اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 20-07-2011, 08:07 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


البارت السادس عشر

في فيلاا زياد وضاري
الساعه وحده الا ربع

ردوا زياد وضاري من المسيد بعد ما صلوا اليمعه

بس قطعهم دقة الجرس

ضاري رد يفتح: بسم الله من ياينا هالحزه
..هااذا انت؟؟

مساعد ضحك: هههههههه ليش مو عاجبك؟؟

ضاري ابتسم: لا لاااا دش دش

مساعد دخل وهو يضحك: شدعوه ناطرك انااا داش غصبن عن خشمج هههههه قووه زيوووود

زياد ابتسم: زيووود بعينك احترم نفسك انا خالك

مساعد قعد وحط ريل على ريل: ههههههه روووح زين اكبر مني بثلاث سنين بس..

الكل: ههههههههههههههههههههههه

ورن الجرس مره ثانيه بس انفتح بروحه لان يارا معاها المفتاح


يارا بابتسامه: هااااااي..

ضاري وزياد ومساعد : هااااااياااات ههههههههههه

زياد ابتسم: عيل وينه مشاري ما نزل؟؟

يارا باست خدودهم وقعدت : لااا يقول بيمر المستشفى بيشوف مواعيده وبالرده ينزل..

مساعد : اليوم اليمعه يالخبله

يارا ضحكت: هههههههه ادري بس اهو بيشوف مواعيده اللي اجلها عشان السفر ياذكي..

زياد ضحك: هههههه ما عليج منه..المهم قوليلنا شصار بروما ولندن استانستوا

يارا ابتسمت وهي تطلع ظرف صور من شنطتها: لندن ما قعدنا فيها الا يوم واحد بس شفت يدتي ويدي..وروما هذول كل الصور والاماكن اللي رحنا لها

مساعد بهدوء: وخالج فيليب ما شفتيه؟؟

يارا باستغراب : لاااا شفت صورته بالصاله بس ما اهتميت اسأل عنه بس انت شدراك؟؟

مساعد براحه: احسن..قالتلي كاروو

ضاري رفع صوره ليارا وهي تاكل ايس كريم وخشمها ملطخ(لما صار هذاك الموقف تذكرونه اكيد): هههههههههه شنووو هااذي ياليااااهل؟؟

يارا ضحكت: ههههههه هااذا كله منه اهو لطخني وضحك علي وصورني..بس زعلت عليه خليته يراضيني طول الليل

الكل: ههههههههههههههههههههههههههههههه


مساعد : صج ابيج تمريني إذا فضيتي اسويلج فحص

يارا باستغراب: فحص شنوو شحقه؟؟

مساعد ابتسم: ولا شي جذي جيك اب..اتطمن عليج..سويته لكارلا وانتي مسافره وبسويه لج..بس ما طلع معاها شي الحمدلله

يارا ابتسمت: انزين مو الحين خلها إذا فضيت شوووي..

زياد : انزين تعالوا اليمعه اليوم مو ببيت ابوعبداللطيف

مساعد : ئي بتروحون

يارا : انا ما قلت لمشاري..

زياد : انا ماني رايح مالي خلق.

ضاري : انا برووح

مساعد : خلااص امش انا وياك وخلهم اهم يتغازلون بكيفهم

يارا وزياد : ههههههههههههههههههههههههه


مساعد وضاري: هههههههه يلا بااااي باااي


زياد وقف: شرايج نروح فوق بداري..

يارا ابتسمت ووقفت معاه: ما اقول لاا

زياد ضحك وراح معاها فوق بدارها..دخل اهو الحمام يبدل واهي قعدت عالاب لانه كان مفتوح على منتديات

ابتسمت وقعدت تطقطق: واي شخباري نت
من تزوجت ما قعدت عليه

زياد طلع من الحمام لابس بيجامه اخضر تفاحي وابتسم: حاكرج مشاري ليل ونهار

يارا لفت عليه وضحكت: هههههه لاا حرام عليك بس عشان كانت فترة امتحانات..

زياد قعد عندها: صج ع الطاري شهادتج تطلع الاحد

يارا ابتسمت: امممم بخلي مشاري ييبها ويصدقهاا..بس تدري اهو مو راضي ادخل هندسه

زياد ابتسم: ليش انتي تبينها من قبل

يارا ابتسمت: ادري بس اهو يقول اختلاط وتعب عليج وما ادري شنووو

زياد بهدوء: اممم والله شوفي اهو تعب صج بس بالنهايه هاذا طموحج وهااذي دراستج وانتي بكيفج..انتي لحي عليه وحاولي فيه وفكري عدل قبل ما تقررين

يارا ابتسمت ولفت عالاب: وهااذا اللي بيصير

زياد ضحك: ههههههه الحين انتي شتسوين؟؟

يارا ضحكت: ههههههه ما ادري افتر..تعال تعال شووف..

ضحك زياد وقرب يمها وصاروا يفترون من منتدى لمنتدى

>

>

>

>

في ابو عبداللطيف
نفس الوقت

بالحديقة


عبدالمجيد كان متسند على شيرة ليموون عوده ويدخن

تغريد يت مبتسمه بس تلاشت ابتسامتها لما شافته يدخن : من متى تدخن؟؟

عبدالمجيد ابتسم وقط الزقاره وداسها بجوتيه: الناس يسلمون بالاول

تغريد استحت : عبدالمجيد انا..انا بعرف عنك كل شي

عبدالمجيد قربها منه وهو يبتسم: اووف كل هااذا عشان شفتيني ادخن..

تغريد توردت خدودها: ليش ما يصير اخاف عليك..

عبدالمجيد وابتسامته توسعت وباس خدها: امبلا..انا اللي ابيج تخافين علي..تدرين توتو احساسج هااذا يخليني اتاكد اني اخترت الزوجه الصح

تغريد تخصرت: منووو توتو؟؟

عبدالمجيد ضحك: ههههههه منووو بعد انتي؟؟

تغريد ضحكت: ههههههههههههههههههههههه

عبدالمجيد ابتسم: المهم حبي انا ناديتج عشان اسألج عن العرس متى تبينه يكوون

تغريد تفكر: امممم ما ادري ليش انته متى تبيه

عبدالمجيد بهدوء وايديه تمشي على جتوفها ورقبتها: انا كنت ابيه عالاقل بعد سبع شهور عشان يمديني اشتري بيت واثثه
بس امي مستعيله تبيه مع راكان

تغريد بصدمه: يعني بعد شهر..لااا لااا ما اقدر شويه ما يمدي اجهز شي..

عبدالمجيد وبانت غمازته: خلااص عيل نخليها بعد سبع شهوور

تغريد ابتسمت: وعمتي؟؟

عبدالمجيد وهو يقربها منه: ما عليج منها انا اقنعهاا..

تغريد ما ردت لانهاا شافته انحنى لهاا وباس شفايفهاا بقووووه وهي ذابت بهدومها من الحيا


اما فوق عند البناات
بصالة الدور الثااني..

البنات غرام وشوق وروعه وأمثال وكارلا وريماس وريان ومنتهى وورود وريما قاعدين يسولفون ومعلين صوت الاستريو على صوت راشد الماجد لآخر حد

روعه : غريبه مثووله ما رحتي لركوون اليوووم

امثال ضحكت: ههههههه ابيه يشتاقلي اصلا من اليوم يدق وانا حاقرته

الكل: هههههههههههههههههههههههههههههههههه

غرام قصرت عالصوت: بناااات بنااااااااااااات سمعوا يتني نكته بالبي بي..

شوق نطت: والله قولي بسرعه خن نضحك

ريان ضحكت: هههههه اوف كل هااذا عشان نكته

غرام ضحكت: هههههه سمعو..بدوي راح المستشفى يحلل طلبوا منه تحليل بول و....جان يقولهم والله انا مستعيل إذا تبون اعطيكم سراولي الداخلي فيه كل اللي تبوووون

البنات كلهم مع بعض: وووووووووووويع هههههههههههههههههههههههههههههههههههههههه هههههههههههههه

روعه خذت فونها: هههههههه والله ويع هاتي اشووف

غرام تضحك: ماكو غيرها توها يت هااذي فررررررررررررش

ريماس بلوعة جبد: وعععععع الله يلوع جبدج..

كارلا وقفت: ههههههههههه بنااات بنااات شوفوا شبسوووووي

ورود بضحك: شبتسوين؟؟

كارلا بخبث: بدق على فصول وبحطه سبيكر واسمعه النكته..

ريما من سمعت اسم فيصل وقف قلبها: ..................

روعه وشوق مع بعض: وااااي تكفين بسرعه بسرعه ههههههههههههه

كارلا ضحكت وطلعت فونهاا ودقت على فيصل وحطته سبيكر: سكتو زينننننن


........

اما بالديوانيه

الرياييل والشباب كلهم قاعدين يسولفون ما عدا راكان اللي مقهور من حركة امثال ويسولف مع نفسه

فيصل بهمس: من صجك..بس مو جنك مستعيل توك ما صار فتره من عرفتهاا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 20-07-2011, 08:09 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


التكملة
رائد ابتسم: بس حبيتها وما اقدر اصبر اكثر من ج..(وقطع كلامه)رد رد اكيد وحده من خوياتك هههههههه

فيصل ضحك: ههههههه حرام عليك هااذي كارلوو..آلووو هلا يالخبله شتبين؟؟

كارلا ضحكت: هههههههه هلا..فصوول فصوول بذمتك افتح سبيكر بسمعك نكته

فيصل ضحك: ههههههههههه زين دقيقه..
(فتح سبيكر وقال لهم يسمعون)يلا يسمعونج

كارلا بابتسامه: يبه تسمعني..

ابوعبدالمجيد ابتسم: اسمعج..

كارلا تستهبل: زين يبه بقولك نكته..

كل الشباب: ههههههههههههههههههههههههههه

ابوعبدالمجيد كتم ضحكته: نكته!!

كارلا ماسكه ضحكتها والبنات كلهم متحاشرين يمها: ئي يبه اسمع..يقولك في بدوي راح المستشفى وطلبوا منه تحاليل بول وهاذاك الشي الثاني عاد انته تعرفه..جان يقول لهم انا مستعيل اعطيكم سراولي الداخلي فيه كل اللي تبون..

اهي ما خلصت الا والصوبين ماتوا من الضحك

البنات والشباب: ههههههههههههههههههههههههههههههههههههههههههه هههههههههههههه

ابوعبدالمجيد كاتم ضحكته ويعني معصب: ما تستحين انتي..شحقه تقولينها لي اناا

كارلا ضحكت: لا ما استحي وبعدين شكو انت انا داقه على فون فيصل..فيصلللللللللل


فيصل راسه طايح بحضن رائد: هاااا ههههههههههههههههههههههههههههههههههههههه

كارلا ضحكت: هههههه إذا يت نكته ثانيه ادق ولا لأ

عبدالله سبقه: لااا عيب..

كارلا بمرح: يماا تحجى المطوع خل اسده لا امووت اليوم ههههههههه

صكته وضحك عليها عبدالله مع الشباب اما فايز فكان يفكر فيها وبشقاوتها وصوتهاا الطفولي ومرحهااا اللي واضح من مكالمه وحده وتذكر كلام روعه عنهاا وابتسم بدون ما يحس..


>

>

>

>

يتبع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 20-07-2011, 08:11 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


البارت السابع عشر


السبت..كل العوايل راحت المزرعه من الصبح الساعه ثمان


بسيارة مشاري اهو ويارا بس


يارا مسنده راسها على ريل مشاري ومغمضه عيونها

مشاري ابتسم: نايمه؟؟

يارا : هممممم

مشاري ضحك: ههههههه والله شكلج كلش مو يمي

يارا ابتسمت وهي مغضمه: نعساانه..

مشاري: تبين امر مطعم ناخذ لنا سندويشات وعصاير لازم تصحصحين وراج حفله..

يارا لفت ودفنت ويهها ببطنه: اممم عاااتي بكيفك

مشاري ودقات قلبه زادت: قلبو ترى احنا بالسياره لا تخليني ادعم
يارا ضحكت: ههههههههههههه انت بس حط عيونك جدامك وإن شاء الله ما تدعم زين حبيبي

مشاري ضحك: ههههههههه إن شااء الله عمتي

يارا ومشاري: ههههههههههههههههههههههههه


>

>

>

>

بسيارة رائد ومعاه شوق وغرام

رائد متوتر لانه من اليوم يدق على جنى وما ترد: بتيي جنى؟؟

شوق باستغراب: وانت شكوو؟؟

رائد اعترف: احبهااا

شوق وغرام مع بعض: تحبهااااااااااااا

رائد ابتسم على اشكالهم : لا توقف قلوبكم بس..ئي احبها وتحبني..بس والله ان دريت انكم علمتوها لاوريكم انتو الثنتين

شوق ضحكت: هههههههه لااا تخاف محنا معلمينهاا

غرام ابتسمت: المهم قولنا قصة حبك العظيمه اشلون ابتدت

رائد : هههههههه الحين بتيي ولا لأ ؟؟؟

شوق وغرام: بتيي بس خلصنا تحجى

رائد مات من الضحك: ههههههه وعناد لكم ماني متحجي..

وظلوا شوق وغرام يحاولون فيه واهو مطنشهم

>

>

>

>

بسيارة فايز ومعاه ريما وروعه وامثال


فايز ملاحظ هدوء ريما من اول ما ركبوا: ريمووو شفيج؟؟

ريما سرحانه بالشوراع والاي بود بأذنها: ....................

روعه تهزها: ريموووووه شفيج فايز يناديج؟؟

ريماا شالت السماعه: شنووو؟؟

فايز ابتسم: شفيج سرحانه هااذا شكل وحده رايحه تحتفل بنجاحهاا

ريماا (ااه ياخوي لو تدري باللي بقلبي): مافيني شي بس نعسانه مو نايمه عدل..
وسكتت مره ثانيه
فايز ما اقتنع بجوابهاا بس مشاها لهاا وكمل طريجه

روعه : فايز عل الصوت احب هالاغنيه بسرعه..

فايز ضحك : ههههههههههه انزين سمعوا
..ورفع لهم الصوت لاخر حد وبطل الداريش
ودق هرناات للشباب اللي لما شافوه ضحكوا وسوو مثله

روعه تصارخ: واااي ههههههههههههههههههه
شي شي ونااسه

وصاروا كلهم يغنون مع بعض : : :

خذني بساط الريح
وديني لآحبابي
الله عالم كيف
هالشووق سوابي

خذني بساط الريح
وديني لآحبابي
الله عالم كيف
هالشوق سوابي

خذني فوق السحايب
خذني عند الحبااااااايب
اللي يماا وحشووووني
وما اسالو بس علياااااااا


>

>

>

>

وصلوا المزرعه بعد ساعه واول شي راحوا كلهم يتريقون لانهم معطين الطباخ خبر يجهز لهم المكان وينظفه

وبعد الريوق تفرقوا..الحريم دشوا داخل عند التلفزيون يسولفون ويطالعون البرامج ويشربون قهوه وشاي..والبنات طلعوا الحديقه يتمشووون..والشباب اللي راح يكمل نومته واللي راح عالمسبح


عند البناات..

ورود : اممم بما ان الحفله لياروو وريموو فبليز يعني خلونا بروحناا

يارا ضحكت : ههههههههههه جذي يعني..خلااص ريمووه تعالي
ريما ما تكلمت بس يارا سحبتها ومشت

منتهى: يلا قولي

ورود: شوفوا بنقسم الشغل بينا..انا بطلب الكيك والجاتو
منتهى: وانا العصاير والمقبلات
ريان : وانا علي الترتيب والاشراف
ورود : وايد علييييييج
ريان ضحكت: ههههههههه هااذا اللي اقدر عليه
غرام: انزين انا علي ترتيب السرداب والهداياا
وروعه بتسوي معاي البالونات والزينه
شوق: وانا
كارلا: شرايج نجهز لهم ملابسهم اللي بيلبسونها..على ذوقناا..سبرايز
شوق بحماس: ياااي ونااسه انا موافقه..
والله لاحطلهم على كيف كيفي..
الكل: هههههههههههههههههههههههههههههههههه

تغريد : ظلينا انا وياج
امثال: ما ادري نساعدهم إذا يبوناا

ورود : خلااص اتفقناا
كل البنات: اتفقناا


اما عند يارا وريماا كانوا يتمشوون عالعشب والثيل

يارا : ريموو شفيج؟؟

ريماا نزلت راسها بالارض: ماكو بس جذي قاع افكر اي كليه ادخل مو انتي قلتي احتمال مشاري ما يوافق عالهندسه

يارا ابتسمت: مشاري ما عليج منه بقنعه..انا ما كلمته الا مره..بس انتي شفيج ولا تخبين عني..مو عبالج سافرت خلاااص

ريماا دمعتها نزلت: ............

يارا بخوف لمتهاا: ريموووه حياتو شفيج لاا تخرعيني

ريما بعدت عنها بهدوء وصارت تمسح دموعها: فيصل

يارا باستغراب: اخووي!!

ريماا تنهدت: ئي..

يارا باستفهام: شفيه؟؟ قوليلي ريموو انتي بينج وبينه شي..

ريما قالت لها كل اللي صار لها معاه من اول ما شافها بالمطبخ وانجرحت ريولهاا: ....................................


يارا مو مصدقه: واااي مو صج..لااا..من صجج انتي..وانا اقول شفيها البنيه اثاري وراج سالفه

ريما بحزن: بس يارا انا ما ادري..ما ادري ليش تضايقت لما حسيت انه ممكن يهدني ويروح لغيري..

يارا ابتسمت: هااذا لانج تحبينه

ريما طالعتها بدهشه: احببببببببببه!!

يارا ضحكت: ههههههههه ئي تحبينه ليش مصدومه..صدقيني ريموو فيصل اخوي وانا اعرفه صج اهو عينه زايغه ويحب البنات بس عمره ما كان له علاقات معاهم وبعدين ريموو إذا البنيه حبت الصبي والصبي حبها من كل قلبه وكانت محترمه تقدر تغيره وتخليه يتعلق فيها اهي وبس
فاهمتني

ريما سكتت وصارت تفكر بكلامهاا: ................................

يارا ابتسمت ووقفت: بخليج مع نفسج تفكرين شوي وبروح اسوي حوسه عند اخواني..

ريما ابتسمت لهاا بصدق..محد يفهمها كثر يارا



مشت يارا شوي عند الورد وشافت جنى: جنىىىىىىى

جنى يت وباستها: ئي..هلاا ياروو الحمدلله عالسلامه والله لج وحشه

يارا ضحكت: هههههههههه هلااا متى ييتي؟؟

جنى: توني من دقايق ويبت امي معااي..

يارا ابتسمت: صج تعالي اسلم عليهاا..

جنى ابتسمت: يلااا



داخل الفيلاا..وبجناح الشباب بالتحديد

فيصل اللي ماله خلق شي متمدد بفراشه وصاكه فيه الدنياا

دخل عليه رائد : فصيل انت هني وانا ادورك
..انزل الشباب تحت طبوا المسبح

فيصل انسدح وعطاه ظهره العاري: مالي خلق..روح انت..

رائد باستغراب: هيييي يابو الشباب شفيك؟؟

فيصل عدل قعدته وتنهد: ريماا

رائد ابتسم: شفيهاا؟؟

فيصل: احبهااا

رائد مات من الضحك: هههههههههههههههههه

فيصل بقهر: قايل نكته انااااااا

رائد بضحك: ههههههههههههههههه لاا بس اضحك لاني قتلك من قبل اني احب جنو وضحكت علي..

فيصل: بس جنى تحبك

رائد سكت: .............

فيصل: ريماا ما تحبني..تقول هااذا اللي ناقص احب واحد مغازلجي..

رائد بهدوء: والله ما ادري شقولك بس ريما صغيره وما تعرفك عدل..اكيد بتاخذ عنك هالفكره لا تلومهاا وبعدين انت يااخي لا تدقق يمكن قالتها وهي مقهوره منك..

فيصل : لا يبه انا قتلها من باعنا بعناه ولو كان غالي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 20-07-2011, 08:12 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



وهااذي التكمله



رائد انصدم: من قلبك

فيصل وقف ومسك بلوزته البيضا يلبسها: بدوس على قلبي عشان اقدر انساهاا

وصك الباب وطلع..ورائد ظل مستغرب منه فتره ويفكر بكلامه وبعدين قام وراه بسرعه: هييييي فصول لحظه شووي..


فيصل من ع الدري ضحك: هههههه شنوو امك انا لاحقني

رائد ضحك : هههههههههههههههههههههه خرا عليك وعلي يحبك زينننننننن

فيصل ضحك: ههههههههههــ رئووود رئوود شووف هااذي موو الحب

رائد التفت بسرعه وشاف جنى قاعده مع امها والبنات يسولفون ويضحكون ومو دارين عنهم وتولع قلبه بابتسامتها وضحكتها ولبسهاا..كانت لابسه نفنوف اسود ناعم قصير معاه صندل واساور فضيه ورافعه شعرها بف ومنزله الباقي ذيل حصان: ئي والله تعال نسلم

نزلوا تحت وتنحنحوا: احم احم

البناات ابتسموا وجنى استحت..اما شوق وغرام فكوا عيونهم عليهاا لانهم يدرون بحبهم لبعض

ام عبدالمجيد : هلا يما تعالوا..هذول فيصل ولدي..ورائد ولد مزنه..

ام جنى ابتسمت: هلاا يمه اشلونكم

فيصل ورائد مع بعض: تمام الحمدلله..

ظلوا شوي يسولفون معاهم وبعدين قاموا طلعوا وفيصل نفسيته تغيرت..
اما جنى فظلت طول الوقت مستحيه لان امها لاحظت نظرات رائد لهاا


>

>

>

>

بالليل..
الساعه سبع..

بجناح البنااات..

يارا وريما دخلوا غصب عنهم لان كارلا وشوق كانوا وراهم يدزونهم

يارا : افففف زين زين شوي شوي
ريما ضحكت: هههههههه ئي والله شهالدفاشه..
شوق بغمزه: هييي ياروو ليكون حامل وخايفه يطيح البيبي
يارا تورودت خدودها: هيييييي وعمىىىى تو الناااس
ريما وكارلا وشوق: هههههههههههههههههههه

كارلا مسكت توأمها: المهم لبسوا بسرعه ترى كلنا جاهزين الا انتوا

يارا ضحكت : ههههههه جذابه انتي ما لبستي؟؟

كارلا ضحكت وهي طالعه: يلا الحين ألبس..

ريماا تشوف الملابس اللي مجهزينها: شنوو هااذا؟؟

شوق وهي طالعه : شنوو..اكل..ملابس يعني ما تشوفين..هههههه

ريما ضحكت وخذت الملابس تلبسهاا..كانوا حاطين لها هي ويارا نفس النفنوف..زهري علاق عالرقبه ساده وفوقه جولييه شفاف مليان شوارفسكي فضي وطوله لتحت الركبه مع صنادل بلون الزهر بشرايط تنربط عالساق: هههههههه شنوو هااذا حاطين لنا نفس النفنوف

يارا وهي تفصخ بلوزتهاا: ههههههه احلى عشان نصير كيووووت..

ريما ضحكت وهي بعد فصخت بلوزتها عشان تلبس: هههههه ياروو اشوف فصختي الحيا من تزوجتي..

يارا ابتسمت: لااا بس عندج عنده استحي..اختنق من الحراره اللي احس فيهاا..

ريماا ماتت من الضحك: هههههههههههههههه وينه يسمعج..

يارا وهي تلبس: جبببب ياويلج لو قلتيله..


ظلت ريما تضحك وهي تلبس..لبسوا مع بعض حتى الاساور الفضيه والورديه نفسهاا..والميك اب كل وحده حطت للثانيه..

يارا: يوووه يالبارده وخري انا بحط لنفسي..

ريما ضحكت وهي تحط لها الفاونديشن: هههههههههههههه لاااا ابي ارسم ويهج بطريقتي وانتي بعد عشان نطلع غيييييييير

يارا بملل: اوووووف نشووووووووف

ريما ضحكت وكملت شغلهاا..


نطلع من غرفتهم لغرفة ثانيه بنفس الجناااح


منتهى كانت تلبس بعد ما تروشت لانها تعبت من تحضير الاكل والمكان..نفنوفها ذهبي ناعم وطويل وفوقه جولييه اسود شفاف عشان عيال عمهاا بيكونون موجودين..مع صندل اسود وساعه سودا من فرزاتشي وكانت تحط اللمسات الاخيره من مكياجها: ياحلاوة الحب يااا..وحبيبي وانا وياااه..ياحلاوة الحب يااااا..وحبيبي وانا ويااا...
(شهقت لما انفتح الباب بقوه ودخلت ورود وشكلها معفوس وايدها على حلجها) هئئئئئئئئ يماا ورود صبيتي قلبي دقي الباب سوي شي..مو جذي

ورود طنشتهاا وراحت حذفت نفسها عالسرير بقوه وبجت: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

منتهى طاح قلبها ببطنهاا وراحت لهاا وهي راسمه عين ومخليه الثانيه: ورووووووود شفيج شصاير لا تخرعيني..

ورود رفعت راسهاا وويهها كله دموع: عمتي ناديه عمتي ناديه يامنتهى سمعتها تقول لآمي انها بتخطب كارلا حق فايز..

منتهى مو فاهمه: وين المشكله يعني..الله يوفقها..يعني ما كنتي تسمعين روعه وهي تلمح عن الموضوع

ورود بعصبيه: امبلا بس عبالي تتغشمر..ما كنت ادري انها صج..اشلووون اشلوووووون..يعني مشاري المفروض يخطبني بس خطب ياروو وسكت قلت نصيبهاا..والحين فايز ياخذ توأمهاا وأناا اللي صار عمري سبع وعشرين قاعده للحين..ليشششش ليشششششش شفيها زود عني
..عشان عيونها الزرق ولا جسمهاا..انا بعد حلووووه ومو ناقصني شي عشان يخليني وياخذ هالغريبه..

منتهى كانت مصدومه من اختها وتفكير المحدود وانقهرت منها: الحين انتي ليش معصبه جذي..بذمتج بسألج احد قالج من قبل ان مشاري او فايز حيروج لهم

ورود تفشلت لان محد كان يقول ان ورود لواحد من عيال عمها خالد : لاااااا بس حتى لوو انا الكبيره

منتهى صدت عنها وراحت تكمل مكياجها: عيل لاا تقعدين تبجين على شي ماله اساس..ولو ان نصيبج مع فايز والا غيره بتاخذينه يعني بتاخذينه..

ورود انقهرت منهاا ووقفت تصارخ وويهها احمر: مالت عليج زينننننننننن
ودخلت الحمام وصفقت الباب بقووووه ومنتهى كملت مكياجها وهي تتحمد على اختهاا

واول ما خلصت نزلت للسرداب وكانوا البنات والامهات والرياييل والشباب كلهم هناك واستحت وهي تتي لهم بروحهاا..


منتهى: يمه منكم نزلتوا وخليتوني عالاقل نادوني ايي معاكم..

غرام ضحكت: ههههه ما صار شي يابرنسس ديانا

روعه: هههههه اصلا عبالنا مع يارو وريمووه فوووق..

مشاري كان قاعد وحاط ريل على ريل ومبتسم للزينه اللي يشوفها..بالونات وزينه وورق ملون بكل مكان وركن الهدايا مرتبه بشكل يهبلللل والاستريو صوته عاااالي وطاوله عليها قوالب كيك الفراوله بالفانيلا وكيك الشوكلت والايس كريمات كانوا من باسكن روبنز اما المقبلات كانوا ورق عنب وكبه وسمنبوسه وسلطات ناتشز وذره وشمندر وجبن..غير العصاير والكولا وكان يشهي وفووق الخيااااال..: خلصونا ترى هااذي قعدتي من الصبح بنتعشى ونمشي..

ابو مشاري: وين البنااات؟؟

كارلا بمرح وهي واقفه اول الدري بلبسها النعوم تنوره سودا حرير مكسره مع بلوزه تراكوز حرير عليها سلسله ذهبيه مثل الحزام وصندل واكسسوار اسود: كاهم الحين بييوون..يلا روعه شغلي الاغنيه..

روعه بحماس طارت للاستريو: اوكييييييييييك

غنوا لحبيبي وقدمو له التهاني
في عيد ميلااااده عساهاااا مية عام

افرح حبيبي واطلب احلى الامااااااني
الليله ياعمري تناديك الاحلاااااااااااااام


على هالاغنيه نزلوا يارا وريما بأحلى طله والكل ابتسم لهم لانهم لابسين نفس الشي
..يارا طاحت عينهاا على مشاري اللي بياكلها بعيونه..وريما دق قلبها بارتباك لان فيصل معاها بنفس المكان واكيد يشوفها وهي كاشخه وفرحانه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 20-07-2011, 08:14 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


ام عبدالمجيد قامت اول وحده وباستهم وعطتهم الهدايا: يه يه شهالكشخه..الف الف مبرووووووووك منها للأعلى إن شااء الله..

يارا بفرح: الله يبارك فيج يمااا
ريما : الله يبارك فيج عمتي..غروم اخذيهاا عني..
غرام ابتسمت : عشانج متفوقه بس..

يارا : حبيبي خلها معاك
مشاري ابتسم وباس خدها: من عيوني ياعيوووني هديتناا بيناا

الكل: هههههههههههههههههههههههههههههههه

زياد بضحك: هههههههه هييي استح
روعه بسرعه: لا عادي عادي مشاري خذ راحتك احنا نغمض
يارا ولعت خدودها والكل ضحك عليهاا : ههههههههههههههههههههههههههههههههههههههههه

ابوعبدالمجيد وابو مشاري وابوعبداللطيف وقفوا: عااد الحين دورناا

يا لبنته وحضنها لصدره : الف مبروووووك يبه..تستاهلين اغلى منهاا..هااذا سويج سيارة انفيتني سلفر

يارا بفرحه واول مره تضم ابوها بقووه من زواجهاا: الله يبارك فيك يبه مشكوووووووووووووووووووووور

ابوعبدالمجيد استانس انه شافها فرحانه واهو كان حاس بالذنب لانه غصبهاا: اللي تفوقوا ورفعوا روسنا بالجرايد والاخبار يستاهلون الخير..وهااذا مثله لريماا

ريماا ضمته عمهاا بفرح: واااااي مشكووور عمي يابعد راسي والله..(والتفت لابوها)خلااص يبه إذا هديتك سياره غيرهاا

ابومشاري ضحك وهو يخربط شعرها ويحضنها: هههههههه لاا تخافين..مو سياره..تذاكر سفر لجده..

ريما ويارا حضنوا بعض من الفرحه: واااااااااااااااي ههههههههههههههههههههههههههه


روعه تخصرت: لااا لا غشششششش شنوو هااذا سيارة وسفر وما ادري شنوو واحنا شنوو بالطقاق مالنا رب..

ريان مثلها: ئي والله شنووو..انا احتج..

مساعد وهو يروح ليارا وياخذها بحضنه: احتجي بروحج..(وباس خدها وعطااها علبه فخمه مخمل احمر) مبروووووووك ياروووووو منهاا للماجستير والدكتواره بس قبلها البكالوريس
يارا ضحكت: هههههههههههههههههههه
مساعد ابتسم وعطا ريما نفس الهديه: مبرووووك ريمووو هااذي من ولد عم لبنت عمه واخته..
ريما ابتسمت له بصدق: الله يبارك فيك..تسلم..

فيصل ما تحمل اكثر: بطلع ماني قادر اتحمل اشوفهاا جذي..
رائد ابتسم وهو عينه على جنى اللي كاشخه بنفنوفها اللي يت فيه بس زايدها حلا الميكاج والعطر: هممم هاااا شقلت...

فيصل: اوووف اقولك بطلع وبعدين فج عن البنيه امها جاكتك ترى..
رائد طالعه وضحك: ههههههه احسن بعد انا ابيها تلاحظ..تقصر علي الطريج..
فيصل بسخريه: اقولك شي امش امش احسن..
رائد ضحك: ههههههه لاا وين اصبر للعشا

فيصل زهق: اففففف اخذ لنا بصحون وامش..اقولك والله ما اقدر

رائد ابتسم: زيننننن زينننن لا تزف..
وراح اخذ صحنين وحط فيهم من المقبلاات واخذ عصاير وطلعوا للحديقه..

ريما ما خفت عليها هالحركه ونزلت راسها بضيق: ............

يارا حست فيها وهمست لمشاري: شوف ريمووو

مشاري التفت لريما وشافها: جنها مو فرحانه..

يارا ابتسمت وقربت لآذنه وهمست له: فيصل اخوي

مشاري طالعها باستغراب: لا تقولين يـ..

يارا قاطعته: اممم بس اسكت بعدين لا صرنا بروحنا اقولك..

مشاري سكت والتفت لاخته يطالعها ويبتسم وبينه وبين نفسه(والله وكبرتي ريوووم)


وانتهى هاليوم بعد العشى وفرحة النجاح واليمعه الحلوه وبعدها راحوا كل واحد واهله لبيته..مع ذكرى حلوه للبعض..وذكرى مره للبعض..وذكرى عصبيه للبعض..


>

>

>

>

يتبع..


يلا خلص البارت..

أبي توقعاتكم؟؟

ورود شنو معقوله تسوي وبتقدر تأثر على عمتها ناديه ولا لأ؟؟

كارلا شنو بيكون موقفها من أختها؟؟

سفرة جده واحداثها الحماسيه..اشلوون بتكون؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 20-07-2011, 08:15 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



البارت الثامن عشر

نفس الليله..
بفيلا ابومشاري
بغرفة مشاااااري

ردوا ع الساعه 12 الفير ودخلت يارا تتسبح ومشاري غسل وبدل ولبس بيجامة نوم حرير عنابي وتعطر وفرش سيادته وصلى الشفع والوتر وبعدين انسدح بفراشه على نور الابجوره الحمرا والتكييف البااااااااااارد

ابتسم وهو يلقي بنظره عالهدايا والاغراض اللي ملت الغرفه..علب فخمه باحجام والوان مختلفه..فلوس وشيكات وكراتين حلوو وماركات ملابس وعطورات وصنادل
..

وطرت بباله فكره وسرح يفكر فيهاا وما حس بيارا اللي طلعت لافه فوطه على جسمها ورافعه شعرها المبلل بفوطه صغيره..

شافته سرحان وقربت منه وقعدت على طرف السرير: مشااااري شفيك وين سرحان؟؟

مشاري ابتسم لها وسحبها كلها لحضنه وصار ظهرها على صدره وباس رقبتها برغبه: ولا شي بس قاعد افكر نطلع من البيت ونسكن بشقه بروحنا علما يطلع لنا البيت..

يارا لفت عليه: ليششششش انا مستانسه هني مع البنات..

مشاري ابتسم وهو يشم خصلات من شعرها المبلل: طرت على بالي وانا اشوف شكل الغرفه بالاغراض..لا تنسين العزيمه اللي مسويها لج يوم الخميس بتصير عفسه اكثر

يارا بدلع وهي تبطل ازارير قميصه: عااتي غرفتنا واسعه وانا هني مستانسه مع عمتي والبنات..إن شاء الله إذا صار عندنا بيبي وضاق المكان افكر واقولك

مشاري بلع ريجه على دلعها وحركاتها وهي شوي وتسيح بحضنه ورفع ويهها وباس شفايفها بنعومه: تبين يصير عندنا بيبي

يارا بعفويه تأشر بيدينها: بيبي منك..وااي مو مصدقه متى ايي..دايم افكر فيه واتخليه..بياخذ لون عيونك ولا عيوني..وإذا بنيه لون شعري ولا شعرك..حدة خشمك ولا خشمي الصغير هههههههههههههه ووايد اشياء لو اقولك عنها تنصدم

مشاري همس لها وهو يقربهاا له حيلللللللل وتختلط انفاسهم ببعض: انتي نامي بحضني واهو بيي..

يارا ولعت خدودها من كلامه ونزلت راسها بحضنها ومشاري ما تحمل شالها وحطها عالسرير وبطرف اصبعه نزع عنها الفوطه
(^- ^)


نخليهم ونروح عند ريماا

كانت طالعه من الحمام متروشه ولابسه بيجامتها النوم الصفرا بالوردي اللي تيي شورت وبلوزه علاق وبيدها فوطه تنشف شعرها وكانت روعه قاعده تطالع الهدايا اللي ياتها والاغراض

روعه شافتها وابتسمت: ياااي ريموو ياتج وايد هدايا متى بتشوفينها كلهاا..واااي هههههههههههه

ريما طنشتها لانها مالها خلق وراحت طفت الليتات وشغلت التكييف والابجوره البنفسجيه وانسدحت بفراشها وتغطت: تصبحين على خير

روعه طقتها من ورا اللحاف: شنوو هااذي اشكره طرده..امثالوه منخشه بدارها تحاجي راكانووه وانتي تاركه الهدايا ورايحه تنامين وانا اقعد مع الطوف..

ريماا طنشت (ما اهتم لي..ليش ما عطاني هديته مثلهم..مو قال هديتج محفوظه..ااه يافيصل ليش خليتني افكر فيك): .................


روعه انقهرت منها وطلعت وصكت الباب بقوووه : مالت عليكم زين اروح اسهر مع فيوز ابرك..


وبغرفة ابومشاري

ابومشاري: طفي الليت يامره بنام

ام مشاري يت وقعدت يمه بعد ما طفت الليت: انزين انزين بس قوم بحاجيك

ابومشاري: اففف اجلي كلامج للصبح..

ام مشاري: قوم ياريال..كلها كلمه

ابومشاري بعد الغطا عن ويهه وتعدل: افففففف يعني حجيج مايي الا وقت النوم

ام مشاري طنشت: اسمعني..شرايك بكارلا؟؟

ابومشاري استغرب: بنت والنعم فيهاا..ليش تسألين؟؟

ام مشاري ابتسمت: شرايك لو نخطبها لفايز

ابو مشاري بدهشه: فايزززززززززز

ام مشاري: ئي فايز شفيهاا..بفرح فيه على قولة روعه اختين توم لاخوان والله بيخلون بيتنا حياة وحركه لا ياهم عيال

ابومشاري عجبته الفكره لما قلبها براسه: وولدج موافق..

ام مشاري: ما كلمته بس اكيد بيقتنع لما اقوله..البنيه حلوه ومزيونه وصغيره ومرحه وبنت عمه..انا اليوم لمحت لطيبه عالسالفه

ابومشاري انسدح: زين بكيفكم..بس نامي..



>

>

>

>

بفيلا زياد وضاري
نفس الوقت..

زياد غسل وبدل وانسدح بجينزه يفكر..


كان طالع من السرداب للدور الاول متجه للمطبخ يحط صحنه لانه ما يحب يترك شي بمكانه


ما درى الا بوحده داشه فيه..طالعها وارتبك وما اهتم لدهن ورق العنب اللي طاح عليه للارض ووصخ ملابسه: كارلا..

كارلا اصبعها بيدهاا تمص دهن الورق عنب الحامض وتبتسم بحرج: آس..آسفه..هههههه والله ما انتبهت لك..
ونزلت للارض تلم القزاز وبقايا الاكل..

زياد مات على حركتها وضحكتها وعفويتهاا ونزل معاها بسرعه وهو يمسك ايدها ويبعدها عن القزاز: لااا

كارلا طالعته باستغراب: .........

زياد ابتسم يرقع لعمره: عشان ما تنجرح ايدج..
كارلا ابتسمت له واهو لم القزاز اللي بالارض وراح للمغسله فصخ قميصه عشان ينظفه..: ترى آسفه بس والله كنت يوعانه..والمشافيح اللي تحت خلصوه كله وهااذا انا خاشته للاحتياط هههههههههههه

زياد بقلبه(تكفين بس ما اقدر اتحمل ما اقدر): ههههههه عادي خلاص بس نادي ميري ولا تريزا اي وحده تنظف المكان..وانا بصعد ابدل..

وغسل ايدينه وطلع..وكارلا ضحكت ونادت الخدم ينظفون ورجعت للبنات..




ضاري يهزه: هيييييي هيييييي يابو الشباب وين سرحان صار لي ساعه احاجيك

زياد ابتسم: هااا هاا شتبي اسمعك

ضاري رفع حاجب: احلف انك تسمعني...زين قولي شقلت؟؟

زياد ضحك: هههههههه اقول انثبر وفارج بناااااااام..
وانسدح وتغطى

ضاري ضحك وقام وقط فوقه الخداديات: اخمد..نامت عليك طوفه..

زياد من تحت الغطا: وياي إن شاء الله ههههههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 20-07-2011, 08:16 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




اما في فيلا ابوعبدالمجيد
الساعه وحده الفير
السهره مطوله عند كارلا وريماس ومساعد وفيصل وراكان..

كارلا تضحك: هههههههه فيصل فيصل اسمع ياتني نكته بالبي بي

فيصل ضحك: هههههههه ليكون نفس هذيج..ترى والله مالي خلقج

راكان ابتسم: لا قولي قولي خن نوسع صدورنا

كارلا ضحكت: ههههههه زين سمعو..محشش طقع عند شايب سعودي..واستحى جان يساله..وش اخبار السمع معاك ياعم
الشايب قاله..اللي ما يسمع يشم ياابن الكلب

ريماس مسكت خشمها: وععععععع

مساعد وراكان وفيصل تسدحوا ضحك كل واحد بصوب: واااا هههههههههههههههههههههه

مساعد يمسح دموعه: شكو انتي ماسكه خشمج ههههههههههههههههه

ريماس ضحكت: ههههههه ما ادري لاعت جبدي..

فيصل ماسك بطنه: اااااه بطني هههههههههه

راكان يضحك: ههههههههه هييي كارو ترى انتي ما تستحين شمعنى علينا احنا الرياييل
ههههههه

كارلا ضحكت: هههههههه انا شكو اهي النكته تيي جذي وبعدين انتوا خبول احنا شكوو

ثلاثتهم طقوها على راسها: احنا خبوووول

ريماس تضحك عليهم: هههههههههههههههههه

كارلا مسكت راسها: اي هههههههههههههههه
وخروا زعلت ما اقول نكته..

فيصل مستانس: لا قولي قولي..

كارلا ابتسمت: زين ههههههههه..محشش راح الحرب وقالوا انه مات من الضحك ليششششششش؟؟.......(سكتت شوي)...الرصاصه يت بـباطه

هالمره ريماس هي اللي طاحت عالارض من كثر ما تضحك: وااااااااي هههههههههههههه
هههههههههههههههههههههههههههههههههههههههه هههههههه

فيصل قام يدمع ويضحك ويمسح دموعه: اااااه خلااص خلاااص والله ههههههههههههه



وكملوا السهره جذي ضحك وتنكيت وسوالف للفير

>

>

>

>

صبااح يوم الخميس
في فيلا ابومشاري
بغرفة مشاري

طلع مشاري من الحمام متروش ولاف الفوطه على خصره وبيده فوطه صغيره ينشف فيها شعره..

ابتسم لما شاف يارا للحين نايمه واللحاف نصه طايح عنهاا..وكانت لابسه قميص نوم اصفر علاق وتحت الصدر شريطه ورديه وفيه تطريز خفيف..وريل وحده فوق اللحاف ووحده داخل

ضحك وراح لهاا..قعد يمها وانحنى لويهها وباس رموشها: يارا..يويو حبيبي..

يارا حست ببوساته السريعه وابتسمت وهي مغمضه عيونهاا: هممممم

مشاري ابتسم : قاعده؟؟

يارا فتحت عيونها وهي تلف عليه وتتمغط : امممممممم صبااح الخير

مشاري ضحك وهو يسحب خشمها وويوقف: صباااح الورد..قومي يلا لبسي وكشخي اليوووم يووومج..

يارا ابتسمت وتعدلت بقعدتها: جم الساعه؟؟
مشاري وهو يروح للكبت ويفتحه: تسع..

يارا شهقت فجآه وهي تقوم من الفراش وتنط : لااااااااااااااااااااا

مشاري اخترع: مينونه انتي شفيييييييج؟؟

يارا بكل هدوء وهي توقف جدامه وتطبع بوسه على خده: لااا بس انا احب اسويلك كل شي بنفسي
ولفت للكبت تختار له ملابس..
مشاري بابتسامه واسعه وهو يلزق بظهرها ويبوس رقبتهاا: بعد عمري اللي خايف علي..
يارا ضحكت وهي تعطيه ملابسه الداخليه: ههههههههه حياتي..هاك اخذ هذول علما اطلع لك من الدشاديش والغتر اليدد

وراحت عنه ومشاري خذا منها الملابس واهو يبتسم وبدا يلبس

اما يارا اول ما لفت بتعطيه الدشداشه والغتره وشافته متفصخ ويلبس..احترق ويهها ومرت عليها الوان الاشاره احمر اصفر اخضر..خخخخخ هههههه شهقت ولفت: هئئئئئئئئئئئئئئئ

مشاري مات من الضحك: هههههههههههههههه
ترى مر على زواجنا شهرين وانتي للحين تستحين..

يارا انقهرت منه وقطت عليه الملابس وراحت الحمام وصكته بقوووه

مشاري زهق من الضحك : هههههههههههههه
عاادي تمونين حياتوووووووو

ولبس ملابسه ومشط شعره وتعطر ونزل

اما يارا ظلت حوالي ربع ساعه تتسبح وبعدين طلعت لافه فوطه على جسمها..قعدت تدهن جسمها وويهها بكريمات ولوشنات وبعدين نشفت شعرها وسوته ستريت وقامت تلبس..لبست النفنوف الجويتي اللي شرته من روما تذكرونه مع صندل فضي بشرايط حرير ربط عالساق وواساور لونين فضي وجويتي وعقد من الالماس الناعم يزين نحرها مع خاتمه وساعته..وحطت مكياج ناااعم ونهااري مع حمره فوشيه صارخه وتعطرت بعطر اسكادا وطلعت وهي متاكده ان ماكو احد من الرياييل هني عشان جذي خذت راحتها بالبيت

روعه اول وحده شافتها..وصفرت: وااااااااو يارووو شنوو هااذا تهبلييييييييييييين مووووت موووووووووووووت وين مشاري عنج
ههههه

يارا ضحكت : هههههههه تسلمين انتي بعد لبسج حلووو
روعه كانت لابسه تنوره صفرا ميدي للركبه مع بدي فوشي كت وفوقه بلوزه شيفون ناعمه مشيره بورد وردي واصفر واسود وفتحتها سبعه وتحت الصدر فونكيه سوده وشعرها مسويته بف وعنقوص مرفوع..وضحكت: ههههههههه ئي ئي ضحكي علي عشان ما اعلم عليج

يارا ضحكت وهي تسحبها وتنزل وياها عالدري: هههههههه انزين تعاالي ننزل عند عمتي والحريم الحين بيوون فشله..

امثال قطعت عليهم وهي صاعده الدري بنفنوفها اللحمي القصير وكانت مسويه شعرها ويفي طبيعي وحاطه ماسكرا وحمره حمرا وطالعه حلووه: وينكم يوا البنات والحريم وامي تقولكم نزلوا يلاااااا

نزلوا يارا وروعه معاها وكانوا اهلها وبنات عمها ورفيجاتها وقرايب عمتهاا واغلبهم من المستوى الهاي

نزلت سلمت عليهم وهم طارت عيونها فيهاا وام مشاري قعدت تسمي عليهاا اما طيبه فحست بالغبطه شوي على بناتهاا وسكتت

ام مشاري تبتسم للحريم ابتسامة فخر: وهاذي مرت ولدي الكبير..مشاري..

ام خالد رفيجة ام مشاري : هااذي مرت مشاري..ما شاء الله ما شاء الله بس مو جنها صغيره عليه..تقولين توها مخلصه ثانوي

ريما انقهرت وردت عن يارا: ئي عاتي هااذا انا تخرجت وياها وراح انخطب..ماكو بنيه صغيره عالزواج بهالوقت

يارا ابتسمت لهاا بامتنان والبنات روعه وريان وكارلا وريماس ضحكوا اما ام مشاري ابتسمت لبنتها ومرت ولدها وام خالد تفشلت وسكتت

ام محمد هم رفيجة ناديه: وما حملتي..

يارا ابتسمت مجامله: تونا..ما الله كتب..

ام مشاري: يووه ياام محمد توهم كملوا شهرين علامج

ام محمد : ئي عادي فيه حريم يحملون من اول ليله وانتي ادرى

ام خالد تدخلت: وبعدين تقولين شهرين ليش توكم تسون استقبال

روعه تخصرت: والله حبيبتي بكيف اخوي نسوي استقبال بعد يوم بعد شهرين بعد سنه المهم انه مرتاح مع مرته..مو جذي يارا
حياتي

يارا معاها عالخط لانها اهي منقهره منهم بعد: هههههههه ئي حياتوو تدرين انا ما اسوي شي من غير ما اخذ راي مشاري حبيبي..

ام خالد وام محمد تفشلوا وسكتوا وغيروا الموضوع ودشوا بسالفة اللبس والشنط والمكياج


اما عند البنات..

كارلا: هاذا النفنوف اللي قلتيه عنه من روما

يارا ابتسمت وهي توقف وتدور على نفسها: اممم حلووو؟؟

كارلا ضحكت: ههههههه حلووو لا تخافين تقطين الطير من السما
شوق ضحكت: ههههه ئي ئي اشتغلنا مدح بتوأمج هههه
يارا ضحكت وباست خد تومها: ههههه بعد عمري اختي حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 20-07-2011, 08:18 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




غرام وقفت بدلع وكانت لابسه نفنوف اسود قصير ومسويه شعرها ويفي وحاطه ميك اب ناعم: يوووه بناات قوموا نرقص..

ريان بحماس: ئي ياروو قومي رقصي عند الحريم بطي عيونهم وجبودهم تكفين

يارا ضحكت: ههههههه لااا يبه مابي..

ريمااس وريان وشوق تحمسوا وقاموا وسحبوها معاهم: ئي ئي يلاا قووووومي عفيه

يارا بحياا : مااب..

بس ما قدرت تعترض لان غرام شغلت الاستريو وام مشاري وام عبداللطيف غمزوا لها ترقص..واهي ابتسمت وبدت ترقص مع البناات..شوق وريان وريماس وغرام

ريماا تطير بوساتها ليارا: فديتج بعد عمري..اموووواه..هههههههههه كارو بعدين نرقص انا وياج وروعوووو

كارلا تضحك: هههههههههههه اوكي..

روعه بهمس: منتهووو شفيها ورود جذي شكلها تعبانه ويهها اصفر معنه حاطه ميك اب بس مبين عليها

منتهى منقهره من ورود من لما قالت لها عن مشاري وفايز : ما ادري عنها صايره نفسها خايسه..

قاطعتهم تغريد وهي شايله بيدها صحن فيه فتوش وورق عنب: اممم بناات ذوقوا ذوقوا والله يهبلللللللل باخذ رقم الطباخه عشان اييب منه حق مجودي

كارلا ومنتهى: ههههههههههههههههههههه

تغريد انقهرت: عمىىىى شحقه تضحكون..

جنى بضحك وهي تقوم بترقص وتسحبهم معاهاا: هههههه هيي بسكم لا تهاوشون قوموا خن نرقص..

وقاموا كلهم كل بنتين قروب مع بعض يرقصون ويسوون حركات وما بقى غير ورود وبعض البنات من المعازيم يصفقون


ورود بقلبها(صبري علي كارلا بس صبري علي): .............

هااذا اللي كانت ورود تفكر فيه وهي تشوف البنات يرقصون على اغنية يواش يواش

يواش يواش يابنيه
تعالي وحني شوويه
أنا من شاف حالي قال
أيا مسكين خطيه
يواش يواش يابنيه

يواش الدنيا ما تسوى
على فراقج أنا ما أقوى
يكفيني الذي بيا
يواش يواش يابنيه
تعالي وحني شويه
أنا من شاف حالي قال
أيا مسكين خطيه

يواش يواش على قلبي
اشلووون عيوون ياربي
خلاص أعلنت أنا حبي
خلااص ما عاد أنا بيا
يواش يواش يابنيه


ام مشاري بفرحه مبينه بعيونها: اقول طيبه ما قلتيلي فكرتي باللي قتلج عنه

ام عبدالمجيد ابتسمت: شنوو

ام مشاري: هو شفيج طيبه نسيتي..قتلج ابي كارلا لفايز

ورود فجت عيونها وأذونها عليهم وصارت تفرك ايدينهم بقهر من الحره(قولي لا يما قولي لا): ...........

ام عبدالمجيد تجامل: يوه ياناديه اعذريني والله صايره انسى بسرعه..انا فاتحت ابوها وقال ما عنده مانع بس انتي كلمتي ولدج وريلج

ام مشاري استانست: ابومشاري ما عنده مانع وفايز اليوم اكلمه واردلج خبر..

ام عبدالمجيد بحيا: على خير..بس مو كارلا صغيره عليه..يعني عندي ورود الكبيره..الحمدلله مو قاصره شي وتشتغل واهي انسب له بالعمر منهاا

ورود بهاللحظه ودها تقوم تبوس امها وقاعد تطقطق بفونها يعني مو منتهبه: .......

ام مشاري استحت تفشلها بس قالتهاا: شوفي ياطيبه الكلمه اللي تستحي منها بدها
..ورود ما شاء الله عليها حلوه ومزيونه وكامله والكامل الله وإن شاء الله بييها نصيبها بس انا ودي بالتوم لعيالي..

ام عبدالمجيد استحت وسكتت اما ورود ماتت من قهرها وقامت طلعت برا

ام مشاري حست فيها: لا تزعلين مني ياطيبه بس التوم بناتج بعد وإن شاء الله ورود بييها نصيبها لا تنسين عندها عيال عمها محمد

ام عبدالمجيد ابتسمت : وانتي الصاجه الوحده ما تاخذ الا نصيبها

ام عبداللطيف: ما شاء الله ما شاء شهالرقص الحلو يارا والله وكنتي خاشه مواهبج

يارا ضحكت وهي تعدل شعرها بعد الرقص: هههههههههه عيونج الحلوه عمتي تسلمين

كارلا وقفت: الحين انا وياج

يارا بتعب: يوه تعبت

كارلا برجا: عفيه عفيه انا توامج حبيبتج

ريما: وانا بصوركم..ههههههههههه

يارا ضحكت: ههههههه عشانكم بس..

ريما طلعت فونها البلاك بيري واشرت للبنات يبعدون ويتركون الساحه للتوم : غروووم حطي لنا مصري

جنى ضحكت: ههههههه ئي حق الهز

يارا وكارلا : لااااااااااااااااااااا شنو مصري

ام جنى تضحك : ههههههه لا يلا هزوا ورونا مواهبكم

ام عبداللطيف: يلااا عاد بنوسع صدورناا

غرام ضحكت وشغلت دقة مصريه وعلت الصوت لاخر حد وروعه اشتغلت بالتصفير وريما بدت تصور ورقصوا يارا وكارلا بغنج ودلال وطلعت كل المواهببببببببببب


واول ما خلصوا سمعوا التصفيق والتصفير والحماس وضحكوا

كارلا مسكت قلبها: واااي تعبت ههههه

يارا ضحكت : والله احس اني بعرس هههههههههه

ريان ضحكت: هههههه بناات بييب عصير تبوووون

روعه: ئي ئي بيي معااج لحظه..

ريان: وانا بعد بيي معاكم

ريماس : جنوو قومي نطلع برا شووي

جنى وقفت: اوك يلا اصلاا عندي سالفه بقولها لج

ريما ابتسمت بخبث: ياروو سويت شي

يارا ما فهمت: شنوووو

ريماا ضحكت بخبث: ههههههه شفتي الفيديو اللي صورته لكم

يارا طارت عيونها: ئي..

ريماا قامت عشان تزهب روحها حق النحشه: دزيته وسائط حق مشاريووو
...

يارا من اسنانها: تعالي ياخرا والله لاوريج
كارلا بشهقه: هئئئئ انا وياج بالفيديو
ريما من بعيد وهي تضحك: ههههه عادي بتصيرين مرت فيوووز هههههههه وانحاشت
وخلت يارا وكارلا منقهرين منها اما ام مشاري كانت تسمعهم وضحكت عليهم
وتمنت لهم السعاده بسرها


بالديوانيه

كانوا الموجودين ابومشاري وعياله وابوعبداللطيف وعياله وابوعبدالمجيد وعياله وزياد وضاري


فيصل: وين رايح؟؟
رائد ابتسم: بشوف الحب وبيي..
فيصل تنهد لانه طرت على باله ريما وسكت: ..........

مشاري كان يسولف مع مساعد عن الشغل لما رن فونه بنغمة مسج: ههههه لحظه لحظه ياني مسـ..(قطع كلامه لما ياه الفيديو وفتحه وشاف يارا ترقص وتهز خصرها وبطنها..عرفها من نفنوفها لانه اختاره لها بروما بس استحى وهو يشوف كارلا تضحك وترقص معاه بنفنوفها الذهبي)..سرح وفج عيونه وعلت ويهه الابتسامه بس همن حس بالغيره لانها لبست هالنفنوف عند الناس ولانها ترقص لهم..


مساعد : هييي يالحبيب وين سرحت؟؟

مشاري ضحك: هههههههه مالك شغل..

مساعد غمز له: بذمتك مو بلوتوث رقص

مشاري بهمس: هييييي اسكت لا تفضحنا وبعدين اي بلوتوث بهالديوانيه

مساعد يضغطه: علينااااا

مشاري عصب: شوف لا تخليني اكسر حلجك هني وارد اجبسه لك

مساعد مات من الضحك: ههههههههههههههه لا يبه لا خلاص سكتنا ناقص انا تسوي تجاربك علي..

مشاري ضحك: كل خرا هههههههههههههههههه


عبداللطيف: اقول شباب البنات مو مسافرين جده باجر خلونا نروح وياهم يومين
فايز ضحك: هههههه وين بابا التذاكر بس ليارا وريماا
مشاري عطاه كوع ببطنه: لاا تييب طاري مرتي هني

فايز مسك بطنه: اووووب
الكل: ههههههههههههههههههههههههههههههههه

عبدالمجيد ابتسم: صج ما يصيرون نخليهم بروحهم
زياد ضحك: ههههههه حبيبي انت وياه اصلا يارو قالتلي انهم بيروحون قروب البنات مع بعض وساحبيني معاهم محرم
مشاري طلعت عيونه: وانا اخر من يعلم
الكل: هههههههههههههههههههههههههههههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 20-07-2011, 08:19 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




فايز ملاحظ هدوء فيصل: فيصل
فيصل مو يمه: ...........
فايز يهزه: فيصللللللللل
فيصل انتبه: هاا هلااا
فايز ابتسم: افاا وين اللي يسولف وينكت ويضحك شفيك متغير لك مده ولا تقول لا لاني اعرف اكثر من نفسك
فيصل ابتسم: قوم نطلع برا
فايز ابتسم وقام وياه وطلعوا للمسبح بالسرداب وكان هدوء والجو حلو: كا طلعنا قول اسمعك
فيصل يطالع الماي: احب من طرف واحد
فايز انصدم: هاااااا
فيصل ابتسم: اللي سمعته..
فايز بدهشه: انزين منوو واشلووون؟؟
فيصل صد: منو ما اقدر اقولك..اشلون..شفتها مره مرتين بالصدفه وحبيتها معنها كانت جدامي من زمان بس ما انتبهت لها الا متاخر وللاسف طلعت ما تحبني
فايز تعاطف وياه: انزين شدارك اهي قالتلك؟؟
فيصل: تقول اني مغازلجي ومن وحده لوحده..وانت تدري اني اقز واكلم بنات وجذي بس ولا عمري غلطت معاهم ولا لي غير هالسوالف..
فايز بحيره: ئي..
فيصل تنهد: ولا شي غير السالفه ضاق خلقي..
فايز ابتسم وغير السالفه للسفر والطلعات
والقز



نروح ونشوف جنى ورائد اللي تلاقو بالحديقه الخلفيه بين العشب والثيل ومكان صاد

رائد لامها حيل: اشتقتلج موووووووت
جنى ضحكت وطقت صدره: ههههه مبين يالعيار من امس ادق عليك ما ترد
رائد ضحك: ههههه بابا قلنالج سايلنت ما انتبهنا
جنى ضحكت: هههههههههههههههههه زين بابا

رائد داخ على ضحكتها ومسك ويهها بين ايدينه وبا شفايفها بقووووووه..
وجنى ذابت بهدومها من الحيا بس استانست وهي بحضنه : ..........
رائد رفع شفايفه عن شفايفها وابتسم لهاا وهو ينحني لرقبتها ويبعد طرف نفنوفها ويبوسها: بشوفج الليله

جنى دايخه بحضنه..وصارت اهي تبوسه: وينننننن؟؟
رائد بخبث: وين بعد بشقتي اليديده بوريج اياهاا
جنى حدها متدودها وما تدري وين الله قاطها: شكو توديني الشقه ودي اروح بحر ماك
رائد همس بأذنها: بابا مواعد وحده وبوديها الشقه يعني شبي..بنام وياج..
جنى حمر ويهها وبعدت عنه: هئئئئئ ياوصخ ياحمار
رائد ضحك على شكلها وقربها له: هههههههه حماره
جنى محتره منه: حمااار
رائد بضحك: حمااره
جنى تطق صدره: حماااااااااااار
وظلوا جذي لحد ما زهق رائد وسكتها ببوساته..
حنى حست انها تمادت وياه وايد خصوصا انه صار يتحسس جسمها..قامت بعدت عنه وراحت تركض
رائد ابتسم وظل يطالعها وهي تركض عنه ويضحك وظل شوي عدل نفسه ورجع للشباب مكيف


>

>

>

>

يتبع..
يلاا حبوبات توقعاتكم ورايكم
لووووووول
وسفرة جده اجلتها للبارت الياي لاني حسيته طوووووويل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 20-07-2011, 08:25 AM
صورة اسطوره ! الرمزية
اسطوره ! اسطوره ! متصل الآن
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


البارت التاسع عشر

في فيلا ابوعبدالمجيد
الساعه ثلاث العصر


كارلا بعد ما ردوا من العزيمه راحت تبدل وتمسح مكياجها

ورود دخلت عليها بدون استئذان وبعيونها الشرر: سمعي انتي..قسم بالله لو ياج ابوي وقالج ان فايز خطبج ووافقتي ياويلج سمعتي..
كارلا عصبت من طريقتها: هيييي انتي خيرررر وين قاعدين شحقه داخله جذي لا احم ولا دستور

ورود بصراخ: كيفي ادخل المكان اللي ابيه هااذا بيت ابوي وامي يا..يابنت انجلي هه..سمعي بابا فايز انا اولى فيه منج انتي واختج اللي خذت مني مشاريوووو فهمتي..هاااذا انا حذرتج وقد اعذر من انذر

كارلا عصبت حيل من اسلوبها وانجرحت من ذكر امها وراحت فتحت الباب: اكلي خرا
وطلعي برا ما هميتيني لا انتي ولا تهديداتج

ورود ولعت من القهر ولفت بتطلع: نشووووف..

كارلا صكت الباب بقوه وقعدت عاالارض منهاااره..

منتهى كانت تسمع كل شي لان دارها يم دار كارلا وطلعت بسرعه : كارلا بطلي الباب كارلا ما عليج منهااا..لا تهتمين لكلامها..صدقيني هي منقهره لانها بتعنس وما تزوجت..كارلااا افففففف

ريماس وريان طلعوا من دورهم: شسالفه خيييييير؟؟
منتهى: روحوا دوركم وانا اشوف هالتبن ورودوو وايي..اشوا ان محد سمع غيرنا ولا جان فضحتنا الخبله

ريماس وريان ما فهموا شي بس دشوا يبدلون علما تيي

اما منتهى دخلت على ورود وبدون تفاهم عطتها طراااااااق طيحها عالفراش: انتي وحده حقيره وانانيه وما تخافين من ربج..
وتركتها مصدومه وطلعت وصكت الباب بقوووووووووه..


اما ورود انقهرت منها وكبرت براسها فكرة الانتقام من كارلا..

>

>

>

>


في فيلا ابو مشاري
بغرفة مشاري نفس الوقت

كانت يارا طالعه من الحمام ماخذه شاور سريع ومبدله ملابسها بقميص نوم ساتان ابيض علاق وطويل من فكتوريا سكريت
وشعرها البلاتيني منشفته شوي وتاركته مفلوف ومو حاطه بويهها اي شي

يارا باستغراب: مشاري نمت؟؟

مشاري كان مبدل ولابس بيجامته ومنسدح يقرا كتاب بالطب واول ما شافها انسدح:................

يارا خافت انه يكون زعلان ويت قعدت يمه: مشاري حبيبي شفيك؟؟

مشاري بهدوء: يارا قومي عني تعبان وبنام

يارا رفعت اللحاف عن ويهه: قولي شفيك؟؟

مشاري قام وفتح فونه ووراها الفيديو: ممكن افهم شنو هااذا يامدام

يارا طالعته الفيديو وحطت ايدها على خده: الحين انت زعلان عشانه..ترى ريمو صورته ودزته بدون ما ادري
مشاري ابتسم بداخله: لاا يامدام والنفنوف هااذا انا مو قايلج لا تلبسينه برا..مطلعه صدرج وريولج وظهرج وترقصين لهم شخليتي

يارا ضحكت: ههههههه بس جذي حبيبي النفنوف لبسته عشان اكشخ عند الحريم ولا تبيهم يقولون لعمتي مرت ولدج ما تعرف تلبس..والرقص عاد عشان فيه حريم قهروني بكلامهم جان تقول لي عمتي قومي رقصي ورقصت..

مشاري تجتف: بسسسس ولو ما تلبسين جذي عند الحريم

يارا ابتسمت: يوووه عااد قلنا آسفين..ترى كلي لك
وقربت منه وسندت راسها على صدره ومشاري ابتسم ولمها له وصار يبوسها ونزل خيوط القميص


بغرفة فايز

ام مشاري: ها شقلت؟؟
فايز ابتسم: بصراحه يما البنت ما تتطوف..سوي اللي تبينه
ام مشاري استانست: صج والله عيل الخميس الياي نخطبهاا لك بس ما يصير شي الا بعد عرس اختك
فايز ابتسم: اللي تشوفينه يماا..
ام مشاري وقفت: الله يرضى عليك يلا اخليك انا بروح اريح شوي

طلعت وخلت فايز بروحه يفكر بكارلا


>

>

>

>

ببيت ابو جنى

جنى بدارها بدلت ولبست بيجامه تفاحيه حمرا شورت وبلوزه وتمددت بفراشها وحطت الاب توب جدامها تطقطق عليه وتجيك عالمنتديات اللي مشاركه فيهاا

رن فونهاا بنغمة حاطتها لرائد وردت: آلووو

رائد ابتسم: قووه حبوبه
جنى ابتسمت: قوتين
رائد : انتي وينج ما شفتي جم مس كول بفونج
جنى شالت السماعه وشافت 3 مس كول منه: كنت ابدل توني شفتهم..(وحست بخطوات)لحظه رائد

دخلت امها: انتي قاعده
جنى ابتسمت: ئي يما تبين شي
ام جنى يت قعدت عندها: ئي بحاجيج شوي

جنى ابتسمت: لحظه يماا..آلوو انا احاجيج بعدين باااي..وسكرت بسرعه
ام جنى: منو هااذي؟؟
جنى تبعلمت: هااا امم هااذي رموس بعد منوو
ام جنى بشك: تحاجين صبيان
جنى بسرعه: لااا يماا لا وقسم بالله شكثر يرقموني بس ولا مره حاجيتهم هااذا رائد اخو شوق وغرام وتغريد تعرفينهم يما..كلهم رفيجاتي..اهو يحبني ويبي يخطبني

ام جنى بهدوء: دام يحبج ليش ما ايي يخطبج شناطر
جنى: امبلا يما اهو قالي بيفاتح اهله بس تعرفين عندهم عرس ولد عمه وعرس اخته وحوسه ولويه ولاهين شوي
ام جنى وقفت: زين انا حبيت اسألج واتأكد بس..
وطلعت وجنى نطت فوق سريرها من الفرحه ودقت سيييييده على رائد

رائد كان يحاتي دشة امها عليها وخايف لا تكشفها: هاا حبي شصار؟؟

جنى بصراخ: وااي رائد احبببببببببك احبببببك احبببببببببببك..
رائد ضحك: ههههههه والله حتى انا امووت فيج
جنى بفرحه: امي حست اني احاجي صبي وسألتني وقلت لها عنك وقالت خل ايي يخطبخ
رائد استانس: صج والله..عيل بس نخلص من لوية عرس تغريدوو اقول لآمي تيي تخطبج..
جنى فرحانه: وااي مو مصدقه
رائد يضحك: هههههه انتي مو مصدقه..انا ميت..ابيج حد الدووووسه..ابيييييييج
جنى استحت : هيييي قمت تخورها عااد يلا انا بصك ياني النووم
رائد ضحك: هههههه ئي انحاشي انحاشي يلا بااي
جنى: ههههههه باي..

وسدوا من بعض وناموا وكل واحد يفكر بالثاني..

>

>

>

>

يا يوم اليمعه والساعه عشر الصبح كانوا قروب البنات (يارا وريما وروعه وريان وريماس وكارلا ومنتهى وغرام وشوق) بالمطار ومعاهم زياد وفيصل اللي يا يغير جوو
اما تغريد ما راحت لان عبدالمجيد ما رضى لها وامثال مشغوله بعرسها اللي بقى له ثلاث اسابيع وورود منقهره وماتبي تروووح


كارلا ضحكت: ههههههههه بعرف اشلون رضا لج مشاري
يارا همست: سكتي ساحلته طول الليل وحنيت عليه لين انطبت جبده ووافق ههههه

كارلا ضحكت: ههههههههههههههه
روعه نطت: وااي مو مصدقه بنروح جده بروحناا يعني بنصيع على كيف كيفناا..وااي بنات مجهزتلكم سبرايز بس لما نوصل الفندق اقولكم
ريان ضحكت: ههههههه ياسلام نسيتي فيصل وخالو زياد يايبنهم محرم
غرام ابتسمت: لا حبيبتي فيصل اخوج وزياد خالج يعني محارمج انتي وخواتج مو عليناا بابا
الكل: هههههههههههههههههههههههههههههههههه

زياد خلص الاجراءات ويا: يلاا مشيناا
غرام مسكت قلبها: يماا يخووف
الكل: هههههههههههههههههههههه

فيصل مشى جدامهم: يلااا امشوا بدون صوت ترى انتم تسعه واحنا اثنينه

وبعد كلمته البنات ضحكوا وسكتوا كلهم لحد ما ركبوا الطياره وقعدت كل وحده بمكانها..اللي شغلت الايبود واللي قعدت تدز مسجات واللي نامت واللي طلبت لها اكل واللي مسكت مجلات..يعني لووويه..


الرد باقتباس
إضافة رد
الإشارات المرجعية

رواية أعترف مجنون في حبك رغم عقلي الكبير / الكاتبة : أوراق خريفية ، كاملة

الوسوم
مجنون , منقول , الكاتبة , الكثير , اعترف , اوراق , خريفية , رواية , عقلي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
من حق الكبير jaklen مواضيع عامة - غرام 1 25-11-2011 04:39 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 09:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1