غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-06-2011, 01:48 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
01302798240 تحلا الحياة بقربك ياسيد الإحساس/بقلمي؛كاملة


السلام عليكم ..

مع بداية اجازة الصيف عندي لكم هدية بسيطة بقلمي المتواضع..

بصراحة استمتعت بكتابتها يمكن لانها تجربتي الاولي, في البدايه ماكنت بنزلها بس بعد ماخلصت اختي

من قرأتها قالت لي: انا عن نفسي احب القصص اللي كذا.

وقررت انزلها لمحبي قصص غرام ..

قصتي ممكن يكون الحزن فيها قليل لانها غالب عليها الطابع العائلي الرومنسي..

ماراح اطول عليكم واتمنى انكم تستمتعون في القراءه بس لاتحرموني من الردود او النقد وراح اقبله

بصدر رحب, اذا شفت ردود تحمسني نزلت كل يوم بارت واذا لا يوم في بارت ويوم لا ..

انتظروني بعد ساعه انزل البارت الاول..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-06-2011, 01:52 AM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


يشرفني اين أكوون أول متاابعة لج و خااصة ان اسم الروااية جذبني و بيني و بينج الرواايات اللي فيها حزن واايد ترفع لي الضغط و السكر و تييب لي شلل تسااعي<<<< شلوون ..مادري. ؛)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-06-2011, 02:58 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


فرفوشيه وانا بعد يشرفني تواجدك ..

وسلامتك الف سلامه وهذا اول بارت لعيونك..

( البارت الاول )

التعريف بالشخصيات :
الجد ابو عبدالعزيز/ كون نفسه بنفسه له شركه كبيره عياله وبعض الشباب يشتغلون فيها حنون وطيب يحب احفاده ويدور رضاهم ولايرفض لهم طلب
وخاصه البنات له قصر بالرياض ومزرعه كبيره فيها مسبح وخيول ودبابات....
الجده ام عبدالعزيز/ مع زوجها من كان عمرها 16 سنه على الحلوه والمره تحب لمة عيالها واحفادها ماتفرق احد عن احد بالغلا.
لهم 4 اولاد و3 بنات وهم بالترتيب :

1/ عبدالعزيز وزوجته منيره ولهم 3 اولاد و3 بنات :
فهد/ 31سنه يشتغل بشركة ارامكوا عايش بالشرقيه بيتوتي (يحب جلسة البيت) متزوج من هيفاء بنت عمته نوره جميله وجسمها ريان طيبه ولهم بنت
اسمها فجر تجنن بسم الله عليها عمرها 9شهور .
خالد/ 28 سنه يشتغل بالشركه يحب الاطفال حنون مرره وسيم طويل وخشمه سلة سيف له غمازات زايده في وسامته مهتم بشكله ولياقته ويحب الكشخه
ويحب شخصيه من الطفوله.
نور/ 25 سنه مدرسة متزوجه وعايشه بجده لها ولد اسمه حمودي عمره 3 سنوات .
فرح/ 22سنه بالجامعه اسم على مسمى تحب المقالب مملوحه لها غمازات وهي تتكلم مبينه شعرها كيرلي وصوتها فيه بحه حلوه.
نوف/ 19سنه بالجامعه تحب الوناسه .
مشاري/ 14سنه هادي.

2/ عبد الرحمن وزوجته ساره ولهم ولدين و3 بنات :
محمد/ 29 سنه يشتغل طبيب اسنان في عيادة عمه نايف جذاب رزه وثقيل بس موغرورملامحه حاده متوسط الطول يعشق الخيول وله خيل خاص بالمزرعه .
فيصل/ 26 سنه يشتغل بالشركه جسمه رياضي سر وسامته في عيونه رايق ويحب المزح.
ريم/ 22سنه بالجامعه هاديه وخجوله بجد جمالها احلى من الوصف شعرها بني فاتح وكثيف وعيونها عسليه تحب الرسم وتخاف من الحيوانات.
رغد/ 19سنه بالجامعه مع بنات عمها في تنفيذ المقالب.
رند/ 13 سنه تشبه اختها ريم ومتعلقه فيها .

3/ العمه نوره زوجها متوفي من زمان ولها بنتين بس :
هيفاء/ 25سنه زوجة فهد.
غاده/ 23 سنه بالجامعه نعومه مررره (بيبي فيس) حساسه شوي ترتاح لتركي وخالها نايف وصديقتها حلا.


4/ العم عبدالله وزوجته هدى(عندها مشكله صحيه بالقلب) ولهم ولد وبنت بس :
تركي/ 23 سنه موظف جديد بالشركه يتحمل المسئوليه تعبت امه في الولاده ورضعته عمته نوره مع غاده(يعني اخو غاده بالرضاعه)
ولاجابت غيره الابعد مده وبعلاج يحب خواته غاده عنده عين وغلا العين الثانيه ولايرفض لهم طلب.
غلا/ 10 سنه دلوعة الكل وتحبهم كلهم بس اخوها غيررررر.

5/ العمه الجوهره ماعندها اولاد زوجها سعود يشتغل بالسفاره السعوديه في لبنان ورافض فكرة الزواج علشان العيال عنده زوجته بالدنيا حنونه وعسل
تحب عيال العائله وهم يحترمونها وأملها بالله كبيرررر.


6/ العم نايف /33 سنه يشتغل طبيب أسنان وله عياده خاصه جنتل وجذاب طويل واكتافه عريضه الكل يحبه ويحترمه وشخصيته حلوه مع الكبير كبير
ومع الصغير ينزل نفسه له , مطلق زوجته ومايحب يتكلم بموضوع الزواج غاده بنت اخته لها غلا خاص في قلبه.

7/ العمه العنود/ 29 سنه حلوه ونعومه اللي يشوفها يعطيها اصغر من عمرها بياضها على وردي متزوجه من وليد حامل ولهم بنت كأنها امها جسمها
صغيرتهبل كلامها اكبر من سنها اسمها الجوري 4 سنوات .

بالقصر اللي جنبهم جارهم ابو فارس صديق للعم عبدالرحمن كان متزوج من لبنانيه الاصل متوفيه وعنده منها ولد وبنت بس :
فارس/ 28سنه صديق محمد من االمتوسط وسيم حنطي وجسمه رياضي وطيب ويحب اخته يشتغل بشركة ابوه.
حلا / 23 سنه بالجامعه شبه امها بشرتها بيضاء وصافيه خشمها صغنون بس حلو وشفايفها مثل التوت وعيونها كبيره ولونها غريب شعرها طويل واشقر .
بعد كم سنه تزوج ابو فارس وزوجته تحب عياله وهم يحترمونها وله منها ولد وبنت :
فهد/ 9سنوات.
حنان/ 4سنوات حلوه اللي يشوفها يحبها .

في قصر الجد يوم الاربعاء الساعه الثامنه صباحاً:
الجد والجده جالسين على الفطور نزل لهم نايف وحب راس امه وابوه .
نايف/ صبحكم الله بالخير.
الجد والجده مع بعض/ صبحك الله بالرضا والكرامه.
نايف / كيف اصبحت يالغالي ؟
الجد/ الحمدلله بخير دام انت واخوانك بخير.
نايف/ الله يخليك لنا. وانتِ يالغاليه كيف اصبحتي؟
الجده/ بخير دام اشوف هالوجه . افطر ياوليدي.
نايف/ والله مااقدر متأخر بس قلت اصبح عليكم قبل لا امشي.
الجده / الله معك وانتبه لنفسك وانا امك.
نايف/ لاتوصين يالغاليه.
الجد/ الولد ابو 33 وانت للحين انتبه لنفسك.
الجده/ والله لو يصير ابو 50 لازم اوصيه لين تجيه اللي في بالي.
نايف تضايق من الموضوع بس ماحب يبين لامه/ انتِ الكل بالكل حتى لو بتجي.
الجده/ بس متى ؟؟
نايف/ الله يسهل اذا عزمت قلت لك يله الحين استأذن اشوفكم على خير.
الجد والجده مع بعض/ في حفظ الرحمن.
بعد ماطلع نايف منهم قال الجد/ الله يهديك انتِ تدرين انه مايحب هالطاري ولا يحب يزعلك.
الجده/ ودي ارتاح واشوف عياله من يضمن عمره ياابو عبدالعزيز.
الجد/ الله يطول بعمرك وتشوفينهم ان شاء الله.
الجده/ امين بس الله يهديه ويختار امهم قبل .
الجد/الله يوفقه ويرزقه بالصالحه من خلقه .
الجده/ ااااامين.

**ملاحظه/ بيت العمه نوره جنب اهلها وبينهم باب.
نايف وهو طالع من المدخل على طلعة غاده للجامعه نواف/ غدو
وفتح لها يدينه غاده رجعت له وضمته وهو حب راسها .
غاده/ هلا خالي غريبه اليوم متأخر.
نايف يمزح معها/ كم مره قلت لك اذا صار مافيه احد لاتقولين لي خالي.
غاده / ههههههه تصدق عاد انسى وبعدين مااقدر.
نايف/ امزح معك وبعدين لو قلتي لي ابوي ماراح ازعل منك.
غاده تضايقت شوي/ الله يخليك .
نايف حس فيها وبيروقها مع انه متأخر / ابي ضحكه حلوه مع بوسه محترمه.
غاده / ههههههههه ابشر ماطلبت بس انا اخاف اتعود وتجي المدام وتغار.
نايف وهو مبتسم/ ليش بتجلسين لي طول العمر بيجيك ان شاء الله اللي يغار عليك انتِ مني .
استحت غاده من كلام خالها ونفذت الطلب ومشوا مع بعض نايف ركب سيارته وغاده طلعت لحلا تنتظرها.

في بيت العم عبدالعزيز الكل طالع لدوامه باقي فرح ونوف...
فرح تحت تنتظر نوف علشان يروحون للجامعه ونوف متأخره راحت فرح وطلبت غرفة نوف وبعد الرنه الثانيه ردت عليها.
فرح/ صاحيه يله تأخرنا.
نوف/ دقايق ونازله.
فرح/ شوفي قدامك 4 دقايق لو تكمل 5 مشيت وخليتك.
نوف/ يله يله انت بكذا تأخريني باي.
فرح/باي.
خلصت نوف قبل المده المحدده هههههه خوفا من تنفيذ فرح لوعدها لانها خبله وتسويها نزلت ولقتها زهقانه من الانتظار شافت فرح نوف واخذت شنطتها
وطلعوا مع بعض.

في بيت العم عبدالرحمن :
راحت رغد لغرفة ريم لقتها لسى نايمه خافت لان ريم ماتخلي الجامعه الا اذا فيها شي وخاصه ان الامتحانات على الابواب.
رغد جلست على السرير جنب ريم بتصحيها لمستها لقتها حاره شوي.
رغد/ ريم.
ريم صحت وهي منهبله/ هلا رغوده.
رغد/ سلامات وش فيك.
ريم/ مدري بس امس مانمت من العطاس وارتفعت حرارتي شوي والحين احسن الحمدلله بس احس جسمي مكسر.
رغد/ امي تدري؟
ريم/ ايه تدري رند مرت علي قبلك وقالت لها وجابت لي عصير ليمون .
رغد/ يله اجل باي وماتشوفين شر .
ريم/ الله معك.

الظهر في بيت العم عبدالله غلا راجعه من المدرسه طبعا مع تركي لانه مايبيها تركب مع السواق بروحها .
غلا دخلت البيت وهي تصوت/ لوسي... لوسي...
جت تركض ونطت في حظنها وبعدها جت الشغاله واخذت شنطتها وطلعتها فوق لغرفتها.
طلعت ام تركي من المطبخ وراحت لها غلا وباستها وتركي حب راسها وجلس يتفرج على مسلسل امه وغلا ويضحك هههههه.
ام تركي/ هلا غلاي ماتقولين ماما على طول لوسي
غلا/ ماما تغارين من لوسي.
ام تركي/ لا ماما بس سلمي وبعدين العبي مع لوسي والحين قومي غسلي يدينك وبدلي ملابسك وتعالي نتغداء.
غلا/ ان شاء الله ماما.
ام تركي/ اخبارك مع الدوام في الشركه.
تركي/ لا الحمدلله كل شي تمام يالغاليه بس اشوفك تغارين من لوسي.
ام تركي/ من جدك انت بس مابيها تتعلق فيها كثير واذا ماتت الله يعين على الصياح.
تركي/ ولايهمك يالغاليه بدال الوحده ثنتين لعيون غلا.
ام تركي/ الله يخليك لها ويستر عليها من هالدلال مايخربها علينا.
تركي/ الله يخليكم لنا انتم بدونكم مانسوى شي ولاتخافين لايق عليها الدلال توصين شي قبل ماانام لي شوي.
ام تركي/ لا ابوي نوم العوافي بس اليوم العشاء في بيت جدك وتعرف جدتك ماتحب احد يغيب .
تركي/ لاتوصين ان شاء الله.

في بيت العم عبدالعزيز جو البنات من الجامعه وسلموا على اهلهم وفرح معصبه على نوف .
فرح/ يبه الله يخليك شوف لي حل مع بنتك البطيئه.
الابو يمزح/ وش الحل اركب لها حجر جديد يعني.
ضحكت فرح وراح التعصيب وقالت وهي تناظر نوف/ تشوفين الليله.
نوف/ ماتقدرين اصلا انا المنفذ.
فرح/ لا اقدر اذا معي رغد .
وهم طالعين على الدرج ويكملون سوالفهم
نوف/ هههههههههه اصلا رغد ماتقدر تخون الصداقه علشانك.
فرح/ نشوف الا على طاري رغد ماشفت ريم بالجامعه .
نوف/ ايه تقول تعبانه.
فرح/ يوووووه الله يعينها جسمها مايتحمل تعب انتِ تشوفينها اذا شرفت الحلوه ثاني يوم لازم تتعب.
نوف/ ايه ادري انا على بالي هي بس تقول لا حراره وعطاس.
وكل هالسوالف قبل كل وحده تدخل غرفتها وكان فيه احد بينزل وسمع سوالفهم بالصدفه وسرح شوي .

**ملاحظه/ فهد عنده اجازه اسبوع وجاي عند اهله.
تحت الكل موجود الا البنات سلم على الكل واخذ فجر من ابوها وجلسها بحضنه وعطاها بوسه ومعها شوي عضه من غلاها
وهي مبسوطه وتضحك قال لها ابوها فجر عطي عمو بوسه من سمعت بوسه وهي ملزقه خشتها الحلوه بخد عمها ..
خالد/ حلوووو تسمي هذي بوسه بنتك يبي لها عوامه .
فهد/ يحصل لك فجر تبوسك.
خالد / بكذا توقفني عند حدي لا والله مايحصل لي.
جاء بيمدها لابوها علشان يطلع يخلص له شغل تعلقت فيه ورفضت وصارت تبكي ضمها وقال تلوموني ليش احبها وصار يبوسها من كل مكان
ورجعت تضحك وجلس شوي علشانها بعدين طلع .

في بيت العم عبدالرحمن رند رجعت من المدرسه وسلمت على اهلها وطلعت لغرفة ريم اختها تتطمن عليها .
ريم/ تعالي رند.
رند وهي مبتسمه/ السلام وبعدين كيف عرفتي انه انا اللي عند الباب؟؟
ريم/ وعليكم السلام اعرف كل شي فيك حتى طقتك للباب.
رند مبتسمه / شكلك الحين احسن من الصباح صح؟
ريم/ايه بكثير الحمدلله.
دخلت عليهم رغد لان الباب كان مفتوح وكانت طفشانه من الحر بعد رجعتها من الجامعه.
رغد/ ايه وش عليك غايبه ومبسوطه.
رند بدفاع عن ريم / حرام عليك تعبانه وشلون تكون مبسوطه.
ريم / الناس تسلم اول.
رغد بطفش/ السلام عليكم ورحمة الله وبركاته فيه شي ثاني.
رند وريم مبتسمين على شكلها / وعليكم السلام ورحمة الله وبركاته.
رغد/ اخبارك الحين؟
ريم/ الحمدلله.
رغد بنظره لرند/ غريبه رحتي المدرسه وريم تعبانه.
رند/ امي ماراح ترضى اني اغيب ورحت بكرامتي.
رغد / اووووه ونعرف الكرامه بعد.
ريم/ ليش وش قالوا لك هذي رند.
رغد/ اقول بروح انام لي شوي كل وحده تدافع عن الثانيه.
رند/ وانا بعد ريم تبين شي .
ريم مبتسمه لاختها / لاحياتي باخذ لي دش ينشطني وانزل تحت .

هنا نتوقف عند نهاية هذا الجزء على امل اللقاء في الجزء الثاني..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-06-2011, 03:38 AM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


مشكووورة حيااتي عالباارت....... بس
الصرااحة لين الحين ما بأن شي من الروااية
يلله يمكن يبين في الباارت آلثااني
انتظرج


ودي

فرفوووشية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-06-2011, 03:42 PM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


(البارت الثاني)


في قصر الجد الساعه 5 العصر صارت تدخل عائله بعد عائله لحد ماتجمعوا كلهم.
الجد/ حيا الله الجميع.
الكل بصوت واحد/الله يحييك ويبقيك .
الجد/ اخليكم اجل انا بطلع اشوف العيال.
فرح/ جدي لاتنسى تكلمهم عن الطلعه للمزرعه بعد الاختبارات كم يوم.
الجد/ ان شاء الله مالكم الا الرضى.
الكل بصوت واحد/ الله يخليك لنا .
الجده/ امي غاده قولي لهم يجيبون القهوه.
غاده/ ان شاء الله.
قامت غاده لانها عطشانه ولاكان طلبت المطبخ وقالت لهم دخلت المطبخ وفتحت الثلاجه بتاخذ لها شي جاء احد من وراها وغمض عيونها .
غاده/ خالي نايف.
لفها الشخص وصارت مقابله له سلم عليها/افااااا ماعرفتيني؟
غاده بمزح/ تلومني تصدق نسيت اشباهك.
تركي/ ادري والله مقصر هالاسبوع كثير بس تدرين موظف جديد.
غاده/ بس وش دعوى ماشفتك لي اسبوع نسيتنا.
تركي/ تدرين انك عين وغلا العين الثانيه من بعد امي وابوي طبعاعلشان ماتشوفون نفسكم علي.
غاده/ ههههههه يحق لنا من قدنا عندنا اخو بالدنيا.
تركي/ لاكذا انا اشوف نفسي عليكم.
غاده/ لا الله يخليك يكفي غيبتك الاسبوع اللي فات .
تركي / وانا اقدر اصلاً كم غدو عندي.
غاده/ تسلم لي.
تركي/ غدو لايكون جد زعلانه علي.
غاده/ لا والله بس من غلاك اتشره عليك.
تركي/ ادري وربي وصدقيني فاقدك.
غاده وهي مبتسمه/ اخر مره طيب.
تركي/ ابشري من عيوني.
غاده/ وش تبي جاي للمطبخ؟
تركي/ متوقع اشوفك قلت اسلم ولا كل شي في المجلس.
غاده/ الله يسلمك مااخذت اخبار الوظيفه منك بس لي جلسه ثانيه معك الحين جدتي تبي القهوه وانا تأخرت عليها.
تركي/ ولايهمك بااي
غاده/ باي.
وقالت غاده للعاملات ياخذون القهوه لجدتها وطلعت معهم والكل مبسوط والسوالف شغاله.
الساعه 6 سمعوا صوت نايف يااااااولد تغطوا حريم اخوانه دخل عليهم باين بوجهه التعب من الشغل .
نايف/ السلام عليكم.
الكل بصوت واحد/ وعليكم السلام .
نايف/ اخباركم؟
الكل رد/ الحمدلله.
نايف/ اشوف البيت زايد نوره .
فرح / اجل عمي نورنا ما طفى الكهرباء مثل مايقولون.
ودخلت الجده وحب راسها وهو واقف.
نايف/ حتى لو يطفيه فيه شمعة الجلاس لاتخافين.
فرح/ اوووه افحمتني مااقدر انا معك حق.
نايف بمزح/ ثاني مره لاتتعدين حدودك .
فرح/ ههههههه ابشر .
يله انا طالع فوق باخذ لي دش سريع وراحت وراه غاده وطقت الباب.
نايف عرف طقتها مميزه وهاديه/ ادخلي غدو.
دخلت ولقته جالس على الكنبه ورافع راسه يريح شوي خافت وراحت تجلس جنبه .
غاده/خالي فيك شي.
نايف/ لا والله بس حبيت اريح شوي.
ارتاحت غاده وابتسمت/ طيب اسوي لك عصير طازج.
نايف / اذا من يدك ماعندي مانع.
غاده/ اكيد من يدي.
نايف باس جبين غاده وقال / تحرجيني بكرمك.
غاده/ مو كرم خدمه وبعدين اذا ماخدمتك من اخدم.
نايف/ تسلمين اخدمك بيوم زواجك ان شاء الله.
غاده انحرجت/ يله انا رايحه اسوي لك العصير خذ دش والحقني.
نايف مبتسم لها/ اوكي دقايق وجايك ان شاء الله.
راحت غاده للمطبخ وسوت له العصير وبعد شوي دخل عليها نايف واخذه منها على دخلت تركي من باب المطبخ الخارجي.
تركي/ ايييييه لنا الله غدو.
غاده/ ههههههههه ولايهمك اعطيك كاس.
نايف/ خير ان شا ءالله لاتكون زوجتك وانا مدري تراها اختك.
تركي/ وانا قلت شي ادري انها اختي بس ليش تعطيك وانا تو داخل حتى مويه مافي.
نايف بمزح/ وانت كل شوي داخل المطبخ ضايع لك شي فيه افرض يااخي فيه احد غيرها .
تركي وهو مبتسم/ خير وبركه.
نايف يرد له الابتسامه/ اقول يله بس تدل الباب.
تركي/ لا انت تعال علمني وينه اخاف تسوي لك عشاء .
غاده وهي تضحك عطت تركي الكاس وقالت/ لاعاد حدي عصير.
نايف مبتسم وهو يحط الكاس/ اقول اذا خلصت تعال اعلمك وين الباب . ومشكوره غدو.
غاده/ ولو ماسويت شي .
خالد كان اخر من حضر وشاف باب النساء مفتوح ودخل معه على اساس مافي احد بس لمح بنت تكلم يعرف الشبه من بين مليون الملامح ماتغيرت
بس صارت انثى بكل ماتعنيه الكلمه محد انتبه له وهو مبسوط من اللي يشوفه من زمااان عنها وهو يدري ان اللي يسويه غلط بس هي له ان شاء الله..
في المجلس الشباب سوالف ولعب ورقه على جنب والشيبان سوالف مع بعض .
الجد/ عيالي ماعند احد نيه يتزوج؟
الكل سكت بس السؤال كان على دخلة خالد للمجلس/ انا ماعندي مشكله ياجدي . وسلم على الكل.
ابو فهد/ انت عزم ولا لك هم.
خالد/ ان شاء الله قريب .
الجد/ الله يقويك وانا جدك يله شد الهمه.
الشباب مع بعض/ اوووووووووه ياخالد حركاااات.
خالد / يله شباب نروح نسلم على جدتي.
فيصل/ هههههههه على بالك تضيع الموضوع بس بما انك ماتلعب كلم لنا احد علشان البنات يطلعون.
خالد وهو يبتسم/ خلاص بشوف.
فرح/ هلا خالد.
خالد/ اهلين فرح ماشاء الله ازعاج.
فرح/ ههههههه طبيعي نقاش حاد.
خالد/ طيب كلكم موجودين؟
فرح بمزح/ لابعضنا اكيد كلنا انت تدري ان جدتي ماتحب احد يغيب ياااحياتي حتى ريم تعبانه وجايه علشان ماتزعل جدتي.
خالد/ ماشاء الله عليها. فرح لو انت تعبانه كنت بتجين؟
فرح بمزح/والله مابعد جربت.
خالد بحنان/ لابسم الله عليك امزح والله .طيب فرح بنجي نسلم على جدتي فضوا لنا الجو شوي.
فرح وهي مبتسمه/ ابشر ماطلبت من زمان انتظر هالفرصه.
خالد/ خيييير وش عندك؟
فرح برجه / هاااه ولا شي اوكي تم يله باي.
طلعوا البنات برا مع باب المطبخ والشباب دخلوا بعد ماكلمت فرح خالد وقالت له انهم طلعوا.
سلموا الشباب على جدتهم وعمتهم وحريم عمانهم وجلسوا شوي معهم واخذتهم السوالف.
البنات برا اللي جالس على الكرسي الهزاز اللي بالحديقه واللي فارش على الثيل وفرح واقفه لتنفيذ الخطه .
كان معها مجسم لفاره رمته بخفه عند نوف وراحت وبعد شوي صرخت فرح/ نوف وراك فاره .
كل الي على الفرشه قاموا على طول بصراخ حرام حتى العنود وهي حامل.
فرح/ ههههههه ليتك تصيرين بالسرعه هذي الصباح.
نوف/ بايخه وبعدين خوفتي عمتي العنود .
فرح بشوي خوف/ اسفه عمه صار لك شي؟
العنود تبي تطمنها/ هههههه لا ان شاء الله .
فرح وهي مبتسمه/ عمتى مافيها شي بس انا عند وعدي.
نوف/ مبسوطه عادي مردوده لك .
الكل ضحك على هبالهم وصادف الشباب طالعين مع الصراخ وعارفين خبال البنات بس فهد كلم على هيفاء يتطمن ويبي بنته..
هيفاء/ هلا فهد.
فهد/ هلا حياتي عندكم صراخ عسى ماشر.
هيفاء/ ههههههه ماتعرف فرح ومقالبها.
فهد وهو مبتسم/ دوووووم هالضحكه يااارب قلبي ارسلي فجر مع غلا.
هيفاء وهي منحرجه/ ابشر بس ترا فيها نوم شوي وارسلها لي.
فهد/ من عيوني بس ازعجهم خالد الا يجربون بوستها.
هيفاء/هههههه ياحلوها.
فهد/ طبيعي من حلاة امها الله يخليكم لي.
هيفاء وجهها صار احمر كأن البنات يسمعون ومنحرجه منهم/ امين ويخليك لنا.
طبعا ماسلمت من تعليق البنات عليها وتبي تضيع الموضوع.
هيفاء وهي منحرجه/ غلا ماعليه حياتي تاخذين فجر لابوها.
غلا/ جد خاله هيفاء عادي اشيلها .
هيفاء/ ايه عادي.
راحت غلا وهي شايله فجر ومعهم الجوري تمشي وصلوا للمجلس وصار الباب مفتوح لان وليد زوج العنود لسى داخل وراحت الجوري لابوها وجلست بحضنه
وكان جنبه نواف وعطاها بوسه وجاهم خالد ولزم ياخذ منها بوسه والبنت مستحيه ولاتركها لحد مااخذ منها بوسه .
فهد/ هلا والله بالحامل والمحمول واللي راح لابوه.
غلا/ ادري ودك تقول بالمحمول بس.
الشباب/هههههههههههههههه.
فهد/ افاااا غلا انا كذا.
غلا وهي مبتسمه/ امزح.
تركي بمزح/ غلا اخر مره تدخلين المجلس خلاص كبرتي.
غلا بزعل/ جد بابا خلاص.
ابو تركي/ لا بابا عادي اذا مافيه احد الحين كلهم عمانك بس اخوك يمزح معك.
اخذ خالد فجر من ابوها وعطاها بوسه وقال/ من يبي يجرب احلى بوسه بالعالم؟
فيصل/ تعال نجرب بس مامعي فلوس.
خالد / ماعليك مع ان فجر غاليه بس اليوم ببلاش .
فهد/هههههه على كيفك بنتي.
راح خالد لفيصل وقال لها عمو عطيه بوسه بس فجر مو رايقه وفيها النوم وماعطت فيصل بوسه.
خالد بمزح/ تصدق يمكن خافت منك ولا انا اليوم مجربها.
فيصل / هههههه اما خافت مني لو بتخاف خافت منك.
خالد/ عمو هاتي بوسه.
بس فجر للحين مو رايقه وبكت واخذها ابوها.
خالد/ شكلها فيها النوم.
فيصل/ الحين صار فيها النوم وتو خايفه مني هااااه.
خالد/ مابيدي حيله ودي انك مجربها بس خيرها بغيرها.
الجوري جالسه بحضن ابوها وتسولف عليه وتعلمه بسالفه فرح وهو جالس يبوسها من رقبتها تذكره بريحة العنود بس لما وصلت لجزء خوف البنات وامها
من الفاره خاف على العنود واخذ جواله وبنته وطلع يكلم برا يبي يتطمن عليها.
العنود/ هلا وليد.
وليد/ هلا عمري تعالي برا ابيك شوي.
العنود/ ان شاء الله .
طلعت له العنود وشافته مع بنته وخافت لان مبين على وجهه ان فيه شي على طول مسك يدها.
وليد/ قلبي صار لك شي؟
العنود ابتسمت / اكيد قالت لك جوجو . وهي تحاول تشيلها.
وليد/ لاتشيلينها صاحيه انت صح خفيفه بس ولو واخذها منها . وقولي لي جد تحسين بشي؟
العنود وهي مبسوطه لخوفه عليها/ لا والله مااحس بشي من جدك انت بسكت لو كنت احس بألم؟؟
وليد بعد ماتطمن عليها /تسوينها علشان ماتضيقين صدر احد.
العنود وهي مبتسمه/ لاتطمن . قلبووو اطلب منك طلب.
وليد/ امر تدلل مالك الا اللي يرضيك قدرك على كل الخلايق تعلى.
العنودوهي مبسوطه/ تسلم لي بس الفيتامين خالص وابي جديد من الصيدليه.
وليد/ ان شاء الله اذا طلعنا.
العنود وهي متوقعه منه الرفض / بس البنات متفقين ينامون هنا اليوم قبل الاختبارات.
وليد بمزح/ اشوفك اخذتي راحتك.
العنود وهي مبتسمه/ اذا ماعندك مانع يعني.
وليد/ قلبي انت قلتي بنفسك البنات يعني مامعهم متزوجات وبعدين ناقص يخوفونك مره ثانيه.
العنود/ ليش فيه فرق البنات عن المتزوجات؟
وليد/ مدري عنك انت اخبر.
العنود استحت/ يعني مافي امل.
وليد/ والله براحتك بس اناماارضى الا اذا تبينهم اكثر مني.
العنود/ههههه من جدك انت بس قلت اسئلك.
وليد/ عنوده انتبهي لنفسك.
العنود/ من عيوني.
وليد/ تسلم لي العيون وراعيتها يله ادخلي لا اتهور وش يفكني من بنتك.
العنود صارت خدودها حمراء/هههههههه يله جوجو.
وليد بمزح/ بعد تضحك الله يصبرني .
بعد ماتعشوا الساعه 12 ونص الكل راح لبيته الا البنات مابعد بدت سهرتهم اخذوا اغراضهم وراحوا لبيت العمه نوره بما انه مافيه احد واحسن بغرفه غاده..

في غرفة فهد وهيفاء فجر نايمه بسريرها ومحمد منسدح على رجل هيفاء تسوي له مساج لراسه فهد اخذ يد هيفاء وطبع عليها بوسه.
فهد/ خلاص حياتي يكفي تعبتك معي.
هيفاء/وش دعوى كذا تزعلني منك.
فهد/وانا اقدر على زعلك بس طمعان في اكثر.
هيفاء فهمت قصده واستحت وفهد عدل نومته على السرير وفتح لها يده علشان تنام بحضنه بالنسبه لهيفاء هذا ادفى حضن وتفقده اذا غاب لو يوم واحد
لانها ماعاشت حنان الابو الكافي لانه متوفي وعمرها 5 سنوات مع ان الكل ماقصر عليهم بس هي لقت حنان الابو في فهد لانه هو ابوها واخوها واحياناً
يصير ولدها فهد ضمها من قلب لقلبه وعطاها بوسه مع راسها وهي ردت له البوسه مع الرقبه وووووونتركهم براحتهم ونروح لأحد ثاني .

في بيت وليد والعنود في الصاله...
الجوري وهي ماسكه يد امها قالت/ بابا البنات ينامون مع البنات .
وليد/ هههههههه اجل امك بنت المشكله حامل بس خلاص ولايهمك بابا.
العنود بمزح/ ليش ماعجبتك؟
وليد / عاجبتني ونص لو ماعجبتيني للحين بنت مع البنات .
العنود فهمت قصده وانحرجت من تعليقه وطلعوا فوق للغرفه وراحت الجوري معهم تنتظر امها تبدل ملابسها علشان تروح تنومها.
كانت الجوري بحضن ابوها على الكنب قدام التلفزيون طلعت عليهم العنود من غرفة الملابس بقميص نوم فوق الركبه مع روبه
لونه بنفسجي نعوووم وطالعه كيوت . ركضت لها الجوري من حضن ابوها ونطت لامها تبيها تشيلها.
وليد/بابا شوي شوي ماما فيها نونو.
الجوري وهي تناظر امها/ صدق ماما؟
العنود/ ايه ماما صدق.
الجوري/ يعني يصير عندنا نونو مثل فجر؟؟؟
وليد بمزح/ الله يالكبيره ان شاء الله بابا يله روحوا ناموا يااااااابنات.
وغمز للعنود وابتسمت وراحوا لغرفة الجوري اللي بنفس غرفتهم بس فيه بينهم باب جلست معها نص ساعه لحد مانامت.
رجعت لغرفتهم وحصلت النور طافي الا ابجوره عند راسها شالت روبها وحطته على الكنبه ودخلت تحت المفرش بهدوء علشان ماتزعج وليد على بالها نايم
ونامت هي على جنب وظهرها له ثواني ومسكها من خصرها وقربها له بنعومه التفتت العنود وصارت مقابله له.
طبع وليد بوسه على خشمها وردت له البوسه وقالت/ على بالي نايم؟؟؟
وليد وهو مبتسم/ وين انام وانا شايفك قبل لاتطلعين وبعدين بكره خميس.
العنود انحرجت ولا علقت على كلامه دايم يخونها التعبير....
وليد بجد/عنوده قلبي كم مره احذرك من انك تشيلين جوجو.
العنود/انت تدري مااقدر اردها.
وليد/ قلبي بس مو على حساب نفسك.
العنود وهي مبتسمه الابتسامه اللي تعذب وليد/ ابشر ولايهمك .كم وليد عندي؟؟؟
وليد غمض عيونه واخذ نفس طووويل ووووونتركهم ياخذون راحتهم.....

عند البنات ماطولوا بالسهره تفرجوا على فلم محملته غاده وبعد صلاة الفجر ناموا لانهم اتفقوا يفطرون بكره براااا.
الصباح البنات اخذوا الاذن من اهلهم وكلموا حلا وقالوا لها تطلع معاهم اخذت الاذن من ابوها وطلعوا يفطرون في مقهى .
بعد ماافطروا راحت ريم وغاده وحلا يغسلون وهم راجعين شافت ريم اخوها محمد واستأذنت من البنات وراحت له
محمد انهبل من جراءة البنت جايه لحد عنده ونزل هو عيونه ...
ريم/ هههههههه محمد ماعرفتني؟
محمد وهو مبتسم/ ريم وش عندك ؟
ريم/ ابد انا والبنات نفطر هنا .
محمد/ السواق معكم؟
ريم/ لا راح وقلنا نكلمك اذا خلصنا .
محمد/ لا مايحتاج يله انا طالع تعالوا معي.
ريم/ اوكي بشوف البنات.
راحت ريم للبنات وقالت لهم عن محمد كلهم ماعندهم مانع الاحلا عارضت ماحبت تروح معه وبغت تكلم سواقهم بس البنات قالوا لها ماراح يميزك من بينا
لانه مايدري من جاي معنا وركبت .
البنات الا هي طبعاً لانها مستحيه/ السلام عليكم.
محمد وهو مبتسم لانهم بحسبة خواته كلهم / وعليكم السلام.
وصلهم لبيت عمته نوره وجد ما لاحظ ان فيه احد غريب بس حلا لانها مستحيه فتحت الباب قبل لايوقف تمام تبي تنزل بسرعه.
محمد التفت يناظرها على باله وحده من خواته ولا بنات عمه / شوي شوي مابعد وقفت السياره.
حلا من الربكه رفعت عيونها ثواني ونزلت بسرعه بدون رد طبعا بس مااقولكم عن صدمة محمد بلون العيون .
ريم بهدوء قبل لاتنزل/ محمد مشكورماقصرت ههههه مع ان حلا عصبت علي يوم قلت محمد هنا ويقول برجعكم معي.
محمد / وش دعوى. وبعدين من حلا؟؟
ريم/ اخت فارس .
محمد سرحاااان وخطر في باله شي لازم ينفذه قبل لايفوت الفوت .
ريم/ اوكي باي.
محمد/ الله معك .ريم قولي لها محمد يقول اسف على بالي وحده منكم.
ريم/ ولايهمك عسل البنت ماراح تتضايق.
بعد مانزلت ريم راحت لحلا علشان توصل لها اللي قاله لها محمد..
ريم/ حلا محمد يقولك اسف على باله انك رغد.
حلا مبتسمه/ لاعادي ماصار شي انا الغلطانه بس والله من الاحراج بنزل بسرعه.
ريم ترد الابتسامه لحلا / قلت لك ماراح يميزك من بيننا بس انت علمتي على نفسك.
حلا انحرجت لما تذكرت الموقف /ههههههههههه.
جلسوا البنات مع بعض في بيت العمه نوره سوالف ومزح لحد العصر كل وحده راحت لبيتهم علشان الاختبارات باقي لها اسبوع.

وهنا ينتهي هذا البارت ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-06-2011, 04:44 PM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


البااااارت رؤووعة
خطيرررررررررة ....متى الباارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 28-06-2011, 05:14 PM
صورة احساسي هو ناسي الرمزية
احساسي هو ناسي احساسي هو ناسي غير متصل
©؛°¨غرامي مشارك¨°؛©
 
الافتراضي رد: تحلا الحياة بقربك ياسيد الإحساس


روووووووعه
متابعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 29-06-2011, 06:02 PM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


فرفوشية & احساسي هو ناسي

اشكركم على المتابعه واليوم ان شاء الله الساعه 2ص راح انزل البارت الثالث..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-06-2011, 02:05 AM
صورة Remee الرمزية
Remee Remee غير متصل
©؛°¨غرامي جديد¨°؛©
 
الافتراضي رد: تحلا الحياة بقربك ياسيد الإحساس


(الجزء الثالث)

بدء الاستعداد للاختبارات والكل متحمس اللي يجمع مذكرات واللي يذاكر واللي يراجع لان الجامعه باقي اسبوع وتبدى اختباراتهم.
في هالفتره خالد كلم امه وابوه بموضوع زواجه وامه انبسطت...
ام فهد مبسوطه لولدها / هذي الساعه المباركه وانا امك عندك احد في بالك ولا من بكره اكلم اختك نور ونشوف من سعيده الحظ.
خالد/ههههههه لا يالغاليه انا والله اللي سعيد حظ لاني ابي ريم بنت عمي عبدالرحمن.
ام فهد/ الله يبشرك بخير والله اني ارتاح لها وكنت حاطه العين عليها.
ابو فهد وهو مبتسم/ اجل الحمدلله اذا كذا ماعلي الا اكلم عمك ونشوف ان شاء الله.
خالد قام وحب راس ابوه وامه وقال/ الله يخليكم لي بس يالغالي ياليت لو تصبرشوي لان ريم اختباراتها قريبه ولا ابي نشغلها هالفتره.
ام فهد بمزح/اوووووه من الحين نخاف عليها. الله يوفقك ياوليدي ويسمعك اللي يسرك.
ابتسم خالد وقال/ ااااامين بس انت تدرين يالغاليه الموضوع مو سهل ويبي له تفكير واستخاره هذي حياة مو يوم وينتهي.
ابو فهد وهو مبسوط بولده/ عين العقل وانا ابوك بس انا بكلم عمك واقوله مايفاتحها بالموضوع الا بعد ماتخلص اختبارات.
خالد مبسوط لا نه يشوف ابوه وامه متحمسين للموضوع ومبسوطين فيه قال/ على راحتك يالغالي.

وتمر الايام والكل مشغول في الاختبارات الا بيت واااحد الله يهنيهم...
في بيت وليد والعنود الساعه 11 الجوري نايمه لها نص ساعه والعنود حاطه مكياج خفيف وتاركه شعرها عل طبيعته بعد الدش ولابسه فستان روووعه
طالع عليها جناااان مع الحمل تنتظر وليد لان اليوم ذكرى زواجهم .
في الصاله على الطاوله مفرش احمروذهبي وشموع وورد طبيعي وكاسات عصير مع كيكه من القباني صغيره على قدهم وجنبها هديه مغلفه لوليد.
دخل وليد ومعه كيسه صغيره لانه يعرف مستحيل العنود تنسى مثل هاليوم البيت هادي وتوجه للصاله وشاف اللي كان متوقعه.
حط الهديه وطلعت له العنود من المطبخ وليد رفع حواجبه لانها كل يوم تزيد حلا مع الحمل وراح لها ومسك وجهها بين يدينه وعطاها بوسه بين عيونها ..
وليد مبتسم/ كل عام وانت بخير ياحلوه.
العنود وهي تطبع بوسه ولا احلى على خده اليمين وليد يأشر على الخد الثاني ويقول/ وهذا حرام بعدين يزعل..
العنود نفذت طلبه /ههههههه وانت بخير حياتي.
مسكته من يده واخذته وجلسوا جنب بعض قدام الطاوله وهو ماشال عينه عن العنودلانها جد جد جد طالعه شي.
قطعت من الكيكه بصحن صغير واخذت قطعه صغيره بالشوكه ومدت يدها لوليد.
وليد وهو مبسوط/ اممممممممم احلى شي اكلته بحياتي.
العنود /ههههههه يابكاش ويوم الملكه والزواج وكل ذكرى زواج كنت تقول احلى شي اكلته بحياتي.
وليد/ههههههه يعني افهميها اللي من يدك عسل ولو يكون دايم ماعندي مانع.
العنود وهي مبتسمه مسكت وليد من خده وقالت/ ياحلووو اخو جوجو.
وليد وهو يضحك قال بمزح/ لا والله احمد ربي الف مره اني ابوها ولاكان الحين انا مثل اختي نايم فوق وانت جالسه مع ابوي.
العنود/ههههههههههه وش هالافكار وشلون جبتها .
وليد اخذها بحضنه وقال/ مجنون فيك وماني بعاقل .... خل العقل للي يلوموني
نعم احبك وانت تستاهل .... فيك انت ماسمع لو يعذلوني
العنود نشف ريقها مثل ماقلت لكم يخونها التعبير اخذت العصير وشربت منه وجت بترجعه واخذه منها وليد ..
وليد وهو مبتسم شرب من نفس مكانها اللي شربت منه وقال/ اكيد هذا احلى من عصيري.
العنود/ههههههههه حلالك العصير وصاحبة العصير.
وليد/ خفي علي شوي.
اخذت العنود الهديه وعطتها وليد يفتحها وصارت ساعه جلد اسود حلوووه وفخمه .
اخذ هو هديته لها وفتحتها العنود وصارت خاتم الماس رووووعه اعجبهاااا مررره اخذه وليد من العلبه ولبسه العنود وطبع بوسه
على يدها وهي بدورها ضمته من قلب ونزلت دمعه منها لاتلومونها حامل تصير حساسه بزياده رفعها وليد عن صدره وشاف دموعها
ومسحها بيده..
وليد / يالبى الدموع .
ابتسمت العنود هي وخشمها الاحمر وضاعت علوم وليد جد وشالها وطلعوا فوق يكملون سهرتهم .. نتركهم براحتهم مجبر اخاك لابطل .

خلال هالايام كلم العم عبدالعزيز العم عبدالرحمن بوجود الجد عن موضوع خالد وريم ورحب العم عبدالرحمن بالفكره وقال الراي الاول والاخير لريم بس
تخلص من اختبارها نشوف وش رايها. والجد مبسوط بالخبر.
ومحمد كلم ابوه بموضوع زواجه من حلا بس علشان يكلم ابوها لان الزواج مو الحين بس يخاف تروح عليه نقدر نقول حب من اول نظررره هههههههه..
ابو محمد/ والله ياولدي ابوها واخوها والنعم فيهم بس البنت مااعرفها.
محمد/ اترك هالموضوع على امي تسئل خواتي وغاده لانها صديقتها .
ابو محمد/ يصير خير الود ودي انها غاده نفسها مو صديقاتها.
محمد بثقه من قراره/ يالغالي الله يخليك لي غاده وحده من خواتي وبيجيها نصيبها ان شاء الله تستاهل كل خير.
ابو محمد/ الله يقدم اللي فيه الخير.
محمد/امين بس لاتنسى تكلم امي بالموضوع واذا مافيه مانع كلم انت ابوها واذا وافق مابي الزواج الحين .
ابو محمد/ ان شاء الله ولايصير خاطرك الا طيب وانا ابوك.
محمد حب راس ابوه وقال/ الله يخليك انت والوالده تاج على روسنا.
ابو محمد برضى/ اااامين ويخليكم لنا.
كلم ابو محمد ام محمد بالموضوع بالبدايه عارضت الفكره لانها تمنت غاده له مو صديقتها نفس تفكير زوجها بس قالها ان محمد يقول ان غاده وحده من
خواته وانه رجال وهو حر في اختياره.
ام محمد/ الله يكتب الي فيه خير وصالح له ولها.
ابو محمد/ امين بس انت اسئلي خواته عنها علشان اكلم ابوها بالموضوع .
ام محمد/ان شاء الله بس وش عنده مايبي الزواج الحين.
ابو محمد/ مدري عنه براحته بس يقول ابي خطبه اخاف تروح البنت.
ام محمد/ الله يوفقه ويرزقه بالذريه الصالحه منها ولا من غيرها.
ابومحمد/ امين.


انتهى هالشهر على خير وخلصت الاختبارات والكل مبسوط في بداية الاجازه...

في بيت العم عبدالرحمن في غرفة ريم بعد ماخلصت من الاختبارات واخذت لها يوم راحه جالسه ترتب اغراضها طق باب غرفتها..
ريم/ ادخل.
ابو محمد وام محمد/ السلام عليكم.
ريم وهي مبسوطه/ وعليكم السلام اكيد بيجي مطر اليوم امي وابوي مره وحده بغرفتي.
ابو محمد وهو مبتسم/ الله كريم وانا ابوك بس جيناك لان عندنا موضوعين بنكلمك فيهم.
ريم حست ان الموضوع جد قالت/ وانا تحت امركم.
ام محمد/ يمه ريم اخوك محمد يبي يخطب حلا بنت ابو فارس وانا صح شفتها كم مره بس والله مااعرفها زين .
ريم بعد ماارتاحت ابتسمت وقالت/ يمه يبه اذا محمد هو اللي مكلمكم بالموضوع لاتروح عليكم البنت لانها عسل بصراحه.
ابو محمد/ يعني تشوفينها مناسبه لأخوك؟
ريم/ اول شي هو اللي يشوفها مناسبه له وثاني شي اذا على البنت تعرفون اخلاق غاده هي نسخه منها.
ام محمد وهي مبسوطه/ صحيح وانا امك؟
ريم بجد/ اي والله يمه تقولين تؤم بالتصرفات والاخلاق.
ابو محمد/ الله يبشرك بخير وانا ابوك. هذا موضوع وخلصنا منه نجي للثاني.
ريم وهي مبتسمه لابوها / اذا سهل مثل هذا الموضوع هاته.
ام محمد/ هذا الموضوع يخصك انت. خالد ولد عمك خاطبك من ابوك بس الراي الاول والاخير لك.
ريم وهي منصدمه من الخبر/هااه.
ابومحمد مبتسم لبنته/ من قال هاه سمع وانا ابوك وهذا شي مو سهل هذي حياة كامله ان شاء الله فكري واستخيري ماخاب من استخار ولاتردين علينا
الا وانت متأكده ومرتاحه لانه يبي الملكه قبل سفره لبنان.
بدت دموع ريم تنزل ماتدري ليش وطلع ابوها وتركها مع امها على راحتهم.
ام محمد وهي ضامه بنتها/ ليش يمه الدموع.
ريم/ مدري بس حتى لو وافقت بدري الملكه.
ام محمد مبتسمه لردة فعل بنتها / هذا ولد عمك وانت عارفته احسن من واحد ماتعرفينه وخير البر عاجله بس مثل ماقالك ابوك فكري واستخيري.
ريم حبت راس امها/ ان شاء الله يمه.
طلعت ام محمد وريم للحين ضايعه مدت جسمها على السرير تفكر وبعدين قامت لمرسمها اللي تبع غرفتها واخذت الالون وبدت ترسم. طق الباب ودخلت رغد.
رغد/ ريم ترسم اكيد مبسوطه ولا زعلانه او فيه شي شاغل بالها.
بس ريم ماردت عليها لانها سرحانه شوي.
رغد/ رررررريم وش فيك؟؟
ريم/ ماعليه رغد ماسمعتك بس بالي مشغول شوي.
رغد/ ادري من شفتك ترسمين وش عندك؟؟
ريم حطت الالون ودمعت عيونها وضمت اختها وقالت/ رغد خالد خطبني.
رغد / هههههه وهذا خبر يبكي ريم نسيتي يوم كنا صغار كيف كان يدلعك من بينا لو قلتي اللي خاطبك غيره يحق لك تبكين.
ريم/ مدري محتاره؟؟؟
رغد/ مافيها محتاره ريم مو انا اللي اقولك صلي استخاره وشوفي.
ريم براحه/ ادري رغد الله يكتب اللي فيه الخير.
رغد بمزح/ والله وكبرنا هههههه يله اخليك تاخذين راحتك وتفكرين.
ريم وهي مبتسمه لاختها/ شكرا رغوده.
رغد/ ولوووو ماسويت شي.
نترك ريم بغرفتها تفكر ونروح تحت بالصاله عند محمد وابوه.
محمد/ يبه كلمت عمي ابو فارس عن الموضوع.
ابو محمد/ لا والله وانا ابوك لان جدك قالي اعزمه هو وعياله يوم بالمزرعه واخاف اكلمه ولايطلعون عياله اذا جينا ان شاء الله كلمته.
محمد/ ان شاء الله.
في بيت وليد والعنود تحت بالصاله وليد هاليومين الشغل ضغط عليه وكان معه اوراق بالبيت وجالس يشتغل على اللاب والجوري ماسكه معها صياح من قلب
الا تبي تروح لمزرعة جدو على قولتها لانها سمعت ابوها يقول للعنود ان ابوها مكلمه يعزمه يقول بيطلعون نهاية هالاسبوع للمزرعه وهي على بالها اليوم.
وليد بصوت عالي / بابا بس.
وكمل وهو معصب وقال/ العنود خوذي بنتك واطلعوا فوق شوي ولا شلت اغراضي ورحت انا للغرفه .
العنود منصدمه من تعصيبه على الجوري اخذت البنت ولا قالت ولاكلمه وطلعت فوق نومت بنتها وراحت هي تنام لانها مستحيل تنزل له بعد هالتعصيبه ..
خلص وليد شغله بعد وقت طويل وهو تعبان وطلع فوق ولقى الغرفه هدوووء شافها نايمه ونام بعد هو(وهي اصلاً مانامت بس تسوي نفسها نايمه).
اليوم الثاني الساعه 8 الصباح صحى مالقاها جنبه واخذ دش ولبس ونزل وطلعت له العنود من المطبخ بكوب نسكافيه له..
وليد/ صباح الخير.
العنود/ صباح النور. وليد اذا رحنا للمزرعه بنام هناك.
بالعاده تاخذ رايه وهي تدري ان جوابه الرفض بس هالمره غير..
وليد مستغرب / يعني تعطيني خبر مقرره وخالصه..
العنود وهي متضايقه/ مو عن مقرره وخالصه بس انت صاير ماتتحمل حتى جوجو امس عصبت عليها.
وليد عقد حواجبه/ العنود علشان عصبت على جوجو صرت مااتحمل والله اللي صاير مايتحمل غيري بس عاذره وعلى العموم النوم بدري عليه ويصير خير..
العنود وهي متضايقه من نفسها ومن وليد ومن كل شي/ ابي ارتاح ويمكن اذا نمنا هناك ترتاح انت شوي.
وليد وهو جد متضايق من كلامها / اذا تشوفين ان نومكم بعيد عني راحه لي سوي اللي يريحك اهم شي راحتك.
خلص وليد كلامه وطلع لانه مايبي يكبر السالفه ويضايق العنود اكثر.

بعد يومين ريم ردت على ابوها بالموافقه بعد ماصلت استخاره وابوها كلم عمها وقاله ان ريم موافقه والكل مبسوط بهذا الخبر السعيد..
اليوم الاربعاء والكل متحمس لطلعه المزرعه لانهم بيجلسون فيها 3 ايام والبنات من الصباح وهم في بنده يجمعون لهم حركااااات لزوم السهر..
الساعه 5 العصرالكل متواجد بالمزرعه الا وليد والعنود مابعد وصلوا والعنود كل هاليومين مو العنود اللي يعرفها وليد..
في السياره الهدوءء غير طبيعي بين وليد والعنود والجوري وشغالتها مبسوطين بطلعة المزرعه ..
الجوري/ الله بابا وصلنا لمزرعة جدو.
وليد وهو متضايق من حال العنود/ ايه بابا يله انزلي.
وقبل لاتنزل العنود مسك يدها وليد وهي منزله عيونها..
وليد/ اللي عصبت عليها مثل ماتقولين وانت تدرين بغلاها عندي نست ومبسوطه بطلعة المزرعه وانت للحين متضايقه ومضيقه صدري معك
المهم اذا حسيتي انك مرتاحه كلميني لاني لازم ارجع الليله عندي شغل ضروري. خلص كلامه وترك يدها وهي نزلت من السياره بدون ماترد عليه.

نجي لوصف المزرعه جايه 3 اقسام تصميمها رائع وفخم بالوسط جاي دور واحد مجلسين كبار وبينهم صاله طعام للعزايم ومن يمينها دورين للنساء
ويسارها دورين للرجال وفيه نافوره قدام المجالس يعني بالوسط واغلب المزرعه مزروعه ثيل وفيها العاب للاطفال على جنب والدبابات واسطبل الخيول
من الجهه الثانيه جهة التراب ..
اليوم الاول فارشين برا وكانوا مبسوطين قهوه وشاهي والبنات ماخذين راحتهم بالدبابات لان بكره عزيمة ابو فارس..
الساعه11 الرجال بعد برا بعيد عن الحريم اكيد اللي يلعب ورقه واللي يسولف واللي يشوي كان خالد وفيصل ..
كلم خالد فرح وقال خلي احد يجي ياخذ الشوي حقكم وسئلته فرح من اللي يشوي قال انا وفيصل وارسلت فرح وحده من الخدم..
جلسوا الحريم يتعشون والكل يمدح بالشوي وفرح تشوف ريم اغلب الوقت تسرح..
فرح بمزح وهي تضرب ركبة ريم قالت/ اكيد حلو الشوي لان خالد اللي مسويه.
الكل ضحك على تعليق فرح وانها نغزه لريم لانهم شافوها وهي تضرب ركبتها..
ريم انحرجت مرررررره من تعليقها بس ابتسمت..
بعد ماتعشوا بساعتين الكل راح يريح الاالبنات بيكملون سهرتهم برا بالجو الحلووو ونوف كانت متفقه مع رغد على انهم يدفون فرح بالبركه حقت السباحه
راحوا يتمشون ولما جو جنب البركه غمزت نوف لرغد ونفذوا الخطه طشششششششش طبعا طلعت فرح ورمت نوف ورغد وكملوا سباحه شوي وطلعوا.
العنود سهرانه معاهم مره تنبسط وتنسى ومره تسرح ويضيق صدرها ارسل لها وليد يوم جاء يمشي رساله (العنود انا ماشي توصين شي)
ردت عليه العنود برساله (لا سلامتك) استغرب وليد من ردها مو من عوايدها وهو ماعارض نومتها بالمزرعه بالعكس اريح لها من الروحه والرجعه
لانها حامل وكانت في بدايته واذا ارهقت نفسها جاء معها نزيف خفيف وهو بيرجع ان شاء الله بكره لعزيمة عمه لابو فارس وخايف عليها من المشوار
بس قدر ظروفها وتركها براحتها , البنات صلوا الفجر وصحوا الحريم الكبار وكل وحده راحت تنام...
يوم جديد بالمزرعه الكل صاحي الاالبنات ماصحوا الا الساعه 2الظهر ونزلوا تحت وقبل العصر الكل طلع يلبس علشان عزيمة ابو فارس..
وصلوا بيت ابو فارس والكل في استقبالهم بحراره واكثرهم غاده وام محمد ههههههههه..
انبسطوا مع بعض وسوالف حريم مثلكم عارف وقهوه وشاهي..
البنات طلعوا مع حلا ومشوها بالمزرعه واعجبتها مرررره وخاصه اسطبل الخيول لانها تحب الخيول وتتمنى تركبهم..
حلا / عادي ندخل هنا.
ريم/ اكيد عادي بس انا مااحب ريحتهم.
فرح بمزح/ قولي ااخاف وارتاحي.
ريم/ههههه عادي اخاف بس جد مااحب ريحتهم.
غاده وهي مبتسمه/ يله حلا تبين ندخل تعاالي..
فرح/ حلا كلهم عادي تلمسينهم الا هذا وتأشر عليه بأصبعها ممنوع اللمس.
حلا / حرام عليك حلو لونه ليش مو عادي المسه.
رغد وهي تعرف اللي بتقوله فرح وبمزح تقلد صوتها/ لانه ثقيل مثل صاحبه ولايتقبل الكل.
البنات/هههههههههه.
حلا ماتدري وش يتكلمون عنه بس حبت شكله ولونه وراحت له ولمسته من رقبته ..
استغربوا البنات من خيل محمد انه تقبل حلا وبعد ماطلعوا قالوا لريم السالفه وابتسمت لان محد يدري بموضوع محمد للحين وحبت تنقل له الخبر..
دخلوا البنات بعد ماتمشوا بالمزرعه وهي جلست على الكرسي برا تبي تكلم محمد..
محمد بالمجلس يسولف واللي جنبه خالد شاف جوال محمد منور لانه على الصامت ومكتوب الرسامه وقال/ محمد جوالك.
محمد وهو مبتسم لخالد/ هلا.
ريم/ هلا محمد ادري مشغول بس ماقدرت اصبر وقالت له سالفة حلا.
محمد وهو مبسوط/ حلو نقول بشارة خير.
ريم وهي مبسوطه لاخوها/ هههههه ان شاء الله.
سكر محمد من ريم..
خالد يمزح بصوت واطي/ اعترف من اللي تكلمك ولاراح اعلم احد على بالك كلمة سر الرسامه .
محمد يناظره على جنب/ اسكت لااحطها الخوافه اجل كلهم داخلين الاسطبل الاهي خايفه..
خالد عقد حواجبه/ من تقصد؟؟
محمد مبتسم/ اقصد ريم.
ابتسم خالد/ لااجل خلنا على الرسامه احسن , وهي مبسوطه مكلمه تبشرك انها خايفه ولادخلت.
محمد مبتسم / مالك شغل انت .
خالد رد له الابتسامه/ ان شاء الله طال عمرك.
انبسطوا بالسهره والساعه 1 ابو فارس طلع بعد مااخذ منهم وعد يزورونه بمزرعته وحتى ام فهد (زوجة ابو فارس) لزمت على الحريم يردون لها الزياره.
الكبار دخلوا ينامون والبنات مثل العاده بيكملون السهره برا , العنود شوي واخذت بنتها واستـأذنت منهم لانها متضايقه اليوم ولاتبي البنات يلاحظون
نامت بنتها وهي تفكر في وليد حتى رساله اليوم ماارسل يوم مشى من المزرعه وهو يبيها ترتاح مثل ماقالت...
ضمت بنتها لصدرها ونور جوالها برساله لانه على الصامت من وليد محتواهاااااا...

ياحظ عينك تنام الليل مرتاحه
ماكنها اللي خذت ممساي من عيني
ماكنها اللي خذت من قلبي الراحه
من يوم شفتك نوت بالحيل تشقيني
برساله وليد للعنود كمل الناقص وضمت بنتها بقوه وجلست تبكي..

هنا ينتهي هذا الجزء..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-07-2011, 08:46 PM
صورة فرفوشية الرمزية
فرفوشية فرفوشية غير متصل
©؛°¨غرامي فعال ¨°؛©
 
الافتراضي رد: تحلا الحياة بقربك ياسيد الإحساس


يسلموووو غالباارت

الرد باقتباس
إضافة رد

تحلا الحياة بقربك ياسيد الإحساس/بقلمي؛كاملة

الوسوم
الحياة , الإحساس , ثيما , بقربك , ياسدي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
وتظل الحياة رائعة A3SH8 3NADY مواضيع عامة - غرام 3 18-03-2012 05:21 AM
الحجاب إيمان طهارة تقوى حياء عفة بنت أبو ظبي مواضيع إسلامية - فقه - عقيدة 27 30-04-2010 12:11 PM
كيف نتجنب فشل الحياة الزوجية ابو شروووق الحياة الزوجية - الحمل - مشاكل الزواج - خاص بالمتزوجين 8 08-01-2009 07:26 PM
الحياة الزوجية حسب الحروف الأبجدية ابو شروووق الحياة الزوجية - الحمل - مشاكل الزواج - خاص بالمتزوجين 16 03-12-2008 08:47 AM
الحياة الزوجية حسب الحروف الأبجدية الصوت الحر الحياة الزوجية - الحمل - مشاكل الزواج - خاص بالمتزوجين 14 20-01-2008 10:51 PM

الساعة الآن +3: 10:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1