اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 20-07-2011, 08:26 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



ووصلوا جده..

اول ما وصلوا البنات للفندق..طبعا زياد حجز جناحين له ولفيصل والثاني حق البناااات

فيصل وصلهم جناحهم: يلا احنا بنروح نام ولا قعدنا نطلع نتمشى زين
يارا ابتسمت: زين..

راح فيصل ودخلوا البناات وقطوا روحهم عالفراش ونووووم على طول

غرام بدهشه: ويننن ليكون بتنامون؟؟ هااذا وانا مصويتكم ياحظي..قوموا قوموا عندي لكم فكره انما ايه موووووووت..

شوق تتطنز: اتحفينا ياخيتي
غرام رفعت حاجب: تتطنزين مع الويه
ريان ضحكت:ههههههه المهم غرووم خلصي شنو تبين
غرام ابتسمت: اممم بنلبس دشاديش وبنطلع نقز بشوراع جده..نيهاااااهااااهاااهاااهااااي
وطلعت دشداشه وشماغ

البنات: ؟؟؟؟؟؟؟؟؟؟؟؟؟؟؟؟؟؟؟؟؟؟؟

منتهى: من صجج انتي؟؟
غرام: ئي والله شفيكم
ريماس: من وين يبتيهم
غرام ضحكت: ههههههه بقتهم من رئووود بدون لا يحس
شوق: هههههه ئي حرام احنا طايحين فيه اصلا لانا ما نقدر على لطوف وعبادي
كارلا ضحكت: هههههه شنو لطوف بنيه اهوو ههههههه
الكل: ههههههههههههههههههه
غرام دخلت الحمام ولبست الدشداشه ورفعت شعرها ولفت الغتره عليه وتلثمت فيها وطلعت عيونها المكحله صاروووووخ: شرايكم؟؟

ريان ضحكت: هههههههههااااي والله شي جنس رابع هههههه

روعه طقت كفها بكف ريان: ههههههههههه كفج كفج حلوووووه

غرام طقتها: باااايخه
روعه وريان: هههههههههههههههههههههههههه
ريما بحماس: والله شي انا ابي
غرام تحمست:والله قومي اعطيج انا يايبه على عددنا
شوق شهقت: من راااااااائد؟!
غرام ضحكت: ههههههههههههههههههه ئي
البنات مع بعض: ياويلج ههههههههههههههههه
غرام ضحكت وهي تشوف نفسها بالمنظره: عااتي إذا ردينا اقوله..قوموا يلا اللي بتروح تلبس عشان نطلع نقز ونقحص
يااااااي مو مصدقه ههههههههههههههههههههه

قاموا معاها كل البنات بحماس مع عدا منتهى اللي خافت وظلت نايمه بروحها بالجناح..

اما البنات الباقي..روعه وريما وغرام وشوق وريان وريماس وكارلا طلعوا من الفندق بعد ما لبسوا دشدايش وغتر وعدلوا نفسهم عشان محد يشك فيهم من الفندق للوبي تحت..

ريان بهمس وهي مرتبكه: هيييي اشلوووون نطلع بدون سياره
غرام همست وهي ترسل سهمات نظراتها على الشباب السعودي والعوايل اللي بالفندق وتبتسم : بدق على سيارة نأجرها اليوم
شوق بربكه: يماا والله انا مرتبكه
كارلا : حتى انا يما شوفي هذاك اشلووون يطالعنا
غرام خافت لا تنكشف: خشنوا صوتكم يابقر لا تحسسون الناس ان احنا خايفين
..تعالوا نطلب لنا كوفي علما تيي السياره
>>قالتها بصوت ثقيل
ريماس: وععع بوياا
الكل: ههههههههههههههههههه
غرام لفت بحده: خيييييييييير
ريماس خافت: لا ابد سلامتك يابوالشباب كمل طريجك
غرام مشت وهي تضحك: ههههههه ئي عبالي بعد
البنات ضحكوا عليها وراحوا قعدوا باللوبي وطلبوا كوفي وقعدوا يشربون ويسولفون بصوت حاولوا انه يكون خشن لحد ما يت السياره الفيراري الحمرا اللي حاجزينهاا لساعتين

طلعوا البنات وركبوا فيهاا..غرام طبعا اهي اللي تسوق بما انها صاحبة الفكره والقائده ويمها روعه وشوق ورا كارلا وريما وريان وريماس

ريماس : هييي انتي تعرفين تسوقين
غرام طقت يبهتها: يابقر يابقر حاجيني جني ولد
ريماس زهقت: زين زين لا تزف اففففف
الكل: هههههههههههههههه
غرام ضحكت وداست بنزين بقووووه: ههههههههههههههه ئي اعرف مطلع ليسن انا بس باجي اقنع ابوي يشتريلي سياره
كارلا: إن شاء الله ما يشتريلج
غرام لفت بحده..يعنني ولد: خييييييييييييير ما سمعت
كارلا خافت : يماااااااااااااا ما قلت شي
غرام والبنات: ههههههههههههههههههههههههه

روعه شغلت الاذاعه وطلعت لها اغنية يديده لراشد الماجد..علو الصوت وبدا الاستهباااال

ريما كانت سرحانه(ياترى لو فيصل يدري اني طلعت بلبس ولد شبتكون ردة فعله): ...........................

من قلب ينبض من غلا
ومن روح مسؤوله
ما ابالغ ان قلت لك
أني الين الحين كل ما
اشوفك تصد عيوني مذهوله
من كبر حبك في قلبي
وخاطري والعين
أي حب هذا الذي
إن قال وأقوله
ما ادري احيد بقلبي
او الله يعين
معقوله كل هالغلا
ياربي معقوله
بعدين يعني معك
يامهجتي بعدين

ما تدري انك في
قلبي ومنسكب حوله
ومن كثرك في صدري
خايف لا تجيني عين
وان قالوا اطلب شي
تمني وتنوله
بتمنى حبك كثر ما الله
عطاني سنين
أي حب هذا الذي
إن قال واقوله
ما ادري احيد بقلبي
او الله يعين
معقوله كل هالغلا
ياربي معقوله
بعدين يعني معك
يامهجتي بعدين

وش ابغى اكثر
ياذوق القلب وميوله
وأكبر هديه في عمري
عندي هالشيئيين
مكانك اللي في قلبي
محدن يطوله
وقدرك عندي ياعساني
ما خلا امين
أي حب هذا الذي
إن قال واقوله
ما ادري احيد بقلبي
او الله يعين
معقوله كل هالغلا
ياربي معقوله
بعدين يعني معك
يامهجتي بعدين

ريما كانت تسمع كلمات الاغنيه ورايحه بعالم ثاني..عالمها اهي وفيصل وقلبها..همست بنفسها(معقوله بعد ما هدني قمت احبه..ليش ياربي ليشششش)ونزلت دموعها بصمت

وما درت عن البنات اللي وقفوا عند باسكن ونزلوا غرام وروعه يطلبون



يلا حبوباات ردودكم
بدا الحماس..تابعوووووني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 20-07-2011, 08:26 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول




البارت العشرووووون

وللحين مع البنات بجده..

يارا تهزها: هيييييي ريموو شفيج حمووود يكلمج
ريما ما فهمت: منوو حموود
غرام من برا : اسمي المستعار يالخبله
ريما ضحكت مجامله: هههههه انزين حموود حبيبي ييب لي فانيلا بالفراوله

غرام(اقصد محمد خخ): ماشي..يلا جسوم

روعه (جسوم)يلاا..(وبهمس)يماا احس قلبي بيطلع من صدري..غروم خايفه يكشفونا شوفي الشباب اشلون يطالعوناا

غرام بهمس وهي تمشي بثقل: ويعه امشي عدل وخليهم يولون

سكتت روعه ودخلت اهي وغرام لباسكن ومروا من شلة شباب يم الباب وطنشوهم ودخلوا وطلبوا على عددهم بنكهاات مختلفه

وهم رادين غرام كانت ماسكه العلبه اللي فيها الباسكن وروعه تمشي معاها

وفجآه

>

>

>

>

طاااااااااااااخ

>

>

>

>

غرام طارت عيونها وارتفعت دقات قلبها ع الموقف وصارت تدعي بسرها ما ينكشفون

اما روعه لقت نفسها بحضن واحد وبعدت عنه وهي ماسكه: اخخخخخخخ حشى صدر مو طوفه
الشاب كان واقف مصدوم : آسف اخوي ما انتبهت..ههههههه
غرام مسكتها ومشت ومن الربكه قالت: مره ثانيه انتبه..روعه مشينااااا
وسحبتها ومشت

الصبي مشى بطريجه واهو يضحك وفجآه وقف واهو يلتفت لهم بسرعه: مو قالت روعه مشيناا..(وابتسم بخبث) اخييييييه والله لقينا صيده ههههههههههههههههاااي
ومشى وراهم بسرعه وشافهم ركبوا سيارتهم وحركوا واهو راح لربعه وركب معاهم وصرخ: حميداان حرك حرك وراهم بسرعه

محمد رفيجه بخوف: خيييييير
الصبي : شفت السياره اللي توها مليانه بناااااااااااااااااااات..
ربعه اللي معاه بالسياره كانوا اربعه: احلففففففففففففف
الصبي ضحك: ههههههههههههه قسم بالله..حتى صدمت وحده منهم والثانيه قالت لها روعه مشيناا..(ومسك قلبه)اااااه ياروعه عليهاااا عيووووووووون خخخخخ

محمد صفر: آووووووووووووووووو
هههههههههههههههاااي فديت خشمك تروووووووك
تركي رز نفسه: احم احم هههههههههاااي
روووح رووح وراهم بسرعه
وصاروا الاربعه يصارخوووووون ويصفرووووون


اما عند البنااات

غرام طقت يبهتها وهي تدوس بنزين: شفتي يالحماااره لحقووووووووووونا

روعه بخوف وهي تعدل لثمتها: وانا شدراني يعني..

ريماس بخوف : منوووو ليكون اللي دعمتوووه
غرام تطالعهم بالمرايه وراهم بالضبط وتزيد السرعه: مووو انا اهي عميااااا

روعه دمعت: اوهووووه قلنا ماا ادري..انا اللي رحت له يعني..
ريماا تهديهم: انزين هدوا شفيكم..
ريان بخوف: اي نهدي انتي بعد..والله لو يدري عنا فيصل ولا خالي زياد ذبحوونا..احنا بروحنا طلعنا بدون ما يدرون..
يارا لاعت جبدها: غرااااااام هدي شووووي هدي
غرام ارتبكت وصارت تدخل من شارع وتطلع من غيره وتصارخ: ما تشوووووفين بضيعهم
شوق صارخت : غرااااااااام بتموتين البنيه داخت..
كارلا بخوف وهي لامه اختها: ياروووو شفيج
يارا والباسكن ساح على ايدها: ماا ادري ما ادري دخت..
روعه وريما وكارلا وشوق وريان وريماس كلهم صارخوا عليها اول ما شافوها بتدعم طوفه: وقفييييييييييييييييييييي


غرام سحبت بريك بأخر ثانيه ووحده طاحت عالثانيه: اووووف الحمدلله ضيعتهم

كلهم بصوت واحد : مينووووووووووونه

غرام سكتت شوي وبعدين طالعتهم :
والله اشكالكم تضحك هههههههههههههههااي

روعه بدموع: حمااااره
شوق بقهر: وغبيه
غرام تضحك : ههههههههههههههههههههههااي شفيكم ترى احنا طلعنا نستانس
وحركت السياره قري عشان تطلع للشارع العام

ريما: يارو فيج شي
يارا طلعت كلينكس تمسح ايدينها وقطت البرد بالجيس: لاا لاا عاتي بس يمكن دخت من السرعه وتوترت من صراخكم..
ريان بغمزه: لا بابا اعترفي اعترفي اشتقتي لحبيب ألبج
يارا حمر ويهها: حماااااره جبب جببب
كل البناات: ههههههههههههههههههههههههههه

غرام وهي تطلع للشارع : بنااات بتقحصوووون
كل مع بعض: لاااااااااااااااااا
غرام خافت من صرختهم: وااي شفيكم ههههههههههههههههههههههههههههههههههههههههههههـ..كاه م كاهم

روعه لفت تشوف: منووووووو؟؟
غرام داست بنزين: نفسهم..بس انا اوريهم

البنات خافوا وغرام صارت تسرع والسياره وراها تحدهاا والشباب اللي فيها يصارخون ويصفروووووون

تركي مطلع راسه: اقوووول روووووعه شحلاة عيوووووووونج
روعه خايفه حدها وعيونها تدمع ومو قادره تلف: ......

محمد : ترى نستاهل..جربينا بس

ريماس بخوف: غرااااام دوسي بســـــرعه
..ضيعيهم

تركي: وغرام بعد..حلو حلو..اقول غرام سجلي رقمي .......

غرام من العصبيه داست بسرعه: كل تبببببببببببببن ياخرااااااااااااااااااااااااااااااااااااااا

ريما : هيييي انتي سكري الدرايش ولا تردين عليهم..فضحتينا
غرام بصراخ: شسوي يعني..ما تشوفينهم شيسوون؟؟

يارا بخووف: انا بدق على فيصل ما يصير جذي

ريما بسرعه: لاا فيصل لاااااااا..ا ا..اقصد لا تدقين على احد

كارلا: امبلا دقي خل ايون يتصرفون مع هالهمج
يارا طلعت فونها ودقت على فيصل مره وما رد: اففف ما يرد اكيد نايم

ريماس: دقي مره ثانيه
روعه: ئي تكفين يارو بسرعه..
يارا وهي تدق: انزين انزين

فيصل وكله نوم: اففف خير شتبين؟؟ قلبي ويهج بنام
يارا بلهفه: آلوو فيصل

لكن فيصل سده بويهها ونام

يارا بقهر: اففف سده


>>يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 20-07-2011, 08:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


الباااارت الواحد والعشرووون


يارا بقهر: افف سده
غرام تلفت اعصابها وهي تسرع وتدوس بنزين وآخر شي طلعت راسها: خييييييييير انت وياه شتبوووون فكوووونا
محمد اهو اللي يسوق: اقوول ياحلووو تسابق
تركي ضحك : هههههههههههههههههههاي ياحلو والا ياحلوووووه..
غرام بتحدي: كل خرااااااااااااااا والحين بوريكم اشلون تتحدوووون..
واحد معاهم اسمه عمر: هذي قووووويه هههههههههههههههههههههههاااااي
محمد ضحك: هههههههههاااي الحين اوريك فيهاا
وصار اهو وغرام يتسابقوووووووون بالشارع العام ويحدون بعض مع الصراخ والتصفيق والتصفير

ريماس بخوف: هييييييي انتي ينيتي؟؟
غرام صارت تطنش وحدها دايسه: .................

يارا تدق للمره الخامسه: افففف رد رد

ريما بارتباك: هااا رد
يارا بملل: لاااا..ئي ئي رد..آلو فيصل
فيصل صارخ عليها: شتبين ياخرااااا قتلج بناااااااام ليش تدقين..
يارا طنشته: لاااااااا تصارخ قوووووووم ألبس وتعال عند شارع.......فيه شباب يتحرشون فينا وحدوا غرام بالسياره
>>وصكت بويهه قبل ما تعطيه فرصه يرد

شوق خافت: هييي ليش تحاجينه جذي الحين بيي يذبحنا
ريان تبجي: يمااا ابي ماااما انا خايفه..اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ
ريماس تهديها: هيييي انتي ريونه شحقه تبجين ماكو شي الحين بيي فيصل ويتفاهم معاهم هالحيوانات
روعه هم تبجي: اشلوووون اشلوووون ما تشوفينهم شيسووووون..(وصارخت على غرام اللي دايسه اخر حد) وانتي هدي شوووي ياخراااااااااااااااااااااااااا

غرام مطنشتهم وجنها ما تسمع: ..............

يارا تلفت اعصابهاا ومسكت راسهاا: خلاااااااااااااااااص وقفــــــــــــــــــــــــي

غرام سحبت بريك قوووووووي الشي اللي خلاهم يتداعمون ببعض: وقفت ارتحتوا جذي..الحين بيونا
روعه ماسكه قلبها: وااااي قلبي..اخخ ياراسي
ريماس: اخخ يارسي..شنوو ايونا سكري الدرايش وبنظل قاعدين لين ايون فيصل وخالو زياد
كارلا وريما: يارا شفيج يارا
يارا ما ترد..صارت الدنيا سوده بعيونها وغابت عن الوعي وشالت الشماغ عنها عشان تتنفس: .............
ريما اخترعت لما ارتخى راسها عليها: ياااارا يمااااااا شفيهااااا
كارلا بجت وصارت تبطل ازارير الدشداشه عشان تتنفس عدل: يارا قومي يارا..يارا تسمعيني..قومي يارا اهئ اهئ اهئ اهئ اهئ اهئ اهئ اهئ اهئ اهئ
شوق بخوف: يماااا شنسوي الحين شنسوي(وصارخت على اختها)كله منج والله ماني طالعه معاج مره ثانيه يالحماااره..
غرام منفسه: سكتي بس الحين بيون وخلااااص..
ريماس: يماااا غرام شوفي نزلوا من السياره
روعه تطالع الشارع: لا والشارع فاضي يمااااااااا..الحين حزة صلاه والمحلات كلها مسكره يماااااا اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

غرام مسكت راسها: بس سكتوووا بس ما يقدرون يسوون شي..شنوووووو وين حنا فيه

بس تركي ومحمد نزلوا من السياره وقربوا لهم وصاروا يدقون عالجام

غرام ماتت من خوفهاا وقفلت الدقم كلها: هئئئئئئئئئئئئ يماا شيبووون

شوق صارخت بويهها وهي تشوفهم اشلون يطقون الجام بقوه: بناات بروحهم..شيبون بعد

كارلا بصراخ: يوووووووووه بس عااد كافي اللي حنا فيه..

ريماا بفرحه نست خوفها وبطلت الباب ويت بتنزل: بنات..بنااات كاهم يوو
وما كملت لان..

فيصل نزل فاير دمه من السياره واهو يشوفهم وعلى طول عطاها طراق لف ويهها فيه: صايرين لي بوياااااات انتي ويااااها انقلعوا عالسياره انتي ويااااها انقلعوااااا
ريماا راحت تركض للسياره وهي ما تشوف من دموعها : اهئ اهئ اهئ اهئ اهئ اهئ
كارلا بدموع: فيصل شوف يارا ما ادري شفيهاا
لكن فيصل ما سمعها لانه راح مع زياد اللي كان يتهاوش مع الشباب وطايح فيهم طق وترفس وسب وبقسات..

البنات كلهم نزلوا وراحوا للسياره وركبوا فيها الا كارلا اللي تحاول بيارا وهي تبجي

نزلت من السياره وهي تصارخ: تعالووووا شوفوا يارا ما ادري شفيها تكفوووون تعالوااا هدوهم اهئ اهئ اهئ اهئ اهئ اهئ اهئ اهئ اهئ اهئ

زياد من سمعها راح لهم بسرعه وحالة حاله: شنووو شصاير شفيج تحجي بسرعه..

كارلا بدون وعي حضنته: ما ادري شوفها شوفهاا انا خايفه..
زياد ارتبك وعرف انها منهاره ومسكها ومشى فيها للسياره: هدي هدي إن شاء الله ماكو شي..(ونادى فيصل)فييييييييييصل تعال خلهم يولون شوف يارا وانا باخذ البناااات..

فيصل تفل عليهم ويا يركض للسياره والشباب من شافوه انحاشوا عالسياره وما تشوف الا غبرتهم خخخخخ: شنووو شفيهاا؟؟ ياااااااارا

شافها مغمي عليها وشعرها طايح على ويهها وكاتم عليها وحالتها مبهذله والداشداشه ازاريرها مبطله ومبينه ملابسها الداخليه...
فيصل تنهد واشر لزياد: روووح انت انا الحقك..
زياد اشر له اوكي وخذا البنات وحرك وفيصل سدح يارا وركب مكان السايق وحرك بسرعه ورا زياد واهو يتحلطم : من سيارته هااذي بعد؟؟


زياد ظل طول الطريج يصارخ عالبنات ويزفهم وشرشحهم بالحجي: ميانين انتووا..الحين لو خاطفينكم ومو دارين عنكم جان استانستووووووووووووووا..آآه يالقهر..بعرف انتو حمير..اشلووون تفكرووووون..هااذي جده..تعرفون يعني شنو جده..يعني عالهيئه على طوووووول..لكن هين..انا اوريكم..

غرام صارخت عليه: هيييي انت مو من حقك تصارخ علينا..بنااات اختك بكيفك اما احنا لاأااااا فهمت..

زياد انقهر منها ولف بيعطيها طراق واهو يسوق: جببب انتي جب يااا...
ريماس مسكت ايده لانها كانت قاعده يمه: خااااااااااالي..
غرام ماتت من القهر ولفت ويهها عالشباك وهي تبجي: ..........
روعه وكارلا كانوا حاضنين بعض ويبجون من قوة الموقف: .......................

دقايق ووصلوا الفندق ونزلوا البنات بعد ما عدلوا لثمتهم وسيده عالجناح بدون ولا نفس ووراهم زياد
اما فيصل نزل من السياره وفتح الباب اللي ورى ودخل شوي عدلها وسكر ازاريرها وضبط لها الشماغ ونزل واهو مسندها على جتفه عشان ما يشكون فيه




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 20-07-2011, 08:29 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



البارت الثاااااني والعشروووون


نرجع الكويت
ونشوف الحال بفيلا ابومشاري
الساعه سبع المغرب

بغرفة مشاري

ام مشاري دخلت عليه وهي مستغربه..مو بالعاده ينام لهلحزه: مشاري مشاري يمه مشاري قوووم الساعه سبع شفيك ع النوم

مشاري بطل عيونه: هممممم
ام مشاري تبتسم: قووووم يماا طافتك صلاة المغرب..الله يذكرها بالخير يارا كانت مسنعتك
مشاري ابتسم وهو يتعدل بقعدته: تدرين يماا فاقدها
ام مشاري ضحكت وهي طالعه: ههههههه مرتك اشلون ما بتفقدها..قوووم قووم غسل وصحصح وانزل اتقهوى معانا انا وابوك
مشاري وهو قايم: إن شاااء الله..

دخل الحمام واخذ شاور سريع وطلع لاف الفوطه على خصره ورد على فونه لانه شاف يضوي واهو سايلنت: هلا مساعد

مساعد ابتسم: هلا فيك..وينك منت مداوم؟؟
مشاري ابتسم: راحت علي نومه..يلا ياي ياي مسافة الطريج بس ..توني قاعد
مساعد ضحك: هههههههه ئي ئي عشان تعرف قدر اختي..كل مره ايي تقعدك..

مشاري ضحك : هههههههههه اقلب ويهك..بااااي..
سده منه وراح لبس له بنطلون اسود مع حزام فضي وقميص ابيض مقلم بأسود ومشط شعره وتعطر ونزل يتقهوى مع اهله


بالصاله..

ابومشاري: والله خلا علينا البيت
ام مشاري: البنات اهم حياة البيت
امثال تخصرت: لا والله وانا يبه مو تارسه عينك
فايز ضحك: ههههههه انتي هالشهر طايره لراكان
الكل: هههههههههههههههههههههههه
نزل مشاري مبتسم وحط سويجه وفونه : مساء الخير..مثول عطيني قهووه
امثال خذت فنجان: إن شاء الله
ام مشاري: اقول ابو مشاري متى تبينا نروح نخطب لفايز
ابومشاري ابتسم: منو كارلا؟؟
امثال ضحكت: ههههههه كله من روعه حطتها براسك
مشاري ابتسم: اوووه اوووه بتصير عديلي بتااخذ اخت مرتي هههههههه
فايز ابتسم: هههههههههه إن شاء الله إذا وافقت
ابومشاري: وليش ما توافق..مرت عمك قايله لامك انهم ما عندهم مانع..وانا وياك إن شاء الله نروح الخميس ونخطبهاااا

فايز ابتسم: اللي تشوفه يبه..


>

>

>

>

سينابون السالميـه

بسيارة رائد

رائد ابتسم: شنوو تبين؟؟
جنى ابتسمت: اممم ما ادري شنو تبي انت؟؟
رائد يفكر: اممم شوكوبون وامريكانو
جنى ابتسمت: خلااص ابي نفسك
رائد اشر على عيونه: من عيوني..
جنى ضحكت: ههههههه تسلم هالعيون وصاحبهاا
رائد ضحك ونزل يطلب لهم وجنى خذت فونه تتعبث فيه
عجبتها وايد صور لرائد مره عالبحر لابس شورت وبلوزه حفر وصوره واهو متسند على سيارته
جنى طلعت فونها وفجت البلوتوث: ياااااي خن اسرقهم بسرعه قبل ما ايي رئووو...

رائد فتح الباب وخرعها: بوووووو
جنى قطت الفونات من الخرعه: واااااااااا

رائد دخل واهو يضحك وحط الجيس بالوسط : ههههههههههه شسويتي عفستي الاغراض ههههههههههه

جنى مسكت قلبها: وااي خرعتني حرام عليك

رائد ابتسم وهو ييب الفونات اللي طاحت تحت الكشن: الحرامي خواف..

جنى بحيا طقت جتفه: جببب اصلا انا بس كنت اشوف
رائد ضحك وهو يشوف البلوتوثات اللي دازتها: ههههههههه ئي واضح ههههههههه

جنى حمرت خدودها: جب اصلا بخليهم خلفيه
رائد طالعها واهو يسوق وابتسامته شاقه حلجه: فديت قلبج انا..شوفي خلينا نروح شاليهنا وهناك اسويلج احلى خلفيات

جنى : شنووو شاليه لا يبه انا قايله لامي حدي تسع وارد..اصلا جذبت عليها جذبه ما ترقع..قتلها بروح لتغريد بساعدها بجهازها
وما ادري شنو والحين سبع وربع..لا لا خلنا جذي احسن
رائد طالعها: خايفه؟؟
جنى بسرعه: لااااا مو خايفه
رائد ابتسم وهو يعدل شعره بالمرايه: عيل؟؟
جنى : يوووه رائد حبيبي والله مافيه وقت..
وبعدين هاك اكل..
وطلعت له الشوكوبون وحطتها بحضنه
وخذت الشوكوبون حقتها وقعدت تاكلها بلذة وتبتسم له
رائد ضحك: ههههههههههههههههههه ئي صرفي صرفي..انا داري انج خايفه
جنى بقهر: اففففف خلااص روح اي مكان تبيه زيننننننننن

رائد ضحك من قلب: هههههههههههههههههههه يعني انتي الحين معصبه..هههههه لا حبيبتي بس كنت ألعب بأعصابج..حلالج الفون وصاحبه..
جنى ابتسمت : تسلم حبيبي..

>

>

>

>

بجده
وبالتحديد بالفندق
نفس الوقت

بجناح البنات
بعد ما هدت الاوضاع نوعا ماا

زياد وفيصل كانوا بالغرفه اللي فيها يارا نايمه ويمها كارلا قاعده تحاتيهاا

فيصل ابتسم: اشلونج الحين؟؟
يارا بتعب: الحمدلله احسن
زياد بعتب: الحين انتي المتزوجه العاقله تسوين جذي..يعني لو مشاري معاج راح يرضى باللي تسوونه
يارا بهدوء: لااااا
فيصل : زين اللي يت على جذي..هاااذا درس لكم عشان ما تتهورون مره ثانيه وتطلعون بدون علمنا
كارلا لمت أختها: افففف خلااص قالت لك زيننننننن
يارا وفيصل وزياد : هههههههههههههههههههه

دخلت منتهى مبتسمه: فيصل تعال شوي..
فيصل ابتسم ووقف: يلاا ثواني..(والتفت لاخته)يارو إذا حسيتي بدوخه قوليلنا عشان نوديج الطبيب
يارا ابتسمت وهي توقف: لا وين.. دوخه وراحت..الحين باخذ شاور واصحصح..

دخلت الحمام تتروش وطلعوا كلهم وخلوها براحتها..

وبجناح الشباب

فيصل دش وقط روحه عالقنفات: خيرررر شعندج كاني قعدت

منتهى بهدوء: انت طقيت ريماا؟؟

فيصل سكت(ااه بس..طلعت كل القهر اللي بقلبي عليها): ..............................
منتهى تجتفت: احاجيك انا
فيصل بهدوء: ئي طقيتها فيها شي..
منتهى بحده: شنوو فيها شي..منو انت عشان تطقهاا..حرام عليك اللي سويته فيها جدام البنات
فيصل عصب وقام يصارخ: انا ولد عمها ومن حقي اكسر راسها إذا ابي..اهم كلهم غلطوا لما طلعوا بدون ما يعلمونا..بس اهي يت بطريجي وانا كنت معصب وخايف وطقيتها..ليش هي اشتكت لج؟؟

منتهى بهدوء: لاا..بس البنات قالوا لي وانا دشيت عليها وشفتها ذابحه نفسها من البجي..حرام عليك فيصل اصابعك مطبعه على خدها..

فيصل(ياليتها فيني ولا فيها): يعني؟؟
منتهى وقفت: روح اعتذر منها
فيصل انصدم: شنوووووووووو
منتهى وهي طالعه: اللي سمعته..
وطلعت وصكت وراها الباب
اما فيصل قط نفسه عالقنفه واهو يفكر


دقيقه

>

دقيقتين

>

ساعه

>

ساعتين

>
واستقر على راي
طلع فونه بسرعه ودز لها مسج :

ياشينها لا صرت بلا حبيب وزعلان
محد يراضي قلبك ومحد يهمهـ
وآن رحت محد قال لك وين يافلان
روحتك مع جيتك ما هي مهمهـ

هااذا بالضبط اللي سويتيه فيني وبقلبي..ع العموم انا اسف بس انا كنت معصب وانتي طلعتي بويهي

ارسلها وقام وطلع من الجناح يشوف زياد

زياد: آلووو
فيصل: وينك انت
زياد : انزل احنا باللوبي معاي البنات بنروح نتعشى..مالنا خلق نطلع بعد اللي صار
فيصل ارتبك: انزين كاني نازل

سده منه ونزل للبوفيه المفتوح بالفندق وكان زياد مع البنات قاعدين يتعشون وكل اثنينه يسولفون مع بعض

فيصل بتوتر : السلام عليكم
الكل ما عدا ريما اللي مشغوله بالمسج: وعليكم السلام

فيصل: اخبارج غرام بعد اللي صار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 20-07-2011, 08:30 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


غرام ضحكت: هههههههه واي تخرع محد يسوي فيك مقلب انت
الكل: هههههههههههههههههههههههههههههه
فيصل بنفسه(كل هاذا سرحانه بالمسج):..........

لكن ما طول انتظاره لانه ياه مسج من
(حبي الاول) :
من قال انك مو مهم بحياتي ما عنده نظر

يتبع..

وبس..

لا وعشان عيونكم هااذا البارت اللي بعده..


البارت الثالث والعشروووون


فيصل اشلون اوصف لكم شعوره..طاير من الفرحه..مييييييييت من الوناسه
طالعها بسرعه وشافها تبتسم له وفجآه حولت عيونها على يارا وشوق وصارت تسولف معاهم
قام وأرسل لها: حلفي ريموووو يعني صج
..انتي تحبيني مثل ما انا احبج

ياله رد : كنت احبك بس لما طقيتني كرهتك

فيصل رد عليها: افاااا تنكسر ايدي اللي انمدت عليج المهم ما تزعلين
ردت عليه: واااي لا تدعي على نفسك..

ووراه دزت مسج فيه شعر لنزار قباني:

إغضب !!
إغضبْ كما تشاءُ..
واجرحْ أحاسيسي كما تشاءُ
حطّم أواني الزّهرِ والمرايا
هدّدْ بحبِّ امرأةٍ سوايا..
فكلُّ ما تفعلهُ سواءُ..
كلُّ ما تقولهُ سواءُ..
فأنتَ كالأطفالِ يا حبيبي
نحبّهمْ.. مهما لنا أساؤوا..



اما فيصل لا تسألون عنه..كشرته تارسه ويهه

زياد عطاه كوع: هييي يابو الشباب صار لك ساعه تراسل منووو

فيصل ضحك: هههههههههههه ريموو احبها ياخالي احبهااا

زياد طالع ريما اللي من شافته عرفت شنو قاله واستحت واهو ضحك: ههههههههههه
زين الله يهنيكم ههههههههه

فيصل ضحك وارسل لهاا: صعدي فوق..بشوفج بروحنا قبل ما يخلصون العشى

ريما ابتسمت وكتبت له: ماابي..

فيصل طالعها بنظره حاده: .......

ريما ضحكت عليه وردت عليه: ههههه يماا كلتني بعيونك..انزين بصعد مو تيي بسرعه..خليج شوي

ابتسم فيصل وظل ناطرها شوي لين قامت وقام وراها بخمس دقايق بحجة انه خلص


وبجناااح البنااات

ريما كانت خايفه وتطالع نفسها بالمرايه..زادت عطرها وحطت غلوس زهري ناعم

فيصل من عند الباب: حلووه بدون ما تتعدلين

ريما ضحكت عليه ولفت للمرايه تطالع نفسهاا: جببب اصلا انا زعلانه عليك لا تحاجيني..
فيصل ابتسم وراح وراها ولفها له وحضنهاا بقووووه وباس خدها: انزين انا آسف
بس والله حركتج طلعتني من طوري..تخيلي لو هالكلاب سووا لكم شي..شبيصير فيناا

ريماا ما ردت لانهاا ضايعه بعبير عطره اللي لازق بقميصه واحساسها بالقرب منه خلاهاا تتوه: ...........

فيصل ما قدر يمسك نفسه ورفع ويهها وباس شفايفها بقوووه..

وريما هني حست بنفسها ودزته وركضت للغرفه ودشت وصكت الباب
اما فيصل قعد يضحك عليهاا من قلبه وتركها ونزل: ههههههههه انا نازل طلعي..



وجذي انتهت الليله الاولى بجده..مغامره خطيره..بعدها تعب وحزن..وبعدين نهايات سعيده..ههههههههههههه


>

>

>

>

>

مرت الايام وردوا البنات من جده مستانسين والخميس راحو ابو مشاري وفايز خطبوا كارلا رسمي من ابوهاا
وأبوعبدالمجيد وافق على طول لانه مرته معطيته خبر من قبل واتفقوا يملجون قبل عرس راكان وأمثال بأسبوع



ويا يوم الملجه
(فايز&كارلا)



بفيلا ابوعبدالمجيد
العصر
عند كارلا كانت تتزهب بدارها بعد ما تروشت وناطره الصالونه تيي لها


دخلت عليها يارا مبتسمه وعلى طول باست خدها: واااي كارو مبروووووووووووك
..لحظه لحظه بس خن ابدل وايي مشاري ما خلاني اسوي شي
ودخلت الحمام بدون ما تترك فرصه لكارلا ترد عليها

كارلا ضحكت من قلبها: ههههههههههههههههه
واااي شوي شوي شفيج جذي ملهوفه..

ورود بحقد وهي تصقع الباب بقوووه: ماخذه مشاري وما تبينها تكون ملهوفه

كارلا فزت: شفيج انتي ما تعرفين تطقين الباب وبعدين شوي شوي خرعتيني
ورود بسخريه : ههههههه خرعتج..واي سمله عليج..ما ادري عمتي ندوي ما عندها نظر اللي خذتج انتي واختج
كارلا رصت على اسنانها: احترمي نفسج لاني للحين محترمج
ورود تأشر بأصابعها بحقد : وربي ياكارلا لآخليج تندمين ولا تظنين اني بترك لج فايز ونشوووف

وطلعت ورقعت الباب

يارا طلعت من الحمام لابسه نفنوف لحمي كت وقصير للركبه وكله شورافسكي وشك وشكلها فظيع من لون شعرها وتسريحتها الويفي والميك اب الترابي والحمره الحمره: منووو هاااذي اللي صكت الباب جذي صج ما عندها ذوق
كارلا خافت لا تدري اختها وتكبر السالفه: ههههههههه لا ولا شي هاذي ريونه تعرفينها مصرقعه قالت بتروح تلبس وتيي

يارا دارت على نفسها: انزين شرايج؟؟

كارلا ابتسمت: حلوو وايد بس لا تنزلين عشان عبالهم انتي العروس

يارا ضحكت: هههههههههههه لااا شنووو شعورنا تختلف ههههههههههه

بهالوقت دخلوا ريما وروعه : هاااااااااااي

يارا وكارلا : هههههههههه هااااااي

روعه شهقت: واااي كارو للحين ما لبستي
..فيوز والرياييل كلهم تحتهم

كارلا مغصها بطنها: صج..وااي بنااات خفت

ريما : هههههههههه لا تخافين اخوي ما يخرع ههههههه

روعه وهي تفتح كبتها وتطلع لها نفنوفها اللي بتلبسه: ههههههه كارو لا تجذبين فيوز يهبل عطيتج صورته..

يارا : بس اهو اسمر واختي بيضا

ريما : ههههههههه عاتي حليب كاكاو

كارلا تخصرت: لااا والله..جب جب..

الكل: هههههههههههههههههههههههههههههه


بعدها يت الكوافيره وخبيرات الميك اب والشعر وبدوا البنات يلبسوووووون ويكشخوووون


ومر الوقت
ويت الساعه سبع
وبالتحديد بالديوانيه

الكل كان موجود
وفايز متوسط المجلس بكشخته بالدشداشه والغتره

عبدالمجيد : الحين صاروا خواتي الثنتين عندكم عاد ما اوصيكم عليهم

فايز ابتسم: خلها تيي أشوفها بالأول وبعدين اتحجى

عبدالمجيد ضحك: ههههههههههه لاا تستعيل على رزقك الحين بناديهاا

وبزاويه ثانيه

رائد : ما اقدر اصبر اكثر من جذي..بقول لأمي تخطبهاا لي
فيصل ابتسم: مو تقول بتنطر عرس اختك

رائد ابتسم: بييييه عرس اختي وعبدالمجيد اصلا للحين ما حدد الزواج متى

فيصل : ما ادري بكيفك..اقوول قووووم قووووم نطلع الحديقه وهناك نسولف


وعند ضاري: يعني شنوو منت ياي؟؟

زياد بملل: قتلك لا..لا تقعد تحن..

ضاري: انزين فشله عالاقل تعال بارك لابوعبدالمجيد وفايز وبعدين امش..

زياد (هااذا الموت): اففف مو مشكله فايز امره باجر واباركله..الحين انا تعبان وتوني راد من المكتب من الصبح كنت بالمحكمه..
يلااا بااااي
ضاري بسرعه: شنوو باي..يبه انسى البنيه بذمة غيرك الحين

زياد عصب: بااااااااااااااااااااي..
وسده قبل ما يرد ضاري

ضاري تنزفز: اووووف
مساعد : شفيه مو ياي؟؟
ضاري: لااا يقول تعبااان
مساعد : غريبه
ضاري: ما ادري عنه روح اسأله..
ووقف
مساعد : وين رايح؟؟
ضاري: بطلع الحديقه تيي
مساعد : ئي يلاااا

طلعوا الحديقه وهناك شافوا رائد وفيصل وخذتهم السوالف

اما فايز وكارلا

دخلوهم مجلس فاضي عشان ياخذون راحتهم وباس راسها ولبسها الشبكه وشربها العصير وصوروا مع بعض وصورت كارلا مع ابوها وأخوانها وتوأمها وبعدين طلعوا وتركوهم



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 20-07-2011, 08:31 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


كارلا بالبدايه كانت مستحيه بس بعدين خذت عالجو وصارت تنكت له وتضحك معاه
وفايز مستانس عليها ومبهور فيها

فايز ابتسم: انزين حبيبتي قومي بدلي عشان اخذج ونتعشى برا
كارلا ابتسمت : إن شاء الله حبيبي
توها بتقوم الا وفايز يسحبها ويطيحها بحضنه: هئئئئئئئئ
فايز ابتسم: عيدي اللي قلتيه
كارلا ابتسمت: قلت حبيبي..مو انت زوجي الحين يعني حبيبي
فايز داخ عليها وقرب منها وباس شفايفها بقووووه
كارلا ذابت بهدومها من الحيا دزته وطلعت تركض

وفايز قعد يضحك عليهاااا

اما كارلا صعدت دارهاا تبدل وشافت العفسه : يوووه شهالعفسه..عادي بعدين اعدلهاا

دخلت الحمام ومسحت مكياجهاا بمناديل جونسون وغسلت ويهها وفصخت نفنوفها ولبست روبها وطلعت سيده لكبتها تختار لها شي تلبسه

ورود دخلت عليها: شتسوين؟؟
كارلا من ربكتها نست انها متزاعله وياها: فايز ناطرين تحت بنطلع نتعشى..واي ورود محتاره شلبس عفيه قوليلي

ورود ابتسمت بخبث: يعني انتي مو زعلانه مني؟؟
كارلا لمتها بطيب: اوووه ورود انتي اختي..تدرين اني ما صدقت متى ألقى ابوي واخواني..ومستحيل ازعل منج

ورود ضحكت : ههههههه حبيبتي انتي عيل انا بختار لج لبس..
تركتها وراحت للكبت..طلعت لهاا تنوره سودا لفوق الركبه مع بدي اسود كت ركبت عليه جولييه احمر شفاف وحزام ذهبي مثل السلسله على خصرها مع صندل اسود وحطتهم عالسرير : هاج لبسي هذول وايد حلوووين
كارلا ابتسمت : واااي مشكوووره حبيبتي انتي..باست خدها وفصخت روبها وبدت تلبس

وسط غفلتها وغياب ضمير اختها اللي الحقد والحسد اعموها وصورتها بفونهاا لقطه بلقطه وطلعت وهي تبتسم بخبث واول ما وصلت غرفتها وصكت الباب وقعدت تضحك: ههههههههههههههههههه هههههههههههه اااه هههههههههههههههههههههه
قتلج صبري علي صبري ههههههههههههههه

>>>بنااات والله الموقف صجي..اخت صورت اختهاا

اما كارلا حطت ميك اب ناعم وزادت لمعه على خدودها تعطيها بريق العروس والروج الاحمر الصارخ وتعطرت ونزلت..قالت للبنات انها بتطلع وسلمت على اختها لانها يمكن تتأخر وطلعت والبنات يضحكون ويعلقون عليهاا اما ام مشاري كانت الفرحه مو سايعتها انها فرحت بعيالها وزوجتهم

يتبع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 20-07-2011, 08:33 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


البارت الرابع والعشرون

نكمل بعد ما لبست كارلا وطلعت مع فايز

بسيارة فايز

كارلا ركبت وصكت الباب: طولت عليك

فايز ابتسم وهو يحرك: حلالج العمر كله..

كارلا ضحكت: ههههههههههههه من اولها جذي
فايز ضحك : ههههههههههههههههه انزين حبيبي وين بتعشين؟؟
كارلا : اممم ما ادري بكيفك

>

>

>

>

نرجع للفيلااا

ريما تواسيها: هييييي يارو يالهبله بسج بجي
..الحين كارلا مع فايز ومو على بالها احد ههههههه
يارا تمسح دموعها: ادري بس كنت اتمني امي تكون معانا بهاليوم
ريماا لمتها: يووه يارو الله يرحمها عالاقل انتي عندج عمتي طيبه امج الثانيه..روحي مسحي دموعج وعدلي مكياجج وانا بروح اييب لنا عصير نشربه
يارا ابتسمت: انزين ييبي لي فراوله
ريما ضحكت: هههههههه اوووك..

اما يارا راحت عدلت مكياجها ودقت على مشاري اييها بسرعه


مشاري بلهفه: هااا حبيبتي فيج شي؟؟

يارا اول ما شافته نزلت دموعها من جديد وهي تدفن ويهها بصدره: اهئ اهئ اهئ اهئ اهئ اهئ اهئ اهئ اهئ اهئ اهئ اهئ

مشاري معنه مبهور فيها وبلبسها اللي اول مره يشوفها فيه بس الحين اهو خايف عليها: حبيبتي شفيج..احد زعلج..تكلم عليج..بس قوليلي وانا اوريج فيه

يارا بدموع: ل..لااا بس عشان امي مو معانا..انا ما شفتها..تمنيتها تكون ويانا بهاليوم وتشوف كارلا وهي عروس..

مشاري تنهد..راح عن باله هالشي..مسكها وقعد وقعدها بحضنه ورفع ويهها عن صدره ومسح دموعها: حبيبتي انا امج وابوج واخوج وكل الدنيا
يارا لمته بقوه : ادري بس كارلااا....
مشاري قاطعها: كارلا الحين عندها فايز وابوها وأخوانهاا وإن شاء الله يقدر يسعدها وما تحتاج لاحد..
يارا هدت شوي وباست رقبته ودفنت ويهها فيهاا: .........

مشاري ابتسم وتركها شوي: ترى عفستيني..

يارا بعدت عنه شوي وشهقت لما شافت كحلها وحمرتها ملطخه دشداشته ورقبته وخذت كلينكس تمسح فيه: هئئئئئ سوري حبيبي ما انتبهت..
مشاري ابتسم وهو يبوس خدها: فداج كلي.

يارا ابتسمت: اممم انزين حبيبي ابيك توديني عند خالو زياد..اليوم ما يا وضاري يقول انه تعبان وبروح اشوفه
مشاري ابتسم: ئي عادي بس نخلص عشى ادق عليج تيين
يارا بدلع: اممم لاا..مو جذي..اقصد اني ببات عنده الليله
مشاري : شنووو لاااا لاااا
يارا باست خده: عفيه حبيبي بس الليله والله بتطمن عليه..خالو ضاري يقول انه تعبان..

مشاري : ويهون عليج تروحين وتخليني بروحي..
يارا باست شفايفه : بس هالمره والله..

مشاري ابتسم: خلااص بس هالمره..

يارا نطت من الفرحه: صججججججج..ثواني حبيبي بس ألبس عباتي وايي..

مشاري ضحك على حماسها: هههههههههههه صج حريم عند الطلعات يموتون..ههههههه


مطعم السوليدير اللبناني
الساعه ١١ بالليل

فايز : الحمدلله..ها حبيبي شرايج بالاكل؟؟

كارلا ابتسمت وهي مندمجه بالاكل: امممم وااايد حلووو ويشهي الواحد ياكل..

فايز ضحك: ههههههههه بالعافيه على قلبج

كارلا ابتسمت وهي ماسكه شوكه فيها سلطة فتوش: اممم تسلم..ااامممم

فايز ضحك : ههههههههه انزين حبي شوي شوي ترى انا ما احب البنيه الميته وبعدين تسوين لي شد وما ادري شنوو

كارلا طلعت عيونها وهي تأشر على خصرها وبطنها: هئئئئئ حرام عليك انا الحين ميتنه..والله جسمي يهبببببببببل

فايز قرب منهااا ومسك ايدها وباسها: ادري بس اذكرج يعني..

كارلا بعدت ايدها وكملت اكلها: هههههههههه زين ثانكيو عالنصيحه اللي مو بمحلها

فايز ضحك : هههههههههههههههه

قطع عليهم صوت رنين فونهاا باسم(فوفو)

كنت غالي في قلبي
وكنت حلمي الجميل
وصرت لي جرح مؤلم
وهم ليلي الطويل
مسألة وقت..وقت وانسى
قلبك اللي..اللي نساني


كارلا يت بترد بس فايز سحبه بسرعه : منو فووفو؟؟
كارلا ضحكت: هههههه اوف بدينا هااذا فيصل رد عليه..
فايز ضحك واهو يرد : هههههههه هلاا فوفو

فيصل استغرب: خيررر تضحك ومنو فوفو شايفني بنيه
فايز ضحك: هههههه لا حشاك بس هااذي اختك مسجلتك فوفو انا شكو
فيصل ضحك: ههههههههه عطينياها هي يمك

فايز ابتسم: ئي كا خذها..هااج يبيج
كارلا بسرعه : هيييي فيصل يتني نكته اقولهاا

فايز ضحك: هههههههه شنوو نكته انتي هيييي..انتي الحين معاي
فيصل ضحك لانه سمع فايز: ههههههه قوليها اسمعج..بس لحظه خل افتح سبيكر انا عند راكانوه بالغرفه
كارلا ابتسمت: صج سهرانين بدوني ياخووونه
فيصل ضحك: هههههههه مو بس انا سمعي

راكان بصوت عالي: هههههههه كارو انتي عندج الحين فايز اشبعي فيه
كارلا استحت : جبب جببب
مساعد ضحك: ههههههههههه ما عليج منه قولي النكته..
فايز حاط ايدينه على خده ويسمع المكالمه:.........

كارلا ضحكت: هههههه انزين اسمع..فيه عيوز توها شاريه كمبيوتر قعدت تطقطق وتتعبث بالدقم مستانسه..جان يتبطل مكان السيدي جان تقول..خوش فيه مكان نحط فيه البيبسي

مو بس فيصل ومساعد وراكان وعبدالمجيد اللي ضحكوا حتى فايز اللي شرق بالماي واهو يسمعها: كح كح كح هههههههههههههه
ههههههههههههههههههههههههههههههههههههههههههه ههه

مساعد : ههههههه هييي هااذا شرق..يامعود اشرب ماي لا تمووت وتبتلش اختي
ههههه
فايز : ههههه انقلع يلا مع السلامه
كارلا بسرعه: لاااا لااا يتني نكته ثانيه
فيصل يضحك: شنوو يتج نكته..مطر اهو ينزل عليج ههههههههههههه
كارلا ضحك: ههههههههه ما ادري..المهم اسمع..محشش دلوع قالت له امه روح ييب لي دواء..عاد اهو راح ويا ولقاها ميته جان يقول..يالبايخه!!!

فيصل : هههههههههههههههههههه اقووووول باااي باااي هههههههههههههههههههههههههههههه


كارلا سدت منه واهي تضحك وحدها مستانسه

فايز ابتسم: خلصتي
كارلا ابتسمت وهي تطلع معقم من شنطتها: اممممم
فايز ابتسم: عيل ندفع الحساب ونقوم نتمشى



>

>

>

>


وبفيلاا زياد وضاري
نفس الوقت


مشاري: تبين انطرج
يارا ابتسمت: لااا روح انت وانا ايي باجر الصبح
مشاري ابتسم: اوكي تيك كير
يارا : تيك كير..باااي


دخلت الفيلااا وكانت ظلام الا من نور الصاله: يمااا وينهم..زياااد..زياااااا..

زياد طلع لها من ورا الدري ومسكها: صدتج هههههههههه
يارا اخترعت: واااااااااااااااااااااااااااا..وعمىىىىىى إن شاء الله زين..
زياد مات من الضحك: هههههههههههه شيايبج؟؟
يارا مسكت قلبها: واااي خرعتني..
زياد بضحك: هههههه المهم شيايبج؟؟
يارا ابتسمت: ييت اتطمن عليك
زياد بجديه: خيييير من قايلج اني مريض
يارا باستغراب: ضاري يقول انك تعبان عشان جذي ما ييت العرس..وبعدين تعال كا اشوفك جدامي مافيك شي شحقه ماييت

زياد راح قعد وحط ريل على ريل ومسك الريموت: مو تعبان ولا شي..ما كان لي خلق ايي وقلت لضاري يقول هالحجي

ضاري من عند الباب: قتله ويقولك فايز ما تشوف شر بس مو ناسيها لك..(وقعد)السلام عليكم

زياد ابتسم: انا اباركله بعدين..المهم انتي شيايبج؟؟
يارا فصخت ملفعها ونثرت شعرها بيدينها: مشاري..انا قتله يقطني عليك بطريجه..(ولفت عليه)بس لا تضيع السالفه..شحقه ما ييت

زياد : اففف بس جذي مالي خلق حق السوالف والمجاملات
يارا بدهشه: يعني ما فيك شي
زياد ابتسم(قلبي فيه): لااااااا
يارا كشت عليه: مالت عليك زين..وانا من اليوم اساحل مشاري واترجاه وبجيت عنده عشان اييبني وبسته مليون مره واخر شي مافيك شي..

زياد وضاري: ههههههههههههههههههههههههههه

ضاري وقف وبيده غترته وعقاله: وانا اقول يانا ورقبته ملونه اثاريج طايحه فيه

يارا بقهر : كله منه..مالت عليك الله ياخذك زينننن

زياد مات من الضحك: ههههههههه انا شكو..ما قتلج تعالي
ضاري يضحك: ههههههههههه اقول تصبحون على خير..حدي دايخ وتعباااان

يارا بهدوء: والحين ما راح تقولي شفيك

زياد زهق: اوووف انتوا شحقه مصرين ان فيني شي
يارا بحده: لان ماكو سبب يخليك ما تيي
زياد عصب: اوهوو عليناا قتلج ماكو شي لاا تقعدين تحنين
يارا تنرفزت وقامت عنه: احسنننننن زين

وصعدت دارها تبدل وتنام اما زياد ظل يتابع التلفزيون ويحاول ينسى لحد ما زهق ومل وداخ وقام يناااام

وبداره كان يتحلطم

اففف ليش مو راضين يفهمون اني احاول انسااها..بس انا احبها..ئي حبيتها..بس اشلووون..شقول..شكلي غلط..متزوج اخت بنت اختي..بس ولو اهي ما تصير لي شي..مو حلالي..يعني يصير اتزوجها..افففف شقاعد اقوول انا..الحين صارت مرت فايز..يالله..ليش ييتي كارلا ليششششششششششش؟؟

وجذي انتهت ليلة زياد اللي ما يدري شنو الزمن مخبي له



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 20-07-2011, 08:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


البارت الخامس والعشرووووون

(وحلت الكارثه)

ثاني يوم..
الساعه وحده الظهر

قعد فايز من النوم على صوت مسج لفونه..وما كان اول مسج..كان رقمه 5..عشان جذي زهق وقام : اففف منو هااذا اللي يدز مسجات ورا بعض

بطل المسج الاول : (ما ابي اصدمك بس بتندم انك تزوجتهاا)
انصدم وبطل المسج الثانيكان المفروض تتزوجني انا..انا اختها واكبر منها واعرفك عدل..)
عصب وحمر ويهها وبطل المسج الثالثصدقني كارلا متحرره وما تصلح لك..انا سكت لما مشاري تزوج يارا لان ما عندي دليل لكن..)
وبسرعه بطل المسج الرابعالحين انا ما اقدر اسكت لاني احبك وانت من حقي اكثر منها..كارلا عاشت بالغرب وكل شي عندها عادي حتى لو اضطرت تعرض جسمها..بنت عمك ورود..لا لا..لحظه انطر المسج اللي وراه وبتشوف بعينك)

والمسج الخامس كان مقطع الفيديو اللي صورته ورود لها..وكانت كارلا فيه تفصخ الروب اللي تحته ملابسها الداخليه

وهني فايز عصب..فار دمه صارت عيونه تنط منها الشرر والشياطين تتناقز فوق راسه وضغط فونه بيده: خاااااينه..حقيييييره
..حيووووووانه..تخدعني..انا تخدعني هالياهل..لااااا كلهم خدعوني وغشوني..كلهم وعمي اللي مغشوش ببناته اولهم..بس هين هين انا اوريهم)

قام مثل المينون وطار على الحمام غسل ويهه وخذا بلوزته وسويجه ونزل يركض واهو يصارخ : اوريهاا..هين اوريهااا..والله لادفعها الثمن غاااااااالي..تشوفوووووون..تفففففف عليكم..تفففف علييييييج ياكلبه ياحقيره


طبعا هااذا الكلام كان يقوله واهو عالدري
وأمه وابوه واخوانه مصدومين منه

*ملاحظه: بناااات قسم بالله ان هالحادثه حقيقه..والاخت صورت اختها وسوت اكثر من جذي وهدمت بيوت والحين تشوفون شصار..


نكمل


ام مشاري وقفت: فااايز..فايز يماا شفيك؟؟

مشاري اخترع وركض ورا اخوه وشده بقوه: هييييي فايز وقف شفيك؟؟

فايز بصراخ: اللي فيني اني شفت مرتي بمقطع بلوتوث..اللي فيني اني ما ادري جم واحد وواحد شافوها وهي تعرض جسمها بوقاحه لهم..اللي فيني اني غدروا فيني..اللي فيني اني انخدعت فيها مثل ما خدعوك باختهاا اللي الله العالم شتسوي من وراك..

مشاري قاطعه بطراق حار: هييييييي انت ينيت شهالحجي اللي تقوله
ام مشاري وريما وروعه وامثال: هئئئئئئئئ

فايز حمر ويهه: لااا عقلت..وما اكون فايز إذا ما اطلقها وخليتها علج بحلج اللي يسوى واللي ما يسوى..
وطلع ورقع الباب بقوووووووووووووه
وطبعا مشاري اول شي فكر فيه يارا..إذا كان المقطع انتشر واهم توم محد بيفرق بينهم وبيظنون انه مرته اهي اللي..: لااااااااااااااااااااااا

عند هالفكره صرخ عقله وقلبه برفضها وطلع اهو الثاني معصب

>

>

>

>


نروح لبيت ابو جنى

ام جنى : ئي ئي لاهنتي ياأم عبداللطيف بس انتوا من بيته عشان اخلي ابوها يسأل

ام عبداللطيف: بيت ال...

ام جنى تفأجات وردت بتردد: ئي ئي يصير خير إن شاء الله مع السلامه

ونادت بنتهاا

جنى..ياجنىىىىىىىىىىىىى

نزلت جنى من دارها وقلبها يرقع لان رائد قالها من قبل: هلا يماا

ام جنى: بدون لف ودوران شبينج وبين رائد؟؟
جنى ارتبكت: هاااا

ام جنى بحده: شنووو هاا..ما تسمعيني اقولج شبينج وبينه..انا مو حذرتج منه من قبل وقتلج إذا يحبج ايي ويخطبج

جنى باندفاع: ادري يما وانا قتلج انه يحبني واحبه وكاهو خطبني يعني ما جذب علي

ام جنى بحده: حتى لو..مو من مواخذينا..ابوج ما راح يرضى..احنا شيعه ما نعطي سنه..اهم بيت ال..واحنا بيت ال...

جنى هني كانت الصدمه لهاا وفجت حلجها: شنووووو

ام جنى بعصبيه: اللي سمعتيه..باجر بدق وبقول لها ان ابوج رافض وهالصبي تقطعين علاقتج فيه..رفيجات بناتهم ئي لكن اعطيه بنتي هااذا شي ثاني..وياويلج لو اسمعج تقولين اسمه جدامي مره ثانيه

جنى بدموع: ما اقدر يماا..ما اقدر انا احبه واهو يحبني وما راح انساه عشان افكاركم المتخلفه..لمتى عايشين احنا جذي سني وشيعي وحضري وبدوي واصيل وبيسري وكويتي ومو كويتي لمتىىىىىىىىىىىىىىىى..


ام جنى عطتها طراق طيحها عالارض: لسانج هااذا يبيله قص..قومي ذلفي دارج يلاا لا اخلي ابوج يتفاهم معاج عدل وانتي تعرفينه لا عصب

جنى ما تحملت..قامت تركض لغرفتها وهي ما تشوف من دموعهااا..قفلت على نفسها الباب وبجت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 20-07-2011, 08:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول


في فيلا زياد وضاري
الساعه وحده وربع
يارا بدارهاا توها قاعده من النوم..غسلت ويهها وفرشت اسنانها وتعطرت وعدلت بيجامة ضاري اللي لابستها لان ما عندها لبس هني وقعدت تمشط شعرهاا

فجآه سمعت صراخ ياي من تحت..


مشاري : وينهااا؟؟ يااراا ياااااااااااااااارا

زياد فز مخترع: خييييير مشاري شفيك

مشاري بحده: من وين بيي الخير بعد هالفضيحه..يااااارا
ضاري وزياد بحده: هييييي احترم نفسك انت ابيتنا

نزلت يارا بسرعه : مشااااري..شفيك شصاير ليش تصارخوون؟؟

مشاري مسك ايدها بقوه: روحي ييبي عباتج وتعالي معاي خلصيناا
يارا تعورت من مسكته: ااااه هدني عورتني
..قولي شفيك ليش معصب شحقه تصارخ؟؟؟
مشاري بصوت زلزل البيت: لان اختج يامدام فضحتنا..بلوتوثها منتشر بكل مكان وانتي لازم تيين معاي الحين
وسحبها من ايدها ومشى

يارا طار عقلها لما سمعت كلمة بلوتوث واختها ومنتشر وشدت ايدها بقوه: هييييي هدني ماني رايحه معاك بروح لاختي بشوفها..ليش تتحجى عنها جذي؟؟

مشاري معصب: لاااا ياحلوه من اليوم ورايح ماكو اختج وهالخرابيط..تسمعين اللي اقوله وتنفذين وبس..

ضاري وزياد للحين تحت صدمة الموقف: .................
ضاري راح له: مشاااااري لحظه فهمنا شسالفه؟؟
مشاري بنفس: مالك شغل..مرتي وانا حر..وانتي يلا جدامي..
يارا بتهور: تخسي لا انت ولا غيرك يفرقني عن اختي

وهني مشاري صار ما يشوف من العصبيه ومسكها وصار يعطيها طراق ورا طراق ويشد شعرها وسحبها بالارض

وزياد وضاري يو تهاوشوا معاه وصكت الهوشه بينهم..وصارت لويه..سب وهواش وكلمات ما تنقااااال..وملابسهم غرقت بالدم واخر شي قدروا يفكون يارا منه بس بعد شنوو..

بعد ما طاحت مغمي عليها والدم مغطيها من كل مكان

ضاري خنقه: ذبحتهاااا يالنذل..
زياد يا يشيلها وانصدم بالدم: تنزف!!!

مشاري الصدمه شلته عن الحركه: .............

ضاري خاف: شنووو؟؟ تنزف؟؟

زياد ما قدر يرد عليه بس شالها وطلع يركض فيها ووراه ضاري ونسوا مشاري واقف بمكانه

>

>

>

>

اما ببيت ابو عبدالمجيد

يا فايز وهو معصب ويصارخ وما خلا كلمه ما قالها وتهاوش مع عمه ووراه الفيديو وطلق كارلا جدامه وطلع واهو يتحلف فيهم

اما ابوعبدالمجيد ما تحمل يشوف بنته بهالمنظر وطاح من قوة الصدمة..

فيصل ومساعد طاروا له: يببببببببببببببببببببه!!

اما راكان دخل وطاح بكارلا طق..طقها طق اليهد لين عافت روحها واهي مو فاهمه شي..ورود كانت واقفه تشوف واهي ميته من الفرح بداخلها وتظن انه اللي تبيه بيصير..وطيبه وبناتها يحاولون يفكونها من ايدينه واهم يبجون ومخترعين

ومحد قدر عليه الا عبدالمجيد اللي يا وتهاوش وياه وشال كارلا وطلع يركض فيهاا..حطها بسيارته وحركهاااا بسرعة تعدت 140

بالليل..الكل صار عنده خبر بطلاق كارلا والفضيحه اللي صارت وزعلوا عليها والبعض تشتم فيها وما صدقها لان امها اجنبيه ومو غريبه عليها تسوي هالشي

يتبع...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 20-07-2011, 08:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول



البارت السادس والعشروووون
والاخير

بالمستشفى اللي يشتغل فيه مساعد


وبالتحديد بمكتبه الخاص بأمراض النسا والولاده


عبدالمجيد يحس هموم الجبال فوق راسه: شصار معاك؟؟

مساعد تنهد: ابوي مثل منت عارف دكتوره يقول انه بالعنايه المركزه وحالته مو مستقره واحتمال يصيبه شلل نصفي اذا ما قعد خلال اربع وعشرين ساعه

عبدالمجيد نزل راسه بالارض: ادري..الله يقومه بالسلامه..اقصد يارا

مساعد : والله ما ادري شقولك ياخوي...كانت حامل
فيصل همس: كااانت
مساعد تنهد: ئي اجهضت لانها ما قدرت تتحمل الطق..
عبدالمجيد بهدوء: بس..
مساعد كمل:حالتها النفسيه متدهوره واحتمال تدخل باكتئاب
عبدالمجيد تنهد ودخل ايدينه بشعره: ياااااااااااااااارب
راكان كمل عن اخوه: انزين وهذيج الحيوا...

فيصل قاطعه: راكان ترى احنا مو ناقصينك..سكر حلجك شوووي
راكان قام واهو معصب: كله منها..الحيوانه بنت ال..اهي اللي فضحتنا..كل اللي صار من ورا راسها ياليتها مايت..ياليتها ماتت

مساعد وقف: لا حول ولا قوة الا بالله

عبدالمجيد وقف: وين؟؟

مساعد: بروح اتطمن على كارلا ويارا بمر افحصهاا

فيصل : بيي وياك
عبدالمجيد: روحوا انتوا انا ناطر عمي محمد قال بيي يتطمن على ابوي


>

>

>

>

وبالغرفه اللي فيها يارا

منسدحه وويهها شاحب من المرض وبيدها الدريب وشفايفها ناشفه وغصب تبطل عيونها من الانتفاخ اللي فيهاا

دخلوا عليها مساعد وفيصل

فيصل قعد عندها وباس جبينها: يارو الحمدلله على سلامتج

يارا نزلت دموعها ولفت عنه :...............

مساعد تنهد جيك عالدريب وقاس ضغطها وحط السماعات على صدرها يفحصهاا: اخذي نفس

يارا تنفذ بدون كلام : ............

مساعد اخذ الفايل حقها يسجل فيه ملاحظته: الحمدلله كل شي تمام..نبضج مستقر بس يبيلج راحه وتغذيه عشان تعوضين الدم اللي فقدتيه

يارا حطت ايدها على بطنها وضغطتها بقووه: ذبح ولدي

فيصل ومساعد طالعوا بعض بضيق : افففففف

فيصل مسك ايدها وباسها: يارو حبيبتي إن شاء الله ربي بعوضج..
يارا بحده: لاااا..مابيه..قولو له يطلقني

مساعد انصدم: شنووو...يطلقج؟؟
فيصل : من صجج يارا..ما يصير من اول مشكله تصير بينكم تتطلقون..حرام انتي صغيره والعمر جدامج..وبعدين لازم تعذرينه..اهو ما كان بوعيه..احنا بنحاسبه علي سواه بس مو بالطلاق

يارا بدموع هاديه: هااذي مو اول مره يمد ايده علي..انا قتله من قبل انه لو عادها ما راح اسكتله..اللي بينا انتهى..قولوله يطلقني..

مساعد يسكتها: انزين بنقوله بس انتي اهدي الحين ونامي..

يارا غمضت عيونها ونامت..وظل عندها فيصل وطلع مساعد يكمل جولته على مرضاه..



ثاني يوم الصبح


قعد ابو عبدالمجيد وحالته شبه مستقره لكنه مر بأزمه قلبيه قدروا يلحقونه بأخر ثانيه اهم شي انه تعدى خطر الشلل

وعياله وزياد وضاري نسايبه كلهم تيمعوا عنده

ام عبدالمجيد : سلامتك يالغالي..سلامتك ياتاج راسي..خطاك السو

ابوعبدالمجيد بتعب: خطاج اللاش..سامحيني طيبه ما عرفت قدرج واخطيت بحقج وايد لما حطيت عليج وحده ما تسوى لكن الحين لااا..(والتفت لولده) وينها القح..

البنات ريان وريماس ومنتهى شهقوا من قوة الكلمه : هئئئئئئئ
عبدالمجيد عصب بس ما قدر يرد على ابوه: منومينهاا بالجناح

ابوعبدالمجيد: يعلها تموت..اسمع إذا طلعت من المستشفى مابيها ابيتي..

عبدالمجيد انصدم: شنوووووو؟؟
مساعد بسرعه: وين تروح يبه؟؟ حرام هااذي بنتك من لحمك ودمك..اشلون تتخلى عنها وانت ما تأكدت اذا هي مظلومه ولا لأ

ابوعبدالمجيد بحده واهو يكح: لا تحاولون..كح كح كح..فضحتنا الله ياخذها..مابيها ابيتي..شوفوا لها اي واحد زوجوها وفكوني منها

فيصل: من صجك يبه شنووو

ابوعبدالمجيد عصب: اللي عندي قلته..مابيها لا هي ولا اختها..لا بارك الله فيهم من بناات

عبدالمجيد ماسك نفسه غصب: من صجك يبه..وين نوديهاا..بنيه هااذي مو ريال عشان تطردهاا
ابوعبدالمجيد انفعل: مابيها عندي..زوجوها..كح كح كح
زياد صدم الكل: انا اتزوجهاا

الكل انصدم: انت؟؟

ام مشاري: ئي ياخوي بس...


الرد باقتباس
إضافة رد
الإشارات المرجعية

رواية أعترف مجنون في حبك رغم عقلي الكبير / الكاتبة : أوراق خريفية ، كاملة

الوسوم
مجنون , منقول , الكاتبة , الكثير , اعترف , اوراق , خريفية , رواية , عقلي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
من حق الكبير jaklen مواضيع عامة - غرام 1 25-11-2011 04:39 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 01:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1