انا اجففه.
ريم مبتسمه بخجل/ لا خالد انا اجففه.
خالد يبتسم لها/ طيب واذا قلت لك علشاني.
ريم/ بس ماابي اتعبك.
خالد/ وهذا تسمينه تعب.
بدء خالد بتجفيف شعر ريم وبعد ماحس انه جف ماقدر يقاوم ريحة الخمريه اللي فاحت من شعرها ترك المجفف ومسكها مع اكتافها واستنشق عبيرها مده
رفع راسه ولفها له وعطاها بوسه وقطع عليهم الجرس معلن وصول فطورهم المتأخر راح خالد يفتح الباب وبعد الفطور طلعوا لمشوارهم..
المشوار كان (ساحة ستيفنز) وهي ساحه مشهوره واهم معالم فينا..

نرجع لمملكتنا الغاليه وبالتحديد بيت العم عبدالعزيز ام فهد تحت بالصاله بعد ماطلع ابو فهد للشركه نزلت عليها فرح تقريبا الساعه 11 الصباح
ام فهد/لا بيجينا مطر اليوم فرح صاحيه بدري.
فرح تحب راس امها/ صباح الخير .
ام فهد/ هلا امي وش عندك؟؟
فرح/ مدري احس بدوخه وراسي مصدع.
ام فهد/ ماالوم راسك يصدع من قلة الاكل وانت عندك فقر دم.
فرح/ اذا تقصدين الرجيم انتهى قبل زواج خالد بيومين.
ام فهد/ ومن قايل لك انك سمينه ماقلنا لاتحافظين بس خافي ربك في نفسك.
فرح/ ماكان قصدي اني اضعف بس ماكنت ابي وزني يزيد.
ام فهد/ عجزت وانا اقولك انت عندك فقر دم تغذي زين واتركي عنك هالرجيمات ولاتاكلين بالليل اكل دسم.
فرح ماتركت مزحها/ اوووه خبره الوالده وانا اقول ماشاء الله هالرشاقه من وين؟؟
ام فهد عارفه هبال بنتها / روحي بس واتركي الكلام اللي مايودي ولايجيب وخليهم يجيبون لك فطور مثل الاوادم يقولون(افطر فطور امراء وتعشى عشى فقراء)
فرح/ ان شاء الله ماماتي. ايه نسيت اقولك خالد ارسل لي الفجر يقول وصلنا وسلمي على اهلي.
ام فهد/ الله يبشرك بخير.

في بيت العم عبدالله العصرغلا مع قطوتها برا في حديقة بيتهم دخل عليها تركي..
تركي /هلا غلا وين الماما.
غلا وهي مشغوله مع لوسي/ مدري كانت عندي اكيد دخلت.
تركي/ طيب يله ندخل شوفي ملابسك وشلون خضراء من الثيل كأنك في فلم هندي انت وهالقطوه.
غلا وهي مبتسمه لتركي/ حلوووه تصدق شكلي بمثل انا ولوسي.
تركي/ اكبرها صدقتي يله بس ندخل.
دخل هو واخته وكانت امه طالعه من المطبخ معها عصير وسلم عليها ...
تركي مبتسم لامه/ الله يخليك لي جاي مشتهي عصيرك بقولك تصلحين لي.
ام تركي/ وهذا هو جاهز شكل غاده ماجت معك.
تركي/لا والله كلمتها قالت بكره .
ام تركي/ اللي يريحها ابوي لاتضغط عليها .
تركي/ ماقلت لها شي والله بس كلمتها امس اسولف معها قالت يبي لك جلسه قلت لها بمزح لو يبي لي جلسه قلت بروح اشوف اخوي وصدقت على بالها اتشره عليها
وقالت بكره اذا طلعت من الدوام مر علي ماعارضت لاني ابيها تجي لبيتنا.
ام تركي/ الله يخليكم لبعض.
تركي/ ويخليكم لنا بدونكم مانسوى شي.
ام تركي/ آآآآآمين.
تركي/ يله انا طالع فوق عندي شغله على مايجي ابوي . يمه شفتي ملابس غلا.
ام تركي/ قلت لها بدلي قبل لايجون ابوك واخوك بس انت تعرفها تنسى نفسها مع هالقطوه.
تركي/ اهم شي مبسوطه .اذا جاء ابوي عطيني خبر.
ام تركي / ان شاء الله.

نروح لبيت العم عبدالرحمن قبل المغرب محمد نزل لهم من فوق واهله مجتمعين ياكلون كيك ازعجتهم فيه رغد لانها هي اللي مصلحتها تجرب فيهم.
محمد/ هنهم.
الكل/ وانت منهم.
فيصل/ انطح فالك لايفوتك فيه ناس تحتك في منال العالم .
ام محمد/ رغد امي اقطعي لاخوك قطعه وصبي له عصير .
رغد/ ان شاء الله نقطع له ونصب له ونتوصى فيه بعد.
محمد رافع حاجب لرغد/ وش هالكرم اللي طب عليك مره وحده.
ابو محمد مبتسم/ كل شي ولارغد بنتي كريمه من يوم يومها.
رغد/تسلم يالغالي وبعدين كم عندي من اخو اسمه محمد وبيصير معرس قريب ان شاء الله.
محمدوهو مبتسم لها/ لو ادري كان من زمان فكرت اتزوج علشان هالدلع.
رغد/ ياليت ودي اصير عمه خاله جده اي شي.
الكل/ هههههههههههه.
رند مبتسمه/ محمد انتبه لايجيك تسمم.
محمدعقد حواجبه/ افاااا ليش؟؟
رند/ لان منال العالم على قولة فيصل تجرب فينا.
رغد/ لو مااعجبتك انتِ وياه مااكلتوا منها.
ابو محمد مبتسم/ ماعليك منهم .
فيصل يمزح معها/انا ورند نشجع الصناعه الوطنيه ولا مالها طعم.
رغد مبتسمه / مبين مالها طعم واكلت صحنين علشان تستطعمها.
فيصل/ ماشاء الله عليك تقرين افكاري.
محمد مبتسم على مزح اخوانه/ ماعليك منهم رغد والله طعمها لذيذ تسلم يدينك.
رغد ابتسمت لمحمد وناظرت فيصل بطرف عينها/اخجلت تواضعي اخي العزيز هذا الكلام السنع مو انت واختك.
ام محمد/ بس لاتكون اخر مره تدخلين فيها للمطبخ.
رغد/ والله على حسب المزاج .
فيصل بمزح/ صدقت نفسها بعد على حسب المزاج.
رغد مبتسمه/ طيب اخر مره اخليك انت واختك تذوقون شي انا مسويته.
رند تسوي نفسها بريئه/ انا حرام عليك ماقلت شي.
فيصل/ لا والله جد لذيذه تسلم يدينك ورند غايره منك وقالت لي فيصل تكفى بنقول انها مااعجبتنا علشان ماتصدق نفسها.
رند / ماسمعت لو سمحت عيد كلامك من اللي يترجى فيني علشان اساعده بس الحين ماهمك الا بطنك خفت انها تنفذ وعدها ولاتذوق شي من التجربه الثانيه.
فيصل/ هههههههه رند حلوه التجربه الثانيه اقصد عيب عليك اختك اللي اكبر منك .
رند مخرطمه على بالها زعلانه/بابا شف فيصل قلب علي.
ابو محمد/ هذا جزاء اللي يخاون مع اخوه على اخته.
رند / افاااااا ابو محمد كذا تسوي في بنتك اخر العنقود.
رغد مبسوطه/ يحيا العدل.
محمد مبتسم/ ماشاء الله عليك ماينخاف عليك رغوده وهالسكوت من اليوم تدورين لك رد معتبر.
رغد مبتسمه/ فاهمني ياناس هذا الاخو ولابلاش .
فيصل/ انا صرت ولد البطه السوداء مانمزح يعني .
رغد/هههههههههه لا امزح على راحتك اصلا لو ماتمزح ماتصير فيصل .
رند/ ايه هو يمزح وانا اللي اتهزء.
ام محمد/ كل شي ولا اخر العنقود لاتزعلونها.
فيصل وهو قايم بيطلع/ ولايهمك يالغاليه .
محمد يوجه الكلام لفيصل/ اليوم الشباب بيتجمعون في المقهى.
فيصل / كلمني تركي بس يقول بعد العشاء ، انا بطلع الحين عندي شغل لازم اخلصه يله توصون شي؟
ام محمد/ سلامتك .


في قصر الجد الساعه 7 مساء نزل لهم نايف من فوق وكان مافيه الانوره وغاده مع الجد والجده..
نايف وهو يجلس جنب غاده/ يمه كلمتي الجوهره.
ام عبدالعزيز/ الله يذكرك الشهاده وانا امك.
ام عبدالعزيز وهي تعطي غاده جوالها/ امي طلعي لي رقم خالتك الجوهره.
غاده مبتسمه لخالها/ ان شاء الله.
كلمت الجده الجوهره بالموضوع علشان تجس النبض من سعود اذا هي مخطوبه ولاشي انبسطت الجوهره بالخبر وتمنت عبير لنايف لانها تعرف اخلاق وعقل
عبير زين وان ربي بيعوض اخوها خير عن الاولى..
قالت بكلم سعود بالموضوع وارد عليكم تخطبون رسمي من اهله وطلبت من امها اذا نايف قريب منها تبي تكلمه..
نايف/ هلا والله.
الجوهره/ هلا بك اكثر اخبارك؟؟
نايف مبتسم/ الحمدلله اخبارك انت واخبار سعود؟
الجوهره/هههههه اخباري انا تمام . تبي اخبار سعود ولااخت سعود؟؟
نايف/ههههههه والله اذا جتني اخبارهم ماعندي مانع.
الجوهره/ دوووم هالضحكه شكلك تنتظرني اروح علشان تفاتح اهلي بالموضوع بس ماعليه اهم شي اقتنعت الله يجعلها من نصيبك علشان تدري ان اصابع
يدك مو سوى.
نايف / آآآآمين الله يسمع منك.
الجوهره مبسوطه لاخوها/ يله مااطول عليكم وان شاء الله تسمع اللي يسرك سلم على اللي عندك.
نايف مبتسم/ ان شاء الله يوصل سلامك.

نروح لعصافيرنا الجديده بعد مشوارهم في الساحه تعشوا برا ورجعوا للفندق خالد اخذ له دش سريع وطلع ودخلت ريم بعده طلعت ريم وخالد للحين مابعد
لبس التي شيرت وغمضت ريم عيونها بسرعه من الاحراج شافها خالد وابتسم ولافكها من التعليق..
خالد مبتسم على شكل ريم وحركتها / انا خلصت اذا ودك تفتحين عيونك.
ريم فتحت عيونها بسرعه وانحرجت اكثرلان خالد لاحظها وقالت وهي مبتسمه/ من قالك اصلا اني مغمضه.
خالد ضحك / هههههههههه يمكن انا اجل مااشوف يله حياتي بدلي وتعالي نشوف اذا فيه شي نطالعه في الـtv.
ريم/ اوكي ثواني بس وطالعه.
بعد ماطلع ريم كانت تقول بينها وبين نفسها الله الله ياريم ثواني وطالعه امون على بالي بجلس اسبوع وانا مااقدر اتكلم معه براحه بس جد الله يخليه لي
حنون بشكل ماتخيلته كذا لدرجة اني ارتحت معه على طول ووووووين رحت الرجال ينتظرني برا وانا امدح فيه وين الشجاعه يالخوافه ليش ماتقولين له
هالكلام وانت تدرين ان اي كلمه منك راح تسعده بس ان شاء اله ماراح اقصر معه بس بدرررري علي..
بدلت ريم وقفت قدام المرايه تعدل شعرها وبعدها طلعت وكان خالد جالس ورافع راسه يريح شوي لحد ماتجي ريم ويشوف وش يتفرجون عليه
من طلعت وشافت وضع خالد جد خافت عليه وراحت له ركض من قربت منه وقبل لاتوصله شم ريحة عطرها ورفع راسه هي ابتسمت بخوف
ريم وهي تجلس جنبه بعد مالمست جبينه/ خالد خوفتني على بالي فيك شي.
خالد ابتسم ومسك يدها/ تخافين علي ؟؟
ريم بأبتسامه خجوله/ من جدك تسئل اكيد اخاف عليك.
خالد غمز لها/ اجل الحقي على قلبي مسكين.
ريم وهي منحرجه من كلامه/ خاااااااالد.
خالد ضمها لصدره وبنفس نغمتها/ عيوووونه.
ريم تبي تغير الموضوع/ تسلم العيون وصاحبها. وش تحب نتفرج عليه؟؟
خالد مبتسم لتصريفها/ انت اختاري بس فيه فلم شكله جديد باقي له ربع ساعه ويبدى.
ريم/ اجل بروح اجيب شي نشربه.
خالد مبتسم/ اوكي بس تروحين وترجعين لنفس مكانك .
ريم انحرجت وراحت بدون ماترد عليه لانها ناسيه نفسها بصراحه وهو ذكرها وهي راجعه طفت كل الانوار وبقى نور الشاشه ورفع خالد يده وهو مبتسم لها
علشان ترجع لمكانها.
خالد/ انتبهي حياتي معك شي حار ليش طفيتي كل النور؟؟
ريم وهي مبتسمه/ مدري كذا نسوي اذا بنتفرج على فلم لازم جو سينمائي.
خالد/ههههههه حلو باقي بس بوب كورن.
ريم/ مره ثانيه ان شاء الله.
رجعت ريم لنفس وضعها وخالد ضامها لصدر ويلعب في شعرها ويعلقون على الفلم وبعد نص ساعه من عرض الفلم جت لقطه رومانسيه(مزركشه)
انحرجت ولاتدري كيف تصرف الموضوع نزلت راسها وجلست تلعب في اظافرها انتهت اللقطه وهي على نفس وضعها خالد شافها وابتسم على حركتها
وقال في نفسه (يا لبى قلب هالطفله يوم عن يوم تعلقني فيها اكثر هذا وهو ثاني يوم بس نظراتها وابتسامتها تعجبني من صغرها الله لايحرمني منها)
زاد في ضمها لصدره علشان يحس بقربها له اكثر وريم حدث ولاحرج من الاحراجات بس الفلم كان معجبها بعد ساعه ثانيه بدء النعاس يغلبها ..
خالد وهو يشوفها تنعس وهو بعد جاه النوم لانهم صاحين بدري/قلبي ندخل ننام وبكره اكيد راح يعاد.
ريم وهي تحاول تصحصح/ لاتضمن بكره انه يعاد او نكون موجودين وقتها.
خالد مبتسم على حماسها لان الفلم يشد بجد/ اللي يريحك نكمله.
باقي نص ساعه على نهاية الفلم بس ريم ماتحملت لان عيونها غمضت غصب عنها ونامت خالد ماغير وضعها لانه يخاف يحركها وتصحى تركها وبعد
ماخلص الفلم شالها كانت بالنسبه لجسم خالد خفيفه مررره طبعا هي حست بس ماعارضت لان النوم غالبها ..
توجه خالد للسرير وحطها عليه وبعد ماغطاها صار يتأمل وجهها كان يشوف كل شي فيها احلى من الثاني بس وقف عند عيونها والرمش ماشاء الله
كثيف قرب من عينها وباسها وطلع يطفي كل شي ويرجع ينام جلس ربع ساعه يتقلب مع ان فيه النوم بس فكرة انه يحط يده تحت راس ريم اشغلته
لحد مانفذ اللي في باله وحط يده تحت راسها وتأمل تفاصيل وجهها مع اضاءة الابجوره ونام براحه لانها قريبه منه وهذا الشي اللي يبيه ..
نتركهم ينامون براحه واحلام سعيده لهم ..

في ارض المملكه الغاليه الشباب في مقهى ومعهم فارس ومبسوطين وسوالف ومزح وكل واحد يرمي على الثاني شباب ويمونون على بعض هههههه
فيصل/ هاه فارس ماعندك نية زواج مثل اخونا؟؟
فارس مبتسم/ للحين لا بس اذا لقيت اللي في بالي مافي مانع.
فيصل يمزح/والله مدري عنكم من شفت محمد فكر بالزواج وخالد تزوج قلت يمكن ناوين واحد ورى الثاني.
محمدرافع حاجب / المنسدح مايخلى يااخوي وش حارق رزك غاير مثلاً تبي تتزوج.
فيصل/هههههههههه حلوه بس لاتعيدها.
تركي/ مافيها شي فيصل الزواج نص الدين.
فيصل/اوب اوب اوب هاه تركي لايكون طايح ومحد مسمي عليك.
فارس مبتسم لهبال فيصل/ شوي شوي عليه اكلته.
نايف/ههههههه تركي ماعليك منه .
ابتسم تركي/ ماهمني بس جد اذا حس الانسان انه قادر على المسؤليه ليش لا مافيها شي.
محمد/ عين العقل ماعليك منه كلامك صحيح.
فيصل وهو مبتسم/ ماقلت كلامه غلط انا بس علموني استعد اذا ناوين تتزوجون كلكم لااجلس عزوبي بالحالي.
نايف/ مااقدر انا على الاستعداد تركي اتركه عنك اذا تبي اخطب لك عندي بنت وادري انك بتحطها بعيونك.
فيصل/ افاااااااا وانا انت عمي مثل ماانت عمه اذا ناوي تخطب له.
نايف بمزح/ لاماتصلح بس الا لتركي وش قلت اخطب لك غاده.
الشباب كلهم/هههههههههههههههههههه.
تركي مبتسم/ عمي صدقت واخرتها بتخطب لي اختي.
فارس اول مره يدري ان تركي له اخت غير غلا مع انه يعرفهم من زمان/ ماشاء الله تركي عندك غير غلا.
تركي/ ايه بنت عمتي نوره تصيراختي من الرضاع .
محمد/ من جدك فارس اول مره تدري.
فارس/ لاادري ان غاده بنت عمتك نوره لانها صديقة حلا بس انها اخت تركي جديده علي.
فيصل يناظرمحمد ومبتسم/ الله يصلحك يافارس جبت سيرة المدام وسرح اخوي.
كل الشباب/ههههههههههه.
محمد رفع حاجب وناظر اخوه على جنب وابتسم له وكملوا سوالفهم في سهرتهم الحلوه وبكذا ينتهي الجزء على امل ان نلتقي في الجزء الثامن ان شاء الله..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 09-07-2011, 05:07 PM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


رؤووووووووووووووعة الباااااارت .... أحلى شي ريم و خالد.


تحيااتي
فرفووشية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 09-07-2011, 05:30 PM
صورة شقاوي وكلي حلاوي الرمزية
شقاوي وكلي حلاوي شقاوي وكلي حلاوي غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


مشكور ويعطيك الف عاااااااافيه وكمليه بيز

الرد باقتباس
إضافة رد

تحلا الحياة بقربك ياسيد الإحساس/بقلمي؛كاملة

الوسوم
الحياة , الإحساس , ثيما , بقربك , ياسدي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
وتظل الحياة رائعة A3SH8 3NADY مواضيع عامة - غرام 3 18-03-2012 05:21 AM
الحجاب إيمان طهارة تقوى حياء عفة بنت أبو ظبي مواضيع إسلامية - فقه - عقيدة 27 30-04-2010 12:11 PM
كيف نتجنب فشل الحياة الزوجية ابو شروووق الحياة الزوجية - الحمل - مشاكل الزواج - خاص بالمتزوجين 8 08-01-2009 07:26 PM
الحياة الزوجية حسب الحروف الأبجدية ابو شروووق الحياة الزوجية - الحمل - مشاكل الزواج - خاص بالمتزوجين 16 03-12-2008 08:47 AM
الحياة الزوجية حسب الحروف الأبجدية الصوت الحر الحياة الزوجية - الحمل - مشاكل الزواج - خاص بالمتزوجين 14 20-01-2008 10:51 PM

الساعة الآن +3: 10:14 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1