لي مع الغرور قصة ©؛°¨غرامي جديد¨°؛©

هااااااااااااياااااااااااات..
انا عضووة جديدة بالمنتدى وحبيت اول
مشاركة لي بالمنتدى تكوون رواايتي الي كتبتهااا..


روايتي (( غربة أيام في فرنسا ))
تتكلم عن بعثة بنات راحوا لفرنسا وصارت لهم أحداث ومواقف مضحكة ومحرجة ومؤلمة طبعا انا مادخلت فيها أي شي يتعلق بالرعب وحبيت اخليها منوعه طبعا استغرقت مني الكثير من الوقت والجهد والمال ودرزن من الدفاتر والأقلام >>أبو الصواريخ
وحابه أوجه رسالة شكر وتقدير لـ : مريم وريم وسوسو وجيجي ولولا الله ثم هما ماكان كملت الرواية ثانكس حبيباتي
وأتمنى من كل قلبي إنها تعجبكم والله الله بالردود اللي ترفع الرأس وتبيض الفيس
وراح أتقبل أي نقد بناء منكم
راح أعرفكم على الشخصيات :
فطوم : شخصية طيبة وحنونة وخوافة حتى من ظلها ودلوعة جسمها نحيف وشعرها قصيرمدرج لونه بني وعيونها ناعسة ...
مراايم : إنسانة قلبها أبيض تسامح الكل مهما يصير وما تشيل ف قلبها على أي أحد دبدوبة وطويلة وعيونها كبيرة وشعرها طويل لونه كستنائي...
سوسو: شخصية محبوبة يغلب على شخصيتها الغموض والكتمان تحب المغامرات لديها الجرئة في الدفاع عن نفسها وعن صديقاتها جسمها حلو وعيونها كبيرة وشعرها أسود وطوله متوسط
وطبعا أعمار البنات كلهم ( 19)
والبقية راح تتعرفوا عليهم في الرواية

في أحد شوارع الرياض وتحديدا في برج الفيصلية
فطوم : صبايا وربي تعبت خلاص ماعاد أقدر أتحرك >> طبعا البنات مابقو محل مادخلوه هما يقضون استعداد لرحلتهم لفرنسا وموعدها بعد أسبوع
مراايم : حتى أنا يا فطوم تعبت أقوى شي
سوسو : بنات كلنا تعبانات الحال من بعضه أمشو نروح مقهى
وافقوا البنات على رأي سوسو وراحوا مقهى وسوالف وضحك وتعليقات على الناس ومابقو أحد في حاله بعد ليلة متعبة رجعت كل وحدة لبيتها ...
مر أسبوع ....
وكان يوم السبت موعد رحلتهم لفرنسا راحوا البنات المطار بعد توديع أهاليهم وأنواع البكاء والدموع ...
وصلوا البنات مطار فرنسا
فطوم: واااااااو بنات أشكالهم تجنن مالت علينا
سوسو ضربتها بخفة : احمدي ربك يافطوم كلنا حلوات
مراايم : وأحلى منهم بعد
خرجوا البنات من المطار
مراايم : صبايا شو رايكم نتعشى بمطعم صراحة ميتة جوع
سوسو: والله وجبتيها مراايم أيام هنقري بس مين اللي راح تعزمنا
فطوم: أفا والله أنا راح أعزمكم
مراايم: تسلمييين يابنت الأجاويد
سوسو : مشكورة فطوم يعطيك العافية
فطوم : احم احم لا شكر على واجب وأحرجتو تواضعي وكبريائي
البنات : هههههههه
راحوا البنات وأخيرا حصلوا مطعم راقي دخلوا المطعم وجلسوا على أحد الطاولات
فطوم :تنادي باأعلى صوت يا محمد يا صديق تعال نبغى نطلب طعام
البنات : ههههههههههههههههههههه
سوسو : هيييه فطوم ويش تحسين فيه ترا منتي في السعودية
مراايم : أعذريها ياسوسو اللحين هي خارج التغطية من كثر الجوع
فطوم : احم احم بنات ماأسمح أحد يتكلم عني
سوسو: حاضرين لطيبين
جاء القرسون لعندهم وطلبوا كل شي يبغونه وأكلوا اللين شبعوا وكان وراهم شلة شباب سعوديين ومابعدوا عيونهم ع البنات وأعجبوا بالبنات كثييييير وكانوا يسمعون كل كلمة يقولونها البنات وميتين ضحك ع كلامهم وجاء القرسون لعند البنات يطلبهم الحساب فطوم قامت وبكل ثقة اعطته 100ريال وكلمت القرسون باإنو ماعندها صرف ياخذها ويرجع الباقي القرسون : يناظر فطوم ومستغرب وعلامة تعجب فوق رأسه ويتكلم ويصارخ عليهم ولكن لاحياة لمن تنادي وطبعا لها اللحظة الشباب قاعدين يطالعون فيهم فيصل قام وبكل ثقة راح عند القرسون وسئله كم الحساب وقاله المبلغ ودفعه فيصل المهم البنات تجمدوا في مكانهم وعلامة تعجب فوق رؤسهم وقاعدين يطالعون في هالشاب
سوسو : هيه يا الأخو وش اللي جابك ومين طلبك تدفع عنا حنا نعرف نتصرف
فيصل : والله الشهامة والكرم هم اللي خلوني أدفع عنكم
سوسو : علامة تعجب فوق راسها ودها تقوم تتوطأ في بطنه
فيصل : ابتسم ابتسامة ذوبت فطوم في مكانها ورجع عند أصدقائه وقال لهم السالفة وضحكوا على البنات وخبالهم بس انقهروا من حركة سوسو
وأما البنات كانوا يهدئون سوسو فطوم : حرااام عليك ياسوسو تهزئينه كذا قدامنا وقدام أصدقائه
مراايم : خير سوسو احمدي ربك إنه دفع عنا وأنقذنا من هالموقف
سوسو : لا والله هذا اللي ناقصني يدفع عنا ليه أخواته وأنا مدري
البنات سكتو عنها وماردوا عليها لإنهم يعرفون إن النقاش معها مافيه أي فايدة
فطوم : بنات والله أعجبني مرة وه بس جماله جنني وابتسامته شي
مراايم : إيه عن جد ليه ابتسم لك واحنا ايش معنا
فطوم : أكيد وبلا شك اني اعجبته وخق ع جمالي وه بس فديتني
البنات : هههههههههههههههههههه
وكملوا كلامهم وكذا الثلاثي إذ أجتمعوا مع بعض
خرجوا من المطعم ويبون يروحون للفندق اللي حاجزه أبو مرايم بما إنه يملك العديد من الشركات في فرنسا فله معرفة تامة بكل شي فيها وماقصر جاب لهم شغالة مؤقتة اللين يتأقلموا ع الوضع ف فرنسا
اتفقوا الشباب يلحقون البنات وبصدفة كان فندق(( لي قراند)) نفس فندق الشباب انجنوا الشباب وطاروا من الفرح وحسوا إنهم في حلم اتجهوا البنات لجناحهم وماحسوا بالشباب دخلوا البنات الجناح حقهم والشباب مالحقوا البنات فسئلوا الموظف الي في الرسبشن فقال لهم الوظف في الدور 25جناح 503طبعا الشباب وعلامة الإندهاش ةالإستغراب على محياهم لإن سكنهم بنفس الدور اللي فيه البنات بس مو جنب جناح البنات بعيد شوي وقلوب الشباب تدق طبول ومو مصدقين اللي قاعد يصير ...
اتجهوا الشباب لجناحهم ويالله إنهم ناموا من كثر الفرح والصدف اللي جايتهم ...
وطبعا البنات ناموا نوم عميق من كثر الإرهاق والتعب ...
ف الصباح عند البنات ...
ماما مريم ماما فطوم ماما سوسو قومي كولي فطور >>طبعا الشغالة تتكلم عربي
مرايم : كاسمين خلاص بأصحى
فطوم : تصدقين مرايم نفسي أتؤطا في بطن هالكوسة
سوسو: أأووووووووف بنات خلوني أكمل نومي
مرايم : اقول سوسو قومي معاي انا وفطوم قومي خلينا نفطر ونطلع نغير جو
سوسو: أوكي راح أقوم بس مو عشانك علشان خاطر الطلعة لا غير
مراايم : أقوول سوسو لايكثر
راحوا البنات يفطرون وبعد ماخلصوا كل وحدة راحت تبدل ملابسها
فطوم : صبايا شو رايكم نلبس أخضر
سوسو: وليه أيش معنى أخضر
فطوم : لأجل السعودية والله بنات وحشتني وحشة خطيرة
مرايم : كلنا يافطوم وحشتنا وكذا حال الدنيا
المهم بعد المشاعر الجياشة من البنات اتفقوا إنهم يلبسوا أخضر بعدين لإن سوسو ماعندها لبس بهذا اللون فأجلوها لبعدين
فطوم لبست بنطلون جينز وتي شيرت وردي وكاب وردي وفيه فيونكة سوداء وبالطوا أسود لإن الأجواء باردة وجعدت شعرها وحطت لها ميك أب خفيف وطالعة قمر
مرايم لبست بنطلون بني وتي شيرت نمري وكاب سكري وبالطوا سكري واستشورت شعرها وحطت ميك أب خفيف وطالعة جونان
سوسو لبست بلوزة ملونة كاروهات أحمر وأسود وبنطلون أسود وكاب أحمروبالطوا أسود وسوت لشعرها تسريحة ناعمة وميك أب خفيف وطالعة ملاك
بعد ماضبطت كل وحدة نفسها كل وحدة انبهرت من الثانية وكلهم طلعوا حلوات
وهما نسوا الشباب تماما أما الشباب فيا حظي كانوا منتظرينهم في الرسبشن فيصل يوم شافهم فرح من كل قلبه أن ظنه هو والشباب ماخاب وأخيرا ياشباب نزلوا وشفناهم طلعوا البنات من الفندق وماانتبهوا للشباب وخرجوا الشباب وراهم البنات يمشون وعم الهدوء بين البنات وقاعدين يتفرجون ف الناس والأسواق والحدائق
مرايم: بنات فيه هنا مجمع كبير وحلو شو رايكم ندخله نقضي لنا بعض حاجات
سوسو : أكيد مرايم بنروح ابي اقضي من هون
ها فطوم وش رايك
فطوم : بنات والله مالي خلق روحوا أنتوا
البنات مستغربين من كلامها
مرايم : أكيد فطوم تمزحين معنا
فطوم : والله بنات مالي نفس روحوا أنتوا وأنا بأنتظركم في هالحديقة
مرايم : شورك وهداية الله
سوسو : فطوم إنتبهي على نفسك
فطوم : أوكي ولا يهمك

لي مع الغرور قصة ©؛°¨غرامي جديد¨°؛©

را حوا البنات عند المجمع وبقت فطوم وحيدة بالحديقة والشباب كانوا قريبين من البنات ولاحظوا تفرق البنات مرايم وسوسو لحالهم وفطوم لحالها
سيف : هيه فصول تتوقع ليه خلوا فطوم بروحها
فيصل :والله سيفوه علمي علمك وحتى انا نفس السؤال خطر على بالي
ماجد : طيب شرايكم نروح لعندها
فيصل : والله فكرة ولا أروع لكن خايف تخاف منا
سيف : ليه إيش قالوا لك وحوش مثلا
فيصل : مو مسألة كذا بس بالله تخيل جايين عندها 3 شباب ماتعرفهم ولا شي يعني ماراح تخاف
ماجد : معك حق يافيصل
سيف : بنخليك تتقدمنا عشان تشوفك وتفتح نفسها
فيصل : أكيد ياسيف بأجي قدامكم آآآآآآآآه ياشباب والله حبيت هالبنت من أول ماشفتها
سيف : الله أكبر أيش ذا المشاعر السريعة
ماجد : نسيت ياسيف المثل اللي يقول الحب من أول نظرة
فيصل : يابعد شبدي وكليتي ياماجد مايفهمني الا أنت
ماجد : احم احم احرجتني
الشباب : ههههههههه
راحوا الشباب لعند فطوم
وفطوم كانت شاردة الذهن وتفكر في أهلها وكانت تفكر أنو ماتروح مكان إلا أبوها وأمها معها وسندها بها الدنيا وتذكرت إخوانها كيف يحبوها ويشتاقوا لحضنها الدافئ حست بخوف وقشعريرة تسري في جسمها ماكانت فطوم متعودة تجلس لحالها في مكان عام وبعد في بلد أجنبي تجمعت دموعها بعينها
بها اللحظة جو الشباب لعندها وقطعوا عليها حبل أفكارها وكان يتقدمهم فيصل وكان فيصل طاير من الفرح أنو بيروح يسلم عليها
فيصل : مساااااااء الخير فطوم
فطوم توها تستوعب انو في احد يكلمها
فطوم : وعليكم السلام أخوي
بها اللحظة ماجد وسيف ماتوا ضحك على فطوم لهاذي الدرجة ماتسمع واحد يقول مساء الخير تقول وعليكم السلام
فيصل كان ساكت لإنه شاف دموع فطوم طبعا الشباب توقعوا إن فيصل يتكلم ولكن خاب ظنهم فيصل انربط لسانه وماقدر يتكلم طبعا سيف لاحظ شرود ذهن فيصل فحب يتدارك الموقف
سيف : حبينا نسلم ونطمئن عليك أختي
فطوم : مشكور أخوي ماقصرتوا وكانت تتكلم بصوت متقطع ومبحوح نتيجة بكائها طبعا الشباب لاحظوا فطوم ودموعها وتعاطفوا معها كلهم بس ماحبوا يظهروا لها حتى ماتاخذ عتهم فكرة سيئة مشوا الشباب وخلوا فطوم بروحها وحلف عليهم فيصل إنهم يجلسون قريب منها لإن حالها يرثى لها وافقوا الشباب وتعاطفوا مع فيصل
فطوم جالسة بروحها تخيلت إن أحد بيأذيها من هالناس ومرت عليها أفكار وسواس
وهواجس ومن كثر التفكير والهواجس ارتفعت حرارتها وحست بدوخه قويه في راسها في هاللجظة أغمى على فطوم
الشباب أخذوا لهم وجبات خفيفة ورفض فيصل الأكل ولكن بعد إلحاح الشباب وافق
فيصل وهو يأكل غص في أكله لإنه شاف فطوم مغمي عليها وماجد وسيف كانوا مقفين لفطوم وفيصل مقابل لها فما شافوا اللي شاف الشباب أعطوا فيصل كم بوكس
وضربات على ظهره حتى تبعد الغصة اللي فيه وبينما كانوا يقومون بالإسعافات الأولية من البوكسات وغيرها كان فيصل يأشر على مكان فطوم الشباب طالعوا ويا للمفاجئة فطوم طايحة على الأرض شهقوا الشباب وراحوا لعندها وأخذوها على المستشفى
طمنئهم الدكتور إن حالتها مستقرة ومافيها الا العافية بس شوية ضغوطات نفسية وارتفاع في درجة الحرارة فأدت إلى الإغماء(( طبعا الدكتور يتكلم فرنسي ))
فيصل : وحاله مايسر لاعدو ولا صديق
سيف : خلاص فصول ماله داعي تسوي بنفسك كذا
فيصل وهو مسند رأسه على الجدارو ساكت ومارد على أحد
الشباب وقفوا بجنب خويهم وخففوا عنه
ماجد : فصول وسيفوه صديقاتها يمكن رجعوا اللحين وقاعدين يدوروا عليها
سيف : إيه والله صادق خلنا نروح نعلمهم
ماجد : طيب فصول كيف نروح ونخليك لهنا بروحك وحالتك كذا
فيصل : لا تخاف علي أنتو روحوا وسووا اللي عليكم
راحو سيف وماجد يدوروا على البنات
والبنات قد حاسوا المنتزه وهما يدورون على فطوم وبعد اليأس والبكاء المرير
رجعوا لجناحهم منهكات من التعب وأما الشباب فدوروا عليهم بالمنتزه وما حصلوهم وراحوا عند الفندق وصلوا الجناح دقوا عليهم الجرس وراحت سوسو تفتح الباب وكان حالها يرثى له هي ومرايم و كان واضح على سوسو التعب فتحت الباب وأول ماشافت سيف وماجد شكت في الأمر
سيف : تطمني خويتك مافيها الا العافية وطبعا اضطر إنه يستخدم هالأسلوب
لإنو لو يجيب طاري المستشفى راح تتأثر أكثر فهو حب يلطف الجو
سوسو : انهارت بكاء وقعدت تهز كتف سيف وتقول وينها , وينها
وطاحت على الأرض من كثر البكاء والتعب والإرهاق
وما قدرت توقف
سيف : علامات تعجب فوق رأسه كيف سوسو انهارت وضعفت في لحظة
بعد ماكان الكل يهابها نزل سيف لعندها وقومها خلاص ياأختي أذكري الله مافيها شئ
سوسو : بعد ماقامت بمساعدة سيف تتكلم ودموعها على خدها
وينها ووش صار فيها
سيف : هي اللحين بالمستشفى وحالتها مستقرة بس تعرضت لشوية ضغوطات نفسية
ولازم لها راحة
سوسو : ياقلبي عليك يافطوم والله ماتستاهلين اللي صار فيك
بها اللحظة أدرك سيف الحب الكبيربينها هي وفطوم

سوسو : أبغى أروح أزورها اللحين
سيف : لا يا أختي اللحين مافيه زيارة بس تطمني إن شاء الله تطلع بكرة
وتفرحين بشوفتها
ماجد : كان فاتح فمه على الأخر ومو مصدق اللي قاعد يصير في سوسو
وتمنى إن فيصل يشوفها لإنه ماخذ منها موقف
المهم خرجوا الشباب من عند الجناح وحس سيف بشعور غريب تجاه سوسو
مايدري هو حب أو شفقة على حالها مشاعر مختلطة يحس فيها
وفيصل باقي في المستشفى وراح يآخذ لفطوم شوية عصيرات
وكاكاوات دخل غرفتها وهي باقي تحت تأثير المهدئ
وباقي نايمة اقترب من سريرها وتأمل في وجهها
الملائكي حط فيصل الأغراض على الطاولة القريبة
من السرير وكان يبغى يخرج من الغرفة وطاحت الأغراض على
الأرض طبعا فطوم صحيت على هالصوت وماهي مركزة وقاعدة تطالع
لمصدر الصوت شوي ولفت إنتباهها شخص واقف
فطوم : تتكلم وصوتها متقطع أنا وين ؟؟؟
اقترب منها فيصل أنتي اللحين بالمستشفى
فطوم حست بخوف : لييييه ؟؟ وأنت مين
فيصل : أنا فيصل معاك بنفس الفندق وإحنا اللي أنقذناك يوم أغمى عليك
فطوم : وفي رأسها 100سؤال وحست قد شافت هاللإنسان قبل كذا بس وين ماتتذكر بس ماحبت تآخذ وتعطي مع أحد مالها خلق
فطوم : مشكور فيصل تعبتك معي
فيصل : تعبك راحة يا .... كان قصده يقول روحي وعمري وذاتي وكل شئ ف
حياتي لكن الله ستر وماإعترف بحبه لها المهم فيصل حس بالإحراج
واستئذن وخرج من عندها وحمد ربه أنو ماأعترف لها حتى ماتاخذ منه موقف
فطوم : ماتت ضحك على شكله وحست إنه بيتغزل فيها بس تدارك وخرج
وقاعدة تفكر ( وش يبغى هالأنسان , وكيف أنقذني , وكيف عرف اسمي , وعيونه فاضحته لايكون يحبني لا لا واستبعدت هالفكرة من رأسها أنا أول مرة أشوفه
لا يكون إنه يعرفني أو يكون من أقاربنا لا لا لا ))
من كثر التفكير نامت فطوم
طلعت فطوم من المستشفى بعد مانصحهم الدكتور خلوها تتجنب
أي ضغوطات نفسية لإنو لو زادت عليها هالضغوطات
راح يؤدي إلى مضاعفات لاتحمد عقباها
سوسو ومرايم في قمة الفرح والوناسة بسلامة وخروج صديقتهم
من المستشفى في نفس اليوم جابت الشغالة باقة ورد لفطوم
كاسمين مين أعطاك ؟؟؟
ماما في يجي بابا حلو كتير في قول وصلي هاذي عند ماما فطوم
فطوم : عرفت إنه فيصل و أعجبت بها الشخص وفي رأسها مية سؤال
وبها اللحظة جو البنات لعند فطوم
سوسو متخصرة : من مين هاذي ياآنسة فطوم
مرايم : مين أعطاك وليه ووش المناسبة
سوسو : ومن حضرته يعطيك ااااااه بس نفسي أشوفه كان توطيت في بطنه
مراايم : وبعدين ايش معنى فطوم تنحب واحنا لا
لا وألف لا
فطوم : بسسسسسسسسسسسس بنات حشا والله لوني داخلة اختبار كان ارحم
أووووووووووووف
سوسو : فطوم جاوبي من مين هاذي

الله الله بالردود وتوقعاتكم وش اكثر شخصية عجبتكم لها اللحين؟؟ بلييييييييييييييز ابي تفاعلت

الإبتسامه الحزينه ©؛°¨غرامي جديد¨°؛©

يسلمووووووووووووو خيتي رووووعه
وحمااااس كمليهااا بسررررعه
كلهم يجنوووون بس شخصية سوسو جناااااااااان
يعطيك العافيه تسلم يدينك...
اختكـ,,,..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1