منتديات غرام اجتماعيات غرام أخبار عامة - جرائم - اثارة شفت وحدة فلبينية تاكل مع زوجها وجبة وحدة ..... ياترى ليش؟؟؟؟؟
عنب احمر ©؛°¨غرامي مشارك¨°؛©

احدى المولات الكبيرة وجدت وحدة من شرق اسيا

هي وزوجها.. اتوقع فلبينية لأنها لابسة عباية

وكاشفة شعرها

المهم ... الدور الثاني قسم المطاعم .... جالسة

هي وزوجها على طاولة وبينهم وجبة واحدة من

ماكدونالدز الهمبورجر

قاسمينه بينهم .. والبطاطس بينهم .. واثنين

مشروب غااازي






بينما الطاولة اللي جنبها ... عائلة سعودية ... كل

واحد قدامة وجبة كاملة من نفس المطعم .... لا وبعد

سوبر سايز

..... والله جاتني لحظة تفكير .... وتفكير

يا ترى وش اسباب وجود وجبة وحدة بين الفلبينية

وزوجها ؟؟؟ هل هي اسباب صحية مثلا ؟؟

ام عادات ؟؟؟ ام ظروف مادية ؟؟؟ ام ماذا ؟؟؟

وحده من اخواتي كانت معايا<<<< جالسة تحلل

تقول ... ما اتوقع ظروف مادية .... اولا : لأنه شكلهم

نظااااف مو من الطبقة الفقيرة ... يعني باين عليها

ممرضة وزوجها

ممرض <<< اتوقع كذا

وجسمها والله يا بنات ... تقولي جسم وحدة عمرها

18 سنة عندنا ... ما اتكلم على هيئة الجسم لانه

معروف اجسامهم صغيرة ... انا اتكلم عن كتلة

الشحم ... نحيفة والله .. وزوجها كمان نحيف

... احتقرت نفسي والله ... لما شفتهم ... واحتقرت

نظامنا السيء .... لأنه انا اشتري لي ولأولادي كل

واحد وجبة كاملة..<<< ترجع سعوددية

لكن انقهرت لما شفتهم ... ليش يحافظوا على

صحتهم ... ليش ما اغراهم ماكدونا او هارديز او برجر

كنج ؟؟؟؟

كلنا نعرف مضار الوجبات السريعة .... ومع ذلك

نشتهيها بكثرة ... وعودنا اطفالنا عليها ...ونكافئهم

عليها

نفسي اعرف .. ليش كل دولة تحتفظ بعادات جميلة

عندهم واحنا لا... احنا متقدمين تكنلوجيا عن اغلب

دول شرق اسيا

لكن تفكير صحيح مافي ....

وكمان والله بمول ثاني .. شفت فلبينية وزوجها

بينهم واحد باسكن روبنز وملعقتين




بصراااحة لا تعليق ..

اصلا ما يذبحني بالفلبينيات او شرق اسيا ... لما

اشوفهم بالمولااااات اجسامهم سمبتيكة ... العباية

واقفة عليهم كأنها معلقة بعلاقة .... واحنا عبايتنا

مطعجة من كل الجهات على حسب تضاريس

الجسم
-----------------------

اتذكر مررررة رحت ماليزيا .. والله يا بنات رجال كبير

بالسن هو وزوجته ... اتوقع اكثر من 90 سنة لانه

ظهورهم منحنية

يمشون فوق الحصى <مخصص للمشي> علاج

لأمراض كثيرة وهو اكتشاف صيني ... يمشون

بعكااااز ...

اتذكرت عجايزنا .... فوق الابر المهدئة .... وعلاجات

قوية للركب والظهر .... وممكن تروح فيها من كثرة العلاجات ... ونسيوا

العلاج الصحي الطبيعي ....

كمان شفت واحد كبير بالسن ... اول ما تشرق

الشمس عندهم ... يلبس شورت عند الركبة والله

يمشي بهرولة

على الرصيف وبين شوارعهم المزدحمة ... طبعا

عندنا ما تشوفي مثل هذي الظواهر الا في شارع

الحوامل او شارع

مخصص للمشي ... وقليل تلاقي عندنا يمشوا...

لكن عندهم منتشرين بكل مكان


وحدة من اخواتي ...عاشت بأندنوسيا 3 سنوات

اول ما راحت هناك .. تقول زوجها يصحيها بالصبح

بدري

ويقول قومي قومي ابوريكي شيء ..... قامت

معاه ... قام فتح لها الطاااقة <<< الشباك بلهجة

اخرى

وقال لها شوفي النااااس من بزوع الفجر تمشي

وتهرول بالشوارررررع طبعا هي صارت كذا

مو متعودة تشوف كذا عندنا ... تقول العدد كل ماله

يزيد رجال وحريم ...كبار وصغااار <<<< مالت علينا

واحنا الخليجين نعفن نووووم


كانت عندي شغالة اندنوسية .... نحيفة و عمرها 38

سنة <ركزوا بالعمر > كل مرة تصلي الفجر .. تنام

على الأرض

<السيراميك> وترفع رجولها ويدينها وتسوي حركات

عشوائية بالهوى <<< تنشيط الدورة الدموية

ولعضلاتها

شافتها وحدة من اخوااااتي .... قالت نفسي افهم

؟؟ ليش لما جات عندنا السعودية ما تركت عادتها

؟؟ مو مثل بعض

الخليجين ... بس يروحوا لدول ثانية اتقلدوا فيهم ...

وينسوا عاداتنا وطبعنا ؟؟

ولا تلاقي اغلب رزهم ... بدون زيت وملح ... واحنا

نعرف اضرار الملح والزيت ... ومرة سالت وحدة

اندنوسية ليش ما

تحطوا ملح على الرز ؟؟؟ قالت كذا مدام عشان

جسم كويس <<<< مالت علينا مرة تانية

واحنا نشوفها شطارة زيادة الملح على الأكل ...

سوي بحث بقوقل واكتبي اضرار الملح <طبعا

باستثناء الملح الخشن> وشوفي العجب

.....

مرة كنت نفاااااس وجاتني وحدة ممرخة هي كبيرة

بالسن يعني اعطيها 60 او 70 سنة ... بس وربي

قووووية ما شاء الله

قالت لي ... مدام لازم كل شهر انتي سوي

مساااج .. جسم يصير قوي ... احنا بأندنوسيا كل

شهر يسوي مساج

حتى بنات صغير 15 سنة .. يسوي مساااج .. يصير

جسم قوووي ...

انا امزح معاها ... قلت لها طيب انتي جسمك مو

قوي <<<< استفزها ههههههه

قالت شوفي مدام انا يوريكي جسم قوي .... طلعت

فوق سريري ونطت بقوة على الأرض .. الصلاة على

النبي وعلى

قوتها ... انا ما اقدر انط زيها وهي عجوووز .. بصراحة

خلتني انخرس عن التعبير

اللي حابه اقوله لكم ....

ليش ما نكون وحدة مترابطة ... ونتعاون على الصح

ونبعد عن الغلط .... لا تنسوا انه المجتمع التأثير الأول

والأخير على

الفرد

طبعا كلنا شفنا مجتمع اليابان ... في برنامج

خواااطر ... ما يحتاج اعلق على الموضوع

وانا ركزت انه مجتمع ... وليس افرااااد ... كان احمد

الشقيري يعلق على عادات المجتمع وليس عوائل

منفردة

... يعني مثلا .. ليش ما نبتعد عن الأشياء اللي تضر

بصحتنا ؟؟؟؟ ويكون تفكيرنا ايجابي

الواحد لازم يبداه بنفسه اولا ... ثم عائلته .... ثم مجتمعه

انا انقهر لما اشوف كل دولة تهتم بعادات معينة

وظاهرة بمجتمعاتهم الا دول الخليج .. ماعندها

شيء يذكر غير الفلوس

والأرزااااق

الهند وباكستان معروف عنهم ... اهتمامهم

بشعورهم واغلب منتجات الزيوت من الهند

اندنوسيا - الفلبين - اليابان .... المساج واكلهم

صحي

زي كذا اقصد كل دولة لها عادات حلوة ...

صدق احمد الشقيري يوم قال على اليابان <مجتمع يستحق التقدير>

-----------
انا بدات بنفسي اولا ... صح مو ذاك التغير .. بس الحمد لله كانت بدايتي

صح ..... بدلت زيت العافية بزيت زيتون ماعدا الكبسة .. وقللت كمية الزيت

بدلت الملح الناعم بملح خشن ... من 4 اشهر

خففت الكبسات مرة وحدة بالاسبوووع بدل 3 مرااات ...لي سنة

-------

ياليت ندرس الموضوع بجديه .... ونفكر بصحتنا قبل فوات الاوان



وش رايكم بكلامي ؟؟؟ منطقي ولا انا مزودتها

حبتين؟؟ الموضوع دعوة للنقاش

ما راح اقول لكم .. ما احلل اللي تغلط علي او تسيء

للموضوع ... لاني عارفة انه ماقلت شيء غلط <<<

ام الثقة

انتظركم تفتحوا قلوبكم وتناقشوا ...

ودمتوا

منقوووووووووول __________________

جمال رباني ©؛°¨غرامي ذهبي¨°؛©

ايه صدقتي
انا بعد ودي رياضه وهيك ياخيتي
بس قمت اقلل اكل اكل كل شي
بس بكميات اقل

بدلت زبادي البقالات واللبن
بزبادي ولبن طبيعي من مزرعه
وجد قبل من يشتغل تكيف عضامي وعضامي
كني عجوز مو بنت عشرينيه
اكل مطاعم لا
بدلت شوربة ماجي الجاهز
بشوفان وحبة ماجي انا اسويها مع كوسا مبشور
جد فيها نفس الطعم بس صحيه ااكثر

الله يعطيك العافيه خيتي

jaklen ©؛°¨غرامي متألق ¨°؛©

اسمحيلي بالنسبه للفليبينيه اللي تاكل مع زوجها وجبه وحدة ليش ماكملت وماشربت بيبسي
اعتقد كلنا عارفين مضار البيبسي على العظم وعلى الكلى والكبد
طرررح رااائع

nawal- ©؛°¨غرامي فعال ¨°؛©

يووووووووه والله ماني فاضيه اسوي رياضه الصباح ابي انام

وبعدين هم يحبون الشغل والحركه الكثيره متعودين احنا متعودين ع الكسل

يسلموووووووووووووووووووووو

سهومه.. وطـآحت . . آورآق آلآمآآني / يَ غصـن

برجر كنج اككككره
يحطون لك طماط الله يكرم النعمه
المهم ادري اني طلعت برا المووضوع بس مافي شي اقوله !!
يسلمو ~

امجاد البواسل عضو موقوف من الإداره

وليه يغلطون عليك وين عايشين

بس ليه تناظرين بالفلبينيين خخخخخخخخخخخخخخخخ >خوذيها بصدر رحب

نجي للموهيم صراااااحه معاك حق وكلامك ذهب

ليه مانهتم بصحتنا وبأكلنا

وماله داعي كل واحد له وجبه مثال صيني او لبناني

اما ماك او برجر كنج لا ياشيخه زين تكفي واحد خلي العيال تاكل

بس الدوام عليها اكيد مو كويس

بس احلى شيء باللي قلتيه الرياااضه وربي شيء راائع

تدرين يجيني رعب من المشي حول بيتنا اماكن رائعه والحي ككل مافيه زحمه وفسيح

ومع ذلك مااحد يمشي الجارات لساتهم شباب واللي توها متزوجه

تمشي معاي مره مرتين وغير كذا يقولون نوم وتعب

كسلوني ماغير انا امشي ويدي على قلبي والباب مفتوح واروح حول البيت وارجع خخخ

طبعا ماامشي الا لفيتامين د الدكتوره تقوول ضروري وغير كذا تهضيم للبلع ههه

واحيانا القى حرمه كبيره كمان تمشي

بس للاسف مودايم بعد هي الثانيه عشان العظام

يعني صدق مجتمعاتنا فاشله >حكيتلك معاناتي مع اللي مو راضيين يمشون

مجتمع فاااشل بس شكلي بعمل توعيه للحي واخليهم كوولهم يغردون كل صباح

عاد تلاقين المتقاعدين بيرتصون واحرم عمري من الشارع هههههه


موضوع رائع لعضوه اروع الف شكر يا قمرايه

cod rede ©؛°¨غرامي مجتهد¨°؛©

والله ببداية الموضوع قلت حسبتو نوع من الرومانسيه قلت شحليلهم
بس يوم كملت كله من الواقع
واززيدك احنا االشباب لا جى وقت العشاء الواحد ماشاء الله عليه كل شي دبل او ساندويشات بجميع انواعها لازم
يخذ 2 وهذا موسم صيف الواحد نوم من الظهر الى المغرب وسهر صباح وليل
ولا تمارين ولا مشي الين الدراسه

والله موضوع رائع واعجبني

عــاشــق الحـــريه ©؛°¨غرامي نشيط¨°؛©

شي حلو




مرامي سلامت = شكرا بالفليبني ^_^

huzzen ©؛°¨غرامي جديد¨°؛©

والله يبالنا عشان تخف الشحوم ومانعيز بسرعه

مجرداحسآآآس ©؛°¨غرامي نشيط¨°؛©

تهون الوجبه لاكن المشكله
المفاطيح اللي ياكلون منها لما يشبعون هههههههههههههه

ويجيك السعودي له كرش الله لايبلانا تقل حامل با الشهر السادسه ههههههههه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1