غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-07-2011, 04:36 PM
صورة حرم المطوّع الرمزية
حرم المطوّع حرم المطوّع غير متصل
©؛°¨غرامي فعال ¨°؛©
 
الافتراضي والله لأتزوج المطوّع ! / بقلمي


السلام عليكم ورحمة الله

اخبار الكل , إن شاء الله بخير ؟


مالي بالمقدِمات والله , فبدخل سيدا للروايه عشان لا اطول عليكم
واتمنى تنال اعجابكم ورضاكم . .




رواية والله لأتزوّج المطوّع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-07-2011, 04:40 PM
صورة حرم المطوّع الرمزية
حرم المطوّع حرم المطوّع غير متصل
©؛°¨غرامي فعال ¨°؛©
 
الافتراضي رد: والله لأتزوج المطوّع !!


الرياض | 7 الا ربع الصباح



مِشت بين الاغراض المرميه عالارض واتجه للتسريحه وهي متبهذله موت , ورمت الملابسه المتكدسه عليها وجلست !
تأففت بنرفزه وهي وتربط شعرها ذيل حصـان بشبـآصه سودآ
" اففف تأخرت بالقومه اليوم "


صرخ اخوها من تحت وقال بصوت عالي : ورّد الاولاد عندهم مداارس يالله اخلصي عليهم عشان يمدي السايق يوديكم !!
ورد بعصبيه : طيب طيب
" يعني هم من متى يروحون بدري للمدرسه !! "
ناظرت شكلها بالمرآيه وقـَرأت بعض الاشياء المكتوبه عالاوراق الكثيره الملصوقه عليها واخذت شنطتها وعبايتها ونزلت بسرعه .



****



تحت
بالسياره " فورد فيلكس حمرا "

ورد تدخل : عبيدووه روح اركب ورى . .
عبد الله بعصبيه : لا مابي مدرستي قبل شغلك
" ناقصه بزارتك يعني " وقالت : اقول اخللص يالله اركب
تأفف عبد الله وركب ورى وهو يتحـَلطم
دخلت ورد السياره بعد ما سلّمت , وحطت يدينها على جوآلها وجلست تطقطق عليه لين توصل لشغلها . .



" وهذا جزء بسيط من حياتي المُمله
ايه صح , ما عرّفتكم على نفسي | انا ورد عمري 24 سنه
تخرجت من قسم المُحاسبه بالجامعه والحين صار لي سنه ونص اشتغل بالبنك :)


أما حياتي , فهي نفس اي بنت عاديه أعزبـَه , من الشغل للبيت ومن البيت للشغل
يمكن اكون شوي غريبه بالطبع | مثلا انا متشائمه جداً لدرجه اني احط عبارات تحفّزني عالمرايه عشان اقراها كل صباح مثل ماشفتوا توو > لكن والله ما شفنا شي تغيّر خخخخخـ
هاديه , حبوبه , دايم ابتسم , جريئه , وشوي فيضويه وضايعه بالدنيا هههه !

أما الكلـام عن شكلي الخارجي فأنا اقل من عاديه | طولي 158 مع انه ما يتناسب مع عمري المفروض اكون اطول من كذا وهذي هي عقدتي الوحييده > احيييه بس لا تفتحون الجروح القدييمه , اصلاً لو تحطون اختي الصغيره جنبي والله اختفي إهئ إهئ
واكره شي في الحيـآه الناس الطوال لأنهم يحسسوني بالضعف :(
أما وزني فهو 51 , وجسمي ناعمه تفاصيله وهاديه بشكل عام :)
لون بشرتي على سمار شوي , وعيوني عاديه لونها اسود
أما شفايفي حلوه وناعمه > عاد احلى شي فيني واموت عليها , تشوفوني كل يوم روج غير شكْل هههه , والخشم صغير ولطيف
شعري صابغته بنْي , ناعم مراا يوصل الى نص ظهري , دايم اربطه ذيل حصان وما احب الشـَياكه مراا وانا اشتغل > تكفين يا مديره البنك اوص اوص بس هههه !
اصلاً بصفة عامه انا مرتـَبه فقط , وماني راعية اسواق وماركات واكرهه الشخص اللي يتفاخر بهالشي
و بإختصار انا جداً عاديه ماني حلوه ذاك الزود ولـاني شينـَه > بس البزارين يحبوني واحبهم مدري ليه هههههه !


خلوني اكلمكم عن عائلتي شوي
حالتنا الماديه جميله ولله الحمد , والاستقرار العائلي توب
عايشين ببيت مُلك , وحالياً الوالد مسافر > عشان احطكم بالصوره




نبدأ برأس العايله بابا | انسان حنون ولطيف يحبنا كلنا ومايفرّق بيننا بشي , عمره 55 سنه يشتغل بالعقارات


زوجتَه < اقصد امي هع | انسانه كل شي عندها لازم عالصراط المستقيم , احيانا نحسّ ابوي ما يقدر لها هههههه , عمرها 51 سنه
عصبيه لكن حبوبه ولازم اللي عنده مشكله مننا يروح لها , ربّة بيت ما تشتغل


أما الاخوان فهم 4
نبدأ بالترتيب :)



حلا | اختي الوحيده , عمرها 20 سنه , طولها 166 ماشاء الله ووزنها 61 < والصراحه الصراحه احس انها بويه لما توقف جنبي هههه
مسكينه مع انها دلوعه وتحب الحركتات وكِذا , لكن للآن متعقده من طولها وحجمها بالنسبه لي > وانا اقول الخطّاب مايجون الا لها أثـاري على بالهم هي الكبيره يمكن !
خخخخخـ المهم , تدرس حاسب نفس تخصصي الجميل سابقاً > العايله كلها مستقبلها بالبنك جنبي ههههه
لطيفه , ومملوحه اكثر مني لأنها تحب تعتني بنفسها وهيك وراعية اسواق وبلاوي وهي الملجأ الوحيد لابغيت اكشخ بحالات الضروره
وأما الشبـه فهي تشبهني بعيوني وجسمي وتقاسيم وجهي , لكن فمّها صغير وشعرها كيرلي كاريه قصير .



اللي بعدوو > فيصل | 18 سنه ثالث ثانوي علمي , الولد اللي ما ينرد له طلب عند ابوي لأنه اكبر اولاده بعد بنتين < وامي من بعدها كله تجيب اولاد هههه
هادي جداً , شوي مغرور لكن طيّب وحبيب :)
طوله 170 ووزنه 67 , شكله الخارجي يخليك تحترمه غصبن عنك
ملامحه جاده جدا , وسماره حلوو , يحب يهتم بجسمه ويعشق الرياضه
وهو المفضل بين اخواني لأنه معطينا على جونا هههه



بعده عبد الله | 13 سنه اولى متوسط , هذا اخوي الخكري اللي ما بقى ولد بحارتنا ما عيّبوا عليه !
مسكين مراا ناعم اكثر مني ومن حلا :(
امي مدللته مراا وشايخ علينا هههه , ويعتبر حبيبها



وبالاخير الصغنطوط ياسر | 9 سنوات ثالث ابتدائي , هو صوت البيت بعد عمري , طييييب مرا وينقّص عليه
شكله لطيييف وصغنطوط > يعني المتوقع انه مستقبله قصير زيي خخخـ
يحب الكِل والكل يحبببه "


****


- ورد انزلي وصلنا بـَنكك
فزّيت من تفكيري على صوت حلا وتنهدت بشويش ونزلت للبنك . .
" مثل عادتنا كل صباحيه , نركب مع سايقنا ويودي الاولاد لمدارسهم بعدين انا , وحلا على حسب محاضراتها :) "


دخلت قسم النساء ومشيت بالدَرج اللي دايم اصعد منه
واول ما وصلت للمكاتب سلّمت عالكل وفصخت عبايتي الكتف المزخرفه بشكل بسيط , وعدلت شكلي وجلست على مكتبي اكمّل بعض المُعاملات اللي تركتها من أمس . .
" كنت لـابسه بلوزه نص كم لونها زهري رآيق من بربري , وعليه جينز سكيني ازرق "

سمعت بهاللحظه صوت وحده من اللي يشتغلون معي وهي تقول : ورد حبيبتي شوفي لي هالحساب , وحده من العميلات مستعجله عليه
رفعت رآسي واخذت الاوراق منها : اوك , بس ثواني اخلص من اللي بيدي
وأول ما جيت بنزّل راسي اكمّل , لمحت شخخخص جذّاب جدا جدا داخل من الباب !
صرخت بقلبي " لااااااااااااااااااا مستحيل !! "

أما الملاك اللي دخـَل مألوف عند الجميع خخخخـ
نزّلت نظارتها الشمسيه بكل غرور وهي تلقلق كأنها نجمه من كثر الالوان واللمعه اللي على عبايتها والاكسسوارات اللي عليها
والكعب يطقطق والعلك بالفم !

بلعت ريقي وانا ابداً مالي نفس اقابل هالانسانه خصوصا الـآن وانا مو كاشخه هههه !!
قلت بقلبي وانا اناظرها تقرّب من مكتبي " تكفيين تياامني لا تجين صوبي لاتجين !! "
قالت بغنج وذآك الصوت اللي يأخذ العقل : اهلين ورد
تحركت شفاتي لا شعوريا وابتسمت بكووول صعوبه وانا اقول برجفه : هـ .. هلا طـَرفه
تنهّدت طرفه بدلع وجلست عالكرسي وحصل اللي ماتمنيته ومدت يدها ومعاها بطاقتها البنك !
- شوفي لي وش قصتها مو راضيه تسسحْب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-07-2011, 04:45 PM
صورة حرم المطوّع الرمزية
حرم المطوّع حرم المطوّع غير متصل
©؛°¨غرامي فعال ¨°؛©
 
الافتراضي رد: والله لأتزوج المطوّع !!


مسكت البطاقه بكل حزن وانا ودّي ابكي واللهي :(


" فاصل للتعريف بعجوز ابلييس
هذا هو الجانب الشرير من الروايه , طـَرفه بنت عمي الوحيد | عمرها 24 سنه
وللأسف الاسف الشديد تدرس طب > هبببّ ماشاء الله , هذا اللي مايسمع كلام امه وما يذاكر :(
وتفف ماشاء الله آيه من الجمال الفتـّان , هي يكفي انها طويله خخخخـ
بياضها جذّاب ودلعها لايق عليها
أنيقه مراا مراا , كششخه , جذّابه , لطيفه , واثقه , وكل الصفات الحلوه فيها
بس الصراحه الصراحه انا اكرهها جداً جداً , دايم شايفه نفسسها عليّ وتتعمد تحرجني بكل شي مهما كان , مع اني والله ما ضريتها ابد ولا اذكر !
بس النفسُ وما تهوى "


****



طَرفه تلعب بشعرها اللي مستشور بكل عنايه : تعالي اقولك
تهمهمت وانا اشوف سالفة بطاقتها بالكمبيوتر : همم ؟
طرفه بإبتسامه خبيثه : امس بابا قال لماما انه واحد كلّمه عن خطبتي , عاد تدرين مين ؟

وانغرزت الاشواك بقلبي وكل مالها تتزايد
" الحقييره تتعمّد تجيب طاري الزواج وتفاخرها باللي يخطبونها "
بلعت ريقي وانا اسوي نفسي مشغوله : مين سعيد الحظ رقم 18 !
فاجأتي وقالت : 18 ؟! عادتهم والا تمزحين معاي !
انتبهت على نفسسي وبالصدق اني عادتهم بس ما ادري شلون زلّ لساني فجأه !!

رفعت راسي بسرعه وانا وجهي محمّر وباين عليّ مرتبكه وهذا عيبي الوحييد
قلت بإرتباك شديد : ههه .. ههه لا وين , بس جا هالرقم ببالي !
ابتسمت بخبث وهي تناظرني , وعَرفت انها كشفت كذبتي !!
سكتَت طرفه وماقالت شي لثواني

قسسم بالله حسيت الدمعه بتنزل من عيني , الا هالموضوع ما احب اصير قدامها رخييصه فيه !!
وش بتقول بقلبها , اكيد بتفضحني وتقول اني غيرانه منها عشان خطّابها كثاار !!
همست طرفه بصوت مُخيف : اي صح , اللي ناوي يخطبني ولد الفيصل
قلت وانا افكّر : أيّ فيصل ؟
قالت بغرور : التجار . .
رفعت حاجبي بشكل لطيف وقلت : بس مو مراا تجّار , عادي وضعهم !
قالت طرفه بغرور زاايد : لا بس تجّار بالنسبه لنا
رديت بهدوء وانا أسكّر الموضوع : الله يتمم على خير
طرفه : آمين " وابتسمت " بس للحين والله مافي شي اكيد ماجو توهم , يعن السالفه بس كلام
سلّكت لها وانا مو هامينيْ لا هي ولا خطابها , وجلست اكمّل شغل بطاقتها . .



****



وبعد فتره طبـَعت لها ورق المُعامله وعطيتها إياه وتوكّلت خخـ . .
عاد من بعدها وانا وجهي نحسس بهاليوم , كل المُراجِعات اللي جووني شِغلهم صعب ويبغى له كَرف !!
ولمّا صارت الساعه 2 ونص الظهر خلّص دوامي
اتصلت على سواقنا وقالي إنه يبغى يجيب اختي حلا لأن صادف وخلصت محاضرتها الحين وهي نست تقولي !
عاد انا عصّبت ودقيت على حلا وتهاوشت معها لأني كنت قافله من كثر الشغل , وقالت لي فيصل يجي ياخذني والسواق يروح لها , لكن فيصل كان عنده موعد اسنان
واتفقنا بالاخير إني اطلع للسواق بسرعه بحُكم إني بطيئه بجمع اشيائي وهيك , وهذآ اللي حصـَل . .



****




بفلّتنا , بعد ما وصلت
نزْلت من الدرج وانا لـابسه بيجاما برمودا اصفر ساده + بلوزه حفْر عليها تويتي , ورافعه شعري أي كـَلام وآكل ايسْ
تنهّدت امي وهي تناظرني من غرفه الاكل المفتوحه : رجَعت لبست مفصّخ !!
انا كم مره اقولك البسي شي سـاتر , لو يشوفك ابوك او فيصل وش بيقولون
رميت الايس بالزباله اللي بالطريق وانا امشي بكـسل واجلس على طاولة الاكل اللي كان جالس فيها عبد الله ووياسر – ومثل ماقلت ابوي مسافر وحلا بالجامعه لسى , وفيصل عند دكتور الاسنان –
- يما تكفين راسي مراا مصدّع ومالي خلق اموت حرّ
جلست امي وهي تصلي عالنبي وتعطيني صحن الرز : ليه وش صار اليوم عشان تصدعين ؟



" يييه على امي , لازم اعطيها التفاصيل , والله مرا خامله احس نفسي اذوب من الكـسل خخخخـ "
رديت عليها وانا آكل الغدا : ابد نفس العاده كله شغل
قالت امي : طيب , روحي نامي لك ساعه بعد ما تخلصين عشان تريحين , لأن اليوم اربعا وبنروح لبيت عمك
تأففت بضيق وانا راح عن بالي هالشي وقلت بخمول : اوك اوك . .


****


وبعدها بفتره خلّصت الغدا وتهاوشت مع ياسر وعبوود شوي , بعدين صعدت غرفتي انام عشان اصحى الساعه 5 العصر واجهّز نفسسي للزواره


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-07-2011, 04:50 PM
صورة حرم المطوّع الرمزية
حرم المطوّع حرم المطوّع غير متصل
©؛°¨غرامي فعال ¨°؛©
 
الافتراضي رد: والله لأتزوج المطوّع !!


" بس قبل لا انام خلوني اعرفكم على عمامي
اولاً ابوي عنده اخو واحد واخت وحده بس :)



نبدأ بعمي – ابو طـَرفه -
متزوّج حرمتين وحاطهم كلهم ببيت واحد , فيه شوية مشاكل بين الشريكتين لكن الوضع ماشي خخخـ
اول شي ام طرفـَة :
عندها طرفة 24 , وناصر 26 سنه

بعدين الزوجه الثانيه :
عندها ولدين بعد , محمد 12 سنه , وعبد الرحمن 10 سنوات




نجي الحين لعمتي |
إسمها فاتن , عمرها 36 سنه | مرا حبوبه وصديقة الكِل , مطلّقه وعايشه ببيت مُلك لها
وماعندها الا بنت وحده ,عمرها ثلاث سنوات " اسمها ليّان "


ابوي وأخوانه علاقتهم مراا مرا مراا حلوه , وكل عايلتي واخواني مسوين مِكسس مع عيال عمي وعمتي الا انا وطرفه بيننا عداوة سريّه خخخخخـ
وفيه روتين وحيد دايم نسويه كل اربعاء , لازم نجتمع ببيت احد العمام ونشوف الاخبار ونسولف ومن هالحـَكي , وهالاربعا عند عمي ابو طَرفه "


****



5 وربع العصر | بغرفتي


حلـا تصارخ وتشيل الشرشف عنّي : وررررد !!!
فزّيت من سريري وانا حالتي حالة كأني مجنون
ناظرت بحلا وقلت بنفس صراخها : خييير وش هالاسلوب , ماتعرفرفين تقوميني زي الناس ؟
حلا تتأفف وتعطيني مقفاها : المشكله فيك مو فيني ,صارت 5 وربع يالله يمديك تلبسين


حكيّت شعري المتناثر وناظرت فيها وهي تطلع , كـانت تجنن كالعاده كاشخه ومتزبطه !
قلت بكِره : الله واكبر ياللبس اللي بلبسه قالوا لك حلا !!
حلا تلتفت عليّ : لا اليوم لازم تكشخين , عمّتي فاتن عازمه وحده من صديقاتها
أنا بإستغراب " غريبه هذي جمعَة عائليه " : مين , اي صديقه فيهم ؟؟
حلا : مدري أمي تقول انها وحده صديقة العايله من زمان , كانت عايشه برا وتوها تجي وتبغى تشوف الكل
قلّبت عيوني وانا مالي نفسس اكشخ وقلت لها وانا اتنهّد : خلاص اجل جهزي الاستشوار ابغى اسوي شعري ويفي
حلا تسكر الباب وتطلع : يالله انتظرك
" قال إيش , قال صديقة العايله افففف بس "
قمت بسرعه وانا اتمطط والحمد لله الكـَسل اللي فيني راح , ورحت سيدآا عالحمام اغسسْل وجهي واصحصح
وبعدها طلعت ورحت للمطبخ أخذت لي كرواسان سفن دايز مع عصير توت وجلست آكل عالطاوله . .
وكل دقيقه اناظر عبود وياسر يمرون ويتهاوشون عالعِقل , كل واحد مضيّع لابس عقال الثاني هههههه



جاني فيصل بهالدقيقه وجلس جنبي يعدل شماغه
قال : مالبستي ؟
قلّبت عيوني اكره هالسؤال : يعني شايفني لابسه !
فيصل : يا برّدك بسس , صارت نص ترى . .
تأففت ومارديت عليه وجلست أكمل أكل
فجأه صرخت امي من فوق : ورد للحين مالبستي ؟؟
بوّزت وقلت بسرعه وانا اشيل عصيري وكرواساني : جايه جايه
وصعدت وانا اراكض عشان لا تهاوشني هههه


****



وبفتره مو طويله , لبست وتجّهزت وزبّطت حلـا شعري
كنت لـابسه فستان حرير توب قصير الى الركبه لونه يجنن
زهري فااتح مرا , وماعليه غير دانتيل بنفس اللون من الاطراف وكان لـايق على سَماري . .
ولبست عليه كعب عادي مو طويل لونه فّضي + عقد حلو > اععععشق الكعبات تراني هههه
سويت شعري ويفي وفتحته ولبست طوق نفس لون الفستان عليه وردتين . .
أما الميك أب فكان خفيف وهادي , قلوس لحمّي مع ظِل بني فاتح خفيف وكحل اسود
وبالاخير حطيت مناكير زهري نفس لون الفسسْتان



****




خلونا نروح لبيت عمّي نشوف وش يسوون بنفس هالوَقت !

كـان الوضْع مكركب لأن عمتي فاتن وصديقتها وصلواّ قبل شويْ
طبعاً كالعاده زوجات عمّي تحت عندها وطـَرفه تتكشّخ لآخر لحظه خخخخـ



****



بغرفة طرفه |
كانت قاعده تِخطّ الروج بكُل إتقان وهي قاعده عالتسريحه
فجأه دقّ جوالها اللي جنبها – ايفون –
مدّت يدها بسرعه بدون ما تحركه وحطت سبيكر
ام طـَرفه بعصبيه : وينك يابنت يالله الحرمه جتْ تعالي ساعديني بالضيافه
" يييه عاد امي , وش شغلة مرت ابوي يعني خخخـ "
طرفه تتكلم بصعوبه بسبب الروج : اوك اوك . .
وسكرت الخط , وعدلت شكلها بسرعه ونزلت
كـانت لآبسه فستان سماوي لتحت الركبه شوي موديل فرنسي , حفْر ومشجّر كلّه
مع كعب ابيض ساده + شعرها مستشور ستريت
نزلت من الدرج وهي تعدّل بأطراف فُستانها الانيق
والتفتت على المرآيا العريضه اللي بالممر الثاني وراحت بسرعه لها عشان تشيّك على شكلها آخر مرّه ! > ما تتتوب هالبنت ههههه

قالت بقلبها وهي تتأمل جسمها " ما توقعت الفستان يطلع حلو لهالدرجه , والله لتنهبل ورد لو تشوفني "


****


وأول ما جت بتتحرك إنتبهت لباب مجلس الرجال المطّرف وشافت شي لفت انتباهها !
راحت بلقافتها المُعتده وناظرت شوّي . .
ولمحت ابوها يدخّل شاب للمجلس
- والله ياعمْ وصلت , بس جيت اوصل الوالده لا تتكلّف
ابو طرفه : لا ابد حلفت عليك تتقهوى . .

كِل هالحوار ما شدّها كثر ما جلست تناظر بهالشاب اللي يعوّر القلب !!
ماهي قادره تشيل عينها عنّه ابد ابد

دقْ قلبها وهي تناظر هالشخص اللي ماعمرها شافت زيّه بالعالم
يلّفت الانتباه بصفاء وجهه !!
نقْي , مُلفت , يأسر كل بنت تشووفـَه !!



فجأه قاطع لحظاتها الخياليه صوت جا من ورآها
ورد بإستغراب : طرفه !! وش تسوين هِنا ؟!
إلتفتت طَرفه بسرعه على ورد , وانصدمت لأنها شافتها بهالموقف المُحرج !!




****







رأيكم يهمني اكيد
يالله شدّوا حيلكم بالردود هع . .



تعديل حرم المطوّع; بتاريخ 06-07-2011 الساعة 08:25 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-07-2011, 04:50 PM
صورة ابيك ومآابيهم الرمزية
ابيك ومآابيهم ابيك ومآابيهم غير متصل
©؛°¨غرامي مشارك¨°؛©
 
الافتراضي رد: والله لأتزوج المطوّع !!


الاسلـــــــــــــــوب خيــــــــــــــــآل والقصــــــــــــــه تفتح النفس بديتهـآآ روع ــــــــه تكفيــــــــــــــن علشــــــــــآني
ربي يسعدكـ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-07-2011, 05:01 PM
صورة حرم المطوّع الرمزية
حرم المطوّع حرم المطوّع غير متصل
©؛°¨غرامي فعال ¨°؛©
 
الافتراضي رد: والله لأتزوج المطوّع !!


ابيك ومآابيهم

ويسسعدك يارب
والله انتي الخيال بتواجدك معاي من البدايه
وان شاء الله رااح اكمّلها بعد ما اشوف التفاااعل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-07-2011, 05:02 PM
صورة ابيك ومآابيهم الرمزية
ابيك ومآابيهم ابيك ومآابيهم غير متصل
©؛°¨غرامي مشارك¨°؛©
 
الافتراضي رد: والله لأتزوج المطوّع !!


امآ طــــــــــرفه و ورد ذولـــــــــــــي نكته

اتوقع اللي كشف طرفه نــــــــــآصـــــــــر اخوهــــــــــــــــــــــــآآ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-07-2011, 05:13 PM
الجوري... الجوري... غير متصل
©؛°¨غرامي جديد¨°؛©
 
الافتراضي رد: والله لأتزوج المطوّع !!


..
<< هذي اول روايه تدخخخل مزاجي حسسيتها مره قربيه للواقع
ومشششاء الله اسسلوبك مممره بططل ...
ويحمسسس اسستنى البارت الجججاي لاتطططولين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-07-2011, 05:34 PM
البتول2010 البتول2010 غير متصل
©؛°¨غرامي مشارك¨°؛©
 
الافتراضي رد: والله لأتزوج المطوّع !!


الاسلوب تووووووووووب
نستنى البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-07-2011, 06:52 PM
صورة عبق اللوتس الرمزية
عبق اللوتس عبق اللوتس غير متصل
©؛°¨غرامي فعال ¨°؛©
 
الافتراضي رد: والله لأتزوج المطوّع !!


وااااااااو

عنوان الرواية شدني واتحمست قبل لا قرأ

أسلوبك رائع

وقصة الرواية جميلة

متى مواعيد التنزيل



عبق اللوتس...

والله لأتزوج المطوّع ! / بقلمي

الوسوم
صفحات البارتات ص 55
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قمر خالد / الكاتبة : حمران النواظر ، كاملة غرام زوجها روايات كامله - يتم نقل الرواية هنا بعد اكتمالها 90 29-05-2019 01:13 PM
غرامك صار عنواني و أنا قبلك بلا عنوان / كاملة الــــراقي روايات كامله - يتم نقل الرواية هنا بعد اكتمالها 2405 27-11-2016 07:27 PM
رواية والله دنيا و تذكرتوا و الله دنيا و إعتذرتوا / بقلمي نار الانتقام روايات - طويلة 41 01-07-2016 02:13 AM
مجنون سارة snuor ارشيف غرام 23 27-12-2012 11:48 PM
اه يلدنية اعيال عم او مايتعارفون غرشوووبة ارشيف غرام 11 12-09-2007 07:44 PM

الساعة الآن +3: 07:41 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1