غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-06-2011, 09:33 PM
الدمعه الحزينه .. الدمعه الحزينه .. غير متصل
©؛°¨غرامي جديد¨°؛©
 
الافتراضي غيمه سوده فرقتنه مافكرت تجمعنه / بقلمي


بسم الله الرحمين الرحيم
غيمه سوده فرقتنه مافكرت تجمعنه
اول قصه لي بقلمي وحبيت اطرحها بين ايديكم
واتمنى تنال اعجابكم
البارت الاول::
اسمي هيام وعمري 19 سنه اعيش مع يدتي من كان عمري 9 سنين ماما ماعرف وينهي وبابا متوفي .
ترك لي ابوي ثروات كبيره من شركات واراضي بداخل الديره وخارجها والي يدير املاكي وحلالي عمي سعيد لي ماخلص دراستي الجامعيه انا سنه اولى جامعه .

ادور عن ماما من كان عمري 16 سنه وماعرف وينهي لي حد الحين وليش خلتني مع بابا وراحت ولا احد عارف اي شي عنها ولا احد عارف قصتها الا بابا. بس الي اعرفه أن امي ألمانية .

بس بابا قبل لا يموت ماقال حق احد اي معلومة عن أمي وانا كنت صغيره مافهم اي شي
بس الي كانو يقولونه لي انه ماما مسافره وراح ترجع قريب ويوم كبرت فهموني انه ماما ربتني لي عمري4سنين وراحت بس وين راحت الله اعلم
يدتي عايشه معاي في بيتي وعمي بعد عايش معانا مع مرته واعياله
اعرفكم ع يدتي :
مره كبيره في السن عمرها 60 سنه صايدها شلل وماتقدر تتحرك بس تقدر تتكلم وايد احبها ودنيتي بدونها ماسوى ولا شي .

عمي سعيد
عمره 48 سنه متزوج وعنده 3 اعيال
بنتين وولد منار ومنيره وممحمد
منار: عمرها من عمري وتدرس معاي واهي وايد قريبه مني وتوام روحي وايد احبها وتفهمني من عيوني اقولها كل شي وتقولي كل شي ماخش عنها ولا شي ومانتفارق عن بعض
اما منيره
منيره :عمرها 17 سنه مثل اختي بس علاقتي فيها سطحيه جداً ومادري ليش دايم تصير لي معاها مواقف مو حلوة وتتهاوش معاي ع اتفه الاسباب
محمد: عمره 25 سنه شاب حبوب يحب الحياه مرح يحب يبط جبدي ويسوي لي حركات تبط جبدي وانا بعد ماقصر فيه ، وهو يشتغل ضاابط في الجيش

هاااذي كانت مقدمة بسيطة عني وعن عائلتي
أترككم ألحين يا حلوات مع احداث روايتي----------
اليوم يوم الجمعه يوم الاجازه يوم الهياته بالنسبه لي انااومنار
الساعه 10 الصبح

منار: هيااااااااااااااااااااامووووو قومي بسج ارقااااد قومي كلولوولوش الف صلاة والسلام عليك ياحبيب الله محمد مبروك مبروك ياهيااام عاشت عاشت بنت العم كبرتي والله

قمت من النوم مفزوعه من حجي منار وكان ويهي ولا اروع من النوم منفخ وشعري ع ويهي وخدي محمر وقمت وقلت لها بصدمه
هيام : شنو شصاااااااير شتقولين انتي
منار :هههههههههههههه ويهج ماله حل ويع لا احد يجوفج جذي يخترع
هيام : جب انا طول عمري جميله واينن
منار : عدااااااااااااااااااااااااااااال لايطيح نصج اختي بس
هيام : انزين منارو شصاير
منار : مو صاير شي بس ابيج تقومين بسج نوم بنت عمي اليوم الويكند ولازم مانضيع ولا دقيقه من الويكند باجر بدفنين روحج بين الكتب يزعم شاطره
يلا يلا قومي

هيام : مناااااااارو حراام عليج وقفتي قلبي احد يقعد جذي
منارو : ههههههههههه يلا انطرج بالحديقه قومي
راحت منار واهي تضحك ع هيام وشكلها وحجيها وبرائتها

قامت هيام وقالت حق الخدم يجهزون لها الحمام عشان تتسبح وبعد ربع ساعه من التجهيز راحت هيام بخطوات هادئه الحمام وحطت الموسيقى الي تحبها وقعدت في الجاكوزي
::::::::::::::::::::::::::::::::::::::
منااار : اقولكم لاتجوفون شكلها صج صج يضحك واااي مت عليها ضحك
محمد : حرام عليج منارو احد جذي يقعد الواحد
اليده : حسبي الله ع ابليسج ماتيوزين عن سوالفج
ام محمد : هاذي منار كله جذي مطيوره

ام محمد : مرت سعيد عم هيام عمرها 40 سنه اتحب هيام وايد واتخاف عليها مثل بناتها وماتفرق بين بناتها وبينها وحتى هيام اتناديها ماما وتنادي عمها بابا

سعيد : بابا مره ثانيه لاتسوين جذي انتي تدرين انه هيام حساسة وممكن يصيدها شي من الخوف لاسمح الله --- تعاني من مشاكل ابقلبها لاتخرعينها جذي مره ثانيه
منار : للالا بابا لاتخاف عليها انا اخاف ع هيام اكثر منك انا ماقلت لها انا مت قلت
قاطعتها ام محمد بخووف : بسم الله عليج يالخايسه عمرج طويل يا العله
منار : واااااي فديت الي يخاف علي بس اموت انا اذوب شسوي بروحي
الكل يضحك ع حركات منار والي تسويها
محمد : الا وين منيره ماجفتها ليحين
منار : اكيد خامده
محمد : ااهاا
::::::::::::::::::::::::::::::
هيام طلعت من الحمام وعليها الروب وراحت الدرسنغ روم واختارت لها فستان بنفسجي قصير لي تحت الركبه مخصر ع جسمها وفيه زيج اسود تحت الصدر وفي نص الزيج في بروش كبير بيضاوي من الكرستال الاصلي وخذت جاكيتهاالاسود ولبسته لانه الفستان كمه قصير ( حفره )) وخذت لها الجوراب(الدلاق) الشفاف الطويل الي مثل البانطلون وعليه نقشات وخذت نعالها الكعب الاسود الماعي الساده ولبسته
وتوجهت حق التسريحه وقعدت ع الكرسي وضلت تمشط شعرها الاسود الحريري الطويل الي يغطي
ضهرها كامل معدي ضهرها وقاصته قصه تبين جمال شعرها ممقطعته ع طوله
وحطت بويهها كريمات الطبيعيه ع بشرتها الناعمه ناصعة البياض عشان تحافظ عليها من اشعة الشمس والبثور
وخذت الكحل وحطت بعينها الي تتميز بجماال فتان ولونه المميز الاخضر وبرزت عيونها بالكحل واخذت المسكره وحطت لها ع رموشها الكثيفه والطويله ورغم كثافتها وطولهم تحب بعد تكثفهم اكثر بالمسكره
وخذت القلوز الوردي وحطت على شفايفها الصغار المليانه
ووزعت البلاشر الوردي ع خدها بطريقه جميله وكانه طبيعي

خلت هيام شعرها مفتوح ينشف لوحده بعد ماخلصت راحت عند البالكونه تجوف من بالحديقه وجافت الكل متجمع والكل لوح لها وابتسمت لهم ولوحت لهم بانه اهيه جايه الحين
نزلت هيام الحديقه وجافت بويهها منيره
هيام : صباح الخير منوره
منيره وبدون نفس : صباح الخير
هيام : يلا صحصحي روحي اخذي لج شاور عشان نطلع ويا بعض بعدين انا ونتي ومنار
منيره باستفزاز : انا اطلع وياكم انتو يالهيلق ويع تخسون الا انتو من صجج انتي لالا باحلامج انا منيره اطلع وياج لا وع
هيام خذت نفس طويل وقالت لها
هيام : براحتج حبيبتي باي باي
منيره : حبتج القراده
كملت هيام طريجها وراحت بخطوات سريعه حق يدتها ومرسومه ع شفايفها بسمه كبيره طالعه فيها بياض اسنانها
هيام : صباح الخير يا احلى واغلى واجمل يده بالعالم
اليده : صبحج الله بالنور والسرور هلا حبيتي هلا
واتجهت هيام حق عمها وباسته ع راسه
good morning my loveهيام:
good morning dearابو محمد :
وراحت حق ام محمد وباستها ع راسها
هيام: صباحج ورد وفل وياسمين وعصافير حب وكل شي
ام محمد : هلا حبيبي هلا امي صصبحج الله بالخير يابعد عمري
هيام : صباح الخير محمد
محمد : صباح الخير هيااامو الدبه
وقعدت هيام يم يدتها بدون ماتعطي منار ويه ع حركتها الي سوتها ومجابله ام محمد وابو محمد وعلى يمينها منار ويسارها محمد
منار : بعض الناس ماصبحو علينه شصاير
هيام : انزين يدتي انتي شخبارج
حذفت منار ع هيام مخده
هيام : اااخ ويعه وبعد مابعطيج ويه خلج
الكل : هههههههههههه
محمد : اقول يبه هيامو متنانه ها << يبي يطفرها
هيام : اي يقول محمد جسمك جسم عارض ازياء اسكت بس لاتخليني اروح معاك صالة الجم ونقيس وزنه ونسبة الدهون عشان افضحك
محمد : والله ياماما انا العضللات اهي الي مثقله ع جسمي ولالا العضلات جان وزني 50
هيام :ه ه ه ضحكتني يا بو العضلات
منار: الااااااااااي تهاوشو
محمد : لالا ماتهاوش مع يهال انا
هيام : ههههاي قصدك انا مانزل مستواي لي مستواك
منار: يااااااااي بعد بعد بعد
الكل قاعد يطالع محمد وهيام ويضحك ع حركات منار وعليهم
ابو محمد : يلا محمد قوم خل نروح المسيد الحين بياذن
محمد : يلا يبه انا بارز
ابو محمد : تخسي تروح المسيد معاي جذي روح البس ثوب
محمد: يبه عاد شفيك عقب سيده باطلع ويا رفيجي انا
ابو محمد : اذا بتيي معاي باهالثياب اقولك ايلس محلك احسن
محمد : زين زين لا تعصب باروح البس ثوب معنى مادري شفيهم ثيابي ايننون
diesel كان محمد لابس تي شيرت ابيض ماركة
وبانطلون جيز ابيض مع الازرق هم نفس الماركه وسير اسود وكانت التي شيرت بارز عضلاته

ابو محمد : ماتدري شفيه جوف الرسومات الي عليه انته الله يهديك حاط لي سفينه فضائيه وحجي بالانجليزي شنو ذي روح روح بدل البس ثوب
محمد: ان شالله ان شالله
راح محمد جناحه الخاص وراح الدرسنغ روم
وبدل ملابسه ولبس ثوب الأبيض وطلع غتره ابيض واحمر ونسفها نسفه فضيعه عليه ومناسبه ع ويهه وحط له كبكات فخمة ع شكل دائري ومخططه بالابيض ولاسود
ALLURE SPORT For Men By CHANELورش عطره المفضل
وخذ السجاده ونزل حق ابوه
منار: وااااااي اخووي اينن ماشالله عليك معرس
ضلت هيام تجوف محمد وجماله تجوف شعره الحريري البندقي كيف وطوووله الي يذبح وعضلاته الي تحبهم وايد بس ماتقول له عشان مايجوف نفسه وعيونه المغروره الواسعه الغامقه ونضراته الحاده وشفايفه متوسطين الحجم الوردين
وضلت سرحانه فيه
محمد: هووووو هووو وين سرحتي اي اي سرحت في حبيب القلب

صحت هيام من سرحانها وقفت بكل غرور وقالت له
هيام : ونته شدخلك في حبيب القلب ولا غيره
وعطته نضرة غرور ومشت عنه بخطوات ثقيله ومغروره
ضل محمد يطالعها لي مادخلت البيت
محمد : مالت عليج يالمغروره
منار: هههههههههه
::::::::::::::::::::::::::::::::::::::::::
راحت هيام الصاله وجافت منيره اتفرر بالقنوات وبعدين حذفت الريموت وخذت البلاك بيري مالها وضلت مشغوله فيه قامت هيام وخذت الريموت وضلت اتفرر
منيره : هييييييي انتيييييي هييييييي هييييي ليش اتفرينه باي حق مااتجوفين اجوف التلفزيون ماتجوفين
هيام وبدون ماتطالعها : لا ماجوفج اتجوفين التلفزيون اجوفج مشغوله بالبي بي مومنتبهه حق التلفزيون
منيره :يبي الريموت احسن لج
هيام : حببيبتي بدال التلفزيون الواحد في البيت في عشره روحي جوفي باي واحد يعجبج عزيزتي
وبلا مشاكل انا مافريت عنج اي شي انتي مو منتبه حق التلفزيون

منيره : لا حبيبتي مو انا اروح انتي الي تروحين فاهمه
هيام: هيام حطت ريل ع ريل وقالت بكل غرور البيت بيتي وكيفي فيه مو عاجبج نتفي حواجبج

ماتت منيره من الحره وقامت وضربت ريلها ع الارض وتمت اتطالعها بحقد وغضب وضلت تصارخ ع هيام
هيام خذت روحها ببرود وقالت لها : يعني انتي الحين خذوكم بالصوت مايغلبونكم ولاتطقين بريلج ع الارض جذي ماتدرين الي تحتج ذي بجم قيمته
ومو انا الي تصارخين علي ياروح ماما
لا بابا انا هيام محمد الديرتي محد ياخذني بالصوت
دشت منار واهي خايفه
منار : اشفيكم اشفيكم صوتكم واصل لي برع شصاير لحد يسمعكم ونتو تصارخون جذي
هيام وبكل برود اعصاب : اختج شاطه روحها وايد
منيره: هي انتي لزمي احدودج فاهمه تاخذين الريموت وتفرين وانا اجوف التلفزيون
هيام: انتي مريضه نفسيا ع فكرره لازم تتعالجين
منار: خلاص هيام بس عاد
هيام بعصبيه : ماتجوفين اختج شلون قاله ادبها وتصارخ وانا محترمتها قاعده اتطقطق بالبي بي وتقول كنت اجوف التلفزيون تبي تتهاوش ع اي شي ياعمي ذلفي اي مكان جوفي التلفزيون مالت عليج وع ويهج وع غرورج الي ع شنو مادري
راحت هيام واهي معصبه غرفتها وخلت منيره تصارخ بروحها وسكرت هيام عليها الباب ورمت نفسها ع السرير
هيام : هالمنيره استحملتها وايد ولازم اتصرف معاها تصرف ثاني لي متى باسكت عنها واعاملها بطيب بتجوف من يوم ورايح بتجوف هيام غير اوريها انا الي بكسر غرورها

:::::::::::::::::::::
منار: انتي شفيج ليش هلون قليلة ادب لاتنسين احنه في بيتها يا منيره والمكان الي تبي تجوف فيه التلفزيون اتجوف واهي من زمان حاشمتج بس انتي مو ويه حشيمه
منيره: ختوووووولي زين شنو البيت بيتها اهي الي ترجت ابوي عشان انيي بيتها ونسكن وياها
منار : منيره لاتنسين روحج ترى الخير الي انتي عايشته من خيرها الملابس والاكل والميك اب والمصاريف كله عليها عبالج كل ذي على ابوي انتي تدرين انه احنه على قد حالنه لولاها جان مالبسنه الماركات وما اكلنه مثل الناس لانه اساسا ممعاش ابوي سابقا ماياكل عيش لاتنسين روحج
راحت منار واهي معصبه من اختها حق غرفة هيام
منار: هيومه فتحي الباب مسحيها بويهي اسفه اتعرفين انتي منور ولسانها بس قلبها ابيض
هيام وهي تصارخ : اصلن اختج قليلة ادب وانا وايد حشمتها
منار : معلي ادري انها قليلة ادب بس فتحي الباب لاتعصبين وايد مب زين عليج
بطلت هيام الباب وحضنت منار
هيام : ايه عليج يامنور الله لا يحرمني منج
منار : ولا منج حياتي
شهقت منار مره وحده
هيام بخوف : شفيج
منار: الساعه 12 يلا يلا دشي تعدلي وانا باروح غرفتي باتعدل عشان نطلع
هيام : ياحماره خرعتيني

هيام : انزين قوليلي وين بنروح اليوم
منار: جوفي بنروح الستي سنتر نتمشى ونشتري اغراض وبعدين بنروح نتغدى باي محل تختارينه
وبعد الغدى اندش السينما انجوف لنه فلم وبعدين نروح البحر نتمشى ونسولف ونضحك وبعدها ....
هيام: بس منار لانضيع الوقت كمليلي في السياره وباتصل ع ريم ونور عشان ايون معانا بصير برنامج
منار: اوكي بس في السياره اتصلي لهم يلا روحي تجهزي وانا بعد باروح اتجهز
هيام : اوكي
دخلت هيام غرفتها وراحت الدرسنغ روم وخذت لها تي شيرت رصاصي طويل فوق الركبه ومخصر وع جهة اليمين صوب اليد فيه ورده كبيره من الصوف ابيض ورصاصي وسكني اسود كان لبسها بسيط جدا ولبستهم
بعدين راحت عند التسريحه وربطت شعرها بطريقه عاديه
حطت ميك اب بسيط ماحبت اتحط وايد حطت كحل سائل فوق عينها وداخل عينها كحل وبرزت جمال عيونها وحطت ع شفايفها قلوز احمر
رغم بساطة ميك اب هيام الا انه طلعت اتينن اتحب الشي البسيط والناعم لانه اهيه ملامح ويهها ناعمه وبريئه وحلوه
صارت هيام جاهزه وراحت طلعت صندوقها
صندوق الذهب
واخذت لها تراجي ع شكل قلوب مرصعه بالماس الخالص وعقد ع شكل قلب كبير مرصع بالالماس والذهب
ولبست نعالها الكعب البيضه وبالنص فيها قلب من الكرستاال الخالص
وشنطتها وراحت غرفة هيام Christian Diorوخذت نضارتها ماركة قعدت هيام مره ثانيه عند التسريحه وفتحت شعرها الحريري ووخلته ع ورى وسوت قذلتها باف وطلعت وراحت غرفة منار

هيام : منارو ليحين ماخلصتي شدعوه
منار : دشي الحين باخلص
دخلت هيام غرفة منار واهي تتحلطم عليها
هيام : والله منار اتينين بس خلاص يلا قومي
منار : ادري بس باحط لي ميك اب وخلاص
منار لبست تي شيرت اسود مرسوم عليه صورة قطوه بالكرستال وسكني ابيض مايحتاج تفتح شعرها لانه شعر ساره قصير لي رقبتها ومقطعته والقصه عليها تهبل ومطلعه ملامحها الانثويه وحطت شريطه بيضه ونفشت شعرهاا الحريري
خذت هيام قلم الكحل وبدت ترسم عين منار متوسطة الحجم ووخذت الكحل السائل وحطت لها فوق عينها وخذت البلاش الوردي ووزعته وييهاا
خذت منار القلوز الوردي وحطت لهاا
هيام سوت حق منار مثل ميك ابها لانه يحبون يصيرون نفس الشي بالميك اب
الثنتين طلعو جنان لبست منار نعالها الكعب السوده المخططه بالابيض وراحت لصندوق ذهبها ولبست ساعتها الغاليه ع قلبها الي اهي هديه من حبيب قلبها مرصعه بالالماس الخاص وشكلها بيضاوي وداخل عقارب الساعه حرفها
هيام : لبسي ترجيه او عقد
منار: لا مابي بس ككفايه ساعة حبيب قلبي وروحي
هيام : اقول امشي امشي جدامي
منار: هههه يلا
هيام : بنروح بسيارتي
منار: اوكي روحي صخنيها وانا لاحقتج
هيام: لاتتاخرين
منار: مابتاخر باروح حق بابا باخذ فلوس وانا يايه السياره
هيام : اوكي
طلعت هيام من غرفة منار ونزلت تحت عشان تصخن السياره وصادفت ع الدري محمد كملت طريجها ولا جنه جايفته وبكل غرور يود محمد يد هيام ولفهاا
هيام : اشتبي
محمد : يالمغروره
هيام: يحقلي
محمد قرب هيام منه وصارو قراب من بعض وايد ويهه بويهه هيام حست بدفا جسمه وماكان ودها تبتعد عنه اما محمد كان يتامل جمال عيونها يود محمد هيام من خصره وقربها اكثر
ويطالعها بكل حنيه وتطالعه بكل حنيه
قامت هيام بسرعة عنه ونزلت بسرعة البرق
اما محمد مو مصدق انه قرب هيام من حضنه وصارت انفاسه بانفاسها وشم عطرها الي يعذبه
ضل محمد واقف مكانه واهو مبتسم وبعدها راح غرفته يبدل ملابسه

:::::::::::::::::::::::::::::::::::::
منار: بابا يلا عطني فلوس لاتسوي فيني جذي
ابو محمد: فلوسي وكيفي ومب ماعطج
منار: بابا ترى بافشلك وباخذ من هيام وباقول لها انه بابا مو راضي يعطيني فلوس سلفيني وبعدين اخذي من بابا ولله اسويها والله
ابو محمد: حسبي الله عليج من بنيه بالعة راديو ، زين زين باعطيج يعلج شااقووول
منار مدت يدها وهي متخصره ومغمضه عيونها
ابو محمد: جم تبين
منار: الف دينار
ابو محمد: حسبي الله ع ابليسج محد بيفلسني الا انتي اكثر وحده تاخذين فلوس
منار : بابا يعني تبي منار بنت سعيد الديرتي اخذ معاي 200 ولا 500 دينار لا حبيبي هاذي الشي بيصير اذا اعلنت افلاسك
ابو محمد: حسبيي الله ع ابليسج ع هالفال يلا ذلفي التجوري واخذي الي تبين بلا حجي زايد يلا
بااااست منار راس ابوها وراحت تركض لتجوري وخذت منه الفلوس وركضت السيااره حق هيام

هيام: هييي انتي وايد تاخرتي شفيج
منار: ههههههه ابوي كان معاند مو راضي يعطيني فلوس هددته وقلت له اذا ماعطيتني بافشلك مع هيام وباتسلف منه وباقول لها بابا مو راضي يعطيني ففلوس سلفيني وعقب اخذي من بابا
هيام: ههههههههههههههههه الله يغربل ابليسج اشقال
منار: قالي انتي الي بتفلسيني اكثر وحده تاخذين وسالني جم ابي وقلت له ابي الف قالي روحي التجوري رحت التجوري وخذت الف وخمسه اميه شسئ
هيام:هههههههههههههه امبي صج صج جلبه ...انزين سمعي انا اتصلت ع ربعنه وقالو بيون
منار: الااي وناسه انزين احين نروح الستي سنتر صح
هيام : اي
منار: هيوم ليش مارحنه بالفراري اكشخ من الانفنتي
هيام: لانه حبيبتي بنمر ع ريم ونور وبعدين اشفيها الانفنتي اخر موديل وشحلاتها والفراري ما استعملها الا حق الجامعه عشان محد يقولي وصليني كاااااك
منار: ههههههههههههههههه
منار شغلت اف ام وكانو حاطين اغنيتها المفضله
ابي الشاره
منااار: الاااااااااااااااااااااااااااااااااااااااااي
طولت منار الصوت ع الاخر وضلت تردد كلمات الاغنيه
نعم اهواه وذابحني ..وعلى الرجعه ابي الشاره
اهوه بس خل يسامحني .. وانا ارجع له طياره

انا من بعده ليلة امس .. وشوقي اللي دمع له
بلا يا عمري عزة نفس .. انا راجع له راجع له

ياقلبي لا تدور لي .. عذر للرجعه أو حافز
لعملك لو يأشرلي .. انا جاهز انا جاهز

احبه حيل ومن بعده .. ترى فعلاً انا تعبان
واذا ما رد لي برده .. اساسا انا الغلطان

:::::::::::::::::::::::::::::::::::::::
منيره : اقولك بطت جبدي صج صج بطت جبدي ولا وتقولي البيت بيتي قولي شسوي يوسف
يوسف: حبيبتي لاتحرقين اعصابج ولا شي وخليها تولي عنج ماعاش من يبط جبدج ياروحي انتي
منيره: يابعد عمري انته
يوسف : حبيبتي ابي اجوفج اليوم
منيره: متى
يوسف: يعني ع الساعه 8 فليل نروح البحر
منيره : اوكي حبيبي وبايي مع رفيجتي ريهام
يوسف: ريهام ... اوكي حياتي
منيره : يلا حياتي اخليك باتصلها باقولها وبعدها باروح خذ شاور
يوسف: اوكي حبيبتي تحملي بروحج احبج
منيره : اموت فيك باي
يوسف : باي

يوسف حبيب منيره وعمره 22 سنه وتموت عليه يشتغل في شركة هيام وتعرفت عليه من خلال زياره للشركه يوسف شاب طموح وانجذبت له منيره من اول مره لانه جميل ماشالله عليه
اتصلت منيره ع رفيجتها ريهام عشان تقول لها عن الطلعه بس ماردت عليها
منيره: افف شفيها ذي ماترد باطرش لها مسج
طرشت منيره حق ريهام مسج وراحت تاخذ لها شاور دخلت منيره الحمام وعبت البانيو ماي وخلت فيه رغوووه ودخلت في الماي الساخن
منيره: اااخ محتاجه هالماي الساخن يه بوقته والله ارخي اعصابي من هالابليسة هيامووو
غمضت منيره عيونها وسندت راسها ع الطوفه
:::::::::::::::::::::::::::::::::::::::::::::::::
هيام: نورووو شخبار عيسى
نور: اوووووكي يسال عنكم
ريم : اقولكم نورمن يه عيسى يخطبها واهي ولاتدري عنه ولاتتصل ولا شي ولا تسال تكبرت الخايسه
نور : لاااا يالسخيفه ماتكبرت ولا شي بس والله انشغلت في تجهيزات العرس
منار: لالا ماتنلامين ماعليج منها
هيام: بنات هاذي اخر اسبوع نطلع فيه الاسبوع الياي امتحانات اليوم بنصيع ع كيفنه لووول والاسبوع الياي دراسه كلها
منار: هيامو بلا سخافه بنروح كوفي شوي او اي محل ندرس بس قعده في البيت لا
هيام:لا منار حبيتي تبين روحي بروحج اختي انا بقعد ادرس احسن لي انتو مابتنفعوني ويا ويوهكم
ريم : افا بس افا احنه ماننفعج
طلت نور في ويه هيام
هيام : ييييييييييييييييييييييييييييييييييييييييمه ياحماره
نور:هههههههههههههه عيل احنه ماننفعج ها
هيام :انتو روحي اصلن فديتكم
منار: هيييييه وصلنه واخيرن عاشو عاشو
هيام: يلا حبايبي نزلوو
نزلو البنات ممن السياره ودخلو المجمع وراحو ع طول الطابق الثاني وضلو يتمشون بكل غرور ويطالعون سيده
نور: امبي شفيه ذي من اول مادخلنه المجمع يطالعنه يخرع جنه ارهابي
هيام: ههههه حسبي الله ع ابليسج
BHSمنار: ابي اروح
ريم : اي وانا بعد
نور: نبي نتمشى مانبي نتشرى
ريم : روحو قعدو في اي كافيه واحنه بنروح المحل وبنيكم
هيام:اووكي بس لا تاخرون عشان نتغدى وبعدها اندش فلم
ريم : يلا منارو
منار: هياااااا ننطلق
BHSراحو منار وريم
Costa Coffee وهيام ونور قعدو في
نور: هيومه شفيج احسج متضايقه
هيام : لا مو متضايقه عادي
نور : لاتقصين علي انتي رفيجتي من كنه اصغار واعرف لج قوليلي لاتخشين عني
هيام: نور الييوم قبل الا اطلع من البيت وانا نازله من ع الدري جفت محمد وماعطيته ويه لانه كالعاده يحب يطفرني فانا مشيت فرني من يدي وويهي بويهه وقالي يالمغروره حسيت بشي يجذبني له مابتعدت ضليت قربني اكثر منه وصرت قريبه منه وايد ومسكني من خصري وضل يتأملني وضليت اتأمله ويطالعني بنضرات مليانه حنان كان ودي بهالحظه أرمي روحي بحضنه واضمه بس حسيت بنفسي ووعيت من حلمي ونزلت بسرعه عنه
نور: الله الله يا هيام شكلج تحبينه
هيام ضلت تكابر: هي شنو احبه حبتج وحبته القراده بس مادري ليش صادني جذي بلا سخافه
نور: هاذي ياحبيبتي اسمه حب يا بعد عمري لا شكلج هيمانه فيه هياموو ماجفتي نفسج شلون تتكلمين عنه وعيونج تلمع من الوناسه وودج يتكرر هالشي
هيام: اقول نور شنو تشربين
نور : مابي شي قومي خل نتمشى احسن
هيام : يلا قومي
قامو هيام ونور وراحو يتمشون بالمجمع
هيام: نور عيد ميلاد منور بعد يومين ابي اسويلها شي ماصار ولا استوى ابي افاجئها ابي مفاجئه لا صارت ولا استوت
نور: امممممممممممممم
هيام: فكرت اسوي لها عيد ميلاد بالشاليه واعزم اعيال خالي وبنات خالي واعيال عمي وبنات عمي ووبعزم حبيبها بعد عشان تستانس
نور: فكره حلوه
هيام : اي وبايب لها احسن دي جي بالديره واحلى واكبر بوفيه وباترس البحر بالونات وباسوي لها كيكه من ثلاث طوابق في احسن فندق
نور: واي ياحضها منور احسه بيصير وناسه
هيام: ابيج انتي وريمو تكوونون معاي عشان نجهز حق عيد ميلادها باجر بنروح الشاليه كلنه وباقول لها اني بسافر يعني بادبر لي حجه وبنجهز لها الشاليه وفي يوم عيد ميلادها باطلب منها اتيي الشاليه واهناك بتفاجئ
نور: والله حلوه فكرتج وايد وانا ماعندي مانع بس فاتج شي الجامعه ياحلوه بتجوفج في الجامعه
هيام: لا ياروحي انتي مافاتني ولا شي باتصل ع الدكتور وباعطيه المبلغ الي يبيه عشان اسئلة الاختبارات خو دكتور رافت تعرفينه يموت ع الفلس اشتري له ساعه ويعطيج علامه كامله
نور:ههههههههههههههههههههههه حسبي الله ع ابليسج يا هيام وطلعتي مو هينه
هيام : اي افا عليج
نور : بس سكتي اكاهمه ياو وشاقين الحلج
هيام: هههههه
منار: اشله تضحكين
هيام : اضحك ع اشكالكم شلون صايره
منار :انينن
نور : ماشريتو شي
ريم : لا لانه ماعجبنه شي عجبني جاكيت ومافي ع حجمي
نور: انزين يلا وين تبون نتغدى
هيام : امممممم انا خاطري في امممممم خاطري في
منار: هياموقولي شخاطرج فيه بسرعه لاتسوين جذي
هيام : زين ابي باستا خاطري في باستا يعني نروح يم يم تري
نور: اوكي وانا بعد
منار: امرنا لله
توجهو البنات الى قسم المطاعم وراحت ريم وهيام يم يم تري يطلبون وهيام ومنار نور راحو حجزو لهم طاوله
نور: المكان مليان وناقصنه كرسي واحدومافي كرسي واحد فاضي
منار : جوفي اللي ورانه عندهم كرسين فاضين استاذني منهم واخذي كرسي
نور: لا ولله حلفي عاد ولا في احلامج الورديه روحي انتي واخذي انا مستحيل
منار: اف نورو تدرين اني استحي
نور: وانا جليلة حيا يعني
قام واحد من الطاوله الي وراهم وحط لهم كرسي عند الطاوله لانه سمعهم وابتسم لهم ورد ع طاولته
نور: امبي اكيد سمعنا
منار: بيي احس فشله
ابتسمت له ومنار ابتسامة شكر وقعدت اهيه ونور ع الطاوله
ياو البنات وقعدت كل وحده ع كرسيها وقامو يدردشون
هيام : اذا جهز الطلب وحده منكم اتيي ويانه وحده اتم ع الطاوله عشان اغراضنه
:::::::::::::::::::::::::::::::::::::::::::
منيره : ريهامو ابيج معاي ليشش ماتقدرين اتين
ريهام: يا منيره اليوم الجمعه وتدرين انتي كل جمعه نروح بيت يدتي ونتيمع ماقدر اطلع من عندهم اشفيج
منيره: انزين عشان خاطري امشي انا ادري انج خايفه وتحججين لي في بيت يدتج بس لاتخافين ولله يوسف طيوب ومايسوي شي
ريهام: لا بعد ماضمن يامنيره مهما كان احنا بنكون بنات بروحنه وماضمن تبين روحي بروحج مابي ايي معاج يلا باي
طووط طووط
منيره : انا تسكرين التلفون بويهي يا ريهام هين انا مارويتج ولله بتحسفين انج صكيتي التلفون في ويهي اتسوين روحج شريفه يابنت الفقر انا اوريج برويج سنع الله يالحيوانه

حذفت منار التلفون بعصبية ع السرير وطلعت من غرفتها وراحت الحديقه تتمشى كانت منيره لابسه ثياب بيت عاديه
شورت ضيج احمر وفيه نقوش بالوردي وتي شيرت حفره بعد أحمر وكانت حاطه اغاني باذنها مو منتبهه حق شي حست بيد ع جتفها والتفتت واهي مخترعه
منيره : من ؟؟؟؟؟ يمه بسم الله
جافت ولد خالتها احمد
احمد : بي شفيج جايفه يني وبعدين اشله طالعه جذي جدام الحرس والسيكورتيه بهالبس روحي بدلي ملابسج يلااااااا
منيره: الواحد يتحمحم يقول ششي مو يدش هلون وثاني شي انته مو امي ولا ابوي كيفي انا في بيتنه والبس الي ابي
احمد: والله اكثر من مره كحيت تحمحمت ابيج تلتفين حاطه الزفت ع اذنج وين تسمعين
منيره عطت احمد نضره من فوق لي تحت ومشت عنه دشت داخل البيت واهي تتحلطم عليه وقعدت بالصاله وبيدها الريموت اتقلب بالقنوات
محمد: منور يه احمد ولد خالتي
منيره وبدون نفس وبدون ماتلتفت حق اخوها : اي في الحديقه
محمد : وجافج بهالبس
منيره خافت من نبرة صوت محمد العالية : ها اي لا اي انا كنت اتمشى بالحديقه وماجفته كنت حاطه الاغاني ومومنتبهه حق احد وشدراااني انه بيي
محمد: سود الله ويهج سمعي يامنور والله ثم والله ان جفتج باهالبس اتمشين فيه في الحديقه جدام السيكورتيه والزراعين والله ثم والله لا تجوفين شي عمرج ماجفتيه ياجليلة ا الحيا
منيره بخوف: محمد اشفيك انا حره البس الي ابي
محمد قرب منها وصر على أسنانه بعصبية : تلبسين الي تبينه في البيت محد يجوفج مو تطلعين جذي
منيره ابتعدت : زين زين روح حق أحمد ترااه ينطرك
محمد عطاها نضرة عصبيه ومشى عنها حق ولد خخالته احمد
::::::::::::::::::::::::::::::::::
محمد: هلا هلا احمدووو شخبارك
احمد: الله يسلمك يلا ذبحتنه حر امش يلا
محمد: جان دشيت داخل الميلس مب غريب انته يزعم تستحي يعني
احمد : قلت يمكن احد من البنات في الميلس
محمد: لا مافي احد بالبيت غير منور وابوي وامي يلا امش
راحو محمد واحمد وركبو سيارة احمد فورد موستنج اخر موديل وانطلقوو

:::::::::::::::::::::::::::::::::::::::::::::::
ملاحظه: القصه بلهجتي بالهجه البحرينيه ,, اي كلمه مو مفهومه ياريت تخبروني


تعديل الدمعه الحزينه ..; بتاريخ 28-06-2011 الساعة 09:39 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-06-2011, 10:29 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: غيمه سوده فرقتنه مافكرت تجمعنه / بقلمي


بسم الله الرحمن الرحيم





نورتِ القسم بـ أطلآلتك
أطلعي على القوانين

القوانين ، تحديث جديد ؛

موفقه بطرحك





~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 27-06-2013, 01:56 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: غيمه سوده فرقتنه مافكرت تجمعنه / بقلمي


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


غيمه سوده فرقتنه مافكرت تجمعنه / بقلمي

الوسوم
مافكرت , تجمعنه , بقلمي , زوجه , غيمه , فرقتنه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
عمري ما فكرت فيك و لا خطر بالبال حبك لين قلبي قال أبيك و قالت عيوني أحبك / بقلمي همها رضا امها أرشيف الروايات المغلقة - لعدم إكتمالها 113 28-07-2011 07:37 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
بقلمي medhatelmorsy خواطر - نثر - عذب الكلام 9 14-03-2011 09:42 PM
فيلم غزه مشاهده ممتعه يا بقلمي وحدااااااااااني مواضيع عامة - غرام 11 26-01-2009 11:23 PM

الساعة الآن +3: 08:41 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1