اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 02-07-2011, 10:41 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




ريما فتحت عيونها بهدوء واول ما طاحت عينها على امها وابوها واختها واخوها..دمعت عيونهاا : مو هااذي النسبه اللي ابيها مو هااذي اهئ اهئ اهئ اهئ اهئ اهئ اهئ اهئ اهئ اهئ

فايز مسح دموعها بحنان: بالعكس المرفوض ترفعين راسج لأنج الوحيده ببيتنا اللي يبتي هالنسبه الحلوه

روعه : وبعدين يالخبله شنوو بس..هااذي 92% مو 29% مالت اهووو

ام مشاري بفرحه : الا رفعتي روسنا وعميتي عيون الحسووووود
ابومشاري حضنها : هااذي ريموووه حبيبة ابوها..على هالخبر الحلووو بفتح لها احلى سياره على ذوقها

ريما ابتسمت وسندت راسها على صدر ابوها: الله يخليكم لي ولا يحرمني منكم

روعه طلعت عيونها: سيااااااااره..

فايز ضحك: ههههههه ئي عادي ليش عيونج طايره!!

روعه تأشر على روحها: الحين انا اللي أكبر منها ما سقت سياره اهي بكل بساطه تشتريلها سياره..لا والله ما يصير

ام مشاري وقفت : شنو اللي ما يصير..الا يصير ويصير..هااذي ريموو الجعده عااد..تستاهل الغالي..خل اروح ارد عالتلفون اللي شكله ما راح يوقف اليوم
وطلعت

فايز ضحك: هههههههههه ئي ئي شعليج طلع الحجي الحلو الحين..

ريما ضحكت: ههههههههههههههه

ابومشاري: حبيبة ابوها هاذي لحد يحاجيها..قومي يبه غسلي ويهج وتوضي وصلي لربج ركعة شكر انه وفقج بعد التعب..

ريما وقفت بسرعه: ئي صج ذكرتني يبه بروووح اشوف يارو جم يابت بعدين اصلي مره وحده
وطلعت تركض

والكل ضحك عليها: ههههههههههههههههههههه


*

*

*

رومااا
نفس الوقت
بس الساعه سبع الصبح

ومشاري ويارا للحين نايمين

وكان تلفون مشاري يرن ويرن لكنه سايلنت ومو حاسين فيه..

ثواني ورن فون يارا بنغمه عاليه لـعبدالله رويشد

عني تغيب شلون علمني
وباقي العمر شلون يحلى بلياك
حسيت مالي بعد شوفك عيون
وحسيت مالي قلب ينبض بعد فرقاك
موحش كئيب بغيبتك كل هالكون
خالي ولا به غير صورتك وذكراك

يارا فجت عيونها عالنغمه العاليه ورفعت خصلات شعرها بملل وردت وهي تسحب فونها وتحط على أذنها وهي مسنده راسها على صدر مشاري: هاااا شتبين؟؟ افففف
تدرين الساعه جم الحين وأنتي مع ويهج داقه..؟؟

ريما ضحكت: ههههههههه واااي شنووو هااذا شوووي شووي علي..مالت عليج انا داقه بس عشان اقولج ان النتايج طلعت

يارا نطت من مكانها: واااااااااالله

مشاري قعد على صوتها وصراخها واصلا ازعجته النغمه وفج عيونه عليهاا ومن قوة النطه بغى يطيح: هيييي هيييي شفيج شووي شووي

يارا طالعته وضحكت عليه وهي تحاجي ريماا: انزين جم يبتي؟؟ وانا جم يبت..عفيه عفيه ريمووووه بسرعه لا تحرقين اعصابي..

ريما بفرحه: انتي 96.9%

يارا نطت من السرير للأرض: والله..لاا لا مو مصدقه..حلفي ريمووه قولي والله

ريما تضحك: ههههههههه والله العظيم عاد شوفي ييبي هديتي من روما وانا بييب لج من سينابون وايد عليج

يارا ضحكت: هههههههههه انزين وأنتي جم يبتي؟؟

ريما ابتسمت: 92%

يارا ابتسمت: وشفيج تقولينها جذي بنفس..افرحي يالخبله خلااص ودعنا الثانووويه وبنصير بالجامعه..شي..انا مو اي شي هههههههههههههههه

ريما حست بالفرحه تدخل قلبها: هههههههه انزين يارووو باي برد على غروم وانتي بعد نطري الاتصالات..

يارا ضحكت: هههههههه انزين انزين باااي..

اول ما صكت لفت وشافت مشاري..ومن الفرحه نطت وطاحت بحضنه ورجع اهو ورا من قوة ما قطت نفسها بحضنه : هههههههههههههههههه مشووووري باركلي ريمووو تقول اني يبت 96.9%..واااي واااي مو مصدقه..بعد كل هذاك التعب والسهر وبعد ما طلعت عيووني..وااي واي الحمدلله

مشاري ضحك على فرحتها وحضنها بقووووه لصدره العاري: ههههههههههههه
حبيبتي انتي الحمدلله ان ربي ما ضيع لج تعب..ومبروووووووووووووووووووك كبييييييييييييييييييره..ولو انج خرعتني وطيرتي نومي بس هم ميخالف هههههههههه

ومسك خدودها وقرصهم وباس شفايفها بقوووووووووه

يارا ذابت بأحضانه من الفرحه وظلت تضحك وتضحك وقام مشاري يدور فيهاا بكل الغرفه مثل الياااهل واهي ميته من الضحك: ههههههههههههههه هههههههههههههه
واااي قلببببببببببي..بطير بطييييييير هههههههههه

مشاري يضحك وهو يدور فيها بقميصها النوم الاحمر القصير واللي مبين اغلب مفاتنها: ههههههههههههههههه حبيبتي انتي..حبيبتي..ألف ألف مبروووووووووووووك

وظل يدور فيها واهي تضحك لحد ما تعبوا وطاحوا اثنينهم عالسرير يضحكون:
هههههههههههههههههههههههههههههههههههههههههههههههههه هههههههههههههههه


مشاري ابتسم وهو يلف عليها ويمسح على شعرها : قومي يلا تروشي ولبسي عشان ورانا يووم طويل

يارا ابتسمت وهي توقف: صج باجر سفرتنا للندن..جم بنقعد فيهاا

مشاري يفكر: اممم انا ماخذ اجازتي اسبوعين..وصار لنا بروما ست ايام يعني عندنا بعد ست ايام بلندن وبعدين نرد

يارا ابتسمت وطيرت له بوسه ودخلت الحمام وصكت الباب

واهو ابتسم ومسك فونه وشاف المس كولاات وبدا يدق ويتلقى التهااني عشان نجاح ياروو مرته


*

*

*


في فيلا ابو عبدالمجيد
نفس الوقت..

والكل كان قاعد والفرحه بالبيت عامه الكل لما طلعت نسب البنات يارا وريما..

ورود : يما يما

ام عبدالمجيد قامت من عند التلفون: خييييـ

وما كملت لان التلفون رن ورجعت تشيله

ورود بملل: اوووف

فيصل ضحك: هههههههه تو الناس هااذا وتوه الخبر فرش..صبري بعد لما ترجع يارووو بتتمنين الهدووووء ههههههه

ورود : افففف يالله انزين فصوووووول قووم ودنا السوق بنشتري هدايا حق ريمووو وياروووو

فيصل انسدح وغطا عيونه: مالي خلقج..ما نمت عدل وبنااااام

ريان شهقت من ع الدري: هئئئئئئئئئئ فصول نقوله السوق ويقول مالي خلق..ياكبرها عند الله

عبدالمجيد وراكان ومساعد : ههههههههههههههههههههههههههههههههههههههههههههه

فيصل رفع راسه وطالعها وضحك: ههههههه والله طايح من عينج اناااا

رياان نطت على بطنه: لااااا بس قوووم ودنا السوووق

فيصل تفأجى فيها تقط نفسها عليه: اوووووووب..قوووومي الله ياخذج شثقلج
..قووووووووووووومي

ريان تضحك وهي تبعد عنه: ههههههههههه انزين قمت بس يلا قوم ودناا

مساعد وقف واهو يبتسم: قوموا لبسوا انا بوديكم قبل ما امر العياده

فيصل ابتسم: لاا خلااص رووووح انت انا بوديهم ما عندي شغللللل

ورود وريان : هيييييييييييييييييييياااا

فيصل يضحك: ههههههههههه نادوا كاروو وريمااسوووه معاكم وبسرعه مو تطولون ولا ترى بمشي واخليكم..

عبدالمجيد وقف: يلا عيل انا بروح الشركه اشوف الشغل مع ابوووي..فمان الله

ام عبدالمجيد : فمان الكريـ..(ورن التلفون) آلووووو..ئي هلا هلا حبيبتي

عبدالمجيد ضحك: ههههههههه يلا يلا مع السلامه..

راكان ظل بروحه: وانا بعد ليش قاعد اقوم اشوف مثولتي احسن..


انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 02-07-2011, 10:42 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


هادي كمان 6 بارتات

يلا بشوف ردود عشان انزل كمان 6

برب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 03-07-2011, 11:01 PM
ورده خضرا ورده خضرا غير متصل
©؛°¨غرامي جديد¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


رووعه ياقلبي كملي نستناك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 13-07-2011, 02:34 AM
صورة عذبة بمشاعري الرمزية
عذبة بمشاعري عذبة بمشاعري غير متصل
©؛°¨غرامي مشارك¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


ووااااااااااااااااااااااااااااوو بجد رووووووووعه

تسلمي حياتي ع هيك بارتاااااااات


تسلم ايدك حبيبتي

وتشكري ع هالمجهود

بأنتظارك حياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 20-07-2011, 07:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


يلا حلووواتي بكملها لكم اليوم

اسفه على التأخير النت مقطوع ومن كم يوم متواجده

تفضلوا البارتات الجديد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 20-07-2011, 07:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



البارت الثالث عشر



في بيت جنى
الساعه 11 الظهر


كانت قاعده بدارهاا ببجامتها الاورنج بالابيض وبيدها مجلات تتصفحهم لما رن فونهاا

جنى سحبت فونها وردت : همممم

ريماس ضحكت: ههههههه شنووو نايمه؟؟

جنى ابتسمت: لااا بس ماله وقاعده اطالع مجلات

ريماس ابتسمت: عيل قومي بمرج ونروح السوووق..يارو وريموو طلعت نتايجهم بالثانوي وبنشتريلهم هدايا

جنى من فرحتها ما سألت عن النسب: والله..يلا دقايق وألبس..وصكت التلفون بويهها ونطت على كبتها تلبس


اما ريماس قعدت تضحك على خبالها


ظلت جنى تختار لها لبس..وبعد فحص وتمحيص..خخخ اختارت لهااا تنوره بيضا لتحت الركبه مع قميص موفي ناعم..ركبت عليه عقد من الاحجار والأكسسوار الموفي والفضي وصندل ابيض عالي من كريستيان لوبوتين وطلعت وايد نعومه ومو ناقصها الا لمسات من الميك آب

بس قطع عليها رنين فوونها للمره الثانيه

جنى باستغراب وهي تشوف الرقم غريب: غريبه..منو رقمه هااذا؟؟

جنى: آلووو

.......: تدرين ان هااذي احلى آلو سمعتها بحياتي

جنى بحده: تدري انك وقح وحقير وقليل ادب و...

.....قطع عليها بصوت ضحكه العالي: هههههههههههههههههه بيييييه بييييه كل هاااذا انا..عيل بعلم عليج غرامو وشوقو وبقول ان البنت اللي تعرفتوا عليها لسانها وصخ

جنى وجسمها قب احمر من الحيا: .........

رائد ضحك: ههههههههه شفيج وين راح لسانج

جنى بنفسها(واااي ياحلو ضحكته): رائد!!

رائد ابتسم: عيووونه ونبضات قلبه

جنى توترت وطنشت كلامه: من وين يبت رقمي؟؟

رائد يمثل الزعل: افاا الحين اقولج عيونه ونبضات قلبه تقولين من وين يبت رقمج..يبه اللي يسأل ما يضيع وبعدين تبين الصج سرقته من فون شوقووه بدون ما تدري

جنى سكتت ما عرفت شتقول: .............


رائد بهمس: جنى والله العظيم اني من شفتج اول مره بالممشى حبيتج..

جنى : ؟؟؟؟؟؟؟؟؟؟؟؟؟

رائد بشك: مو مصدقتني صح.انزين واللي يقولج اني مستعد ايي واخطبج من اهلج

جنى هالمره تجرأت: من صجك انت..اشلون حبيتني بهالسرعه وبتتزوجني..لعب يهااال اهوو

رائد ابتسم: والله العظيم والله العظيم جنووه اني من شفتج حبيتج بس عطيني فرصه

جنى رفعت حاجب: ومدلعني بعد؟!

رائد ضحك : هههههههههه ئي جنوو وجنوون وجوووجو واللي تبينه بس عطيني فرصه بس فرصه

جنى ما قدرت تتكلم لانها حست بجسمها حاار ودقات قلبها ترتفع اسرع من الثانيه: .................


رائد تنهد : خلااص عدي نفسج ما سمعتي شي..مع السلاا

جنى بسرعه : لاااا لااااااااااااااااا

رائد ابتسم: لاااا شنوو

جنى بحيا: يووووووووووه رائد خلاااص عااد

رائد ضحك: ههههههههه آآه شحلاة اسمي من حلجج

جنى وردت خدودها: ههههههههههه خلااص بااااي بروووووح

وصكت بويهه من الحيا وقعدت تضحك على نفسها اما رائد مات من الضحك عليها وبنفس الوقت طار من الفرحه


سرحت جنى بالمكالمه وبرائد ومر الوقت وما حست الا برنين فونها ينبهها ان ريماس يت : هئئئئئئ نسيتهاا الحين بتفضحني

بسرعه حطت كحله وماسكرا وغلوس موفي ونزلت تركض ع الدري وما انتبهت لآمها


ام جنى: وووي وي شفيج طايره من لاحقج؟؟

جنى بسرعه باست خد امها: ماما بطلع مع رموس السوق..باااي باااي

وطلعت بدون ما تترك لامها فرصه تتكلم

ام جنى ضحكت: ههههههههه صج لا قالوا العقل زينه هههههههههه


وبسيارة ورود واللي كان معاها ريماس وكارلا وريان

جنى وهي تركب: سلاموووووو

البنات بضحك: سلااموووووو هههههه

جنى: اووف شهالحشره

ريماس ضحكت: هههههههه احمدي ربج اننا ما مشينا عنج مو كافي انج متأخره

جنى تذكرت رائد(ااه لو تعرفين): شسوي علما لبست..

ورود وهي تعلي صوت المسجل: بنروح السالميه..

تعالت صيحات خواتهاا بين مؤيد ومعاارض اما جنى سكتت وهي تفتح المسج اللي ياها من نفس الرقم اللي من شوي :

تبين الكذب ما حبك .. تبين الصدق مجنونك
فديتك وش بقى فيني .. مشاعر ما خذيتيها ؟

* حبيبج رائد

ضحكت جنى بنفسها وهي تشوفه مسمي نفسه بحبيبها وسوت له حفظ باسم رورو وكتبت له : سجلتك رورو

رد لها رائد بعد ثواني: شنووو رورو بنيه انا؟؟

جنى غصب مسكت ضحكتها وكتبت له: عيل شنووو>>وفيس يضحك

رائد رد لها: كتبي حبيبي>>وفيس يبوس

جنى حبت تستهبل وكتبت له: ماااب>>وفيس يغمز

رد لها: شنوو ما تبين كتبي لا ايي لج الحين..>>وفيس معصب وويهه احمر

جنى ضحكت بصوت عالي: ههههههههههه

كارلا باستغراب: بسلمه تضحكين بروحج

جنى بحيا: لا ياني مسج..(وكتبت له) كله منك خليتني اضحك عند البنات..خلاص لا تعصب سجلت رورو حبيبي..اوكي جذي

رد لها: هههههههه اوك قلبوووو..احببببببج

ابتسمت جنى وما ردت عليه بس صدت ويهها للشباك وهي تفكر بالحب اللي دخل حياتها وقلبها


*

*

*

ليل الاربعاا
لندن
والوقت الفير


طلعت يارا من الحمام وهي لابسه قميص نوم احمر قصير لنص الفخذ وظهره عاري..شالت الفوطه عن شعرها المبلل وهي تحس بالانتعاش والراحه..امس بالليل وصلوا لندن والصبح وداها مشاري للشقه اللي كانت ساكنه فيها امها وكانت مسكره..تذكرت انها بجت وايد وهي تشوف المكان اللي عاشت فيه امها واختها وهي كانت بعيده عنهم..ما تنكر انها حست بالحزن وكرهت ابوها بهاللحظه بس قدر مشاري يهديها وخذاها لريجنت بارك وقعدوا هناك بالحدايق والجو الحلووو والهوا النظيف وقضوا كل يومهم هناك وقبل ما يردون راحوا لنهر التايمز تعشوا سنديشاوت خفيفه وهم يتمشون عنده..ابتسمت وهي تنثر شعرها على جتوفها بعد ما جففته بكواية السراميك..تعطرت بعطر فرزاتشي وحطت حمره حمرا وراحت لمشاري اللي نايم بهدوء على نور الابجوره وشكله وايد تعبااااان..انسدحت يمه وقربت منه وحطت ايدها على راسه وقرت المعوذات وآية الكرسي بسرها ونفثت بيدينها ومشت فيهم على جسمه

وهني مشاري حس فيها وطالعها بابتسامه مستغربه: شفيج؟؟

يارا برومانسيه: احصنك عشان احميك من عيون الحساد وكلام الناس مثل ما حميتني وحسستني بقربك بالامان وعطتيني حبك وقلبك واسمك

مشاري طالعها بعيون تلمع حب..عجز يرد على كلامها ونطق بكلمه وحده وهو يلمها لصدره: احببببببببببببج

يارا ابتسمت من قلبها وسندت راسها على جتفه ونااامت: وانا امووت فيك يلا ناام باجر ورانا سفره من الصبح..

ابتسم لها مشاري ونام واهو يحس بسعاده وراحه ما تنوصف

* قعدوا بلندن يوم واحد بس لان باجر ملجة عبدالمجيد ومستحيل يارا ما تحضرها..


>

>

>

>

يتبع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 20-07-2011, 07:57 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



البارت الرابع عشر


واليوم الخميس
وصلوا مشاري ويارا من مطار هثيرو لمطار الكويت العصر وكان باستقبالهم فايز وريماا واللي من شافت يارا طارت عليهاا وظلوا يضحكون ويباركون لبعض لحد ما فرقهم مشاري وطلعوا بسرعه للبيت عشان يلحقون ع الملجه



وفي فيلا ابو عبداللطيف
الساعه سبع المغرب

وبغرفة تغريد

وكانوا كل البنات عندهاا..وكل وحده كاشخه وحاطه ميك آب احلى من الثانيه..


تغريد بنفنوفها الاحمر اللي موديله كت عالصدر وكله شوارفسكي وياقووت يلمع وضيق على جسمها وطويل مع صندل احمر عالي وبف ورفعه لشعرها وميك آب دخاني مع حمره حمرا مطلعه بشرتها خيااااااااااااااال


وبين السوالف مع يارا لهت شوووي ونست توترها


ريما : شووووفوا بناات باجر حفلتناا انا ويارووو مو تيون بدون هداياااا

يارا : باجر لا حدي تعبانه وبريح خلوها السبت بالمزرعه

روعه بسرعه: ئي ئي بالمزرعه احلى

كارلا حضنت اختها: اهم شي انج رجعتي..

ريان ضحكت وهي تدزها: هههههههه عاد انتي ما صدقتي ردت لزقتي فيهاا..افففف ياروو الله يعينج عليها طول الوقت يارا ويارا ذبحتنا

كارلا ويارا: هههههههههههههههههههههههههههه

يارا بضحك: حرام عليج والله نشتاق لبعض حيلللللل

شوق طقتها: هيييي لا تقعدون تغازلون انتي وأختج..وتغيرون الموضوع بتسوون الحفله بالمزرعه ولا لأ؟؟

غرام قرصتها: هههههههه علامج مطفوقه

شوق مسحت على فخذها: اححح وعمىىى انتي شكوو من حاجج

منتهى وقفت: هههههههه خلااص خلاااص لا تهااوشوون..تغريد جهزي نفسج الحين بتنزلين

تغريد وبدا بطنها يمغصهاا: هاااااا

البنات مع بعض: شنووو هااااا ههههههههههه
يلا قوووومي

امثال يت تساعدها: قومي يلا مريت بحالتج صدقيني فاهمتج

تغريد قامت معاهم وراحوا معاها البنات
ونسوا يارا وراهم اللي تذكرت يوم ملجتها اشلون كان واشلوون ما فرحت فيه حتى ما تصورت ولا كشخت فيه وماله الا ذكرى قاسيه بقلبها..تضايقت وقامت طلعت للبلكونه تشم هووا



اما تحت انزفت تغريد على اغاني الدي جي والورد الجوري الي ياها من كل صوب والبخور والعطور..وبعدين قامت مره ثانيه بعد ما سلمت على امها وخواتها والبنات وراحت بالمجلس اللي فيه عبدالمجيد اللي استحى يدخل عند الحريم وقال لهم اييبونها له



نروح المسبح ونشوف حال الشباب بعد ما مشوا الرياييل

فيصل ورائد وفايز ومشاري وعبداللطيف وعبدالله ومساعد وزياد وضاري وراكان


ضاري طق جتف مشاري: هاا يالحبيب شخبار روما ولندن ويااك

مشاري ضحك: بخير يسلمون علييييييك ههههههههههههه
الكل: ههههههههههههههههههههههههههههههههه

فيصل بغمزه : ما شفت لنا من الشقر مني منااك

مشاري ضحك: ههههههههه لا ما شفت..عندك اخت الله يخليها لك تغار وتستحي من خيالها

الكل: هههههههههههههههههههههههههههههه

مشاري تحمحم: احم احم لاا تضحكون على مرتي حبيبتي

فايز ابتسم: انت اللي تكلمت مو احنا ههههههههههه

رائد بهمس: بشوفها اشلووون يعني؟؟

فيصل تذكر ريما وابتسم: ادخل عند الحريم ونادها

رائد رفع حاجب: تتطنز

فيصل ضحك: ههههههههههههه انا ادري عنك اشلوون يعني دز لها مسج يبيلها اختراع هاااذي

رائد ابتسم : والله يبتها..انا اشلون نسيت..(وقام)

راكان ابتسم: وين؟؟

رائد ضحك: هههههههه وين يعني بدخل عند الحريم هههههه رايح الحمام تيي

راكان دزه: كل تبن زيييييييين

الكل: هههههههههههههههههههههههههههههه


رائد مشى واهو يضحك: انا ادري عنك تسألني وين رايح ههههههههههههه

راكان بعد وقف: احم احم يـ

مشاري حط ريل على ريل: وين يالاخو تبي الحمام؟؟

راكان ابتسم: بشوف مثولتي

مشاري ضحك: هههههه استح على ويهك..مو طايره..كلها شهر ونص وبتصير ببيتك

راكان مشى : طييييييير زين شهر ونص..مو جنك مالج ومتزوج بنفس اليوم

الكل: ههههههههههههههههههههههههههههههههه


عبداللطيف: عبدالله ييب معاك امي والبنات انا ماشي

مساعد: وين تو الناس اقعد شوي

عبداللطيف ابتسم: عندي شغل وايد اجلته..مره ثانيه إن شاء الله..مع السلامه

مشاري وفايز وزياد وضاري ومساعد : مع السلااااااامه

زياد : صج مشاري دق على يارو خل تيي ما دام ماكو احد بشوفهاا واسلم عليهاا

ضاري: حتى انا والله ما شفناها ولا باركنالها اليوم

مشاري ابتسم : الحين ادق عليهااااا


.......


وفوق عند يارا

وكانت للحين واقفه عند البلكونه والذكريات كتمتها وخنقتهاا

انا من حقي اغير
حولك العالم كثير
كلهم يبغون قربك
لكن ادري قدري
في قلبك كبيييييير


هااذي النغمه كانت لمشاري..طنشته لآنها مالها خلق


انا من حقي اغير
حولك العالم كثير
كلهم يبغون قربك
لكن ادري قدر....


يارا طلعت من البلكونه ويت شالت فونها وردت بهدوء: هلا مشاري

مشاري ما انتبه لصوتها: هلا فيج شفيج ما رديتي؟؟

يارا بضيقه: ما انتبهت له..ليش تبي شي؟؟

مشاري حس بصوتها : شفيه صوتج؟؟

يارا قاومت دموعها: ماكو يمكن لآني تعباانه من الطياره..

مشاري مشاها: اممم انزين خوالج بيشوفونج نزلي عند المسبح ولبسي عباتج

يارا بهدوء: بلبس عباتي وايي بس بسلم عليهم وبروح البيت تعبانه ومالي خلق اقعد بعد


مشاري خاف عليها : انزين انزين نزلي انا ناطرج

قفلت منه وخذت عباتها الجتف بيدها ونزلت تسلم على اخوها



وبالمجلس..عند المعاريس

عبدالمجيد مبتسم وتغريد يمه يتآملها لاول مره وهي مرته حلاله(بشرتها برونزيه حلووه عيونها بنيه رموشها طويله..بشكل عام مملوحه وتدش القلب بسرعه): رفعي راسج تغريد

تغريد مستحيه من هيبته ووجوده وكشخته اللي دوختها..رفعت عينها بسرعه ونزلتها بأقل من الثانيه: .........

عبدالمجيد ابتسم على حياها مسك ايدها وباسهاا بنعومه: الحين انتي مرتي وانا حلالج طالعيني ولا تستحين مني..

تغريد رفعت راسها مبتسمه بنفس اللحظه اللي اندق فيها الباب وبعدوا عن بعض

يارا بابتسامه هاديه: قطعت عليكم

عبدالمجيد وقف لها: هلاا يارووووو وينج انتي اشتقنالج ياليااااهل..وترى انتي تمونين لو غيرج طردته

ضحكت يارا وهي تلمه بحب اخووي: ههههههههههههه واي مو مصدقه انك تزوجت يالشيبه..

عبدالمجيد ضحك: ههههههههههه انا الشيبه ولا ريلج

يارا تذكرت مشاري وابتسمت مجامله : مشاري مو شيبه..حلووو

عبدالمجيد غمز لها: هاا اشوف تغير كلامناااا

يارا ضحكت وهي طالعه : هههههههههههه قبل غير والحين غير..يلا انا بطلع بخليكم بروحكم قبل ما تطردوني ههههههههه


طلعت وضحكوا عليها عبدالمجيد وتغريد


تغريد بضحك عفوي: يارو وايد متعلقه فيك

عبدالمجيد ابتسم: وانتي بعد لازم تعلقين فيني

وما استوعبت تغريد الا وهي بين ايدينه وشفايفه على شفايفها يبوسهاا


........
ولي باااك مع التكمله ‏


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 20-07-2011, 07:58 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




برا عند المسبح

يت يارا وهي لابسه عباتها وسلمت على خوالها

زياد وهي بحضنه طرت على باله كارلا لما شافها بالمزرعه وطرد هالاحساس ولمها بقوه واهو يضحك: هههههههههههه شوي شوي خنقتيني كل هااذا شووووق

ضاري ضحك وهو يسحبها لحضنه: هههههه خلها تخنقك مو كافي ان مشاريووه حرمنا منهااا

مشاري بقوه: مشاريوه بعينك

ضاري وزياد : هههههههههههههههههههههههه

يارا بهدوء: يلا انا بروح حدي تعبانه بحاول اييكم باجر زيننننن

زياد ابتسم: زين يلا روحي شكلج تعبانه من السفر

مشاري مسك ايدها ومشوا: يلا عيل فمان الله

الكل: فمان الله مع السلامه



>

>

>

>







بسيارة مشاري واهم رادين من الحفله: شفيج؟؟

يارا بهدوء: ماكو شي..قتلك تعبانه من دوخة الطيارة ولوية الملجة ووو

مشاري قاطعها : شفيييييييييييج؟؟

يارا انفجرت بويهه وهي تحط ايدينها بشعرها: ماكو شي قتلك ماكو شي غصب اهووو خلني برووووحي شوووي افففففففف..ونزلت دموعهاا اهئ اهئ اهئ اهئ اهئ اهئ اهئ اهئ


مشاري انصدم من انفعالها وزعل لانها رفعت صوتها عليه بس سكت لانه شافها تعبانه


واول ما وصلوا الفيلا..نزلت يارا بسرعه ودخلت ..مشاري تنهد وطفا السياره ونزل ولحقهاا


بغرفة مشاري


دخلت يارا وسيده راحت الحمام..قطت عباتها وفكت تسريحة شعرها وفتحت الماي البارد وصارت ترش على ويهها بجنووووووون وتبجي


ظلت جذي مده لين هدت ومسحت اثار المكياج بمنديل جونسون وعدلت نفسها وطلعت بعد ما فصخت نفنوفها الاصفر الصارخ بجمالها وخذت شاور سريع ولبست روبها ولفت الفوطه على شعرها..


ما قدرت تلتفت له..لمحته..كان للحين بلبسه..قاعد عالسرير وفاج ازارير دشداشته ومنزل غترته وعقاله وحاطهم عالكوميدنه
واول ما شافها قام وتعداها ودخل الحمام بدون ما يكلمها


يارا تضايقت من حركته ونزلت دموعها من يديد: مو بيدي مشاري مو بيدي غصبا عني الذكري تيي ببالي..آآه اهئ اهئ اهئ اهئ اهئ اهئ اهئ اهئ


مشاري من ورا باب الحمام سمعها وفهم كل شي..قبض بشده على يدة الباب واهو يتذكر القسوه اللي تعامل فيها معاها بيوم ملجتهاا..فتح الباب وطلع واهو مصمم على شي وبيسويه..: ياااارا


يارا من شافته عرفت انه سمعها لانه للحين بلبسه ومو مبين انه تروش..اصلا ما لحق..قامت وحذفت نفسها بحضنه: اسفه مشاري اسفه والله مو قصدي والله..بس انا متضايقه شوي..انا

مشاري قاطعها وهو يرفع راسها له ويثبت نظرته على عيونها : لاا تكملين..يوم الخميس بسوي لج حفل استقبال ببيتنا واعوضج فيه عن الملجه والعرس اللي ما فرحتي فيهم..وبخلي كل الحريم يسولفون فيه بس ما اشوف دموعج

يارا لمته بقووه وهي تبجي على صدره..وتتحسف على صراخها بويهه وطيبة قلبه معاهاااا


>

>

>

>


يتبع..
ادري قصير بس هااذا عالسريع نزلته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 20-07-2011, 08:00 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



وهااااذا الباااارت لكم..ويسلموووو عالردوووود الحلوووه واللي شجعتني اكثر



البارت الخامس عشر


في بيت ابو جنى
فير اليمعه

جنى بدارها قاعده جدام المرايه سرحانه..خذت شاور سريع وطلعت لابسه روبها وقاعده تدهن جسمها بلوشن..بس بالها مو معاها..مع رائد


نرجع جم ساعه بالحفله

لما راح رائد يشوفهاا ونطرها ورا الفيلااا بالساحه الخلفيه للحديقه

يت جنى مبتسمه ولابسه عباتها الجتف المطرزه بذهبي : رائـــــد

رائد ابتسم لما شافها وراح لها: تعالي انا هني..وبعدين شفيج تهمسين سارقج انا

جنى تتلفت عشان محد يشوفهم: هااا..لااا بس بسرعه قبل محد ايي ويشوفناا

رائد ابتسم ومسكها من خصرها وقربهاا له وهو مسحور بريحة عطرها اللي دخلت خشمه..وباس خدها: شنوو عطرج؟؟

جنى توردت خدودها: شوبارد الاحمر

رائد باس خدها مره ثانيه : ييبه السبت بيروحون المزرعه

جنى طالعته باستفهام: شنووووو؟؟

رائد قرص خدها: شنوو شنووو اقول يبيه السبت

جنى متوتره من قربه ومشاعرها: واثق انك بتشوفني

رائد لف ويهها له : لا تقولين انج ما راح تيين
>>قالها وهو يفتح عباتها ويشوفها لابسه نفنوف اسود علاق ينربط عالرقبه ومليان شوارفسكي لماع وطوله لتحت الركبه مع صندل عالي ربط عالساق

جنى استحت من نظراته وحطت ايدها على خده ورفعت ويهه لها: رائد انا ييت مره بس مو معناته اقط ويهي عليكم..

رائد تجتف: لاا والله..الحين إذا قعدتي يوم واحد مع اهل رفيجاتج بالمزرعه تصيرين قطيتي ويهج علينا

جنى بهدوء: لاااا بس يعني شنوو موقعي من الاعراب..يعني انتوا اهل وعيال عم انا شكووو

رائد ابتسم وقربها له حيل وصارت انفاسهم وحده: انج خطيبتي مو كافي..

جنى استحت ونزلت ويهها : .............

رائد رقص قلبه من الفرحه ورفع ويهها وباس شفايفهاا بقووووه

جنى بغى يوقف قلبها من الحيا..اول مره يصير معاها هالموقف..دزته من صدره وراحت عنه تركض: ياويلك إذا سويتها مره ثانيه قبل ما يصير بينا شي رسمي


قطع عليها رنين فونهاا..شافت الاسم يلمع بوسط الشاشه(رورو حبيبي) عطته رفض وكتبت له: ما راح ارد مستحيه خلني اليوم

بعد ثواني رد لها: احببببببببببج>>وفيس يضحك

ضحكت وجنى وقامت لبست بيجامة حرير وردي واسعه ومريحه وانسدحت ونااامت بأحلامها مع رائد

وبعتمة النوووور ياها مسج منه خلاهااا تبتسم لنفسهاااا


في داخلي شي عن الناس مستور
حرك سكون القلب والقلب لباااااه

شي غريب..من اغرب انواع الشعور
عجزت ادور وش هو سره ومعناااه

مدري غلا..ولا حزن..ولا سرور..
مدري بداية فرح ولا معااااااااااااااااااناه

لي صاحب في طلته يشرق النووووووور
ولا غاب عني..غيب النووووووووور وياه

من يوم شفته والحشا فيه مبهوووووووور
حلو الوصايف كل شين يتعداااااااااااااااااااااه

لا مر طيفه يرقص القلب مسروووووووور
ويتبع سروره رغبة في ملاقااااااااااااااااااااااه

معذور قلبي لو تمنااه معذووووووووور
الطيب كله ساكنن في محيااااااااااااااااااااااااه

عن غيبته اصبحت مالي بمقدوووووووور
نار الوله تشتعل بي بعد فرقاااااااااااااااااااه

قلبي فبعاده حاير حيل مكسوووووووور
يالله ترسي مركبي صوب مرسااااااااااااااااه

وافي واسمه بالخير دوم مذكووووووور
عسى السعاده ما تفارق شفاياااااااااااااااه



>

>

>

>

اما ريماا
كانت نايمه بفراشها وحيلها مهدود من الرقص والتعب

فونها حاطته سايلنت لكن نوره ينور عتمة الليل بغرفتهاا

اسم (المزعج)يلمع ع الشاشه..وريما مو قادره تسكت اكثر لانه الليت يعور عيونهاا

رفعته وردت بحده: اففففف شتبي..بعرف انت ما تحس..يااخي ما احبك مو غصب..فج عني ذبح...

قاطعها فيصل وهو يحس بجرح كرامته من كلمتها الصريحه بكرهه وهمس بهدوء: بفج عنج لا تخافين ..بس كنت بقولج مبروك النجاح ومنها للآعلى إن شاء الله وهديتج محفوظه يابنت العم ومن باعنا بعناه ولو كان غالي..مع السلامه.

سكر بويهها قبل ما يسمع ردها..وريما ظلت متجمده بمكانها وهي تسترجع كلامه..تحسفت على كل كلمه قالتها له..اهو يفكر يهديها واهي صارخت بويهه..

ريماا بعد ما استوعبت حطت ايدها على حلجها وشهقت: هئئئئئئئئئئ ابييييه انا شسويت
ليش جذي..يعني فيصل باعني ما يحبني ما يحبني..ليشششششششششششششش ليشششششششششششششششششششششششششش (ومسكت مخدتها بقوووه ودفنت ويهها فيها) اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ


اهي ما تكرهه ولا حبته بس لما حست انها صارت ما تهمه نفس اول ولا في شي يحسسها بطعم المغامره زعلت لانها بتفقده..

>

>

>

>

صباح يوم اليمعه
في فيلا ابو مشاري
وبغرفة نوم مشاري ومرته
الساعه عشره ونص


فتحت يارا عيونهاا بكسل وهي تشوف اشعة الشمس داخله من بين الستاير..شافت الساعه وتعدلت ولمت شعرها: يووووووه تاخرنا بالقعده اليووووووم

لفت لمشاري وشافته نايم على بطنه العاري..قربت منه وهمست: مشاااااااااراي

مشاري مو حاس فيها كلش: ..................

يارا حطت ايدها على جتفه وهزته: مشااري قوووم مشاري الساعه عشر ونص..قووو..

قطع عليها صوت دق الباب..لبست روبها فوق قميصها الابيض الحرير الطويل وربطته وراحت تفتح الباب: زين زيننننننن

يارا ابتسمت: هلا روعه

روعه شقت الحلج: هلا يارووو وينكم تاخرتوا بالقومه مو عوايدكم قلت ايي وارز فيسي عندكم

يارا ضحكت: هههههههه زين مشكووووره
ويت بتصك الباب

روعه بسرعه: لاااا لااا خليني شوي ما شبعت منج..

يارا صكت الباب وهي تضحك: هههههههه خلااص قتلج شوي ونازلين..

رجعت لمشاري وشافته قاعد ومتسند : متى قمت؟؟

مشاري ابتسم: توني..شتبي منج روعوو

يارا ابتسمت وهي توقف جدام الكبت وتفتحه: ولا شي تقول تاخرنا ويت تشوفنا..قووم يلا عشان يمديك تتسبح قبل الخطبه

مشاري ابتسم وقام ووقف وراها بالضبط ومسكها من خصرها وقربها له وصار ظهرها على صدره وباس رقبتهاا: وهااذي الملقوفه شكوو إن شاء الله نظل نايمين سنه..بس ما عليج منها انا اوريهاا

يارا لفت عليه ومشته للحمام: بسك حجي وروح اتسبح خلصناا

مشاري ضحك وهو يدخل الحمام: هههههه خلااص موافق بس تسبحي معااي

يارا احترق ويهها ودزته بقوه وصكت الباب: هههههههههههههههههههههه روووووووح..


مشاري من داخل الحمام مات من الضحك: ههههههههههههه هين نتفاهم بعدين..


اما يارا راحت طلعتله ملابسه الداخليه ودشداشته وغترته اليديده وعطرتهم ورتبتهم عالسرير وطلعت لها تنوره بيضا ميدي مطبعه بورود ملونه وبلوزه بيضا شيفون عليها نفس الورود وتحتها بدي ابيض كت..خلتهم وراحت الحمام..

كان مشاري يتسبح تحت الدش بس ساحب الستاره يعني ما تشوفه ولا يشوفهاا

ابتسمت ودخلت بهدوء عشان ما يحس فيها واول ما يت بتقعد عالافرنجي(عزكم الله)
حس فيهاا

مشاري من ورا الستاره: ياروووو ترى كاشفج مو تسوين يعنني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 20-07-2011, 08:03 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



وهااااذي التكمله


يارا وقف قلبها من الخرعه: يمااا انت اشلووون تحس بس بعرف

مشاري ضحك وطلع راسه وشافها واقفه وكان كله ماي وصابون: هههههه اشلون بعد من خطواتج وعطرج ياذكيه

يارا تخصرت : انزين خلصناا

مشاري يلعب بحواجبه: عاجبني جذي..

يارا بحيا: يوووووووه مشااااري يلا..والله ما اقدر اتحمل اكثر

مشاري ضحك ورد الستاره: هههههههه الله يلوع جبدج

يارا ضحكت وما ردت عليه..وبسرعه غسلت ويهها وتوضت وفرشت اسنانها وطلعت

لبست لبس الصلاه وصلت وبعدين قامت لبست ملابسها اللي طلعتهم وراحت تحط ميك آب بس اول شي حطت لوشن مرطب وكريم واقي على بشرتها وخلت الشدو ناعم ونهااري مع بلاشر وردي خوخي خفيف وحمرا خوخيه ناعمه وتعطرت بعطرها فرازتشي..

واول ما راحت قعدت عالصوفا بتلبس الفلات الابيض اللي ينربط بحبال طلع مشاري من الحمام لاف الفوطه على خصره وبيده منشفه صغيره ينشف شعره فيهاا

مشاري ابتسم لهاا: سبقتيني

يارا ابتسمت وهي تقوم بتطلع: ألبس وانزل تحت ناطرتك..واممم ابيك توديني عند زياد وضاري بشوفهم

مشاري ابتسم: خلااص بعد الصلاه خلج جاهزه واوديج

يارا ابتسمت ولفت عليه قبل ما تطلع وطيرته له بوسه وطلعت

مشاري ضحك وراح يلبس..



تحت بالصاله..


يارا بابتسامه : صباح الخير..وراحت باست راس عمها وعمتهاا

الكل: صباح النووووووور

ابومشاري: وينج يابنتي من امس ما شفناج

يارا ابتسمت: شسوي عمي تدري امس ما يينا الا العصر وسيده رحنا للملجه وبالليل ردينا مبجر لانا تعبنا

ابومشاري: عسى استانستوا بالسفره؟؟

يارا : الحمدلله ياعمي الجو كان حلوووو ومشاري ما قصر معااي بشي..الا عمتي البنات وينهم ؟؟

ام مشاري: امثال خنت حيلي طالعه مع اخوها وريما للسوق تكمل جهازها..وروعه كانت هني وتوها راحت المطبخ..


بهاللحظات نزل مشاري مبتسم وراح لامه وابوه وباس راسهم: صبحكم الله بالخير


ابوه وامه: صبحك الله بالنوور

ام مشاري: خل اقووم اقول لتريزا تحط لكم ريووق

يارا وقفت: لا عمتي خليج انتي انا بسويه

مشاري ابتسم لها: بعد عمري مرتي..

يارا ضحكت وهي ماشيه: هههههههه عشان بطنك بسسسس

مشاري وامه وابوه: ههههههههههههههههههه


يت روعه تركض من المطبخ وبيدها نسكافيه: مشاااااري مشااااااااااااااااري

مشاري مسكها من اذنها لما قربت منه: شتبين يالسوسه وبعدين شحقه صاعده دارنا تطقين الباب بعرف انتي ما تستحين؟؟؟؟

روعه ضحكت وهي مغمضه عين: آي آي
ههههههههههه لااا ما استحي..اشتقت لياروو شسوي يعني انت ماخذها لك بروحك اسبوعين روما ولندن خلااص خلها عندنا شوووي...اففففففففف

مشاري طلعت عيونه من الصدمه: لاا والله
طلع لسانج اشووف

ام مشاري ضحكت: ههههههه احسن زين يسوي فيج يالعوباا

روعه تخصرت: اناا عووبا..هين بس ازوج كارو لفيووز وتشوفون شسوي ببيتكم هااذا إذا ما اقلبه فوق تحت ما اكون انا روووووعه..

الكل: هههههههههههههههههههههههههههههههههه


>

>

>

>

يتبع..


الرد باقتباس
إضافة رد
الإشارات المرجعية

رواية أعترف مجنون في حبك رغم عقلي الكبير / الكاتبة : أوراق خريفية ، كاملة

الوسوم
مجنون , منقول , الكاتبة , الكثير , اعترف , اوراق , خريفية , رواية , عقلي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
من حق الكبير jaklen مواضيع عامة - غرام 1 25-11-2011 04:39 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 03:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1